رمسة الشحوح
 

السلاااااااااااام عليكم


الرمسه الشحيه ,, كلنا يعرف ان اهل راس الخيمة وبالذات اللي يسكنون الجبال عندهم رمسه خاصة فيهم.. واغلبنا ما يعرف هاللهجة^_^

على الرغمن من صعوبتها لكنها حلوة ^_^

والي يبي يتعلم بحطلكم درس واللي عنده زود ما يبخل علينا ^_^

بسم الله بدينا :

كون مووو تبون قولون ما نبوكون تعلمونو خوو لاا غصب

( يعني اذا ما تبون قولو ما نباكم تعلمونا مب غصب )

و أي وييحد ييرحب بالموضوع لا بنلفحه

( يعني اي واحد ما يرحب بالموضوع بنضربه ) ههههههه بحطه في قسم الترحيب ^_^

بعض المصطلحات


واعمري همودو= وش ذا أو ما هذا

ليي = عليه

همبيش = بلاج

بيش منوم = فيج أرقاد

شيلابي منوم = مافيني أرقاد

مافيني منوم = مافيني ارقاد

كي تصعقين = ليش تضحكين

هما ادورين = شو ادورين أو عن شنو تبحثين

هومان = منو

هو من قليش = منو قالج

شيلابي شي = ما فيني شي

قليتش لا = ما قلت لج

وين مشي = وين رايحه

باللهجة الشحية تأتي الهمزة بدلا من حرف العين كالمثال الاتي :

ألي بدلاً من علي ... وإيش بدلاً من عيش أي أرز ... وأُمَرْ بدلاً من عُمَر

تنطق الالف مفخمة في بعض الكلمات مثل : أُيدَمْ بدل آدم أبو البشر ... قوسم أي قاسم ... اسمه محمد بن قاسم, تلفظ حِما بن قوسِمْ.

ويأتي نفس الحرف في الحالات أخرى مائلاً ميلاً شديداً مثل لفظ أهل لبنان لحرف الألف كقولهم: إيسف أي آسف أسفاً, وقولهم:تلوتي أي ثلاثة. وقولهم: هْودا الرييْل أديب وإيلم أي هذا الرجل أديب وعالم

كلمة امس تنطق بهاي الطريقة : استم

كلمة دواء تنطق : دوي

اما عن حرف الباء فينطق بشكل عادي

حرف التاء و الثاء : باللهجة الشحية تنطق الثاء تاء مثل قولهم تليتة اي يوم الثلاثاء وتنع شار أي اثنا عشر ...

حرف الجيم : يقلب حرف الجيم الى حرف الياء كما هو شائع في منطقة الخليح لكن الشحوح ما يقول خرج فلان بل يقولون برح فلان

حرف الحاء : يأتي هذا الحرف بدلاً من الحرف الهاء في قولهم حُنَا أي هُنَا وحْنُوكْ أي هُنَاكْ فيقال: إسطأ حنوك أي إذهب إلي هناك

حرف الدال و الذال : يرد حرف الدال بدلاً من الذال في معظم ألفاظهم كقولهم دَهَب بدلا ذَهَبْ. وإذا قالوا تحت ذراعي لفظوها تاحتْ دروئي

حرف الراء : ينطق كما هو مع بعض التفخيم.

حرف السين و الشين : السبت تنطق : السابت و سمن الطعام ننطقه سامن و تلفظ كلمة الشي (شوهي) والشمس شامسْ والشَجَرْ شيار

الضاد و الظاء : ينطقونه كما هو دون تغيير

العين : يقلب هذا الحرف إلى همزة, وكل همزة أصلها عين إذا وقعت مكانها فمن كان أسمه عبدالله بن علي ينطق أبدُ الله بن ألىْ..وهكذا

الغين : يبقى فصيحاً كما هو.

الفاء : يلفظ كما هو .

القاف : ينطق منا هو

الكاف : ينطق كما هو ايضا

حرف اللام والميم والنون : ايضا تبقى على حالها

الهاء : ينطق كما هو و ينقلب إلى حاء بعض الكلمات مثل: هُنَا تصبح (حنا) او(أوحنا) وهناك تصبح (حنوك).

الياء : يأتي مقلوبا عن الجيم .

اهم ما يميز اللهجة الشحية هو اسلوب النفي عندنا ..مثال على ذلك :

اذا ارادوا قول ما طَاعْ علي نقول طُوءْلاءْ أَلي اي ان علي لم يريد ...واذا ارادوا قول لا تأكل الحين نقول : توكل لا أوحِينْ

اما اذا أرادوا قول ( اذهب الى النوم )يقولون(إمشي إنأس )

رمستهم صعـــــــــــــــبه خخخخخخخخخخ

وعليكم السلام والرحمة


تسلمين أختي ع الطرح


وبانتظار يديدج

يالله بستر هههههـ وااايد صعبه رمستهم

شيلابي شي = ما فيني شي

وهو مان عيبتني لوول

لا هانج الرب ان شاءا لله

وعليكم السلام والرحمهـ

هلا اختي .. وتسلمين ع طرحج للموضوع


امممم بعض المصطلحات اللي قريتها يقولونها الظهورين اكثر شي وما يخصها بالشحوح ..~..

وع حسب الشحوح مب كلهم رمستهم جي .. يعني رمستة الشحوح ياللي يشكنون بالبحر غير

ورمست الشحوح اللي يسكنون ف الجبل غير .. والشحوح ياللي يسكنون ف المدينه غير

في اختلاف بالرمسه مع وجود بعض من المصطلحات اللي تكون نفس الشي

وتختلف بعد الرمسه الشحيه ع حسب العوايل بعد ..~

وتسلمين ع الطرح << جني طولت لووولز

تسلــــــــــــــــــــــمين ختيـــــــــــــــــــــــــــهـ ع التوضيـــــــــــــــح و المعلومــــــــــــــــات

وتسلميـــــــــــــــــــــــــــــن ع المرور الغــــــــــــــــــــــاآآآآوي

رمستهم صعبه بس رهيبهـ والله ناويه اتعلمها لووول

يعطيج العافية غلايهـ وعسااج ع القوة يارب

تقبلي مروري ولج التحيه والشكر

هي والله رمستهم صعبة بس لو تعاشر حد منهم فتره بتتعلم بسرعه




ومشكووووووورة على معاني الكلمااااااات الهيروغليفية








مع تحيااااااااات .:[] بـوسٌـعٌـيٌـدٌ[]:.

هب كلهم في منهم يرمسون شراتنا

اللي غير عنا هاذيل في اليبال واللي شراتنا في القرى

يـــــســــلـــــمـــــووو ع طـــــــرح

يسلممووووو

رمستهم غريبه شوووي

تحياتي

يسلموووووووووووو ع الموضووووووووووووووووع الحلووو


يعطيج العافيه

ۈآلنْعم فآلڪل .,

نْرقب آليْديْد .,

صح الرمسة كانت اغلبها رمسة الظهورين مب نحن الشحوح.. طبعا وياكم الاخت شحية اذا تبو اي مساعدة بس قولو حقي انزيين وانشالله ما اقصر وياكم..

يالله امونت الله <<< يعني بامان الله..

☠ تسلمييييييييييييييييين خيتووووووووو ☠


بصراحــــه حاولــــت اقراهااا ☠ بس للأسف ☠ لساني انعوا ولا عرفت اقول شراتهم ☠


يلا كل جبيله ورمستها ☠ وربي يعطيج الف عافيه يارب ☠


^_^

يسلمو ع الطرح

اول شي اشكرج اختيه ع الموضووع الغاوي

انا عندي شي بقوله..

الشحوح شي منهم فراس الخيمه وشي منهم فـ (( دبــــا )) إذا تعرفون هالمنطقة .. حذال منطقة الفجيره..

وتختلف الرمسه من منطقة لمنطقه .. وعلى فكره اللهجة الشحية لغة عربية فصحى ..

يعني أنا اربيعتيه شحية بس رمستها تنفهم ..

وبــــــــس ^^

تسلــــــــــــــمين ختيـــــــــــــهـ ع التوضيـــــــــــح ...}

اللـــــــــــــــــــــهـ يسلـــــــــمجـ ختيــــــــهـ ...,,}

وتسلــــــــــــــمـين ع المرور الغـــــــــــــــاآآآآآوي...,,}

وعليكم السلام والرحمة...

تسلمين أختي ع الطرح

ربي يعطيك العافية

و ما قصرتي

وبنتظار يديدك