|
شو رايكم في البنات الي.................!! [align=center]السلام عليــــــــــــــكم.. هذا الموضوع واايد قاهرني و حسيت اني لازم احطه في المنتدى واشوف ردودكم الطيبه.. الوضوع هو.. عن البنات الي يسولفون ويا السواقين <<((الهنود)),و,((الدريول)) !! هل هذ الشي عاادي؟؟؟ بالنسبه لي انا مب عاادي بالمرره حتى لو كان هندي او بكستاني ... ليش البنت واايد تاخذ راحتها واتسولف وتتمصخر وياه وتضحك وياه ولاكن من اتشوف مواطنين تحترم عمرها وتسكت عشان مايقولون عنها شي وللعلم انها اتسوي هالشي من ورا اهلها لان طبعن هم مش موجودين وياها فالسياره اذا كانت سايره الجامعه او الشغل او اي مكاان يكون.. بس ابا اعرف ليش البنت اتنزل من قدرها وتعطيه ويهه وهو مايستاهل حتى السلام لانه مب مسلم من الاساس.![/align] |
اممممم والله مااعرف لكم انتوا كيف يعني مااتسولف معاه تسكت وتركب الموتر ولا بعد اتقوول لازم مااتسلم عليه وبالاصل انه مب هندي انتي شو عرفج انه مب مسلم لاتحكمين على شخص انتي ماتعرفين ديانته ونقطه مهمه ابيج اتجاوبني انتي كيف عرفتي ان البنت تسولف وتتمصخر وتضحك مع السايق وعلى قولتج يوم اتشووف مواطنين تحترم نفسها انا بالنسبالي عااااااااادي عااااااادي عااااااادي مافيها شي اذا سولفت معاه وضحكت معاه يمكن البنت ملانه ولا مضاايجه وضحكت وسولفت معااه بس ابيج اتجاوبيني بالسؤال اللي موجود فووق اتريا ردج همسه: ردي مفهوووم مايباله شرح |
سن المراهقة ههههههههههههههههههههه بس سالفة السلام يمكن يكون الدريول مسلم مافيها شي اذا سلمت والبنت الحترمة الكل بيحترمها ان كان مواطن ولا هندي او الي يكون اشكرك عالموضوع الرااااااااااااااااااائع |
مرحبـــآ.. انا اشـارك اخوي ( ظبياني عز )..إن البنية اللي محترمة نفسها بيحترمهــا الكل سواء منو كـــانتـــ.. ويعني من ناحيــة السوالف وجيهـــ..==== لا تعليــــق === اشكرجــ..على الموضوعـــ..تحياتيــــ..وبالتوفيقـــ..:) |
موضوع حلوووو وغاوي صراحه هذا يباله رد من البنات اقدر اقولج والله وايد اماكن انسيره مب شرط الدريول مثلا محلات العطور وجي الي بمووول تسمعين صوتهاااا واصل لين باب المحل وحالته حاله والشيله تحت واتعدلهاا يوم تظهر من المحل او يوم ايدش حد لابس كندوره تستوي ماتعرف شو بتقول واتعدل الشيله وتبي تشتري اي شي وتطلع ترتبك البنيه طبعا الهندي بيستغرب من التغير الملحوووظ الي استوي بس بلحظه دخول المواطن طبعا الواحد بيستغر الحين هي علي باله الهندي حرمه ولا شوووو مادري ليش احسهكم ايحسونه مب ريال وجنه واحد فيهم ويلسون وياه ويتغشمرون لو قلتي ايقولون هندي وماعرف شو عذر اقبح من الذنب اجووووفه اسمحيلي ماقدر افيدج كثر عند البنات الجواب الشافي |
اوكي اترمسه بس بحدود<< يعني هو مب اخوها ولا ابوها وحراام البنت اتسولف ويا واحد غريب!! انا بخبركم سالفه وانتو احكموا وترا هالبنات لا في سن مراهقه على قولت اخوي ظبياني عز" انا وحده اتخبرني عن بنات وياها في الباص يوم ايسيرون الجامعه كل يوم يستوي هالشي الصبح والعصر يوم يروحون.. اتقولي انه الي يركب الباص بيتحراه باص معلايه مب باص بنات سايرات يدرسن!! اول شي يسوونه يشغلون الاغاني و يطرون ع الصوت و يغنون ويرقصون!! وراعي الباص وياهم يضحك لهم و يحط لهم الاغاني بعد!! ثاني شي يفتحن الدرايش ويرمسون الهنود في الشارع و يتمصخرون على اساس انه سوالف بس و يبون يتسلون<< هذا اسمه منكر مب وناسه ولا تسليه !! وبعدين اذا بترمسه اترمسه بحدود ماترمسه عن عمرها وهي تعبانه ومادري شو يعورها وشوفيها و تتفداه حتى لو ماكن يفهم ترا الناس ترمس وماتفهم قصد البنت <<اونه سوالف بس!! في بنات يحبون السواقين بعد و يوم بترمسهم وبتقوللهم انه حرام وعيب وغلط بتقولك لا انا بس اقردنه عشان اذا اتأخرت عليه يترياني ومايروح عني!! الحين قولي يا ولد الاوغاني هالاشياء عادي اتسويها البنت لانها ملانه ومضايجه!!!! |
و عليكم السلام و الرحمه همممم الصراحه انا اشوف هالشي عادي يعني ماله اي معنى و اذا انها تسوي هالشي من ورا اهلها او من يدامهم هي برايها و بعد شرات ما قال ولد الاوغاني يمكن تكون مضايجه ولا شي من جذه تسلمين غناتي ع موضوعج النااااااايس و نترقب الزود منج و السموحه ع ردي |
اقتباس:
|
السلام عليكم والرحمه اشكرج ختيه عالموضوع اتمنى البنات يتقبلن مداخلتي بسعة صدر .. =) دايماً اسلوب البنت او الشاب يعكس البيت اللي متربيه فيه اذا هي تعلمت عالاحترام والأدب وعلى ان الريال واحد سواء كان هندي ولا اماراتي تراها بتطبق اللي تعلمته .. واذا العكس بيصير العكس .. واذا البنت عليها رقابه من الاهل .. ما بتفكر تسوي شي غلط لانها تعرف ان في حد يتابع تصرفاتها .. يا ما حطينا مزارعين ودريوليه وبشاكير .. بس عمرنا ما كلمناهم في شي غير شغلهم ! لان اهلنا علمونا ان كل شي بحدود .. وان عيب البنت تختلط بهالناس .. وانا حاليا بنت ادرس في بريطانيا .. والحمدلله ما عمر احد قال فلانه ماخذه راحتها مع الانجليز لاني خلاص تربيت على شي وتعودت عليها وما اقدر اغيره ومثل ما كنت احس في بيتنا ان علي مراقبه .. قمت احس هني ان هلي وياي ويعرفون اي شي بسويه .. كل شي يعتمد على التربيـــه والمتابعــــه .. همسة : شخصيتج تعكس أهلج ... تقبلي احترامي : EnGineera |
مــرحبا انا اشووف انه تسولف معاه شي عادي يعني اكثرية البنات يسولفون مع البياعين انا عن نفسي اسوولف ويا الزراع اللي فبيتنا لأنه خلاص تعودت عليه تقريبا من 7 سنيين او اكثر عندنا ويوم اسولف وياه مب من ورى اهلي لأني اشووفه شي عاادي ويوم انا بسولف معى الهندي او الدريول ما بضحك بصووت عآآلي ولا فاصخة شييلتي لا يعني سوالفي معااه بحدوووود وبكون محترمة نفسي تسلمين عالطرح ^^ |
انا معا ولد الاوغاني ههههههههههههه اجرب واحد قريت رده بعد الي كتبته مو حرام تسلمين عليه السلام واجب و عيب ما تسلمين و اذا على انها تسولف شو فيها لو سولفت وياه شو هو مو انسان كلنا خلقت ربنا و عيب الغروور و اذا اهلها مو راضين هاي مو من اختصاصنا و هي سوت هالششي من وراه هي الي بتحسف بس حرام هالاسلوب لازم نكون متواضعين نفس ما انتي انسانه هو بعد انسان سوري اذا ردي ما عجبكم بس خبرتكم رايي و مسامحه :) |
وعـليكم السـلام ورحمة الله وبــركاتهـ مـــــــوضوع جداً مميز ابـــداع منج وعــن المــوضوع انـــا ضد البنــت الى تســـولف مع الدريول او اي شخص غير اهــله خــارج نطــاق الحــدود ألإ عادي عنــدهـ إتــوقع انه مش متــربي(ه) او انــه متــربي(ه) بأيـــد وسخـــه, أنــا مــا اتــوقع بنـــت نـــآس ومتــربيه احســن تربيــه تســوي جيــه. أتــوقع EnGineera مـــا قصـــرت وانــا معاها بكل حــرف قالته.. بــس مستــغـرب,معقــوله واحــد يــرضى على آهــله يرمسون ويضحكــون مـعــآ الــدريول او إي كــان غيــر الاهل بس الانه البنت ملانه او مضايجه (وربي شيء يضحك),إتــوقع انه عقــولهم نــاقصه او بالأســاس مــأ شيء عقـــل,اتــوقع يحتــاجون فورمات للعقولهم او انه عقــولهم صغيــره ويحتاجون للوقت حتى تنضج عقــولهم. وشكـــرا لحــسن استماعكم. مــع الســـلامه |
اقتباس:
كبيره في رد والله كبيره |
ولد الاوغاني انا الي حاطه الموضوع :03:وين ردك على الي كتبته لك يوم سألتني ؟!؟ أشوفك اترد ع رمست البنات الي عايبنهم الموضوع انه البنت اتسولف ويا واحد غريب:78: ولا كأن الشي هذا حراام و محد ياب طاري التكبر والغرور :54:وماكان قصدي يوم قلت انه حتى مايستاهل السلام يعني تكبر مثل ماوحده من الاعضاء فهمت .... لا مب من طبعي التكبر على اي شخص شو ماكانت جنسيته :a050: بس انا قصدي الحلال والحرام والعيب في مجتمعنا وانتو عارفين هالشي ماله داعي اوضح اكثر.. |
اقتباس:
والنعم فيج والله :13: وربي يوفقج في دراستج :GIF_13.gif: |
انا بقولج شي واحد بس النت الي تسوي هالحركات مش متربيه و تعكس صورت اهلها . و السموحه |
اقتباس:
شو يخصه بالموضووع اصلا انتي بالبدايه كلام ثاني والحين معلايه غريييييب امرج خلينا على موضووع واحد مب موضووعين دخيلج خلينا على موضووع واحد انا مااتهربت من ردج بس ماانتبهت همسه: اختلاف الرأي لايفسد للود قضيه ... |
تسلمين على الطرح المميز كل واحد يلزم حدوده هي تتمادى مع الهنود بس من تجوف مواطن تحترم نفسها حست أن شخص يراقبها (المواطن) ونست مراقبت ربها ... |
اقتباس:
اخوي اذا تبا تضارب وياي لاترد ع موضوعي تراني ماقلت لك وشي ولا شي بيني وبينك عشان اترد علي بهذي الطريقه<<تراه موضوع في النهايه ومايسوى عليك تعصب عشانه ..:h_lala: كل حد يرد ويقول وجهت نظره وانا لازم اني احترم وجهة نظرهم بس مب مثل ما انته اتسوي !!!!! وانا ما غيرت الموضوع عشان اقولي خلينا على موضوع واحد :522: ترا كله نفس الشي انه البنت اترمس واحد غريب و الي انا قلته كانت مجرد قصه,, مب زياده على الموضوع<<فهمت:70: وانا ماقلت انك اتهربت من الرد!!! |
السلام عليكم ورحمه الله وبركاته انا الصراحه ارفض هالشي رفضا باتاً وعلى اي اساس هي تسولف وياه وش حكم القرابه اللي بينهم اصلن شرعاَ ( حرام ) قبل مايكون عندنا ( عيب ) بعدين ماعرف من اللي رد قبلي وقال خليها تسولف يمكن ملانه او متضايقه ؟؟؟!!!! شي عجيب الصراحه شوفي مرات يمكن يضيع الطريق اقوله لف يمين يسار لكن اسولف وياه اي مذهب هذا ؟؟؟؟ وتعرفين وش اللي يقهر انه تقول هندي او اجنبي والمواطن غير صدقيني اللي بتسولف ويا الاجنبي بتسوي نفس الشي ويا المواطن واللي تسوي هالشي ناقصه عقل ( مع احترامي ) وهالمووضوع يعكس شخصيه الانسانه .... مشكوور اختي ورده على هالموضوع تقبلي مروري نوافي |
اقتباس:
الصرااحه انا مره ثانيه مابدخل على مواضيعج انا مااضاربت ولاشياته انا بس قلت وجه نظري اذا كلامي ضااايقج انا اسف اسف اسف وجدام الكل |
ياليت نكون راقين في ردودنا .. والرجاء من اختنا ورده - صاحبة الموضوع-عند سرد الموضوع التحدث في اطار المشكله فقد تشعب الموضوع الى رقص معلاية ووصلنا الى" نقاش عقيم ".. الموضوع مغلق غديّر النعيمي / مشرف استراحة الحوار والنقاش |
| الساعة الآن 07:40 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir