|
((نحن طالعين واليهال ويا الخدامة فالبيت)) ما مدى خطورة هذه الجملة..؟؟ [align=center][align=center]السلام عليكم ورحمة الله وبركاته[/align][/align] شحالكم خواتي واخواني..عساكم بخير وايد من العايلات تردد هذي الجملة وخصوصا الحريم اللي يشتغلن (طبعا مب كلهن) في منهم يكونون مظطرين بس الاخطار وايده ومنها ان الخدامة بتكون احن من الام لانها اغلب الاوقات مع الطفل ودايما الطفل بيلجأ لها اذا انظرب.. واذا كانت الخدامة مب مسلمة بيتعلمون اليهال منها معتقدات وافكار خاطئة وبيقلدونها في طريقة صلاتها وشي اكيد ان اليهال بتخترب عندهم اللغة العربية واذا غلطو اليهال ممكن انها تستر على غلطتهم او احيانا تظربهم وطبعا لانهم مب عيالها ما يهمها اذا ظربتهم بشدة واذا سالتها امهم بتقول لها طاحوا او كانوا يتظاربون.... بصراحة طرحت هالموضوع لاهميته وحابه انكم تشاركوني فيه وان شاء الله نحصل حل لهذي المشكلة..... |
مافيه شك الخدامات من بلد عاداته وتقاليده مختلفه عن بلداننا مع كثرة تواجدها مع الاطفال يتعلقون فيها ويكتسبون بعض من تصرفاتها واخلاقها ممكن تكون اخلاق سيئه وممكن عاداتها تكون ضد مبادئنا ومذهبها مختلف وهنا المشكله الاكبر المايكـــــ لكمــــ |
عيـل خلآص فنشـو خداماتكم واشتغلو بدالهم اوكي ؟ وعقـب بتحسون لوول اممم والله لانه مرات اليهال يكونون حشـره بس مب دوم لوول |
فديـــــتهم اليهاااال عااديــ انا عنديــ بدوونــ خدااامهــ .. انا بتمـ معاااااهمـ ههههـ انا ما احسـ فيـ حشرتهمــ لأنيـ انا اكوونـ الحشرهــ ههههـ و خاصتاً لو يالسهـ العبهمــ ههههه .. ^^ |
بصـــرآآحه وعسب نكون واقعيين الشغاله هالايــآآم ضروري وجــودها خصوصا مع تزايـــد متطلبـآتــ الحيــآآهـ وصعوبتهــآآآ يعني الحرمــه حق شو ولا شوه البيـــت ولا الطبيــخ عاد تخيلوا لو عندهــآآ بيـــت عود صج بتوهق وين تفضي عمرها حق اليهال ولا البيت ولاالريــآآل وميه شغله وشغله العقـــل يقول : مافيهــآآ شي المســآآعده ولكــن تحط كل عايله في بالها عدم الاتكال على الخــدم ومراقبه الخدم ومــدراراهـ الابنــآآء بحيث ان عينهم ماتغيب لاعن الخدامه ولا اليهال لو تلاحظون ان بعض اليهال يتعلقون في بعض الخدم ليش لانها قامت بدور امــه وياه على طول وهنيه الغلط وبدايه المشكـــله 2-وشي ثاني بعض الناس يطالعون للخدامه شكلا وعملا <---ليش تطالعون شكلها انزين بعض الحريم مايراعن هالنقطه ناسيات ان اخلاق الخدامه مع رب البيتــ لها دور سبحــآن الله مرات الواحــد يرمي شراراهـ تسوي له حريقه ببساطه لانه يقول هذي بس شراراه يعني اطمنوا اشكرج عالطرح خيتوو |
سبحــآن الله مرات الواحــد يرمي شراراهـ تسوي له حريقه ببساطه لانه يقول هذي بس شراراه يعني اطمنوا صدقج والله اختي بصراحة انا واايد مستانسه من تفاعلكم ويايه |
الصراحة المفروض الاهل مايخلون عيالهم عند الخدامة لانهم مايعرفون شو يمكن تسوي لهم في غيابهم الخدامة مايثوثق فيها حتى لوكانت اوكي لانها جدامهم بتكون طيبة بس من ورى الاهل الله يكافي |
صدقج الغالية... والمفروض يودون اليهال عند حد يوثقون فيه حتى لو عند يرانهم المهم ما يخلونهم ويا الخدامة |
السلام عليكم ورحمة الله وبركاته ...... وثانكــــــــــــــــس :و6:الصراحه الموضوع حلو وزين انه نزل للطرح والمناقشه بصراحه خطورة الخدامه واااايده قد حاجتها بعد لو نلاحظ ان كل وحده تشتغل هذي اول كلمه تقولها قبل لا تطلع من البيت ( انا سايره الدوام يا ...... ديري بالج ع اليهال ولا تخليهم يظهرون برا ) بس يحليها هالام ما تعرف شو اللي يصير في غيابها الله يعلم معاملت هالخدلمه كيف ويى اليهال بس ألحين ألاحظ انه الناس تطورو شويه ففي بعض العايلات تحصليهم حاطين كاميرات مراقبه يراقبون الخدامه وشو اللي تسويه في عيالهم بس يكتشفوا فعايلها وسوالفها بعد ما تكون سوت كل اللي في خاطرها .... اتمنى كل وحده عندها خدامه دير بالها عليها وعلى عيالها ........... |
خطوره ونص وربع وثلث وثلاثه ارباع بعد شو هالاعتماد للخدامه لو ماعندهم يودونهم حضانه ابركلهم خدامتنا بس تخم لا تطبخ ولاشي آخر شي نحن اللي نطبخ :0088: |
الموضوع ناااايس بس نحن نحتاج للخادمه بس مثل ماهي لها دور الاهل بعد لهم دور بمعني لا يعتمدون ع الخادمه اعتماد كلي لازم يكون مراقبه ولو شفنا شي ع اليهال تصرف غلط او شي لازمن يكون فيه موقف ومراقبه ع الخادمه واليهال والبيت بشكل عام تسلمين ع الموضوع نتريا الذود من جداج |
هي والله نحن نحتاجها وايد ولازم نراقب تصرفات اليهال عشان ما يتأثرون بتصرفاتها خصوصا اذا كانت مب مسلمة.... |
| الساعة الآن 12:07 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir