|
الأم .. بين الماضي والحاضر السلام عليكم ورحمة الله وبعد ,, كثيره هي الأشيا اللي تغيرت بين الماضي والحاضر في أشيا تطورت .. وفي أشيا تخلفت رغم التطور .. !! أشيا تغيرت للأحسن .. وأشيا تغيرت للأسوأ كل شي تغير ,, وهذا هو عصر التغيـّـر ان صح التعبير حتى الام في وقتنا الحالي ,, تغيرت هذا ,, اذا ما قارنا بين الماضي والحاضر والله يعينا عالمستقبل .. !! الأم الآن ,, ليست كـ أم الماضي لأنه قد حلت مكان أم اليوم ,, ( البشكاره ) .. !! نعم .. ولا أحد ينكر ذلك .. صارت ( البشكاره ) هي من تربي الولد ,, وهي من تغسل ثياب الولد والزوج وهي من تطبخ الغداء للزوج علما بأن العشاء .. يكون على عاتق الزوج المسكين الذي يسعى دائما لإرضاء زوجته العصريه بأن يدعوها الى مطعم فاخر للعشاء .. ( اللهم لا اعتراض ) لا أعلم ما الذي بقى للزوجه كي تفعله .. حتى نستطيع ان نلقي عليها كلمة زوجه أو ام ؟ ... بتقولولي الزوجه في هذا العصر قامت تشتغل وتنش من الصبح وصعب انها تلاقي وقت كافي عشان تجابل عيالها لأطول مده ممكنه إلا ان الأم في الماضي ما كان يقل حِمْلها عن حِمْل مرأة اليوم الأم أو الزوجه في السابق كانت تنش من الفير تحلب البقر .. !! الأم أو الزوجه في السابق هي اللي كانت تطبخ حق زوجها من غدا وعشا .. الأم أو الزوجه كانت ( ربة بيت ) وهي تدير شؤون البيت كله من غسيل وتنظيف .. وبالرغم من هالأشيا ,, ما خلت ولدها تحت يد ( البشكاره ) لتربيته .. !! اعتقد ان الأم كانت تطبخ و ولدها في يدها .. !! فـ أنا أرى ان الحِمْل اللي على عاتق المرأه في الماضي ,, أكثر من الحِمْل اللي على المرأه الآن ,, ولكن لماذا الزوجه اليوم لا تستطيع العيش دون ( البشكاره ) ,, ؟؟ وصلت إلى مرحله اني قمت أشوف البشكاره صارت موضه ولازم أي حرمه تتزوج اتييب لها بشكاره .. !! ... الأم او الزوجه الآن تتحجج ( بتعب الدوام ) وإنها تبا ترتاح أول ما ترجع من الدوام وان الحرمه قبل ما كانت تتعب مثل هالتعب .. طبعا حق الزوج ضايع ,, ولكن هذا موضوع ثاني ,, وبالرغم من التعب اللي فيها إلا ان التعب يروح عنها وقت الظهره و وقت ( الشوبينغ ) و وقت السينما ,, !! سبحان الله .. !! والولد المسكين .. يجلس معى تلك البشكاره والأم لا تعلم مالذي يجري أو بالأحرى ,, ( دارن دارى ودارن ما درى ) نقصت المسؤوليه من مرأة اليوم وصارت لا تهتم إلا في نفسها وراحتها حقيقة ً .. إلى أن أصبحت لا تستطيع ادارة شؤون المنزل لوحدها ولا تستطيع ان تربي اطفالها او بالاحرى ( مالها بارض حق العيال ) .. !! [ عنبو عيالج .. ومالج بارض لهم ] الأم الحين حتى مالها بارض تعطي ولدها ( المرضعه ) والبشكاره أحيانا ترضع الولد قدام عين الام .. !! مدري شو اللي يمنع الأم من ان تعطيه ( المرضعه ) .. تعبانه حليلها ,, مداومه الظهر ,, وبالليل كان عندها شوبينغ وبعدين سينما ,, !! الأم الحين ما قامت تتعب تعب الام الحقيقي على ولدها لأن البشكاره موجودة عند أدناة حاجه ,, !! وصار من الواضح الحين ,, ان من يسهر على راحة الولد . هي ( البشكاره ) أعتقد ,, ان الزوجه الآن لا تعرف تبديل ( البامبرز ) لطفلها حتى .. !! ... لا انكر ان بعض البيوت تحتاج الى الخدامه ولكن لا تكون هذه الخدامه لتربية الأطفال او لطبخ الغداء للزوج ... أو لأي شيء يكون من واجب الزوجه القيام به أصلا .. .. هذه المرأه العصريه لا تصلح لتكون ربة بيت او لتربية طفلها بل تصلح ( للشوبينغ ) وللسينما والمكياج هذا الواقع للأسف .. طبعا انا ما اعم كلامي على الكل ولكن هذا حال الأغلب ,, ... اسئله اتمنى تجاوبون عليها ,, الزوجة الآن ,,, لماذا لا تستطيع ان تستغني عن البشكاره في تربية الولد ؟ هل هذه الأسباب مقنعه فعلا ؟ من خلال كلامي عن المرأه في السابق ,, هل ترى فعلا أن الحِمل الذي على عاتق المراه في السابق أكبر من الحِمل اللي على المرأه في وقتنها هذا ,, ؟؟ ما الفرق بين المراه في السابق والمراه الآن من وجهة نظرك ,, ولماذا المرأه سابقا هي من كانت تربي الولد على عكس مراة اليوم التي حلت البشكاره مقامها ؟ هل تناست مرأة اليوم واجبها كزوجه و كـ أم ؟ علما بأنها تلقي بطفلها على البشكاره .. ومن يطبخ الغداء هي البشكاره .. ومن يرتب غرفة الزوجيه , هي البشكاره أيضا .. !!! السموحه عالاطاله خالد الشامسي |
وعليكم السلآم ورحمه الله وبركاته ~ صرآحه موضوعك مهم جداَ جداَ ...أهنيك على أختياره ,, بخش بالموضوع طوالي ~ :5: "لا انكر ان بعض البيوت تحتاج الى الخدامه ولكن لا تكون هذه الخدامه لتربية الأطفال او لطبخ الغداء للزوج ... أو لأي شيء يكون من واجب الزوجه القيام به أصلا " من أهم النقاط اللي أنت ذكرتها يعني معليش تخيل اللي بالبيت منتخب, آدميه وحده اللي بتتولاهـ !! شئ متعب مرآ :0088: يعني الأم آدميه موب آله ومالها شغله الا تكنس وتنظف وتطبخ وتربي وتدرس حتى هي على نفسها حق ابسط شئ تبي تتعبد تبي تهتم بنفسها شوي يعني الله يعظم اجر امهاتنا ويحللهم :1711: ,,, فأقول من رأيي إن العوائل الكبيره حلال فيهم موب خدامه إلا مليون طعش خدامه ~>تراني أعاني أنا بخصوص هالشئ عندنا قحط خدم بالبيت اصلن ماعندنا :5:هع لكن البلاء لاجتك وحده توها متزوجه وبيت كبر عيني ومابه الا هو وهي والا بزر واحد وعندها خدامه (وظيفتها بتكون رادار اتحدى اذا عندها شغل ) ذا اللي مايخش المخ !! :21: بالنسبه لي انقد عليها مالها داعي بالمرآ وشوله يعني !! اصلن (دلخ ) مع احترامي اللي تجيب وهي ماتحتاج كأنها تجيب المشاكل لعمرها بيدها لانها صراحه مضرتهم اكبـــــر من منفعتهم وياما سمعنا هوايل وبلاوي بخصوص مصايبهم اللي يسونها بالبيوت ينخاف على العيال (سواء بنت والا ولد ) والام يغافل لك الله بقولكم قصه واقعيه فيه خدامه سويت شئ موب زين لواحد من عيال البيت قام الأبو اشتكى عليها وبيسوي لها ترحيل والأم وقفت مع الخدامه تخيل !! تقول اذا راحت من يجيب لي بدالها انا متعوده عليها !!!!!!!!!!!!!!!!!!! :21: ماقدر اعلق صراحه أمحق ام بس فقولك به حريم مايستاهلون يكونون امهات نجي يم اسئلتك ~ الزوجة الآن ,,, لماذا لا تستطيع ان تستغني عن البشكاره في تربية الولد ؟ هل هذه الأسباب مقعنه فعلا ؟ على حسب ..مرات عدد الافراد يكون كبير ماتقدر عليه بس حتى ولو ماحد له حق بتربيه الولد الا الام مهما كانت الاسباب والظروف من خلال كلامي عن المرأه في السابق ,, هل ترى فعلا أن الحِمل الذي على عاتق المراه في السابق أكبر من الحِمل اللي على المرأه في وقتنها هذا ,, ؟؟ لاهو هو ماتغير شئ إطلاقا بالعكس قبل هي اللي تمسك بيت الحموله ويصير عليها كـــــل شئ حريمنا الحين اميرات ما الفرق بين المراه في السابق والمراه الآن من وجهة نظرك ,, ولماذا المرأه سابقا هي من كانت تربي الولد على عكس مراة اليوم التي حلت البشكاره مقامها ؟ موب الكل يابن الحلال بس اتوقع من الاهل يعني يمكن ماعطوها مسؤليه من قبل ماتعودت على كذا وماتدري وين ربي حاطها ...وترا الرجال يلعب دور كبير يعني لو تفاهم معها غصبن عنها بتوافق مافيه مره تبي تخسر رجلها وبيتها عشان هالاشياء هل تناست مرأة اليوم واجبها كزوجه و كـ أم ؟ علما بأنها تلقي بطفلها على البشكاره .. ومن يطبخ الغداء هي البشكاره .. ومن يرتب غرفة الزوجيه , هي البشكاره أيضا .. هووووو!! :21: اجل وش فايدة الزوجه !! اسم مره على الفاضي !! من رأئي أحس بغار هي تسوي وانا ناظر ! :خ9: ابدن موب حلوه وحده تمسك دور الام غير الام ومايندرى عن مذهب هالخدم ودينهم واعتقادتهم ترا يأثرون على العيال ,, وأعيد وأكرر ماحد لوه اي حق بتربيه الولد والاهتمام بالبيت الا الأم لانها محآسبه عليه عند الله اشكرك ياسيد النورس وتقبل مروري ~ :13: |
السلام عليكم ورحمة الله وبركاته وبعد يااخييي الغالي النورس موضوع جيد وحساس ويستوجب علينا منا قشته وبكل شفافيه وحبيت ان اشارك وعسى ان اوفي بمعلومة تعم للفائده وما اقول إلا أن . الأم في الماضي لاأحدينكرماتقوم به فكانت تعد الغداء بالمطبخ واثناء اعدادها للطعام كانت تفعل اشياء عديده في وقت واحد منها غسل الملابس وتنظيم المنزل واحضار اشياء اخرى من الخارج فلا تمل ولا تشتكي تفيق ابنائها في الصباح وتراعيهم بكل الصور والاشكال تتجه إلى الأبناء بكل حنان لتعرف ما بداخلهم وما الذي يضايقهم كل واحد علي حده تشعر كل واحد انه الاغلي عندها حكيمه بتصرفاتها غير مندفعه محل احترام الجميع مصدر العطاء اخر من تفكر فيه هو ذاتها دائما تفكر بأبنائهاا وبالاخرين تفعل ما يستوجب فعله في المواقف الحقيقيه والازمات تظهر معدنها الاصيل محتشمه في ملابسها وافكارها وذاتها . وترضع الطفل حتى الفطام ولاتفكر في خادمة ولاسائق وكل همها ابنائها وزوجها. أما الأم في وقتنا الحالي سبحان الله فلودعاها احد من افراد اسرتها صرخت بوجهه وقالت ماترى ما افعل قد تكون تتحدث في الموبايل او جالسه في تشاتينج علي النت او في الشرفه امام ابن الجيران اذا طلب احد ما منها طلب تقول شوف الخدامه او سوها بنفسك اعتمد علي حالك وقد يكون هذا الكلام للزوج او للاخ واذا خرجت من البيت تزينت علي احسن صوره وارتدت الضيق والشفاف واذا طلبت منها امها طلب رفضت واذا طلبت منها صديقتها نفس الطلب لبته وعلي الفور عند التعرض لموقف حقيقي في بيت الزوج اول شئ تنطقه (طلقني)غير مباليه لا بحياه ولا باطفال ولا مسئوليه مهمله لشئون بيتها ولاطفالها مهمله لمشاكل اطفالها النفسيه غير مباليه بهم فهي الاهم اهم شخص في حياتها هو ذاتها الانانيه فالعطاء عندها سخافه والمثاليه بلاهه والالتزام تخلف انها بنت عصرية متطوره هل تبين الفرق بين امهاتنا ففي الماضي جيل عظيم علي قدر من العطاء والصبر والتفاني والاخلاص وبين جيل الحاضر من اهم صفاته الاهمال والانانيه والكسل ولكن ليس الكلام يعم الجميع في هذه الصفات اي ان لكل قاعده شواذ فالجيل القديم للامهات هم الاكثر والجيد في جيلنا الحالي هو الاقل ولكن لوبحثنا ما هي الاسباب التي جعلت من بنت هذا الجيل في هذهالصوره لوجدناها كثيرة كثيره وهذا هورأيي ولااعلم هل رؤيتكم مطابقه لرؤيتي ام انكم تختلفون معي في وجهات نظركم ولكل واحد منا وجهة نظر وهذا مااستطعت ان اشارك به والسموحه . ومني كل محبة وتقدير http://www.uaemusics.com/uploood/ima...g98kos94u4.gif http://www.uaemusics.com/uploood/ima...8ph1do0g4a.jpg ولــدتــك أمـــك يـــا بن آدم بـاكــــيا = و النــاس حــولك يضحــكون سرورا فاحرص على عمل تكون إذا بكــــو = فـى يــوم مــوتـك ضــاحكـا مسرورا & الودعاني عاشق الريان القطري & |
آلسلآم عليكم ورحمه الله وبركآته مسآء آلخير , الام دورها كبير في هالحياه , تخرج اجيال اما ان تكون ناجحه او تكون فاشله ! على ايام اول , البنت تكون ماتعدت 15 سنه وهي في بيت ريلها , تقوم قبل لا يصيح الديج وقبل لا يطلع الشوف تطبخ وتنظف وتغسل وتحطب وتدير بالها على ريلها وبيتها ومحافظه عليهن , وان ربت في يوم ولادتها تقوم بروحها وتشتغل ماجنها مربي من ساعات , ولدها في ثبانها ولا في منزه وتشتغل عادي , اما الحين ! البنت تكون عايفه بيت اهلها وودها تطلع منه اليوم قبل باجر والسبب ان اهلها مايخلونها تطلع على راحتها وكل شي " يوم بتعرسين " فحاطه في بالها ان كل الي تبغي تسويه بتسويه يوم تعرس , واول معرس يدق الباب , وصلته الموافقه !! تكشخ وتبلس وتطلع وتحوط , وتنسى ان عندها ريل وله حقوق , فما تهتم بريلها ولا ببيتها , وبالغلط ! تحمل وتولد ! ومايكون لها اي بارض لهالياهل , فابسط شي تسويه , تطلب من ريلها بشكاره وتحن عليه وتطلع له ميه سبب وسبب لاستقدام هالبشكاره !! والمصيبه الكبرى لو ماكانت تداوم !!!! يعني فاضيه 24 ساعه ؟! طبعا هالكلام ما اعممه على الكل , ولكن , الاغلبيه >< انا خواتي ما احب اخليهن يسيرن ويا البشاكير المكتبه او الجمعيه , فكيف اخلي ضناي عند بشكاره طول اليوم ؟! صراحه انا ما احب البشاكير ولو الود ودي ماتكون ولا بشكاره فالبيت , ولكن ! البيت ثقيل وصعب كله يكون على امي , بالاخص ان نحن كلنا نداوم , في بيوت ثقيله وايد وتحتاج لبشكاره او ثنتين , ولكن الي بتستغرب منه ان في بيت واحد 9 بشاكير !!! --> شرات بيت ربيعتيه ! :21: مع انهم مب وايد ولكن البطره وماتسوي ؟! وصراحه استغرب من الامهات الي يطرشن بناتهم الصغار المدارس ويا البشكاره والدريول ! كيف تسمح لهم عقولهم بهالشي ؟ اليوم امي تخبرني عن سالفه بنت في مدرسه اختيه الصغيره , تخيل ! البنت تنشر كل يوم المدرسه والدريول يغتصبها بحضور البشكاره ! ومحد اكتشف هالشي الا المعلمه !! شي يحز فالخاطر مجتمعنا في تدهور ونرمس ونرمس واصحاب الشان يتفرجون وساكتين , وياليتهم يتعضون ! يدخلون من الاذن اليمين ويطلعون من الاذن اليسار , ماجنه هاليهال عيالهم ! بس ما اقول غير الله يحفظ عيالنا وعيال المسلمين ويبعد عنهم الشر , واسمحلي على الاطاله , ربي يعطيك العافيه وتسـلم ياخويه على ما ابديت , اتمنى ان ردي يكون شمل الموضوع بكل جوانبه لاخلا ولاعدم ان شاء الله .~ |
السلـآم عليكم ورحمة الله وبركآته .. يسعد الله صبآحك \ مسآك بكل خير اخوي [ النورس .. شحآلك عسآك إلا بخير وسهآله .. مآشـآء الله عليك منور والله القسم بهالطرح التفجيري .. حبيت العنوان [ الأم بَين الحِآضر والمآضَي ] .. حسيت جيه انك بتدخل ف موضوع كله . . مقارنه بين الام قبل والام المعاصره اللي هيه [ الحين ].. ... ... جد والله [ احس انه الام قبل كانت صج تتعب اكثر من ألحين .. الحين يآسه ع مكتبها البارد وياانها مجابله الكمبيوتر او المرآيـآ .. وفي منهم صج يتعبون .. بس مب شرآت تعب قبل .. ، الحين تعال قول لحرمه حلبي البقره .. بتقول عووع وشقايل امسك ........ ومادري كيف .! ويحلات حريم اول .. ينشون من غبشة الفير ... ويحلبون ويطبخون ويشوفون عيالهم .. والحين صارت الام تقوم من فير الله تكشخ وتلبس عسب تسير ويه عيالها لدوامها وطبعا الي يقوم بواجبات البيت [ البشكآره ] .. المآمآ الثآنيه .. صح وجود البشكآره ف البيت مهم بس مب بكل شي عآد .. البشكآره تطبخ . تنظف . تغسل . تكوي . ترتب . تعلم . تسبح . تلبس . توقف ليما يروحون ويركبون الباص .. والام وين ؟! مآعرف شو اقول الصرآحه لو كتبت مآرآح اوفي حق الموضوع .. تسلم اخوي [ النورس ] ع هالزين .. الموضوع جميل .. ويستآهل الواحد يشارك فيه بضمير .. لا هنت نرقب يديدك الجميل .. =) |
أمــــــي يا أول حب عشته بددنياي **** يــــا أول اســـــم تنطق شفاي طاريه إنتي هواء روحي وبعروقي الماي **** عمري بدونك عمر ما عشت أنا فيه الأم مدرسة إذا أعددتها .. أعددت شعبا طيب الأعراقٍ صدقت يا الشاعر ... إذا كان الأساس صحيحا فلا خوف على البنيان من الانهيار الأم شيء كبير وخاص بالنسبة لي شخصيا .. ولأن الأمر اشوي حساس بتكلم عن نفسي شخصيا .. كل النجاحات اللي أنا قاعد أمر بها والتوفيقات من بعد رب العالمين .. وأمي اللي تدعيلي بالتوفيق والهداية .. أمي من أول لحظة وعيت فيها على الدنيا .. فرحت بي وشالت الدنيا وما قعدتها من زود الفرح ومع توالي الأيام ما قصرت فيني أبدا .. واسهرت الليالي والأيام عسب إنها تدور راحتي ... ولما كبرت اشوي اهتم فيني وما خلت لا بشكارة ولا غيرها تسويلي أي شيء .. يا دوب جان بتأكلني البشكارة .. بس مب دايما في الأوقات اللي تكون فيها الوالدة مشغولة بشيء كبير ومهم .. وحتى لما كبرت وصرت ريال .. ما ترقد الليل حتى أكون موجود في البيت وتطمن علي .. تتصل بي إذا تأخرت وتحاتيني ... هذي أمي اللي أنا أفاخر فيها بين الناس كلهم ... عسى الله ما يحرمني منها يا رب العالمين اللهم آمين يا رب العالمين =================== طبعا شتااااان بين أمي .. وبين نساء "بنات" اليوم ... أمي كانت تولي اهتمامها الكبير لأبوي وإخواني ولي .. الأم الحالية تولي اهتمامها للسوق والموضة والكوافير والطلعات والسهرات وإذا في وحدة زينة تراها بعد كل اللي ذكرته راح تهتم بريلها .. ونادرا ما تحصل وحدة في هالزمن ربة بيت سنعة :wrd: لذلك أصبح وجود البشكارة شر لابد منه .. وشيء أساسي وإجباري وربما يكون مستقبلا أحد شروط عقد الزواج :yaw: اقتباس:
لأن هناك اهتمامات اخوى طغت على السطح ومنها المرأة أصبحت تعمل مثل الرجل .. ربما كانت تكمل دراساتها العليا !! مشغولة بأمور أخرى والتزامات أخرى ... ويمكن تكون ما تعرف أصلا اشقايل تتعامل مع الولد .. حدها تسوي مرضعة حليب :21: "طبعا ليس كل البنات" ////// "لكل قاعدة شواذ" وفي بعض الأمهات حاليا ياخذون البشكارة كـ مظهر عام .. أنا عندي بشكارة .. ولا تنسى إنه في بعض البيوت تكون كبيرة ومحتاجة بشكارة تهتم بالطفل الرضيع في حال إنه الام قاعدة مع اعيالها الباقين وادرسهم :141: اقتباس:
اممممممممممم ... مش كل الأسباب مقنعة ,.. لكن في بعضها مقنة وبدرجة كبيرة .. مثل البيت الكبير يحتاج إلى خادمة أو اثنتين .. الأم اللي عندها أكثر من طفلين أكيد بحاجة إلى خدامة تساعدها في الغمساك بالأطفال عندما تنشغل الأم مع أحد الاطفال .. وأنا قلت تساعدها في الإمساك بالأطفال ومش تساعدها في تربية الأطفال هناك فرق :d-uae0(1): اقتباس:
اقتباس:
تتغير الأزمان .. وتتغير المسؤوليات الموكلة للمرأة في السابق عن المرأة في أيامنا الحالية .. وما نستطيع إننا انقول إنه المرأة في السابق كانت عليها مسؤوليات أكثر عن المرأة في أيامنا الحالية .. يعني الوقت تغير .. والأمور تغيرت يا خوي العزيز "النورس" اقتباس:
اقتباس:
المرأة في السابق .. عندها بيتها وريلها وعيالها وجيرانها .. وتنقلاتها كانت سريعة وقريبة .. وكانت هناك الأسرة الممتدة .. المرأة الآن ... عندها بيتها وريلها وعيالها ودراستها وشغلها وعلاقاتها الاجتماعية (وربما أعمال إضافية) أصبح الدوام بعيدا عن البيت .. والجامعة بعيدة عن البيت (راح اليوم وهي تنتقل بالسيارة) والأسرة أصبحت نووية .. وصار لازم تروح واتزور أمها .. ولازم تروح الصالون وتتزين حق ريلها ولا تنسى .. إنها عندها صديقات لازم تزورهم .. لأنه الحياة أصبحت في غرفة واحدة بفضل الانترنت والتلفون .. هاي المفارقات لازم نحطها بعين الاعتبار قبل لا نضع أي مقارنة بين المرأة في السابق والمرأة في يومنا الحالي .. اقتباس:
اقتباس:
هذا السؤال .. بيكون أفضل لو تجاوبنا عليه الخوات ... وما بيقصرن إن شاء الله .. اقتباس:
اقتباس:
يا الشامسي لا اتحير :5: مشكور أخوي العزيز *النورس* على هالموضوع الجميل ويعطيك ألف عافية يا ربي وتستاهل التقييم .. وأتمنى لك التوفيق في المسابقة |
السلام عليكم ورحمة الله الصرآحه كل مآ اشوف موضوع يتكلم عن الخدآمه اتييني غصه >< وربي مب عآرفه شو يآهن الحريم !! انآ معآك فكل كلمه قلتهآ .. حريم مآ يخصهن فكلمة ربة البيت حتى ولو كآن هالشي مذكور فاي ورقه ثبوتيه عندهآ ربة البيت مش معنآته الحرمه اللي يآلسه فالبيت ومآ تشتغل ربة البيت هي الحرمه اللي تربي عيآلهآ وتقوم بوآجبآت بيتهآ وريلهآ ومآ تخلي عليهم قآصر وفعلا الحريم قبل كآنن يتعبن اكثر من الحين انآ من وجهه نظري ان الدوآم ابدآ مش عذر لتقصير الحرمه فحقوق بيتهآ وريلهآ وعيآلهآآ يمكن الغدآ مآ بتقدر تسويه عوضي فالعشآ .. فالريوق .. فتربية عيآلج يمكن الزوج بتغآضى عن الغدا لانج رآدة من دوآمج .. بس الريوق والغدا والعشا وتربية العيآل ! الخدآمه يمكن تسآعد بتنظيف البيت وشغله .. بس المفروض مآ يكون لهآ اي تدخل فالتربية والاهتمآم بالعيآل او الزوج .. لان هي يآيه بمسمى خآدمه مش بمسمى زوجه بديله ! انآ ضد استقدآم الخآدمآت لهالغرض وهو تربية العيآل والله شي نآس لكل وآحد من عيآلهم خدآمه !! ههههه وين يبون وين عآيشين نحن يعني الام والابو اييبون والخدم حليلهم يربون ! عيل المفروض يغيرون مسمى الخآدمه لـ ربة البيت .. لانهآ احق بهالمسمى من فلانه اللي تتسوق وتدآوم وتطلع مع ربيعآتهآ ومآلهآ بآرض لعيآلهآآ !! واصلا في كثير من الريآييل الوضع عآدي عندهم ومب مهتمين وفي منهم عيزوآ من كثر مآ يحآولون بس مآشي فآيده ! فالنهآيه حبيت اقول ان فئه كبيييييره من الحريم عآيشآت بهالطريقه وفي فئه عآيشه بطريقة تستآهل عليهآ انهآ تكون ربة بيت وبمرتبة الشرف بعد ,. وان شالله نكون من الفئه الثآنيه احم يعطيك العآفيه يآ خآلد ع طرحك للموضوع الحسآس وتقبل رآيي المتوآضع ورمستي الزآيده :d |
" السلام عليكم ورحمه الله وبركآته صبآح الخير..اسفه جدآ ع التآخير بس العيآزه ومآ تسوي :eh_s(1)P: موضوعك جميل ويخلي الوآحد غصصبن عنه يتفلسف خخ نرد لمحور حديثنآ والله يالنورس انك صآدق.. يعني حريم قبل امهآتنآ هب مخليآت شي ..كل شي يسوونه ولا يقولن تعبنآ..الله يحفظهن لنآ.. والله امي تقولي انهآ عند اهلهآ كآنت مدلعه دلع..بس من عرست.خلاص غدى الوآلد من اولويآتهآ..وعيآلهآ وبيتهآ..حتى كآنت تدرس..وطبت ابو الدرآسه هههه ..كل شي وله وقته..الله يحفظهم ويخليهم لي..:ast7eee: البنت مهمآ كآنت في بيت اهلهآ مآ تسوي شي..لازم تعرف ان يوم بتعرس عليهآ وآجبآت بتقوم بهآ حريم هالوقت لا رفعت قلاس ظهرهآ عورهآ ههههه:خ9: بخبرك شي..؟ البنيه اللي تعرس..تتحرى العرس كله كلام حلو وحب..وطلعآت وروحآت وويآت..؟ مآ تدري ان هالشي اللي هي فيه مسؤووليه تتحملهآ هي بروحهآ؟؟ :no_6: على طآري الشغاله والله توني من البارحه متضآربه ويآهآ...هالنآس مآ يتآمن لهم على بيت واسره وعيال,.!! والحرمه اللي تعتمد عليهآ للاسف مآ تصلح تكون ام../؟ :112: والله اعرف وحده عيآلهآ مآ تروم عليهم..كله ع الشغاله..هي تسبحهن وتآكلهم وتيلس عند وآجبآتهم الصرآحه مآ اتخيل عمري عيآلي مآ اعرف عنهم شي...هالاشيآء انآ اللي ملزومه اسويهن هب الشغاله..:1711: والشغاله لا سمعت كلامج اليوم..، خلاف ولا درت عنج..عآدي بتسوي بعيآلج شي بسم الله بقولك قصه وحده هي شوي اللي سوته مآ كآنت صآحيه به >< حرمه..عندهآ ريل وعيال وبيت ومآفي احلى منهم...بس طبعن هي مآ تسوي شي ف البيت..كله ع الشغاله..يوم سآفرت الشغاله يتهآ حآله مآ رآمت على شغل البيت..والعيآل..وجيه..جآن ترد تقول لريلهآ // الشغاله ردهآ نبآهآ..؟ جآن بو الشباب كلمهآ قآلت له اوووكي...بشرررط مآ اكون شغاله...؟ ابغيك تعرس عليآ ههههه خبر حرمته قآلت له هب مشكله المهم تييئ.>> يااااااااااااااااا بروودهآ تررفع الضغط:137: المهم يت الله يسلمكم....وجآن الحررررمه رآعيه البيت..ادق عليهآ البآب من غبشششه..تقولهآ هييي انتي..قومي نظفي وسوي ريوق...؟ قآلت لهآ اسمعي انتي...انتي في مآمآ مشآن بيت..حتى انآ سيم سيم انتي؟. كل شي انتي يووووم تسوينه وانآ يووم:w00t: ههههههههههههههه بعد شو سوت الحرمه..انطمت هع:oi-o: بعد الحين يبغن بيت بروحهن..؟ اوكي من حقهن هالشي..بس اذا انتي في بيت عمآمج مآ سويتي شي ولا تعرفين حتى شقآيل يهتمون بريل ويآهل..فهالمره ..تبغين بيت بروحج...؟ هل انتي كفووو يعني يكون عندج بيت..يوم اييئ ريلج يبآ شي يآكله..الياهل يبآ اهتمآم..البيت حتى يبآله شغل >< ولا بتييبين لج شغاله وبتحطين كل شي عليهآ..؟:eh_s(1)P: وبعد ترى الريال يتحمل جزء من هالشي..لأنه للاسف اغلبيتهم مآلهم كلمه على حريمهم؟؟ بدل مآ هي تقوله ان شاءالله ../ الحين هو يقولهآ ان شاءالله وحآضر لو قآلت تبغي شغاله وتوهآ معرسه بيبلهآ..؟ مآشي شخصيه ../ :خ9: انآ مآ انكر ان الشغاله لهآ فآآآآآآآآآآآآآآآآيده كبيره ووآآيد بعد..خصوصآ لو كآن البيت كبير وفيه وآيدين...بس الشغاله عليهآ بس التنظيف.والغسيل والكوي لا غير..؟ والحكي في هالموضوع يطول ويطول...؟ ان شاء الله ف المستقبل مآ نكون مثل حريم هالوقت.. ونكون شرآت امهآتنآ..؟:ast7eee: وشكرآ يآخويه ع الطررررح الطيب موضوعك جميل..وكآن ودي اطول وآيد بس قلت عن اتفلسف خخ يعطيك الف عافيه..بالتوفيق ان شاءالله عسآك ع القوه..~ |
السلام عليكم وورحمه الله وربركاته حيالله بالنورس ومواضيعه الغاوية :001_rolleyes: أبدعت في طرحك والقضيه مهمة جدا واللي زادت بشكل كبير فمجتمعنا وأكيد في ناس مع وفي ناس ضد الإعتماد عالبشكارة وطبعا أنا لو فكرت أحتاج الشغالة بشيئين بس بالتنظيف والغسيل فقط بس ان شاء الله ما بفكر :78650: أكيد انت مستغرب ليش الكل قام يعتمد عالشغالة :sad: أنا بتكلم عن تجربتي بالحياه وعقب بقولك ليش الحمدالله نحن ما عندنا شغالة لا تستغربون :001_rolleyes: تعودت أسوي كل شغلي بروحي أغسل ملابسي بروحي أغسل صحوني بروحي عادي مب عيب ولا أستحي من هالشي:001_tt2: درست في الجامعة كنت أكوي ملابسي بروحي حتى أذكر مرة وحدة سألتني منو يغسلج ملابسج قلتلها أنا قالتلي انتي كيف جي طبعا مستغربة وأعذرها :lol:وقالت نحن تعودنا شغالة تسويلنا كل شي يعني بالصريح اللي تعود عشي من صغره بيتم عليه لين ما يكبر للعلم يبنا مرة شغالة قلنا بنجرب بس بصراحه ما نفع هالشي ويانا أنا عن نفسي أستحي أأمر عالشغالة :smilies-113: صح في بيوت كبيرة تحتاج لشغالة بس المفروض الشغالة ايبونها عشان التنظيف والغسيل لكن في رياييل ما يحبون إلا الحرمة تسويلهم كل شي عالأقل تلبي طلبات ريلها وعيالها ما بتخسر شي وإذا كانت اداوم أنا أفضل إن المتزوجة ما اداوم دامها مب محتاية للدوام البيت أولى فيها إلا فئة معينه تقدر تعدل بين البيت والدوام وما تقصر وطبعا هالشي نادر :7799: يعني اليلسة فبيت ريلج وعند عيالج أبرك وشي أبا أوصله إلكم ونصيحة للمتزوجين عشان ما يتعبون أقصد الناس اللي فيها ضمير يعني وتخاف عمصلحة عيالها ازرعوا المسؤولية في عيالكم من الصغر عشان انتوا ترتاحون في الأخير يعني لا تخلون الأطفال يعتمدون عالبشكارة فكل شي مثال تلقين طفل يعق الوصخ في الأرض ولما تقوله شيل الوصخ وعقه في الزبالة بيرد عليج الشغالة بتشله :0088: يعني تربيتكم راحت عالفاضي وعيالكم بيظهرون وصخين جدام الناس :f048: يعني في البداية نزرع فيهم روح المسؤولية عشان يعتمدون عنفسهم بعد كل هذا أتمنى من خواتي إنهم ما يعتمدون عالشغالات بشكل كبير عالأقل ما تقصرين في العيال والزوج وتعطيهم شوية اهتمام لأن محد بيخسر في الأخيرغيرها :0088: وأخيرا ألف شكر لك يا النورس عالموضوع القيم والمفيد وتستاهل التقييم عليه لا عدمنا مواضيعك المميزة :ax: |
| الساعة الآن 08:47 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir