|
لماذا الرجل ينظر الى المرأه..؟؟.. السلام عليكم ورحمة الله وبركاته.. خواني وخواتي أبغيكم تشاركوني في موضوعي وتطرحون آراكم.... سلمكم الله الحين الريال يوم يعرس .. ويسير يتحوط ويا حريمته ولو انها عروس يديده يطالع غيرها ليش؟؟؟؟ ولو حريمته كانت أجميل الجميلات لا بيطالع ليش ؟؟؟ شعنه ما يغظ بصره على الاقل احترام وتقدير حق عروسة والله أتسوى موقف ويايه مره من المرات سايرين ويا امي الجمعية شفت ريال متدين ويا حرمته قلت في خاطري والله زين يوم تاخذلك ريال متدين.. وأنه شوي ولف وطالع صوبي قلت بسم الله شوه بلاه توني أمدح الريال.. وثره ظهر مب سهل.. متدين والكندوره فوق اليوزه ويطالع قلت الله تعينا قلنا متدين وظهر يطالع الحريم عيل شوه خلا حق الشباب؟؟؟ أبغي أفهم ليش يطالعون؟؟ خواني وخواتي ما أبغيكم تفهموني غلط.. انتو بتقولون لي خليهم يطالعون .. اوكيه مب مشكله.. المشكله أن لو كانت حرمته عندة يا يطالع ليش؟؟؟؟ أنا لو ريلي جيه جان ذبحته من زمان.. ..أبغي أفهم ليش الريال واااااااايد يطالع الحريم.. انزين خلونا من الريايل .. الحريم ما يطالعن وايد الريايل .. مب يعني شرات الريايل أن ظهرت حرمه بحلق بعيونه وطالع.. ما أبغي الشباب يزعلون ؟؟ والسموحة..... يالله نبغي ردودكم بسرعة.. |
مشكور اختي علي موضوعج طبعا انا بقول هذا السوالف تستوي وتستوي وايد الريال عنده حرمه ويلس ايطالع علي بنات الله ولا جنه يمبه وحده ولا عباله اول شي بقولج كم سبب لانه شي بعظ ناس عندهم زواج الاقارب او جي الريال مايعرف البنيه ولا شي ولا حتي يحبه طبعا بيكون هذا غلا لصالحهم بيلس ايطالع ويبي ايرقردن وماعرف شو لان مابينهم شي وهذا غلط يعود علي الاهل في اكثر الاحيان بس هم مايعرفون اما الواحد يوم ياخذ ابنيه يعرفها واهم شي يحبها بيخاف علي مشاعرف ويحاسب اني مابسوي جي وبسوي جي لان يعرفها ويحبها ويعرفون اغلاط وعيوب وانا بيلساصلحه واهيه بتيلس اتعدله في بينهم تفاهم ما الزواج التقليدي بيطالع ومابيخلي حرمه لانه مب مقتنع الريال والله اختي علي سالفت البنات وقسم بالله الحين ايطالعون والله جنه مب ابنيه يعني شي بنات في الجامعه يو ايطالعون بطريقه غريبه وكل يوم نفس النظرات يبون انقردنهم او نتكلم بس والله امسويلهم احلي طاف يعني هاي السالفه موجود علي الصوبين مب بس شباب او البنات مشكوره اختي علي موضوعج |
اختي البنيه يوم تطلع واسير السوق من المفروض هيه تستر عمرها علشان الرياييل ما يطالعونها معنى الكلام يعني تتغشا وما تكشف ويها ويوم تطلع البنت لا مخليه مكياج ولا بودر الا وحاتنها في ويه شو تبين الريايل يسون اختى لا تزعلين على كلامه ترها وجه نظر |
هلا اختي صح كلام اخواني الريال ما بيطالع غيره الا اذا خذ وحده هو ما يحبها ومب هو الي مختارنها الأهل ! << جي سلعه للبيع لوولز .. المهم ..صح وبنحط اللوم على البنات بعد هم يقعدون يطالعون الرياييل !! ... << بس ناقص تلحقه واترقمه ! << ما استبعد ! ولازم البنت تتغشى يوم تطلع ! .... وانا اتكلم عن بعض البنات << عشان ما اظاربين !! :lol: ويسلموو ع الموضوع ^ ^ |
مي تو من وجهه نظر الاخوان البنت ستر وغطا على روحها وهي اللي بامكانها تييب الكلام لروحها وتروم بعد تتجنب الكلام اللي مو زين ----> بالاحرى النظرات هذي اللي تقولين عنها ذكرتيني مره محطيه صوره لحرمه بتيلفوني حلوه هيه تينن واخت خطيبي قالت لي والله لما تعرسين بتشلين كل الصور ولابتخلين ولاصوره قلت لها شووو هالتفكبر المتخلف يعني انا اذا مسحت الصوره اروم اخليه يغمض عيونه من التي في ولا السوق ولا اي مكان هو شايف شايف سواء مسحتها ولاخليتها لانهم تحكمهم اشياء معينه فطره يعني امممم بعد الفضول <--هاي قالي ياها خالي لاني سالته هالسؤال قلت له انت وايد اتطالع ليش مع انك مصلي وعاقل وجيه قالي لاتخلطين الامور ببعضها ترى كل نظره لها تفسير <---احلى وانا عيبتني السالفه في حد يشوف يبي يشوف شو هالنوع هاي البنيه ويقول <--نعم تربيه ويخوز نظرته عنها <--يستحي وفي حد يشوف ويقول ----> يالله خل نتسلى <---مو سائله على اهل (لان شكلها الخارجي يعطي اشارهـ (اخضر) ) مو احمر والنظرات انواع ------> نظره لك اول نظره حلال لانها تيي بدون قصد لكن النظره الثانيه عليك <--تتحاسب عليها والثالثه <--سهم من سهام الزنا <-يعني رايح فيها الريال الله يعينهم ويعينا عليهم والسموحه عالاطاله |
آلريآل بطآلع آلحرمه آذآ كـآنت عـآيبتنه هع .,! |
اعتقد البنت الي تحترم نفسها ماراح احد يضرها لكن البنت تطلع في الشارع وتروح لسوق بكامل زينتها طبيعي انها تشوف حركات وكلام مايعجبها لانها هي الي جابته لنفسها انا هذا رايي |
مشكوووووووووووووووووووووووورين يالغوالي عالردود الحلوه وانا وياااااكم الحينه استوى الحياء نادر وربي افرح اذالقيت حد يستحي انامن نفسي محترمه نفسي وايد عشان الشباب يحترموني وماييلسون يلفون ويدورون وربي لومشيت بطريج وجان فيه ريال جدامي انه يبعد عني والبنت اللي مومغطيه ويهها مايبعد عنها يترياها اهي تبعد عنه والله وشفت هالشيء جدامي بس الله يهديهم هالبنات وربي مومن صالحهم والرياييل بعد لو شوماكانت مرته جميله وعاقله يطالع بس من رايي طالع من اليوم لباجر بس لايتزوج علي اهم شيء عندي... واسفه طولت عليكم وربي اتشرف بمروركم بصفحتي يعلني ماانحرم من هالطله الغاويه ربي يحفظكم |
السلام عليكم هناك بعض النظرات البريئه من قبل الغير التي تفسر بأنها نظرات غير محترمه .. طبعاً ليس النظر من قبل الرجل للمرأه هي النظرات البريئه ولكن القصد النظر لرؤية الطريق او حتى ماشابه ذالك من أمور طبيعيه دائماً يكون الرجل هو الخطأ والمذنب .. لماذا لاتكون الفتاة فاتنه بزينتها لدرجة أنها تجبر الرجل على مشاهدتها .. وهناك فتيات هم من ينظرون للرجل ويسحرونه بالأنظار او حتى بالتمايل والتغنج ^_* بالتأكيد هي مسأله حساسه جداً ولكن الخطأ احياناً يكون من الطرفين واحياناً من أحد الطرفين واتمنى بان يكون الموضوع بشكل عام لغض البصر وليس فقط للرجل شكراً .. موضوع جميل :) الشاعر |
|
مشكورة على موضوعج و اااه موب شرط البنت اتكون ظاهرةبكامل زينتها في بنات يطهرون واهمة محتشمات بس بعد يطالعونهة انة اظهر بشيلةوعباية بس بعدكلةيطالعوني سواءا نةاوغيري والي بطالع ماراح يهمة البنت حلوة ولة كريهة ولا طالعة بزينةاو بدون وفي بعد اغلاظ من البنات بنت خالتي تقول وااااه بلوة اذا طاحت عينج في عين واحد مغتر يعني اكثر ناس اطالعون اهمة المغترين يعني الي يلبسون ثوب وغترة وعقال بس اااه يعقل الجميع والسموحة منكم |
بكل اختصار على الرجال : - اذا لف يمين و يسار يـتعوذ من الشيطان الي يريد يخــرب عيشة عن زوجة و يحترم الي واقفه عداله و على البنات : - اصلا مب المفروض يروهن الاماكن العامه لوحدها لازم احد من الاقارب يسير وياها و عليها تتغشى |
الرياييل ما يترس عينهم حتى التراب عفانا الله والله لو حرمته ملكة جمال ترا الطبع يغلب شي رياييل هذا الشي في دمهم ويا كره هالصفه في الريال اكره شي عندي الريال اللي يدقق في كل شي ويعرف عن سوالف الحريم اكثر عنهن في قلة يمكن ما يدقق وايد مب عشان حسن وزين اخلاقه بس لانه يمكن يكون مش قوي ملاحظة او ع ويهه يعني هههههههه ولا كلهم نفس الطينة ما يترس عينهم حد ولا شي ممم بس تبين الصدق بالنسبة للبنات اذا وحده متكشفه ومتعدله وحالتها لله اكيد اي حد بيطالعها حتى لو بنية انا بنية واذا خطفت جدامي وحده مصخره جيه يعني اكيد بطالعها من فوق لين تحت هههههههههه هذا شي طبيعي يعني ما ابا اظلم الرياييل بعد اذا نحن بنات ونطالع ما بالج الريال؟؟!! بس بعد اكيد في منهم نظرتهم تكون خبيثة .. هذا رايي ومشكوره عالموضوع |
مشكووووووووووووووورين عالردود الغاويه ربي يحفظكم |
مب كل الريايل نفس شى انا طبيعتي ما احب الريال الي يطالع الحرمه وايد اضايجثانكس ع الموضوع:13: |
|
السلام عليكم ورحمة الله وبركاته نظرات الناس تختلف عن ثاني... نظرة مب عيب لانه طبيعي اذا فى الناس ( رجل و المرأة ) فى المول او فى برع فى أماكن العامه طبيعي نظر يروح..انا اشوف انه هالنظر تكون نظرة بريئة مثلما قال اخ شاعر..بس فى الناس يتعمدون يشوفون المرأة او العكس ..هذا هو العيب.. و صحيح أكثر اوقات نقول انه رجال هو الى مذنب.. بس نفس شي للبنت.. بنت بعد تظرة لى رجل هع .. بس اذا رجال قاعد مع زوجته ..و قاعد ينظر كل حرمه رايحه و الجاية .. صراحه ما يعجبني..عيب .. حرام زوجته شو بي تكون احساسه .. :( أشكرج على الموضوع .. ربي يعطيج صحه و العافية :) |
نظره عن نظره تفرق مب شرط اذا الريال شاف البنت عيونه زايغه او ما شايف خير يمكن مستغرب من هالويهه اذا كانت مسمكره عمرهاااا ويمكن مشبه ويمكن عيونه زايغه ويمكن يقارن من احلى هي ولا حرمته ويمكن نظره بريئه ويمكن ... ويمكن ... بس أنا اشوف احنا في زمن البنت هي الي طالع الريال وترقمه وجيه الله يستر عليهن كيف كناااا وكيف صرنااااااا تحياتي لج يالغلاا عالطرح والموضوع المهم المهم المهم |
اقتباس:
http://www.muslmh.com/vb/uploaded/3729/1163983036.gif |
اقتباس:
|
السلام عليكم ورحمة اللهـ وبركاتهـ اشكرج الغاليهـ ع الموضوع الرائع اممم حتى انا كنت اتسائل بيني وبين نفسي دايما ليش الرياييل او الشباب يتطالعون الوحدهـ وساعات اتكون الوحدهـ مب كاشخهـ ومب حاطهـ شي ف ويهها وبعد يتمون يتطالعونها وعلى قولة اختي خيال الحب نظره عن نظره تفرق.. والي استغرب منهـ انا ف هالزمن ان البنت قامت هي الي تتطالع الشباب وتسوي لهم حركات وما اعرف شو عافانا اللهـ .. ما اقول إلا اللهـ يستر ع الجميع ويهديهم .. واحنا ما بنقعد انلوم الشباب ع اي شي اذا كان هذا حال البنات اليوم.. |
المرأه فتنه ، ونحن كم مره نعيد ونزيد الوحده يوم تبا تظهر ، تظهر ويا محرم .. عشان تبعد كل الشكوك والنظرات عنها .. وبنفس الوقت حمايه وستر لها .. النعيمي |
بسم الله الرحمن الرحيم أولا ً أشكرج إختي على هذا الموضوع الجميل والحساس والواقعي .. عُوِّدنا في ما مضى أن الرجل هو صاحب هذه الحركات والمغامرات والمعاكسات وما إلى ذلك من أشياء تأبى الفتاة من فعلها .. <<< وهذا نعده قبل 5 إلى 8 سنوات مضت .. ولكن الآن الجيل الجديد .. في هذه الحاله .. تكون الفتاة أو المرأة في كااااامل زينتها ورائحتها الجميلة .. ووجها الملون بكل ألواان الدنيا التي تنادي الرجل وتقوول له بالعاامية .. >>> ( شوفني أنا هنيه ) .. ختيه ..سؤال .. !! لماذا الفتاة في هذه الحالة تضع جميييع أنواع الميكاب .. والزينة .. والعباه والشيلة التي كانت للستر والحشمة أصبحت للفت الإنتباه .. (( هنا الفتاااة تقووول للعااالم أجمع ... شوووفوووني فأنا جمييييلة )) ... فيرااهااا الرجل .. .. اللوم .. على المرأة لزينتهنا المناادية .. وللرجل الذي لم يغض بصره .. أما الحالة الثانية .. فهنا أنااا أقف معك أختي .. عندما تكوون الفتاة محتشمة ومغطاة وحتى منقبة .. يراها الرجل .. نعم إخوااني حدث هذا الموقف .. ويحدث .. والمؤسف أنه لا يراها فقط بل .. يذهب ليكلمها أو يطلب منها أخذ الرقم أو ما إلى ذلك من أشياء تعاف النفس من ذكرها .. ذكر الله تعالى .. : (( إن النفس أمارة بالسوء )) .. نعم لا أحد منا لا يخطأ .. ودائما ً النفس تدعوونا إلى الخطأ فتجد لذتها في ذلك .. ولكن واجبنا أن نحفظ أنفسنا ونصوونها .. الله يستر علينا دنيا وآخره ... مشكووورة ختيه على الطرح .. والسمووحه على الإطاله .. تحيااتي .. فلاسية من جميرا |
انا عنيه الريال يتم يطالع مايشبع من وحده الريال يبا يشووف الزيين مب منيه وطرييق بيشووف يعني انتي اكييد وحده منهن:169: |
عيونهم تحرقهم .. بيموتون لو ما يشوفون ... |
لا ارادي انطالع خلاص من يوم ورايح بمشي وانا مغطي عيوني بس البنات لايزعلون:7799: |
اقتباس:
ختيو كيف عرفتي .... هههه |
|
| الساعة الآن 01:13 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir