|
مــــــاركــــــــات..؟ دليل على الغنى او الفقر..؟ بسم الله الرحمن الرحيم السلام عليكم ورحمة الله وبركاته شحالكووو؟؟؟ هذا طبعا اول موضوع لي في المنتدى << عضوة يديدة :ast7eee:say Hello حبيت اتناقش ويااكم عن موضوع المـــاركات كــــلنا نحب نكشخ بشنط المــاركات مثل قوتشي شانيل و فندي و غيره.. بس الموضوع اللي استغربت منه ان فيــ فئة من البنات يعتقدون ان البنات اللي بدون شنط مـــاركات فقيــــرات ؟! شي بنـــات ما يحبن يتشرن شنط ماركات واايد أو عندهن ظروف مالـــية أنــا من النوع اللي اشتري شنط مـــاركات بس مب دوم مب كل شنطة ماركه اشوفها لازم اشتريها اللي عيبتني و خاطري فيها آخذها :mxinthgnwzmhqn0vrjy و ما عيبني تفكير هالبنــــات أبداا لان ما فكرووا في ظروف البنت و غيره :خ9: مب حلوه يرمسن و يقولن طاع هالفقيره ما عندها ماركه و مب كل بنت اللي يشوفونها بدون شنطة ماركة يعني ما عندها يمكن يكون عندها فالبيت أحـــــــــين ابا رايكــــم ف هذا الموضوع البنات اللي ما عندهن شنط ماركات هذا دليل على الفقر و اللي عندها ماركة يعني غنية ؟ و شو رايكم بالفئة اللي تفكيرهم جي؟ خلووووووناااا نشووووف ردووودكم يلاااااا :3: |
زعلتووووووووووووووني وين ردووودكم :0088::0088::0088: |
هلااا بج موضوووعج منوور وانتي اللي منورتينا اكثر انا بقوولج غنااتي عمرها الماركه ما كانت دليل على الفقر او الغنى بعدين الغنى غنى النفس مب غنى البيزاات وترى مب شرط اللي عنده بيزاات هوو اللي بس يشل شنطه مااركه او شيء ترى في ناس على قدهم وعندهم ماركاات وبعديين سمحيلي اللي ييلس عند نااس يرمسوون هذااا ما عنده وها ما عنده ...ما عنده ساالفه لانهم محد عطاهم الحق يرمسوون ياخي كل وااحد ولبسه بعد يتحكمون ف اللبس؟؟.. وثاني شيء مب شرط اللي عنده بيزات يشل شنطه مااركه وعمرها الشنطه او الماركه كانت دليل ع الغنى وانا عن نفسي ما احب ايلس ويا حد يرمس عن نااس والسمووحهـ.. عشوووقهـ... |
الفقر فقر الروح من الخلق والتعامل الحسن والغني غنى الروح من الخلق وسلمت على الموضوع |
نؤؤؤرتي المنتدى بؤؤؤجؤؤدج ؤبهالمؤؤؤضؤع الحلؤؤؤ.. السمؤحه منج بس الماركه مب دليل ع الغنى ؤالفقر ؤالناس اللي يطلعؤؤن غيرهم يهالنظره .."ناس متخلفين " ما فكرؤؤا الا بالماركه.. تقبلي مرؤؤؤري.. |
السلام عليكم ورحمة الله وبركاته مسـآء آلخير ., صرآحه ! آنآ آشوف آصحآب هآلتفكير هم آلفقرآء لآنهم مفتقرين لشي آسمه قنآعه مفتقرين لشي آسمه توآضع مفتقرين آشيآء كثيره في حيآتهم , تحسين عقولهم بعدهآ مب مكتمله نآقصه !! يآمآ نآس آموآلهم مآلهآ بنوك تشلهآ وتسدهآ ومآيهتمون لهآلسخآفآت لآنه يشوفون هآلشي حرآم ! وهو فعلآ حرآم آلبذخ وصرف آموآل كبيره على شنطه ولآ نعآل ربي يعزكم ونآس غيرهآ ميته يوع تدور على آلفلس علشآن تسد حآيتهآ , حلو آلتوآضع !! في نآس الله بآلهبه تستر على عمرهآ من آلسؤآل يسيرون ويآخذون سلفيآت من آلبنوك على هآلتفآهآت , آلحين مآتعرفين آلغني من آلفقير بسبب هآلسلفيآت وآلقروض لآن عآدي صآر آلكل يآخذ هآلقروض ., صرآحه !! آشفق على آصحآب هآلتفكير وتكون آخر آهتمآمآتي وآعطيهآ طآف وآدور على آصحآب غيرهآ مقتنعين بهآلحيآه وآلمظآهر آخر آهتمآمآتهم .~ وآلغنى غنى آلنفس وآلقلب !! يعطيـــج آلعآفيه .’ تســـلم آيدج خيتي نورتينآ بطرحج آلرآقي .~ |
وعليكم السلام ورحمة الله وبركاته ومرحبا فيج إختي * sмιʟєч ғяєαкч * بين إخوانج وإن شاء الله اتفيدين وتستفيدين يا ربي. اقتباس:
حلو الواحد يكون عنده ماركات من ساعات و إكسسوارات وشنط فخمة، ومش غلط أبدا إنه الواحد يشتري الأفضل حتى لو غالي فالغالي ثمنه فيه .. وبدال ما أشتري شيء مقلد قيمته مثلا (500) وبعد فترة يخترب بإمكاني أشتري الأصلي بـ (3000) درهم لكنه ما يعول :191: وبالنسبة للأسعار .. دام إني قادر على الشراء .. ليش ما أتمتع بالفلوس اللي الله سبحانه وتعالى أعطاني إياها بس... ما أكون مبذر وايد وأصرف باعتدال وبدون بذخ .,. اقتباس:
اقتباس:
هالبنات للأسف تفكيرهم سطحي للغاية .. ومب شرط إنه الإنسان يشتري كل شيء ماركات .. يعني في بعض الماركات يكون السعر مبالغ فيه بزيادة ..ويرجع الغلاء لأسم الماركة (LV . Dior ) .. وطبعا المادة المصنوعة منها الشنطة أو الساعة. أعرف أشخاص معاشاتهم الشهرية تتجاوز (120 ألف درهم) .. لكنه إنسان بسيط وفي نفس الوقت يظهر نعمة الله عليه .. وللأسف مش بس الساعات والشنط والإكسسوارات .. وإنما تجاوزت لتصل إلى السيارة مثال/السؤال : (شو عندك من السيايير ؟) بورش ؟ شو نوعها ؟ مرسيدس ؟ شو نوعها ؟ بي أم دبليو ؟ أي فئة ؟ الجواب: عندي هوندا التعليق: فقير وحليله، هذا مب استايل أبدا ,..، وما يعرف شيء أصبح التفكير والحكم على الشخص من خلال سيارته .. او البنت من خلال شنطتها وإكسسواراتها وساعتها .. هؤلاء هم أشخاص سطحيين (عندهم نقص) مشكورة إختي * sмιʟєч ғяєαкч * على الموضوع .. وبالتوفيق إن شاء الله في مواضيعج القادمة |
[align=center] السلام عليكم ورحمة الله وبركاته أۈڷ شيَ حبيَٺ أقۈڷــج حيَـآج فـ اڷمنٺدى ۈنرجــع ڷـ مۈضۈعج ,, ۈنجـآۈب ع اڷأسئڷه أۈڷ 1]البنات اللي ما عندهن شنط ماركات هذا دليل على الفقر و اللي عندها ماركة يعني غنية ؟ ۈاڷڷـﮧ مـآيَخصه اذا ۈحده عندها يَعنيَ غنيَه .. ۈاذا ۈحده ماعندها يَعنيَ فقيره .. يَاما جفنا نآس اغنيَـآء بس بسيَطيَن .. يَاما جفنا نـآس فقرآ بس ما يَبيَنۈن هـ اڷشيَ 2]و شو رايكم بالفئة اللي تفكيرهم جي؟ أحس إن فيَ خڷڷ فـ ٺفڪيَرهم .. جۈفيَ أخٺيَ .. مۈ يَع‘ــنيَ انا اشٺريَ مـآرڪـآٺ ۈجيَ .. يَعنيَ انا انسـآنه مرٺـآحه يَمڪن أڪۈن فقيَره .. بس اشٺريَ ڷڷمظـآهر .. ۈمب ڪڷ حد يَشٺريَ مـآرڪاٺ يَعنيَ غنيَ .. بإخٺصـآر " اڷمآرڪآٺ ماٺحدد اڷحـآڷـ‘ه اڷمـآديَه ڷڷشخص " ٺسڷميَن اڷشيَخه ع اڷطرح ڷـآ خڷـآ ۈڷـآعدم ڷـآ ٺحرميَنا من يَديَدج ٺقبڷيَ مرۈريَ:wrd: [/align] |
ترا الغرب يتطورون والعرب يتطورون ويتكبرون... طبعا ختيه مب دليل وهذا تفكير الناس المغفلييين.... يعني انا يوم اشل شنطة ماركه بس عسب الناس تقول انا غنية... اهم شي القناعة فالدنيا وكل هذا يروح .. لان الانسان ما يآخذ الماركات لقبره لما يموت .. يآخذ عمله الصالح.. جعلنا واياكم من الناس الصالحين يااارب...وتقبلوووا مـــروري..||~ |
مشكورين على ردودكـــــم عجبتني ردودكــــم وااايد و آرآكـــم ^-^ منـــــوريـــــن الصفحـــهـ |
السلام عليكم ورحمة الله وبركاته .,! ماركات ., دليل على الغنى والفقر.,؟! عمره ما كان الغنى والفقر مقياس التفاضل بين الناس أصلا.,!! هي حكمة رب العالمين اللي ارتضاها لـ عبده والانسان مو بيده يختار قدره.,! مو بيده يختار غناه وفقره.,! فـ ليش نخلي الماركه (اللي هي فـ أساسها مصطلح غربي> العرب ترجموه وطبقوه تطبيق مثالي وكأنهم مجبورين فيه) ميزان فاسد للأفضليه.,! الماركات مستحيل تكون هي المقياس للحاله الماديه للشخص إذا كانت الماده أصلا مو مقياس.,! كل من آمن بميزان التقوى للتمييز بين الناس> بيكون هالإيمان فاصل بينه وبين انه يخلي الماركات والمظاهر دليل على الغنى والفقر.,! الماده دليل ع الماده.,؟! باعتقادي انه هذا تناقض.,! ما يقتنع فيه إلا أصحاب القلوب المريضه اللي انساقت ورا أفكار الغرب .,! الغنى غنى النفس.,! اللي يطهر قلبه من الحقد والحسد والكلام عن عيوب الناس فلان شو يلبس ومن أي ماركه يشتري هذا هو الغني بنظري وبنظر كل انسان مؤمن ومقتنع بـ مبدأ التقوى.,! وبالأخير بقول : أنت لا تستطيع أن تغير نظرة الناس إليك.,! ولكــن / تستطيع أن تغير نظرتك نحو نظرة الناس إليك.,! > يعني الناس يميزوني عن غيري بمقاييسهم اللي هم مقتنعين فـيها.,! هم بكيفهم ., أنا ما أقدر أغير نظرتهم (اللي غالبا ماتكون ماديه) لي.,! بس أنا أقدر أغير نظرتي لـ نظرتهم لي., وشلون.,؟ يعني هالناس يشوفوني جيه وهم أحرار بس فـ نفس الوقت تكون نظرتي لهم نظرة اللامبالاه.,! وبـ جيه بتكون نظرتي لـ نظرتهم مثاليه أسلم من شرهم بأسهل طريقه.,! ومثل ما قالوا اللي قبلي.,! يمكن ما كل من اشترى ماركات بيكون غني.,! هو شبح المظاهر اللي غرس مخالبه فـ قلوب ناس هالعصر (الأغلبيه منهم) .,! مشكوره ع الحلقة النقاشيه الحلوه اختيه.,! ربي يعطيج ألف عافيه.,! تقبلي مروري: شلال الورد.,! |
| الساعة الآن 10:53 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir