|
من اي قبيلة انت ؟؟؟ بســــم الله الرحمن الرحيم بصراحه هو موضوع جدا حسااس لفئة معينه من الناس الموضوع يناقش قضية ((العصبيه القبلية )) كثير مانسمع بمن يتفاخر بأنه من قبيلة كذا ... انت من قبيلة كذا وقد نجد اخر يسود وجهه عندما يسئل عن قبيلته لأنه لا ينحدر الى قبيله معينه بالرغم من انه قد يكون افضل منهم علماً وادباً وديناً وقد لا يزوج البعض بناته من أناس لا ينتمون الى قبيله ..... وفي هذا ظلم كبير بصراحة أنا أجد في هذا الموضوع عنصريه تهين الإنسان الذي كرمه الله عز وجل وجعل ميزان التفاضل بينه وبين اقرانه ميزان التقوى ( لا فرق بين عربي ولا اعجمي الا بالتقوى ) فكيف نفاضل بين بعضنا البعض بإسم القبيله التي لو فكرنا فيها قليلا لوجدنا أنه ليس لنا فضل في ايجادها فنحن لا نختار أسمائنا عوضا عن القبيله التي سنولد من سلالتها. ربما قد لا يوافقني البعض في الرأي ولكن الامر حقا في غاية الازعاج وأكثر ما يزعجني أن هذه الأفكار تؤثر على مستقبل أبناءنا خاصه عندما يفكر أحدهم بالزواج فهو لن يتجرأ ان يفكرمجرد التفكير بفتاة من قبيلة معينة لأنه سيرفض وسيتعرض لسيل من الإهانات فكيف يجرؤ على النظر لفوق وهو من الأسفلين ؟؟ أعتقد أن مثل هذه العادات تخلق جوا من العداء والحساسية وتولد الحقد والحسد بين أفراد المجتمع الواحد. أخيرا وليس آخراً أعرف أن هذه العصبيه موجوده في كل الجزيرة العربيه ولكنني ضدها جملة وتفصيلا أخواني وأخواتي كلنا أبناء آدم وحواء وكلنا من تراب وسنعود الى التراب ويوم القيامه سوف ننادى بأسماء أمهاتنا وليس قبائلنا ..... على العموم لكل رأي واختلاف الرأي لا يفسد للود قضية اتمنى اشوف ارائكم على الموضوع مع تحياتي أختكم فطوم المزيونة |
مشكوووره اختي فطووم والله صح اللسانج ولاتحرمينا من يديدج تقبلي مروري اخوج :حمد السويدي |
السلام عليكم ورحمه الله وبركاتهـ .. هلا والله " فطومهـ " >> احم احم ههههه ^.^ اختيه موضوعج واقعي وها الي يصير هاليومين .. بس بقولج ولكل صراحهـ .. الرسول ( صلى الله عليه وسلم ) .. حث ع النسب !! يعني انه نطالع النسب .. والاصل والفصل والجبيلهـ .. هب اي واحد تعال وبزوجك بنتي .. هالكلام ما يصير اختيهـ .. صحيح ( لا فرق بين عربيولا اعجمي الا بالتقوى ) .. وها ميزان التفاضل بس المسلمـــــين والناس اجمعين .. بس الاهل ممكن يوافقوا ع اي قبيله ( عربيه اصل ) .. وبكل صراحهـ .. انا اهليهـ مستحيل يوافقون ع واحد عب عربي ( عيمي ولا غيرهـ ) مع احترامي لكل القبايل .. كلنا خوان .. ونحمل نفس الديانهـ .. بس الواحد يدور ع النسب الصحيح والسليم .. ^.^ تسلمين اختيه على موصوعج .. الغاوي .. وان شاء الله تتقبلين وجه نظري انتي وغيرج برحب صدر .. :) فداعتهـ . |
تسلمين ع الطرح موضوع الرائـع /// |
السلام عليكم تسلمين خيتي فطوم ع الطرح وصدقتي ( لا فرق بين عربي ولا اعجمي الا بالتقوى ) |
والله انا ما اشوف بي هالموضوع... بصراحه وااايد يبالغون ....كلنا عيال ادم و ادم من تراب...وبس.... مشكوره ع الموضوع.. ربي يعطيج الف عافية.. |
[mark=FFCC00]السلام عليكم ورحمة الله وبركاته انا احب ان احذو حذو النبي عليه افضل الصلاة والسلام والشريعة الإسلامية كما عهدناها .. انا انسان ارفض مبدأ العنصرية ( وهذا اللذي حثنا عليه ديننا الحنيف) وظني ان هنا فالإمارات للأسف عدنا تميز عنصري وايد اشوفه وخاصة في مواضيع الوافدين وغيره .. متناسين ان الكثير منهم قدم لنا عطاء متميز لخاطر دولتنا .. ع العموم مابا اظهر عن صلب الموضوع الأساسي ، بس انا عندي تعقيب بسيط .. انا مع الإخت راكاوية بنسبة 50% ، لأن هي اهلها هذا ( مبدأهم) وكلن وله مبادي وافكار واعراف .. بس اختي المفروض الأنسان يفتخر بأصلة ودينة ( رباعة) انا الحين لو ان شاء الله ربي رزقني بالذرية الصالحه راح اعلمهم عن الدين وبالإضافة عن اصول قبيلتي اللي انا انتمي لها .. بس انا فالنهاية ضد التمييز العنصري والرجال بافعالها[/mark] |
[align=center]السلام عليكم ورحمة الله وبركاته والله يهدي اهلني لان عندهم عادات وتقاليد ( لا فرق بين عربي ولا اعجمي الا بالتقوى ) ومشكوره اختي [/align] |
شكرا على الموضووع ختييه فطوم كل منا لازم يفتخر بجبيلنه صح ولا لاا هاي عادة من عادات يدودتنا القدام يعني افتخارهم بجبيلتهم مامكاان تكبرا ولا شي لا يعني مثل مانعرف كل جبيلة ولها تاريخها وشيخها .. فاذا رمسنا عن سالفة :انا والله مابيوز ولدي بنت فلان لانهم من الجبيلة الفلانية .. فهنييه فالامارات ((العصبيه القبلية )) توجد بنسبة 99 % فنظري ..؟ ليش مثلا اذا الشاب تقدم لبنت من الجبيلة الفلانية رفضووه لانه * خلافات بين القبيلتيين في فترة حياة يدودتهم . يعني اضاربوا واجاتلوا ومات يد البنت ولا والولد فهنيية يقولون لا والله كيف انيوز ولدنا لبنت فلان الفلاني وهم جاتليين يدنا ومااعرف شوو ..هالسبب الرئيسي في المشاكل اللي نحصل مايعيشون يومهم لا هنييه ((العصبيه القبلية )) تكوون مثل المبرر في القضية هاي . والله وهنااك اسبااب نحن نعشيها في واقع حياتنا وصدق انه لازال هناك ((العصبيه القبلية ))بشكل كبيير جدااا جداا |
[align=center] عزيزتيـ / فــــ ط ــوم المزيونة عواااافي عواااااافي عواااااااااافي وإختياااااار جميلـ وموفقـ واسعدني التواجد بين سطووركـ والعبث بهااا ومداااعبتها بالنسبة للعصبية القبلية ليست حكراااا على دولة الإمااارات بلـ على دولـ الخليج عاااااامة وهذا في بعض الاوقاااات ((زين و شين)) والفخر عند القبااايلـ ترى من عواايدهم وطبااايعهم مب تكبر أو أي شي آخر وكل وله مقاااامهم مع إحترامي لجميع قبايل الجزيرة العربية ووجهت نظري أنـــــــــــــا (( ترى حناااا إلي تغيرنا وتغير مفهومنا للأجيالـ السابقه ووضعنا العنصريه أولـ صدق فيه عنصرية بس لمن دخلـ الرجال على الرجاال وطلب تم مطلوبه )) (( الرجاااااااالـ بفعااااااااله مب شي ثاااني )) وكلـ أيضااا له الحق في رأيه ومحد يقدر يغير قنااعت حد إلا بقتناع الشخص نفسه والأمـــــــــر هذه الحديث فيه متعب جدااااا وإسمحي لي لمـ أوفي الموضوعـ حقه لأنه كمااا ذكرت متعب جدااا دمتب بود وإحترامي وتقديريـ * ( ) * ( ) هبوب الهوى[/align] |
هالموضوع احس انه مستمر مع استمرار الحيااه ماادري متى الناس بتعقل وبتفتح عقولها لشي اكبر واهم الناس وصلت للقمر وتطورت ونحن للحين قبايل وعرب ونسب وهالسوالف لو نحن تنازلنا وتخلينا عن هالسوالف المتخلفه لكن مااضن الاهل بيتنازلون عني انا مثلا اذا تقدم لي واحد ما يعيبه شي لكن مب ولد عرب وقبيله انا برضاا بسبب اخلاقه لكن مااضن اهلي بيرضون ولكن بنفس الوقت اشوف انه ماشي فرق كلنا عيال بلاد وحده والسموحه |
مااااشاء فرق بينا كلنا تراب وطين |
( لا فرق بين عربي ولا اعجمي الا بالتقوى ) |
[align=center]مرحبا السااااع باختي ( فطوم المزيونه ) ... ( كلنا أبناء آدم وحواء وكلنا من تراب وسنعود الى التراب ) ... انا وياااج بهالراااي 100 % ... بس ... رب العالمين فرقنا و كرمنا ع النااااس بنعمتين ... * النعمه الاولى هي ( الاسلام ) ... و الحمدلله , العرب و العيم كلهم مسلمين , وهالشي ما يختلف عليه اثنين .. * النعمه الثانيه هي ( العروبه ) .. وهالشي لازم نفتخر فيه لأبعد حد ... العروبه تميزنا عن باجي الاعراااق و الجنسيااات ... وكيف ما تبيني افتخر بنسبي وجدي هو ( قحطااان ) .... لكن هالاياااام , اختلط الحابل بالنااابل ... فنجد ف المجتمع الاماراتي العرب و العيم و البلووش .. وكلهم ع العين و الرااااس .... ( من عاشر قوما اربعين يوما صار منهم )... وهم الحين صارو منا و فينا ... جني طولت ف ردي .. تسلم يمناااج ع المووضوووع الراااايع ... تقبلي مرووري ... Qanes ALreem [/align] |
تسلميين خيتو ع الوضووع و نرقب يديدج |
مشكووووووووووووووووووورين ع المرور الغاوي و مثل ما قلتوا ((لا فــرق بـيــن عـــربــــي و اعـجــمـــي الا بــالـتــقـــوى )) و كلنا مخلووقين من تراب و كلنا عيال ادم وحواء |
لا فــرق بـيــن عـــربــــي و اعـجــمـــي الا بــالـتــقـــوى تسلمييييييين اختيهـــ طبعا" كلنا نفتخر بنسبنا وانا افتخر بنسبيهــ وجديهـــ (ياس بن عاامر) |
السلام عليكم ورحمة الله وبركاته هب عيب أفتخر بأصلــــــــــــي وأهلي بس قبل كــــــــــــــل ِشي الواحد يفتخر بدينهـــــ ع أســـــــــــــــاس الدين هـــــــــــــو معيار التفاضل الاساسي بين النــــــــــــــاس ولكن كل مــــــــــــــــنا لهــــــــــ عاداتهـــــــــــــ لي ما يقدر يحيد عنها كل الشكر لجــــــــــــــــ أختي وسلمت يمناجـــــــــــــــ ربي يعطيجـــــــــــــ الصحهـــــــــ والعافيهـــــــــ^^ |
| الساعة الآن 07:40 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir