|
شرح التصوير من موضوع ▲▼ŠĿΌώ⇆Šћцttéя▼▲» السلام عليكم ورحمة الله وبركاته لعيونكم بشرح لكم ..^^ ومابي مشكور وتسلم وغيره كل اللي اباه انكم تشغلوا مخاخيخكم عدل وتفهموا عدل واطبقوا ...^^ هع ..^^ المهم ... اول شي بوضح لكم بعض المفاهيم للي ما يعرفها ... يعتمد تصوير السلو شتر ... على الإضاءه كعامل اساسي .. اصلا كل التصوير يعتمد على الإضاءه واللي يتحكم بالإضاءه في الكاميرا ثلاث اشياء .. واظني كررتها بأكثر من موضوع فتحة العدسه و الآيزو وسرعة الشتر اول شي فتحة العدسه كل ما كانت ضيقه كل ما كان الضوء اللي يدخل الكاميرا شوي فلهذا لو احتجنا اننا نصور بفتحة عدسه ضيقه ونحتاج ضوء نعوضه بالآيزو... والعكس صحيح... والحينه بتسألوا متى نحتاج نصور بفتحة ضيقه ومتى نحتاج نصور بفتحه واسعه الفتحه الضيقه ويكون الرقم مالها تقريبا f15-f22 هاي نصور فيها مكان واسع لنها بتحدد كل شي وبكون كل شي واضح وهاي تصلح للتصوير الطبيعه اما الواسعه وتكون f4.0-f2.5((على فكره هاي ارقام تقريبيه يعني في فتحة اوسع توصل ل 1.5) عموما ... هاي للتصوير الأشياء القريبه ونبا فيها نحدد الشي اللي نبا نصوره والخلفيه تكون مب واضحه ... يعني مثلا نبا نصور ياهله وتكون هي واضحه واللي وراها مب واضح نختار هاي القيمه من فتحة العدسه ... اتمنى كلامي واضح.. وهنا الصور تبين ها الشي http://www.omanibfs.com/uploaded/1_1202194331.jpg http://www.omanibfs.com/uploaded/1_1202194417.jpg لاحظوا الورده بالأولى فتحة العدسه واسعه فتحددت هي واللي وراها مب واضح .. طبعا لو صورتوها وطلع فيها ضوء واايد خلوا الآيزو 100 والشتر 400 كما هو موضح تحت الصوره والثانيه العكس ..^^ http://www.my.eqla3.com/rashed/dof7.jpg فكلما كانت فتحة العدسة ضيقة كان عمق الميدان كبيرا ، وكلما كانت الفتحة واسعة كان عمق الميدان ضحلاً والحينه بخبركم كيف تفرون فتحة العدسه لأصحاب الكانون اما النيكون ما ادري ..سوري >< اول شي تحولون الإعداد للمنول ... بتشوفون بالدواري اللي يدور خخخ حرف ال M وعقب اضغطوا على رقم واحد وتموا ضاغطين ...وفروا رقم اثنين لين ما تختاروا العدد اللي يعجبكم والحجم اللي تبيونه ولو شفتوا الصوره ما عجبتكم ردوا غيروا الإعدادات ..^^ http://i688.photobucket.com/albums/v...SSKK/canon.jpg بها الطريقه غيرتوا الاعدادات مال فتحة العدسه والحينه نيي على الشتر ... الغالق : هو عبارة عن منفذ يتحكم بمدة دخول الضوء إلى الكاميرا فكلما كانت سرعته أعلى .. كلما كان الضوء الداخل أقل . وكلما كانت سرعته أقل .. كلما كان الضوء الداخل أكثر http://saud-p.com/tutorials/tut_3_1.jpg احيانا نبا نصور سرعه 500 ونبا ضوء ... نعوض ها الشي في الآيزو نزيد من جيمته وبهاي الطريقه يدخل الضوء ولو ماشي فايده نوسع فتحة العدسه ولو ماشي فايده روحوا البيت خخخ قصدي حاولوا تزيدوا الإضاءه او تقللوا من الشتر شوي ...^^ ISO وهي الحساسية الضوئية فكلما زادت هذه القيمة ؛ قل احتياجنا للضوء ، وكلما قلت هذه القيمة زاد احتياجنا للضوء ، وتبدأ من في غالب الكاميرات تبدأ من 100ISO وتصل إلى 1600ISO وأكثر ، مع العلم أن زيادة القيمة تؤثر في دقة الصورة حيث تظهر بعض الحبيبات الصغيرة في الصورة . وطبعا بحط الشرح منفصل احسن ..^^ عموما ها التمهيد لكيفية التقاطة صوره مثل الصور اللي انا صورتها والحينه اظني عرفتوا كيف صورت صح ؟... ما عرفتوا ؟...:090: خخخخ ما عليه بخبركم بس لما بشرح الحينه بتكونوا عرفتوا الشتر والآيزو وفتحة العدسه والحينه يتبع ... بشرب شاي وبرد لكم ..:mornincoffee: اوووبس صايمين ..:426: >< ... خخخخخخ عموما محد يرد بحطي الحينه كيفية التصوير ... |
الحينه نبدا .. اول شي تختاروا مكان جميل مثل راس الخيمه فديتها ..^^ المهم .. تختاروا مكان... واتيبوا وياكم العده وهي كالتالي... واحد http://www.azaka.net/old_gfx/stand1.jpg ستاند ... (يوم تشتروا الأستاند اختاروا نوعيه ممتازه يكون احسن لكم واريح ولما تردوا البيت العبوا بالإستاند بدون الكام وشوفوا كيفية فتحه وكيف تستعملوه يكون احسن عسب ما تواجهوا صعوبات يوم تصوروا وانتوا ما تعرفوا تستعملوه ..^^) وثاني شي وطبعا مب مهم لكن لضمان صوره اجمل واوضح .. الريموت http://vb.q8ia.com/imagehosting/23234871d3b5a875e.jpg والحينه تثبتوا الإستاند ... والكام فوقيها ... اظني تعرفوا تثبتوا الكام بالإستاند صح ؟ لو ما تعرفوا خبروني .. المهم بعد ما تثبتوا الكام ... يجي الشغل المطلوب .. اختاروا زاويه من ذوقكم ... والمكان طبعا يكون فيه حركه مثل اللي صورته عند الإشاره ... حولوا الكام للمينول .. M والحينه براويكم كل صوره وشو من الإعدادات اللي سويتها وانتوا سووا شراتها ولو شفتوا الصوره مظلمه زيدوا من الآيزو ولو شفتوها فيها ضوء وايد قللوا من الآيزو ولو شفتوا بعد فيها ضوء وايد ضيقوا من فتحة العدسه ولو ماشي أمل زيدوا من سرعة الشتر طشونه خخخ .. (على فكره نسيت اخبركم كيف تفروا الشتر ... تشوفوا بالشرح فوق ؟ .. يوم قلت اضغطوا رقم واحد وعقبها رقم اثنين عشان تغيروا من فتحة العدسه ؟.. اهنيه فروا رقم اثنين بس بدون ان تضغطوا على رقم واحد وبيتغير الشتر للشي اللي تبونه) والآيزو مكتوب عليه الزر بتشوفونه ... http://i688.photobucket.com/albums/v...K/bosskk23.jpg سرعة الغالق(الشتر):30.000 يعني 30 جزء من الثانيه .. وها ابطأ شتر عندي .. فتحة العدسهF:20.0 الآيزو:100 الزوم:55.0MM http://i688.photobucket.com/albums/v...KK/bosskk8.jpg سرعة الغالق(الشتر):2.500 فتحة العدسهF:25.0 الآيزو:100 الزوم:24.0MM http://i688.photobucket.com/albums/v...KK/bosskk4.jpg سرعة الغالق(الشتر):10,000 فتحة العدسهF:22.0 الآيزو:100 الزوم:70.0MM اتمنى فهتموا عدل واي استفسار انا حاضر وان شاء الله اقدر افيدكم بشي ... |
عليك السلام ورحمة الله يعطيك العافيه ع الشرح بصراحه تستاهل الـ 5 نجوم على هيك مجهود امس جربت اصور بالسلو شتر بعد ما شفت صورك وجي عرفت كيف اصور بس بعدني ماعرف شو الايزو والشتر :426: هع براويك الصوره .. لا تسالني شو هالشكل خخ http://www.iraqup.com/up/20100820/QT..._275141851.jpg انزيييييييين ومره ثانيه مشكور ويعطيك العافيه ع الشرح تقبل مروووووري ^^ |
السلام عليكم ورحمة الله صبآآح الموآضيع اللي تفتح النفس هع .. سبحآآن الله .. توني اقول حق اختي بطرش له رساله بخليه ينزل شرح وبسوي بزنس بيني وبينه هههههههههههه والحين اجوفك منزل الموضوع ^^ الصرآآحه شرحك ترتبيشن .. فهمت .. واخيرا عرفت شو السالفه صح اني اصور واحب التصوير ومشرفة قسم التصوير بس بصراحه وايد اشياا انا ماعرفها ---> لا تضحكون خيخيخي مآآ شالله عليك مآآ قصرت .. كفيت ووفيت بشرحك واكيد الكل بيستفيد .. واولهم اناا تسلم ع المجهوود.. ولك حلى تقييم =) |
وعليكم السلام والرحمة أول شي أحب أشكرك على مجهودك الرائع في طرح الموضوع وما شالله عليك كفيت وفييت في الشرح والتوضيح بالأمثلة والصور وبصراحة أنا أحب التصوير ومن زمان خاطري أتعلم عنه أكثر ودايما يوم أجوف ردودك على الأعضاء أفكر لو تنزل دروس عن التصوير وأكيد كل الأعضاء المهتمين بالتصوير بيستفيدون منها وخاصة المبتدئين مثلي والحين خذت فكرة بسيطة عن بعض الأشياء لأن بصراحة في أشياء ما فهمتها عدل لأني ما قدرت أطبقها صح أن عندي كاميرا كانون بس صغيرة مب نفس اللي انته تشرح عليها وأن شالله الموضوع برد أقراه مرة ثانية وثالثة عشان أفهمه أكثر ومشكور مرة ثانية على الموضوع وتستاهل أحلى تقييم على مجهودك والله يعطيك العافية ولا تحرمنا من يديدك |
اقتباس:
هههه اختي الشتر اللي هو لما اتصوري ...يوم تضغطي على زر التصوير يطلع صوت تشك .. يعني مثل شي يتسكر ويرد يفتح ... وها مثال للشتر YouTube - SLR Camera shutter speed setting demo والآيزو هو اللي يدخل ضوء زياده لو احتجتي للضوء لو ما احتجتي للضوء ماله لزوم يعني مثلا صورتي شي بالبيت وشفتي الصوره اللي صورتيها مظلمه ... اضغطي على زر الآيزو وزيدي ..مثلا لو كان 100 خليه 400 وردي صوري..^^ فهمتي؟... وهاي الصوره التطبيق جميل لكن الظاهر انتي حركي الكام صح؟ يعني انتي ما حركتي الضوء ورسمتي الظاهر انه الضوء ثابت وانتي حركتي الكام صح؟ عموما التطبيق جميل لكن ابدعي عاد نبا نشوف ابداعات وافكار .. سوي حروف واشكال ..^^ وإعداداتج كالتالي ..يوم صورتي هاي الصوره 40.000s f14.0 iso 400 سوي نفس التطبيق بس على 30.000s وشوفي شو بيطلع أو خلي ال شتر مكانه 40.000 والآيزو خليه من 400 ل 200... ^^ |
اقتباس:
صباح الردود اللي ترد الروح خخخخخ ههههههههههههههه سبحان الله.. بزنس ..؟ .. زين زين بس من الحينه اقولج 90% ارباحي خخخخخخ هههههههههههه زين اني قدرت افيدج ..^^ وتسلمي على احلى تقييم ..^^ |
اقتباس:
والحمد لله اني قدرت افيدج ولو بشي بسيط ...^^ واتمنى نشوف تطبيقاتج وتختاري كام كانون نفس اللي بالصوره ..^^ نورتينا بردج الجميل ..^^ لا تحرمينا من ها الردود خيتو ..^^ |
شكراً أخوي البوس على الرد بس عندي أستفسار صغير الكام اللي عندي صغيرة و من شهرين تقريبا ماخذتنها ونوعها Canon Digital IXUS 100 IS فهل أقدر أطبق فيها بعض الأشياء اللي شرحتها ولا لأ ؟ والسموحة |
اقتباس:
وهاي الكام كتغطيه .. ولا تصوري الاحداث .. ولا تصوري رحله .. ولا تصوري تصوير عام .. تصويرها جميل .. 12 مغيابيكسل ..تستفيدي منه يوم تطبعي الصوره او يوم تصغريها ما يأثر..وها شي جميل .. - تقنية مثبت الوجه ... وها شي حلو لما تصوري البروتريه (تصوير الأشخاص)يوم تصوري حد من اليهال او اي شخص بتصوريه بتحدد روحها الوجه وفيها تقنيه حلوه انها تلون الوجه باللون الطبيعي وتشوف لون البشره بعد .. يعني شي ممتاز ..^^ - تقنية HD ... يا سلااام على ها الوضع ..(جيكي على تصوير الفيديو ودشي على القائمه وشوفي خيارات التصوير لو شفتي مكتوب ..{640على 480} يعني تقدري تصوري فيديو بتقنيه واضحه وها الشي وايد حلو .. يمكن أخذ وحده ..^^ .. ولكن ... اختي التصوير اللي انا اصوره يباله كاميرا slr والكاميرا .. انواع ..وهاي قبل الإحترافيه بدرجه... اما الكام مالج .. انصحج اتمي عليها .. كملي فيها سنه .. لين ما تتقني التصوير واختيار زوايا وغيره .. خذي نفس مالي canon 550D لو خذتيها الحينه ما انصحج لنج ما بتعرفي لها وايد ... انتي تمي على هاي الكام فتره لا بأس بها لين ما تتقني التصوير وفكرة التصوير وشوفي نفسج هل انتي تحبي التصوير ولا لا؟ لو شفتي عمرج واثقه انج بتمي اتصوري خذي الكانون اللي نفس مالي.. حطي فبالج انج لما تشتري الكام نفس مالي ما بتشتري بس كام .. فشوفي ميزانيتج وشوفي شو تحبي .. لو مستعده تخسري عشان التصوير فأقولج خذي لنج بتشترين الكام .. من غير بتشترين عدسات وفلاتر وإستاند وميموري وترابود باتري وغيره وغيره .. فيباله ميزانيه ... ^^ والسموحه لو طولت عليج ... |
الله يعطيك العافية أخوي البوس على الرد والتوضيح وما قصرت وبصراحة أول مرة أدري عن مميزاتها لأني كنت ماخذتنها حق التصوير العام وكان أهم شي عندي أن تكون ماركتها أوكي وتصويرها واضح وما كنت مهتمة واايد حق باقي المميزات بس ما شالله عليك لفت انتباهي حق أشياء ما كنت أعرفها وبالنسبة حق تقنية hd - موجودة في الكام وبنفس الأرقام اللي ذكرتها وفي ارقام ثانية بعد ورأيك صح .. بتم عليها فترة وإذا حسيت نفسي متمكنه من التصوير هاذيج الحزة باخذ وحده يديده ومشكووور مرة ثانية على الرد والنصيحة وما قصرت |
مرحبآ ،، مآشاء الله عليك شو هالششرح آلحلو خخ ، صراحه مافهمت شي !! <<< لاتقولين !! ههههههه انا بعيده عن التصوير .. بس ساعات اتيني هفات ابي اصور ... واصور حيالله شي اي كلام اخبص فوق تحت ههع بس اكيد المصورين اللي عندنا استفادوا كثيير ^^ تسلم ع المجهوود الحلو ، وتسستآهل آلتقييم وربي :ast7eee: |
وعليكم السلام ورحمة الله وبركاته هلا هلا ها الدروس ولا بلاش خخ . يا في وقته . بجرب اللحين اللحين . لول . .. تسلم ع المجهوود . و الشرح الواااضح . و لي باك بالتطبيق انشاءالله ^^ يعطيك العافيه |
سلامة.. افا عليج اختي ..^^ وحاولي تقرأي الكتاب اللي ايي ويا الكام ... الكاتالوج مالها .. وايد بفيدج ... وان شاء الله نشوف ابداعاتج ..^^ بنوته كول ..^^ طع هاي هههه انزين حاولي تتعلمي بتستفيدي وايد ..^^ يسلمو على التقييم.. مس بدويه.. ههه افا عليج خيتو .^^ اتريا التطبيق ...^^ |
[align=center] وعليكم السلام ورحمة الله وبركاته .. ههههه خلاص .. تم عميه (مخاوي الإبداع ) بنشغل المخ وبنلبق ليتات عيونا هع..>> المهم نفهم لآآه ..:lol: دقايق بسير أييب الكام وبرجع هع.. وصلت بسلام .. اقتباس:
أها .. فهمت هذي النقطة >> عدت على خير ^^.. أنا عندي الفتحة من F3.5-F5.6 .. وعندي عدسة الماكرو بس ما أدري جم رقم فتحتها هع.. انزين ممكن سؤال : أكيد ممكن خخخ..:ans_flw: بأي مقاس من الفتح نحتاي فيها للفلاش .. يعني إذا بغيت أركب فلاش ولا هذا يعتمد ع الشي اللي أنا بصوره ؟!:1711: اقتباس:
يب يب .. يعني أنا ميداني حاليا ضحل هع تقريبا .. ماشاء الله عليك عميه شرحك حلو كمل ^^.. >> مصدقه انك عمها هع.. اقتباس:
اقتباس:
كنت أصور أي شي خخ.. والله أن شرحك وافي وفادني بوايد أشياء طانكو بكبرها ما توفيك يور حق هع هع..:az_flw: اقتباس:
المينول .. يعني تحكم يدوي صح ؟! يعني لو اخترت ال Auto بيضبط لي الكام بروحه ؟! وبس وجان أفهم كل شي " الحمدلله ربك يسر " هع..:4567: بس المشكله أن ما مداني أشتري ستاند .. ماي ستاند وايد وايد صغير هع.. وبعدين أنا ثابته ما أهتز وايد ههههه..:lolr43: ماشاء الله عليك.. عيبني الشرح وخذت 10/10 في الشرح ممتاز ..:169: وحبتين لشخصك الكريم :7bteeen:.. وحبتين لعقلي المفتوح هههههه:7bteeen: وربي يعطيك ألف ألف عافيه .. وفطور العافيه ع قلبك مقدما خخخ.. استفدت منك عميه ربي يخليك لنا .. [/align] |
[=ζـڪآﭔﮥ ٳِنسآنـہ;1044428313][align=center] وعليكم السلام ورحمة الله وبركاته .. ههههه خلاص .. تم عميه (مخاوي الإبداع ) بنشغل المخ وبنلبق ليتات عيونا هع..>> المهم نفهم لآآه ..:lol: هيه زين لبقي الليتات ههههه ..^^ ويا ها المخاوي الإبداع .. ههه شكلي بعتمده نك نيم ..هع دقايق بسير أييب الكام وبرجع هع.. لا اطولي ...وهاتي ماي وياج ..خخ وصلت بسلام .. الحمد لله على السلامه أها .. فهمت هذي النقطة >> عدت على خير ^^.. زين انج فهمتي ...ههه أنا عندي الفتحة من F3.5-F5.6 .. وعندي عدسة الماكرو بس ما أدري جم رقم فتحتها هع.. انزين ممكن سؤال : أكيد ممكن خخخ..:ans_flw: لا مب ممكن مب على كيفج ... لووول ..^^ بأي مقاس من الفتح نحتاي فيها للفلاش .. يعني إذا بغيت أركب فلاش ولا هذا يعتمد ع الشي اللي أنا بصوره ؟!:1711: امممم .. سمعي .. مقاس فتحة العدسه تعتمد على الشي اللي تبين تصورينه ويعتمد على الإضاءه... الفلاش ما يخصه .. يعني كمثال يمكن انتي تبين تصوري ورده وتبين تخليها واضحه واللي وراها مب واضح .. فأكيد بتختاري اقل عدد لفتحة العدسه (يعني فتحة عدسه كبيره).. يعني فتحة عدسه واسعه ... وبهاي الحاله ومادام فتحة العدسه واسعه يعني انها بتستقبل ضوء اكثر ... فماله لزوم للفلاش اما لو كان مظلم وايد اوك استخدمي الفلاش بس على فكره الفلاش مب بس للأماكن المظلمه ..^^(فهمتي؟..) هه يب يب .. يعني أنا ميداني حاليا ضحل هع تقريبا .. ماشاء الله عليك عميه شرحك حلو كمل ^^.. >> مصدقه انك عمها هع.. هيه عمج وتاج راسج ... خخخخخ ... انزين بكمل ..^^ أها .. أيـــوا اللحينه فهمت عيل كلامي اللي فوق ماله معنى هع.. ظهرت عندي الأرقام بعد التغيير من F22-F3.5 هع وطبعا أختار اللي يعيبني .. وجان استانس اللحينه صدق صدق فهمت.:tooth: طع وانا متعب عمري بعد بالرد ... ههههه... زين استانسي دوم ..عل الوناسه ما تفارقج ..^^ كل يوم غيري بفتحة العدسه واستانسي هههههه هههههه.. اللحينه عرفت أني كنت مثل الأطرش بالزفه هع..:a040: كنت أصور أي شي خخ.. والله أن شرحك وافي وفادني بوايد أشياء طانكو بكبرها ما توفيك يور حق هع هع..:az_flw: هههه زين اعترفتي انج اطرش ...خخ لالا شو تصوري اي شي ... لو بتصوري صور كتغطيه صوري اي شي اما لو بتصوري صور تبينها تطلع حلوه لازم تجيكي على الإضاءه وتختاري زاويه مناسبه وتحاولي اتبيني جمال الصوره وتوضحي موضوع التصوير... ولقم خيتو ولقم ..^^ شو ها الرمسه ما فهمت شي .. عربي على انجلش ..هه يب يب أفداها بروحي ودمي وكامي بعد خخخ..:13: اوك هاتي الكام ...هه المينول .. يعني تحكم يدوي صح ؟! يعني لو اخترت ال Auto بيضبط لي الكام بروحه ؟! هيه صح بس المينول احسن لج ...^^ وبس وجان أفهم كل شي " الحمدلله ربك يسر " هع..:4567: بس المشكله أن ما مداني أشتري ستاند .. ماي ستاند وايد وايد صغير هع.. وبعدين أنا ثابته ما أهتز وايد ههههه..:lolr43: هههه ما يخصه ما تهتزي وايد ولا غيره ههه بس لازم الإستاند اي حركه لو بسيييييييييطه ممكن تخرب على تصوير السلوشتر ... ماشاء الله عليك.. عيبني الشرح وخذت 10/10 في الشرح ممتاز ..:169: وحبتين لشخصك الكريم :7bteeen:.. وحبتين لعقلي المفتوح هههههه:7bteeen: وربي يعطيك ألف ألف عافيه .. افأ عليج خيتو ..^^ هههههه شخصي الكريم قالت ههههههه وفطور العافيه ع قلبك مقدما خخخ.. الله يعافيج ..^^ استفدت منك عميه ربي يخليك لنا .. الحمد لله انج استفدتي ها المطلوب خيتو ..^^ اتمنى اني اقدر افيد الكل ..^^ |
هيه زين لبقي الليتاتههههه ..^^ ويا ها المخاوي الإبداع .. ههه شكلي بعتمده نك نيم ..هع هههههه..خلاص قول تم وغيره >>بنت أخوك لآآه ما يصير هع..:lolr43: لا اطولي ...وهاتي ماي وياج ..خخ جكيته .. عميه شكله فاطر اليوم هع.. آسفين خلص الماي أمس ههه..:78650: لا مب ممكن مب على كيفج ... لووول ..^^ ههههههه أفا بنت أخوك شو نسيت ..:14: أنزين أنا سألت وخلصت هههه وانت جاوبت وما قصرت ..:7799: فماله لزوم للفلاش اما لو كان مظلم وايد اوك استخدميالفلاش بس على فكره الفلاش مب بس للأماكن المظلمه ..^^(فهمتي؟..) هه فهمت فهمت دونت وري ..:d-uae0(1): الفلاش يعطي نظارة للصورة وله شغله مهمة أنه يعمي العيون هع ..>> شكلي بنضرب..:11: أنا جربت أستخدمه مرة يوم كنت بدبي >>تتذكرعميه هههه .. فظهرت ع البلكونه عسب أصور البنايات وجيه بسالصورة مول ما كانت واضحه عقد فيني الفلاش .. هيه عمج وتاجراسج ... خخخخخ ... انزين بكمل ..^^ هههههههه .. متابعه :: طع وانا متعب عمري بعد بالرد ... ههههه... زين استانسي دوم ..عل الوناسه ما تفارقج ..^^ كل يوم غيريبفتحة العدسه واستانسي هههههه لا حتى بردك فهمت أكثر ^^ آآمين .. وياك يا رب.. هههههه.. إن شاء الله.. هههه زين اعترفتي انجاطرش ...خخ ههههههه .. مب زين عليك.. كنت مثل الأطرش بس اللحينه لآآ ههه. لالا شو تصورياي شي ... لو بتصوري صور كتغطيه صوري اي شي اما لو بتصوري صور تبينها تطلعحلوه لازم تجيكيعلى الإضاءه وتختاري زاويه مناسبه وتحاولي اتبيني جمال الصوره وتوضحي موضوعالتصوير... أها.. وهذا اللي أحاول أسويه وان شاء الله بنستفيد من دروسك يا العم ^^ ولقم خيتو ولقم ..^^ شو ها الرمسه ما فهمت شي .. عربي علىانجلش ..هه ههههههه .. هيه مكس .. شقى يعني ما فهمت ورديت عليه هههه.. اوك هاتي الكام ...هه هههههههه .. لا حق راك مب حقك.. هيه صح بسالمينول احسن لج ...^^ شورك وهداية الله ^^.. هههه ما يخصه ما تهتزي وايد ولا غيره ههه بس لازمالإستاند اي حركه لوبسيييييييييطه ممكن تخرب على تصوير السلوشتر ههههه لا تضحك هع.. ان شاء الله طرش لي الاستاند مالك.. افأ عليج خيتو ..^^ هههههه شخصي الكريم قالتههههههه عميه بسك لا تعلق خخخ انت صايم خخخ.. الحمد لله انج استفدتي هاالمطلوب خيتو ..^^ اتمنى اني اقدر افيد الكل ..^^ ان شاء الله بتفيد الكل ^^ |
سووو ناااااااااايس تسلم الاااايادي |
مشكــــــــور وايـــــد وايــــــــد استفدت كنت ماعرف حق عالاشياء >> الحين عرف كل شي شرحـكـ كان وايــد حلو و فهمت بسرعه ثــــانكــــــس ع المعلومات المفيده |
niiiice thaaaaaaaaaaaanx waaaaaaaaayd 3l6r7 elmmyz ntr8b elzooooooooooooooooooooood |
| الساعة الآن 09:06 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir