|
--كيف بتعامل وياهم؟-- بسم الله الرحمن الرحيم السلام عليكم ورحمة الله وبركاته http://www.getawaybusinesscentres.co...lcome_hand.jpg التعامل نمر من خلال حياتنا اليومين بكثير من التعاملات .... فنتعامل مع الخدم والأهل والأصحاب والغرباء وغيره ... التعامل يحدد هويتنا ... فكل موقف يجب ان نعلم كيف سنتعامل به بالصوره الصحيحه... للتعامل ابواب عديده وتفرعات لا نهاية لها... هنا اتطرق لبعض منها لكي اصل بالنهايه لرأي يقنعني ... بداية ابدأ بالتعامل مع الاجانب والوافدين مع السياح الإنجليز .... تحصلوا شبابنا الله يهديهم يسبوا الإنجليز لنهم ما يفهموا فيرموهم بوابل من السب والشتايم وهم يبتسموا ابتسامه عريضه والإنجليزي بدوره ما فهم اللغه ولكنه فهم اللغه الوحيده اللي يفهمها كل من على وجه الأرض (الإبتسامه) فيبتسم... على باله انه يمدحه ولكن للأسف الشديد العكس... شرايكم بها الموقف... شبابنا يعاملوا الإنجليز معامله غير جميله من ناحية يسبوهم .. او يتعاملوا معاهم بطريقه سلبيه .. واحيانا يستهبل لهم ... والمفروض من رأيي نعاملهم بطرق محترمه واتيكيت عشان نبين لهم اننا ناس رزينين ... شرايكم انتوا... هل كل ما شفناهم ابتسمنا وعاملناهم معامله حلوه واحترمناهم وقدرناهم ... كلهم ... ولا نحتقرهم ونعاملهم معامله مب حلوه... هاي نقطه... النقطه الثانيه كيف نتعامل مع الهنود بالشارع ...سواء اللي يسوقوا السياره ولا اللي ينظفوا الشوارع رأيي انا .. اشوف انه الهنود اشتهروا بغبائهم ... انا الصراحه اتنرفز لو جدامي هندي لنه يسوق بخوف ونادرا ما نحصل واحد يسوق عدل .. انا لو شرطي بسحب عنه الليسن ... واللي ينظفوا مواترنا عند الباركنات ...يعني انا الحينه ياي بموتري ومركب الأهل وياي ...وهو لازق بالموتر مب راضي يوخر ...اقوله طوف الأهل بينزلوا وهو مب راضي إلا يغسل لي...يعني شسوي الحينه اعطيه طراق ولا شو ؟ انا عجزت عن ها الحل فساعدوني فيه شو موقفكم لو هندي على صوته عليكم وهزبكم ...شو ردة فعلكم ...عني انا ... الله يرحمه ×_× ما ادري هل ها غلط ولا لأ بس عني انا ما بقدر ايود عمري...بيعرف دواه كيف يعلي صوته علي... لنه هو اللي يا من برع ومب سايح طبعا ياي عامل...ويعلي صوته؟ يعني جنه يعلي صوته علي فبيتي ... هو الغريب المفروض يحترمنا مثل ما قال المثل ياغريب كن أديب عيل ما بالكم بناس حصلت تعاملات خايسه من المهنده وهم عيال البلاد ... يعني هو مسؤول ولا عنده حية موضوعي (يعني هو اللي يقدر يخلص لي موضوع معين) فيتبطر ويتكبر ... هل نحن ملزومين نخضع له وفي بلادنا؟ انا بصراحه كان مسؤولي بالدوام هندي...عرفت كيف اربيه ... عيل ايي ها آخر زمانه ويهزبني؟ هزبني مره بمكتبه جان اوقف ورديت عليه رد محترم خلاص ينطب ما يرمس.... خبروني هل انا غلطت ولا لأ ؟ النقطه الثالثه الخدامات فالبيت ... كيف بنعاملهم... انا اعاملهم بإحترام لكن اتمنى يوم اتزوج اتخلى عن شي اسمه خدامه فبيتي ...لني مول ما احبهم مع ذالك الحينه فبيتنا خدامتين احترمهم ... فيمكن حد عنده نقطه عنهم يخبرني صح سمعنا نص الخدامات جتلوا اليهال وياما سمعنا قصصهم فشو رايكم ؟ جاوبوني وناقشوني وعطوني الراي السليم ... |
{يا أيها الناس اتقوا ربكم الذي خلقكم من نفسٍ واحدةٍ وخلق منها زوجها وبث منهما رجالاً كثيراً ونساءً، واتقوا الله الذي تساءلون به والأرحام، إن الله كان عليكم رقيباً) الله خلقنا من نفس واحدة وجعلنا شعوب وقبائل وامرنا بالسعي في الارض والبحث ع الرزق الحلال اليوم دولتنا ولله الحمد تنعم بالخير وهذي العمالة مؤقتة نحن ما نحتاجها عقب ما نحقق الاكتفاء الذاتي ان شاء الله ودام انه الاجانب بقدمون لنا خدمة نحن طلبناها منهم متبعين قوانين الدولة ويحترمونها فليش ما تكون معاملتنا راقية معاهم ؟ ليش ما نحترم انسانيتهم؟؟ بصراحة اسمح لي اذا قلت انه اسلوبك في الطرح صدمني وين حسن المعاملة ؟ وين مكارم الاخلاق ؟ لا يمكن يكون تفكيرنا سطحي ونحكم بمجرد موقف فردي على كل الناس وبسبب حسن المعاملة والخير والامان اللي يحسون به الوافدين في بلادنا نسمع عن عدد كبير منهم دش الاسلام وهو مقتنع بديننا ما اعتقد انك ترضا نفس هالمعاملة يوم تسافر الخارج ديننا دين سماحة وطننا من اروع الاوطان دينه الاسلام هديه القران حصنتك باسم الله يا وطن متى استعبدتم الناس وقد ولدتهم أمهاتهم أحرارا؟؟ حاولت اختصر ردي والسموحة منك |
وعليكم السلام ورحمة الله التعامل الطيب له دور كبيير فى كسب الناس وتنعكس صورتك جدامهم بغض النظر عن تصرفات البعض وهذى غير مقبوله تماما لان الاحتقارر صفه مكروهه ومذمومه فى النفس البشريه هذا فى حال ان الشخص غلط فما بالك يكون الشخص ما غلط ويتم احتقاره لفكره معينه او تقليل منهم هذا من راي تصرف مرفوض ويعبر عن حاله مرضيه بالفعل يجب علاجهاا!!! انت اثرت كذا نقطه وانا بقولك راي فيها عن اللى يسبون الاجانب ويحتقرونهم هذا تصرف مش مقبول ابد مهماا كانت الفكرره عن ها الاجنبي فى بال الشبااب بس هو فى البلاد محترم قوانينها مثله مثل غيرره وان ما احترمهاا في قواانيين تحكمه فى الدوله ليش يتم التعامل معه بحتقاار ومسبتهم والاستهزاء فيهم يعنى دينا الاسلامي حثناا على سوء التعامل معهم!!!! بالنسبه للهنوود انا اتفق وياك اخوي انهم يخافون فى السواقه وها الشي يسسب مضياقات وحوادث احياناا وللحين ادور سبب خوفهم ما عرفته وليش ها الارتبااك فى السوواقه!! طبعاا مش كلهم في هنوود ياخووي عندهم جرآه وقويه بعد وفى الشااارع تحصله يسررع ويلعب بين السيايير ههه وانا قلتها من قبل فى كذا نقااش انه الهندي هو نزل مستواه وخلا العالم تحتقره او تشوفه اقل مستوي ويتمصخرون عليه لكن هل هذا مبرر ان نحن نحتقرهم ونحسه آله متحركه الكترونيه تراه انسسان فيه احساس مثله مثلنا ولازم نحترم انسانيته على الاقل!!! موقفي اذا الهندي رفع صوته علي اكييد الله يرحمه ههه اذاا هو الغلطاان وانا ويااي الحق ومش بس الهندي اي شخص يغلط لازم يتحمل نتيجة غلطه! بس انى انا اكون ظلمه بشي وهو يدافع عن حقوقه اكييد الله يرحمني انا لاني بتحاسب على ظلم انسان!!!! وعن الخدم لازم تحترمهم ونعطف عليهم والرسول وصنا في ها الشي وعن قصص قتل اطفال والسرقاات هذى موجوده وسمعنها وايييد بس مش مبرر حقنا ان نعامل الكل ًبمنظور انهم مجرمين ً وشكرا لك اخوي على طرح الموضوع الجميل واحسنت الاختيار بصراحه@@ تح يـاتيٍ |
اقتباس:
اما النقطه الاولى قلت لك انه بنعامل الأجانب معامله حسنه ولكن طبعا في منهم واللي هم السياح يمصخوها بعد شوي...نحن دين الإسلام يرفض انتشار الفاحشه والفتن والإنجليز ما يقصروا من هاي الناحيه ...وبزيدك من الشعر بيت ...تحصل بنات للبيع للأسف ... وانا ما كنت متأكد إلا لما ربيعي خبرني حصل له موقف ...رايح المسيد نازل من الشقه بدبي وبالأسف حصل مجموعه من البنات الأجانب ...يبونه ×××××× بفلوس.... شرايك؟ ... الريال عنده غريزة بعد انه يفتتن بهاي الاشياء وها شي طبيعي.... احترام الأجانب واجب لكن مب الكل.... اما النقطه الثانيه عن الهنود ...اسمحلي الظاهر انت ما تعاملت معاهم عشان تعرف مدى ..حقارتهم ... وانا ما اجمع على الكل الأغلبية العظمى منهم شينييين نفس ...وحصلت لي ولربعي مواقف لا تحصى منهم ... اتمنى انك تعيد النظر في الامر وتفكر اكثر بهاي النقطه ....والسموحه منك |
اقتباس:
صدقتي انه ماله ذنب لو نحتقرهم على اساس فكره معينه لكن لو معاملتهم فيها حقاره ...فلازم نعاملهم بالمثل الصراحه من حييت ما شفت بحياتي هندي يسوق عدل ويمشي بين السيارات ودي اشوف لكن للحين ما شفت ×_× هو صدقتي ما نعامله معامله الحيوان ولا غيره لكنه يجبرنا نعامله معامله تليق بمستواه ×_× وعلى الخدامات...المشكله اختي اننا ما ندري بالبدايه هل هاي بتسوي لنا مشاكل ولا نيتها زينه صارت فبيتنا بلاوي من سبتهم ...وللحين نعاني منهم ... ما ادري شو الحل ويا الخدامات >< اشكرج اختي على مرورج ورايج الجميل...شكرا..^^ |
السلام عليكم ورحمه الله وبركاته صبحك الله بالخير والسرور أخ بوس :) في البدايه أحب أشكرك على طرحك لهالموضوع الحلو وألا وهو التعامل والتعامل شي مهم في حياة الشخص لابد يتعلم كيفيه التعامل مع الناس راي في النقطة الأولى واجب على كل شخص أن يحترم الآخرين ولو اختلفت الديانات فديننا الإسلامي حثنا على احترام الناس واحترام دينهم ( لكم دينكم ولي دين ) فلا أعتقد أن دين الإسلام حثنا على رمي الألفاظ الغير مناسبة لأي شخص بدون سبب وحتى لو كان هناك سبب فكل شخص يعكس صورته بأسلوبه أمام الناس وينشأ كل شخص حسب تربيته أما رأي في النقطة الثانية أنا صح كنت أتنرفز من سواقتهم لكن لا أحتقرهم فنحن كلنا عيال آدم وما شي فرق بينا ولا تنسى إن دولة الإمارات فيها نسبة كبيرة من الهنود وإلهم فضل فدولتنا قايمين بأشياء وايدة المواطن بروحه مب قادر يسويها صحيح إن في مقولة انقال فيها عامل الناس كما تعامل ولكن فرأيي عامل الناس كما أنت وكما تربيت عليه انت تقول على صوته عليك نصيحتي لك أي حد يغلط عليك كلمه بأسلوب حلو بحيث تجبر الشخص اللي غلط عليك يستحي عدمه ويعتذر هذا أسلوبي مع الناس :) وانت لك رايك أما النقطه الثالثة رايي المفروض نعامل الشغاله معاملة حسنه ولا ننسى إنها متغربة عن أهلها عشان لقمة العيش والمفروض نراعي هالنقطه ومستحيل الشغالة اضر صاحبة البيت لو كانت تعاملها زين ولكن أنا أفضل إن الحرمه تعتمد عنفسها وما تعتمد عشغالة لأن بصراحة الحريم أحينه ما يعتمد عليهم بشي وجود شغالة بالنسبة لربة البيت دمار وأنا ضد اعتماد المرأة عالخادمة وياليت يمنعون الشغالات من الدولة عشان يتأدبن الحريم ويظهرن راعيات بيت صج :8: في الأخير أشكرك على الموضوع الحلو عيبني وأكيد لك تقييمي لا عدمناك ^^ |
السلام عليكم ورحمة الله وبركآته مسآء الخير .. هلآ البوس منآفسي في النقآش خ خ خ .. الله يوفقك آخويه ف المسآبقة .. نعود لمحور حديثنآ .: فن التعآمل مع الآخريــن .. فن لآ يتحقق الآ اذا عرف الشخص كيف يتعآمل مع نفسه ! كيف يتحقق هالشي ..! الوآحد يوم بيعرف كيف يحترم نفسه و يتآكد بآن آخلآقه عآليه بكفآية ..في هالوقت بيكون هو مؤهل انه يتعآمل مع الآخريــن بشكل ممتآز ويظهر بالشكل اللي يرضي الطرفين. يالله ننآقش الموآقف اللي آنت ذكرتهآ .. (1) : كــل وآفـد على آرض دولة الامارات العربية المتحده المفروض نعآمله بآخلآق عآليه حتى لو هالشخص ما فهم اللغه اللي نتكلمهأ بس فرضآ ان هالشخص الآجنبي يفهم اللغه شو بيكون موقفك وانت تسبه و هو يبتسم و يقول لك انه فهم ! كذى مرة شفت هالموقف قدآمي . بنت في الكلاس تتكلم عن السير والسير يبتسم ومن تخلص يقول لها اني فهمت .. المفروض نحن كمسلمين نتحلى بالآخلآق العآليه .. واللي تعكس هويتنآ وتربيتنا الصحيحه والمغفور له الشيخ زآيد وصآنآ بهالشي .. فنحن كعيآل زآيد المفروض نرفع رآس دولتنآ مآ آ؟ني حد منآ بيرضى يآ خويه ان يتوآجد في دولة ماآ وان حد يسبه هنآك لآنه يعرف ان هالشخص ما بيفهم له .. (2) : ليش نتكلم عن الهنود بشكل خآص .. كل قضية و صفــه " تخــص لآ تعم " فهنآك موآطنين مآ يعرفون يسوقون مثل ما هو مطلوب منهم .. وفي اخوانآ الوافدين من لبنان او سوريا او مصر او الماني او امريكي .. الخ في دولة الامارات فوق ال 100 حنسية فليش نحن كل ما يستوي شي قلنا هنود وهنود !! مش الهنود هم اللي يشتغلون عند العوآئل ك " سآئق " وفي الشركآت او المطاعم او ....الخ اما عن الهنود اللي ينظفون في بآركنآت المولآت او غيرهآ من الاماكن . يآ خوي هاآي وظيفتهم انهم يركضون ورى الناس ويسآلونهم اذا يبونهم ينظفون او لآ .. آمآ إذآ الهندي آصر انه ينظف ف بالكلمه الطيبه اتقول له لا ما يحتآي حد ينظف الموتر او تقول له اي شي .. بس من غير سب او شتيم و ضرب ..! هو ف النهآية آدمي و يبآ يترزق ..! هههههه .. آخوي انت ترضى انك تسب الريال و تشتم فيه .. وما بترضاها على عمرك اذا انت ما تحب هالشي لنفسك اكيد هالهندي له مشآعر وما يبآ حد يغلط عليه صح بنت عمي في سنه من السنوآت سآروآ الهند و لو تسمع عن المعآمله اللي شآفوها بتستغرب ..يعني من عرفوا ان هم مواطنين من دولة الامارات تموآ يتعآملون ويآهم بشكل سئ .. لآنهم بكل تاكيد عرفوا كيف المواطنين يتعاملون ويآهم في داخل دولتهم .! آخوي انت عآمل النآس مثل ماآ تحب انهم يعآملونك وبترتآح صدقني .. اذا انك تحب ان اسلوبك الحالي ينطبق عليك كمله واذا تشوف انك بتتضآيق من هالاسلوب غيره .. (3) الخدآمآت الحين من الضروريآت اللي في البيت ... شغل البيت كثر و لآ تنسى الحين الحريم يطلعن ويشتغلن .! منو بينظف منو بيطبخ منو بيسوي ويسوي ويسوي ..! وحتى لو ان ربة البيت مآ طلعت بس تحتآج للمسآعده و الخدآمآت هن الحل . انا ما اقول نعتمد على الخدآمآت بشكل كلي .. بس ع الاقل الاشياء البسيطه واللي ما لها دخل في عائلتي بخليها تسويه لآ تنسى الخداآمه يوم انهاآ سآفرت و اتغربت و دآست على كرامتها و اشتغلت خدآمه في بيت كل ها ليش لانها محتآجه وهي تتوقع اتشوف تعآمل طيب .. مآ نقول نسوي لها قدر بس ع الاقل نحترمها وما نقلل من شآنهآ لانها في النهاية انسآنه ويآيه تشوف رزقها وتروح ولآ تنسى ان الانسآن محآسب على كل كلمه يقول ها للخآدم عنده انا ما اذكر بالضبط شو اسم الشخص بس في خادم كان عند الرسول صلى الله عليه وسلم وقال عمري ما سمعت كلمة اف من الرسول . ليش ما نخلي رسولنا قدوتنآ في كل شي حتى في تعاملنا مع فئة الخدم .! آسمح لي آخوي كآن طولت عليك بس هاللي في الخآطر .. تسلم ع طرحك لهالموضوع .. يعطيك العآفيه لآ تحرمنآ من اليديد ^^ |
وعليكم السلآم والرحمهـ طريقة معاملة الشخص للنآس تدل على شخصيته و أغلبية الناس ياخذون فكرة عن الناس من أول موقف فأظن نحن لآزم نعطي للسيآح والعآملين في الدولة فكرة عنهـ فكرة تدل على أنه نحن ناس نحترم الأجانب والوافدين وغيره ... و هـآ تصرف غلط من الشباب انهم يسبون الأجانب وشياتهـ .. يعني لانت أحسن من الأنجليزي ولآهو أحسن عنك إلا في التقوى .. وماعرف ليش هاييلا الشباب يسبونهم يعني الاجنبي انت ماتعرفة ولايعرفك عشان تسبة وتعامله بالهطريييقة. و حتى معآملة الخدامة في نآس يعاملون العاملآت عندهم بشكل فظيع ع كل غلطة صغيرة يمكن يظربونهـآ ويعاقبونها ولآ يخلونها تاكل .. نسمع هالاشيا دوووم فالجرآيد .. فاكيد العاملة مابتسكت ع هالشي وبترد لهم يآ انها تسحر العآيلة أو بتسوووي شي فعيآلها وعقب الناس تشتكي انه الخدم مامنهم امان وشياته لو يجوفون معاملتهم الوحشية هي لي تخلي الشغالة تسوي جي بس صح في بعضهم انه مامنهم أمان بس مب كلهم و بالنسبة للنقطة الثانية .. صح كلامك تجووف بعض الدريولية مادري شو ييهم يسوقون ببطئ فظييع أو بسسرعة وهاشي غلط .. المفروض تسوق بسرعة مقبولة ومب بس السرعة حتى تجووف أحيانا انهم مايسوقون سيييدة ع خط واحد يتمايل يمين ويسار مثل السكرآن .. وحتى هاييلا لي ينظفون السيارات غصبـآ عن خشمك تنظف سيارتك حتى ولو كانت نظييفة وهـآ تصرف غلط منهم .. يخلون الواحد يعصب عليه ويتنـآزع .. بس الحل الصح أنك ماتعصب عليهم أخوي لآزم تمسك أعصابك وتكلمه بهدوء وتنصحة لنه رسولنآ عليه الصلآة والسلآم نهى الغضب .. ولازم تنصحة بأسلوب منآسب واللين في الكلآم |
بداية أخوي العزيز *BOSS KK* موضوعك جميل في طرحه لكن يفتقر إلى الحيادية والإنصاف وأحس بمعاناتك وما ألومك الصراحة بس أبعد عن العنصرية، فهي بداية للتعالي على الآخرين ولا تنسى إنك انته فتحت لهم المجال عسب يدخلون بلادك وانته المسؤول الأول عن تصرفاتهم بسبب ضعف الضوابط والقيود اللي من شأنها توقف كل واحد عند حده وكذلك نحن بحاجة إلى القوى العاملة ومثل ما قلت انته أغلبهم من الذين لا يستعملون عقولهم ولا يهلكون أنفسهم ويكلفونها بالتفكير فشو تتوقع غير اللي تشوفه !! نرجع للإجابة عن تساؤلاتك اقتباس:
اقتباس:
هالتصرف غير أخلاقي بالمرة، وللأسف إنه يتكرر بشكل مستمر وكثير من المواقف احصلت جدامي، ومن كلا الطرفين يعني حتى الأجانب بعضهم سليطي اللسان، وتهجمون على اللي ما يعرف اللغة الإنجليزية وفي كم موقف صار جدامي، من وجهة نظري تراه هاي التصرفات فردية وتبنى وتنفذ من واقع تربية الإنسان، فاللي تعود على احترام الآخريم ما يهمه إذا كان جدامه مواطن أو وافد أو أجنبي كلهم يحترمهم ويقدرهم .. واللي ما تربى على الأخلاق حتى على كبار السن والمواطنين وجميع الجنسيات راح يكون غير مهذب "وقح" في التعامل معاهم يقول الله تبارك وتعالي في الاية 17 من سورة الانعام ((وَلاَ تَسُبُّواْ الَّذِينَ يَدْعُونَ مِن دُونِ اللّهِ فَيَسُبُّواْ اللّهَ عَدْوًا بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِم مَّرْجِعُهُمْ فَيُنَبِّئُهُم بِمَا كَانُواْ يَعْمَلُونَ)) ويقول المصطفى صلى الله عليه وسلم: ((وخالق الناس بخلق حسن)) أو كما قال صلى الله عليه وسلم اقتباس:
عاد سواقتهم .. غناك الله عنها تيييب المرض ... خاصة إنهم في دبي متعودين على الجسور والطرق الطويلة خلهم يسوقون في العين أو أبوظبي ودك تنزل من سيارتك وادق على دريشة سيارتك واتقول دخليك تحرك فكنا :522: اقتباس:
يا ريال لا تعصب، تراه قصده إنه يبا يترزق، ولا تنسى إنه في هنود غيره يبون يتصيدون لسيارتك عسب جيه يسبقهم ويلزق فيك عسب يكسبك ويغسل سيارتك وتقرقش له مخباته الحل عطه خردة (اللي الله رازقنه) والله يجزيك خير يا رب اقتباس:
أغلبهم هالأشخاص يايين من ثقافات وعادات وتقاليد مختلفة عننا 180 درجة وما نعرف أصلا طبيعتهم في التعامل مع الآخرين صحيح إنه المفروض يحترمني لأني أنا بالفعل فتحت لها الدار وآويته بعد ما كان مشرد في بلاده لكن في نفس الوقت، إذا أنا كنت السبب في نرفزته فالتمس له العذر أما إذا هو متنرفز بروحه وياي يتعنطز علي ^^ فخبرك عتيق إذا انته ×_× جيه أنا بسويه صالونه وبعلمه إنه شقايل يحترم الدار اللي هو فيها :090: اقتباس:
حتى لو كان مسؤولك ، فالمفروض يحترمك كونك موظف في الشركة ومش خادم في بيته ..!! تصرفك جميل جدا وراقي، لأنك رديت عليه بإسلوب محترم وفي مكتبه عسب يعرف يقدره اقتباس:
يا خوي العزيز ... الخدامة شر لابد منه وأغلب هالخادمات غير مسلمات ولا حتى لهم دين يتبعونه بوذه أغلبهن، والمفروض نعاملهم باحترام لسبين 1. الرسول صلى الله عليهم وسلم كان يعامل الناس وحتى الكفار معاملة حسنة، وقال رسول الله صلى الله عليه وسلم: (أعط الأجير حقه، قبل أن يجف عرقه) أو كما قال صلى الله عليه وسلم 2. هالخدامات ما تعرف لهم، اليوم تهزبها باجر هي اطلع حرتها في عيالك أو إخوانك الصغار، أو حتى فيك وفي اكلك وشربك، اتق شرهن يا ريال واللي ما تعيبك سفرها وريح بالك ولا تهزب أهم شيء صحتك وأهلك شاكر لك مشاركتك الجميلة لهمومك اليومية ويعطيك ألف عافية يا ربي |
آلسلآم عليكم ورحمه الله وبركآته مسآء آلورد , آلنقطه آلآولى , سبحآن الله ! هآلشي مآبتلقآه بس في شبآبنآ , بتلقآه فآلعرب وآلمسلمين بشكل عآم لآنهم خذوآ فكره سلبيه عن آلآجآنب , وآنهم مآكلين حقوق آلعرب , وهم آلسبب في آلمشآكل آلسيآسيه آلي تدور فآلعآلم آلآسلآمي , وآمآ عن آلشبآب , يحسون آنهم بدوآ ينظلمون في بلآدهم وآن آلآجآنب موفرين لهم متطلبآت وآسآسيآت للآجآنب آكثر من آهل آلدآر , -> آلبعض يوآفق هآلنقطه وآلبعض يعآرض كل آنسآن و وجهه نظره , آلنقطه آلثآنيه , مب بس آلهنود حتى في عربيين يرفعون آلضغط , وهآلشي يعتمد على آلشخص نفسه ومعدل آلتحمل ومسك آلآعصآب عنده , آلبعض عنده طوله بآل عجيبه , وآلبعض آبد مآيتحمل دقني بنقع , آلنقطه آلثآلثه , آلخدآمآت آنآ بصرآحه آحب آعآملهم بطيب وآحترآم , تكفي وصآه آلرسول عليه آلصلآه وآلسلآم عليهم , ولآزم نآخذ بآلوصيه مع آن آلبعض منهم مآتفيد عندهن هآلمعآمله , وبيني وبينك آنآ آلخدآمآت مآ آبلعهن , آحس وجودهن دآخل عرض , بس آلحآيه بنت حرآم كل آنسآن له آسآس تعآمل يختلف به عن آلغير , آلبعض منهم تعآمله رآقي وآلبعض دفش ومآعنده آسلوب , ولكن .! يشوفه آن تعآمله صحيح يعني هآلشي يرجع للشخص نفسه , ومن آلآفضل آن آلوآحد يعرف كيف تعآمله ويآ آلنآس ويحآول يعرف آذآ هآلتعآمل يتجآوبون ويآه آلنآس آو لآ , وآذآ شآف آن تعآمله ويآ آلنآس غير مرغوب يحآول يغيره ويتخذ له آسآس غير آلي متخذنه يعطيـك آلعآفيه خيي .’ لآخلآ ولآعدم آن شآء الله .~ |
وع‘ـــليكم السلام ورح‘ــمة الله وبركاته.. يــآ مرحبا بأخويه البوس ( مخاوي الإبداع ) ههه.. احم .. نبدأ بالنقاش.. قبل كل شي نحن لازم نفهم شو يعني التعامل وكيف نتعامل مع الناس.. التعامل فن ممكن نرقى به وممكن العكس.. ولو تشوف وتسمع وتقابل الناس يوميا وتتعامل وياهم تكتشف أنهم مثل معادن الأرض كلن وطبعه وكل واحد يعكس البيئة اللي تربى ونشأ فيها.. ودام أن معادن الارض تختلف فــ الناس يختلفون بعد.. ونحن كــ مسلمين ليش ما نعكس معدنا الأصيل ^^ بالتعامل مع كل البشر بمختلف الأجناس مهما كانت لغتهم أو ألوانهم أو حتى دينهم.. يعني أنا تعاملي مع الأجنبي بيكون مثل تعاملي مع الهندي مثل تعاملي مع غيره وغيره .. صحيح أن المواقف تحكمنا في بعض الأحيان.. بس نحن لازم نعرف منو نحن وكيف أن عندنا رقي بالتعامل وأن الرسول صلى الله عليه وسلم هو اللي علمنا.. أنت حددت فئات والمجال واااسع لو نتكلم فيه ما بنخلص .. وأنا ما أبا أتشعب ^.^.. نظرا للإكتساح الحاصل وانقراض المواطنين الواحد قام يلاحظ أشياء وأشياء.. بالنسبة للنقطة نمبر 1 : مب من حق أي إنسان أن يستهزأ بغيره سواء كانوا انجليز ولا غيرهم .. يعني أنا للحينه ما فهمت شو المغزى من هـ الحركه ؟! شو الرسالة اللي يبون يوصلونها ؟! هل هم يبون يقولون أنهم مب حاسين بالأمان من هذا الاكتساح ؟! >> حلوة هذي هع.. هل هم يبون يوصلون أن الأجانب وايد خذوا راحتهم بالبلاد ؟! بس مب عارفين يوصولون ها الشي بطريقة سليمة .. نحن نرجع وانقول يمكن يكون طيش شباب لا أكثر بس بعد هذا مب مبرر.. حلو أن نحن نعيش حياتنا ع مبدأ حسن التعامل .. انجرب ليش لأ وإذا كنا نبا انوصل لهم رسالة فالتحاور هو حل .. النقطة نمبر 2 : ههه بالنسبة لي ما شي انسان غبي يا أخويه بس مستويات التفكير تختلف بين شخص وآخر وبين بيئة وأخرى.. ونحن ما نقلل من شأن الهنود لازم ما ننسى أن الهنود يشتغلون شغلات المواطن ما يفكر يشتغلها >> ما أعمم.. بس بعد أرجع أقول أن في هنود الصراحه يرفعون الضغط .. شفت كيف نحن ما نبي نتعقد ولا نعقد ..الناس معادن وأطباعهم تختلف وسواقتهم بعد تختلف ههه.. وأنا أتفق وياك بهــ النقطة بس ما أظن اان الهنود بس اللي عندهم مشكلة بالسواقه ^.*.. اقتباس:
ههه لالا الطراق مب حل .. كل شي بالهداوة ينحل خذها مني وأنا اختك.. لا تحاول انك تكبر الموضوع إذا هو غلط وتلصق فيك لا تعالج غلطه بغلط أكبر منه في ألف طريقه وطريقه غير الطراقات ههه.. ما شي غير انك تكشر عن أنيابك يمكن هو ما فهم لك بس يوم بيشوف التعبير اللي ع ويهك بيفهم أن السالفة فيها إن ههه.. أنا يمكن ما عطيتك الحل بس حابه أخبرك لا تستعيل.. وفهمه بالهداوة إذا انت ما تبغي فأنت مب مجبور ومب ع كيفه بينظف لك موترك لأنه مب غصب وفي سياير غير سيارتك وأنت مالك خلق تحتشر معاه.. فأقول لك فليسعد النطق إن لم تسعد الحال^.*.. خذ الأمور بيسر كل شي وله حل.. اقتباس:
لا أكيد ما غلطت للأسف البعض منهم حصل امتيازات خلتهم يركبون فوق راسنا .. نحن اشلون نتصرف معاهم ؟! ناخذ الرسول صلى الله عليه وسلم مثال أعلى لنا يا ما انهان بس ما فكر أنه يقابل إساءتهم بإساءة أكبر وإنما قابل الإساءة بالإحسان >> أنا ما اتكلم عن موقفك أتكلم بشكل عام ^.*.. ولو قرينا سير الرسول جان حصلنا الأجوبة لكل تساؤلاتنا والحلول لكل مشاكلنا.. الحياة قصيرة فليش انعور راسنا ^.* .......... النقطة نمبر 3 : الخدم وما أدراك ما الخدم ^.*.. بحكم التجربة اللي عشتها من أيام تعلمت وايد أشياء.. نحن نعرف أن التعامل الحسن هو أرقى فنون التعامل.. واللحينه نحن لازم انشوف بكل بيت خدامه تقريبا اللي تطبخ واللي تنظف واللي واللي ..!! استوت الخدامه شي أساسي بالبيت وأنا ما أحبذ وجود الخدامات وما ارتاح لهن الصراحه بس ما ننكر أن في ناس صدق محتايين للخدامات في البيت وخاصة إذا كانت الأم عاملة بس مب يعني أن نحملها كل شي .. في ناس الله يهديهم معطينهن الحرية المطلقه مثل ما يقولون هم اللي يأمرون وهم اللي ينهون في البيت وهذي مب حاله .. وبالنسبة للتعامل : أكيد الاحترام بيكون رأس التعامل .. بالنهاية يا أخويه نحن كلنا بشر ولازم نتعامل على ها الأساس مهما اختلفت أشكالنا ولا مكانتنا ولا أعمالنا وأموالنا صح ؟! الصراحه طرحك مميز ويفتح أبواب وأبواب وكل باب لازم يتفصل .. مشكور ويزاك الله خير ^.*.. |
يعطيج العااافيه ع المووضووع .. باتعامل معااهم مثل ماتعامل مع اي شخص يهدووون اهلهم ويوون يشتغلووون عندنا وفالاخير يلقوون معامله خايسه عن نفسي باعاملهم عاادي |
وعليكم آآلسسلآآم ورحمه آآلله.. تسسلم خيو ع هآآلموضضوع آآلمبدع.. آآلموهيم آآنآآ بطبيعتي محترمه آآحترم آآلغير بسس آآسستحي يوم آآششوف ششبآآب يسسبون آآلآآجآآنب مع آآن مب آآنآآ آآللي آآسسب ولآآ آآعرفهم بسس آآسستحي لآآنهم من دولتي وهذآآ آآسسلوبهم مب حلووووووه وآآلله//آآنآآ آآعآآمل آآلآآجآآنب آآللي فآآسسكولنآآ بآآحترآآم آآبتسسم وآآسسولف ويآآهم عآآدي لآآن فآآلنهآآيه هم مثلنآآآ بششششششششششر مب لآآنهم فدولتنآآ نعآآملهم بآآسسلوب ششين آآلمفروض آآلعكسس.. آآمآآ آآلهنود آآلصصرآآحه آآكرههم لآآن عينهم زآآآآيغه....:@ حتىآآ رآآعي آآلبآآصص يتم يطآآلع آآنآآ آآسستحي فعسسب جي آآكره آلهنود بسس مآآكرههم وآآيد آآكرره آآلمصصريين آآكثثر لآآنهم يسسوون آآلآآخسس..><.. آآمآآ آآذآآ رفع هندي علي صصوته وربي بقنصصه..:@ آآبوي يوم رفع صصصوته علي تميت آآزآآعق وحآآلتي حآآله//<<آآكره آآلصصوت آآلعآآلي بسس يسستآآهل آآلظرررب آآلصصرآآحه مب آآصغر عيآآله يزآآعق..:@ آآبوي مرره ظرب هندي يوم آآنه زآآعق علييه عطآآه كف حفر له ويهه ..ههههههه آآمآآ آآلهندي آآللي يلززق فآآلموتر دق له هرن وخلك ويآآه جدي وقوله خووز آآنآآ مآآطلبت منك تنظف لي موتري...:@ لكن بآآلنسسبه للبششآآكير آآنآآ آآحترمهم وآآيد وآآيد وآآيد لدرجه آن بششكآآره بيتنآآآ آآعآآملهآآ مثل آآمي وآآحسسسسسن صصحيح آآآنآآآ كبيره آآوك بسس آآلآآحترآآم وآآجب لآآنهآآ يآآييه صصوبنآآ عسسب لقمه عيششهآآ عسسب تعيشش آآولآآدهآآ وآآمهآآ وريلهآآ وآآهلهآآ مآآيآآت عبده..... وسسلمت ع آآلموضضوع آآقين وتقبل مروري..^^.. |
| الساعة الآن 09:27 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir