|
.:. فـديـت الإمـاراتـ وأهـلـها .:. صباح الخير لأحلــى أعضاء في استراحات زايد مساء النور لأحلــى أعضاء في منتديات محروم بداية ... أتمنى التوفيق للأعضاء المشاركين في مسابقة "أفضل محاور" لا يهم من الفائز ... بل الأهم مدى الاستفادة من المواضيع المطروحة في الاستراحة .. ======================= إن ما يميز الإنسان عن غيره من البشر هو عقله وصفاته ... فالعقل يفكر ويوجه ويختار ... وصفات الإنسان تترجم في سلوكه مع الآخرين وعندما يفقد الإنسان سمة الحياء والخجل .. فإنه يصبح غير مكترث بما يحدث من حوله يصبح إنسانا بلا هوية .. ضائع كـ ضياع السفن في ظلمات البحر .. يلهث خلف الملذات متناسيا أمرا مهما وهي (الكرامة) .. فـ كرامة الإنسان هي أغلى ما يملك، ومن ليس لديه عزة نفس أو ذرة كرامة .. فليس منه فائدة مرجوة. اختلاف الأزمان والانفتاح الكبير الذي نشهده هذه الأيام، يجعلنا نستهين بفعل بعض الأمور التي كنا نعتبرها من المحرمات في السابق .. لا مانع من النزوح قليلا عن مبادئنا بشرط أن لا نفقد معها هويتنا كأشخاص متزنين .. يحكمنا سلوكنا القويم .. لا يخفى عليكم ما يقوم به الرجال والنساء من أفعال مشينة مخيبة للآمال، تعكس الصورة السلبية للمواطن الإماراتي ... فأصبح الرجال لا يستحون من النساء ... وأصبحت النساء يركضن خلف الرجال ويتربصن بهم حتى وإن كان متزوجا ... تمشي في المول وتلاقي بعض الحريم لابسات عباة "الفراشة" والشيلة شفافة وطايحة على الكتف ... وشعرها ما أدري كيف مخلتنه واقف !! ((رؤوسهن كأسنمة البخت)) أو كما قال صلى الله وعليه وسلم .. وتمشي في المول "فل ميك أب" والبلاك بيري في يد والشنطة الماركة في يد أخرى ... ولا تنسون النظارة الشمسية على الراس موجودة .. ولو يا واحد ورقمها، وماكان حلو أو "ما دخل مزاجها" فتعصب وبتقول انته ما عندك خوات؟ ما تستحي؟ فقدتك ××× << سبته السمووحة: ((هو عنده خوات بس هب شراتج .. خواته محتشمات ويعرفن السنع، بعيد عنج!!)) =========== أو بتلاقون شاب .. توه طالع من الحلاق وصابغ اللحية والشنب ونافخ الصدر، ولابس النظارة الشمسية في المول "أظن بسبب الشمس القوية" وحاط السماعة في إذنه ويااارنها على إذنه الثانية ويرمس ... وكل ما مر على وحدة حلوة ... رقمها أو على الأقل غازلها بكلمتين حلوات .. =========== مشكلة هالناس إنهم ما يحشمون أحد أبدا، يعني عادي يرقم وحدة وحذاله عائلة وناس مجتمعة ... ما يحشم حد أبدا !! وبالبنت بدال ما تسكت عن اللي رقمها ... تلاقيها تصارخ وتلم الناس عليه .. ليش الفضيحة؟؟ إلبسي شرات الخلق وظبي نفسج عن القيل والقال ... حتى في بعض الدوامات المختلطة .. أصبحت البنت تتكلم مع الرجل بمنتهى الحرية وكأنها تعرفه منذ زمن .. حيث لا حدود للسوالف .. طبعا يمكن هي حاطة في بالها وتعتبره أخوها .. بس هذا الأمر خطأ ... لأنه هناك خطوط حمراء لو هي تجاوزتها راح تندم عليها .. فالمرأة مثل الرقعة البيضة ... بسرعة تتوسخ !! كله صوووب ... والحرمة الطيبة الحبوبة اللي تتغشى من المواطنين صووووب ثاني ......!! حد قال لج إنه ما عنده جواز الإمارات يصير أخوج مثلا ؟؟!! :tooth: ============================= خلاصة الكلام ... مهما تحدثنا وقلنا تظل هاي الأمور موجودة ولا يمكن إنك توقفها أبدا، لأنها قناعات شخصية في الأفراد هو مسؤولين عنها بداية ونهاية ... اللي راح اناقشكم فيه هو التالي: لماذا أصبحت البنت أكثر جرأة في الحديث مع الشباب؟ ليش هالتبرج المبالغ فيه .. وهالملابس الضيقة؟ وإذا ياها واحد يرقمها احتشرت ولمت الناس عليه؟ أين أولياء الأمور من ما يفعله أبناؤهم في المولات؟ وكيف يسمح الأب لابنته أن تخرج معه وهي "عاقة الشيلة على الكتف" ؟ أين غيرة الرجال على النساء (الحريم)؟ كثيرا ما أشاهد الأزواج وأجد الزوجة "مترصصة، متبرجة، والقصة برع" ؟؟!! والسؤال الأهم: أين كرامة الإنسان واحترامه لذاته ؟؟ إضافة بسيطة: حتى أكون أكثر واقعية ... وما أكون متنمق في حديثي ... يمكن أنا أعجب بالبنت اللي تلبس وتتعدل وتكشخ .. وعلى فكرة أنا "أحب استايل بنات الكويت" << بنطلون وقميص طويل :w00t: ويمكن بعض الشباب يوافقوني الرأي ... بس بكل صدق وأمانة ... أحب بنات بلادي وأبا لهن الخير .. وأخاف وأغار عليهن من اللي قاعدات يسونه !! :uae: فـديـت الإمـاراتـ وأهـلـها :uae: ما أدري إذا قدرت إني أول الفكرة لكم ... بس بصراحة ... كتبت ومسحت وايد في الموضوع وغيرته أكثر من مرة ألين ما استقريت على هالموضوع .. اللي اتمنى إنه ينال إعجابكم ... http://tooootah.jeeran.com/في%20امان%20الله.gif |
وعليكم السلام ورحمه الله وبركاته صباح النور والسرور :) يا هلا والله بالأمن منور :D-: آمين ان شاء الله ويوفجك وياهم وحضوركم متميز والكل يشهد بصراحه موضوعك مهم جدا ومميز وأعجني طريقة طرحك للموضوع وهالشي مب غريب عليك مثل ما تفضلت وقلت في البداية إن الناس عقليات وكل واحد وتفكيره وحتى لو نصحته يمكن ما ياخذ بنصيحتك لأنه تربى على هالشي ومستحيل يغير تفكيره إلا فئه معينه ممكن تاخذ براي الآخرين وتغير من نفسها بالنسبه للبنات الكثير من البنات قامن يفصخن الحيا في الدوام أنا أفضل إنهم يتعاملون بحدود الشغل فقط ماله داعي للسوالف والضحك مع الجنس الآخر واللي تسير الأماكن العامة وتتبرج واللي ترد عالشباب لو رقموها مع إنه بصراحه الشباب ما يتجرأون إلا إذا حسوا البنت تبا هالشي وإلا حق شو كاشخه هالكثر وسايره السوق مجرد راي والي تتغشى عن الشباب وما تتغشى عن الهنود ترا مثل ما قلت كله واحد لكن فرايي في بنات ما يتغشن مول ومتحجبات ولبسهم محترم هالشي مب حرام دامها ما محطيه شي عويها وأنا أحترم هالنوعيه من البنات وبالنسبه للشباب بصراحه صرت أحس الترقيم صار عندهم مثل الهوايه وقت الملل وبالنسبة لأسألتك بكون محلله نفسيه :D-:وبقول رايي يمكن صح أو غلط لماذا أصبحت البنت أكثر جرأة في الحديث مع الشباب؟ يمكن لأن البنت تعاني من نقص عاطفي وتبي تعوض هالشي بالحديث مع الشباب ليش هالتبرج المبالغ فيه .. وهالملابس الضيقة؟ وإذا ياها واحد يرقمها احتشرت ولمت الناس عليه؟ أنا أسمي هالشي نقص في العقل والدليل كل ما حد لبس شي سار الكل وراه وقلد لبسه والبنات جي أي شي ينلبس يقلدونه حتى لو كان اللبس يضحك لو ناقشتهم بيقولون لك هاي الموضه انتي شدراج أين أولياء الأمور من ما يفعله أبناؤهم في المولات؟ وكيف يسمح الأب لابنته أن تخرج معه وهي "عاقة الشيلة على الكتف" ؟ صح في أولياء أمور عادي عندهم هالشي أما نحن فيها قص رقاب :no_6: المشكله لو نصحناهم بيقولون أهلنا راضين انتوا شدخلكم ولكن في أولياء أمور ما يعرفون شي عن عيالهم ومن جي العيال يضيعون من اهمال الأهل أين غيرة الرجال على النساء (الحريم)؟ كثيرا ما أشاهد الأزواج وأجد الزوجة "مترصصة، متبرجة، والقصة برع" ؟؟!! خل يحبها بالأول عشان يحس بالغيره في أزواج مجرد تماثيل بدون مشاعر والسؤال الأهم: أين كرامة الإنسان واحترامه لذاته ؟؟ نفس هالنوعيه ما عندهم كرامة واللي يخاف عنفسه بيصون كرامته بالنسبة لإضافتك كل ريال يحب البنت تكشخله :112: والبنت تروم تكشخ لريلها فبيتها بدون لتظهر كشختها جدام الناس :D-: وأخيراااا أشكرك عالموضوع الروووعه أنت متميز دائما بمواضيعك ولا تحرمنا من مواضيعك الهادفة والمفيدة وأكيد لك تقييمي لا عدمناك :D-: |
وعليكم السلآم وآلرحمه ، صبآحك مسك .. أعجبني تدرجك بطرح الموضوع ، بداية بتصنيف العقل .. وربطه بالحياء الذي ما إن يتبخّر حتى تتبخر معه الكرامه ! الزمان مازال ثابت ، تشرق الشمس من المشرق وتغرب من المغرب ، يتعاقب الليل والنهار ، تتعاقب معهم الفصول الأربعه وغيرها .. الإختلاف بأطباع البشر ، فما كان بالأمس ممنوع .. أصبح مسموح بتصرف ، ووصل عند البعض حد السماح المطلق :rolleyes: .. للأسف اللي نشوفه من شبابنا بوقتنا هذا يثير الإشمئزاز ! سواء ذكورنا بلبسهم المخزي ، وتخليهم عن صفة الرجوله ، لإناثنا .. اللي ماعاد نفرق بينهم وبين الشباب / نجي لمحتوى الموضوع / بصدق وأنا بنت أقولها ( ما ألوم الشباب لو تحرشوا ببعض البنات ) ! أشياء إحنا البنات نشوفها بالمولات ننصدم منها ، وبعض البنات يلفتون نظرنا إحنا سواء بشكلها أو لبسها أو مكياجها ! وماتبي شاب يتحرش فيها ! بقولك موقف ، الصبح وحده وجهها يبين آنها تو صاحيه من النوم ، ماكلفت نفسها تبدل ملابسها ، وقفت سيارتها قدام المول ، ونزلت والعبايه مفتوحه والشيله ع الكتف ، وتكمل مشيتها داخله تفطر هناك ولآ كأنها مسويه شي !! وماتبي أحد يتحرش فيها ! بالعكس صيده سهله بيدينهم ! يتسلى فيها وقت ، ويروح يرميها ماعنده مشكله ، دام الرجل بمجتمعنا مايعيبه شي لو يعرف 1000 بنت ! هذي البنت نموذج من بعضهم ! غير اللي مسويه فل ميك أب والعبايه من كثر مو ضاغطه ع كمية الدهون اللي فيها شوي وتتقطع ! شي طبيعي تكون مسويه كل هذا عشان تسمع لها كلمه من كم واحد تحسسها إنها وآو تجنن ! بهالكلمه تعالج النقص اللي فيها ! هذا غير اللي تجيك وقحه ( وآسفه ع هالكلمه ) بس ماحصلت تعبير يليق فيهم أرقى من هالكلمه ! هي اللي تتحرش فيهم وشفت هالشي بعيوني :( ! تخيل الموقف واقفه مع 3 من شباب العايله قدام واحد من المحلات ننتظر باقي الأهل يخلصون ! قربوا مني ويهمسون لي شوفي البنات الحين بيجون وش بيسوون فينا ، آنصدمت لما جت بنتين ماسكين بعض ولما وصلوا لنا افترقوا وداروا حوالينا !! وانصدمت أكثر لما ردوا مره ثانيه بس هالمره وحده منهم ضربت كتفها بكتف أخوي مع ضحكات سخيفه !! يعني حتى ما احترمت وقفتي بينهم ! وبمجرد ما دخلت واحد من المحلات حصلت رجال الهيئه جزاهم الله خير واقفين مع عيالنا يقولون لهم إنتوا تتحرشون بالبنات ! لما شفت الوضع أسرعت لعندهم وقلتلهم إنهم جايين معانا مو عشان مغازله وبلاوي ! دوم نسمع إنو الشباب هم الذئاب ومادري ايش ! بالعكس بعض البنات صاروا الحين ثعالب ، الوحده تتحرش بالشخص ولما مايعطيها وجه تقلب عليه !! أبوها لآهي بدنياه والأم لآهيه بصديقاتها وطلعات وروحات ، والأخو من بنت لبنت ديوث مايغار ، والبنت لاحسيب ولآ رقيب ، + إيمان ضعيف إجتمع معاه موت للقلب / كلها أسباب تؤدي لضياع البنت ، اللي بضياعها تضيع عوائل بأكملها ! وياليتهم يفهمون !! مجرد إقتباسين بسيطين من كلامك ، اقتباس:
كلمة الوالده ربي يحفظها وقبلها الوالد ربي يرحمه ، ومعششه بذهني من لما طلعت ع الدنيا / وأي وحده تشغل عقلها بتعرف المعنى العميق لهالكلمه !! + اقتباس:
بس ترى بنت الكويت الأصليه وبنت القبايل مو هذا لبسهم وفيه كثير عايلات تنتقد هاللبس .. هالكلآم من كويتيين كثيييير حولي عشت معاهم :p ، طولت بالكلآم ، بس اللي يصير الحين شي مو هين ، الواحد يستسهل الذنب .. وربي يمهل ! وياليت نلآقي أحد يعتبر !! دومها نقاشاتك كما يقال حامية الوطيس ، وكلامك يصدر من شخص عاقل متزن تبارك الله ، ربي يحفظك ان شاء الله .. ويعطيك العافيه خيي .. تقييم أكيد ، وبالتوفيق إن شاء الله ، |
السلام عليكم موضووع يستحق النقااش ف هالزمن هالشي وااااااااايد نشووفه بخبرك موقف أمس كنت سايره المووول وشفت بنت الله يستر عليهاا نص الشعر برع والراااس فوووق أو بالأحرى برج أيفل فوووق وكانت ترمس وياا اللي يبيع بكل حريه وطلاااقة يعني جأنها تعرفه من سنووات والحياه حلوه عندهااا والله أحينه واايد بنات أستوون جي وكل وحده وتفكيرها وطبيعتها بعد هالشي يرجع للأهل وتربيتهم لماذا أصبحت البنت أكثر جرأة في الحديث مع الشباب؟ يمكن أهلها عاطينها الحريه الكااامله وعااادي عندهم أو عسب اللي تشووفه ف الأنترنت أو التلفزيوون يمكن بعد أهلها هب عاطينها الحريه أبد ومن وراهم تسوي جي بس عسب تحاول تثبت عمرها ونفسها جدام الناس ليش هالتبرج المبالغ فيه .. وهالملابس الضيقة؟ وإذا ياها واحد يرقمها احتشرت ولمت الناس عليه؟ يقوولك المثل أن لم تستحي فأفعل ما شئت يعني أخوويه يحاوولن هالبناات يثبتن عمارهن جدام النااس أو يحبن يبرزن مفاتنهن والله بعضهن يحطن مكيااج تقوول سايرات عرس وعاده العبااه لوو ترمس بتقوول أرحميني تعرف ليش اذا يا واحد ورقمها سووت جي؟؟ تبا تقووله أنا بنت محتشمه بس جدام النااس ولو هي صدق محتشمه ما سوت جي بس عسب تثبت أنها جدام النااس ما ترضى حد يرقمها وأنها بنت حشيم وتخاف الله واذا صدق ما تبا حد يرقمها تحتشم قبل والناس بينظروون لها نظره غير أين أولياء الأمور من ما يفعله أبناؤهم في المولات؟ وكيف يسمح الأب لابنته أن تخرج معه وهي "عاقة الشيلة على الكتف" ؟ أكيد اللي بناتهم يسوون جي عندهن حريه كااامله وأهلهن عاطينهن الخيط والمخيط يمكن حاب يغير من عاداته وتقاليده وسمح لبنته تظهر ويااه والشيله ع الكتف أوو مخلنها ع راحتها أين غيرة الرجال على النساء (الحريم)؟ كثيرا ما أشاهد الأزواج وأجد الزوجة "مترصصة، متبرجة، والقصة برع" ؟؟!! بصرااحه هذا وايد أشووفه أحينه المفرووض ما يخليها تلبس جي, وبعدين ليش تلبس جي دامها متزووجه ؟؟ يعني عندها ريااال ما يحتاي تسووي جي بعمرها يمكن أنعدمت الغيره أين كرامة الإنسان واحترامه لذاته ؟؟ والله اللي يخاف ع عمره بيحشمها وبيحشم الناس وما بيسوي شي يغضب ربه أهم شي الكراامه أذا ضاعت كرامة الشخص مستحيل ترد وكل أنساان مسؤوول عن نفسه موضووعك جميل ربي يعطيك العافيه |
اقتباس:
مب غريب إلا الشيطان يا *الإمبراطورة* ... على فكرة هاردلك لخسارة الوصل >>> الإمبراطور + الإمبراطور = نادي الوصل وجماهيره ^-^ ومنورة الموضوع بوجودج إختي العزيزة .. اقتباس:
بالفعل إختي العزيزة .. رغم إنه وايد من الشباب يرقمون البنات حتى لو البنت ما أبدت له أي تصرف يشير إلــى رغبتها بالسوالف والتحرش .. إلا إن الكثير من هالبنات .. يرسلون إشارات مرئية وغير مرئية تدل إنها جاهزة سواء إنها تكلم الشباب أو على الأقل تسمع كلام حلو (تحس به إنها فوق السحب) :eh_s(1)P: أما بالنسبة للبنات المتحجبات والمحترمات ... فأكيد يا *الإمبراطورة* اللي تربى على الصح .. فيكبر وهو ما يفكر إلا بالصح -- فـ: من شب على شيء شاب عليه. اقتباس:
بالفعل .. أصبحت مثل الهواية .. ولسانه يحكه لو ما يقول كلمة حلوة ويتغزل على الأقل مرة أو مرتين في الأسبوع ... اقتباس:
لا مب عذر الله يسلمج ... أنا أشعر بقلة الاهتمام .. فـ هل هذا يعني إني أنزل من قدري ومكانتي في المجتمع وأروح أرقم بنات في المول ؟!! بصراحة ... ما أرضى على نفسي أنزل لهذا المستوى الأخلاقي واللي بالفعل تعاني من النقص العاطفي .. بإمكانها تعوض هالشيء بأي طريقة أخرى .. نقدر نقول عنها أقل الضرر .. وأستر لها <<< ولو إنه كله في النهاية خطأ في خطأ :54: اقتباس:
هو بالفعل نقص .. أنا أتفق معاج في هالنقطة .. وللأسف إنه بعض البنات مب في بالها إلا شيء واحد وهو إن ينقال عنها: "وااااااااااااو" "كشيخة" "استايلش" بالإضافة إلى "كلام الغزل المعروف" اقتباس:
واهنيه تكمن المشكلة ... لما يكون الرد ((أهلي راضين، انتوا مالكم دخل)) ساعتها الويه يقفط ... ويمكن الناصح بيفكر أكثر من 1000 مرة قبل لا ينصح حد ثاني :1: اقتباس:
أثرتي انتباهي لنقطة .. ما كنت حاطنها في بالي قال رسول الله صلى الله عليه وسلم: "ثلاثة لا ينظر الله عز وجل إليهم يوم القيامة: العاق لوالديه، والمرأة المترجلة، والديوث". والديوث هو: اذي لا يغار على عرضه أو يعلم بفحشهم وسوء سلوكهم ويغض الطرف عن ذلك. ويقول الشاعر: أصون عرضي بمالي لا أدنسه لا بارك الله بعد العرض في المال اقتباس:
:1711: اقتباس:
أكيد، الكشخة والاستايل .. هو أول شيء يجذب الرياييل ... طبعا البعض .. تكشخ في بيتها وبرع البيت ... حرام ما تخلي هالعزاب يشوفون كشختها .. من حقهم يشوفون خاصة إنهم هب متزوجين (شوف وحرق يوف) :w00t: اقتباس:
لا شكر على واجب ... ومشكورة إختي العزيزة *الإمبراطورة* على ردج الجميل وتواصلج الرائع .. لا عدمنااااااج وشكرا على التقييم :blushing: |
اقتباس:
هذا هو الواقع اللي نعشه إختي العزيزة *نهاية حلم* وفي كثير من الأمور اللي تصير امامنا .. وما نقدر إننا نتقبلها بسبب اختلافها مع مبادئنا ووجهات نظرنا ... ولـــكــــن !!! لازم الإنسان يتعلم كيف يتكيف مع البيئة اللي هو عايش والمحيطة فيه .. وإلا راح يتعب، ومحد راح يحس فيه سوى نفسه. اقتباس:
حتى الإنسان المستقيم، واللي ماله في سوالف المغازلين، يفكر في بعض الأحيان وتجيه أفكار سوداوية تقوله "جرب وغازل، مرة واحدة في العمر" خاصة إنه البنات هالأيام ما شاء الله عليهن ... كل وحدة تقول الزود عندي اقتباس:
يمكن حاطة في بالها إنها نازلة المطبخ اللي في بيتهم بعدين إختي العزيزة ... يمكن اللي في المول إخوانها من الأم اللهم لا شماتة ... لكن في بعض الناس تجبرك إنك تشوفها وتعلق عليها مب بسبب الجمال أو الاستايل ... لكــــــــــــن بسبب "العبط" اللي لابسينه :001_tt2: اقتباس:
يا بنت الحلال ... تراه الإنسان ولله الحمد من طيب أصله تكون فيه صفات (الحياء والخجل والاحترام) ... ولكن للاسف الكثيرين يفقدونها ومش يفتقدونها ... اقتباس:
هذا فيض من غيض ... هذي قصة وحدة من عشرات ومثات القصص اللي تصير في كل مكان .. هي بالفعل مستعدة إنها تتحرش في الرياييل وتخطفهم حتى بوجود أزواجهم .. عادي عندها تعتبر نفسها إنه اللي تسويه بتكون حققت إنجاز كبير !! وقدرت إنها تخطف وترقم رجل بين خواته وعائلته ... اقتباس:
أكيد بتقلب عليه ... لأنه بطريقة ما هو قدر إنه يردها وبالتالي أحست هي بالنقص وكيف إنه هالريال ما يعطيني ويه .. حرام كسر بخاطرها ومسح بكرامتها الأرض عسب جيه هي لازم ترد "قضاها" وتسوي له مشكلة وتفضحه .. ما عندها إلا هذا الحل اقتباس:
يعني في هذا الزمن اللي يخوف .. وصار الواحد مننا يخاف على خواته وإخوانه من الضياع .. نجد إنه كثير من أولياء الأمور اللي يظنون إلى الآن إنه تربيتهم تتوقف مع بلوغ سن الرشد !@! وإنه الفلوس راح تسعد عيالهم ... وينسون إن بتجاهلهم وإهمالهم راح يتسببون في ضيااااع عيالهم ودمار مستقبلهم .. وإذا الولد أو البنت صار له شيء ... تراه أكيد الأب والأم ما راح يكونون بعيدين عن الخطأ .. هذا إذا ما صار هناك شرخ في أخلاقيات هذه العائلة .. اقتباس:
الله يحفظ الوالدة ويطول لنا بعمرها .. والله يرحم الوالد ويغمد روحه الجنة يا رب .. وكلامها بالفعل من خوفها عليكم ... عسى الله يحفظكم يا ربي اقتباس:
وجااااااان استحي تصدقين أنا ولا مرة رحت الكويت .. لكن اسمع من خواتي عن الاستايل الكويتي .. واللي أنا شفته من البنات اللي في المولات أو في السفر .. بصراحة يعجبني ^-^ وأظن إنهم يقولون إنه استايل كويتي بسبب إنه يمكن هالموضة بدأت في الكويت وبعدين انتشرت اقتباس:
ما عليج زود يا *نهاية حلم* وجودج في مواضيعي أكيد يثريها أكثر ويزيد من حرارة النقاش وردودج العقلانية دليل على مدى ثقافتج الواسعة لا عدمت وجودج إختي العزيزة .. ومشكورة على التقييم لا هنتِ |
اقتباس:
وعليكم السلام ورحمة الله وبركاته هلا فيج إختي العزيزة *همس العشق* الموضوع موضوعج ... والنقاش نقاشج ولأنه المقصود من الموضوع أصبح كالشيء الاعتيادي إنه نشوفه كل يوم .. كان لابد مني إني اطرحه بإسلوب مختلف يثير الموضوع .. ويجعل القارئ يتحمس للكتابة والرد، ويلقاها فرصة للتعبير عن رأيه ... اقتباس:
الله يسلمج .. هيه عادي عندها ترمس مع (البيَاع) .. لأنه بنظرها ما راح يسوي شيء غير إنه بيبيع لها وبس !! تنسى إنه هالبيَاع راح يرمس عنها وعن "شكلها" واستايلها >الهستيري< يوم بيلاقي ربعه فـ الليل. تنسى الأشياء اللي تعلمتها في البيت والمدرسة واللي أولها "احترام الذات" .. وتسوي نفسها قصة تتداول بين الناس بين اللي يسوى واللي ما يسوى ... حاطة في بالها شيء واحد، أنا مقتنعة باللي أسويه محد له شغل فيني ... هذا استايل هالأيام و "موضة" ... انتوا اشعرفكم !! حلو إنه الواحد يواكب الموضة ويكون مطلع على آخر التطورات في عالم الأزياء ... ولكـــن الأحلى إني أنتقي ما يتناسب مع عاداتي وتقاليدي .. وأحط في بالي إنه لا لـ: التقليد الأعمى اقتباس:
هذا هو مربط الفرس ... العقل والتفكير الخاص + التربية والمعتقدات والتوجهات اقتباس:
إذا أهلها عاطينها الحرية >> اهنيه أنا أرفع القلم :smilies-116: وإذا تعلمت من الانترنت والكبت الكبير اللي في البيت >> أسأل الله لها السلامة وإن يحفظها من كل شر .. لأنه الكبت أخطر شيء .. مثل القنبلة الموقوتة اللي ممكن تنفجر بأي وقت ... تشوف الخطأ وتعرف الصح .. بس تبا تجربه لتثبت لنفسها وللآخرين إنها إنسانة تقدر تعتمد على عمرها .. وهذا الأمر فيه إيجابية وسلبية .. الإيجابية: إنه ممكن بالفعل تنجح .. وتحقق المراد، وتزيد ثقتها في نفسها .. السلبية: ممكن تفشل، والفشل ممكن يدخلها في متاهات هي في غنى عنها، كأن يستغلها حد من الناس بس جراتها وعفويتها في الحديث مع الآخرين... اقتباس:
عين العقل إختي *همس العشق* اللي تبا الحشمة تعرف إنه العباة والشيلة ما تكون خفاش أو فراشة بس اللي تعاني من النقص (ضعف الثقة بالنفس) .. تحاول إنها تظهر مفاتنها وتتمخطر في مشيتها عسب تسمع الكلام الحلو والأرقام .. واتشوف الشباب يركضون وراها كأن الدنيا خلت من البنات .. ساعتها بس تحس بارتياح .. بس بيني وبينج ... خليها على هواها .. وخلي الشباب يلقون لهم شغلة في المول ويمتعون عيونهم بمناظرتها :001_wub: اللي ما يشتري ... يتفرج اقتباس:
في هالحالة يا إختي العزيزة ... أنا ما عندي أي تعليق أقدر إني عليج به .. اقتباس:
يمكن انعدمت الغيرة .. ويمكن أصلا ما بينهم حب .. عسب يكون بينهم غيرة !! ويمكن هالنظام اليديد ونحن ما نعرف .. أو .. على قولتهم الموضة اليديدة ؟؟ ويمكن وأنا أقول يمكن ... إنه الريال يقول في خاطره شوفوا حرمتي ما أحلاها !! وشوفوا اشقايل نحن متحررين ومتفاهمين ... و.. استايلش :24: اقتباس:
واللي ما عنده كرامة ولا إحساس أو مجرد اهتمام بإنه اللي يالس يصير خطأ رغم إنه يالس يسويه .. فساعتها أنا أقول وأبصم بالعشرة ... إنه هالشخص وجوده والعدم واحد، وعلى الدنيا السلام والله يعين إعياله لما يكبرون :0088: اقتباس:
مرورج الأجمل إختي *همس العشق* ما قصرتي على الرد الحلو منج ويعطيج ألف عافية يا ربي |
السلام عليكم ورحمه الله وبركاته , مساء الانوار , فرق كبير بين ماضي دوله الامارات وحاضره الي تعيشه ! طبعا تطورت الدوله بشكل كبير , وهالتطور اثر بعض الشي على مجتمعنا , صارت الدوله فيها اكثر من 147 جنسيه ! وهالشي بحد ذاته تطور ! وله ايجابيات وسلبيات , وانفتاح العالم في اواخر القرن التاسع عشر والي طلعت فيه " العولمه " والي معروف عنها ان تحتل مفاهيم فكريه ثقافيه مكان المفاهيم الاصليه , وهذا الي صاير عند هالفئه من الناس , هالفئه من الناس تخلت عن افكارها وثقافتها تحت مسمى يقال عنه " حريه شخصيه " حتى تكسب النقص الي فيها وتسوي الي تبغيه من دون محد يلومها ! طبعا انا احترم صراحه راي اي انسان , فكره وثقافته لان هالشي كيان خاص فيه , ولكن ! يحاول كثر ما يقدر ان يعكس بالاول صوره الاسلام بشكل صحيح وصوره دولته ومجتمعه المحافظ بشكل صحيح , ولا يحاول انه يتعدى على هالشيئين لان مب من حقه , الا اذا تخلى عنهن !!! الحياء زينه وشعبه من شعب الايمان والمؤمن معروف انه متحلي بهالصفه , وحلو الواحد يحافظ عليها لانها ترفعه وتغنيه عن اصدار الفعل القبيح , فالفتره الاخيره قمنا نحن العرب نقتبس افكار وافعال مشينه في حق انفسنا وحق دينا , وقمنا نقلد الاجانب باللبس والفعل والفكر السلبي , ولا فكرنا نقلدهم بالفكر الايجابي والاختراعات الي متطورين فيها اكثر منا , وهذا مايتسمى بـ التقليد الاعمى , نقلد بس مانعرف نحن شو نقلد بالضبط ! وهذي هي مصيبتنا نحن العرب , والبنت صارت اكثر جرأه من الرجل , لانها فالماضي ماكانت تطلع من بيت ابوها وكان التدريس على قد حاله , بيت المطوعه !! وكانت تلعب ويا بنات الفريج , اما الحين صارت تدرس ونص المدارس فيها اساتذه , صارت تطلع السوق وتشوف رياييل وتتعامل ويا الهندي الي يبيع فالسوق وغير الجامعه الي فيها اساتذه يعني عرفت كيف تتعامل ويا آدم بشكل عام !! وصارت ماتستحي لان صار شي روتيني , شي عادي ., يمكن اول مره شويه خوف واستحياء بس فالاخير الموضوع صار عادي !! والتبرج ! ماهو الا لـ لفت الانتباه ! وتزيد من حلاه نفسها علشان يشوفونها الشباب ويرقمونها تدري البنت تموت فالمدحه , وتبا حد يرقمها علشان تحس انها صدق بنت !!! لو محد رقمها ودز لها ويه , بتقول انا شو ناقصني عن باقي البنات ؟! --> عقليه بعض البنات لا غير ! اما الملابس الضيقه والترصيص !! فانا اشوف حريم كبار بعيالهن مرصصات على عمارهن فما بالك ببنات !! في وايد بنات كنادير بيتهن مرصصه , صراحه ما ادري كيف يتحركن بهن !!! بختنق لو انا , اذا هالشي مسموح لهن فالبيت ! كيف ماتباهن يكونن جذيه برا البيت ؟ الاهل راضين ! بعض ولاه الامور الموضوع يكون عندهم عادي , كل انسان وعقليته بس لازم نحن نبادر بتغيير هالعقليه وتوجيهها لما هو صحيح , ولا بتكون الاجيال اليايه 1% فقط يسلكون الطريق الصحيح والباقيين ,,,,! سوري طولت وايد عليك >< بس اتمنى اني وصلت الفكره لان بصراحه الموضوع يستاهل اكثر من هالكلام بس حاولت اني الملم افكاري في هالسطور , ابدعت في طرحك خيي وربي يوفقك , لآخلآ ولآعدم آن شآء الله .~ |
مسآء الآنوآر والليتآت آخويهـ .. منور القسمـ آخويهـ الآمن .. موضوع طيب و يستحق المنآقشهـ .. آحسنت آولآ آخويهـ في ترتيبك للجمل و طرحك لهآ .. نرد لمحور حديثنآ : طريقة ظهور سوآء البنت آو الريآل من البيت هي اللي تعكس تربيته و شخصيتهـ .. الوآحد يطلع بآحسن لآن الإنسآن يعكس صورة اهلهـ وهو كبروآز لهالصورة مشكلة البنآت تعدت الآمور اللي انت ذكرتهآ يآ خويهـ .. فتشوف البنت الإمآرآتية من دون شيلة ولآ عبآه @@ هي عندنآ في الجآمعه من هالنوع الكثير .. والميك آب والشعر وللآسف سآعآت آشوف الآب آو الآخ هو اللي ينزل البنت هآي وين غيرتك ووين هويتك .؟! آذكر مره و ع السنهـ لي طآفت .. آستآذ سآلني وقآل لي انا اعرف البنت الاماراتية ماآ يستوي انها تسوي هالشي بحكم العآدآت والدين ؟! فليش انا اشوف العكس في الجاآمعه ؟!!؟!! شو تبوني آقول لهالانسآن ؟! آقول لهـ ان اهل الامارات تخلوآ عن عآدآتهم و تقآليدهم ؟ تخلو عن هويتهم كإمآرآتييين ؟! بصرآحه مآ ينلامون الشباب يوم انهمـ بيركضون ورآ هالبنآت .. يعني هم نآس و آظني هالشي يآثر عليهم بشكــل آو آخر صح ولآ آنآ غلطآنه ؟! ولآ آقول لك البنآت الحين هم اللي يركضون ورى الريآيييل يعني مره نحن كنا في مول وآشوف وحده تتبع واآحد وآخر شي يوم يلس عطته الرقم @@ ! ومثل مآ قلت الشيخ البنت مثل الورقآ البيضآ .. وهي بعد مثل الزجاآج غطآ انكسر مآ يرد شرآت آول .. اما عن الآخذ والعطآ بين الشبآب والبنآت.. للآسف هالشي صآر عآدي .. لآن التربية والآسآس غلط فآكيد النتيجه بتكون غلط في غلط بعد .. آمآ عن آسئلتك اخويهـ .. لماذا أصبحت البنت أكثر جرأة في الحديث مع الشباب؟ مثل مآ قلت لك دآم الآسآس غلط فالنتيجه في التربية بتكون غلط في غلط .. و لآ تنسى ضعف الوازع الديني والابتعآد عن الله سبحآنه وتعآلى هو السبب الرئيسي لهالامور .. ليش هالتبرج المبالغ فيه .. وهالملابس الضيقة؟ وإذا ياها واحد يرقمها احتشرت ولمت الناس عليه؟ الموضهـ آو التقليد الآعمي .. يآ خي انا تيني ضحكهـ آوكي قلدوآ في آشيآء تليق بكمـ آو انها تتمآشى ويآ عاداتكم و تقآليدكم ليش كل هاآ .؟! آو حتى قلدي الاجانب في شي يسوى او شي رآقي مب في آي شي يسوى ومآ يسوى قلدتوآ فيهـ .. ححتى العبي الحين صآرت منهآ فسآتين آو مخورآت يعني ما سون شي عشآن الستر أين أولياء الأمور من ما يفعله أبناؤهم في المولات؟ وكيف يسمح الأب لابنته أن تخرج معه وهي "عاقة الشيلة على الكتف" ؟ الغيره للآسف معدومهـ ... ولهالسبب الجيل هذآ مآخذ رآحتهـ وآيد .. إذآ كآنت الآم تلبس الضيق وتتبرج فمآ بآلك بالبنت .! أين غيرة الرجال على النساء (الحريم)؟ كثيرا ما أشاهد الأزواج وأجد الزوجة "مترصصة، متبرجة، والقصة برع" ؟؟!! للآسف معدومهـ . .الحين كل واااحد يبآ يبرز للنآس مدى الجمآل اللي زوجته آو بنآته يمتلكنه وهالشي لي خلى هالفجور والفسوق ينتشر في بلآدنآ .. والسؤال الأهم: أين كرامة الإنسان واحترامه لذاته ؟؟ الانسآن اللي ابتعد عن الله سبحآنهـ و اللي مآ يشعر بالغيره على عرضهـ وبنآتهـ لآ تتوقع منهم يهتمون ب " الكرآمه " تعليق على اضآفتك آخويهـ : صرآحتك حلوه يآ خوي ... بس بناآت الكويت " منهن " .. رآحوآ فيهآ من اللبس اللي يلبسنه مش كلهن طبعآ .. بس على الاقل النصف الثآني يوم بيلبس البنطلون القمص يكون الين تحت الركبهـ و يكون وسيع يعني محتشمـ بالنسبة لبنآتنآ .. آسمح لي آخويه ع الاطآلهـ .. ويمكن مآ وفيت حق الموضوع هذآ .. تستآهل التقييم عليه يعطيك العآفيه لآ تحرمنآ من هالطله المميزه .. |
" " السلام عليكم ورحمه الله وبركآته مسآء النور والسرور ونحن نتمنى لكم جميعآ التوفيق..~ اول وبآدي السموحه كآن ودي اكون من اوآئل من يشآركونك موضوعك..بس العتب ع الصحه..والحمدالله على كل حآل..~ بندخل ف الموضوع المغريات في هالحيآه كثيره..ونآدر الشخص اللي يخلي هالمغريآت مآ تآثر وتسيطر عليه ..بالنسبه للخجل..فهي ابسط صوره للبنت.. يدي الله يرحمه مره قآل..( البنت لا شفتهآ اتخيل ومستحيه..اعرف ان هالبنت ذربه ومربينهآ اهلهآ عدل ، يسد لا طآلعتهآ..نزلت رآسهآ مستحيه ) الحين وين وين تلقى شروآهآ..؟ الا نآدر شرآتي يعني هههه احم:24: جآن بنرمس عن وش نشوف..فهزري يا خويه مآ بنخلص...لأن كل وآحد يعرف شو يطآلع والشآعر قآل..العين تررغب بالمغطآي وتعآف شي دوم مكشوف..؟ استعيب فيهن ذيلا.، شقآيل ترضى تظهر خآري البيت بهالصوره وبهالمنظر..؟ لا والاردى لا شفت ريال عدآلهآ..؟ عجب العجآب..؟ مآشي غيره ابد..مآادري وش يآكلون ذيلا..؟ لا وذيلا اللي اصوآتهن تووصل لين آخر الشآرع...اللي يسمع من زينه يوومآه بس..خلوني سآكته مره ريت وحده تسولف ويآ مصري..ومآخذه رآحتهآ ويآه..جنه حد من محآرمهآ ..حتى تنسد نفسسك يوم اطآلعهم..؟ حشى مآشي حشمه ابد..؟:glare: البنيه هب بس رقعه بيضه..البنيه تشوف الكبريت لا ولعت فيه شقآيل يروح..جيه البنيه..لا رآحت رآحت >< الله يستر علينآ وعلى بنآت المسلمين كله صوووب ... والحرمة الطيبة الحبوبة اللي تتغشى من المواطنين صووووب ثاني ......!! حد قال لج إنه ما عنده جواز الإمارات يصير أخوج مثلا ؟؟!! خخخخخخخ بالنسبه لهن هيه هع برد على استفسآرآتك..؟ 1- شآفت الحريه ولا حسيب ولا رقيب خذت رآحتهآ زيآده ع اللزوم..~ 2- التبرج!!.. مكيآجهآ زآد عندهآ وخآس قآلت بخلصه ..خخ لأن هي امبونهآ هب وآثقه من عمرهآ ولا تبغي تلفت الانتبآه..اندوكم تعآلوآ اطآلعوني والله اني اينن...ولا يقرب صوبهآ الحلا للاسف..؟..ابسط شي لأنهآ انسآنه مآ تعرف ويش تبغي..؟..بس تستعيب من اللي الله مكملهآ في جمآلهآ بس مآ تحآفظ عليه :21: 3- الاب خلف الله عليه..لا تستعيب اذا هي تمشي الامور ف البيت هب هوو..؟ دآمهآ ظهرت ويآه من البيت بهالصوره ولا قآل لهآ استحي ولا اقل شي غطي شعرج..؟ التربيه في عينهآ يعني..~ 4- شي يعور القلب..؟ بالنسبه لي اشوف حلو يوم الوآحد يغآر على عرضه..تحسس انك موجود..تحس في حد يحبك ويدآريك يوم يقولك..غلط سوو جيه....ولا تسوي جيه..؟ قل اهتمآم الرجل للمرآه من نآحيه العآطفه..قآمت ادورهآ بررع..ولا مآشي ريال في عقل برآسه يخلي حد من محآرمه تظهر جيه...نحن بالنسبه لنآ فيهآ قبآيل هع..~ 5- بترمس عن الكرآمه ..؟ كلن بيقولك عندنآ كرآمه بس الدنيآا اطورت.؟ هذآ بنظرهم هم..مآ يدرون ان الوآحد لو حآفظ على عآدآته وتقآليده..كآنت الدنيآ بخير من زمآن..بس وين الوآحد اللي يحس ولا يستحي...؟ موجود بس بعيد كآنه في بير عميق..ومسكرين عليه..يالله يالله الحيآ يقولون طلعوني انآ موجود..~ والله يهدي عيآل وبنآت البلاد ويطرح فيهم البركه ويستر عليهم ..كلن يحب بلاده ويحب ويغآر على شي يخصه وهذآ انت يالامن الوطني..دووم تتحفنآ بالزين..اهنيك على هالحرص اللي اكثر من رآئع..سوآء بالموآضيع او بالردود..~ لا هنت وتستآهل التقيم يآخويه عسآك ع القوه..~ |
اقتباس:
وعليكم السلام ورحمة الله وبركاته مساء النور والسرور بإختي *الجود* اللي عودتني على تواصلها الدايم ومرورها الكريم في مواضيعي :blushing: اقتباس:
في البداية خليني أصحح لج المعلومة ... هناك في الدولة يتواجد أكثر من 200 جنسية في جميع أنحاء إمارات الدولة .. وجودهم في بلادنا من إيجابياته .. إنهم يعملون ويساهمون في تطوير المشاريع والبنية التحية للدولة .. ولكن سلبيتهم كثيرة وأولها وجود الخلل في التركيبة السكانية وما يتبعها من مشاكل إجتماعية، صاروا إعيالنا وإخوانا الصغار يقلدونهم في كل شيء تقريبا .. في طريقة لبسهم .. وأكلهم .. وحتى كيفية حديثهم مع الآخرين .. بروحهم يبالهم موضوع خاص عنهم "العمالة الوافدة" اقتباس:
وهذا الخطأ بعينه ,..، وهو إني أستبدل ثقافتي واعتقاداتي وهويتي .. بهوية دخيلة لا أعلم بجوانبها السلبية والإيجابية .. جميل إنه الواحد يتطلع على الثقافات الأخرى ويجربها "إذا لزم الأمر"، والأجمل إني ما أتخلى عن ثقافتي ومفهوميتي وهويتي لصالح أمر دخيل على مجتمعي وعلي أنا شخصيا. وإن كان ولابد من ذلك .. على الأقل آخذ ما هو إيجابي فقط. والإنسان المثقف والفاهم .. أبدا لا يضع في فكره أنها ما يفعله هو حرية شخصية .. لأن هناك أناس يعيشون معك، تتأثر بهم وتؤثر فيهم .. والمثل يقول: (كل على هواك، وألبس على ذوق الآخرين) :10: اقتباس:
عيني عليج باردة :az_flw: كلامج صحيح، وعين العقل .. ما عندي شيء أضيفه على هالنقطة .. كفيتي و وفيتي. اقتباس:
هذا اللي دايما أقول ... ناس أوصلت القمر وبتكتشف المريخ ... ونحن بعدنا على موضة "Gucci" و "Dior" وفلان قال .. وفلانة سوت !! نادي فاز .. ومنتخب خسر !! ويوم واحد منا يكتشف شيء .. يدور اللي ممكن يدعمونه ويقدمون له يد العون وما يلاقيهم !@! بس برغم كل شيء .. ما راح أكون سلبي ... وأتأمل من الله خير :GIF_13.gif: اقتباس:
صدقج .. امدحها وخذ عيونها :blushing: كل اللي يصير يا *الجود* بسبب عدم التفكير بإيجابية .. أغلب الناس تفكر بالسلبية مثلا: بعض البنات يفكرون إنه الجمال بالشكل .. وحتى تضمن هالجمال لازم تحط مكياج .. وتنسى إنها بأخلاقها وطيبة قلبها ممكن تأسر مئات الشباب. صحيح إنه الجمال مطلوب ويمكن يكون شيء اساسي .. بس لو هي تفكر بإيجابية بتعرف إنه كل بنت فيها جمال سواء كان مادي (جمال الوجه، الجسم، لون البشرة) أو كان معنوي (الطيبة، الحنان، الصدق، ...إلخ) فقط خلونا نعطي أنفسنا وقت للتفكير الإيجابي .. وساعتها راح نكتشف مواهب بداخلنا وما راح نحتاج إننا نعطمها بـ "عولمة خارجية" اقتباس:
ما أدري الصراحة شو أعلق وشو اقول .. هي وجهة نظرج انتي كـ بنت بتكون أفضل عن وجهة نظري أنا كـ رجل ... لكن الغالبية العظمى تكون مقاصدهم سيئة ... ومنها "تعالوا شوفوني شو لابسة اليوم؟" :426: اقتباس:
هذا اللي كنت أتوقعه منج ... أحد الحلول وهي المبادرة بالتغيير ... سواء كان تغيير جزئي أو جذري .. لم يهم النجاح أو الفشل .. ولكن الأهم المحاولة. نحاول ننصح ونوجه .. ونتأمل من الله خير اقتباس:
لا أبدا إختي العزيزة *الجود* ما طولتي علينا .. كنت عند حسن الظن .. ونقاشج جميل جدا مختصر أبدعتي في الرد واحتويتيه بالشمولية .. وأنهيتيه بأحد الحلول .. وهي الأخذ بزمام المبادرة بالتغيير .. شاكر لج تواصلج الدائم والردود المثرية في مواضيعي ومواضيع غيري ومنكم نستفيد :10: |
اقتباس:
مساء النور والأنوار .. وكل شيء نور بنوره بفعل النور النور نورج والقسم منور بوجودج ^_______________^ شو رايج بالترحيب المنور ؟؟ :) اقتباس:
صح كلامج .. بالفعل التصرفات وسلوكيات الفرد هي مرأة لما بداخله من سمات وصفات حميدة أو سيئة. والواجب منا إننا نحرص أن تكون صورتنا في المراية ما يشوبها أي شائب. اقتباس:
بداية .. أنا حاولت اختصر الكثير بالموضوع .. إضافة إلى أن أمور البنات ما راح حد يعرفها كثركم انتوا يا البنات .. افنتوا أبخص في بعض .. واقع مرير اللي نعيشه هالأيام .. نمشي في المول ونلاقي مجموعة شباب على سبيل المثال لابسين ملابس .. من بعيد ما تنكر إنهم اجانب (الهيب هوب) ويوم يمرون حذالك .. يقع الخبر كالصاعقة عليك ... الشباب اطلعوا مواطنين :no_6: شوفي حتى دكتور الجامعة .. قام يعرف شو الصح والخطأ .. ويعرف إنه اللي يسوونه الشباب والبنات مش من تقاليدنا .. وإنها عادات دخيلة علينا .. والمشكلة إننا نرضى إنا نلبس ملابس غريبة وعجيبة وتحمل أيضا رموز غريبة .. ولو الواحد كلف نفسه وبحث عن معناها بيلاقي إنها رموز لآلهة :21: اقتباس:
ما عليج زود إختي .. بالفعل الجرأة جميلة ولكنها إذا زادت عن حدتها انقلبت وصارت "وقاحة" ما أدري شو المستقبل مخبيء لنا ؟!! المشكلة إن هالفئة من البنات ما يحطون في بالهم ولو دقيقة إنه اللي هي قاعدة تسويه ممكن يصير لـ ريلها لما تتزوج وبتي وحدة وبترقم ريلها ... كما تدين تدان. وفوق كل هذا ... إنه بهالتصرف اتطيح من عين الريال حتى لو هو كلمها الحينه لكن يوم بـ يوزن الأمور بعقله .. ساعتها ما بـ يدري عنها وما بيرجع يكلمها. بالفعل إن الغلطة ممكن تصير بجزء من الثانية ... وتصليح الغلط يمكن ياخذ العمر كله :1711: اقتباس:
ويا ريت بس لو البنت تفكر مرة وحدة بس، قبل اطيح الميانة مع زملاء العمل لأنه كل إنسان "زميل" ممكن يفسر .. خلونا انقول "قوة شخصيتها" بتفسير آخر منهم بيفسر تفسير إيجابي << وهذا شيء زين ومنهم بيفسر تفسير سلبي << والله يستر على البنت ويحفظها ساعتها .. اقتباس:
نطقتي بالحق يا *نبض روحي* اقتباس:
يات تكحلها عمتها :20: قلدوا وإخذوا الزين واتركوا الشين ... وإذا كان لابد .. على الأقل خلونا نقلد شيء نستفيد منه أو على الأقل ما يظهرنا بصورة "السخفاء" ^ ^ ^ أقل الضرر .. على الأقل !! بس تعرفين .. المشكلة إننا لما نقلد ترانا نقلد الناس "السخيفة"، عسب جيه تطلع حركات الشباب وطريقة حديثهم وأكلهم ولبسهم .. (غريبة وغير منطقية) قالوا شو Low west ... بصراحة !! عيب اللي قاعدين يلبسونه ... لابس ومش لابس :21: اقتباس:
بالفعل صدقتي والله إذا الأم تلبس ضيق وتشبًبْ .. عيل شو خلت لبناتها !!! إن كان رب البيت بالدف ضاربا **** فشيمة أهل البيت كلهم الرقص والطرب والحب يطلع على بذره اقتباس:
كأن يالسين في سوق .. والكل يعرض سلعته "جمال حرمته أو بنته" يرحم ايام أول ... الترقيم .. والمغازل .. والحب .. وكل شيء يهون بس إني أطلع من زوجتي وهي متبرجة ومترصصة والشيلة شفافة أو طايحة ؟؟ّ!! هذي كبيرة ............... :21: حشى .. ما بقى حياء عندي أبدا !!@!! اقتباس:
صدقتي إختي .. دام هو مبتعد عن رب العالمين وعن المنهج القويم فلا حياة لمن تنادي اقتباس:
وهذا اللي أنا كنت أقصده .. القميص ألين تحت الركبة .. ولابسة شيلة ومغطية شعرها محتشمة وحاشمة نفسها .. وفي نفس الوقت (استايلش) وصراحتي .. تراها لأني أنا رجل ومستحيل إني أقول وأحط على البنات دون ما أبديء رايي الإيجابي في اللي يلبسنه بكون متناقض مع نفسي إذا ما صرحت برأيي ولو بجزء بسيط :) اقتباس:
كفيتي و وفيتي يا *نبض روحي* ما عليج زود إختي العزيزة ... ومشكورة على التقييم وجودج هو المهم ورأيج هو الأهم .. من التقييم ولا تحرمينا من طلاتج في القسم وفي المواضيع :ast7eee: |
اقتباس:
وعليكم السلام ورحمة الله وبركاته مساء النور والسرور إختي *نظرة مني تسدك* سلامات وما اتشوفين شر يا ربي ... اهتمي بصحة الأول والمنتدى والأعضاء بينتظرون عودتج وبالف صحة وعافية :101: بس دام انج الحينه تحسين بالراحة .. عيل بشوف ردج وبناقشج ^-^ اقتباس:
اقتباس:
ما عليج زود يا *نظرة مني تسدك* ونعم التربية والأخلاق ... اقتباس:
اللهم آمين يا رب العالمين .. الإنسان السوي الحشيم .. لما يشوف الخطأ أو يسوي خطأ يحاول إنه يتوارى عن الأنظار وإذا حد غلط عليه لا سمح الله .. يسامحه ويحشم الناس الموجودين لكن اللي فاسخ الحيا .. تلاقينه إلسانه متبري منه .. وما يحشم ولا يحترم حد .. سواء يعرفه أو ما يعرفه .. يقرب له أو لا .. الكل عنده سواسية .. والكل في نظره ما يسحي .. << يشوف الناس من نفس النظرة اللي يشوف بها نفسه هذا الإنسان ما منه رجاء أبدا .. والأفضل إننا نبتعد عنه .. لأن البيضة الفاسدة تفسد البيض كله اقتباس:
تنازلت عن الحياء مرة وحدة وتنازلت عن أحلى شيء "يجمل صورة المرأة عند الرجل" البنت اللي تستحي وتحشم الناس ... الرياييل بشتى ؟أنواعهم، يحترمونها ويحطونها فوق راسهم لأنها بالفعل تجبرك على احترامها. اقتباس:
المشكلة إنه في بعض البنات ما شاء الله عليهن جميلات بصراحة لكن بسبب المكياج العشوائي والمبالغ فيه اللي تحطه في ويهها .. تصير "اللهم لا شماتة" البشكارة أحلى منها اقتباس:
تارك الخيط والمخيط لها .. تشرق به وتغرب به .. وهو منقاد وراها وين ما تروح صدقتي إختي .. حتى صار ماله كلمة عليها ويخاف ينصحها .. ريال .. بعيد عن السامعين "القارئين" :a040: اقتباس:
يا سلام عليج .. أحلى شيء في نقاشاتنا إنه كل واحد يقرأ المشكلة .. ويحاول يعلق عليها وفي نفس الوقت يقارن المشكلة باللي هو قاعد يسويه فيكتشف إنه في نعمة ولله الحمد .. وبعيد عن التأليفات اللي يقوم بها بعض الشباب والبنات .. اقتباس:
الريال يا إختي العزيزة .. ما يعيبه شيء لكن لو كرامتة انمسح بها الأرض أو تنازل عنها ساعتها اسمحيلي .. أنا ما أعتقد إني أقدر اصنفه في مستوى الرياييل !!! في أمور أعتبرها خط أحمر .. المفروض إنه ما يتنازل عنها الريال .. لأنها تمثل مصدر رجولته بمعناها الصحيح البنت بشرفها وعرضها ... والريال بكرامته هذا الشيئين الوحيدين اللي عليهم 100 خط أحمر ممنوع المساس بهم. لكـــن للأسف في بعض الناس نسوها وتنازلوا عنها لأجل مصالهم :thumbdown: اقتباس:
اللهم آمين يا رب العالمين ... والله يكملج بعقلج يا ربي .. ويسعدج في دنياج وآخرتج .. وما عليج زود يا *نظرة مني تسدك* وهذا واجبنا وهذا المطلوب ... إننا نناقش الامور بمنتهى الحيادية والاحترافية .. ونضع التصورات الكاملة .. ولا ننسى أننا جزء من الموضوع. ومشكورة على التقييم .. الله لا هانج |
السلام عليكم ورحمة الله موضوعك بصرآحه مب للنقآش فيوم وآحد لول لانك انت جمعت عدة موآضيع فموضوع وآحد منهآ اهمآل الاهل وانعدآم الحيآء عند البنآت او الشبآب على حد السوآء بس بحآول اقول رآيي بشكل مختصر فالبدآيه بتكلم عن البنآت اللي غيروآ معنى الحشمه فاللبس والكلام واسلوب الحيآه الكثير منآ شآيف وعآيش وسط الكثير من الفئآت فالمجتمع ويعرف اي فئه احسن من غيرهآ وتعدد الفئآت فمجتمع وآحد يرجع لتعدد الخلفيآت العقليه والتفكير المختلف من شخص لآخر في بنآت عندهم مفهوم الكشخه بالتبرج واظهآر مآ يجب اخفاؤه وفي بنآت عندهم مفهوم الكشخه = الترتيب فالمظهر بحدود الادب والاحترآم وطبعآ من رآيي ان المفهوم الثآني هو الاصح وانآ لمآ اشوف انسآنه مرتبه ومحترمه عمرهآ بلبسهآ اقول عنهآ كآشخه امآ لمآ اجوف اللي مهرجآن الوآن فويههآ وسرك فلبسهآ اقول ( هذي شو مسويه بعمرهآ !!) يعني حتى مآ الاقي مسم اطلقه على الهيئه اللي انآ شفتهآ فيهآآ وصح ان الكثير من الشآب يتعرض للبنآت اللي من هالفئه بس حتى الفئه اللي مآ يخصهآ فالبهرجه والمهرجآنآت فالمظهر تتعرض لنفس المضآيقآت يمكن قبل نقول البنت هي اللي تخلي الشآب يتعرض لهآ بس الحين الشبآب مآ يبون حد يعطيهم الاشآره الخضرآ .. بالعكس حتى بوجود الاهل يرقمون ويتحرشون بالبنآت يمكن البنآت المحتشمآت بشكل كآمل محد يتعرض لهم .. بس البنآت اللي من الفئه المحترمـه بلبسهآ ومب شرط مغطيه ويههآ ولا عبآية رآس بعد تتعرض للتحرش !! وانآ اقول هالكلام من تجآرب مريت ابهآ مش تجربه وحده ! وعرفت ان بوقتنآ هذا مآفي شي اسمه حدود للشبآب المفوض انهم مآ يتجآوزونهآ الشي اللي فبآله بيسويه حتى لو كآنت البنت حآشمه عمرهآ ومآ يخصهآ بهالامور امآ عن اوليآء الامور واهمآلهم لعيآلهم فهذا مووع طوويييل آخر ومآ برمس فيه وآيد .. بس انآ اشوف ان الكثير من النآس يخلون عيآلهم ع رآحتهم من بآب الدلع .. ومآ بنخلي عليهم قآصر ! وطبعآ هالشي غلط لان الاهل لو علموآ عيآلهم الاحترآم والادب والاحتشآم مش معنآته انهم قصروآ ! بالعكس هم ادوآ وآجبهم ع اكمل وجه بس الحين حتى الاهل تفكيرهم صآر مشوش .. وعندهم افكآر مغلوطه يطبقونهآ فحيآتهم ويتبعون اسآليب خطأ فتربية عيآلهم وتنشأتهم وفي من الاهل مآ يدرون بان عيآلهم يسوون هالشي .. لانم حطوآ فيهم الثقه والعيآل اللي خآنوهآ بتصرفآتهم وباسلوب حيآتهم اللي اتبعوه فالنهآيه اقول ان موضوعك فعلا محتآجآ نقآش موسع يشمل النوآحي الدينيه والتربويه بشكل اكبر بس للاسف الكثير من هالموآضيع تمت منآقشتهآ وبسبب اختلاف الخلفيآت العقليه اختلفت الآرآء بين المؤيد والمعآرض ومآفي وصول لاي نتيجه ! ع العموم حبيت اشآرك بموضوعك برآيي وان شالله مآكون طولت يعطيك العآفيه يآخوي =) |
اقتباس:
اقتباس:
وعليكم السلام ورحمة الله وبركاته هلا فيج إختي *خوية الشقا* في البداية مشكورة إختي العزيزة على الإطراء الجميل .. هو بالفعل النقاش يطول فيه .. ويطول بشكل كبير لكن لو ركزنا تفكيرنا فقط على الحياء وماله من تأثيرات على نفسية الفرد والمجتمع .. وتركنا "إهمال الأهل" راح نشوف إن الموضوع ليس بذلك الحجم .. عسب جيه من البداية كنت مركز تفكيري لمناقشة جانب الحياء .. وماله من تأثير على أفراد المجتمع. اقتباس:
أنا أبدا من ضد الكشخة والاستايل .. لأنه هو مطلب أساسي ومهم للمرأة بحكم أنوثتها لكن مثل ما تفضلتي .. بحدود الأدب والاحترام .. التبرج الزايد والمقصود منه "تعالوا وشوفوني" هذا اللي ما نطالب فيه رأفة بقلوب الشباب :yaw: اقتباس:
رأيج على العين والرأس وأنا شخصيا أحترم رأيج وأوافقج فيه بعد .. يمكن أقرب كلمة وصفة هي "كائن من كوكب آخر" :2: اقتباس:
صحيح إختي العزيزة ,, واهنيه يبين معدن الحرمة المحتشمة واللي الحياء كاسيها من رأسها إلى أخمص قدميها .. تجدينها ما تكترث ولا حتى بتعطيه ويه ولا راح تكلمه بتكمل دربها، ولا كأن شيء صاير وهذا هو الصح :) اقتباس:
الباب لما يفتح .. وينعطى المجال، صعب إنج ترجعين تسكرينه لو البنات ما تجرأت ولا وحدة فيهن إنها ترقم الشباب .. جان كان الوضع غير وساعتها كل واحد فكر 100 مرة قبل لا يرقم وحدة .. بجزء من الثانية صار الموضوع وترقمت البنت .. وبجزء من الثانية فكرت البنت على استحياء إنها تكمل دربها سيده وما تلتفت له وتنسى الموضوع ولا كأن شيء صار اقتباس:
بالنسبة للشباب اللي يرقمون البنات حتى لو كانن محتشمات .. ترا مثل ما قلت قبل "إن لم تستحي فافعل ما شئت" والله يحفظج يا ربي .. ويستر عليج دنيا وآخره .. اقتباس:
وذلك لضعف الرقابة على الأبناء .. العيال مهما اكبروا لازم أظل اتابعهم ولو من بعيد أما إني أترك لهم الخيط والمخيط فهذا الشيء خطأ وعمره ما بيحل مشكلة أو بيصنع من الشباب رياييل، ومن البنات حريم :خ9: العيال محتاجين توجيهات ونصايح حتى لو اكبروا ... وكل واحد فينا محتاج في فترة من الفترات حد ينصحه ويكلمه ويحسب معاه الأمور ليعيد ترتيب الأمور ويوزنها بالعقل بعيد عن العواطف .. وهذا التخطيط السليم ... اقتباس:
إن شاء الله بحاول في المواضيع القادمة أكون أكثر تركيزا .. ويزاج الله ألف خير على صراحتج والإنسان ما بيتعلم إذا ما سمعت وجهات نظر الغير .. اقتباس:
مشكورة إختي العزيزة *خوية الشقا* على مشاركتج الجميلة تعليقج الأجمل ما عليج زود .. الله لا هانج .. |
๑..مـرכبآ oـڷآييـטּـﮯۋڷآيسدטּﮯ..๑ { اقتباس:
صبحك الله بالخير ، ومسآك ربي بالنور " ويآك يآرب ، أحسنت القول :) .. ! اقتباس:
بالفعل ، و هآللي مفتقدينه الاغلبية هالايام >< ! صدق الشآعر لآ قآل : يعيش المرء ما استحيى بخير ، ويبقى العود ما بقي اللحاء :4:فلا والله ما في العـــيش خير ، ولا الدنيا إذا ذهـب الحــياء ! اقتباس:
هيه وآلله ، شرآت مآ يقولون [ وطآحت الميآنة ] "ه شي نآس لو مهمآ تبدلت الازمآن و الظروف ، يبقون هم بعآدآتهم وتقآليدهم و :uae:مآيبدلونهآ مآدآمهم عآيشين وشي نآس العكس ، يمكن يبون يوآكبون العصر بعآدآت عكسية ومتقلبةً وانا مادري ؟! اقتباس:
صآدج ! ، يآمآ شفنآ هالاشكالُ ... و لآ زآلتً آلله يهديهم ويهدي يميع المسلمين =/ .. اقتباس:
يآآآآلله ! شقد ينشآفون هذولي الحينه . . و الله و صدقت يآخويه =/ . . ! بس تدري .. انا ضغطي يرتفع ع اللي يرقمون ومآيرضون ع خوآتهم اونهم ! شرآت = عاشق ترقيم ،، شاف بنت لحقها ورقمها !! رجع بعد كم يوم شاف بنت احلى و رجع رقم !! وبعد ثانيه رجع شاف بنت مش حلوه بس صار بخاطره يرقمها .. مره من المرات واحد من الشباب رقّم اخته .... فما كان منه الا ان ( يذبحه ) ذبحة سنعه وهو يقول ماتستحي ترقم !!!!!!! [ يآخي لآ ترضآهآ ع خوآت غيرك دآمك مآترضآهآ ع خوآتك ! ] يه !! :walla: اقتباس:
[:38:] >>أظن بسبب الشمس القوية والله هالاشكال قآموآ ينشآفون بـ حركآت عديده شي منهم شرآت مآ قلت يحط السمآعة و كل مآ مرت وحده رقمهآ وشي اللي لآ تحرش حد بالبنآت تدخل وسوآهم أهله .. ولآ رآحوآ المتحرشينَ ، عآد الشريط بس ب بطولة يديده [ بطولته ] الله يهديهم ... :bored:<شوفة عيني ً اقتباس:
بو طبيع مآ آييوز عن طبعه لآه =/ . . جذي ولآ جذي مآ يحشم -،- ** عآد هذول من جد أضحوكة .. بدآل مآ تجحلهآ تعميهآ " [:thumbdown:] اقتباس:
هــيه لآ ! ع قولتهم .. هو مثل أخوي , و هو أخوي وآآآآآآيد تفرق ! [ وصح آلسآنك ]:ans_flw: اقتباس:
حد قال لج إنه ما عنده جواز الإمارات يصير أخوج مثلا ؟؟ <[:09:] اقتباس:
[:d-uae0(1):] .. اقتباس:
طبعآ هي فئة موجودة ، و شخصيآ .. آشوفه يعتمد آولآ ع البيئة وثآنيآ ع الشخصية ُ يعني بيئتهآ / اهلها أعطوها الحرية هذي " أو أن الام والاب ً تآركين تربية الابنآء ل المدرسة و الخدم "ولآهين فدنيآهم وفي حآلآت نآدرة تكون البيئة سليمة لكن الشخصية العكس تمآمآ:eh_s(1)P: ف نشوف هالبنت الجريئة هي الشاذة بين خوآتهآ ، ويرجع هالشي لعدة دوآفع من ضمنهآ رفقآء السسوء" اقتباس:
طبعآ ن كل [ن] آييب الشي لعمره ! وهالبنآت من جد يضحكنّي .. يعني بروحهآ تنآقض عمرهآ .. بالاول تعآلو يآنآس وشوفوني وبعدين تشتط ع اللي اييون لهآ:169: آمآ عن ليش .. يآخي [ قلة حيآ و قلة مستحى ] + [حرية شخصية ع قولتهم ] ! ! بس قبل هذولي .. آعتبر [ آلآهل ] لهم دور كبير ً هم و رمستهمُ واهتمآمهم و متآبعتهم لآبنآءهم .. اقتباس:
- آروم آقول آنه مآشي غيره ع عرضه صح ؟ صدج نآس غريبـــــــــــــة .. :21:يعني سؤال ، لو آلآسلآم كآن محلل لنآ لحم الخنزير ! جآن هذولي شو سووآ ؟ فئة الديوثين موجودة ولآ ننكر وجودهآ ، " لكن بهالحالة مآ باليد حيلة ؟! =/ .. اقتباس:
عن عبدالله بن عمر قالأن رسول الله صلى الله عليه وسلم قال ثلاثة قد حرم الله عليهم الجنة مدمن الخمر والعاق والديوث الذي يقر في أهله الخبث . رواه احمد ... هآه بعد .. لو لو لو ماكآنت حبيبته وكانت مرته ، بس كونهآ مرته . . والله شي يحير ! منهم اللي من الغيره يخليهآ تتغشىَ و منهم اللي تيك آت آيزيً و يحللون لحريمهم :bored:الزينة بره البيت بعد ! اقتباس:
مفهوم الكرامة يفرق من شخص ل شخص .. يعني لو يينآ ع هالفئة المذكورين فالموضوعُ ، عآدي الكرآمة مآلهآ مكآن ف قآموسهم ولآ يقدرون معنآهآ حتى ! :a050: اقتباس:
شرآت آخويه .. " :kk_ed:" :) أحييّك ع غيرتك على خوآتك المسلمآت و الموآطنآت اقتباس:
مآدري آذآ وفقت بآعطآء الموضوع حقه .. بس بصرآحة .. كتبت ومسحت وآيد بالرد وغيرته آكثر من مره لين مآ حسيت آني آكتفي بهالقدر من :kk_ed:التعديل جميل جدآ تسلسلك فالموضوع ، من مقدمة لموضوع لخآتمة" و بآين تعبك ع الموضوعُ ، موففج و تستآهل التقييم بلآ منآزع :141: ودمت موآطن صآلح غيور بحفظ الله " } ๑.. بـכفظﮯ آڷڷـﮧۋ رعآيٺـﮧ..๑ |
السلام عليكم مرحبا اخووويه بصراحه مش عارفه كيف اشكرك على طرحك لهالموصوع للنقاش لانه موصوع بالنسبه لي مهم واليوم كنت اتناقش فيه مع الاهل قلت يمكن اني يايه مجتمع غير مجتمع العين المحافظ على العادات والتقاليد بس اللي اكتشفته عقب انه اغلبية بنات البلاد جذيه بصراحه بنات اليوم ابد مش بنات البلاد اللي احنا نعرفهم وطبعا مش الكل الا البعض والا خلنا نقول الاغلبيه صارن جذيه يعني من كم يوم رايحه السوق مع ريلي ومرت علينا شلت بنات ما اقدر اقول غير استغفر الله العظيم من اشكالهن وطريقة مكياجهم ولبسهم والله اني انصدمت معقوله احنا بالعين اقول لريلي مستحيل وين سيده وقفن جدام ريلي ووحده قالتله انته دخلت مزاجي وابغي اتعرف عليك انا هنيه بغيت افلعها والا اسويبها شي بس قلت بسكت بشوف شنو اخرتها وعطته الرقم بكل وقاحه وجدامي قلت لها والله عنبوا انا جدامج شنو طوفه والا ما تشوفين قالت وشوو يعني ولو انه معرس مافيها شي بالعكس هذا المطلوب والله ما شفت جدامي كنت ابغي اسوي فيها شي بس ريلي تكلم وقال امشي عن هالاشكال هذي حرام اصلا تنزلين مستواج لهن اما بالنسبه للأسئله لماذا أصبحت البنت أكثر جرأة في الحديث مع الشباب؟ الله يسلمك غياب الاهل هذا شي اساسي وثانيا مافي وازع ديني وثالثا الانترنت والتلفزيونات والتقليدالاعمى للغرب ليش هالتبرج المبالغ فيه .. وهالملابس الضيقة؟ وإذا ياها واحد يرقمها احتشرت ولمت الناس عليه؟ اخوويه شفيك هذي موضه عندهم ما اقول غير امحق موضه لو سالتها بتقولك انت متخلف ما تعرف بالموضه شعرفك انته والله في بنات ولا كانهم لابسين عباه والشيله زينه على الجتف والمشكله الحين العباه الاسترج اللي اطلع تفاصيل الجسم والا عبي امهاتهم والا يداتهم اللي كانوا يلبسونها على الراس هم الحين لا يحطنها على جتفهم ويحبونها لانها مش مسكرة ويلبسن بديات ولقنزات قصيره واذا ياها حد تحتشر وتلم خلق الله ليش مدري مب لبسج وطريقة مشيتج و حركاتج تلفتينه والحشره هذي كلها اللي تسويها بس ترضي غرورها اتوقع عشان تحس انه حلوه ومزيونه والكل يبيها ما اقول غير امحق حلاه أين أولياء الأمور من ما يفعله أبناؤهم في المولات؟ وكيف يسمح الأب لابنته أن تخرج معه وهي "عاقة الشيلة على الكتف" ؟ مشغولين عنهم و لايدرون عن عيالهم ولا عن حياتهم وللاسف وايد منهم الحين أين غيرة الرجال على النساء (الحريم)؟ كثيرا ما أشاهد الأزواج وأجد الزوجة "مترصصة، متبرجة، والقصة برع" ؟؟!! يقولك والله موضه طبعا بعد غسيل المخ اللي سوته له المره او انه ما يحبها ولا يواطنها لانه لو فيه بقلبه ذرة حب تجاها ما يخليها تفكر اصلا تطلع جذيه من غيرته عليها والسؤال الأهم: أين كرامة الإنسان واحترامه لذاته ؟؟ عند هالفئه من الناس مافي شي اسمه كراااامه وما اعتقد يعرفونها اصلا والسموحه من الجميع على الاطاله واتمنى محد ياخذ بخاطره بس هذا راي |
اقتباس:
ومرحبا فيج إختي العزيزة في الموضوع :) اقتباس:
صدق الشاعر .. وتسلمين على الإضافة الجميلة اقتباس:
أنا شخصيا مش ضد التطور .. ولا ضد تعلم الأشياء الجديدة لكن بس أطالب بوجود "فلتر" عند هؤلاء الناس يضع من خلال الشخص العادات ولتقاليد والأعراف الغربية في "الفلتر" وبعدها ياخذ ما هو معقول ومقبول في بلادنا ولا يتعارض مع ديننا الإسلامي أو عاداتنا وتقاليدنا المتعارف عليها اقتباس:
اللــــهـــــم آمــــيــــن اقتباس:
اقتباس:
المشكلة هي إنه هالناس أصبح الترقيم عندهم شيء طبيعي وعادي في حياتهم اليومية ومثل الدم يجري في عروقهم .. بس صدقيني لو البنات ما يعطون مجال أو إشارات من خلال حركاتهن ولبسهن جان قلت سالفة الترقيمات هاي .. وبعد لا ننسى إنه دور الشرطة "ضعيف" نوعا ما في المراكز والمولات والحدائق العامة وغيرها يعني وجودهم وانتشارهم غير جيد وربما معدوم في بعض الأحيان.. اقتباس:
على فكرة ... هالتصرف أحيانا يكون له مفعول السحر أونه يخاف عليهن وفي نفس الوقت يرقمها والمشكلة إنه في بعض البنات في مثل هالتصرفات ينسن إنه هالريال صح إنه دافع عنهن في البدجاية لكن تراه قاعد يرقمها بأسلوب "محترم" اشوي :D-: اقتباس:
كلامج هذا يلهمني .. ويخليني أفكر في موضوع بالفعل غايب عن بال الكثيرين وأمس كنت يالس أتناقش فيه مع شخص تعلم بعض الأمور منه أشكرج أنا اقتباس:
صح كلامج .. مهما اللي يصير حاليا .. تراه أولياء الأمور لهم الدور الكبير في تشكيل هيئة وصفات الأبناء الأب والأم بإمكانهم إنهم يبنون أبناء ويشكلونهم بالطريقة اللي هم يرونها مناسبة ولما يوصل الشخص لـ العشرين من عمره وقتها على الأب والام مشاهدة نتيجة تربيتهم :d-uae0(1): اقتباس:
ردا على سؤالج .. يمكن ساعتها لو حد يرقم حرمته أو يكلمها ما يقول شيء بيقول قصده شريف :137: اقتباس:
لا حول ولا قوة إلا بالله العلي العظيم :54: عجيب أمر بعض الناس اقتباس:
ما عليج زود يا *سكوتي يذلك* هذا من زود حبي للإمارات ولاهلها واللي ما أتمنى إلا الخير لكم اقتباس:
تسلمين يا إختي العزيزة على مرورج وبصمتج الجميلة في الموضوع ولا هنت على التقييم ودمت مواطنة وبنت بارة باهلج يا ربي |
اقتباس:
وعليكم السلام ورحمة الله وبركاته لا شكر على واجب إختي العزيزة بالفعل هالموضوع كان يشد الكثيرين من العجب والعجاب من اللي نشوفه يوميا في المولات وخاصة "الويك أند" اقتباس:
هههههههههههه تصدقين تصرف ريلج كان حكيم بالفعل خلها تقول واتسوي اللي تبيه وفي الأخير يرد بجملة: "امشي عن هالاشكال هذي حرام اصلا تنزلين مستواج لهن" الله يحفظه يا ربي ويديم عليكم المحبة ... زين ما سوا، لأنه هالناس ما راح يرتدعون إلا لما يحسون إنه في ناس بعدها عندها مباديء اقتباس:
بالفعل .. من خلال ردود الأعضاء .. تقريبا تم الاتفاق على إنه الأهل لهم الدور الرئيسي في تربية الأبناء والمسؤول المباشر عن تصرفات هؤلاء "المراهقين" اقتباس:
تحس بالنقص ومش واثقة من نفسها وتنتظر حد يقولها إنتي جميلة وحلوة وجذابة وتغرين الجنس الآخر صحيح إنه المرأة بحكم أنوثتها تحب تسمع هالإطراء الجميل كل يوم وكل دقيقة بس الأفضل إنها تحترم نفسها وتسمع هالكلام من أهلها ومش من كل من هب ودب :54: اقتباس:
للأسف :1: اقتباس:
ما عندي شيء أضيفه بصراحة .. يعني دام وصلنا لـ: هالمرحلة من التفكير والتصرف ما اقول إلا "الله يعوض على عيالنا بألف خير" اقتباس:
:1: اقتباس:
لا أبدا إختي العزيزة لج مطلق الحرية بالتعبير عن رايج وهذا هو المقصد من عرض الموضوع يعطيج ألف عافية وما قصرتي الصراحة ومشكورة على المرور والرد الجميل منج |
๑..مـرכبآ oـڷآييـטּـﮯۋڷآيسدטּﮯ..๑ { عودةَ للموضوعُ ،، " طبعآ مآ عندي آي آضآفة ع ردّك آخويه [ الامن ] .. لكن ! .. عندي تسآؤلً وبغيتك تشآركنآ رآيك فيهً ، آذآ أمكَن " آسمح لي :eh_s(1)P: .. ببتعدً طشة عن محتوى الوضوع ُ ، .. * طبعآ [ن] كلنآ نعرف الُمنآسبة اللي ياية لنآ ع بدآية الشهر الياي ً آلآ وهي [ عيد الاتحآد ] ،، من أَحَب الاحدآث لأغلبية الشعب فهالمنآسبة هي = المسيرة، لكن اغلبنا شآف غآلبية الشعب شو سوى بالمسيره ؟ -الرش هني وهنآك ، "عآدي شي عمال بيخمون بعدنآ" -الاستعرآضآت كثرت بهاليوم وتشكل خطورة ع حيآة هالمستعرضين :no_6: - حركآت المغازل تكثر بهاليوم الله لا يراويكم ![مستغلين الزحمة ماشالله عليهم ] -ويآعيني ع اللي ترش ع راعي الموتر اللي حذالها /و ع اللي يرش ع راعية الموتر الثاني .. آخوآن في الإسلام شفيها عاد . . ؟":w00t: يعني هل انتمآئنآ للوطن نظهره ونعبر عنه بهالشكل هذا ؟! هل حبنآ لدولتنآ يبرز من ورا هالسوآيآ ؟ اني احط الشال ع رقبتي واظهر من الموتر واسوي حبتينً ، هلُ وطنيتنآ يقآس مقدآرهآ بهالسوآيآ ؟ [ سؤآلي يقول . . هل آنت مع آو ضد المسيرة اللي يسوونهآ كل عآم ] .. [شو سلبياتها وشو ايجابياتها ؟] . . " * السموحه ع الاطاله و المدآخلة .. لكن حبيت اعرف وجهة نظرك فالموضوع=] بحفظ الله ، } ๑.. بـכفظﮯ آڷڷـﮧۋ رعآيٺـﮧ..๑ |
تعرفين إختي العزيزة .. ما راح أجاوب الحين ... بترك الجواب ألين ما تحطين موضوع يديد في القسم وعلى فكرة انتي سبقتيني .. كنت أبا أكتب عن عيد الاتحاد على نهاية هالشهر :) وكنت راح أتطرق لـ هالموضوع .. اكتبي موضوع يديد وحطي تساؤلاتج وفالج طيب وعلشان الكل يحط رأيه ونتفق في النهاية على أمر واحد :) وأشكرج أنا على أفكارج الحلوة ونقاشاتج الهادفة والفريدة بصراحة |
๑..مـرכبآ oـڷآييـטּـﮯۋڷآيسدטּﮯ..๑ { اقتباس:
يوم قريتً عنوان موضوعكُ قبل مآ آقرى المحتوى . . توقعتك كاتب عن المسيرهً ،: ) .. دآم جذي السالفه ، بعد المسابقهً آنآ والبجية ناطرين [ موضوعك ] ً ، :121: واذا انا افكاري حلوه ، ترى طريقتك فالنقاش و حبك الموضوع احلى :) ً تسلم ع الرمسهً، بس نآطرين الموضوعُ من يدآكُ " وآلسموحه ع الشسمه .. " بحفظ الله ، } ๑.. بـכفظﮯ آڷڷـﮧۋ رعآيٺـﮧ..๑ |
اقتباس:
لا مسموحة إختي العزيزة .. يمكن عنوان الموضوع كان اشوي وطني يذكرنا بعيد الاتحاد ^-^ بانتظار الموضوع منج إختي العزيزة .. وعلى فكرة تساؤلاتج اللي كتبتيها ضيفي عليها أمور بسيطة وراح يصير عندج موضوع كامل .. والكامل الله وشاكر لج تواصلج في الموضوع ,..، |
وعليكم السلآآم ورحمه الله وبركآآته حبيت اشآآرك في الرآآي معني احس صار له فتره ... ^ > تو الناس خخ اقتباس:
لان الرجل هو لي سمح لهآ بهشي .. > اقتباس:
اقتباس:
لو كان شاد عليهآ مارح يخليهآ تطلع كذي > وهم اقول الدوله لي بعد تسمح بهشي مثلا شوف في السعوديه مااتطلع البنت بهشكل ولي تطلع بشكل ياسواد ليلهآآ اقتباس:
ياخوي لا تعب حالك هالسؤاال محد بيشوفه غير المحترم ومابتلقا اجابه غير > منتقده لهشي احنا في زمن لا توجب النصيحه فيه ... اقتباس:
ياخوي مثل هالناس تفكيرهم غربي يعني بنسبه لهم كرامت الذات موجوده واقوآ من اي شخص بس غرتهم دنيآ زايله ... وارجع واقول الوازع الديني بيت لا يقرآ فيه القرآآن ويتبع المعااصي وش تنتظر منه غير هالمناضر واخيرآ لا تعب تفكيرك واعصابك ع ناس معاد يعرفون الصح من الغلط بنسبه لهم هم الصح وهم في تططور وبنسبهه لهم لي متمسك بعاداته وتقاليده > انساان غجري لا يعرف للتطور باب كان هذا رااي تقبل مروري اختك الجآآدل . |
اقتباس:
أفا عليج إختي .. حتى لو تتأخرين .. الأهم إنج تمرين وتقرين الموضوع وفوق هذا كله الأهم ردج ورأيج في الموضوع. بالنسبة لردودج إختي العزيزة ... أنا معاج باللي تقولينه بس عندي ملاحظة بسيطة على ردج على سؤال: اقتباس:http://vb.ma7room.com/m7roo2011/misc...-top-right.gifhttp://vb.ma7room.com/m7roo2011/misc...p-right-10.gif لماذا أصبحت البنت أكثر جرأة في الحديث مع الشباب؟ http://vb.ma7room.com/m7roo2011/misc...t-bot-left.gifhttp://vb.ma7room.com/m7roo2011/misc...-bot-right.gif اقتباس:
^ ^ ^ هل تعتقدين بالفعل إنه الريال هو السبب فقط ؟؟ وإن كان هو السبب بالفعل .. يا ترى شو الأسباب؟ والدوافع؟ أنا أخالفج الرأي ... صحيح إنه للرجل التأثير الأكبر .. لكن لا تنسين إني حاط أيضا إنه المرأة أصبحت حرة نفسها في كثير من الحالات وهي المسؤولة الرئيسية عن ما تفعله ... وأصبح الرجل مجرد مسمى فقط لا أكثر .. صارت المرأة تمشي مع زوجها وهي متبرجة وشعرها برع <<< وداعا للحشمة :9: عقلية المرأة لم تعد كما كانت في السابق .. ألتطورات والتأثيرات الخارجية أصبحت أحد الأسباب الرئيسة ولس فقط الرجل وانعدام الغيرة :36: تعرفين إختي العزيزة .. المشكلة إننا نعرف الغلط .. ونعرف الأسباب ولكننا نتجاهل ولا نكلف أنفسنا حتى بتطبيق 1% منها !!!!! :78: اقتباس:
رأيج على العين والرأس .. وأشكرج على مرورج الكريم والطيب ويعطيج ألف عافية يا ربي |
اقتباس:
99% الرجل هو السبب .. و1% للمرأه > التفسيرـر ليه في زمن امهآتنآ مآكآن في هالاشيآآء .. لاآن الرجل كآن هو كآن ماسك زمام الامور بس احين اصبح الرجل يتخلي عن معظم مسؤلياته ويتركهآ للمرأه > ليس الكل لاكن الكلام يشمل الناس لي تشوفهم في الشارع مع حرريمهم متبرجاات... لو كان هالرجل نفس ابوي وابوي اي شخص هو مصدر القوه في البيت ماكان ستوا هالشي بس للآسف اصبحنآ في زمن تخلي الرجل عن اهممم مسؤولياته لاتلوم الحريم فقط لوم لي واقف عداالهآ اكثثثرـر |
اقتباس:
زمان اول إختي العزيزة .. كانت الحرمة ما تطلع وتروح وتشتغل كانت في بيتها حاشمة عمرها ويمكن إذا بغت تشتغل تراها تطرز كنادير وغيرها من الامور المنزلية فكانت طوع أمر زوجها .. وكان لابغت تروح تزوج حد تخبر زوجها واتروح مع بناتها وترجع لكن الحين البنت وقبل الزواج (لاحظي .. قبل الزواج) قامت تكمل دراستها واختلطت بالمجتمع وراحت وردت .. واشتغلت أيضا وما عادت منغلقة على نفسها .. بل تفتح عقلها بالدراسة والأمور اللي صارت أمامها في الشغل ومن خلال الانترنت وغيره ... لذلك البنت صارت تحكم تصرفاتها بنفسها قبل الزواج خاصة إننا أصبحنا في وقت لا ولايمكن إننا نحبس البنت في البيت ؟!! احتكاكها بـ باقي البنات في المدارس والجامعات والشغل والانترنت والتلفون والأهل والأصدقاء كلها ساهمت في صقل البنت وتكوين شخصياتها .. فلما أصبحت البنت في سن الـ 20 سنة تقريبا .. صارت البنت واعية بكل شيء وبكل ما يجري من حولها .. والغشاوة اللي كانت على بنت الـ 20 سنة في الماضي لم تعد موجودة الحين .. بفعل المتغيرات اللي ذكرتها فالرجل لما يتزوج البنت أصبحت البنت بشخصيتها تمشي أسلوبها على الرجل .. وفي بعض الشخصيات (الرجال) باردين برود الثلج ولا يمنعون زوجاتهم من فعل الكثير من الأمور واللي يوقف أمام زوجته وهي تكون معاندة مصيرهم يكون واحد من الإثنين: 1. الطلاق (ويمكن المرأة هي اللي تطلب الطلاق في المحكة) .. 2. عناد وصدود من الطرفين و بالتالي (الريال تزوج على حرمته أو عنده علاقات، والحرمة نفس الشيء عايشة حياتها). لذلك .. أنا أرجع وأقول إنه البنت هي المسؤولة عن تصرفاتها بنسبة كبيرة جدا وليس الرجل لأننا في زمن صارت فيه البنت اما تتزوج (مقشرة وجاهزة) :a040: .. مواهبها واعتقاداتها كلها مصقولة .. ونادرا ما تلاقي وحدة في سن الـ 20 غير متعلمة أو مثقفة .. وكثير من الشباب في بعض الأحيان يطلبون الزواج من بنات غير جامعيات، أو على الأقل ما يشتغلن .. مع احترامي الشديد لكل البنات .. وأدري إنه فيكم الخير .. ولكن الحوار فقط لتفسير النقاش فقط لا غير :kk_ed: |
السلااام عليييييكــــــم ... بخصوووص الموضوووع يعني .. والله كلامك 100% صح !!!!! يعني احس انه عيييب والله و اللي يايين من برع ،،شو بيقولون عن اهل الامارات !! و احس انه المفروووض من الشباااب يووم يشوفون وحده جييييه و تبا حد يرقمها ، المفروووض يعني انهم ينصحونها و جييه ! لأنه اكثر البنااات اللي جييه يكونون مراهقااات و يحسوون انه هالشي عادي و صح .. و الشباااب يعني انتو ماشاءلله علييكم ، و اكثركم فووق الــ 20 على ما اعتقد يعني .. فــــــ .. الله يهدي الجمييع ان شاءلله ^^ و بخصوووص الاسئله .. هـــــــــع ::: ليش هالتبرج المبالغ فيه .. وهالملابس الضيقة؟ وإذا ياها واحد يرقمها احتشرت ولمت الناس عليه؟ مممــ اعتقد انه نصهم يفكرون انهم يبوون يكونون ستااايل جداام ربعهم و يبينوون لهم انهم يرومون يسوون اللي براسهم ، و الاهم انهم يسوون عماارهم قوو و هم وياا ربعهم ، هههه أين أولياء الأمور من ما يفعله أبناؤهم في المولات؟ وكيف يسمح الأب لابنته أن تخرج معه وهي "عاقة الشيلة على الكتف" ؟ بعض الآباء يظنوون انه هالشي عادي و انه كل بنت تمر بهالمرحلة ، و في آباء شياااب يعني ما يرومون يتحكموون في بناااتهم ، و بعضهم ما يدروون عن بنااتهم اصلن يعني البنت تنزل من سيارة ابوها بشكل و تدش المول بشكل ثاني !! و ها اكبر غلط ، و اصلن المفرووض انه البنت ما تسيير اماكن مثل المول بدوون محرم لأنه صدق يعرضها لمواااقف مثل اللي قلتها .. أين غيرة الرجال على النساء (الحريم)؟ كثيرا ما أشاهد الأزواج وأجد الزوجة "مترصصة، متبرجة، والقصة برع" ؟؟!! ممممــ عن هالسالفة ما عندي كلااام ، هــــع ^^ والسؤال الأهم: أين كرامة الإنسان واحترامه لذاته ؟؟ لماذا أصبحت البنت أكثر جرأة في الحديث مع الشباب؟ اعتقد انه بناات هالزمن واايد متأثرااات بالاجاانب و يبوون يستوون شراااتهم و حتى لو وحده تبا تكوون زينة بس عادي عندها ترمس واحد على اسااس انه ربيعها و من هالكلااامــ .. و في النهاية السموووحهـ اذا ضايقت حد بس ها رايي .. و اتمنى انكم تتقبلونه مثل ما انا تقبلت رايكم .. تحياااتي .. |
اقتباس:
اقتباس:
الله يهدي الجميع إن شاء الله .. بالفعل هو عيب اللي قاعد يسير وستهرار كبير من هالفئات ضعيفة الثقة بنفسها ... النصيحة هالأيام ما تفيد .. والمشكلة إنه أغلب هالناس ما تتقبل النصيحة أبدا، ولو الواحد ينصحهم حتى لو على طرف .. بيهبون فيه وزين بعد إذا ما يشتكون عليه لذلك الواحد الأفضل إنه يبقى بعيد عن المشاكل الحين الواحد وهو ما شيء في حاله يتبلون عليه .. ما بالج لو نصحهم !! :a040: اقتباس:
امحق استايل، المشكلة إنهم يخسفون بعمارهن ولا حياة لمن تنادي .. اقتباس:
المصيبة لما يكون الأب غير قادر على السيطرة على أبنائه "اللي ما درى عنهم بعد أرحم من الأب اللي هو موجود وماله حكم على عياله" خلف الله علينا .. من يشل الوالد عينه فينا تصروعنا مكانا ^_^ اقتباس:
في هالنقطة أنا أوافقج الرأي .. بالفعل الكثير من البنات يحاولون يقلدون الأجانب في كل شيء تقريبا في طريقة المأكل والمشرب والبس وحتى الحياة وهذا خطأ .. لأنه من كل شيء يصلح لحياتنا وإسلامنا وعاداتنا وتقاليدنا. اقتباس:
أبدا .. خذي راحتج ورأيج مهم بغض النظر عن ما يكون الاهم نسمع منج الرأي .. يعطيج ألف عافية على المشاركة .. |
الجرأه في الحديث مع الشباب اصبح متطلب ضروري هالايام خصوصا وقت دراستها في الجامعه عشان يهيأها هالشي لدخول مضمار العمل عقب التخرج ...... وانا شخصيا مع و ضد الجرأه هاذي .. فأنا معاها اذا كانت جرأه في الحديث بضوابط ! و ضدها بقوه اذا كانت للمصخره و السوالف و الظحك .. انا بعامل الرجل عساس انه زميلي في الدراسه أو العمل .. مب عساس انه ربيعي من زماان اعرفه بيلس اخذ واعطي معاه بأريحيه !! هالأمور اللي ذكرتها اصبحت روتين عادي .. شي "جدا" عادي .... لدرجة انك بتستغرب لو مر عليك يوم واحد و ما شفت لو وحده منهن طالعه ب هالشكل ! ممكن تكون حجتهن ان والله انا انسانه احب الكشخه و ما اكشخ و احط الميك اب عسب يشوفوني الشباب ..أكشخ حق عمري ... أو ممكن يكون بدافع التقليد الأعمى ... تبا تكون احسن عن غيرها من حيث المظهر .... و خصوصا ان نحن في زمن يسمونه "زمن المظاهر" .... و بالنسبه للشباب ... شي اصناف تحب هالاشكال و فعلا تقول .. انا ما بتزوج الا وحده بو كشخه .. تسوي شعرها جي و تلبس عباتها جي .. و تحط المك اب جي ... فعلا تغريهم هاذ ي النماذج من البنات ....و بالفعل يحبها و يتزوجها آخر شي.... و هي ب هالصوره ! ليش؟ لنه حتى الشباب الحينه نحصلهم بلا مبادئ او غيره ... وبلا وازع ديني قوي ... آمممم أعتقد ان مهما كتبنا مابيتغير هالشي .. لنه في بداية ظهور هالاشكال ... شي ناس كتبو ورمسو ف الاذاعه بس ماشفنا ان نسبهم قلت ف البلاد !! بل زادت << يمكن ماخذين السالفه عناد !! هه و ف النهايه اعتقد بانه التبرير الوحيد لوجود كل هالأمور و الخرابه و ظهور هالاشكال و زيادتها ....انها من علامات الساعه !!كل شي تغير بلمح البصر ......... ف نحن نتأقلم مع الوضع رضينا أم ابينا ^^ ......... تسلم ع الموضوع الترتبيشن .. نرقب اليديد ~ |
اقتباس:
أنا أؤيد كلامج وحديثج بان الجرأة أصبحت مطلب للمرأة في زمننا الحالي .. لتصد الكثير من الشباب وتوقف كل واحد عند حده لأنه هناك البعض من الشباب .. لما يرى المرأة بهذا الضعف والتسامح يستغل هالشي لمصلحة ولرغباته اقتباس:
صح كلامج .. من يومين كنت في القرية العالمية .. كل بنت ياية القرية ما شاء الله عليها، اللهم لا حسد .. جمال وأناقة واستايل بعضهن مرتبات وحلوات .. وبعضهن تبا اتطلع عمرها حلوة غصبا عنها !! مبهدلة عمرها بالميك أب والسشوار وغيرها ^_^ اقتباس:
كل واحد عقله في راسه ويعرف خلاصه .. والله يوفقهم إن شاء الله اقتباس:
لسنا في مكان يخولنا في اتخاذ قرارات من شأنها أن تقلل أو تزيل تلك المظاهر ... وليس الغرض من الكتابة هو اتخاذ القرار !! لكن كلامج هذا عطاني فكرة في كتابة موضوع جديد .. كنت حاطنه في بالي، وفكرتج ضافت له بعض الزوايد الجميلة اقتباس:
أشكر فنج على الإضافة الجميلة يعطيج ألف عافية يا ربي وما قصرتي |
في بعض الاحيان تكون المراءه تجبرها الظروف و يكون الريال مايقدر يسوي شي |
| الساعة الآن 02:01 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir