|
حبيتها وحبتني لكن للأسف؟؟ مرحباا شحالكم عسااكم بخيرر >>اممم ما بطول عليكم هذي ثاني قصه اكتبها >>اقصد اول قصه بس ثاني قصه انزلها للمنتدى وما بطول عليكم اكثر واعذروني يمكن البارت قصير >>لأن القصه مب طويله عايله بوحمد .. بو حمد وام حمد قبل سنين ماتوا بحادث سياره وانتقلوا لرحمه الله ..وعندهم بنتين وولد واحد وهم : حمد ..عزوبي ف أوائل العشرينات .. حليو وخقاق بنفس الوقت.. همه يفرح خواته ويسعدهم .. عليا متزوجه واحد من أهل بوظبي (منصور) وساكنه اهناك وعندها بنت اسمها هند عمرها سنه ونص .. عايشه حلوه ودلوعه العايله الكل يحبها .. تاخذ وايد من ملامح أمها عيونها وساع وعسليه .. تحب ولد عمها وتموووووووت فيه وهو بعد نفس الشي اسمه عيسى والعايله الكريمه تدري بأنهم يمووتون ف بعض .. العين _ الظهر 3:24 الجزء الاول .. في بيت حمد.. عواش نازله من فوق وتغني : الا وينك تعال وحس به ..أعاني من غيابك واحتماله .. بغيت اعرف حياتك كيف هيه ..عساك ابخير واطياب وسهاله .. يصفقلها حمد وهي تنزل راسها وحاطه ايدها ع صدرها :شكرا شكرا هههههههه حمد : عن تصدقين ويهج الله يخليج .. اسير وايلس حذاله :حمادي يعني صوتي مب حلو .. حمد : اممممم مابقولج وتترجاه : الله يخليك يا حمد قول أذا حلو حمد : ولو قتلج شو بتسوين ؟؟ وابتسمت : اممم اول شي بترفع معنوياتي .. ثاني شي اسير واشترك ف برنامج .. حمد : ها الي ناقص بعد>>والله لااحجزلج مكان فـ المقبره .. وضحكت : هههههه استهبل حمود .. حمد : اتحرى بعد .. سكت اشوي وعقب قلت : حموووووووووووووووووووود .. حمد : شووووووووووو نزلت راسها وعقب اطالعته : شو رايك نظهر .. حمد : وين تبين .. افكرت وقالت : اممممم البر .. حمد : صدقج ..الجو حلو .. اوكي .. ردت تقوله : امممم ليش ما ادق حق عيال عمي انهم يون معانا .. حمد : وهويتصل حق عيسى .."ولد العم" عيسى : مرحبــــا الساع حمد : مرحبا ملايين كيف حالك .. عيسى : ابخير دامك ابخير .. حمد : وعلومك .. عيسى : الحمدلله وانت اشحالك .. حمد: يسرك الحال ..أقول عيسى بتخاويني ساير البر.. عواش تتريا الرد .. عيسى _ويذكر ان عواش بتكون موجوده _: اكييد متى بتظهروون حمد : ع الساعه اربع العصر .. عيسى : اوكي بنتعشا هناك .. حمد : امممممم لحظه .. ويرمس عواش : بنيلس لين العشا .. عواش : اممم لا ما فينا ع العوار الراس ناخذها طلعه خفيفه .. وف الطرف الثاني عيسى ذاب من سمع صوتها .. حمد : لا ما بنتعشا .. عيسى : خلاص عيل نتلاقا ع الساعه اربع .. حمد : ان شالله يلا مع السلامه .. عيسى : مع الســـلامه .. عواش (واقوم اركض اجهز ألاغراض الجاي والحصير وخذيت شوي من الفطاير الي مسوتنه ) وسرت اتلبس ع السريع لان ماشي وقت بس نص ساعه ولبست عباه مسكره وحطيت جحال اخفيف .. المهم حطينا الاغراض ف السياره وتجهزنا و مرينا بيت عمي سالم .. والحبايب بعدهم مب طالعين .. دق حمد هرن عسبت يظهرون .. وظهروا ويا عيسى بسيارته حذال حمد.. شفته.. سلالامي عليه كان متسفر بشال وكندوره بيج ولابس نظاره .. يلس يرمس حمد ويسأله وين بيسير .. نسيت أعرفكم بعيسى وخواته .. الله يسلمكم عمي سالم عنده ولدين وبنتين وهم: العود حامد متزوج وعايش حذال بيت ابوه ..سلامه متزوجه و ساكنه في بوظبي لان ريلها يشتغل اهناك وكل يمعه تي عندهم ..عقبها عيسى تقريبا نفس حمد وهم ربع واااااااااايد حليو ورومنسي لدرجه فضيعة يحب بنت عمه حب دمر حياته هيه وهو بدونها ما يسوى شي .. شما اخته الصغيرونه حلوه وبيضه شعرها يوصل لنص ظهرهالونه اسود سواد الليل ف ثنويه عامه .. واهناك عيسى كان سابق حمد بوايد ف الدرب .. عقب عيسى عصب ويوم دقله قاله ان عواش ماتحب السرعه .. وخف عيسى من سرعته وبدى يمشى ع الخمسين .. عصبت اخته عقب زاد من سرعته اشوي بس .. فهمت عواش انه يخفف من السرعة عشانها .. اكتفت بابتسامه .. وف الدرب يدورون مكان يوقفون فيه .. رفع عيسى صوت المسجل ع اغنيه وصفه الحب _حمد العامري .. أتخبلت عوااش .. وكملوا الدرب وعقب وقفوا ف مكان حلو وما فيه حد عسب ياخذون راحتهم .. فرشوا البنات الحصير ويلسوا كلهم مع بعض يسولفون ويضحكون .. شما : عواش بلاج ساكته .. عواش : ها ماشي .. عيسى : يمكن مب عايبتنها سوالفنا.. عواش : لا عايبني بس ما احب ارمس .. عيسى : اشوي اشوي عن تاكليني .. اطالعته بنظرة وصديت عنه وكملت سوالفي مع شما.. حمد : شما عطيني ماي .. (طلب منها لانها قريبه من الماي ) شما : اتفضل .. حمد : دام فضلج .. وعقب خمس دقايق قاموا الشباب وراحوا يطالعون المكان .. والبنات خذن راحتهن .. شما وهي تتطالع ساعتها : اويييه ابغي اشوف فلمي عواش: جيه انتي مسويتنه عسب اتقوليني فلمي شما : هاهاها ..عقب سكتن وفجأه رمست شما .. شما: خاطري اسير اخذلي بدل يمدحون بدل(المحل الفلاني) عواش : ما أضن ..لاني امسات رايحه وشفت بدلهم ...مب شي .. شما : انا اقصد القمصان الي عندهم حلووه وكيوت عواش: جييه بتلبسين القمصان بدون تنانيراوبناطلين شما :يا غبائج يا عواش .. اكيد باخذ تنانيراوبناطلين بعد انا بس امدح قمصانهم .. عواش : شوفي الخبايل يتسابقون .. حمد وعيسى يتسابقون لين قمه العرقوب .. شما شوفوا عيسوووه يحاول يخرب ع حمد عواش : فديت أخويه انا .. ويتسابقون ويوصل حمد قبل عيسى .. وتقوم عواش تصرخ وتصفق .. (كانوا قراب منهم ) ويستانس حمد وعيسى يلس ع العرقوب زعلان انه خسر .. عيسى :انا براويك تفوز عليه انا ..ماعليه .. حمد : ليش متغايظ .. عيسى اطالعه : شو تقصد .. حمد: ماشي .. عيسى : نتسابق مره ثانيه حمد: لالا تعبت عيسى : مب كيفك حمد : بعد بنركض عيسى: لا بالسياير .. حمد: قم وانا ولد عمك ..نتسابق ..( ع فكره حمد وايد يحب يتسابق ) عقب جهزوا سياريهم عسب ينطلقون ويوصون لقمه العرقوب .. وهم بالسياير يتسابقون ..وقفت عواش اتصور السباق بتيلفونها وشما اتحيي عيسى .. وف النهايه حمد فاز .. عيسى وهو ينزل من سيارته وهو معصب : شوو تستهبل انت .. حمد : هههههههههههه..شو سويت عيسى : جييه اتفوز عليه .. حمد : لا والله تباني اخسر ..احلام سعيده ..حبيبي انا ما انهزم .. عيسى : اخييييييييج .. حمد : يلا عاد قوم نروح مكان ثاني ..نسير المبزره (شما تحب المبزره) .. عيسى : يلاسرناا .. وسارو يخبرون البنات ..عقب شلن الاغراض وحطوهن في السياره ..وركبن وسارن .. وقفوا عند المبزره ونزلوا شافوا ان فيه ناس حطوا سيايرهم ع جنب عسب يغطون ع البنات وياخذون راحتهم .. البنات يلسن ع صوب ..عقب سارت شما عسب تنزل الحلويات الي يايبتنه ..عواش ما قامت اتقول انها تعبانه وما فيها .. يلست تتطالع المبزره .. يا عيسى من وراها واستغرب انها بروحها بس قال فرصه ايلس معاها .. عيسى وهو ييلس : السلام عليكم عواش وهي تتطالعه : وعليكم السلام .. عيسى : غريبه يالسه روحج عواش : ماشي شماني راحت تنزل الاكل من السياره عيسى : وانتي ليش مارحتي معاها .. عواش : اممم بس .. عيسى : بس جيه .. عواش : هيه بس جيه .. عيسى : اقول تراج محلوه اليوم .. اتلون ويهي احمر اصفر اخضر أشاره مرور استوى هاهاه .. نزلت راسي مستحيه وقلت : تسلم عيونك الحلوه .. عيسى: ادري .. تميت منزله راسي فجأه اسمع عواس يضحك :..... عيسى :ههههههههههههههههههههه عواش : شو فيك ؟؟ عيسى : الله يخليج صدي وشوفي وراج .. صديت وشفت حمد اخوي حاط ريله ف الماي و احترق ورفع ريله بسرعه .. ضحكت من الخاطر .. : وحليله أخويه .. صديت عقب واشوف عيسى يطالعني ..نزلت راسي ..(هذا ما يتوب ) .. عواش : عيسى بس .. عيسى : لييش .. عواش : بس لاتتطالعني .. عيسى : شو فيها لو اطالعتج .. عواش : استحي .. عيسى : فديت روح اللي ذبحني وداده افـــديه انـا بمالي وحالي والاقارب حبه سكن قلبي وعمه وساده واصبح بوسط القـــلب وتحلل وذاب كل ما ينبض قلبي احبه زيادة حتى عرفت ان عشرته طب الاحباب اطالعته وانا كلي فداه له اكتفيت بابتسامه :.... عيسى : واللله اني اموووووت فيج .. عواش : عواس بس .. عيسى : فديت اسمي .. توني اعرف ان اسمي حلو عواش : عيسووووووه .. عيسى: ههههههههههههههه ويصرخ حمد يزقر عيسى : عيسووووووووه تعال .. ضحكوا اثنيناتهم وقام عيسى وقامت عواش .. عيسى : بتين معاي .. عواش : لا بسير عند شماني .. عيسى : تبيني اوصلج .. عواش : عيسى من بعد المكان يعني عسب اتوصلني ..روح حمد يزقرك .. عيسى : باااي عواش :ههههه بااااي وتروح عواش عند شما وتشوفها يالسه وفارشه الحصير .. عواش : ما شالله عليج ..ما دري امنو قال بسير ايب الاكل وبي ..اشوفج يالسه اتزطين .. شما : تعبت الاكل وايد.. وتعب لين ما اوديه فوق وارد ازل واشل وارد فوق .. عواش : انزين عل اقل ازقريني .. شما : شفتج مع عيسووه .. عواش وهي تتطلعها :وشو فيها ولد عمي .. شما : انا ما قلت شي بس قلت اني شفتج معاه يالسه بس .. عواش : اها.. انزين اعزميني ولا بس الاكل حقج .. شما : هههههههههه ...حياج تعالي .. عواش : هيه جيه اباج .. (أصلن شما ما سارت فوق عسب ان الاكل وااايد وثجيل ...لا ما حبت تخرب عليهم الجو ..ف فرشت ويلست تزط تتريا عواش تيهاهاهاها..) وعقب يوا الشباب ويلسوا مع البنات وكلوا شما : شرايكم تتسابقون ع الماي .. عيسى : بعد .. حمد :اعرف اني بفوز .. عيسى : لاوالله ..يلا نتسابق .. حمد: انزين ع شو بنتسابق .. عيسى :اممممممم ماعرف .. عواش : هيه ..تسابقوا ع الماي الحار تمشون لين أخر شي وبدون ركض والي بتحمل الماي ويوصل لنهايه هو الفايز .. شما : والي يخسر شو يسوي ...امممم عواش شو عواش : يعشينا كلنا برع .. عيسى : اوكي يلا حموووود بفعل وقفوا فوق الماي الحار ورفعوا كناديرهم واول ما قالت عواش 3 مشوا بسرعه وحمد ميت الماي وايد حار ..اما عيسى استحمل لعيون عواش ومشى بسرعه عسب يسبق حمد .. والبنات مستانسات شما اتحيي عيسى وعواش اتحيي حمد .. وحمد ما قدر يوصل ..بس عيسى وصل والكل صفق حتى عواش الي كانت تبا عيسى يفوز .. (شريه هاي البنيه تبا لحبيبها الشين ويحترق ف الماي الحار)..وحمد عادي عنده بالعكس فرح ..بس عليه ان يعشينا .. وطلعوا وريولهم محمره ويسلوا ..وسارت عواش صوب حمد تهمز ريله وتحاول اتخفف وحطتت ماي بارد .. وعيسى يطالعها ..ومتغايظ عيسى : وانا مالي رب .. حمد : والله عندك اخت .. فديت اختي عيسى ويزاقر ع اخته : تعالي شووو تتريين .. ويت شما تهمز ريل عيسى .. حمد: آه مشكوره عواشي .. عواش وهيه تيلس حذاله : العفو .. وتعطيه ماي عسب يشرب .. وتمد الكوب الثاني لعيسى ..وبالعمد عيسى يحط ايديه ع ايد عواش .. أطالعته عواش عسب يهد ايديها وعقب شل الكوب عنها وشرب .. شما : واللحين وين بنسير .. عيسى :العين مول بتين .. شما : عيسوه عن السخافه .. عواش : شموووه وين بعد البيت .. حمد :ههه يلا شلوا الاغراض بنسير الساعه سبع ونص اللحين متى بنوصل .. شلوا الاغراض وحطوهم ف السياره وركبوا سيايرهم .. ووصلوا ع الساعه ثمان الا ربع .. ونزلت عواش معاها حمد قامو ينزلون الاغراض وزقروا البشاكير عسب يشلون الاغراض..وكل واحد فيهم سار يسبح لان عقب اشوي الكل بيطلع عسب العشا المتفقين عليه .. .......................... الجزء الثاني كشخت من الخاطر وانا أصلا طبعي كشيخه لبست بدله لونها بيج و شوي من البني وحطيت جحال زدت شوي وحطيت كلوس .....وشويه من هالخرابيط .. المهم خلصت وشليت شنطتني وطلعت وشفت حمد يترياني ف الصاله .. حمد : ما بغيتي رديت عليه بدلع : حمووووووودي يعني ما اكشخ .. حمد : جييه وين سايره .. عصبت : بعد وين بطلع اتعشا حمد : امنو بوديج .. ما حب حد يستهبل عليه : حموووووووووود عن الاستهبال حمد: هههههههه يلا سرنا .. رديت عليه بابتسامه عريضه : سرنا .. طلعنا ودقينا حق عيسى قال انه مخلص بس شما الي امخرتنه .. نحن سبقناهم وسرنا المطعم ويلسنا ف مكان بعيد عن الناس ويكفينا .. يلست اسولف مع حمد لين ما يون الجماعه .. حمد : مب جنهم اتأخروا .. عواش : جنهم .. حمد طلع تليفونه وياي يدق والا عيسى وراه .. عيسى : حق امنو بدق .. حمد : اعوذ بالله.. الناس باول اتسلم .. عيسى : ههههه السلام عليكم .. حمد وعواش : وعليكم السلام .. رحت ايلس حذال حمد وعيسى يلس مجابل حمد وشما يلست حذال عواس طلبنا وعقب يلسنا انسولف .. وعيسى ما شل عينه عن عواش .. وعواش ميته من المستحى ..وايد يطالع أكيد حمد ملاحظ بس عواش ما سوتله سالفه ويلست اتكمل سولفها شما : انزين بقولكم نكتـــه عيسى : مال اووووووول .. عواش : قولي شما ما عليج منهم .. واطالعها عيسى ... صديت واطالعت عيسى يطالعني بس عقب اتجاهلته ... شما شافت نظرات عيسى لعواش فخافت : لا لا ما بقول .. عواش: شموووه قولي .. حمد : قولي والا بتفلعج بنعالها عواش : انا مب لابسه انعال عيسى وهو يرفع حياته : عيل شو لابسه عواش بدلع : كــــعب .. عيسى :عشتوو حمد : شموووه قولي نكتج شما : انزين اسمعوا ..في واحد سارالملعب و ف أيده علم لونه اسود لييييش ؟؟ حمد وهو مستغرب : لييش ؟؟ شما : يشجع الحكم .. عواش : هههههههههه شما : عندي نكته ثانيه حلوووه عيسى: ماشالله ع اختي صامه النكت اما الدراسه طلل عواش : عن تحسدها .. شما: وايد عليك اناشاطره عيسى : لا فديتج انا عيوني بارده مب حاره .. استحيت ولا هو بعد يتفداني جدام حمد وخواته .. شما : اسمعووووا عيسى : نسمع يلا قولي شما : في واحد سار الملعب .. يقاطعها عيسى : انتي بلاج ع الملعب حمد : خلها اتكمل شما :>>ياخي احي الرياضه المهم>> في واحد سار الملعب وكان اهناك مباره بين فريقين المهم يلس يطالع فوق لييييش؟؟ عوااش : ليييش!! شما : يدور كلمه مباشر ..ههههه حمد: هههههههههههههههههه عيسى : وانتي عواش ما عندج نكته .. عواش : اممم .. حمد : تتطالع الكمبيوترر اذا فيه نكته والا لا >>اونه مخهاا عواش : يلا عاد شما : شو لقيتي .. عواش : هيه شما : شوووو عواش : في واحد .. يقاطعها عيسى : ماشي وحده عواش : عوااس خلني اكمل .. عيسى : ههههههههه عواش : في واحد (وهي تتطالع عيسى) كان مضيع حماره كان حمد يشرب ماي وشهق لما سمع عواش شو اتقول .. عواش وهي تضرب حمد ع ظهره : صحه صحه عيسى ف خاطره : على قلــــبي.. عقب ما هدا حمد : تقصدين امنوا الحمار اطالعني عيسى بنظره .. عواش : شو ما اقصد حد حمد : عيل شو اتقولين عواش: نكته وما كملتها .. شما : انزين كملي عسب نسمع .. عواش : شي واحد مضيع حماره وسار يدور عليه ويوم هو يدور شاف حمار الوحشي جان يقول .. متزين ع باله ما بعرفه .. عيسى :هههههههههههههه عواش : شو عيبتك حمد : امممم حلووووه عواش : ادري ..هههههه وعقب يابوا الاكل ..( واايد طولوا .. تعرفون ليش لان عيسى ما خلى شي ما طلبه .. يرد الجميل لحمد ذاك المرة يوم عزمه شو طلب .. قولوا شو ما طلب ..صدق فلس عيسى وعيسى يردله ..عواش ما طلبت غير شي خفيف وحلوو ونفس الشي شما..) المهم كلوا وحمد يطالع عيسى : ماشالله عليك ولد عمي كل ها بتاكله عيسى : لييش متحسف ع بيزاتك حمد : جييه شو قالوك زطي .. عيسى : انا ما قلت شي ..بس انت الي بديت .. حمد : انزين بس كل .. عيسى:هههههههه عقب 10 دقايق .. عواش : الحمدلله عيسى : ما كلتي شي عواش : شبعت .. وبعدين ان اما احب آكل وايد .. (شربت العصير ويلست تلعب بتيلفونها ..( عقب الكل خلص و دفع الحساب حمد ..ما بنذكر الحساب..منعاً للاحراج ههههه المهم طلعوا وسار كل واحد بيته .. |
روعهـــــــــــــــــــــــــــــــــــــــــــ يسلمو على القصه ابدعتي والله وهذا مب شي غريب عليج ويعطيج الف عافيه ونتريه البارت الثاني |
البارتين روووووووووووووعة انا ثاني وحدة ارد واو عيبتني شخصية عواش بس ما قلتي كم عمرها نتريا البارت الياي:lol: |
هههه >>شراات عواااس |
نــــــــــــــــــايس ويسلموو عالقصه ونترقب يديدج |
يسلمو شماني ع البارتين ونتريا الباقي ^^ |
احم احم البارت وصل ،،،،،،،،،،،،،،،،،،،،،،،،،،،،،،،،، قامت عواش ع الساعه 5 الفير سارت تتوضا وعقب صلت .. وشافت ان الساعه بعدها 5 ونص .. طلعت مصحف من السده ويلست تقرى سورة البقره ..هيه دومها عقب صلاة الفير تقرى سوره البقرة لان امها موصتها تقرى سورة البقره من زماااان .. خلصت وسارت تسبح وعقب تلبست وطلعت اتزهب الريوق .. نزل حمد وسلم ويلس يتريق مع عواش .. عواش تدرس في جامعه العين تخصصها هندسه ديكور .. وحمد ف شركه ابوه مع عمه بو حامد مثل ما ذكرت لكم في البدايه ... خلصوا وطلعت عواش تلبس عباتها وخذت لاب توبها وكتبها وطلعت مع حمد .. في الجامعه .. مهره :عاااشوه.. عواش: لا تزقريني عاشوه شو اتشوفيني عيوز جدامج .. مهره : عشتوو عواش: مهروووه ..والله بفلعج بنعالي مهره : لو انتي حرمه فري عواش: والله مهره : لالا خلاص اسفه ..ادري بج اتسوينها عواش: عيل .. مهره : تعالي نيلس تعبت ظهري يعورني من امس عواش : جيييييييه شو استوى مهره: مادري ..بلاه عواش :لا يكون عيزتي وانا مادري مهره : بسم الله عليه ف عز شبابي .. عواش : انزين تعالي ما خبرتج شو صار امس .. مهره : لحظه لالا اتقولين اي شي خلينا نيلس خلااف قولي .. عواش: انزين يلا وخذلنهن شي بارد ويلسن يسولفن وخبرتها عواش شو صار.. مهره : يابختج .. عواش: آه يا مهروووه احبه احبه امووت فيه مهره : لالا كملي بعد الله يخليج عواش: سيري لا .. مهره : ههههههههه..انزين ما غنالج .. عواش اطالعتها بنظره : شو تقصدين ؟؟ مهره : ماشي ههههههههه .. (تقصد يوم اتيمعوا ف بيت يدها .. هيه وعواش طلعوا ورى البيت صوب المسبح .. المهم عقب عيسى يا عندهم ويلس يسولف طلب من مهره انها اتخليهم اشوي .. وعواش اتمط عباتها انها ما تروح ..بس راحت مهره اشوي ابعيد .. ويلس عيسى يسوولف مع عواش ومن بين السوالف غنالها أغنيه نسيم هب لعمر العامري .. وهيه طااايره ف الهوا ..ومهره سمعت عيسى يغني بس ابتسمت وسارت ..ومن ذاك اليوم وهيه اتعايرها ..) مهره بنت عمها حلوه وفرفوشه وهيه توام اختها مريم .. مهره وايد مع عواش ربع الروح بالروح ومهره ومريم يتشابهون واايد توام لازم بس الي يميز مريم حبه خال الي فوق شفايفها .. مريم ماتحب تخطلط مع أهلها .. متكبره وشايفه عمرها وايد غيير عن مهره واايد .. ................. عقب ماردت يلست تتطالع ايميلها .. اطالعت الشاشه استانست وردت ابسرعه .. عواش: هلا والله مهره : اهلين حياتي عواش :اشحالج مهره : مب جنه قبل ساعه بالضبط شايفين بعض !!.. عواش : ههههههههههههه عادي .. مهره :المهم شو اتسويين عواش : ماشي يالسه العب مهره : امممممم عواش اليوم انا سايره المول باخذلي شويه اغراض تعالي معاي عواش: مهروه شو بتاخذين مهره: امممم بسير اخذ كمن عطر وباخذلي سوالف البنات(صبغ اظافر) من مكياجي عواش : مهرووه بعد مناكير ..مب سادينج الي عندج .. مهره : حراام عليج شو عندي انا عواش: الله اكبر عليج يا مهروه كل الي عندج واتقولين ما عندج .. مهره: عويشان اتعرفين اني احب المناكير ..شو تبيني اسوي يعني .. عواش : استغفر الله العظيم مهره : عواش بتين عواش : لا .. مهره :عواش ليييش عواش: مب سايره تعرفين اليوم الخميس زحمه .. مهره : انزين باجر ..لا ماقدر باجر خالو بتي ..امممم يوم الاحد اوكي عواش: لاتحاولين مب يايه مهره : انزين شو فيها الاحد مب زحمه .. عواش: ماحب اطلع يوم الاحد مهره : يوم الثلاث و جب اسكتي ما بقبل عذرج عواش:انزين بشووف حمد مهره : انزين ويينه هو اللحين عواش : رااقد مهره : متى بينش عواش : الساعه 4 عسب يلحق ع الصلاة مهره : والله اخوج احسن عن عمور عواش: لييش !! مهره : عفان الله صلاة العصر يصليها الساعه 6 الا ربع وماشالله ع اخوج عواش: قولي والله مهره : والله .. عواش: اطاعوا هذا مايخاف ربه .. مهره :مادري عواش : هههههههه مهره : الحمدلله نحن مب مثلهم عواش: خسي نحن مثلهم مهره : عاشوووووه حدج عواش: مهرووووووووووووه لا تزقرييني عاشوووه جنج اتكبريني 10 سنوات مهره : عواش عواش عواش خلاص ارتحتي عواش: هيه .. مهره : المهم شو كنا انقول عواش: شدراني انا مهره : انزين .. عواش: مهرووه بخليج بسير ارقد .. مهره : انتي ما تشبعين من الرقاد عواش: حرام عليج امس راقده الساعه 2 ونص .. مهره : اها خلاص ارقدي .. عواش: انزين يلا بااااااااي .. مهره : باي .. وتبند عنها وتسير ترررقد .. ............................... مهره : مريوم خفي من الصوت مريم: مهرووه تبين ترقدين سيري حجره موزوه مهره: لا والله حجرتج .. مريم: عيل حجرتج روحج لا فديتج انا وياج وين ما اتسيرين .. مهره : اسكتي الله يخليج .. مريم وهي اطول من الصوت وتغني وتتطالع مهره : ليت ربي ماكتب لحظة وداع ولافراق ولادموع ولاضياع ليت كل الناس خل مع خليل وكل ماقيل النهاية بين الاحباب الرحيل قلت احبه حيل .. مهره تفر المخده ع مريم: اسكتي صوتج واايد حلوو(طبعا توم) وتعلي صوتها مريم : كل ماادفن خيالك ياعنيد تمطر الدمعة وينبت من جديد شفت وش سوى بي حبك يا بخيل شفت وش سوى بي حبك يابخيل .. وتغطي مهره ويها بالمخده .. مريم : ههههههههههههههههه وتقوم مهره والرقاد خلاص طار ..وتسير صوب مريم وين يالسه صوب اللاب..ومريم تتحرى بتضربها.. مهره وهيه معصبه : حطي أغنييه كفايه والا بتشوفين شي ما شفيته ف حياتج .. مريم :ووووووع مابا مهره : جب بسرعه حطي مريم:مابا اخذ اثمج.. مهره : سخييفه ..(وحطتلعا اغنية كفايه ) (مهره ومريم دومهم يضاربون شي طبيعي بالنسبه لهم .. وهم بفس الحجره ومريم مطلعه لمهره اقرون ..ومهره كارهه حياتها ..ههههه..مسكينه هالبنيه .. بس مهره يوم اتعصب لاحد يقرب صوبها ..) يدخل احمد .. احمد : ماشالله عرس امنو اليوم .. تبند مهره ألاغنيه .. احمد :ماتردوون .. مهره : ها شو نقول احمد اطالعها بنظره استهزاء .. (احمد 22 سنه يشتغل ف شركه ابوه و يحاسب خواته ع كل شي .. حليو ومغازلجي ودايما فارش في المراكز يرقم البنات.. واما مانع23 سنه معرس وماخذ وحده من هل عيمان قبل ثلاث شهور .. وموزة اختهم العوده متزوجه واحد من الهير وحامل بالشهر السابع .. ومهره ومريم تواام ) احمد:بس خلني أسمع مره ثانيه هالحشرة ياويلكم مني .. مهره:انـ..انشالله يطالع احمد مريم .. مريم وهيه خايفه وترمس ابسرعه: وعد ما بنسوي حشرة .. طلع احمد واول ما طلع رن تيلفونه شاف الاسم دش حجرته .. احمد: هلا والله.. عذاري: اهلين حياتي اشحالك .. احمد: تمام .. شخبارج عذاري: منييييحه .. احمدوووه احمد : نعـــم ..ماسمعت عيدي مره ثانيه عذاري : هههه..حماده خلاص احمد : هيه خلاص عذاري : حماده اريد اظهر معاك اليوم .. احمد : لييش اليوم عذاري : حدي مضايجه اريد اظهر معاك .. احمد : جييه شو قالولج دكتور نفسي .. عذاري : حموود بصراحه انا يوم اظهر معاك انسى الدنيا وهمومها ..بلييييزمر عليه .. احمد : بس ..بس كسرتي خاطري عذاري: احمد تتستهبل احمد : هههههههه خلاص عند الست انا بكون جدام بيتكم عذاري : شووو ست حماده انا من الصبح شو اقول احمد :شو اتقولين .. عذاري :احمـــــــد (عذاري اخته بالرضاعه) احمد :ههههههه..عذوره انا تعبان برقد اللحين وبنش الساعه خمس ونص وبسبح وبييج اوكي عذاري وهي اتفكر : اممممممم اوكي .. احمد : باااااااااااااااي عذاري : جيي اتبند عني بدوون .. احمد وهو مب متفيج لها :ههههه.. عذاري:.. احمد ويريد يفتك منها: اوكي حبيبتي ..ابا ارقد عذاري: ارقد ارقد ..يلا باااااي احمد : بباي ...ويبند ويسير يخمد .. .......................... شما : عيسووه الله يخليك ودني بيت اربيعتي.. عيسى : ماشي .. شما : اذا انت ما بتوديني عيل امنو بيوديني .. عيسى : وامنو قال اني بخليج اتسيرين .. شما: شوو عيسى : شو شووو؟؟ شما : وانا اترجاك عسب اتوديني وانت اتقولي ما بتخليني اسير ..والله انا.. عيسى عصب : ناشي روحه .. شما : بس عيسى : جب ..بسرعه ع حجرتج .. شما : عيسى عيسى اطالعها : قتلج سيري حجرتج .. قامت شما وسارت حجرتها وهيه اتصيح .. رن تيلفون .. وعيسى ما يحب يرد ع تيلفون البيت .. ويرن التيلفون .. عصب اكثر و رد عسب يفتك عيسى بعصبيه : الـو ف الطرف الثاني زاغت عواش بلاه عيسى جيه : ا.. السلام عليكم .. عيسى وهو مب منتبه ع صوت عواش : وعليكم السلام .. استغربت عواش ..لا هاه اكييد فيه شي ..: اشحالك عيسى انتبه عيسى للصوت .. : بخير دامج ابخير ..اشحالك انتي عواش هيه هذا عواس الي انا اعرفه : تمام شخبارك وشو مسوي .. عيسى : الحمدلله .. ا.. عواش عرفت شو بيقول : بتقول شعر .. عيسى : لا هالمره غيير .. عواش: شوو عيسى : ما بقولج عواش : عوااس عيسى : فدييت روح عوااس انا عواش:قووول الي عندك .. عيسى : حلفت باللي خلق هالكون واحصاه انك على بالي ولاتغيب لحظااات غديت مثل الدم تجري بمجراه لوغبت ينقص نبض قلبي بنبضات في خافقي وحدك ولاغيرك اهواه لحظااااات أفرح بقربك وأرفض الهجر .. عواش: ......... عيسى: ها شو رايج عواش: ما اعرف كيف اوصفلك واااااايد حلوو.. عيسى :مشكوره حياتي .. استحيت .. عيسى دومه جيه يتفداني ويناديني بالكلمات الحلوه ..لكن انا استحي اقوله .. بس ساعات تي ف خاطري اقوله كلمه بس المستحى .. عواش: العفو .. ممكن تعطيني شماني عيسى : جيه مليتي مني عواش: ما عاش من يمل منك .. عيسى : عيل شو عواش: اتشوف عدله اني ارمسك ف التيلفون عيسى : .. لا مب عدله عواش: اوكي اللحين ممكن تزقرلي شما عيسى : من عيوني .. عواش: تسلم عيونك .. عيسى : ثواني .. وسار لغرفه شما عيسى : شموووه فجي الباب شما كانت اتصيح عسب ان عيسى عصب عليها وهيه اتعرفونها حساسه ودلوعه واخر العنقود ومب متعوده حد يعصب عليها .. سمعت صوت عيسى ..قامت فجت الباب وعطت عيسى ظهرها ..لان عيونها وارمات وما تباه يشوفها بهالحاله .. عيسى : ليش تعطيني ظهرج شما : عيسى شو تبا .. ويسير عيسى ويلفها وانصدم وهو يشوف عيونها .. عيسى : كنتي اتصيحين شما : .......... عيسى عرف ليش اتصيح ..واتقرب منها :شماني انا آسف ويحضنها وشما اتصيح ف حضن عيسى .. عيسى : سامحيني شماني اني عصبت عليج .. شما : مـ..مسموح .. عيسى وهو يبوسها ع يبهتها ..: يلا قومي امسحي دموعج .. شما : انشالله .. عيسى : وعقب سيري عواش تترياج ع التيلفون .. شما وهيه اتصد : شووو عواش ع الخط عيسى : هيه ع الخط .. خلاص انتي سيري امسحي دموعج وانا بسير اسولف معاها شما : لا انا بسير .. وتركض تغسل ويها اي كلام وتسير ترمس عواش .. لبقت عواش وعصبت ع شما ليش هالوقت كله معلقتنا ع الخط .. ( شما تزعل من اخوانها اذا ضايجوها او عصبوا عليهم ..اما ربعها او اي احد ثاني عادي لأن مايهمنها .. وعواش مثل الاخت ..) .............. لولا الملامه وقول الحسود والخوف من يوم القيامـا بحكم عليك والعالم اشهود وبنهي المحبه باحترامــا مشطوب ومالك عندي اوجود مليون غيرك بريامــا لوفات شوقك نار البرود عندي انا برد وسلامــــا وليت الزمان الاول يعود بدمن حياتي في غرامـــا واليوم بيني وبينك احدود وترى ما قبل سلامــــا مريم : ياحيك يا سعيد كلك ذوق .. وجمال رباني عسى الله يحفظك .. (وبصوت واطي ) ..و يحفظك لي .. ابتسمت ..ويلست تطالع (الفيديو كليب) وتطالع حركاته ف الفيديو كليب ..(مريم تتخبل على سعيد العامري ) يت مهره ويلست وياها وف ايدها غرشه ببسي.. مهره : وع بدلي الاغنيه(السموحه) .. مريم : اييييييييييه لا تغلطين ع سعيد تراه شيخج .. مهره: سيري لا .. بعدج مراهقه استحي ع ويهج عمرج 20 سنه وتحبين ..لا بعد مطرب .. مريم : ليش استحي الحب مب حرام ولا عيب .. وبس المراهقات يحبن ونحن ما نحب .. اكييه عواش اتحب عيسووه شو فيها .. مهره: عواش وين وانتي وين .. عواش من هيه اصغيره اتحبه ويحبها عيسوه ..اما انتي غير بس يوم ظهر حبيتيه وهو ما يعرف عنج ولا بيعرف .. مريم : عادي مب لازم يعرف المهم انا احبه .. مهره : هههههه .. مراهقه بقو .. مريم : اسكتي انزين خلني اسمع .. مهره: شو اتسمعين .. مريم : اففف الاغنيه خلصت كله منج .. انتي شو .. مهره: الله يخليج اسكتي مريم : مالت عليج .. اسير اسمع فوق احسن مهره : سيري حد قايدنج .. ماتت مريم من القهر وسارت فوق تسمع مهره : ههههه والله هالبنيه مينونه .. ام حامد وهيه يايه من برع : بلاج اترمسين روحج.. مهره: هلا امايه ..ماشي بس بنتج الخبله .. ام حامد: مريووم .. مهره: حد غيرها خبل ف هالبيت ام حامد: مهره شوها الجلام جييه اتقولين ع اختج خبله وهيه صاحيه مهره : امايه شوفي حركاتها .. ام حامد : ماعليه خليها .. مهره: انشالله امايه .. امايه وين ابويه ؟؟ ام حامد: ابوج سايرعرس مهره: عرس!! عرس امنو ام حامد: عرس ولد ربيعه مهره: العرس الي ف الهير ام حامد: هيه هو .. شعرفج مهره: ماشي شفت بطاقه العرس ام حامد: هيه .. اقوم اشوف العشا .. مهره: تراني اليوم انا مسويه العشا اليوم.. ام حامد: زين ياميه سويتي ريحتيني الله يسعدج مهره: انا ما اباج تتدخلين المطبخ .. يلسي وانا بشوف الاكل ام حامد: خلاص انا سايره اريح .. مهره : الله يحفظج مهره يلست تتطالع وتبدل بين القنوات ملت وسارت المطبخ تتطالع شو صار .. وعقب ما تأكد ان كل شي اوكي طلعت فوق .. وشافت مريم ترمس بـ الفون >>فون مريم مهره : انتي ما اتملين من التيلفون مريم وهيه تحطي ايدها ع السماعه عسب اربيعتها ما تسمع : ما يخصج .. مهره : مرااااااااااااااااااااااااااهقه تفج مريم اعيونها ع الاخر عسب مهره تسكت .. مهره : ههههههههههه .. وتسير حجرتها .. ..................... عواش : حمووود وينك حمد : شو تبين مني عواش : اطالع الساعه كم .. حمد : الساعه امممم 11 الا ربع .. عواش : انزين تعال حمد : لا اله الا الله ..من شو اتخافين .. عواش: حمد وبعدين حمد : كيفي ما بيي عواش : بكيفك اوهو حمد : عيل كيف امنو عواش: حمد لا تيلس تتستهبل حمد : انزين شو تبيييييين عواش : تعاااال البيت حمد وهو يفتح باب الصاله ويفاجئها : انزين بلاج معصبه عواش اتصد ع ورى وهيه تهدى عمرها لانها تروعت : الله يسامحك حمووود جيه اتخوفيني .. حمد يضحك ع شكلها : شو اسويبج خبلتيني تعال وتعال ها انا جدامج عواش: يعني انت تتعمد تتأخر حمد: لا والله .. يوم دقيتيليلي انا كنت نازل من السياره بس تميت برع اسولف معاج .. عواش : ماشالله عليك .. ان عدتها ياويلك .. حمد : انشالله عموه اي اومر ثانيه عواش: لا سير ارقد باجر وراك دوام حمد: وانتي بعد يلا بسرعه عواش : انزين باجر اتصل ع عليوه ختيي العين حمد : اختج اتحب بوظبي وما تبا تتطلع منها عواش: غصبن عنها بتتطلع من بوظبي حمد : خلاص برمسها عواش : و قولها تبات بعد حمد : انزين يلا تصبحين ع خير عواش : وانت من اهل الخير واتفارقوا وكل واحد سار حجرته .. ............... ف الدوام .. حمد يالس ف مكتبه .. دش عيسى وف ايديه ملف .. عيسى: السلام عليكم حمد :وعليك السلام ..هلا بولد العم عيسى : اهلين اسمع التقرير جاهز وجدامك بعد .. ممكن اترخص اللحين .. حمد : نعم !! يلس عيسى : خلصت التقرير واريد اظهر حاس عمري دايخ.. حمد : بلاك اليوم عيسى : راسي يعورني وحاس عمري ثجيل ومب رايم اركز .. حمد : سلامات .. عيسى :الله يسلمك حمد : خذيت بندول عيسى : خذيت بس ماشي فايده حمد خاف عليه : خلاص روح البيت اللحين بس تروم تسوق عيسى وهو حاط ايديه ع يبهته : عادي ارووم .. حمد: لا ماتسوق لحظه اشوي .. ورمس السكيرتيره اذا عنده شي تأجله لباجر .. حمد يأخذ سويج سيارته وتيلفونه ومسك عيسى من ذراعه : يلا قوم.. عيسى : حمد عادي اقدر امشي روحي حمد : انزين امش انت عيسى : .... ونزلوا باللفت وركب حمد عيسى بسيارته و وداه المستشفى و شافه الدكتور .. حمد: ها دكتور طمني شو فيه الدكتور : عيسى عندو نقص بالدم و دوخه .. هو ما كل العشا ولا الفطور .. حمد : والله يا دكتور ما دري عنه .. الدكتور : مش اخوك حمد: لا يادكتور ولد عمي .. واللحين كيف حاله الدكتور: اطمن اللحين عطينا مغذي وان شاء الله بيصحى بعد ساعه حمد : مشكور دكتور الدكتور : العفو سيدي ويروح حمد الغرفه الي حاطين فيه عيسى .. دش وشاف عيسى راقد ع الشبريه والمغذي موجود .. سار جدام عيسى ما حب يقومه روحه تعبان .. يلس يقرى ملفه .. وعقب نص ساعه قام عيسى ويلس يطالع وين هو مستغرب وصد شاف حمد يلعب بتيلفونه .. عيسى بصوت واطي : حمد انتبه حمد ان عيسى يزقره قام وراح صوبه .. حمد : شخبارك اللحين عيسى : ابخيير ..بس امنو يابني اهنيه حمد : انا عيسى : لييش .. حمد : طحت علينا ف الشغل ويبتك المستشفى عيسى : جييه يا خوي يبتني المستشفى لو وديتني البيت مب احسن حمد : لا ف البيت بترقد وبتتعب زياده .. عيسى : آآه حمد : بسير اطالع الدكتور عيسى : شو تتطالع شل هالابره وخلاص بطلع حمد : انزين اتريا اشوي ماعرف اشله اتريا بيك الدكتور وسار حمد عند الدكتور .. عيسى : الله يغربلك يا حمد ليش يبتني اهنيه .. ودش حمد مع الدكتور .. وشافه الدكتور ويلس يرمس عيسى انه ياكل ع الصبح وما يرقد الا وهو متعشي وغيره .. طلع حمد مع عيسى ووصله البيت ودخله وخبر الاهل انه تعب ووداه المستشفى و...و.. المهم اول ماعرفت ام حامد بالسالفه سارت صوب عيسى ويلست اتبوسه وتتفداه وتسأله عن حالته و...و.. بو حامد : بس انزين ذبحتي الولد .. ام حامد : ولدي وانا حره .. عيل ولدي يطيح ف المستشفى وانا مادري .. ليش ما خبرتنا ياحمد حمد : ماحبيت ازعجكم ..و بعدين بس عطوه مغذي وادويه وبس .. ام حامد : حتى ولو تخبرنا ع الاقل عيسى : بسير ارقد انا ام حامد : ماتبا تتغدا عيسى : لامااريد سار عيسى حجرته عسب يرقد .. وقام حمد يستأذن وروح البيت ومالقى حد فيه ..يلس يطالع التفزيون وخلااف تغدا وطلع يرقد .. وعواش بعدها ف الجامعه .. ع الساعه 3 وربع يت عواش وبدلت ويلست ف الصاله لين ماأذن .. خلااف نزل حمد من فوق وشاف عواش سلم عليها .. ويلس يسولف معاها ومن بين السوالف .. حمد : اليوم ف الدوام عوااس تعب علينا شو تتوقعون شو بيستوي بحال عواااش |
يسلموووو شماني وننترقب يديدج |
الله يعينها يسلمو شماني ونتريه البارت الياي |
نتريا البارت الياي .. ^^ |
مشكورة ع البارت الحلو شو تتوقعون شو بيستوي بحال عواااش اكيد بتخاف نتريا الياي |
اممم وصل البارت .. عواش(انصدمت بس مابينت لخوهاا): تعب !! وشو فيه حمد : ماشي كان دايخ ومب متريق ولا متعشي البارحه .. عواش: عقب شو سويت حمد: وديته المستشفى وعطوه مغذي وكمن دوا وبس عواش ف خاطرها ( فديت روحك عواسي ليته فيني ولا فيك .. والله ما تستاهل ..): وشخباره اللحين ؟؟ حمد : شوي تعبان عقب اشوي بسير بييب سيارته وبمر عليه عواش ( امممم اسير معاه بس استحي ..) :..... حمد : انزين بسير اصلي اللحين عواش: خلاص عيل بسير اصلي انا بعد .. وسارت حجرتها تمسحت وصلت ويلست تقرى قرآن ..عقب 10 دقايق قامت وسارت صوب البلكونه واطلعت السما ويلست تتدعي لعيسى بالشفا .. نزلت دمعه من عينها مسحتها ع طول .. فصخت الشيله وسارت تيلس ف الصاله تتريا حمد ملت لان حمد قالها بسير ييب سياره عيسى ف الدوام .. اممم بتصل ف شماني بشوفها شو تسوي .. ودقت ع تيلفونها .. شما : الو عواش:السلام عليكم شما : وعليكم السلام .. هلا والله بعواش عواش:هلا فيج حياتي اشحالج شما : تمام شخبارج انتي عواش: يسرج الحال .........(سكتت...) شما : اممم تبين اتعرفين شخبار عيسىصح عواش ابتسمت : هيه شخباره اللحين شما : لا اللحين احسن ..يالس ف الصاله يسولف عواش: والله !! شما: هيه .. مابتين بيتنا عواش: وين اي استحي شما : ياويلي ع الي يستحون من شو تستحين من ولد عمج وحبيبج !! عواش:شموووووه اصطلبي شما : هههههههههههههههه عواش:انزين شمووووه سلمي عليه وااايد واتحمديله بالسلامه شما : من عيوني .. ماتبين شي ثاني عواش:جيه وين بتسيرين شما : بسير ايلس حذاله عواش: تبين تقهريني يعني شما : ههههههه حشا عليه جان ابا اقهرج عواش: انزين يالله سيري يلسي عنده وشوفيه واتئمليه بعد شما : ههههه مشلكه الي يحبون يالله مع السلامه عواش:..ههههههههه مع السلامه بندت عنها وهيه مرتاحه مطمنه ع حبيبها .. .................... سارت شما عند عيسى ويلست حذاله وتقربت من اذنه شما : عواااش اتسلم عليك واتقولك سلامات ماتشوف شر يعله فيني ولا فيك.. قرص عيسى شما ع الرمسه الي قالتها.. شما: آي يعور بنت خالتهاا>>كانت عندهم : بلاج شماني شما : ها ماشي عيسى ويساسرها : وينها شما( تستهبل) : امنو عيسى : (مقهور من شما)منو بعد عواش شما تبا تقهره : هييه .. فالصاله >>اممم فبيتهم عيسى : شو ما بتي شما : لا عيسى : انزين رمسيها ابا اشوفها شما : مابتي عيسى : وانتي شعرفج شما: ادري .. بس اليوم ماتقدر تشوفها عيسى : لييش شما : بس جييه .. عيسى : افففف .. انجبي وحسابج عندي .. شما وتزيد من عندها : هييه اذكرت عواش قالتي ( وتبوسه ) ابوسك .. اتخبل عيسى .. عواش اطرشله بوسه اول مره ..الحبيب مصدق وما يدري ان شمااني تخرط عليه .. بس استانس .. ..................... حمد وهو داخل الصاله :السلام عليكم عواش:وعليكم السلام وينك طول اليوم حمد :كنت ف الشركه عواش :كل هالوقت الشركه حمد : هيييه عواش: حمادي لا تتأخر مره ثانيه جييه اوكي حمد:اووووكيك عواش: انزين شو رايك نطلع نتعشى برع حمد: وشو المناسبه عواش:امممممم ..... حمد: .... بمناسبه سلامه عيسووه عواش صدقك منها اشوف عواسي تحمدله بالسلامه : صح كلامك يلا دق حقه حمد: لا عيسسوه راقد اللحين عواش:لا مب راقد قصدي مادري حمد:.... عواش:انزين اسأل حمد ويدق ع تيلفون عيسى و مايرد حمد:ما قتلج راقد عواش مستحيل مب راقد :انزين دق ع تيلفون البيت حمد:نتصل شو ورانا و عواش تتدعي ف قلبها ان يردون ويطلعون شما : آلوو حمد: السلام عليكم شما : وعليكم السلام حمد: اشحالج شما شما: تمام اشحالك حمد حمد :ابخيير ربي يعافيج .. عيسى رااقد شما : لا مب راقد حمد: عيل وينه ادقله ع تيلفونه مايرد شما : تراه يالس معانا ف الصاله حمد: عندج شما:هيه حمد: عطيني ايياه شما: انشالله وتعطي السماعه حق عيسى عيسى : مرحبا حمد: مرحبا ملايين .. لالا من صوتك باين عليك انك صحيت عيسى: جييه شو فيني حمد :هههههههه .. انزين ما علينا اليوم انا عازمنك ع العشى عيسى : سبقووك حمد: امنو عيسى : خالتي حمد: هههههههه .. صدق عيسى : قالتلي بتسوي عزيمه وتعرف انت اني اتخبل ع العزايم كشخه يمعه >>عسبت عواااشي حمد: خلاص عيل برايك عيسى: لا تزعل حمد: ليش . مافي شي يزعل خالته (عوااس واايد مع خالته) : قوله ان يتعشا عدنا عيسى : انزين تعالوا اتعشوا ف بيتنا . وهاي الدعوه من الوالده>>خالته >>ولا اقول غصباً عنك اصلاً حمد: خلاص عيل نحن يايين عيسى : يلا نترياكم حمد: فمان الله عيسى : فمان الكريم حمد: اليوم بتنعشا بيت عمي بو حامد عواش:ليييش مابنظهر نتعشا برع حمد : لا عواش : اهاه اوكي بسير ابدل حمد : لا تصيفين عند الساعه ثمن ونص ابا اشوفج جاهزه عواش : انشالله وتسير تجهز .. دشيت حجرتي وفجيت الكبت ويلست ادور بدله البسها اممم شفت ان البس امخور احلى احسه .. وطلعت امخور لونه كحلي ودرجات البني() .. المهم و اتعدلت من الخاطر .. ما كثرت بس اجحلت بجحال كحلي وكلوس) .. وعطيت حق البشكارة عسب تكوي عباتي وشيلتي .. ع الساعه ثمن و 39 دقيقه كنت مخلصه وجاهزة .. طلعت وشفت حمادي يالس ف الصاله لابق عليه ليش متأخره .. حمد : اوووه ليش طلعتي بعد حرام الساعه بتسوي تسع ونحن ماظهرنا عواش: حمااادي .. يعني شو تباني اسوي حمد : اخييييييييج انزين يلا امشي عواش: لا انت امش وانا بمشي وراك .. حمد : ياخفه دمج .. ركبنا السياره وسرننا لبيت عمي بو حامد وف الدرب دقت اختي علايه .. عواش: مرحبا عليا : مرحبا ملايين ..اشحالج عواش عواش: تمــام انتي شخبارج وشخبار هنوده عليا : وي امبهدلتني عواش: فدييتها وينها عليا: راااقده عواش: اففف هاي كله راقده عليا: حرام عليج اليوم ناشه الساعه عشر وما رقددت العصر وينج انتي اسمع اغاني ؟؟ عواش:ههههه ماشي ف سياره حمادي عليا : ويين سايرين!! عواش: بين عمي سالم عليا: اها وانا اقول ليش الاخت مستانسه عواش: عليووه عليا : ياطمه لا اتقولين عليووه ما اتنشوفني حرمه وعندي بنيه عواش: هيه بس بتمييييييين علييوووووووه اطالعها حمد .. حمد: بلاج اتخبلتي عواش: لاوالله عليا : شوو!! عواش: مب انتي عليا : عيل اترمسين امنو عواش: بلاج عليييوه هذا حمد يعني انا مع امنو راكبه عليا : عاااااااااشوووه عواش: خلاص خلاص بسكت عليا: اصطلبي ..انزين سلمي ع شما وعيسوووه عواش كانت بتصارخ عليها عسب ما تقول عيسووه بس استحت لان حمد موجود : يووووصل (وهيه محرجه) عليا : خيييبه شبيتي نار ..انزين يلا مع السلامه عواش: اتحملي ع عمرج .. باااي.. حمد : بلاج عصبتي؟؟ عواش: ماشي بس اختك خبلتني حمد : نعـم !! عواش: ماشي ماشي كمل الدرب حمد: عويش لاترمسين عن اختج جييه عواش: انشالله .. حمد : يلا انزلي عواش: انزيين .. ونزلوا هيه وحمد ودشوا الصاله .لان الكل متيمع اهناك حمد : السلام عليكم ويقوم عيسى وحامد يلسمون ع حمد وعقب دشت عواش لانها كانت تفصخ نعالها وابتلشت فيه لان فيه ربطه واتأخرت شوي : السلام عليكم وسلمت ع عمها وسلمت ع عيسى من بعيد عواش: حمدلله ع سلامه عيسى وهو شاق الحلج : الله يسلمج غناتي اشحالج استحت عواش لان اكيد حرمه خالته سمعته : ابخير .. وسارت اتسلم ع الباقي وطول الوقت عيسى يطالع عواش .. البنات بصوب يسولفن والريايل بصوب قامن البنات يجهزن العشا عقب شافوا ان كل شي جاهز ساروا فوق العنود (حرمه حامد): شو الجامعه معاكن عواش: اففف والله ابا اخلص ابا اطلع شما : خبله هالبنيه لا تسمعين كلامها العنود:هههههههههههه عواش: اييييييه شو قصدج شما : هاي اول سنه وانتي جييه .. عيل ف الاجازه شو بتسوين.. عواش: ارييد افتككككككككككككككككككك شما : خلاص عيل عرسي عواش: لافديتج ما اتزوج الا وانا مخلصه الجامعه عالقل عندي شهاده جامعيه .. شما : يعني تبين اتخيسين اخوي وهو يترياج اطالعها و ماعرف شو اقول احس اهانه او مصخره او مادري قمت وطلعت برع الحجره واول ما طلعت لقيت عيسى بويهي .. شهقت بقووه .. عيسى ابتسم :بلاج !! |
يسلمو شماني ع البارت ونتريا البارت الياي ^^ |
مشكورة شماني نتريا الياي |
يسلمو شماني ويعطيج العافيه ونتريه البارت الياي |
عواش: ها ماشي بس.. عيسى : انزين ليش طلعتي من الحجره وانتي امبوزه اذكرت شو قالت شما : ها ماشي بس .. عطشت وسايره اييب ماي عيسى : اها عواش: اوكي بسير انا عيسى : وين سايره لحظه عواش: شو تبا عيسى : ابا اقولج شي عواش: ..... عيسى سكت ويبا يعرف رد عواش لان ذاك المره يوم قالها استحت بس عقب عصبت لانها ماتحب حد يقولها جييه .. عيسى : ا... قاطعته عواش: عيسى لا اتقول عيسى : اريد ارتاح عواش: عيسى ارجووك عيسى: انزين لييش تراني انا ابادلج الاحساس وانتي بعد عواش: بس مااريدك اتقولي هالكلمه اللحين عيسى :يعني تبيني اقولج يوم باخذج عواش :لا انت فهمتني غلط عيسى (عصب): انزين انتي ماتبينا نتزوج الا بعد ما تخلصين عواش : ...... عيسى : ع راحتج ..( وسار حجرته عسب ييب شي وبينزل تحت) وانا واقفه امكاني متجمده .. انا شو قلت !!.. انا شو سويت !! وليش !! وشما وراى الباب تسمع كل شي .. عقب طلعت يوم حست ان عيسى راح شما : عواش صددت عواش وعيونها مليانه دموع شما : عواشي ليش اتصحين عواش: سمعتي عيسى شو قال شما : دشي دشي داخل ودشت والعنود مب عارفه شو السالفه يلست شما اترمس عواش وعواش طول الوقت اتصييح مب طايعه تسكت .. عقب هددت اشوي .. بس مابغت تنزل وتجابل عيسى مره ثانيه .. بزور نزلوها لان خالتهاا زقرتهم حق العشا .. وعدلت عواش جحالها عسب محد يشك فيها انها كانت اتصيح .. نزلت ويلست مجابله العنود وحذالها شما وكلت اشوي ويلست لين ما اتريت حد يقوم عسب اتقوم عقب وعيسى كان يطالعها من فتره لفتره .. اما حمد ما حس فيها لانها كانت بعيده عنه .. قامت شما وقامت معها عواش وعيسى يطالعهم .. ام حامد : وين سايره كملي عشاج عواش: مشكوره خالتيه شبعت وسارت فوق ع طول ف حجره شما يلست ع شبريتها واذكرت عيسى وهو يرمسها .. يعني صدق كلام شما ..انا اريد اخيسه وانقعه لين ما اخلص حرام انا ليش اسويبه جيه اففف دومي عنيده .. بغيت ادق ع حمد عسب يطلع بس اكيد يريد يسولف مع عيسى وبيتم لين الساعه عشر .. ودشت شما شما : الكل كان ملاحظ ان فيج شي عواش: شما اخوج الكلام الي قاله مب اشوي شما : ولو بس قلتلج جدامهم بيني ان مافيه شي عواش: شما انتي ماشفتيه كيف يرمسني شما : لااله الا الله.. بخبرج اخوي ما يرمس احد جيه الا كان منقهر او مظايج عواش: وانا شو سويتله شما : شدرااني عواش: والله اني ماسوويت شي (وتمسح دمعتها ) شما : اقولج قومي نطلع برع عواش: ويين شما : الحديقه عواش: .. بس ما نمر جدامهم شما : قووومي انتي عواش: انزين ونزلن وسارن من باب المطبخ لان عواش ماتبا تمر جدام عيسى عواش : الجو رووعه ابتسمت شما عواش: تعالي وين العنود شما : سارت مع حامد عواش: فشله ما سلمت عليها شما : اتسلم عليج عواش: الله يسلمها شما : وي فكه باجر اجازه عواش: ..... ويلسن يسولفن لين الساعه عشر ونص عواش: هههههههههه شما : والله خفت عواش: من قطوه عاد !! شما : اتريي اشوي بيبها وبخليها تتطلع ف ويهج مابتخافين عواش: امممممم لا شما وهيه اتقوم :والله عواش: لالا يلسي خلاص شما : انزين نزلت اغنيه يديده ع تيلفوني واايد حلوه عواش: اي اغنيه شما : سلام العشـق .. عواش: امنو يغنيها شما: اممم الوسمي عواش: الوسمي سلامي عليه اغنيه .. احلى اغنيه شمايل شما :شمايل حلوه بس سلام العشق احلى بواااايد عواش: وين تيلفونج شما : فوق دقايق وايبه عواش: ابسرعه الله يخليج .. ويلست تتطالع تيلفونها رفعت راسها اطالعت النجوم متناثره ع السماء القمر بوسطها اتخبلت بغت اتصور بس مشكله مب واضح يباله كيمرا رقميه .. يت شما معاها التيلفون شما : اممم وينها ... اكيييه ..اسمعي "العنكبوت سرحت عواش لعالم ثاني عالم عيسى .. عواش: بس وقفي (واتغطي ويها بأيدها ) شما وهيه اتبند الاغنيه : شو فيج عواش (اتصيح):..... شما : رديينا عواش وهيه تمسح ادموعها .. شما : بسمعج انا مره ثانيه اغاني عواش: ماشي بس هالاغنيه ا.... شما : اتعـذب .. عواش اطالعتها ونزلت راسها .. شما : انزين ماخبرتيني شو رايج ؟؟ عواش: حلووه طرشيها شما : اوكي .. اوييه ماشي رصيد البطاقه فوق .. امممم افتحي بلوتوثج عواش: انزين .. (وفتحته ..) شما : ياويلي ع النك اطلعت عواش النك .. "العاشقه الولهانه" عواش ابتسمت .. وتبند التيلفون .. شما :لم يتم الارسال .. بلاه ؟؟ عواش: هههه فضا ماشي بطاريه شما : خلاص عقب بطرشلج .. ويرن تيلفون شما عيسى المتصل شما : هلا عيسى : شما قولي حق عواش تظهر شما : ها اوكييه بقولها .. عيسى : يلا بااي .. شما :بااي.. شما : عواش حمد يقولج اظهري عواش: عواس المتصل .. شما ابتسمت : هيه .. عواش: الله يعيني .. يلا مع السلامه .. وتسلم ع شما وتسير صوب سياره حمد وشافت عيسى واقف مع حمد ما عرفت شوتسوي .. سوت طاف وركبت السياره ويلست تتريا حمد رن تيلفون عيسى والصدفه انه حاط اغنيه سلام العشق .. عواش اطالعته وهو يطلعه تيلفونه وسمعت وكانت تريد تسمع الاغنيه كلها بس عقب حمد ركب السياره وسار عيسى داخل البيت .. حمد: من وين طلعتي انتي عواش: كنت ف الحديقه حمد : وليش غالقه تيلفونج عواش: فضا .. وروحنا البيت وسرت حجرتي ..فصخت عباتي وشيلتي وبدلت ويلست امسح الجحال .. اذكرت كلام عيسى " انزين انتي ماتبينا نتزوج الا بعد ما تخلصين " اه يا عيسى .. لو تتدري بغلاتك عندي كان ما قلت الي قلته وكان وكان .. احبك يا عيسى احبك واعشق ترااااابك .. ......... انسدح عيسى ع الشبريه تذكر عواش شو سوى فيها .. انا الي سويته صح والا غلط استغفر الله .. بس صدق احسها قهرتني بكلامها .. وفج السده وطلع صوره لعواش وهيه اصغيره بعمر 10 سنه وحذالها عيسى بعمر 13 يالسين حذال النخله ف مزرعه يدي مطر .. يلس يتأمل عواش وهيه مبتسمه .. فديت روحج عقبال ما امسك صورتي وصورتج ف ليله عرسنا .. باس الصوره و ردها ف السده وسار يرقد .. الصبح الساعه 10ونص عواش حادره من المطبخ وف ايدها المدخن .. حطت عود حمد : محد بيأخرني غيرج عواش: انزين يايه ونزلت عسب المدخن حمد .. حمد : عطيني .. ويلس يبخر عمره ...اندوج يلا انا ساير .. عواش تشل عنه المدخن : في حفظ الرحمن .. وبخرت البيت عقب سارت تقرى قرآن تتريا اختها ..(كل يمعه اختها عليا تتغدا عندهم )..خلصت قرايه و سارت صوب بلكونتها وشافت سياره ريل اختها عليا نزلت ابسرعه عسب اتسلم عليها .. دخلت عليا ولقت عواش ف ويها .. عليا : السلام عليكم .. عواش وهيه اتسلم عليها : وعليج السلام .. توه ما منور البيت عليا : منور بأصحابه .. اشحالج ختيه عواش: تمام شخبارج انتي عليا: يسرج الحال عواش: فدييتها عطيني اشلها عليا : تراها راقده اتحملي عواش: هاي شو سالفتها ويا الرقاد عليا :هههههههه عواش: هنوده حياتي قومي بسج ارقاد عليا : يالخبله خليها راقده .. عواش وهيه اتبوس هند : امواااااح .. عليا : انزين انا بسير اعق عباتي و لاتنسين تحطينها ف شبريتها عواش: امنو قال بحطها ف شبريتها عليا : عيل وين بتحطينها عواش : ف الصاله عليا : قصورج اتحطينها ف الصاله عواش: هههههههه استهبل انزين بوديها فوق عليا : انزين يلا سيري .... وهن نازلات من فوق عليا : شخبار الحب مالج اطالعتها عواش بنظره حزن : تمام عليا : بلاج ليش جيه اترمسين عنه عواش: ماشي ويسلن ف الصاله عليا : انا امس يوم رمستج كنتي طايره من الفرحه واللحين زعلانه وماده البوز شبرين .. عواشي شو فيج !! افتحيلي قلبج .. |
مشكورة ع البارت شماني نتريا الياي |
يسلمو على البارت شماني ونتريه البارت الياي |
تسلمين ونترقب الزوود منج |
مرحباا >شحالكم اممم بس حبيت اقولكم ان اعدل فـ القصه وبنزلهاا مره وحده كلهاا والسموحه بتأخر طشوووووووووووووووووووووووونه بس |
بنت العمة بسرعة لو سمحتي لا تتأخرين علينا ^^ |
يسلموووووووو شماااني على القصه |
وييييين البااااااااااارت |
يسلمووو فديتج ونتريااا الباارت اللي ياااي |
شماني نتريا البارت الياااي بسرعة |
اتريي عقب الأمتحانات |
تسلمين شماني ع القصه ونرقب الزود منج |
نتريااااا الباااارت الجاااي شيماني لاتتخرييين نترياااج بعد الامتحانات ^^ |
| الساعة الآن 03:04 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir