|
الكـــــٌٌٌـــــاتبه قََلََب(( r))ضََحََيََةَََ حََب بسم الله الرحمن الرحيم *#ضحيه حب #* للكاتبة : قلب R الجزء الأول : عائلة ابوسهيل** أم سهيل (شمسة ) أبو سهيل ( محمد ) ، الاخو العود سهيل العمر " 34 " ، سعيد العمر " 25 " ، و بطل القصة ""رااشد "" العمر "18" الأخت الوحيدة ولي هيه اكبر وحده مريم العمر " 49 " وخدامتهم فلبينية ميري العمر " 28 " نعرفهم : ؟؟؟ أم سهيل : غير حضاريه أبدا وما تحب زمان ألحين وااايد مال أول بس واايد طيبة وعلى نياتها بس كله أتصارخ طبعا من ضيجة راشد اللي حاط دوبه دوب هل المسكينة أبو سهيل : كل حياته العزبه كله يدور عن الناقة السنعه على قولته ويبيع و يشتري ماعنده شغله بس وايد يحب أم سهيل .... سهييل : حبوب و محترم أكثر عن اللزوم على قولت رااشد ما شاء الله عليه احسن واحد في اخوانه و كله عند أبوه فالشغل العزبه لين ألحين ما معرس لأنه يشوف كل البنات نفس الشي حتى ما يحب البنات و امه دووم حاشرتنه و لا منه فايده ليششش؟؟؟؟؟ سعيد: ولا خصه في الدنيا همه بنات الخلق وبس يموت يوم يشوف بنت تييه حاله نفسيه ... امزح ... ولا معرس !!!!؟؟ حليييو..... مريم : هيه اكبر وحده و اعقل وحده حلوه طالعه على امها و ابوها و معرسه و عندها بنت وولد ريم و خالد ما شاء الله عليهم احلى عن القمر .... ورااااشد : حللللووووو وااااايد احلى شي فيه عيوونه يذبحن و خشمه و لعاااب أكثر عن سعييد يحب البنات كل اسبوع وحده ماا يشبع بس حبووب ، غببي ، بس سوااالف ما يسمع الكلام مرره ودوووم مطفر بأمه مضيجبه بس تموووت فيه .... عائلة أبو سيف ** أم سيف ( عائشة ) ، أبو سيف ( عبدالله ) ، الأخو العود سيف العمر * 19* ، علي العمر * 12* ، ناصر العمر *11* والصغير راشد وعمره *3سنين* اما البنات مزنه وهيه بطله القصه وعمرها * 15 * ، شمه عمرها *13* و حصه عمرها *7سنين* وخدامتهم أثيوبيه آشي وعمرها *23* : ونعرفهم ؟؟؟ أم سيف : واااايد ضارب فيها التطور الأنها دارسه الثانويه كانت حامل بسيف يوم كانت في الثانويه فيها شوية بطره بس طيبه .... أبو سيف : طيوب ، حبوب وعكس حرمته وااايد متواااضع يمكن الانه حتى ما مكمل لعداديه ههههههه كان قبل ما يعرس لعااااب وااايد يلعب بفلوسه اذا لقى ربيه فمخباه عقها فمكان بيموت اذا خلاها ..... سيف : وااايد محترم , واايد يحب أمه وأبوه ويحترمهم حتى كل الحريم اللي يشوفنه يحيزنه حق بناتهن بعدهن بيضاربن عليه يوم من الأيام هههه .. ومزيووون طالع على أبوه ذااك الخشم هههه .. وااايد متفوق في دراسته هو فالجامعة ألحين وكله يفكر في الدراسه يمووووت عالسيااااراات كل شهر سياره .... ناصر : وااااااااايد طفره و طفرته مره مب حللوة واااااااااايد خايس وسخ ومره مب محترم يبا حد يدزله ويه و محد دازله ويبا يضحك ولا يعرف كيف .... علي : البخل ضارب عليه ضربه على منوه طالع محد يعرف ، بس واايد يضحك ، وااايد كسلااان في الدراسه بغااام ما يعرف شي غببببي مع انه كل خوانه شاطرين واايد بس شمه كسلانه نفسه بغماان هم الاثنين .... مزنه : حبوووبه وااايد ، طيووووبه وااايد ، عنيده وبسرعه اتضيج وحلووه طالعة على أبوها شاااطره بسس واااااااااااااااايد مشاغبه في المدرسه بشكل فظييع كل يوووم مشكله في المدرسه دوووم ، رومانسيه بس محترمه يعني هيه تبى تاخذ واحد بعد قصة حب بينهم واهم شي ما يكون من هاذيل اللعابين اللي ما يعرفون يحبون .... شمه : عياااازه ما تروم تنش من مكانها صبعها تعويز تحركها وكسلااانه في الدراسه بس حليوه طالعه على يدتها ودووم ساكته ولا تشاغب في المدرسه عكس ختها مزنه مره هاديه ولا ينسمعلها نسخ ..... حصه : دبببببه ، بس احلى شي فيها انها تسمع الكلام عكس الباقين ... راااشد : حلللليو ، وااااااااااااااااااايد حبوب ، يضحك اللي فعمره ما ضحك من كلامه و حركاته وآخر دلع مدلعينه امه وابوه و أخته مزنه تمووووت عليه هو كل حياته للحين !!... ### نبدأ القصه #### فمدرسة مزنه ( فالحصه ) .... كل البنات : ( بصوت عالي ) انا ابله انا ابله .. الأبله : عمى يعميكن أولن آمين (أبله الانجليزي من فلسطين ) كل البنات : آآآآآمييين ( عقب نقعن ضحك ) مزنه ( رئيسه المشاغبات ) : أبله ياخي نحن ما نعرف ما نقول انا ابله بنموت كل البنات : هيه ابله صدقها مزنه بنموت الأبله : عما يعميكم اوكيه لا تجاوبن خليكن هيك احسن اللي تريد ترفع ايدها بدون انا ابله البنات : حاضر ابله مزنه : ابله عيل انا ما بجاوب الابله : اه ماعندي مشكله ست مزنه عند المديره حالا مزنه : المديره مرة وحدة ابلة ما يصير اصلن انا حتى استحي اسير حق المديره بس عشان هالسبب السخيف الابله : اوكيه بنشوف ياست مزنه المشكله انك كتير شاطره يا ست مزنه مزنه : اعرف ..اعرف كل البنات : ههههههههههههههههههههههههههههههههه ( طبعا منقعات الضحكات ) الابله: بس .. بس عمى يعميكم يلا اقرئي يا ميثه ( ميثه ربيعه مزنه من اربع اسنين ) ميثه : aahmmd ( طبعا كله aa ) ودق الجررررس : ترررررررن كل البنات : فككككه والكل طلع يحوط اول ما دق الجرس ومزنه ربععت اتشووف معجبته (ريم ) تموت عليها يلسن هيه و ميثه رادات يايات ورييم مررره مستحيه من مزنه ، مزنه احلى عن ريم بمليون مره ويت تربع ابله الدين مالتهم ويربعن الصف عاد ابله الدين ( ابله نوره ) الكل راقد فالحصه ولي تاكل ولي توايج من الدريشه للمنظر الخلاب ( سيييح ) محد رافع ايده إلا المتفوقات على قولتهم و مزنه ما منهن في حصه الدين وكل ساعه نقزت اتنكت على الابله والابله حليلها دووم اتسامحها ما تقول شي المهم ومضى الوقت وردن البنات بيوتهن مزنه ترد البيت نفس المينونه مرره تعبااانه وسيده علفراش لا صلاه ولا هم يحزنون وتقوم العصر تصلي وتروح تاكل عقب على التلفزيون عقب على التلفون بعدين ترقد وهكذا....هههههههه لا شغله ولا مشغله ** نروح لعائلة بوسهيل ** فالمدرسة رااشد .... ( فالحصه ) راشد واايد نكيت وكسلاان اونه يمدح عمره جدام البنات اللي يواعدهن انه من خمس اوائل وكله جذب حليييله (هههههههههههههههههههههه) الاستاذ يشرح وهو فعالم ثاني !!!! ولا انه يكون شارد من المدرسه ما يحب شي اسمه مدرسه ربعه حمد حبيب القلب و سالم و سلطان اللي طايحله ياهل ياهل وهو حليلله اعقل عنه بس هو ماشايف هشي يتحسب عمره ما يحتاي هههههه نروح لسهيل :: طبعا فالعزبه هو وابوه يعابلون العزبه سهيل : أبوي كم بريده انزل مشان الركاب ابو سهيل : اربع يسدن سهيل: نشاء الله ابوي وهكذااا ..... العصر ردوا البيت ويلسوا ويا العائله الكريمه أم سيف ، سعيد ، رااشد اللي ما يحب يبا يسير يحوط لاكن يعرف انه بتييه هزبه محترمه (ههههههههههه) أم سيف :ماني تعالي راشد : امي مب ماني ميري أم سيف : اسكت انت الفيلسوف اونك عاد دارس سعيد :( نقع ضحك يوم قالت دارس ) دارس هيه صح دارس راشد : (يأشرله انه بيقتله ) هيه دارس الحمدلله نفسك أتحسب لاتخليني اقول ترى بقول سعيد : اه خلاص بس عاد ( واصلن محد يسمعهم كالعاده ) أم سهيل: ها ابو سيف شو العزبه أبو سهيل: والله نفس ما هيه الحمدلله كل شي تمام أم سهيل: الحمدلله راشد : يلا انا اترخص ألحين عندي شغل انتوا كملوا سوالف أبو سهيل : شو هالشغل اللي شاغلنك عن اليلسة عند اهلك راشد: ربيعي داقلي يقول مغرز بسير اوصله أبو سهيل : انا ما شفت حد دقلك راشد: لا دقلي بس تراك اتسولف و يا امي أبو سهيل : هيه يمكن يلا عيل برايك بس أباك عقب صلاة العشا بلاقيك فالمسيد راشد: لا هو بعيد مب هنيه يعني مابيي هالمسيد أبو سهيل : هيه عيل برايك الله يحفظك أم سهيل : ولا تسرع انززززين راشد: آه هيه انزين انشاء الله امي أم سهيل : يلا مع السلامه اول ما طلع على طوول يطلع التلفون يدق لربيعته متعرف عليها فالجات ( بنت جميرا.. لقب البنت ) راشد : هلاااااا والللله ساره : هلااا حياتي شحالك ؟ راشد: حمدلله انتي شحالج ؟ ساره : بخيير مدامني سمعت صوتك حبيبي راشد: فديتج ساره : انت وين من متى اترياك اتدق راشد : ويا الأهل ساره : هيه ..علومك ؟ راشد : تسرج علومي شو الصحة ؟ ساره : زين راشد: حمدلله .... احبج ساره: وانا بعد احبك راشد : صبر صبر شوي حبيبي يطلب من الكافتيريا ومسولها طااااف من الخاطر ... طلب و يلس ايسولف وياها لين ما يخلص الكافتيريا عقب قالها صبرصبر ويلس ياكل ولا كأنه حد يتريا عالخط يوووووم عبر من لكل قالها انزين وين واصلين وهيه عادي عندها اصلن هو يضحك عليها يقولها يوم اقول صبر يعني ريال عندي وهويجذب ولا ياكل ولا يكلم الثانيه على التلفون الثاني وحليلها البنت على نياتها ما داريه بشي ..يوم دقت الثانيه قالها : حبيبي ادقلج بعدين اخوي عالخط اسويلج بعدين اوكيه ساره : اوكيه حبيبي راشد : يلا باي ساره : يلا باي شو بيستوي بين راشد و ساره ؟؟؟؟؟ سهيل هل بيحب ولا ... ؟؟؟؟؟ متشوقين تعرفون عن باقي القصه !!!!! نروح لسهيل... كان طالع السوق مطرشتنه امه اغراض للبيت ( سوق اللولو ) وهو وكان يشتري الاغراض يسمع صوت بنت شو ادب شو احترام متغشيه كانت . البنت : اخوي لو سمحت شوي سهيل : تفضلي ختي اسمحيلي والله ما شفتج البنت : لا عادي و سارت سهيل يقول بخاطره ليت كل بنات العالم جيه وراح فوق ياخذ اغراض له وهو خاطف شاف هالبنت ترفع الغشوه عشان تشوف غرض يمكن تبى تشوفه زين بس شوه شاف هو.. من قال ان القمر شبيهي .. عمر القمر مافاح منه عطور .. انا القمر و الفرق بيني و بينه .. نوري طبيعي والقمر مكتسب نوره .. قمرررر واحلى من القمر قال فخاطره الخشم والعيون شو جمال قال فخاطره ما شاء الله عن احسد البنت وهو خاطف من قربها شاف عدالها عيوز جنه شايفنها فمكان طالع زين عقب قال جنها خالتيه موزه هاي هيه خالتيه موزه عيل اكيد بنتها هاي بسير اسلم عليها . سهيل : السلام عليج خالوه خالته موزه : وعليكم السلام منوه سهيل : افا خالوه ما عرفتيني انا سهيل ولد محمد خالته موزه : هيه عرفتك اسمحلي سهيل : لا عادي خالوه شخبارج خالته موزه : حمد لله ولدي انت شخبارك شخبار امك و ابوك و اخوانك ؟ سهيل : حمدلله كلهم بخير انتوا شخباركم كلكم بخير خالته موزه : حمدلله كلنا بخير سهيل : وينكم لاتيون ولا تسؤلون خلاص باجر عدنا الغدى خالته موزه : انشاءلله ولدي خلاص بنيي ما روم اقولك لاء سهيل : هيه جيه اباج هههههههه عيل منوه ياي معاج ؟ خالته موزه : والله انا و نوره بنتي سهيل : هيه شحالج نوره ( طبعا منزل راسه من المستحى ) نوره : حمدلله (ومنزله راسها طبعا بعد وتقول فخاطرها توني شايفتنه ) سهيل : هيه عيل برايج خالوه مابلهيج اشوفكم باجر يلا برايج خالته موزه : يلا مع السلامه ولدي سلم على اهلك سهيل : انشاء الله يوصل وراح يحاسب على طول ركب السياره وراح البيت وهو يفكر فنوره شوي و شوي يقول لا انا احب شو خصني فهسوالف و حتى نسى الاغراض اللي كان يبى ياخذهن حقه وصل البيت وعلى طول دخل غرفته وفر عمره علكرفايه ويلس يفكر فيها منوه هالبنت اللي رامت تسحر قلبه وتخليه يحبها ونسى ينزل الاغراض اللي طلبتهن امه في السياره وشوي وحد يدق غرفته عليه سهيل : منوه ؟ أم سهيل : انا امك وين الاغراض شفتك دخلت ولا يبت الاغراض سهيل : لا يبتهن بس نسيتهن في السياره ألحين انزلهن من السياره أم سهيل : سهيل شي فيك تعبان مريض سهيل : لا امي ما فيني شي الحمدلله بس نسيتهن و قام من الكرفايه ها امي ما فيني شي أم سهيل : زين عيل ييب الاغراف من السياره ولا اقول حق الخدامه تنزلهن عنك سهيل : لا امي انا قايم ألحين هيه صح باجر بيون عدنا قوم خالتيه موزه عالغدى أم سهيل : يا مرحبا الساع والله الساعه المباركه بس انته وين شفتها خالتك موزه سهيل : شفتها فالسوق هيه وبنتها أم السهيل : منوه من بناتها سهيل : قالت خالتيه موزه نوره على ماظن أم السهيل :هيه هاي ما شاء الله عليها تقريبا كبرك او اصغر عنك ولا معرسه الانها ما مهتمه ألا بدراسته بس ما شاء الله فهالعمر بس شو جمال عليها جنها توها فالعشرين سهيل : هيه شو تدرس ألحين أم سهيل : شدراني انا ما اعرف ألا قراية القرآن سهيل :هههههههههه عادي انعلمج ههههههههه يلا بسير انزل الاغراض أم سهيل : جنه شافها اول مره يسأل عن بنت ياالله يرب ياخذها ويفرحني فيه و فيها ياارب وشوف عيالهم يلعبون جدامي ياارب فهالوقت كان راشد عند ربعه فالخيمه يلعبون بليي ستيشن راشد و سلطان راشد فريق البرازيل و سلطان فرنسا و طبعا كل مره يفوز سلطان على راشد الان راشد غبي راشد : ( عقب ما خسر رابع مره ) انا ما ابى ألعب عندك انته غماط ( واصلن راشد هو اللي يغامط وبعد ما يفوز الانه مره ما يعرف يلعب الشي الوحيد اللي خبير فيه يكلم البنات ) ويدق تلفون راشد شل تلفونه شاف رقم ساره رد عليها راشد : هلا ساره : اهلين حياتي راشد : شحالج ساره : حمدلله بخير دامك بخير راشد : انا مب بخير ساره : ليييييش راشد : للأني من ساعه ما سمعت صوتج ساره : هيييه والله خفت اتحسب شي فيك لا تخوفني عليك مره ثانيه راشد : تخافي علي ساره : اذا ما خفت عليك اخاف على منوه راشد : كثر شوه ساره : محد يعرف هالشي غير قلبي يأشر له سالم يقوله حطه سماعه خارجيه و حطه راشد سماعه خارجيه راشد: حبيبي غنيلي ساره : لااااا ما ابى مب حلوو صوتي راشد : عشاني اذا تحبيني ساره : اوكيه عشانك بس انا قتلك ان صوتي مب حلووو ما تضحك علي يوم تسمع صوتي راشد : يسد اني اسمع بحت صوتج ما يهم حلووو ولا لاء ساره : ( تغني ) تدري اني موت احبك و ان مالي غير حبك ..... وكل الموجود فالخيمه يسمعون والكل حط ايده على اذنه راشد : عـــــسل وااااايد حلو يسلملي هالصوت اموووت عليج انا ساره : حياتي لا تجاملني اعرف ان صوتي مب حلوو يعني عادي قول ما بزعل راشد: حبيبي انا اصلن ما اعرف اجامل بس صوتج وااايد حلوو ساره : عيونك الحلوه حياتي راشد : عيونج للأحلى ساره : ثنكس راشد : بكس ( بدى الخبال ) ساره : ههههههههه ثنكس يعني شكرا راشد : هيه تراني اعرف بس انتي ما نطقتي الكلمه زين ما سمعتج تقولين تنكس ساره : ثنكس مب تنكس هههههههههههههه راشد : اعرف بس اتمسخر وياج.. اقوول يلا بخليج ربعي يوا (وهم اصلن من متى عنده يتسمعون ) ساره :اوكيه يلا باااي راشد : يلا بيباي ....................... نروح لمزنه : تعشت ويلست الطالع التلفزيون ما ترقد لين ما يي سيف حطت امبيسي تو طالع فلم رومنسي روووعه الفلم يتكلم عن ان واحد حب وحده وهي حبته عقب استون في صعوبات في انهم يتزوجوا وفالاخير اتغلبوا على هالصعوبات وتزوجوا وعاشوا هانئين للأبد فآخر الفلم كانوا مطلعين لقطه ماسخه و مزنه تصد عند هالقطات ويدخل سيف سيف: شوه تطالعين ؟ مزنه : بسم الله والله كنت صاده عنه حرام عليك سيف : هيه اتحسب ليش اتطالعين امبيسي تو انتي اصلن مزنه : اطالع اصلن اللي يطالع الافلام من يوم هو اصغير يتعلم الانجليزي و يصير فيلسوف فالأنجليزي نفسي انا يعني سيف : بس الافلام ازينه مب الخايسه نفس اللي تطالعينهن انتي مزنه : حرام عليك انا ماطالع اللقطات الماسخة اصد عنهن يوم يطلعونهن سيف : هيه انزين المهم ليش ما راقده لين ألحين مزنه : اترياك ما ييني رقاد يوم انته ما راقد سيف : والله .... قولي ابى ايلس على التلفزيون وبس ما لازم كل هذا ههههههه مزنه : حرااام عليك هههههههههه سيف : لا ادريبج تسلميلي انشاء انزين يلا انا ييت قومي رقدي بسج من التلفزيون مزنه : يلا وراك بس ابند الليتات اللي بره راحت مزنه اتبند الليتات من بره وهي وكانت طالعه تسمع شي وراها يمشي وخيفانه تلف وراها وتشوف شي ما تبى تشوفه من الخوف قالت بلف اطالع يمكن سيف يبى يخوفني تقول بصوت منخفض واحد ..اثنين .. ثلاث ولفت وراها.... صرخت بصوت عالي قام ككككل البيت ويي سيف يركض ركض وصل عقولتهم بللللللللمح البصرررررر @ منوه كان اللي شافته مزنه وصرخت له هالصرخه ؟؟؟؟؟!!! @ شو بيستوي بين سهيل ونوره هل نوره بتقبل حبه ؟؟؟؟!!! وان شاء الله تنال اعجابكم :5: |
اتريو البارت الياااي اوكيك تحيااتي قطوتكم قطوة دار الزين |
يسلموااااا |
الله يسلمج و تسلمين عل المرور |
القصة ما عليها كلااام ونترقب الباارت الياااي |
تسلمين ختيه على المرورر نورتي |
:861: بدووون مجامله:861: |
تسلم خيوو على الطله الحلوه ;) |
متى بتنزلين الباارت |
باجر ان شا الله لان ربيعتيه قالتليه باجر بتخلصه و السموحه |
:14::14::h_em3a9bah:افا وينكم ؟؟؟؟؟؟؟؟؟؟؟؟؟؟؟؟؟؟؟ والله ما تشجعون الواحد يسوي شي |
يسلموؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ |
الله يسلمك خيوو منور |
نتريااج ختيه باااجر لا تبطيين علينا |
انشا الله من عنوني :13: |
حبوووؤؤبهـ دخيلج كملـــي تحياتي ..> alre3em |
تسلمين خيتوو ع المرووور منوره ^_^ |
وين الباارت قلتي امس بتنزلينه |
السموحه التأأخيير امس ما كنت موجوده في البيت احين بنزله لاجل عيونج ^^ |
##ضحية حب الجزء الثالث و الرابع ## الجزء الثالث : نكمل... و السموحه ع التأخير ........ منوه كان اللي صرخت له مزنه هالصرخه ؟؟؟ ياي سيف يركض مب ركض عاد للأنه وايد يخاف على اخته خطف يركض وصل بلمح البصر يوم وصل طالعها جيه مبهت خمس دقايق كاملات عــــقب نقع ضحك طلعت الخدامه وعاد مزنه من الخوف ما رامت تضحك تبى ترد النسخ لروحها و سيف ناقع ضحك والخدامه وكأنه ما مستوي شي ردت ترقد كانت تبى تبند الماي مال الزراعه للأنها كانت تسقي النخل عاد مزنه اكثر وحده تخاف فالهدنيا مححححد كثرها يخاف لو شافت عقربه بتموت وااايد تخااف من العقارب .. سيف شاف مزنه ما رايمه تنفس وما تغشمر وقف يضحك خاف عليها سيف: باسم الله عليج مزنه شفيج مزنه : لا....( بغصب تكلم ) ما فيني شي بس ابى نفس .. يلست خمس دقايق تقريبا وسيف على اعصابه يقولها اوديج المستشفى اذا فيج شي وهي بغصب تقوله لا وشافها ما تروم ترمس سكت عنها عشان تاخذ نفس وشوي وقامت ناقعه ضحك ولا كأنها توها ما رايمه تنفس ونزلوا عاد كل اهل البيت عقب ما خلص الفلم الكوميدي بطولة مزنه عبدالله وسيف عبدالله و الشبح آشي ( الخدامه ) .. ام سيف: بنتي شفيج سيف : صبري عليها تكمل ضحك مزنه : منوه توه اللي ناقع ضحك ام سيف: يعني ما فيج شي عيل ليش صرختي هالصرخه سيف: حليلها شافت الخدامه لا وبعد فالظلام اكييييد بتروع هههههههههه استغفر الله ههههههههه مزنه : هههههههههههههههههههههههههههههههههههه ام سيف: يلا انزين يلا قوموا انسير تراني بغصب ناشه من فراشي سيف : يلا نسير ... و مزنه طـــــول الوقت يلست تضحك و سيف وياها سيف : امشي امشي لا تشوفين ألحين الباب و تموتين مزنه : عاد باب حرام عليك ههههههههههههه سيف: ههههههههههههههه هيه باب هههههههه يلا اتصبحين على خير مزنه: وانت من اهله نروح للمغرم الولهان ( ســــــــهــــيل ) : طــــول الوقت فالكرفايه يفكر بالقمر اللي شافه ولا مصدق انها كبره قال فخاطره فلبدايه العشرين توها صغيره طلعت اصغر عنه بشوي ولا بعد ما معرسه يفكر باجر شو بيسوي يوم يشوفها للأنها اكيد بتيي وعقب يقول.. انا ليش افكر جيه بالبنت جنها سحرتني هالبنت بس ما من شي من هالجمال اللي شفته الله يعيني ما قول غير جيه اوكيه اذا حبتني يمكن ترفضني لا انا ولد خالتها كيف ترفضني بس انا ما ابى البنت تنغصب علي شو اسوي ..... يكون خيـــــــر لين باجر .... بالباجر الحبيب الساعه عشر وهو راقد العرب بيون وهو راااااقد ترى امس ما رقد يلس الا يفكر و يسرررح في الخيال المهم انخلي سهيل راقد فأحلامه السعيده .. نروح لمزنه : ( فالمدرسه ) كانت فرصه مزنه وربيعاتها كانن يتمشن فنص الساحه اما مزنه فعالم ثااااني اطالع معجبتها ريييم وريييم تبادلها نفس النظرات و كالعاده مزنه مب عند ربيعاتهاهيه صح ربايع مزنه هن : جواهر( جوجو) ، نوووره ( القطوه) ، مريوووم ، يزووووي ، مهووووي، نعوووم ، امووون و ميثه هيه اللي اكثر اربيعتها "مريوم و نوره وميثه واليازيه " الأن الباقيات مب نفس مريم ونوره وميثه ويزوي ما تقدر تقولهن اللي في خاطرها و تخبرهن عن اللي فقلبها عشان جيه ترتاحلهن اكثر ويدددق الجررررس عاد مزنه وربايعها ما يشترن ألا يوم تخلص الفرصه والمفروض فأول الفرصه المهم اشترن وعبرن ياكلن طبعا فالحصه يا كلن ومب كلهن فالصف واحد نوره و جواهر و امووون فالصف اروحهن يتلاقن مابين الحصص و فالفرصه و فآخر الدوام ويكلمن بعض في التلفون سااااااعاات ألا مزنه ما تحب التكلم في التلفون وااايد الأنها ما تاخذ راحتها فالكلام فالتلفون ماتكلم ألا مع نوره و مريووم ومراات مع يزووي المهم كانت عليهم حصه انجليزي واللي خاشه البطاطس فالدرج و تاكل واللي حاطه الحلاوه فالمقلمه وتاكل منها وعاد ما حاطه فالمقلمه شي غير قلم ازرق و قلم الرصاص و الحلاوه مزنه طبعا درجها متروس كوافي ما تاكل غير الكوافي حياتها الكوافي وما شاء الله ولا حبه فالويها صافي ا بيض وخدودها ورديات شو حلات خدودها المهم حصه الانجليزي الحصه الرابعه مستحيل في بنت منتبه للدرس الان الكل ياكل ماياكلن فالفرصه الابله : ست مزنه مزنه : ها ابله الابله : ها في عينك مزنه : نعم ابله الابله : بدي ياكي اتشاركي في الازاعه يوم الاحد مزنه : ابله يكون خير لين يوم الاحد الناس بيموتوا و بيحيوا ابله الابله : لا انا عارفه بس بدي ياكي تحفظي من اليوم مزنه: هاااا انشاء الله ابله بشوف جدول اعمالي الاني ابله واايد مشغوله بشوف اذا بتفيج ولا لاء اوكييييه ابله الابله : لا ما يصير هيك بتسوي ولا لاء قولي ألحين انا بختار وحده تانيه اذا مشغوله ست مزنه مزنه : ها لا ابله عشان خاطر عيونج ابله خلاص بسوي ( ما مصدقه على الله حد يباها تسوي فالاذاعه ) كل البنات نقعن ضحك عـــــليهااا ا فالرواح كانت نوره واايد مضياجه ومزنه حاسه هالشيء بس قالت بتقولها فالباص الان بس نوره تركب و يى مزنه فالباص سلمن على ربايعهن وراحن يركبن الباص يوم يلسن مزنه : نونو شو فيج نوره : لا ما فيني شي مزنه : مب علي اصلن انا من متى ما عايبني شكلج بس قلت اسئلج يوم انكون اروحنا احسن نوره: والله ما شي بس راسي كان يعورني مزنه : بتقولي ولا شوه نوره : يوم ايي البيت عندكم بقولج انتي و مريووم وميثوه ويزيوي مزنه : انا تعرفيني ما صبروااايد فضوليه نوره : عيل والله ما قولج لين يوم الخميس خلج تموتين بقهرج هههههههه مزنه: اوكيه عادي اتريا لين يوم الخميس نوره : اقولج يوم الخميس مابتسيرين السوق مزنه : لاء انا مخططه اسير يوم اليمعه انا ومريووم نوره : عيل بسير عندكن وين بتسيرن مزنه: بنيسرسوق الحظ للأن مريووم تبى تشتري قميص اون عيبها نوره : اهااا و بعدين مزنه: بنسير نحاوط اندور رقع للعيد ما باقله ألا شهرين و الخياييط عقب ما بتلقينهم من يمضي هالشهر ما يخيطون نوره : عيل انا وياكن اوكيه مزنه: اوكيييييشن وصلت البيت واول ما دخلت يت ام سيف صوبها ام سيف: مزنووه مزنه : هااا امي ام سيف : اباج تشوفين هالرقم مأذنا ورقم خارجي بعد شوفي منوه مزنه : وين (مزنه يوم شافته على طول اتذكرت منوه ) امي هذا واحد مغلط اونه راده عليه انا مره فاااااضي ما عنده شغله مره امي لاتردين عليه يوم يدق سوي طــــااااف ام سيف : انزين بسوي طااااف مزنه : هههههههههه هيه توج جيه اباج نروووح لسهيل : يووم الساعه وحده قام سهيل و شكله مره تعبان من كثر الرقاد ترى الرقاد الوايد مب زين و سهيل اول مره يرقد هالكثر المهم يوم كان توه نازل تحت الان غرفته فووق شاف الضيوف اللي يترياهم من متى وصلوا و يركض غرفته يتكشخ و يتعطر يوم خلص نزل قبل ما يروح يسلم يقول فالخاطره ياله يارب اشوفها دخل الصاله يسلم .. سهيل : السلام عليكم الجميع : وعليكم السلام سهيل : شحالج خالوه موزه خالته موزه : حمدلله بخير سهيل : علومج خالته موزه : حمدلله سهيل : عيل وين الباقين ما شوف ألا شويه خالته موزه : والله البنات ما ين قالن يستحن اين هنيه سهيل : يستحن يستحن من منوه خالته موزه : ما عرفهن قلتلهن قومن نسير ما طاعن سهيل : جيه نحن اهل ليش المستحى لا جيه ما يصير المره ثانيه اذا ما ين قوليلهن نحن معصبين عليهم خالته موزه : انشاء الله جان بيطيعن سهيل : انشاء الله وطلع معصب من الصاله ماله خلق شي يبى يسير أي مكان ألا ما ييلس فالبيت بس لازم ييلس فضيحه ما ييلس عند العرب يالس من الصبح يتكشخ ويتعطر آخر شي ما تيي واكثر زاد اعجابه فيها يوم قالت خالته موزه انهن يستحن اين يقول فالخاطره ليش ليش ما يت لو خمس دقايق و تروح ألمحها من بعيد بس آآآآه ليتها يت وراح الميلس عند الريال وبلا خلق يلس ساكت ( مستمع ) ويفكر فيها .... نروح لراشد ... كان شارد من المدرسه ورايح المول يدورله فريسه هو و ربيعه حمد اوووونه يوم تخطف بنت ما يدزون ويه ولا يصدون صوبها إلي يشوفهم بينقع ضحك عليهم يلسوا فالكوفي يطالعون الماره و الراده كأنهم الحرس مال المول هههههههههه ويوم ايخلص الدوام مالهم يردون البيت يرقدون اونهم يايين من المدرسه تعبانين حليلهم من الدراسه وعاد ام سهيل يوم ايي راشد من المدرسه تيلس تمدح ولدها حليلها ما دريبه يالس يغازل بنات خلق الله فالمول الله يعيينهاااااا ..... نروح لمزنه .... توها راده من المدرسه مررره تعبااانه تبى اتعق عمرهااا على الكرفايه ولا تصلي ولا تغدى على طول على الكرفايه وهيه ورايحه صوب غرفتها يدق التلفون راحت الترد ومن التعب ما شافت الرقم على طوول ردت مزنه : هلا واحد : اهلين مزنه : منوه الواحد : انتي اكيد تستهبلين شعندج هزبتيني و سكرتي فالوهي يوم داقلج يوم الاحد ولا تردين بعد انا سويت لج شي زعلتج فالشي للأني ما حيد عمري مسوي شي غلط مزنه: ( طبعا ولا كلمه ساكته تسمع ومبهته ) اخوي انت اكيد غلطان انا ما عرفك الواحد: انتي منوه مزنه : و انت شو تبى انا منوه المهم اني ما عرفك الواحد: يعني انتي مب مريم مزنه : لا انا مب مريم ولا اعرف حد اسمه مريم الواحد : آسفه ختيه والله ما اعرف انا معرس ولا مال هالسوالف بس انا مسافر ألحين ماليزيا فالشغل كنت داق حق زوجتي اشوف اذا يبون شي ولا محتاجين شي و اطمئن عليهم ويوم انتي علا ما اظن هزبتيني و سكرتي فالويهي قلت يمكن مريضه و متغير صوتها بس قلت ليش هزبتني انا ما حيد سويت شي خفت و يلست ادقدق اربعه و عشرين ساعه عشان افهم السالفه بس ماحد يرد وهذا خلاني اخاف اكثر و اكثر ألحين المشكله انه باقلي شهر كامل عشان الدوام ولا كلمت اهلي وزوجتي و عيالي ولا اعرف ارقم عشان اكلمهم بس شكرا للأنج رديتي عالتلفون و طمئنتيني مشكوره ختيه مشكوره و آسف طولت عليج و ضيقت خاطرج بمشكلتي آسف ويلا مع السلامه مزنه تبى تقوله صبر انا بساعدك بس كيف مزنه : مع السلامه و انشاء الله تعرف رقم اهلك و تكلمهم وترتاح انشاء الله كنت ابى اساعدك بس ما عرف كيف اذا في أي شي اقدر اساعدك فيه خبرني يلا مع السلامه وسكرت التلفون والدمعه على خدها من اللي سمعته للأن مزنه اغلى شي فالحياتها هم اهلها وما تقدر تفارقهم دقيقه فالكيف شهر الله يعينه حست فالمعاناته وحبت اتساعده بس ما بيدها أي شي تقدر اتسويه ألا انها تدعيله وحتى ما رقدت يلست ألا تفكر فيه منسدحه وتعبانه ولاكنها ما رقدت يلست ألا اتصيح وهيه ويالسه اتصيح دخل عليها سيف مسحت ادموعها سرعه وغمضت اعيونها سيف شافها وعرفها انها ما راقده سيف : مزنوووه شفيج اتصيحين مزنه: (فتحت عيونها عقب ما عرفها انها ما راقده ) هااا شو سيف : شفيج تعبانه شي يعورج مزنه : راسي يعورني عشان جيه اصيح ( طبعا ما تبى تخبره للأنه بيذبحها لو قالت ان الريال يلس يشكيلها بيقول ليش ما سكرتي فالويها انتي مال مساعدة اللي مضيع رقم اهله وهو مسافر عشان جيه ما تبى تخبره ) سيف : اوكيه قومي بوديج المستشفى مزنه : ليش المستشفى انا ما فيني شي ألا راسي يعورني برقد شوي و انشاء الله بيخف انت لا تخاف سيف : متأكده ما فيج شي بس راسج يعورج مزنه : هيه سيف متأكده ما فيني شي ألحين انام و يخف سيف: على راحتج تبين شي تاكلين شي تشربين مزنه: لااااااااااء سيف : انزين خلاص انشاء الله يلا رقدي وطلع وقفل الباب و مزنه ما رايمه ترقد كله تفكر فيه يوووم مضت ربع ساعه غفت عينها ورقد ت ليييين الساعه سبع عقب المغرب ولا صلت العصر ولا المغرب و قامت راسها صدق هالمره يعورها جنه حد عاق عليها بالحصى عالراسها ولا ذاكرت ولا طااالعت التلفزيون يعني غيرت روتينها اليومي على طووول اتعشت وردت ترقد كل هذا الرقاد ولا سدها (بقره الرقاد ) المهم بالباجر قامت مثل الينيه من الفير الساعه خمس الفير وراحت تقيم امها المسكينه اللي ما رقدت ألا خمس ساعات بس متعوده حليلها لازم حد يوعيها ولا راشد ولا حصه بس هالمره الآنسه مزنه قايمه توعي امها من الفير نفس اليهال للأنها تخاف تنزل الروحها تحت المهم قيمت امها ونزلن تحت راحت ام سيف تسوي اريوق و مزنه راحت اطالع التلفزيون من الصبح تعوض عن اللي فاتها امس عقب تريقت تكشخت و تعطرت وراحت المدرسه كان يوم الخميس فالباص مزنه و نوره يالسات يسولفن مزنه : اليوم الخميس ما تنسين بنسير السوق نوره : ( يوم قالت يوم الخميس تروعت قالت ألحين بتسألها عن اللي معصببها يوم الثلاثاء بس حمدلله ما قالت ) مزنه : نونو تحسبيني نسيتج بتخبريني شو اللي مضيجبج يوم الثلاثاء اليوم وخلج ما تيين انا ارويج نوره : الله اكبر انتي تقرين افكاري ولا شو توني يالسه اقول الحمدلله انها ما تذكرت و تذكرتي الله اكبر عليج يا مزنووه مزنه : ههههههههه حرام عليج بس انا توني اتذكرت هههههههه نوره : ترى اقولج يوم انا تذكرت تذكرتي مزنه : بس بس قولي ما شاء الله نوره : ههههههههههههه ما شاءالله مزنه : حتى انا بقولج شي استوالي امس بس بقولج اليوم يوم بتيين نوره : ليش مب ألحين مزنه : اخاف وحده من البنات يسمعن و يسيرن يسون حمله اعلانيه او يفهمن غلط خليها يوم اتيين احسن بس اقولج هالشي مرره ما خلاني ارتاح امس حتى غيرت روتيني اليومي وما طالعت التلفزيو ن هههههههههههههه نوره : عيل هاي الصراحه مشكله عوده يوم ما طالعتي التلفزيون مزنه : هيه والله لا بعد ما صليت العصر والمغرب نوره : اهااااا هاي مشكله مب التلفزيون ههههههههههه وصلوا المدرسه وكل مره يكون باص نوره و مزنه ياي( باص مزنه ونوره الباص استوى مالهن هههههههه) يكون توه الباص اللي تركب فيه جواهر وآمنه وميثه واليازيه تكون واصله من متى هيه ومها واول ما يدخلن المدرسه دق الجرس جنه يترياهن ايوصلن وعاد هن يربعن على طول يفسخن القباضات و الاكسسوارات طبعا فالكل صف مكتبه للكتب هن مخليات المكتبه حق القباضات و الاكسسوارات و طبعا اييبن احتياط قباضات اصغار عشان الطابور ولا اذا حضرت المديره عندهن الحصه المهم كلهن خطفن يترابعن عشان يبدلن القباضات نوره مرره ما تحب القباضات الصغار ولا تفسخ قباضته بس كل مره تسلم وهن يوم يسيرن يسون نفسها يعني يلبسن قباضات اكبار يزخونهن يمكن هيه مرتبه امورها ويا الإداريات المهم بدى الطابور و غنن البنات : عيشي بلادي عاش ..........الخ يوم خلصن يلست ابله الرياضه تفلسف وعقب التمارين الرياضيه طبعا محد يسوي التمارين الرياضيه ألا اليهالوه قوم اربع و انقزويوم توه بيخلص الطابور قالت ابله الرياضه تفتيش وقامن كل البنات يصارخن مزنه كانت لابسه قباضه مخالفه شفتوا الحظ يوم لبست قباضه مخالفه فتشوا بس مزنه شو سوت تاخذ القباضه وتخشه تحتها يوم يت الوكيله الغبيه كانت متجحله بأزرق و نست يت الوكيله و بدت من الاول و مزنه واقفه ورى يوم وصلت عند مزنه الوكيله : مزنه شو هذا مزنه : شو ابله والله ما لابسه قباضه ( مزنه تموت يوم تشوف الوكيله الأن الوكيله حاطه دوبها دوب مزنه للأنها تعرفها مالت مشاكل و مشاغبه ) الوكيله :مب القباضه اصلن انتي لازم تخالفين اذا مب القباضه شي ثاني مزنه : شو ابله ( اونها بريئه ) الوكيله : بعد هاي يبالها شو شو هذا الجحال الأزرق الأسود مخالف و انتي حاطه ازرق وين رايحه عرس اتريي لا تروحي الصف لازم المديره تشوفه هاذي مدرسه لازم تحترمين نفسج فيها و تلتزمين بالقوانين ( طبعا كل المدرسه تسمع صريخها ) يلست مزنه اتمسح الجحال لين ما تخلص الوكيله تفتيش يوم خلصت لقت مزنه ماسحه كل الجحال الوكيله : مسحتيه ...مزنه انا اباج تكونين شاطره و مؤدبه للأني اعتبرج نفس بنتي ولا ارضى عليج حد يعاقبج ويهزأج جدام الطالبات ما باج تعيدينها آخر مره للأنج خزتي الجحال ولا كنت بوديج عند المديره ( طبعا كله خريط ) مزنه : جيه توج تقولين ما تبين حد يعاقبني ولا .. كلام ميمع تعال و تسمع الوكيله : مزنه احترمي نفسج شو هالكلام مزنه : تراج توج تقولين ما تبين حد يعاقبني عقب قلتي كنت بعاقبج لو ما خزتي الجحال الوكيله : بس بس انزين لا اغير كلامي و اوديج الاداره ألحين مزنه : لا لا خلاص بسير شكرا للأنج تخافين علي وايد و خطفت تركض الصف اول ما دخلت الصف كل البنات يتعافدن عليها جنها وحده من الممثلات المشهورات و هيه مبسوطه للوضع و تجاوب على اسئله البنات وحده وحده عن اللقاء مع الاستاذه الوكيله حمده شو سوتبج شو قالتلج وين ودتج و مزنه تجاوب عليهن بكل خقه ورافعه الخشم اكثر عن المطلوب و يوم يت معلمه الحصه الأولى يخطفن يتراكضن البنات و يخطفن بمزنه شلنها وياهن تقول فخاطرها شو هذا كنت وايد مبسوطه من الوضع خربت علي ابله العربي مزنه مررررره تكره ابله العربي معنه ابله العربي وايد دازتلها ويه اكثر عن اللزوم وتبزيها و مع ذلك تكرهاااا مررره ما طيق حصتها و الابله وااايد طيبه بس للأنها ما تعدل ما دانيها كاليوم اتيي مبهذله و مزنه ما تحب جيه صح انها دفشه بس مب لهدرجه بس شاطره و مؤدبه فالحصتها مرره يقطر الأدب منها ما يعرف وين يروح من كثره و الابله دووم تمدح فيها ما تعرف حليلها ان مزنه ما دانيها ابله العربي : من يعرف معنى شتى ....... مزنه قومي جاوبي مزنه : اااااااه ابله العربي : يلا تذكري انا ادريبج شاطره و بتعرفين مزنه : اااه الشتاء فصل الشتاء وقامن كل البنات ناقعات ضحك مزنه : ( اونها ما تستهبل وهيه اصلن تعرف الاجابه ) ابله ليش يضحكن انا ما قلت شي غلط صح ابله العربي : هيه مزنه انتي ما قلتي شي غلط بس هن يستهبلن من يصحح لمزنه البنات : انا ابله انا ابله ابله العربي : مريم يلا قومي جاوبي مريم : اااه ما عرف ابله ابله العربي : ولا وحده تعرف الاجابه الصحيحه مزنه : انا ابله تذكرت ابله العربي : شوه مزنه : يعني انوااع او مختلف ابله العربي :ممتازه يا مزنه بارك الله فيج يلسي ( الكلام تنقيع نصه فصحه و نصه عامي ) وهكذااا..... نروووح لراشد فالمدرسه : كان عيزان ولا رايم ينش يشرد من المدرسه حمد : راشد شو ما بتطلع اليوم من المدرسه راشد : لا لا ما فيه حمد : شو فيك راشد: لا ما فيه شي متعويز اسير انقز من ليدار بسير اقول حق المدير اني تعبان و ابى استئذن مشان اطلع اسير المستشفى اوكيه حمد : اوكيه راح راشد يستأذن مشان يسير المستشفى اونه يوم وصل عند المدير المدير : هاااا راشد شو تبى ( على طوول عارف اسمه و عارف انه ما ياي ألا مشان طلعه ) راشد : ابى استأذن مشان أروح المستشفى المدير : شو تسوي فالمستشفى ماشاء الله عليك ينشاف شكلك ما فيك شي بس تبزى راشد : لا مب انا الوالده تباني اسير اوديها قلتلها ان انا فالمدرسه لاكنها قالت ألا تيي شو اسويبها المدير : ما عندها عيال غيرك راشد : عندها سهيل تعرفه صح المدير : اكيد اعرفه من ما يعرفه الكل يحترمه و يقدره و ما طالع على اخوانه بعد سعيد على الأقل ما يطلع من المدرسه ألا انت ما اعرف شو فيك بالضبط ما تروم تيلس فالمدرسه لو خمس دقايق راشد : تراني ألحين من نص ساعه يالس فالمدرسه المدير : الصراحه ما فيك حيل جان انك يلست نص ساعه جيه الدوام سبع ساعات راشد : انشاء الله باجر ايلس ست ساعات عشان خاطرك المدير: ست ساعات ما رمت تكمل السبع راشد : لا ما قدر عندي شغل المدير : هيه شغل ( راشد يقول فالخاطره شو هذا يالس يستهبل علي من متى ) راشد : هيه انزين يلا انا بسير اكيد الوالده تريا ألحين طولت عليها المدير : انزين سير بس ترد الحصه الرابعه يعني عندك ساعتين راشد : انشاء الله يلا مع السلامه (عيل بيي الحصه الرابعه اتريا ههههههههههههه) يوم طلع لقى حمد و لي شاردين وياه يتريون راشد : ياخي هاذي آخر مره استأذن طفربي هالمدير بأسلته صدق عورلي راسي جان بونه ما يعورني حمد : محد قالك يلا يلا قوم انسير راشد : يلا انسير وهو ورايح شاف اخوه سهيل توه داخل المدرسه راشد : هذا مب السهيل اخويه حمد : وين راشد : هناك يالحول حمد : هيه شفته راشد : شو اسوي ألحين حمد : انرد المدرسه سرعه راشد : يالغبي جيه انا مستأذن من المدير على اساس اني رايح المستشفى بأمي حمد : اوكيه انزين تلاحقبه قبل ما يروح عند المدير و قوله ان امك خفت خلاص راشد : بيكون واصل و يالس يخبره السالفه ومخلص بعدين بيدقلي ألحين و بيقولي يلا تعال ألحين اباك فالمدرسه شو رايكم بيستوي لراشد عقب ما بيزخه اخوه و هو براا المدرسه ؟؟؟ شو بتكون سالفه نوره ربيعة مزنه ؟؟؟ هل بيتوفق سهيل بحبه الأول ( نوره ) ؟؟؟ بنتابع فالجزء الرااااابع ***************************************** نتابع.... نروح لمصيبة راشد : حمد : يلا انزين قوم ندخل يوم يدقلك قوله انا اصلن داخل بس ابى اسولف ويا المدير شوي ويد ق التلفون راشد :( يشل التلفون ) هلا ساره ساره : اهلين راشد : اقول بدقلج بعدين دفنها فالويها حمد : منوه راشد : هاذي وحده فاضيه ما علينا يلا انسير نعفد من اليدار عشان ندخل المدرسه حمد : يلا ............ ما لازم اخبر كيف عفدوا من ليدار ......... يوم وصلوا الصف ودخلوا ايدق تلفون راشد وكان سهيل اللي داق راشد : هلا سهيل : اهلين ووين راشد : انا فالصف شو تبى داق عندي حصه سهيل : متأكد انك فالصف راشد : تعال المدرسه وشوف اذا ما مصدق سهيل : انا فالمدرسه عند المدير ويقول انك توك مستأذن للأن الوالده مريضه و انا توني ياي من عندها ما فيها شي الحمدلله لا يكون شارد من المدرسه راشد : انته عبرت الكلام كله ما خليت شي ألحين انا اشرد من المدرسه و انا دوم اقيل ادرس فالهصف انا صح قلت حق المدير جيه بس كنت اتمسخر ابى اسولف و ياه تعال شوفني اذا تبى بيخبرك المدير مكان صفي سهيل : لا ما يحتاي صدقتك اصلن اسمع الصدعه عندك صدعة مدرسه هيه عيل برايك راشد : انته اصلن ليش ياي اتخبر عني سهيل : لا لا ياي اشوف المدير عندي شغل عنده وياي اخلصه راشد : هيه عيل برايك ما بلهيك عن شغلك يلا مع السلامه سهيل : يلا حمد : هااااه شو قال شو قلت راشد : صبر صبر شو ياك جنه انته اللي بتييك الهزبه مب انا حمد : ههه لا لاء بس ابى اعرف راشد : قتله اللي قتلي ياه وصدق الجذبه حمد : انته بسئلك لو انا مب عندك شو كنت بتسوي راشد : لا لا مشكور مشكور الصراحه يلست تفكر بالحل و نتيجه لا لا في مجهود حمد : شكرا شكرا اخاف استوي عالم فالمستقبل من هالذكاء اللي فالعقلي ولا عارف وين يسير .. دخل الاستاذ..... بدى الشرح على طووول بعد السلام الاستاذ : من يقولي شو عنوان الدرس اليوم ..... اشوف ويوه يديده اليوم يلا انته اللي ورى قوم جاوب ( يقصد حمد ) راشد : يلا العالم المستقبلي قوم جاوب على السؤال حمد: ااااااه كنت مريض امس عشان جيه ما فتحت الكتاب عشان اشوف اسم الدرس الاستاذ : ايلس هاذي من اولها يلس راشد ناقع من الضحك الاستاذ : انته اللي تضحك قووم جاوب اشوووف راشد: ( يطالع حمد) العالم المستقبلي ههههههه الاستاذ: تنكت بعد يلا عند المدير سرعه راشد : فككككه الاستاذ: يعني ما تخاف من المدير عيل يلا ورى اشوف ورفع وحده من ريولك فووووق عااااد تخيلوا شكله طول و عر ض موقفينه ورى شكله مررره غلط ويلس الكل ناااااقع ضحححك علييييه وحمد يطالعه و يضحك هههههههههههههههههههههههههههه حليله ما يستاهل المهم خلصت الحصه و راشد طول الحصه واقف حليله ما يلسه الاستاذ يوم طلع الاستاذ طاح فيه سب راشد : لو شاردين اخير هاذي يزات اللي يطلب العلم يوقفونه ورى لين آخر الحصه حمد : تستاهل تطنز على راشد : ههههههههههه بس والله شكلك يضحك يوم ما عرفت السؤال ومن ساعه يالس تمدح عالم مستقبلي ههههههههههههههههه حمد : بس بس توهم موقفينك حصه كامله راشد : يلا يلا قوم انسير لا يي ألحين الثاني ويوقفنا بعد حمد : يلا نروح لمزنه : كانت الفرصه ومزنه حليلها يالسه اروحها فالصف اتحل واجب الرياضيات يوم خلصت راحت تنزل تحت هيه ونازله كانت شلة ضايعات يايات صوبها و هيه ماتعرفهن يعني هن ما يبينن للأن وحده منهن وايد شاطره ما تبى تخرب سمعتها فالمدرسه لاكن بره المدرسه عادي وصلن نص بنات المدرسه يعرفنها كانت تعرف بنت عم مزنه قبل ما تضيع و هيه ونازله اداعمن هيه وهالبنت للأن مزنه كانت يالسه اطالع ريم مزنه : سوري شيخه : لا عادي .... اقووول انتي مب بنت عم عائشه سعيد مزنه : هيه انتي كيف تعرفينها شيخه : كنت ربيعته قبل ألحين هيه فالمدرسه ثانيه مزنه : للأنهم انتقلوا شيخه : شخبارها مزنه : والله حمدلله بخير نفس ما هيه شيخه: سلمي عليها مزنه : يوصل انشاء الله شيخه : انتي وينج من زمان ما شفتج أول مره اشوفج مزنه : لا فالمدرسه ما رحت مكان بس الدراسه و الامتحانات ما طلع وايد من الصف ( دوووم برره ) شيخه : لو ما دعمتيني كنت ما بلاقيج زين يوم دعمتيني مزنه : هيه زين .... يلا عيل برايج شيخه: اشوفج بعدين مزنه : انشاء الله مزنه فالخاطرها فكه كيف عوااش مستحملتنها ربيعته الله يعينها .... وراحت عند ربايعها يوووم الرواح ركبت مزنه الباص هيه ونوره هيه وراكبه تشوف شيخه يالسه فالكرسي اللي ورى اروحها قالت فالخاطرها اااااف شو يايبنها هاي بسوي طاف يوم توها تبى تيلس لفت شيخه راسها وشافتها شيخه : هاي انتي مزنه : هيه بلحمي ودمي ههههههههههه ( ما من خاطرها تضحك ) شيخه : تعالي يلسي هنيه عندي محد يالس راحت مزنه للأنها تستحي تقولها ما تبى مب حلوه شيخه : انتي ما قلتيلي شو اسمج نسيت اسئلج مزنه : مزنه شيخه : عاشت لسامي ... انزين انتي ما سألتيني شو اسمي مزنه : ههههه نسيت شو اسمج شيخه : ههههههههه مقبوله اسمي شيخه مزنه : ونعم وسبعة انعام شيخه : الله ينعم فالحالج عيل ما خبرتيني وين عواش سارت يعني أي مدرسه مزنه : والله ما سئلتها ما عرف وين شيخه: حليلها اشتقتلها مزنه: اشتقتيلها مرره وحده الله اكبر حد يشتاقلها هل ملسونه شيخه : حرااام عليج ههههههههههههه هيه مب ملسونه بس لسانها يباله شويت قص ههههههههههه مزنه : هههههههههههههه هيه والله يبالها ( شويه و بدت ترتاحلها ) ويلسن يسولفن ونوره واااايد معصبه روحها يالسه و مزنه مسوتلها طااف يوم وصلت بيتهم على طول نزلت بدون ما تقول مع السلامه ومزنه تسولف مزنه : هيه صح انتي ليش راكبه باصنا اتصدقين نسيت اسئلج شيخه : شكلج واايد تنسين ... انا راكبه هنيه للأنا نتقلنا من بيتنا وبنيي نسكن هنيه فالشعبيتكم مزنه: هييييه يعني على طوول بتركبين باصنا شيخه : هييييه مزنه : ما عندج خوات شيخه : لا خوات ولا خوان اروحي ما عندي لا خت ولا اخو انا الوحيده بس احلى جيه ادلعي على كيف كيفج مزنه : لا عكس احلى يوم يكون عندج اخوان تسولفين وياهم ونااااسه شيخه : زيين و الله تونسي ههههههههههههه مزنه : هههههههههههههههههههههه شيخه : ههههه يلا عيل برايج بنزل ألحين اشوفج فالمدرسه مزنه : اوكيه اشوفج باجر انشاء الله يلا مع السلامه شيخه : يلا بيباي يلست تقول مزنه فالخاطرها حليلها البنت طلعت حبوبه وطيوبه... المهم نوره وايد عصبت يوم مزنه سوتلها طااااااف و مزنه ما نتبهت لنوره انها معصبه يوييييلها المهم وصلت مزنه البيت لقت فالويها اخوها سيف مزنه : اه انته على وين مستعيل جيه سيف : يلا لبسي و كشخي وسرعه بنروح نتغدى فالسيح مزنه: بعد ليش الكشخه يوم ألا السيح سيف : امززح وياااج يلا سيري سرعه مزنه : انشاء الله من عنوني ( عيوني ) سيف : من شوه مزنه : عيوني سيف : هيه انزين يلا سيري سررررعه خمس دقايق ترى كلهم سبقونى مزنه : انشاء الله خمس دقايق راحوا وتغدوا ويلسوا لين العصر يوم الساعه خمس صلوا وراحن مزنه و بنت عمها عائشه اللي يشوفهن يقول خوات يقولن حق بعض كل شي بس في اشياء مزنه ما تقولها لعائشه و عائشه في اشياء ما تقولها لمزنه المهم راحن يمشن صوب ليبال مزنه : اقوول عواش : قولي مزنه : اتعرفين بنت اسمها شيخه سالم فالمدرستنا عواش : امممممم هييييه اتذ كرتها اللي تطلع من لوائل صح مزنه : هيه صح اتسلم عليج عدنا فالشعبيه انتقلوا عواش : حليلها الله يسلمها من الشر سلمي عليها مزنه : اول ما كلمتها ما عيبتني بعدين عادي ارتحتلها طلعت حبوبه عواش : ليش يعني ما عيبتج من البدايه مزنه : دفاشه و وااااايد رافعه خشمها على شوه ما اعرف مب انها واايد حلووه عشان تبطر هالكثر عواش : انا البنت اعرفها لا رافعه خشمها ولا هم يحزنون ألا انتي بونج ما يعيبج شي والله انا اللي اشوفه انج انتي اللي رافعه خشممج وااااااااايد ليش ما اعرف مزنه : للأني بنت الشيخ عبدالله طولي عمرج عوااش : هيييه عشان جيه قولي جيه من الصبح هههههههههه مزنه : هههههههههههههههه عواش : بنت الشيخ عبدالله شو رايج نركب اليبل مزنه: والله للأنج قلتيلي بنت الشيخ عبدالله بفكر بالموضوع عواش : بس بسرعه لو سمحتي مزنه : اذا بتشليني اوكيه عواش :و الله حتى استحي اشلج يلا مزنووه ألحين بيزقرونا بنروح سرعه مزنه : ما بر كب بترياج هنيه عواش : كيفج بس اذا ياج شي لا تيسين تصارخين بتفضحينا مزنه : عااادي ما خاف عواش : لاتيسين اتصارخين اتصدعيلي راسي يوم ركبت شوي اليبل خطفت مزنه تربع مزنه: عووووااش تريي بيي اخافج اتطحين بعدين من بيمسكج عواش: لا عادي لو ما ييتي ما بطيح مزنه : شو اسوي اخاف عليج عواش : مزنوووه جنه حد يزقرنا مزنه : ما سمع حد عواش : لا هاذيه عمتيه يايه تزقرنا ما تشوفينها مزنه : يلا عيل قومي ننزل نزلوا ركب كل واحد سيارته وردوا ابيوتهم يوم وصلت مزنه البيت شافت عالكاشف مال تلفونهم رقم نوره يمكن داقه خمس مرات مزنه قالت ا كييد تباني اغششها الدرس ألحين ادقلها ... يوم توها تبى ادق زقرتها ام سيف تباها الدرس حصووه مزنه : انشاء الله امي ألحين ادرسها قالت عيل بغششها فالباص الصبح وراحت ادرس ختها حصوه الدبه وراشد يناقز فوقهن ولا مخلنهن يدرسن وشوي بياخذنه وبيعقنه من الدريشه لين ما ياه سيف وشله عنهن كالعاده المسعف قالن مع بعض : فكه يوم قالن مع بعض ربعت مزنه ادق على المكتبه للأنه اونه مثلن اثنينه قالوا مع بعض نفس الكلام اللي يدق على الخشب اول ايي ريلها احلا بس اكييد هالشي مب صح بس ترى لازم الخبال شوي المهم اذا صح هالشي ريل مزنه بيطلع مزيوووون للأنه كل مره اثنينه يقولوا نفس الكلمه ربعت ادق الخشب صدقها تبى ريلها يطلع حلييييو امها كل مره تشوفها تسوي جيه تهزبها ولكن ما فيه فايده مصره على ان ريلها يطلع للأحلى هههههههه..... نروح للعاشق الولهان ( سهيل ) : وااايد مضيج من ذاك اليوم يوم ما شاف نوره كان بيتخبل المهم كان فغرفته و طبعا يفكر فيها يقول فالخاطره هيه ليش ما تبى تعرس انزين انا اذا ييت و خطبتها بتوافق .....اكيد بتوافق للأني ولد خالتها لكن انا ما ابى اغصبها ..... بس انا اباها اول مره بنت جيه تدخل قلبي انا اباها يعني اباها و ألحين اسير اقول حق امي اني اباها ويصير اللي يصير ونزل يركض فرحان بلا عقل ما يفكر ألا انه يخطبها لقى امه سهيل : امي اباج فالسالفه مشغوله ام سهيل : ما شي يشغلني عنكم شوه سهيل : يعني انا اباج فالسالفه سالفه يعني يبالها وقت ام سهيل : انزين يلا قول شو عندك ترى والله تراك خوفتني سهيل : لا لا يخوف ولا شي بس انا اباااا اقولج ام سهيل : شوه راشد فيه شي مريم فيها شي سهيل : لا لا استغفر الله ما فيهم شي باسم الله عليهم بس انا ابااا .... ابا اعرس ام سهيل : والله الساعه المباركه الحمدلله الحمدلله يارب استجبت دعائي الحمدلله بس قولي من هاذي اللي فتحت قلبك وخلتك تغير فكرتك عن الزواج سهيل : نوره بنت خالتي موزه ام سهيل : الحمدلله الحمدلله يارب هاذي اللي كنت انا اصلن اباها عشانك صدق انه دعاء الأم مستجاب الحمدلله ألحين ادق لخالتك موزه وخبرها عشان تشوف البنت بس البنت ما يبالها مشاور اكييد بتوافق على ولد خالتها بس بخبرهم عشان يخبروها .. الله يرضى عليك الله يرضى عليك والله اني فرحااانه للأني من متى اتريا هاليوم ودمعت عينها هيييه وتكلم سهيل: انزين امي ما ستوى شي لين ألحين و انتي من ألحين تصيحين ام سهيل: من متى اتريا هاليوم يا سهيل تريا تريا بدق لخالتك موزه ابشرها ودقت لختها موزه .... ام سهيل : هلا هلا والله ام سعيد: اهلين ام سهيل شحالج ام سهيل : حمدلله بخير البشااره ام سعيد: شوه شوصاير لايكون مريم ربت ام سهيل : سمعوا اصلن هيه مب حامل عشان تربي لا سهيل بيعرس ام سعيد : اخيرا منووه بياخذ ام سهيل: بنتج نوره ام سعيد: والله نحن يشرفنا هالشي بس يمكن البنت ماتوافق يا ام سهيل ونحن ما نروم نغصب البنت على شي ما تباه ام سهيل : فال الله ولا فالج لا انشاء الله بتوافق نحن اهل لازم حتى تستحي تردنا ونحن من متى نتريا الولد يختار وحده عشان يعرس وختار البنت اللي كانت فالبالي آخر شي تقول لا ام سعيد : البنت بعدها ما قالت لاء بس المتوقع يعني كالمره تقول لاء .. هو ليته ما ختارها مب عشان ما ابى بنتي تاخذه هو حسبت ولدي بس انا اخاف البنت ما توافق ويضايق و يزعل مني بسبت بنتي انشاء الله توافق ام سهيل : انتي كلميها واذا ما طاعت انا بكلمها ام سعيد : انشاء الله ألحين اروح اقولها وارد عليج باجر ام سهيل : وليش باجر انا ما بييني نوم ألا يوم يرتاح فوادي وتوافق البنت اول ما تخلصي قايلتلها ادقيلي و انتي كلمي البنت اقنعيها ام سعيد : انشاء الله يلا مع السلامه ام سهيل : يلا مع السلامه سهيل : هاا امي شو قالت ام سهيل : انت لاتخاف واعتبر انها موافقه انا اعرف البنت مستحيل ترد اهلها انت لا تخاف وسير ارقد سهيل : لا ما بييني ارقاد لين ما اعرف البنت شو ردت ام سهيل : شكلك وايد متعلق فيها ليش هاذي البنت بذات سهيل : للأني ما شفت فالحياتي أادب واحلى عن هالبنت ام سهيل : الأدب قلنا بس الحلاه كيف شفتها سهيل : يوم ذيك المره يوم شفتها فالسوق هيه وخالتيه موزه رفعت الغشوه تشوف شي وشفتها وانا خاطف من صوبها ام سهيل : هيييه جذيه السالفه انا قلت بعد اكييد شفتها للأنها ما شاء الله مزيونه معنها اصغر عنك بشوي سهيل : يعني انا مب حلووو زعلت خلاص ما بعرس ام سهيل: كله ولا هالكلمه خلاص انته الاحلى اصلن بونك انته الاحلى سهيل : قلنا مدحي بس مب هالكثر هههههههههههههههه ام سهيل : انزين انا ما جذبت ولدي واشوفه غزال العالم ولاحد يسوى جماله لا نوره ولا حد فالهدنيا سهيل: امي بديت ما صد ق اللي تقولينه تراني ههههههههههههه ام سهيل : ههههههههههههههههههههههه نروح لمزنه : منسدحه على الكمبيوتر تسمع اغاني وراقده عالكرسي يالسه تسمع لراشد الماجد ( تنحط عل الجرح ) هيه ما وايد تسمعله بس تعيبها هالغنيه وغنيه هلي لا تحرموني منه بعد واايد تعيبها المهم ويي سيف يدق الباب يدق محد يرد فتح الباب شاف مزنه راقده على الكرسي قيمها وحطها عل الكرفايه وراح عنها بس زين يوم ما شاف شو تسوي ( ما يحب الاغاني وكم مره نازعها عشان ما تسمع الاغاني وما منه فايده جنه يكلم يدار بعد ليدار بيرد ومزنه ما بترد عن سماع الاغاني ... نروح لراشد : كان سهران ويا ربعه و لكأنه عليهم مدرسه يلعبون بليي استيشن فالخيمه كان راشد وسالم يلعبون وراشد ما يحب يلعب ألا عند سالم للأنه الوحيد اللي ما غيلبه بعد بصعوبه المهم يغلبه يلسون لين الساعه ثلاث او اكثر شي اربع ويرقدون ساعتين ولا ثلاث و يقومون حق المدرسه عاد الرقاد الباقي يكملونه فالمدرسه ومرات ما يبون يرقدون يشردون من المدرسه ودقت ساره رد عليها راشد : هلا والله ساره : اهلين ( اونها زعلانه يوم دقلت وهو مشغول فالسالفة اخوه سهيل ودفنها فالويها ) راشد : شحالج ساره : بخير راشد : علومج ساره : بخير راشد : شفييج ساره : ما فيني شي راشد : حبيبي قولي شفيج ساره : زعلانه راشد : على منوه ( يستهبل ) ساره : عليك انته راشد : انا شو سويت ما حيد زعلتج فشي ساره : بعد ما تذكر راشد : انزين ذكريني ساره : يوم سكرت التلفون فالويهي اليوم راشد : انا اسكر التلفون فالويهج متى ساره : بعد ولا داري بعمرك هالكثر انا مب مهمه عندك راشد : لاء صبر انتي فهمي السالفه قبل ساره : اعرف نفس كاليوم اخوك صح راشد : كيف عرفتي ساره : اعرفك كالمره جيه تقولي تراك محفضني يلا باي ولا اباك ادق مره ثانيه للأنه يويلي من اخوي راشد : ما حفلتج ويسكر التلفون فالويها ولا همه ورد يلعب ولكأنه شي صاير ( ألحين اكيييد كل الصبايا منقهرات منه ولا يبن يتعرفن عليه في يوم من الأيام بس لو يعرفنه زين ويحبهن و يحبهن مستحيل يسوي جيه بس للأنه كان عارف انها كانت ترمس غيره راشد وااايد رومنسي لو يحب وحده وطيوووووب ) ...... شو بيستوي لسهيل هل بتتقبله نوره شريك حياتها ؟؟؟؟؟!!! وشو بيستوي بين نوره و مزنه هل بتستمر صداقتهم ولا ؟؟؟؟؟!!! مزنه بتقبل شيخه ربايع للأبد... ؟؟؟؟؟!!! |
وان شا الله تنااااال اعجابكم و السموحه ع التأأخير مره ثانيه ... .... قطوتكم قطوة دار الزين ^^ |
تسلمين ع الباارتيين الطرر ونترقب الزووود منج |
تسلمين ختيه ع المرووور منوره ^^ |
تسلمين ختيه ع البارت |
الله يسلمج غلاااي و ثانكس عل المرررو منوره ^^ |
أنا أقول ربيعت مزنه الي هنوره بتزعل منها .. ومزنه بتقبل شيخه صديقه يديده لها ..خخخ مشكووره ياحبوبه على القصه الرووعه .. ونتريا التكمله .. |
نــــايس نــــــايس وانا بعد اتوقع نفس الشي هه يالله متى بتنزلين البارت |
تسلموون عل المروووور منورين عياايزي هع هع :13: |
الحين بنزله لاجل عويناتكم ^^ |
لجزء الخامس ^^ الجزء الخامس : نروح لمزنه : كان يوم الخميس ومزنه قالت لنوره انه اليوم بيتلاقن هيه وميثه ومريم عشان تخبرهن السالفه اللي مضيجه نوره منها المهم قامت مزنه من الرقاد الساعه ست ونص اتسبحت اتكشخت ونزلت سلمت على امها وابوها وحبتهم عالراسهم تريقت وطلعت تريا الباص ويا ربايعها القبليات بس مودرتنهن من متى للأنهن يهالوه مب جنهن صف ثالث اعدادي ايلسن يترين الباص جدام بيت ميثه ييران قوم مزنه يوم ايي الباص يركبن وعاد تروح مزنه عند نوره يسولفن لين ما يوصلن المدرسه بس هالمره ..يوم يا الباص ركبت مزنه لقت شيخه فالويها شيخه : مزنه تعالي يلسي عدالي راحت مزنه ويلست عندها ومسويه حق نوره طااف محترم بس بدون ما تحس بالهشي يعني ما قصدها تسوي هالشي ونوره وايد حساسه ما تحب جيه مررره منطنقره آآآآآآخر تبا تسير وتزخ مزنه من حلجها وتذبحها .. شيخه : صبااح الفل مزنه : صباح الخيرااات شيخه: شحالج مزنه : حمدلله انتي شخبارج شيخه :تمام كوووو مزنه : علومج شيخه : حمدلله ألحين هذا بيتكم مزنه : ليش ما عايبنج شيخه : لاااا بالعكس بس اسئلج عشان اعرفه مزنه : ليش تبين تزوريني شيخه : انشاءالله بس قبل انتي تزورينا مزنه : من عنوني الهنتين شيخه : فديت عنونس الحلوين انا مزنه : تسلميلي خلاص بس كلام حلو من الصبح ترى استحي شيخه : فديت اللي يستحي انا هههههههههه مزنه : والله ألحين افسخلج الجوتي اقولج استحي شيخه : فديت اللي بيفسخلي الجوتي ههههههههههههههههه مزنه : خايسه هههههههههههههههه شيخه : فديت هالضحكه يالحلو مزنه : اقول انتي ولد ولا شوه يالسه اتغزليبي من الصبح شيخه : يعني اذا ولد عادي ما بتستحين مزنه : ( تمزح ) هيه اكيييد عادي هههههههههههههه شيخه :) طبعا فهمتها ان صدق عادي ) ههههههههههه خلاص المره الثانيه بنييبلج ولد عشان يقولج الكلام الحلوو من الصبح اذا اكثر ترتاحين جيه هههههههه وصلوا الباص وهن نازلات من الباص خطفت نوره من عدال مزنه و شيخه وطالع مزنه بالحتقار مزنه : نونو شحالج سووووري يلست ويا شيخه فالباص نسيتج هههههههه نوره : لاعادي متعوده هالشي منج مزنه: شفيها هاي صبر شيخه بشوف شو فيها( ركضت وراها ) نوره شفيج وقفي انزين بكلمج و نوره ولا دازه ويه ولكأنه مزنه تربع وراها ذال عمرها جدام البنات يوم شافت ان ما فيه فايده خلتها وردت عند شيخه شيخه : شفيها مزنه: ( بعصبيه ) شدراني ما اعرف خليها تولي بونها جيه على اتفه الاسباب يمكن للأني ما سلمت عليها فالباص خليها تولي ما بذل عمري عشانها يالسه اربع وراها وازقرها وهيه ما دازه ويه على الاقل تصد صوبي وتقول ما تبى ترمسني مب ولكأني اربع وراها شيخه :يمكن عشاني مزنه : لا انا اعرفها بيطلع السبب تافه نفس كالمره شيخه : انزين عشان خاطري تروحين اتشوفينها شو فيها فالصف مزنه : مستحييييل انتي ما تعرفينها بزى شيخه : شدراج يمكن يكون هالمره غير للأني شفتها صدق مضيجه مزنه : يمكن المهم شو عليكم الحصه الأولى شيخه : رياضه مزنه : الحصه الاولى حشاااا شيخه : اصلن محد يلعب نيلس انسولف مزنه : اكييييد ابله ايناس شيخه : هيه مزنه : يحظكم مب نحن يايتنا هاي اونها محترمه ابله ريهام شيخه : يحليلكم هههههههههههههه مزنه : هههههههههه عادي بنستحمل يلا برايج وصلت الصف شيخه : يلا باي اشوفج فالفرصه مزنه : انشاء الله هيه وداخله الصف لقت ميثوه سلمت عليها ونزلن تحت ميثه : اقول مزنوه منوه هاي اللي تمشين وياها طول الوقت مزنه : هاي كانت ربيعت عواش بنت عمي يوم الاربعاء اداعمنا وهيه عرفتني كيف الله يعلم بس طيوووبه وحبوووبه ميثه : هيييه ... انزين اقولج نوره شفيها اليوم لا سلمت وخاطفه معصبه مزنه : ما اعرفها ليش هيه معصبه مني بس ليش ما اعرف ميثه : انزين انتي ما سئلتيها ليش مزنه : والله انا ربعت وراها ويلست ازاقرها وهيه ما دازه ويه عقب رديت عند شيخه ميثه : بشوفها انا عقب الطابور .. مزنووه ليش ما فسختي القباضه مزنه : اااه والله نسيت شو هذا ما فيه احاوط بلا قباضه عادي يايبه احتياط وسارن يصفن طابور ... نرووووح لراشد : كان مررره ملااان عقب ما خلى ساره ما تفيج يسير يرقم وسالم عداله يكلم راشد : إه انت عطني اسلم على هاذي اللي تكلمها سالم : صبر صبر( يقول حق اللي يكلمها ) انت شو تبى راشد : عطني اسلم عليها سالم : صبر ، حبيبي ربيعي بيكلمج يبى يسلم عليج اوكيه ، خذ بس سرعه راشد : هلااا وحده : اهلين راشد : مرحبا والله شحالج وحده : حمدلله راشد : علومج وحده : تسرك علومي راشد : اقول وحده : آمـــر راشد : شو سمج وحده : ميثه راشد : هيه شحالج ميثه ( لا عاشت الاسامي ولا كلمه طيبه ولاهم يحزنون على طول هيييه البنت بتشك بأن اسمها مب حلوو ) ميثه : حمدلله بخير راشد : من وين ميثه ميثه : من العين دار الزين راشد : كم رقم البيت ميثه : لا والله راشد : تراج قلتي فالعين ما باقي ألا رقم البيت مالكم وييج مررره ألحين بس بدون ما يعرف سالم لا يذبحني اوكيه ميثه : اوكيه راشد : امزح وياج اصلن سالم ملزق اذنه فالتلفون ألحين بيذبحني ميثه : هههههههههه راشد : فديت هالضحكه انا ضحكي مره ثانيه ميثه : هههههههههه لا تضحكني راشد : فديته سالم : إإإه انت بسك ترى مسختها راشد : ادخيلج تيين اتشوفين سالم واصله عنده آخرهههههه احسن اعطيج تكلمينه يلااا بيباي هههه ميثه : يلا بااي ورد راشد ينااام.... نروح لسعيد : كان راد من المول راد البيت ابوه داقله يباه يوم وصل البيت لقى ابوه ينتظره سعيد : هلا ابوي شحالك ابو سهيل : حمدلله وين سعيد : كنت فالسوق ابو سهيل : شو تسوي فالسوق سعيد : في اغراض ناقصه فالمطبخ رحت اييبها ابو سهيل : هيه انزين وين الاغراض سعيد : ترى دقتيلي وانا توني داخل السوق قلت باخذهن المره الثانيه عشان ما اتأخر عليك ابوسهيل : هيه انزين وين عيل راشد سعيد : والله ما اعرفه وين ليش ما دقله ابو سهيل : محد يرد عالتلفون سعيد : يمكن ناسنه فالسياره ابو سهيل : انزين يلا انسير المسيد عشان صلاة العشا انت وينك ما شفتك فالصلاة العصر والمغرب سعيد : ربيعي مغرز رحتله ابو سهيل : كاليوم هالربع يغرزون جيه ذاك لسبوع قايل ان ربيعك مغرز ورايح اتساعده وبعدين محد عنده غيرك هاذا ربيعك سعيد : لاء هذاك لسبوع راشد ربيعه كان مغرز ابو سهيل : هيه كل اسبوع واحد منكم انتوا الاثنين مب سهيل الله يرضى عليه دنيا وآخره سعيد : آآآآمين اجمعين ابو سهيل :يلا جدامي فالمدرسة مزنه : كانت الحصه الثالثه كان عليهم جغرافيا ومزنه تكره شي اسمه ابله جغرافيا (ابله ميثه ) تكرها من الخاطر مب عشان كشخه وتعديل للأنه يوم كانت مزنه صف اول عدادي اتضاربن مزنه وختها ( عائشه ) اللي كانت صف ثالث عدادي وبعد مسويه مشكله ويا ختها الأصغر ( شمه ) اللي كانت معجبه فيها ولعبت عليها عقب استوت المشكله عقب ما لعبت عليها عشان جيه مزنه تكره ابله ميثه مسمتنها ام علاوي من طولها مب من زود الثقافه اصلن تفهيمها نص نص مب انه زين المهم كانت عليهم وممنوع الطلعه فالحصتها ومزنه ما مستعده تخاطر للأنها تبى تمسك عليها بالشي عشان تعاقبها بتلعوزها ما بتخلي شي ما بتسويه فيها بس للأنها طلعت من الحصه الله المستعان المهم يت الابله يوم تدخل اتسلم على طول عيونها فالمزنه تشوف اذا موجوده ولا لاء وتعطيها مزنه نظرات محترمه الصراحه تستاهلهن هيه وفالحصه يوم مزنه تعرف الاجابه ما تخليها اتجاوب ويوم ما تعرف توقفها تجاوب بدت الشرح ومزنه راقده عالطاوله ولا دازتلها ويه والابله طول الوقت ملزقه عيونها فيها ربايعها يقوللها يوم تروح الابله يوم تخطف من عدال مزنه تحط مزنه شيلتها عالثمها وتقول ابله في ريحه بفتح الدريشه اتقولها الابله من وين يت هالريحه تقولها مزنه ما اعرف جيه فجأه يت توها تقول لميثه مب صح طبعا ميثه مررره على طول تقول صح على قولتهم (شلة الأنس) مسمياتنهن البنات والمعلمات فالمدرسه المهم خلصت الحصه مزنه اول وحده طلعت حتى قبل الابله قالت فالخاطرها فكه والبنات نقعن ضحك عليهااا المهم اول ما طلعت لقت نوره فالويها نوره : هلا مزنه مزنه : ألحين عرفتي تردين السلام الصبح يوم انا اربع وراج ما عرفتي اتقولين هلا مزنه ولا حتى تصدين صوبي(ويت شيخه ) قومي انسير شيخه اباج فالسالفه مزنه : هااااا نوره : آسفه مزنه : خلي اعتذارج لج ألحين ما اقبله نوره : اوكيه كيفج وراحت مزنه ويا شيخه ولا دزت لنوره ويه مب كأنها موجوده فالمدرسه شيخه : انتي هالكثر عنيده مزنه : لا بس انا صبح يوم اربع وراها ما رامت تقول آسفه او انها تخبرني شو فيها انا ما احب البنات اللي جيه شيخه : عيل احسلي ما ازعلج فالشي لا تعصبين مني ولا تكلميني مزنه : مب لهدرجه بس نوره مب اول مره تسويها كالمره تزعل ايي وراضيها وذل عمري عشانها بس مب كاليوم هيه مسختها وهن ويتكلمن اتيي نوره ومريم وميثه يمشن ورى مزنه وشيخه شيخه : شوفي من ورانا مزنه : منوه شيخه : انتي لفي شوفي لفت مزنه ورى شافت نوره ومريم وميثه ميثه : مزنه اباج شوي مزنه : اوكيه بس مريوم تعالي امشي ويا شيخه ما بخليها اروحها مريم : اوكيه وراحت مريم ونوره ويا شيخه وميثه ومزنه يمشن مع بعض ميثه : هااا مزنه وبعدين مزنه : شوه وبعدين عيل نوره ما رمتي تقوليها وبعدين ميثه : ومن قال اني ما قلتلها مزنه : انزين هيه الغلطانه وانتي تعرفين هالشي صح ولا لاء ميثه : لاء انتي الغلطانه مزنه : لا والله ميثه : هيه انتي اصلن تعرفين ليش هيه زعلانه مزنه : اكيييد بيطلع سبب تافه نفس كاليوم ميثه : لا مب سبب تافه وصدقها هالمره لو كنت بدالها كنت بسوي نفس اللي سوته مزنه : شوه اللي مزعلنها ميثه : انتي يوم الاربعاء عند منوه كنتي يالسه فالرواح مزنه : يوم الاربعاء ممممم شيخه ميثه : ونوره عند منوه مزنه : ما اعرف ميثه : اروحها هذا وانتي ربيعتها المهم واليوم الصبح عند منوه كنتي يالسه الصبح مزنه : شيخه ميثه : ونوره كانت اروحها زين جيه يعيبج تيلس اروحها لو انتي مب ألا بتزعلين مررره ما بتكلميها مزنه : هيه صح ولا نسيتها وما كنت منتبها اااف هيه دقت البيت بس انا قلت يمكن تباني انقلها العربي ميثه : هيه زين يوم اتذكرتي ألحين يلا سيري اعتذري مزنه : يلا سارن عند شيخه ومريم ونوره مزنه : آسفه نوره بس أناما كنت منتبه انج معصبه نوره : لا عادي بس لاتعيدينها مره ثانيه شيخه مررره معصبه يوم تراضن ما تباهن يردن لبعض عشان مزنه اتم عندها طول الوقت المهم عقب تراضن .. نشوف سهيل شو ستوى عنده : يالس هو وام سهيل يتريون الاتصال المهم ( ام سعيد ) والساعه كانت عشر الفليل .. دق التلفون وكانت ام سعيد هيه اللي داقه وعلى طول ردت ام سهيل حليله التلفون ما واحه يدق ألا ترد عيه ام سهيل مستعيله تبى تفرح ام سهيل : هلا ام سعيد هااا شو قالت ام سعيد : والله ما عرف شو اقولج ام سهيل : قولي شو قالت البنت ام سعيد : موافقه بس عقب ما تخلص دراسه يعني عقب سنه وشي ام سهيل : ليش هيه شو هالشي اللي تدرسه يباله هالكثر ام سعيد : والله ما اعرف ام سهيل : انزين انتي ما كلمتيها ام سعيد : ما خليت شي ما قلته حقها ولا منه فايده تبى اتكمل دراستها ام سهيل : خلاص مشكوره ما قصرتي انا بكلم الولد وبشوفه شو بيقول وهيه اذا غيرت رايها ولا شي خبريني ام سعيد : انشاء الله ام سهيل : يلا مع السلامه ام سعيد : يلا مع السلامه سهيل :هااا امي وافقت صح ام سهيل : والله شو اقولك هيه وافقت بس سهيل : بس شو ام سهيل : بس عقب ما تخلص دارسه سهيل : انزين بعد احسن عشان ما تقول اني اسبب يوم ماتدرس ام سهيل : بعد سنه وشي سهيل : وول سنه وشي ما اقدر استحمل هالكثر ام سهيل : شو نسوي ما باليد حيله عيل انت رمت تصر كالهسنين يوم انا اقولك عرس ألحين ما رايم تصبر سنه وشوي سهيل : انا كنت ادور البنت اللي اتمناها ويوم لقيتها رفضت تاخذني ام سهيل : هيه ما رفضت بس تبى تكمل دراستها سهيل : اوكيه انزين تعرس وانا ما بمنعها من تكميل دراستها بالعكس بشجعها على هالشي ام سهيل : سنه وشي ما يصير يمكن البنت تحمل وتربي كيف تكمل دراستها يوم يستوي عندها عيال سهيل : هيه صح لعيل مسؤوليه عيل ألحين شو اسوي ام سهيل : ما فيه حل ألا انك تصبر سهيل : ( بحزن ) انشاء الله وراح غرفته وهو يتمنى لو قال انه ما يبى يعرس وصبر شوي يقول فالخاطره لو اوصل الستين ما باخذ غير هالبنت وبصبر وبتحمل ولو بعد ميت سنه ( مثال للمحب الحقيقي مب راااشد !!!!) ... نروح لبيت ابو سيف : كانوا كلهم متولفين على الغدى اوووول مره دوم سيف فالشغل ومزنه عالكمبيوتر وشمه راقده وناصر عالتلفزيون اما علي وحصه يتريون الغدى جدام باب المطبخ على احر من الجمر ابو سيف فالمسيد بس يحيهم هالمره يمكن متفقين يجتمعون ابو سيف : ليش هالمه اليوم شو مستوي اكييد تبوني اوديكم مكان بس لا سيف هنيه يلا سرعه خلصوني شو تبوني الكل يضحك .. مزنه : اممممم نباك تعشينا اليوم ابو سيف : انشاء الله من ألحين اسير اسويلج شو تبين بيض وعدس وفول وشو بعد تبين آمري تدللي مزنه : بيض وعدس وفول والله انا لو بدالك ابوي استحي (امزاح) ابو سيف : انزين خلاص استحيت لا تكلميني انا ألحين مستحي علي : افا عليج ختيه ما ردج يوم ابوي ردج انا اعشيج اليوم ( بصل وثوم ) مزنه : سمعوا هذا انتوا انت زين اذا عطيتني ربيه ناصر : ابوي ودينا السيح ابو سيف : هنيه اخوك انا عندي شغل هاذي هيه اخطار هذا التجمع سيف : انا عندي شغل مزنه : رام عليكم الولد طالبنكم تردونه سيف : انشاء الله باجر نصوري انا وانت مزنه : وانا وياكم سيف : عيل انتي ما تروحين اللي يبى بشله ألا انتي ( يمزح ) مزنه : حررررام اصلن انت ما تروم تروح بدوني سيف : بتشوفين باجر مزنه : حلااااام ابو سيف : ما عليج منه انا اوديج كله ولا سحابتيه ( مزنه ) مزنه : عاااش عااااش ابويه يعلني ما اخلى منك انا اصلن اسير وياكم ما يشرفني اسير ألا عند الشيخ عبدالله الله يطول عمره ويحفظه انشاء الله سيف : انزين معليه يتقولي اخوي عنوني وديني ولا بوديج مكان عفني فالمكانج مزنه : كله ولا اخويه حبيبي انا كنت اقصد ما اتنزل ويا ناصر وعلي وهذيلا الباقين مب انت اصلن ما اقدراقول جيه عنك انت حتى كيف فكرت بالهشي ام سيف : بهذلتوا البنت ما عرفت من تمدح ومن لاء بسكم الكل يضحك ابوسيف : ام سيف تبين تسيرين السوق اليوم ام سيف : هيه جان تروم ابوسيف : اوكيه عيل انا ألحين رايح عندي شغل وبييج العصر ام سيف : انشاء الله مزنه : سيف انا باجر ابى اسير السوق سيف : من عيوني كم مزنه عندي انا فالهدنيا ابوسيف : لا والله ام سيف فديتج تبينا نسافر الهند باجر ام سيف : لا فديتك اخاف تتعب ما تهون علي بعدين انا كم عبدالله عندي فالهدنيا الكل نققققع من الضحك مزنه : والله ما لايق ههههههههههههه سيف : لا بعد الهند هههههههههههههههههه راشد : بابا انا بسيل هنب ( هند ) ابو سيف : انشاء الله ناصر قوم شله الدكان عند الهنود قام ناصر وشل راشد يوديه الدكان عشان ابوسيف يطلع للأنه ما يروم يطلع وراشد عنده بييلس يصيح يبى يروح عنده وعقب ما راح ابوسيف الكل رد لشغلته القبليه .... الفليل تولفن نوره وميثه وطبعا مزنه مزنه راحت المطبخ تقربلهن مزنه : مسوتلكن اليوم شو كيكه بتاكلن اصابعكن وراها على قولتهم هه نوره : الله يعيييييناااا لايكون صدق بناكل اصابعنا وراها من الخبال ميثه : انا لا تحسبيني ما باكل عندي حساسيه من الكيكه مزنه : حلاااام بتشوفن بتطلع حلوه وبتمدحني عليها ميثه : انشاء الله راحت مزنه تييب الكيكه والعصير عشان يبلعن الكيك يوم يابتها شكلها وااايد حلو يعني تفتح النفس تشهي ميثه : الله الله يويلي ما نروم نوره : وااااااو مزنه : يعني اكيد حلوه اذا مدحتها نوره اول مره تمدح شي انا مسوتنه لا بعد قالت واااااااو يعني آيم شور ذات اتز دلشز ( الترجمه : انا متأكده انها لذيذه ) عادي بونه الكلام منقع المهم يلست مزنه عدال نوره مزنه : يلا خبريني السالفه نوره : باسم الله الرحمن الرحيم مزنه : شوه شفتي يني نوره : ما واحيت ايلس صدق انج فضوليه مزنه : خلى عنج الخرابيط يلا خيريني نوره : اول قولي سالفتج مزنه : أي سالفه نوره : ألي قلتي بقولج بعدين يوم الباص الصبح مزنه : هيييييه هاي سالفه جداً جداً حزينه نوره : انزين عاااادي نبا نسمعها مزنه : اوكيه السالفه طولي عمرج ................................ يوم راح عني سيف يلست ربع ساعه ورقدت بس شو رحمته هالريال والله اني حسيت فيها انا اهلي ثانيه ما اقدر ابتعد عنهم شو بالج بالشهر وشي نوره : حليله الله يساعده زين ما غلط علينا نحن ولا كنت بموت من الحزن عليه ميثه : انا عادي عندي تراه ألا شهر وراد لهم انشاء الله بسلامه ( ميثه ابوها ميت عشان جيه ما حست فالهريال المسكين ) مزنه : سكتي سكتي انتي لو سمعتيه كيف يتكلم ما قلتي جيه نوره : الله يعينه ويساعده مزنه : انتي خلى عنج الله يعينه ويساعده يلا قولي السالفه $ شو سالفت نوره اللي مستحيه اتقولها لمزنه وميثه ؟؟؟؟؟ $ شو بيستوي بين نوره وسهيل من تطورات ؟؟؟؟؟ $ هل بتستمر صداقة مزنه وشيخه ولا ؟؟؟؟؟ |
تسلميين ع البااارت الناايس ونترقب الياااي بس شييخة هااي موول ما حبيتها |
تسلميين غلاي على المرووور نورتي^^ |
البــــــارت حلوه ونتريا التكمله ... بس احس وايد تخبيص فاسامي الشخصيات .. يعني كل مره تغيري بين ابو سهيل وابوسعيد وبين راشد وعلي مافهمت بعض الاشياء |
هههه مادري والله مب انا الكاتيه هع على العمووم ثانكس غلااي على المروور منوره ^^ |
الجزء السادس : نروح لمزنه وشلتها اللي متولفات فبيت قوم مزنه : شو سالفت نوره ؟؟ مزنه : يلا نوره قولي ترى والله اموت نوره : احسن عيل ما بقول موتي مزنه : نونووو يلاااا ميثه : نقوم نكفخها لييين ما تقول مزنه : يبالها ميثه : عاااد إذا طلعت سخيفه والله اذبحج نوره : السااالفه ... ( ودمعت عينها ) يوم ذاك اليوم الثلاثاء اللي كنت فيه مضيجه تذكرن مزنه : هيييه نوره : كنت متهازبه ويا امي وابوي وخواني وكلهم طاحوا فيه منازع ميثه : ليش نوره : عشان النت ميثه : شو فيه النت يعني ليش مهازبينج عشان النت ما فهمت نوره : انتن تعرفني اني مدمنه على الكمبيوتر ولا اصبر عنه دقيقه عشان جيه هم وصل تفكيرهم لشي ثاني وانتن تعرفن شو هالشي مزنه : خيييبه انا اموت ولا اهلي يشكون فيه ميثه ( لا تعليق ) مزنه : انزين وبعدين شو قلتي شو قالوا نوره : ماشي قالت امي ليش هاليلسه عالكمبيوتر اربع وعشرين ساعه قلتلها والله مب انا الوحيده اللي تيلس عالكمبيوتر قالت بس انتي لازقه فيه لزقه قلتلها يعني الواحد لو ما يبى يسوي هالشي انتوا اللي تخلونه يسويه قالت انزين ليش اطولين لسانج قلتلها والله انتوا اللي اتخلوني اطول اللساني انا حمدلله ما مسويه شي قالت جيه نحن ما بنتريى لين ما تسوين شي عقب سكتت وسارت وياني ابوي عقبها وهزبني وعقب خواني عقب سرت غرفتيه ويلست اصيييح ليييين ما رقدت ( هييه وتخبر السالفه تصيح ) مزنه : انزين انتي نوره الله يهديج وايد ترادين على اهلج خاصة امج وابوج وهالشي يخليهم اكثر يشكون للأنه اللي ما يحترم امه وابوه عادي يسوي أي شيء فيهم ولا يفكر شوه بيستويلهم إذا دروا بالهشي يعني انتي اتييبينه لعمرج والكمبيوتر مب لازم تلزقين فيه لزقه يعني نحن للأنا ربايعج ندريبج انج ما بتسوين شي يعني واثقين فيج بس اهلج يمكن لاء نوره : يا مزنه انا ما اقدر امسك اعصابي إذا حد نازعني فالشي انا ما مسوتنه خلاص افقد اعصابي ما اقدر بطلع كل شي مزنه : ألا امج وابوج نازعي صارخي بس امج وابوج مسكي اعصابج جدامهم وفهميهم انج مب غلطانه بس بدون تطويل اللسان نوره : انشاء الله بحاول ( طبعا ما شي منه عالقولتهم دخلت من هااذن وطلعته من اذن الثانيه ) مزنه : الله يهديج يا نوره ميثه : الله يهدي الجميع ..... نروح لسهيل : كانوا ام سهيل وابوسهيل وسهيل يالسين يتعشون وطبعا راشد وسعيد محد كالعادة عالعشا شوي ..... ودقت ام سعيد ام سهيل : هاي ام سعيد شو تبى داقه ألحين عالعشا يوم قالت ام سعيد نقز قلب سهيل من الفرحه سهيل : ام سعيد انزين امي ردي عليها سرعه ابو سهيل : هاي مب ام سعيد يمكن وحده من الشيوخ ام سهيل : هلا ام سعيد ام سعيد : اهلين ام سهيل : شحالج ام سعيد : حمدلله ام سهيل : علومج ام سعيد : حمدلله بخير من صوبكم ام سهيل : حمدلله كلنا بخير ام سعيد : شخبار ابو سهيل ام سهيل : حمدلله بخير عدالي ألحين هو شي تبينه ام سعيد : لا بس سلمي عليه ام سهيل : يوصل .. هاا شي فالخاطرج يوم شفت رقمج قلت غريبه داقه عالعشا يعني اكييد شي ضروري تبيني ( فضول ) ام سعيد : لا ماشي بس ترى باجر سعيد ياي من بريطانيا ( رايح بريطانيا عشان يكمل دراسه ) ام سهيل : بسلامه انشاء الله ام سعيد : عاد نحن عازمينكم عالغدى ام سهيل : اصلن بونكم لو ما عزمتونى بنيي هذا ولدي نفس مهو ولدج لازم انيي انسلم عليه ونشوفه ام سعيد : هيه عيل زين بس لاتنسين راشد وسعيد كالمره ما يون هالمره إذا ما يوا بزعل منهم ام سهيل : انشاء الله اصلن انا روحي بسحبلهم من كشيشهم إذا ما يوا تامرين على شي بعد ام سعيد : سلامتج ام سهيل : يلا عيل مع السلامه سهيل : هاا امي شو تبى ام سهيل : باجر سعيد ولدها بيي من بريطانيا وماشي داقه عشان تخبرنا وتعزمنا عالغدى اللي بيسوونه عشانه ابو سهيل : يرد بسلامه سهيل : بس ما قالت شي غير ام سهيل : لا شو قالت يعني غير ابو سهيل : انت شوه فيك من تسمع اسم خالتك موزه نقزت وتخبلت شو السالفه سهيل : لا ما شي..... يلا حمدلله انا شبعت ام سهيل : جيه تونا حاطين العشا وما كليت شي سهيل : بس شبعت كملوا انتوا زينه يلستكم ابو سهيل : بونه سهيل يحيه عن اخوانه ألحين حتى هذا ما منه فايده شو ستواله الله يعلم سهيل اتغسل وراح غرفته وضايق خلقه كالمره يتذكرها عق عمره عالكرفايه يقول فالخاطره مسوين عزيمه فرصه عشان اشوفها بس كيف هيه ما تطلع وانا ما اقدر ادخل عند الحريم مب حلوه .. ( راشد طبعا يدخل ويعفد فوقهن ماله خص فالريال ) المهم اني اكون فالنفس المكان اللي تكون هيه فيه يرتاح قلبي ... والله قمت اتحب يسهيل واللي اكان يشوفك قبل ما يقول ما مال جيه والله هالبنت اللي خلتني اتحول واصير سهيل ثاني غير سهيل القبلي اللي كان ما يعرف عن هالسوالف ما شاء الله عليها لا انضل البنت حليلها .....وهاي حالته كالمره يتذكرها .. نروح لراشد : كان ويا ربعه رايحين الرمله يستأجرون الدرجات ويلعبوبهن لعب فالطريج ... دق تلفون راشد راشد ما شاف الرقم على طول رد على التلفوون راشد : هلا والله ابو سهيل : اهلين راشد : ابوي ابوسهيل : وين راشد : ويا ربعي ابو سهيل : أي مكان راشد : ليش بتيي ابو سهيل : ما عندي شغله غيرك راشد : عيل شوه ابو سهيل : اباك تيي البيت ألحين راشد : اااه ليش ابو سهيل : بس اباك فالسالفه راشد : إذا عالصلاة انا مصلي من متى من ساعتين ابو سهيل : جيه الأذان من ساعه مأذن راشد : هيه صح من ساعه ترى ما شفت الساعه ابو سهيل : انزين انا ما اباك عالصلاة ادريبك ما مصلي بس انا اباك شي ثاني راشد : شوه ابوي آمر قولي انا بسويه مب لازم ايي عندك ابو سهيل : انت وبعدين عندك بتيي ولا شوه راشد : بس.. ابو سهيل : بدون بس الموضوع اللي اباك فيه اهم عن الرقصه اللي يالس ترقصها راشد : استغفر الله أي رقصه ابو سهيل : يلا سرعه خمس دقايق وشوفك قدامي ( وسكر فويه) راشد : ابوي ابوي صبر سكر سالم : منوه راشد : ابوي سالم : شو يبى راشد : قال موضوع ضروري بس هوه كالمره يقول جيه ويطلع ولا صلاة ولا العزبه سالم : انزين لا تروح وقوله انه واحد من الربع سوى حادث ولا رمت اخليه وايي عنه راشد : اخافه يعصب ولا يصدق للأني كالمره اقوله جيه بيقول ربيعك هذا ما مات كاليوم حادث سالم : كيفك راشد : خله يولي اصلن إذا سرتله لين ما اوصل بحصله راقد سالم : قوله كنت فالمكان بعيد ويوم وصلت حصلتك راقد راشد : اصلن هوه ألحين يمكن رقد ههههههههههه سالم : هههههههه ..... نروح لمزنه : مزنه كانت يالسه ادرس حصوه الدبه مزنه : يلا هاي انقطه وين تحطينها حصه : تحت مزنه : لااااااء جان اني من متى يالسه افهم انتي ما فيج عقل ام سيف : مزنه شوي شوي عالختج مزنه : امي انتي تعالي درسيها ام سيف : انا ألحين يالسه اطالع المسلسل ( حريم آخر زمن البنات يشتغلن وهن يطالعن مسلسلات ) ودق التلفون .. مزنه : امي انا بسير ارد عالتلفون مالي خص إذا شردت حصه وراحت اترد عالتلفون مزنه : هلا ميثه : اهلين مزنه : شحالج ميثه : بخير مزنه : شخبارج ميثه : ماشي اخبار مزنه : علومج ميثه : بخير حمدلله مزنه : حمدلله يوم دقيتي وانقذتيني من حصوه ميثه : شفيها مزنه : يالسه ادرسها من الصبح آخر شي يوم سرت اسئلها جاوبت غلط ميثه : والله انتي ما معبل عليج ادرسينها مزنه : شسوي امي قايلتلي ميثه : انزين وامج قايلتلج شو يعني مزنه : ( اضيجت من اللي قالته ) انزين شو تبين داقه ميثه : اسولف مزنه : هيه صح اجلته الامتحان ابله العلوم صح ميثه : شدراني مزنه : انتي اصلن ما داريه بالدنيا إذا ادور ولا لاء ميثه : ليش الدنيا الدور هههههههههه مزنه : ههههههههههه عن المساخه ميثه : اقولج اليوم تعرفين فالروااح يوم رادين البيت خطف واحد عنده فتك ابيض شو حلاته وانا كنت يالسه اطالع السياره تعرفيني اموت عالفتك الابيض انزين يوم كنت اطالع السياره نزل الدريشه راعي الفتك يت عيني فالعينه عقب ما دريبه شو يقول 667 ... يعني يرقم مزنه : شو يعني يرقم ؟ ميثه : يعطيج رقمه عشان ادقيله عقب مزنه : هييه قولي يغازلج ههههههههههههههه ميثه : ههههههه والله انج بقرة احسن اسكت عنج مزنه : انزين انتي ليش اتطالعين الدريشه ميثه : كنت يالسه اطالع شي كاتب فالدريشه بس ما واحيت نزل الدريشه مزنه : يميثه لو انا منج حتى ما بطالع شو تبينه ميثه : عاد فتك ابيض لازم بطالع مزنه : المهم حليتي الواجب ميثه : لااااء مزنه : انزين باسم الله ليش لاااااء ميثه : انا وين وانتي وين مزنه : شوه ميثه : انزين قولي كيف الفتك سئلي إذا اللي طلع راسه من الدريشه حلو ولا لاء مزنه : انزين اقولج هذا اللي طلع راسه من الدريشه حلو ميثه : توة الناس مزنه : انزين شو الفتك كيف حلوة ولا لاء ميثه : ههههههههههههه مزنه : شفيج اتضحكين اتكلم جد ميثه : يعني مترجمه أي شي اقولج تقولينه بتقولينه هههههه مزنه : هييييييه هههههههههههههههه ميثه : اقولج مزنه : آمري ميثه : امي بتاخذ سيارة يديدة مزنه : ليش ميثه : بس جيه اتبزى مزنه : ههههههههههه انزين شو بتاخذ ميثه : مااعرف هيه قبل قالت بتاخذ ستيشن على ما اظن مزنه : والله احلــــى شي همر ميثه : مالت عليج مزنه : والله رووووووعه بعد احلى لو تكون صفرة ميثه : عشان يقولوا خاااله راكبتنها هالهمر مزنه : تجب تجب والله مرره شفت فالجمعية ترى يحطون سيارة بره الجمعية عشان مسابقة مااعرف مسابقة شو وكانوا حاطين همر صفرة يوم خطفت من عدالها يمكن وقفت ساعه كامله اطالع وانا ما مصدقه اللي اشوفه جني شايفه ملاك استغفر الله ههههههههه وعمتيه اتزاقر وانا فعالم ثاني وطبعاً الرايح والياي يطالعوني ومزنه فالعالم ثاني ههههههههه حليلي ميثه : ههههههههه على الاقل يعطونج السياره حطمتي الرقم القياسي فالخبال هههههههههههههههههه مزنه : حلييييلي كل اللي اباه من هالدنيا همر صفرة على الاقل همر مب شرط صفرة ميثه : بس ما طلبتي بس خبريني مالت ربيه ولا لكبيره اللي بالخمس ربيات ترى اللي بربيه احسن وارخص بس إذا فالخاطرج لكبيره بييبها لج ههههههههههههه مزنه : من قالج ان ما عندي يوم رايحين السوق شفت همر صفرة طرررر سحبت رشودي وقتله سير قول حق بابا ابى هاذي السياره ويوم وصلنا البيت خذيتها عنه ههههههههه ميثه : حراااام خذيتي سيارته مزنه : اصلن هو ما يباها بس للأني انا قلتله ميثه : هيييه حليله الله يعينه عليج ههههههههههههههههه مزنه : ليش وحش قالولج ميثه : لااااء انتي برنسيست البرنسيسات مزنه : ثانكس اعرف بس لا تخجليني واايد ميثه : هههههههههههههه ( مزنه تبى تسكر من متى اتكلم شوفوا الجذبه اللي عقتها ) مزنه: مييثوه ميثه : هلاااا مزنه : سرعه يلا يلا بسكر ابوي وصل ميثه : اوكييييه يلا باي مزنه : بااااي مزنه( فالخاطرهاااا فكه ما تمل من السوالف ...) ـ شو بيستوي من أحداث بين مزنه وشيخه؟؟؟؟؟ ـ راشد .. بيسلم من ابوه يوم سوى طااااف لكلامه؟؟؟؟؟ ـ متى بيرتاح سهيل من الحب اللي ذابحنه (نوره)؟؟؟؟؟ بنشوف فالجزء السابع الجزء السابع : نروح لسيف : كان هو وربعه كلهم متولفين وغير ربعه يتجمعوا كل سبت يسوون سباق بين خمسه منهم وهم فوق العشرين واللي يفوز على اللي خسروا يعدلوله سيارته إذا أي شي فيها خربان لين السبت اللي عقبه وطبعاً اللي سيارته مب خربانه يخربها بس عشان يخسرهم المهم هالسبت كان سيف من هاذيل الخمسة سيف كل مره يطلع للأول ولا الثاني للأنه يوم يركب السياره يطير ولا همه شي ما يفكر ألا بأنه يفوز فالسباق المهم ركب كل واحد سيارته الطريج اللي يتسابقون فيه مال شاحنات بس قليل يخطفن شاحنات فالليل المهم كانت الساعه 12 فالليل يوم توه سيف يركب سيارته عنده فتك ذهبي 2007 دق تلفونه شاف التلفون يدق شاف الرقم .. رقم امه رد عليها سيف : هلا امي ام سيف : هلا سيف سيف : هااا امي شي صاير ام سيف : لا بس بغيت اشوف انت وين ما دري قلبي قالي ادق اطمأن عليك سيف : تسلمين امي الله يطول بعمرج لا انا الحمدلله هنيه عند ربعي ارتاحي ام سيف : هيه عيل يلا برايك ودير بالك على نفسك وانتبه فالسواقه شوي شوي سيف : انشاء الله امي شو فيج انشاء الله ما بيستويلي شي ام سيف : انشاء الله يلا مع السلامه سيف : مع السلامه واحد من ربعه يزقر عليه : سيف يلا نبدأ سيف : يلا يولعون شلق واول ما ينقع يبدون السباق ولعوا الشلق وبدوا السباق .. سيف وربيعه هزاع متساويين من البدايه وطبعاً فالمصدره سيف يتقدم شوي وهزاع شوي سيف زاد سرعته آآآآخر وراح عن هزاع ويطالع جدام ويطالع هزاع من لمرايه وراه واااايد مندمج وهو يطالع هزاع اتيي شاحنه من جدامه هزاع وربعه الباقيين يسووله هرن وهو يطالع من لمرايه ولا عارف السالفه لفوا كلهم عن طريج الشاحنه وسيف يتحسب انسحبوا اتيي الشاحنه وتضرب هرررن صد سيف صوبها وتضرب الشاحنه فالطرف السياره لفت السياره وطلعت من الطريج ضرب راس سيف فالهرن مال السياره وضربت مراية الشاحنه فالزجاج مال السياره وكل تكسر وكله ضرب فالويه سيف نزلوا ربعه من سياييرهم يركضوا ودقوا الاسعاف يحمد الله ان الاسعاف قريب من الطريج اللي يتسابقون فيه خمس دقايق والاسعاف واصله شلوه المستشفى وام سيف حليلها كانت حاسه سبحان الله بس اصاباته كانن بسيطه مب انهن وايد ربطوله ايده وراسه وشوية جروح فالويه من الزجاج اللي ياه من الدريشه المهم دخل هزاع هزاع : السلام عليكم سيف : وعليكم السلام هزاع : انشاء الله احسن سيف : الحمدلله هزاع : عيل ألحين ادق للأهلك عشان يعرفون انت وين وشو استوالك سيف : لااااء هزاع : ليش سيف : ما اباهم يخافون علي امي لو درت بيغمى عليها واخاف شي يستويلها قبل ما اسابق كانت داقتلي وتقولي انتبه لنفسك بس انا اللي ما سمعت كلامها وهاذي يزاتي لو استوالي شي غير جيه شو بيستويلها ما كنت بسامح عمري بس حمدالله على انه ما ستوى غير هالجروح البسيطه حمدالله هزاع : الحمدالله وانزين شو بتقولهم إذا قالوا وين كنت للأنه الدكتور ما بيخليك تروح سيف : انا بقنعه وبخبره السالفه وهو اكييد بيتفهم وبيطلعني وبعدين انا ما فيه شي الحمدالله هزاع : خلاص عيل ألحين ازقره عشان تقوله سيف : لا ماعليه انا بسيرله عشان يشوف ان ما فيه شي ويطلعني هزاع : على راحتك وراح سيف عند الدكتور عشان يطلعه وبعد سالفه طويله رخصه الدكتور طبعاً بطلوع الروح رخصه ويوم سار البيت دخل ولقى امه راقده عند الباب اترياه وطبعاً مزنه يالسه اطالع التلفزيون سهرانه شاف الليت مشغل على طول عرف انها مزنه اللي سهرانه على التلفزيون قال فالخاطره ألحين كيف ادخل ومزنه وامي هنيه للأنه إذا شافنه ومعلم على ويه يوم الزجاج ضرب على ويه فقال بيسير حق مزنه وبيخبرها السالفه ويخليها اتقيم امها وتوديها فوق يوم راح يدخل لمزنه صرخت مزنه ذيج الصرخه قامت ام سيف يوم سمعت الصرخه ويت تربع تشوف شو السالفه وخطف يربع سيف ورى الباب ويقول لمزنه لا تخبريها اني ييت ام سيف : ( يايه تربع وميته من الخوف ) شفييييج شو ستوى مزنه : اااااه لا ما فيني شي بس الفلم اللي اطالعه يخوف طلعوا لقطه وايد اتخوف ام سيف : مزنه وجيه اتصارخين اكييييييييد ان صوتج وصل الشعبيه اللي عدالنا مزنه : انزين امي ام سيف : انزين يلا انا رايحه ارقد يوم ايي سيف تعالي وعيني انزين مزنه : ليش مب لازم هو مب ياهل ام سيف : وانتي شو يخصج وعيني وخلاص مزنه : انشاء الله امي يلا تصبحين على خير ام سيف : وانتي من اهله يوم راحت ام سيف فوق طلع سيف ومزنه شهقت ذيج الشهقه ما رامت اتنفس مزنه : سييييف شو فيك باسم الله عليك سيف : ما فيني ألا كل خير مزنه : وهذا اللي اشوفه خير سيف : حمدي الرب يوم ما ستوى شي ثاني مزنه : حمدالله بس شو كل هذا كيف ( وطبعاً صاحت ) سيف : شفيج اتصيحين ما فيني شي( وراح يحضنها للأنها خلاص كانت ميته من الصياح ) مزنه ماتت يوم حضنها وخازت عنه للأنها واااااااااايد تستحي وما تحب حد يسكها وهو حضنها ماااااااااتت يوم خازت عنه قالتله : قولي شو مسوبك جيه فيه ولا فيك سيف : باسم الله عليج .. بخبرج بس ما تخبرين امي مزنه : وإذا سئلتني اجذب عليها يعني انا تعرفني ما اعرف اجذب بس ألحين جذبت عليها من الخوف سيف : وإذا خبرتيها تعرفين شو بيستويلها يعني احسن جيه ولا جيه مزنه : انزين شو ستوالك سيف : يوم نتسابق خطفت شاحنه وما كنت منتبه ودعمتني بس الحمدالله من الطرف مزنه : وانشاء الله تبا ترد مره ثانيه تسابق سيف : اكيييييييد لاااا مزنه : انزين ويهك كله دم امي اكييد بتشوفه للأنها ألحين من متى ترياك وباجر من الصبح بتيي اتشوفك سيف : وانا ليش ييت اخبرج عشان تشوفيلي صرفه مزنه : اوكييه انت سير ارقد واقفل الباب يوم بتييك الصبح بقولها انك ييت الفليل بس متأخر وعلى طول رقدت عشان جيه تعبان وما يروم يقوم عشان تخليك ترقد سيف : جيييييييه اباج مزنه : بس والله إذا رديت تسابق مره ثانيه والله اخبر امي وابوي بعد سيف انت إذا ستوالك شي تعرف شو بيستوي للأمي وابوي وانا وخواني الباقيين ما فكرت بالهشي سيف دخليك قول اها آخر مره سيف : والله آخر مره شو ما تصدقيني مزنه : لا اصدق سيف : انزين يلا انسير ومشي عيونج الحلوات من الدموع شكلج يروع يوم اتصيحين ههههههههه مزنه : لا تنكت وانا معصبه سيف : خلاااص ما صار شي الحمدالله مزنه : الحمدالله سيف : يلا اتصبحين على خير مزنه : وانت من اهله... إذا ما رمت ارقد منك سيف : لالا بترقدين سمي باسم الله ورقدي مزنه : انشاء الله سيف : يلا وراحت مزنه ترقد ودموعها على خدها من الخوف على اخوها وهو اصلن متلوم ويلس طول الليل يحمد الله ان ما شي استواله للأنه لو استواله شي ما بيسامح عمره وما رقد لييين الساعه اربع ونص طول الوقت يفكر بلي استواله عقب راح يصلي ورقد مزنه رقدت اربع ساعات ويت امها اتقيمها عشان المدرسه ام سيف من ساعه تنازع مزنه للأنها تسهر وما تطيع تقوم للمدرسه بس لو الموت ما تخليها تغيب عن المدرسه المهم يوم خلصت منازع وطبعاً مزنه ما سمعت شي منه راحت ادق الباب على سيف يوم سمعتها مزنه نقزت من الكرفايه وربعت لمها مزنه : امي خليه يرقد هو امس رد متأخر وقالي اخبرج عشان ما تقيمينه الصبح للأنه واااايد تعبان وما بيسير الجامعه اليوم هو قالي اقولج جيه ام سيف : سيف ما يبى يسير الدوام مستحيل يعني اكييييد ولدي فيه شي حليله ( وردت ادق الباب ) مزنه : امي خليه انتي يوم بتقيمينه اكثر بيتعب ام سيف : جيه ما يرد علي يمكن استواله شي باسم الله عليه مزنه : لا امي ما فيه شي انا ألحين بزقره ..سيف سيييييف انا مزنه سيف : هاااااا مزنه : لا ماشي رد رقد إذا انت تعبان بس امي خايفه عليك وتحسب شي فيك سيف : لا امي ما فيه شي بس تعبان برقد شوي بعدين بقوم ام سيف : انزين افتح الباب عشان يمكن يستويلك شي سيف : لا امي باسم الله علي لا تفاولين انا ما فيه شي بس وااايد تعبان من امس ام سيف : على راحتك .. مزنه يلا قومي سيري تلبسي الباص بيي بعد خمس دقايق مزنه : عيل ما بسير امي انتي تعرفيني ما يسدني خمس دقايق إذا الباص بيترياني اوكيه بسير ام سيف : الباص باص ابوج مزنه : هييييه اصلن تخسي هل الباص لحتر باص ابوي ام سيف : يلا يلا انتي سيري ألحين بيي وانتي تلعلعين من الصبح مزنه : انزين امي صدق خلي ابوي اييب دريول نحن ما ناخذ راحتنا الصبح كله سرعه سرعه وانا ما حب جيه بعدين ترضين بنتج بنت الشيخ عبدالله تركب باص ام سيف : انزين الحايه لج انتي سيري وقوليله تعرفين انه يوم انا بقولها ما بيطيع ويوم انتي بتقوليله على طول بييب دريول مزنه : امي تعرفين ان هالشي من سابع المستحيلات اسير اقوله تعرفين اني استحي منه ام سيف : انزين بشوفه مزنه : عيوني انتي تسلميلي ام سيف : مزنه مزنه : هاااا ام سيف : الباص راح مزنه : وينه ام سيف : شوفي من الدريشه مزنه : احسسسسن .. قصدي شو هاذا ألحين ما بسير المدرسه ام سيف : من عيوني ألحين اطرش دريول يدتج مزنه : امي لاااا ام سيف : يلا سرعه سيري اتجهزي مزنه : انشاء الله بس ترى يبالي ساعه ام سيف :اعرف لازم يبالج ساعه تراج رايحه عرس مب مدرسه مزنه : ههههههههه امي حليلي انا هذا اللي اسويه واااايد شوي سيري شوفي البنات شو يسون اللي راسمه عينها وموصله لجحال لييين طرف خشمها من تحت واللي تحط البودره وكريم الاساس ووووو وااايد غير هذا انا حليلي ولا مسويه شي ام سيف : هذا كله ولا مسويه شي سيري سيري يلا ألحين بدق حق الدريول وتجهزي سرعه مزنه : من عيوني الهنتين ام سيف : يلا سررعه وراحت تجهز وخذتلها اكثر من ساعه والدريول شوي وبيذبحها من الصبح يتريا ركبت وراحت يوم وصلت المدرسه ذاك الترحيب اللي ياها اول ما يت المدرسه كانت الحصه الأولى والأبله ما يايه يوم بنت شافتها صرخت مزززنه يت ويخطفن كل البنات يترابعلها ربايعها وغير ربايعها للأنه الصف مب حلو من دون مزنه مب ألا الصف حتى المدرسه كلها ميثه : توها نورت المدرسه نعيمه : هلااا هلااا والله اليازيه : توها اظلمت المدرسه مزنه : لا والله اليازيه : لااا امزح وياج بس انتي وينج ليش تأخرتي الصف من الصبح ساكت مزنه : مب لهدرجه اليازيه : بناااات الصف حلووو ولا لاء بدون مزنه البنات : لااااااا مب حلوو اليازيه : شفتي يعني تحملي اتغيبي ولا تأخري مره ثانيه مزنه : استحييييييييت اليازيه : اونننه مزنه : هههههههههههههه كل البنات : هههههههههه مزنه : عيل وين مريووووومي اليازيه : تهيييييييييت مزنه : وين تهيت نعيمه : يت يت مزنه انخشي ورى الباب وسمعي مريم شو تقول عنج من الصبح حاشرتنا عليج راحت مزنه تنخش ورى الباب يوم يت مريم مريم : اففف تعب عيزت من لهياته ويييييييييين مزنه ييبولي مزنه ولا ترى بموت ومها تأشر لمريم ان مزنه ورى الباب اليازيه : حليليج تبين مزنه مريم : هيييه والله المدرسه مب حلوه من دونها اليازيه : مزنه طلعي من ورى الباب يوم طلعت مزنه من ورى الباب تصرخ مريم ذيج الصرخه مريم : مزووووووني مزنه : مريووووووومي وربعت مريم تحضن مزنه مزنه : باسم الله على شككتيني فالعمري قلت يمكن مت ورديت احيا مريم : ههههههههه ويييينج ليييش تأخرتي يالدبه مزنه : انا دبه مريم : لااا انتي كل رشاقة العالم فيج وييينج مزنه : راح عني الباص مريم : هذا العراقي الخايس مزنه : هيييه هو هاذا مريم : هذا بالكفخه انا ليش ما يترياج مزنه : لا لا تهوري ترى مب زين اخاف بعدين يصيح ما فينا يسير يخبر الإدارة خلييه هالمره مريم : عشان خاطرج وعقب مسكتها ولا طاعت تبطل ايدها طول الدوام جنها بطييير المهم فالفرصه كانن مزنه وشلتها رايحات صوب المكتبه مالت المدرسه عشان مريم ويزوي ونعيمه ومزنه وميثه ياخذن مذكرات لتاريخ والجغرافيا ونوره وجواهر وآمنه كانن ماخذات من قبل بس مزنه واللي عندها لازم يتأخرن يوم ييبن شي ما متفيجات هن ورادات كانت شيخه وشلتها رايحات المكتبه بعد شيخه شافت مزنه وهيه الصبح ما شايفتنها فالباص وراحت صوبها عشان اتسلم عليها اليازيه : مزنه شوفي من ياينج مزنه : شيخه حليلها مستغربه اني ييت للأنها اكييد ما شافتني فالباص شيخه : شحالج مزنه مزنه: الحمدلله بخير انتي علومج شيخه : حمدالله انتي وييينج مزنه : هالباص الخايس راح عني شيخه : صدق انه خايس هههههه مزنه : هههههههههه شيخه : مزنه مزنه: عيونها شيخه : اباج فالسالفه مزنه : من عيوني ( تقول لربايعها ) يلا برايكن بيي بعدين نوره : اوكييه نشوفج بعد الفرصه مزنه : اوكييييشن مزنه من زمان ما راحت عند شيخه عاد ألحين بيطلعن كل السوالف اللي فاتتهن شيخه : اشتقتلج مزنه : والله شيخه : والله مزنه : شكراً شيخه : العفو مزنه : علومج شيخه : تمامكو .. اقولج مزنه : آمري شيخه : ستوتلي مصيبه مزنه : خييييييير شيخه : واحد خايس يتبلى علي ومطلع علي رمسه مزنه: منوه هذا شيخه : شدراني مزنه : انزين وبعدين شيخه : قالي بيسير يخبر ابوي اني انا ارمس مزنه : انزين هو كيف قالج شيخه : ترى خذيت رقمه يوم طلع علي هاذي الرمسه عشان انازعه مزنه : ومن وين خذيتي رقمه شيخه : مزنه انتي وايد تسئلين افففف مزنه : انزين خلاص خلاص هدي شيخه :هههههههه سوري مزنه : لا عادي انتي معصبه وانا ما خليت سؤال ما سئلتج عنه انا سوري اصلن تعرفين اني انا مر علي موقف تقريباً نفسه شيخه : انتي مزنه : هيه بس انا مب نفسج شيخه : شو ستوى شو السالفه مزنه : ( وخبرتها سالفه هذاك الريال اللي داق ويتحسب مزنه حرمته وهو كان مغلط ) يوم خلصت شيخه فهمتها غلط يعني تحسب مزنه نفسها للأن تفكيرها كله جيه للأنها هيه جيه شيخه : مزنه مزنه : هااا شيخه : انتي ترمسين مزنه : لاااااااااااء شيخه ليش تسئلين هالسؤال يعني انتي شفتي علي شي غلط انا سويته خلاج تشكين فيه شيخه : لاااء مزنه : اتحسب شيخه : انزين تبين مزنه : ابى شوه شيخه : ترمسين مزنه : شيخه شو هالكلام اللي تقولينه انتي خبليتي ولا شوه وبعدين لا يكون انتي ترمسين اقول يلا برايج ولو سمحتي ما تيين صوبي لا اعرفج ولا تعرفيني اوكييييه شيخه : انتي فكري بالموضوع ألحين بس للأنج مصدومه تقولين جيه مزنه راحت وهيه دايخه ولا مستوعبه اللي استوى ما كانت متخيله ان شيخه جيه يوم راحت عند ربايعها كانت مضيجه وشوي وبتصيح ويها استوى احمر اليازيه : مزنه شفيج مزنه : ما شي نروح الصف اليازيه : صبر نتريا مريوم مزنه : اوكييه انا بتجدمكن للأني وايد تعبانه نوره : شفيج مزنه : مادري راسي وايد يعورني اشوفكن فالصف نوره : انزين شو اشتريلج عشان تخفين شوي مزنه : مالي نفس اكل شي ولا تشتريلي للأني ما باكله نوره : انزين انزين خلاص ما بشتريلج انزين بيي عندج مزنه: اوكيه ركبن الدرج يوم عدنه نوره تسولف ومزنه ولا تسمع شي ولاسمعت حرف ياينها دواخ قوي وهيه تذكر الكلام اللي قالته شيخه مسكت راسها واول ما وصلت الصف طااحت على نوره نوره : مزنه شفييييج بنات تعالن ربعن وين البنات يترابعن شلنها ودنها الإداره دقوا حق ابوها شلها المستشفى ريم معجبتها يلست اتصيييح ونوره دمعت عينها للأنها ما تحب حد يغمى عليه فوقها بيغمى عليها عنده كانت وايد متروعه يوم طاحت عليها مزنه ما عرفت شو تسوي ويلست تفكر لو استوالها شي فوقي لين ما ردت البيت اول ما وصلت البيت ربعت ادق لمزنه تلفون تشوف شو ستوالها ومزنه ذيج الساع كانت خلاص راده من المستشفى يوم دقت رد عليها راشد نوره : راشد حبيبي هنيه مزنه راشد : ااااه شووه نوره : وين مزنه راشد : انتي منو نوره : انا نوره راشد : شو تبين نوره : حبيبي ابى مزنه راشد : ازه نامت نوره : نايمه راشد : هييييييييه انتي وين نوره : خلاص حبيبي يلا مع السلامه وسكرت فالويه وهو يلس اروحه يسولف ما يعرف انها سكرت المهم ام سيف من الخوف يلست طول الوقت رايحه راده صوب غرفة مزنه ..مزنه رقدت لين عقب المغرب وسيف يوم ايي يبى يشوفها تقوله ام سيف نايمه لين عقب المغرب يوم قامت يلست اتذكر الكلام اللي قالته لها شيخه وكانت وايد معصبه بس ما صاحت للأن مزنه ما تصيح بسهولة مزنه ما كانت معصبه للأن شيخه قالتلها هالكلام كانت معصبه للأن شيخه ربيعتها وما تبى تخسرها وبالهطريقة عشان جيه كانت وايد مضيجه منها المهم سيف يوم راح لمزنه عقب المغرب لقاها قايمها سيف : هااا مزنه ألحين احسن مزنه : الحمدلله سيف : إذا طلعتي من البيت مره ثانيه وانتي ما متريقه يويلج اصلن انا دووم الصبح بيلس اترياج اشوفج إذا تريقين ولا لاء مزنه : هههه انشاء الله سيف : سحووبه مزنه : هااا سيف : نسير نتمشى مزنه : ويييين ( منصدمه اول مره يقولها جيه ) سيف : أي مكان تبينه اوديج حديقه السوق أي مكان مزنه : ممممم ابى اسير العزبة سيف : ألحين المغرب مزنه : امزح هههههه مابى اسير مكان سيف : يلا سرعه خلصيني تراها فرصة العمر ههههه مزنه : لا والله ما لبى اسير مكان سيف : انا مصرر انا وانتي نسير نتمشى يلا قومي تلبسي مزنه : سيف والله ما لبى راسي يعورني سيف : انزين انا للأن راسج يعورج بوديج عشان تشمين هوى مزنه : اوكييييه على راحتك سيف : يلا عندج خمس دقايق بسير اصلي العشا وبخطف عليج اشلج اوكييه مزنه : اوكييه عيل مدامك بتسير تصلي انا بسير اتسبح خمس دقايق سيف : اوكيه بس سرعه مزنه: انشاء الله سيف : يلا تحركي بدى الوقت التنازلي عندج عشر دقايق خمس اتسبحين وخمس تلبسين وتصلي العشا وتقوم تنقز مزنه من مكانها تربع الحمام سيف : ألحييين جيه اللي ما يبى يسير الله يعين لو تبى تسير شو بتسوي يوم اقول خمس دقايق ... & سيف ليش مصر انه ياخذ مزنه يمشيها أروحهم ؟؟؟ & شو بيستوي بين مزنه وشيخه فالمدرسه يوم مزنه بتشوف شيخه وهل مزنه بتخبر ربايعها بلي استوالهاعند شيخه ولا لاء ؟؟؟ والسموحه منكم مره ثانيه وانشاء الله ان تنال اعجابكم ^^ |
اختي عدلي لغة الخط ما ادري بلااه كله يظهر ظظظظ |
بعده ما وظح الخط فديتج |
شالسالفه وين تكملت القصه يالله قطووه لااطولي علينا فديتج ترى عذبه بتصيح هه ^_^ |
شو هذا الحروف طالعات ظ وط لوسمحتي عدليه:30: |
السموحه منكم لانيه تاخرت عليكم بس شسوي ها الفتره كله امتحانات و جي يعني ان شا الله في الاجازه بعدله و ما يصير خاطركم الا طيب و السموحه منكم قطوتكم قطوة دار الزين |
| الساعة الآن 07:21 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir