|
..{ ما هقيتے أכּ الهوى عذبے .[قلوبے الرجالے --« .. بقـلم [ فنون الغدر ] {.. البــْــٍـــُـاأإرتٍ 1 ْ{... ما هقيت ان الهوى عذب ]قلوب[ الرجال لين ضاع القلب مني وتفكيري سوآآآآآآ <----------- ---------------------------------------------------------------- _ الشخصيــــــــــــــــــات :- اليد ( محمد ) : انسان طيب .. وحكيم .. يحب احفاده واايد .. ابو سعود ( راشد ) : اكبر عيال محمد .. ويحب عياله وايد .. بس عنده وقت الجد جد .. ام سعود : طيبه وعلى قد نياتها .. وكل همها عيالها .. نفس ما تحب الخير لكل الناس سعود : عمره 26 سنه .. اكبر عيال ابوسعود .. متزوج ( ميره ) وهي حامل .. حميد ( بطل القصة ) : عمره 21 سنه .. جميل .. عيونه وساع .. خقاق نوعا ما ولوووتي من الخاطر .. الريم : 17 سنه .. ثانويه عامهـ .. تاخذ بجمالها من حميد .. وهم وايد ويا بعض .. جواهر : 14 سنه .. ثالث اعدادي .. مراهقهـ .. تحب ولد عمها حمدان .. وباجي الشخصيات بتعرفونهم فالقصهـ .. .. *//~ أنا ربتني الدنيـا علـى جـزل العطــ]ـا والجــــود ,, ونفســي للوفــُا والطيـب وفعـل الخيـر جزاأإآآمــه ,, وأعارض منهــج الهابط وأوافًق للصعودصعـود ,, وأسيّـــر نفسُـي بعقلـي مـدام النفـس هداأإآآمــه ...] على نور شمس دار الحي تفتحت عين حميد وهو متفاءل وايد بهاليوم .. وهومن طبعه التفاءل .. وبعد ما قام جيك ع المبايل ولقى 6 مكالمات لم يرد عليها 2 كانو من ربيعه علي و4 كانو من ساره ومسجين بعد من ساره .. وفتح المسجين وكانت كاتبه فالمسج الاول : حبيبي حميد ليش ما ترد علي .. دخيلك .. اذا زعلان مني قوللي .. بس لاتعور قلبي عليك .. والمسج الثاني : حميد حرام عليك .. رد علي دخيلك .. لا تخوفني عليك .!! .. حميد : اووف .. صدق ان هالانسانه متفيجه .. كفاني اللي صار لي بسبتها .. شو هاللصقه ؟! وبعد ما قرا المسجات فر المبايل وراح اتسبح ولبس واتكشخ .. ونزل للصاله .. .. .. ام سعود : صباح الخير .. حميد (رد عليها بابتسامته العذبه) : هلا امي .. صباح النور والسرور .. ام سعود : كيف اصبحت اليوم يا ولدي .. انشالله احسن ؟ حميد (وهو يتصنع الفرح ) : الحمدلله يا امي على كل حال .. ام سعود : الحمدلله .. ها شو الطاري .. اشوفك كاشخ اليوم ؟ حميد : ماشي والله .. بس تدرين اليوم اول يوم لي بالدوام .. ولازم اكشخ ام سعود : هيه صح .. خلاص عيل يالله تعال تريق قبل لا تسير حميد : خخخخ .. لا لا ماله داعي امايه .. انا بسير لا اتأخر بعد .. ما فيني من اول يوم .. ام سعود : بس مب زين لك اتسير وانت مو ماكل شي .. حميد : لا لا ما عليج امي .. انشالله بطلبلي شي هناك .. ام سعود : خلاص عيل يا ولدي .. الله وياك .. طلع حميد من البيت وركب سيارته .. وطرى على باله محمد وعلى طول دقله .. حميد ( اول ما رد محمد ) : مرحبااااا بالمهلي اللي ما يولي ويا هلا .. علي : المرحب باجي .. انت وينك ؟ ليش ما ترد علي ؟ حميد : والله كنت راقد وحاط المبايل ع السايلنت .. علي : ايواا .. واشحالك اليوم عيل ؟ حميد : والله شو تباني اقولك يا علي ؟ ابوي من ذيج السالفه وهو كله يتجاهلني .. علي : لا حوووول .. كا هل من هاللوث اللي ترمسهن .. عالعموم انشالله ابوك شوي وبيرضى عليك .. حميد : الله يسمع منك .. المهم .. ما علينا .. انته اخبارك ؟ وشو الدنيا وياك ؟ علي : والله انا فالعلااااااالي .. حميد : سلامي عليك .. بس ها شو السر ؟. علي : هممم بصراحه فتحت موضوع خطبتي لابوي .. ووافق انه يخطبلي بنت عمي الاسبوع الياي .. حميد : هههه .. يا حظك والله .. واخيرا بتصير من نصيبك .. علي : خخخخ .. شفت عاد ؟! بس يا خوفي انها ترفضني .. حميد : واشعنه ترفظك ؟! شيخ الرياييل .. ولا ناقصنك شي ؟! علي : يا سلااام .. اسميك رفعت معنويااتي .. رد عليه بخبث : ابوووي .. لا تصدق روحك وايد .. تراني اجامل بس .. علي : خخخخ .. ما عليه ماعليه .. المهم .. ها وين الطلعه اليوم ؟ حميد : هممممم شرايك اليوم عقب صلاة العشا نسير انا وانت وصقوور ومحمد السيتي ؟ علي : خلاص عيل برايك .. حميد : عيل يالله اجلب ويهك الحين .. انا وصلت الشركه .. علي : وييييييه تعال اليوم يومك الاول ههاااي .. يالله بالتوفيق انشالله .. حميد : اليميع انشالله .. علي : يالله عيل فمان الله .. حميد : فمان الكريم .. حميد بعد ما سكر عن محمد حس براحة بال وعقب ما بركن السياره نزل ودخل الشركه .. وعلى طول توجه لمكتب ابوه .. حميد ( بعد ما حب راس ابوه ) : السلام عليكم ابوويه .. صبحك الله بالخير ابو سعود ( بدون ما يرفع راسه عن الاوراق اللي كان منشغل فيها ) : وعليكم السلام والرحمه .. هلا حميد .. اتفضل .. حميد : زاد فضلك .. هممم .. انشالله ما اكون اتأخرت .. ابو سعود : لا ييت بوقتك .. انزين يا حميد .. قبل لا نتكلم عن تفاصيل الشغل .. بغيت ارمسك عن السالفه اللي صارت قبل كمن يوم .. حميد ( وكان متوقع ان ابوه بيفتح الموضوع من يديد ) : أ..أأ.. اتفضل ابوي .. ابو سعود : شوف يا ولدي حميد .. انت ولدي .. وترا اللي سويته مب لشي .. بس هذا من خوفي عليك .. وعلى مستقبلك .. حميد : بس يا ابوي انا مب ياهل عشان تخاف علي ؟!! .. ابو سعود ( بجد ) : السالفه مب سالفه ياهل او كبير .. بس انت يا ولدي العاقل .. اتشوف ان اللي تسويه صح ؟!!!!!! .. حميد ( نزل راسه ولا عرف بشو يرد على ابوه ) : .................... ابو سعود ( وتوه ياي بيرمس وجان يدق مبايله ) : الووو .. هلا مرحبا سالم ,, والله الحمدلله تمام انته عساك بخير ؟ ,, الحمدلله الحمدلله ,, ها ,, الحين ؟! ,, خلاص خلاص ,, الحين ياي .. ابو سعود ( بعد ما سكر التلفون ) : هممم خلاص حميد .. انا الحين عندي اجتماع انا وعمك سالم .. وانشالله بكمل رمستي وياك عقب .. حميد : انشالله .. بس اقول ابوي .. هممم الحين شو بخصوص الدوام ؟ ابو سعود : روح عند عبدالله .. وهو بيقولك كل شي .. حميد : انشالله .. بعد ما طلع ابو سعود سار حميد عند عبدالله وشرحله كل شي عن الدوام .. وطبعا بقرار من ابو سعود .. تعين حميد مدير الشؤون الماليه انتهى وقت الدوام .. وطلع حميد من الشركه .. وراح لمدرسة اخته الريم اللي كان متعود دوووم انه يمر ياخذها من مدرستها .. وبعد ما وصل صوب المدرسه تم واقف وايد يتريا لانه سار اصلا من وقت .. وبعد لحظات من الانتظار غفل حميد من التعب .. كان صدق حاس بتعب فظييع .. عمره ما حس بمثل هالتعب .. وفجأة قام مخترع لما دقت الريم ع الدريشه عسب يبطللها الباب .. حميد ( بعد ما فتح لها الباب ) : انتي ما تعرفين تدقين شوي شوي .. زين جي خربتي علي احلى احلامي .. الريم : ها ها .. عدال وبشو اخوي يحلم انشالله ؟ اكييد تحلم فيني صح ؟! حميد : هههه .. ماشالله اشووفج وايد واثقه من عمرج الشيخه .. الريم : اكييييييييد .. حميد ( وتوه ياي بيحرك السياره لاحظ وحده كانت تتطالعه وتتأمله .. وما حست بعمرها ونزلت عينها لين يت عينه بعينها ) : عفانا الله .. ريمو ريمو .. شوفي هالبنيه بلاها جي تتطالع ؟ كل ما ايي اخذج اشوفها تتطالعني ؟!! الريم : منو قصدك ؟! ... هذي ؟!! ( وهي تأشر على بنيه ) حميد : هي هي .. هيه .. عفانا الله اول مره تشوف واحد بهالجمال شووه ؟! الريم : يااالله ع الخقه .. واصلا جي ما عندها سالفه هي تتأملك ؟ .. اصلا البنيه احلى عنك بواايد .. انت ما تعرف كيف البنات متخبلين على جمالها ..! حميد : انف .. ماااااااالت .. الريم : عليك.. حميد : نعم ؟!! الريم : أ..أأ.. قصدي على ويهك .. حميد : شوووه ؟!! الريم : .. أأ ..أأ .. لا لا قصدي عليها .. حميد : هي اتحرى بعد .. بس تدرين .. اذا عن الجمال هي صح جمالها عذاب .. همممم بس تدرين يبالي العب عليها والله .. الريم : اشووووووه ؟!! لا عيووني .. ربيعتي وما يرضيني انك تلعب عليها وبعدين انت مب مكفتنك مشاكلك ويا ابووويه ؟! حميد : اوووووه .. انا ما صدقت انسى السالفه وانتي تردين تذكريني ؟!! المهم اسمعي .. اسمعي .. ( وشغل ع أغنيه وطول الصوت ع الاخر ) وبعد دقايق وصلو البيت .. حمد اول ما وصل البيت على طول سلم وسار غرفته يرقد .. اما الريم فعقب ما سلمت سارت اتغسلت ونزلت تتغدا .. ابو سعود : يااا سلام عليج يا ام سعود .. شو هالطبخه السنعه ؟! ام سعود : تسلم يالغالي من ذووقك .. سعود : ابووويه .. انا وميره ترا اليوم بنسير ابوظبي عند اهلها .. وبنبات هناك يومين .. يعني ابا اجازه للدوام .. ابو سعود : خلاص يا ولدي .. انتو توكلو وانشالله ما بيصير الا الخير .. جواهر : يا حيكم والله .. انزين خذووني ويااكم .. الريم : صدق انج ملقوووفه .. الريال ساير هو وحرمته عن اهل حرمته .. انت وين موقعج من الاعراب بينهم ؟ جواهر : هممممم انا .. ( وبعد تفكير ) ماادري .. ميره : خخخخخ .. والله يا جواهر لو عني جان خذناج ويانا .. بس انتي وراج مدرسه وحاله .. اليد : ههههه .. الا اقوول عيل وينه حميد ؟ جي ما يا يتغدا ويانا ؟ الريم : يدي .. حميد تعبان .. وساار يرقد .. اليد : انزين جان تغدا وعقب رقد .. ابو سعود : ما عليك منه يابوي .. خله بكيفه .. اليد ( عصب ) : هي الحين بكيفه .. ويوم بيسوي شي عقب لومووه .. ام سعود : انزين السموحه عمي .. ترا بو سعود ما يقصد شي .. جواهر : اوهووو .. انتو بلاكم جلبتوها جد وعصبيه .. وبعدين ترا عندي لكم خبر .. سعود : قووولي يا ام الاخبار .. شو عندج بعد ؟ جواهر : تدرون ؟ اليوم فطوم الله يخسها سارت وصفعت بنيه وسبتها سب لين ما قالت بس .. اليد : اي فطوم ؟! الريم : يدي هاي فطوم بنت عمي أحمد ( وتوجه كلامها لجواهر ) المهم كملي وعقب شو استوى ؟! جواهر : شو استوى بعد .. وقعوها تعهد وقالولها باجر ما تدخل الا بولي امرها .. اليد : لا حوووووول .. ابو سعود : هذي ما تيوز عن سوالفها .. بتم على هالحاله .. الريم : ابووي الله يهداك .. وحده بوويه شو تباها تسوي .. سعود ( عصب ): ريمووو .. شو بويه بعد ؟! ثمني رمستج عدل .. جواهر : ترا صدق انزين .. انتو ما تعرفون شو تسوي فالمدرسه ؟ ام سعود : الله يهديها .. الله يعين عيل امها شو بتسوي بها ان درت بالسالفه .. .. .. فبيت ابو صقر .. كان صقر حده معصب على فاطمه .. وبما ان وصلنا لهني خلوني نعرفكم عليهم ابو صقر ( احمد ) : اخو ابو سعود .. متوفى من كمن سنه .. بسبب سكتهـ قلبيهـ صارت لهـ ام صقر : طيبه وواايد تخاف على عيالها وتحب اكثر شي فاطمه ومدلعتنها اخر دلع لانها بنتها الوحيده .. صقر : 21 سنه .. البجر .. تولى مسؤوليه اخوانه من بعد ابوه الله يرحمه .. وهو وايد ويا حميد .. غرشووووب .. لكن جماله يختلف عن حميد .. محمد : 20 سنه .. متخرج السنه اللي طافت من الجامعه اللي كان يدرس فيها بلندن .. يوسف : 17 سنه فالثانويه العامه .. واايد ويا الريم رابيين ويا بعض .. و عايش حياته .. فاطمه : 14 سنه .. قد جواهر ووياها فالصف .. لاكنهم ما يتفاهمون .. فاطمه صارت بويه من اتوفى ابوها .. وجنها تحاول انها هي اتكون المسؤوله عن العايله .. يعقوب : 9 سنوات .. اخر العنقود .. دايما ماله حس .. وحياته البلاي ستيشن .. صقر : انتي وبعدين وياج ؟ لين متى بتمين ع هالحاله ؟! فاطمه : رووح زييييييين .. والله شوفوا انا قلتلكم .. المدرسه قالولي ما بدشها الا بولي امري .. بتون وياي اهلا وسهلا .. ما بتون بالطقااااق .. ما بتفرق عندي لو يلست بالبيت .. محمد ( عصب من رد فاطمه وعاطاها كف ع ويها ) : جااااااااب .. صدق انج قليله ادب .. ام صقر : حراام عليك يا محمد .. فاطمه ( وبظحكة استهزاء ) : لا تحاول يا بابا .. كفك ما يأثر علي .. صقر ( يرها من شعرها القصير ) : وبعد لج ويه تراددين يامسوده الويه .. بس تدرين دواج عندي .. انا اوريييج .. ( وعلى طول يرها للمخزن اللي ورا الفله وهو عباره عن مكان ظيج متخيس .. له فتره مب منظفينه .. وبعد ما دخلها صقر داخل الخزنه ع طول قفل عليها .. اما امه فكانت تصيح وتحاول تقنعه انه يفتح الباب بس هو ما طاع ) .. .. فبيت ابو حمدان .. وبما ان وصلنا هني نرد ونعرفكم ع الشخصيات ابو حمدان ( سالم ) : اخو ابو سعود .. شديد نوعا ما .. كل وقته لدوامه .. ونادرا ما ييلس ويا عياله .. ام حمدان : هممم حقوده شوي .. ولكنها طيبه بعد .. ابد ما تحب تحتك ويا ام صقر وام سعود .. حمدان : 16 سنه .. ثاني ثانوي .. يحب فطيم .. ويحاول يخليها تصير بنوته لكنها مب معبرتنه حصه : 13 سنه .. ثاني اعدادي .. اصغر من فطيم وجواهر بسنه .. بس هي وايد ويا جواهر .. حمدان كان يالس يسولف ويا اخته حصه وشوي والا يرن التلفون .. حمدان : الووه .. جواهر ( من سمعت سوت حمدان ارتبكت ): السلام عليكم حمدان : وعليكم السلام والرحمه .. اشحالج جواهر ؟ جواهر ( وهي تحاول انها ما تبين ربكتها ) : والله تمام .. ومن صووبك ؟ حمدان : الحمدلله .. هممم واشحالها فطيم ؟ جواهر ( انقهرت بس ما حبت تبين هالشي ) : زيينه .. حمدان : الحمدلله .. المهم هاذيه حصه .. حصه : هاااااي .. جواهر : هاياااااااات .. حصه : كيفوووو ؟ جواهر : من بعد ما سمعت صوت ناس اكيد بكون فووووووووووق ... انتي كيفيييييك ؟ حصه : خخخخ .. دامج فوووق انا بعد بكوون فووق وياج خخخ .. جواهر : ياخي اخوج والله عذاب .. حصه : وع .. ما عندج سالفه بصراحه خخخخ .. جواهر : المهم اقوولج ما رمستي فطيم اليوم ؟ حصه : لا ليش ؟ جواهر : همممم ماشي .. بس ادق عالبيت محد يرد .. حصة : اهاا .. جواهر : مو مهم .. هممم اقول حصيص بتين بيتنا اليوم ؟ حصه : هممم .. اذا خلصت مذاكرتي من وقت بحاول ايي .. واذا ما خلصت فخليها بيوم ثاني .. جواهر : خلاص عيل .. اذا خلصتي تعالي ها .. حصه : اوووقااي .. يالله عيل ببااي .. جواهر : باي .. جواهر من بعد ما سكرت من حصه كانت مستااانسه لانها سمعت صوت حمدان .. وتمت تظحك بروحها وتناقز وتغني .. بس اول ما تذكرت انه سأل عن فطيم اتظايجيت شوي [ اووف .. هاي فطيم بعد برووحها سالفه ؟ ما ادري حمدانوه شو يعيبه فيها .. يعني يباني استوي بويه مثلها عشان يحبني ؟!! اووف .. بس ما عليه يا حمدان .. انت لي يعني لي .. ] .. .. من صوب حميد فهو كان فغرفته داش ع الجات بنك .. [ جروح الروح ] يقردن فلانه من صوب ويقص على علانه من صوب ثاني .. ويواعد من صوب وشوي وجان ترمسه وحده .. [ روح ] : السلام عليكم .. [جروح الروح ] : وعليكم السلام والرحمه .. يا مرحبا السااع .. يا هلا والله .. [ روح ] : مرحبا بك زوود .. اشحالك ؟ [جروح الروح ] : والله تمام دامني ارمس رووح .. انتي الاحوال صوبج ؟ [ روح ] : تسلم .. والله حالي من حالك .. [ جروح الروح ] : يسلمج ربي الغلا .. ويعله مديم انشالله .. [ روح ] : همممم .. اليميع .. [ جروح الروح ] : شو اسمج يالغلا ؟ [ روح ] : هممممم مها .. وانت ؟ [ جروح الروح ] : عاشت الاسامي .. وياج حميد .. [الروح ] عاشت الاسامي شيخنا .. [ جورح الروح ] : عاشت ايامج .. هممم وشو دنياج يا مها ؟ وتموا على هالحاله يسولفون حميد ومها لمده ساعتين تقريبا لين انتهى بهم المطاف بان حميد ظاف مها ع المسن .. وعقب ما سكر اللاب ع طول دق حق صقر .. حميد : مرحبااا .. صقر : مرحبتين .. هلا حميد .. اشحالك ؟ حميد : تمام الحمدلله .. واشحالك انته ؟ صقر : والله الحمدلله ع كل حال .. حميد : اقولك صقووور .. ترا عقب صلاة العشا بنظهر انا وعلي وانت ومحمد انزين ؟ صقر : هممم خلها يوم ثاني .. مالي خلق اظهر اليوم .. حميد : افا يالصقر .. ما يصير جي .. انت اساس الشله .. وبتي يعني بتي .. صقر : خخخ .. خلاص .. على امرك .. حميد : يالله عيل بخليك الحين .. بسير ايلس ويا الاهل .. صقر : انزين .. سلم عيل ها .. وخاصه يدي .. حميد : انشالله .. صقر : يالله عيل مع السلامه .. حميد : فداعه الرحمن .. .. .. اليد : يا جواهر .. يا جواهر .. عن الحشره الزايده .. ولا بفرج بالنعال اللي لابسنه هذا .. جواهر : اووف يدي .. انزين انا ما سويت شي .. كل بس عشاني غنيت بصوت عالي .. اليد : جب .. كم مره قايلج ما تتأففين يوم حد يرمسج ؟! جي ما تسمعين الرمسه انتي ؟ جواهر ( دمعت ) : انزين ااااااااااسفه .. ( وعلى طول سارت لحجرتها .. وعلى طريجها شافت حميد اللي كان توه بينزل من الدري ] حميد : جوهروووه .. شو فيج تصيحين ؟.. جواهر كملت طريجها بدون ما ترد على حميد اما حميد فهو ما اهتم وسار عند يده محمد .. حميد ( بعد ما حب راس يده ) : السلام عليك يدي .. اليد : وعليكم السلام والرحمه .. تعال وانا يدك .. تعال ايلس بغيتك فرمسه .. حميد : خير يدي .. اليد : يا حميد يا ولدي .. انت مثل ما تعرف ان شوق بنيه كبيرة وعاقله ووحيده مالها حد غير امها ثم نحن حميد : صح يايدي .. هالشي انا اعرف من زماان .. اليد : الحمدلله .. وانت بعد يا حميد واحد كبير وعاقل واظن يا الوقت المناسب انك تخطب بنت عمتك وتستر عليها .. حميد ( منصدم ) : اشووووووووووه ؟! اليد : يا ولدي اللي سمعته .. انت لازم تاخذ شوق .. وبعدين انت اولى من الغريب بها .. حميد : بس يا يدي انا ما افكر بالزواج الحين ؟! اليد ( بجد ) : ومتى ناوي تفكر انشالله .. لين ما تصك الاربعين ؟ حميد : يدي والله انك على عيني وراسي .. بس اسمحلي انا شوق ما اباها .. وبعدين عنكم صقر .. سنه من سني .. وما اظن بتفرق لو هو اللي خذاها .. اليد : الا بتفرق ونص .. المهم انا قلت اللي عندي .. واباك تفكر بالموضووع زيييييين .. والحين يالله انا بسير اراضي اختك هالطفسه .. وراح اليد وخلا حميد فمكانه اللي كان بدوره منصدم من كلام يده .. ابد ما كان متوقع هالشي .. ولا كان يفكر بهالشي .. هو عمره ما تعود ع الواقع و لا تعود انه يستقر ع بنيه وحده .. هو تعود على انه كل يوم ويا بنيه ثانيه .. بس ما كان مستعد انه يتزوج ؟ ولا عنده استعداد بانه يعيش شوق بتعاسه لانه مب مال زواج .. وعلى هالتفكير ظل حميد .. لين قطعت عليه حبل افكاره الريم اللي كانت تحاول انها تخوفه .. الريم : بوووووووووووو .. حميد ( توه انتبه لوجود الريم ) : باسم الله .. من وين طلعتيلي انتي ؟ الريم : اللي ماخذ عقلك يتهنا به .. حميد : اسميج متفيجه انتي .. ريموو لحقي .. يدي يباني اخطب شوق .. الريم : هاااااااااه ؟!! حميد : والله مب عارف شو اسوي .. وبعدين انا احيد ان صقوور ناوي يخطب شوق .. الريم : اطااع .. همممم تدري ؟! هالمهمه خلها علي انا .. حميد : صدق ؟! والله فرحتيني .. الريم : خخخخ .. زين الحمدلله .. انشالله دوووم .. حميد : الا اقوول وينه سعود ؟ الريم : سار هو ومرته بوظبي .. وتمو يسولفون الريم وحميد لين اذن العشاء سارت الريم غرفتها تصلي .. اما حميد فسار المسيد .. وبعد الصلاة على طول رد البيت وبدل ملابسه واتكشخ ودق حق صقر ومحمد وعلي عسب يمر عليهم .. وبعد ما مر عليهم ساروا السيتي .. وفالسيتي .. حميد : اقولكم .. شرايكم ندش السينما .. يقولون شي افلام يديده نازله .. محمد : اصلا انا مب ظاهر وياكم الا لاني ابا ادش السينما .. علي : اااخ منك يالمنافق خخخخخ .. خلاص عيل .. خلونا ندش .. صقر : همممم انتو جان تبون تدشون دشو .. انا بسير ستار بوكس .. اكيد بحصل الربع هناك .. حميد : افااا .. دش ويانا يا عمي .. ما بتخسر شي .. خلنا نظحك شوي .. صقر : لا لا والله مالي خلق .. انتو دشو ويوم بيخلص الفلم دقولي وبتلاقى وياكم .. علي : افااا .. اسميك انت بعد راسك يابس .. محمد : خلاص عيل .. برااحتك .. صقر : يالله عيل .. بسير عنكم انا .. حميد : الله وياك .. صقر وبعد ما سار عنهم تم يتمشى شوي .. وهو يتمشى شاف بنتين يتمشون ووراهم واحد .. وطبعا هالواحد كان يالس يغصص فيهم .. وبعد لحظات صدت وحده من هالبنتين .. وكانت الصدمه مبينه على صقر يوم شاف شوق .. صقر ( شهق ) : شوووووووووووووق ؟!! شوق ( اول ما سمعت صوت وراها يناديها باسمها صدت واول ما شافت صقر خافت وارتبكت لدرجه انها تمت تدمع من الخوف ) .. .. .. كـــــــــــــــــــــــــــــــــــــــــــــــــ ـــــت اتريــــــــــــا ردودكـــــــــــــــــــــم.... ~ . دمـ آلــغزال . ~. |
طـــرررر يلـآآ كملهـآآآآآآآآآآآآآآآآآآآآآآ أخووي بسسسسسسسسسسرعه هع .. |
مااشالله ع ـليه إلي كتبهـآ تسلم إيديه الصرااااحه وربي ان القصه طرر ما عليهـآ رمسه ـآكشن على حب على مـآدري شوو ~>خخ نسيت .. شو اقوول امدح ؟ّ مـآظن إني راح اوفي .. ع ـ العموم مشكووره ونترق البـآرتـآت الياايه |
تسلمين ونتريـــــــامنج زود وتره القصة طررر وسموحهـــــــــ |
تسلمونـــــ ع المرور الغـــــــــــــــــاويـ اخوي (عـيـون الـامـارات) انا بنت هب ولد وسموحهـ ع التــــــــــــتأخير {.. البــْــٍـــُـاأإرتٍ 2 .. .. *//~ ان كنتــ نـاويـ حبيبــيـ فالهـوى قتــليـ ,,, اعـــرفـ بانــيـ انــا منـ قبـــلـ مقتــولكـ ,,, ليتـــكـ تعانـــــيـ وتشقـــــى فالــهـوى مثــلـيـ ,,, انــ كـــانـ اغمــــى عليـــكـ وطحــتـ مـنـ طولــكـ ...] صقر ( شهق ) : شوووووووووووووق ؟!! شوق ( اول ما سمعت صوت وراها يناديها باسمها صدت واول ما شافت صقر خافت وارتبكت لدرجه انها تمت تدمع من الخوف ) صقر حس بخوف شوق وعلى طول سار عند هالواحد : ياقليل الادب .. لعنبو دارك ما تحشم ياس تغصص بالبنات .. ......: اوووف .. هاللي ما ادانيه انا .. مشكله اللي اونهم عاد يبون يسوون عمارهم جدام البنات مال الصراط المستقيم وهم بروحمهم مال هالسوالف .. صقر : اااخ يالنذل .. صدق انك ما تستحي على ويهك .. انا ماله هالسوالف ؟!! .......: وجي نذل ؟ بس لاني حطيت عيني ع وحده انت حاط عينك عليها .. صقر : اشووووه ؟!! صدق انك حقيييييييير ونذل وحتى الحقاره شوي عليك بس انا اوريك .. ( وعلى طول تم صقر يظرب هالواحد وتم يكفخه ويسبه اما شوق فهي من صوب ثاني كانت تصيح وحالتها حاله لين يو شلة من الشباب وفرقووهم من بعض ) ........: ما عليه .. عيل انت تظربني ها ؟! ( وحاول يرد يظرب صقر بس شباب كانو ميودينه لين اخر شي اضطر انه يروح ) صقر ( كان معصب مووول وع طول سار صوب شوق ) : وانتي طوفي جدامي بسرعه .. شوق ( كانت خايفه وتصيح ) : صقر .. والله ما يخصني .. هو بروحه تم يلعوز فينا .. صقر ( كان ناوي يكفخها ويذبحها الا انها ماهانت عليه .. ولا قدر يتحمل دموعها ) : خلاص يا شوق قلتلج طوفي جدامي .. وبتفاهم وياج بالسيارة .. شوق : لا مستحيل اركب وياك السياره .. صقر ( تم يطالعها بنظرات وكان مبين عليه انه كاتم غيظه ) : بتركبين وياي يعني بتركبين وياي .. يعني شو بسوي فيج .. باكلج ؟! وبعدين لا تنسين اني ولد خالج ومستحيل اظرج بس انتي طوفي الحين .. شوق ( بعدها تصيح ) : انزين خلاص .. صقر : ولو سمحتي اتغشي .. وما ابي دموع .. شوق ( وهي تتغشى ) : انشالله .. وبعد ما وصلو شوق وصقر صوب الباركنات تذكر انه مب ياي بسيارته .. بس بعد ما دور بجيبه حصل مفتاح سيارة حميد لان عقب ما مر حميد عليه هو اللي ساق فيهم .. وعلى طول ركب السيارة وركبت شوق ورا .. صقر : دريولج انا وانا ما ادري .. مخلتني ايلس جدام بروحي ؟! شوق : ........................... (اكتفت بالسكوت ) صقر : تعالي يلسي جدام بسرعه .. شوق : أ..أأأ.. بس .. صقر ( يقاطعها ) : لا بس ولا شي .. بسرعه تعالي .. شوق اضطرت انها اتي تيلس جدام .. حرك صقر السياره وفالطريج كان الهدوء بينهم حاول صقر من صوب انه يكسر هالصمت بس ما قدر .. كان بعده كاتم غيظه .. اما شوق فهي كانت حاسه بغيظ صقر .. وكانت تحاول تبرر موقفها .. بس ما كانت خايفه .. وفالنهايه قررت شوق انها تكسر هالصمت .. شوق ( بعد ما شلت غشاوتها ) : هممم صقر .. صقر : نعم .. شوق : ربي ينعم بحالك .. ترا والله مالي خص .. والله .. والله .. صقر : ادري .. شوق ( وما قدرت تتحمل فتمت تصيح ) : عيل ليش معصب ؟! صقر ( ما قدريتحمل غيظه ) : انا اقولج ليش ؟!! وعلى طول وقف السياره ع طرف الشارع .. وكان الشارع فهذيج اللحظه فاظي .. وغير هذا كانت السيارة مخفي يعني محد يقدر يشوفهم .. شوق ( خايفه ) : ليش وقفت السياره ؟ صقر ( معصب ) : مب انتي تبين تعرفين ليش انا معصب ؟ انا بقولج .. واحد يشوف بنت عمته وحبيبته وعمره وحياته فالمول تتمشى هي وربيعتها .. ويلاحقهم واحد ويسويلهم حركات .. شو تتوقعين بتكون ردة فعله .. تبينه يسير يصفقلها ويقوللها شاطره ؟!!!! عفيه عليج ؟!!!!! ها تكملي .. شوق ( انصدمت من رد صقر .. وبنفس الوقت استانست لانها كانت طول عمرها تحب صقر .. والحين اكتشفت انه يبادلها الشعور ) : انزين انا شو ذنبي ؟! يعني انا قلتله تعال الحق ورانا وسولني هالحركات .. صقر ( يحاول يهدي عمره ) : اسمعيني زين يا بنت العمه .. طلعه بروحج ولا ويا ربيعاتج مره ثانيه ماشي .. و لو طلعتي اباج تتغشين .. فاهمه ؟ شوق ( فهمت انه يغار عليها ) : انشالله .. لعيوونك بس مستعده اسوي اي شي .. صقر ( وبعد ما هدى ) : شوق .. انا احبج واغار عليج .. وما يرضيني اشوف حد يسويلج حركات او يغلط عليج .. شوق : من قلبك يا صقر ؟ صقر ( ما قدر يقاوم عمره فتم يطالعها بعينها بنظرات كلها حب ) : يشهد الله ان حبي لج ماهو خداع .. شوق ( استحت وصدت لصوب الدريشه ) : خلاص .. صدقتك .. صقر : فديت اللي يستححون والله خخخ .. شوق : ............................. صقر من بعد ما رمس حس براحه و شغل أغنيه سنا خدك وحرك السياره .. صقر : اهدااااااااااء .. اكشف سنا خدك ونوّر به الليل وغط بظلام الليل خصر(ن) معزّل وابسم بثغر(ن) نسمته نفحة الهيل فيه البرد من ردم سحبه منزّل لون اللهب في وجنتك ويل والويل يامن حرقني قمت فيك اتغزّل نعس العيون اللي هدبها مظاليل اموت فيها وارتعد واتزلزل دايم من ارهاف الشفايف مباليل ترياق سم الشوق منها تبزّل جسم(ن) حرير بنفحة الناسم يميل تجاوبه الاطراف لا منه تخزّل ماخذ من الاعجاب جمله وتفصيل واحلف بربي والكتاب المنزّل ياغايتي ومناي وكل المحاصيل قلبي علشانك من الغيد عَزّل جيتك على غفله ووقعت ف محابيل واربتني يوم اكثر الناس عِزّل والوصل منك نبت زهر الاكاليل من يتك مفروش وتناثر على الزّل اهواك وامشيلك بعطف(ن) وتبجيل ولا لغيرك لا حشا ما تنزّل مادام خدك صبح شارق بعد ليل طالبك تحرق لاجل فيك اتغزّل .. من صوب قوم حميد وبعد ما طلعو من قاعه السينما .. محمد : يا سلام اسميه الفلم عجيب .. حميد : هو الفلم حلو بس النهايه مب شي .. علي : هي صح .. المهم دقو حق صقوور ..شوفو وينه .. وفهاللحظه وصل محمد مسج من صقر .. محمد : وابووووووووووويه .. لحقو .. علي : خير .. شو مستوي .. حميد : خوتنها .. محمد : حميد .. وين مفتاح سيارتك ؟ حميد : هممممم عند صقر .. علي : خخخخ اكيد سار .. صح ؟ محمد : هي مطرش مسج اونه .. السموحه انا اضطريت اني اروح .. ردوا بتكسي .. حميد : اشوووووووووه ؟! الحين يباني اخلي سيارتي الفتك الكشخه واركب تاكسي .. علي : هههاااااااااي .. والله انه لووتي .. كنت متوقع انه بيروح .. محمد : خلاص عيل تبون شوري .. نركب تكسي ويوم بتوصلوني انا البيت خذوا السيارة .. حميد : خلاص عيل .. شو بنسوي بعد .. وعقب تموا قوم حميد يتمشون شوي وساروا تعشوا وعقب ما خلصو ركبوا التكسي ووصلو محمد وخذا حميد سيارته وتم يحاوط ويا علي شوي وعقب وصلاه ور البيت واول ما رد على طول سار يرقد من التعب .. .. .. شوق فغرفتها كانت مستانسه .. رغم ان هاليوم كان كله احداث واكشن الا انه كان احلى يوم بالنسبه لها وخاصة لان صقر اعترف لها بحبه وغيرته عليها .. وبالاخير وعلى افكارها استسلمت شوق لنومها .. [ شوق : بنت عمة صقر .. عمرها 18 سنه عايشه ويا امها خاصه بعد ما تطلقت امها من ابوها الطماع .. اللي عمره ما فكر فمرته او بنته .. وهي بنتهم الوحيده ] .. .. مر اليوم هذا بطئ على الكل .. كان هاليوم بالنسبة للكل ملئ بالاحداث .. وفصباح اليوم الثاني الكل راح لدوامه .. ومن صوب حميد وعلى نهاية الدوام فهو كان يالس ويا ابوه اللي رد فتح له الموضوع مره ثانيه .. ابو سعود : يا ولدي .. انت ريال وانت ادرى بمصلحتك .. وانا ما بنمعك لو كلمت بنات فالتلفون .. لان هذي مرحله كل شاب يمر فيها حتى انا ابوك اللي هو ابوك مريت بهالمرحله .. بس هذا مو معناه يا ولدي .. انك تطلع ويا بنات وتصرف عليهم .. ترا هالبنات لهم اهل اكيد ما يرضون على بناتهم .. ولا انت ترضى على اختك حميد : اشوووه .. اتخسي الا هي .. ابو سعود : شفت يا ولدي .. عيل ما ترضى على اختك وترضى على بنات الناس ؟! حميد : اسمحلي يا ابوي .. بس اختي والحمدلله متربيه احسن تربيه .. ابو سعود : ترا حتى اهل هالبنات يظنون نفس الن فبناتهم بس ما يكتشفون اللي يسوونه الا يوم يفوت الاوان .. يعني الريم مثلا .. انت شو يظمنك انها ما ترمس .. مو يمكن هي تكون مو سهله بعد شراتك .. حميد : ابوووي شو هالرمسه ؟! ابو سعود : لا تفهمني غلط .. انا اعطيك مثال بس .. اصلا الريم الحمدلله انا واثق فيها واعرفها زيين .. ما اظن بتخون ثقة اهلها فيها .. واصلا جي ولا جي تراها مخيره لولد عمها (محمد) .. حميد : خلاص يا ابوي .. اسمحلي .. وانا اوعدك اني ما اعيدها .. ابو سعود : انا مسامحك يا ولدي .. واباك تعرف اني واثق فيك ثقه عمياء بس انشالله اتكون قد هالثقه .. حميد : قدها وقدود يا بو سعود ابو سعود : وانا اشهد .. والحين يا قوم توكل مر على اختك الريم .. عن تتأخر عليها .. حميد : اي اتأخر عليها .. هي بروحها لين ما تطلع من المدرسه سنه .. بس يالله الحين بسير وامري لله ابو سعود : خخخخ .. يالله عيل الله وياك يا ولدي .. .. صوب مدرسة الريم .. حميد كالعاده كان يتريا الريم .. وبعد لحظات رد شاف البنيه اللي كانت دوم تطالعه .. حميد : يالله .. هاي شو سالفتها ؟! يعني ما بنخلص .. اووف بعد كله من هالريم هذي .. متى بتي ؟!! وشوي واتي ريم صوب السياره .. وبعد ما ركبت حميد : ما بغيتي الشيخه ؟! الريم : جي .. شو سويت ؟ حميد : وايد تتأخرين انتي ياخي .. اخر وحده تطلعين .. خاطري اعرف شو تسوين داخل .. الريم : شو اسوي بعد .. ترا لازم اسولف ويا البنات شوي واسلم عليهم واودعهن عقب ايي .. حميد : خيبه .. عفانا الله ما صاروا بنات .. هاييل عيل سيلانيات شاردات .. الريم : ههههههههههههههه .. حلللللللوه .. بس لا تعيدها مره ثانيه .. حميد : اقولج .. ترا هالبنت والله ذلتني .. ياخي ما يعيبني جي انا .. الريم : اي بنت ؟! الهام ؟! حميد : منو الهام ؟!!! الريم (وهي تأشر على بنيه ) : هذي حميد ( عقب ما حرك السياره ) : هي هي .. وااقلبي .. اسمها الهام عيل ها .. الريم : اسمها عجيب خخخخ .. حميد : هي حسيت انا بعد خخخخخخخ .. المهم ترا اذا تمت تطالعني بهالنظرات بذبحها .. الريم : افا ليش ؟ حميد : كل ما صديت صوبها شفتها تطالعني .. والله نظراتها عذاب .. بس انا ما يعيبني جي ترا .. الريم : سير لااااااااااه .. حميد : سير لاه ها ؟! .. ما عليه .. .. .. .. كـــــــــــــــــــــــــــــــــــــــت |
السـموحه دم الغزآل وانـآآ بعد بنيـه هع بس يلا نزلـي البـآآرت الثـآني القصـه غرآآم |
تسلمين ونتريــامنج زود وتره القصة طررر ويعطيجـ الف عافيه |
تسلمينــ ونتريـــــــــــازود وسموحهـــــــــ ـ غ ـــــــــــرشوبـ الــــــــــــبدو |
ويــنج دبووه ؟ ^^؟ |
قصه حلو نتريا يديدكم تقبلو مروري |
وينج؟ بطيتي علينا ... وسموحهـ |
{.. البــْــٍـــُـاأإرتٍ 3 .. .. *//~ صدفـــــهـ ومـنـ بيـــنـ كـــلـ النــاسـ علقنـــــيــ .. مـــنـ يـــومـ شفـتـــهـ وعينـــيـ جـاتـ فــيـ عينــــهـ .. حســــيــــتـ شـــــيـ بعيـونــهـ حيــــلـ يجـــذبنــــيـ ولمــا ابتـسمــ بــانتـ بــوجهيــ تــلاوينــهـ ...] .. .. الريم : سير لااااااااااه .. حميد : سير لاه ها ؟! .. ما عليه .. وبعد ما وصلو البيت وكالعاده حميد لغرفته اما الريم فسارت تتغدا ويا العائلة الكريمه .. وعقب الغدا .. جواهر فغرفتها تمت ترمس حصه .. جواهر : ما ادري ليش غايبه ؟! حصه : هي صح .. عادة ما يخلونها تغيب شو الطاري اليوم .. جواهر : ما ادري والله .. حصة : مو مهم .. انزين جوهرووه شرايج اتين بيتنا اليوم ؟ جواهر : هممم ما ادري والله .. بشوف .. بس انتو ما عليكم امتحان ؟ حصه : لا وانتو ؟ جواهر : نحن بعد ما علينا امتحان .. عيل خلاص بشوف امايه وبرد عليج عقب .. حصه : اوكي يالله عيل بباي .. جواهر : باااااي .. .. .. من صوب حميد فهو كان فغرفته غارق بافكاره اللي ما تخلص .. كان محتار بهالبنيه اللي كل يوم يشوفها .. ما كان يقدر يفسر نظراتها له .. هل هو حب ؟! او هو مجرد اعجاب ؟! وبنفس الوقت حس انه خلاص مب قادر يستغنى عن نظراتها .. تعود عليها .. حميد [ يا ويل حالي على نظراتها .. اشهد انها عذااااب .. هي والله عذاب .. مب شرات هاللوث اللي ارمسهن كل وحده اخسف عن الثانيه .. بس ما ادري على شو مصدقين عمارهن وايد .. ااااخ . انا بلاني شاغل بالي فيها ؟! مب انا اللي تهزني وحده .. لا .. لا اصحى يا حميد .. لا تخلي بنت تتحكم بمشاعرك ومثل ما قال ميحد وشلك ببنت فنون الغدر دارسته ؟!! هي والله ما جذب .. اوووووف انا اذا تميت على هالافكار مول ما بخلص .. خلني ادق حق علي ابرك لي ] وبعد هالتفكير كله دق حميد لعلي .. علي : هلاااا والله .. يا مرحباااا بالشيوخ .. حميد : هلا بك زوووود .. شحالك ؟ علي : والله يسرك حالي .. انته اعلوومك ؟؟ اخباارك ؟؟ وشو دنياك ؟؟ حميد : خخخخ .. والله كل شي اووكي .. ويقولك اليوم الوالد رد فتح لي الموضوع .. وخلاص رضى علي والحمدلله .. علي : زين زين .. يالله الحمدلله .. حميد : هممم اقولك علوووي .. علي : هاااه .. حميد : شرايك اتي عندي فالميلس .. والله حدي ملان وضايق خلقي .. علي : افاااا .. وليش كل ها ؟! وبعدين انا سيارتي فالكراج .. انت تعال عندي .. حميد : خلاص عيل .. عقب صلاة المغرب بييك .. وبقولك كل شي .. علي : اترياك عيل ها ؟ مب تخون .. حميد : لا افا عليك .. والحين يالله اجلب ويهك .. ابا ارقد .. علي : ما عليه .. مردوووده خخخخ .. حميد : مردوده مردوده .. خخخخ .. يالله فمان الله علي : خخخخ .. فمان الكريم .. .. .. فبيت ابو صقر .. كانت ام صقر كانت تصيح على ولدها صقر عشان يطلع فاطمه من الخزنه .. ام صقر : دخيلك صقر .. طلع اختك من الخزنه .. انت تدري ان فيها الربو .. والمكان وصخ .. صقر : طلعه من الخزنه ما شي .. خلها تتأدب شوي .. من متى ونحن ساكتين عنها ام صقر : حرام عليك يا صقر .. هذي اختك .. صقر : اختي ما قلنا شي .. بس خلها تتأدب .. لين متى بنتم ساكتين عنها ؟ يوسف : خلاص يا صقر .. امسحها بويهي .. بس سامحها هالمره .. محمد : هي نسامحها عشان ما تصدق وترد تطول لسانها .. ام صقر( وهي تزعق ) : حرام عليكم .. والله حرام عليكم .. هذي اختكم الوحيده .. ليش تسوون فيها جذي ؟! صقر : لا حوووول .. خلاص يا اميه خلاص .. لا تصيحين .. الحين بسير اطلعها .. بس انتي لا تعصبين مب زين عليج .. ام صقر ( بعد ما هدت ) : الله يرضى عليك يا ولدي .. يالله روح طلعها .. ادريبها بينتي فديتها ما تتحمل .. صقر : انشالله اميه .. الحين بروح .. وبعد ما طلع صقر من الصاله على طول سار صوب الخزنه واول ما فتح الباب .. انصدم من اللي شافه .. صقر ( منصدم ) : فطووووووووووووووووووم ....! .. .. فبيت ابو سعود جواهر : امييه .. اميه .. ابا اسير بيت عمي سالم عند حصووه .. ام سعود : طلعة من البيت ما شي .. باجر مدرسه .. جواهر : دخيلج اماايه .. ( وبعد ما وجهت نظرها ليدها اللي كان يشرب جاي ) يدي قول حق امي تخليني اسير .. اليد : جي .. شو عندج هناك ؟ جواهر : ماشي بس ابا بسير عند حصيص .. اليد : انزين يا بنتي اتريي لين الخميس وسيري .. ام سعود : وليش تسير ؟ هم بروحهم بيون يوم الخميس .. جواهر : اوهووو .. امي عاد .. بليييييييييييييز .. ام سعود : اووووف منج يالحنانه .. خلاص سيري .. ما يخصني فيج .. جواهر ( عقب ما باست امها ) : فديتج ماماتي .. لا تزعلين انزين .. ام سعود : اخ منج يالمكاره هههه .. خلاص مب زعلانه جواهر : فديتج امايه .. انتي انسانه وايد زينه .. ام سعود : انزين .. يالله سيري اتسبحي ولبسي وخلي حميد يوصلج عقب .. اليد : وجي وينه حميد الحين ؟ جواهر : يدي .. حميدووه اظني راقد .. اليد : هيييه .. خلاص عيل .. سيري وعيه .. اذن العصر .. خله يسير وياي المسيد .. جواهر : انشالله .. وعلى طول سارت جواهر غرفة حميد عشان توعيه .. وبعد ما دقت الباب .. جواهر ( من ورا الباب ) : حميد .. حميد .. يدي يقولك قووم .. اذن العصر .. حميد : ................................... ( فسابع نومه ) جواهر ( تدق الباب باقوى ما عندها ) : حميدووووووووووووووه . وصمخ .. ايدي عورتني من كثر ما ادق وانت بعدك ما قمت .. اوووف .. حميد : اووووووووووووووووووووووووف .. يعني الواحد ما يقدر يرقد هني ؟ جواهر : حميد .. قووم .. حمييييييييييييييييد .. حميد ( يصرخ ) : انزيييييييييييييين .. يالحشره كسرتي الباب .. جواهر : يالله بسرعه .. وعلى طول سارت جواهر حجرتها عشان تتسبح وتصلي وتلبس عسب يوصلها حميد بيت عمها سالم عند حصه .. اما حميد فهو اول ما قام اتغسل وعقبها سار ويا يده المسيد وعقب الصلاة رد البيت .. وتم يسولف ويا امه ويده والريم .. حميد : امييه .. تدرين ان بنتج حشره ؟! عفانا الله .. دفاشه الدنيا بكبرها فيها ما تقول الا واحد من الشباب .. ما تعرف توعي الواحد شوي شوي .. الريم : توك تدري خخخخخخخخ .. حميد : على منووو هي جي طالعه دفشه ما ادري ؟؟ اليد : على منو بعد اكيد طالعه عليك ههههههههه .. ام سعود : هي والله صدقت .. ( وتوجه كلامها لحميد ) ولا نسيت يا حميد يوم كنت توعي سعود ؟! حميد : ههههههه .. بل ؟!! للحين تذكرون انتو ؟! هههههههه .. الريم : وحد يقدر ينسى ؟!!!! خخخخخخخ وتمو يسولفون على هالحال لنص ساعه تقريبا .. وشوي والا تنزل جواهر وهي مشتطه وتزااعق وتركض .. جواهر( وهي نازله من الدري ) : حميد .. حميد .. يالله قووووم .. اتأخرت .. قوم وصلني بيت عمي سلوووم .. اليد : هههه .. اخ يالطفسه انتي .. الحين لا يكون عبالج عمج سالم اصغر عيالج ؟! جواهر : لا وانت الصادق .. اكبرهم هاهاهاهاها .. حميد : عفانا الله .. تدرين انج سخيفه ؟! وبعدين منو قالج اني بوصلج ؟! جواهر : اووهوووو .. بلييز حميد .. دخيلك .. ام سعود : فديتك حميد .. قوم وصلها .. عن تتخبل علينا هني .. حميد : انشالله .. من عيووني يا عيووني .. كم ام انا عندي ؟! ام سعود : بسك .. بسك .. عن اللواته الزايده ههه حميد : خخخخ .. وانتي يالله طوفي جدامي ؟؟ عشان اسير عند ربيعي بعد .. جواهر : انزيييييييييييين .. وبعد ما طلع حميد ويا جواهر وصلها اول شي بيت عمه سالم وعقب تم يلف ويحاوط لين أذن المغرب سار صلى فاقرب مسيد وعقب سار صوب بيت علي .. وقبل لا يدخل دق على مبايل علي ولقاه مغلق .. فقرر انه يدش .. وعقب ما دخل سيارته صوب الكراج .. لمح بنيه تتمشى فالحديقه وهي ترمس فالتلفون شكلها ما انتبهت له .. بس حميد فذاك الوقت حس بالفظول .. فتم يتأمل البنيه لين صدت لصوب السياره .. اللي فذيج اللحظه انتبهت لوجود شخص قاعد يراقبها .. وعلى طول ربعت لداخل .. اما من صوب حميد فتم مصدوم .. حميد [ معقوووله ؟!! .. معقووله الهام تطلق اخت علي ؟!! .. لا لا ما اصدق .. وانا اقول هالجمال كله من وين .. اثاريها طالعه على اخوها .. اااخ يا قلبي .. يا ويل حالي انا .. سحرتني .. اااخ يا قلبي .. اخر شي كنت اتوقعه ان بنيه تهزني .. بس يالله تستاهل .. ] وما قطع تفكير حميد الا علي اللي تم يدق ع دريشه السياره .. حميد ( عقب ما نزل الدريشه) : اووه .. اعوذ بالله .. من متى وانت هني ؟! علي : من زماان .. بس اشوفك سرحان .. مب من عوايدك ؟! حميد : سحرني بو العيون السود .. عيونه سود جتااااااااله .. يا ويل حالي .. علي : حميد .. وين رحت ؟! حميد : صدفه يا علي .. صدفه ومن بين كل الناس علقني .. هي والله من بين كل الناس علقني .. علي : بسم الله .. حميد .. بلاك تهذي برووحك ؟! حميد ( توه انتبه لرمسته ) : أ..أأ .. اووه .. ماشي ما شي سلامتك .. علي : انزين يالله طوف جدامي .. خلنا ندش الميلس .. .. .. من صوب جواهر فهي كانت ياسه ويا حصه فالصاله وكان حمدان يالس وياهم بس ما كان معبرهم .. وتمو يسولفون ويظحكون .. وشوي وتنزل ام حمدان وهي مستعيله .. ولابسه عباتها .. حصه : امييه .. اميه .. وين بتسيرين ؟!! ام حمدان : بسير بسرعه المستشفى وعقب بيي ؟ حمدان : المستشفى ؟!! جي خير انشالله ؟!! ام حمدان : فطيم بنت احمد فالمستشفى ما ادري بلاها ...! حمدان : فطووم ؟!! .. اميه دخيلج بيي وياج .. حصه ( وهي تصيح ) : اويييه .. حرام .. جواهر : خلاص يا حصه لا تصيحين انشالله ما فيها الا الخير .. ام حمدان : حمدانووه انت خلك هني ويا البنات .. وانا عقب بطمنكم عليها .. حمدان : لااا .. ما يخصني انا بيي وياج .. ام حمدان : اوووف .. خلاص عيل حصه وجواهر انتو بعد تعالو .. لا اتمون بروحكم فالبيت وعقب يسويلي سالم سالفه .. حصه : انزين .. .. .. الريم فغرفتها كان ياسه تدق حق شوق اللي ما رمستها من فتره .. شوق : الوووه .. الريم : هلا والله .. شوق : اهلين ريمووو .. الريم ( لاحظت ان من نبرة صوت شوق انها كانت تصيح ) : شوووقي شوو فيج ؟ شوق : ريمووو الحقي يقولج فطوم فالمستشفى .. وحالتها خطيره ...! الريم : اشوووه ؟!! .. وليش ؟!!! شوق ( ما رامت تيود عمرها اكثر فتمت تصيح وهي ترمس ) : ترا من يومين صقر كان حابسنها فالخزنه .. وعاد الخزنه كلها غبار ووصخ .. ومثل ما تعرفين فطوم فيها ربو حاد .. وهي عاد اختنقت وحالتها حاله .. وهذا غير الفقر دم حاد .. و.. الريم : خيييييييييييبه .. متى صار ها كله ؟! شوق : ترا اليوم صقر سار يطلعها من الخزنه وانصدم يوم شافها طايحه جنها الا وحده ميته .. والحين صقر بروحه حالته حاله .. من شاف اخته ومن سمع عن اللي فيها طلع من المستشفى ولا حد يدري وين سار ؟ الريم ( وهي تصيح ) : اويييييييييييه .. فديتها فطامي .. ما تستاهل .. انزين انتي الحين عندها فالمستشفى ؟! شوق : لاء .. توني طالعه من عندها انا وامايه .. الريم : اها .. انزين خلاص سكري سكري .. انا بدق حق حميد .. خله يسير يدور عصقور .. شوق :انزين طمنيني عيل ها .. الريم : انشالله .. يالله بااي شوق : باي وعقب ما سكرت الريم عن شوق على طول دقت حق حميد اللي فالبدايه ما رد عليها بس عقب رد عليها .. حميد : الووه .. الريم : حميييد .. حميد : نعم .. خير .. الريم : الحق .. شوق توه دقتلي ( وتمت تخبره بالسالفه ) حميد : اشوووووووووووه ؟!! انزين خلاص خلاص .. انا اعرف وين بحصله .. الريم : انزين يوم بتحصله طمنا ها .. حميد : انشالله يالله باي .. علي : خير .. شو صاير ؟! حميد : بعد ما خبره السالفه علي : لا حووووول .. هذا وقته .. حميد : هي ولله .. المهم .. انا بسير الحين بدوره .. اكيد بحصله فالعزبه .. علي : عيل يالله بيي وياك .. حميد : براايك .. وبعد ما طلعو حميد وعلي بالسيارة .. اتوجهوا للعزبه الل كانت بعيده شوي فاستغرقوا تقريبا نص ساعه لين ما يوصلون .. وبعد ما وصلوا .. لقوا صقر يالس ع الرمل منشغل البال .. وهذا غير النار اللي كان شاعلنها .. .. .. .. كــــــــــــــــــــــــــــــــــــــــــــت |
تسلمينـ ونتريـــــــــــــا زود وسموحهـــ |
تسلمين حبوبه ونتريا نود منج |
تسلم غرشووووب ع الطرح ونتريا زود منكـ |
{.[color=800080]. البــْــٍـــُـاأإرتٍ 4 [/color] *//~ مــجــروحـ من راسـي الـى.. ساسـي مجـروحـ.. كـلي عنــا .. بعـضي جــروح دفــيـنه..اقــوم واقـعد ما اعرف وين ابـرووح..؟ ضايـق وضاقـت بـي لــيـالـ ن حــزيـنه..ابــكـي ولــو ابـكـي .. مـافادنـي الــنـوووح..جــرح البـحـر هـآيـج .. وقلــبي" سفـينــه" ! ...] وبعد ما طلعو حميد وعلي بالسيارة .. اتوجهوا للعزبه الل كانت بعيده شوي فاستغرقوا تقريبا نص ساعه لين ما يوصلون .. وبعد ما وصلوا .. لقوا صقر يالس ع الرمل منشغل البال .. وهذا غير النار اللي كان شاعلنها .. حميد : صقر ؟؟ صقر شوفيك يا ولد العم ؟! صقر : ياما حاولت اني اكون لهم الاب والاخو العود والقدوه .. بس ما قدرت اتحمل المسؤوليه العوده .. علي : الله يهداك يا صقر .. شو هالرمسه ؟ صقر ( ومبين عليه انه يحاول يحبس دموعه ) : انتو ما تدرون باللي احس فيه .. يعني لو انا ما سويت اللي سويته .. ولا حاولت اني اخذ دور ابووي جان ما وصلت اختي للي هي فيه .. حميد : صقر يا خوووي .. لا اتعب عمرك .. وانشالله فطيم بتقوم بالسلامه .. بس انت ادعيلها .. صقر ( نزلت دمعته غصب عنه ) : اااخ يا ابوي .. رحت وخليت مسؤوليه كبيره على ظهري .. ليتني انا اللي رحت ولا انت يا ابوي .. علي : صقر ؟!!!!!!!!!!!!! استغفر ربك يا اخوي .. شو هالرمسه ؟!! استخفيت انت .. وبعدين الاعمار بيد الله .. حميد ( بنبره هاديه ) : صقر .. وغلاة الوالد رحمه الله عليه عندك .. قوم ويانا .. ترا الاهل كلهم خايفين عليك .. قوم لا تخوف امك عليك زياده .. ترا اللي فيها مكفنها .. صقر : لا دخيلكم .. مالي خلق اشوف حد الحين .. خلووني هني برووحي .. علي : لا ابووي .. يلسه هني بروحك .. تبانا نتم وياك حاضرين .. لكن انك اتم هني تحلم .. صقر : خلاص .. جان تبون تمو .. بس انا من هني مب متحرك .. حميد : اكيد بنتم .. عيل خبال نحن نخليك هني بروووحك .. (وعقب دق حميد حق اهله وطمنهم على صقر وخبرهم انه بيبات برع البيت .. ونفس الشي علي ) .. .. فالمستشفـــــــــى ام صقر ( تصيح وتزاعق ) : اااااااه عليج يا بنتي .. واحسرتي عليج .. ليته فيني ولا فيج يا بنتي .. ( وزادت نبرة صوتها وهي تتطالع محمد ) : كله منكم .. كله منكم الله لا يوفقكم من عيال .. اليد : لا حول ولا قوة الاه بالله .. لا حول ولا قوة الاه بالله .. استهدي بالله يام صقر .. ام سعود : فديتج يام صقر مب زين اللي تسوينه فرووحج .. محمد : اميه دخيلج هدي .. عن يرتفعلج السكري .. ام صقر : خله يرتفع .. احسن .. عشان اموت وافتك منكم ومن عمايلكم .. اااااااه يا بنتي .. ااه يا فطيم .. يوسف : اميه حرام عليج .. لا تقولين جي .. ام صقر : انتو اللي حرام عليكم .. ليش جي تسوون فيها ؟! انتو تدرون انها بنتي الوحيده .. والله حرام عليكم .. والله حرام .. هذي اختكم .. من لحمكم ودمكم .. انتو شوووو ما فيكم قلب ؟!! ما فيكم رحمة ؟!! ( وفهاللحظه تدخل ام حمدان وحمدان وحصه وجوهر بس اليد كلمم وخلاهم يردون ) وبنفس الوقت يدخل ابو سعود اللي كان توه ياي من عند الدكتور و باين على ويهه الحزن والخيبه ام صقر : ها يا بو صقر .. ابشر .. شو قالك الدكتور ؟ اليد : طمنا يا ولدي .. ابو سعود : أ..أأ.. والله بصراحه هي حالتها خطيره حاليا .. وأأ..أأ ام صقر : وشووووووووووو ؟! ابو سعود : ما ادري شقولج يام صقر بس بنتج دخلت فغيبوبه .. ام صقر : شووه ؟!! غيبووووووووووبه ؟!! ( وهني يغمى على ام صقر ) .. .. فبيت ابو سعود كانت الريم بروحها فالبيت ياسه تحاتي فطيم .. وبعد لحظات دخل ابو سعود واليد ووياهم جواهر .. الريم : ها ابوي بشر .. ابو سعود : انا تعبان وفيني رقاد .. تصبحون على خير .. ( وعلى طول راح لغرفته ) ونفس الشي اليد اللي ما سوالهم سالفه وراح لغرفته .. اما جواهر فتمت اتقول حق الريم كل اللي صار بالتفصيل الممل .. الريم : والله حراام .. ما تستاهل فطيم فديتها .. انزين عيل امايه وينها .. جواهر : امي تمت ويا خالوه مريم ( ام صقر ) الريم : اهااا .. يالله .. الله يقومهم بالسلامه انشالله .. والحين يالله قومي ع غرفتج بسرعه .. رقااد .. باجر ورانا مدرسه .. جواهر : انزيييييييين .. اووف . .. .. فالعزبه .. فتح حميد عينه بسبب اشعه الشمس القويه وفهاللحظه تذكر كل الاحداث اللي صارت امس وكنه متفاءل فهاليوم حميد ( وهو يطالع الساعه ) : بللللللللللل .. علووووي .. صقووووور .. حوووه.. انتو قومووو .. فكوني لاه .. اخرتوني على دوامي حسيبكم الله جانكم بتخبلون فيني .. علي : اوووف منك .. اسكت شوي ابا ارقد .. صقر ( وتوه فتح عينه ) : انت بلاك جي مشتط من صباح الله خير ؟!! حميد : واي صباح هذا اللي الساعه 12:30 با ولد العم ؟!! علي ( وتو استوعب ) : 12 و نص ؟!! وجي ما تقومني من وقت .. زين جي بيخصمولي من معاشي والسبه هالشيفه هذي .. حميد : ههههههههههه .. علي يا اخوي لا تلومني .. لوم صقور .. هذا هو يدامك .. صقر : خخخخخ .. والله محد قاللكم اتون تباتون ويااي .. الحين يالله اتحملو اللي بييكم .. علي : لا يا ابوي اذا عنك انت .. فخلهم يخصمون المعاش بكبره ولا انخليك اتم هني برووحك .. حميد : ههاااااااااااااااي .. المهم يالله نشووو .. خلنا نغتسل ونصلي ونتوكل .. صقر : انتو روحوا .. انا بتم .. علي : اتخسي الا انت .. كفايه خصموولي .. حميد : صقر يوم ان نحن خليناك امس بكيفك هذا مو معناه بنخليك اليوم .. صقر : لاحول .. انزين .. انزين .. خلاص بسير وياكم .. وعقب ما اغتسلو وصلوا .. توكلو وكان صقر فسيارته وعلي وحميد فسيارة حميد .. .. فالمستشفى وبعد ما خلصت ام سعود صلاتها وخلصت ام صقر بعد صلاتها .. ام سعود : ها شحالج الحين يام صقر ؟ انشالله احسن .. ام صقر : الحمدلله على كل حال .. ام سعود : انزين اقول يام صقر .. انتي لين متى بتمين جي زعلانه على صقر ؟!! ترا مهما كان هذا ولدج ما يصير ياختيه .. ام صقر : كان ولدي .. انا خلاص متبريه منه وانا مستحيل ارضى عليه لا فدنيا ولا فآخره .. ام سعود ( دمعت عينها على حال صقر اللي لو سمع هالرمسه بينتحر ) : الله يهداج يام صقر شو هالرمسه .. حرام عليج .. ام صقر : الحين حرام علي ؟! حرام علي ولا حرام عليهم يوم جي سووا فاختهم ؟! خلاص يام سعود .. لو سمحتي سكري الموضوع .. انا هذا صقر كرهته .. تعرفين شو يعني كرهته .. صقر مب ولدي .. فااااااهمه ؟! ام سعود : تكرهين ولدج ؟!!!!! الله يهداج يام صقر .. والله حرام عليج .. والله حرام .. والله .. .. من صوب حميد فبعد ما وصل علي سار للبيت وكان وراه صقر بسيارته .. وبعد ما نزلو ودخلو للبيت حميد : حيااك .. حيااك .. تفضل .. البيت بيتك صقر : زاد فضلك يا ولد العم .. ما تقصر .. ما ادري ليش ها كله ؟! حميد: لا تصدق عمرك .. كلها دقايق وبينجلب الحال .. صقر : ههههههههه .. وانا اقول مب من الله كل هالحب .. اثاريك بس تجامل .. حميد : زين انك حسيت خخخ .. المهم سير ايلس انت الحين وانا بسير اييبلنا شي بارد نشربه .. صقر : بسرعه لا تطول .. تراني بسير عنك .. حميد : وين تو الناس يا ريال ؟!! صقر : انزين انزين عن الهذره الزايده الحين روح ييبلنا البارد .. حميد : عفانا الله ما تنعطى ويه انت ياخي .. وبعد ما سار حميد المطبخ تم صقر سرحان فاخته وامه اللي كان متأكد انها زعلانه عليه وما حس بعمره الا بظحكه حميد اللي كانت شاله الدنيا .. صقر : باسم الله .. اعوذ بالله حميد ( وهو ياي وشال بيده العصير ) : ههااااااااااااااااي .. والله وطلعت سوالف يا علوووي .. ههااااااااي .. صقر : باسم الله شو هالظحكه العبيطه ؟! والله انك خوفتني .. حميد : اندوك انته ؟!! ها خذ .. خذ العصير وبرد على خاطرك .. صقر : اسلمت .. والحين ممكن تقولي على شو تظحك توه .. وتظحكني وياك ؟! حميد : خخخخ افا عليك .. احم .. يقولك علوي توه مطرش مسج اونه [ محشش يقول لمحشش :تخيل تنش الصبح وتلقى نفسك ميت .. قاله : بتخبل يا ريال] ههااااااااي .. صقر : هههههههههههههههههههههههه .. والله وطلع يعرف ينكت عيل ههههه .. حميد : حسيت انا بعد ( وبعد ما شاف الساعه) اوووه .. شييييييييت .. قووم .. قووم بسرعه خلنا انيب ريمووو من المدرسه .. تأخرنا عليها .. صقر : لا حوووول .. ياخي مالي خلق انا اسير خلني نا بسير بيتنا وانت سير ييب اختك حميد : رووح زيين .. طوف جدامي خلنا انيبها .. مب وقته الحين صقر : خلاص يابوي خلاص بنسير بس بسيارتي حميد : مب وقت معازم الحين يالله طوف .. بنسير بسيارت بس يالله بسرعه .. وبعد ما طلعو صقر وحميد ووصلو صوب المدرسه وبعد لحظات من الانتظار صقر : اوهوووو .. اختك وايد طولت ياخي .. حميد : دومها .. والله عليها ربع .. ما تقول الا سيلانيات .. حشى سنه لين ما يتوادعون .. صقر : عفانا الله .. تراك قلتها .. سيلانيات يتوادعون خخخخ حميد : اقولك صقر : قووول حميد: ترا ريمو ما تعرف سيارتك .. لازم انزل انا واييبها .. صقر : ايييه .. لا يكون ناوي تسير صوب البنات .. اصطلب احسنلك حميد : لا لا بس بوقف بمكان عشان تنتبهلي .. صقر : انزين .. يالله بسرعه .. لا تطكولون ول بدق فيكم خيانه وبروووح .. حميد : هي تروم انته بس .. بعد الحركه اللي سويتها فالسيتي ما استبعدها منك الحين .. صقر ( وهو يتذكر اللي صار فالسيتي ) : السيتي ؟!! ياهو كان احلى يوم بحياتي .. حميد : الحمدلله والشكر .. يالله انا ساير .. صقر : ما اوصيك .. ما اوصيك .. هالله هالله بالغرشوبات ها خخخخ حميد : استغفرك ربي .. توك لا تسير صوب البنات واصطلب والحين هالله هالله بالغرشوبات .. ياخي ما فهمنالك .. صقر : اووف منك .. مب ويه سوالف انت .. يالله عطني مقفاك اشووف .. وبعد ما سار حميد صوب البوابه شوي طاحت عينه فعين الهام اللي حس ولاول مره بشعور غريب امتلك كيانه حميد [ ااخ منك يام عيون ذباحيه .. تذبحني شلة انظارج .. وينج عني من زماان ؟!! ويين ؟!! اشهد انج سلبتيني فكري وعقلي وكل شي فيني .. ] وما قطع قطع حبل افكار حميد الا الريم اللي كانت تزاعق الريم : انت هنيه .. وانا نم الصبح ادور عليك .. وعلى سيارتك المكحتره .. حميد ( وتوه انتبه ولاحظ ان الهام استحت من نظراته لها .. وبعد ما وجه نظره لريم) : انا سيارتي مكحتره ياللي ما تستحين على ويهج .. اقولج طووفي .. طوفي جدامي .. ترا صقور يتريانا بالسيارة .. الريم : صقر ؟! حميد : هي صقر .. يايين انا وهو بسيارته .. مب عايبنج دوريلج تاكسي خل يوصلج البيت .. الريم : افا عليك ما طلبت الشيخ .. وتوها يايه بتغير مسارها .. بس يودها حميد من ايدها حميد : حووه .. ما صدقتي خبر انتي ؟! يالله طوفي جدامي يالله .. الريم : تراك انت قلتلي اركبي التاكسي لاه .. حميد : هي حبيبتي .. انتي بس اركبي التاكسي .. بس قبل لا تركبينه اختاري وين تبيني ادفنج ؟!! فاثيوبيا ؟!! الصومال ؟! القطب الشمالي ؟!! انتي بس اختاري وانا تحت امرج الريم : هـ هـ هـ .. حدك سخييييييييييف .. حميد : وين ما تبيني اكون سخيف وانتي اختي والحين يالله بسرعه طوووفي .. وبعد ما ساروا الريم وحميد وركبوا السياره اللي تم صقر يتحرطم فيها عليهم ليش انهم اتأخروا بس هم خذوه بالسوالبالسوالف وغيروا الموضوع وبعد ما وصلو البيت .. نزلت الريم وما نزل حميد الا ووياه صقر اللي تم حميد يلح عليه عشان ينزل وياه .. ويتغدا وياه .. ويبات عنده الليله وبجذي مر هاليوم خالي من الاحداث .. كل(ن) عايش دوره فالقصه .. صقر كان يضحك شوي ويزعل شوي ويعصب شوي .. كانت احواله متقلبه .. اما حميد فهو كان عايش قصة حبه ويا الهام وعلى هالحاله وصلنا لآخر ايام الامتحانات .. جواهر ( تدخل البيت معصبه ) : امييييييييييه .. اميييييييييييه .. ام سعود : باسم الله .. شو صاير خير ؟!! .. بلاج حاشره البقعه انتي ؟! جواهر : اميه .. مستانسه اليوم اخر امتحان .. بس بعد فنفس الوقت معصبه ع الاخر .. ( وتزيد نبره صوتها ) : والله قهر .. على اخر امتحان يايبيلنا اياه سممم شو ها ؟!! ام سعود : انزين هدي هدي .. الحين .. واللي راح راح .. خلاص انشالله بتيبين درجات عاليه .. جواهر : هي جان يبت لج فوق التسعين تفلي على ويهي ( وشررررررررده ) ام سعود : تعالي يالطفسه تعالي جواهر ( توايج من فوق الدري ) : هي اميه .. صح .. انجبو الغدا تراني يووعانه .. ابا اكل ... تدرين بعد اليوم كافر .. ام سعود : انزين بدلي اثيابج واغتسلي وصلي وتعالي .. جواهر ( وهي تتذكر ) : هي اميييه .. بسألج !! ام سعود : اسألي يام الفظول انتي .. اسألي وشبعي فظولج جواهر : هع .. صقووور شو سالفته .. من شهرين تقريبا وهو عايش ويانا ؟!! ام سعود : مووو شغلج .. لا تدخلين عصج فشي ما يخصج .. جواهر ( حايسه بوزها ) : انزييييييين وفهاللحظه تدخل الريم ووراها حميد وصقر الريم (تحب راس امها) : السلام عليج ماماتي .. حميد + صقر : السلام عليكم .. ام سعود : وعليكم السلام والرحمه .. ها ريم .. ابشري شو امتحانج اليوم ؟ الريم : مااي .. سهل من الخاطر .. ولأول مره فالتاريخ .. ام سعود : زين الحمدلله .. والحين يالله سيروا بدلو ثيابكم وتعالي حتى ننجب الغدا وبعد ما الكل بدل ثيابه واغتسل تيمعوا كلهم فغرفة الطعام وعلى راسهم اليد ابو سعود : ها جواهر وريم .. شو امتحاناتكم اليوم ؟! جواهر : همممم انا امتحاني زييييين .. ام سعود : باسم الله .. مب جنه هذي اللي قبل حاشره البقعه الامتحان سم وصعب وما ادري اشووه .. حميد : امييه ما عليج منها .. هاي دومها منافقه .. الريم : حسيت انا بعد خخخخخخخخخخخخخخخخ اليد : بسكم .. بسكم .. ما يخصكم فجواهر .. جواهر : نانانا .. شوفو منو يدافع عني .. الراس العود وياي خخخخخخخ صقر : افا .. افا يا يدي .. خخخخ ابو سعود : هههه .. ما علينا .. ام سعود ترا سعود ومرته بيوون اليوم .. خل الخدم يزهبون جناحهم .. ام سعود : انشالله .. الريم : ها سعود قبل احيده يوم سار قال بس يومين ويرد .. والا اشوفه عيبته السالفه وما بغا ايي لين ما طلعت رووحنا .. ( وفهاللحظه يرن التلفون ) جواهر ( مشتطه ) : خلكم .. انا بسير ارد .. اليد : تعالي قري هني .. وقت الغدا غدا .. التلفون ما بيطير .. جواهر : اوهووو .. يدي بليييييييييز .. والله شبعت .. اليد : انا بليس ياللي ما تحشمين ولا تخيلين ؟!! يالله اصطلبي هني .. هذي الشغاله سايره ترد جواهر ( حايسه بوزها ) : انزييييييييين الخدامه : مدااام .. مدااااااام .. تلفون .. ام سعود : خير ؟!! منو يدقلي انا بهالوقت ؟!! وبعد ما سارت ترد ع التلفون ام سعود : الوووه // هلا اختييه // خير ؟!! شو صاير ؟!! // شوه من صدقج ؟!! // انزين انزين الحين يايين .. كـــــــــــــــــــــــــــــــــــــــــــــــــ ــت |
السلام عليكم ورحمة... يا سلام يا سلام ع القصه تسلمين أختي ع البارت ربي يعطيك العافية و نتريا بارت الخامس بفارغ الصبر |
تسلم يمنااااج الغاليـــــــه ع القصـــــــــه الرووعــــــــه يعطيـــــــــج العافيـــــــــه ونرقب الزوود من صوبـــج ..... |
تسلمينـ ونتريا زود وسموحهـ |
{.. البــْــٍـــُـاأإرتٍ 5 *//~ يقولون الحزن ..نزوة .. وبعض الناس لابالغْ .. يقول إن الحزن شهوة ..!! وأنا لحالي .. أشوف إن الحزن سيرة .. بتعذيبه وتأثيره أنا التاريخ لاحزاني .. وّاذا مرة بغيت أحزن قعدت أقراه لقيت إن العمر مرة .. حكاية تبتدي بالموت .. ومرة تنتهي بالصوت .. وكل اللي قريت ألقاه ! ...] ام سعود : الوووه // هلا اختييه // خير ؟!! شو صاير ؟!! // شوه من صدقج ؟!! // انزين انزين الحين يايين .. وعقب ما سكرت ام سعود من التيلفون .. ردت مكانها .. ام سعود : بشاااره .. بشاااااره .. ابو سعود : ابشري .. شو صاير ؟!! ومنو اللي داق ؟!! اليد : بشرينا وريحينا .. ام سعود : هذي ام صقر .. صقر : امي ؟!!!! شو فيها ؟!! ام سعود : هي امك .. داقه وعندها بشاره .. يقولوون فطيم قامت من غيبوبتها .. جواهر : صدق ؟!! الله .. ونااااسه .. اليد : الحمدلله .. الحمدلله .. ام سعود : هي والله الحمدلله .. فهالوقت كان صقر بس يسمع .. وع طول قام : الحمدلله .. ابو سعود : وين يا صقر ؟!! ما كلت شي !! صقر : الحمدلله عمي شبعت .. وع طول قام وطلع من البيت بكبره حميد : صقر .. صقر ( ولحق وراه ) ابو سعود : لا حول ولا قوه .. نحن ما بنخلص من هالمشاكل .. ( وع طول قام هو وراهم ) .. .. وصوب الكراج كان حميد يحاول يوقف صقر ويمنعه من انه يطلع .. حميد : صقر الله يهداك وين رايح .. تعال !! صقر : لا والله .. تستهبل حضرتك ؟!! اختي قامت من غيبوبتها وتباني ايلس مبسط اترياها لين ما تظهر من المستشفى بعد .. حميد : انزين ما قلنا جي .. بس مب وقته يا صقر .. الله يخليك ما نبا مشاكل .. صقر : اووووووف .. اقولك اختي قامت .. وانا بسير يعني بسير ومحد بيمنعني .. بس انت قووم عني .. حميد : صقر .. قسم بالله يا صقر ان طلعت من هني لا تعرفني ولا اعرفك .. صقر ( دز حميد باقوى ما عنده ) : رووووووووح زين ( و ع طووول ركب سيارته وظهر من البيت ) وبهاللحظه طلع ابو سعود عند حميد .. ابو سعود : وين سر صقر ؟! حميد : ظهر .. اونه بيسير عند اخته الجلب .. ابو سعود ( عصب وفول ع الاخر ) : لا حووووووول .. هذا وقته !! .. .. فالمستشفـــــــــــــى ام صقر ( دمعت عينها ) : الحمدلله ع سلامتج يا بنتي .. الحمدلله .. فاطمة ( وجنها مو مستوعبه الوضع ) : الــ ـ ـ ـلـ ـه يـ ـسسـ ـلمـ ـج .. يوسف : ما تدرين يا فطووم شكثر كنا نحاتيج .. والله خفنا عليييج .. محمد : هي والله .. خفنا عليج يا فطيم .. يعقوب ( الياهل ) : فتوم .. بتلعبين وياي كووك الحين ؟! .. فاطمه ( وتوها بدت تستوعب الوضع وجنها كانت خايفه ) : أأنـتو شو تبون مني ؟!! ام صقر : الله يهداج يا فطيم شو نبا منج بعد .. نحن كل اللي نبيه سلامتج .. فاطمه ( واستوعبت السالفه وبعد ما تذكرت كل اللي صار بالضبط ) : الحين تهمكم سلامتي .. الحين ؟!! بعد شوووو !! انا خلاص ما ابييييكم .. ولا احبكم .. اكرههههههههكم .. اطلعو بررررع .. ما ابي اشوووفكم .. اطلعوووووو محمد : فاطمه فديتج شو فيج ؟!! نحن نحبج .. حرام عليج .. لا تسوين بروحج جي .. فاطمه ( تمت تصارخ ) : انتو ما تحبوووني .. انتو تبون تجتلووني .. ( وزادت نبره صوتها ) اطلعووووووو برررررررررع .. ما ابا اشووفكم .. اطلعوووووووووو .. ام صقر ( تمت تصيح ) : فطيييم يا يمه .. انا امج .. الله يخليج لا تعورين قلبي.. ااااه يا فطيم .. الله يخليج .. فاطمه ( وتمت ترمس شراه الخبله اللي تزيد نبره صوتها شوي وترفعها شوي ) : انتو ما تفهمون .. انا ما ابيكم .. اطلعوووووووو .. وانتي بعد اطلعي .. انتي مو امي .. انتي مووووووو امي .. اطلعي برررررع .. ما ابي اشووفج .. وفهاللحظه يو الممرضات ع زعيج فطيم وطلعوا كل اللي فالغرفه .. وتمو يعطونها من هالمسكنات .. اما برع الغرفه .. فالكل انجلبت احوالهم من الفرحه لقوومة فاطمه للحزن لنفسيتها .. واكثر من كان يعني ام صقر اللي كانت تصيح وتكفخ عمرها ع حال بنتها .. ام صقر : اااه عليج يا فطيم .. والله حرام عليج يا بنتي .. ليش تسوين بعمرج جي ؟!! ليييش ؟!! محمد : اميييه دخيلج .. دخيلج لا تصيحين .. وانشالله فاطمه بترد مثل الاول والاحسن .. ام صقر : اي اول ؟!! اي اول قوولي ؟!! فاطمه خلاص .. تكرهكم .. وتكرهني .. انا امها وتكرهني !! ( وهني غيرت نبره صوتها لغضب ) بس كله منكم .. كله منك انت وصقر .. الله لا يساامحكم .. اخ يا صقر .. حسبي الله عليك .. حسبي الله عليك .. الله لا يوفقك دامك هدمتنا جذي .. الله ياخذك يا صقر .. الله ياخذك في هذي الساعه .. الله ياخذك اااه .. (وتميت على هالدعاء ام صقر تصيح .. وتعاني ليييين غفلت .. ) .. .. وفجـــــــــأة دخلو الممرضين يركضون بشخص على الحماله مغطي وييه دم .. واحد من الممرضين : حاله طارئه .. حاادث حادث .. نادو الدكتور طارق .. بسرررعه نادوا الدكتور طارق .. من صوب ام صقر ما قدرت تشوف فع طول صدت .. اما محمد فهو كا واقف منصدم ومبهت : صقــــــــــــــــــر ؟!!!!!!!!!!!!!!!!!!! ام صقر : شووو ؟!! صقر ؟!! وع طول صدت تطالعهم يبتعدون فيه .. وتمت تركض وراهم .. وتركض وتركض .. ع امل انها تلحق عليهم .. ولما وصلت .. زادت فيها صدمتها لما تأكدت انها ملامح صقر !!! ام صقر : صقر ؟!! صقر يا ولدي .. صقر .. رد علي انا امك .. صقر ؟!!!!! وفهاللحظه كان صقر يحاول ع قد ما يقدر انه يقول شي : يمـــ ـ ـ ـه .. سـسـ ـ ـامحـ ـ ـيـ ـ ـني .. ( كان يقولها باصعب ما عنده ) ام صقر ( وهي تصيح ) : انا مسامتحك يا ولدي .. بس الله يخليك .. الله يخليك لا ترووح .. الله يخليك .. انا راضيه عليك يا ولدي .. بس لا تخليني وترووح .. اترجاك ياولدي .. انا محتاجتك بجنبي .. اما صقر فهور رد يقول بكل قوته وبكل صعوبه : يمـــ ـ ـ ـه .. سـسـ ـ ـامحـ ـ ـيـ ـ ـني .. وعلى هالجمله اخذ صقر نفسه الاخير واتشهد لربه ..انتقلت روح صقر لربه .. انتقلت روح صقر لربه بعد ما طلب من امه انها تسامحه .. انتقلت روح صقر لربه وترك وراه ام تعاتب نفسها ع دعائها الاخير وتصيح بكل حركه ع فراق ظناها البجر .. انتقلت روح صقر لربه وترك اخت وراه ما تدري باللي يصير .. انتقلت روح صقر لربه وترك وراه اخوانه اللي كانو قاعدين يطالعون المشهد وما قدروا ايودوون عمارهم .. انتقلت روح صقر لربه وخلى وراه شوق اللي تحبه وتعزه وتترياه ايي يخطبها .. انتقلت روح صقر لربه وترك وراه حميد اللي زعلان منه .. انتقلت روح صقر لربه اللي كان كل همه بدنياه انه يرضى امه ويكسب اخته ويربيها وياخذ مكان ابوه .. انتقلت روح صقر لربه بجوار ابووه .. هذي كانت نهاية صقر .. وهني قام الدكتور بدوره وغطى ويه صقر .. ام صقر : لااااااااااااااااا .. صقر ؟!! قووم صقر .. الله يخليك قووم .. لا تخليني .. وهني يو محمد ويوسف اللي تمو ميودين ام صقر ولا قدروا ايودوون عمارهم فيوسف تم يصيح اما محمد فحاول قد ما يقدر انه ايود عمره بس ما قدر يقاوم الدمعه اللي نزلت من عينه .. مـــــــــــــــــــــــــــــــــــــااااااإااااا ااأاااااإات صقـــــــــــــــــــــــــــــــــــــــــر .. .. .. .. .. وهني قامت ام صقر وشهقت باقوى ما عندها : صقر ؟!! وييييين صقر ؟!! ييبوولي صقر ( وتمت تصيح ) اعوووذ بالله .. اعوووذ بالله .. الحمدلله انه كان حلم .. الحمدلله .. الحمدلله .. محمد ( مستغرب ) : باسم الله عليج امييه .. شوووفيج امايه ؟!! وفهاللحظه دخل صقر للمستشفى اللي كان يركض واول ما وصل لامه ع طول تمت تحضنه وتصيح .. ام صقر ( وهي تصيح ) : سامحني يا ولدي .. سامحني .. انا غلطت واايد يحقك .. صقر : لا تقولين جي يا اميه .. انا عمري ما ازعل عليج .. انتي اللي سامحيني يا اميييه .. ( وتم يبوس راسها وايدها ) ام صقر ( وفهاللحظه تمت ام صقر تتأمل صقر ) : ويينك عنا ؟!! وشخبارك يا ولدي ؟!! انت بخير ؟!! ما صارلك شي ؟!! صقر : لا تسألني وين انا وكيف حالي .. ؟!حياتي من غيركم عذاب .. وعايشه بدنيا غريبه! ام صقر : الله يحفظك يا ولدي .. الله يحفظك ويوفقك .. الله يحفظك .. *//~ جيتك على غفله ووقعت ف محابيل ,, واربتني يوم اكثر الناس عِزّل ,, والوصل منك نبت زهر الاكاليل ,, من يتك مفروش وتناثر على الزّل ,, اهواك وامشيلك بعطف(ن) وتبجيل ,, ولا لغيرك لا حشا ما تنزّل ,, مادام خدك صبح شارق بعد ليل ,, طالبك تحرق لاجل فيك اتغزّل ...] يعد اسبوع الكل متيمع فبيت ابو صقر لطلعة فطيم من المستشفى وبعد ما تحسنت نفسيتها .. اما صقر ومحمد ويوسف وحميد وحمدان فكلهم كانو فالخيمه اللي ورا الفله .. وكانو يسولفون ويضحكون .. محمد : خخخخخخخخخخخ .. والله انك سوالف يا حميد .. حميد : من يوومي ياخي .. بس محد حاس .. صقر : افا وانا وين رحت .. حميد ( حايس بوزه ) : انت بمكانك .. صقر ( يغمزله ) : اااخ .. حرام عليك ياخي .. بعدك زعلان انت ؟!! ولا تتغلى علينا ؟! خخخخ حميد : والله انا حالف عليك .. واسم ربك مب لعبه بيديني .. صقر : انزين كفر ياخي .. ولا ما استاهل .. حميد : خخخخخخخخ .. هي جان بكفر بكفر .. بس ع حساابك ههههههههه يوسف : ههههههههههه .. حلوه هذي .. صقر : اووهووو .. اسميني توهقت الحين .. محمد فديتك .. النص عليك والنص الثاني اتجاسموه انتو ( وهو يأشر ع حمدان ويوسف ) حميد : خخخخخخخخخخخخخخخخخ .. هم يدفعون ونحن نرضى عيل هااا .. صقر : عليك نوووور ههههه .. وهني يدخل اليد عليهم اليد : السلا عليكم .. الكل وبعد ما قامو وباسو راس اليد : وعليكم السلام والرحمه .. اليد : ها شو عندكم متيمعين هني ؟! حميد : والله ماشي يدي .. يالسين نسوولف اليد : هييه .. انزين حميد تعال شوي اباك يابوك فموضوع .. حميد : انشالله يدي .. وبعد ما طلعو من الخيمه .. اليد : يا حميد يا ولدي .. انا بدخل فالموضوع ع طوول .. حميد : اتفضل يدي .. اليد : تذكر اني فتحت لك مره موضوع خطبتك من شوق وانت اعترضت .. انا حبيت ارد افتح لك هالموضوع مره ثانيه .. يا ولدي ترا شوق كبرت ومحتاجه اللي يوقف وياها ويستر عليها . حميد : يدي .. دخييلك لا تجبرني ع شوووق .. و ع فكره يدي ( وتم يغمز ليده ) ترا صقر يحب شووق ويباها ع سنة الله ورسوله .. اليد : ههههههه .. اخ منك ياللوتي بعدك ما اتووب .. بس تدري خلاص انا ما بجبرك .. واذا صقر يبي شوق فانا اللي بفاجأهم الحين .. بس انت سير خلهم كلهم ايوون داخل .. حميد : انشالله راسنا العوود ( وحب راس يديه ) وبعد ما دخل اليد داخل الفله .. سار حميد وزقر الكل عشان يدشون داخل .. وبعد ما تيمعوا كلهم فالصاله وبعد السوالف والضحك .. اليد : يا شوق .. يا بنتي تعالي ايلسي حذال يدج .. شوق ( بابتسامتها العذبه ) انشالله يدي .. اليد : حبيبتي انتي تعرفين انج كبرتي .. وانج ماشالله عليج غديتي حرمه .. ومب ناقصنج الا ريال ياخذج ويساندج ويستر عليج .. فهاللحظه اتصنم صقر مكانه اللي كان منصدم من رمسة يده .. كان خايف انه يخطب شوق لحميد وخاصه لان حميد قبل خبراه بالسالفه .. وحاول انه يعترض : أأ.أ.أ..أأ.. بس يا يدي .. اليد : انت اسكت .. وخلني اكمل كلامي .. انحبط صقر ونزل راسه بكل يأس : انشالله .. اليد : يا بنتي يا شووق .. انا الحين ياي اخطبج لولد عمج .. واتمنى انج توافقين .. واظن ولد عمج اولى من الغريب وهني رد فتح عينه صقر اللي كان منصدم ع الاخر .. وكان ناوي يظهر من البيت بس يوده من ايده حميد : تعال هني .. يدي ما خلص رمسته .. صقر حس بقهر فظيع ورد وقف مكانه اليد : صقر !! تعال هني .. صقر : انشالله وبعد ما سار صقر صوب اليد اليد : صقر .. امنتك ع بنت عمك شووق يا ولدي .. وانا هني مب لشي .. انا ما ييت الا وودي اخطبها لك انت .. صقر ( حس انه منصدم ومستانس بنفس الوقت ) : انا ؟!! .. يدي انت ما تدري شكثر استانست .. وهني نزلت شوق راسها اللي كان ودها تشرد لاي مكان بس ما لقت مكان تسيرله وخاصه ان البيت مب بيتهم .. اليد : ها يا شوق شو رايج ؟! شوق ( بعد ما قفطت ع الااااااااخر ) : اللي تشوفوونه .. هني ام صقر ما رامت اتيود عمرها وتمت تيبب : الف الصلاة والسلام عليك يا حبيب الله محمد .. كلولولولولولولولوووووووووووووووش .. والكل تم يظحك عليها ام شوق ( دمعت عينها ) : والله وكبرتي ياشوووق .. عاد ها ما اوصيك عليها يا صقر .. صقر ( وعينه على شوق ) : افااا عليج خالووه .. شوووق بعيووني .. اليد : هههههههه .. ها صقر بدينا ؟!! بعده ترا ما صار شي رسمي .. حميد : ااخ بس متى بيي دوري هههههه الريم عى طول فهمت : احم احم .. فهمنا ترا هههههههههههههه وعلى هالحاله تمو كلهم يظحكون ويسولفوون .. اما فاطمه وحمدان وحصه وجواهر فطلعو برع كلهم فالحديقه وتمو هناك يكملون سوالفهم اما فاطمه فلاحظت نظرات حمدان لها اللي كان ودها تفلعه بالجوتي .. وهو من لاحظ حركاتها تم ناقع عليها من الظحك .. فاطمه : ليش تظحك ؟! حمدان : ماشي ماشي .. سلامتج الشيخه فاطمه .. حصه : هممم اقوولج جوهرووه .. جواهر : هلا .. حصه : تعالي براويج شي .. جواهر ( انقهرت لانها ما كانت تبا تخلي فاطمه وحمدان بروحهم بس استسلمت للامر الواقع ) : اوووك .. يالله سرينا .. وبعد ما ساروا .. حمدان : اقووول .. فطوووووم .. فاطمه : هاااااه .. حمدان : شووو هاه بعد ؟!! الناس يقولون هلا .. لبيييه .. اامر .. مب هاااه ( وتم يعيب عليها ) فاطمه : اووف .. انت انسان متفيج بصرااحه .. حمدان : وين ما بتفيج .. وانا فطامي الحلوه جدامي .. فاطمه ( استحت من داخلها بس ما ةحبت تبين هالشي ) : انزين وبعدين ؟!! حمدان : همممم تدرين فطامي .. فاطمه : شووه ؟!! حمدان : شو قلنا ؟!! فاطمه : هههههههههه .. انزين انزين .. ( وهي تتصنع الدلع ) هلا حمدان حمدان ( وهو يتأمل عينها ) : همممم احس لو اتجحلتي بتطلعين قمرهم كلهم .. فاطمه : شوووه ؟!! ماشي شغله اتجحل شووه !! حمدان : اااخ الصراحه عيوونج عذاب .. صدقيني انتي بس جربي .. فاطمه : يصير خير .. حمدان : همممم انزين وبعد شي .. فاطمه : شووو بعد ؟!! حمدان : اتطولين شعرج .. والله ان سمعتج قصيتيه يا ويل وييلج .. فاطمه : ااخيييييييج .. قال اطول شعري .. اتخسي .. انا اصلا اتريا بس لين باجر وبسير اقصه بوووي .. يوم كنت فالغيبوبه وايد طول .. حمدان : جب .. ماشي .. الشعر الطويل احلى علييييج .. فاطمه : اوووووووووف .. انشالله عمييه .. شي ثاني .. حمدان : هييه .. بعد بقولج شي .. فاطمه : ويا كثر ما تقووول .. هلا خلصنا .. حمدان ( همس بس بنبره تقدر تسمعها ) : احبج .. فاطمه اتصنمت مكانها ولا قدرت اترد عليها وللحظه حست بوناسه فظيييييعه وعلى طول احمرت اخدودها وشرررررررررررررده .. .. وبجذي مر اليوم كله احداث وسوالف وطحك .. وطبعا كانو صقر وشوق اسعد اثنين فهذا اليوم خاصه بعد سالفة الخطووبه .. .. .. وفاليوم الثاني و ع اذان الفجر قام حميد عشان يروح المسيد ويا يده وابوه وبعد ما راحوا المسيد وصلوا .. ردوا البيت وابو سعود رد كمل رقاده واليد سار غرفته تم يقرا قرآن اما حميد فهو سار غرفته وحاول يرقد بس يوم جافاه النوم طلع يتمشى فحديقه بيتهم .. وتم يغني .. مشكلتي أهواه وحبه هو مجنني والمشكله عن هوايا ما هو بداري اخاف ابوح بهوايا لا يخدلني واخاف يزعل علي ويزيد بناري محتار ما ادري شسوي حيل شاغلني مليت افكر ولاهي نافع افكاري مادري اعذره عشانه ماهو فاهمني ولا الومه عشانه سبه بناري [ ااااخ .. يا الهام .. حبج معذبني تعذيييب .. واشهد ان الشوووق بيذبحني .. ولهان حدي انا ولهان .. لج ولعيوونج الساحريه .. اااخ يا قلبي ليتج بس تحسين فيني .. ويا ليتج .. ] وبعد لحظات من التفكير طرى ع بال حميد انه بس يسمع صوت الهام .. كان وده بس يسمعه ولو لمره وحده .. وخطرت ع باله فكره .. و ع طول سار حجرة الريم وخذا مبايلها بدون ما تحس ورد نزل للحديقه .. حميد : هممممم اااخ .. الحين شسوي ؟!! اخاف ادقلها واتكون راقده ؟! اووه لا لا عادي .. خخخخخ حتى لو ابا اسمع صوتها وهي راقده .. هممم اوووف انزين الحين ادقلها من مبايلي ولا من مبايل الريم ؟!! .. لا لا اذا دقيتلها من مبايلي اكيد ما بترد خلني ادقلها من مبايل ريموو ابرك .. وع طول تم يدور بين الارقام ع رقم الهام واول ما لقى الرقم اتصل .. .. .. من صوب الهام قامت ع رنة مبايلها منصدمه من اتصال الريم لها بهالوقت .. الهام : ريمووو ؟!! شو الطاري ؟!! بلااها داقه الحين ؟!!!!!!!!!! وع طول ردت ع الفون .. الهام : الوووووووه .. كـــــــــــــــــــــــــــــــــت |
تسلميين ع القصة الرووعة نترقب البااارت الياااي |
يسلمووووو على القصه الرائعه ......... و نترقب البارت الياي |
شوو اقوول عن القصــه ؟ّ عــذااب لـآ غراام ولـآ محتـآآآره رووووووووووووووووووووووووووووووووووووووووووعه القصــه مـِن الخـآآطر ربي يعطيــج العاافيه & يحفظج ونترقب البـآرت اليـآآي |
وييين الباراتـ ... |
{.. البــْــٍـــُـاأإرتٍ 6 .. .. *//~ ترى ][خـــــفوقي ][ صوتكـ الـعــذب يـحـــييهـ "عقبــك "خـفوؤقي " بات مطفي ][ سراأإآآجـهـ ][ مــالي مزأاج احــــب غيـرركـ و" اح ــاكيهـ "حتى ولو انـــــي داخــل مزاجهـ ...] .. .. .. من صوب الهام قامت ع رنة مبايلها منصدمه من اتصال الريم لها بهالوقت .. الهام : ريمووو ؟!! شو الطاري ؟!! بلااها داقه الحين ؟!!!!!!!!!! وع طول ردت ع الفون .. الهام : الوووووووه .. حميد : ............................... (( لا تعليق )) الهام : الووه .. ريمووو وينج ؟!! الووه ..! ريمووو .! الهام من بعد ما شافت ان محد يرد عليها سكرت وحطت فبالها ان الريم دقت بالغلط او انها ما شافت المبايل وما غفلت الا ونقزت ع صوت الرنه من يديد .. وانصدمت من المسج ومن الرقم ؟!! .. .. فديييت حسج يا ربي .. صوتج معذبني ..! مجنني ..! احبـــــــــــــــج من صوب حميد ومن بعد ما طرش المسج من رقمه [ يس واخيرا سويت اللي فبالي ااخ .. الحين اكيد منصدمه من الرقم .. وااي فديتها ع بالها ريموو اللي داقه خخخخ .. يالله عاد الحين بقدر اتهنى فرقادي ..! ] ومن عقب هالتفكير سار حميد لغرفته وراح بساااااابع نومه .. .. وفصباح اليوم الثاني وفبيت ابو صقر وبالتحديد فغرفه فطيم من بعد ما قامت وخذتلها دش قعدت ساعه بس تتأمل عمرها جدام المنظره [ اووف من هالحمدان .. ما ادري شو سالفته ؟!! اااخ .. بس ما ادري بعد ليش جي انا حسيت يوم قالي احبج ؟!! يمكن لاني استحيت !! هي صح استحيت ؟!! اووه لا لا .. كيف استحي .. ما يستوي .. عقب كل حد بيقول عني دلوعه وما ادري شو .. خلني جي مسطلبه احسن لي ...! .. وبعدين شو هالشعر الارف ؟!! اليوم بسير اقصه .. واايد طول ففتره الغيبوبه ؟!! اووف ...! وحمدانوه ما عليه منه !! يزعل ؟!! ما يزعل ؟!! شي راجعله الصراحه ..! ] ومن عقب هالتفكير رجعت فاطمه بخطوتيت عن المنظره .. وتأملت عمرها وللمره الاخيره وكنها كانت مصره على انها اتم بوويه لو شو يصييير .. ومن عقب هالظره الاخيره طلعت فاطمه من غرفتها ونزلت تحت للصاله اللي كان فيها صقر .. فاطمه ( بدفاشه ) : السلام عليكم .. ام صقر ( وبكل حنان ) : وعليكم السلام بنيتي .. صقر ( انقهر من طريقة سلام فاطمه بس ما بغى يقول شي ) : وعليكم السلام والرحمه .. المهم اميه .. خلينا نكمل .. ومتى عيل الملجه ؟!! ام صقر : والله انا اتفقت ويا ام شوق على ان الملجه بتم بعد اسبوعين وعاد العرس بيكون فالصيف .. صقر : بس يا امييه .. انا ابي ملجتنا انا وحميد اتكون فليله وحده .. واعراسنا بعد .. ام صقر : لا ابوووي .. حميد شكله ما يفكر فالزواج الحين .. والبنيه ترا ما بتم تترياك .. صقر : لا امييه .. صدقيني يفكر ونص .. بس انتو اجلو الملجه للصيف .. ام صقر : ااخ منك .. خلاص عيل براحتك .. الملجه فالصيف .. والعرس عقبه بشهر .. عاد انا برمس ام شوق واذا ما طاعت ما يخصني .. وانت عاد خبر حميد .. صقر : اوووكيه .. فاطمه : ها عير صقووور .. بتاخذ شوووق ها ؟!! ( وتمت تغمزله ) خخخخخخخخ صقر : هي احيدني انا بعد باخذ شوق مب ماخذ موناليزا ولا ليدي ديانا ..! فاطمه : هههاااااااااااي .. حلوه .. حلللوه .. وانا اقول الاخ عشقاان .. وطول الوقت سرحان ودنيا مب من الله .. اثاري الاخ حاط عينه ع بنت العمه هههههههههههه صقر ( يظحك ) : هههههههه .. جب لا افرج بهالمخده الحين .. .. .. فبيت ابو سعود .. ام سعود : مارتي .. مااااارتي .. سيري فتحي الباب .. ااخ .. ما يندرى منو ياينا بهالوقت بعد ؟!! وبعد ما راحت مارتي وفتحت الباب ام سعود ( اول ما صدت لصوب الباب ) : سعووووووووووود ؟!! هلا هلا بولدي .. تو ما نور البيت .. سعود : السلام عليج اميه .. ميره : السلام عليج خالوه .. ام سعود : وعليكم السلام والرحمه .. وينكم انتو ؟!! ما بغيتو اتووون ؟!! كل يوم اتأجلون ...! سعود : شنسوي ياميه ماحصلنا الوقت المناسب غير اليوم .. ميره : مووو مهم .. انتي شحالج خالتي ؟؟ عساج الا بخير ..! ام سعود : والله الحمدلله يسلمكم ربي .. سعود : امييه .. فديتج ترا نحن تونا داقين خط وانا بصرااحه حدي يووعان ؟!! متى ناويين تحطوون الغدا ؟!! ميره : الله يهداك يا سعود .. بعده وقت ع الغدا ؟!! ام سعود : هي والله أي غدا هذا اللي بالسعه 11ونص .. سعود: خخخخخخخ لا حول يعني ماشي امل اكل ها هههه .. خلاص عيل انا بسير بريح لي شوي ويوم بتحطون الغدا وعوني .. ام سعود : خلاص عيل .. خذ مرتك وياك .. اكيد انتو داقين خط وتعبانين .. ميره : اسمحيلنا خالوه .. بس تعرفين من بوظبي لدبي وتعب .. ام سعود : بالحل يا بنتي .. وبعد ما راح سعود ومرته تمت ام سعود يالسه فالصاله بروحها شوي سرحانه وما فزعت الا على صوت الريم اللي كانت تزاعق باعلى صوتها من غرفتها .. الريم : اميييييييييييييييه .. لحقوا علي .. ااااااااه .. لحقووو علي ياهل البيت .. لحقوا علي .. ام سعود : وييه .. باسم الله .. شو مستوي ؟!! وعلى طول سارت ام سعود باسرع ما عندها لغرفة بنتها الريم وانصدمت لما شافت جواهر قاعده تكفخ الريم وتنشع شعرها .. ام سعود ( وهي تحاول تفرق بينهم ) : خلااااااص .. خلاص .. جواهرووه قومي عن اختج .. خلاااااص حسبي الله عليكم من بنات جانكم مخبلين بي .. الريم ( وجواهر بعدها يالسه تنشع شعرها ) : ااااااي .. اميييييه .. لحقي .. امييه خوزيها عنيي .. وما اكتفت جواهر من الريم الا ع صوت اخوها سعود اللي كان معصب ومفول حده : بس ........! يعني فهالبيت محد يقد يرقد مرتاح .. انتوووو شو لعنبو داركم ما تحشموون .. امكم واقفه جداامكم .. ( ويوجه رمسته لجواهر ) وانتي يالدبه شو عندج ياسه تصفعين وتنشعين شعر اختج اللي اكبر عنج ؟!! خلاص .!! قل الاحترام .!!! جواهر تمت تتطالع سعود بنظرات كلها حزن وما طلعت من حجرة الريم الا والدمعه نازله من عينها .. سعود ( وبعد ما هدى ) : استغفر الله العظيم .. انتو شو سالفتكم بالضبط ؟!! ممكن اعرف ليش تظاربون ؟!! ام سعود : اكيد شي تافه ما يسوى .. سعود ( رد حرج مره ثانيه ) : شي تافه !! وما يسوى !! ومسوين هالمناحه ........! الريم ( وهي تصيح ) : انزين انا ما يخصني .. كل ها لاني بس عرفت ان ..أ ( وتوها انتبهت لرمستها وما بغت تكمل ) سعود : عرفتي شو ؟!! ارمسي ؟!! ولا فالحه بس تزاعقين الحقووني والحقووني .. .. .. من صوب جواهر .. فهي كانت فغرفتها تصيح وما مسحت دموعها الا ع رنه حبيبتها الخاصه اللي كانت تتصل فيها .. جواهر ( وهي تمسح دموعها ) : الوووووه .. امل : هلا غناتي .. جواهر : اهليييين امل امل ( حست ان صوت جواهر متغير ) : هممم جواهر فديتج .. شو فيج ؟!! انتي تصيحي ؟!! جواهر ( ما قدرت تيود عمرها وتمت تصيح ) : والله والله حرام .. شو ها ؟!! محد يحس فيني فهالبيت عفان الله .. والله اخرتها انا بتحر وبفتك .. اووف .. امل ( منصدمه ) : باسم الله عليج جوهرووه .. شو فيج ؟!! انزين ليش كل ها ؟!! وبعدين تعالي شو هالرمسه .. شو بنتحر ما بنتحر .. ترا والله لا ازعل عليج ...! جواهر :اختي ريمووو يا امل .. اكتشفت كل اللي بيني وبينج .. اواونها تبيني اهدج .. يا ربي .. شو هالدنيا ؟!! كفايه وحمدان وخليته لفطووم .. وبعد انتي يبووني اهدج ؟!! لييش دايما اللي احبهم مالي نصيب اني اتم وياهم ؟!! ليييييييييش ؟!! امل : لحظه !! لحظه !! ولييش ها كله ؟!! ترا انا وانتي ما بينا شي ؟!! ليش مكبرين السالفه .. وفهاللحظه تدخل الريم وبكل دفاشه على جواهر اللي لما شافت الريم ع طول سكرت ع ويه امل وخشت المبايل .. الريم : منو كنتي ترمسين ؟! جواهر ( صاده الصوب الثاني ) : ما يخصج ؟!! الريم : اسمعيني زين .. تراني ما خبرت سعود عن بلاويج .. مب عشانج .. بس لاني ما ابي اسوي مشاكل .. وهااي امل تهدينها يعني تهدينها .. فاهمه ؟!!!!!!!!!! .. .. فبيت ابو علي .. ابو علي : يا ولدي اختك الهام اشوفها هالايام وايد متغيره .. علي : يا ابوي .. لا تشيل هم .. والهام انشالله مافيها الا العافيه .. ابو علي : بس يا ولدي .. انت ما تلاحظ .. انها ظعفانه .. يعني لا تاكل !! ولا قامت تيلس ويانا شرات قبل !! علي : اذا تبي الصراحه انا ملاحظ من زمان .. بس يوم سألتها قالت لي بس شوية تعب .. ابو علي : شوية تعب وجي ؟!! اااخ .. خلها على الله بس يا ولدي .. وفهاللحظه كانت الهام يايه وفجأة وهي ماشيه كانت بتطيح بس لحق عليها علي ويودها .. علي : الهام ..! باسم الله عليج ؟!! شو فيج يالهام ؟؟ الهام(مرتبكه): أ..أأأ.أ.أأ ماشي ماشي .. بس تعبانه شوي ابو علي : يا بنتي يا الهام .. ما زين عليج .. خلينا نوديج المستشفى يشوفون شو فيج .. ترا حالج يابنتي ما يسر الصراحه .. الهام ( بابتسامه ما تخفي وراها الا االالم ) : ابوويه .. انا بخير صدقني ما فيني شي .. ها شوفني واقفه جدامك .. ابو علي : لا حول ولا قوة الا بالله .. لا حول ولا قوة الا بالله .. .. .. مدام ان وصلنا لعايلة ابو علي خلنا نعرفكم ع الشخصيات علي : 21 سنه .. اكبر عيال احمد وهو ربيع حميد واظن تعرفون شخصيته من قبل الهام : 17 سنه .. صف ثاني ثانوي .. ربيعة الريم .. بس مب لييين هنااك .. سلطان : 14 سنه .. ثالث اعدادي ... مراهق ومغازلجي درجه اولى .. سيف : 13 سنه .. صف ثاني اعدادي .. نصف مراهق .. واايد ويا سلطان .. .. .. فبيت ابو سعود وبعد الغدا الكل كان يالس فالصاله ما عدا ابو سعود اللـي من بعد الغدا ع طول طلع واليد اللي سار يريح فغرفته و ميره ( مرت سعود ) اللي سارت تريح بعد .. الريم : امييه .. الله يخليج امييه .. بليز ابي اروح للعزيمه ام سعود : انزين عزيمه منو ؟؟ وشو المناسبة ؟؟ الريم : عزيمه الهام بنت احمدالـ**** ا م سعود : وييييه .. هذي بنت عاشه .. الريم : هييي امييه .. هي .. حميد كان طول الوقت مسوي عمره ما يسمعهم ولا هو اصلا ما طوف عليه كلمه وحده .. سعود : الا اقوول الريم . الريم : نعم ....! جواهر ( بصوت واطي ) : نعامه ترفسج انشالله .. سعود : انتي وبعدين ويااج !! (ويكمل للريم ) وانتي ما يبتي شهادتج ؟!! الريم : امبلا ونسبتي 89 .. سعود : 89 ؟!! انتي فاخر سنه ياماما .. يالله ابا نسبه فوق الـ 95 فالفصل الياي .. حميد : خييييييييييييبه .. فوق 95 مره وحده .. الريم : مو مهم .. المهم امييه خلاص عادي اسير .. ام سعود : خلاص سيري بس عاد ابوج ترا محد .. يعني دوريلج حد يوصلج .. حميد ( يتدخل قبل لا يفوته ) : لا لا ما عليج امييه .. انا .. انا فالخدمه .. الريم ( بنظرات لواته ) : هيي .. مب من الله .. وعلى هالسوالف تمو كلهم لين اذن العصر الشباب سارو ويا اليد يصلون اما الريم فسارت غرفتها واتسبحت وصلت وتمت تتزهب ولين ما خلصت اذن المغرب .. .. .. *//~ أبد والـلَّـه على خبرك ..أغض الطرف ،و أنتظرك ..أبعثر شَعري..المجنون ..ألملم حلمي المدفون ,,أداري ظهري ..المطعون ,,, و أنتظرك .. و أتساءل وش اللي باقي بـ إحساسي ...بـ زمن ناسيني و قاسي ...] .. .. فبيت ام شوق .. شوق ( تصيح ) : اميييه .. امييه دخيلج قوليله انا ابغي صقر .. انا م ابغي غير صقر .. ام شوق : ما عليج يا بنتي .. انتي ما راح تكونين لغير صقر .. شوق : كيييييييف يا اميه ؟!! ما تسمعينه يهدد وحاله ؟!! ويقول محاكم ما محاكم .. والله حرام عليه .. كنا طول هالسنين مرتاحين .. شو يبي منا الحيين .. اااه .. الله يسامحك يا ابووي .. الله يسامحك .. ام شوق ( دمعت لحال بنتها ) : بس يا بنتي لا تصيحين .. اوعدج يا شوق انج ما بتكونين لغير صقر ولو على موووتي .. شوق ( سارت تحضن امها وهي تصيح ) : بعد عمر(ن) طويل امييه .. لا تقولين جي .. بس اميه .. الله يخليكم ما ابي السالفه توصل محاكم .. كفااايه مشاااكل .. والله مليييييييت .. قسم بالله مليت .. ام شوق : لا تشغلين بالج حبيبتي .. مو انتي تبين صقر ؟! شوق : هي اكيد ابيه .. ام شوق : خلاص عيل .. انتي خلي عنج الحين وانا بتصرف وزين من ام صقر انها اجلت الملجه لين الصيف عشان نتصرف .. شوق : اجلتو الملجه ....؟! بس يا امي .. بالعكس لو ملجنا بسرعه ما بيقدر ابوي يقول شي لانه بنكون مالجين ع بعض ام شوق : صح .. كيف ما يا ع بالي ... ( وبعد تفكير ) همم بس يا بنتي ابوووج مو سهل يعني عادي يخليه يطلقج .. صدقيني وانا امج .. .. .. من صوب حميد فهو كان يوصل الريم بسيارته .. حميد : هممم اقول ريمووه .. الريم : هاااه .. حميد : همممم رمسيني شوي عن الهام ...! الريم : سير لاه .. اسميك انت متفيج .. حميد : اووووف .. صدق ما منج فايده انتي .. اخت ع الفاضي .....! وفهاللحظه رن مبايل حميد وكان المتصل علي .. حميد : هلا ابوووووووويه .. الله حيه .. علي : هلا هلا .. يحييك ربي .. اعلووم ؟؟ حمبد : علووم الخير .. الحال صوبك ؟! علي : يسرك حالي .. انت تعال وينك مختفي هالايام .. حميد : انا ولا انت ؟!! اللي ما صدقت خبر بنت العم وافقت عليك .. لا وما ادري ع شو مستعيل .. اوونه الملجه بعد يوومين .. صدق انك بطران ياخي علي : وين ما بكون بطران وانت ربيعي ؟! ههاااااااي حميد : وين بتلقى مثلي اصلا ؟!! علي : خخخخخ هي والله .. الصراحه ولهت عليك ياخي .. خلنا نشوفك .. حميد : اااخ منك يالمنافق .. المهم انا الحين بييب الاهل وجي صوبكم وباخذك وياي .. علي : اووووووووكيه .. انطرك ها .. حمبد : خلاص عيل من ادقلك رنه اظهر برع .. علي : رنه يالظالم ؟!! هالكثر مستخسر ع عمرك ريال تعالو فيه اظهر برع .. حميد : باي باي خخخخخخخخ وبعد ما سكر حميد من علي .. حميد : اقوولج ريموووه .. خل البنيه توقفلج برع . وانتي داشه لو سمحتي ابيج تتغشين .. ترا ربيعي بيظهر .. الريم : لا والله ؟!! انا يوم اظهر ما اتغشى !! تبيني اتغشى وانا سايره بيت ربيعي .. حميد : جب .. اقووولج بتتغشين يعني بتتغشين .. الريم ( من ورا خاكرها ) : انزين خلاص .. بنتغشى اووف ><" وعقب دقايق وصلت الريم صوب بيت ابو علي .. ودقت حق الهام عشان تفتح لها الباب .. وعقب ما نزلت الهام .. حميد تم فالسيارة يطالع صوب الباب .. وما لمح غيره بنيه قاعجه توايج من ورا الباب .. وكان متوقع انها الهام وكانت وده يطالعها بس ما قدر .. وخاصه يوم شاف علي ظاهر من الباب الثاني ( باب الكراج ) وكان يطالعه .. وبجذي حميد خذا علي وياه وساروا المول .. ومن هناك دقوا حق صقر واخوه محمد عشان يتلاقون هناك .. .. .. فبيت ابو صقر ام صقر كانت قاعده ترمس ام سعود ع التلفون .. وشوي والا تدخل فاطمه اللي كانت برع البيت .. ام صقر ( منصدمه ) : فاطمه ؟!!!!!!!!!! شو مسويه بعمرج ؟!! كـــــــــــــــــــــــــــــــــــــــــــــــــ ـت يا ترى تتوقعون شو سالفة جواهر ويا امل ؟! وشو فيها الهام ؟؟ وشو اللي غيرها ؟!! وتتوقعون ملجه شوق من صقر بتم ولا ؟ وليش انصدمت ام صقر من فاطمه ...........؟ |
روووووووووووووووووووعه تسلمين غـــلآي ع القصــــــــــه ونتريــــــا البـــــــآرت الــــيآي |
يا ترى تتوقعون شو سالفة جواهر ويا امل ؟! لان امل عندها سوالف شباب وشو فيها الهام ؟؟ وشو اللي غيرها ؟!! يمكن تحب حميد وتتوقعون ملجه شوق من صقر بتم ولا ؟ هي بتم وليش انصدمت ام صقر من فاطمه ...........؟ لانها قصت شعرها شرات البويات تسلمين ع البارت نتريا البارت القادم :13: |
تم الحذف بواسطة الاداره |
ويــِن البـآإرت ؟ّ!:007: |
ويــِن البـآإرت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
السموحهـ عـ التاخير .. الحين راح انزل البراات.. |
{.. البــْــٍـــُـاأإرتٍ 7.. .. *//~ تلومـــــــــــــــــــــــــــــــــــونيـ ولا تــــدرونــ .......!! مــــا هــو ســـــــريــ المكنــــــوכּ ...] .. .. فبيت ابو صقر ام صقر كانت قاعده ترمس ام سعود ع التلفون .. وشوي والا تدخل فاطمه اللي كانت برع البيت .. ام صقر ( منصدمه ) : فاطمه ؟!!!!!!!!!! شو مسويه بعمرج ؟!! فاطمه ( بكل برود ) : شمسوية بعد ؟!! مثل ما تشوفين .. قاصه شعري ...! فيها شي ؟ ام صقر ( تحاول تكتم غيضها ) : لا أبد محشومه .. قاصه شعرج وتقولين فيها شي ؟!! نحن ما صدقنا على الله انه طول .. وتروحين انتي تقصينه .. وبعدين تعالي كيف اصلا تظهرين من البيت بدون استئذان ..! فاطمه ( ببرود ) : والله كيف طلعت من البيت ؟ هذي سهله .. طلعت من الباب .. اما بدون استأذان فهذي اسهل .. اصلا انتي من متى تحاسبيني على طلعاتي ؟!! انا دومي اطلع وادخل واطلع وادخل وانتي خبر خير ولا داريه بالدنيا .. ام صقر ( معصبه ) : شقصدج يعني ؟! فاطمه : والله قصدي انتي فاهمته .. ويالله عاد انا الحين بروح غرفتي .. باي .. وعلى طول سارت فطيم غرفتها بدون ما تسمع أي كلمه من امها .. اما ام صقر فهي كانت منصدمه ومنهاره فمكانها .. كان ودها انها تسير وتظرب فاطمه وتطلع حرتها فيها .. بس ما كانت تبا تزعل فطيم باي كلمه خاصه بعد حادث الغيبوبه .. وفالنهايه يوم حست ام صقر ان راسها افتر على طول ردت لام سعود اللي كانت ع الخط بعدها واللي كانت دايم تستنجد بها وتساندها .. ام صقر ( محتارة ومنبهره بعدها ) : لحقيني يام سعود .. لحقي ............!!! ام سعود : خير .. شو صاير بعد .؟! .. .. فبيت ابو علـــــــلي .. فالصاله كانو الهام والريم وربع الهام ( مريم + ساره ) .. وبنت عم الهام مهره .. الهام : هههههههههه .. والله ظحكتيني من خاطري يا مريووم .. مريم : خخخ .. عساه مديم انشالله .. الهام : وياااكم انشالله .. والله ما تدرون شقد انا مستانسه بييتكم .. الريم : تسلمين والله .. نحن اللي مستانسين ان شفناج بعد كل هالغيبه .. الهام : فديتج والله ^^ مهره : سارووه .. سارووه .. ساره : هلاااا .. مهرة : صدق كنتي منومه فالمستشفى انتي ؟ ساره تمت تقول لمهره السالفه اما الريم فهي كانت تراقب ولدين قاعدين يوايجون من الدريشه وخاصه لانها كانت مجابله الدريشه .. وفجأة ومن حركاتهم العبيطه ما رامت تيود عمرها ونقعت من الظحك : ههههههههههههههههههههههههههههههههه الهام : باسم الله عليج ريااامي خخخخخ .. بلاج تظحكين بروحج ؟! الريم : اقوولج الهامي .. منو هالاثنين اللي من الصبح يوايجون .........؟ خخخخخ والله انهم سوالف .. الهام ( وتوها انتبهت لاخوانها سلطان وسيف اللي من عرفوا ان الهام جكتهم ع طول شردوا ) : هاللواته انا براويهم .. الريم : تعالي .. تعالي خلج .. يحليلهم شردوا خخخخ خافو والله .. وفهاللحظه رن تلفون مريم : الووه // هلا هلا خالووه // هممم افا ليش ؟؟ // اويه ؟! // خلاص خلاص الحين انا وسارووه بني // يالله باي .. ( وبعد ما سكرت ) : اقوولج سارووه قومي يالدبه .. اختج فالمستشفى بتربي .. ساره : اوونه ؟!! اووك .. اووك .. الهام : ويين ؟؟ وين ؟؟ يالسين ....! مريم : اسمحيلنا فديتج والله .. بس اختها بتربي .. وفالبيت ما عندهم سيارة يعني لازم سير لين البيت بناخذ اختها وبنوديها المستشفى تعرفين بعد ريلها محد فبوظبي يداوم .. ساره : اسمحيلنا الهامي .. انشالله مره ثانيه .. الهام ( بابتسامتها العبه ) : خلاص ما عليه .. وبعد ما ساروا ساره ومريم وتمو الهام والريم ومهره .. وتمو يسولفون شوي .. وفنص السوالف استأذنت مهره لان ام الهام زقرتها .. وتمو الهام والريم بروحهم .. الهام : همممم اقول ريمو ..؟! الريم : قوولي فديتج ^^ الهام ( وبعد ما شلت مبايلها من ع الطاوله وطلعت رقم ) : هممم ما تعرفين هالرقم ....؟ الريم ( منصدمه ) : ها شو ياب رقمه عندج ...............؟!!! .. .. فالمــول وبالتحديد في " السيتي " محمد : اقول شباب .. علي : قووووول يا بوجاسم .. صقر : قوول وياكثر ما تقول .. محمد : بمناسبة ملجت علوي او بالاحرى بما ان بيملج انا عازمنكم اليوم ع حسابي ع العشا و ع السينما .. حميد ( شاق الحلج ) : الله .. حلاته والله يوم تسير المول وما تخسر شي من جيبك .. علي : هي انت بس فالح تحاتي بيزاتك ... ! محمد ياخوي خل عنك .. لا تخسر بيزاتك .. انا اللي اليوم لازم اعزمكم .. محمد : افا تردني يا ريااال .... ؟ صقر : اسميكم انتو متفيجين تتعازموون هني .. ؟ حميدووه فديتك طوف عنهم .. خلنا ندور رزقنا .. تراهن كاثرات اليوم .. حميد : هي انا اشوف جي بعد .. كل ما صديت شفت لي اسوده ( وحده) جدامي .. محمد : لا حووووووول .. لا حبايبي .. هذا اللي ما اتفقنا عليه ؟!! علي فديتك .. انت باجر ملجتك ياخي ما يصير .. اما انت يا صقر فانت خاطب .. عاد انا وحميدووه بطاليه .. علي : رووح زين .. خلني ع الاقل اعيش حياتي ولو لاخر مره فحياتي يا ريال خخخخخخخ حميد : يحليلهم باجر بيملجون ههاااااااي .. بعد يومين خلاص بتدش سجن الزواج .. وانت يا صقر ما انصحك تسطلب .. عيش حياتك يا ولد العم .. اليوم يومنا هههاااااااي .. محمد : اسميك انت خراب من الخااااااااطر .. والله خاطري اعرف كيف بتعرس انت ....؟ حميد ( يستهبل ) : والله انا بخير الحمدلله انت شخبارك ههههههههههه .. .. فبيت ابو سعــــود فغرفه اليد كان اليد يالس ع كرسيه المعتاد يستغفر ويسبح .. اليد : اخ .. استغفر الله .. سبحان الله وبحمده .. سبحان الله وبحمده .. سبحان الله وبحمده .. جواهر ( تدخل ع يدها فجأة ) : يدي .. يدي .. ( وع طول سارت تحضن يدها وتبوسه ع راسه ) فديتك يدي ولهت عليك .. اليد ( بكل بشاشة وحنيه ) : وانا اكثر يا بنتي .. انتي وينج مختفيه ؟! مالج حس مووول ؟!! جواهر : انا موجوده يدي .. بس انت الله يهداك كل يالس فالغرفه .. ليش ما تلس ويانا يدي ؟! والله اليلسه ما تحلى الا بوجودك .. اليد ( استانس ع كلام جواهر ) : فديتج يا جواهر .. والله ان محد يسواج فهالبيت .. جواهر ( ولاحظت دمعه محبوسه بعيون يدها ) : شفيك يدي ؟! ليش هالددمعه ...؟ اليد ( بابتسامه تخفي المه ) : ماشي يا بنتي .. لا تشغلين بالج .. جواهر : يدي دخيلك لا تخش عني .. وانا اليوم مب طالعه الا وانا اعرف شو فيك ....؟! اليد : الدنيا يا بنتي .. الدنيا مووول مب حلوه يا بنتي .. كلها هموم وعوار راس .. جواهر ( منصدمه وبنفس الوقت متضايقجه ع حال يدها ) : ليش تقول جي يا يدي ؟! ولا نسيت يوم كنت تقولي الدنيا حلوه .. بس نحن اللي لازم نعرف كيف نعيش فيها ؟؟ نسيت يا يدي ؟؟ اليد : وانتي بروحج قلتيها .. لازم نعرف نعيش فيها .. ! جواهر ( تمت تحضن يدها وتصيح بنفس الوقت وجنها كانت حاسه بنغزه فقلبها ) : يدي انا احبك يدي .. دخيلك لا تقول جذي .. والله يدي محد يحس فيني فهالبيت غيرك .. اليد ( وهو يمسح ع راس جواهر ) : بس يا بنتي لا تصيحين .. الدنيا ما تسوى صدقيني .!! جواهر ( وهي تمسح دموعها ) : يدي اصلا تعرف كل حد يكرهني فهالبيت ؟!! مب فالبيت بس العايلة بكبرها ...! حتى حمدان يكرهني !! اليد : جواهر الله يهداج .. ليش تقولين جي !! كلهم يحبوونج فالبيت !! بس انتي اكيد في شي مضايجنج ؟! عشان جي قلتي هالرمسه .!! جواهر ( وهي منزله راسها ) : هيه في .. اليد : قولي فديتج .. شو صاير ...؟ جواهر ( وهي متردده شوي من اللي بتقوله ) : همم .. أ.أأأ..أأ تذكر امل اللي دوم ارمسك عنها ؟! اليد : هي اذكرها .. شوفيها ؟! جواهر ( بخجل ) : يدي انا احبها .. و أأ..أأ.أ. وهي بعد تحبني ..وعاد ريمو يوم درت تمت تظربني وانا يوم كانت تهددني ما هديتها . تميت اصفعها لين ما يت امي وسعودووه .. اليد ( ما قدر ايود عمره ) : هههههههههههههههه .. اسميج انتي بعد مراهقه .. شو حب م حب هذا ؟! جواهر ( استحت من يدها ) : يعني فيها شي لو حبيتها ؟! اليد : يا جواهر .. يا بنيتي .. الحب مو عيب .. اصلا هالحياة ما تسوى بدون حب .. جواهر ( تغمز له ) : هههه ها يدي .. يعني من ورانا ...! اليد : اخ يالملسوونه .. ههه انا قصدي يعني انتي اكيد مثل ما تحبيني تحبين امج واتحبين اهلج وتحبين ال بعد.. مو كله هذا حب ؟؟ جواهر ( مستغربه من كلام يدها ) : امبلا يدي .. اليد : شوفي يا بنتي انتي حبي امل .. بس كربيعه .. ما تفرق ؟! لا مكانتها بتنزل ولا شي بيتغير .. اللهم اسم العلاقه بيتغير .. يعني تهتمين فيها .. تهتم فيج .. تواسينها وتواسيج .. وتعزينها وتعزج .. لا وتحبينها بعد .. ما اظن في وحده ما تحب صديقتها صح ولا ؟؟ جواهر : صح كلامك يدي .. والله والله مشكووووووووره .. خلاص انا يوم بكلم امووله بقوللها انكون ربع بس انتم ويا بعض نفس ما قلت ^^ اليد : اهم شي رضااج يا بنتي .. تعالي .. تعالي فحضن يدي وعلى طول سارت جواهر وتمت ع حضن يدها الدافي اليد ( وبعد ما قامت جواهر من حضن يدها ) : والحين يالله سيري اعتذري لامج واختج وسعود .. وترا الريم اذا عصبت عليج او هددتج بس عشان شي بس لانها تخاف عليج وتبي مصلحتج .. جواهر : انشالله يدي ^^ يالله عيل عن اذنك .. وبعد ما ظهرت جواهر من حجرت يدها ع طول سارت للصاله اللي كانت فيها ام سعود وسعود ومرته .. جواهر : همممم .. مساكم الله بالخير .. سعود فهذيج الله كان يتجاهل جواهر على قد ما يقدر اما ام سعود فهي فهاييج اللحظه سكرت الفون عن ام صقر .. ميره : مساج الله بالنور والسرور .. تعالي اقعدي شو فيج واقفه ؟^^ جواهر : اووكي .. ام سعود : هلا حبيبتي .. زين ييتي يلستي ويانا ؟! جواهر : هممم .. اميه .. سعود .. ام سعود : هلا قولي .. سعود : نعم ....................! جواهر ( فخاطرها ) : نعامه ترفسك .. ( وعلى طول ما قدرت تيود عمرها وتمت تظحك ) سعود : شو عندج تظحكين ؟ جواهر : لا ما شي بس تذكرت شي .. هممم المهم انا يايه اعتذر عن اللي صار اليوم .. ام سعود ( ابتسمت ) : عفية عليج بنتي .. سعود ( بدون ما يصد لجواهر ) : يصير خير ... ميره ( تحاول تتوسط لجواهر عند سعود ) : سعود عاد .. خلاص البنيه اعتذرت .. وانشالله مره ثانيه ما بتعيدها .. جواهر : هي والله .. وعد .. الا توووووووووووبه .. سعود ( ما قدر ايوج عمره ) : ههههههههههههه .. خلاص خلاص .. مسامحينج .. وفهاللحظه تدخل اماني ومن بعد السلام .. جواهر راحت باست الريم ع خدها : انا آسفه ريموو .. ما كان قصدي ..! الريم ( منصدمه ) : شالطاري ..........؟!!!!! جواهر اكتفت بابستامتها وعلى طول راحت لغرفتها اما الريم ومن بعد ما يلست شوي استأذنت عشان تروح لغرفتها وتبدل ثيابها وترقد . .. .. .. [ ألا يـا [ ساعـة الفـرقـى ] فضحتـي لوعــة المشتـاق ,, جبـرتـي دمعـتـهـ تنـزل .. ! وهـو ودهـ يخبيهـا ..! ,, ألا يـا ساعـة ٍ عـزت .. " دقـايقـهـا " علـى العشـا ,, تـمنـوا هـ العـمـر يرحـل .. ! و لا ترحـل ثوانيـهـا .. خدعهـم : فـرحـهـم : لمـا .. نسـوا إن الزمـن فـرّاق إذا شـاف - الفــرح -فـي عيـن يحلـف إنـهـ يبكيهـا تحـس قـلوبهـم ترجـف .. إذا سمعـت ذكـر لـ فـراق !! يعذبهـا كـلام النـاس // عـن .. الفـرقـى .. و يشقيهـا ] .. .. اما شوق فهي كانت فغرفتها تفكر بطريقه تقدر فيها تقنع ابوها .. وبعد تفكير قررت انها تدق لابوها وتحاول وياه مره ثانيه .. تووووووووت .. توووووووووووت .. ابو شوق : الووووه .. شوق ( مرتبكه ) : أ..أأ.. هلا يبه .. ابو شوق ( وجنه توه ميز الصوت ) : اوووه هلا شوق .. ها شو عندج داقه ؟؟ شوق ( انقهرت ) : يعني اسكر ؟!! ما تبيني ادقلك مره ثانيه ....! ابو شوق : لا حوول .. لا تيلسين تطلعين رمسه ع كيفج .. ويالله قوولي شو فيج داقه ؟! مب من العاده ....!! شوق : هممم بصراحه يا ابوي .. انا داقتلك عشان بس اقولك اني ابي اخذ صقر .. دخيلك ابووي .. خلني اعرس واعيش حياتي .. لا توقف فطريجي يا ابوي .. ابو شوق ( عصب ) : لا والله ؟!! لو على قص رقبتي !! صقر تحلميين فيه !! واذا عن المعرس فانا مزهبلج ولد عمج محمد .. وهو اولى بج من صقووور ( قالها باستهزاء ) شوق ( منصدمه ) : محمد ؟!! بس يا ابووي انا ما ابيه .. وبعدين محمد معرس ؟!! وعنده عيال ؟!! حرام عليك يا ابووي .. والله حرام عليك .. ابو شوق : اسمعيني زين .. مب انتي اللي بتمشيني على هواج .. واذا عن مرت محمد فهي خلاص راحت .. اتطلقت .. والحين لو سمحتي لا تناقشيني فالموضوع مره ثانيه .. شوق ( تصيح ) : ابوي .. اترجاك ابووي .. ابوس ريلك .. ما ابي محمد .. حرام عليك ( وما كملت كلامها شوق الا وابوها سكر ع ويهها ) شوق [ ااااه يا قلبي .. والله حرام عليك يا ابووي .. ااه يا صقر يا ويل حالي من دونك ابييك يا صقر اااه .. والله ابييك .. أبـي[ حضنـك ] يدفينــي .. ابيــك تضمنــي رعشـة .. بـدت ثـم إنتهــت فينـي .. أبـي " حضنــك " ابيـه اليــوم .. أبـي حضـن(ن) .. دفــاااهـ يـدوووم ..ااه يا قلبي .. اااه ] .. .. .. من صوب الشباب فهم طبعا تمو يتمشون ومافي بنيه سلمت من حميد او صقر ومحمج اما علي فهو كان مسطلب .. وفوق هذا كله علي عشاهم على حسابه .. اما السينما فما حصلوا فلم حلو ... ومن بعد ما ظهروا من المول كل(ن) رجع داره .. اما حميد وصقر فهم ساروا صوب البحر .. حميد : اااخ .. اسميه الجو هني خباااااال .. صقر ( يرتجف من البرد ) : أ..أأ.. ياخي انت ما بردت !! الصراحه برررررد .. حميد : يا ربي .. هاللي ما ادانيه انا .. اقولك شي .. اتوكل روح بيتكم .. انا ابي ايلس هني برووحي .. صقر : هي هي .. طلع الحبيب روميو ونحن ماندري .. اوونه بييلس ع البحر برووحه ههاااي .. حميد ( وهو يشل نعاله ) : جب جب .. لا افرك بالنعال الحين .. صقر : خخخخخخخ .. يالله عيل انا مرووح وشرررررررررده .. ( وعلى طول سار صقر ) اما حميد فهو تم ع البحر يتذكر الهام ويتذكر نظراتها .. وكان يتذكر كيف كان كل ما يمر ع الريم يشوفها تطالعه واول ما تلاحظ انه يراقب نظراتها نزل عينه .. وعلى هالذكرى ابتسم حميد للبحر .. حميد : اااخ .. مشتاق انا والله مشتاق .. حبج ملكني يالهام اييه انا اشهد انه ملكني واسرني بعد .. وبجذي تم حميد يتأمل البحر وما حس بروحه الا وهو يغني اغنيه شوقي لـ(محمد المزروعي ) بصووته العذب .. .. .. شوقي ذبح خفاقي واشواقي غنى بها المنطوق على لحون الراقي باذواقي عن صاحب(ن) مرموق شوفه قمر براقي هو فاقي وقلبي لشوفه يتوق فاق الحسن واخلاقي هو راقي ومن الدلع له ذوق ساق المشاعر ساقـي فاعماقي وغدا ليه العروق حبه توالع واقي وما الاقــى غيره ابــد مخلوق ببقى على ميثاقي اشتاقي مهما ذبحني الشوق لو زاد بي الفراقي هو باقي وسط الحشا موثوق .. .. ومن بعد ما تم حميد ساعه ع البحر وهو يفكر ويتأل قرر اخر شي انه يرد للبيت وبالمره حتى لا يحاتونه .. واول ما رد البيت سار لغرفته ع طول وصكها نووومهــ وبجذي عدا اليوم الثاني خالي من الاحداث والأكشن .. "وفاليوم الثاني .." ومن بعد الغدا سار حميد لغرفة امه عشان يرمسها .. حميد : همممم .. اشحالج امايه ؟ ام سعود : الحمدلله ع كل حال .. انت شخبارك ؟ حميد : الحمدلله .. همم اميه بصراحه بغيت افاتحج فموضوع وبدون لف ودوران .. ام سعود : خيير ....؟!! حميد : الخير بويهج .. هممم مبصراحه انا ابي اخطب .. ام سعود : تخطب ؟! والله هذي الساعه المباركه يا ولدي .. بس ها حاط عينك ع وحده ولا تبيني اختارلك ؟! حميد : هممم بصراحه انا حاط عيني ع وحده من ربيعاة ريمو وبنفس الوقت هي اخت ربيعي علوي .. ام سعود : والله هذي الساعه المباركه .. والصراحه خووش ناس .. بس خلاص انا انشالله برمس ابوك عسب يخطبها لك .. بس انت متأكد من اختيارك يا ولدي ؟!!!! حميد : هي اذا عن الاختيار فاانا متأكد مليون بالميه .. بس أأ..أ. ؟؟!! ام سعود : بس شو ؟!! حميد : ما ادري احس بعده وقت ع العرس .. بس شنسوي الشيخ صقر مشترط انه نملج ونعرس بنفس اليوم .. ام سعود : يا حميد .. الله يهداك .. العرس مب لعبه .. ع كيف كيفكم تستعيلون .. وتتهورون بس عشان تكونون فنفس اليوم ....! ع العموم انا بعطيك فرصه قبل لا ارمس ابووك .. خذلك وقت وفكر زيين .. حميد : امييه انا متأكد من رايي .. خلاص انا ابيها .. ام سعود ( بابتسامه فرح ) : على بركة الله عيل ^^ .. .. .. فبيت ابو صقر يوسف كان يالس ويا فاطمه فالحديقه اللي فبيتهم فاطمه ( مرتبكه ) : يسووووف .. بقوللك شي بس لاتخبر حد .. .. .. كـــــــــــــــــــــــــــــــــــــــــــــــت |
البـآإرت عجييب يسلمووو الغلـآ |
يسلمووووووووووووووووووووووووووو القصه روعه و غراااااآآآآآآآآآآآآآآآآآآاااار |
تسلمينـ ونتريــــــــــــازودمنجـ |
حلوووووووووووووووه القصه ^^ نتريااا البارت اليااااي |
تسلمونـ عـ المرور ... |
{.. البــْــٍـــُـاأإرتٍ 8 .. .. *//~ هلي دمعات عيني بطرف رمشي .. واذا غمضت عيني دموعي تمشي .. اذا رحتم بايديه راح كل شي .. تروح الروح لو رحتم بايديه .. بلاكم كيف انا بلاكم .. وانا ورده وسط صحرا بلاكم .. هواكم دمر قلب .. شيصير اكثر من اللي صار بيه ...!! ...] .. .. فبيت ابو صقر يوسف كان يالس ويا فاطمه فالحديقه اللي فبيتهم فاطمه ( مرتبكه ) : يسووووف .. بقوللك شي بس لاتخبر حد يوسف : خير ؟!! شو عندج .....؟! فاطمه : أ..أأ.أ.أ..أأ بصراحه اليوم انا رمست خالي مروان .. ووقالـي ان .. يوسف ( يقاطعها ) : اشووووووووووووووه ؟! خالي مروان !! تستهبلين حضرتج .. نحن كم مره قايليج ما ترمسينه .. مب كفايه المشاكل اللي صارت لنا بسبته؟! فاطمه : اووووووووه .. والله عاد انتو كيفكم .. وانا ما يخصني فيكم .. وانا اليوم بسير ويا خالي مروانوه السينما .. رضيتوا ولا انرضيتوا .. اووكييييييييييييه !! ( وعلى طول سارت بدون ما تسمع ولا كلمه ) يوسف : اتخبلت هذي ؟!! ( وتم يزعق ) فطووووم .. فطوم يالخايسه تعالي .. اووووووووووف .. .. [ فالشركــــــهـ ] وبالتحديد فمكتب ابو سعود ابو سعود ( يكلم السكرتير عبدالله فالتلفون ) : الووه عبدالله // نادلي سعود بسرعه .. عبدالله : انشالله طالع عمرك .. وبعد ماسكر ابو سعود عن السكرتير عبدالله تم يفكر شوي ويراجع عمره فالقرار اللي اتخذه وما قطع عليه الا صوت الباب اللي كان يدقه سعود قبل لا يدخل .. ابو سعود : اتفضل .. تعال ايلس بغيتك فرمسه .. سعود : خير يا ابوي ؟ بغيتني ..؟ ابو سعود : هممم بغيت اشاورك فشي ! سعود : شو هالشي ؟! ابو سعود : همم بما ان عندي اجازه لين نهاية اجازة نص السنه خطر فبالي ان انسير كلنا للندن يعني سفرة عائليه .. منها نغير جو شوي ونجتمع من يديد .. ابو سعود : والله فكره حلوه يا ابوي .. بس أ..أأ.أ انا و ميره ما بنقدر اني وياكم عيل .. ابو سعود : افا .. ولييش ؟ سعود : يا ابوي .. انت تعرف ترا ميره فشهورها الاخيره وما تقدر .. وانا بتم هني بشتغل وجي .. تعرف بعد ما ينفع انا وانت نغيب مره وحده .. ابو سعود : ايوا .. صح صح .. عيل خلاص المهم انت اتصل حق صقر وبلغه وخبر عمك ابو حمدان .. وقوللهم اني بحجز التذاكر لبعد يومين .. اما عمتك ام شوق فانا الحين بسير عندها البيت وبخبرها .. سعود : انشالله ابوويه .. الا بسألك ابوي ..!!؟! ابو سعود : أسأل سعود : انت تقول حميد داوم عندك فالشركه .. ما اشوفه موول ايي صوب الشركه عيل .. ابو سعود : هههه لا لا حميد ما عليك منه هالمنافق .. اوونه مثل ما يقول يبي يستانس فالاجازه شوي .. سعود : صدق بطران هالانسان خخخخخخخ .. .. فبيت ابو سعود الريم كانت يالسه فالصاله تجلب فالقنوات وهي تاكل تفاح .. وشوي والا ايي حميد اللي اول ما دخل الصاله تم يكح متعد بس عشان يلفت انتباهها .. وبعد ما يلس : احم احم ... نحن هنااا .. الريم ( وهو يطالع التلفزيون ) : انزين .. والزبده ؟! حميد : الزبده فالثلاجه هههههههههههههههههههههههههههههههه .. الريم ( متغصصه ) هـ هـ هـ .. ظحكتني .. حميد ( وهو يتطنز ) : واابوويه عليهم انا .. ( وهو يأشر جدام عيونها ) .. اييه .. حوووه .. مني مني .. الريم : حميييدووه .. ترا واصله حدي .. لا تصير سخيف زياده عن اللزوم .. حميد : هههه .. البركه فيج يطولي بعمرج ههااااااااااي .. الريم ( انقهرت ) : ااخ يالقهر .. حميد ( يكملها ع اساس انها الاغنيه ) : يكفيني اااه .. الهام في كل اتجااه .. وامشي واهوجس .. وكل من شافني قال شبلاه .. الريم ( من ياب حميد طاري الهام انقهرت زياده ) : اووووووووف .. انت وبعدين وياك .. حميد ( حس ان السالفه فيها ان ) : ريمو انا اسولف وياج !! بلاج معصبه ؟! الريم : لا والله .. اسأل عمرك .. عيل ياللي ما تستحي ع ويهك .. متصل حق البنيه من مبايلي ومطرشلها مسج من مبايلك اونه .. صوتج معذبني واحبج وهالخرابيط مالك .. يعني شو قلن البنات .. ما بغيت اتقردن الا الهام .............؟! حميد ( كان طول الوقت بس يسمع رمسة الريم وهو منصدم ) : ريموو !! حرام عليج !! انا احب الهام .. والله اني احبها .. الريم : لا والله ؟! بدينا عاد الحين بالافلام الهنديه .. حميد ( عصب من اسلوب الريم ) : ريموووه .. حدج عااد .. ترا وايد عطيتج ويه الصراحه ..! الريم : هي هي الحين اطلع ع حقيقتك .. توك العاشق الولهان لاه ...! حميد : اووووووووووف .. انا اطلع برع البيت ابرك لي من مجابل هالويه ( وعلى طول ظهر من البيت وهو مفول ع الاخر ) من بعد ما ظهر حميد من البيت ما كان يعرف وين يسير بس بالاخير قرر انه يسير الكوفي لان اغلب ربعه يتيمعون هناك .. .. .. فبيت ام شوق بعد ما وصل ابو سعود عند ام شوق وشوق خبروه بالسالفه اللي صارت لهم ويا ابو شوق كامله .. ابو سعود : لا حول ولا قوة الا بالله .. هذا من وين طلعلنا بعد ؟! شوق : خالي والله مب عارفه شسوي .. لا واونه يبي يزوجني ولد عمي محمد .. انا على اخر عمري اخذ محمد هالصايع الضايع ..؟! لا وكان متزوج بعد !! ام شوق ( بضحكه استهزاء ) : ويا ليته بس كان يبيها تاخذه لمصلحتها .. هو ما قرر الا لمصلتحه .. هو ما صدق من الله محمد يطلق مرته عشان يبلش شوق فيه .. وما سوى ها كله الا لفلوس محمد اللي وده يحصل لو ربع ربع ربعها .. ابو سعود : ااخ يالدنيا .. صدق الدنيا ما تسوى !! الفلوس جي تسوي ؟! بس شو بنقول ؟!! الله يهديه .. الله يهديه .. شوق : عمي دخيلك .. لا تخليه يغصبني على محمد .. انا خلاص انخطبت لصقر ولا ابي غيره .. ابو سعود ( ومبين على ويهه الاصرار ) : لا يا شوق .. انتي ما راح تكونين الا لصقر .. واما عن ابوج خليه علي .. ام شوق : شو بتسوي يا اخووووي ....؟! ابو سعود : ما عليكم .. المهم انا ييت هني عشان ابلغكم اني حجزت تذاكر للعايله بنسافر انشالله بعد يومين للندن .. وابيكم تتزهبون .. ام شوق : وابو شوق ؟! ابوسعود : مو شغلكم .. المهم يالله عيل انا بسير الحين .. فمان الله .. .. .. فبيت ابو علي كان علي يالس هو وسلطان وسيف والهام فالصالهـ .. علي : ااااخ يا حظي والله .. باجر بملج .. سلطان : ما ادري ع شوو ميت ع هالخسفه يزووووي والله خخخخخخخخخ سيف : لا عاد كله ولا برطمها ما تقول الا مطبات فريجنا ههاااااااااااي علي ( حرج ) : ايه انتو يالخياس .. جب لا اييكم اطراق يعلمكم تتأدبون شوي .. الهام : وبعدين عن الغلط .. تراها بنت عمكم .. وما اشوووف فيها شي مب حلو .. بالعكس كامله والكمال لله .. سلطان ( مب رايم ايود عمره ) : ههااي .. هي هي عن تقنعيني انتي بس خخخخخخخخخخخ !! ( وشررررررررررررررررده ) علي ( وهو يزاعق ) : يالجلب .. ما عليه ان ما راويتك .. ( وبعد ما وجه نظره لسيف ) وانت يالجلب بعدك يالس هني .. قووم يالله اذل عن ويهي .. سيف ( يسوي روحه مؤدب ) : يحليلي انا والله ما يخصني .. ياخي اليازيه تخبببببببل .. قمر 14 .. ( وهني ما قدر ايود عمره يوم قال قمر 14 وتم يظحك ) اووه .. سوري سوري .. والله ما اعرف اجامل ههااااااااااي ( وشررررررررررررده ) علي ( عرف انه يتطنز ) : اووف .. قسم بالله هاييل يبالهم طراق من الخاطر والله الهام : ههههههه ما عليك منهم .. بس يبون يقهروونك شوي .. علي : اقوول انا بعد .. ولا احم احم .. فديتها اليازي ماشي احلى عنها .. الهام : ها بدينا من الحين اشووف خخخخخخ علي ( يبسم بابتسامه كلها حنان ) : فديتكم والله .. انتو شي ثااني .. اقوول الهامي .. قوومي ييبيلي شي اشربه .. لو ما عليج امر يعني .. والله اخوانج نشفولي ريجي ياخي .. الهام : خخخخخخخ انشالله .. من عنووووني .. وبعد ماسارت الهام صوب المطبخ .. تم علي يالس يفكر بماكنه وشوي والا يلمح مبايل الهام وما صدق خبر وع طول خذاه وتم اول شي يدور فالاستوديو يعني تم يدور اغاني وجي .. وبعد ما طرش كمن اغنيه .. سار صوب الرسايل لانه كان يبا يطرش من مبايلها كمن مسج .. فالبدايه تردد لانه بهالطريقه يتدخل فخصوصياتها بس بعدين قرر انه يدخل .. وتم يطالع المسج الاول وما عيبه وسار للمسج الثاني وما عيبه وتم بهالطريقه لين وصل لمسج .. فلحظتها كان متصنم فمكانه .. كان مب عارف شو يسوي .. يسير يلوم اخته ؟!! ولا يسير يجتل ربيعه اللي يعتبره اكثر حتى من اخوه .. وعلى طول ما قدر يتمالك نفسه وظهر من البيت .. من بعد ما ظهر علي بلحظات سارت الهام الصاله وبأيدها العصير واتفاجأت ان اخوها محد .. وفاجأها اكثر انها لقت مبايلها صوب المكان اللي كان يالس فيه .. وما دمعت عينها من الخوف الا يوم شافت مسج حميد مفتوح .. !! .. .. فالكــــــــــــوفيـ سعيد : حميدوووه ياخي بسك لوااته .. واصطلب شرات علوووي وصقر واخطبلك وحده مزيوونه تقضي وياك باجي عمرك ( وهو يغمز له ) حميد : هههاااااااااااي .. لا تحاول .. يالس ع قلبك يا ريااال .. أحمد : عاد يا سعيد الله يهداك ما بغيت اتقول هالرمسه الا لحميد خخخخ .. والله اخر واحد فهالدنيا اصدق انه بيعرس هالمخبل اللي جدامك ( وهو يأشر ع حميد ) سعيد ( ويرد يغمز لحميد ) : لا ما عليك احمدووه .. اتشووفه شايفله شووفته .. بس ما يبي يقووول .. هههههههههه .. حميد اتلوم شوي .. وع طول طرا ع باله الهام الل من ذكرها سرح واكتفى بالسكوت .. سعيد : ها حميد .. اشووفك سرحت .. اللي ماخذ عقلك يتهنا به .. أحمد : لا لا يا حميد .. الحين عاد انا صدقت سعووود خخخخخخخخخخخخخخ ,, اسميك انت بعد مب سهل .. حميد : لا ياريال .. بعيييييييييد .. سعيد : خخخخ .. خلاص خلاص بنبدل الموضووع .. المهم اشحاله علوووي ماله حس ؟! حميد : والله فالعال .. يقولك أ... ( وهني يرن مبايل حميد ) عمره طويل خخخخخخ حميد ( عقب ما رد ع الفون ) : هلاااا بالمهلي .. علي ( بنبره كلها غضب ولوم ) : انت وينك ؟ حميد : والله انا فالكوووفي ويا الربع .. علوووي شووفيك ؟ علي : تعال بسرعه صوب الشاليه ولا اتيب حد وياك ( ويسكر ع ويهه ) حميد ( متلوم ) : همممم اقولكم شباب يالله انا بسير عن اذنكم .. أحمد : وين يالسييين ؟ سعيد : تعال ياخي .. تو النااس .. خل علووي ايي .. حميد : اسمحوولي .. وقت ثاني انشالله .. المهم لا تقطعون .. يالله فمان الله .. .. .. فبيت ابو صقر كانت ام صقر يالسه فالصاله وشوي وتنزل فاطمه اللي كانت لابسه وكاشخه فاطمه : السلام عليج امييييه .. ام صقر ( بابتسامتها العذبه ) : وعليكم السلام والرحمه .. هلا حبيبتي .. ها اشوفج لابسه .. وين بتسيرين ؟ فاطمه : هممم فديتج امايوووه .. انا بسير السينما الحين .. ام صقر : هييي .. انزين ما عليه .. بس ويا منو بتسيرين ؟! فاطمه ( مرتبكه ) : أأ.أ.أأ.أ...أأ شوو تحقيق هو ؟! صقر ( وكان توه نازل من الدري ) : اظن امي سألتج سؤال واضح ....! ويا منو بتسيرين .. فاطمه ( خافت يوم شافت صقر ) : أ..أأ..أ.أ.أ. بسير ويا ربيعتي .. يالله يالله باي .. ( وعلى طول ظهرت . صقر كان بيلحق وراها .. بس ام صقر يودته .. ام صقر ( وهي متضايجه ) : ما عليه يا ولدي .. امسحها بويهي .. صقر حاول انه يكتم غيضه بس ما قدر .. فاكتفى بنظرات لوم لامه وظهر من البيت .. .. .. فالشاليه وبعد ما وصل حميد تم يدور ع علي .. وبعد ما لقاه .. حميد ( خايف ع علي ) : علي شو فيك ؟! خوفتني عليك يا اخووووي ......! علي ( وهو يصد لحميد بعد ما كان عاطيه ظهره والحزن باين بنبره صوته ) : وين مبايلك ؟! حميد ( مستغرب ) : مبايلي .. هذا هو مبايلي .. ( وطلع المبايل لعلي .. مده له ) خيير .. شو صاير يا علي ؟! علي تم يدور فالمبايل وينبش فيه الا انه ما حصل شي وجنه انفجر من القهر وفر المبايل باقوى ما عنده حميد ( زادت صدمته الا انه قام يحس بنغزه فقلبه ) : علي ؟!!!! شو فيك !! علي ( ورد عطى لحميد ظهره وتم يطالع البحر اللي كان جدام الشاليه ) : اخ يالنذل .. 16 سنه وانا وياك .. 16 سنه يالظالم ونحن ربع .. 16 سنه ؟؟!! وبعد كل ها اكتشف ان ... ( وهني ما قدر يكمل ) حميد ( ما فهم شي وحط ايده ع جتف علي ) : أ.أ.أ.أأأ... علي .. انت عن شو تتكلم ؟! علي ( صد لحميد بعد ما نزل ايد حميد بكل قوه .. ويوداااه من كندووورته وتم يطالعه بنظرات كلها احتقار ) : نصيحه .. ابتعد عني وعن اختي .. والله يا حميد .. وقسم بالله لو مب العشره .. لو مب ها الـ 16 سنه !! جان دفنتك هني تحت ريلي .. بس اااخ يالقهر .. ااااخ .. ما توقهتها منك .. ما توقعتها منك انت بالذات .. حميد ( بعد ما نزل ايد علي ) : علي .. ترا ما بيني وبينها شي .. والله يا علي .. حرام عليك .. لا تشك فيها ولا تشك فيني .. وترا والله اني ناوي ايي اخطبها .. علي : اتخسي الا انت واتهبي .. اختي شلها من بالك .. انت خلاص .. معزتك راحت .. بس ارد واعيد اقووولك شلها من بالك يا حميد .. شلها من باااالك .. ولا العشره هذي بنساها وبتشوف شي ما شفته .. حميد ( كان منصدم من كل كلام علي وطريقة تصرفه وجنه يحلم ) : علي ..!! انت مستوعب اللي اقووله .. علي يا اخووووووي .. والله ما بيني وبينها ولا شي .. علي ( دز حميد باقوى ما عنده ) : صرت احتقرك يا حميد .. خلاص .. اذلف عني .. وانسى انك تعرف واحد اسمه علي .. خلاااص خلك بعيد عنا .. حميد : حرام عليك يا علي .. انا ربيييعك .. علي ( وياقطع حميد او يصححله ) : قصدك كنت .. حميد : علي .. !! علي تم يطال حميد بنظرات كلها لوومم واحتقار وع طول سار عنه وخلاه فالشالي برووحهـ .. .. فبيت ابو سعود فالحديقه كانت جواهر تتمشى ويا يدها وشوي واتي الريم وتتمشى وياهم .. الريم : يدي .. بسألك .. اليد : اسألي .. الريم : هممم شو الاحلى الحين .. ولا زمان اول براايك ؟! جواهر : سؤالج سخيف مثل ويهج ههه .. اكيد الحين احلى بعد شوو !! اليد : لا ياجواهر .. لا يابنتي .. احلى الازمان ولا ورااح .. طبعا الاول احلى من الحين بملايين المرات .. الريم : ليش يايدي ؟!! اليد : يا بنتي .. الناس !! .. الزمن تغير والناس تغيروا ويا الزمن .. جواهر : كيف يعني ....؟! اليد : الحين محد يخصه فالثاني .. الحين كل واحد ما يهمه الا نفسه وفلوسه وبس .. محد يفكر بالثاني .. محد يحاول يساعد الثاني نفس قبل .. الريم : يا يدي .. الدنيا بعدها فيها خير !! اليد ( وهو يبسم ويحضنهم ويحاول يخفى حزنه ) : الخير فيكم حبيبتي ^^ .. .. فبيت ابو علي كانت الهام يالسه الهام فالصاله وهي سرحانه والخوف مبين على ويهها .. وشوي والا يدخل علي ومبين على ويهه الحزن والغضب الهام ( على طول سارت عند علي ) : علي؟؟ علي ؟؟ علي والله مافي شي بيني وبينه .. والله العظيم .. علي دز الهام من طريقه باقوى ما عنده وكمل طريقه الهام ( تمت تصيح فمكانها وتتألم ) : ااااي .. راسي .. ااه .. علي الحق عليه .. ااااه .. ( وتمت تزاعق ) الحقووو علي .. ااااااااي .. ( وهني ما حست الهام بعمرها الا وهي مغمى عليها ) .. .. .. .. |
{.. البــْــٍـــُـاأإرتٍ 9 *//~ .. على اخر مطاف العمر بديت احكي معاناتي ,, تسامرني نجوم الليل واسامرها وانا اعاني ,, سهير وخاطري مكسور قتلني الهم واهاتي ,, بقايا من عذاب الامس وغيم الياس اشقاني ,, اصيح من الحزن واقول حقيقة مثلة اغراني ,, اطارد حلمي الزايف ورى نومي وصحواتي ,, وافز القاني الفارس على قومي وخلاني ...] .. .. .. الهام ( تمت تصيح فمكانها وتتألم ) : ااااي .. راسي .. ااه .. علي الحق عليه .. ااااه .. ( وتمت تزاعق ) الحقووو علي .. ااااااااي .. ( وهني ما حست الهام بعمرها الا وهي مغمى عليها ) .. .. من صوب حميد فهو كان بعده متصنم فمكانه >> يا ربي ..!! شو صار بالدنيا ؟! ليش الكل يلووومني ! ليش محد يصدق اني احبها .. اااه .. اااه يا الهام .. ما دريت ان حبج جذي بيعذبني .. ولا انا شيخصني بالحب واهوالهـ ...؟ بس اللوم مو عليج يا الهام .. اللوم على اخوج اللي هانت عليه عشره كل هالسنوات .. معقووله يا علي .. معقوووله ما عدت اعنيلك شي .. لأ .. اكيد علي مو قصده بالكلام اللي قاله .. يمكن بس لانه معصب .. هي هي صح .. هو ما قال جي الا لأنه معصب .... وعلى هالتفكير ظل حميد وهو يالس ع الرمل وهو يتأمل البحر اللي مجابل الشاليه .... ااخ يالبحر ااخ .. كيف انك كبييييير .. تقدر تشيل همومي وهموم غيري ... اااه واااه وكمن اااه بررد في يوووفي .. يا بحـر جيـتك نهــايه .. يـا بحــر جيــتك جريح ..يـا بحر خـذنـي بدايـه ..يا بحر طفــل رضيـع .. يـا بحـر لا لا تحـدى ان لك دمــع يطيـح !! انصـت لبـوحي وانـا ابصـم اننـا نبكي جمــع .. !! .. ابصم لك يا بحر اننا بنبكي جمييييع .. ولوو انك كبيير .. وبجذي سالت دمعه حميد من دون ما يحس .. كان يحس ان شي ناقصه بحياته .. كان يحس انه متضايج حييل .. وان ما في شي بيحل ضيقته بس ع طوول اول ما حس بدمعته مسحها وقال وبكل اصرار : لا يا حميد مو انت اللي يهزك الريح .. انا رياال و مب انا اللي تسيل دمعته على مثل هالاشياء .. مووو انا .. وبجذي قام حميد من مكانه واتوجه لقرب مسيد عشان يصليله ركعتين .. كان يحس انه محتاج انه يجابل ربه شوي .. كان يحس انه محتاج يشكي لربه حاله .. والشكوى لغير الله مذلهـ .. ومن بعدها تم يقرا قرآن .. لييين حس براحه نفسيهـ ما حس بمثلها قط .. .. .. فالمـــول كانت فاطمه ويا خالها مروان اللي كان عازمنها ع السينما .. ( ومن بعد ما وصلنا لشخصيه مروان خلينا نعرفكم عليه : مروان عمره 23 سنه ولان امه وابوه متوفيين وماله غير اخته ام صقر عاش وياها من تزوجت .. وتربى ويا صقر .. اللي كان وايد يعزه .. وكانو اكثر من اخوان .. بس فرقتهم مشاكل عائليه بنعرفها بعدين ) المهم ومن بعد ما خلص الفلم قرروا مروان وفطيم يتعشون هناك بالمره .. وفالمطعم ....؟ فاطمه : همممم مشكووور خالي ع هالطلعهـ ^^ وبصراحه ترا الفلم عجيب .. اسميه ذوووقك طرر . مروان : افا عليج .. تراني اعجبج فهالسوالف .. المهم قوليلي انتي شخبارج ؟ وشخبار امج واخوانج ؟ فاطمه : والله الحمدلله .. كل شي تمااام .. انت شخبارك ؟ والله ولهنا ع يلساتك وقعداتك ويانا .. مروان ( بتنهد ) : اااه .. والله انا بعد .. بس شنسوي !! فاطمه : خالي مروانووه .. انت ليش ما ترد تعيش ويانا ..؟! مروان ( باستهزاء ) : وتتوقعين امج بترضى ؟!! لا حبيبتي من هاييج السالفه وامج متحلفه علي ما اطب البيت ولا ايي صوبكم .. بس والله عاد تعرفيني ما اقدر افارقكم .. وعشان جذي انا عزمتج هني .. ولو الود ودي جان عزمت صقور ومحمد ويووسفوه .. بس ادريبهم كلهم ما بيتقبلوون هالطلعه ( قالها بكل احباط ويأس ) فاطمه : خالي .. اذا عن ابوي !! ترا خلاص هذاك كان يومه ومحد بيقدر يغير هالشي .. وخلاص راح اللي راح .. مروان ( وجنه يتذكر الموقف وهو جدامه ) : بس لو مب انا يا فطيم جان ما يته ذيك السكته .. والله ما تدرين شكثر الوم نفسي .. وشكثر اعاتب عمري .. الكل يلومني .. كل حد يقول اني سبب مووته .. والله اني كنت اعتبره شرات ابوي .. بس يالله .. حكم القدر اقوى منا كلنا .. فاطمه ( كانت بالقوه كاتمه دموعها على ذكر ابوها ) : مروان .. تدري ؟! كنت واايد احب اببوي .. فوق ما تتصور .. بس خلاص .. ابووي وراح .. راح الغالي .. بس انت موجود يا خالي .. واذا ابوي راح .. تراك بعدك موجوود .. ونحن ما نبا نخسرك خالي .. والله نحن نحبك .. مروان ( بابتسامه كلها حنان ) : حبيبتي .. انتي ما تدرين انج قاعده ترمسين عن رووحج ؟! امج من بعد وفاة ابوج وهي ما تبا تشوفني .. واخوانج تيتموا وانا السبب .. ولا لي ويه اني اشووفهم .. وما اظن اصلا ان لازال لي معزه فقلووبهم .. فاطمه : لا خالي .. انت بعدك عزيز وغالي ( وبكل اصرار ) بس مووو شغلي .. انت لازم ترد .. ولازم ترد علاقتنا مثل الاول .. مروان ( يظحك من ورا قلبه ) : ههههه .. انزين انزين فديتج .. كلي لا يبرد اكلج .. وبجذي تموا ياكلون لين خلصوا اهلهم قرروا انهم يتوكلون .. ووصل مروان فاطمه .. وبعدها رد لشقته .. ومكان ما يسكن هو وربيعه عبدالله .. .. .. فالمستشفى .. فالطوارئ .. كانو ابو علي وعلي متوترين .. وقاعدين على اعصابهم .. من صوب علي فهو كان رايح راد .. رايح راد .. يلوم نفسه ليش انه السبب فاللي صار .. كان حاس انه مجرد انسان تافه وسخيف لانه شك فاخته وعصب عليها وفوق هذا دزها بكل قوته .. كان ينطر بس احد يطمنه على اخته .. يقوله اختك بخير لا تحاتي .. كان وده بس احد يقوله انت مالك ذنب .. اما من صوب ابو علي فهو كان يالس ع الكرسي مثل العاجز .. كان حاير ما يعرف شي .. وده بس يعرف شاللي صار او كيف طاحت الهام ....! او شالسبب ؟! بس محد قادر يعطيه جواب .. بس فالاخير ومن بعد ما مل الصبر : علي يا ولدي .. شصاير ؟!! الهام كيف وصلت لهنيييه ؟!!! علي ( متوتر ) : ابوووي .. لا تحاتي يا ابوي .. انشالله ما بيصير الا الخير .. ( وبعد ما تم يطالع ساعته وهو رايح وراد ) اوووف .. هالدكتور وينه .. ماصار كل هذا .. وفهاللحظه طلع الدكتور علي : ها دكتور بشرر ؟!! ابو علي : دكتووور بنتي شفيها ؟! شصار لها ؟! الدكتور : ما تحاتيش .. انشالله ما هيحصلش الا الخير .. هي بس لانها طاحت طيحه أويه على راسها قاتها الآلام دي .. علي ( وهو يتذكر ) : أ.أ.أ..أأ.أ.أ. هممم بس دكتور .. انا احيد من قبل اختي كانت دايم اتيها آلام قويه فراسها ..!!!! الدكتور : لأ .. ما تخافش .. مجرد آلام عاديه .. ابو علي : طيب نقدر نردها البيت ؟! الدكتور : نحنا بنفضل انها تبقا معانا اليوم .. حتى تكون تحت العنايه .. لانها ازا رجعت يبقى حالتها متعرضه للخطر .. علي ( بيأس ) : خلاص يا دكتور اللي تشوووفهـ .. بس أهم شي انها ترد لنا بالسلامهـ .. يالله ابوويه خلنا نرد البيت .. ما اظن له داعي نقعد هني .. ابو علي : يالله عيل .. وبالمره ندق لبيت عمك عشان نأجل الملجهـ .. اكيد هم مزهبين كل شي لباجر .. وبالمره بنخليهم يطرشون حد من البنات عشان ما نخلي الهام بروحها .. علي : خلاص عيل يا ابوي .. خلنا نتوكل .. ومن بعد ما راحو علي وابوه للبيت وطمنو سلطان وسيف .. اتصل ابو علي لاخوه واعتذر منه عشان يأجلون الملجه لبعد يومين وطلب منه انه يطرش بنته مهره لالهام بالمستشفى .. اللي انصدم .. وخاف على الهام لانها شرات بنته بعد و على طول طرش مهره للمستشفى عشان اتم ويا الهام .. .. فبيت ابو سعود .. وبالتحديد فالصاله الكل متيمع الا حميد اللي كان فغرفته .. ابو سعود : ها عيل خلاص مزهبين عماركم للسفر ؟! ترا السفر انشالله باجر بالليل جواهر : اكييييد .. وانا اول وحده هع .. اليد : اااخ يا سعود .. انا اقول انتو سيروا .. انا مب ساير .. ما فيني شده ع هالاماكن يا ولدي .. الريم : افا يا يدي .. اصلا حلاة السفره انت .. اليد : ااااخ منج انتي .. ابو سعود : يا ابوووي تعال ويانا .. صدقني بتستانس هناك .. اليد ( برفض شديد ) : لا يا ابووك .. انا وناستي وراحتي فديرتي هني فالامارات .. انتو ما عليكم مني .. روحوا واستانسوا .. ولا تحاتون .. سعود : خلاص يا ابوي .. خله هني ويانا .. وانا وميره ما بنقصر ويا الراس العود ^^ جواهر : اوهوووو .. but I cannot gone without him سعود : اووه لا لا .. اطااع منو يرمس انجليزي فالبيت خخخخخخخخ .. الريم : امحق انجليزي ام سعود ( اللي كانت سرحانه شوي توها افتكرت ) : اقول ما تدرون شفيه حميد ؟!! اليوم ياي محرج ولا له خلق حد .. لا ويوم قلتله عن السفره قال ما بيسافر .......!! ابو سعود : اشووووه ؟!! من صدقه هذا ؟! ام سعود : هي والله .. ما ادري بلاااااه .......!! اليد : لا حووول .. خلاص انا الحين برمسه وبشوف شو فيه .. وبعد ما سار اليد صوب غرفه حميد تم يدق عليه الباب وحميد رفض يفتح الباب فالبدايه لين عرف ان يده اللي يدق عقب فتح الباب له .. حميد : هلا يدي .. حيااك .. اتفضل .. اليد : زاد فضلك يا ولدي .. اشفيك حابس روحك فالغرفه ؟! ليش ما تنزل تقعد ويانا ؟! حميد : أأ.أ.أأ... هااه ؟! لا بس تعبان شوي وابا اريح .. اليد : افاااا ؟! تجذب علي وانا يدك ؟!! حميد : لا يدي .. بس والله يا يدي ما ادري شقول ؟! .. ما اعرف من وين ابدا ؟! اليد ( وهو اير حميد لين صوب الكرسي وايلس حميد واييلس حذاله ) : انزين .. قوول كل اللي فخاطرك .. فضفض ولا تخبي علي .. وهني حميد حس باهتمام اليد له .. وتم يخبره بالسالفه كلها من طأطأ لالسلام عليكم .. اليد ( يتنهد ) : اااه .. لا حول ولا قوه .. وانت شسويت .. ما حاولت ترمسه ؟! حميد : وين ارمسه يايدي واهو لا عاطيني فرصه ولا هم يحزنون .. اليد : بس مهما كان يا ولدي هذا ربيعك ولازم ما تفرط فيه ولا تنسى عشره هالسنوات كلها ما تهوون يا ولدي ....! حميد ( وبكل يأس ) : والهام .....؟! انا قلتله اني ابخطبها ووالله حتى اني رمست اميه عنها وجي .. بس اهو رفض .. اليد ( وجنه ما كان وده يقول هالكلام بس كان مضطر ) : اذا كان ما يبغي هالشي يا ولدي فحاول تبتعد عنها .. انساها .. وصدقني بتلقى غيرها واللي احسن منها بعد يابووك .. حميد ( انصدم ) : بس يا يدي ..؟! انا ما في احد دخل قلبي غيرها يا يدي .. محد .. اليد : القدر مو دايم ياخذنا للي نبيه .. والهام اذا كانت من نصيبك انشالله ما بتكون لغيرك .. حميد : لا يا يدي .. الهام ما راح تكون لغيري ابد .. وانا مستعد اني اضحي بحياتي بس عشان تكون لي .. لي وحدي وبس .. واذا كان في شي بيفراقنا فهو الموووت .. .. .. فبيت ابو صقر .. كانت فاطمه فغرفتها سرحانه .. وتفكر بخالها اللي شغل بالها .. وفجأه ما يقطع تفكيرها الا يوسف اللي دخل عليها فجأهـ فاطمه : باسمه الله .. خرعتني .. يوسف : شوو جني جدامج ....؟؟! المهم قوليلي شو سويتي اليوم ؟! شو قالج مروان .. شو ما قالج ؟! فاطمه ( تدري ان يوسف وايد يحب خالها مروان فحبت تقهره ) : هممم وايد اشياء .. تبي الصراحه والله فاااتك .. يوسف : فطيييمووه .. لا تستخفين دمج الحين وقوليلي شو اللي صاار بالضبط .. فاطمه وتمت تقوله كل اللي صار .. وبعد ما خبرته بكل اللي قاله خالها مروان .. يوسف : اوييه .. يحليله والله خالي مروااان .. فاطمه : حسيييت انا بعد .. المهم يالله اجلب ويهك ابا ارقد .. يوسف : اجلب ويهك اوونه .. تبيني اسير اخبر عليج الحين ؟!! فاطمه : لا لا دخيييييييلك .. ما فيني ع صقووور بعد .. يوسف : ههاااي .. اطمني اصلا صقور للحين ما يا ومحمد فغرفته ع اللاب والباجيين رقود .. المهم يالله عيل انا بعد بسير ارقد .. ججاااو .. فاطمه ( حايسه بوزها ) : وانته من اهله .. .. .. وع هالحال مر اليوم وكانه صعب او مر على اغلب شخصياتنا بالقصه .. وفصباح اليوم الثاني وع الساعه 10:30الصبح قامت شوق مخترعه ع صوت المنبه اللي قومها من رقادها وقطع عليها احلى احلامها .. اوووف .. حتى الحلم مب قادره اتهنى فيه ؟!!....... اووه صح خلني ادق حق عمي اشوف شو سوا ويا ابوي .. بس قبل سارت شوق اغتسلت ولبست وبعدها دقت لعمها ابو سعود .. شوق : الووو .. السلام عليك عمي .. ابو سعود : وعليكم السلام والرحمهـ ^^ .. شحالج يا بنتي ؟ انشالله اليوم احسن ؟ شوق : الحمدلله ع كل الحال .. ها بشر عمي .. رمست ابوي ولا ؟؟ ابو سعود ( وجنه تذكر ) : اووووه .. تعالي .. انا الحين متواعد وياه .. المهم عيل انا بخليج الحين وبسير له .. وانشالله من اظهر من عنده بدق لج .. اووكي فديتج ؟! شوق ( مرتبكه نوعا ما وخايفه من اللي بيصير ) : اللي تشوفهـ .. يالله عيل بخليك الحين .. ابو سعود : مع السلامه .. بعد ما سكر ابو سعود من شوق قرر انه يسير عند ابو شوق ويسوي اللي فباله .. رغم انه راجع عمره كم مره بس مالقا غير هالحل ....!! .. .. بعــــد ساعتين تقريبا .. كان صقر فغرفتهـ يكلم حميد فالمبايل .. حميد : ياخي صقور والله مالي خلق اسافر وياكم .. صقر : يا ريال .. والله ما يسوى عليك .. ياخي عيش حياتك .. والبنيه ما بتروح من ايدك حميد : اوووهوو .. انزين انزين .. بسافر .. بس مو قبل ما اتطمن عليها .. صقر : شو بتسوي بعد ؟!! ما كفاك اللي صار ؟!! حميد ( اتضايج من الموضوع ) : لا لا ما عليك .. انا بتصرف .. المهم وانت شسويت بموضوع بنت العمه ؟! صقر ( بتنهد) : اااه .. والله ماشي .. ننتظر الاخبار من ابووك .. ( وشوي والا يشوف ابو سعود ع الخط ) اووه اقولك حميدووه عمي عمي ع الخط .. عقب بدقلك .. حميد : اووك خلاص عيل يالله فمان اللهـ صقر ( بعد ما رد على عمه ) : هلااا عمي .. ابو سعود : اهلين .. صقر .. بسرعه ابااك اتي المحكمهـ .. والحييييييييين .. صقر ( مستغرب ) : ليش ؟! ابو سعود : مو وقته .. انت بس تعال الحين المحمكه ولا تطول .. وهي بالمره مر على عمتك وبنتها شوق .. صقر : اوكي .. اوكي .. عمي .. ابو سعود : اووكي عيل يالله مع السلامه صقر بعد ما سكر عن عمه تم مستغرب .. ليش المحكمه ؟!! شو من البلاوي بعد مستوي .. لا حوووول .. خلني اقوم ابدل احسنلي .. وبعد ما قام صقر وبدل ملابسه .. على طول ظهر من البيت ومر على ام شوق وشوق وساروا المحكمه .. وفالمحكمهـ وبعد ما طلعوا من المحكمهـ شوق وصقر كانو فقمة الوناسه اما ام شوق فهي كانت متضايجه ليش انهم استعيلو .. وابو شوق ما صدق انهم ضظروا من المحكمهـ ابو شوق : والحين يا ابو سعود .. سويت اللي تبيه وزوجتهم ...! وين الجيك اللي وعدتي فيه ابو سعود ( لايعه بجبده من ابو شوق وطلع دفتر الجيك وكتب له جيك بقيمه 50000 .. ابو شوق : 50000 بس ؟! شوق ( بنظرات كره لابوها ) : الله لا يسامحك .. صدق انك طماع وما تستحي على ويهك ابو سعود : صقر .. خذ حرمتك وعمتك وتوكلوا .. صقر : انشالله .. يالله يا شووق .. يالله عمووه .. ابو سعود ( وبعد ما ساروا ) : اسمعني زين يا انت .. ان قربت صوب اختي وبنتها .. بتشوف شي ما شفته .. وبنتك وخلاص عرست .. يعني ما شي لا محمد ولا غيره فااهم ابو شوق ( واتعمد انه يقهر ابو سعود وتم يطالع الجيك وهو يرمس ) : والله بنتي .. وكيفي !! اسيرلهم وقت ما ابي .. ابو سعود : تخسي الا انت وتهبي .. والحين يالله روووح .. راحت روحك انشالله .. .. .. .. كـــــــــــــــــــــــــــــــــــــــــــــــــ ـــت |
آح ـم وآو البـآرت عج ـيب ^"^ بـس هذآ بو شووق " يبط الج ـبد :522: " خ،ـآطري آذبح ـه >< ننطر البـآرت اليـآآي |
| الساعة الآن 07:38 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir