|
~ .. الــ ق ــناعه x الــ م ـــوضه .. ~ [align=center] السلام عليكم ورحمة الله وبركاته (( اللهم لك الحمد ولك الشكر كما ينبغي لجلال وجهك وعظيم سلطانك )) وبعد ,, على الرغم من توافر كل شيء ولله الحمد .. إلا أننا لن نكتفي أبدا .. !! .. فمن غير المعقول .. أن نعيش الآن دون سيارة فاخره .. ! ودون ساعة ألماس .. ! ودون حذاء من إحدى الماركات الايطاليه .. ! ودون ودون ودون ....... إلى آخرِ هذه الأشياء التي تغوي النفس .. // فعلا ,, كيف لنا أن نعيش .. بدون ساعة ألماس .. !! انه لشيء عظيم ,, !! .. لا ألوم البعض .. لأن الساعة الآن ليست لمعرفة الوقت .. !! بل هي كما يقال الآن .. ~ { موضه .. ~ .. غابت عن أذهاننا أشياء .. فأصبحنا نتذمر : ( ليس لدي سياره فاخره ) ( لا أملك حذاء من الماركه الفلانيه ) ( كيف أقابل أصدقائي بدون ساعة ألماس ) يا للعجب .. !! ألهذا الحد وصل تفكيرنا واهتمامنا .. ؟؟ نعم ,, فهذا هو الواقع المرير .. نسينا ان هنالك نِـعم ..يتمنى البعض نصفها كي يكونوا من سعداء هذه الدنيا .. !! لا أعتقد أن هناك شيء أفضل من ان ينام الشخص صحيح البدن وآمن المكان ولديه قوت يومه فقد ألهتنا الموضه عن التفكير في هذه النعم التي تساوي الدنيا ومافيها .. صراحة ً .. لا يــُـحـِـس بالنعمه إلا من يفقدها .. !! (( اللهم أدم علينا نعمك )) .. أنا لا أعارض أن يقتني الشخص أشياء له .. سواء ساعه أم حذاء إلا أن المشكله في إعطاء هذه الأشياء أولويه في اهتماماتنا فالنقود التي تصرف في اقتناء هذه الأشياء .. لم تكن ضائعه أصلا إلا ان الشيء الضائع فعلا .. هي القناعه .. !! .. لا أخفيكم سرا فقد بدأنا ننجرف معى مطامع الدنيا .. !! .. هل ضاعت منا القناعه فعلا ؟؟ هل أصبح اهتمامنا كله منصب في متاع الدنيا ؟؟ لا أنكر أن هناك عقبات في كل الطرق .. إلا أن هذا الشيء لا ينسينا النعم التي أنعم الله بها علينا .. !! .... صحيح أن البترول قد ارتقع _ كأبسط مثال _ .. وهو قابل للارتفاع بالأضعاف الا أننا ولله الحمد نسكن في مأمن وسلام .. نأكل ونشرب ولله الحمد ,, هذه النعمه لو امتلكها شخص لم يعش في مأمن ولم يكن يأكل منذ أسابيع لكان أسعد شخص على سطح المعموره .. !! .. ما هو الحل من وجهة نظركم .. ؟ هل كان كلامي صحيح أولا ً .. ؟ أم أن هذه الأشياء هي مجرد مواكبة لهذه التطوارت ؟ هل غابت القناعه من عقولنا .. وهل تفوقت الموضه على القناعه ؟؟ رؤيتكم قياسا مع الواقع .. ماهي ؟ نظرتكم حول الموضوع من فضلكم .. ~ تقبلوا كل الود النورس منتدى استراحات زايد محروم [/align] |
وعليكم السلام والرحمة شي جميل أن يمتلك الأنسان كل ما يريده ويتمنى الحصول عليه وشي رائع أن يظهر أمام الآخرين بمظهر حسن وجذاب و لكن عليه أن يفكر في الجوهر قبل المظهر ويجب أن يكون مقتنعا بما يفعله لأن أغلب الناس غابت من عقولهم القناعة وأصبحوا يقتنون الأشياء الفاخرة حبا في التفاخر أمام الآخرين و البعض منهم جريا وراء الموضة و مواكبة للتطور ومتطلبات العصر وأغلبهم يلجأون لأقتراض الأموال من البنوك أو من أي مكان آخر فقط لإقتناء الأشياء الثمينة ويتناسون بأن هناك أمور في الحياة تستحق أن يكون لها الأولوية في تفكيرنا ويجب أن نعطيها جل أهتمامنا كي نعيش في سعادة لذلك على الأنسان أن لا ينجرف وراء تطورات العصر والموضة وعليه أن يفكر بعقله وأن يكون مقتنعا بالشي الذي يفعله قبل الإقدام عليه وهل هذا الشي سوف يجلب له السعادة والراحة أم الشقاء و الديون لأن السعادة الحقيقية ليست بالمظاهر بل السعادة بأن تكون مؤمنا بما قسمه الله لك وأن تعيش في هدوء وسلام بين أهلك وأصدقائك وأن يكون لك مسكن يأويك ومأكل يسد جوعك وتسلم أخوي النورس على طرح موضوع مهم في حياتنا ويستحق النقاش والله يعطيك العافية |
" وعليكم السلام ورحمة الله وبركاته موضوع جميل وربي بغض النظر عن الاشيآء هذي ومظهر الوآحد يوم بيلبسهآ شي طبيعي الوآحد يحب يكون مفنود عن النآس ويكون مظهره جذآب :$ بس الحين مآ اظن حد مفنود..الانسآن اللي رآتبه على قده..قآم يستلف ويبيع اللي مآ ورآه ودونه بس عسب يوآكب بالشي اللي يسمونه موضه :thumbdown: اهم شي الوآحد يكون مقتنع باللي يالس يسويه هل انآ لو لبست هالشي اللي بيكون بالسعر الفلاني..بيخليني اكون مرتآحه حتى لو ارتحت..بحس باحسآس اني سويت شي مهم مثلن..>< الحين الوآحد يوم يدخل محل "" عآلمي"" وبو مآركآت ~> حط تحت مآركآت خطين بتلقى العآلم كلهآ عافده فيه حتى لو هم مآ بيشترون شي..بس اللهم مظآهر.. حتى السووع والملابس..والاكسسوآرآت وبعد ازيدك العبيّ..>< اسعـــــــــــــــــآر خيآليه عبآه سآده بدون اي زركشه توصل ب 500 درهم :bored: وفي نآس يشترون..واصحآب المحلات واللي يشتغلون فيهن..يستعمون الوآحد يوم يقولهم نقص ويكآسر ف السعر >> اووونه غيركم فصلهآ وغيركم اشترآهآ..انزين نحن اشدخلنآ><" في نهآيه حديثي بقول هب عيب الوآحد يشتري اللي يبغيه ويكشخ لعمره..ويوآكب الموضه..بالعكس شي طيب بس الوآحد يسوي هالشي بحدود..على حسب الميزآنيه وعلى حسب مقدورآته واولن واخيرآ على حسب قنآعآته..وارضى باللي ربك عطآك ايآه يآخي انت عآيش في خير ونعمه :kk_ed: عن نفسي احب البس ع الموضه..بس بدون اي مبآلغه..^^ النورس كل الشكر لك ع الطرح الجميل مثل مآ عودتنآ دآيمآ مميز عسآك ع القوه..~ |
اقتباس:
فعلا يا ختيه سلامه من الجميل ان يظهر الشخص بمظهر حسن أمام الناس ومن الجميل أيضا ام يمتلك كل ما يريد ,, لكن نحن الحين نعاني من البطره .. !! تقريبا وصلنا لمرحلة ان ما في شي يعجبنا >< اشترينا شي زين .. شفنا اللي احسن عنه .. قلنا ما عدنا شي زين .. !! ليش ما نكون قنوعين باللي عدنا ^^ .. ومثل ما قلتي .. وأشكرج الصراحه ان الواحد الحين يفكر فالمظهر وينسى المضمون .. :no_6: يمكن لأن الناس الحين تمشي عالمظاهر فعلا .. ؟؟ .. أشكرج على اضافتج يا ختيه سلامه وما قصرتي وربي يعطيج العافيه النورس |
السلام عليكم ورحمة الله وبركاته صبآح آلخير ., موضوع رآئع صرآحه ومنتشر بطريقه فضيعه >< على قوله آلمثل " آدين وآزين " وهذآ آلمثل آلصرآحه نسبه تطبيقه في آلدوله توصل لآكثر من 60% ., بتشوف آلوآحد سآحب له سيآره بذيج آلجيمه وعليهآ آلرقم آلثلآثي ولآ آلثنآئي وآلنعآل ربي يعزك وغيره وغيره ., وتعآل شوفه كم يستلم آخر آلشهر ! آلرآتب كله يروح على آلسلفيآت ., والله آن في نآس من كثر مآتتسلف من آلبنوك يوصل رآتبهآ آخر آلشهر 1000 درهم !!! هذآ وين يصرف على عمره وبيته وآهل بيته ؟ آلمشكله آن هآلنآس آحسهآ متخلفه شوي آو فيهآ وسوسه آلبطره وآلخقه وحب آبرآز آلمظآهر ., تشوف نآس لآبسه آحلى وآفخر آلملآبس وهي من دآخلهآ وصخه , بدآل لآ تصرف هآلآموآل كلهآ وتربع ورآ مشترآهن سر نظف عمرك من دآخلك وسد ديونك آلوآحد مآيضمن عمره آن بيعيش آلين سدآدهن والله يآخويه آلنورس آني ذيج آلليله فآلخيآط آبغي آخيط للعيد وحدر ريآل يآيب فآتوره حرمته علشآن يطلع ثيآبهآ ., آلريآل جنه دآش معركه معصصب ويصآرخ شو هذآآ !!!! منو حآط هآلفآتوره ؟ قلت آلحرمه بتتطلق آلليله وآلسبب هآلثيآب ., حآطه ثيآب ترس آلدنيآ وآلوحده مآتقل عن 200 بآلذمه هذآ آلحين كيف بيدفعهآ ؟ مآترآعي ظروفه ريلهآ عنبوه تركب فوقه هآلديون وآلسبب ثيآب !! بس علشآن مآيطآلعنهآ آلحريم بنظره غير شكل !! لو هآلثيآب تزيد آلوآحد ولآ تنقصه جآن شفت آلزين شين وآلشين زين بس للآسف هآلشي كله مآيزيد آلوآحد في شي ولآ ينقصه في شي ., مآ آقول غير آلله يهديهم ويصلحهم ويثبت علينآ وعليهم آلعقل وآلدين يعطيـــك آلعآفيه آلنورس ., آمتعتني في طرحك لآخلآ ولآعدم آن شآء الله .’ موفق آن شآء الله .~ |
لماذا لا أشعر بالسعادة والفرح والسرور ؟ لماذا أبتلى بالهموم والغموم والأحزان وضيق الصدر ؟ لماذا أقع في المصائب والفشل والبلايا ؟ لماذا لا أستطيع تحقيق أحلامي ؟ لماذا لا ألبس مثل غيري الماركات ؟ ولماذا لا أسافر مثل غيري وأركب السيارة الفلانية..؟؟ولماذا ..ولماذا ..ولماذا..!! أسئلة كثيرة تدور في بالنا لا نجد الإجاابات وبنفس الوقت تتعب العقل البشري وتهدد راحة باله وتزعجه وتعكر مزااجه وذهنه .. للأسف الشديد هذا وااقعنا وأقولها وأنا حزينة على وااقعنا المرير إذ أصبح همنا الوحيد المااركات والمظااهر الخاادعة.. أيعقل هذا ..!! أيعقل أخي الكريم أن نصل لهذه الحالة من الرذيلة وأن نبحث عن سعاادتنا الحقيقية بالماركات واللبس.. المشكلة أخي الكريم ليست باللبس والمظهر الخاارجي المشكلة أصبحت إن اللبس والمااركات على حساب أخلاقنا باتت الرذيلة والإنحطااط منتشرة بيننا بشكل فظيع وتهدد أجيالنا في المستقبل القادم.. راح أوضح أكثر وأعلق على كلامي ..!! شوف معااي أخي الكريم النورس مثل ما هو معروف إن الناس في الحياة طبقات فيه الغني اللي رب العالمين رزقه بالخير والمااركات ليست بالمستحيلة عليه وأقول لهااذي الفئة الله يهنيكم ويزيدكم من نعيمه وهذا ليس بالعيب ابداً ولست ضدهم لإن الله رزقهم بالخير ومن حقوقهم التمتع بهذا الخير.. المصيبة تكمن بمن ليس لديه ويعمل المستحيل للكشخة والمظااهر الخاادعة قد يؤدي لفقدان أخلاقه وكراامته فقط من أجل الحصول على المال وشراء الماركات العالمية.. ياخوي شقق الدعارة فيها بنات وشباب يبيعون عروضهم وشرفهم من أجل وسخ دنيا ومظااهر كااذبة وهذا اللي يعور القلب إن تنتشر بينا الرذيلة والفساد الخلقي من أجل وسخ دنيا وااقع مؤلم ومحزن والله.. وتأمل أخي الكريم معي في هذه الآية الكريمة ( ما أصابكم من حسنة فمن الله وما أصاابكم من سيئة فمن نفسك ).. وداائما هذه النوعية من الأشخااص الي يبيعون أخلاقهم من أجل وسخ دنيا المال والماركات العالمية يعيشون في شقااء ودرك وتعب هب مرتااحين والله العظيم الضحكة والإبتساامة لديهم مصطنعه وزاائفه.. ولا تنسى أخي الكريم إن الجزاء من جنس العمل والحصاد من جنس البذرة وإذا هم الإنسان فقط المظهر الخاارجي نااسي المعدن والجوهر الدااخي فهذا الإنسان بحد ذاته سخيف وعقله فااضي .. هكذا هو الإنسان ! الظالم الجاهل .. الكفور الكنود .. الجحود لنعم الله تعالى .. إلا من رحم الله عز وجل من عباده الصالحين ( وقليل من عبادي الشكور ) وتعليقي على العالم الذي يسرف الملايين من أجل المظهر الخاارجي أخي الكريم لو تشااهد الأخبار وما يحدث للعالم في أياامنا الحالي يشيب شعر الرأس هناك نااس بالملايين بموتون جوعاً ولا يجدون قوت يومهم حراام والله نتاابعهم بالمظااهر والمااركات اللي أشغلتنا من خلال شاشات التلفااز مكتوفي الإيدي مثل البهاائم.. حراام والله ورب العالمين ما يرضى أبداً.. قبل ما أختم أخي الكريم حابه أعرض قصة لأحد الإعلامين الذين أبدعوا في عالم الإعلام مثال كنت أراه راائع للتميز والنجاح إبتسامة عريضة من خلف الكاميرا ولبس ومظهر جميل ومن أفضل الماركات وأسلوب جذاب سحر النااس بأسلوبه اللطيف في شاشة التلفاز وأحبه الناس الصغير والكبير من ذراابته وحسن مظهره خلف الكااميرا..لكن فجأة وبدون مقدماات تصعق وتتيبس وتقف مذهول لتسمع بأن هذا المظهر فقط مظهر خدااع ومزيف وإن هذه الشخصية تلبس قناع مزيف ومظهر كذااب راح تسألني شو صار لهذه الشخصية التي مدحتيها ولمااذا هذا الكلام عنه..؟؟ للأسف الشديد أخي الكريم قبل فترة تم القبض عليه بتهمة تعاطي المخدرات تجلس مصعوق مذهول من هذا العالم لتقول أين هذا المظهر الجميل الذي أذهل العالم..!! النااس أخي الكريم أصبحوا يهتمون بالمظاهر الكذابة وباللبس نااسين الجوهر الحقيقي السعادة الحقيقية أن تعيش براحة بال في خيمة أو كوخ بأخلاقك وبكراامتك هذا بمنظوري السعادة الحقيقية..وليست بالمظهر الخارجي فقط..!! وصدقني أخي الكريم لو كانت السعاادة تنشرى في الأسواق لشفت العالم كله في هذا السوق يشترون السعاادة .. ختاماً أقولها أتقوا الله في أنفسكم أتقوا الله واعلموا جيداً أنناا محااسبين على كل زلة وقول وفعل وعلى كل نعمة رب العالمين رزقنا بهاا.. تسلم أخي الكريم على الطرح المميز.. وفقك الله لما يحب ويرضى والله يسعدك وينور دربك دنيا وآخره.. |
وعليكم السلام ورحمة الله وبركاته هي والله اخووي صدقت في كلامك اللحين وااايد من الناس اتجهو إلي الموضه حتى لو ماعندهم بيزات تدينوو والله يعينهم انشالله من الديوووون بس مادري ليش والله كل هاا الاشياء بس اعتقد انهم يسووون جي عسب اونهم يرقمون البنات والله يعينهم عاااد إلي يشوفهم يقوول شيووخ والى هم ديونهم ع روسهم وين يسيرون والله يعينهم ويعين جميع المسلمين ويعطيك العافيه اخووي ع الطرح الطيب وبانتظار يديدك اخووك الصغيرر وحداااوي البااال^^ |
.. ـڷآييـטּـﮯ ۋڷآ يسدـטּﮯ oمـرכبآ ..๑ { !تشكر أخويـے النورسـےعـےالموضوعـے الرآئعـے والمنتشر بشكل فظيعـے.. ! :thumbdown:صدقتـے، كلآمكـےصحيحـے ، و هآ الوآقعـے المرير للأسفـے،، ! الناسـےقآمتـےتحآتيـےالمظهر ، << صآير من آهم الآهتمآمآتـے.. :خ9:مآ تبآليـےبالميزآنيه والظروفـےاللي عايشه فيهآ ، لا اللي براسها بتسويه ليشـےانزين؟! .. .. :54:مآقآموآ يقدرونـےالنعمه حتىـے.. " اسميه بنيـے آدم طمآعـےومآيمليـےعينه غير الترآبـے! .. عـے سبيل المثآل ! .. وآحد يشتريـےله موتر . . وربكمـے آلآ هيه فتره بآعه و آشترىـےغيره .. ؟ ليش آنزين <؟ :bored:صآيبنـآ هوسـےمب طبيييييييييعيـےوآلله .. الحين الوآحد .. بدآل الفونـےعنده 10 .. ليش انزينـے؟ :132:لآ لآزمـے يبينون انه عندهمـےخير < آنزين درينآ بس هالاسرآفـےلين متى ؟ ربنآ بيحآسبنآ ع كل فلسـےنبذره !.. :9559:ليش مب معطين السالفه اهميتهآ آنآ مآدري .. " صدجـےشي .. مؤؤؤؤؤسف .." حتىـےفالعزآيمـے!! اييبون لك اكل يسد الفريجـے، وآخرتهآ المعآزيمـے4 ولآ 5 .. :21:ليش انزييييييييينـے"؟! =_= .. .. لكـےكل الشكر آخويه النورسـےعـے الموضوعـے الطيب ، ونرقبـےالزود من يدآكـے :wrd:لآ هنتـے.. } ๑ .. بـכفظﮯ آڷڷهـﮯ ۋرعآيٺهـﮯ ..๑ |
اقتباس:
ختيه نظره ^ـ^ مرحبا ملايين تدرين عاد .. أنا نسيت سالفة العبي والله صدق يعني الحين اللي رايحه تفصل عباه .. جنها بتصفل فستان لن العبي الحين صارت للكشخه بعد ومب للتستر وياليت للكشخه بس بل صارت للاغراء للأسف .. على عكس غرضها الأساسي تماما .. !! وهذا غير عن المبالغ اللي تصرف على هالعبي من الجميل ان يكون الشخص مميز بين الناس فعلا لكن هذا ما يكون على حساب راحته وفلوسه كلها انا صدق اللي معور براسي هذيل اللي يتسلفون عشان يتشرون وبتكشخون ويسافرون حتى السفر ترا صار من المظاهر هههه << وين سافرت يا فلان .. سافرت باريس .. !! صدق والله ؟؟ .. إيه والله باريس وهو مناك مستحي يقول رحت بانكوك مثلا .. مدري ليش يعني ؟ حتى في مكان السفر بعد سوولنا بطره وخقه الحمد لله على نعمة القناعه والعقل ياخي لو عندك .. اشتر محد بيعاتبك لكن لو ما عندك شحقه تكلف على عمرك وهذا اللي صاير ترا .. القناعه غايبه والكل لاهي ^ـ^ ويعطيج العافيه يا نظوره ^^ نورتي البقعه بتواجدج حياج الله |
اقتباس:
وعليج السلام ورحمة الله وبركاته الجود .. لا هانج الله يا ختيه وصدقتي والله الواحد الحين عنده كل شي لكن اللي يصفى له من معاشه يساوي قيمة بترول السياره بل ربما أقل .. !! ياما شفنا ناس كاشخه وناس ما قاصرنها شي .. وناس عندها وعندها لكن يوم بتيين تتكلمين مع أي شخص من هالناس بتتفاجئين انه ما عنده اسلوب .. لنه هو من الداخل مب متزين متزين من برع بس ^ـ^ طبعا من كل الناس لكن هذا الأغلب وترا مشكلة الازواج غير مشكله بعد هذي بروحها يبالها نقاش ثاني :21: انا كنت اعتقد انه تجاوزنا مرحلة ان الحرمه تكسر ظهر زوجها من الطلبات لكني تفاجأت بكلامج .. !! احيدهن عقلن هههه الحين الواحد بروحه لا تزوج بيفلس من مصاريف العرس وطلبات العرس وفوق كل هذا بعد الزواج .. تجي طلبات الزوجه اللي مالها نهايه .. عالأقل .. طلبات العرس لها نهايه هههه لكن طلبات الزوجه ,, ليس لها نهاية الحمد لله على كل حال وأرد وأكرر اذا ما تواجدت القناعه بتروح عنا أشيا سيءه كثيييييره صدق يوم قالوا ان القناعه كنز لا يفنى .. كلج ذوق يالجود وما قصرتي ^ـ^ أسعدني تواجدج :Afk_r: |
اقتباس:
مشرفتنا الفاضله روحي بدويه صدقت كل حروفج بالفعل أأسف على ذلك المذيع صاحب الشخصيه الجذابه .. !! هكذا هي الأشياء السيئه دائما .. تغري الجميع جميلة من الخارج ,, ولكنها تبقى سيئه الداخل ربما هنالك شخص يحب ان يتزين ولكن ليس لديه نقود فيلجأ للتسلف .. ولكن أن يبيع الانسان شرفه من أجل هذا الغرض .. !! لا أجد تعليقا مناسبا . !!! هذا هو الانسان طماع .. وشجع .. وبلا قناعه إلا من رحم الله طبعا أكثر ما يؤلم القلب فعلا تلك الشعوب اللي لا تجد حتى لباس لها كي تغطي بها اجسادها وهنا الملايين تنفق على أشياء زائله .. !! الحمد لله الحمد لله الحمد لله الناس الآن أصبحوا يهتمون بالمظاهر لأنه لسيت لديهم القدره على معرفة المعدن الداخلي للإنسان أصلا .. !! يا للأسف الشديد .. .. اختي الفاضله روحي بدويه لا أملك زيادة على ما خطته يداك ِ كفيتي و وفيتي الصراحه ربي يعطيج كل العافيه |
اقتباس:
آي بترول طولي بعمرك , آلبترول والله نصهم مآيسدهم يسد آنه آلحين مرتفع وصآير هو وآلذهب سعر وآحد !! نآس من دآخلهآ وصخه بعيد عنك ومب برآ تلق من آلنظآفه وآلتزيين ليش مآفكروآ آنهم ينظفون آنفسهم من دآخل ويزينونهآ بآيمآنهم وخشيتهم من الله وآلتعآمل آلرآقي ؟ ليش فكروآ بس فآلخآرج ؟ آلخآرج مآيهم كثر آلدآخل ! والله تبآ آلصدق آنآ بروحي تميت فآلمحل جيه :21: يوم ركبنآ آلسيآره قآلت آمي الله يعينه صرآحه , قلت لهآ قولي الله يعينهآ هي جآن مآتتطلق آلليله ! آي عقل الله يهديك .!؟ لآ الله آلحريم مخبل لآ تغتر فيهن ., قليل آلعآقلآت شرآتي يعني --> حلفي آنتي بس :glare: لآ والله تدري شو !! لو هو صآلبنهآ مآشفتهآ جيه ., آلريآل من يعرس يصلب حرمته وهي تصلبه علشآن كل وآحد يكون فآهم آلثآني صح ويقدر ظروفه ويحترمهآ ومآيتجآوزهآ ., بخصوص آلقنآعه آنآ آشوف آن آلوآحد يكتسبهآ من حوآليه يعني مآ آتيي منيه وآلدرب آلآ قليل من آلنآس ., آلوآحد كثر مآيقدر آن يوسع دآيره آلمعرفه عنده ويحآول كثر مآيقدر يقرآ كتب ويكتسب معلومآت حولهآ وبيوصل لهآ آتمنى آني مآ آكون طولت عليك :) وفآلك آلنآموس .~ |
وطبعا اذا بضيف لك نقطه الاسره هي احيانا مسؤله عن وصول فئة الشباب لدجة التباهي والجري ورا الموضه الموضه اهم شيء عند الاغلبيه وبدون موضه الحياه تعيسه ومالها معنى وهو غافل عن النعم اللى هو يعيشها بس اهم من النعم الموضه ولازم يتفاخر جدام الربع بساعه يديده وفخمه ومن اثقل النوعيه والسياره طبعا ها الكلام ينطبق بس على الاغلبيه واما القليل من الناس فهم قناعتهم بما يملكون ولا يعترضون ويحمدون ربهم على ما اعطاهم وهم الكاسبون وربهم بيعوضهم خير وكثير من الناس اشوفهم ربهم عاطيهم من الخير الكثير ويساعدون الناس ومتواضعين بتصرفاتهم وما تهمهم المظاهر والتفاخر بها امام خلق الله وسلمت على الموضوع |
اقتباس:
المرحب لاهآن سمحلنآ بعدنآ نبغي نتفلسف شوي خخ وترى العبي طرت في بالي لأني اول البارحه سرت افصل لي عبآه حق العيد الله لا يرآويك الاسعآر:184: يآخي مآ تدري هو بالضبط ليه الوآحد يفصل عبآه.. يقولك شفت العجب..ختيه تقول للحرمه يا بووج يايه تفقرينآ انتي ولا يايه تفصلينآ عبي هههه لو فيني شده لأشتكي وخل يووصل كلامي وين مآ يوصل..بس الحين محد يعطيك ويه كل شي يحسونه عآدي يآهل بو 3 سنين عنده فون حرمه غدت تتآمر على ريلهآ وهو مآ غير يا عونج ولبيه ><" :78: البرول والذهب والعيش والطحين..اسعآر وصلت الوآحد بس يستعيب ووالخآفي كآن اعظم..هالاشيآء اللي من قبل 15 سنه كآنت معدوومه اول اقل سعرآ بس الوآحدكآن يمشي على قده امآ الحين حددددددث ولا حرج..زآده نسبه ارتفآع الضغط والسكري والامرآض بزيآده عندنآ من وش من البطره طبعن وبعد ذيلا البطرآنآت ترى الخير عندنآ وعندكم.. وحده اعرفهآ رفعت ضغطي بس الله يسآمحهآ ههه قآلت وييييييييييي مآ بتسآفرون..شقآيل بتيلسون ف الحر.وآآآآي انآ مآ اتحمل ههه في خآطريه مآادري من وين انتي من النمسآ يمكن هع:kk_ed: مآ اقول غير الله يعافينآ ويثبتنآ ان شاءالله النورس اسفه ان طولت عليك بس موضوعك ونقآشك له..يشجع الوآحد ع المتآبعه لا هنت ابد..~ |
مرحبا بأخوي النورس ، بصراحة موضوع يستحق النقاش ،لانه من واقعنآآ ، الحينه جان زين لو تشووف فئة عمرية معينه تواكب الموضة ، والله انا عندي اختي من فترة قريبة كنت أراويها صور بنوتات كنت منزلتنهم من النت انصدمت منها ، اشوفهآ إلا تنقي لي بنية بنية وتقولي ابا شراتهـآ . ! وهاذي جم عمرهآ . ! ست سنين بس . وجذه تقول . ! عيل ما ينلآمون الكبارية لي قالوا : بغيت شرات هذآ وذآك . ~ بس فعلا ، كلامك صحيح ، نحن وصلنا لمرحلة البطرة ، لدرجة انه ما قام يعيبنا شي ، [صارت وياي] مرة كنت أتمشى فالجامعه ، وكنت الحينه بطلع بس اتريا ربيعتي ، وانا اتريا شفت وحده لابسة نفس وحده من شنطي ما اقص عليك ، قاعده أقول بيني وبين نفسي : الشنطة الفلآنية ما بلبسها فالجامعه مرة ثانية . صحيح ان الواحد يبا يكون مميز عن غيره ، بس كل شي بالمعقول ، ياخي : " مد ريلك ع قد لحافك " ، شوف اللي اقل عنك وقول الحمدلله . بس بيني وبينك ، الواحد ما ينلام مع هالتطوور ، في اشيا اسعارها صارت خيالية ، يدودنا لو سمعوآ بالاسعار الحالية ، جان امسكوا رؤوسهم ، مثل ما تكرمت احدى الأخوات وذكرت ان البترول والذهب صاير واحد يعني مثلا : في خلال هالشهرين اللي طآفوآ كم مرة ارتفع البترول ؟ حد عبر كلام الناس وناقش الموضوع. ! ولا عبروآ الخلايق ، لانهم يعرفون ان الكلام بيشمي ع الشعب رضوآ ولا انرضوآ . واللي يضحك فالموضوع كله : ع كل زيادة ، ما تلقى إلا كل محل رفعلك الأسعار ، جان سالته ليش ؟ قالك : والله نحن نحمل البضايع من مكان ومكان ، وهذآ كله بتروول ، حتى الهندي قام يتحايل علينا وفبلادنا . ~ فاعتقادي ان هذآ كله يحصل من باب المواكبة ، أخوي ، لو لاحظت الواحد منـآ الحينه ما قامت تحكمه قناعاته ، صارت الناس تحب التقلييد ، شي ناس قامت تشتري مب لأنها مقتنعه بالشي الفلاني لانها تحبه ولكن لانه فلان عنده ، انا بعد بآخذ من هالموتر ، ابسط مثال : سيارة الشيخ محمد بن راشد بن راشد الـ[ جي 55] منو ما عنده هالموتر الحينه ، كل من هب ودب ، وراح اشتراه وحط الديون ع ظهره ليش ؟ هل لانه يحب السيارة ؟ لا ؟ مب هذآ هو السبب ؟ السبب : لانه شرات سيارة فلان والكل عندها ، وليش أنا ما آخذها ؟! . ، انا بشو اقل عن فلان الفلاني [يقصد اللي عنده شرات هالسيآرة] والمصيبة ، انا الشباب الحينه ما قآموا يكتفوون بسيارة وحده بس ، لااااا ! ياخذولك الثانية و الثالثة ؟ في اعتقادك : لو هالفلان فكر بقناعاته ، هل فعلا كان بسوي جذه ؟ ما اعتقد ؟ بس لانه ورى الموضة . غرق عمره بديوون والله يعلم متى بيطلع منهـآ ، انا عندي الوالد الله يحفظه ويطول بعمره ، دوم يقول لأخواني ، كل شي إلا الدين . لانك لو خذت دين مرة وحده ، خلآآآآآص ، بتم مديوون طول عمرك ، وفعلآ كلامه صحيح ، من خلال اللي شفته وسمعته . بصرآحة ، الكلام ما يخلص فهالموضوع ، ولو بيلس اكتب واعطي أمثلة ما بخلص ، تسلم ع الموضوع الأكثر من رآئع ، فالنهاية ما اقول إلا : القناعة ، ثم القنـآعة ، . . . ثم القنآآآآآآعة . [:10:] |
السلام عليكم ف البدايه أحب اشكرك ع طرح هالموضووع الطيب بصرااحه ف هالزمن الناس ما يهتموون بالقنااعه كثر ما يهتموون بالمووضه صاارت المووضه شي مهم بالنسبه لهم بس الأنساان ما يحس بقيمة الشي الا اذا فقده الواحد دام عايش بأمان وسلام ويلقى شي يآكله ويشربه يحمد ربه ع هالنعمه لأن الكثير من الناااااااس ما عندهم نص ولا ربع اللي عنده وكثير من النااس يحلم ويتمنى يرقد ف مكان آمن بعيد عن الحرووب والعوواصف والمخااطر الناس تهتم بالمظهر واايد المظهر شي مهم وحلوو بس الأنسان ما يقيس بالمظهر وأنما بالأخلاق أهم من هذا كله أنه يكوون مقتنع باللي عنده ويحمد ربه ع النعم القنااعه شي جميل ومن صفاات الأنسان المؤمن تسلم ع الطرح وربي يعطيك العافيه |
اقتباس:
مرحب بالوحداوي ^ـ^ منور يالغالي وصدقت والله أصلا هذا هو الغرض الأساسي والأول عند الشباب .. !! ولا الواحد ليش يتكشخ وياخذ له أحلى سياره ومدري شو يليت بس لو يبا يسمت جدام ربعه لكن هذا كله مثل ما قلت انته عشان البنات .. .. أما بالنسبه للبنات ,, فأنا اعتقد ان أغلبهن يتكشخن عشان يكونن كاشخات جدام ربيعاتهن على عكس الشباب طبعا .. !! اللي يتكشخ عشان البنات ,, مب عشان ربعه يشوفونه كاشخ .. يعني أنا مثلا اذا باخذ لي سياره باخذ لي سياره ارتاح لها وتعيبني وداخله خاطري .. ما باخذها عشان نظرة الناس لها لانه فالنهاية انا اللي بسوق السياره ,, مب الناس اللي تنظر للسياره . .. يعطيك العافيه يالغالي وشاكر لك تواجدك المميز ^ـ^ وما تقصر |
اقتباس:
صدقتي يا ختيه بني آدم طماع .. وما يملي عينه غير التراب وهالشي مرتبط بعدم وجود القناعه .. الكل الحين انجرف معى متاع الدنيا والكل نسى ان السياره وسيلة للتنقل وان الهاتف وسيلة للاتصال وان الساعه وسيله لمعرفة الوقت .. الواحد بدل السياره عنده ثنتين وبدل التيلفون عنده اثنين وكل واحد أغلى عن الثاني وكذا الحال بالنسبه للساعه وغييرها وغيرها بعد .. الله يهدي جميع المسلمين ... شاكر لج تواجدج الطيب يا ختيه وما قصرتي ^^ لا تحرمينا من طلتج |
اقتباس:
بيزيد عن سعر الذهب يبويه هالارتفاع اللي صاير الحين .. ولا شي بالنسبه للارتفاع اللي بيصير بعد فتره حزتها خله اللي متسلفين فلوس الدنيا يدورولهم فلوس حق بترول سياييرهم المشكله ان الظروف المعيشيه الحين صارت أصعب و ولا حد مفتكر .. بعدهم عايشين على تفكيرهم السلبي بس الحين مثل ما قلت انا .. أغلب الناس صارت تعتمد عالمظاهر اللي رايح يخطب مثلا بتكون من الأسئله المهمه ان الولد شو عنده من السيايير ,, !! لأن اللي عنده سياره غاويه .. أكيد عنده فلوس ,, ومرتاح فعيشته .. !! ويمكن اللي رايح يخطب وهو عنده سيارة كامري مثلا .. بيضحكون عليه معنه هالسياره ما تصرف بترول مثل باقي السيايير .. ومريحه ,, ومافيها شي ينعاب عليها ,, سوى اسمها .. !! .. اختلفت معايير التقييم بين الناس الحين ومحد بيعرف المعيار الصحيح .. غير الانسان العاقل فعلا .. والقنوع .. لكن هؤلاء نادرون أيضا .. !! ,, أسعدني تواجدج الثاني يالجود لا تحرميني من هالطله |
اقتباس:
الأسرد قد تكون عامل من العوامل أيضا فقد يكون الشخص مقتنع إلا انه أمام مثل هذه الاسر قد يتعرض للسخريه من اخوانه حتى .. !! كيف انت تشتغل ومدري شو وعندك ساعه سعرها ميتين ؟ مثلا يعني الحين لازم يكون سعرها 5000 عشان تسد عيونكم << فالشخص اهني يتأثر وكيف لا ,, وهو يعاني هالشي من أسرته .. كل الود عالمشاركع الطيبه لا خلا ولا عدم |
اقتباس:
و بالعكس وجودج يسعدني ^ـ^ عاده الحين العيد ياي .. والله يعين الصراحه هههه قطعه مدري بجم ونعال مدري بجم وكندوره مدري بجم وساعه وقلم ماونت بلانك مدري بجم وغير هالأشيا .. !! ما قلنا لا تتزينون حق العيد بس اللي أقصده ان لازم ما نبالغ وانه نشتري الأشيا وحنا مقتنعين انه نبا هالشي لنه مثلا داخل خاطرنا مب عشان الناس تشوف او عشان وعشان .. .. الحين يبويه الياهل اللي عمره ثلاث سنين يدش النت ويسوي سيرج فقوقل وعنده ايميل .. ويهكر بعد ههههه وحليله التيلفون .. لا شي بالنسبه لهالياهل ^^ .. وهالأمراض كلها من يايه يا حظي اترا كلها من هالفشره والخقه وبلاوي هالزمن وأولها غيااب القناعه .. هههه ظحكتني هذي ربيعتج يعني ترانا عشنا تحت هالشمس ولو هي سافرت وين ما بغت بترجع حق هالشمس يعني بتم هي في باريس لين ما يخلص الصيف عدنا مثلا ؟ الواحد يسافر يرفه عن نفسه ومنها شرده عن الحر .. بس مب لدرجة انه تكبر الموضوع أنا ما اتحمل الحر ومدري شو صدقج والله جنها الا من ألاسكا .. مب النمسا خخخ .. شوفي الفرق بين اللي عنده قناعه واللي ما عنده في شخص مثلا يتغدا كل يوم لحم وغوزي ومدري شو وفوق هذا يقول انا ما أشبع وهالأكل ما يعيبني مثل هالشخص ما عنده قناعه وفي شخص ياكل له عالغدا حبتين رطب .. وشوية عيش وفالنهاية يقول الحمد لله شبعت هذي هي القناعه .. وشوفي الفرق بين الأول والثاني ^ـ^ ... وما طولتي عليه يا ختيه ^^ بلعكس نقاشج جميل .. وخصه انه من الواقع ^^ حياج الله يا نظره |
آلسلآم عليكم ورحمة الله وبركآته .,* يسعد مسآأـآك النـورس ،. قبل لا أبدا بطرح رأيي الخاص ، كلامك فعلاً كله صح . . . يمكن تكـون موضه أن الشخص يقتني الاشيآْء اللي ذكرتها سآبقاً ، لكن ماعتقد أنه من بآـآب الموضه يمكن وصلت ‘‘ عشان الكل يتكلم عنه فلان عنده فلانه تملك ..الخ ’’ ومثل ماآقلت ‘ مايحس بالنعمه الآ اللي فاقدنهآـآ ’ ... أنا أعرف شخص قريب مني ، يآـآه مرض جلدي بسيط ’ الصدفيه ’ الكل يعرفها لكن هو خاف وسار وفحص <~ قالـوله يمكن يكون " سرطان " والعياذ بالله .. لين طلعت النتايج بعد يـومين ، كانت حالته غريبه يصيح الليل ،. المهم بالأخير ، طلع مب سرطان ولا فيه اصلن " الحمدالله " لكن تغير 180َ درجه صآر همه الوحيد " صلاة الفير " وباقي الصلوات يقضيهن في المسيد وفي وقتهن صار يرضي هله " هو راضنهم قبل " لكن قعدته بين امه وابوه صارت بزياده وبين عياله وحرمته وبينا نحن هله .. حس بنعمة الصحه اللي ممكن كان بيفقده في تقرير واحد يبرر صحته .. آكبر نعمه نحن عايشينها نعمة الصحه أسال الله لا يحرمنا منها جميع .. --- لين متى نريد نكون احسن شي فالمظهر ، بس مانريد نكون احسن العباد عندالرحمن .. فعلاً صارت امور الحياه الاوليه هي اساسيه ، والشي الاساسي مانحس بقيمته لين يتحرك للفقدان ... نحن نريد نكون الافضل ، لكن ماننسى أمور وـآيد مثل العباده ، وأنك تحافظ وتحمد الله ع الصحه وبالاخير نحن مازلنا نهتم فالمظهر <~ وشي جميل الواحد يكون مرتب ولكن مب شرط يكون مقتني أفضل الماركات والسياير ....والخ .{ أتمنى ماطلعت عن إطار الموضوع ، كما أتمنى أني اعطيت رآـآيي بكل مصدآـآقيه }. |
تسلم اخوي ع طرحك .. فعلآ .. اقتناء الآشيآء الثمنية والتبآهي بهاآ صآرت موضه في هذه الآيآم الواااحد المفروض يمد ريوله ع قد لحآفه .. بس للآسف هالشي فقدناه بينا بسبب مرض التبآهي والتفآخر ..فتلقى شبآبنآ على وشك الانجراف في طريق السجون بسبب " سيآره " او " السفرآت " وها كلهـ عشآن الناس ترمس وتقول ولد فلآن عنده هالموتر و سآر المكان الفلآني .. ..الخ والل لهم مصلحه في هالامور آقصد التجآر يبآلغون في ردة فعلهم حيآل انجرآف هالجيل للمظآهر .. بتنصدمون اذا قلت لكم في بنات عندنا في الجامعه كل عبآه يسونهآ ب5000 درهم ..! ليش كل ها ..ّ! ما سالو نفسهم ولآ ذكروآ عمآرهم انهم مسؤولين عن النعمه لي هم فيها .. في اماكن تسوي العبي ب 200 والبآقي اتصدقي فيها اذا اتحسين ان البيزآت يآلسه ع جبدج لآنج مسؤوله عنهآ .. الوضوع مب بس موضوع عبي .. في امور كثيره غآليه والكثير من الناس تشتريها للاسف مب حاجهـ فيها لآ بس للتفآخر والتبآهي بين الربع والآهل آعجبني رد اختي " آعشق ذآتك، " " لين متى نريد نكون احسن شي فالمظهر ، بس مانريد نكون احسن العباد عندالرحمن .. فعلاً صارت امور الحياه الاوليه هي اساسيه ، والشي الاساسي مانحس بقيمته لين يتحرك للفقدان ... نحن نريد نكون الافضل ، لكن ماننسى أمور وـآيد مثل العباده ، وأنك تحافظ وتحمد الله ع الصحه وبالاخير نحن مازلنا نهتم فالمظهر <~ وشي جميل الواحد يكون مرتب ولكن مب شرط يكون مقتني أفضل الماركات والسياير ....والخ " تسلم اخويه مره 2 ع طرحك .. لآهنت |
اقتباس:
المرحب لا هان يا ختيه أمل الله يعين الصراحه اذا الحين اليهال مثل ما نشوف بطرانين عيل الله يكون في عون الأجيال القادمه .. !! ... وبالسبه للبترول مثل ما قلتي يطلعولج أداة الربط بين اللي بتشترينه وبين البترول لو شو بتسوين رحتي تاخذين ذهب ,, بيقولج الذهب ياي شحن بالباخره والباخره تصرف بترول .. والبترول زاد .. ههههه سبحان الله ,, .. والواحد اذا بياخذ له شي ,, ف بيكون ماخذنه لنه هالشي دخل خاطره وفهالجاله الشخص ما ينلام .. أما اللي ياخذ شي عشان ان الناس عايبنهم هالشي وهالشي أصلا مب داخل خاطره ف هني تكون المشكله طبعا هني الشخص يكون ماله راي وماله شخصيه لنه بيمشي على كلام الناس ومن ثم بيكون ما عنده ثقه بنفسه ومن ثم ما عنده قناعه .. !! سيارة سمو الشيخ حمد بن راشد صارت عند اللي يملك جيمتها وعند اللي ما يملك جيمتها وليش عاد .. بسبب المظاهر حتى الواحد لو يبا ياخذ له مثل هالسياره الحين يهوّن .. لنه مثل ما قلتي .. منو اللي ما عنده مثل هالسياره .. .. وأشكرج الصراحه على تطرقج لموضوع الدين ^ـ^ وصدقتي في كل ما كلتي وربي اللي يتدين .. بيتم مدين طول عمره ومايدري اذا هو بيقدر يوفي هالدين ولا لأ .. لو كان الانسان قنوع ,, بيكون أسعدمن على وجه الأرض لنه كل واحد بيكون راضي باللي عنده وسعيد في نفس الوقت ^ـ^ .. يعطيج العافيه يا ختيه على هالتواجد الأكثر من رايع وما عليج زود وربي نورتي البقعه وشاكر لج ردج وتعلقيج الممتاز ^ـ^ |
اقتباس:
وعليكم السلام ورحمة الله صدقتي يا ختيه كثير من الناس يتمنون انهم يعيشون فمكان آمن وينامون وهم آمنين الحمد لله على نعمة الأمن والصحه الحمد لله على جميع النعم يعطيج العافيه على ردج الطيب لا تحرميني من طلتج الطيبه يا ختيه |
اقتباس:
مرحبا ختيه أعشق ذاك ,, الله يعافينا من كل شر ان شا الله والحمد لله على نعمة الصحه بل على جميع النعم سواء كنا نعرفها أو كنا نجهلها والله يا ختيه لو الواحد فقد نعمه .. بيتمنى انها لو ترجع بس وبيحمد ربه عليها طول عمره ,, الانسان بطبيعته طماع وجشع >< الله يبعد عنا صفاة السوء ,, عيبني كلامج الصراحه لين متى نبا نكون أفضل شي فالمظهر وأفضل شي أمام الناس وما نبا نكون أحسن عباد الرحمن يليييتنا لو كنا صدق نتسابق على هالشي ., جان الأمه الاسلاميه كلها بخير كلامج عين الصواب .. وتستحقين تقييم عليه الصراحه ^ـ^ صار التحدي على من يكون أفضل واحد فالكشخه ونسوا انه لازم نتسابق على طاعة الله وكسب رضاه مثل ما قلت ,, مب عيب انه الواحد يكون حسن المظهر وجميل الوجه لكن كل شي بحدود مب أروح أفصل لي كندوره بخمسميه مثلا و في كنادير بميتين أو ثلاثميه أحسن وأفضل وأجمل من اللي بخمسميه هذا فعلا ما يسمى ( بطره ) ^ـ^ ولا توجد قناعه هنا الله يهدينا جمييعا ان شا الله .. شاكر لج ردج وتواجدج المميز يا ختيه أعشق ذاك لا خليت من هالحضور الجميل ^ـ^ النورس |
[align=center] و عليكم السلام ورحمة الله وبركاته .. انا شخصيا ما أعتقد ان مجاراة الموضه يايه من "غياب" القناعه ... الواحد بيلبس و بيشتري لنه يبه يكون بمستوى الناس .. و بالتالي يكون مرتاح .. يحب ان الناس تشوفه بأحلى حله ..يحب يحس انه مندمج معاهم .. و نحن في زمن يسمونه "زمن المظاهر" ماعتقد شي ناس بترضى تكون دون غيرها من الناس.. كلنا نحب الأفضل لأنفسنا و الأحسن ..... مانحب نحس إن نحن منبوذين ... و لكن إذا هالشي ياي من غياب القناعه فـ ما بقول غير ... " القناعة ليست مجرد حروف ترصف.. و إنما هي شعور بالراحة.. فالإنسان في نهاية المطاف يبقى مجرد كتلة من المشاعر يحتاج إلى الشعور بالراحة و المرونة" هي بتظل مسألة وقت لا أكثر .. خلوه يدفع و يلبس و يغتر .. لكنه بيعرف عقب كل ها ان القناعه راحه فعلا .... يعطيك العافيه ع الموضوع الكشخه ... لاهنت.. نرقب اليديد.! [/align] |
السلام عليكم ورحمه الله وبركاته .. فالبدايه اشجعك على كتابتك لهالموضوع .. صراحه موضوع يستاهل حد يتناقش فيه عسبت حد غيرنا ياخذ العبره يعرف انه هالشي غلظ .. لانه في وايد ناس مب قادرين يحصلون هالاشياء اللي نحن انحصلها يعني الحين الواحد يوم يكون مقتنع باللي عنده مثلا اللي عنده الحين سياره يعني اي سياره بسيطه على حاله اهم شي انه توصله وترده ويجوف الناس او يجوف ربعه عندهم اغلا السيارير اكيد بينقهر وبيسلك سلوك ربعه وهالناس .. بس ليش لانه مب مقتنع في اللي عنده اللي همه يواكب الموضه ويلحقها الناس تحمد ربها انه عندها هالشي يعني هالشخص المفروض يحمد ربه لانه غيره يمشون مشي ويركبون التكاسي ومتلعوزين واهوه عنده سياره بساعه يقدر يخلص اموره .. لكن شو نقول غير انه الناس مظااهر يعني يقولون لغيرهم نحن عندنا وعندنا وبناخذ و انا خذيت واخر شي ديون بالبنك شكثرها انزين ليش هاه كله مب انته اللي اخر شي بتضيع حتى البنات ما اخص الشباب فقط البنات بعد نفس الشي حد لو اهلها على قد حالهم ويالله يالله يعيشون اعمارهم لازم اللي تجوفه عند اربيعتها تباه مب شرط يعني انتي واهلج على قد حالكم ليش جي يعني اربيعتي عندها وانا ابي ومادري شو .. يعني الحين في مثل يقول " مد اريولك على قد الحافك " يعني لا تزيد عن طاقتك وتروح تتسلف عشان بس مظهر واخر شي تكسر ظهرك هالديون اللي عليك .. يعني انا عندي مثال مب واحد عده امثله وهاه صج .. واحد من هلي عنده سياره مادري شو نوعها بصراحه .. ويوم من الايم جفته انه مغير سيارته مع انه سياره كانت يديده انزين ليش ..؟ وصلني من اخواني انه اصلا هالسياره الثانيه مب ماخذنها مأجرنها .. صراحه مادري شو نوعها بعد لاني ما اهتم بهالسوالف .. يعني قولوا تقريبا كان اجارها 13 الف يمكن .. يعني اوك اهيه حلوه ماقول شي بس ليش الخساير يوم ماعندك بيزات وعندك سياره بس جي اسراف ويحلقون الموضه مافكروا انه هالشي حرام .. لحقوا الموضه لكن على قد اللي عندكم على قد اللي بجيبكم يعني حرام الواحد يضيع عمره .. يعني مع الايام بعرس وبكون اسره وبيت .. مدامه اهوه من البدايه الديون فوق راسه عيل عقب كيف بعيش اهل بيته .. وعندي بعد مثال ثاني وهذه بعد صج ..هذه نفس الحاله .. يعني يوم بياخذ له ملابس وله بياخذ له او عطور او جواتي (عزكم الله ) او تلفونات .. يعني الحين اوك بيحصل نفس الملابس بمحل رخيص بس مايروح للرخيص يروح للغالي .. عنده 5 مادري 6 تلفونات انزين حق شو الناس بس تلفون واحد والحمدالله .. يعني مره اذكر قال جدامنا انه ماخذ لبسه بألف انزين ليش هالاسراف الا هالشي اكيد يوم واحد وتبدله واخر شي بتعقه .. لكن شو اقول غير الله يهديهم .. شو يعني هالناس ماتفكر وتقول انه انا باخلاقي اكون احسن من مظاهري اللي اظهر فيها .. على فكره في ناس من مظهرهم يبين انهم مهمومين والديون مكسره ظهروهم .. بس شو يحاتون المظهر للحين ماعرفوا لوين بيوصلون بهالتفكير اصلا هذه اذا كان عندهم تفكير يفكرون فيه .. كلامك ياخوي النورس مليون بالميه صح .. لانه انا احسااسي يوم اجوف هالناس راكبين هالمواتر ومتكشخين اخر كشخة انهم بس مظهر يبون الناس يشوفونهم وبس .. واحس هالنوع من الناس تجريهم الموضه بدون اقناع يعني بس حب تملك واسراف .. مب شرط الكل البعض.. والسموحه طولت .. |
اقتباس:
القناعة كنز لا يفنى ما راح اقولك حرام أو حلال لأنه الحلال بين والحرام بين ... وما بينهما مشتبهات لكـــن !! بناقش الموضوع استنادا إلى موضوع الموضة، وما الحاجة إليها ؟؟ في البداية هي ليست مشكلة حتى أجد لها الحل !! وهي ليست بظاهرة حتى أجد لها حد !! وأيضا هي ليست بنفق حتى أجد لها مخرجا !! هــي ومثلما قلت ..... قناعة هي بصريح العبارة .. أفكار ومعتقدات وتوجهات تشكلت بفعل عدة عوامل منها : 1. التقليد: فأنا لست أقل من غيري ممن يلبس ساعة الألماس أو السيارة وما إلى ذلك 2. أظهر نعمة الله علي: أنعم الله علي بالمال الوفير .. ليش اخزن المال !! لا اسرف ولكن استمتع بالمال 3. لا تبخل: اصرف مافي الجيب .. يأتيك مافي الغيب 4. الواقع: الذي لا تستطيع أن تعيس بمناى عن الآخرين، فالإنسان يتاثر ويؤثر بالأخرين 5. طبقات المجتمع: اختلافها يجعل من الموضة والأناقة شرط عند البعض تساؤلات بسيطة تدور في بال كل شخص يعمل في وظيفة أو في اعمال حرة "ليش أشتغل ؟ وإذا كان للشغل فائدة مادية، ليش أحرم نفسي من الصرف؟ وليش ما أتمتع بحياتي، وانا شاب؟" اصرف وتمتع بحياتك ولكن بحدود إنك ما تصبح من المبذرين اقتباس:
اقتباس:
فالإنسان دائما يسعى للتقدم والرقي، ولكن لا تنسى أن لكل شيء أمور تحكمه على سبيل المثال: طبقات المجتمع مختلفة، منها الفقير ومنها الغني وفيها الموظف وفيها المدير وفيها الوزير وكل واحد منهم له منصب وعنده علاقات ... فلباس الموظف غير عن لباس المدير غير عن لباس الوزير وحتى سياراتهم غير ... الموظف بإمكانه يكون بسيط في لبسه حتى لو كان غني ولكن المدير بحكم علاقاته ومنصبه فإن الناس يتوقعون منه إنه يكون في كامل زينته والكمال لله عزل وجل. مشكور أخويه النورس على طرحك الجميل |
اقتباس:
ما عليج زود يا ختيه وصدقتي في وصفج مرض التباهي << صار مرض هالشي الصراحه .. الله يعافينا ان شا الله والله يعين الأجيال القادمه يمكن نحن اذا شفنا اللي بيصير جدام بنحمد ربنا على حالنا ^ـ^ .. شاكر لج تواجدج الطيب يا ختيه لاعدمتج أبد |
اقتباس:
مرحبا ختيه الشخص اللي وصل إلى قمة الفناعه ما بيشوف الناس ,, وبيلبس وبيشتري عشان يكون بمستوى الناس ^ـ^ وبالتالي ,, الموضوع يرجع للقناعه أيضا ^^ انا ما قلت انه الواحد يعني ما يشتري وما يلبس ويتزين أنا اللي أقصده الشخص اللي يشتري ويتزين عشان الناس .. او عشان يكون بمستوى الناس ,, وهذا الشي غلط في اعتقادي الواحد اذا ببا يشتري شي ,, بيشتري هالشي لنه دخل خاطره ويحب يتملكه ^ـ^ مب عشان الناس تشوفه ,, او انه يكون بمستواهم ^ـ^ أنا شخصيا لا عيبتني ساعه مثلا ,, بشتريها لنها دخلت خاطري ولنها عيبتني ما بشتريها عشان الناس يقولون اني شاري ساعه مثلا ,, !! فكرتج وضحت يا ختيه ^ـ^ وأغلب هالمشاري ترا تكون في غياب القناعه ^^ شاكر لج مرورج الأكثر من رايع لا عدمتج |
| الساعة الآن 11:35 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir