|
عندي القرار احس صعب ابغي منكم مساعدة -------------------------------------------------------------------------------- بسم الله الرحمن الرحيم السلام عليكم ورحمة الله وبركاته شحالكم عساكم بخير انا توني يديدة في منتدي قلت يمكن حد يقدر يساعدتني في مشكلتي بصراحة كل ماأحصل وظيفة أصلي استخارة ماابغي هل مكان حصلت\وظيفة ثانية صلاة أستخارة أول يومين كان عادي عندي بس عقب الاسبوع لي بعد أحس عمري أسير هل مكان غصب مكان بيعد شوي عني أنا من عيمان هو بداية دبي أحس ماسرت هل مكان كل ساكتة مضياجة احس عمري ماارمس شرات قبل أرمس احس عمري هادئية وايددد شو لي مايعجبني في مكان أول شي ناس موظفات اكبر عني 25 السنة عمري 22 أحس عمري أني أستحي وايددددد مااأرمس اني احس مكان ملل وايدددددددددددد كل مااذكرك هل مكان ابغي اصيح امي اتقول لي اسمعي كلامي لازم تدوامين هل مكان احسن مكاان كل بنات ماشي شباب انا ابغي مكان شرات عمري مب مكان احس اني كل ساكتة مااسولف وياهم كل يرمسون عن عيالهم ما احس سوالف شرات سؤال في انا لي شي خلني مضياجة سكرترة مديرة احس شغل مب شغلي اسوي انا كل اصلي استخارة احس مب مرتاحة ادعوا بالخير لازم رد لهم عقب يومين ربي يوفقكم يسعدكم |
وعليج السلام ورحمة الله وبركاتة بداية بما انج طرحتي موقفج بالكامل وطلبتي مساعده منا ، فانا عندي لج راي ، ان حبيتي خذيتي فيه وان ماحبيتي فهالشي راجع لج .. 0 0 ذكرتي في موضوعج عن العمل ..وان انتي توج مشتغله في مكان عمل يمكن انتي خريجه جامعه او ثانوية ماعرف وهب مهم ، وذكرتي نقطه انه اللي الموظفات وياج اكبر عنج ، ها الشي ياختي طبيعي همب انتي اللي تحددين سن العمل ، يعني عدنا فالدولة ماشي مكان يحدد العمر بين فئات عمريه .. الا فالجيش فقط ويكون للشباب فقط !! اقتباس:
يمكن نصيبج يكون في هالمكان واخير عن مكان آخــر ، وقولي الحمد الله على كل حال ونعمه انج حصلتي مكان تشتغلين فيه لأن شي خريجين جامعات صار لهم سنه وسنتين ماحصلوا اشغال .. على فكره صلاة الإستخارة تمهد لشئ معين وليس توقعات او مجرد احساس كما هو السائد .. يعني انتي مصلية من بونج استخارة والحين تشتغلين في هالمكان يمكن يكون هذا تأثير صلاة الإستخاره اللي مهدت لج هالمكان للعمل فيه ، بس شيطان يزين لج انج تودرين العمل هذا لمجرد افكار سمحي لي مالها اي داعي وهاي كلها " وساوس شيطانيه " لاتحججين بسبب صغر سنج او او او.. وانا ماعتبر انج صغيره ماشالله في سن الشباب والانتاج والنشاط .. يعني ماشوف انها قضية تستاهل الزعل والضيجه .. ووسعي خاطرج وقولي الحمد الله والله يوفقج ونصيحتي تدعين لرب العباد انه يسهل امورج ويبعد عنج عيال الحرام .. 0 0 النعيمي |
السلام عليكم أختي احمدي الله أنج حصلتي شغل مع بنات وصدقيني مب مهم العمر ،،، ويمكن الشغل أنتي مب متعودة عليه ،، ان شاء الله باجر بتتعودين ع الشغل وبترتاحين وبالنسبة للعمر فهذا شي مب مهم أنا وياي وحدة عمرها بالأربعين واسولف وياها عادي،،، تعوذي من الشيطان واذكري الله،، وبعدين انتي صليت استخارة والله يسهل عليج وإذا المكان ما في خيرة ما بتتسهل عليج وبعدين منو يحصل شغل هالأيام ويقول لأ.... بالتوفيق الغالية،، أختج اللؤلؤة |
اقتباس:
|
مشكلة اللي يبحثون عن عمل لايجدون ماتميل له النفس ... حاولي تكونين قنوعه في حياتج ، ولا تخلين الوساوس تأثر عليج .. انتي مره تقولين ضيجه ، ومره ماتحبين سكرتيرة ، يعني ماشي محدد ... بكل بساطه ادعي ربج وبتغديين بخير ان شالله .. |
مرحبا بج يا بنت الامارات 11 في استرحات زايد منوره اولا :- انج انتي ما حبيتي الشغل و تفكرين فيه انه مب عاجبك ما راح تقتنعين انه الشغل حلو . فكري انه انتي لج قدر بوظيفه سكيرتيره و انج تخدمين بلادج عن العماله الوافده و تساهمين في بناءه ثانيا :- بمسأله العمر البنات اكبر عنج بي 3 سنين بس و لا تعرفين تتكلمين عندهن لانه ما تعرفينهن و صدقيني بعد وقت بتكلمينهن لانج بتأثرين فيهن و بتعرفين اسلوبهن ثالثا :- استمتعي في شغلج و اخلصي و أتقنيه رابعا :- الشغل يعتبر عباده في الاسلام و هذا كل الي عندي مع تحياتي بنت العربان |
انا اشوف انه شغلج حلو خاصة انه ويا قروب بنات لي يضايقج اكيـد الدرررب ،، مشالله سكة سفر لين بداية دبي بس يهوون مع الوقت صدقيـني ،، بتتعلقين بشغلج وبتحبينه وبتسين مسألة الخط وشغل السكرتيرة ترا مب سيء مثل مانتي متصورة يمكن لانج في بداية حياتج العملية او ما فهمـتي مديـرتج عدل .. او إذا كنتي دارسة تخصص غير ،، فأنتي تقدرين تعدلين وضعج عقب هالاحساسيس الي تيج وضيقة والخوف ياتنا كلنا ،، كلها مسألة وقت يمكن يبالج شهر او اكثر وبتتعوديـن ،، والفارق في العمر ،، مب سبب يكرهج فدوام تعوذي من ابليس |
السلام عليكم ورحمة الله وبركاته ، اصراااااحه انتي حصلتي شغله وااااااايد حلوه خصوصا انج في مكان كله بنات يعني بتكونين مرتاحه من اللي حووووولج ومع الايام ان شاء الله بتتحسن الاوضاع ،، بترمسين وياهن وبتسولفين وبتستانسين ، ولا تنسي رضى الاهل ما دام امج راضيه هذا يسوى الدنيا وما فيها والله بيوفقج دام اهلج راضين ... وتوكلي على الله دام ها المكان اقرب الناس لج ايشجعونج عليه واللي هي أمج وبالتوفيج ان شاء الله . رفيج الكل |
اقتباس:
وسالفه العمر اسمحيلي بس انتي اكبر من جي .. يعني انا من راس الخيمة واداوم ف ام القيوين ويوم داومت كنت تقريبا اصغر وحده فالقسم (20سنة) عاد تخيلي اللي وياي كم اعمارهم..!! ان شاء الله مع الوقت بتتعودين واذا ماعيبج الشغل تراج ما بتخسرين شي.. عالاقل جربي .. وبالتوفيق حبوبه ^_^:13: |
اولا اختي الله يوفقج يارب في المكان الي مناسب لج موعج طبعا اختي بتحصين فيالبدايه ابملل من دون شك انا بقولج شو استوا وياي انا ادرس في الجامعه الكنديه في بدايت الايام تقريبا بدايت شهر اسيرها غصب عني وكرهانه وصلت وياي اني اظهر نها بس صبرت علي عمري اشوي وسبب اكثر الجامع ايرانيه والكلاس كله ايرانيه واسلوب تحسين الايراني له كل شي في الجامعه اشوي اشوي اتعودنا واتعرفنا علي شباب وامور استوت طيبه من بعد مايوا كم واحد عربي للكلاس واتغير اشو الحال وحمدالله ان الحين اهون عن قبل دائما اختي البدايه صعبه من كل النواحي الواحد ايدش المكان يكون اشوي خايف من بعض السوالف ومحتار وقلق في بعض الحيان انتي حاولي غلبي افكار الي بذهنج شو يعني هم اكب عنج بلعكس تعلمي منهم ومن سوالفهم ومن اغلاطهم ترا بتمرين في عمرهم بيكون عندك اشويه خبره علي الاقل تفيدج في المستقبل انتي حاولي اشوي اتغيري جو المكان علي الخفيف طبعا صعب اتغير علي طول بس اشوي اشوي باسلوبج بافكارج قولي اليوم بسير بسوي جي وجي كل يوم حطي هدف لشي اتسوينه لج لناس الي حواليج لشغلج واهم شي لشغلج لو ماتحبين السكرتاريه سيري عند المندير ورمسيه قوليله والله انا ماقدر افيد في ها المجال لو تنقلني او شي لو ماطاع صبريتترا ها الزمان اهم شي الواحد يكون تحد يده وضيفه زينه يستفيد فيه وانتي بعدج في بدايت مشوارج صغيره خذي خبره من الشغل ودوري علي شغل ثاني لو حصلتي انقلي المهم الحين طبعا مليتي من كثر ماقريتي ردي واسموحه اختي علي الاطاله والله يوفج يارب انج تتعودين علي دوامج اليديد ويوفقج اتلاقي شغل احسن وان شاءالله الحين كرتيره وان شاءالله عقب مدير ياااااااارب |
الرب يكوون ف عوونج اختي بس لازم ما تخلين عمرج يحطم مستقبلج كووني واثقة من عمرج ف كل خطوهـ و افهمي ان الدنيا حلووه و اهم شي .. تذكري دووم انه غيرج يدوور و هب لااقي و انتي ما شا الله حظج ضاارب الله يوفقج اختي |
×××××××× .. مرات تكونين في مكان انتي ضايجه منه بي هو المكان الأنسب لج.. يمكن لأنج بعدج ما تعودتي ع الشغل فـ بتحسين بهذا الأحساس .. و بيتكرر و ايد معاج.. بس من تتعودين عليه .. بيتغير الوضع معاج.. عطي عمرج فرصه .. وع الأقل اعتبريها تدريب 3 شهور و خذي خبره و اظهري من عدها اذا شفتي ان الوضع مش موالمج.. بس لا تستعجلين ع عمرج.. ولا تتخذين من صلاة الأستخاره ستار لرغباتج.. اغلبنا جذه.. رغباتنا تغلبنا فـ نغير الواقع.. احساسج برفض المكان غلب ع صلاتج.. واذا انتي شايفه همرج مو قد الدوام.. خذي وقتج و قدمي حزت ما تشوفين عمرج قادرع ع الشغل .. والسموحه.. تحياتي |
| الساعة الآن 05:52 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir