|
عـآآآم انكسـآآآر المواطن ...! السلام عليكم ورحمة الله وبركاته مرحبا بكم اخواني وخواتي في موضوعي ... لفت انتباهي في احد منتديات الشيوخ ربي يحفظه موضوع تحت عنوان عام انكسار المواطن ... جذبني العنوان ودخلت الموضوع وسمعت الصوت الي كانوا حاطينه ... ثارت في نفسي الغيره على بلاادي والغضب على كل من يتجرا على ان يسيئ سمعه بلاادي ... اكيد تبون تسمعون الصوت http://www.ma7room.com/music/song-90.../song-9079.ram انا ضد كل هالكلاام ... اذا انتي يايبه هالهنديه ليش يايبتنها .؟ مب علشان تخدمج .؟ لانج متعايزه عن خدمه بيتج وعيالج ومتعايزه تخدمينهم فيبتيها ... فتحملي هالشي ومحد ظربج على ايدج وقالج هاتيها ... واذا على المصري هذا ترا الدوله مب يايبتنه تهز طوله وتتاملونه الدوله يايبتنه يشتغل شغله المواطن مايحق انه يشتغلها ... هذي هي يزاته .؟ واذا الاجنبيه الي انتي تقولينها ترا يايبنها تشتغل فالمطاعم والاسواق ... انتي بتشتغلين هالشغله .؟ وتحلفين بربج اذا في جنسيه بتنعطين اياها سيري وخذيها وشوفي هالدوله مثل دولتج .؟ قسم بالله مافي دوله تعطي المواطن كثر دولتنا معلمينكم على البطره والخقه ... واهل دبي من شو يشكون .؟ واي عدوانيه الي تقولها .؟ الي يسمعها يقول فلسطين واليهود ...! والشيخ خليفه وربي مب مقصر هو واخوانه وباقي شيوخنا ربي يحفظه محافظين على القوه الي بناها الشيخ زايد ربي ييرحمه ... اما الام الي كانت تتكلم عن بنتها انا سامعه قصتها كامله ... الشيوخ ليش فاتحه بيبان الديوان للمواطنين .؟ في كذا مبنى حكومي يقدر المواطن يشتكي من حاله الظيق ... الدوله والشيوخ والله مايقصرون ... مشروع الشيخ زايد ربي يرحمه للاسكان ... ومشروع الشيخ خليفه ... ومشروع الشيخ محمد بن راشد ... وين هذيلا .؟ مب طالع في عيونك والشونه الي رفعوا من معاشاتهم وغير الروشن الي ينعطون اياه ... ترا هذا كله من يدينا نحن بسببنا نحن ... المواطن هو بنفسه يايب لعمره هالشي ... محد ظربكم على ايديكم وقالكم استخدموا العماله الوافده في بلادكم لو كنتوا مثل ايام اول الحرمه تم في بيتها وتربي عيالها وتشوفهم ابرك من انها تييب لها وحده ولا ثنيتن وتتشكى منهن مثل ينقال عندنا " شوفي ياجبدي على فعل ايدي " ... انا ضد هالمواطن الي يتكلم عن بلااده جيه وضد هالبرامج الي تشجع المواطن وتدفعه ان يقول كلاام غير محسوب ويعق خيط ومخيط ... ابا اعرف وش رايكم .؟ انتوا ضد هالشي ولا وياهم .؟ ادري طولت لكم بس من الغصه الي فيني ... فداعه الله ..~ |
يشرفني اني اكوون اول وحده ارد ع موضووعج وانا صرااحه معاااج >>>ضدهم اكيييد حتى انا سمعته وانقهرت منوو يتجرأ يتخلاا عن جوازه ويرووح بلااد غير الامارات :522: صرااحه ماعجبني كلاامها شيووخنا ما قصروو وتقووم هاي وتقوول كلاام الله يسامحها فيه لوو انا كنت وحده من :522: الشيووخ والله لا انجرح حراام حراام اللي تقووله بعد ما سوولنا اللي نتمنااه والله لوو ترووح بلااد برع ماتحصل النعمه:522: اللي محصلتنها هنييه:522: الله يساامحها الله يساامحها على كلاامها>> بس ودي اقوول ان محد يتجرأ ويتخلى عن جنسية الامارات<<:522: مشكووووره وااااايد حبييت الموضووع |
وعليج السلام ورحمة الله وبركاتة اقتباس:
اللي بيسمعج الحينه يالجود بيقول هذي وين ونحن وين !! وين تحصلين بنات الحينه جذه ( بالنادر ) ، الحينه البنت وهي معرسة تبا تشتغل وتبا بشاكير وسواقيين والحجه انها مشغوله ( ياحرام ) ، عزات العيال لابيظهرون رياييل شرات الاوادم والبنات مابيظهرن بنات كفوو .. 0 0 بخصوص هذا الموضوع ، صراحه اول مره يعيبني طرح معاكس لآراء الآخريين ، فالعاده نحن نعق اللوم على الدولة في استحضار الوافدين واحيانا تصل بعض الإنتقادات من بعض المواطنين الى قلة احترام للجنسيات الأخرى وهذا طبعا لايحق لأي شخص التعدي على الآخر .. البرامج الاعلامية التي اتجهنا لها فالفترة الاخيره البعض استغلها استغلال سئ ع سبة يظهر ويشاتم ويظهر عضلاته ، وهذا لايرقى ابدا لمستوى المواطن الشهم والتربية اللي عودنا عليها الشيخ زايد رحمة الله عليه .. 0 0 يعطيج العافيه يالجود النعيمي |
اقتباس:
تستغرب والله اصلا حرام حرام ان هالاشكال تكون حامله جواز الامارات ... اكيد اصلا محد بيعيبه هالكلاام ان كان شيخ او مواطن ... حتى الغير مواطن من البلااد الثانيه مابيعيبه هالاكلام ... يعني والله انتوا عايشين في نعمه تنحسدون عليها ... الله يسامحها ويسامح غيرها من الي رمسوا والي فاتح هالبرنامج الفاشل صراحه ... العفو واجبنا ياخويه ... لاهنت ...~ |
اقتباس:
والله ياخويه في بنات من هالطينه ... مرتاحات في حياتهن يشتغلن ومعرسات وعارفات كيف يجابلن شغلهن وعيالهن وريالهن ... ياغير بنات هالجيل غير شكل ... متعودات على البطره والخقه ... تسـلم ياخويه ... اذا على اللوم هو وايد تبا الصدق والدوله ماتقصر تعطي المواطنين وتحاول كثر ما تقدر توفر لهم سبل الراحه ... واما على العماله الوافده لهم دور كبير والله في بلاادنا يشكرون عليه ... واذا على البرنامج فانا قاعده ادور على اسمه ... والي عرفته انه اكثر من برنامج >>> الحمدلله والشكر واحد من هالبرامج يطلعونه في الشارجه ... والثاني اظني استيديو واحد ... يعافيك ياخويه ... لاعدمنــــــآآآك ...~ |
سلملم الموضــوع مانروم نلوم المواطن بروحــه في السالفــه يعني الحياه مثل البنــآآآ لمــآآ نبي نقوم عمارهـ لازم نشوف الطين يتحمل ولا لا ونشتري مواد جــودتها اوكــي واذا بس عمود واحد مصدي وحالته حـــآآله يطيح بالعمـــآآره وهــذا نحن الشيــوخ مامقصــريـــن ولاشي لكــن الزمن تغير والبنــآآت تغيروا (والافكـــر تغيرت ) الله يصلــــح الحال اشكرج من صمصوم الدلبــ عالموضوع الحلو |
مؤثرات صوتيه وحركات والله مسوين لنا فلم هندي ..وهاي يالسة تقول لأتخلى عن جنسية الإمارات هيه اكيد بايعتنها جنسيتج ع سبة تهون عليج ها الرمسة سيري بمبي وان شالله بتحصلين الجنسية الهندية وتستانسين هناكي ولا تردين الإمارات طوووول .. وبوراشد المذيع المعروف ماعرف كيف يمسك العصا من النص ، ماشالله ماشي وياها ع الخط .. والله عيب تسلمين يالجود اشتغل وياي الرابط ويعطيج العافيه |
اقتباس:
نحن بلادنا قويه ومتماسكه ... ياغير هالمواطنين نصهم فيهم خقه على شو ما ادري ... وهاي شكلها يايه من ايران انتوا الا سمعوا الرمسه كيف ...وتدري انها هي العومه انا ما احق ان حد يقولي ياعومه ... وللاسف في مواطنين مافيهم غيره على بلاادهم ... والدليل هالبرامج وهالاصوات الي طالعه ... |
اختي لجود خاطريه يتبطل هالرابط ابا اسمعهــآآ ماطاع :93.gif: ممكن تردين اتشيكــين |
اقتباس:
شدراني فيها ... ناس ناس مب حاسه بقيمه النعمه الي عندها ... وقسم بالله انهم خرط في خرط ... هذا بو راشد لو كنت من المسؤولين اشوته هذيج الشوته ياغير الدوله ساكته ... وانا ختك هذيلا مايعرفون العيب ... لو يعرفون العيب بيحشمون السامعين وبيحشمون بلاادهم الي ظامتنهم ... ربي يسلمك ... يعافيك ياخويه ...~ |
دمعوه الغاليه اشتغل وياي حاولي فيه http://www.ma7room.com/music/song-90.../song-9079.ram |
بسم الله الرحمن الرحيم السلام عليكم ورحمة الله وبركاته .. أشكرج أختي .. موضووع في غاية الروعه .. وكنا نحدث فيه أنا ومعارف من الأهل فيه وكنت قليلا ً وأفقد صوابي .. من طريقة ردهم وكلامهم اللي يسم البدن .. كما كانت هذه المرأة تتكلم .. بكل اندفاع ومشاعر .. وشوية كانت وتبكي اللي يقول جنها سالبينها بيتها ولا بيزاتها .. ولا جوازها <<< اللي هي وبكل فخر تبى تتخلى عنه .. والله ثم والله إنها ما تستاهل هذا الجواز .. لو كانت بنت هذا البلاد سوف لن تقول هذا الكلام البذيء في حق دولتها وحق شيوخها .. نعم صدقتي أختي .. !! يااا هااا النااااس .. ما في إحساس .. نسوا مشاريع الشيوخ الله يحفظهم من أجل أن يعيشوا حياة رغيدة .. وزياادة المعاشات .. والشووووووووووونه .. <<<< يااا نااااس .. صراااااحة .. ييبولي اسم دولة خليجية أو عربية .. أو غربية .. تعطي شعبها مثل دولة الإمارات .. !! قولولي في شيخ مثل الله يحفظه الشيخ محمد بن راشد آل مكتوم .. يسير مدارس .. يزور الدوائر يتفقد الرعية .. والمواطنين .. !! في شيخ يلعب كووره ويا شعبه .. مثل الشيخ حمدان بن محمد آل مكتوم .. الله يطول في عمره .. وشيووخنا جميييييع .. حضرتها .. محتشره على الأجانب .. وتقول عن الهندية والمصري .. إنزين إذا هم غلطانين في حقها ليش سكتت .. ليش ما عرفت تلعلع شرات ما لعلعت على بوو رااشد ؟؟ ما قوول غير الحمد الله على إني بنت هاي البلاد ... وإذا عندي حقوق ضايعه أعرف وين أسير مب أفضح بلادي و أشاهر ابها .. وارخصها في لحظه .... بعد ما كنت عايشة طول عمري معززة ومكرمة .. بس لأنه أجنبي أهاني .. أهيييين دوولتيه .. !!!!! بها السهوووله ... وين الوطنية .. !! وين .. !! قولوا الحمدالله .. على كل شي ... السمووحه على الإطاله فلاسيه ... وكلي فخر إماراتيه .. |
مرحبااا .. كل هاذا عسب شو .. أصلا محد نافعنا غير الوافدين .. فحياتي ما سرت مكان وحصلت مواااطن يشتغل شغله يشتغلونها الوااافدين .. فهالزمن المواطنين ما يطيع زينهم يشتغلون هالشغل .. ضحكني تعليق النعيمي .. هاي الي تقول أنها لو حصلت جنسيه لاتخلى عن جنسيه الامارات بشووووف وين بتحصل النعمه والخير ألي موفرينا لنا الشيوخ الله يطول بعمارهم .. تسلمين أختيه ع الموضوووووع المميز .. |
مرحبأإ آلسأإع سمعت هالتسجيل من قبل كلـه وانتي ماتعرفين آلي يشتكونه آهل دبي والله مـآتحسون والله جنه مب في بلآدنآ حتى مرات نشك انه هاي مب بلادنا نشك انه هاي بلاد الانقليز والهنود دبي متروسه هنود وانقلييز فل فل عدد الهنود مليونين ونحن 800 الف ! والسبب انه فاتحين لهم المجال وتعالو بس انا ضد رمستهـآ وضد كل آلي تقوله ومـآعيبتني يوم قآلت بتتخلى عن الجنسيه بآيعه بلادها !!! صح انه نحن عددنا اقل من عدد الهنود وعدد الانقليز لاكن والله لو بقص رقبتيه مآبعت بلآدي آلي آصلي وفصلي كله منـهـآ لاكـن والله لو يخفون من هالاجانب والله بنرتاح هامنهم انه يكون عدد دبي 10 الاف مليون جنس ! والله عاد كيف بنتحرك فهالوقت يوم بلادنا دوله صغيره بعد بتخلون عددها هالكثـرر نحن الحين جي ونقول زحمه واذا بنسير مكان ناخذ بالساعات يوم بنوصل 10 الاف مليون واحد شو بنسوي بنتخبل ., واكثر المشاكل الي مستويه فدبي بسبتهم صرقة وافي & الي عند يبل علي & وايد وايد وايد مشآكل هم مسوينها يعني لو يخلونهم بس ايوون بيشتغلون اوكي لاكن ايوون يدمرون بلادنا ويسون فيها مشاكل !! هب انه فتحنا لهم المجال ايوون ويسون كل هالسوايا بس لو نرمس ونرمس منو يسمعنا ؟؟؟ بس قولولي منو بيسمعنا ؟؟ محد يسمعنا نحن مانروم نسوي شي |
ياساتر ياساتر ياساتر معقوله اتمتى يكون كلام مبالغ فيه صحيح ماكد زرت الامارت لكن على الكلام الي سمعته اخذت فكره عنها اتمنى يارب تكون فكرتي غلط |
السلام عليكم ورحمه الله وبركاته بعد كل تعليقلات الخواني ما اقدر اقول شي وانا ع راي اخوي غريب الدار لو يشتغلون ويروح زين لانه امس رحت دبي شفت واحد اجنبي في سياره وثاني هندي في سياره كل واحد يلف ع ثاني وما يراعون ان في ناس غيرهم لا شارع شارعهم صدج انقهرت وبعدين صدج الله يعين اهل دبي احسهم هب ماخذين راحتهم بس لو يحدون من مشكلة هالوافدين يحطون ليهم قوانين احسن عسب لا ياخذون راحتهم وبعدين يخسي ارخص بلادي والله احسن دوله معيشه شعبها دولتنا وين بتحصل شرات شيوخنا يرعون شعبهم لو حتى لو كنا عايشين ع قد حالنا بس عايشين بامن لا في حروب ولا مشاكل بس الله يسامحها والسموحه طولت اختكم الصغرونه ( اقصد القاطعه هع سوري ظروف خاصة ) .....خرباشوه |
السلام عليكم يا أختي صدقتي يوم قلتي انه المواطنين متعايزين يسون اي شي ومكودين الخدم في البيت لكن مب ها اللي الكل يشتكي منه الناس تشتكي من الزحمة الزايدة فلبلاد,,, الأجانب خنقونا ! الواحد من يظهر من بيته يعاف الدرب من الزحمة ويوم ايحدر السوق بالزور يجوف مواطن مثله ! بصراحة هال الشي يغصص بالأدمي ولا انتي تختلفين وياي؟ وهال الناس اللي امتزرت لبلاد منهم مب المواطن( اللي مايدري شو السالفة) يابهم ! هايلا ايون اب طرق مختلفة و يلصقون والمشكله انهم ما يحترمونا ولا يحترمون مجتمعنا والأدلة وايدة نحن مب ضد انه الناس تي اتدور على رزقها عندنا الحمد لله الخير وايد لكن مب الأولي انحط المواطن ؟ ليش نسمحلهم يدشون البلاد بهال السهولة ؟؟ وليش البلاد تنبنى عسب هم يسكنون فيها ؟؟ والله قهر وليش ان مسكو منصب قاموا واتعنترو علينا ؟ يذلووون هل لبلاد ذل و محد يقولم شي ولا يعاقبهم |
لو قلنا ان المواطنين فالدولة مايتجاوزون حتى من بعد التجنيس الـ 700الف وعلى رمسة بعض الإخوان ان نحن مانبا اجانب طيب منوه بيمشي هالشركات فالدوله !!؟! والنهضة العمرانية التي " لازالت ومازالت " تشهدها الإمارات ولله الحمد والتوسعه العمرانية منو بيقوم بأعمال البناء وخصوصا انها ممتده على بعد دنمات واطوالها على مدى اقدام !!؟!! اعمال المواصلات والنقليات منوه بيقوم فيها !؟! رصف الطرق وتشييد البنية التحتيه والله يعزكم التمديدات الصحيه والى آخره اعمال الاسواق الشعبيه والسوق المركزي ياجماعه نحن يوم نبا ننتقد شي خلنا نكون واقعيين شوي وبس هب شرات هالحرمه يايه تحدد جنسيات وتشاتم انا صراحه مااتشرف ان هاي اماراتية وتتحرطم جذه بهالأسلوب والشرهه العوده على المذيع "المخضرم " اللي ماوقفها عند حدها .. والخطه الإستراتيجية فالتخطيط السكاني والخلخله السكانيه حددت معالم لها ونقاط صراحه لمنع هذا السيلان السكاني الهائل .. والله يحفظ دار زايد الله يرحمه |
لا حول ولا قوة إلا بالله العلي العظيـم ! صدج لي قالوا عااّم إنكسار المواطــن ! @_@ لين متى احنا بنتم جي ! لين متى يا ناس ! :30: فاتحين ابوابنا لكل من هب و دب من الإنقليز و الهنود .... إلخ ....... لين متى يا نااااااااااااااااااااااااااااااس ! والله ... والله لو تعرفون ان الإنقليزي مايسوى فلس , اعرف واحد مدير شركة ف جبل علي قبل كان يشتغل خباز ف لندن ! و الحين تعرفون شو منصبه هني............... مدير عام قسم ف هاي الشركة ! يعني احنا يالسين نسويلهم اعتبار وهم ما يسوون فلــس! إخواني... ما بطول عليكم ... أول شي انا ضد كلام الحرمه يوم قالت انها مستعده انها تتخلى عن وطنها ... ثاني شيـــــ إحنا ك مواطنين.. من اليهال لـــــــل شياب لازم نوقف وقفه وحده ويا بعــض مب كل واحد جايف عمره و يالس يتخقق ع الثاني و لا بعض الشباب الله يهداهم .... اونه شو إنت من دبي ! ولا أنت من الشارجه و انت ام قيوين ! ولا هذا عيمي ولا يمني ولا بلوشي ! ياخواني... متى بتفهمون انكم دولة وحده ... :uae: وانتوا بدال لاتوقفون ويا بعض يالسين تتناقرون ويا بعــض ! واحنا إذا تمينا ع ها الحاله.. من الحين قولوا باي.. و على الدنيا السلام:84:..... و بعدين لاتيلسون تتشكون من الهنود و عيال بابو وبس....... :uae:يدا بيد ....:uae: http://www.uae-photos.com/gallery/da...medium/pic.jpg http://www.uaeec.com/vb/imgcache/23059.imgcache |
انا مع الفاااارس العناااابي بكل كله قالها .. يعني ليش الوافدين أكثر من المواطنين لان الوافدين هب شايفين عمارهم نفس الموااااطنين يعني المواطن بيشتغل خباز ولا بياع في الدكان ولا أي شغله .. مستحيل يشتغلوم ها الاشغال .. لو كل حد أشتغل ما بنحصل هالكثر وافدين .. المواااطنين يبغون الرااحه .. ما يبغون يكدون ويتعبون نفس الهنود .. |
اقتباس:
العفو خيتي ... تسلمين ... الي يشوفها في هالحاله يقول ميت لها حد ... وبعدين ترا مايسوى عليها كل هذا ... اكيد ما تستاهله لو تستاهله مابتقول هالكلاام عن بلاادها الي حامتنها ودايره امورها ...يقولج المثل سو خير وعقه بحر ... ياكلون وياكلون ويترسون بطونهم وينسون منو الي مترس بطونهم ... اصلا من كثر البطره الي عايشينها متخققين ورافعين خشومهم على البلااد ...ترا هالاشكال تفتخر بانها يكون لها لسان طويل عريض وتشوفه الخيار وهو مايسوى ... الحمدلله على كل شي ... وربي يحفظ شوخنا ويطول بعمارهم ... تسـلمين على المرور خيتي ... بالحل ... |
اقتباس:
تتعيبين والله ياختيه ...ترا هذي هي الغصه ... يعني الوافدين لهم دور كبير فالدوله بس محد مقدر دورهم ... هع محد مقتنع بهالشي يوم تقوليلهم انتوا ما تحقون انكم تشتغلون هالشغله بيقولون لج لاااا منو قال بنشتغلها ويوم الجد تعالي شوفي واحد منهم جان بيطيع يشتغلها قول من دون فعل ... هع تراها خبله لو مب خبله ما بتقع هالرمسه الفارطه ... الحمدلله على الخير ... ربي يسلمج ... مشكوره الغلا على المرور ...~ |
اقتباس:
مرحبا مليار باخويه غريب .. حياك ... ادري ياخويه وسامعه وهالشي الي مستوي في دبي بسبب المشاريع ولان دبي فيها وايد وايد شركات خاصه تشتغل في الدوله كامله بس ماخذه دبي مكان لاستقرارهم ودبي فاتحه هالشي للشركات ...صح ان الواحد يوم يسير لها مايحس انه في بلااده بس مع ذلك دبي تكون اماره من دولتنا لاازم نحترمها ونحترم مشاريعها ... دبي تسوي كل هذا علشان تكون الافضل على العالم تواكب العصر تتحدى الدول الثانيه ... يعني انت شايف كيف ان دبي كلها عمارات وبنايات وابراج وتقريبا كلها مب مخلصه ... والي يشتغلون في هالشي هم المهنده والاجانب يعني المواطن مابسير وبيبني وبيعمر مايحقها على عمره ... صحيح نحن فاتحين لهم المجال ووايد بعد ... والسكان الي تقصدهم مليونين ترا هذيلا مهنده الشركات ومهنده البيوت والمزارع والاجانب الي يايبينهم يعالجون ويدرسون ... ترا هذيلا مب يايين صخره يايين لغرض ... نحن الي يايبين لعمارنا هالشي ولاازم نتحمله ... مب نرد اللوم كله على الدوله ... الله كريم ياخويه ... تسـلم ياخويه على المرور ... |
اقتباس:
لا والله مب معقوله ترا هالكلاام ياخويه كله خرط في خرط ... اكيد مبالغ فيه ولا مافي مواطن خالص يحق هالشي على نفسه صح ولا لا.؟ انا اقولك اياها من الحين ترا غلط في غلط ... |
اقتباس:
انزين ياختي هم يايين يشتغلون مب يايين صخره ...اكيد بيكونون في سيايير عيل تبينهم في تكاسي .؟ اذا التكاسي هالايام المواطنين يوم يبونها ما يلقونها وين هذيلا .؟ دام ان معاشاتهم تسد انهم يشترون سيايير يشترونها ...ترا الدوله تحاول كثر ما تقدر تحدها هالمشكله بس المشكله ان مافي مواطنين يشتغلون بدال هالوافديين ... الحمدلله على النعمه ياختيه ... تسـلمين على المرور ...~ |
انتي تقولين انج ضد هالكلام بس لايعرف ما خلف الكواليس الا من يصل اليها انا افضل السكوت لانه النقاشات السياسيه محضورة علينا كلمة بسيطه مقطعة المراه المتحدثة فعلا واقعي وصحيح ونا اضم صوتي لها والله يرحم حكيم العرب زايد رجاء الواحد ماينقاش وهو مايعرف شاللي صاير وشو اللي متخبي نبشو خلف الكواليس وتعرفون! الشاطر يفهمها سلملم |
اولاً :- تسلمين الغلا ,, ع الطرح ,, ثـآنياً :- هالحرمه وايد تزيــد من عندهـآآ ,, نحن صح ضعنــآآ بوسط العماله الوآآفدهـ ’’ محد يقدر يقوولـ لا .. صح .. بس نحن لازم ما ننسى نحن الأصل نحن عيـآل البلاد ,, نحن اللي بنبقى و هم بيزولون من البلاد لبلادهم ,, هم يوون يشتغلون ,, يكرفون ,, يجمعون بيـزآت ,, و يروحون ,, و بالاصـل من يجلب هالعماله !! من !! مب نحن ,, مب نحن اللي نيب البشاكير و الدريوليه و العمال ,, نقول ما نقدر نشتغل ,, ما عندنا وقت لبيتنا و لاعيالنا ,, نحن اللي نيب هالعماله ,, و منو بيرضى من شبابنا يوقف ف شيشه البترول و يخدم ع السياير ,, منو؟! منو بيشتغل فالمطاعم ؟! الاسوآق ؟! المحلات ؟! صح في تقدم ,, بدو الشباب و البنات يشتغلون ف بعض المحلات الكبرى بس فئه صغيرهـ ’’ ؟! يعني انا بصراحه زرت دولة من دول الخليج ,, و كنت انصدم يوم اتقرب من اللي يشتغلون في المولات و ارمسهم بالانجليزي عسب يبون لي اللي اباه ,, و يبتسم لي و يرمسني عربي ,, و بلغته و اكتشف انه ولد هالبلاد حتى بناتهم يشتغلون بنات البلاد بنفس المكان ,, و الله إذا نحن بنقوول [ عيب ,, و نحن نشتغل هني ,, و و و .. ما نقدر نلوم حد فـ هالدوله ,, إذا نبى نلوم حد فـ فالبدايه نلوم انفسنـآآ ,, لانه هذا كله من صنع إيدينـآآ ,, صح اللي يستوي معور قلبنـآآ ’’ الوافد ياخذ مكانا ,, و صرنـآآ غربه نوعاً ما ,, بس نبقى إماراتيين ,, ومن لا يفتخر في هويته ماله مكان مبينـآآ ,, واللي يبا يظهر من البلاد,, محد ميودنه ,, البيبان مفتوحه ,, له ,, بس فالنهايه مردك لبلادك ,, و لأهلك ,, بلادنا لنـآآ و بتبقى لنــآآ و بنرفع راسنـآآ و نحن نردد [ إماراتي و افتخر ,, السموحه ع الأطاله ,, هذا كله من اللي سمعته ,, تسلمون ع الطرح ,, و ربي يحفظكم ,, |
| الساعة الآن 05:01 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir