|
لين هني و بس على طول سنة 2008 و نحنا نتكلم عن الهوية الوطنية و حولنا بكل ما نقدر نعزز الهوية الوطنية في عقل و قلب كل مواطن و لي تكلمو عنها و حاولو يطبقونها كانو مواطنين و مب مواطنين عاشو معانا ,, كلو معانا و شربو معانا ,, شاركونا مولاتنا و بحرنا ارضنا و في منهم الي قلد لبسنا و لهجتنا و اسلوبنا بس بلعنا غصتنا و سكتنا شاركونا في كل شي و كنا نقول ما عليه يايين يدرون لقمة العيش اختلطو معانا في مدارسنا الخاصة و الحكومية ,, سكتنا و صبرنا لكن جامعتنا لا و الف لا ,, لين هني و بس بعد كل هـ السنين الي عرفنا فيها جامعة زايد انها الجامعة الوحيدة الي تتضمن بس بنات مواطنات ايون و يشاركونا جامعتنا انزين ليش ؟؟ !! مب كفايه في كل مكان نروحه نلاقيهم ,, ما خلو مكان خاص بـ البنات الا و كانو فيه و في الي شوه منظرنا و غير نظرت الناس للبنت المواطنه بس انا ما اقول كلهم بعضهم ما خلو مكان خاص بـ البنات الا و كانو فيه و في الي شوه منظرنا و غير نظرت الناس للبنت المواطنه بس انا ما اقول كلهم بعضهم و المكان الوحيد الي خالي منهم بعد يشاركونا فيه ما يصير ما اتوقع ان التعليم العالي اعلن افلاسه عشان ما يقدر يبني لهم مبنى خاص فيهم و يا مكثرها الجامعات و الكليات الخاصة الي يقدرون يدخلونها و في الحالتين هم دافعين دافعين مب لازم يخربون علينا ,, يرحون يدفعون في مكان ثاني غير جامعة زايد او حتى كلية التقنية و لان كنا نتكلم عن الهوية الوطنية ,, انا اقول اذا هم اختلطو معانا في جامعتنا ما بيكون في هوية وطنية لان بنكون متساوين معاهم في كل شي ,, نتكلم عن الهوية الوطنية و نحنا مب قادرين نعبر عنها في المكان الوحيد الي خاص فينا نحنا كـ مواطنين وين الوطنية اذا هم بيشاركونا في ابسط حقوقنا ان يكون عدنا مكان خاص فينا بدونهم انا ما اقول انا ما عندي ربيعات غير مواطنات ,, و احترمهم و اقدرهم بس هاذا مب معناته اني اشاركهم كل شي في بلادي انا هاذا راي و حتى لو كان يجرح ,,, اتمنى اعرف رايكم انتو في الموضوع طالبة من طالبات جامعة زايد xXx crazy mano xXx |
الصراحة استغربت من موضوعج >< عمره التعليم ما كان مقتصر على جنسية معينة ما اظن هم يو عاشو هني بمزاجهم مافي حد يترك بلاده وهو يظحك الجامعة لازالت خاصة بالبنات سواء عنا تحفظات ولا لا على الجنسيات الثانية من حقهم ان نحن نحترمهم ودولتنا فتحت لهم الابواب تراهم مب يايين جي هم يالسين يعطون الدولة وطبيعي ان نحن بعد بنعطيعهم لاتقولين نحن نقدر نستغني عنهم جوفي كيف نسبت المواطنين جدا قليلة واكيد الحكومة ما بتسوي شي مني والدرب اكيد في نقطة من ورا هالحركة ولا تنسين قال رسول الله صلى الله عليه وسلم " لافرق بين عربي وعجمي الا بالتقوى " انا نقطة التعليم ماعندي عليها مشكلة بشرط نسبة معينة وبمقابل مادي بس اتفق معاج باني انقهر يوم اجوفهم يلبسون لبسنا ويقلدون رمستنا ومرات اواجههم بعد خخخخخخخخخ =) اختلاف الآراء لا يفسد للود قضية ^^ تقبلي مروري |
و انا ما قلت لا ,, هم صح مب ياين هني بمزاجهم بس بعد الواحد يحب يكون له مكان خاص فيه يعني لو نحنا رحنا بلاد ثانيه بيكون نفس الشي بتلاقين حتى لو انهم يتقبلون وجود ناس من دول غير بيتم في خاطرهم يكون في مكان خاص فيهم مكان تعبيرن فيه بمشاعرج و افكارج بدون ما تجرحين الجنسيه الثانيه و اكيد نحنا نحتاجهم و نحترمهم لانهم في بلادنا اسعدني مرورج عذرية مشاعر |
اختي بلاج المواطنة بنت والي مو مواطنة مو بنت كلنا بشر وهم يدرسون بالمدراس والجامعات الي لبشيوخ فتحوهم للكل مو من مخباج تدرسينهم دامج تتكلمين عن الهوية الوطنية ممكن تسيرين بدل الاسيوي و تشتغلين كهربجي او ميكانيكي " تم تحرير الرد بواسطة المشرف النعيمي " |
الحين ما قلت و اسمحيلي اقولج هذا مب اسلوب مناقشه انا ما قلت هـ الكلام الا لان نسبه كبيره او الاغلبيه من طالبات الجامعه عارضو الموضوع و انا يوم رمست ما غلطت على حد و كل واحد و رايه و انتي حره برايج يعني حتى لو نحنا رمسنا من اليوم الين باجر ما في شي بيتغير لان القرار بيطيق من الفصل الياي انا بس حبيت اعبر عن راي و اجوف اراء باقي الناس و انا الي قلته ان نحنا نبا مكان خاص فينا نعبر فيه عن نفسنا بدون ما يشاركنا في احد |
السلام عليكم ورحمة الله وبركاته استغربت من موضوعج صراحه .. لا اله الا الله .. يعنى الحين حتى فى التعليم مواطنين و غير مواطنين .. يا أختى انا أعيش فى البلد الى ممنوع فيه غير مواطنين ( أجانب ) يسجلون فى جامعتهم .. طيب وين نروح نحنا ؟!! ضيعت سنة بي سبب هالشي .. متى بي تفكرون زين ؟ و تتركون تفرقون بين مواطنين و غير مواطنين .. متـــــــــــى ان شاءالله ؟!! و تتكملين عن البس .. طيب حتى الغرب لازم ينقهرون .. انكم ليش تلبسون بنطلون ..؟!! يعنى اذا هم يلبسون عباية و شيلة .. طيب لانه مسلمين..هذا شي مب تقلد ..!!اذا هذا هو الحال .. عيل عمركم ما راح توصلون للعالم .. لى أنه تفكيركم محدوده و ناس متخليفين الى اخر حد .... ربي يعطيج العافية |
انتو ليش فاهمين الموضوع غلط ,, و ماخذينه من منظور غير عن الي انا اقصده انا كل الي اقوله ان نحنا نريد مكان خاص فينا نحس ان نحنا في بلدنا مب كفايه ان نسبة الغير مواطنين اكثر عن المواطنين ,, نريد مكان نعبر فيه عن نفسنا ,, و اذا على اللبس انا ما قصدت اللبس من حيث الستر و هـ الشي انا تكلمت عن بعض الفئات الي تستخدم هـ الشي بشكل ثاني من حيث انهم يرمسون مثلنا و تكون نص الرمسه غلط و الي يجوفهم يقول هاذيل بنات الامارات و حتى الاسلوب و السلوك الغلط و انا ما قلت ان الكل جي ,, و بعدين يعني تبون تفهموني ان كل الي يلبسون عبي هني عشان الستر يوم يردون بلادهم يتمون بنفس اللبس الي كانو فيه هني ,, لا طبع (ن) ,, و بتقولون حتى انتو نفس الشي يوم تسافرون ما تلبسون عبي انا برد و بقول ان مب كل العوايل يسمحون لبناتهم يسافرون بدون عبي |
مــرحبــا اخــتي ~ بصـراحـه فكـرة المـوضــوع وأإأإيـد غـريبـه ~ بالعكـس أنـا أوافق عـلى وجـودهم ~ وعـلى مـِشـاركـتهم في تعـليمـنا ومـدارسـنا وجـامعاتنـا ~ لأن جـي نحـن نختلط بثقـافـات ثـانـيـه ~ وتعـلم منـه بعـض الامـور الحـلوه إلي تمـشي مـع عـاداتنـا وتقـاليـدنـا ~ في جـامعـتنـا ( جـامعة الامـارات ) يــاكــثرهــن ومـن جمــيع الدول ( الكـويت / البحـريـن / الاردن / فـلسيطـن / سـوريـا / لبنـان / السـودان / مـصر / الهند / بـاكـستان/ ...... لــخ ) << تخـيــلين بــس عمـرنـا مـاتضـيقنــا منــهم أو قـلنا مـثلا لــيش يسـمحـولهم يخـتلطون فيـنا ~ بالعكـس وجودهــم حِِـِـِلو ~ شـي طــيب ~ يوم تحـسين أنه اليـوم الدراسـي عـبـاره عـن يـوم دراسي ثـقافي ~ السـموحــه منــج بس أنا مـا أأيـد رايــج ~ وأشجعـ وجـودهم ~ وعمـرها الهـويـه الوطـنيه مـاكـانت بوجودهم أو عـدهم ~ الهـويـه الوطـنيه شـي ~ وجودهـم في جـامعة من جامعات الدولـه شـي ثـاني~ يعـطيـج العـافيـه على الطــرح ~ |
هذا رايج و انا ما اقدر اعارضه ,, و تفكير عن تفكير يختلف ,, و انا من الي سمعته و جفته و سئلة عنه ,, ان 99% من بنات الجامعه رافضين هـ الشي ,, |
اول شي موضوعج مب غريب وانا اشوف انه من حقنا نرفض هالشي واحب ارد ع الاخت اللي تقول انه نتعلم ثقافات .. صح نتعلم بس 80 % اشياء غلط وهب من عاداتنا وتأثر ع تفكير البنات واايد .. واتوقع لو سوا هالشي بتستوي مشــاكل بين البنات وتسلمين اختي مانو |
اقتباس:
لو سمحتى نحنا فاهمين موضوعج و فكرتج زين ما زين.. ما فهمنا شي غلط .. كل شي واضح .. انا مستغربه كيف تبين مكان خاص للمواطنين .. غريبة تفكيرج والله !! يعنى الحين ما لقيتي غير هالشي تعبرين فيه هواية الوطنية .. !! و تتكلمين عن البس .. الحين مواطنات بعد لما يظهرون برع البلد .. على طول عباية يطير .. ( قبل نطرح هالموضوع .. و فى وحده مشرفه كانت معصبة على هالشي انه شاب مواطن يغازل البنت الوافده وهو ما يعرف انه هي مب مواطنه ..جدأ استغربت من تفكريها ..مسكينة منقهرة انه ليش شاب مواطن يغازل غير مواطنه .. الحمدالله و شكر ) انا ما أوفقج صراحه .. تراه الحياة و الدنيا أكبر من هالأشياء .. اتمنا تغيرين اسلوب تفكيرج .. لانه ناس الى تفكيرهم جي .. ناس متخليفين و صعب عليهم يعيشون فى هالدنيا ... قصدي انه تفكيرج مش منطقي .. ^^ ربي يعطيج صحه و العافية |
اقتباس:
فتحت لهم الابواب لين ما استوى عددهم اكثر عنا وليين ما تشكت الدوله من الخلل في التركيبة السكانيه وها كله استوى ورا تبعيات مالها اول ولا اخر يبون يعيشون هني على عينا وراسنا يبون يتعلمون الدوله ما قصرت بطلت لهم فوق 20 جامعه بس نحن جامعتنا من يوم استوت وهي للمواطنين وها اخر مقر يتمعن فيه المواطنات برووحهم وفجأة جي يسون هالشي |
صح كلامج خيتو ,, في مرات يعطونا افكار غلط ,, بس هاذا ما يعني ان الكل جي ,, في اختلاف بين بنت و بنت ,, و صح في مشاكل بتصير و كل وحده لازم تتحكم بـ عمرها ,, و انا يوم كتبت الموضوع ما قصدت اني ما اباهم في بلادنا السالفه مب على كيفي بس كل الي اباه مكان خاص فينا نحنا المواطنات و حبيت اعبر عن راي و تفكيري و لي يبا يرد ,, يرد باسلوب بدون ما يجرح اذا انا غلطانه وجهوني و بينو لي الغلط ,, و اعتقد ان هذا قسم نقاش و في اسلوب للنقاش مو الصراع |
اقتباس:
احين المواطن مب من حقه يطالب في مكان خاص حتى في هالشي بتسون فيه سالفه مواطن وفي بلاده ما يروم يسوي شي !!! والله حاله .. صدق يوم قالوا بيي يوم و المواطن بينداس بسبة هالسوالف اذا احيين الدولة ما سمعت ارئنا بيسمعون اراء منو !!! |
انــــا ضد هالـقرااار .. المفروووض الدولــهـ يعني تآخذ آرائنــا على الاقل .. نحن اوولى مفرووض اول شي يلبووون لنــا طلبااتنـا .. وبعديــن اكيــد الوافدااات بيأثرووون على عاداتنا وتقاليدنـــا لأن اسلوب حياتهمـ غير عن اسلووب حيااتنـا .. بعض المواطنات بيقومون وبيقلدوونهمـ في وايد اشياء مثل لبسهمـ .. الخ المهيــــ/ــمـ هذا رايي والسمووووووووووحه، منكم، |
اقتباس:
فى واايد اشياء الى مواطن يقدر يعبر عن هواية الوطنية و يكون لى مواطن فقط .. بس جامعه ؟!! لا صراحه اشوفه ما له داعى .. بالغتو فى الموضوع ... |
السلام عليكم ورحمة الله وبركاته الحين نحن ما عارضنا الناس الل مب مواطنين .. بالعكس نحترمهم ونهتم فيهم .. ونشكر المخلصين منهم .. بس نحن طلبناا في مكان واحد بس .. الحين يا كثر الوافدين من كل مكان تقريبا فالدولة .. نحن قمنا نحس خلااااص ماشي مواطنيين .. صح مب ذمب حد انه نحن شوي .. بس مب جي غطوا علينا .. الحين اذا على سالفة الجامعة يوم انه تقريبا كل البنات معارضيين يدخلونهم مؤقتا ويسوون لهم مبنى ثاني .. الدولة مفروض كانت تفكر في الإحتمالات .. شو بيصير لو سوينا جي .. وياخذون آراء الناس ويحاولون يلقون حل للسالفة ترضي الاطراف أو انه يكون منصف للكل حتى لو ما عييبهم .. المهم انه كلنا وااااحد وكلنا نااس .. ونحن أكيد بنكون نبا معاملة زينة يوم نسير مكان ثاني .. والدولة ماعتقد قصرت سواء ويا المواطنين ولا الوافدين .. صح انه مب كلللل شي نباه يستوي لأنه مستحيل .. بس الحياة اللي عايشينها نحمد الله عليها .. أتمنى انه محد يزعل من السالفة لأنه مب كل شي ينفهم غلط تخلونه يأثر عليكم .. |
اقتباس:
كيف نعبر عن الهوية و الهويه شبه مطموسه بين هالخليييط قوليلي كييف ؟؟ يا كثر الجنسيات في البلاد بس عاده انتي روحج قلتي جامعه يعني ما بترتاحون الا يوم دشون هالجامعه ..؟؟ شي غيرها وااااااااااااايد .. هاي الجامعه تأسست للمواطنين |
انا بقولج اياها تخيلي انتي في بيتج و يكون عندج ضيف طيب و محترم بس انتي مب متقبله وجوده بتستحملينه بس لين متى بتستحملين و نحنا بنكون نفس الشي اذا نحنا بنقضي في الجامعه وقت اكثر عن الوقت الي نكون فيه في البيت نبا نكون في مكان نرتاح فيه نكون فيه على راحتنا اذا نحنا ما كنا مرتاحين ما بنقدر ننجز الي نباه على راحتنا ,, نبا مكان خاص فينا ,, مكان معروف انه خاص بـ المواطنين مكان يعبر عنا و عن تفكيرنا و اذا انتي تقولين نحنا متخلفين و ما نقدر نعيش في هـ الدنيا ,, بقولج عيل كيف نحنا وصلنا للي نحنا فيه الحين ,, و ليش يالسين نعبر عن افكارنا الحين ,, و اذا جي نحنا متخلفين يعني كل بنات جامعة زايد الي مو متقبلين الموضوع متخلفين ,, ما اتوقع ,, و اذا هاذا رايج ,, انا بعد اقولج لو شو ما صار بنقدر نعيش و بنعبر عن نفسنا بكل الطرق الي نقدر عليها |
اقتباس:
مشكلة انا شفت الناس و تفكريهم .. اقول لى نفسي انه شوفو وين وصل العالم ..ونحنا بعدنا قاعدين و نتشأجر على مواضيع مواطن و غير مواطن .. يا حراام .. !! و يا كثره المواضيع فى القسم عن هالموضوع.. تقدرين تشوفين.. و لين متى بي نقعد نتقاش هالموضوع ...؟!! :) |
اقتباس:
|
انا ماقلت شي عن راييج .. كل واحد حر عن رايه سيس ^.* صح كتبتي رايج بحريه ولكن يوم تعبرين عن رايج عبري من دون استخفاف او انج تقولين تفكير متخلف ^^ غريبة مب جنه من قوانين النقاش عدم الاستخاف او رد بأسلوب غير حضاري اذا امريكا ولندن اكثر دول تستقبل مغتربين .. نفس حالتنا يرمسون عن المهاجرين ومشاكلهم وبنتم نتناقش ونتناقش لين ما المواطن يكون له رايي .. وتكون جامعة زايد للمواطنين فقد ولج :13: :uae: |
يا أختى قصدي عن المتخلفين .. وضحت قبل .. ^^ انتى براحتج مثلما تبين تفهمين ردى :) وعن الغرب صحيح هما بعد يناقشون هالموضوع عن المهاجرين.. بس انا أقووووول هل هالموضوع ( مواطن و غير مواطن ) تكون فى الجامعه بعد ؟!! انه غير مواطن لازم ما يدرس فى نفس جامعه المواطن ... الغرب ما ناقشو هالشي .. لان تفكيرهم أكبر من هالشي بي واايد |
[align=center]انا اتفهم مشاعركم لكن انا بصراحه ما اشوف اي مشكله في دخول الوافدات يعني الحين الاماراتيه بالجنسيه و الهويه و الجواز يعني ؟؟ يمكن يكون هناك وافدات عاشوا طول حياتهم في الامارات حتى ما يعرفون شكل بلادهم و يحبون الامارات و انا شخصيا اعرف ناس جذه و الحين روح الوطنيه بس في الجامعات ؟؟ وين روح الوطنيه في الاشياء الثانيه ؟ بصراحه و بدون مبالغه الوافدين مب مقصرين و شايلين البلاد شل فما فيها شيء لو دخلوا هذي الجامعه و كانوا بين الكل و حتى لو رمسوا بلهجتنا ما فيها اي مشكله ممكن تطلع غلط منهم لكن الانسان يتعلم و بعدين هذي هي البيئه هو اللي عايشين فيها مثلا انتوا لو سافرتوا بريطانيا مثلا بتتكلمون بلهجتهم اللي هي الانجليزيه ما في اي اماراتي بيتنزل و ينظف الشوارع مثلا بس هم يسوونها يعني لولاهم الله العالم شو كان بيصير و فوق هذا كله كلنا مسلمين يعني كلنا اخوان فلازم نحب لهم مثل ما نحب لنفسنا لانه الرسول عليه الصلاه و السلام أمرنا بهالشيء ولا فرق بين عربي و اعجمي الا بالتقوى كلنا بشر كلنا سوى و كلنا مسلمين فحياهم الله في بلادنا و لازم نرحب فيهم عدل لانه نحن لو كنا سايرين بلادهم اكيد نبغي نفس الشيء هذا رايي ^^ ساايونارااا ^__^[/align] |
ليش ليش ليش حارغين نفسكم على ما يسو شي مع احترامي ليجميع |
السلام عليكم ورحمة الله وبركاتة رد على الإخت الكريمة اقتباس:
انا برمس عن الموضوع بكل منطقية وابتعد شوية عن المشاعر والحساسيات اللي احيانا توصلنا لعنصرية وكراهيه .... الجامعة مثل ماهو معروف ان لها رئيس ولها اداره " المدير ونائب المدير" ولها اعضاء مجلس ادارة .. ومن هالمنطلق هناك محددات وظوابط تضعها الجامعه وفق استراتيجيتها " خططها المستقبليه " وتكون محتوية على لوائح وقوانيين والقوانيين لها بنود .. بإمكان الجامعه عند دمج الطلبة المواطنين مع الوافدين ان تضع معايير لإختيار الطالب .. وانا ماعرف جثييييير عن الجامعات هنا فالدولة بس اللي اعرفة ان الجامعات تسوي ملتقيات طلابيه قبل استيفاء الدراسة .. ومن خلالها يتم التعرف على الإرشاد الطلابي والمواد والأنشطة المتبادله والقوانين و و و.. الخلاصة الجامعة تحدد ظوابط وقوانين صارمه "عامه لكل الطلاب " سواء مواطين ام وافديين .. وعلى اساسها يتم استمرار الطالب في الدراسة من خلال الحرم الجامعي ، اما في حالة تعديه على الظوابط هنالك " انذار" وهنالك "طرد "... 0 0 كل شي فهالدنيا لابد ان يكون له محددات ، والا تشتت المجتمع وهذا هو معيار القياده .. نحن نرفع اصواتنا بـ " الهويه الوطنية" ، الهوية الوطنيه اختي الكريمة ليس مجرد مواطنه وجوازات وارفع لي علم وشعارات !.. الهويه احترام وانتماء وكيان وحب جارف للوطن وهب كل المواطنين والمواطنات لديهم الهويه الوطنيه .. استغرب من بعض الأخوات يوم تقول " انقهر يوم اشوفهم يرمسون برمستنا ويلبسون شراتنا " ليش يعني شو فيها ؟!!!! تبينهم يلبسون لج صراويل ولا بنطلونات ضيجه ويتفصخون احسن ؟!!! السموحه منج اعتقد لبسنا افضل من لبسهم من ناحية الحشمة اعتقد ويسمحولنا الأخوه الأجانب اللباس العربي افضل من لباس الصراويل والملابس الضيقة التي تصف " معالم الجسد " وعندي عتب ومداخله بسيطة للأخوات اللي يقولن يلبسون شراتنا .. شوفي العبي المزخرفة اللي كلها الوان وزخارف وحاله ، هذا هب انتن يالمواطنات مسوتنه !!؟! نحن اللي نغير الأعراف ونحط الأجانب شماعه ، وبعدين نقول يلبسون شراتنا .. يوم العرب اللي نحن نزقرهم اجانب اييون البلاد لأسباب خارجة عن ارداتهم اسباب سياسية او اسباب الحرب او الفقر او اسباب اجتماعيه "انا ارمس عن الأجانب اللي فالبلاد من 20 او 40 او 50 وماخذين عادات البلاد هل نحملهم الذنب في انهم متشربيين لتقاليدنا واحيانا الأعراف !؟! نحن للأسف مازلنا نرمس عن الإخوه العرب والمسلمين اللي الجثييير منهم مقاربين لنا في عاداتهم وتقاليدهم ، ومودرين طاري الأجانب اللي هم الغربيين سواء من اوربا او امريكا او افريقا او استراليا ولا اليابان والفلبين والصين والروسيين .. يعني عربي ولا اجنبي .. 0 0 يمكن صاحبة الموضوع ماخذه موقف من اللي صاير ، بس هذا رايج ونحن نحترمه الموضوع متشعب وشي الف سبب وسبب يخلون الجامعه للمواطنين والوافدين ربما لـ -وجود تخصصات غير موجوده فالجامعات الأخرى. -الجامعة رسومها ربما منخفضة .. - الجامعه معترف بها ومعتمده في جميع انحاء العالم وللعمل في جميع القطاعات .. " نقطة هامه جدا" -الجامعه بها دراسات عليا .. -مكانها استراتيجي بما انها في قلب العاصمة بوظبي ووجودها في امارة دبي .. فالنهايه يوم الإدارة تبا توصل شي صح للطلبة والطالبات بتوصلة "مايبالها اختراع ذره وفلسفة " ويكون تشدد فالقوانين " الكل راح يحترم القوانين" وهذا الموضوع يفترض يعمم على كل الجامعات والكليات ولازم مانستهتر فيه اذا نحن فعلا نبغي هوية وطنية صافية بدون اي شوائب وبجذه كل اجنبي وعربي ومواطن فالبلاد راح يحترم ويمشي على القوانين بدون "مخالفات وشكاوي" والله يعطيكم العافيه خواتي ، اتمنى كلنا نتناقش فالموضوع بهدوء وروية ونبتعد عن التعصب والعنصرية اخوكم/النعيمي |
الله يهداج نسبتهم وايد وين تبينهم يروحون يعني وبعدين شو المواطنه بشر وذيج ؟؟ الله يهديج شو هالكلام بعد اعارضج انا صراحه وين يروحون يعني يمكن هالجامعه اقرب لهم من اي جامعه ثانيه عنبو جامعه ماتبين فيها الا مواطنات اذا جي سوي لج جامعه انتي واشترطي حق القبول بس مواطنات |
اقتباس:
وبعدين هي يوم رمست .. رمست انه البنات واغلب الطالبات ما يبونهن في الجامعه واصلن جامعة زايد من الشروط القبول تكون البنيه مواطنه .. بس احيين الله يعلم لييش جي .. يعني مستخسرين جامعه خاصة للمواطنين .. والله حاله :uae: |
اقتباس:
,, مب كفايه هم موجودين معانا قي كل مكان ,, و قي منهم الي مشوهين المناظر و الي يعاملنا باسلوب ما عرف كيف جنه البلاد بلادهم ,, و مهما صار الكل يبا مكان يرتاح فيه و يعبر فيه عن نفسه ,, انا ما قلت انه مالهم فضل على الدوله ,, بس مب معناته افضل على نفسي في كل شي ,, حتى لو على راحتي ,, و بعدين اذا على قولتك في بريطانيا اكيد بنرمس انجليزي عشان هم ما يفهمون عربي ,, بس هني اتوقع نحنا نفهم لهجتم و اذا هم ما فهموها بنوضح لهم و بنفهمهم و ماله داعي يرمسون شراتنا |
اقتباس:
ها قبل شايلين البلاد شل احيين نحن هب بحاجتهم .. عندنا كفاءات مواطنة وشابه وصلت لانجازات عظيمه محد وصلها من قبل ^^ |
اشكر طارحة الموضوع يا بنات لا تفهمني غلط صح كلنا واحد بس يختي هم متحكمين فكل شيء و الله ما صارت هاي بلادنا يعني في مواقف صارت اتخلي المواطن يسافر من بلاده بسبهم . السالفه مب سالفة جامعه بس هم لهم مكانهم و مجتمعهم يعني وين صارت هاي عدد الوافدين اكثر من عدد عيال البلاد اوكي ما بنقول شيء شو بتقولون عن الشغل الواحد ما يقدر ايحصله مكان يشتغل فيه و لا الي يقول اسمحلي انته مواطن ما اقدر اشغلك و يين ترى هاااي بلادنا بس احين بدا المواطن يتلاشا و ما صار النا جيمه فالبلاد بس كم سنه و بتصير هاي البلاد غريبه علينا بس الوافدين يعني ما تمت جامعات غير جامعاتنا الحكوميه على الاقل خلو لنا مكان والله العظيم اني قبل ما ادخل الجامعه ما كنت متعوده اني اشوف كل ها العدد من البنات المواطنات ف مكان و احد و قلنا الحمدالله ها احسن شيء بس ليش يدمجون و الله القاصر بعد يدمجون الاولاد عشان تكمل السالفه. انا مب ضدهم بالعكس عندي اربيعات و افدات بس لو انا سرت بلادهم و الله ما يعاملونا مثل ما نحن نعاملهم و الله في ناس يكرهون المواطنين كره و يبغضون عليهم معنهم فبلادنا بس ما نقول غير الله المستعان و الله يعينا الانه نحن الي بنتلعوز وياهم فالنهايه و السموحه |
ما عندي غير تعليق و واحد التعليم حق للمواطن و لغير المواطن :861: |
الغاليه انتي شو عم تحكي؟؟!! ههههههههههه والله انا حاسه باللي تقولينه بس وين تبين؟؟!! احينه انتي روحج يالسه تقولين انهم مشاركينا في كل شي بر بحر حدايق عامه مستشفيات مدراس ما تم مكان الا وحطوا بصمتهم فيه هههههههه يايه احينه وميوده راسج عالجامعات؟؟!! الله يهيديج والله انا مقهوره اكثر عنج بس شو بنقول البلاد كلها نخسفت استوت خلط بلط حمود على عبود والمواطنين يشكلون الاقليه والمصيبه انهم يتفاخرون بتعدد الجنسيات في الدوله خلاص اذا نحن مالنا كلام انتهينا بس اتريووا شوي والله يا خوفي من اللي ياي اخر شي المواطنين بينقرضون ولا حول ولا قوة الغاليه هاي قضية خطيرة والكل غافل عنها ومستانسين يسمونها انفتاح ما شاء الله ما نقدر نحددها بس في الجامعات المشكله كل مكان ومافي حل للاسف!! |
اقتباس:
ههههه هاي الصراحه عيبتني .. كفو هههه يعني خلاص شبعتي منهم واستفتدي وخذتي الي تبينه الحين تقولين هب بحاجتهم . لك الحمد والشكر .. بعدين شو ( مقر للمواطنات ) اتحداج لوقلتلي انه جامعتكم المواطنات الي فيها 100% يمكن 5% مواطنه اصل وفصل .. 95% تجنسين من كل الجنسيات مب الي عندها بو صقر ولا لبست عباه وشيله وتغشت مواطنه اماراتيه عندج سعوديات وكويتيات و بحرينيات .. غيري من اسلوب تفكيرج .. لانه مستحيل توصلين لشي والهويه الوطنيه مب بالكلام .. الهويه الوطنيه قول وفعل الواحد الي بيرمس عن الهويه الوطنيه مب من الظاهر من المكنون ينعرف خلي عنج هالاشياء و تجهزي للكورس التخرج خلي امالج و قضاياج بشي اكبر منها الله يوفقكم >>> بعدين البيت هذا مقر للمواطنين محد بيشاركج فيه .. طبعا اذا انتي مواطنه :12: بالتوفيق |
انتي منو وصلج للجامعة غير الوافدين ومنو بنالكم بيوتكم ومنو نظف الشوارع وتقولين ان الوافدات خذو عاداتكم وتقاليدكم انزين ليش يوم تسافرين تلبسين بنطلون وبدي تراج خذيتي عادات وتقاليد غيرج الشيوخ الله يحفظهم فاتحين المجال لانهم يطورون البلاد الوافدين " تم تحرير الرد بواسطة المشرف النعيمي " |
اللي تقول بسنا من الوافدين اختي لاتنسين ان البلاد فيها شركات بالآلاف وابراج واعمال بناء وتشييد بكافة الإمارات والبنية التحتيه ومستشفيات والتعليم بمختلف مراحله واعمال نظافة .. عطيني بس كم مواطن بيشتغل فهالأعمال ماعليج اماره ؟!! دولة مساحتها تقدر بـ 777000كيلومتر مربع ، واللي يبلغ فيها عدد المواطنين قرابة الـ 900 الف الى مليون نسمة !! ياليت تجاوبين على سؤالي ( اذا كانت لديج اجابه منطقية ) النعيمي |
و اللي مؤيد/ة سالفة دخول الوافديييين في جامعة الدولة اقوله/هـا ترى محد بينفعكم و لا حد بيساندكم الا عيال بلادكم .. و لا الغريب عادي عنده بياخذ شهادته و بيرد بلاده .. و لا ليييش يرد بلاده !!! ترى هاي بتكون بلاده بعد عشر عشرين سنة .. :6: تم تحرير الرد بواسطة مشرف القسم النعيمي |
اقتباس:
" تم تحرير الرد بواسطة النعيمي " و نحن يالسين نتناقش وها رايي وانا احترم رايك بس هاييل اللي ذكرتهم خليجيين واهل الخليج واحد وكلهم من اصل واحد .. ومانبي ندخل بالاصول حتى بيوتنا عادي يوم من الايام تنسحب ويعطونهم بحجة بانيين هالبيوت :6: و الله كل واحد يعرف اصله وفصله .. وهب محتايه ببي واحد ماعرف من وين :6: ويحكم ع الاصل و الفصل وتراك انت غيرت مجرى النقاش .. |
اقتباس:
شو اسوي لك اذاعدد المواطنين 900 ألف بس و طبعا فيهم نسبة أطفال لا بأس بها يعني غير قادرين على العمل 900 ألف مواطن مقابل 5.5 مليون وافد !!! شو نسوي دام ها التخطيط الفاشل .. لا تلومنا لو تكلمنا في هالموضوع لانه نحن نمثل 20 % بسسسسس وماتبينا نفكر بهالطريقه!!! |
انا طالبـه فجامعة زايــد وارفض دخوول الوافدات ويانا .. مثل ماقالو الخوات اللي قبلي .. مكان تحس فيه المواطنه انها فـ بلآدهاا يعني مثلآ اقدر ارووح مكان عام موول ، مستشفى بحر .. الخ والقى هالـ شي .. طبعا الاجابه .. لآ .. والف لا بعد ..يعني صدق هو المكان الوحيد اللي مايشاركونا فيه .. جييه انحس انه بنبدع اكثـر بنبذل جهد اكبر لان هاي بلادنا صح ولا لا !! ويعني صدق ترا هم دافعين دافعين جيه ولا جييه ليش مايخلوونا هالجامعه بس .. يت على هااي يعني !! واذا على تبادل الثقافات ع قولتكم ترا تبادل االثقافات مع بعض الجنسيات مامنه فايده بالعكس اغلبه ماوراه الا المضره ايي الاب والام فالبيت يربون العيال على شي معين يرووح يتغير بسبة تبادل الثقافات هذا !! اختي لو سمحتي مافي داعي للتجريح والغلط عندج رمسة طيبة قوليها وباسلوب محترم وبدون تجريح للآخريين وتكبر !! تم تحرير الرد بواسطة المشرف .. غديّر النعيمي والسموحه ! |
| الساعة الآن 08:04 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir