|
يا ليتني مااااا حبيت بالمره((واقعيه)) السلام عليكم ورحمه الله وبركاته هذه قصه واقعيه صارت لشاب وقع للأسف بحب بنت ما تعرف للحب معنى أنا بسرد القصة باللسان صاحبها بالوقائع اللي صارت له معاها من أول يوم تعرف عليها لآخر يوم في علاقتكم طبعا الاسامي بتكون مزيفه كان يوم السبت ( مستحيل أنسى هذا التاريخ ) والساعة 6 المغرب ..كان منصور راقد وفجأة رن تلفونه ترن ترن ترن... ترن ترن ترن رفع تلفونه يشوف الرقم عسب يرد ، ما عرف الرقم كان غريب عليه منصور: الو....... لطيفة على طول قالت: أنت منصور. منصور:هيه منو أنتي. لطيفة:هههه، ما عرفتني. منصور:لا ......بس أنا اعرفج ؟! لطيفة:بعدين بتعرف. منصور: أنا بنش اسبح وعقب بدق لج. لطيفة:اوكي. سكرمنصور التلفون ودش انتو بكرامه الحمام عشان يسبح ، وفعلا سبح وخلص بس نسى يدق حق لطيفة وعقب المغرب رن تلفون منصور ترن ترن... ترن ترن منصور: الو....... لطيفة:هذيلا اللي بتصلون..! منصور:هههههه والله نسيت المهم دار حوار بسيط بين منصور ولطيفة يتخبرها كيف عرفت رقمه ، قالت حقه انها مغلطه بس اهو بينه وبين نفسه ما صدقها لأنها قالت اسمه اول ما دقت، دامت علاقتهم اسبوع كامل واهيه تتصل بمنصور وتحاتيه وتخاف عليه وتسال عن احواله حسسته بأنها تعرفه من زمان أو كان بينهم شئ من فتره طويله وحاول يعرف كيف يابت الرقم ، رفضت تعترف بس قالت حقه انها تعرفه ومع الايام بيعرف منو اهيه. تمر الايام وعلاقة منصور بلطيفة تكبر وبدا يتمسك فيها ، وكان أي شئ يصيرله أو يصير لها يخبرون بعض ، وأي شئ يواجها فالمدرسه كانت تخبره بتفاصيله ، وبعد مرور شهرين من علاقتهم حبها وما قدر يمنع قلبه من هذا الشي ومره كان ساير السوق شاف محل ذهب حب يفرحها دش المحل منصور: عطني احلى خاتم عندك صاحب المحل( زلمه ) :..اي مو على عيني ... تكرم ... بس لمين بتهديه حظرتك؟ منصور: ههههه... لخطيبتي. وتنقى له أحلى خاتم فالمحل ، واتصل فيها ورن تلفون لطيفة........... ترن ترن..ترن ترن لطيفة:الووو... منصور: هلا وغلا بعمري.... لطيفه: اهلين وسهلين ومرحبتين يعلنيه فدا شفاك وصوتك.. منصور: حبيبتي..عندي لج شي وابا اوصله لج .. لطيفة:شو..... منصور:شي أنتي ما يخصج. لطيفة: حبيبي ...ما أحب المفاجآت قول... منصور:اذا خبرتج ما بتستوي مفاجأة... لطيفة: أوكي حبيبي يوم بسير السوق مع خالاتي بحاول اشوفك .... وسكرو عن بعض وطبعا كانت أول مره يشوفه وتشوفه، ترخصت لطيفة من خالاتها عسب تشوف منصور... واختلقت عذر عسب ما يحسون خالاتها بشي ، ومنصور كان موجود وجريب منهم وبأيده الخاتم، كانت لطيفة متغشية بس ملامحها كانت تبين شافو بعض والاثنين كانو مستحين من بعض ويبتسمون لبعض ، قربو من بعض سلم عليها وعطاها الخاتم وترخص منها، بس لطيفة ما خلته ودار هذا الحوار البسيط من بينهم منصور:خلاص لطوف أنا بروح لطيفة:تم شوي حبيبي أبا اشوفك ابا اشبع منك.( الاخت اونها رومنسية) منصور:ههههه.... اوكي بس خالاتج ما بيشكون بشئ ..؟! لطيفة:ماعليك أنا بخرط عليهم( الاخت متعوده شكلها على هذه السوالف) عقب يلسو مع بعض مسكت ايده ومسك ايدها وليش أن منصور كان يحبها حس بشعور غريب ما يعرف كيف يوصفه من حلاته، وشلة الغشوه من على ويها وحطت عينها في عينه لطيفة:والله أحبك منصور: وأنا أموت فيج...الله لا يحرمنا من بعض. لطيفة: آمين. وراح منصور ، ومن كثر حبه لها بدأ يعاملها بأنها قطعه منه ، كان يشوف مستقبله معاها وقال لها ( انا ما اباه حد فحياتج غيري لاني مالي سواج فهالدنيا ) وكانت أي شئ تباه وفي خاطرها يوصلها وزياده ، حاول ما يقصر عليها بأي شئ ، لدرجة انه كان يبديها على احتياجاته الضروريه وكانت هي المرتاحه وهو الشقيان ولايوم تشكى منها بالعكس كان يحبه ويبا يفرحها ويملي عليه دنياها حب .... ويوم صادف يوم ميلادها قرر يفاجأها و خذلها كيكة كبيييره ، واهيه كانت ناسية ان يوم ميلادها ، وبهذي الفنره كانو مكملين مع بعض سنه ونص تقريبا، وفي كل مره يتشاوفون كان أحد يشوفهم يتحرونهم معرسين، حبها بكل صدق وعمره ما فكر يغلط ويخونها وكانت بنسبه له كل شئ بحياته، وللاسف اهيه كانت تجازيه بالخيانه واهو يا غافلين لكم الله ، استغلت طيبته ...... كان يسمعها تلعب بتلفون ثاني.... بس بينه وبين نفسه كان يقول اكيد تلفون حد من خواتها.... وعقب ما حست انه تعلق فيها بدت تتغير عليه مره وحده ، صارت تتهرب من مكالماته ، تقوله شوي ودق لك وتسكر عنه وما ترد تتصل ، ويتم يتصل فيها ، يحرق تلفونها ما ترد عليه ، ويظل منصور سهران يتريا واهيه مسويه له اكبر طاف ما تعبره لين اليوم الثاني ، واذا رجعت ترمسه ولا كأنها مسويه شي الامور طيبه عندها، وبعد مرور سنتين على علاقتهم، صارت مشاعرها من صوبه بارده، ما صارت تقوله كلام غزل وحب، حس منصور ان وراها شي مستحيل تتغير عليه بدون سبب، قرر يكشف سبب تغيرها عليه. اتصل منصور في لطيفة عسب يعرف سبب تغيرها عليه ، رن تلفون لطيفة ترن ترن... ترن ترن لطيفة: الووو منصور: هلا اشحالج لطيفة : بخير الحمد الله منصور أنا ودي أسألج ...... انا مقصر معاج بشئ.......؟ لطيفة: منصور...أنا لو بلف الكون كله ما بلاقي حد يسواك...بس أنا ما احب أرمس وايد بالفون(خبيثه) منصور: اوكي بس لا تسوي فيني جيه...... انتي تعرفين اني أحبج. لطيفة: ما عليه .......بس انته خلني احبك بالاول. منصور: بعد هالجمله الي قلتيها أنا ما اقدر اكمل معاج.. طول هذه الفتره وأنا اتحراج تحبيني شرا ما احبج، ودامج لين الحين ما حبيتيني مستحيل تحبيني عقب، وأنا ماخدعتج بشب. سكر منصور التلفون بويه لطيفه، ردت تتصل فيه مره ثانيه ترن ترن...... منصور: الووو لطيفة:والله أنا أحبك بس ما اعرف ش بلاني الفتره الاخيره. منصور: خلاص اوكي حصل خير. وسكر عنها، كمل منصور علاقة مع لطيفة، بس بينه وبين نفسه كان حاس انها تخونها، لانها كانت متغيره عليه وااايد ، ومستحيل تتغير مني والطريج أكيد في سبب والسبب ما واحد غيره ( ( ( الخيانه ) ) ) ، وتم ساكت وبداخله نيران بس ما قادر يصارحها أو يقول لها انج تخونين لان ما كان يملك دليل. مع الايام تلاقى منصور مع ربيعه خالد ، ويلس خالد يرمس منصور عن وحده يرمسها بس يلعب عليها ، منصور ياه فضول سأله عن البنت وبدأ خالد يوصفها له ، استغرب منصور من الوصف لانها مثل مواصفات حبيبته ، طلب منصور من خالد يتصل فالبنت ويرمسها يدامه ويحطي الفون على السبيكر، وفعلا اتصل خالد فالبنت وبدأ يرمسها ، انصدم منصور نفس الصوت ومتأكد منه. وبعد ما سكر من عندها . ساله عن البنت كيف عرفها أو منو عطاه الرقم، قاله أن البنت اهيه اللي مأذتنه ومطرشه حقه مسجات وبلاوي ثانيه ، ونص ربعه ترمسهم وطالعه معاهم ، (وكلام وااايد ماله داعي ينذكر) وبعد ما تأكد منصور المسكين من حقيقه حبيبته اسودت الدنيا بويهه ما اعرف شو يسوي لدرجه ان ما قدر يسوق السياره ، تمنى بذاك الوقت تكون معاه عشان يذبحها، المهم سكت وما خبرها بشئ ، تم اسبوع كامل يتهرب عنها وكان الامر عندها عادي( في بديل)، بهذه الفتره تعب منصور ومرض وماقدر ياكل ولا يشرب حتى الرقاد ما عرف طعمه، وفجأة من الضيجه والحالة اللي اهو فيها حرقة قلبه... ركب منصور سياره وتحرك وكتب مسج للطيفة ( انتي ما تستاهلين اني حتى افكر فيج يالخاينه ) وطول الطريج كانت تحاول تتصل فيه واهو يسكر الفون بويهها لين ما وصل لحد باب بيتهم، واهيه حارقة تلفونه وبعد ما وصل رد عليها ترن ترن ترن ترن ترن ترن ترن ترن ترن ترن منصور:قبل ما اسمع منج أي حرف...أنا بشو مقصر وياج ؟...شو اللي ناقصني عسب تسيرين وتدورينه عند غيري.. (انا حيوان لاني حبيت وحده حيوانه شراتج......الخ)...قسم بالله اذا ما ظهرتي لي برع الحين والله لدش لج داخل وذبحج يدام اهلج.... خافت لطيفة من كلام منصور وقررت انها تطلع، ومنصور كان واصل حده لدرجه ان شل اسلاحه معاه ، ومحد كان في الفريج كان فاضي لان حارة لطيفة معزوله شوي ، طلعت لطيفة وكان الخوف امبين عليها ، نزل منصور من السياره والسلاح في ايده حط السلاح بين عيونها واول ما شافها نزلت دمعته، وخطف جدامه خلال ثواني بسيطه شريط حياتها معاها وكيف حبها، انسحب منصور واهو مكسور القلب. وبالفتره اللي كان فيها منصور راجع البيت كانت حارقة الفون عليه تباه يرد عليه ، واهو ما طايع يرد عليها ومكمل طريجه ، أخر شئ طرشت له مسج... (دخيلك حبيبي تعال اجتلني بس لا تخليني ) ( تعرف كيف تعوي ايده ) ومن فتح منصور المسج وقرا المسج نزلت دموع عينه وما قدر يمسك نفسه .. قرر يرد عليها بس بعد ما تهدي حالته واهيه كنت تتصل فيه ، وبعد ما تحسنت حالة منصور وهدت اعصابه رد عليها.... لطيفة: كله كذب.. انا ما خنتك رمستهم صح... بس كنت استهبل عليهم أنت كل شئ بحياتي...( قويه عين) منصور:هم اللي خلوج مصخره وانتي اللي ضيعتيني وخنيني وخسرتيني,,,, وطول المكالمة منصور يعاتب لطيفة واهيه تبرر اللي صار لين اخر شئ حن قلبه وقرر يعطيها فرصه ثانية، يمكن تعتدل ما تخونه، ورجع لها وحبه لها مثل ما اهو ما تغير ورجعو مثل قبل واحسن ، بس كان يراقبها وبعد مرور شهرين من اللي صار توله منصور وكان يبا يشوف لطيفة، اتصل فيها رن تلفون لطيفة ترن ترن... ترن ترن... لطيفة : الو.... منصور: هلا حبيبتي... اشحالج لطيفة: بخير الحمد الله...عمري منصور أبا اشوفج مشتاق لج... لطيفة:حبيبي والله ما اقدر عندي امتحان واللي ما بيطلعون.. تعال بحاول ويمكن اشوفك منصور: اوكي طبعا منصور كان عايش فدبي ولطيفة بالعين، بعد ما وصل منصور العين بكل برود قالت له ما اقدر اطلع، رجع منصور وكان معصب ,, واهو بالطريج راجع دبي أتصل فيه خالد ترن ترن ..ترن ترن منصور:الووو خالد: اشحالك عساك بخير منصور: بخير ونعمه خالد:تعال تعرف البنت اللي خبرتك عنها منصور: هيه شو بلاها خالد: اليوم مواعده واحد من الربع وبتطلع معاه منصور: وين ومتى؟! وخبره خالد عن المكان والوقت وفعلا سار منصور لنفس المكان اللي خبره عنه خالد وكانت الفاجعة جدامه أن حبيبته بعد ما سامحها على خيانتها ورجع لي ها مثل قبل واحسن ، وكان يحاول يكرمها اكثر من قبل ، شافها نازله من سيارة واحد من الشباب وتضحك ومستانسه، ويوم شافت منصور جدامها انصدمت وخافت..تسمرت فمكانها ما قدرت تسوي شئ. طالعها منصور وكان يهز راسه وقال لها خساااااااااااااااااره، وفر عليها دفتر كانو يتبادلونه مره اهو يكتب حقها ومره اهيه تكتب حقه خواطر وشعر، سار منصور بيركب سياره بس قبل مايركب فر تلفونه تحت تاير السياره.... وقال: اوعدج اختفي من حياتج للابد تمي في طريقج ويا ربعج اللوث لانج شراتهم لوث.. ونزلت دموعه وكانت لاول مره منصور يصيح جدام حد .. وطبعا لطيفة يلست تصيح وتعلن بصاحبها اللي كانت معاه.... وسارت تركض صوب منصور ومسكته وقالت:دخيلك لا تخليني انا ما اسوى شئ من دونك أنا ظلمتك دفرها منصور وركب سيارته وطبعا تلفونه تحت التاير عشان يمسح كل شئ من صوبها وما يرجع حقها مره ثانيه... وكمل طريجه ولا صد وراه .. وكمل حياته بروحه ... وللاسف لطيفة خسرت منصور وللابد ... ليومكم تحاول ترجع له بأي طريقه تحاول تتصل فيه من أي مكان .. لكن منصور خلاص مثل مايقولون عافها وما عاد يباها هذه قصة الشااااب منصور من إماره دبي مع لطيفة من مدينه العين ... حبها حب صادق عفيف وللاسف خانته وما قدرت اللي سواه حقها ^ ^ ^ ^ ^ ^ ^ ^ ^ ^ ^ ^ ^^ ^^^ ^^ ^ احب اقلكم اني انا منصور الي فهالقصه ملاحظه: لطيفه وياكم فالمنتدى بس اعذروني من ذكر نكها لاني هب شراتها خاين.... واسمحولي عالقصور |
ما عندها احساس ولا قلب وخلك جي لاترد عليها لانها ماتستاهل حبك ....:14: |
هاي المفرووض يعطونهـــا أمتيـــــاز في الخيـــــــانه :1.gif: ماعليـــك من باعـــــــك برخيــــص بتراب ينبـــــــــاع .. عندي لك ملاحظـــة .. اللي تظهـــر من ورى اهلهـــا وترمس شبـــاب .. مستحيـــل تكـــون صادقـــة حتى لو مع نفسهــــا . . . أن شاء الله ربي بيرزقـــك ببنت الحلال اللي تسعـــدك والسموحـــة яσσħч ғ∂άķ |
تبا الصدق من قبل ما اكمل قراية القصة عرفت ان السالفه فيها وحده قاصه على واحد وكنت مزهبه الرد في خاطري كنت بقول " الحمد الله انه شي بنات جيه لانه دوم اللي يلعب هو الريال هب البنية ودوم لو في ضحية وحد يتعذب ويموت من القهر والحسرة فهي البنية هب الولد.. ما بيصير شي لو مره واحد اتمرمر من وحده خاينة ليش دوم البنت هي اللي لازم تتعذب؟" بس يوم خلصت قراية القصة قلبي عورنيه بنت ولا ولد.. صدقني مافي حد يستاهل يتعذب هالعذاب باسم الحب.. الانسان القاسي والصلب واللي ما عنده احساس ينعرف من اول يوم.. والانسان اللي يضحي ويسامح ويغفر بعد ينعرف من اول يوم.. بس ربك فوق وكلن حسابه على الله لا تعور قلبك قول الحمد الله ما خسرت وايد الا هي ايام عشتها في غش تقدر تعوضها بايام احسن واحلى ويا اللي تستاهل صدق في غيرك خسروا وايد ولا في شي ولا حد في الدنيا يعوض خسارتهم وانا اقولك هالدنيا دنية والناس كلها صارت مثل المكاين والالات بليا قلب ويليا احساس |
قال نزار قباني: من السهل جدا ان يضحي الشاب من اجل فتاة ولكن من الصعب ان تجد فتاة تستحق التضحية...! لاتحزن ان خانتك فتاة ........فهي كالطير يشرب من كل قناة.....! شكراً لك أخوية على نقلك قصتك ربي يعوضك أفضل منها تقبل مروري |
ماتستااااهل ويسلمووو عالطرح |
السلام عليكم ورحمه الله وبركاته كلمه وحده ممكن أقدر أقولها لك أخوي لا تحزن على أيامك اللي مرت معاها لازم تعرف إن الله يحبك عشان جي كشفتها على حقيقتها عيش حياتك والله بيعوضك خير ونصيحه لا تحب قبل الزواج تقبل مروري:) |
والله قصه تنز الدموع =( مادري ليش بني آدم طماع وما يشبع عينهـ شي !!! تأكد يا منصور انكـ ربحت وهيه إلي خسرانهـ ., اضحكـ للدنيآ واكيد اللهـ بيعوضك احسن منها بمليون مرهـ ., واللهـ يوفقك في حيآتك وتلقى البنت إلي تسعدك ^^ واشكر جرأتكـ إلي خلت تنزل القصهـ عشان تكون ععبره وعضه للغير تحيآتي ., |
السلام عليم ورحمه الله وبركاته بصــرآآآحـــه يوم قريـــت القصــه شقــآآيل لك نفــس تحاول تربط مصــيرك مع بنـــيه هذي هي مواصفــآآآتهـآآآ واستغرب من جرائتهــآآآ على ربهــآآ واهلهــآآ حرام عورني قلبــي على الاهل اللي يمكن يكونون ربوا ودفعوا دم قلبهم عليها صج ياخســآآرهـ :14: امــآآآ لو مااجتهدوا ودآآروا بالهم عليها قلعـــتهـآآآ وذمتها برقبتهم يمكن انته ماعرفــت تختار لانه ماحطيت ببالك انه هالبنتــ باعتك مـــن اول يوم سمحت لنفسها ترمسك ويكفينا من القصه عبــآآآرات لفتت نظري ( الاخت متعوده شكلها على هذه السوالف) التعليقـــآآتــ هذي انته كــآآتبنها يعني انته تدري ان اللي تكلم من ورا اهلها وبايعتنهم تروم تبيع مليـــون غيرك وبدم بــآآرد السؤال اللي طرا على بــآآلي يوم انك ببتزوج (لو سالك ولدك ابويه خبرنا عنك وعن امي كيف تزوجتوا ) ياترى شو نوع الفكره اللي راح تربيه على اساسهــآآ اللعب باعراض البنــآآتــ او الارتباط في بنـــت تبيعه وتبيع غيره :خ8: قصتك عاديه جدا ومحد عمـــي هالايام من البنيه الزينه اللي تحفظ كرامتهــآآآ وكرامه غيرها والبنـــت اللي تقطهم بالبــحر ضاربــه بهم عرض الحائط ومثل ماقالتــ اختي سوان بالمثل للرجل والحرمه هالشي يظهر الله يحفظــــنا من عديمي الشرف يارب وكل الشكر على الدعــوه الطيبه منك |
ماتستاهل حبك هاي خاينه انته عطيتها فرصة والنتيجة انها بعدها تمشي بالطريج الغلط يعني ماتنفع تتزوجها وزين الحين كشفت حقيقيتهاوالصراحة عينها قويه بس وين اهلها مخلين بنتهم على راحتها بس اللي لازم تعرفه انه اللي يخون مصير ينخان الدنيا دواره ... يسلمو ع الموضوع |
يقول الشاعر : من خان لجلك أكيد بيخونك ويقول حمد السعيد : كم قلت للعالم ولا صدقوني , إنه البشر فيهم مرض حب تغيير |
حراااااااااام ... ! ماعندها احساااااااســــــــــ :3096.gif: مشكوور والله يوفقكـ اخوي ماتستاهل الي يـــأإكـ |
السلام عليكم .. الصراحة عورني قلبي .. والله انها ماتستاهل حبك .. وربي يعوضك ببنت الحلال واحسن عنها بمليوون مرة يا رب .. والله يبعدنا عن الشيطان ودروبهـ .. تسلم اخوي .. |
بسم الله الرحمن الرحيم أخي أولا ً أشكر لك دعوتي لقراءة قصتك .. وثانيا ً أشكر روحك الوفية .. المتسامحه ..!! أخي هذه حال الدنيا .. هناك أناس خلقت قلوبهم من حجر .. وهناك قلوب مخلوقه للحب والمشاعر والإحساس .. كان من حسن حظك أخي أنك من أصحاب القلوب الطاهرة .. التي لا يشوبها شيء .. ويا للأسف كل الأسف على تلك الفتاة لأنها فقيرة القلب والمشاعر والحب .. سامحها الله على ما فعلت .. وهداها بإذنه .. أشكر طيب أصلك الذي لم يرضى أن يسيء لها .. وستر عليها ولم تذكرها .. وإنما غيرت في الأسامي التي حتى لو ذكرت الأسماء الحقيقية سوف لن نعرفكم .. أخي .. تذكر شيء واحد .. عش صادقا ً ومت صادقا ً .. لا تجعل هذه القصة تؤثر فيك .. وتنقلب حالك .. لأنك في هذه الحالة ترى الإنتقام بين أعينك .. وأنك ترى تلك الفتاة .. في جميع الفتيات .. واعلم أنك طيب من أصل طيب لا تستحق إلا الطيب .. كما قال تبارك وتعالى : (( الطيبون للطيبات ... )) .. كما تدين تدان .. واسأل الله العوض .. وسيعوضك الله خيرا ً .. ولا تقنط من رحمته .. انظر للأمام .. ولا تلتفت إلى الخلف .. انظر إلى الأعلى في الأفق .. فإنها هنالك .. نعم .. هناك حياة رائعة .. مخبئة لك .. وفتاة رائعة .. خلقت لك وحدك .. ستجيء .. على دربك .. متى ما حااآآن القدر .. وفقك الله تعالى .. وملئ كفيك بسعادة الدنيا الأبدية .. أتمنى لك الخير والتوفيق والنجاح .. والحب الصادق .. المخلوق لك فقط ... شكرا ً لك .. لأنك جعلتنا جزءا ً من حياتك .. لمشاركتك لنا بهمومك ... فلاسيه من جميرا ... :) |
والله ماعرفت شو اقوولك يامنصور بس والله لو هي كانت تعرف معنى الحب ما صار اللي صار وبعد انت غلطان ليش ماحطيت باالك ان الشي اللي بدايته غلط نهايته غلط منصور ابتعد عن هاللخرابيط وان شالله ما يصيبك اللي صابك وتقبل مرووور بكل احترام وتقدير اختك مفنودة بوظبي |
اخويه احسن لك كشفت حقيقتها قبل ما تكمل طريجها كله جذب بجذب لا تحزن ع اي حال لان خلاص ما شي حب ولا امان بهالزمن عيشك حياتك بدون ذكراها وافتح لك صفحه يديده تسلم ع القصه ونترقب منك كل يديد |
أعوذ بالله شو من قلب هااي . صراح أقولك الي مايباك خله .. والي يبيعك بيعه .. وماتستاهل الصراحه .. |
....{ وعليكم السلام لاتعليق :007: |
والله العظيم انك ماتستاهل باللي يصير معاك ..تضيع عمرك على وحده ماتستاهل والله ...السموحه منك على هالكلام..بس صدق القصه تعور القلب ...>< وصدقني هالواقع اللي نعيش كله خيانه وكذي..صعب نحصل شخص يحب من قلبه .... بس مب معناه تستسلم ..كمل حياتك وان شا الله بتحصل ببنت الحلال اللي تحبك وماتفكر تخونك ..:GIF_13.gif:.. يعطيك العافيه على الطرح وبيض الله ويهك |
اخووي انت الصرااحة ما تستاااهل جي بس انسااااااها واعتبرها شي ما كان ولا استوى بعدين مب انت بس الي جي يستوييلك واااايدين غييرك بس اخر شي ما يسوون نفسك وييأسوون بالعكس يكملوون حياتهم عادي صح اول شي بيحصلون صعوبة بس عقب يقولون هم وانزاح ع قولة الي قالها ترا يقوول المثل لا يأس مع الحيااة ولا حيياة مع اليأس وانت حااول تنساها بس مب تحب غيرها لانه ما بينفعك بالعكس بيضرك والسمووحة منك خيوو |
وعليكم السلام ورحمة الله وبركاتهـ بصراحهـ قصتكـ تعور القلبـ و أول ماقريتـ الشطر الأول من القصهـ قلتـ في نفسي أكيد أن الي كاتبـ ها القصه هو أنتـ لنهـ نادراً نشوفـ واحد يكتبـ قصته واحيي فيكـ أسلوب الجرائهـ ولاتعور قلبكـ أخوي مثل مايقول المثل كما تدين تدان وهي في الأخر راح تعرف خطأها وعندي نصيحهـ لكـ :- لاتفتح قلبـكـ على ناس ماتعارفهم والحبـ قبل الزواج مايتم وترى مايضيع الواحد الإطيبت قلبه وانت قلبكـ طيبـ >> أتدربـ على القسوه في بعض الأمور :090: وربي بيرزقكـ بنت الحلال الي تسعدكـ وتتمناها .:GIF_13.gif: اللهم آمين ومشكور ع الدعوه يعطيكـ العافيهـ |
>> للأسفـ الشديد و المؤلم ع هالقصـــ@ << >> وااايد تستوي مثل هالقصص و المشاااكل بس شو نقووول غير لاحول و لا قوهـ إلا باللــهـ و اللهـ يعينكم يالشباآاب لا تنخدعوون من البنااااااات و العكس صحيـــح ^،* اللهم استرنااا و استر يميـع المسلميـــن << >> و المفروووض تتنبهـ ع كل كلمــهـ تقولوهاا لين بعضكم و بعد ما تظهر حبهااا لك لين ما تعرف عنهااا و تتعرف عليهاا و شو وراهااا و مثل ما يقوول " اللي ما يعرفك ما يثمنك "<< >> و السموـوحـ@ ع القصوـور ^^<< |
اللي باعنا برخص التراب بعناااه ومب حرمه اللي تنزل دمعه ريااااال بس يقولون الحرمه اللي تنزل دمعه الريال بس جيه انسان والله حتى ما يستاهل اني اذكره لا بسيئه ولا بحسنه لانه حتى الذكرى ما بخليه ذكري في بالي ع العموم كل انسان وله تجربه يتعلم منها والشاطر ما يطيح بالغلط مرتين والله يساعدك تقبل مروري |
الله يصلح من حالكم ان شاء الله والله يهديها لصراطه المستقيم ان شا ءالله |
السلام عليكم ورحمة الله وبركاته صراحه قلبي عورني لما قريت القصه .. بس هذا هو الحال الدنيا الحين ..و المشكلة هذا هو الواقع .. :( كذب و خيانه .موجوده فى كل مكان..و هذا الى قاعد يصير فى هالدنيا..ناس بدون مشاعر و احساس .. :( و السموحه منك .. |
وعليكووو السلام.... عورنيه قلبيه يوم قريت القصه .... والله ماتستاهل اللي استوالك ...بس من البدايه المفروض اتعرف انهااا لعااابــه وانها راعيه هالسوالف من حركتهاا يوم اتصلت عليك وقالت لك انت منصور... بس امبين عليك قلبك طيب ومااافي حد هاللايام شرات قلبك عسب جيه خانتك .... واكيد كانت تدري انه قلبك طيب... وانك بترده لهااا بس الحمدالله انك ودرتهااا وربيه بيعوووضك ولاتحزن ع كل شي سويته لهااا انسااااااااهاا وادري انه صعبتنسى هالموقف بس حاول .... والسمووحه منك |
السلام عليكم اول شي حبيت اقولك عظم الله اجرك ف موت قلبك ف هالحب بس بعد اقولك الدنيا ما توقف عندها لا ،، لا تيأس و ترا اصابع ايدك مب شرا بعض و ثاني شي الله يعوضك باللي احسن عنها و تراها مصيرها الندم بس مثل ما يقولون (( لي فات الفوت ما ينفع الصوت )) و ثالث شي حبيت اشكرك جزيل الشكر ع هالقصه الحزينه و ان شاء الله ايامك الباقيه كلها سعاده و فرح و وناسه و السموحه عالقصور da1a3 |
قصة مؤثرة واااايد والله عورت قلبي ,,,بس احمد ربك انه كشف حقيقة هالخيااانة ودوووم حبل الجذب قصير مهما حاولت تستر على روووحها وتستر خيانتهااا,, والله يعوضك يا منصووور اللي احسن عنهاا بنت متربية بين اهلها ومرتبية ع الاخلاق والدين وتخاف رب العالمين وتحبك وتصووون حبك لها .. |
من يلعب على الحلبين يخسر أقرب أحبابه |
:426: :426: يآآآآآآربي ..<< تعــًًووووور القلبــ والله َ هذي شوووووو من القلؤؤبـ عندهآآآآ ..^^ عأأفان الله جكـــيتهآآآ مره ولا مأأ تحمد ربهأأأ انك عطيهأأأ فرصه ثانيه ...~ ^^ والله يأأخويه من نسآآك انسأأأه ..<< مب معنأأتهاا تكأأبر بس اهي مأأأ تستأأهلك والله ومأأ تستأأهل الحب الي عطيتهآآ ايأأه ..~ وربك بيرزقك بوحده تسوأأأأأهأأأأ مليؤؤن مره ..^^ واهي بتحصل يزأأتها ..~ وانت طنش طنش ولا تقعد تفكر بخياتهأأأ ][ يعني لا تقعد اتعب روحك بالفكير وبالنهأأيه انت تضرر .. عيش حيأأتك ..^^ الدنيأأأ بخيييييييييير لول والسموحه عالاطأأأله حبووب .. ~ وربي يوفجك .. |
ماعرف شو اقوولك الغالي .... لكن قصتكم عورة قلبي .. بس شو الي خلاكم تشتركون هني في المنتدى..؟؟ يمكن اطرش لك رساله خاصه وتحن لها ... |
أصبر ياقلبي وأنتظر خل الحزن مكتوم كل المعاني تغيرت وأتضحت الصوره صار الصدق في هالزمن مثل الوفا معدوم ونفوسنا تجرحت والفرحة مكسورة كل المبادئ تنشري واللي معاه يسوم حتي المشاعر ارخصت والكلمة مهدوره .................................................. ............ والله يالغالي ما تستاهل اللي ياك بس خاطري اعرف شي واحد ..؟! ** كيف اتحب وحده خانتك من قبل ., وانت شايف خيانتهاا بعينك .؟!! والسموحه منك.. |
الله يعينك حتى ف الفرصه الثانيه ما نفعت لكن قال المثل <عليك بالفرصه الاوليه لو فيها نتف الحى>:090: فدوة حظن يابها ييب غيرها ولا يهمك عيش حياتك مرتاح |
>< . . قسم بالله تستـآهل الذبح وحده شراتها لوؤوؤث ما تستاهل حتى نظرة ولا حتى حد يســآمحهــآ.. . . همصه : أصــآبعك الشيخ ماهي بسؤآأ |
في مثل يقول .. من باعني برخيص بتراب ينباع .. والله يهديها .. ويوفقك ف حياتكـ ياخوي .. والدنيا مافيها خير يا ناس لا تصيحون .. ^^ |
ياخي وحده تظهر ويا واحد وترمسه ومادري شو ..هاي لوث مب آدميه ولافيها ذرة ادب ولاحترام.. انا لو مكانك ماصد صوبها جفت الخيانه بعيونك وسكتت...اقولك قبل الشباب يلعبونهاا والحين البنات..دنيا دواره خخخ بس ماشي شغل تحب وحده بالفون>< لي خانت اهلها ماتستاهل تكون زوجه هاييلا صراصير المجتمع والي يقربهم هم ذباب |
اقتباس:
ومشكوره على احساسج المرهف |
آآآآآه يآقلبي ..~ ۈآللـہ آني صحت ..~ آللـہ يسآمحهآ آلخآينـہ تعرف مآتستآهل آصلآ حبڪَ ..~ ع بآلهآ آنهآ مستآنسـہ فآللعبـہ هآآي خلهآ تڪَمل لعبتهآ برآحتهآ آخرتهآ رآح تندم ع آلي تسۈيـہ ..~ آللـہ يڪَۈن بعۈنڪَ خۈۈيـہ آن شآللـہ ربي يعۈضڪَ بأحسن عنهآ ((بنت آلحلآل )) ..~ ربي يعطيڪَ آلصحـہ ۈآلعآفيـہ خۈۈيـہ ۈمآشآللـہ عليڪَ آخۈۈۈيـہ ع جرأتڪَ آلحلۈه في نقل آلقصـہ ..~ ... تقبل مرۈري خۈيتڪَ مآتسۈآآآني ..~ |
والله انهااا قصة عوورت قلبي من الخاااطر يعني معقووله عقب مااساامحتهاا رغم الي سوتهاا ترد تلعب مره ثاانيه !! الصرااحه ماعرف شوو اقوول بس تبى الصدق ناادرا الحين تحصل ولد يحب شرات ماانت حبيت واغلب الشباب يحبون يلعبون بس ونفس الشي البناات والله يستر ع الكل الحين يمكن لانه السالفه مأثره فيك عسب شي يبالك وقت لين ماتنساهاا بس عقب فتره رااح تشووف عمرك انك عطيتهاا اكثر مما تستحق وتأكد في زمانا هذاا مستحيل تحصل احد يقدر يسامح الخيانه وينسااهاا وانت سامحتهاا اول مره بس ثااني مره لا تفكر تردلهااا عقب الي سوته فيك |
الله يعينك ماتستاهل والله |
| الساعة الآن 06:59 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir