|
[للنقاش] تعـآلو شوفو صور شفـآيفي..صور ريولي..تحنيت وصورت ايدي تعالو شوفوها...الخ السلام عليكم شحـآلكم., الموضوع هذا لمناقشة ظاهرة انتشرت كثيراً في الآونة الأخيرة وهي ان البنت تصور ريولها مثلا<ولابسة جنز وكعب والعباة جنها رايحة عرس او وحدة تحط صور شفايفها حتى وصلت ان واحد لابس غترة ووحدة لابسة عباة ويلمون بعضهم وفي اكثر من صورة منتشرة او بنت متحنية وزاخة يد ريآل لابس كندورة, وغيرها من هالحركات,الخ وتنتشر الصور بين الشبآب والبنآت وفي المواقع والبلاك بيري والبلوتوث وغيره,, وللأسف الي ينشر هالصور البنت بنفسها وللدلالة على أن صاحبة الصورة اماراتية ماتتصور الا وهي متحنية مدري يعني الصور لـ الإغراء بس او لهآ مغزى ثـآني..!
|
وعليكم السلام والرحمهـ تسلم اخوي ع الطرح لان صدقك هالشي منتشر -شرآيكم في هالشي؟ انا من وجهة نظري ما احب هالتصرفات ولا إيدها يعني مصاخة انزل صورة ايدي او شي ولو تبي حد يشوف ارفيجاتج يشوفون عادي قرايبج يعني وإلا تنشري صورج يعني بنت والبنات فيهم وشي طبيعي البنت يوم تشوف الغير مسوي شي وهي حبت الشي بستوي نفسه -هل تعتبرونها عادية ولا مخلة للأدب؟ هي عادي ان الوحده تتصور بس بجد ما توصل لجهاز حد ثاني لان في البعض عادي قرايبها او رفيجاتها تكون بعض صورها عندها سواء إيد او فيس ومحد بيخاف ع نفسه كثرهـ وفي النهاية هذا يعتمد ع المجمتع اللي هي فيه اذا هالشي عادي فيه ولا وهذا كله من وجهة نظري والسموحه كل ناس وكيف ما تعودت |
عليكم السلام اشكرك خويه سواف ع هذا الموضوع الصراحه بدو البنات لدرجة ان مصخوها وايد خاصتآآ ف الفيس بوك توتر ترتوب الخ,,,,,,} لاحظوو حتى ف البي بي ام بس شو تبانا نقول يوم نرد برد وننصحهم يقولون ليش تردين دام هب عايبنج مافيهم مذهب الصراحه في بنات ماشي احسن عنهم وشي بنات استغفر الله اطلب من الله أن يهديهم تقبل مروري |
اقتباس:
لكن هالايام بسهولة تنسرق الصور |
اقتباس:
من الاساس ليش يحطون صورهم؟ كل حد يعرف مصلحته والتربية تراها تلعب دور |
وعليكم السلام ورحمة الله وبركاته. عيبتني وايد كلمة زاخة.. في "البنت زاخة ايد الريال" .. !! كلام معبر.. وبشدة.. !!! والله وانا عموتك .. وش بنلوم في الناس " تربيتهم " والا " أخلاقهم " والا " حياهم "..! شفت كثير من هالناس للاسف .. حولي .. وفي كل مكان.! أطالع وأتعجب .. ما برمس في هالقضية .. لاني شفت اللي أكبر عنها .. وربك يسواف هالقضية اتهون جدام غيرها ..! وفي الأخير .. المسألة هي مسألة الثلاثي اللي ذكرتهم قبل..!!! الله ايعين بس.. تسلم على ما أبديت وربي يعطيك ألعافية. |
السلام عليكم ورحمة الله وبركاته موضوع رائع واشكرك اخوي سواف على طرحه وفتح المجال للنقاش فيه وابداء الراي في البداية لا اعرف من اين ابدا بس مفهوم التصوير تغير عن السابق صاروا البنات يصورون صور عشوائية بدون وعي منهن انها عورة يعني اللى تحط صورة ريلها شو تتوقع الناس ينظرون لها من اي ناحية اكيد باحتقار لانها الريل احقر جزء في الانسان او بمعنى اصح اكثر جزء ملوث بالاوساخ والبكتيريا يعني هي تنزل مستواها للارض حتى لو كانت تحط صورها جدام اهلها وعمومتها ترى في ناس تخزن الصور وبعدين لو اخترب التلفون او انسرق او ضاع ..الصور موجودة واذا طاحت بيد ريال تاثم هالبنت وتتحاسب ولو كان الموضوع في نظر البعض بسيط بس كل خطوة يخطوها الانسان لازم يعرف ابعادها وعواقبها مهما كانت صغيره وتافهة بنظر الاخرين بعدين اذا الوحدة تحب التصوير ترى في مجالات كثيرة الواحد ممكن يبدع فيها ويصورها مثل الطبيعه البحر الصخور العصافير وايد اشياء ممكن الواحد يتفنن فيها اخواتى العزيزات فلنبتعد عن الصور التي لا داعي لها ولا معنى لها والتي لا تنم عن تربيتنا ولا أخلاقياتنا نحن كمجتمع محافظ مسلم ولنبتعد عن السطحية في التصوير ولنبدع في التقاط الجمال فنحن كمجتمع مسلم محافظ اصيل ويعتز بعاداته وتقاليده وتراثه لا نقبل بتلك التصرفات التي لا تعكس أخلاقنا وتربيتنا بل ربانا الاسلام وأحسن تربيتنا ووصانا الرسول بحسن الاخلاق ففي كل أمر هناك أخلاقية يجب اتباعها حتى في الابداع و موهبة التصوير وشكرا اختك بقايا وهم |
السلام عليكم ورحمة الله يسعد صبآحك بكل خير يآ سوآف فالبدآيه ابا اقول ان الموضوع مآله دخل فالتربية لان فوقتنآ هذا حتى لو كآن الوآحد متربي عدل ترآه بيعآيش نآس فمحيطه وبيئه غير عن البيئه اللي تربى فيهآ وبجيه بيتأثر ابهآ لو بالقليل الموضوع يرجع للشخص نفسه تفكيره وعقليته واسلوبه في بنآت مآ يسترجون حتى انهم يصورون بالفون تحسبآ لان يتعرض للسرقه ولا الهكر و تنتشر الصور .. يمكن نصور اليهآل الشباب عآدي امآ البنآت لا .. بس اللي تصور اجزاء من جسمهآ وتعرضها فهذا من وجهة نظري فيهآ نقص فالشخصية تبا ترآوي النآس عمرهآ عسب يتمدحون ابها وتستآنس .. يعني شوفوني انا فيني هالشي حلو وهالشي حلو يمكن فطبيعة البنت تحب هالشي بس بينها وبين البنات .. ويفضل انه مآ يكون مع ربيعآتهآ يعني بس بين اقرب النآس لهآ .. لان مهما صار الواحد مآ يوثق بالغير ثقه عميآ ويمكن هي مآلهآ نية انتشار صورتها بس وحده شافتها وحطتها كصوره لها فاي مكان كان ويت وحده غيرها وبعد سوت نفس الشي وبجيه انتشرت الصوره ! يعني المفروض كل بنت تحآسب على عمرها وتحط التوقعآت بان اي شي ممكن يصير في بنآت يتصورون بحسن نية .. وفي بنآت غرضهن ان الصوره تنتشر ويجوفونهآ النآس والبنآت اللي من النوع الثآني يفضل انهم يدورون عن الكمآل فشخصيآتهم بشي غير المظآهر لانها مب كل شي وثانيآ .. لانهآ عورة وديننآ مآ يسمح لنآ بهالامور .. والله يهدي بنآتنآ وبنآت المسلمين ويحفظهن تقبل مروري يآ سوآف =) |
اقتباس:
وعليكم السلام ورحمة الله وبركاته بخير وسهالة .. تسلم على السؤال "سَوّافْ" اقتباس:
كلامك صحيح أخوي .. والمشكلة إن الظاهرة تبدأ بتصميم بسيط .. وبعدها نلاحظ وجود الأصابع وبعدها اليد "ممكن تكون محنايه" واشوي الشعر .. وطرف الويه .. ألين ما توصل إلى أنه البنت تقوم تصور عمرها بالكامل وحتى الاويه يكون واضح .. اللي يستصغر الأمور البسيطة ,..، لا عجب إنه راح يستسهل ويستصغر الأمور الكبيرة .. اقتباس:
هاي عاد قمة السذاجة ... ملت من تصوير عمرها واليد المحناية والشعر المسشور .. والخاتم الحلو لابد من التغيير .. والتغيير لازم يكون قوي وملفت النظر وما أعتقد شيء اقوى من تقمص شخصية الجنس الآخر .. اقتباس:
أخوي "سَوّافْ" تراه سماع الكلام الحلو والغزل والتلميحات تعجب المرأة .. ونشرها للصور لغرض معين يمكن يكون: 1. تشوف رد فعل الناسن وتسمع الكلام الحلو. 2. تسوي دعاية لعمرها ولجمالها. 3. مقصد خبيث. اقتباس:
الإثنين معنا أخوي .. فهي إغراء <<->> دعاية <<->> مقاصد خبيثة اقتباس:
لي رأيين .. بس الصح صح والغلط غلط << أسولف :6: فهو جميل عرض الأزياء والصور .. اللي ما يشتري يتفرج ^-^ أسباب الظاهرة: 1. لشعور بالنقص وقلة الثقة بالنفس، تجعل البنت تبحث عن أمور أخرى تقدر عن طريقها الإبلاع عن حضورها المميز 2. خاصة مع وجود الكثيرين في سباق التميز "الشكلي والجمالي"، لذلك وجب علي الفتاة إنها تسارع بعرض الصور الإغرائية 3. رغبة منها في إثبات وجودها، وكسب المزيد من العلاقات :001_wub: 4. أي أسباب أخرى ترجع للبنت :426: الحلول: (مش كثيرة ولكن): 1. عودة الثقة بالنفس للفتاة، والرغبة الحقيقية في التغيير. 2. عدم الرد على تلك الصور بالإيجاب << هذا الحل ضرب من المستحيل :184: 3. التربية الصحيحة والجيدة من الوالدين. اقتباس:
بالنسبة للزمن اللي نعيش فيه والتطورات التقنية .. أعتبر إنه اللي صار شيء عادي جدا، وربما أقل الضرر. لكني خلني اكلمك بكل صراحة .. اللي يصير هالأيام من وجهة نظري ما هو إلا "احتقار للنفس"، لأنه بصراحة إحترام الشخص لذاته ما راح يوصله لمرحلة إنه يقوم بنشر صوره الشخصية والخاصة لكل من هد ودب في النت ... عسب يسمع كلمات إطرائية مثل: "فديت هالويه، يا ربي على الشفايف، ...إلخ" عفوا أخوي "سَوّافْ" لكني كرامتي ما تسمح لي<< أقصد البنات :glare: اقتباس:
مسمووح يا خويه العزيز "سَوّافْ" .. وأشكرك على الموضوع القيم والهادف .. ويعطيك ألف عافية يا ربي وتستاهل التقييم. |
موضوع الصور هذي صايرة موضة بين الناس .. تقليد أعمى .. لو حد رمى نفسه بالهاوية الكل بيطيح بالهاوية والسبب : ضعف وازع ديني .. مشاكل نفسية الخ صراحة بالنسبة لي اعتبرها سخافة زايدة عن الحد بنفس الوقت صعب الواحد يحاول يتحكم في الناس ترى اللي زين بيتم زين وحشيم واللي موب زين .. بيتم على هالحال لو صار ما صار ندعو الله ان يغفر لنا ولا نموتن الا ونحن مسلمون ان شاء الله |
-شرآيكم في هالشي؟ من وجهة نظري انا ما ارتاح للبنات اللي جي يسوون ، و الحين خاصةً صور البنات دقيقة و تكون في 10 مبايلات ، يعني تنتشر بسهولة -أسباب وحلول هالظاهرة؟ انهن يسترن اعمارهن -هل تعتبرونها عادية ولا مخلة للأدب؟ اكيد مخلة للأدب ، اصلاً عيب البنت جي تنشر صورها عمداً ، خاصةً يوم انها تدري انها بتنتشر بسرعة بس الله يهدي اليميع ومشكور عالموضوع الصراحة عيبني ^_* |
|
السلام عليكم والله اخوويه سوواف ف هالزمن وايد هالظاهرة انتشرت وأستووى عاادي بين الناس يشوفون جي المفروض البنت مهما كانت الاسباب اللي خلتها تسووي جي تفكر قبل أي شي لأنه كل ما استسهلت الغلط عقب بيستووي كل شي عادي عندهاا وتسوي اللي أكبر من جي -شرآيكم في هالشي؟ أحس ماله داعي أصلن عيب البنت أتصوور عمرها ومن هب ودب يطالع صورتهاا -أسباب وحلول هالظاهرة؟ الأسباب:ضعف الشخصية الحريه الكامله يعني أقصد بها أن الأهل عاطينها الحريه كاملة بدون ما يتدخلوون فيها أبد تبا تبرز جمالها ومفاتنها عند النااس الحلوول:لازم تغير من نفسها وتثق ف عمرهاا (الواثق من نفسه يمشي ملكآ) تحاول تبتعد عن أظهار جمالها جدام النااس الأهل ما يعطوونهاا الحرية الكامله أقصد لازم يهتمون فيها أكثر أعتبر هالشي مخل للأدب ولكن أحينه أحسه عاادي عند النااس تسلم أخوويه ع الطرح الطيب استمر ف طرح المزيد ربي يعطيك العافيه |
يسلموو ع الموضوووع القيم والشيق الصرااحه انا اقوول البنت ممكن انها تصوور عمرها بس ماله دااعي توزع الصورة وتراوي النااس والله تراا غيرها بعد يتحنا شو يعني تروينا حنااج؟؟؟>>الاخت عارضه مثلا؟؟ يعني صوور مالها دااعي انا اقوولك ايااهاا الصرااحه ما يعيبني هالشيء ولا ارضااه على عمري تقبل مروووري عشوقهـّّ |
للاغراء اخوي بين قوسين تعالو انا هني شوفو مفاتني وجمالى وطبعا ها الشيء حرام عرض صور حتى لو اليد لانها تعتبر عوره !!!! ولا شو يتحرونه حلال عرض اليد بس نحن نقول الله يهديهن ويعقل اهلهم انهم يهتمون بعيالهم ويحرصون على توعيتهم على الصح والغلط ويعطفون عليهم بديل القسوه المجحفه!!!! وشكرا لك اخوي على طرح الموضوع |
اغواء واغراء وضعف الثقه بالنفس والاهم من ذلك اساءة استخدام التكنولوجيا المتاحه لنا في جميع الاحوال تحياتي بوغنيم |
وعليكم السلام ورحمة الله وبركاته .. خشمك بو هنااد >< يارياال واايد منتشر كم بتكلم وكم بتقووول .. ياغير يقوولك هالزمن شوووف بعيينك وسكت .. كل شي في هالدنيا يمشي ريوووس <<لي مايعرف معنى ريووس يعني يرد ع وراا .. رااح اياام اووول ورااح وقت الاولييين .. سلمك الله وسلم كل مشااهد لموضووع هذا .. يقوولك هالزمن زمن المووضه ..وزمن الصوور .. لي بيقوول الغلط من الاهل مايراقبوون عياالهم بالعكس تحصل هالولد او البنت من احسن التربييه محصل بس اللاسف تحصل مااينفع لشي .. يفرحووون يووم يحطوون صوورهم عادي الاموور طيبه عندهم .. والله عيب هالحركات . بس وش بنقوول .. غير الله يهدييهم ويهدينا ويهدي الجمييييع .آميين .. واسمووحه لو في رمستيه شي غلط وزعلكوو ..مجرد رااي لا اكثر |
لا شووف بعينك وتكلم احسن من تسكت اخووي كلامك منطقي والاهل ما شاء متابعين كل صغيره وكبيره والعيب من الشاب او البنت صح بس خلك واثق ان لو صج متابعين وحرصين يعلمون اعيالهم الصح والغلط جان ما شفت ها الولد او البنت يسون الغلط واذا حصلت خلك متاكد انها حالات نادره لان مستحيل تعلم ولدك اصول الدين الصحيح وتربيه احسن تربيه انزين وتكون مستمر بمتابعة اموره وعقب جيه يسير ويسوى الغلط ويتجه للحرام احسن تربيه بس في ثغرات خلت ها الولد يروح للغلط او البنت وها راي فى نقطة الاهل |
| الساعة الآن 11:35 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir