|
(* منظمة زواج الحب *) __ألحقو __ السلام عليكم ورحمة الله وبركاته [BIMG]http://www.masrawy.com/Ketabat/Images//13-7-2010-8-32-37578.jpg[/BIMG] شحالكم أخواني وخواتي تم الأعلان عن منظمة جديدة لم يعرف الكثير معناها وتركت أنطباع مثير في الشارع الأماراتي وقد أختلف الكثيرون ولكن النهايه كانت بمصلحة الجميع فهل أنت مؤيد أو معارض لهذه الفكر (( منظمة زواج الحب )) تقوم هذه المنظمة في تحقيق أحلام كثير من الشباب والشابات الذين وقعو في حفرة الحب أدارة هذه المنظمة يقودها أنسان راقي و وله مكانه في المجتمع وهناك مندوبين في جميع أنحاء الدولة توفر هذه المنظمة ... 1- مبلغ بقيمة 60 ألف درهم 2- حفل زواج جماعي 3- تمتلك المنظمة مدينة سكنيه وتوفر لكل من متزوج بيت الأنسان الذي يحب الفتاة بتصل على هذيه المنظمة لكي يطلب العون لأنه سبق أن تقدم للفتاة التي يحبها ولكن عائق الأهل كان في المرصاد ويقوم المندوب حينها برفع الرسالة للجهات العليا فيطلب صاحب المنظمة والد الفتاة ويحاول أقناعه ولكن من المؤكد أنه سيقتنع لأنه رأى أمامه شخصية هامه تشكل مكانه كبيرة في المجتمع وبعد الأقناع تقوم المنظمة بتوفير جميع المستلزمات ..... وبالنسبة للفتاة ... التي قابلت شااب وقال لها أنا أحبك ... تستطيع الفتاه حيها أن تطلب من الشاب أن يتصل بهذه المنظمة .. أذا كان موافق فهو فعلااا يحب .. أما أذا رفض فأنتي ضحيه من ضحاياه ... شورايكم في هذه المنظمة .... [BIMG]http://www.3rbbox.com/article/images/2892009-a2f82.jpg[/BIMG] في الحقيقة لم يعلن عنها و هذا حلم من أحلامي ... أنتظر ردودكم أخواني وخواتي ورايكم بهذه الفكرة التي تخدم مصلحة الشباب ... |
اممممممم احس مجتمعنا ما بيتقبل هالفكره لانهم محافظييين ع العااادات والتقاليـــــــد... طبعااا بدون زعل اكثر معوقعات الزواج العاادات والتقاليد... واذا هالمنظمة فيها مصلحة واثارت المجتمع الاماراتي اكيد بيحاولون بأنشأها .. والله موفق اليميع... |
ويه ويه أنا صدقت أول شي خخخ وقلت خلاص ما بقا شي بعد زود هههههه بس الصراحه ضحكني تشبيهك للحب بالحفره ههههه ::::: والله يالغالي ما اعرف شقولك ^^ بس الصراحه اللي مافيه خير لهله مافيه خير للناس يعني ما يصير البنت تاخذ واحد بعناد أهلها .. !! يمكن بينهم حب وغرام لكني ما أعتقد ان في عوايل ترفض بدون أسباب منطقيه يمكن مثلا الولد يحب البنت وهي تحبه بعد لكن الولد ما يصلي .. !! يصير الحين البنت تقول للولد رح لهالمنظمه وتعالي اخطبني بداعي الحب وهو أصلا ما يصلي .. وفوق هذا كله تخالف أهلها .. !! نحن على حالنا هذا ومب قادرين نسيطر على طيش الشباب والبنات الحين .. فما بالك بمنظمه مثل هذي .. يمكن يجيك الولد نذل ,, ويبا بس يعاند أهل البنت ويقص عليها ويقولها أنه يحبها وياخذها وفالنهايه الفتاة تكون مذلوله .. ويرويها فيهم .. !! في أمثله كثيره يالغالي ولكن السلبيات أكثر عن الايجابيات يمكن هناك ايجابيه وحده بس اذا ما كان الاثنين يحبون بعض عد جد .. ولكن الأهل رافضين الزواج بدون أسباب وهالشي ما أتوقع يكون موجود فالمجتمع أصلا ^ـ^ الصور اللي حطيتها فالموضوع انته ,, حبـبـتني فالفكره هههههه وكنت على وشك اني أسلك طريق لرأي آخر هههه أثولف << .. أبدعت فالطرح يالغالي ,, وما عليك زود الصراحه فكرتك حلوه ,, وطرحك راقي وجميل وتستحق التقييم النورس |
" وعليكم السلام ورحمة الله وبركاته هههه ويي عآد انآ صدقت وعلى ويهي هههه والله يا خويه مآ اعرف وش اقولك..في اعتقآدي انه لا بيستوي ولا شي حلمك يدل على انك انسآن رومنسي هههه اي وآحد يحب له بنيه..يدل وين يلاقيهآ..وجآن صدددق صددددق يبغيهآ..بيتحمل شوو مآ اييه ومآ يحتآي لا منظمآت ولا شي..؟ اللي يبغي الصلاه لا تفوته العوق ف البنيه اذا حبت تروح تقول لمن يا حظي.. احس قويه وهب من عآدآتنآ وتقآليدنآ ولا هي بحلوه اشوفهآ انآ..><" يا غير كل شي هب على الله بعيد ومسآكين من حبوآ مسآكين ولا نآلوآ اللي هم يبونه لو على كل انسآن يروم يتحكم بقلبه وبمشآعره :$ الاحسن للريال يحب حرمته وللبنت تحب ريلهآ بس مشكله ابن آدم قلبه رهيف ههه مجتمعنآ يا خويه شوي مآ يتقبل هالاشيآء ولين يتقبل مجتمعنآ..هزرك النآس بيتقبلونه ><" كل الشكر ع الطرح الطيب فكرتج جميله وتدل على انك انسآن شفآف ولك خيآل يصل للقمر..^.^ عسآك ع القوه..~ |
اقتباس:
أكيد أختي وتسلمين ع الرد |
اقتباس:
عودنا أخوي نورس ع ردودك الغاويه ومعاك حق بكلامك لكن..... بها الأيااام نسى الناس العادات و التقاليد ... وأكيد ألي يكون بغصب الأهل ما يكون ماشي حسب التفكير والعقل ..... وتسلم أخوي نورس ع التقييم والرد |
اقتباس:
وأنتي الصادقة أختي خخخخ ختي يمكن الفكرة يات من تجربة شخصية ... كلامج منطقي أختي وتسلمين ع التشبيه بقولج أنه تفكيري وصل للقمر .... شكراا أختي ع الرد |
السلام عليكم طرح جميل أنا ف رأيي هالمنظمه لها سلبيات وأيجابيات البنت اذا كانت تحب ولد وأهلها رفضواا وهو سار وتقدم عن طريق هالمنظمه وأهلها وافقوا يمكن يعيشون ف تعاسه عقب الأهل وافقووا عسب الشخصيه المهمه مثلآ وف النهايه طاحت ف الحرمه والريال عسب جي أعتبره ف هالنقطه سلبيه بس اذا أستوى العكس بتكون أيجابيه فيه نقطه مهمه ما ذكرتها لك أخوويه الأهل مستحيل يرفضون ريال بدون أسباب الأسباب اللي خلتهم يرفضون هالشخص اكيد قويه ويبون مصلحة البنت والبنت اللي تآخذ ريال دون شور أهلها أحسها بتكون أنسانه جاحده وغير مطيعه لهم بصراحه أخوويه الحب غير والزواج غير ممكن تحب شخص وتتعلق فيه وف النهايه يكون هب من نصيبك وهذا حال الدنيا والسموحه تسلم ع الطرح الطيب |
اقتباس:
كلامج منطقي ومعقول أختي لكن مب كل ريال ينرفض لعيوبه وأنا من عاش ها التجربة أختي وكان الرفض بسبب شيئين الأول بعد المسافة والثاني أحب أحتفظ فيه لنفسي لكن مب كل أنسان له عيوب ينرفض ع العموم يا أختي ردج مميز وشكرا ع الرد |
وعليكم السلام ورحمه الله وبركاته في البداية أشكرك على هالطرح المميز ^^ وأنا بقول رايي وبكل صراحة أنا أفضل لو الأهل يرضون باللي يختارونه عيالهم بيكون أحسن عشان ما يلومون أهلهم عقب لكن بشرط يجوفون إذا هالإنسان يستاهل أو لا يعني يجوفون إذا كان يصلي وها أهم شي وإنه بار بوالديه ما يهمني كيف الطريقه الي عرف الولد فيها البنت المهم إنه اختارها تكون شريكه حياته ودام الريال تجدم للبنت فليش الرفض أحسن من إنه يسيرون يغلطون وإلا يسووون شي حرام وإلا شو رايكم بس الإنسان يحكم عقله مب معنات كلامي إن البنت تسوي اللي فراسها والا الولد يسوي اللي فراسه لازم ياخذون راي الاهل بس بعقل واللي بيختار شي لازم يتحمل نتيجه اختياره ويبتعدون عن شي اسمه انت لك بنت عمك وانتي مالج غير ولد عمج الدنيا تغيرت والأفضل إنه ال واحد ياخذ من بعيد لتفادي المشاكل بين الأهل يا ما سمعنا عن نسب الطلاق الزايدة وللأسف أغلبهم ماخذين عن طريق أهلهم وبدون شورهم بعد لازم نحد من هالمشاكل اللي ما تخلص فياريت لو كل واحد يشغل عقله ويفكر قبل ليعطي قراره وألف شكر لك على هالموضوع الحلو وتستاهل التقييم لا عدمناك :) |
[align=center] مـرכبآ oـڷآييـטּـﮯ ۋڷآ يسدטּﮯ ..๑ { تسلللمـﮯيآ [ آمير الحزن ] عيشّتنآ ف حلمـﮯ حلوو الصراحه .. وليتنآ مآ صحينآ عــﮯالوآقعــﮯ :0088: ! .. آممـﮯ.. طبعـآ [ن] الحبـﮯشيـﮯ فطريـﮯ.. ،،.. " و حلو نعطيـﮯالآحبآبـﮯالحرية .. بدونـﮯتدخل الاهل .. " لانهمـﮯحريين بحيآتهم .. :Afk_r:. . بس شيـﮯعآدآتـﮯوتقآليد .. وديننآآآسلآميـﮯلهم أسس فـﮯالزوآجـﮯ.. " وآظنهمـﮯبتعآرضونـﮯمعـﮯهالمنظمه . .! ..:426: رغبتهمـﮯالشخصيه من صوبـﮯ و رآيـﮯآلآهل وشورهمـﮯمن صوبــﮯ.. " كشخه لو الـ2 متفقينـﮯ" اتمنىـﮯللحبآيبـﮯ.. حيااه سعييده ..:13: بس يومـﮯ الاهل بيرفضونـﮯ.. ؟ .. احسـﮯهني تبدآ المعوقآتـﮯ.. " =_= .. يعنيــﮯمن راييـﮯصعب نحوله لوآقعـﮯ :sad:" تسلمـﮯعـﮯمآ أبديتـﮯ.. ودآمكـﮯعيشتنيـﮯذاكـﮯالحلم .. " لكـﮯتقيييميـﮯ، و آتشرفـﮯبمنآفستك :wrd: .. ربيـﮯيوفقكـﮯ" يآخويه " لكـﮯالرب حآفظ . .:4567: } ๑ .. بـכفظﮯ آڷڷـﮧ ۋ رعآيٺـﮧ ..๑ [/align] |
وعليكم السلام ورحمة الله وبركاته الله الله .. !! أتخيل بس..! لا يروح يتصل .. والأهل والحايط سوى..!! الحب موب حرام.. ! وفي حديث للنبي صلى الله عليه وسلم .. ما حافظتنه بس فيما معناه .. أنه لو تقدم غني وفقير للبنت.. والبنت فظلت الفقير على الغني لمجرد انها ترتاح له .. فالمفضل أنهم يحترمون اختيارها. بس موب من مصلحة الأهل يرفضون .. لانه معظم الزيجات اللي تتبع العادات والتقاليد .. يكون مصيرها ألطلاق .. ..! اذا هم متوافقين .. والريال ما عليه رمسه وولد عيله .. وأخلاقه ما عليها كلام.. فلابد أنهم يحترمون آرائهم. أحسن من أنه البنت اتعيش طول عمرها مع ريال واتفكر ابواحدن ثاني. وما ظنتي أنه دولتنا وشيوخنا بيرضون بالهمنظمة لو حد فكر أنه يسويها. تسلم على ما أبديت .. وربي يعطيك ألعافية. |
اقتباس:
معاج حق أختي بكلامج وردج يعبر على خبرتج بالحياة ولكن أنا مريت بتجربة شخصية ومشيت ع العادات والتقاليد ورحت لأهل البنت بالبدايه كانت الموافقة وبالنهاية قالي البنت لولد عمها حاولت حاولت ولكن للأسف ماشي نصيب وهذه حكمة الأقدار تسلمين أختي ع الرد وأتقبل أي نقد ع الموضوع وصحيح يوم قالو في أحد الردود السلبيات أكثر من الأيجابياات |
اقتباس:
مشكورة أختي ع التقييم وكلامج منطقي وحلو الديزاين في الرد وأكيد شور الأهل هو الأول والأخير وهو يحدد سعادة البنت لأن البنت بدون أهلها أكيد بتضيع يمكن يطلقها ويكونو أهلها ما يبوها عقبها وين بتروح شكراا أختي ع التقيم والرد |
الموضوع بفكرته هذي، يمكن ما تطري على بال حد .. وما أدري إذا كنت مصيب أو مخطي .. أحس إنك طموح وهذا شيء إيجابي :) الله يوفقك في حياتك إن شاء الله .. نرد للموضوع .. اقتباس:
الأشياء اللي توفرها هاي المنظمة بكل صراحة "ممتازة" تساعد المقبل على الزواج بتزويجه بمن يحب + توفير دعم مالي + بيت وهو الأهم لكـــــن ... ليش ما تم تنفيذ إقتراحك ؟؟ صعب جدا إنك تخلي حد غير أهلك يسير ويطلب يد البنت اللي في خاطرك وتبا تتزوجها .. لا أهلك بيرضون ولا أهلها بيرضون .. وأكيد هي في أغلب الظن راح تعارضك .. جميل إنه الإنسان يحصل اللي يباه ويرتبط بمن يحب والأجمل إنه يخطبها من ابوها بوجود أبوه وأمه وأهله ليكتمل الفرح .. لا مانع من وجود منطمة تساعد المقبل على الزواج في دفع تكاليف الزواج كـ: قرض وتوفير بيت سكني للمتزوج هاي أكبر هدية ممكن المتزوج يحصل عليها .. وفكرتك حلوة .. وما راح أقول إنها صعبة التنفيذ لكنها ممكن تتنفذ بشرط تغيير خاصية الرجل صاحب المكانة المرموقة اقتباس:
اقتباس:
وليش ما نضيف خاصية وهي دور تلك المنظمة في إصلاح ما أفسده ذلك الشاب بكذبه ؟!! بمعنى آخر المنظمة أصبحت تعمل لصالح الشباب والفتاة .. سواء في عملية إتمام الزواج أو عملية إصلاح وتوعية وإرشاد بعد "الحب" اشكرك اخوي * امير الحزن * على الموضوع الطموح :Afk_r: |
ۉعڷيڪم آڷسڷآم . ، حڷۉﮬ آڷفڪرﮬ ۉعيبٺنيـﮱ , بس آحس ڷۉ ڪَآنٺ هآڷمنظمـَﮧ مۉجۉدﮬ يمڪِن ٺسآعـِد عڷـﮱ ٺقڷيڷ حآڷآٺ آڷطڷآق ڷآن آڷزۉآج عن حب آفضـَـڷ من آڷزۉآج آڷٺقڷيديـﮱ ,, سۉآء ڪآن من آڷآهڷ آۉ من آخٺيآر آخۉآٺ آڷرجڷ آۉ ۉآڷدٺـﮧ . . ممڪن فـ مجٺمعنآ بعض آڷنـَـآس يٺقبڷۉنهـَـآ بس آڷفئـﮧ آڷآڪبـَـر بٺڪۉن رآفضَــﮧ !! ٺسڷم يمنآإڪ آخۉيـﮱ ع آڷطـَـرح ۉ ربيـﮱ يعطيڪ آڷعآفيـَـﮧ . . |
ياهلا الله اخوي امير الحزن اخوي بالنسبة لزواج الحب والله مب عارف شو اقول لك زواج الحب في عاداتنا مااعتقد موجود مب محيته كامل لا لكن نادر لكن زواج الحب ساعات تحسسه له سلبياته اكثر من ايجابياته اتمنى تتقبل مروري البسيط موضوع يستاهل النقاش والحوار فيه ومره كنت ويا واحد من الشباب وتناقشنا بخصوص هذا الموضوع ^^ تحياتي لك الهآجس |
| الساعة الآن 01:55 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir