|
مشكله .. وهل لها حل ؟؟؟ السلام عليكم ورحمه الله وبركاته شخباركم ... انشالله بخير ؟؟؟ حبيت انزل موضوع والصرااحه انا تعبت من كثر التفكير الزااايد يخص حالتي النفسية !!!!! انا انسان حالتي النفسية صعبه يعني جدامك فالمنتدى شخص حبووب و برع يعني فالطبيعه شخص مكتثب ودومه يفكر <<< على شو م أدري ؟!! اولن (الصلاه ) ما اعرف شي عنها وما اعرف كيف يصولنها ولا اعرف كيف نتوضا والتشهد بعد ما اعرفه ؟؟!! ولدرجة يوم الوالد يسالني صليت وانا اقوله هيه ..وانا من هناك ما اصلي ؟؟!! المهم حالتي النفسية هي الأكتئاب والسكووت واحب الوحده ..أنا شخص مب عايش حياتي فكرت بالموت !!! واحسد الناس المستانسه ودومي اكون مضايق وملان وحياتي كلها ارقاد وملل وعالنت ..! سالت عمري الي فيني هل هو عشان المشاكل العائليه بين العم والأبو صح انه كان مب وياي واايد أو من الصلاه أو انا شخص طبيعي حالتي جي وشخصيتي <<شخص ممسوح عنه الشخصية جبان أناني خواف كسول عايش عشان ارقد واكل و اطلع و افكر اتم وحيد !! الاحظ انه محد يبا يرابعني ودوم السكوت فالصف وكل احط ف بالي انه الناس هالزمن كله عندها مجامله ومصلحه !! شخص ما كون علاقة ويا حد ( يعني الكل ما يطيقني ليش انه دووم ساكت وما احتك فالشخص واايد ) مادري شو الي اقوله اكثر عن جي تراني عضو من شهور وياكم ومسجل على نك 2 يعني ( مجهول الهوية ) << محد بيعرفني !! واتريا نصايحكم لي !!واتمنى محد يطنشني ..لاني شخص محتاجلكم وااايد !! ....... |
وعليك السلام ورحمة الله وبركاتة يامرحبا ملااييـــــــــــن ولا يسدنك والله من ماتكون ونعم فيك ، لأنك انسان صريح ، وحريص ومؤمن ، حريص ومؤمن لأن رب العالمين يحب النفس اللوامه وسبحان الله كثير من الناس فيهم ايمان ولاكن ايمانهم مدفور وفوقه ضيق وكدر وغش وافكار شيطانية ، والسبب هو قوة وسيطرة الشيطان الرجيم على قول بعض الشباب من الجنسين .. اخي الكريم انا احمد ربي وانا اقرا الرساله انك انسان تلوم نفسك واهلك ، ومحتاي نصيحة الغير ، بس الأهم هنا انك تكون مثابر في نفسك وتبعد الكلمات السلبية ( اريد اموت ولا انتحر - انا مالي شخصية - انا انسان محد يباني ....الخ ) بابعد نفسك تماما عن هذه الجمل السلبية واشحن نفسك بجمل ايجابية تشجيعية ( انا قوي _ انا انسان احب الناس _ انا انسان ابا اكون جزء من المجتمع الإماراتي ) 0 0 ( بالنسبة للصلاة ) سهله جدا جدا جداً وصدقني ياخويه ان كل صلاة ماتاخذ من وقتك دقيقتين او 3 دقائق بالكثير ( صلاة الصبح =ركعتين) ( صلاة الظهر=اربع ركعات) (صلاة العصر=اربع ركعات ) (صلاة المغرب= ثلاث ركعات ) ( صلاة العشاء=اربع ركعات ) الصور مع الشرح http://www.ibtesama.com/vb/imgcache/7451.jpg http://www.ibtesama.com/vb/imgcache/7449.jpg http://www.ibtesama.com/vb/imgcache/7450.jpg 0 0 امانه عليك ياخويه واذا حبيت تاخذ مني نصيحه وان شالله بترتاح اداوم على الدعاء والأذكار والإستغار وداوم على الصلاة ( فالمسجد ) وليس فالمنزل .. واذا حسيت بصعوبة التعلم ( تعلم الصلاة) حاول تسير المسجد وترمس امام المسجد بينك وبينه وصدقني هو مابيمتنع عن مساعدتك .. بس بينك وبينه .. واذا مرتاح حق شخص ثاني يعلمك لاتتردد ، لاهو عيب ولا حرام .. وصدقني متى ماحطيت فبالك تبا اتصلي وتكون مع الله دائما فـ رب العباد بيكون معك دائما وابدا ... 0 0 بالنسبة للوحده واوقات الفراغ . انا اريد اعرف انته في اي امارة بالظبط ، ياليت تخبرني وانا بشوف لك مكان فيه انشطه مفيده او معاهد تستفيد منها ولا محاظرات .. وقت الفراغ هب شي هين بالعكس ، الفراغ يقتل الانسان ويزرع فيه تصرفات تخرج عن ارادته احيانا مثل تأثير الشيطان عليك .. وان شالله انا بطرش لك رساله على الخاص وبعطيك هديه بسيطه اتمنى انها تفيدك وتفرح فيها .. 0 0 اخوك / غديّر النعيمي |
و عليكم السلام و الرحمة اخوي ... انت تقول انك وحيد ... بس انت مب وحيد لكنك انت تدعي الوحده و الدليل على هالشي كلامك اللي يقول انه ابووك اللي يسالك صليت و لا لا ... و بعدين كيف محد يطيق يقعد و ياك اذا انت ما بادرت كيف تبغيهم يرابعووك غير اللي بنفسك و كون انسان اجتماعي ...اقعد ويا اهلك خل لك دوووور فعااال بينهم خلهم يقووولون الله لا يحرمنا من هالولد ... و الله انه ما مقصر ... و اهم من كل هالكلااااااااااااااام الصلااااااه الصلااااااااااااااه .. دخيلك لا تتركها لانها مصدر سعادتك و هذي اللي تحاااسب عليها اول ما تقااابل ربك ... حافظ عليها فرض فرض ... وبعدين انت عاااارف خطاك ... و اعترفت انك لا وضوء و لا صلاة تتقنها .. و هالشي طيب بدر منك و اسعدنا ... و جرب كل ما تحس بكدر و ضيج صلى لك ركعتين و شوووف كيف بترتااااح ... و الله ما راح يفيدك شي غير صلاتك ... و الله يةفقك و يسعدك دنيا و آخره |
اول شي يزاك الله الف خير اخوي النعيمي كفيت و وفيت بالشرح والصور وبعدين ياخوي الوحيد مااا شي مشكلة بالدنيا مالها حل اول شي واهم شي انك تعود للصلاة مايجوز تتركها والله انك تحس انك قريب من رب العالمين وانه يحرسك ويرعاك و ودر عنك الافكار السلبية مثل الموت والانتحااار لان طول ما انك تفكر بيها راح يبقى تفكيرك سلبي الحياة كدامك ليش جي تفكر انت بعدك شاب والله حراام وان كانت في مشكلة بحياااتك تره مافي حد فينا ماعنده مشاكل وهموم بس الحياة لازم تستمر بالشكل الصحيح السموحة اني طولت بالكلام الله يوفقك ويرعاك وعساك ماتشوف شر تقبل مروري :unsure: |
اقتباس:
واللــه أخوي الغالي ما اعرف شو اقولك صدق أحرجتني ما اعرف بس أحس عمري اني واايد متلوم مادري والله احس اني استحي ادش المنتدى مره 2 والله ردك الصراحه اقنعني .!! و تخلي الواحد يصارحك ف أشيا ثانيه ! واذا عن الاماره انا عايش ف الشارجه وكل اجازة اروح عند الأهل فدبي مشكور على ردك الغالي |
كلامي الصراحه بعدني ما خلصته عندي واايد اشيااا ابا اصارحها بس مب كل شي خليت لباقي لشخص الصراحه يعرف عمره المهم ..صحيح اني ما اصلي .. امي ياما حاولت وياي اتقولي قوم صل ما في شي بينفعك غير صلاتك..الخ ف كل ما يروح الوالد المسيد قمت اتعلث وا اقوله لاحقك يوم يرد البيت يقولي وينك اقوله انا طلعت من زمان بس انت شكلك ما شفتني << واميه كانت اتعرف اني اجذب واتقولي حرراام اجذب على اهلك ومب زين ... وهي اتعرف انه ابوية واايد عصبي ف ما كانت اتخبره ودوومها ما يمر يوم الا وهي اتسويلي محاضره من وراه واتقولي انته مريض نفسي !! .. ومحد وصلك لهالحاله غير الشيطان هو الي لاعب ف مخك ..الخ وفي شي اني يومو ارقد اتخيل اشيا مثل امي بتموت امي الحين بتروح لندن وبتسوي عمليه اتينا خيالات اخاف يصير فيها شرات ما صار فالياهل ماجد الله يرحمه ... واتخيل ابويه بيموت بحادث سياره <<< خيالات كثيره دووووم اتتخيلها قبل الرقاد ..!! ليش والله اعلم ... اخوي الحين انت بتنصحني احافظ على الصلاه .. انا شخص كنت اتحدى شخص و قلت حقه انا بتحداك اني اصلي اسبوع كامل و بشوف شو اخرتها .. اذا حسيت عمري مرتاح بكمل صلاتي << تعرف شو اخرت هالتحدي اني ما حسيت بشي وانكرته وقعدت اقوول يا ما ناس ما تصلي ولا تعرف ربها . هذي مستانسه ولا على البال .. عشان جي انا شال فكرت الصلاه !! .... ...... .................................................. ..ي |
اولن مشككووور على صراحتك ^___^ بروذر انت لازم اتخلي ايمانك قوي بالله لا تستسلم الصلاه مب بس ف يوم واترد اتقول والله ما صار شي ما ارتحت انت لازم اتكون قوي واتغلب على الشيطان الشيطان لاعب بعقلك ... ليش ما تكون اقوى من الشيطان !! |
انا بخبرك ليش ماتحس بطعم السعاده والصلاة ماتحس انك سويت شي لأن النيه مفقوده .. بس انا اريد اعرف انته وين تصلي بالظبط ، هل تصلي فالبيت ولا فالمسيد ؟!! 0 0 شوف ياوحيد انا صدق اني ماعرفك بس انا متأكد انك وايد تسمع اغاني ....صح ؟!! وشرا مانعرف ان الأغاني هي " لهو الحديث " .. اللي يبعدك عن ذكر رب العباد لدرجة يخليك تفقد ذكر ربنا بسبب هالأغاني ..! لاتقول مابدش مره ثانيه ..لاتخلي الشيطان اقوى عنك عطة باند يزوووول :121: 0 0 هل وصلت لك الرساله على الخاص ؟!! ياليت تخبرني لأني طرشتها لك الفير واريد اعرف وصلت لك الأمانه ؟!! |
والله اخوية اصلي بالبيت واخر الصلاه صليتها يوم كنت اول اعدادي اعتقد هيه اسمع اغاني حتى فالرقاااد اسمع ... هيه وصلتني الامانه ومشكور ما تقصر على امانتك ... بس متلوم !! و ب ر ب لي عوده .... فالليل اخوية ... اباك تنصحني اكثر واكثر <<< اخاف انك تطفر مني .. بس انا الحين محتاجلك انت بالذااات ... لانك واحد فاهم الحياه أكثر .. وابا ردود الاشخاص ال2 ..ابا اسمع نصايحهم !! |
اوك نحن نترياك ، بس اريد اعرف هل بتسوي اللي خبرتك عنه فالرساله .؟؟ اخويه نصيحتي لك انك تصلي فالمسيد لاتصلي فالبيت ، ليس انتقاصا بس علشانك انته الريال يوم يصلي فالمسيد غير .. واذا عندك اخوان صغارية شلهم وياك المسيد ....علمهم .. وبجذه بتكون مسؤوليه عليك وقدوه لأخوانك النعيمي |
بااااك مادري اخوي ..احس اني خايف ... و2 ما اقدر مادري ااه عندي كم من شي لازم اتعرفه بالأول ..بس كل ما ابا اطرش ما يصير !! |
اخويه شوف دام بتحط الخوف يدامك تراك مابتسوي شي .. انت رجل والرجل معروف من صفاته الشجاعه والصلابة ، لازم تضغط على روحك عشان تتخطى ها المشاكل .. مابعد العود قعود .. انا طرشت لك الرساله على شان تستفيد منها .. واباك تتواصل وياهم وتشوف شو بيقولون لك .. 0 0 وبالنسبة للرسايل لازم توصل فوق 50 مشاركه على ماظن لرد على الرسائل .. |
هيه اعرف واهني المشكله ... انا الحين لازم اقولك شي والمفروض اسويه من قبل !! |
اخوي باجر بخبرك بالموضوع انشالله |
ربي يوفقك ويهديك ويغفرلك وجميع المسلمين يا رب الصلاه هي اساس سعاده ابن ادم وهي عامود الدين و اول شي يسئل عليه العبد في القبر وحدتك ونعزالك عن الناس هي عدم ثقتك بنفسك اهم شي الثقه بالنفس ارضي نفسك و عقلك الباطن قبل ماترضي الناس اعمل خير تجد خير اخلص النيه في عبادتك اعمل للاخره قبل الدنيا وتوكل على الله وارضى بالقدر وحمد الله على كل حال لا ياس مع الحياه ولا حياه مع الياس حط هدف في حياتك وحاول انك توصل له وان شاء الله ربي يخفف عليك وحدتك وهمومك طور علاقاتك مع الناس واعلم ان البشر انواع فيه الخير وفيه الشر لا تضن ضن السوء والله يبعدك عن رفاق السوء ويرزقك الصحبه الصالحه الي تعاونك على الخير الحين الي عليك تسويه تتوب و ترفع يدك ودعي ربك انه يغفرلك ويتوب عليك والله سبحانه غفور رحيم وخير التوابين الخطائين الصلاه هي الاهم من كل شي لا تتهاون فيها يعل ربي يثبتك على الخير ويهديك ويصلحك اتمنى لك حياه سعيده ومستقبل ناجح لك ولكل الي تحبه ويحبك ويرزقك بنت الحلال الي تعاونك على الخير والبر ويرزقك الذريه الصالحه واتمى انك تتقبل نصيحتي البسيطه بصدر رحب وشكرا :) |
تم التعامل مع الاخ وحيد عبر الرسائل الخاصة 0 0 0 مغلـــق النعيمي |
| الساعة الآن 10:51 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir