|
¨°o.O (صوب عوشه قلبي اتعلق..انتفظ من شلة الرمشي) O.o°¨ مــرحبــآآ الـســآآع .. اشحالكم // شخباركم .. ربكم بخير وسهــآآلــه .. امممم .. قــريـــت هالــقصـة ف احد المنتديــآآت وعيبتنــي .. وحبيت انقلهــآآ لكم .. بقلم الــكــآآتبــه المبدعه : ثرى بلادي الجزء الاول صوب عوشه قلبي اتعلق .. وانتفض من شلة الرمشي .. تاحني من طالع وبرّق .. من عيونه يرمي ويمشي . يا هلابج غرب ولا شرق .. أدخلي وبفواديه ودشي. هذي القصه تحكي احداث مشوقه بعض الشي تتكلم عن بنت اسمها عوشه عمرها 23 سنه خلصة دراستها في الكليه ومن سنتين تتريا يقبلونها في مكان للشغل عشان تقصر الدوب في الشغل .. عوشه انسانه طيبه حبوبه عصبيه لكن في نفس الوقت قلبها طيب جمالها طبيعي شعرها طويل وناعم وبني فاتح مع اسود لها عيون جتاله لي يبرج فيهن تضيع حياته ,,,, بيضااا وطويله بعض الشي .. تشابه امها في واصافها عوشه عندها اخوها الكبير خالد متزوج وعمره 33 سنه خالد يشتغل في الجيش في بوظبي .. وساكن هنااك ويا مرته وعياله وعنده 3 حمده وراشد وعلي وبعده سالم وعمره 25 سنه خلص دراسه وتوظف في الاتصالات ويحب بنت خالته فطيم ويتريا اليوم اللي يجمعه بها .. وبعدهم عوشه بطلة قصتنا .... وبعد عوشه التوأم حمد وحميد .... وعمرهم 12 سنه .. متفوقين ما شاء الله ومن الاوائل حمد طالع يشابه ابوه في كل شي وما شاء الله عليه كنه ريال صدق .. وحميد كذالك لكن شويه دلوووع وخقاااق ولد امه يعني وبعدهم آخر العنقود رويه وعمرها 10 سنوات وساكنه ويا اخوها خالد عند بنته حمده اللي من نفس عمرها ----------------------------------------------------------------------------------- عوشه : يا سلالام بو خالد : والله اني متلوم فيه وما اعرف شو اسوي فيها يمكن اردها ام خالد : يايتنك هديه من الله شو بعد تردها .. بو خالد : انا وشلي في المزارع والدنيا هاي ام خالد : بنعابلها وبنسيرلها كل يوم المهم ما تردها مب زين يا ريال بو خالد : اللوم جاسيني من راسي لين ريولي .. ام خالد : خبرت خالد ؟ بو خالد : لا والله الحين ياي من عند بو محمد ( بوخالد ظربته غبنه وصاح ) ام خالد تطالع بنتها وتقولها خلينا بروحنا .. طلعت عوشه: فديت ابويه والله محد يسوااك ومحد يسوى خاطك شافت سالم ياي صوبها .. سالم : وين خوانج الحشره .. عوشه : تدريبهم وين عند الدكان ميلسين .. سالم : يايبلهم البلاي ستيشن اليديده عوشه : احلف سالم : والله متحليفين لي اذا نجحوا في الامتحانات ايب لهم البلاي ستيشن عوشه : يستاهلون انزين ورويه سالم : رويوه خلها تولي ميلسه عند خلود هناك خله ينفعها عوشه : حرام عليك الحين بتصيح يوم بتشوف هديتهم وهي ما بتيبلها شي سالم : هم خله ايبونها مب في الشهر مره عوشه : انزين برايه لازم تشتريلها سالم : معاشي كله الا على حمد وحميد ورويوه العروسه عوشه : انته لنا يا بو راشد سالم : ما عليج زود الغاليه عيل وين اميه وابويه ؟ عوشه : في الحجره تعال بخبرك شي .. سالم : شو ؟ عوشه : اليوم بو محمد سالم : بلاه عوشه : عطى ابويه مزرعه سالم : شووووووو عوشه : هيه سالم : وليش ؟ عوشه : ايقول انها هديه لانه ابويه العزيز فديته بايعله نسبه كبيره من العقارات اللي كانت رااكده ومالها صيت في البلاد سالم : فدييت الوالد والله بس هالشي الصراحه ما يستاهل انه يهديه مزرعه عوشه : بو محمد يقول انه عنده مزرعتين وهالمزرعه متروكه ما فيها الا الهنود والزراعين وهو ما ايهم الا في الشهر مره عشان يطالع الخيول سالم : شوووو خيول .. اسميه كريم هذا البومحمد عوشه : هيه ما شاء الله وتدري بأبويه الحين يالس يصيح عشان الهديه سالم : يصييح وشعنه يصييح .. قلبه ارهيف هالريال ويصيح على ادنات الدون عوشه : هي الغالي سالم : يالله انا بسير ازقر قوم حمود عوشه : هات انا بركب اللعبه سالم : لا لا باخذها لين صوب الدكاان عشان ايون ويايه عوشه : اوكي انا بسير ارمس فطيم بنت خالتي سالم : بلاها بعد ام لسان عوشه : روح انته ما يخصك فيها سالم : ههههه سلمي عليها فديتها عوشه : عجب سالم يطلع لسانه : مالت عليج جني ما ارمسها . عوشه : خله يخطف حد ويسمعك سالم : خلهم يسمعوني منو اكلم ثرني الا بنت خالتي فديتها عوشه : اف منك وسارت ------------------------------------------------------------------ بو محمد : وهاي السالفه ام محمد : يستاهل بو محمد : هي والله هالريال ايدي وريولي بلاه ما اعرف شو اسوي ام محمد : يوم واحد ودني صوب مرته خاطري اتعرف عليها بو محمد : حاظرين حرمته الا شراته دوم تطرش الخمير والجباب والرقااق فيهم كرم هالمخاليق ما ريته في حد .. وجان ريتي يا موزه انه البيزات اللي اعطيه ايهن ما يحطن في البنك ما يخلي حد ما يوزع عليه ما يخلي شي حق عياله الا القليل ام محمد : هذا ما يبا شي من الدنيا يبا آخرته .. بو محمد يتنهد : يا ام محمد محد علمني على مد اديه الا هو .. قبل ايدي مقبووضه وما يطلع مني قرش حمر ام محمد : الحمد لله رب العالمين الله يعطيك ويعطيه على قد نيتكم بو محمد : آمين ام محمد : لازم تخلي الهنود ينظفونها عاد بو محمد : خبرتهم وقلتلهم انه انا ما بيهم موليه واني هديتها لبو خالد ام محمد : زين ما سويت . ------------------------------------------------------------------ حمد : هييه نعم وعد ريايل سالم : ههههههه وحميد شو يقول حميد : مشكور يا الغالي سالم : العفو فديتك يالله نسير البيت نشغلها . حمد وحميد : يالله .. ركبوا ويا سالم وساروا يلعبون في البيت .. ام خالد : هيه عاد خلاف يوم بتبتدي المدرسه بتلهيهم هاللعبه عن الدراسه حميد : امايه شو فيج انتي ما تبينا نستانس موليه حمد : هي والله مول ما تبانا نستانس ام خالد : ما طلعتوا من البيضه ترمسون جيه حميد : عيل كيف تبينا نرمس ام خالد : العبوا انتوا العبوا حمد : انتوا روحكم ما يبتولنا هديه لا تخربون علينا وناستنا الحين ام خالد غمضوها : ان شاء الله من العين شو تبون نيبلكم حميد : انا ابا دراجه ام خالد : لالالالالا حميد : ما يخصني انا وحمد نبا دراجات ام خالد : ولا اطشه عوشه : انتوا بعدكم يهال شو دراجه حميد : انتي الياهل لا تقولين عنا يهال حمد : سكتوها ام لسان حميد : غير المره اشوفج تقولين ياهل والله اظربج ام خالد : عجب شو هالرمسه رمست فروخ الشارع حمد : يا ربي شو هالناس ام خالد مستعجيبه من عيالها وتطالع عوشه .. وعوشه تأشرلها تقولها خليهم على هواهم ----------------------------------------------------------------------------- بومحمد : وهذا مفتاح المزرعه واسمحلنا ع القصوور بو خالد متلوم : والله اني ما ادري شو اقولك يا بو محمد متلوم فيك .. بو محمد : انا تتلوم فيني يا بو خالد بو خالد : هي نعم انا عباره ما سويت لك شي وانته تهديني مره سياره وهالمره مزرعه بو محمد : يالله يا الدنيا بتخليني ازعل عليك يا خويه راشد بو خالد : حشى لله انك ما تزعل عليه .. بو محمد : عيل لا تسميها حتى هديه .. سمها تذكار من خوي لخويه . بو خالد خاشم بو محمد : والله انك يا بو محمد تستاهل الخير كله والبركه يعلك في نعمة دايمه ياربي .. وربي لا غير علييك ورزقك بشرواها واكثر في جناته بو محمد : آمين وياك يا خويه .. وين بحصل شروى دعواك يالغالي .. انته انسان شانك عن ربك كبير وجنات الخلد ان شاء الله من نصيبك .. ------------------------------------------------------------------------------- فطيم : مب كيفك سالم : والله يا فطيم بشرشحج فطيم : يالله جانك تقدر سالم : واذا ييت .. فطيم : بسميك ذيب الريايل سالم : عيل والله الحين ياي فطيم : شحقه سالم معصب فطيم : ما تقدر سالم : ما اقدر انزين انا براويج ويسكر في ويها .. فطيم تشهق : الخمااام سكر في ويهي .. شو سويت انا سالم سار صوب بيتهم ودخل على عوشه الحجره سالم : عويش قومي نشي لبسي عباتج عوشه تروعت : شو السالفه سالم : انتي ما يخصج البسي وتعالي برع . عوشه : سلوم خبرني شو السالفه سالم : انا اتريااج برع يالله بسرعه عوشه خشت العباه في راسها وحطت الشيله على راسها وسارت تربع صوب الموتر .. شو فيك شو مستوي سلوم لا تروعني سالم : بنسير بيت خالتي ميره عوشه وهي متروعه : شو مستوي عليهم سالم : اففففففففففف اسميج حشره اركبي انتي بس عوشه ركبت . عوشه زايغه : انزين شو مستوي عليهم .؟ سالم متغايض : ساير اشرشح فطيم عوشه : شو مسويه ؟ سالم : تقولي انها موافقه على زواجها من ولد عمها وانا ما لي خص فيها ولا لي سلطه عليها عوشه : شوووووو لا لا فطيم م توسهيا سالم عصب : والله العظيم انها قالتلي والله ان سوتها بفضحها عوشه : شو تفضحها انته صاحي سلوم سالم : انا اللي احبها وانا لها عوشه : فطيم ما تسويها استهدي بالله يا سلوم سالم : جب لاه عوشه : شو بتسوي انته خبيل في عمري ما شفت مثل حبك يا المينون سالم : انا مينون وعلى كيفي اللي احبه لازم محد يتحكم فيها غيري انا عوشه : طاغوت سالم : طاغوت ولا طالوت .. يالله الحين تنزلين وتيبينها عوشه معصصصصصصصبه : سلوووووم وويع شو هالسوالف الماصخه سالم : ما يخصني الحين تنزلين تيبينها ولا ادخل عندها وايرها من كشتها عشان افهمها انه انا لها عوشه نزلت ودقت بباب الموتر في ويه سالم وساارت سييده صوب الصاله ودشت .. ما شافت حد في الصاله وسارت صوب حجرة فطيم .. وفتحت الباب من دون ما تدقه وهي معصبه فطيم متفاجأه ..: عويش ؟ عوشه معصبه : فطيم انتي شو مسويه بسلوم مخلتنه يتخبل جيه علينا فطيم متسمره مكانها : سالم برع ؟ عوشه : هي نعم طير لي حمامة فوادي خلاني اركب الموتر وانا بعدني ما حطيت شيلتي .. فطيم : ليش ؟ عوشه : شو قايلتله انتي تتكلمين صدق ولا شو ؟ فطيم : اويييييه انا قلت بيبلعها مثل كل مره اقص عليه ويطوفها لي عويش : انتي تدرين انه سالم ما يبلع مثل هالسوالف ؟ فطيم : والحين شو اسوي عوشه : سيري عند الباب وشوفيه شو يبا يالله فطيم : انتي اتخبلتي تبين ابويه يذبحني اذا شافني واقفه عند الباب عوشه : عيل شو بتسوين انتي ساس المشكله وانتي اللي بتحلينها فطيم : انتي سيري الحين وانا بتفاهم وياه عوشه : بتخليه يعصب عليه شكلج فطيم : ما يقدر يالله سيري عوشه : فمان الله فطيم : فمان الله رقدت عوشه البيت وهي متغايضه من سالم ومن فطيم بنت خالتها .. وتمت تفكر فيهم وكيف حبهم كل يوم يزيد لبعض .. وكيف يغارون على بعض عوشه : الله يسعدكم ياربي .. رقدت .. واصبحت الصبح الساعه 9 وسارت صوب المطبخ عند امها .. بو خالد : شو رايكم نسير صوب المزرعه نطالعها اليوم عوشه : الللللللله وناااااسه ام خالد : لا ابويه انا اليوم بسير ويا اختي ميره صوب البريمي بنفضل مخاوير بو خالد يهز راسه : انتوا ماتونوون .. خياييط شارع الوحده مب عايبينج ولا اللي تارسين البلاد ام خالد : من استوينا ونحن نفصل هناك بو خالد : ع هوااج عاد .. انا بشل عيالج وبنسير ام خالد : يوم ثاني ان شاء الله بنسير صوبها .. بو خالد : يالله برايج سايرين نحن عوشه سيري فديتج البسي عباتج .. عوشه : ان شاء الله .. خله حمد وحميد يتزهبون بعد بو خالد : قومي زقري عيالج .. ام خالد : ان شاء الله عوشه سارت تلبس عباتها وتجحلت وحطت شويه مسكره .. عوشه : متفيجه والله انا من صباح الله خير مسكره .. يالله نتعدل لعمارنا ما ورانا شي .. ركبوا الموتر وساروا صوب المزرعه .. حمد : وينها وينها أي وحده .. بو خالد مستاانس انه عياله مستاانسين : هذي اللي هناك تشوفها حمد : ما شاء الله تبين كبيرره حميد : يالله عاد ابويه اسرع ابا اشوفها من داخل عوشه : ههههه مخابيل مب شايفين خير حميد : في حياتي ما شفت مزرعه حمد : ولا انا بو خالد نزل من الموتر وفتح الباب بالمفتاح وشاف هندي هناك الهندي : اهلا باباه ومبتسم بو خالد : هلا ارباب شحالك الهندي : هههههههه انته ارباب انا ما في ارباب بو خالد : ههههههههه ودش بو خالد بالموتر لين دااخل .. عوشه وحميد وحمد مستااانسيين اول شي دشوا داخل البيت وتموا يطالعون الاثاث والحووض اللي في نص الصاله .. حميد : شو هااااااااااا اول مره اشوف حوض في البيت عوشه : انتوا ما ايوز لكم هذا حوض كباريه حمد : والله لسبح فيه عوشه : هيه عشان تغرق .. حمد وحميد يالله تعالوا انا بسير ابا اسير برع اشوف عوشه : يالله طلعوا برع وتموا يشوفون الزراعه .. وسالم اتصل حق بو خالد عشان يدليه وين المزرعه يبا ايي صوبهم بو خالد : ما يسقون الزرع شكلهم ؟ شويه ويا سالم بو خالد يعابل الزرع وحمد وحميد ساروا ويا الهندي يطالعون باجي المزرعه وعوشه واقفه تطالع ابوها يا سالم : السلام عليكم اسميني ضعت عوشه : وعليكم السلام ما تضيع سالم : خلاص ابويه انا نزلت الحين عوشه : هاااااه تراضيتوا سالم يطالعها : انا ما اراضي فطوم ؟ كييييييييف كييف بيمر الليل يا عوووش عوشه : عشتواااااا لا تخبر سالم : هههههه انزين خبروني شو الاجواء شو المزرعه كيف صايره عوشه : والله نااايس ما عليها رمسه الصراحه . سالم : اوكي انا بسير اطالعها .. عوشه : لحظه بيي وياك .. بو خالد : عوشه تعالي تعالي سيري الغاليه اطالعي جان شي بيب بنسقي الزراعه ميت ما يسقونها . ؟ عوشه : ان شاء الله يالله سر اتفقد روحك سالم : سلالام باي سارت عوشه تدور بيب وتمت تمشي حصلت وااحد اوكي بس ممتغط وساير صوب المزرعه الثانيه اللي عدالهم تمت مستغربه .. عوشه : شو السالفه ؟ البيب كله موجود في مزرعتهم الا جزء منه في المزرعه الثانيه .. عوشه : ليش اليدار من هالصوب مكسور والمزرعه الثانيه مبينه ؟؟ عوشه : هذيل صراقين شكلهم يبون يصرقون البيب ههههههههههه سحبت البيب شويه كان ثجيل ما ترومله وشويه وينسحب عنها وبقو .. طاحت عوشه على اليدار من القوه وتصرخ ايدها عورتها وطلع منها دم عوشه يالسه مكانها وتتألم : اااي ايدي آآآآآآي الله يغربل السالفه .. شو استوى شويه ويطل عليها واحد من اليدار المكسور .. كان هذا سيف ولد يارهم سعود بن مترف عوشه متسمره مكانها .. كانت حاطه شيلتها على رقبتها ومحطيه القباضه في شعرها اللي طايح على جتوفها .. عوشه بسرعه حطت الشيله على راسها .. وهي معصبه .. سيف بعده يطالع عوشه بأستغراب ويسأل نفسه من وين يت هاي سيف : شو السالفه منو انتي ؟ عوشه نشت معصبه : انننننننننته اللي منوووو سيف ساكت ويطالعها ويشوف انه ايدها محنايه وطالع منها الدم .. : تعورتي ؟ عوشه معصبه ع الآخر : ما يخصك .. سيف يطالعها بأستغراب: ها يزايه بعد مالت عوشه معصبه: مالت علييك انت صراق واحد سيف : انا صراق يا ام الدويس . عوشه : ام الدويس حرمتك السودا يا صراق البيبات .. سيف : هذا بيبنا شو يابه في مزرعتكم ؟ عوشه : نعم جني ما سمعتك هذا بيبنا وانته اللي صارقنه عقيتني يعل يعقونك في يفره سيف عصب : جيه ماكل حلالج ولا حلال ابوج عوشه : جب ولا كلمه ولا تطري ابويه على لسانك هات البيب وسحبته من ايده وسيف بعده في ايده البيب .. ميودنه بقو عوشه معصبه : هد البيب لو سمحت لا تخليني اسوي لك فضيحه سيف حب يغلس عليها : والله ما اهده بيبنا وبعد تناشبيني عليه عوشه مفوله من سيف : يا خي انته شو فيك اقولك هالبيب بيبنا .. سيف : هاااااتي البيب ويسحبه بقو .. عوشه كانت خفيفه ويسحبها سيف بقو بالبيب وتطيح مره ثانيه على الحصى ..: آآآآي ........ يعلك العووق هدت البيب وتمت تصييح ايدها كلها يرووح .. سيف عض على شفايفه .. سيف كان ولد سعود يار بو محمد و عمره 27 سنه متخرج من أمريكا ويشتغل في اتصالات الشارجه .. سيف طويل وجسمه جسم رياضيين وشكله حلييو شعره طويل لكن مب وايد كان لابس بنطلون رياضه وقميص وجاكيت عادي مب غليض وكاب .. وكان ساير يسقي الزرع كانت الساعه 10 الصبح وربع راقدين .. كانوا ياين من صوب الفايه مصعدين ع العراقيب ومروا صوب المزرعه عشان يرقدون ويشوون فليل سيف هد البيب ونقز من فوق اليدار المكسور وسار صوب عوشه عوشه تصيح وميوده ع اليرح وتتألم وتطالعه بغيض وبعيون فيها دموع سيف تم يطالع عوشه وهي تتألم وغمضته سيف : والله آسف ما كنت اقصد عوشه نشت وتمت تطالعه بأحتقار .. سيف سحب البيب وجدمه صوبها .. سيف : خذي والله آسف عوشه تطالعه بعين كلها دموع : اشبعبه وسارت .. سيف تم متسمر مكانه ويطالع عوشه وهي تمشي وتطالع يرحها ومب مسوتله سالفه سيف فر البيب ورد ركب صوب مزرعتهم وهو متضايق انه سوى بالبنيه جيه .. كان البيب فعلا بيب قوم عوشه وهو ما حصل بيب زين فقال باخذ بيبهم مدام محد في المزرعه مايد كان توه ناش من الرقاد .. مايد : صباح الخير . سيف ولا على باله شال الصطل وساير صوب الخيول مايد : حووه بو سعود سيف انتبه : هلا مايد مايد : شو فيك ؟ سيف : ما شي مايد : عيل ليش ما ترد عليه اصبح عليك سيف : صبحك الله بالنور والخير والسرور مايد : وعيت الشباب توه .. سيف : انا مسوي حليب شربت ؟ مايد : هي صبيتلي لكن ما شي غيره ؟ سيف : اتصلت للوالده وقلتلها تسويلنا خبز والدريول بيبه عقب شويه مايد : زين ما سويت ---------------------------------------- ردت عوشه صوب ابوها وقلت له انها ما حصلت بيب زين حق الزرعه .. وما خبرته انها طايحه .. سالم : شو فيها ايدج ؟ عوشه : طحت سالم : وليش ما خبرتينا مب زين بيلتهب عليج عوشه : والله انه شي عادي سالم : شو شي عادي بودييج الدختر الحين عوشه : سلوم والله ما يحتاي سالم : امبلا يحتاي يالله لبسي عباتج عوشه : ما ابا اسير بغسله بس سالم : ما يخصني تراني الحين بيرج من ايدج اللي فيها الدم يالله قومي لبسي عباتج وبعدين لا تحطين هاليد في العباه عشان ما تصيبها جراثيم زياده عوشه : اوكي نشت ولبست عباتها .. عوشه : اتصل في ابويه وقوله انه نحن بنسير عشان ما ايلس يحاتينا .. وخله يطالع حمد وحميد تراهم صوب الحوض أخاف عليهم سالم : اوكي ---------------------------------------- سيف ركب ع خيله وربعه كانوا اربعه كل واحد خذ له خيل من خيول خوات واخوان سيف .. مايد : خيل منو هذا ؟ سيف : خيل الاهل مايد : وشو اسمه سيف : اسمه مفتون مايد : الله شووو هالاسم .. مكحول ومفتون خليفه : مكحول مايد : هيه مكحول سيف : فديت مكحول ويحط ايده من بين شعر خيله خليفه : خيلك ؟ ! سيف : هيه خليفه : يا سلام مكحول وشعنه مكحول بالذات مايد : انا بخبرك.. سماه مكحول طولي بعمرك لانه عيونه مكحله خليفه : يا عيني عليك يا سواف اسامي يا الخوي خليفه : وهذا الخيل . سيف : مياس خليفه : يا ويل حالي سيف : طبعا انا مسمي خيلي بس ولا الباجي مسمنهم الوالد الله يرحمه خليفه : ونعم ما قال سيف : اما اللي عندك يا يابر اسمه خطاف هذا كان اسمه لاعي ابويه الله يرحمه مسمنه لاعي لانه كان واايد يصهل ويحشر الدنيا ويوم فزت فيه في سباق الاسطبلات سماه ابويه خطاف وخلاه لخويه احمد يابر : سوالفكم عن الخيل تشرح الخاطر .. بس لاتمشون بسرعه تراني بطيح عنه اول مره اركب عليه شويه ومر سالم اخو عيشه بموتره الفتك اليديد وعوشه جدام سايرين صوب المستشفى .. كان الموتر مب مخفي لانه يديد وعوشه مب متغشيه .. وسيف انكسرت رقبته وهو يطالع عوشه .. خليفه : اندوك هذا سلوم .. سيف نقز : منو سلوم خليفه : سالم ولد راشد بن رشيد اللي يشتغل عندكم في الاتصالات ما تعرفه ؟ سيف : منو ها والله ما اعرفه خليفه : اسميك .. يشتغل في فرع رؤية الامارات سيف : والله ما اعرف حد من هناك .. انا وين وهم وين . خليفه : انزين هذا يشتغل هناك سيف : وشو يايبنهم هنه . خليفه : انته يارهم وما تعرف بالسالفه سيف : أي سالفه ؟ خليفه : ترى بو محمد ياركم عطاهم المرزعه ماله .. ابو سالم يشتغل ويا بو محمد في العقارات وهداه مزرعتهم سيف : والله ؟ خليفه : هيه سيف يلس يرمس في خاطره يعني هذي مب بنت بو محمد .. اهاااا مايد : بسك من هالسوالف يا خلوف عنبوه تقول عيوز قابضه وتخبرنا عن هذا وهذا نحن شلنا بالعالم خليفه : انته شلك انا ارمس الريال يبا يعرف عن سالفتهم سيف : وهذا سالم شو أخلاقه ؟ خليفه : والله ريال زين ما عليه كلام سيف : بسأل عنه خليفه : شتباه ؟ سيف : بس مب ولد يرانا خليه : ههههه اسميك سوالف انت سيف تم يفكر في عوشه وكيف سحبها وتمت تصيح جنها ياهل .. --------------------------------------------------------------------------------------- الدكتور : ما فيها الا كل خير سالم : الحمد لله الدكتور : حاسبي ما تطيحين مره ثانيه عوشه : فال الله ولا فالك دكتور الدكتور : ههههههه والله انه سوالفج هوايه حلوه سالم عصب : قومي نشي لا اعطييج بقب ع راسج الحين عوشه : انزين انا شلي ؟ سالم : يالس ويسولف . عوشه : بعد ما بغيتني الا اسولف ويا عراقي سالم : وعراقي مب ريال عوشه : ما تصدق انته سالم : يالله عاد انتي اللي ما تصدقين وركبوا الموتر عوشه : لا تطولها وهي قصيره خلنا نرد صوب المزرعه خلينا بويه روحه ويا الهنود وتدري ابا استكشف المزرعه بعدني ما شفت شي سالم : مب جايفه خير عشان جيه طحتي . عوشه : ما شاء الله عليك انته عاد سالم : الحمد لله رب العالمين عوشه : الحمد لله سالم : الحمد لله عوشه : الحمد لله سالم : بلالاج ؟ عوشه : انته ما ادري بلاك تحمد وتهلل سالم : والله يا عويش انتي خبيل وانا ما لي صدعه اخبل بعمري ويااج عوشه : خبيل في عينك يوم وصلوا صوب المزرعه كان سيف وربعه شالين الكشار بيروحون وبيردون العصر سالم نزل وخلى عوشه الصوب الثاني في الموتر سالم : هلا والله خليفه : اهلين وتخاشموا .. عوشه : افففف متفيج بعد هذا .. سالم : يا مرحبا والله جيف حالك خليفه : الحمد لله انته شحالك سالم : بخير ربي يعافيك شويه ويا سيف من داخل .. عوشه تمت تطالع سيف بأحتقار عوشه لو تضربه بكس احسن من ما تتخاشم واياه .. هذا اللي ساحبني ويا ويهه عوشه تمت تطالع شكله وشعره ونظارته وخشمه وتطالع لبسه .. عوشه : ما انكر انك حلو وتطيح ملاين بس سخيف ووغد وما ادنيك سيف لاحظ انه عوشه في الموتر .. سيف في هالوقت كان اونه عاد يسوي عمره ما يشوف عوشه وهو يطالعها من ورى النظاره .. سيف : يا مرحبا الساع والله بولد يارنا .. سالم : هيه الحين عاد استوينا يران لا تنسونا من البن والجامي .. ههههههه سيف : ههههههههههه افا عليك سالم : يالله عيل انا اترخص الاهل يتريوني ياي من الدختر سيف حب يتطفل : ما من شر عساه خير .. سالم : ما شي الا الخير يا الغالي بس شويه يروح . سيف : خطاكم الشر ياربي سالم : وياك الغالي يالله فداعه الله سيف : فداعه الرحمن .. سيف تم واقف يطالع سالم لين ركب في الموتر.. ويتذكر انه هو اللي كان عاق عوشه سيف : والله ما تستاهل عوشه : اف منك سالم : شوو عوشه : هاي ويوه تسلم عليها ؟ سالم : بلاهم بعد ؟ عوشه : اونهم خقاقين سالم : بس لاه اسكتي ما لج خانه عوشه : شو بلاهم سالم : يسلمون عليه بعد شو عوشه : الشيخ سالم بن رشيد يسلمون عليك سالم : جان يايزلج كان الوقت الساعه 5 العصر وبو خالد بعده في المزرعه سالم يايبهم شويه اغراض وروح عنم وتموا هم في المزرعه حمد وحميد ساروا برع يطالعون الشباب وهم يسوقون الدراجات سيف شاف حمد وحميد واقفين يطالعونهم هو وربعه يوم يسوقون الدراجات .. حميد : والله في خاطري اسوق حمد : انا بعد سيف يا صوبهم .. ويطالعهم : السلام عليكم حميد وحمد : وعليكم السلام سيف : شحالهم الحلوين حميد يطالع حمد وحمد يطالع حميد حمد : تشوفنا بنات جدامك حلوين ؟ سيف فتح عينه من رمست حمد ؟ سيف ابتسم : رياييل حمد: هي نعم سيف : شو انتوا توام ؟ حميد : هيه سيف : سبحان الله وايد تتشابهون حمد : الكل يقول جيه مع اني ما اشوف شبه سيف مستانس من رمساتهم : اوكي شو اسمك انته حمد : انا حمد حميد : وانا حميد سيف : والنعم حميد : والنعم بحالك سيف : واقفين تطالعونا تبون تركبون ؟ حمد : هي سيف : يالله واحد يركب ورايه وواحد ورى ربيعي اوكي .. حميد : اوكي حمد : انا بركب وراك سيف : فالك طيب سيف زقر مايد ربيعه وركب وراه حميد وساروا يحوطونهم بو خالد : يطالع الهنود شو يسوون للخيول ويتعلم منهم وعوشه عداله .. عوشه استقطعت اخوانها الصغار تمت تطالع يمين يسار .. محد عوشه : ابويه ما شفت حمد وحميد بو خالد : لا وين انهيوا عوشه : ما ادلهم بو خالد : سيري اطالعيهم يا اميه عن يسيرون مكان عوشه : ان شاء الله طلعت عوشه وسارت تطالع اخوانها وتزقر عوشه : حممممممممممد .. حمييييييييييييييد خطف الهندي من حذاها اف لاه كيف ارمسه الحين ها عوشه : اقولك ما في شوف حمد وحميد .. اقصد ثنين بجاه صغير الهندي : انا شوف برع مناك فوق دراجه عوشه استغربة : شوووو دراجه من وين ؟ الهندي : ما في ارف انا عوشه : سر لاه وتركض صوب الباب مالهم اثر .. عوشه تروعت على خوانها .. عوشه : حممممممممد حمييييييد .. شويه وطلع سيف ووراه حمد .. من بعيد حمد حاظن سيف من ورى ومستااااااااانس ع الدراجه حمد : اويه عوشه سيف وقف : منو عوشه حمد : عوشه اختي هذي اللي واقفه هناك سيف في خاطره : عووووشه ؟؟؟ شو هالاسم سيف : انزين ليش جيه معصبه حمد : هي دوم جيبه يوم نطلع مكان بدون شورها عوشه واقفه وتطالع سيف وهي معصصصصصصصبه .. : افففففف منه شو يبا فيهم . حمد : ودني صوبها بتعصب علينا ادري سيف : ليش تعصب حمد : اونه نحن يهال ما يستوي نسوق دراجات .. سيف : انزين انته ما تسوق الحين انته ورايه .. حمد : تخاف تخاف اونها عاد سيف : حمد شرايك ناخذ لفه وني حمد : لا لا والله بتعصب سيف : خلها تعصب انته شعليك منها حمد : ما اعرف آخر لفه اوكي سيف : يالله سيف حب يغايض بعوشه وخذ اخوها حمد ولف ويا صوبها وشاح عليها وسار عوشه فاااارت من الغياض اونك تغايض فيني يا صراق البيبات .. تمت تترياهم واقفه .. وعقب فكرت تفر عليهم حصى اذا يو صوبها .. مره ثانيه عوشه : انزين انا براويكم .. شافت سيف ياي صوبها بالدراجه شلت الحصاه وفرته .. الحصاه الاولى ما يتهم والثانيه فلعت سيف ع راسه . سيف وهو يسوق نااااااااقع من الضحك وعوشه تسب .. عوشه : يالهروم ياللي ما تستحون .. والله ما ييت يا حمدوه هني وما قربت وقف سيف حمد معصب : شو هاي فشلتنا . عوشه تلومت يوم سمعت حمد يرمس جيه ووقفت تطالعهم وهي معصبه سيف يتأمل عوشه ملامحها وهي معصبه روعه .. سيف وهو مبتسم .. : بلاها اختك حمد : قلتلك بتعصب عوشه سمعتهم : بلاها اخته بعد نزل اخويه وهات الثاني لو سمحت سيف : وليش معصبه عوشه : انته ما تستحي .؟! ابا اعرف سيف : ما احيدني مسوي شي غلط . . عوشه عبست في ويهه : اسكت اسكت سيف : ان شاء الله طويلة العمر .. عوشه تطالعه بغياض وتقول في خاطرها خص الله هالويه يتطنز .. حمد نزل وسار صوب اخته عوشه : وانته ليش راكب ويا ناس غرب ؟ سيف فتح عيونه : غرب ؟ عوشه : هي نعم حمد : هذا سيف ولد يرانا عوشه : ومتى استوى ولد يارك سيف: الولد يعرف الاصول وانتي مول ما تعرفين فيها عوشه معصبه وتزعق عليه: ما يخصك لا ترمسني سحبت حمد : يالله نسير داخل سيف : وما تبين اخوج الثاني عوشه تطالع سيف بغياض سيف : ياربي بلاها جيه بطرانه بطران خلي ما يعرف اني اغليه .. يرمي عيوني بنظرٍ كنها اسهم حمد : شو فيج انتي الريال ما سوى شي فضحتينا يالسه تفرين حصى .. عوشه متغاااااايضه : والله يا حماده ان سرت مره ثانيه وياه بجتلك حمد : ما يخصج عوشه : امبلا لازم تسمع كلامي حمد : من زين كلامج .. كله سب وشتايم بخبر عليج ابويه يلستي تسبين الريال .. عوشه تغاايضت من حمد : انته اونك ريال جاانك ريال خبر ابويه وافضح عمرك قبل ما تفضحني حمد تم ساكت .. وتيود حمد من كندورته وتدزه الحين تسير تشوف اخوك وين يالله حمد : انزين لا تدزين الرجل الاخظر مب بنت حشى حمد ظهر من الباب وسار صوب سيف اللي واقف يكلم حميد ومايد حمد يا صوبهم . سيف : شو السالفه حمد حمد : ما شي بس ابا حميد ايي لانه اختي تبانا سيف : اختك شو تبا فيكم بتطبخون حمد : تعقب سيف : هههههههه اسولف وياك يالله تعالوا براويكم الخيول في عزبتنا ورمس حميد الدلوع : عندنا خيول . سيف : ما شاء الله زين حمد : بس ما نعرف نركب سيف : انا بعلمكم افا عليكم حمد استااانس : صدق سيف : افا عليك وانا بو هندي حمد : مشكور بس باجر الصبح اذا يينا صوب المزرعه ويا الوالد سيف : ونحن بنبات هنه حميد : انزين خلاص يوم بني بندق عليكم سيف : ان شاااااء الله حميد : يالله فمان الله حمد : فمان الله سيف ومايد : فمان الله سيف استاااانس من حمد وحميد سيف : شفتهم ؟ مايد : هي ما شاء الله عليهم سيف : الله يحفظهم ياربي .. تمت تتراواله عوشه وكيف تمت تسبهم سيف ابتسم ومايد يطالعه مايد : شو فيك ؟ سيف : ما شي .. مايد : شو ما شي ليش تبتسم عيل ؟ سيف : يا خي ما في شي ابتسمت حرام ابتسم ؟ مايد : لا مب حرام .. شكلك شايف زول حد ومتونس جيه سيف : هههههههه كيفي يا خي انته شو لك من الخانه فيني مايد يبتسم : لا لا شكل السالفه فيها انا خبرني سواف منو شفت ..؟ سيف : خلنا نروح احسن من هالاستجواب يالله الحين بيذن المغرب . مايد : يالله ------------------------------------------------------ مر الوقت وصلوا العشا وهم يالسين في المزرعه حمد يطالع عوشه طول مب هم يالسين في المزرعه .. وهم يالسين ياكلون البهانس اللي شارينهم قبل ما ايون . حمد : ما اتصلت امايه ؟ بو خالد : متوله عليها ؟ حمد : اكييييد الوالده هذي الدره بو خالد : ههههههههه وانا ؟ حمد : انته راس الحربه بو خالد : فديييتك وفديت رمساتك ياربي عوشه : يالله نروح ابا اسير البيت . بو خالد : شعندج هنااك اصبري شويه عوشه : ان شاء الله بو خالد : توه متصل فيني بو محمد طولي بعمره وقال يمكن ايي صوبنا .. عوشه : شووووووو انا وين اسير ؟ بو خالد : انتي بتيلسين هنه ويانا عوشه : ابويه انا استحي بو خالد : لا لا هذا بحسبت عمج عوشه ما قدرت تقول شي : ان شاء الله ابويه بو خالد : حميد تعال همز رويلاتي شويه عوشه : انا بهمزها .. بو خالد : يعلج ذخر ياربي ويلست تهمزها .. شويه ويا عند الباب سيف سيف :السياره بعدها موجوده اكيد هم الحين داخل . سيف : ابا اشوفها مره ثانيه ان شاء الله تي صوبي . سيف تم يدق باب المزرعه بحصاه كبيره عشان يسمعون .. بو خالد : أكيد بو خالد ياي حميد سر قرب بعمك حميد : سار يركض صوب الباب .. سيف يسمع حد ياي صوبه : الحمد لله حد يا . حميد فتح الباب : سيف ؟؟!! سيف مبتسم : شحالك حمد حميد : انا حميد سيف : هههه ما عرفتك حميد : آمر سيف : يايبلكم مشاوي لازم يرانا اليداد لازم نظيفكم حميد : مشكووووووووور توني يوعان سيف : افا عليك تفضل ويانا .. حميد : لا مشكور تفضل سيف : لا لا بسير شويه ويشوفون موتر بو محمد البورش ياي صوبهم وقف بو محمد ويا صوبهم خاشمه سيف .. سيف : مرحبا بابو محمد بو محمد : منو ما عرفتك ؟ سيف : انا ياركم ولد المرحوم سعود انا سيف البجر بو محمد : مرحبا مرحبا والله شحالك الغالي سيف : الحمد لله بخير ربي يعافييك الغالي بو محمد : سهران ويا الشباب ما شاء الله سيف : هيه نعم ويايب لهم شويه من المشاوي اللي مسوينها بو محمد : دومك راعي اصول الغالي سيف : اسمحولي الحين عاد بسير صوب الشباب بو خالد يا صوبهم وسلم بو خالد ما كان يعرف سيف : تفضلوا وشعنه واقفين ؟ سيف : لا ان شاء الله مره ثانيه بو محمد : احدر يا الغالي ايلس شويه يقرب بك الريال عيب ترده .. سيف : ما ارده وانا بو سعود بو خالد : حياكم تفضلو يا مرحبا الساع .. سيف : تسلم الغالي تسلم بو خالد : هوود هووود سيف مستااانس انه دش المزرعه ويبا يشوف ويه عوشه مره ثانيه عوشه كانت يالسه ومستحيه تتحرى بو محمد ياي بروحه وكلام ابوها خلاها تيلس .. تتذكر يوم يقولها ( هذا مثل عمج ) يالله اول مره احس كأنه عندي عم .. ما ادري كيف بيظهر شكله يالسه ترتب السفره حطت دله القهوه اللي مسوتنها وحطت الفواله عوشه : حمد قم حبيبي صب الغسول حمد : ان شاء الله ويو صوبها بو محمد : هود هود عوشه صدت وراها وهي مستحيه .. : هدا وقطعت الكلمه يوم شافت سيف ياي ؟ نشت واربعت سيف يبا يضحك بس ما يقدر ..ويقول في خاااطره ..: وييييييييييييييييييييييو حره يا عوشانه عوشه تركض بعدها ما تدري لين وين وصلت .. وهي تتنفس بصعوبه .. عوشه : حسبي الله عليييك يا صراق البيبات شو ياي تسوي هنه .. شو يابك ... ؟ شو تبا والله لو لا المستحى جان طردتك .. ردت صوبهم وانخشت ورى الشيره .. وتمت تطالعه من بعيييييد عوشه : شو يسوي هذا اف منه خاطري اصفعه بغرشه على راسه .. صراق البيبات وشوي تطالع بو محمد .. ما شاء الله بو محمد يبين صغير..انا اتحراه واحد من هالشواب الدهريين هههههه وشوي تطالع سيف ويوم يضحك وياهم : خص الله ويهه محلاه مالت عليك يا بو نص شنب الرياييل فصخوا الحيا الحين وقاموا يحلقون شواربهم..تمت تفكر..لا لا شويه مب وايد.. تحليقته اوكي .. بو محمد : هههه لا لا مب ولدي بو خالد : اسمحلي الغالي ما عرفتك سيف : افا عليك سيف يشرب القهوه : لا هنتوا ع هالقهوه الطيبه بو خالد : ولا هان مقدراك يا الغالي سيف شويه ويشرق بها ويكح لين ظهرت عينه عوشه ماااااااااتت من الضحك : والله انك تستاااااااااااااااااااااهل والله لو الود ودي جان صفقت من الوناسه .. تستااهل بو خالد : سلمت حد يطريك سيف في خاطره : عوشه بو خالد : اتشهد ع ويهك .. بو محمد يصب الماي فوق راس سيف .. سيف : بس بس ما عليكم زود شكل الشباب يطروني بقوم اسير صوبهم بو خالد : وين ساير تو الناس يالس سيف : الشباب اكيد يدوروني الحين بسير عندهم رفجتكم طيبه الا اني استسمحكم بو خالد : مسموح الغالي شويه وعوشه تسمع وراها صوت غرييب .. وكان بعيد شويه عوشه : هالصوت سامعتنه مب غريب عليه يوم صدت شافت جلب سلوقي وراها واقف .. عوشه في هالوقت مااتت من الروعه .. وتصرخ صرخه الكل سمعها وفز واقف عوشه يايه تربع والجلب يربع وراها .. كانت ميته من الصيااح وتركض ووصلت صوبهم وهي تصيح والجلب يلحقها .. بو خالد وهو يزاعق : وابيه شو مستوي عوشه يايه تربع وسيف وبو محمد مستعجبين من السالفه ؟ عوشه تصيح بحيل ما عندها : وتي صوب ابوها وتنخش وراه وتحضنه وهي تصيح سيف انصدم يوم شاف الجلب وجاف عوشه تصيح جيه ؟؟ : هذا السلوقي مال أخوه ؟ شو يابه هنه ؟ الجلب اول ما جااف سيف وقف ويلس مكانه ووخى ؟ عوشه تمت تصيح وبو خالد ميودنها وحمد وحميد مب عارفين شو يسون وبو محمد بعد واقف يطالع بو خالد يود عوشه وهي خلاص منهاره من الصياح وترتجف .. سيف : ه ه ه ه هذا جلب اخويه شو يابه هنه ؟ بو محمد : لا حول ولا قوة الا بالله وشعنه هادينه يا بويه سيف وليه ما ربطتوه ؟ سيف وهو يعفد صوب الجلب وايوده من الحبل .. سيف وعينه على عوشه : كان مربوط بس بطله الحبل لانه دوم يبطله .. بو خالد معصب من الجلب بو خالد يتشهد على ويه بنته ويرش عليها من االغسول ماي .. : لا حول ولا قوة الا بالله عوشه بعدها فيها غبنه وردت تصيح وتحضن ابوها .. حمد سار صوب عوشه ويلس يهديها : خلاص خلاص يودنا الجلب لا تصيحين عوشه تزيد في الصياح وسيف يطالع عوشه بعيون حايره غمضته .. وده يجتل الجلب جدامها عشان تسكت كانت تصيح جنها ياهل وفي حظن ابوها.. بو محمد : سيف تعال الغالي تعال نظهر اسحبه هذا اسحبه سيف بعده واقف ويطالع عوشه ومتضايق وكيف انها تصيح من كثر مب متروعه بو محمد يا وسحب سيف وساروا برع .. بو محمد : لا حول ولا قوة الا بالله زين جيه تروعون البنيه الحين ما بترقد الليل بيتم الا يتراوالها الجلب . سيف متضايق : والله اني متلوم يا بو محمد ما اعرف الا كيف يا صوب مزرعتهم . بو محمد : حسبي الله عليه من جلب .. اربطوه بحديد مب بحبل بيقصه بضروسه . سيف : ما اعرف يا بو محمد كيف استسمح منهم الحين بو محمد : سر انته الحين وانا بستسمحلك منهم .. سيف : بكبري انتفض ما اعرف وين اودي بويهي . بو محمد : استهدي بالله ولا تلوم عمرك انته ما سويت شي هذا ياي روحه يالله انهي عند ربعك سيف : ان شاء الله سار سيف وهو متلوم ومتضايج يوم شاف عوشه تصيح بحيل وتتخيله يوم تركض عن الجلب .. دخل المزرعه وسار صوب الشباب . الكل يطالعه وهو داخل واخوه شاف السلوقي في ايده فارس : ليش يايبنه ؟ سيف معصب وواصل حده : يوده لعنت الله عليه فارس عصب : بلالاه ليش تلعنه .؟ سيف يلس ومغط ريوله وحط ايده ورى راسه وتنهد : افففففففففففف استغفر الله فارس : شوووو السالفه شو بلالاك ؟؟ مايد : اكيد عضك فارس : لا ابويه ما يعض اللي يعرفهم مايد : عيل بلالاك سيف ؟ سيف اعتدل في يلسته : كان ساير صوب مزرعة يرانا ومروع عيالهم فارس : احلف سيف: لومني كنت هناك ويا جدانا يربع فارس يطالع الجلب .. : قص الحبل مره ثانيه يباله يربط بسلاسل سيف معصب : فكنا منه ولا تيبه هنه فارس معصب : على امرك مايد متفاجا: حق انه زيغ عيالهم . سيف : هيه والله خليفه : حلييلهم روحهم صغاريه الحين لو عضهم سيف : الحمد لله اني كنت موجود هناك ولا الحين جان نهش له واحد منهم .. خليفه : الحمد لله شوف القدر كيف يسوق الواحد مايد : هيه والله سيف تم يالس يتخيل عوشه ياربي شو هاليوم الغريب العجيب في حياتي ما استوتلي مواقف جيه في نفس اليوم ..؟ وكله ويا منو ويا بنيه .. اول مره اشوفها .. واول مره اتعامل ويا جيه بنات .. في حياتي ما شفت اعند عنها ..وفي حياتي ما شفت بنت في جمالها .؟ جمالها غييير غير ويتنهد سيف .. عوشه هدت ويلست حميد بدى يضحك : هههههه حد يزيغ من جلب ؟ عوشه تطالعه بغيض بو خالد : جب يالله اسكت عوشه مستغبنه : ما ادري كيف ركضت بليا حاسيه يا بويه بو خالد : صار اللي صار الحمد لله يوم الله سلمج منه عوشه : والرياييل اللي كانوا هنيه متلومه منهم والله بو خالد حب يلطف الجو: ما عليج هذا بو محمد حسبت عمج وهذاك ولد يرانا سيف حسبت اخوج عوشه في خاطرها وين حسبت اخويه حمد : ظهر الجلب مال أخو سيف عوشه تصد بحيل : أحلف حمد : والله عوشه عصبت : جنه الا بالعماله هادينه . بو خالد : لا تحطين في ذمتج يقول تراه دومه ينهد . عوشه : لا الا بالعماله هادينه هذيل فروخ ما يخليون على ويوهم يبون الا الضر للناس حمد : لا والله سيف ريال طيب وما عليه كلام . عوشه صدت صوبه بحيل : منو سيف حمد : اونج عاد عوشه تطالع حمد بغيض حمد تلعثم : سيف هذا اللي كان هنيه يالس توه بو خالد : لا ما شاء الله سيف نعم ريال طيب عوشه صدت الصوب الثاني وتذكرت كل المواقف اللي وياه : ترمسون عنه جنكم تعرفونه زين بو خالد : استهدي بالله ويالله نروح الحين امج تامه تحاتي عوشه : لا إله الا الله بو خالد : محمد رسول الله وفي الدرب اتصل بو محمد في بو خالد .. بو محمد : السلام عليكم بو خالد : وعليكم السلام ورحمه الله يا هلا ببو محمد بو محمد : شحالك الغالي بو خالد : بخير وعافيه الغالي بو محمد : شحال بنتك يعلها الا اهون بو خالد : الحمد لله بخير عن مساعه بو محمد : نازعناه ريالك وقلناله غير الوديه اربط الجلب عدل بو خالد : هذا شي وصار يا بو محمد وشعنه تنازعه هو ماله ذنب .. الجلب ما يتيود بو محمد : متلوم فيكم ويبا يستسمح وقال انه الجلب دومه ينهد بو خالد : الله يهداه ما عليه ما صار الا كل خير الحمد لله انه ما نهش ينبها . بو محمد : الحمد لله بو خالد : انا اللي والله متلوم فيك وما أحسنت ظيافتك ويتنا ورديت روحت بو محمد: ما عليك يا بو خالد انا حسبت اخووك ولا تتلوم ولا شي .. في مرات ثانيه ان شاء الله بو خالد : ان شاء الله يارب بو محمد : استسمح منك الحين بو خالد وسلم على البنيه وعلى فريخات بو خالد : يبلغ يبلغ الغالي بو محمد : يالله فمان الله بو خالد : فمان الكريم ----------------------------------------------------------------------يتبع الثاني نسميها بدايه لدقات قلوب ناظبه ...لم يمر بها هوى الغرام .. ولم تنبت زهور المحبه في أحشائها .. عاشت حياتها على مياه الامطار الخفيفه .. والان نهر أراضيها المعسوله يشق طريقه الى اعماقها هذه بدايتها واستمتعوا بها اتريا ردودكم وسموحه (غرشوب البدو) |
تسلم اخويه ع القصة الحلووووة ونتريا البارت الثااني^^ |
يسلموو ع القصه.. |
الجزء الثاني وان شاء الله ينال على اعجابكم سيف : افففففففففففففف مب قادر يرقد من كثر ما عوشه تتخيل له وكيف كانت تصيح يوم لحقها الجلب .. سيف نش من فوق الفراش وكان صوبه مايد انجلب وشافه ناش .. مايد وهو فيه رقاد : وين ساير ؟ سيف بصوت واطي عن يوعي الباجين : ما فيني رقاد بظهر شويه .. مايد استغرب من سيف وانجلب الينب الثاني قال في خاطره هو من يوم يا من صوب بيت يرانهم وهو مب على طبيعته سيف طلع برع وصاد صوب مزرعة قوم عوشه.. ويرمس عمره : شكلها بطرانه والخير عامنها .. بس دخلت قلبي .. في عينها نظره غريبه وويها يجمع كل الوصوف طلع تيلفونه ويلس يكتب اللي يدور في باله على بالي طرى حلو الدلالي .. يعجز البال في قولة وصوفه مدلع حيل ما خلى مجالي .. اعبر عنه وما عيني تشوفه . ملاك وبالحسن نجمٍ يلالي .. مربع بالسما ما حل قطوفه . من اسمه فز قلبي وراح حالي . خفيفٍ ع اللسان اربع حروفه بحرف العين عله دوم نالي . من الخيرات شي ما يطوفه وحرف الواو والله جا ببالي . اشوفه دوم ودايم دوم اشوفه . وحرف الشين شربكني وقالي رمس رمسه وأسرتني حروفه وحرف الهاء هالله يا الغزالي .. على قلبي خذه بعطفٍ وروفه احتفظ في الكلمات في تيلفونه وقام وسار صوب الشباب ورقد .. وكانت الساعه 3 في الليل ------------------------------------------------------------ واليوم الثاني صباح الاحد كانت الساعه 10 ونص والجوو رهييب ومغيم ام خالد : هاه اليوم كلكم متوقضين .؟. حمد : بنسير المزرعه ام خالد : هههههههه وشعنه حمد يتذكر انه سيف قايله بيعلمهم كيف يركبون الخيل وكان وايد متحمس لهالشي ..: بس جيه عيبتنا السيره ام خالد : يالله عيل انا بزهب الريوق والدلال حمد : يااااااويلي بنسير صوب المزرعه دخلت عوشه : وين بتسيرون ؟ حمد : صوب المزرعه . عوشه تفكر : انا ما بسير حمد : احسن والله انج ويه نحس من سرنا هناك استوالنا كل شي شين عوشه : جب ما يخصك ام خالد : مب مخلينج روحج هنيه عوشه : بتم ويا سالم ام خالد : سالم ساير الدوام عوشه : اوكي ما عليه .. بسير بس بشرط . ام خالد : آمري .. عوشه : حمد وحميد ما يضهرون من المزرعه حمد عصب : ماااااا يخصج عوشه : انته اللي ما يخصك انا اختك وانا اللي آمرك ام خالد : لا حول ولا قوة الا بالله شو هالمنكر بعد .. وشتبين فيهم خلهم يطلعون هم شباب الحين حمد : ويييييييييييييييييييييييييييو حره .. عوشه : عادي عندي حمد : انا بسير صوب ابويه وحميدان .. تراهم صوب الموتر ويقول حق عوشه يالله منااك .. عوشه : اف منه ام خالد : يالله تعالي شلي ويايه الاكل .. عوشه : اوكي ------------------------------------------------------- فارس : سرت واشتريت له سلاسل . سيف : احسن .. فارس : خبرني كيف وصل الجلب صوب مزرعة يرانا .؟ سيف : ما ادري بس انا اقول يمكن من صوب اليدار المكسور ؟ فارس : أي يدار مكسور ؟ سيف يتذكر عوشه يوم يشوفها صوب اليدار المكسور : خلاص خلاص خلصنا من هالموضوع . فارس : ياربي شو فيك انته عصبي وما تداني رمستي ؟ سيف : لا تقول هالكلام .. بس انا هاليومين معصب وسامحنا فارس تم ساكت .. حمد وحميد وصلوا المزرعه ويلسوا شويه وياهم وساروا بدون ما يدرون .. مزرعة قوم سيف .. حمد : يالله ندش حميد : وين تدش فظيحه حمد : يالله عاد كلهم شباب ونعرف سيف ومايد حميد : اوكي .. دشوا واول واحد شافهم فارس فارس استغرب حميد : شفت فظييحه هذا واحد ما نعرفه حمد : صبر شويه حمد : السلام عليكم فارس : عليكم السلام حمد : سيف هنييه ؟ فارس : هيه هنييه حمد : انزقره الله يخليك فارس : تعالوا ووداهم صوب سيف سيف كان عند الخيل يالس ينظفه حمد : السلام عليكم سيف سيف نش ويطالع : هلا والله وعليكم السلالام يا هلا بالتوام حمد وحميد سلموا على سيف فارس : سيف منو هذيل . سيف : هذيل عيال يرانا فارس : يا مرحبا والله هم اللي روعهم الجلب ؟ سيف : هيه فارس : سامحونا ما ندريبه انه منهد حمد : لا والله مسموح فارس : يالله انا بخليكم بسير شويه عن الشباب حميد : الله يحفظك سيف : ما شاء الله عند الوعد ويبتسم لهم حمد : اكييد .. يالله والله متحمس سيف : هههه هيد شويه لازم تتعلم step by step. حميد : Of course سيف تم يطالعهم يشبهون عوشه الخالق الناطق .. تنهد حميد : وين الجلب اللي يانا البارحه سيف صد صوب حميد : مربوط حمد : صدق روعها حليلها .. سيف ساكت وعيونه تطالع حمد وحميد : والحين زينه ؟ حميد : زينه في مزرعتنا ويا امايه سيف مستااانس: يالله تعالوا بعلمكم حمد : اوكي ------------------------------------------------------------------------- عوشه متغاايضه لانه حمد وحميد ظهروا .. ام خالد وبو خالد كانوا يالسير برع لانه الجو روعه .. وبعدها يلسوا يسقون الزراعه .. عوشه تمت تتمشى .. وياها فضوووول قوي تبا تطالع شو في مزرعة قوم سيف .. عوشه مشت لين اليدار المكسور .. وحطت ايدها على اليدار .وتمت توايق من اليدار .. تبا تشوف شي .. كانت الشيره مخبيه على المكان .. ركبت فوق اليدار .. وانخشت الصوب الثاني .. عوشه : شو يسون .. تمت تطالع وتطالع .. عقب خطف اخوها حميد يركض .. عوشه شهقت : يا وييييلكم يا سواد ليلكم يا عيال راشد تمت تطالع وشافت اخوها حميد شال سطل الماي ويمشي فيه عوشه : يعلالللللله مشغل اخواني بشاكير عنده .. شوه يسوون انا ابا اعرف .. عوشه : انا اقوم انزل احسلي لا يشوفني حد من هالفروخ ... نزلت عوشه وسارت جدى ابوها وامها .. --------------------------------------------------------- ما شاء الله عليكم بسرعه تتعلمون حميد : كيف ما تبانا نتعلم بسرعه ونحن من الاوائل حمد : رمس الخقاق سيف : ههههههه لا لا مب خقاق الاول لازم يفتخر بنفسه حمد : يالله يالله انا اتريا نركب فوق الخيل .. سيف : الحين بنركب افا عليك انته حمد : يالله -------------------------------------------------------- فطيم : وشو هالاثاث الغاوي .. عوشه : بعدج ما شفتي شي .. فطيم : والله انهم عز عوشه : تعالي تعالي نحوط برع دام الجو رهيب .. فطيم : يالله ظهروا برع وتموا يحوطون .. ام خالد : تفضل . فطيم وعوشه كانوا مارين بو سعيد : تلحفن زين هنه مكودين الهنود فطيم تطالع ابوها وتصاصر عوشه : ياربييييييييه ابويه كله مناشبني مول ما يدانييني استانس عوشه : هههه حليله خلييه .. فطيم : تعالي مزرعة منوه هذي حذالكم ؟ عوشه : افففف مزرعة ناس يمللون . فطيم : صدق ؟ عوشه : ههههههه لا والله ما ادريبهم بس ولدهم يغايض فطيم شهقت : وانتي شعرفج بولدهم ؟ عوشه تضايقت وبوزت : فطيم بخبرج شي بس ما اباج تخبرين حد فطيم منصدمه شو السالفه عويش خبريني عوشه : ياربيييييييييييه اف منه فطيم : شووو مغامرات صايره وانا ما ادري ؟ عوشه : الا مغامرات .. مستويه احداث وفلم هندي بعد فطيم : يالمستخفه ليش ما تخبريني ؟ عوشه : الصراحه فضيحه ما اقدر اخبر حد فطيم : والله ان ما خبرتيني بجتلج عوشه : صبري انزين بخبرج تعالي نيلس هناك ---------------------------------------------------------------------------------------- سيف : حميد لا تروع عمرك ليش زايغ شوف اخوك ما شاء الله حميد : مب زايغ بس ما ادري ليش جيه اتنافض سيف : حمد خلك ثابت .. صح شاطر . حميد : انا شكلي بطيح سيف : لا ان شاء الله ما تطيح .. حمد : اول مره اعرف انه ركوب الخيل جيه وناسه حميد : وانا اول مره اعرف انه ركوب الخيل جيه صعب . سيف : ههههههههه هذا الشي الوحيد اللي ما اتفقتوا عليه -------------------------------------------------------- فطييم شهقت : يا المستخفه ليش ما خبرتيني من امس ها كله .. عوشه : فاضتلج فطيم : والله قوي عين هذا عوشه : هيه والله فطيم : اشوف اليروح ؟ عوشه راوتها .. فطيم : لو انا منج بصفعه على اللي سواه فيج .. عوشه : وشلي اسوي وياه ان واخواتها فطيت ردت تظحك : والللله اني اتخيلج يوم تركضين عن الجلب تخيلي عمرج ركضتي ونخشيتي وراه . عوشه : ههههههههههههههه يهبي الحمد لله انه ابويه في الواجهه ولا جان رحت فيها فطيم : انزين انزين ما خبرتيني حلو ولا عوشه : ياريته خسف لكرهته مرتين فطيم : شوووووووووووو لا تقولين غاوي عوشه حاست ويها : الا غاوي .. تقولين من هالممثلين الكوبوي الامريكان فطيم : ياويلي .. كيف شكله عوشه تتذكره : طويل ما شاء الله وشعره بعد طويل .. لكن مب وايد يعني نص ونص شروات حمد وحميد .. وخشمه طويل بعد .. فطيم وقاطعتها : لا حول ولا قوة الا بالله صاحب الظل الطويل هذا .. عوشه : يالله عاد اسمعي .. فطيم : عوييش والله خاطري اشوفه عوشه : شو تبين فيه فطيم : بنخطبه لج عوشه : يهبييييي فطيم : شو يهبي شو فيه بعد عوشه تتنهد : ما فيه شي بس ما اباه بطران وبزيان يتحرى كل شي يشوفه لازم يكون له . فطيم : انزين الحين هو شافج واتولمي .. بتكونين له عوشه : فطييييم فطيم : لا حول خلاص خلاص ما بنرمس عوشه : تعالي نسير صوبهم عن نبطي عليهم .. فطيم : يالله ---------------------------------------------------------------- سيف : هاه شرايكم حميد : والله ما ادري يمكن ما ايبنا ابويه باجر سيف : لا ايبكم برايه انا بيي آخذكم من بيتكم حمد : شووو من بيتنا ؟ سيف : هيه نعم فيها شي ؟ حمد : والله الوالده والوالد واولهم اختي ما بيطيعون سيف عيبته سالفت اخته : الولد والوالده اوكي لكن اختك شو يخصها .. حمد يطالع سيف بأستغراب .: لا لا اسمحلي .. سيف: يا ريال ما بتخسر شي والله بدال ما تسيرون نوادي ومكانات تعلمكم ركوب الخيل انا بعلمكم وببلاش .. ويبتسم حمد : انزين خبر الوالد سيف : الحين سايرله حمد : هههههههههههه يالله والله الحين تلقاه يالس روحه ويا الوالده ويتقهويون سيف : تعال يالله يالله عن يسير مكان حمد وحميد : يالله سيف : ولا اقولك صبر بسير اعق ثيابي وبلبس شي ثاني ----------------------------------------------------------------- ام خالد : هنه بنوري انته شعلييك .. ام سعيد : يالله عيل سايرين نيب الكشار . ام خالد : يالله قومي .. بو خالد قم ودنا صوب البيت . بو سعيد : لا لا انا بوديكم .. بو خالد خله ايلس ويا البنيات هنه ام خالد : يالله .. شويه ويت عوشه وفطيم : عوشه وين سايريين ؟ ام خالد : انا بسير صوب البيت بنيب الكشار هنه بنوري .. عوشه : ونحن ام خالد : انتن حريم تمن هنه ويا ابوكم وخله الهندي يزقر حميد وحمد عوشه : ان شاء الله طلعوا ام خالد وام سعيد وبو سعيد صوب البيت عشان ايبون الكشار .. وعوشه تمت ويا فطيم فطيم : ياربي ريت سلوم هنيه عوشه : اندوك انته فطيم : شو ليش غيرانه عوشه : مب غيرانه ولا شيات بس انا مب ساده عينج ؟ فطيم : فديييييتج والله ما لي غنى عنج عوشه : لا لا افا عليج بزقر سلوم الحين فطيم : خله يولي سلوم الحين خلنا نحن نستانس هنيه .. فطيم عقت عباتها وعوشه كانت عاقه عباتها من قبل وتمن بالشيل .. بو خالد : عوشه عوشه : لبيه ابويه بو خالد : وين الابر مال السكر ؟ عوشه حطت ايدها على ويها : ابيييييه نسيتهن بو خالد : ما شاء الله علييج عوشه : والله نسيتهن كانت امي حاطتنهن في الصاله وقالتلي اشلهن ونسيت بوخالد : امج ما عندها تيلفون عشان نتصل فيها بعد فطيم : اتصل في ابويه انزين .. بو خالد : اتصل في ابو فطيم .. وحصله مغلق .. بو خالد : مغلق .. فطيم : والحين بو خالد : شو اسوي موعد الابره طاف ولازم آخذها الحين .. احس راسي يدور .. عوشه تروعت على ابوها .. : ابويه ايلس فديتك والله ما تتحرك انا بتصل حق سالم ايبهن لك بو خالد : لا لا سالم في الدوام وين تخلينه يترخص .. عوشه : خلني بتصل فيه انته مالك خانه شويه ويا حمد مستانس : السلام عليكم عوشه تطالعه بطرف عينها : يا الهيات بو خالد وفطيم عليكم السلام حمد : انتي شو يخصج عوشه : انا الحين مب فاضتلك ولا بتشوف حمد : يالله منااك بو خالد : وين انتوا من الصبح ؟ حمد ارتبك : عند قوم سيف عوشه وقفت وتمت تطالع حمد : وشو تسوون ابا اعرف ؟ حمد : افففف منها انا بجاوب على أسألة ابويه بس .. عوشه : لا تعصب ببويه روحه تعبان من السكر .. حمد تروع : شو فييك بو خالد : كل خير وين اخوك حمد : اممممممم حميد واقف برع ويا سيف . عوشه : شو بعد عنده روحكم يايين عنه يايين تكملون السهره هنه حظراتكم .. حمد : ما يخصج ياربي بو خالد : شو فيه سيف حمد : يبا يرمسك في سالفه عوشه : شو سالفته بعد هذا من متى يسوي سوالف فطيم تطالع عوشه حمد : ابويه ادخله والله فضيحه واقف عند الباب بو خالد : دخله عوشه : افففففففففففف وفطيم تغمز لها .. فطيم : تعالي عوشه نسير هناك .. عوشه : اوكي .. فطيم تسحب عوشه ويسيرون ينخشون الصوب الثاني .. فطيم : شو هالحظ كنت ابا اشوفه ويا روحه .. عوشه معصبه : شوووو عنده ابا اعرف ياي هنه .. شو يبا بخواني .. ؟ فطيم : لا حول ولا قوة الا بالله انتي هيدي خلينا نعرف السالفه قبل .. عوشه تمت واقفه ويطالعونهم من ورى الشير .. فطيم شهقت يوم شافته : هذا احلى عن اخوج سلوم عوشه : يا الخماام تشبهين اخويه بها الخسف فطيم : والله اني اقول الحق .. عوشه تمت تطالعه شكله اليوم رووووووعه لابس كندوره عربيه وغتره حمرا .. شو اليوم ياينه متكشخ .. فطيم : والله ما عندج ذوق يا عويش حد ينجف من هالجمال ؟ عوشه : ياربيي شو فيج انتي انا شدراني فيه ؟ فطيم : شو اشدراج فيه اول مره جافج عند اليدار وتكلم وياج وثاني مره ويا البانشي ماله وثالث مره هنيه ويا الجلب ما مزر عينج جماله ابا اعرف ؟ عوشه تمت ساكته وتطالعه .. فطيم : هزرج شو يقولون ؟ عوشه : هذا عنده سوالف ما تدرين عنه انتي .. الا ينشب في خواني الصغار فطيم : احسن وسيله يا الغبيه .. هذا يسمونه تكتيك اول شي يخلي اخوانج يلصقون فيه وكل يوم عنده وعقب يمكن يسحب سلوم وياهم .. وهلم جرا وآخر شي انتي عاد عوشه تضرب فطيم : جب يالله فطيم : انتي على منو طالعه جيه راسج يابس .. يا اختي استحي على ويهج .. عوشه : انتي تعلميني على هالسوالف وانا بعدني صغيره فطيم : أي صغيره مالت عليج عوشه : خلينا نطالع وبس . فطيم : ههههههههههههههههههههههه والله انج سوسه تبين تطالعينه و تطبعين صورته في راسج هااه عوشه : والله انج سخيفه ومحد يسويلج سالفه فطيم : انزين انزين خلاص ما بتكلم ------------------------------------------------------------------------------ بو خالد : هههههه وين بنحصل احسن عنك يا الغالي سيف استاانس : الله يخليك ويطول بعمرك بو خالد يحس بدوار اكثر .. : بسم الله الرحمن الرحيم حمد : ابويه ايبلك االابره بو خالد : يا بويه نستهن اختك ما يابتهن حمد عصبت : اف منها .. سيف : السموحه ع السوال بس ابر شو حمد : ابويه فيه السكري وياخذ ابر سيف : الله يعافييك يا الغالي حمد : وناسنهن في البيت سيف : افاااااا عليييييك امره انا ساير ايبهن .. الا طرش واحد من عيالك ويايه ويبهن لك الغالي .. والله حسبت الوالد بو خالد : لا ما علييك الغالي ان شاء الله يوم بسير البيت باخذها .. سيف ونش : والله وثم والله اني اسير ايبهن .. حمد تعال ويايه بو خالد : من طيب اصلك الله يحفظكم سيف سار يربع ايب موتره وركب حمد وساروا صوب البيت عشان ايبون الابر لابو خالد يت عوشه صوبهم عوشه : شو السالفه حميد : ساروا ايبون الابر حق ابويه . عوشه بصوت واطي : اونه خوي شما فطيم : هههههههههه هي عيل شوو يلسوا عوشه : انزين شو سالفتهم شو يايبلك اليوم يا بو خالد من سوالف عيالك بو خالد : عيالي يبون يتعلمون على الخيل والريال داق الصدر يبا يعلمهم عوشه : ووافجت بو خالد : هي نعم عوشه : وشعنه ؟ بو خالد : خليهم يستانسون ويتعلمون دام الخيول موجوده عوشه : يا بويه ما تخاف عليهم من هالشباب .. هذيل بعدهم يهال بو خالد : افا وانا بو خالد خوانج رجال ويعرفون جيف يتصرفون انا ربيتهم على هالشي وانا واثق في افعالهم .. والريال اللي يا ريال طيب جسته من يلسته ومن ترحيبه لي ومن رمسات خوانج لي عنه .. ما عليه زود لا تذمين فيه عوشه تضايقت : انا ما كان قصدي بس اقولك انه لازم تخاف عليهم بو خالد: لا ان شاء الله ريايل ونعم الريايل . -------------------------------------------------------------------------------------------------- حمد : وقف وقف سيف : هذا بيتكم ؟ حمد : هيه ما عيبك اكيد .. سيف : لا والله ما فيه شي كان بيت قوم عوشه عادي وحتى ما فيه حوى كبير و سيارة ابوها الثانيه الجديمه كانت موقفه جدام بيتهم لانه ما عندهم مكان داخل يحطون المواتر فيه .. نزل حمد حمد : برد بسرعه سيف : ان شاء الله سار يبربع حمد صوب الدوا مال ابويه سيف : والله ما توقعت بيتهم يكون جيه .. كنت اتحسبه طابقين .. من اشكالهم يبان عليهم العز .. شويه ويا يركض حمد وركب الموتر سيف : ما شاء الله عليك وصلت حمد : هيه لاني اعرف محله .. سيف : يالله عيل نرد حمد : تعبناك وايد سيف : تعبكم راحه يا الغالي حمد : سيف انته عندك اخوان صغار ؟ سيف يبتسم : عندي بس مب كبرك حمد : كم عمارهم ؟ سيف : انا اكبر واحد وبعدي بنتين وبعدين ولدين وبنت ....,و فارس اللي كان يايبنكم صوبي هذا عمره 22 سنه واحمد موجود ويانا بس انتوا ما شفتوه كان مداوم .... وعمره 20 سنه حمد : ما شاء الله انتوا كثيرنا سيف : هههههه ماشاء الله حمد : نحن اول شي اخويه خالد وبعدين سالم وبنت ونحن وبنت اصغر عنا بسنه سيف : الله يحفظكم .. انزين اخوك خالد كم عمره .. حمد : يمكن في الثلاثينات سيف تروع يتحسب عوشه كبيره : هييه وسالم ؟ حمد : سالم الاسبوع اللي طاف كان عيد ميلاده .. ودخل ال25 سيف : ما شاء الله العمر كله حمد : وانا وحميد دخلنا ال12 الشهر اللي طاف .. سيف : ما شاء الله عليكم الله يحفظكم .. حمد : وانته كم عمرك ؟ سيف: انا 27 شيبه صح والسنه اليايه بدش 28 حمد : هههههه لالا افا عليك ---------------------------------------------------------------------------------- فطيم : شلينا الدياي وفورناه .. ام سعيد : هاتيلي القصدير انا بسوي السمج وبشويه ام خالد : بهريييه وحطيله ملح شويه بو خالد يحبه جيه مبهر .. ام سعيد : ان شاء الله ام خالد : فدييته ويعله فيني عوقه,, قلبي ما يطاوعني اشوفه جيه عوشه : الله يعافيه ياربي ام سعيد : هذوه حمد ياب الابر ام خالد : والله انه نشمي ولد اياويد هالريال عوشه في خاطرها لا تمدحينه يا اميه وايد ام خالد : عليه انه اطرشلهم من غدانا .. عوشه : وشحقه ام خالد : وانتي شتبين خليهم ياكلون عوشه : ما يستاهلون ام خالد : عجب فطيم تطالع عوشه ويرتها على صوب : شو هالرمسه ما تستحين عوشه : وليش استحي فطيم : امج تبا تطرش صوب قوم سيف اكل انتي شحقه دايره عرض عوشه : ما ابا تطرشله فطيم : تتدلعين اونج خليه فقير كاد بموتره لين منطقتكم ولين بيتكم ويايب لبوج الابر ما يستاهل شويه من أكلكم عوشه : يستاهل يستاهل خلينا الحين نعابل وياهم ----------------------------------------------------------------------- فطيم : انتي اللي ما عندج سالفه يا العنز .. والله قلبج حجر ولا هزه شوفته ؟ عوشه معصبه : اللي مثل اشكاله ما يهز مني ولا شعره فطيم : حلفي عوشه تمت ساكته فطيم : يعني اثر فيج عوشه زعقت : بس عاد فطيم اذيتيني فطيم : انزين مشكوره وغير المره جان كلمتج عن هالسالفه قصي لساني سالم : ما يحتااي يا الغالي الخير وايد هناك سيف : تدري انه اليوم بالذات الشباب يبون يشترون من المطعم وانا مالي طربه على هالسوالف سالم : ام سالم هذي ربي يحفظها هي اللي مطرشه لك بالخص سيف : يعلني ما اذووق حزنها ياربي سالم : تسلم سيف : حمداني دش ما عليك من اخوك سلوم هذا خقاق وايد يستحي حمد : ودي بس الوالده وايد طابخه خيرها بغيرها سيف مبتسم سالم : يالله عاد نترخص وفرصه سعيده انه تعرفنا عليك سيف : وانا اسعد حمد : يالله اشوفك العصر سالم : ما شاء الله مخططين شو عنكم العصر ؟ حمد : ترى الحين سيف يعلمنا على الخيل سيف يضحك سالم : ما شاء الله مدربهم وانا ما ادري سيف : دامنا فاضين الحين خلنا ندربهم سالم : وليش ما عندك دوام سيف : ماخذ اجازه سالم : ووين تداوم ؟ سيف : في الاتصالات سالم : احلف ؟ سيف : ادري اداوم وياكم بس انا ولا مره شفتك سالم : ولا انا سيف : لانه انتوا مدخلكم غير عن مدخلنا وبعدين منقسمين عنا سالم : هي انته في أي فرع . سيف : فرع الماليه سالم : الله يوفقك ياربي سيف : الجميع الغالي سالم : اخليك عيل الحين وان شاء الله جريب نتشاوف سيف : ان شاء الله حمد : يالله مع السلامه سيف : مع السلامه ----------------------------------------------------------------------------- العصر كانت فطيم طايحه على ريول عوشه وتطالعها ويالسه تسولف وياها تحت الشيره وحمد وحميد يسبحون ويا بو خالد وبو سعيد وسالم وام خالد وام سعيد يطالعونهم بو خالد : نصخي متيود عليه من زمان ما سبحت بو سعيد : انا بعد يا بوك يالله قم نظهر بو خالد: ام خالد هاتيلي الفوطه بظهر بو سعيد : وانا بعد حمد يغمز لحميد : نحن بعد بنظهر ام خالد : بسك عن تيهد سالم : يالله عيل بظهر عوشه : قالتلي منايه انها يوم الخميس بتملج بتسيرين ملجتها ؟ فطيم : احلفي ما عزمتني ما بسير عيل عوشه : عن المصاخه يعني ما عزمتج ما بتسيرين فطيم : هيه اذا دقيتيلها قوليلها ترى فطيم زعلانه وما بتي ملجتج ولا عرسج عوشه : باجر بدقلها لانه امس مرمستنها فطيم : خلاص خبريها عوشه : لا تحاسبينها يمكن نستج فطيم : اندووك صدق انا مغيره رقمي وما طرشته لها عشان جييييه عوشه : دوومج تحطين في ذمتج يا اميه مب زين فطيم : قوليها قوليها انه فطيم مغيره رقمها ونست تطرشه لج اذا قالت لج شي اوكي عوشه : انا ما اروم اجذب فطيم: عويش عاد لا تخربين عليه خاطري اسير الملجه عوشه : ان شا الله .. انتي الا تبين تتطالعين الناس فطيم : هي ابا اطالع الدنيا شحقه مسوايه عوشه : استغفر الله انتي شو ترمسين شو هالرمسه فطيم : استغفر الله سالم يا صوبهم : شو تسوي هاي منسدحه يالسه تفلينها عن القمل عوشه : اخييييييييييييييييييه وتفر راس فطيم مناك سالم هلك من الضحك فطيم عصبت : والللللله يا سلوم وين بتسير عني انا الحين فيني قمل سالم وعوشه : هههههههههههههههههههههه فطيم تضرب عوشه : يعلج زين ما كسرتي رقبتي سالم : عويش ليش ما كسرتي رقبتها فطيم فتحت عيونها : تبالي الموت سالم : ههههههه حشاج يا ام سراج فطيم عيونها امتزرت دموع : انا ام سراج اوكي ما عليه وسارت زعلانه عوشه : وشعنه تسوي فيها جيه الحين هذي مرتك المستقبليه تسوي فيها جيه سالم : هههههههه خليها خليها انا احب اسوي فيها جيه عوشه : وشعنه سالم : انا خبرت امي وابويه اني ابا فطيم وامي رحبت بالفكره وقالت بتخبر خالي وامها عوشه : احلف سلوم سالم : والله عوشه : مبرووووووووووك سالم مستانس : الله يبارك فيج عوشه : بسير اخبر فطوم سالم : لا لا خليها انا اباها ما تعرف واتم زعلانه جيه عوشه : انته بعد سوالف ام خالد : نحن بنروح عوشه عوشه : عيل انا شو يخليني . ام خالد : تمي هنه ويا ابوج ويا خوانج الصغار عوشه : ياربيييييييييييه ان شاء الله ام خالد : انا برّوح ويا ام سعيد وبو سعيد عوشه : الله وياكم فطيم : انا بروّح عنج بعد عويش عوشه : حرام فطوم تمي ويايه فطيم : لا لا بسير ويا سعيد ومرته السنما عازميني تغايض سالم سالم : نعم ؟ فطيم مطنشه عوشه : خلها تسير ما يخصك فيها فطيم : فدييت روحج يا العاش سالم : انزين هالمره مسامحينج فطيم طنشت سالم وسارت ركبت في الوتر وسالم بعد روح عند ربعه حمد وحميد شافوا الكل روح وساروا صوب سيف وكانوا ربعه مروحين وتوهم راكبين الموتر سيف : يالله فداعه الله وحفظه الكل : فمان الله سيف شاف حمد وحميد وستاانس حميد وحمد : السلام عليكم سيف : وعليكم السلام هلا والله حمد : هلا فيك سيف : شخباركم حمد : الحمد لله تونا ضاربين سبحه غاويه سيف : ههههههه زين نعيما حمد : الله ينعم عليك سيف : شو تبوني اعلمكم الحين حميد : والله انا خاطري اسوق دراجتك حمد : لا لا انا ما ابا حميد : انته مالت عليك سيف : انا اخاف عليكم من الدراجات ولا بركبكم عادي حمد : نحن ريايل ما ينخاف علينا سيف : الله يحفظكم ياربي حمد : بس انا ودي اركب الخيل تعال مزرعتنا سيف : مزرعتكم ؟ حمد : هي محد هناك سيف : ليش وين اهلك حمد : كلهم روحوا نحن تمينا ويا ابويه واختي سيف : لا لا خلنا هني احسن حمد : تعال يا اخي شو فيك انته لا تستحي اختي بتيلس داخل سيف استانس : يالله حمد دخل المزرعه وخذوا سيف وودوه صوب ابوهم اللي كان عند الخيول يتعلم كل صغيره وكبيره وعداله عوشه يالسه على الحشيش .. ورابطه كندورتها على خصرها وطالع الجنز من تحت ولابسه بوت طويل يخص الخيل ويالسه تشخبط في كراسها ولافه شيلها على راسها ولابسه نظارات .. وحاطه السماعات في اذنها وتسمع ميحد : من كثر حبك تشابه دمك ودمي سيف دش ويطالع المكان نظيف ومكيف وشي مرتب للخيل .. سيف : ما شاء الله منو يهتم في الخيول هنه ؟ حمد : ابويه وفي هنيه هندين ومختص ايي كل اسبوع عشان يشوف الخيول .. هذا اللي خبرونا عنه بس لين الحين ما شفته .. يوم لفوا صوب بو خالد : كانت عوشه يالسه فوق ما تنشاف .. بو خالد : انزين متى بيي المختص الهندي : يوم الاحد الصبح حميد يا يركض صوب ابوه حميد : ابوويه بو خالد : شعندك حميد : سيف ياي ويايه بو خالد نسى انه عوشه يالسه فوق الحشيش : حياه سيف يا مرحبا حمد : سيف تعال محد هنيه بو خالد : مرحبا بأستاذنا سيف مبتسم ويتخاشم ويا بو خالد سيف : شحالك الغالي يعلك الا اهون الحين بو خالد : الحمد لله بفضل الله ثم فضلك سيف : ما سوينا غير الواجب بو خالد : هاه شو هباتك ويا الشبيبه سيف : هههه ما شاء الله نمبر ون في التعليم بو خالد : الحمد لله دام المعلم نمبر ون هم بيغدون شراته سيف : الله يخليك ويبارج فيك عوشه الحين انتبهت بأنه ابوها يتكلم ويا حد ثاني غير الهندي اللي كان وياه .. كان الباب ساد وما تشوف شي تمت يالسه وتطالع بو خالد : وانا بديت الحين افهم شويه في الخيل وتربيته سيف : ما شاء الله ما شاء الله انا اقول حمد وحميد على منوه طالعين ثرهم عليك بو خالد : هههههه الله يخليك ويبجييك سيف : كم خيل عندكم ؟ بو خالد : هذيل خمسه واليوم مولودين توام سيف : الله يزيد ويبارج بو خالد : تسلم الغالي سيف حس بحركه غير طبيعيه في اسطبل الخيل اللي واقفين عدالها بو خالد : تعال براويك التوام .. اطالعهن وشوف صحتهن ما دامك خبير وعارف في هالامور بو خالد مشى وحمد وحميد ركضوا قبله وسيف شاف انه حبال جوتيه متبطله نزل تحت ويلس يعدلهن سيف سمع الحشيش يتحرك وحب يشوف شو سالفة الحشيش سار يوايق وتفاجأ بعوشه يالسه فوق وحاطه ايدها على ويهها وتطالعه من صوبعها سيف تفاجأ يوم شاف عوشه يالسه وتطالعه من بين صبوعها سيف بلا شعور : شو تسوين هنه عن الحشيش والخياس ؟ ؟ عوشه وهي تنزل ايدها وحست انها بتصيح وكانت تبا تسأله انته اللي شو تسوي هنه عوشه حطت كتابها على ويها وتحس ويها محمر حمد من بعيد : سيييييييف تعال هني نحن سيف اتلعثم وما عرف شو يسوي تم يحج شعره من المستحى .. وسار يركض صوب حمد عوشه كانت تنتفض ومب عارفه شو تسوي جنها اول مره تشوف سيف نزلت من على الحشيش وريولها مب شالتنها .. تطالع الدرب .. وسيف كلحين يصد وراه ويطالع عوشه : الله يخسه من ايي هنه يسويلي رعب ما ادري شو فيني انتفض مشت عوشه وسارت صوب الحصير وشربت ماي ولبست عباتها .. واتصلت في فطيم فطيم : نعم توني شايفتنج عوشه : فطيم والله بموت من الزيغه فطيم زاغت : شو السالفه عويش زيغتيني عوشه : تخيلي منو توه يا هنه فطيم : منووه ؟ عوشه : منوه بعد غيره فطيم : سيف ؟ عوشه : هيه والله خلاني انتفض بكبري فطيم : ليييييييييش شو السالفه عوشه : انا كنت يالسه فوق الحشيش صوب ابويه عند الخيول ويا هووه ويا قوم حمد وجنه سمعني يوم اتحرك انا شفته قبل ما يدش تخيلي شو سويت ؟؟ فطيم : ليكون فريتييه بشيول ؟ عوشه : لالالالالالا فطوم خليني اكمل فطيم : كملي كملي عوشه : حطيت ايدي ع ويهي ويالست اطالعه من بين صبوعي فطيم هلكت من الضحك : هههههههههههههههههههههههههههه والله انج يا عويش حركات عوشه : شدراني انا هالشي سويته لا إرادي فطيم : هههههههههههه ذكرتيني بحمني فديته يوم يندس يغطي ويهه عوشه : انتي وين وانا وين فطيم : انزين ما قالج شي ؟ عوشه : امبلا هذا ما يعرف ايود لسانه فطيم : شو قال ؟ عوشه : قالي شو تسوين هنه عن الحشييش والخياس ؟؟ فطيم : ههههههههههههههههههههههههههه والله العظيم انج فظيحه يا عويش صدقه شو تسوين هناك عند الحشيش والخياس شو قلتيله دخيلج بسرعه قوليلي عوشه : شو سويت بعد كان عندي كتاب وحطيته على ويهي من المستحى فطيم : اول مره ما تهزبينه عوشه : والله انه لساني ارتبط وقبظتني انفضه فطيم : شو هالمصاخه افلامج كلها ما فيها اثاره ومغامرات عوشه : جب لاه اسكتي يا ام المغامرات انتي فطيم : والحين وينوه ؟ عوشه : بعده ويا ابويه فطيم : دخيييييلج عويش والله جاني غاليه عندج سيري صوبه سوي عمرج ما تعرفين انه موجود عوشه : فطيم شو هالكلام فطيم : عويش لا تستوين مطوعه عاد خلينا نسوي شويه مغامرات عوشه : تهبين لو على قص ارقبتي فطيم : خييبه بسم الله انتي محد يقولج شي اخاف يوم واحد تيرين السجين على رقبتج وتذبحين عمرج عوشه : اميه بسم الله عليه فطيم : عيل اقولج اتزهبي حق المغامرات تقوليلي لو على قص ارقبتي عوشه : لاني ما اتعودت على هالسوالف فطيم : خلاص خلاص انتي ما منج فايده عوشه : صخي صخي هاذم يو فطيم تزعق : وانتي الحين شو تسوين ؟ عوشه : شو اسوي باركه على الحصير ويالسه فطيم : يا الغبيه ودييه فنيان قهوه صدق يوم قال انج ما تعرفين في الاصول عوشه : لا تعصبين بي خله يولي هذا شكله لعاب عيل ليش كل يوم ويا صوبنا ؟ فطيم : اسمع انتوا لعاب جان لعب على خوانج الصغار عوشه : لاعب بمخهم هو الحين اونه يعلمهم يركبون الخيل فطيم : والحين شو يسون عوشه : ع الخيول فطيم : والله انج بارده عوشه : شو تبيني اسوي مثلا ؟ فطيم : قومي صورييه بتيلفونج دخيلج بتمنظر فيه عوشه : فطيم ان ما صخيتي عن هالسوالف تراني بخبر سلوم فطيم : يالله ما ترضى عليه عوشه : افففففففف من هالبنت والله انها وذا فطيم : انزين انزين بو خالد : عوشه يا عوشه تعالي عوشه : فطيم ابويه يزقرنييه بسير فطيم : عاااشوا بدت المغامره والله لتتصلين لي اول ما يستوي لج شي عوشه : انزين يالله الحين ببند فطيم : يالله بو خالد : عوشه عوشه : لبيييه ابويه بو خالد : سويلنا قهوه ... القهوه المساعيه بارده عوشه : ان شاء الله بو خالد : سيف خلهم ابويه ينحدرون بسهم حمد : شو بعدنا ما خلصنا بو خالد : انزين انزين سيف وهو فوق الخيل لمح عوشه تقلى القهوه سيف تم يطالعها ..ومعجب فيها وهو يمشي .. وبعدين صد عليها وحصلها تدقها .. سيف يا ويل حالي تعرف تسوي قهوه ......... قهوه عدله بعد بو خالد : تعالوا هالينب بتطمش عليكم سيف : هههههههه تعالوا يالله شباب سيف كان اول واحد فيهم وبعده حمد وحميد حمد : انا خلوني الاول سيف : انا الاول ومحد ياخذ مكاني حميد : انا خلوني الاخير ولا اطيح واتكسر عوشه يلست تطالعهم وتطالع سيف والدله تفور محطيه ايدها على خدها وتضحك عليهم .. عوشه : شكله خيال ويعرف سوالف الخيل .. ما شاء الله عليه عن احسده كيف ظاهر .. لكنه بعده طايح من عيني صراق البيبات شويه وتسمع الدله عوشه : افففففففففف وايد فارت .. خلتها ثواني وحطت فيها الهال وسوالف القهوه وصبتها في الدله .. عوشه نشت : الحين شو اسوي وين بيتقهويون ؟ بو خالد : ما ازهبت القهوه يا عوشه عوشه : امبلا ابويه هذيه في ايدي بو خالد : هاتيها جدايه عوشه : ان شاء الله عوشه تحاول ما تشوف سيف وصلت الدله عند ابوها ويابت اربع فناين بو خالد : شباب تعالوا تقهويوا انزلوا عن الخيول ويلسوا عند بو خالد عوشه كانت يالسه الصوب الثاني وكلحين توايق وتشوفهم يوم يسولفوون عوشه : شو يقولوون تراني محتره سارت وتقربت شويه منهم بو خالد تم يالس جيه وساكت وحمد وحميد يتكلمون ويا سيف : يا حمد قم صب م الدله حروف .. قم بنسقي ضيفنا منها الجزال .. صب فنيالك وانا اعد الوصوف .. فيه بو هناد خيال الرجاال .. شهم ما قد شفت ولا اني بشوف .. من شموخه ومنه طيبٍ في الخصال سيف استااااااااانس : الله الله علييك يا الشاعر صح لسانك بو خالد : صح بدنك سيف تم يفكر في ابيات يرد فيها على بو خالد حمد : انا اكتب بس بعدني ما وصلت لك يا الوالد بو خالد : ههههه عقبال ما توصل سيف : يقول الشاعر بو خالد : يقول سيف : صح منطوقك يا بو خالد ألوف .. وارضف المليون فوقه بكل حال لن أبياتك تعديها الوصوف .. وتمتثل فيها القهاوي والدلال بو خالد استااانس من الخاطر يوم سمع ابيات سيف بو خالد : الله الله صح لسانك والله انها بياض ويه سيف : لاهنت الغالي لا هنت بو خالد : ما شاء الله عليك شاعر سيف : ههه مب شاعر الا شويعر بو خالد : لا لا شاعر ووزنك ذهب سيف ما عليك زوود كاان صوت سيف عالي كفايه لجل تسمعه عوشه عوشه كاانت تموت في شي اسمه شعر .. وما خالت شريط شاعر في الامارات ما احتفضت بشعره كانت تحب تسمع شعر بس في حياتها ما جربت تكتب .. : أبياااااااته كششششخه صراق البيبات.. وياريتني حذاهم عشان اسجله الشمس غابت وسيف وحمد وحميد وبو خالد يالسين يسولوفن وعوشه ياها الرقاد حطت ايدها على الدري وطاحت ورقدت بعباتها على الدري . سيف الحين تذكر انه عوشه من سوتلهم القهوه ما بينت : تم يتصدد ويطالع يمكن يشوفها . سيف : يالله استسمح منكم ...... ربعي كلهم روحوا وانا تام روحي اليوم برقد في البيت وباجر اذا الله راد بيب الاهل ايلسون هنه في المزرعه بو خالد : هيه ما شاء الله .. الله يوفقكم ياربي سيف : جميع يالله عيل فمان الله بو خالد : فمان الله حمد وصل سيف لين الباب وساار صوب المزرعه عشان ياخذ موتره ويروح .. حس هالوقت اللي قزره ويا بو خالد وعياله وشوفه عوشه تسواي الف يلسه من يلسات ربعه سيف : يا سلام الله على خلي .. اشهد انه كان متواضع . صح انه دايم يزلي .. والخشم هو دايما رافع غير انه اليوم هو شلي .. قلبي وسوى فرق شاسع تذكر يومه يقول انه عوشه شكلها بطرانه وعليها العز غلاب .. سيف : انا اكيد مخطي بكلامي .. وقهوتها اليوم ومستحاها خير شاهد .. ----------------------------------------------------------------------يتبع 3 عنادك يزيد من عزيمتي ونظراتك الغاظبه اجدها متعه لي .. هذه انتي كما انتي .. لا تزيدي .. ولا تنقصي .. ارجو ان تظلي على ما انتي عليه ... أخفي الحياء لي انا وحدي .. واستمري بوجك الغاضب لجميع الماره .. أسألك هل تلك النظره التي نظرتي بها من خلف اصابك التي تشبه اعواد ا الخيزران هي مقصوده ام هي نابعه من خجل هز جدران قلبك .. سأبحث عنكِ واعرف ما بداخلك .. |
الجزء الثالث يا غناتي فيك عيني برقت .. وشفت معنى الحب في طور جميل انته ذوقي وانته حايز كل فن .. وانته محبوبي وانا عنك دخيل في صباح اليوم الثاني ... حمد : سميته مكحول عوشه : يالله حمد : هيه نفس اسم خيل سيف عوشه عيبها الاسم : وليش تسميه نفسه ؟ حمد : بس لانه سيف يعيبني وسميت خيلي على خيله عوشه : زين والله وشو عيبك فيك حمد : كل شي عوشه : لا والله ما احيدك بنيه حمدانوه حمد عصب : شو هالرمسه ما تستحين عوشه : ما ادري عنك حمد : انا تعيبني رمسته أخلاقه انسان طيب .. هذا اللي فيه عوشه : هييه ما احيده........ احيده قليل ادب وما يستحي حمد عصب: انتي قليلة ادب عوشه : تهبي انته وياه حمد : بخبره عوشه : خبره عاد انا اللي زايغه منه حمد : شيخج هذا عوشه : شاخت اريوله وما قام حمد قام وضرب عوشه : يعلج تتفاولين عليه تبينه يموت عوشه حست بقشعريره : بسم الله خسك الله لا تتفاول على الريال انا ما قلت جيه حمد : عيل ليش تقولين شاخت ريوله وما قام عوشه : انته محد يرمس وياك الحين بتحملني ذنب انا مالي خانه فيه .. حمد : احسن دوااج تمي فكري والله ان استوى على سيف شي برد عليج عوشه : حمدانوه ويهد تراني بصيح حمد يزاعق: احسن صيحي والله لو استوى لسيف شي برد عليج والله دشت ام خالد : شو عندكم انتوا عوشه بدت تصيح : انا ما يخصني هذا حمد ام خالد : شو مسوي بأختك حمد : تعالي طالعيها تتفاول على الريال تقول شاخت اريوله وما قام ام خالد : عوذ بالله تدعي على منوه ؟ حمد : على سيف ام خالد : وشدخل سيف امبينكم ؟ حمد : اسأليها .. برد علييج والله برد علييج ويطلع حمد من البيت معصب ام خالد : شو عندكم شو بيرد عليج ؟ عوشه وهي تصيح : ياربي الحين بيلعبي الوسواس من قلتله شاخت ريوله قالي الحين لو يستوي على سيف شي بيرد عليه .. ام خالد : وانتي شو تبين بالريال تدعين عليه عوشه وهي تزعق : ما ادانيه ام خالد : شو مسوبج عوشه : ما سوابي شي بس ما ادانييه بطران وبزيان وشايف عمره وايد ويبا ياخذ مني حمد وحميد . ام خالد : حشى والحشى عن الف يمين لا فيه بزى ولا فيه بطره .. ولا شايف عمره ولا شيات وحمد وحميد خوانج وانتي مربتنهم مستحيل ياخذهم عنج تعلقوا فيه لانه طيب وينحب بسرعه عوشه : هذا انتي تجوفينه جذه ام خالد : انزين انتي مالج حايه فيه لا تين صوبه عوشه : ان شاء الله ام خالد : يالله عن هاي البطره انتي وسيري شلي الكشار ابوج يبا يسير صوب المزرعه عوشه : المزرعه والمزرعه .. بيعوا بيتكم وايلسوا فيها ام خالد : ناوين على هالسالفه من زماان لا تحاتين عوشه : شووووووووو ام خالد : هههههههههه يالله انقفضي اقص عليج مشت عوشه وهي تمش الدموع -------------------------------------------------------------------------------------- سيف : يالله عاد والله تراني بسير وبخلي الدريول ايبكم شيخه : تهبي بفجر موترك سيف : خيبه ارهابيه شيخه : هي ما خبروك .. ؟ سيف : بس عن هالمصاخه وسيري شلي الكشار ويا خواتج وعن هالبزا شيخه : انا شوااخ اشل الكشار .. هذا آخر شي اسوييه سيف : استغفر الله لا تخليني اعصب شيخه : يالله انزين سيف يزاعق : يالله قومي نشي انا آمر عليج شيخه تطالع سيف من طرف عينها : انزين لا تزاعق سيف : بنات ما ايين الا بالعين الحمرا -------------------------------------------------------------------------------------- عوشه وهم في الدرب عوشه : فطوم تعالي صوب المزرعه تراني ملانه فطيم : هاه الحين حسيتي بجيمتي عوشه تصاصرها : فدييت فطووم انا مرت اخويه فطيم : هههههههههههههه مالت عليج عوشه : خبرووج وولا بعدهم فطيم : خبروني عوشه : وشو ردج فطيم : ردي معروف من زمان بس انا قلتلهم برد عليكم باجر اوني بفكر عوشه : آخ منج يا السوسه والله ما تنرامين فطيم : حبيبتي انا فطوم بنت بو سعيد تعرفينه بو سعيد اللي ما ينغلب عوشه : لا تحسدين خالي بالرضاعه ملح وشب وعود في عين الحسود فطيم : الله يخسج تبيني استوي عميا عقب يتزوج عليه سلوم عوشه : هههههههههههه هوه جذه ولا جذه بيتزوج عليج لانج وذا فطيم : والله ان قلتي هالكلام مره ثانيه بخبر عليج سلوم عوشه : لا حول كفايه عليه اليوم الصياح فطيم : صياح شوه عوشه : ما اقدر اقولج الحين يوم بتين المزرعه فطيم : الحين يايتنج طيران . عوشه : يالله اترياج فطيم : باااي ----------------------------------------------------------------------------------------- شيخه : ما خبرتوني سيف : انا مخبر مريم وسلمى بس انتي روحج النهار كله في الحجره وين بتسمعين اخبار الناس شيخه : جني سامعه هالاسم مكان بس وين ما ادري ؟ سيف اشتط : وين وين شيخه : يمكن كانت وحده من بناتهم ويانا في الكليه ولا المدرسه سيف : اونه زين والله يعني تعرفينها . شيخه : ما ادري يمكن بس ما اتذكر شو اسم البنيه سيف : عوشه شيخه فتحت عينها : شدراك ؟ سيف اتلعثم : اخوانها الصغار النهار كله عندي وين ما تبيني اعرف اسمها شيخه : هيييه واخوانها شو يسون عندك ؟؟؟ هااه سيف : اعلمهم على الخيل شيخه : اونه زين والله صغار صغار ولا كبار ؟ سيف : يعني مب متوسطين عيال ثنعشر سنه شيخه : حليلهم سيف : لو قايلتلهم حليلهم بيعصبون عليج شيخه : ليش ؟ سيف : ما شاء الله عليهم لو تشوفينهم صدق ريايل شيخه : ما شاء الله خاطري اشوفهم سيف : ههههههه عادي تحصلينهم يايين عقب دقايق شيخه : ليش وين تعلمهم هنيه ؟ سيف : هيه والبارحه علمتهم في مزرعتهم شيخه : احلف انته ما تستحي عندهم بنات سيف : وين ما شفت حد ويبتسم شيخه : والله يا سيفوه ما يندرابك سيف : هههههههههههههههههههههههههههههه شيخه : والله ضحكتك ماتبشر بخير سيف : فال الله ولا فالج شيخه : عيل خبرني شو فيك ؟؟ جايف حد من بناتهم ؟ سيف متلوم وساكت ويطالع بعيد شيخه : خبرني لا تخليني جيه ضايعه شو السالفه ؟ سيف : ما شي سوالفه اف منج شيخه : سواف تدري انك اقرب واحد مني خبرني والله سرك في بير .. سيف : يا خي بلاج انتي حرام احتفظ بأسراري في قلبي روحي ؟ شيخه : اسرارك هي اسراري سواف حرام سواف سيف : لا والله منو قال شيخه : يعني في شي وداسنه عني يا الحمار ؟ سيف : لا تقولين حمار شيخه : الحين عرفت ليش تعرف اسمها سيف : لا تحطين في ذمتج يا شيخوه تراني بعصب .. البنيه مالها خص انا صدفه عرفت اسمها شيخه : انزين كيف ؟ سيف : لا إله الا الله شيخه : ولا ترى عقلي بيفسر الاشياء على هواه سيف عصب : شو قصدج انتي ابا اعرف شيخه : ولا شي سيف : تظنين في اخوج .. ليش انا مضيع الحيا شيخه : يعني مااااااااا ؟ سيف عصب : شيخه شيخه : انا ما قلت شي سيف معصب : والله ان قلتي هالرمسه مره ثانيه بظربج ويسير عنها شيخه تروعت من اخوها .. انا شو قلت اف مني ( يمكن ذكرته بفاطمه الله يغربل طاريها ) سيف سار ويلس صوب امه وخواته مريم : يالله انتوا شو من البشر جيه مخيسين البقعه تعبت وانا انظف سيف : هذا البشكار الله يخسه ما نظف البارحه يوم ظهروا الشباب مريم : والله اتحرى يايبين متوه مقرضه هالحب كله سيف : هههههه هذا فارس وميود مريم : ما يستحون سيف : هي والله تعبوج مريم : لا الغالي ما عندي مونه بخمه سيف يزقر اخته الثانيه : سلمى تعالي نظفي ويا اختج سلمي : ان شاء الله سيف يا ويلس عدال امه : امايه شو ناويه تطبخين اليوم لنا ام سيف : اللي تبونه سيف : انا اباج تطبخين شي طيب وتزيدين في الجيله لاني بودي شي منه صوب مزرعة يرانا ام سيف : ام محمد هنه ؟ سيف : لا امايه ترى بو محمد عطى مزرعته هديه لربيعه والحين هم كل يوم ايون صوبها يرتبونها ام سيف : هيه ما شاء الله .. عيل واجب علينا نكرمهم سيف : افا عليج ولدج اكرمهم اول ما يو .. والبارحه طرشوا لنا غدى ------------------------------------------------------------------------------------ عوشه : ما تسيرون يعني ما تسيرووووووون حمد : هذي شو يخصها ابا افهم ؟ ام خالد : خليهم يسيرون انتي شو غايضنج ؟ عوشه تزاعق : ما اباهم يسيرون هنااك يا اميه ام خالد : سيروا ما عليكم منها سيروا حمد وحميد ساروا يمشون وركضت عوشه ووقفت جدامهم حمد عصب : والله اني بظربج عوشه : يالله انزين جانك ريال حمد عصب وبسرعه شل حصاه من صوبه كانت شويه كبيره .. وفرها على عوشه وصابتها في راسها .. عوشه صرخت صرخه المكان كله اشتل من صوتها ... حمد يوم شاف عوشه طاحت والدم ظهر منها شرد برع وركض ام خالد تزاعق : وابيه شو استوى على بنتيه حميد ينتفض ومب عارف شو يسوي .. في الوقت اللي صرخت فيه عوشه سمعها سيف وام سيف وسلمى ومريم لانهم كانوا يالسين على الحصير برع .. سيف شهق يوم سمع الصرخه مريم وسلمى وام سيف زاغوا مريم : بسم الله منو صرخ جيه سيف فز وفي خاطره قال هذي عوشه و بدون احساس سار يركض بحيل ما عنده صوب مزرعة قوم عوشه .. مريم كانت بعد زايغه وركضت وراه وسلمى كذلك كانوا بس لابسين شيل بيضا سيف وصل وحصل حمد يالس عند الموتر ويصيح سيف مات من الزيغه وسار صوبه وهو يزعق : حمد شو فيك حمد خبرني حمد يصييح : انا ظربتها ظربت عوشه بحصاه سيف وهو يزعق : وشو صار عليها ؟ حمد : طاحت وفي ويها وايد دم مريم وسلمى دخلوا داخل المزرعه لانهم سمعوا ام خالد تصارخ وعوشه مغمى عليها سيف مب عارف شو يسوي .. زخ حمد من كندورته وهو معصب : ليش ظربتها ؟ حمد وهو يصييح : لانها كانت ما تباني أيي صوبكم سيف يزاعق : لييش ابا اعرف ليش؟ حمد : ما ادري وهو يصيح سلمى : شو فيكم شو صاير عليكم ام خالد وهي تصيح : بنتي ماتت بنتي بتمووت ألحقوا عليه مريم ركضت وهي متروعه وحطت ايدها على نبض عوشه وشافته النبض ينبض مريم وبخوف: امايه هي بس مغمى عليها لا تصيحين فديتج .. ام خالد : شو اسوي دخيلكم ودوني الدختر ابوها محد وتصيح مريم وبسرعه : ان شاء الله ان شاء الله بس انتي لا تصيحين الحين بنوديج ركضت مريم بسرعه صوب الباب وسحبت سيف وبسرعه : سيف دخيلك البنت بتموت وايد نازفه تعال بنوديها الدختر سيف منصدم : الحين بييب السياره ويركض ايبها ومريم وراه بتاخذ عباتها سلمى ميته من الصياح كانت تشوف ام خالد تصيح وتشوف عوشه طايحه على الارض عوشه فتحت عينها بصعوبه وسمعت امها تصرخ عوشه كانت تتألم وتحط ايدها على راسها : آآآي راسي وأغمى عليها مره ثانيه من النزيف شويه ودخل سيف بالموتر لين داخل .. وشاف عوشه طايحه على الارض وام خالد تصيح عدالها سيف حس الدنيا تدور فيه .. نزل بسرعه وفتح البيبان .. كان شي يقوله في خاطرها شلها وحطها في الموتر وطير بها لين الدختر .......لكن .. كان وايد منصدم يشوف عوشه طايحه وشعرها مفتوح وسابحه بالدم .. تم يرتجف ومنصدم والموقف خانق قلبه ام خالد حطت عبتها على بنتها .. وشلتها هي وسلمى ومريم حطوها ورى وام خالد يلست حذالها ومريم جدام سيف كان وايد متأثر وكان يسرع ويجاوز بجنوون .. ليين وصل صوب المسشفى ----------------------------------------------------------------- سلمى تمت يالسه عند حميد كان وايد يصييح من الروعه اللي صابته .. يابتله ماي وزخته من ايده وسارت به لين صوب الباب وشافت بعد حمد يصيح هناك استغربت وعقب ردت لها الحاسيه انهم توأم شلتهم وخذتهم صوب مزرعتهم فطيم يت ويا ام سعيد في تكسي لانه بو سعيد محد في الدوام .. فطيم استغربت : بلاه الباب مشرّع جيه ؟ ام سعيد : ما ادريبه .. ونزلوا فطيم : دشت ومشت شو السالفه ما اشوف حد ام سعيد : ابدهم روحوا فطيم : توني قبل ما ايي متصله في عويش وين ساروا عنبووه فطيم شهقت وحطت ايدها على ويها : دم ؟ ام سعيد : وابيه دم شو هذا فطيم جاستها انفضه ام سعيد : شو السالفه سو مستوي عليهم فطيم : ما ادري بتصل في سالم ---------------------------------------------------------------------------------------- الدكتور : عملنالها خياطه وهيه اصلا تعرضت لنزيف قوي ودي الوأتي بننقل لها دم سيف : لا حول ولا قوه الا بالله الدكتور : ربينا يعافيا وسار الدكتور .. سيف : دكتور دكتور .. امها وايد تعبانه تبا تدش صوبها الدكتور : بس امها سيف : ان شاء الله الدكتور : على فكره انته بتصير اخوها ولا ايه ؟ سيف : انته متفيج الحين الدكتور استغرب وسار عن سيف . دشت ام خالد صوب عوشه وتمت تصيح عدالها مريم : قلبي عورني على امها سيف متضايق: هي والله الله يعافيها مريم : حليلها لولاك جان الحين نازفه لين الموت سيف رد بسرعه : لا تقولين جييه يا مريم مريم : استغفر الله بس الحمد لله انه نحن كنا هناك موجوديين .. اخوها شراني سيف : لا والله ما ادري شو صار عليه وضربها مريم : شدراك سيف : انا كل يوم اعلمهم على الخيل وعارف اطباعهم بس حمد شويه عصبي مريم : حشى فلعها بحصاه خلاها جيه .. شكبره هالحصاه ؟ سيف : الله يهديه .. هيه بعد شكلها شرانييه مريم : ليش ؟ سيف : حمد كان يقول ما تباهم ايون صوبنا مريم : وشعنه ؟ سيف : لانها هي دوم وياهم ودوم تقولهم هذا صح وهذا غلط مريم : صدقها تخاف على خوانها .. حتى لو هم الحين في سن المراهقه ويبون يسون كل شي يمكن تخافكم تعلمونهم شي هم ما يحبونه ولا هم ما يرضون عليه سيف : وهي شو تتحرانا ؟ مريم : تتحراكم ولا ما تتحراكم .. خونها صغار ولازم تخاف عليهم ولا تنسى انك أكبر عنهم يمكن عندك ربع يدوخون يشوفونهم ويتعلمون .. هالشي .. تراهم مراهقين افهم يا سيف عاد سيف تم يفكر ويقول صدقها مريم : يعني لا تحط في ذمتك يا سيف .. هي عندها حق سيف : صدقتي مريم : قلبي يقول انها انسانه طيبه وتحب الخير بس انته فهمتها غلط سيف : انا فاهمنها غلط ؟ مريم : هيه سيف تم يطالع بعيد : مستحيل يا مريم مستحيل افهمها غلط ----------------------------------------------------------------------- حمد بعده كان يصيح وحميد كان يالس عداله ويصيح بعد سلمى : ياربي قطعوا قلبي ام سيف : الحين منوه منهم اللي ضاربنها ؟ سلمى : روحي اخربط من بينهم شيخه : ما شاء الله عليهم وايد يتشابهون سلمى : هيه حمد نش ويمش دموعه ام سيف : وين ساير فديتك ايلس حبيبي ايلس لين يخبرونا عن اختك حمد مستغبن : انا بسير اتصل في سيف شيخه : لا حبيبي انا بتصل فيه انته هدي بالك حمد : لا انا بتصل فيه عشان اشوف شو صار على عوشه شيخه : ياربييه قطع قلبي حمد : بسير مزرعتنا انا يمكن اشوف ابويه سلمى : ايلس الحين بنتصل في سيف وبنشوف اخبار اختك حمد : عطيني اكلمه سلمى : ان شاء الله ------------------------------------------------------------------------------------- |
------------------------------------------------------------------------------------- مريم طلعت من عند عوشه سيف متضايق : هاه شخبارها ؟ مريم : الحين راقده سيف : يعني بخير مريم : الحمد لله حليلها غمضتني امها قالتلي خلوا صغاريه عندنا لين ايي ابوهم .. وقالت ما فيها تروعه عن ايي بسرعه من صوب دبي سيف : هيه حليله روحه فيه السكر وياخذ ابر مريم : الله يعافييه ياربييه سيف : آمين شويه وصاح تيلفون سيف متصله شيخه سيف : هلا شيخه شيخه : هاه شحالكم سيف : بخير شيخه : وشحالها البنيه ؟ سيف : الحمد لله الحين راقده خاطوا راسها والحين ينقلون لها دم شيخه شهقت : حليلها حمد : شو مستوي ؟ شيخه : سيف الولد الصغيرون يبا يرمسك سيف : عطيني اياه حمد متروع خذ التيلفون وتم ساكت سيف معصب من حمد وبصوت خشن : آلو حمد بصوت واطي : ألوه سيف : حمد ؟ حمد : سيف شو استوى على عوشه ؟ سيف معصب : انته اللي شو سويت فيها حمد : والله ما كان قصدي سيف يزاعق: انته شيطان يا حمد وانا ما بسامحك حمد : والله ما بسوي جيه مره ثانيه والله سيف: الحين لو كسرت راسها حمد : هي بعد كانت تدعي عليك واستحى وسكت سيف تفاجا ! : تدعي عليه انا ؟ حمد ساكت سيف : شو قالت ؟ حمد : ما شي سيف: حمد لازم تخبرني شو قايله حمد : لا الله يخليك ما بقولك اخاف تهزبني سيف: لا قول ما بقول لحد حمد : قالت يعلك ما تقوم ؟ سيف شهق وتم ساكت حمد : ردت الدعوه عليها سيف يزعق : لا تقول هالكلام حمد يته الغبنه : سيف تعال ودني صوبهم سيف يزعق: تم في المزرعه ولا تتحرك وان شفتك مسوي شي انا بظربك حمد صاح : انزين سيف : يالله ويبند في ويهه حمد عطى التيلفون شيخه وهو يصييح وغمضها .. ام سيف ما تحب تشوف حد من اليهال يصيح : فدييتك الغالي تعال ابويه وتنش وتحظنه .. وصاح حميد .. سلمى : ياربي كيف يصيحون .. ام سيف : تعال الغالي تعال وحظنتهم وتموا يصيحون .. سلمى : سبحان الله اذا صاح هذا يصيح الثاني .. ام سيف : ليش حبيبي سويت جيه في اختك حمد يهز راسه وما يبا يرمس ام سيف : خلاص خلاص غناتي لا ترمس .. حمد : ابا ماي ام سيف : سلامي قومي هاتي حقه ماي سلمى : ان شاء الله شيخه : وين ابوك ما خبرتوه حمد : ابويه محد سار ويا عمي بو محمد دبي وامي قالت لا تخبرونه شيخه : انزين ما عندك خوان ؟ حمد : امبلا . شيخه : انزين يود اتصل فيهم حمد : واحد في بوظبي واحد يشتغل شيخه : انزين اتصل به حمد : بيب تيلفوني شيخه : مب تسير بعيد وما ترد حمد : لا برد شيخه : اسير وياك ؟ حمد : لا بسير روحي حميد تم يالس وام سيف ترمسه وحمد طلع عشان ايب تيلفونه يوم دخل شاف سيارة سالم واقفه وام سعيد وفطيم بيركبون سار يركض صوبهم وسالم شاافه في المنظره سالم نزل متروع : شوووو مستوي شو السالفه ؟ حمد زااايغ سالم يضربه واقف وساكت فطيم نزلت : حمود شو مستوي دم منوه هذا ؟ حمد : عوشه في المستشفى فطيم ضربتها انفضه : شو بلاها عوشه ؟ سالم : شو بلاها عوشه خبرني ؟ حمد رد على ورى : انا فلعتها بحصاه كبيره سالم وفطيم منصدمين وام سعيد في الموتر بعد كذلك سالم عصب: لييييييش ويسير صوبه وايوده من كندروته حمد صاح : ما تباني اسير صوب مزرعة سيف سالم صفع حمد طراق وهو معصب : وتقوم تظربها بحصاه سالم معصب : ومنو وداهم المستشفى حمد وهو مستغبن : سيف سالم وفطيم منصدمين سالم فر اخوه تحت وشغل موتره وركبت فطيم وياه .. حمد رد صوب المزرعه ام سيف : هاه دقيتله حمد يهز راسه بلا وهو زعلان ام سيف : وشعنه حمد : كان موجود هناك ام سيف شافت خد حمد محمر : وضربك حمد يهز راسه بهيه ام سيف : لا حول ولا قوة الا بالله " الله يهدييه --------------------------------------------------------------------------------------- عوشه فاتحه عيونها وتطالع امها يوم تقرى عليها ومريم واقفه ورى امها وغامضتنها مريم تقول في خاطرها : ما شاء الله عليها ويها سمح ... يالله الحين ويها كله خياطه من اليرح لا حول ولا قوة الا بالله عوشه صدت على مريم : ومستغربه منو هذي اللي دشت ويالسه تطالعها عوشه : امايه ابا ماي ام خالد : ان شاء الله غناتي ان شاء الله عوشه نشت : آآخ راسي يعورني ام خالد : يودي فديتج مريم تبتسم لعوشه مريم : هاه شحالج الحين الغاليه ؟ عوشه : الحمد لله بخير .. مريم : اكيد مستغربه مني صح عوشه تهز راسها مريم : انا بنت يرانكم مريم اللي في المزرعه عدالكم عوشه استغربة وتمت تتفكر وتبا تعرف شو السالفه مريم : يالله مدام اتطمنت عليج انا الحين بخليج ترتاحين وبسير عنج عوشه : وين الغاليه مريم : ان شاء الله بيي في وقت ثاني عوشه : الله يخليج مريم : يالله فداعه الله ام خالد : وين سيف امايه بكلمه عوشه اتفاجأة سيف ؟ شو يسوي في المستشفى وام خالد شو تبا به مريم : سيف برع واقف عند الباب ام خالد : قوليله خالتك تبا ترمسك فديتج مريم : ان شاء الله طلعت مريم ووقفت ام خالد بتظهر وراها عوشه وعلامات التعجب في وييها : وين سايره ؟ ام خالد : بيي بيي ارقدي انتي طلعت ام خالد وسارت صوب سيف ومريم سيف كان واقف على ريله طول الوقت .. ويا صوب ام خالد سيف : مرحبا ام خالد الحمد لله على سلامتها ام خالد : الله يسلمك يا الغالي سيف : عوقها في العدو ياربي ام خالد : آمين وعدوك يارب متلومه فيك وما اعرف شقايل اشكرك سيف : لا تشكريني ولا تتلومين يا امايه انا ولدكم ام خالد يتها الغبنه : لولاك لماتت سيف نغزه قلبه : يومي قبل يومكم يا امايه ام خالد : بسم الله عليك سيف : الحمد لله يوم يت على شي بسيط ولا انه استوى شي ثاني ام خالد تتذكر الموقف : الله يهداها تعصب عليهم على ادنات شي سيف صد الصوب الثاني محطي في خاطره ليش كانت ما تباهم ايون صوبه ام خالد : اسمحلنا الغالي والله سيف قاطعها : لا تقولين شي يا امايه .. مب معتبرتني مثل واحد من عيالج ؟ ام خالد : الا غالي واغلى عنهم سيف : لا لا لا اذا ما كنت شروات غلاتهم ما لي حايه ازيد عنهم عقب بيغارون وما بيكون لي عندكم محل ام خالد : افا عليك شرواهم وشراياهم مريم : وانا ؟ ام خالد : ههههههههه انتي غاليه بعد سيف : ياااالله يا مريووم تغاريين .. الحين عندي اميين ويو ام خالد : ههههههه سيف التفت يطالع باب غرفة عوشه ويسأل نفسه كيف الحين شكلها من عقب الخياطه وهل بيتم شكلها جيه ام خالد لاحظته يطاع باب الغرفه ام خالد مبتسمه : بخير لا تحاتي سيف استحى من الخاااااطر وويه احمر سيف اتلعثم ما عرف شو يقول مريم استحت بعد : يالله امايه نحن نخليكم وان شاء الله بنيكم ما بنقطعكم .. وبنيب امايه وخواتي ام خالد : الله يحفظكم تعبتكم ويايه مريم : تعبكم راحه الغاليه سيف بعده ويهه احمر : امايه اتصلتي لحد من عيالج ولا حق عمي راشد ام خالد : يااالله اني نسيت سيف : تبين تيلفوني بتصلين ام خالد : بتصل في ولدي سالم بو خالد ما اقدر اخبره سيف : ان شاء الله عطاها التيلفون واتصلت بولدها --------------------------------------------------------------------------------------------------- مر الوقت واستوت الساعه 12 بالضبط ويا بو خالد صوب المزرعه عشان يتغدى ويا مرته وعياله .. دش المزرعه وما شاف حد كان هندي خاطف من البيداريه اللي في المزرعه بو خالد مستغرب وصد صوب الهندي : وينهم ؟ الهندي خبر بو خالد السالفه كلها وصد شاف عياله يايين صوبه وحرمه يايه وياهم بو خالد انهد على حمد وكان ياي بيضربه شيخه : وغلاتهم عندك ما تضربه بو خالد معصب : خليني اضربه شيخه : شو بيفيد الضرب الحين عوشه في المستشفى وهي بخير بو خالد وقف مكانه وحمد ورى شيخه واقف ومتضايق ويبا يصيح بو خالد كان راسه يعوره ويحس بدوار : وهم في أي مستشفى ---------------------------------------------------------------------------------------------- سالم يطالع اخته وهي مبتسمه سالم : هيه صفعته طراق ام خالد : يستاهل ملعون الصير عوشه : ليش تضربه ؟ سالم : ضاربنج وتدافعين عنه ؟ عوشه : انا عصبت به عشان جيه ضربني سالم : حتى لو ..... يعني اذا عصب من أي حد بيضرب اللي جدامه عوشه : الله ايهديهم سالم : آمين فطيم تامه ساكته وطالع عوشه عوشه ابتسمت لفطيم عوشه : فطيم بلاج ساكته فطيم : فيني غبنه عوشه : ههههههه فديتج انا تعالي حذايه ام خالد : سالم انا ما خبرت ابوك تراني سالم : ولا انا ام خالد : اخافه يسير المزرعه وحد يخبره سالم : ان شاء الله ما يسير بو خالد شويه ودش من الباب متفاجا ام خالد متفجاه بعد ..: بو خالد ..؟؟ بو خالد عينه على بنته : ليش ما خبرتوني .. ام خالد : نخااف على صحتك يالغالي بو خالد اتجدم صوب بنته .. وباسها فوق راسها : يعله فيني ولا فيج الغاليه عوشه : يعله في عدوينك بو خالد : كنت بظربه بس البنيه منعتني ام خالد : أي بنيه بو خالد : اخت سيف ام خالد : ياربي اسميني متلومه في هالناس لوم عوشه صدت : شو السالفه انا مب فاهمه شي ؟ ام خالد : اول ما ضربج حمد وطحتي ما عرفت شو اسوي .. يو يربعون يوم سمعوا الصريخ وسيف ولدهم ودانا المستشفى عوشه شهقت وبطلت عينها : سيف فطيم تهز راسه لعوشه وتغمز لها بو خالد : ونعم الرياييل والله هالريال ام خالد ما لقيت حد استنجد به .. كنت بتسلقي عندالج سالم : ههههههههه والله انكم مأساه ام خالد : بو خالد وين الصغاريه ؟ بو خالد : يايبنهم ويايه بس من نزلت ما ادري وين ساروا من كثر ما اركض ام خالد : وااابيه وين هديتهم ؟ بو خالد : ما ينخاف عليهم شياطين ام خالد : لا لا ينخاف عليهم بعدهم يهال سالم : انا بسير ادورهم طلع سالم وحصلهم واقفين عند الباب سالم : شو تسون هنه حميد يدز حمد : مب طايع يدش يخاف تضربونه سالم : ما بنظربك تعال داخل دخلهم .. حمد يطالع عوشه واللف على يبهتها .. حمد سار وسلم على اخته وهو يرتجف وهو زعلان : آسف ما كان قصدي عوشه مبتسمه وشلت ايده وباستها : لا تقول شي خلاص اللي صار صار حميد ويا حظن اخته : انا وايد صحت عشانج عوشه اتحريتج بتموتيين عوشه : ههههههه بو خالد : راسي يدور والله ام خالد : اكيد ما خذت الابره بو خالد : لا سالم : قم قم يالله بوديك البيت تاخذها بو خالد : اصبر ما شبعت من بنتي سالم : بتيها عقب هي اليوم ما بتضهر يالله بو خالد : يالله الغاليه فمان الله اخليج في حفظ الرحمن ام سعيد : ودوني وياكم انا وفطيم فطيم : لالالا انا ابا ايلس عند عوشه لين العصر ام سعيد : شاوري امها قبل ام خالد : ما اقدر اودر بنتي عوشه : يا اميه انا بخير وصحه الحمد لله الحين .. ام خالد : ما اوصيج على بنتي فطيم : بنتج في عيوني سالم : يالله نروح يالله طلعوا عنهم ويلست فطيم عدال عوشه فطيم مستانسه : الا منووووووووه قدج عوشه : في شوه فطيم : شو بعد في شووه تسوين عمرج ما تعرفين عوشه استحت وصدت الصوب الثاني : ما اعرف شو تقصدين فطيم : يالله عاد سيف بعد منووه سيف اللي تنقدينه واللي ما تدانينه يايبنج لييين المستشفى فقير عوشه مبتسمه فطيم : اكيد خاف عليج عوشه : تدرين اني كنت ما اعرف ولا ما بسير فطيم : سيريييي لالالالاه ما احيدج هالكثر وغده عوشه : انا مب وغده بس ما ادري شو يصيبني من اشوفه فطيم : تحبينه هاي يسمونها غيره عوشه : لا تقولين جيه بصفعج فطيم : الا صح والف في الميه فطيم : انتي غيرانه وبطرانه لا تتبطرين عليه زياده تراه ما بيسولج سالفه عقب عوشه : هذا طايش وانتي تعرفين الشباب فطيم : شوفي سالم اذا انتي مب فاهمه شو معنى الحب .. شوفيه كيف يغار عليه شوفيه كيف يستانس لشوفتي عوشه : انتي وسالم غير وانا غير ..............انا هذا ما اعرفه ولا يعرفني فطيم : وليش الحب يخلي حواجز بين الاثنين ؟ عوشه : لا تخليني ادخل في عالم انا ما لي طربه فيه فطيم : تفكير اهل الكهف احسن عن تفكيرج والله ما عندج سالفه عوشه ساكته فطيم : مستحيل الحين تلقينه ساكت ويفكر في شي ثاني غيرج عوشه تقول في خاطرها حرام انا وايد ضالمتنه فطيم : انتي حاطه في بالج انه الشباب كلهم لعابين وما يحترمون اللي يحبونهن يمكن هذا الشخص غير عن كل الشباب انسان طيب خلوق متواضع واذا حب يتمسك فطيم : يمكن انتي تتكلمين عنه بهالطريقه وتشوفينه جيه لانج ما تواصلتي وياه ولا عرفتيه عن جريب .. ولا تكلمتي وياه عن امور ثانيه غير الضرابه .. فطيم : حرام عليج لا تفطرين قلبه .. عوشه : شو تبيني اسوي له ؟ فطيم : لا تسوين شي بس مجرد ما تشوفينه اضحكي في ويهه استانسي لوجوده حسسيه انج انتي غير مب مثل ما يمكن هو يعتقد عصبيه وخقاقه وما تتشاهدين عوشه : يالله عاد انا ما فيني هالصفات كلها فطيم : تصرفاتج تدل على انج جيه وهذا ويهيي لو ما كان يعتقد انج جيه عوشه : لا ما اباه يعتقد فطيم : هههههههه بدى القليب يحن عوشه استحت : فطيم والله بذبحج فطيم : انتي جان تقدرين تحركين ايدج زين .. هذا الا لسانج يرمس عوشه : هي والله فطيم : بس الله يخليج الله يخليج لا تخلينه جيه يحاتي عشان خاطري عوشه : الله يصبرج يا روح فطيم : آمين ------------------------------------------------------------------------------------------- سيف كان يالس في المزرعه وخواته يطبخن الغدى .. شل تيلفونه ويلس يكتب ميهود خلي وطايح بعوق .. عوقه يعله بي ولا به ريته وقلبي طاح مطفوق .. يومي لفيته عند بابه يعله بخير ودومه يذوق .. كل السعاده تفتدابه صكر التيلفون وحطه على قلبه.. يحس انه عوشه في ايام قليله خلت قلبه كله ملك لها .. ما تخيل حبه ايي بهالسهوله كان يعتقد انه بياخذ وحده من بنات خالته او بنات عمه وبيحبها بعد الزوااج بعد اللي استواله بس الحين متشبث في عوشه لو شو كانت الضروف .. يحبها من كل قلبه .. يحبها وما يظن حب ثاني يطغى على حبه لها .. رغم تحديها له ورغم عنادها له يحبها .. الله يصبرني ويحنن قلبها لي .. --------------------------------------------------------------------------------------------- هاهو حبك يتغلغل في فوادي .. انظر كيف أرض قلبي عطشى لينابيع حبك ولغيث سحابك .. لا انكر ان قلبي تعلق في قلبك ويحاول بكل ما اوتي من قوه التمسك به وعدم نسيانه وفقدانه ارجوك ساعدني على الحصول عليك ... وساعدني على ابقاءك نبراس قلبي .. يا بساتين عشقي " احبك " وسموحه غرشوب البدو |
شكلكم ماعيبتكم خلاص انا مارح انزل الباجي وسموحه [a7la1=009999]غرشوب البدو[/a7la1] |
[overline]السلام عيكم الصراحه القصه روعه تسلم ايدك و تسلم ايد الكاتبه ونتريا الباجي[/overline] :_21.g: [overline]حرام والله ان القصه طررررررر لا تحذفها[/overline]:0088: |
يسلموو غرشووب .. نترقب البـآرتات اليـآآآيه القصه طرر مــن الخـآآآطر .. تسلم ايد من كتبهـآآآ ..! |
مرحبا اخويه بصراحه تسلم على القصه اللي اكثر من روعه ودخيلك لا تحذفها وبانتظار البارت الياي لا تتاخر علينا الشيخ |
????18 |
السموحه ع التاخير بس انا قلت انه محد من الاعضاء عيبته القصه بس عشان خاطركم راح انزل الباقي وسموحه مره ثاني ... الجزء الرابع ابي حب وغيرة ابي صوت ابي موقف ابي كلمه تهز اوطان ابي انسان لا طحت من طولي يفز ويسند حمولي يحس فيني قبل لا اشكــــــــــي يواســــــــــــــــيني قبل لا ابكي ومن قلبه إذا حنيت الاقي بداخله احضان دخيل الله ابي انسان أبــــــــــــــــــــــيك وأمــــــــــــــــــــــوت فيــــــــــك فطيم : شوفي شوفي هالمسج والله عذاب ينطبق عليج ههههههههههه عوشه : عيبني طرشيه لي فطيم : حاظريييييين والله ما عندي مانع لو تبين الف مسج بس بخبرج شي بعلمج على حركه يوم بتشوفينه يا صوبج فتحي البلوتوث وطرشي له هالمسج عوشه : فطييييييييم ويهد فطيم : شووووووو يهد ييهد العدو عوشه : شو هالحركات .. والله يا فطيم بستاثم عليها اذا سويتها فطيم : لا تستوين لنا مطوعه عاد عوشه : مب سالفه مطوعه وما مطوعه .. " وما يلفظ من قول الا لديه رقيب عتيد " فطيم : صدق الله العظيم .. صدقتي الله يهداني اسوقلج الافكار الهدامه عوشه : هيه الحمد لله يوم عرفتي . فطيم : بس بعدني اقولج انه الحب مب حرام عوشه : حلال لكن الافعال اللي شرات هذي السوايا حرام فطيم : هيه اعرف عوشه : تعالي الحين متى بتردين علينا ههههههههه فطيم : ماااادري استحي هههههههههههههه عوشه : اسمع انتوا ايه اميه اخويه مب لعبه في ايدج ردي بسرعه اونج عاد تحيرين الموضوع وانتي مخططه وياه لين مب لايعه جبودكم فطيم : هههههههههه يالله عاااد فديت سلوم عوشه : الليله ردي عليهم فطيم : شوه الليله ويمكن نسوي ملجه وانتي ويا يروحج ؟ عوشه بوزت : هيه والله فطيم : لا لا افا عليييج الغاليه ما اسوي الملجه الا يرحج ملتجم عوشه : فدييتج والله فطيم : يالله الحين انا بسير وبرد عقب بسير اعق ثيابي وبسبح وبيي عوشه : اوكي بس لازم تتريين لين تي امايه --------------------------------------------------------------------------------------- كانت الساعه 5 العصر والكل يالس في المزرعه .. وكانوا بنات عم سيف موجودات سيف : مريم تعالي مريم لحقت اخوها سيف وعذاري تلاحقه بنظراتها ساروا الصوب الثاني مريم : آمر سيف متردد : مريم ااااااا مريم : شو بلاك ؟ سيف : الساعه 5 وما سرتوا تتطمنون على البنت اااااااا اقصد بنت يرانا قوم بو خالد مريم حست انه سيف قلبه تعلق في عوشه مريم حست بلومه : ان شاء الله بس بنات عمي هنه ما نقدر نودرهم سيف : انزين عذاري وعفرا مب غريبات بيتمن ويا امايه مريم : لا الصراحه استحي شو بيقولون سيف تضايف ومريم حست به : انزين اوكي انا بظهر مريم ما حبيت تخليه متضايق جيه : سيف تعال لحظه سيف : نعم مريم : انا بسير وياك بس بخلي قوم عذاري هنه وبسير بس عشانك وعشان عوشه وام خالد وتبتسم سيف ابتسم : يالله اتريااج مريم : لحظه ابويه انا بسير البس ثيابي ثياب زينه عشان اطلع شويه زقرت سيف : افا عليج اكشخي آخر كشخه المهم توصلينهم وحليلهم . مريم : يالله ياييه ---------------------------------------------------------------------------------- الدكتور : لا الحمد لله الحين بخير ولله الحمد بو خالد : الحمد لله الحمد لله الدكتور : بس اللف بتقدري تيقي تشيليه بعد كم يوم بو خالد : ان شاء الله بنيبها افا عليك الدكتور : ان شاء الله ---------------------------------------------------------------------------------- مريم : يالله شيخه : وين سايرين .؟ مريم : ااااااا سايرين بنزور عوشه عذاري بكبر : عوشه منيه عوشه بعد هذي وتطالع سيف مريم : عوشه بنت يرانا لا إله الا الله يا عذاري تبين تعرفين عن القرحه وشو دواها عذاري عصبت : انزين انا سألت ويحق لي على ما اعتقد سيف يتخبل من رمست عذاري ومن نغزاتها .. يدري انه تحبه بس ماا يطيقها لانه وذى وكل شي تعلق عليه يعني لا هو من طبايعها ولا هي من طبايعه سيف يطالعها بطرف عينه ويلوع بالمفتاح : مريم انا بترياج برع عذاري فار دمها يوم سيف جفى بهم وسار بدون ما يرمس مريم : يالله اسمحولنا .. شيخه : سلموا عليهم واستسمحوا منهم بنيهم عقب مريم : ان شاء الله يالله فمان الله عذاري سيده صدت على شيخه وهي متغايضه : شو سالفة عوشه .. ابا اعرف وليش سيف مهم هالكثر ؟ شيخه : بخبرج بعدين وتطالع امها .. عذاري بتسلط : الحين مريم سمعت هالكلام .. ركبت الموتر وسيف يطالع صوب مزرعة قوم عوشه .. مريم صدت صوبه : تخيل شو قالت سيف : ما ابا اعرف مريم : بقولك " قالت اونه منو هاي عوشه وليش سيف مهتم فيها .. سيف متغاايض : شو يخصها ياربييييييي مريم : تعرفها انته سيف : قلتلج اني ما ادانيها مريم : الله يهديها سيف : يالله انسي سالفتها ما بتاخذين لهم شي ؟ مريم : يا سلام عليك يا السنافي سيف مبتسم : على منو مسماي مريم : على الغالي الله يرحمه ---------------------------------------------------------------------------------------------- عوشه : لا ما اقدر الدكتور : اه انتي عيزه تنويم .. وشك مصفر عوشه تطالع الدكتور بضيج : والحين الدكتور : لازم تنامي عندنا في المستشفى بعد يوم عوشه : لالالالا دكتوور الدكتور : لازم يا بنتي علشان تبأي كويسه عوشه : والتحاليل شو تقول الدكتور : اذا فسرت لك التحاليل حتعيطي من اللي فيهن عوشه زاغت : ليششششش دكتور شو فيني انا ؟ الدكتور : خلينا من ده كله لازم تتنومي ولازم تاخذي الكيس التاني عوشه تطالع الدكتور : ان شاء الله .. بس خلوني انش الدكتور : ايه يعني عوشه : يعني خلوني اتحرك الدكتور : تحركي زي ما انتي عايزه عوشه : ان شااااااااء الله ما آمرت بشي الدكتور : يالله انا الحين حروح وان شاء الله تبأي كويسه عوشه : ان شاء الله طلعت فطيم من الحمام .. : هااه شو قال عوشه متضايقه : قال لازم ايلس هنه لين باجر فطيم : يااالله وانزين عوشه : لاني اونه لازم يعطيوني هالكيس مره ثانيه فطيم : حسبي الله على عدو حمدووه خلص دمج عوشه : يقول انه من قبل فيه فقر دم اونه فطيم : شدراه ؟ عوشه : شدراني ليش انا يالسه وياه فطيم : يالله الا هو يوم واحد عوشه : ان شاء الله فيه الخير عاد فطيم : انزين انا بتم ويااج عوشه : ان خلتج امايه عاد هي من مساعه يالسه تقرى عليه الحين يوم بيقول بنومها بتم يالسه ما بتخوز فطيم : انزين برايييج توني اتصلت بسلوم وقال الحين يايين عوشه : انتي صدق ويهج لوح فطيم : ليش عوشه : تتصلين ويتصلج انزين هالاتصالات تكون بس وقت ضروي فطيم : انزين ها وقت ضروري .. اف منج تراه خطيبي الحين . عوشه : اذيتينا .. يا امييه فطيم : يالله سايره البس عباتي عوشه شويه وسمعت الباب يندق . فطيم تطالع عوشه : منوه ؟ عوشه : ما ادري فطيم سارت وفتحت الباب .. ومستغربه ؟؟!! فطيم : هلا مريم : اهلين الغاليه وتجدمت تسلم عليها : شحالج الغاليه فطيم : بخير ربي يعافيج مريم : وين عوشه ؟ فطيم : تفضلي الغلا هاذيه هنه مريم دشت وسارت عند عوشه عوشه ابتسمت : هلا والله الغاليه مريم : هلا فيييج شحالج غناتي عوشه : بخير ربي يعافيج انتي شحالج مريم : بخير الحمد لله بشوفتج عوشه : فطيم هذي مريم اللي مزرعتهم عدال مزرعتنا فطيم استااااااانست : حياج الله مريم : الله يحييج عوشه : مريم هذي بنت خالي فطيم مريم : هلا بج الغاليه عوشه : يا مرحبا الساع مريم : ما شاء الله في تحسن كبير بين مساعه والحين عوشه : الحمد لله بوجودكم كل الاعواق تبرى مريم : تسلمين الغاليه سيف كان يالس برع صوب الاستراحه اللي عند البوابه ومن شاف ام خالد وحمد وحميد وسالم ياين ونقز سيف : السلالام عليكم الكل استغرب : وعليكم السلام وسالم يتخاشم وياه سالم : شحالك سيف : الحمد لله بخير حمد منزل راسه ويطالع تحت : ام خالد : هلا والله بولدي سيف شحالك الغالي سيف مبتسم : الحمد لله بخير ربي يعافيج ام خالد : يعلها دايمه عليك سيف : ويااج سالم : ما ننسالك الجميل الغالي سيف : خلوا الجميل بصوب انا يايب الرضيعه داخل تسلم وانا يلست هنه عند ريال والحين ياي عنه ام خالد : حياااكم الله في كل وقت .. حمد صد صوب سيف وشافه ما سوى له سالفه : سيف انا ابا ارمس وياك سيف يطالعه جدامهم بستغراب ام خالد : سيف وتأشر له انه يرمسه سيف ابتسم : تعال ام خالد : ايلسوا انتوا هنه يالله انا بنهي عنكم سالم : ان شاء الله سيف خذ حمد من ايده ويسوا الصوب الثاني حمد يالس ويطالع الارض سيف يرمس بكل هداوه و: آمر بو شهاب شو في خاطرك حمد مستغرب ويطالع سيف سيف يضحك حمد : ليش انته جيه سيف : شو فيني حمد : انته قلبك طيب سيف : قلبي مب طيب حمد : عيل ليش تضحك وانته تقول زعلان عليه سيف : حشى ما زعلت بس شليت في خاطري .. حمد : والحين سيف : خاطري فاضي حمد : ههههه سيف : بس هذا الشي ما يمنعني ازعل عليك حمد : ليش سيف : انا كنت اتحسبك ريال يعني قد هالكلمه تقوم وتظرب اختك على شي ما يسوى ليش انته ما تحس انه هذا شي غلط وهالتصرف مول مب من شيمة الريايل حمد : امبلا بس سيف : لا بس ولا شي انته ريال ولازم تثبت انك ريال الف في الميه .. انته تدري اني اعتبرتك واحد من ربعي حمد : والحين سيف : اذا استمريت على هالحال بتخلى عنك حمد : لالالا سيف : عيل شو حمد : بغدي ريال من اليوم وساير سيف : كلمت رياييل حمد : كلمة ريايل سيف يبتسم له : فديت خشمك انا يالله نسير عندهم --------------------------------------------------------------------------------------------- مريم : يالله انا بظهر عنكم خله صغاريه ايون هنه عوشه : ايلسي الغاليه اصغاريه عقب بيوون مريم : لا لا حشى ان شاء الله يوم واحد بيي عندكم المهم اتطمنا على صحتج الغاليه عوشه : تسلمين غناتي ام خالد : وااعليه عنج سلمي على امج الغاليه مريم : يبلغ امايه عوشه : ربي يحفظج مريم : يالله فمان الله __________________________________________________ ________________ |
عذاري معصبه : وسيف شله ؟ شيخه مستغصه منها : الحين لو كنتي مكانها ؟ عذاري : بسم الله عليه ربي يحفظني شيخه : ما ترضين على نفسج وترضينها على غيرج عذاري : بس مب حلوه هذيل شكلهم استغلاليين كفايه استغلوا بو محمد وعطاهم مزرعته شيخه : استغفر الله لا تحطين في ذمتج انتي شو فيج عذاري : انا ما احط في ذمتي انا اقول الصدق شيخه : خلاص انزين انتي شو لج من الخانه فيهم عذاري : لانه اللي في السالفه ولد عمي ويهمني امره شيخه : لا والله عذاري : كيفي والله ولد عمي وانا حره فيه شيخه : وهو حر في نفسه يسوي اللي يسويه عذاري : خوفي باجر يتمسك فيها هاي عوشووه العيوز ويقول باخذها بس لو على قص ارقبتي شيخه : خيبه انتي شو من البشر عذاري : انا انسانه واحب بعد شيخه : انتي مستحيل تعرفين تحبين جان هذا كلامج .. عذاري : انتوا لو تعرفين معنى الحب والغيره جان ما قلتي هالكلام شيخه تطالعها بغياض : الله المستعان ---------------------------------------------------------------------- سيف شاف مريم يايه صوبه واستااانس .. سيف تجدم لين عند مريم مبتسم مريم : حيرتك صح سيف : وايد مريم : شو نسوي خذتنا السوالف سيف يمشي ويطالع مريم ومبتسم : عاد شو سولفتوا مريم : عجب سيف : ههههههههههههه مريم : هههههه اول مره اسمعك تظحك جيه سيف تلوم : ما ادري من وين ظهرت ضحكت استعباط مريم : لا والله ضحكت فرح سيف : انزين ما قلتيلي شخبار اااااااا البنيه اقصد شخبارها مريم : الحمد لله بخير بس بيضهرونها باجر سيف بخوف : ليش ؟ مريم : لازم يحطون لها كيس دم ثاني سيف : الله يعافيها يارب مريم : آمين -------------------------------------------------------------------- مرالاسبوع وعوشه تحسنت وسيف كان مشتاقلها شوق فضيع كل ليله يتحلم بها ويردد اسمها مرات ومرات كان وقت العصر حب سيف يسير صوب المزرعه .. اشتاق للايام اللي قضاها ويا حمد وحميد وايام الضرابه ويا عوشه .. كيف دخلت حياتي بسرعه هالبنت ؟ من عقب فاطمه ربيعه اخته شيخه ,, الحمد لله على كل حال سيف : حالي ترا يحلالي معك وأنسى الكدر... مالي غنا في مالي دونك مالي صبر.. روياك تتراوالي في عيني والفكر.. انهم بصوت عالي من يوفي والصدر وفي هالوقت كانت عوشه يالسه في المزرعه صوب خوانها .. وعدالها بنت خالها فطيم .. وويلعبون ورقه .. حمد : عقي عوشه : دور فطيم فطيم : لعبت حميد : دوري انا حمدوه لا تاخذه بو خالد : مب بسكم من اللعب ؟ حمد : لا لا مب بسنا يوم بتاخذون لنا شي يرفه عن عمارنا بنخوز عن اللعب بو خالد : مثل شو حمد : بانشيات عوشه : تهبي حمد : ادري هالكلمه كمن مره سامعنها بس يوم بشوف سيف خاطف والله لقوله اركب عوشه حست بشي تحرك في قلبها فطيم مبتسمه : احيد ايي يعلمكم ولا شو استوى ؟ حمد يأشر على عوشه : هذي النحسه من ايهدت انقطعنا عن المزرعه وهو حليله انقطع بعد عوشه : وانا شو يخصني كنتوا تقدرون تون عنده كل يوم حمد : انا استحي منه عوشه مستغربه : من متى ؟ حمد : ما يخصج ما يخصج اسكتي شويه ويسمعون باب المزرعه يدق سيف استاااااااااااااااانس يوم شاف موتر بو خالد عند الباب يا صوب الباب ودق الباب بحيل ما عنده من كثر شوقه لهم الهندي فتح سيف : السلام عليكم الهندي : عليكم السلام سيف : باباه داخل ؟ الهندي : ايواه داخل سيف : اوكي وحمد وحميد ؟ الهندي : داخل سيف : انزين ازقر حمد الهندي : ادخل داخل ما في مشكل بنيه كله مناك يجلس سيف : لا ابويه ازقر حمد انته وبس الهندي : جيين سيف مستااااانس من الخاطر حمد : سيف ؟ سيف : يا هلا والله بالغالي حمد يحظن سيف : وينك ماشفتك من زمان سيف : وانا بعد والله اشتقت لك حمد : تعال داخل سيف : ليش ما عندكم حد ؟ حمد : امبلا بيلسون بعيد سيف : لا لا ما يصير حمد : انته ادخل ابويه بعد ولهان عليك وعلى سوالفك سيف : تولهت عليكم العافيه حمد : الحين من تركت الخيل قمت ما اعرف اركب وما ادري ليش يمكن لانك انته مب ويايه تركتني روحي سيف : افا عليك الحين اكون وياك حمد : يالله تعال حمد سار يركض : هوووووود هوووود يالله سيروا مناك عوشه : منو ياي ؟ حمد : سيف ياي عوشه استااانست وتطالع فطيم فطيم ابتسمت وقالت في خاطرها : الله يهنيج باللي تحبينه يا الغاليه ---------------------------------------------------------------------- عذاري مب مرتاح بالها .. تشوف ولد عمها .. مب الاولي .. يوم تزورهم في بيتهم يظهر .. ومب مثل العاده يتكلم وياها ولو كلام بسيط .. عذاري في خاطرها .. هذي عوشوه العيوز اللي مغيبتنه شكلها ام الطبوب والسحر اكيد حاطتله شي ... عذاري انا الحين ما اخليه وراه واراه سارت وشلت تيلفونها .. وطرشت حق اخته شيخه مسج ابا اشوفج ضروري شيخه اول ما شافت المسج اتصلت بعذاري .. عذاري : هلا شيخووه شيخه : شو بلاج روعتيني ؟ عذاري : ابا اشوفج حرام يعني ؟ شيخه : عوذ بالله منج قلبي انفجر يوم شفت المسج عذاري : الله الله هالكثر تحبيني ؟ شيخه : عن هالرامسه انتي بنت عمي لازم احبج عذاري : انزين الحين انا بس وبيي صوبكم شيخه : ويا منوه عذاري : ما خبرتج ظهرت موتر شيخه : احلفي ؟ عذاري : والله ظهرته اول امس شيخه : زيين مبروكه عذاري : الله يبارك فيج . شيخه : عيل تظهرين ع هواج عذاري : اكيييد شيخه : يا سلام عذاري : بتسيرين ويايه باجر ؟ شيخه : ويينه عذاري : بنسير نتمشى في السنتر وبنتعشى في مطعم شيخه : لا الغاليه نحن عندنا دريول وما نظهر وياه نظهر ويا خوانا عذاري : انزين نحن ما بنسوي شي غلط شيخه : لا مشكوره الغاليه .. مرات ثانيه ان شاء الله عذاري : انزين انا بغيت اخبرج عن سيف ما اشوفه هالايام وياكم شيخه تأففت من عذاري : والله سيف ريال ويظهر ويسير وين ما يبا مب على هوانا نحن وهالايام عنده دواام العصر يعني مشغول مشغول عذاري : انزين عنبوه حتى على عمه ما يمر يسلم شيخه : وعمي متى تم في البيت ؟ عذاري : ونحن ما يستوي ايي يسلم علينا شيخه : انتي النهار كله في بيتنا وشله يمر هناك بعد عذاري : انتي محد يرمس وياييج لسانج سليط اكلمج جيه تردين جيه شيخه : والله ما اقول شي غلط اقول الحق عذاري : شو حق .. شيخه انا احبه لازم تقدريني .. شيخه : لا حول ولاقوة الا بالله شو تبيني اسوي لج انا يالسه في قلبه يعني ؟ عذاري : على الاقل قولي له انه يلتفت صوبي شيخه : آسفه ما يخصني عذاري عصبت : هذي عوشووه ام الطبووب هي اللي ساحرتنه والله انا براوييها شيخه : استغفر الله العظيم عذاري : قلبي متعلق فيه وانتي ما تساعديني شيخه عصبت : عذاري انا بقولج شي الصراحه سيف يستاهل انسانه تحبه ويحبها مب انسانه لسانها طويل ومتشرغه ونكديه شراتج عذاري عصبت اكثر : انا نكديه اوكي ما عليه يا بنت سعود شوفو اذا ما سويتلكم شي تندمون عليه ما اكون انا عذاري شيخه : يالله عاد فمان الله انا وايد سويت لج سالفه اف وتبند في ويها عذاري اغتااضت وحست بالحقد والغيره تاكل قلبها ------------------------------------------------------------------------------------- |
حمد : جيه اوكي سيف مبتسم ويسويله حركه اوكي بأيده سيف يقول في خاطره وينها لين الحين ما بينت بو خالد : حميد قول لاختك تسوي لنا قهوه وجاي سيف ألتفت يدور عوشه حميد : ان شاء الله وسار حميد بو خالد : حمداني بسك تعبت الريال سيف : تعبكم راحه يا الغالي بو خالد : راحك ربك في دنياك وآخرتك سيف : وياك عوشه وفطيم حبوا يركبون ع الخيول ويزامطون قوم سيف وحمد هاي فكرة فطيييم .. وكانن وايد متخوفاات بس تشجعن وقالن انه المزرعه عوده وبيخطفون بس عشان يزامطون عوشه كانت لابسه بنطلون جيشي اخضر وقمص ايده طويله من نفس اللون ولبست وقايتها على راسها وحطت النظاره والكاب وطالعه قمر فطيم كانت لابسه بنطلون جنز شارلستن وقميص وحاطه وقايتها ع راسها .. عوشه : اول مره اركب تراني فطيم : عاد انا الخياله الحين عوشه : تعالي والله براويهم مهاراتي ع الخيل . فطيم : لحظه والله لو سرعتي عني بجتلج عوشه : اذا زغتي الخيل بيهيج بج فطيم : احلفي عوشه : والله عوشه : كوني عاديه .. انا تعلمت بعض الاشياء من سيف كنت اسمعهم ذاك اليوم فطيم : ياااالله عوشه : هههههههههه يالله تعالي بنسير صوبهم فطيم : اسمع منو يرمس عوشه : هههههههههههه اخاف ابويه يحرج فطيم : لا لا ما بيحرج على خطيبه ولده عوشه : يالله انزين عوشه تجدمت وفطيم عدالها شويه ووصلوا صوبهم حمد اول ما شاف اخته ع الخيل تفاجأ لانها اول مره تركب سيف كان الصوب الثاني ع الخيل ويوم التفت تم مبهت يوم شافها .. سيف : شكلها خياله 100 100 وحركاتها على الخيل تقول انها متدربه من زماان سيف تم يطالعها وحمد وحميد بعد : حميد : عاااااااااااشوااااااااااااااااا البناااااااات حمد : شو يايبنهن هنه حميد : خلهم عاد بو خالد اول شي تفاجا وعقب ابتسم وتم يصفق لهم : عااااشن البنات ويصد صوب سيف شوفوا غلبنكم البنيات عوشه استاانست من الخاطر يوم ابوها ما قال شي ... وفطيم كانت مستحيه .. عوشه اسرعت شويه وسارت صوب بو خالد ووقفت صوبه : بو خالد : مواهب يا ام راشد مواهب عوشه : طالعه علييك يا الغالي سيف تخبل يوم شافها حس انه قلبه يدق بقووووووووو حمد زقر سيف وقاله : تعال نسير هاك الصوب بو خالد : اول مره اشوفج راكبه شو طرى ع بالج عوشه : غاظوني يبون يراونا مهاراتهم اونه بو خالد : ههههههههههه عوشه : علها دووم هالضحكه بو خالد : ويااج يالله الغاليه تعالي نبا قهوه وجاي للريال عوشه : ان شاء الله بو خالد : لا عدمتج الغاليه سيف يحس انه مب قادر يعبر عن الشي اللي شافه عوشه راكبه ع الخيل وتقوده بمهاره سيف : حمد ما مليت ؟ حمد : امبلا ومستغص سيف : ليش ؟ حمد : بس يالله خلنا نرد وردوا الخيول وفي الرده كان سيف فاتح البيب ويالس يغسل ويهه وشعره .. وحمد وحميد بعدهم عند الخيول .. عوشه مرت وفي ايدها لجام الخيلين عوشه ارتبكت يوم شافت سيف روحه سيف شل راسه من فوق البيب التفت وابتسم وتحنحن وشعره كله ماي .. عوشه تحس انه الابتسامه يتها لا ارادي سيف يبا يرمسها مشى وفق جدامها جان توقف عوشه وهي مرتبكه .. تحس انها اول مره توقف جدامه جيه وبدون عباه سيف حس انه يبا يرمس : كنتي اليوم ما شاء الله كأنج خياله عوشه استااااااااانست من رمست سيف وقالت بمستحى : شكرا سيف بند البيب وتقرب صوبها : ممكن قصده ياخذ الخيول عنها . عوشه تحس ويها محمر : لا عادي بوديهن روحي سيف : افا عليج تودينهم وانا موجود عوشه عطته اللجام .. سيف حس بفرحه كبيره يوم تكلم وياها .. عوشه ردت ورى وسارت صوب ابوها سيف : ااااااا عوشه عوشه انصدمت يوم زقر اسمها : وتمت واقفه مكانها سيف : اااااااا ممكن تيبين لي بلاستر لاني يرحت صبعي .. عوشه مبتسمه : ان شاء الله سيف : عوشه بعدني ما خلصت كلامي عوشه تفاجات وصدت صوبه سيف : شعري يقطر من الماي تبيني امرض يعني عوشه حطت ايدها على جلحها وضحكت : ههههههه ان شاء الله تبا فوطه ؟ سيف متلوم : هي عوشه : أي خدمه ثانيه ؟ سيف : سلامت رايج عوشه تمت مستحححححححححيه مشت و حطت ايدها في مخباها وسارت ميته من الفرح اول مره ترمس وياه بهالطريقه .. استانست بالقو -------------------------------------------------- عذاري يت صوب بيت عمها بموترها وما حصلت سيارة سيف وشاحت وردت صوب البيت مستغصه .. عذاري : قلبي حاس انه عندهم في المزرعه .. الله يغربلها ويغربل الساعه اللي عرفها فيها -------------------------------------------------- عوشه يبين على ويها انها مستانسه سوت القهوه من الخاااااااطر وفطيم كانت تساعدها وسوت الجاي وحطوا الفواله فطيم : والله انه وناسه ركوب الخيل عوشه مستانسه : الحمد لله انه ما عصب ابويه فطيم : بس انا شفت حميد معصب اونه عوشه : خليه هذا يولي فطيم : يالله الحين عاد هذيل الخيالات شو يلبسن جدام الرياييل غير اللي نحن لابسينه عوشه : وبعدين نحن لبسنا ستير بنطلون وسيع مب ضيج فطيم : هيه والله عوشه : ما تدرين توه دارت بيني وبينه رمسه فطيم : احلفي عوشه : والله العظيم فطيم : زااااااده اشوفج مستانسه عوشه : ههههههههه فطيم : شو قالج ؟ عوشه : ما شي مدحني اونه فطيم : يا عيني بدى القلب يدق عوشه : بذبحج ما يخصه طلب مني بلاستر لانه يرح صبعه فطيم : ما يستاهل عوشه : الا يرح انزين فطيم : لا لا واخيرا غدينا خلان عوشه : ايه بجتلج ههههههههههه تموا يضحكون ------------------------------------------------- مرت الايام وعوشه كل يوم يكبر حب سيف في قلبها .. تحس انها اول انسان تحبه وتعشقه جيه .. مع انها ما تتكلم وياه لكن نظراتها له تدل على انها تحبه وتعشقه ونظراته لها تقول كذالك سالم ملج على فطيم وسوو حفله صغيره على قدهم وما زقروا فيها حد .. وعذاري كانت ورى سيف كانت تلاحقه في البيت وساعات يشوفها في المكانات اللي هو يسير لها .. بس هو مب ماخذه باهله الا عوشه سيف : بالعين يرمس خلي الزين .. وبالعين يرميني برمسات ما شفت انا في وصفه الشين .. غير المحبه بكل نظرات أهواك خلي وطالع العين .. بتشوف ردي بالعبارات سيف : يا عوشه .. دشيتي في قلبي وخذتي المركز الاول .. في عمري ما حبيت حد شرواج .. كنت احب بس ذاك حب مراهقه .. من قال سيف بيحب اجنبيه .. وبيتكون له روحه وحياته .. وعقب تتزوج ثاني ..ومن قال سيف يتغير عقب الحاله النفسيه اللي استوت له من عقب ما ملج على ربيعه اخته فاطمه اللي تعلق فيها وحبها حب ما يتصوره لكن .. اليوووم من اليوم هذا .. بس تبدل حبي واحس اني مستانس به .. قلبي مرتاح لها.. فديتج يا عوشه وغلاتج انه محد يسواج دشت عوشه من الباب وامها وراها وخوانها وشافت المكان كله ورد استاانست .. بو خالد مبتسم ويالطعهم عوشه : اللللللللله روووووووووووعه بو خالد : افظال بو محمد علينا ام خالد : ما شاء الله ما شاء الله حمد : ياويل حالي كانه في جنيف . سالم : وليش ما خبرتنا بو خالد : قلت اخليها مفاجأه انا روحي تفاجأت يوم شفت العمال داخل واتصلت لبو محمد وشكرته سالم : وشو سبب هالزروعات الغاويه ؟ بو خالد : تدري انته بأبو محمد بسباب ولا ما شي اسباب سالم : ما قصر والله ما قصر ابويه لازم تعزمه بو خالد : ما يطيع انا كمن مره قايل له سالم : لازم لازم تعزمه ام خالد : هيه والله وازقر ام محمد ويااه عوشه : هيه والله خلونا نستانس ام خالد : بنخليها عزيمه حليوه وبنزقر يرانا حليلهم قوم سيف عوشه ابتسمت لا إرادي سالم : ياااااااااااا سلام ع افكار الوالده خلونا نتوالف ونتعارف ونعزم بعض عوشه : هيه والله فكره غاويه ام خالد : العزيمه بعد بنخليها عشان سلامة بنيتي عوشانه عوشه : جااااااان استااانس بو خالد : هيه والله ما سوينا على سلامتج شي عوشه : الله كشخه المهم تعزمونهم على شاني انا سالم : عشتوا حميد : اهم شي نحن نستانس لانه ما باجي الا اسبوع عن المدرسه عوشه : هذا عيبهم المدارس الخاصه حليلي ما درست في مدرسه خاصه ولا شي حمد : نحن برستييييج عاد انتي شلج عوشه : عاد انتوا ع راسكم ريييش طاووس حمد : خخخخخخخ وانتي ريش دياي مرابع في الزريبه الكل : هههههههههههههه بو خالد يضحك بس شاف عوشه معصبه : اسكت ما تخيل حمد : ابويه انته روحك ضحكت عوشه : يالله خلهم يعلقون عليه استاهل يوم امدحهم بو خالد : حشيييييم يا ام راشد .. محد بيسمي عليه غيرج يالغاليه عوشه استحت بو خالد : عاد قولي آمين عوشه : آمين سالم : انا اللي بسمي علييك بسسس محد بيسمي قبلي يوم خالد ما سمى عليك تبا عوشوه تسمي عوشه : غصبن عنك بسمي علي ابويه بو خالد يطالعهم ومستانس ام خالد : وييه ما تضاربوا على اسمي انا الله يسامحكم يا عيال راشد عوشه يتها الغبنه : فديييتج والله الغاليه انا بسمي علييج بو خالد حب يستفز ام خالد : عاد بتسمين ميثاء مال العيايز اخ لاه عوشه : بلاها ميثا متحدره من نسل الاشراف هالغاليه ام خالد : حافظ ع ردج غنااتي عوشه : هههههههههه طالعه عليييج سالم : انا بييب توام بسمي راشد وميثا الله كشخه بو خالد : بسكم من هالرمسه عاد .. يالله خططوا حق العزيمه ... سالم : يالله يالله انا عليه مشترى اللحم بو خالد : شووو ولالالالالالا اطشه انا عليه كل شي سالم : لا لا لا ما يصييير انا بييب اللي اباه بو خالد : انتوا هاتوا اللي تبونه بس انا بعطيكم البيزات .. ام خالد : عاد خلهم ينظفون البقعه .. ورى باجر بنسيوها العزيمه بو خالد : والله شي طيب بيكون يوم الخميس والناس يايه من الدوام تبا تستانس ام خالد : وبنعزم خالد ومرته .. اباه اييب بنتي اتولهت عليها .. بو خالد : روحج ودعتيها هنااك عوشه : والله ما احس انه عندي اخت ثانيه احسها خلاص بنت خالد بو خالد : يوم قامت تزقره باباه عباره ابوها وهو اللي مربنها سالم : اقصورها تزقركم يديه ويدتيه عوشه : تهبي عاد بو خالد : بعدها ياهل هذي لا تطرونها ام خالد : يالله يالله اطاعوا شغلكم .. امايه عوشه عندج رقم مريم بنت يرانا ؟ عوشه : لا ما خذته ذاك اليوم ام خالد : اكتبي الرقم وطرشيه ويا حمداني يودييه عند مريم عوشه : انزين يمكن مب موجودين في المزرعه ام خالد : هيه والله صدق حمد : اكيد اليوم سيف بيي هنه المزرعه وبخبره انا بو خالد : لا تخبره ولا شي انا بقوله حمد : ان شاء الله ------------------------------------------------------------------ |
مرن يومين ويا يوم العزيمه ... والعصر ام خالد : كيف تخليهم هنه شلهم وودهم هناك خالد : ان شاء الله بو خالد : الغاليه ميثاء نحن رياييل ما نبا نيلس فوق طاولات ونغصص على عمارنا خلوهم حقكم ام خالد : بو خالد ؟ ويده بتيلس بو محمد تحت بو خالد : ههههههه ما تدرين يا الغاليه انه بو محمد ما ايلس الا تحت .. ام خالد : ما شاء الله عليه متواضع بو خالد : هيه ما شاء الله عليه ام خالد : الله يحفظه ويخليه بو خالد : آمين عوشه : امايه انا نظفت الصاله ودخنتها الحين 3 مره ادخنها ام خالد : ما عليه خلها تطبن الريحه داخل . عوشه مستااااااانسه : قبل شويه مسوتلي فطيم تيلفون .. ام خالد : منوه ساير ايبها عوشه : طرشت سلوم ايبهم هو وخالتي ام خالد : بارك الله فيكم فرشوا ودخنوا المكان وكانت يلست الريايل قريبه من يلست الحريم ام خالد : ما شاء الله على بنت اولدي مغواها طالعه قمر فطيم استحت : فديت عيونج اللي ما تنظر الا الزين عوشه : اسمع انتوا ما ريت حد يمدح عمره فطيم : انا امدح عمري ام خالد : هههههههه يعلكن لي ذخر واشوفكم طول الحياه متحابات وتتناقرن وتطيبن نفسي برمساتكن عوشه فطيم : آآمين ويا بو خالد : الله الله ع البنيات .. شو هالزين شو هالمخور الغاوي عوشه تتدلع على ابوها: شرايك باباتييه بو خالد : الغوى كله يا الغاليه عوشه : تسلم عيونك فديتك .. يعلني ما خلا من شوفها بو خالد : ويااج الغاليه شويه ووصلوا مرييم وسلمى وشيخه والصوب الثاني وصل وياهم فارس وسيف بو خالد : حيالله غواليني .. يا مرحبا والله تفضلو سيف : شحالك الغالي ويبوسه ع راسه بو خالد : باحسن حال فديتك يا مرحبابكم والله سيف : هذا فارس اخويه بو خالد : هلا والله زارتنا البركه ام خالد : حيالله ام سيف يا مرحبا يا مرحبا وتسلم عليها .. ام سيف : حياج الله الغاليه شحالج ام خالد : بخير ربي يعافيج انتي شحالج فديتج ام سيف : بخير ربي يعافيج سيف : امايه شحالج ويبتسم لها ام خالد : هلا هلا بولدي الغالي انا بخير ربي يعافيج انته شحالك سيف : هلا فييج بخير بشوفكم .. ام خالد تقول لام سيف : ربي يحفظلج اياه ويخليه لج ذخر ياربي ام سيف : آمين ام خالد : متزقرت اليوم لا عدمنا هالتزقريت سيف استحى : هههههههه ربي يخليييج لي الغاليه ام سيف : دومه زقرتي فديته مشابه ابوه ام خالد : ههههههه الله يحفظهم ام سيف : هذا بعد ولدي فارس اصغر عن سيف ام خالد : حياك الله فديتك فارس : الله يحييج الوالده ام سيف : وهذيل بناتي شيخه الكبيره ومريم الوسطى وسلمى آخر العنقود ام خالد : حياااكم الله تفضلوا تفضلوا فديتكم فارس وسيف وخالد ساروا ورى بو خالد ويلسوا تحت على اليلسه اللي مسوينها .. شويه ويا سالم وخالد وحمد وحميد .. وياهم سعيد وفهد خوان فطيم ويلسوا يسولفوون ام سيف وبناتها يو صوب عوشه وفطيم وام سعيد ويلسوا يسولفوون مريم : ما شاء الله علييج غاديه غاويه اليوم .. عوشه استحت : تسلمين الغاليه .. فطيم : اكيد بتكون غاويه اليوم عوشه فتحت عينها فطيم : ااالازم اليوم ترى العزيمه على شرفها . شيخه تطالع عوشه : انتي ما كنتي ويا خلود في الكلاس ؟؟ عوشه : امبلا وتبتسم لها شيخه : وانا اقوووول وين شايفه البنت ياربي عوشه : ههههههه كنت وياها ولين الحين وياها شيخه : هيييه ما شاء الله تولهنا عليكم والله وعلى سوالف خلوده عوشه : هههه حليلها كل يوم ارمسها شيخه : ما شاء الله سلمي عليها قوليلها شيخه سعود تسلم عليج عوشه : يبلغ الغاليه افا عليج شيخه تطالعها وتتذكرها كيف كانت في الكليه كل البنات ينعجبون فيها لانه حلوه وجمالها طبيعي .. شويه ووصل بو محمد وولده محمد وام محمد ويلسوا يسولفون وتعرفوا على بعض محمد مب حاب الوضع هذا يبا يروح بس لجل ابوه يالس ... كل شويه يشل التيلفون ويسير الصوب الثاني يكلم وهو واقف خطفت عوشه تلحق ولد اخوها شال السجينه في ايده ويركض ... تم يطالعها بس هي ما انتبهت له محمد : هذي اكيد بنت بو خالد .. محمد : انزين غناتي لا تحاتين بتصل فييج مب كل شوي تتصلين اوكي يالله باي ويسكر مشى شويه يطالع المكان اللي سارت له عوشه ورد ورى .. وسار صوب يلست الرياييل سيف قلبه على عوشه ياي بكشخته هذي بس لها .. حمد : سيف ابا اصورك سيف : ههههه ليش سالم : الاخ معجب النهار كله يرمس عنك سيف : ههههههههه عشان جيه كلحين وتخرطفت حمد : احلف سيف : لا والله اسولف وياك حمد : انزين ابا اصور ويااك ممكن سيف : ما احيدني فنان ولا واحد من هاليويله تصور ويايه حمد : لا تخليني الحين اكنسل سيف : هههه يالله انزين بس نتصور يميع حمد : اوكي بس منوه يصورنا ؟ سيف : بو خالد حمد : لا ابويه ان شل الكيمره خربها سيف : انزين خله يصورنا هالقرسون حمد : اوكي وقفوا كل الشباب وصوروا صوره وآخر شي حمد خذ صوره ويا سيف روحهم وبعدين سيف وحمد وحميد بو خالد : ونحن ما نستاهل صوره .. ؟ حمد : افا علييك بو خالد : البارحه صابغ اللحيه وغادي غاوي بو محمد والكل: هههههههههههههه بو محمد : انته الا شيبه منو يباك بو خالد : افا انا شيبه ان شاء الله على امرك كله ولا نرد رمسة بو محمد بو محمد : هههههههههه فديتك انته بو الشباب وانا بو الشواب الكل : ههههههههههههه ام محمد فيها فضول على بنات ام خالد : وعلى منوه مسمين عوشه ام خالد : مسمينها على ام راشد ام محمد : هي ما شاء الله ورويه ام خالد : رويه سميتها على اختي توفت يوم يبت رويه وكانت مب معرسه نذرت اني اسمي عليها اذا يبت بنت .. وهي آخر العنقود ام محمد : الله يحفظهم ويبارج فيهم الكل : آمين عوشه : بنات قوموا نظهر برع شويه .. شيخه : يالله عوشه والبنات كلهن لابسات مخاوير .. تموا يتمشوون وروحوا صوب الخيول وراوتهم الخيل اللي تحبه شيخه : شو سميتيه عوشه تطالع الخيل وتمسح عليه بأيدها : ما سميته لين الحين شيخه : افا وشعنه عاد مريم : شكلج تبينا نسميه لج سلمى : نباه يكون اسم روعه جيه فطيم : سمووه ساري عوشه : لالالالالا شو ساري مب شي شخيه : سميه اسم حلو ويليق عليج عوشه تمت تتأمل فيه : بسيميه غرام البنات كلهن صاحن : اللللللللللللللله شو هالاسم عوشه استحت : طرى ع بالي فطيم مبتسمه : يا ويل حالي عليج يا بنت راشد شيخه : والله نااااااايس الاسم كشخه .. مريم : هي نعم ما عليه رمسه شيخه شافت خيل ظاهر من مكانه : وهذا .؟! فطيم : ههههه هذا خيل حمد اخوها الصغير شيخه : حليله تعال مريم : شو سماه ؟ عوشه تضحك : لو اقولكم ما بتصدقون ؟ سلمي : ليش ؟ عوشه : مسمنه على خيل اخوكم اللي يعلمه على الخيل مريم : مكحول ؟ عوشه : هههههههههههه هيه الكل : ههههههههه مريم : حليله والله وايد معجب في سيف شكله عوشه : يالله لو تشوفينه يوم يكون هنيه وياه ما يفارجه مريم : المهم يستانسوون فديتهم كتاكيت واخويه يحب الكتاكيت عوشه : هيه ما شاء الله شيخه : اممممممممممم شرايكم يوم الاثنين الصبح ننش جيه جميع ونطلع بالخيول برع الكل ستانس على الفكره فطيم : هي انا بيي وياكم بعد عوشه : هذا اذا طاعت الوالده فطيم : ان شاء الله بتطيع شيخه : انا بخبرها اوكي عوشه : ان شاء الله مريم : يالله نسير صوبهم اول ما دخلوا عوشه تذكرته انه لازم تذكر ابوها عشان الابره عوشه : سارت صوب امها .. امايه ابويه خذ الابره ولا ام خالد شهقت : سيري اتصلي به انشديه وقوليله بعد انه شويه العشى بيكون زاهب سارت عوشه ويلست على الغنفه .. وكانت مجابله الباب .. لكنه مسكر والدرايش عاكس اللي داخل ما يشوفون اللي برع كانت ترمس ابوها خطف سيف وقلبه على عوشه من حدر المزرعه ما شافها .. خطف عدالهم وكان يرمس مايد ربيعه وساير ايودي موتره عند مايد على الدوار لانه مايد سيارته مودنها الوكاله مايد : هاه تعشيتوا سيف : لا بعدنا مايد : ما شاء الله سايرين ايوعونكم ولا يعشونكم سيف خطف وشاف عوشه مجابله الباب وشافها من الينب عاقه وقايتها وتتضحك ويا خواته تم واقف ومبهت فيها مايد : الووه سيف : شوو مايد : شو بلاك صخيت سيف ويتنهد بشكل عجيب : شفت غر مكتسي سحر وجمال مايد : احلف سيف : شاف انه بيكون متطفل لو تم يطالعها اكثر مايد : سيفوه منو شو السالفه سيف : ما يخصك ما يخصك مايد : انا ادريبك انته منيام بعد مسوي نفس الحركه .. شكلك طحت فيها يا سواف سيف : انا ياي الحين يالله زهب عمرك مايد : يالله سيف مستااااااااانس من شوفة عوشه لانه من يو وهو يبا يشوفها ولا تخطف عداله المهم يجحل عينه بشوفتها .. سيف : ياويل حالي ع الكشخه مخور ودنيا ولا توكت الريش .. يا عيني ع الذوق ركب الموتر وتم يكتب ابيات خطرن ع باله لشوفتها طربان قلبي بشوفة عويش ... طهربان ويغني ع اوتار .. طاير ويرقص صار ربيش ... يلعب ويزفن بدقة الطار سواف خرف صار خريش .. من شاف عينه سيد الاحرار فديت خشمه وتوكة الريش .. لي ماسكه شعره م الاخطار .. حفظ الابيات وتم يرددهن وهو مستانس سار جدى ربيعه وعطاه الموتر ورد يايبه صوب المزرعه يلسوا يتعشون وعقب يلسوا يسولفون والكل بعدها روح بيته ام سيف الوقت كله كانت ترمس عن ام خالد وبنتها عوشه وسييف يتصوخ لسوالفهم .. شيخه : ما شاء الله عليها طييبه تحسين قلبها رحووم مريم : هيه ما شاء الله عليها .. فارس : يالله عاد الحين البنيه بتتكربع من كثر ما ترمسون عنها مريم : وشعنه تتكربع نحن رمسنا عنها بالطيب مب بالشر . شيخه : عطتني رقمها سيف يلس يطالع اخته في المنظره شيخه : ههههههههههه جوفي شو طرشتلي تراوي اختها مريم مريم : ههههههههههههههه اسميها سوالف سيف يبا يعرف شو مطرشه عوشه حق شيخه اخته : شو ها شيخه تطالع سيف : ياربييييه يا فضول الشباب سيف : مب فضول بس اشوفكم تظحكون قلت ظحكونا وياكم شيخه : مطرشه صورة ولد اخوها ورابطه شعره شروات البنات سيف : اهااا اشوف شيخه : سوق انته سوق احسن لك مريم : يوم واحد بعزمها بيتنا سلمى : هيه والله كشخه ربشه ما شاء الله عليها شيخه صدت صوب امها : امايه نحن قررنا يوم الاثنين نظهر بالخيول انا مريم وسلمى وعوشه وفطيم سيف نقز : شو تسون ؟ شيخه : شو نسوي بعد بنحوط شويه بناخذ كمن لفه وبني صوب المزرعه ام سيف : على هواكم شيخه : فديييييت امايه سيف : انا بعد باخذ لفه وياكم ههههههه شيخه : عجب سيف : انزين منو بيبكم هنه ؟ شيخه : الدريول سيف : لا لا انا بيي بيلس ويا قوم حمد بعلمهم شيخه : اوكي بنشوف سيف وايد تحمس للموضوع وتذكر يوم يشوف عوشه على الخيل ذاك اليوم .. ياربي كيف كانت .. جمال رباني .. وأبدع خالقي يوم صور .. تم يفكر فيها لييين وصلوا البيت دخلوا وشويه وصاح تيلفون سيف يوم شاف الرقم فار دمه وسيده زقر شيخه ودخلوا صوب الصاله شيخه : شو عندك . سيف معصب وواصل حده : قوليلي منو عاطي رقمي عذاري ؟ شيخه زايغه : والله مب انا ؟ سيف : لا تحلفين خبريني الصدق شيخه : تراني حلفت لك والله اني مب انا شو اقول اكثر من جييه سيف : لالالالالالالالاعت جبدي منها بيصيبني مرض شيخه : بسم الله عليك يعله في عدوينك سيف معصب : هي عدوتي شيخه : عوذ بالله سيف لا تقول جيه سيف : انتي ما تشوفين المسجات وما تشوفين الاتصالات خلاص مليت رمستها مره وما فاد فيها ؟ شيخه : اانا حاولت وياها كمن مره وهي مب راضيه تقول انها تحبك . سيف : حبها برص ان شاء الله , والله انا حمار لو كنت احبها شيخه : سيف بلالاك ما كنت جيه سيف : عذاري بتخليني اكون جيه خبلت بي خلاص مليت من الحياه بسببها شيخه : انا بقولك شي شل البطاقه وفرها او اغلقها . سيف : والله ما اغلقها .. انا اكون ضعيف بسبب وحده ما تستاهل شيخه : انزين شو الحل سيف: انا بقولك شو الحل والله لسير عند عمي واقوله اصلب بنتك تراها تلاحقني شيخه : انته خبله ؟ تخبلت انته يا سيف .. عذاري انسانه ينخاف منها ممكن تقول لعمي سيف متحرش فيني ويالله عاد والله عمي ما يتفكك منك بيخليك تاخذها تاخذها سيف يود راسه من كثر مب متغصص من عذاري : شيخه ليكون ترمسين وياها بهالسالفه شويه ودشت ام سيف وسكتوا سيف يطالع شيخه ام سيف : ليش سكتوا سمعت كل شي تراني مب قصدي اسمعكم بس انا ادري بالسالفه وادري انه عذاري مطفرتبك سيف التفت الصوب الثاني من الغصه وتنهد : يا اميه ما ريت بنت اقوى عن هالبنيه ام سيف : ان يت بيتنا انا بطردها .. ورقمك اغلقه ولا عطه حد من هالبيداريه سيف : خلاص مليت منها .. ما اباها غصب هو .. ام سيف : اخطب بنت اختي ساره وافتك سيف التفت على امه وتم يطالعها بنضره استغراب .. ام سيف : بعدك على ذيج الذكريات ... ؟ خلاص البنيه ولت في حال سبيلها .. وسارت وخذته هاك اللي كانت وياه وعرست ويايبت عيال منه .. انت الحين اللي يا دورك انته لازم تعرس وتاخذ وحده تحبك وتحبها . وساره هي خير البنات وجريبه منك ومب غريبه شيخه تطالع سيف : بس يا امايه ام سيف : لا بس ولا غيره جانك تباها انا بخبر امها سيف : خليني ارمس واقول رايي ام سيف : قول رايك سيف : ساره صغيره ام سيف : لا تقول صغيره انا اكبر عن ابوم بعشر سنين وما قلنا شي سيف : بس انا غير وانتوا غير .. ساره الحين مخلصه ثانويه عامه وانا الحين بدش ال28 تعرفين شو الفرق اللي من بيني وبينها .. شوفي السنين وشوفي التفكير .. ام سيف : روحك فرطت في اختها العوده يوم كنا نباها لك قلت ما ابا اعرس بكمل دراسه اول بادي سيف اختلطت الافكار في راسه : خلالالاص بس ما اقدر اتحمل راسي قام يدور ونش وطلع من البيت شيخه : امايه لا تضغطين عليه يمكن ما يبا ياخذ من العايله يمكن في نفسه حد ثاني ام سيف : على هواه انا ما لي خانه فيه .. انا الا اباه يعرس ويمزر بيته اللي يبنيه عيال شيخه : ان شاء الله بيعرس بس متى ما يبا هو متى ما نفسه تحن للي يبااها ام سيف : ان شاء الله ( الله يوفقه ويبلغني فيه يارب ) شيخه : آمييين ------------------------------------------------- حمد : عوشه طلعيلي هالصور من الكيمره عوشه : أي صور حمد : صورتهم هناك اباج تطلعينهن وتطبعينهن لي كلهن بعد عوشه : انا مب فاضيه الحين والله تعبانه حمود حمد : ما يخصني طلعيهن لي الحين بو خالد : اختك تعبانه الحين بعدين حمد : انزين عوشه غمضها حمد : تعال بظهرلك اياهن حمد ركض ايب الكيمره وحطها في واير الكميبوتر . عوشه : عاد شو مصور حمد : صورنا نحن عوشه : هيه فتحت ملف الصور وطلعت اول صوره لهم كلهم .. على طوووووول طاحت عينها على سيف . وابتسمت وقالت في خاطرها ياربي مغواه حمد : اباج تكبرينها شويه بحطها في واجهة الالبوم اللي بشتريه عوشه : ان شاء الله حمد : انزين براويج صوره ثانيه بعد انا وسيف بس عوشه : اوكي حمد : هذي صورتي انا وسيف .. هذي عاد كتبي عليها .. سيف بن سعود وحمد بن راشد عوشه يتها الضحكه : ههههههههه حق شووه ؟ حمد : بس كيفي . عوشه تمت تدقق في ملامح سيف .. ياعيني ع الكشخه والله ما ريت شراه حمد : بسير ايب لج الطابعه عشان تطبعينهن عوشه : انا باجر باخذ طابعة خاصه في الصور احسن من هالطابعه ما تضهر الصوره زين . حمد : احلفي عوشه : شحقه احلف حمد : عشان اصدق عوشه : يالله باجر باخذها لا تحاتي حمد : انزين براوييج شو صورت بعد عوشه :اوكي حمد : هذا اخو سيف اسمه فارس عوشه : اوه يشبه اخته حمد : هيه بس ما يشبه سيف عوشه : آهااا حمد : وهذا ولد بو محمد اسمه محمد عوشه : هههه اكيد بيكون اسمه محمد يوم ما عنده غيره حمد : هيه صح عوشه : بو محمد غير عنه ولده بعد طالع يشبه امه حمد : مالت علييه احس انه وغد ما يتشاهد عوشه : حمد شو هالكلام حمد : والله مب قصدي اقول جيه بس هالريال ما دش خاطري النهار كله كان يرمس في التيلفون ويطالع الناس من ورى خاطره .. عوشه : بسم الله .. حمد : هيه ما شفتيه كيف بزياان عوشه : خله يولي برايه ذنبه ع جنبه حمد : انزين شوفي صور حمده ورويه والله بتضحكين عوشه : هههههههههههه شو مسوي فيهن حمد : ربطتهن وخليتهن يتأدبن عوشه : حرااام والله ساعات احس انك مجرم حمد : اوكي شكرا عوشه : ههههه اسولف وياك حمود حمد : انزين كملي الصور .. هذي الصوره كنت يالس عند حميد وسيف صورنا اونه تموا صادين ع ينب احلى عوشه : اوه ما شاء الله مصور محترف حمد : عيبتني الصوره وايد عوشه : هيه حلوه بحتفظ فيها حمد : اوكي عوشه : وهذي حمد : هذي صورة بو محمد قالي تعال صورني انا وابوك عشان اتم ذكرى حلوه عوشه : الله يديم المحبه حمد : براويج صوره .. عوشه : شو بعد حمد : شوفي هالصوره خليت سيف شال علاوي ويبوسه عوشه : الللللله روووووووووعه الصوره والله دشت خاطري حمد : هيه عيبتني انا بعد عوشه : انته لك مستقبل في التصوير دام جيه تصويرك من الحين . حمد : على هواج .. عوشه : خلاص احتفظ فيها حمد : ليش عوشه : بس جيييه شكلها حلو ومعبره الصوره .. --------------------------------------------------------------------- يتبع الجزء الرابع ... ان شاء الله عن قريب بحطه وسموحهـــــــــ خويكم ـ غ ــرشوبــــــــ البـــدو |
مشكور اخوووووويه وتسلم على هالقصه بصراحه ما عليها كلام لا تتاخر علينا بالبارت الياي اتمنى لو تنزله اليوم :169: |
رووووووووووووووووووعة لا تحذفها ولا شياته بلييييييييييييييييييييييييييييييييييييييييز كملها |
يسلمو اخوي اذا تباني اساعدك انزلها وياك قولي لاني عندي كامله |
تسلمون ع المرور الـــغأويـــــــ تسلم اخوي (ولــ رااك ــــد ) واذ انشقلت راح اخبرك وسموحهــــــ خويكم ــــ غ ــــــرشوبـــــــ البــــــــدو |
التكمله سيف ما ردقد لين الصبح وهو يفكر : ما اقدر ياربي قلبي يعورني وحاس بضيقه .. في خاطري عوشه ولا غيرها , ولو قلت للوالده بتزعل وبتقول ليش ما خذت بنت اختي .. شيخه : مريم قومي نشي مريم : شو السالفه شيخه : يقولون بيسيرون صوب دبي مريم : ليش شيخه : خالي ناصر يا من السفر بيسيرون يسلمون عليه مريم : اوكي بنش شيخه : البارحه كلمت عوشه مريم : ما شاء الله متى ؟ شيخه : اول شي رمست وياها بالمسجات وبعدين اتصلت فيها مريم : شي طيب والله شيخه : قلتها باجر تعالي بيتنا قالتلي ما قدر وما ادري شو مريم : يالله جان زين تي بيتنا بنستانس شوي بس شو قالت شيخه : قالت بيي بس ع شرط ايي 10 دقايق وبروح مريم : يالله تتغلى شكلها شيخه : ههههههه لا لا ما عليج بخليها تيلس مريم : يالله عيل قومي سيري عشان نلحق شيخه : اوكي يالله سيف نش من الرقاد وكان يالس في الصاله تحت ويقرا الجريده وسلمى يالسه وياه .. وسلمى مستغربه مب من عادته ايلس جيه هادي ؟ سيف : قومي صبيلي حليب يا سلمى سلمى : ان شاء الله سيف : وحطي وياه لبتون لو سمحتي سلمى : ان شاء الله شويه ودشت امهم الصاله سيف يالسه ومطنش ام سيف : صباح الخير سيف بدون نفس : صباح النور ام سيف يت ويلست : هاه شو مكتوب في الجرايد سيف : متى بتسيرون ؟ ام سيف تطالعه بأستغراب لانه غير السالفه : الحين عقب شويه سيف : انزين خله فارس يوديكم انا ما لي بارض ام سيف : عجب خالك ياي من سفره طويله ومريض ما تسير تزوره سيف يتنهد : ان شاء الله على امرج سلمى تطالع سيف وتقول شو بلاه عمره ما كان جيه يرمس ويا امها ركبت فوق وسارت صوب حجرت شيخه سلمى : اقولج سيف بلاه ؟ شيخه : ليش ؟ سلمى : مب على عادته يرمس اميه من طرف خشمه شيخه : كله من هالسوسه عذاري الله يسخها سلمى : انا اعرف بالسالفه شيخه : الكل يعرف سلمى : والله حركاتها تخلي اللي ما يفهم يفهم .. شيخه : الله يهديها سلمى : توه يقول انا ما بوديكم دبي شيخه : احفي سلمى : والله قال مال بارض اوديكم بس امي قالت لازم تسير شيخه : ياربي ما تعرفين لمزاجه سلمى : يعني في ريال وحده بتلاحقه جيه بيطفر وبيسويلها سالفه حتى شيخه : يالله يالله قومي نسير الصاله عن يعصب زياده سلمى : يالله --------------------------------------------------------------------------- حمد وعوشه حميد سروا الصبح ويا ابوهم وخذوالهم طابعه للكيمرا بوخالد : هاه تبون بعد شي عوشه : لا ابويه تسلم وما عليك زود حمد : باخذ برواز شويه كبير حق الصوره اللي صورتها للكل بو خالد : وين بتحطها ؟ حمد : بعليقها في حجرتي ابا بو خالد : ان شاء الله --------------------------------------------------------------------------- سيف واهله ساروا صوب خالهم في دبي ... ويلسوا عندهم في الصاله سيف يالس وساااكت ومب من عادته ساره كانت تطالعه ومبتسمه سيف حس انه حد يطالعه وصد صوبها واستحت سيف قال في خاطره : لا يا ساره ارجوج لا تطالعيني بهالنظرات كفايه عليه كفايه هالصدمات اللي تيني في قلبي ما اقدر اتحمل اكثر سيف شويه وياه مسج استفزازي من عذاري : كاتبه فيه ( انته لي وانا لك ) حس سيف بغيييض تجاه عذاري .. حس بغصه جاتلتنه ... كان يالس وبطل الفصمه اللي فوق من الكندوره .. وقالهم استأذن انا سار ويلس برع على الكراسي اللي برع ومحطي ايده على ويهه .. شويه وحس انه حد واقف وراه يوم التفت لقاها ساره مبتسمه سيف اتفاجا ورد التفت ساره : هالكثر ييتنا يكدر الخاطر سيف انصدم يعني اكيد حسوا فيني نش وجابل ساره : لا والله يا ساره الشاهد الله انه ييتكم يفرح خاطري بس .... ساره : بس شو يا سيف انا شفتك وايد متضايق من يييت سيف : عندي مشكله وابا احلها ساره : اممممممم اقدر اساعدك سيف ضحك بأبتسامه : قلبج طيب يا ساره لا طبعا ما تقدرين ساره تحس انه ويها محمر : اوكي سامحني سيف : لا عادي بس شي شخصي ما ابا راسج يتعب من مشكلتي ساره بمستحى : يعل راسي فدوه لك يا سيف سيف تفاجا من ساره ؟؟؟! وتم يطالعها وهي تطالعه ساره : ولد عمتي حرام ؟ سيف مب عارف شو يرد ..؟! ساره : انزين اذا انا ما اقدر احل وياك مشكلتك اقدر افرحك سيف وايد تفاجا ببنت خاله ..ويقول في خاطره والله انج كبرتي يا ساره .. : ساره انا وايد منصدم منج ساره : ليش ؟ سيف : انتي تغيرتي تفكيرج أصبح غير . ساره ضحكت : وليش الانسان يتم على حاله ؟ سيف : الله يحفظج يا ساره ويوفقج ساره : وياك سيف : الجميع ان شاء الله ساره : لا بس انا خصيت كلمة وياك سيف يطالع ساره بأستغراب ؟ ساره تشوفه بكل جرأه سيف تلعثم : انزين اسمحيلي الحين بظهر ابا ايلس شويه روحي ساره : براحتك الله يحفظك سيف طلع وطرش لاخته مسج يقولها انه ظهر .. سيف كان يسوق الموتر : ياربي كيف تغيرت ساره كلامها صار معسول .. ساره هذيج البنيه الصغيره جيه تتكلم .. سيف : الله يوفقها ويرزقها الزوج الصاله انا مب لها ولا لعذاري .. انا لعوشه وعوشه لي .. عوشه لي لي لي -------------------------------------------------------------------------------------- يلست عوشه وطبعت الصور لحميد وحطوا صورة بو محمد وبو خالد في الميلس بو خالد : يا زين الصوره منوره المكان حمد : ما شاء الله على اللي يمدحون عمارهم بو خالد : هههه انا اطري بو محمد مب انا حمد : ابويه انا عمري ما سمعتك تقول اسمه كله بو محمد هو شو اسمه ؟؟ بو خالد : ههههههههه اسمه عمر حمد : آهاااا بو خالد : ازين قم نش وهات لنا التيلفون بتصل حق بو سعيد ودي نسير نقيل صوب خور فكان اليوم حمد : صدق ابويه ؟ بو خالد : هيه سر خبر جماعتك وتعال حمد : ونااااااسه يالله انا ساير بس ابويه ابا منك طلب بو خالد : آمر حمد : ابا ولد يرانا مصبح يسير ويانا بو خالد : خله يركب الموتر يسد ما شاء الله حمد سار وحب ابوه فوق راسه : مشكور يالله انا ساير بو خالد مبتسم عوشه : احلف حمد : قومي قومي البسي انتي بس عوشه : وقوم فطيم بيسيرون ولا ؟ حمد : هيه وربيعي مصبح بيسير عوشه : اوكي انا بسير ألبس حمد : اوكي لبسوا وخلصوا وزهبوا المواتر وساروا صوب خور فكان ... أم خالد : ما شاء الله عندهم غيم عوشه : ان شاء الله يطيح مطر . حمد : صبوح ليش ساكت ليش ما ترمس ؟ عوشه : عبر يا مصبح عن خاطرك ارمس مصبح مبتسم حمد : جنها مدرسه عربي وتكلمنا في حصة تعبير عوشه : تظرب حمد لانه عدالها أسكت حمد : مصبح لا تستغرب تراها دوم تظربني وانا خلاص حرمت اضربها من ذاك اليوم عوشه : الحمد لله يوم تأدبت حمد : مب عشان ويهج عشان سيف حالف له عوشه أبتسمت وقالت في خاطرها : يا حي هالطاري حمد : ابا اركب الخيل وياه .. والله هالريال طيب طيب طيب حيل عوشه في قلبها : وانا عاجبني حيل حيل حيل .. عوشه : انا بسير باجر بيت خواته اوكي امايه تراهم عازميني ام خالد : سيري ثرج انت تظهرين من البيت عشان امنعج عوشه : فديتج والله والوالد بيوديني جداهم ام خالد : حاظرين حمد : عيل انا بتصل في سيف عوشه : شحقه ؟؟! حمد : بقوله بيي بيتكم عوشه : منوه عزمك انته حمد : انا عزمت عمري بتصل فيه عوشه : اميه شوفيه يبا يفضحني في العرب بيقولون ما صدقت يايبه خوانها وياها حمد : انا بسير عند سيف انتي شلج ام خالد : ابيه لا تتصل فيه خل اختك تسير روحها عن خاطرها .. حمد : انزين منو قال انا ساير وياها انا بسير عند سيف .. عوشه : انزين يمكن الريال مشغول او بيسير عند ربعه شو النهار كله بيلس وياك عاد انته صدقت عمرك حمد : اف منها والله انج تاكلين الفواد .. حشى محد يشاركج في شي عوشه : والله مالت عليك شويه ونزلوا ع الكرنيش لانهم شارين غدى ويبون يتغدون فطيم : حرام ليش سالم ما يا عوشه : مب لازم سالم ايي عشان تخليني في هالمكان الروعه وتتمشين ويا سالم فطيم : عيل حد ايي في هالمكان الروعه بدون اللي يحب عوشه : هيه والله فطيم بطلت عيونها : هااااه عويشوووه شو السالفه عوشه استحت : انتي لازم تناشبيني فطيم : تعالي البارحه ما شفناه موليه ؟ عوشه : منوه هذا فطيم : يالله عاد عوشه : هههههههههههههه فطيم : صدق مول ما شفناه مب من عادته عوشه : انا شفت صوره في الكيمره فطيم : أي كيمره عوشه : حمد كان مصورنهم وقالي اطبعيلي الصور فطيم : ياللله وكيف شفتيه عوشه : ههههه كاشخ فطيم : يا عيني متكشخ لبعض الناس عوشه استحت : سيري لاه فطيم : هيه عيل حق منو متكشخ الا حقج يوم العزيمه على شرفج عوشه : شو عيل ايي العزيمه بدون كشخه لخليت البيداريه يفرونه برع فطيم : هيييييه يهون عليج تفرينه برع عوشه : الله يخسج كيف تيبين الرمسه انتي ؟ فطيم : من مخي عوشه : مخج اللي ياب لنا الخراب فطيم : بذمتج عوشه : لا ابويه ما فيني احط في ذمتي شي فطيم : عيل اسكتي عوشه : اقولج باجر بسير عن شيخه ومريم وسلمى فطيم : منو ؟ عوشه : خواته فطيم : اونه شحقه عوشه : قالولي تعالي بيتنا فطيم : ما شاء الله عوشه : تراني البارحه رمست ويا شيخه بالمسجات وعقب رمست وياها في التيلفون قالتلي تعالي اول بادي تعذرت وعقب قلت اوكي فطيم مستانسه : عويش بذمتج شحقه وافقتي عوشه : والله أوجب الحرمه فطيم : مب علشان شي منه ولا منه عوشه استحت : شو هالرمسه فطيم فطيم : يالله ان شاء الله تشوفينه هناك حتى لو يخطف عليج عوشه : لا تدعين عليه فطيم : انا ما ادعي عليج ادعي لج عوشه تمت ساكته وتطالع الموج .. حست بأحساس غريب وهي صاده صوب البحر .. حست انه سيف فعلا يعني لها الكثير وحست انه سيف هو الانسان اللي يستاهل قلبها .. : فطيم ..بخبرج بشي فطيم : شو عوشه كانت مستحيه وبسوت واطي : انا أحبه فطيم بطلت عينها وتمت تطالعها عوشه حست بلووومه اول مره تعترف لحد بحبها لشخص عوشه صدت الصوب الثاني فطيم : يو قلتلج ما صدقتيني عوشه تتنهد ومبتسمه : بس الحين تصدقين ولا ؟! فطيم : انا من زمان مصدقه فما في داعي اصدق مرتين عوشه مبتسمه وتحس انها مستانسه انه قالت لفطيم هالسالفه : مشاعري وما اقدر اخبيها صوبج فطيم : وليش الحين بالذات بحتيها .. عوشه : لانه البحر خبير في هالسوالف .. وياما الناس باحوله بأسرارهم فطيم : هي والله وقفوا يطالعون الموج .. فطيم : من حقج تحبينه يا عوشه لانج انسانه تستاهلين الخير عوشه شلت ايدها وحطتها ورى جتف فطيم : فديييييتج والله انج غاليه عندي فطيم : تسلمين غناتي يلسوا يتغدوون وعقبها تموا يحوطون وروحوا الشارجه ع العصر سيف كان ملالالالالان يالس في المول ويتريا امه واحمد كان يالس وياه وقلبه على شي ووده يقوله أحمد : سيف .. سيف : هلا احمد : شرايك في ساره سيف استغرب : ليش بلاها ساره احمد : حبيت آخذ رايك فيها سيف تم يفكر : والله بنت حلوه وطيبه احمد : أباها لي سيف انصدم يوم سمع كلام أخوه ما كان يتصور لو كانت امه حالفه انه ياخذ ساره ما يتصور انه بيحرق قلب اخوه الصغير احمد : شو بلاك سيف أبتسم : والله ساره تستاهلك يا احمداني .. وما بتحصل أحسن عنك احمد استااااانس : صدق سيف : أكييييد فديتك ولا ترمس بعد انا بقول حق الوالده أحمد ياي بينقز على اخوه يحظنه بس استحى لنه مكان عام أحمد : انا قلت محد بيساعدني غير خويه العود سيف : انا لكم وانتوا لي احمد : يالله عاد متى الملجه بتكون سيف : ههههههههههههههههههه والله انك مستعيل يا بو شهاب هيد على البنت خله يقولولها وبعدين أحمد : يالله يالله نسير جداهم شويه قبل لا نروح سيف : ههههههههه والله انك مب سهل يا احمداني .. تبا تشوفها قبل ما تروح احمد : شو نسوي يا خويه يالله عاد سرينا سيف : يالله وساروا بيت خالهم ويلسوا ---------------------------------------------------------------- |
اليوم الاحد والوقت عصر عوشه مب عارفه شو تلبس لسيرتها لبيت شيخه .. عوشه تختار من الكبت : بلبس تنوره أحسن عشان أرتاح فيها لبست تنوره عنابيه فيها غروق عشبيه وياها قميص عشبي .. ولبست العباه وحطت شويه قلوس وجحال ومسكره عشان تطلع شويه غير عن يوم العزيمه .. شلت شنطتها وسارت بو خالد كان يالس في الصاله عوشه : ابويه يالله نسير بو خالد : ما شاء الله تبارك الله منيه انتي ؟ عوشه استحت : هههههههه يالله عاااااد ابويه ما عرفت بنتك الدلوعه بوخالد : هههههههه طالعه غاويه عوشه : الا قول طالعه عليك بو خالد : يالله نسير عوشه : يالله ركبوا الموتر وحركوا واتصلت حق شيخه عشان تقولها انها بتيهم عقب دقايق وتدليها البيت .. بو خالد : ما شاء الله على البيت عوشه انصدمت يوم شافت البيت : هذا بيتهم ؟ بو خالد : ما شاء الله أكبر عن بيت بو محمد بمرتين عوشه : بو محمد ما عنده عيال هم ما شاء الله 3 بنات ومادري كمن ولد .. بو خالد : 3 أولاد عوشه : هيه ما شاء الله الله يخليهم حق بعض بو خالد : يالله انزلي عوشه : انزل هنه بو خالد : هيه عيل شوه عوشه : اوكي يوم بيي اروح بتصل فيك ع المغرب بو خالد : ان شاء الله نزلها وسارت عوشه نزلت ووقفت عند الباب وتمت محتاره وين تسير عوشه : وين جرس الباب تحس بنفضه فضيعه في ايدها .. ياربي شو فيني زايغه شويه وحصلت الجرس دقته ويتها الشغاله الشغاله : تفضلي داخل عوشه يايه بتدخل شويه ويخطف موتر من وراها ودخل لين داخل .. ووقف الموتر كان مضلم وما ينشاف اللي داخله عوشه حست انه النفضه زادت عاليها ... الحين لو يكون سيف هذا اللي في الموتر لحقت الشغاله لين الميلس بسرعه واللي كان في الموتر فعلا سيف و سيف ما صدقت عيونه انه عوشه داخله بيتهم وهي اللي دخلت لين الميلس عوشه يلست وفتحت شنطتها وتعطرت وحطت قلوس شويه عوشه تحس بخوف يالله متى بيتين يا شيخه شويه ودخلت عليها سلمى سلمى : هلا والله وتسلم عليها عوشه : اهلين الغاليه كيف حالج سلمى : بخير الغاليه انتي شحالج عوشه : الحمد لله بخير يسرج حالي سلمى : تفضلي تفضلي يلسي الغاليه حياااج عوشه مبتسمه : الله يحييج سلمى : ما شاء الله محلوه وتبتسم لها عوشه استحت : حلوت ايامج .. دشوا شيخه ومريم : السلام عليكم .. عوشه نشت : وعليكم السلام هلا .. مشى سيف لين صوب الميلس .. سيف : هذا نعالها ؟! تم يدقق فيه .. مقاس ريولها 27 فتح التيلفون وشويه وصور النعال . سيف : شو هالحركه الغبيه ؟ عقب رد على نفسه : لا والله مب حركه غبيه نعال اللي احبها اسوي فيه اللي يعيبني .. سيف مستااانس من الخاطر .. شويه وشل النعال في ايده .. وألتفت يمين يسار .. وسار يركض حط النعال عدال الزراعه تم يضحك من اللي سواه وقال انا براويج يا عويش .. سار صوب حجرت امه يبا يكلمها عن احمد اخوه ام سيف كانت يالسه وتسحي شعرها سيف داش مستانس ام سيف تطالعه : فديت هالويه يعله دوم منبش سيف : آآآآمين ام سيف : يارب العالمين سيف : اميه عندي سالفه ام سيف : شو سالفته بعد ؟ سيف : عن احمد اخويه ام سيف زاغت : وابيه شو بلاه سيف : ما بلاه شي بسم الله ام سيف : عيل شو سيف : أعترفلي بشي ولو كنت أنا مسونه جان حرقت قلبه يا اميه ام سيف : شو سيف : اميه احمد اعترفلي انه يبا بنت خالي ساره يباها ويبا ياخذها ام سيف جحظت عينها سيف : شفتي ام سيف : يا حسرتي على وليدي سيف : والله لو كنت ماخذنها وحرقت قلبه ما بسامح نفسي طول حياتي ام سيف : وانا ما بسامح نفسي .. سيف : انا خبرته اني بخبرج ام سيف : متى قايلك سيف : يوم كنا في المول صارحني وقالي ام سيف : الحمد لله رب العالمين الحمد لله سيف : انا قلتله وعليج انج تقولين لخالي ام سيف : اول بادي بخبره سيف : هي خبريه عشان ما يقول شي ام سيف : راسي قام يعورني سيف : ليش ام سيف تحس انها كانت بتتحمل ذنب كبير لو خذ سيف ساره عن احمد .. : ما شي ما شي .. انهي انته وانا بخبره خلاف سيف : ان شاء الله نش سيف ورد تذكر عوشه سيف : امايه منو في الميلس ؟ ام سيف : عوشه ربيعتهم سيف في خاطره : يا حي هالطاري ام سيف : بسير ايلس عندهم شويه انا .. سيف : اففف وانا اتم ملان هنه ؟ ام سيف : قم تعال ويايه افا عليك بنرحبك سيف نش واقف : والله ام سيف : عجب اسميك ما تخيل .. قم ظهر ظاري ما تتم في البيت شو ميلسنك اليوم ؟ سيف حب يغلس على امه شويه : ما يخصني ابا ايلس وياكم ام سيف : سواف عن هالسويايا لا تحر فوادي انا روحي مب قاصره سيف : انزين انزين خلاص ما بقول شي بروح احسلي ام سيف : بسير اشوف الاكل يمكن زهب سيف : بعد اكل مسوين .. ما شاء الله بسير آكل احس عمري يوعان ام سيف : بلالاك انته اليوم متخبل سيف يضحك ويقول في خاطره : عوشه خبلت بي ام سيف : شووو سيف : يالله نسير صوب المطبخ نش وسار ويا امه صوب المطبخ سيف : ما شاء الله ما شاء الله عازمين الفريج وانا ما ادري ؟ ام سيف : هذا الا شويه سيف : شو شويه يا اميه هذا لو توزعينه على الفريج وتحطين منه حق ربعي بيسد وبيبد ام سيف : خله انته مالك خانه سيف : يالله حطولي حقي وحق ربعي ام سيف : ان شاء الله بنحطلك سيف : يالله ام سيف يلست تحط الاكل وطرت على بالها عذاري بنت عم سيف ام سيف : سيف سيف : لبيه ام سيف تتنهد : عذاري تتصل فيك لين الحين سيف تكدر خاطره ام سيف : مما كان في خاطري اكدرك بس شاغلتني سالفتها الله يهديها سيف : انا بندت الخط وخلاص ما عادت تتصل ام سيف : الحمد لله سيف : انزين خلصتي اللي في ايدج ام سيف : هيه .. حطته في الجيس وزخت ايد ولدها طلبتك يا الغالي ولد الغالي ما تكدر خاطرك بسالفتها سيف يبتسم : ان شاء الله فديتج ويبوس ايدها طلع وسار وبالعماله سار صوب الميلس مر من صوب الميلس وتم واقف يبا يسمع شي .. يسمع حد يرمس بس مب قادر يميز الصوت .. سمعهم يضحكون سيف يتنهد : فديت اسمج يا غلايه .. فديت صوتج يوم تحكين ليتج انا دايم حذايه .. .. ايلس واسولف معج يالزين وفديت انا ذيج الوقايه .. لي حافظه راسج من العين تنهد مره ثانيه وسار وشل نعالها ورده عند الباب .. سيف : ما باج تزعلين ولا باج تتضايقين .. يعلج في خير وهنا يا غناتي طلع من اليبت وسار ميلس مايد ربيعه ويلسوا يتعشون عوشه : اكرمكم الله وجعها نعمه دايمه ان شاء الله شيخه : والله انج ما كلتي شي عوشه : كل هذا وما كلت مريم : هيه اكلج خفيف عوشه : نسوي رجيم هههههه سلمى : يالله شو باقي فيج عشان تسوين رجيم عوشه : شحووم ههههههه شخيه : لا تبالغين عاد جسمج روعه بس لو تمتنين شويه عشان يردن الخدود عوشه : انا قبل كانن فيني خدود بس الحين ما ادري كيف خفن مريم : ههههههه الله يردهن لج عوشه : لا خلينا جيه احلى مريم : لا صدق اذا كانن فيج خدود شويه بتكونين احلى عوشه : هذا رايج ؟ مريم : هيه نعم عوشه : قبلناه ^_^ شويه ورن تيلفون عوشه عوشه استحت : اسمحولي شوي شافت الرقم من امها عوشه : هاذي اميه شيخه : شوفيها انزين عوشه : هلا امايه ام خالد : اهلين ما شاء الله طولتي قلتي بتيلسين 10 دقايق عوشه : خذنا الوقت شو نسوي ام خالد : يالله عيل هذوه ابوج عدالي وبطرشه لج الساعه 8 ونص بيذن العشا الحين عوشه : ان شاء الله ام خالد : يالله تزهبي عوشه : فمان الله عوشه تطالعهم عاد سمحولي الحين بروح امايه داقتلي مريم : يالله ما يلسنا واياج وايد عاد عوشه : شو نسوي الله كريم مره ثانيه ان شاء الله مريم : ان شاء الله عوشه : الحين ابويه بيوصل شيخه : عاد باحر من صباح الله خير تكونيين موجوده هااه لا تبطين عوشه : لا ان شاء الله من الساعه 7 انا هناك شيخه : ان شاء الله بنوصل قبل نحن عشان نستانس اكثر عوشه : ربعتكم وناسه مريم : تسلمين الغاليه تسلمين ----------------------------------------------------------------------------------------------- هذا قليبي اليوم عشقان .. ويحب عوشه بنت راشد اعشق ثراها بنت الاوطان .. والقلب والشراين شاهد فديت روحه وذيج الاوجان .. دوم العطر منه ايتوافد كتبها سيف في ورقه بقلم رصاص ووقع بسيف وحطاها في مخباه يبا يشوف طريقه يحطها لعوشه يبا يقولها انه يحبها يبا يعلم من يحب بحبه الكبير يلي في قلبه .. مشى لين المنظره وتعدل شويه حط الكاب فوق راسه وعدل البنطلون اللي لابسنه ورش عطر شويه على جاكيته وفي مخباه عشان تطبن الرحه في الورقه وروح نزل تحت وشاف شيخه وسلمى ومريم زاهبات سيف مبتسم : صباح الخير .. الكل : صباح النور مريم : يا سلالالالالالالالالام شو هالكشخه هاي ؟ شيخه : من قدنا وتغمز له سيف مبتسم ويقول في خاطره : كله لها مريم : يالله قوموا انا خليت الشغاله تحط الريوق عند الباب سيف : واميه وين ؟ مريم : اميه راقده وعقب بيي عندها خالي وبيسيرون دبي سيف : انزين يالله سرنا طلعوا بالموتر عوشه : يااااااااي شو هالجو الغاااااوي فطيم : والله يا عويش ما شي احلى عن هالرمنسيه عوشه : هي والله فطيم : ههههههههههههه ياربي وين سلووم عوشه : من الصبح ساير الدوام ام خالد : يالله عاد تعالن اركبن عوشه : يالله ساروا المزرعه ويلسوا هناك شويه ووصلوا قوم سيف ودق هرن عوشه دق قلبها من سمعت الهرن شيخه : شحقه تدق هرن سيف : بس شيخه : انزين انزلوا سيف : اوكي سيف كان يدق قلبه بعد هالوقت .. ما يدري ليش كانه اول مره بيشوف عوشه نزلوا بو خالد : عوشه اميه سيري قربي برباعتج عوشه لبست وقايتها وسارت ومشت لين الباب سيف : هذا اكيد حمد شخيه : لا حميد عوشه فتحت الباب وتفاجأت بسيف عند ويه الباب تمت منصدمه هي تطالعه وهو يطالعها مبهت شيخه حبت تكسر الصمت : هلا الغاليه دزت سيف وسارت صوب الباب سلمى ومريم دخلوا ويا شيخه سلموا عليها وعوشه مسسسسسسستحه وتحس خدودها حااااار : تفضلوا شيخه : حمد وينه خله ايي عند سيف عوشه : بزقره لحظه عوشه : حمممد حمد : هلا شيخه وسلمى ومريم يلسوا يسلمون على ام خالد وفطيم عوشه : هناك سيف عند الباب حمد مستانس : احلفي عوشه : اففف انته سر وبس عوشه وسار تيلس وياهم شيخه : وشحالج خالوه عساج بخير بو خالد : هلا والله بالغالي سيف يبوس بو خالد فوق راسه : شحالك الغالي بو خالد : حبك ربك بخير ربي يعافيك انته شحالك سيف : بخير ونعمه وسهايل بو خالد : تعال تعال اتفول سيف : لا والله بسير ازهب حق الخوات الخيول يبن يطلعن شويه بو خالد : ههههه هيه حليلهن خلهن يتفرجن بس لازم تي تتريق ما يصير سيف : ان شاء الله تاامر سار وياه صوب قوم عوشه عوشه وفطيم كانوا يالسين بوقيهن البيضا ويتريقون بو خالد : ميثا حطيلنا الريوق يلسوا ع المده وبينهم عدت خطوات بس سيف متلوم ويتام راز راسه تحت حمد : اليوم عندنا دوام سيف : والله ؟ وين ؟ حمد : ههههههه بلحق البنات سيف : هههههههههههههه الله يخس بليسك شتباهن حمد : لازم يكون وياهن فارس مب زين يتمون جيه روحهم بنات سيف : هيه والله في هاي انته صادق يا الفارس حمد : انا عندي فكره بنظهر كلنا وبنتم نحن بعيد عنهم شويه يعني نشوفهم وجيه ما بيضيعون سيف : محلا رمساتك يا حمد حمد : مشكور سيف : حميد ليش ما ترمس حميد : فيني رقاد والله سيف : ههههههههه انته دايم جيه سيف حب يخطف بنظراته على عوشه اللي حاطه الوقايه على راسها ولافه عمرها بها ومطلعه شويه من بكلتتها وحاطه قلوس وجحال ومسكرا طالعه تجنن سيف : تجنن وربي يلسوا يتريقون سيف يقول في خاطره : شو هالجمال يا عوشه تبين تخطفين قلبي انتي وفي نفس الوقت عوشه كانت تقول : ما شفنت في جمالك يا سيف من وين يايب هالغوى كله ؟ شيخه : انزين بيخطف علينا الوقت ونحن يالسين هنه فطيم : يالله يالله نحن مزهبين الخيول شيخه صدت ورى : سيف ما بتسير تزهب الخيول ؟ سيف : امبلا يالله ياي شيخه : نحن بنسير بعد وياه عشان نتزهب بعد اوكي فطيم : اوكي بس وين نتلاقا شيخه : نحن باب مزرعتنا مفتوح اركبوا ودشوا وتعالوا ورى اوكي عوشه : اوكي عوشه : امايه نسير ؟ ام خالد : سيروا الله وياكم طلعوا سيف وخواته وساروا صوب المزرعه وزهب لهم الخيول وعوشه وفطيم وحمد وحميد ساروا صوب الخيول عشان يركبون حمد : انا وحميد وسيف بني وراكم عوشه : شوووو لالا ليش تون ورانا حمد : لانكم انتوا بنات وما يستوي نخليكم روحكم عوشه تقول في خاطرها كيف ايي ورانا والله اني برتبك وما بعرف امش فيه فطيم : كيفكم بس ما تقربون وايد عوشه : هيه سيروا بعيد تزهبوا عوشه كانت لابسه بنطلون جنز أبيض ووسيع وفطيم بنطلون جنز وسيع وقمصان طوال وجاكيتاات طوييله ولبسوا الوقايه والبوت والكاب الخاص في ركبوب الخيل .. عوشه تجرب من فطيم بالخيل : والله مستحيه فطيم : بس لاه ما شي مستحى عوشه : حمد يالله وين مكانهم دلونا حمد وحميد مشوا جدام وساروا لين عند قوم شيخه وكانوا لابسين ومخلصين ويتريون سيف بس عشان يظهرون شيخه : حيااااااكم عوشه مستحيه : الله يحيج شويه ويا سيف يركض بالخيل يطالعهم عوشه تيودت بالخيل اكثر شيخه : يالله نظهر عوشه تجدمتهم ومريم وياها مريم : الله على غرام وراعيه غرام عوشه مستحه : تسلمين مريم : الله يسلمج عوشه : وانتي شو اسم خيلج مريم : اسمه مياس عوشه : الله الله يا عيني شيخه يت عدالهم : تدرين عوشه انا كنت في نادري الفروسيه لين صف اول عدادي وبعدين خلاف طلعت عوشه : والله شي طيب شيخه : وسلمي لين الحين عوشه : ما شاء الله عليييج يا سلمى سلمى : احب الفروسيه واعتقد ما اتنازل عن النادي لو صار ما صار ... عوشه : عيل علمينا أصول الفروسيه يا مدربتنا شيخه : تدرين ,,,, سيف كان مدرب في النادي للشباب عوشه : ما شاء الله العايله كلها فرسان عسب جيه يدرب خواني شيخه : يمكن كان تقريبا 5 سنينا يدربهم وبعدها انقطع لانه سار يدرس برع عوشه : الله يوفقكم سيف كان كل الوقت عيونه صوب عوشه وهو وراهم بكم متر وحمد وحميد يسولفون سوالف صغار وسيف يسمع ويشوف غناته شويه وبدى المطر يطيح وهم يبعدون عن المزرعه 3 كيلوا وهم يمشون البنات صارخن مستانسات من المطر .. كانت الساعه 10 الصبح فطيم : وينك يا سالم عوشه : ياربييييي كل ما كان الجو روعه نادت بسالم البنات : ههههههههه شيخه : لازم تناديبه ههههههههههه فطيم : فديته مب ريلي لازم اناديبه زاد المطر والبنات مستانسات حميد : وين ناويات يسيرن راسي عورني من المطر حمد : انته وايد دلوع تراك لين الحين نف وما طاح العزير عيل حميد : اوكي يوم بيطيح اغزر وين بيسيرون ؟ حمد : اسكت ياالخواف سيف : حميد الغالي الجو حلو ما يفرق اذا طاع نف او صب بنرد لا تخاف خلهم بس يستانسون الحين انتوا مب مستانسين حمد : امبلا بس خلنا نتجدم منهم شويه منهم تجدموا وعوشه سمعتهم يرمسون وصدت تطالعهم ورى وشافت سيف يطالعها وسيده صدت الكل صد عوشه : مستانسين صغاريه شيخه : ويا سواف اكيد بيستانسون يحب الصغاريه هو شويه ويزيد المطر وكان صوت الرعد قوي حميد زايغ وبردان ويرتجف زااد المطر والخيول تمت تمشي بشوي شوي لانه الدرب كان كله وحل وطين .. شيخه والبنات ما عرفوا شوه يسون نزلوا عن الخيول وسيف كذالك شيخه ركضت صوب سيف وثيابهم كلها خرسانه شيخه :الحين شو نسوي ؟ سيف : حد يايب تيلفونه ؟ شيخه : بنااااات حد يايب تيلفونه ؟ الكل ما كان يايب تيلفونه ما عرفوا شو يسون سيف : لحظه شويه تم يتلفت ويطالع يمين يسار المكان خالي ومحد فيه وشويه شير ويا مزارع جديمه متكسره شاف ورى انه في مضله سيف :سحبوا الخيول هناك مضله سحبوا الخيول وكانت المضله وايد صغيره خلوا الخيول على ينب ويلسوا سيف يلس في الطرف وحمد عداله وشيخه وسلمى ومريم عدال عوشه وميلسه جدامها حميد وعدالها فطيم عوشه في هالوقت كانت وايد زايغه على حميد لانه كان ينتفض وبردان لو كانت لابسه عباه جان شلت البالطوا الطويل عنها وحطته على حميد شيخه : الحين شو نسوي سيف يطالع الجو مظلم : المطر يصب ما شي الا نصبر يمكن حد يخطف حميد ينتفض وبردان مع انه كان لابس جاكيت غليض عوشه متضايقه: حميد حبيبي لا تخاف الحين ان شاء الله بيخف المطر وبنسير سيف تم يطالعها ويطالع سيف سيف بطل جاكيته شيخه : شو تسوي سيف : مب زين الياهل يتم جيه شيخه تمت ساكته عوشه تطالعه : لا لا خله عندك سيف : لا والله ما خليته حميد صغير وممكن يمرض بسرعه لكن انا كبير ومرضي ما بيكون شرواته خذ الجاكيت ونش وحطه على حميد وحط ايده على راس حميد: حميد يالبطل لا تخاف خلك قوى شرات اخوك عوشه تمت تطالعه وفطيم كذالك سيف كان واقف ويطالع حمد : حمد اباك رياال واتم عند البنات اوكي مريم : وين ساير سيف : بشوف يمكن حد يمر من هنيه او يمكن هنيه حد من البداريه في هالمزراع سلمى : انته خبله روحك عليك فانيله خفيفه سيف : لا تخافين عليه افا عليكم انتوا بس شيخه : شل جاكيتي سيف ركض برع المضله وسوالهم باي عوشه تمت زايغه على سيف لانه كانت عليه بس فانيلته الداخليه البيضا ياربي تحفظه ام خالد متضايقه : ياربي قايلتلهم لا تبعدون الحين وين ساروا ويين ولو بو خالد : خلينا يا ميثا نسوق عدل ولا تتحرطمين ما بيسيرون بعيد وبعدين سيف وياهم وحمد وحميد ام خالد : حمد وحميد بيمرضون روحهم مب صاحين من كمن يوم الا زجام وكحه بو خالد : اسكتي انزين هنيه هم ما بيسيرون مكان مرت نصف ساعه على طلعت سيف بدى المطر يخف شويه وهم لين الحين زايغين شيخه : الحمد لله بدى المطر يخف الله يفرجها علينا عوشه : ما يندرى اخوج وين سار انا ما احب هالمواقف والله مريم : ان شاء الله يرد ويكون حد وياه الله كريم سلمى : الله يرده بالسلامه شويه وشافوا سيف راد صوبهم عوشه وقفت ووقفت حميد وياها كانت زايغه لحد الجنون على سيف الكل وقف سيف يا وكان ينفخ في ايده من البرد وحاط تحت ايده شي وعوشه قلبها يدق وودها تصيح شيخه : هااه شو حصلت سيف : محد موليه في هالمزارع دقيت جرس لين تعبت مريم : قلنالك لا تطلع سيف شل الطربال من تحت ايده : حصلت طربال .. ممكن نمشي نحن ونحط حمد وحميد تحت الطربال ونقود الخيول .. عوشه : انا مستعده ولا يتم حميد مريض سيف : اسمحيلي ما قدرت اسوي شي عوشه متضايقه :لا عادي مسموح شيخه : كله مني ويا افكاري هاي عوشه : لا تدرين على عمرج هذا مكتوب وبعدين نحن ما صار فينا شي وحميد ما فيه الا العافيه سيف : لا تحاتون ما فيه الا الخير سار سيف وياب خيله وركب حميد عليه وحمد وراه عشان ايوده ولفوهم بالطربال عشان ما يخترسون زياده عوشه واقفه عدال اخوها عوشه ميوده اخوها وهو فوق الخيل : حبيبي حميد لا تخاف بنوصل وهذا حمد وراك .. حمد حمد : نعم عوشه : يود أخوك زين حمد : ان شاء الله سيف يطالع عوشه ويقول في خاطره : ما شا الله عليها كيف مهتمه فيهم عوشه تعدل الطربال .. عوشه : هذا ما بيسويلهم حساسيه سيف تلوم : والله شوفي ان شاء الله ما يسويلهم اممم انا حصلته لافينه جيه بالحبل وطايح عدال باب المزرعه اللي يسرت لها عوشه : لا ما عليه الله يحفظهم ان شاء الله سيف : ان شاء الله وسحب الخيل اللي عليه حمد وحميد وخيل حمد سيف : سلمى خذي هالخيل عوشه : انا بيود خيل حميد عطني اياه وتمد ايها سيف يبتسم : لا لا خليه عادي عوشه : والله اقدر ايودهم شيخه : خليه يتصرف ما عليج منه مشوا ومشوا مرت نص ساعه وهم يمشون وبدى التعب على عوشه كانت بردانه وبدت تعطس شيخه : ياربي شو فيكم انتوا بسرعه تمرضون عوشه : لا لا افا عليج انا بس بردت شوي سيف حب يرمس : بس شوي ؟ عوشه استحت وصدت صوب فطيم ترمسها بصوت واطي خشمي احمر ؟ سيف سمعها وضحك بس ما قدر ايود عمره تم يضحك بحيل : هيه احمر الكل ضحك حتى حميد وحمد ضحكوا عوشه تمت مستحححيه وتحس انها بردت اكثر وتقول في خاطرها : الله يسامحك يا سيف مشوا ووقف المطر نهائيا وشويه وحصلوا سايرت بو خالد خاطفه ام خالد كانت تطالع من الدريشه وشافتهم ام خالد : هااااااااذم وقف وقف وتنزل ام خالد تركض ام خالد : وابيه شو استوى عليكم شو فيكم شو بلاهم عيالي سيف : ما فيهم شي الحمد لله بس حميد شويه بردان ام خالد : قلتلكم لا تبعدون وايد سيف نزل حميد وحمد من فوق الخيل ام خالد : فديت روحك غناتي وتخظن ولدها بو خالد : ودوه الموتر سيف شل حميد وحطه في الموتر وركب حمد وياهم فطيم : انا تعبانه ابا اسير وياهم بو خالد : انا بتصل حق الهندي وبخليه ايي ياخذ الخيول فطيم اركبي شوفوا ثيابكم كيف فطيم : استحت يوم شافت عمرها وعوشه كذالك بو خالد : خلوا الخيول واركبوا يالله سيف : ركبوا بنات انا باخذ الخيول ركبوا البنات بو خالد : اركب يا سيف في مكان ما يهمك المدرب بيي ياخذهن سيف : ما عليكم انا وسلمى بناخذهن سلمى تقدرين تاخذين الخيول ويايه ؟ سلمى : اوكي نزلوا وربطوا الخيول في بعض وساروا بهن وصل المدرب وخذ خيول المزرعه وروحوا وصلوا المزرعه ودخلوا داخل وبدلوا ثيابهم ويلسوا يشربون جاي عشان يدفون عوشه متلحفه وبردانه تنتفض : والله ضروسي تصطك فطيم : انا بموت من البرد بو خالد : يالله بروح نحن واتصلوا لهم وقولوا لهم انكم روحتوا عوشه : اوكي اتصلت عوشه في شيخه شيخه : هلا عوشه عوشه : اهلين شيخه : هههههههه الحمد لله على السلامه عوشه : الله يسلمج والله بردانه شيخه : انا بعد بردانه يالسه عند الضو عوشه : اقولج نحن بنروح ابويه لزم علينا نروح شيخه : حراااام وين سايرين عيل نحن اونه طالبين من المطعم غدى وخلينا سيف يسير ايبه عوشه : شووووو ليش الغدى ؟ شيخه : حرام والله عوشه تموا شويه تغدوا ويانا عوشه : ابويه يبا يسير وامي بعد شيخه : خليهم يسيرون نحن بنتم هنيه وبعدين بيودينا سيف عوشه : لا لا انا استحي والله شيخه : يالله عاد خبري ابوج عوشه : بخبره وبرد عليج خبر شيخه : اوكي اترياج باي عوشه : باي عوشه : فطيييييم فطيم : هااه عوشه : قوم شيخه يقولون انه مطرشين سيف يشتري غدى ولزمت عليه نتغدى وياهم فطيم : وانتي شو قلتيلها عوشه : قلتلها ابويه يبا يروح فطيم : ابويه يبا يروح وهي ودها تتغدى وياهم انتي يا السوسه عوشه : ههههههههه فطييييييييييييييم عاد والله ماصخه الحين شو اسوي فطيم : سيري قولي حق ابوج عوشه : اتروع ينازعني فطيم : ما بينازعج ابوج ما يقول شي يالله سيري عوشه سارت عند ابوها كان عند السياره يحط الاغراض عوشه : ابويه بو خالد : لبيه عوشه : انا اتصلت حق شيخه وقلتلها انه بنروح ولزمت عليه نتغدا وياهم لانهم مطرشين اخوهم ياخذ غدا لهم ولنا بو خالد : ما شاء الله عليهم ما يحاتون شي عوشه : الحين شو اقولهم بو خالد : انا بسير الغاليه بو محمد متصل فيني وامج تبا تسير تودي حماده البيت تحطله فكس وبتلحفه عوشه : اوكي عيل بتصل فيها بقولها انه بنروح بو خالد : انتوا دامكم اطابعتوا وياهم ابويه خليهم ايون هنه ويتغدون بنخلي وياكم حمد يالس انزين وعقب اذا خلصت من عند بو محمد بيي اشلكم عوشه استااااااااااااااااانست من الخاطر :اوكي بو خالد : انزين هاتيهم هنه ويلسيهم داخل . عوشه : بشوف ابويه ان شاء الله الهم اخليهم ع راحتهم بو خالد خبر ام خالد ام خالد : انزين عاد مب تسيرون منه ولا منه ايلسوا في مزرعتنا لا تسيرون هناك عوشه : ان شاء الله بنخليهم ايون هنه ام خالد : هذا عطيهم اياه جاكيت سيف عوشه : هيه جاكيته ام خالد : يالله عيل الله يحفظكم طلووا وروحوا بالموتر وحمد كان بعده داخل كان يكلم ربيعه مصبح عوشه : فداعه الله عوشه تمت تطالع الجاكيت وهو بارد لانه كان كله خرسان شويه وشافت في مخبى القميص طالع منها طرف ورقه حطت ايدها في المخبى وقالت حرااااااااام شو استوى في الورقه يمكن الورقه مهمه حرام يلست وحطت الجاكيت في حظنها وفتحت الورقه بشوي شوي عشان ما تتقطع شافتها مكتوبه بالرصاص عوشه : الحمد لله انها بالرصاص ولا جان طار الحبر اول ما ميزت الورقه طاحت عينها على أسمها .. وحست بشي في داخلها .. وبطلت عينها وبدت دقات قلبها ترتفع قرت الابيات عدل هذا قليبي اليوم عشقان .. ويحب عوشه بنت راشد اعشق ثراها بنت الاوطان .. والقلب والشراين شاهد فديت روحه وذيج الاوجان .. دوم العطر منه ايتوافد |
هذا قليبي اليوم عشقان .. ويحب عوشه بنت راشد اعشق ثراها بنت الاوطان .. والقلب والشراين شاهد فديت روحه وذيج الاوجان .. دوم العطر منه ايتوافد كانت تقرى وهيه فاتحه عينها ومنصدمه من اللي تقراه قلبها يدق بسرعه وتحس بنفضه فضيعه ليش اسمي مكتوب وليش موقع بأسمه وهل الكلام يعنيني ؟ تحس انها متجمده مكانها يت فطيم وشافتها ميوده الورقه وتطالع فيها قرت الابيات ألف مره فطيم : شو هااا عويش ؟ عوشه بعدها مب قادره تستوعب ؟ فطيم يلست عدالها : شو ها من وين يبتيه عوشه تطالع فطيم وتحس انها تبا تصيح فطيم : عويش شو مكتوب عطيني اقرا خذت فطيم الورقه بشوي شوي وقرت الابيات وشهقت عوشه تطالع بعيد وميوده الجاكيت بحيل فطيم تطالع عوشه : وين حصلتيها ؟ عوشه : فطيم بصيح والله فطيم : وين حصلتيها عوشه : في الجاكيت فطيم تمت ساكته وتفكر عوشه نزلت الدموع من عيونها فطيم يودت عوشه : يحبج عوشه صاحت ازيد فطيم : والله يحبج والدليل الابيات عوشه بدموعها : عطيني الورقه فطيم : ما بتحتفضين فيها ؟ عوشه : بردها مكانها فطيم عصبت : عوييييييييييش عوشه تمش دموعها قبل ما اييي حمد فطيم : الورقه مقصوده لج , المفروض تستانسين انتي تحبينه وهو يحبج يا عويش هو لو ما يبا يعطيج الورقه جان ما فصخ جاكيته عوشه : انزين اذا خذتها بيعرف اني خذتها ؟ فطيم : ياربي يا عويش مول ما تعرفين تردين برساله عليه فيها ؟ عوشه : شو اكتبله فطيم : ياربيي يا عويييييييييش بنتحر منج عوشه : انزين اذا حد شاف الورقه فطيم : لا توقعين بأسمج وقعي بأسمه عوشه : ما اقدر اتصور بأنه سيف يحبيني سيف يحبني انا ؟ فطيم : عيل بيحب منو خبريني بتخبل منج يا عويش ما شي وقت متى بتكتبين صدوا يمينهم وشافوا حمد ياي صوبهم فطيم قرصت عويش عوشه : آآآآآآآآآآي فطيم ترمس عوشه بصوت خفيف : شوفي الحين يا حمد وما بتقدرين تكتبين شي ولا تحطين شي الحين استانستي ؟ عوشه : برايه فيطم : والله انه حبج بارد وأبرد عنه ما لقيت .. عوشه : الحين شو اسوي بالورقه ؟ فطيم : والله ان ما خذتيها بطرها عوشه : اوكي باخذها . فطيم صدت صوب حمد : خبرتهم ايون عندنا ؟ حمد : منوه ؟وين ساوا قوم اميه ؟ عوشه : ساروا البيت بيودون حميد هناك يعاطونه دوا حمد : ونحن عوشه : نحن قوم شيخه عازمينا على الغدى حمد : يا سلالالالالام عوشه : عاد اتصل فيهم خبرهم ايون هنيه حمد : اوكي وفي هالوقت يت شيخه ومريم وسلمى سيف في الدرب تذكر الورقه اللي كتبها وفي جاكيته .. وفي هالوقت يو قوم شيخه سيف : يارب تشوفها يارب تلقاها يارب تاخذها .. يارب يارب يارب شويه وصاح تيلفونه بأسم حمد سيف : آلو حمد : هلا سيف وين انته سيف : انا ياي في طريجي للمزرعه ليش انتوا وين ؟ حمد حب يقص عليه : نحن روحنا البيت سيف : اححححححححححلف حمد : هههههههههه اسولف وياك سيف : ياريال طيحت قلبي حمد : ليش ؟ سيف : شاري غدى يكفي فريج حمد : منو بياكله امي وابويه وحميد روحوا سيف : شو تقووووول اااااا والباقين ؟ حمد : هنيه يالسين سيف : هيه الحمد لله حمد : بس امايه قالتلي تعالوا كلكم هنيه عشان تتغدون سيف : انا الحين ياي دقايق وواصل لكم حمد : اوكي شيخه : حمد وين سيف ؟ حمد : يقول واصل مريم : زين لاني يوعانه شيخه : والله لو لبست مخوره شراتكن احسن عوشه : انا يايبتنها قلت بلبسها العصر شيخه : هيه ما شاء الله غاويه عوشه : فطيم بسج بسج تعالي هنيه يلسي ويا البنات فطيم تأشرلها انها بتي كانت ترمس سالم مريم : شيخه بعد باركولها ترى رامسين في موضوعها من اسبوعين عوشه : ما شاء الله مبرووك شيخه : الله يبارك فيج غناتي مريم : خطبها ولد خالي بس بعدهم ما رمسوا في الملجه وجيه عوشه : هاااه شو موافقه ههههههه شيخه مستحيه : موافقه عوشه : الله يوفقج يا الغاليه والله تستاهلين شيخه : عقبالج الغلا عوشه : خلينا نحن الحين هههههه بعدين بعدين شيخه : ليش بعدين الا الحين وجريب ان شاء الله عوشه حست بلومه شو تقصد شيخه بكلامها : الله كريم شويه وضرب هرن سيف عند الباب حمد : سيف يا عوشه حطت وقايتها على راسه ولفتها عليها وفطيم كذالك شيخه : يالله اني ميته من اليوع يالله يا سيف شو يايب سيف يا ويا حمد وكانوا شالين الاكياس عوشه نشت سيف كان يطالعها شيخه : وين سايره ؟ عوشه : بييب صحون وخواشيق وسماط حق الاكل شيخه : اوكي انا بيي وياج فطيم : انا بعد بيي وياكم شيخه مشت وياهم سيف : وين سايرين هذيل ؟ مريم : بييبون صحون سيف : بعد شله الصحون بناكله جيه مريم : الصحون زينه عشان الواحد يحس انه ياكل عدل سيف : اوكي عدل كلامج سلمى : احس اني تعبانه سيف : عن يكون مريضه سلمى : لا والله المشي روحه بس يسد سيف : هيه والله انا الحين تعبان وما اقدر احرك ريولي وايد سلمى : انا ابا اروح من اتغدى سيف : بنشوف الجماعه مريم : عاد من تتغدين ؟ ايلسي شويه عادي ارقدي هنيه نحن نبا نسولف ويا البنات شوي سيف يبتسم : هيه والله ههههههههه مريم تطالع سيف ومبتسمه سيف : يالله بسرعه ابا اتغدى يوعان الحين بيخلوني اتغدى روحي مناك مريم : ما تستحي انته سيف : لا ما استحي مريم : حتى لو,,,,,,,,,,,,,,, ما نقدر نخليك تاكل ويانا سيف : انا مظلوم انزين انشديهم يمكن يبوني ايلس مريم : ياربي يعني الصبح يالله يالله يتريقون وانته بعيد عنهم هالمره جريب منهم سيف : امري لله بطالع من بعيد لين بعيد سلمى : ههههههههههه شو قصدك سيف : ما شي سلمى : سوالف انته سيف : خلينا نسولف يا الغاليه دامها الدنيا بخير ونسعى فيها سلمى : هيه والله الله يحفظك ويخليك لنا يارب يوم قوم عوشه وحطوا الاكل وسيف وحمد يلسوا يتغدون بروحهم كلوا وخلصوا ويلسن البنات يسولفن ويشربن جاي ام خالد مسوتنه وخلته لهم سيف كان ماغط ريله وعاطين ضهورهم البنات هو وحمد سيف : حمد ما مليت ؟ حمد : ابلا سيف : قم نيلس وياهم ههههههههههه حمد : ودي بس ما اقدر سيف : اسمع انته بس شو يسولفون عنه الا فستاني كان حلو وحطتلي لون ما حبيته فوق عيني حمد : هههههههههه بنات شو بيرمسن غير جيه سيف : هههههههههههه هيه والله تعال تعال بننسدح هنيه خلهم يسولفون حمد : يالله انسدح سيف وحمد طاحوا وصدوا البنات عليهم وتموا يضحكون شيخه : سيف شو تسوي طايح ما تستحي سيف وهو طايح : نحن ما نكلمكم عنبوه وياكم من ساعه ولا تصدون صوبنا ترمسونا الكل : هههههههههههههه شيخه : سوالف بنات انتوا مالكم فيها سيف : عيل مالكم فيني يوم انسدح عوشه تطالع فطيم وتضحك فطيم تصاصر عوشه : والله انه هالحركاته كلها لج عوشه تطالعها وتضحك عوشه تمت تطالعه .. والله احبك يا سيف سيف وهو ينجلب على بطنه ويحط ايده فوق خدوده وحمد سوى شراته تم يمرر نظراته صوب عوشه شيخه متلومه : سيييييييييف شو تسوي انته سيف يطالع صوب عوشه : واحد ملان شو بتحصلينه يسوي شيخه : عاد مب جيه حمد : خلينا يا اختي نحن نسوي اللي يعيبنا شيخه : كيفكم يا اخي ما بكلمكم انا سيف : حمد شوف هالبنات ما منهم فايده يبالنا رقده عدله في هالجو البارد .. حمد : هيه والله ارقد افا عليك سيف : تصدق بردت حمد : تعال صدق جاكيتك هنيه شيخه : هذوه هنيه عوشه حست بلومه الحين بيشوف انه الورقه مب موجوده شيخه : يود سيف اول ما عطوه الجاكيت لبسه وتذكر الورقه .. حط ايده في مخباه وشاف انه الورقه مب موجوده فطيم حست بالموضوع ويالسه تطالع عوشه شييخه : شي طايح عنك ؟ سيف مبتسم : لا لا بس ورقه صغيره كنت كاتب فيها ابيات ضيعتها شيخه : صدق غميضه سيف : لا والله مب غميضه يعلها فدوه ياربي فطيم تطالع عوشه سلمى : عاد شو تقول فيها ؟ سيف : اقول اممممممم اممممممم ويطالع عوشه .. والله ما تذكر عوشه تحمد ربها انه ما يتذكرها سيف : بقولج ابيات ثانيه تم يفكر وبدعها قال أرسلت لك أبيات ياأغلى المحبين .. وارجوك تقراهن وتفهم مقالي . لانه خيالك دومه يزاغي العين .. متركزن في الموق فاق الخيالي . غنج ودال وطيب الله يا الزين .. ارجوك عطني من غلاتك مجالي . سيف كان يعد ويسوي حركات بأيده اول ما شاف عوشه ابتسمت وقف , تبلم ما قدر يتكلم وتم يطالعها .. وبعده غير نظره وحط ايده بين شعر حمد وابتسم سيف : بس شيخه ومريم وسلمى صفقوا حق سيف وحمد وياهم .. عوشه مستاااانسه ووناستها مالها حدود حمد : صح لساانك يا الشاعر سيف : صح بدنك ويخطف بعينه صوب عوشه مريم وشيخه يطالعون اخوهم وهو كلحين يطالع عوشه .. شيخه في خاطرها : الله يرزقك اللي في بالك ياربي شويه وسمعوا مثل السياره اللي يت وقفت عدال الباب حمد يقول لسيف هذا اكيد ابويه سيف حب يعدل يلسته شويه ويجوفون حرمه يايه صوبهم ومتغشيه شيخه : منو هذي ؟ عوشه متفاجاه : والله ما ادري ؟ مريم : هذي بنيه مب حرمه عوده ؟ عوشه نشت لها وفطيم شيخه عرفت المشيه كانت شاكله فيها من اول ما دخلت من الباب شيخه نشت اول ما بطلت الغشوه الكل انصدم .. سيف بويه متفاجا : عذاري ؟ عذاري بعصبيه وتزعق: هي نعم عذاري سيف عصب : انتي شو يايبنج هنيه ؟ عذاري : يايه اشوف المهزله اللي مسوينها هنيه يايه اشوف وناستكم شيخه معبه : مالج خانه تين هنيه عوشه وفطيم مب فاهمين وعوشه كانت متجدمه جدام : شيخه شو السالفه انا مب فاهمه شيخه : عوشه تعالي منه خليها تولي عذاري معصبه للاخر وتأشر عليها بأحتقار : هذي عوشه ؟؟؟؟ طبعا ........ طبعا ما بتفهميييين يوم طايحتلي حب وغرام ويا الاخ وميلستنه في مزرعه بو محمد يالاستغلاليين عوشه انصدمت مب عارفه شو تقول سيف عصب وسار صوب عذاري كان يبا ياخذها من ايدها ويطلعها برع : اطلعي برع احسلج قبل ما اسوي فيج شي عذاري : والله ان تقربت مني لايب الناس كلها هنيه وافضحكم في كل مكاان سيف معصب : سويها وانا اراويج عذاري : الحين انته تفضلني على هذي ام الطبوب سيف معصب ع الاخر : احشمي عمرج يا عذاري ولا تخليني اسوي شي تندمين عليه عذاري : يدافع عنها هييييييييييه لازم تدافع عنها لو كنت انا مكانها لما سويت شي يا الجذاب يال**** يالخايس وتركض صوب عوشه تبا تضربها يرتها من شيلتها وتمت تسحب الشيله وعوشه تصيح : آآآآآي آآآآي شو تسوين سيف وشيخه والكل نقزوا صوب عوشه وسيف يود ايد عذاري وسحبها من ايدها وعقها عوشه تمت تصييح ومتيوده في فطيم فطيم نشت لانها كانت معصبه : ايه انتي يال****ه ليش تضربين عوشه ليش ماكله حلالج ماكله مالج شيخه ميوده فطيم : خليها تولي فطيم لا تحطين راسج ويا راس هذي وحده ما تستاهل .. حمد واقف ويطالع مب فاهم سيف يوم شااف عوشه تصيح يود عذاري من ايدها بعصبيه وكاان ميودها بحيييييييل كانت عذاري تتألم عذاري : هدني خلني اقولها .. خلني اقولها اني انا اللي احبك وانا اللي بكون لك مش هي .. وكانت تزعق بصوت عالي انا لـــــــه والله اني انا له .. سيف طلعها برع وصك عنها الباب عوشه كانت تصيح بصدمه :انا ما يخصني انا شو سويت فيها شو سويت فطيم حاظنتنها : بس فديتج بس سيف كان متلوم من اللي استوى ومعصب بشكل فضيع منها حمد بعده واقف وسلمى عداله مب عارفين يسون شي سيف يقول في خاطره : انا براويها شيخه : حبيبتي الغاليه لا تصيحين والله انها ما تستاهل صياحج فطيم معصبه : ابا تفسير للي استوى شيخه : والله يا فطيم مب عرفه شو اقولج فطيم : منو هاي وبأي حق تدش جيه وتضرب عوشه ؟ شيخه : هذي بنت عمي فطيم بعصبيه : وليش تضرب عوشه شو سوتلها ؟ شيخه : عذاري كانت موجوده يوم انتي مرقده في المستشفى سألت عن السالفه وشافت اهتمام سيف بالسالفتج وكانت تعتقد انج انتي وسيف تحبون بعض ااااقصد انج مستغله سيف حست بلوم يوم قالت هالسالفه عوشه حست بشي فضيع في داخلها الدنيا تدور في ويها والارض كانه صار فيها زلزال عوشه نشت وسارت تركض وهي اصيح فطيم لحقتها حمد كان معصب وسار صوب سيف : منوه هذي شو السالفه سيف يتنهد : هذي بنت عمي حمد : وليش ضربت عوشه سيف : حمد هذي خبله واي شي تشوفه تسويه حمد مب فاهم سيف : ياريت يا حمد ما تخبر حد بألي صار ارجوك شيخه ومريم لحقوا عوشه عوشه ميته من الصياح فطيم : والله انها ****ه شيخه يت : والله يا عوشه سمحيلي ع اللي سوته .. انتي ما تدرين هذي كيف تتخبل على سيف وسيف ما يحبها ما يسويلها سالفه والله العظيم احلف لج عوشه ساكته وتصيح فطيم : مرتفع عندي الضغط وودي اذبحها على اللي سوته شيخه : خليها الحين والله انه سيف ناوي يذبحها والله يعين دام اليوم سوت هالسوايا جدامه سيف من كثر مب هو معصب طلع برع وروح صوب موتره وروح عوشه تصيح : خلوني بروحي ابا اكون بروحي فطيم : لا الغاليه انا بتم وياج فديتج لا تعصبين خلها تولي فطيم تأشر حق شيخه ومريم انهم يروحون شويه عوشه صاحت في حظن فطيم شيخه ومريم معصبين للاخر مريم : والله انها قليله ادب وما تحترم الناس شيخه : هالفقيره شو سوت لها مريم : اصلا لانه سيف كان ما يعطيها سالفه فتحججت بعوشه شيخه : والله اني متلومه لوم فضيع فيها هالبنيه شو بتقول وانا بعد خرتها وقلتلها انكم تحبون بعض مريم : الواحد يوم يعصب ما يعرف شو يقول شيخه : هيه والله بس انتي ما تلاحظين انه سيف يهتم لعوشه يعني شكله يميل لها مريم : انا من زمان اعرف شيخه : بس هي فقيره ما يخصها مريم : مب مستبعد انها تحبه شيخه : ياربي شو هالسوالف اللي استوت لنا الحين ما اعرف كيف ارمسها كيف رد عليها مريم : تبينا نروح شيخه : لا لا شو نروح تبين يقولون سووا مشكله في المزرعه وروحوا مريم : هيه والله انا بعد شو اقول شيخه : تعالي نطاع سيف بنرمسه وساروا عوشه تصيح فطيم : اكيد تحبه ولا ما بتسوي هالسوايا عوشه وهي تصيح : قلتلج من قبل يا فطيم قلتلج قبل دقايق مستانسه من الابيات اللي يقولها والحين تمت تصيح فطيم : ما يضيع حبج ان شاء الله يا الغاليه عوشه ساكته فطيم : حاولي تهدين عمرج عشان نظهر لهم عوشه تصيح : والله ما اضهر مدام سيف هناك فطيم : ليش عوشه : ما ابا اشوف شيفته فيطم : عويش عوشه تصيح : كرهته فطيم : لا تقولين جيه يا عوشه بتندمين .. عوشه : ما يخصج خليني روحي يا فطيم فطيم : والله اذا ما سكتي بخلي سيف يدش لين هنيه عوشه تطالعها بعيون فيها دموع فطيم غمضتها ومشت دموعها بأيدها : يا عوشه انا كنت اباج تسعدين عوشه بغبنه : وشوفي النتيجه فطيم : ان شاء الله خير يا غناتي عوشه تحاول تسكت سيف كان يسوق بجنون ما يدري وين يسير .. وما يعرف في شوه يفرغ عصبيته .. يحس انه متلوم من عوشه وسالفت عذاري دمرتها الحين مستحيل تصد صوبه من بعد ما كسب ودها .. من بعد ما تكلم وياها من بعد ما شافته بنظرات الغرام اللي كانت تتوافد من عيونها .. : الحين انسى يا سيف هالحب كله انسى شي اسمه عوشه دام عذاري دشت من بينكم رسمي ... الله يغربيلها شويه واتصلت فيه شيخه سيف شاف الرقم سيف : اففففففففففف الحين شو اقول شو ارمس ما اعرف شو موقفي جدامها شيخه تقول حق مريم : ما يشله ياربيييه شو استوى مريم : صبري عليه خليه لين يقطع روحه سيف شل التيلفون شيخه : الووووووو سيف سيف : شيخه شيخه فيها غبنه : وين سرت يا سيف خليتني احاتي سيف يحس انه متضايق : والله يا شيخه ما اعرف شو اسوي متفشل من البنت شيخه : تعال المزرعه سيف : واجابل عوشه مستحيل ؟ شيخه : جابلها قولها شي استسمح منها سيف : والله يا شيخه ما اقدر شيخه : والله انك تقدر ولو انته تحبها بتقدر سيف حس بصدمه يوم سمع كلام اخته شيخه : انته تحبها سيف بعده ساكت شيخه : ادري انه ما يخصني في هالسالفه بس انته تحبها سيف تضايق : انا ما اقدر اوصلكم البيت ردوا ويا الدريول ويبند في ويه شيخه شيخه انصدمت من كلالام سيف .. شيخه تمت تفكر سيف لهدرجه ضعيف ؟ ما يقدر يبين حبه لعوشه .. يحبها ولو ما يحبها جان ما قال هالكلام اتصلت في الدريول بسرعه عشان يوصل عندهم شيخه سارت صوب مريم : قلبي معورني يا مريوم مريم : شو قال سيف شيخه : تخيلي انه قالي سيروا ويا الدريول والله انه ضعيف هالانسان صارحته وقلتله انه تحب عوشه وتقدر تواجها اذا تقدر مريم : انتي تتحرين هين اللي استوى في سيف لازم بيقولج الحين جيه ما بيقدر يصارحج يا شيخه لو انطبقت السما على الارض .. كان انسان ثاني قبل ما سمع حرمته ترمس ويا واحد ثاني هالشي مب هين بس الحمد لله انه الحاله اللي صارت فيه فارجته ويارب ما ترد عليه شيخه : الله يعينه هالريال ما تعرفين شو في تفكيره مريم : الله يهديه شويه ويت فطيم شيخه ركضت صوب فطيم فطيم بضيق : عوشه تستسمح منكم وتقولكم اسمحولها ما تقدر تظهر شيخه : والله نحن اللي لازم نستسمح والله يا فطيم ما اعرف شو اسوي انا المفروض انهي هالسالفه من زمان بس ما باليد حيله فطيم : خلينا نرمس بصراحه يا شيخه ؟ شيخه : اوكي فطيم بعزيمه : انا ابا اعرف كيف بنت عمج اللي ما تنطرى اعتقدت انه اخوج يحب عوشه ؟ شيخه متلومه : عذاري من زمان تلاحق سيف انتوا ما تدروبها .. كان سيف يتكلم وياها بشكل طبيعي اذا كانت ويانا قبل لانها بنت عمه ولكن يوم قالتله انها تحبه وصارحته بالواقع قام يتهرب منها كانت تي عندنا البيت بس هو ما ايلس وقام ما يسير بيتهم لانها تلاحقه ذاك اليوم يوم كانت عوشه مرقده في المستشفى نحن كنا في المزرعه وقالنا ما بتسيرون صوب عوشه عشان نزورها .. هي سمعت السالفه واعتقدت انه سيف يحب عوشه .. فطيم : هالسالفه ما تدش مخي والله شيخه : فطيم الكل يعرف انه عذاري تحب سيف ولو تدرين كان من قبل مالج وهي سوت المستحيل عشان يهد مرته .. لكن ربج ما وفق ما كان هالشي بأسبابها .. مريم : الحين عاد اسمحيلنا يا فطيم وهالشي كان فوق قدرتنا ما كنا ندري انها بتسوي هالسوايا .. وما كنا ندري انها مترصده لعوشه فطيم : مسموحين والله كريم شويه ودق الدريول حق شيخه وقالها انه عند الباب شيخه : قبل ما اروح يا فطيم اباج تستسمحين من عوشه وتأكديلها انه سيف ما له خص في السالفه .. ااكدلج اللي اقوله وربي فطيم : توكلوا الله وياكم روحوا وتموا حمد وفطيم عدال الباب حمد : الحين شو السالفه ؟ ليش يت هاي وضربت عوشه فطيم : حمد هالبنت تعتقد سيف يبا يخطب عوشه عشان جيه ضربتها حمد : سيف بيخطب عوشه ؟ فطيم : لالالالالا ياربي كيف افهمك حمد : انزين عوشه الحين وين فطيم : عوشه داخل اتصل حق ابوك عشان ايينا وحبيبي ما تخبر حد بهالسالفه حمد : اوكي اوكي فطيم : اوعدني واحلف حمد : اوعدج والله اني ما اخبر حد شو فيييج بسم الله فطيم : هيه يالله شاطر --------------------------------------------------------------------------------------- خطف الاسبوع والسالفه كانت هاديه لين الحين .. عوشه كل ما تتذكر عذاري وسيف .. عوشه ظربتها الغبنه .. ما اسميه حب .. مستحيل احبه .. مب لي انا فطيم اتصلت فيها .. عوشه بسرعه شلته فطيم : شخبارج عوشه : بخير فطيم : عوش شو فيج كنتي تصيحين ؟ عوشه : لا فطيم : بعدج تذكرين السالفه .؟! عوشه : وتعتقدين بتخوز عن بالي فطيم : انسيها خليها تولي عوشه : ان شاء الله فطيم تمت ساكته وبعدين غمضتها عوشه : ما اعرف شو اقولج عوشه تحاول تنسى : لا تقولين شي انا ما فيني شي .. فطيم : ساعات اقول انج تنسين السالفه احسن وساعات اقول خلج تحبين سيف احسن عوشه : ما ابا احبه بسني فطيم : ليش عوشه : مساعه تقولين انسي السالفه فطيم : حبج معقد يا عوييش عوشه : قبل شوي اقول انه هذا ما يعتبر حب فطيم : كيف يعني عوشه : مجرد أيام قليله شفته فطيم : لالالالا شو تقولين انتي , انتي كنتي عايشه حب غير حب طاهر حب عفيف كنتي تحبينه لمجرد شوفته لمجرد كلامه لمجرد شهامته .. كنتي تحبينه يا عوشه عوشه تصيح : بس يا فطيم لا تعذبيني . فطيم حست بألم عوشه : خلاص انا بسكت بس انتي تعرفين انج تحبينه .. وكان خاطري يعرف بحبج الصامت له ... بيي يوم يا عوشه وبيعرف سيف بأنه له مكانه خاصه في قلبج .. ما يقدر يزعزعها خلاف او وحده مثل عذاري , الله يسعدج ووفقج ياربي دام هذا الشخص دخل حياتج يارب ربج يرزقج به ويسعدج وياه عوشه ساكته وتمسح دموعها تحس كلام فطيم شويه خفف عنها الهم اللي كان فيها . فطيم : يالله الغاليه الحين سالم يتصل ع الخط الثاني .. من سار ويا ربعه صوب العين ما قام يتصل فيني وايد عوشه حبت تغير الجو : يقول المثل من لقى اصحابه نسى احبابه فطيم : ههههههههه هيه والله مع انه المثل مجلوب عوشه : اوكي غناتي سلمي عليه وقوليه تعال بسك فطيم: ههههه ان شاء الله يالله باي عوشه : فمان الله سكرت عنها وعوشه تمت يالسه للحظه ويا نفسها وتفكر .. كان وبيكون بالنسبه لي حب ما بنساك يا سيف سارت غسلت ويها وعدلت شعرها وطلعت من الحجره وسارت صوب حجرت حمد وحميد تلعب وياهم .. شويه ورن تيلفونها .. شافت الرقم رقم شيخه اخت سيف فزت واقفه حمد : منو عوشه : هاي شيخه حمد : سيري كلميها عوشه : اوكي بعدين بيي عوشه سارت تركض صوب حجرتها .. قطع الاتصال عوشه : فظييحه الحين بتقول ما شلته عشان السالفه ياربي ما ابا يعتقدون اني زعلانه عليهم ما ابا يحطون في خاطرهم عليه شويه ورد صاح التيلفون عوشه من اول رنه شلته عوشه مرتبكه : ألوه ما كانت شيخه اللي على التيلفون ولا أي حد من خواتها .. كان سيف اول ما سمع صوتها حس بقلبه يعتصر عوشه : آلو شيخه سيف يبا يتكلم بس مب قادر عوشه : شيخه شو فييج ؟ عوشه : آلو شيخه عوشه يتها الغبنه عوشه وهي مغبونه : شيخه الغاليه تكلمي لا تخليني جيه سيف يحس انه ضربته ظيجه يوم سمع عوشه تتكلم بهالطريقه .. عوشه تسمع كأنه حد يتنهد توسعت عينها حست انه التنهيده تنهيدة ريال مب حرمه اول ما سمعت الصوت بندت الخط تمت ترتجف منو هذا شو السالفه ؟ سيف اول ما بندت عنه عوشه تم متضايق ... مب عارف شو يسوي ؟ فتح ع المسج وكتب عوشه تمت محتاره شو اسوي الحين ؟ شويه ووصلها مسج من تيلفون شيخه عوشه: سامحيني على كل اللي استوالج من صوبي ,,,,, سيف عوشه انصدمت وقلبها تم يدق وترتجف .. كيف خذ رقمي كيف خذ تيلفون شيخه .. كيف يتجرأ وياخذ تيلفونها ويكتب هالمسج اكيد شيخه عاطتنه وشيخه كانت ناسيه تيلفونها في البيت وسايره ويا امها بيت خالتها عشان يخطبون ساره لاحمد أنتهز الفرصه سيف يوم شاف التيلفون طايح على الغنفه في الصاله .. كان متردد لكنه اتصل فيها و ما قدر يتكلم سيف : هذي الطريقه الوحيده اللي بتخلي عوشه تعرف انه مالي خص في سالفة عذاري عوشه : شو اسوي شو اقوله ليش يطرشلي ؟ سيف : رد كتب مسج ثاني .. " عوشه أباج تنسين سالفة عذاري .. لاني ما لي خص فيها .. واقسم لج بربي العظيم اني لا احب عذاري ولاني في يوم وعدتها بشي يخليها تسوي اللي سوته سيف في قلبه كلام وايد يبا يكلم عوشه و يبا يشرح لها انه ما يخصه في السالفه عوشه بدت الدموع تنزل من عينها .. : شو يبا فيني هالريال.. سالفه عذاري انتهينا منها وين يبا يوصل وياي .. ليش يشرحلي يباني اتعذب ازيد وازيد .. يباني انذل له .. شو يبابي بالضبط سيف مب كان فاهم اللي يسوييه كان المهم عنده انه عوشه ما تشك في أي شي من صوبه عوشه اتصلت في فطيم بسرعه .. وفطيم ما كانت عند التيلفون سيف رد طرش مسج : سامحيني يا عوشه احس انج وايد انهنتي بأسبابي والله وربي لامحي عذاري من ذاكرتج وأخليها تنذل على حسابج .. عوشه عصبت لاخر وهي تصيح وكتبت مسج : لا أبا اسامحك ولا أباك تسوي اللي بتسويه .. انا ما شكيتلك الحال .. ولا استوى من بينا شي عشان تسوي لي هذا كله .. وانا ابا اعرف كيف تتجرأ وتطرش مسجات لي انته ما تستحي أسمع الكلام اللي يوصلك ويتعداك يا سيف ان طرشت على تيلفوني مره ثانيه مسجات ما تلوم الا نفسك , واعتبر هذا المسج كدرس ما تنساه طول حياتك اول ما وصل المسج عند سيف انصعق وتم متضايق وحس الدنيا ضايجه فيه ... مسح المسجات كلها اللي طرشها واللي طرشتهن حق عوشه وخلى التيلفون وسار صوب حجرته وصك عليه الباب عوشه من عقب ما كتبت المسج تمت منصدمه وعيونها جافه من الدموع اللي انحدرن وقت ما كانت تكتب المسج اتصلت فيها فطيم وردت عيلها بشكل طبيعي عوشه: ألو فطيم : هلا هاه اسمحيلي ما كنت عند التيلفون عوشه : شلي انا يا فطيم في هالسوالف ليش دخلت في دوامت الحب ؟ ليش انا بالذات يستويلي ها كله وصاحت فطيم زاغت : عويش شو فيييج ؟ عوشه : تخيلي وين وصلت فيه المواصيل انه ياخذ تيلفون اخته ويتصل فييني فطيم : منووو عوشه : سيييييييييف فطيم : شوووووووووو عوشه : اتصل بس ما كلمني وانا طول ما هو ع الخط اعتقد انه اتصال من شيخه فطيم ساكته عوشه : لكن انا طرشت له مسج ينسيه اني انا عوشه وينسى اللي صار كله ويايه .. فطيم : شو كتبتيله عوشه : كتبت اللي كتبه والله ان تجرأ وكتب مسج غيره ل فطيم : لا تقولينها يا عوشه عوشه : سكتت وتمت تصيح فطيم : ياربي يا عوشه ما اعرف شو اقولج احس انه انا السبب في كل اللي استوالج عوشه تنهدت : هذي اسبابي مش أسبابج مرت الساعات والليالي ومرت الايام ودشوا حمد وحميد المدرسه وما عاد يسيرون المزرعه لكثر انشغالهم بالدراسه .. ومن استوت السالفه موول ما طاحوا المزرعه ونادر ما كانوا يتصلون في سيف عوشه يالسه في الحجره و تتذكر سيف وشكله وسوالفه والمواقف اللي استوت ويااه ايام المزرعه ويوم كانوا تحت المضله بالذات ايام الضرابه والجلب وسالفه مزامط الخيول .. ويوم تكلم وياها كل هالاحداث دارت في راسها وسالفت عذاري ما تنشل من مخها .. تبا تنسى بس ما تقدر .. وتبا تنسى سيف .. بس المواقف تذكرها .. حبها له مستحيل ينسيها كيف تنساه وهو اول شخص على وجه الارض تحبه .. كيف تنسى شكله حركاته مشيته ويهه يوم يبتسم ويوم يسولف واشعاره.. ثقافته عن الخيل ما تنساها وشخصيته ع الخيل .. لبسه الكشخه وصوته حتى شكل خيله كحيلان ما تنساه .. مستحيل مستحيل تنساه ..تذكرت والورقه اللي خذتها عنه... كانت كل يوم تطالعها وكل يوم تعيد وتقرا الكلمات .. وباتت راسخه في راسها وعقلها ومحفوره في قلبها .. كانت كل يوم ترددهن ..., بس من تتذكر المسجات اللي كانت من بينها وبينه تضيق ووتكدر بس رغم هذا الحزن كله كانت انسانه طبيعيه جدام اهلها وانسانه ثانيه جدام نفسها كان العصر ويالسه تطالع التيلفزيون في حجرتها وتكتب في الكتاب وفجأه دش البيت سالم سالم ياي مستانس ويزاااعق : عوشاااانه تعااالي عوشه يت تركض من صوب حجرتها : بسم الله شو عندك ؟ سالم : اذا تعرفين شو في هالاوراق ؟ عوشه : خسك الله روعتني سالم : انزين خمني شو في هالاوراق ؟ عوشه : ما ادري يالله خليني اسير ايلس هناك احسلي سالم : يالغبيه هذا اللي في الورقه شي مصيري لج انتي عوشه ردت صوب سالم : احلف سالم : والله عوشه : عرفت عرفت وتمت تناقز .. هذا اكيد شغل لي سالم مبتسم : يا الساااااااحره عوشه تنقز على اخوها وتحظنه وتبوسه سالم : هههههههههههههههههه عوشه تصيح : سلوم احلف قول والله سالم : عافان الله مب ويه نعمه انتي والله انه شغل لج عوشه : وين سالم : في الاتصالات ويانااااااااا وييييو عوشه : قول والله ؟ سالم : والله عوشه : الحمد لله ياربي الحمد لله سالم : الحمد لله اليوم خبرني مدير الفرع اللي مقدملج فيه وسويتي مقابله واتصل فيه تيلفون .. قال انه في شاغر في الفرع ويباج تين من باجر عشان توقعين استلام عوشه : لالالالالالالالالالالالالا مب من الحين سالم : عيل متى ؟ عوشه : قلبي بيطييح سلوم سالم : انا بسير اخبر امايه عوشه : تعال سلوم تعال كان سالم يركض وعوشه تركض وراه عوشه كانت تفكر : يمكن هالشي ينسيني المشاكل اللي استوت ويايه وابدى حياه يديده بالشغل يارب ------------------------------------------------------------------------------------- سيف كان واقف في المكان المعتاد اللي دايم يروح له واقف ع البحر ومحطي ايده في مخباه ويرمس عمره : تنهد شو هالشوق اللي أتعبني .. حسبي الله عليج يا عذاري .. عذبتيني .. يلس على السيف وطلع تيلفونه ويلس يشاكي ربيعه بالمسج .. ويتذكر عوشه يوم كانت في العزيمه والله قلبي معلق بسيد الغيد .. والله وعيني تفتقر شوف زوله .. حبه تعدى القلب من غير تحديد .. واستحوذ بملكه على ما بحوله .. هذا وهذا وهذا له السييييد .. كله الطرق ملكه خذاها بجوله مر بسهل الفواد وانقض توريد .. مسحور كن السحر منبع ريوله . خذني ملكني ليت يفهم يا بو سعيد .. اني احبه يفهم بكل سهوله ابتسم وتم يطالع المسج لين وصل لحمدان ربيعه .. سيف : وين تبا تبتسم يا سيف خلاص ابتسامتك راحت ويا عوشه .. عوشه اللي خذت القلب رايح .. حسبي الله عليج يا عذاري .. انا انسان ضعيف انا فاشل اصلا في الحب .. انا انسان ما يعرف الحياه .. انا مكتوب عليه الشقا .. كيف تروح مني عوشه بهالسهوله .. كيييييييييييف .. وتم من كثر مب هو معصب يفر الحصى في البحر .. شويه واتصل حمدان حمدان ربيع سيف راعي بوظبي .. كان وياه من ايام الدراسه سيف استاانس مع انه الحزن طاغي عليه : مرحبا والله بالغالي حمدان : يا ويل حالي عليك يا سيف من يومك وانته مغروم سيف ابتسم ابتسامه صغيره : ههههه شو نسوي حمدان : شو سالفتك خبرني .. ما تسنالي ارد عليك والله شحالك سيف : عيل بزعل الحمد لله بخير انته شحالك حمدان : بخير ربي يعافيك حمدان : يالله عاد عرس عليها وفكنا سيف : هههههه لا بعدني حمدان : متى يعني ؟ سيف : يوم بخلص البيت اللي ابنيه حمدان : ما شاء الله من متى تبني سيف : والله تقريبا الحين من 4 شهور هاي تخطيطات الوالد الله يرحمه كان وده يبنيلنا نحن ال3 حمدان : الله يرحمه والله يتممهن على خير سيف : ان شاء الله حمدان : انزين وليش ما تعرس الحين ومن يقدر البيت خذها وودها هنااك سيف متضايق: مب وقته والله حمدان : اسميك انته من عرفتك وانته تقول مب وقدته مب وقدته شوفني انا الحين الحمد لله مرتاح الحمد لله والحين اتريا بيبي سيف : والله مبروووووووووك الغالي وان شاء الله ايي بالسلامه حمدان : ان شاء الله .. سيف : ولا شفناك يا من عرست حمدان : والله ظرووف والحرمه نظهرها منه ومنه لازم انته تدري .. سيف : هيه ما شاء الله بس يوم واحد بعزمك انته والشله اللي كانت ويانا يالله يا الزمن جيف يفرق الانسان حمدان : هيه والله شويه ويسمع سيف مرت حمدان تزقره .. سيف : مشغول الغالي حمدان : لا الغالي بس يبوني شويه سيف : ما علييك اسمحلنا جان حيرناك حمدان : افا علييك عزيز وغالي ان شاء الله بنتصلك بعدين سيف : الله معااك الغالي حمدان : فداعه الله سيف : الله يحفظك قام سيف من على السيفه وروح ركب سيارته ومشى بالدرب.. --------------------------------------------------------------------------------- ام خالد : مبروووك مبروك سالم : عاد الدوام رسمي ولين الساعه 3 عوشه : المهم دوااام غيري لين 5 و7 سالم : يالله انا بظهر الحين بس باجر لازم تتزهبين الساعه 8 اوكي عوشه : اوكي --------------------------------------------------------------------------------------- |
والصبح كانت عوشه زاهبه كانت لابسه عباه مسكره وفيها ع الايد شغل بسيط .. ما حطت في ويها شي الا جحال وقلوس تمت تطالع عمرها في المنظره وبعدها ذكرت ربها : لا إله الا الله محمد رسول الله الله يوفقني يارب سالم يضرب هرن في القراج .. ام خالد : وينج عوشانه عوشه : احس ضاربتني زيغه وما اعرف شو اسوي وما بعرف شو ارمس ام خالد : توكلي على الله وسمي بالرحمن ولا تتروعين ترى اخوج وياج عوشه : ان شاء الله انتي ادعيلي بس ام خالد : الله يوفقج الغاليه ويسمح دروبج فديتج عوشه : آمين ام خالد : يالله فمان الله عوشه سارت وركبت الموتر وحاطه ايدها على قلبها .. سالم : شعندج ؟ عوشه : ما ادري قلبي يدق سالم : عن هالسوايا قوي قلبج انتي اخو سالم بن راشد عوشه : هههههه والنعم سالم : يالله حركنا عوشه : يالله ساروا جدى الدواام ودخلوا ع المدير وسلموا ويلسوا بطلت عوشه غشوتها حست الدنيا تدور فيها ومستحيه وقعوا الاوراق وخلصوا المدير : ألف مبرووك تستاهلون سالم : ما علييك زود والله يعلك ذخر المدير : الله يسلمك هذا واجبنا المدير : مبروك لج يا عوشه ان شاء الله تستانسين هنيه عندنا واذا تبين أي شي نحن حاظرين وفي الخدمه عوشه مستحيه : تسلم المدير : والحين تقدرين تتوجهين لمكتبج اليديد وانا بدليكم وبعرفكم على المكان عوشه نشت ولصقت في اخوها من الروعه سالم يصاصرها : بلالاج عوشه : متروعه سالم : يالله عاد لا تفضحينا عوشه : ان شاء الله ساروا لين القسم ودخلوها ع الموظفين اول ما دشت عوشه المكتب انتفضت حست الكل يطالعها .. وهي تطالع تحت المدير وسالم : السلام عليكم الكل : وعليكم السلام المدير : هذي الموظفه اليديده اللي بدال نوف اللي ودعتنا بتسد مكانها وبتوفي ان شاء الله .. لا تتعبونها بالشغل توها يديده الكل : ان شاء الله المدير أشر عليها : اسمها عوشه وهذا ناصر ومحمد وسلوى ونوره وهذاك مكتب مدير الفرع فاضل .. وهذا مدير قسم الماليه اللي هو قسمكم واسمه سيف والحين هو طالع اجازة مرضيه لمدة اسبوع وينوب عنه خالد لكن اليوم بأذن الله بيكون موجود ..سيف مترقي من 3 شهور وهذا اصغر مدير عندنا في الاقسام عوشه من سمعت اسم سيف حست بشي غريب في قلبها ... عوشه تكلم نفسها : عوذ بالله من الشيطان بلاني انا المدير مبتسم : سالم تقدر تتفضل على شغلك وتخلي عوشه في امانتنا سالم تم يفكر .. ويقول انه يمكن هذا هو سيف : ان شاء الله فمان الله سارت عوشه ويلست على مكتبها اليديد .. الكل كان يطالعها نوره : شحالج عوشه عوشه : بخير ربي يعافييج سيف كان ياي شويه متأخر سيده سار صوب مكتب موظفينه ودش عليهم .. سيف مبتسم لهم : السلام عليكم ورحمه الله وبركاته الكل صد صوب الباب وعوشه جحظة عينها اول ما طالعت صوب الباب .. وحست برعشه قويه في قلبها وجسمها .. يعني قلبها ما غلط هذا سيف هو اللي واقف جدامها .. سيف اللي يطريه قلبها ليل نهار .. سيف اللي ما شافته من شهرين الحين ظهر جدامها .. يابه القدر لها .. ويابها القدر له .. سيف كان يطالع ناصر .. اول ما صد صوب عوشه تم يطالعها منصعق مستغرب مب فاهم اللي يستوي جدامه ؟؟؟ ناصر ضحك : هذي عوشه الموظفه اليديده بدال نوف .. محد خبرك اكيد عوشه تحس انه بيغمى عليها شو السالفه احس بقلبي بيطلع من مكانه سيف بدت دقات قلبه تتسارع .. الكل كان مستغرب من نظرته الغريبه لها .. عوشه صدت الصوب الثاني وخلت عمرها عاديه سيف مرتبك : ااا ما كنت ادري انه عندنا موظفه يديده محمد يطالع ناصر ويطالعه كأنه مستغرب ؟؟ سيف : يالله اترخص انا مشى سيف و قلبه يدق : كيف ومتى متى توظفت شو يابها هنيه ليش هي بالتحديد ؟ يلس على المكتب وتم يفكر وبعدين .. دخل عليه خالد وشال الاوراق في ايده وسيف محطي النظاره الشمسيه على عيونه ميود القلم ويشخبط في الورقه اللي جدامه .. خالد دخل بس سيف ما حس فيه .. خالد : الحمد لله على السلامه بو سعود سيف انتبه وشل النظاره : الله يسلمك الغالي خالد : شو الصحه الحين ؟ سيف : الحمد لله بخير ونعمه خالد : شكلك بعدك مريض وفيك اوياع الدنيا سيف ابتسم : هيه والله خالد : تفضل هذي اوراق الموظفه اليديه سيف : محد قالي من قبل ؟! خالد : التوظيف من عند المدير ياي . سيف : هيه ادري بس المهم تخبروني خالد : انزين انت في اجازه و ما صار الا الخير سيف : هي نعم خالد : اوكي يالله انا اترخص سيف : مرخوص الغالي سيف تم يفكر ومب متصور كيف عوشه تشتغل وياهم وتحت ايده هو......... سيف يالس يتخيلها كيف كانت منصدمه ونفس الكلام صارله هو سبحان الله كانه مكتوب لي اشوفها اكثر وتكون تحت ناظري ؟؟! شهرين شهرين ما شفتها والحين يت لي ؟؟ كيف بيكون اسلوبها من بعد المشكله اللي صارت وكيف بيكون تعاملها من بعد المسج الجارح اللي طرشته لي ان شاء الله ما تكون عصبيه وتبين حق الجماعه شي مرت الساعات وعوشه تتعلم على الشغل وسيف حب ما يضايقها وتم الوقت كله في مكتبه يالسه وما طلع منه .. سيف رد بالكرسى ورى وتم يفكر ..؟! : اسير اطالعها ؟! امممممم خلاص بسألها عن الشغل وكيف اجواء الشغل .. لازم انا المدير هنه لازم اكون حازم شويه وانشد عنها .. نش سيف عن الكرسي .. وصد صوب الدريشه وشاف انعكاس ويهه يلس يعدل غترته وبعدها فتح السده وخذ العطر .. سيف : اتعطر ولا ؟ اممممممممم سيف : خلاص برش رشتين بس مشى وسار لين مكتب موظفينه سيف بأبتسامه وبقلب يدق بأسرع ما يمكن . دخل بخطوات كلها حماس يبغي يكلم عوشه عوشه تمت تطالعه .. وكلها بروود .. تبا تحسس عمرها انها هي مب مهتمه له .. سيف خطف بنظره صوب عوشه وشافته .. عوشه ياربيييييييي قلبي يدق الحين بيحسون فيني .. شو سالفته شو هالحظ اللي خلاني ما ايي الا عنده سيف : ناصر.. الملفات اللي كانن في المبنى الجديم كلها مغبره ويبلها حد ينظفها ناصر يطالع سيف ويرد يطالع عوشه : اوكي بطرش كم عامل وبخلهم ينظفونهن و بطلب انهم يجهزون خزانات يديده لهالملفات سيف : لا الغالي الملفات الجديمه مب داخله اساسا في السستم اليديد .. والمفروض انكم تعاونون عليها وتدخلونها في السستم . ناصر : كلهااااا ؟؟؟!! سيف يطالع عوشه : وليش مب كلها ناصر : سيف انته ادرى بالملفات اللي في المبنى انها مب من سنه وسنتين من قبل لا انته تداوم سيف تلعثم : اممم لحظه لحظه عوشه تبا تخلي عمرها عاديه: انا عندي اقتراح سيف والكل صدوا صوب عوشه عوشه حست بزيغه سيف ابتسم : قوليلنا عن اقتراحج عوشه تلعثمت : اااااامم نحن بنمشي على حسب الملفات ... الملفات الجديمه بنركنها على صوب .. وبنظفها ومتى ما بغيتوا ملف منهن بندخله .. اما الملفات اليديده فبنتناوب عليهن .. كل يوم شخصين من المكتب يكتب ما يقارب 5 الى 10 ملفات او على حسب قدرته على الكتابه .. والملف اعتقد يتضمن من 10 الى 5 اوراق .. هذا الشي بيسهل علينا العمليه وبنكون جيه خلصنا الملفات سيف مبتسم وابتسامته شاققه حلجه ..: يا سلام عليج ونعم الافكار .. صفقه يا جماعه الكل كان يصفق لها حست بلوومه عوشه تقول في خاطرها : لا تعذبني ياربي سيف : هذا هو المطلوب .. ان شاء الله يتم التطبيق من باجر بعون الله الكل : ان شاء الله .. سيف لتفت صوب سلوى وحط ايده وراه : هاه سلوى ليكون تعبتوا عوشه بالشغل عوشه انصدمت يوم طراها .. وتمت تطالعه بجمووح وبنظره قاسيه شويه سلوى : لا والله هي اللي تتعنى للشغل مب نحن اللي نعطيها سيف رغم اللي يشوفه من ويه عوشه مبتسم : عوشه شو رايج في الشغل ان شاء الله مستانسه عوشه وهي موخيه وبصوت عصبي شوي : الحمد لله سيف : اذا تبين أي شي آمري لا يردج الا لسانج عوشه ببرود : مشكور سلوى تطالع سيف وتقول في نفسها : كيف يطالعني بهالنظرات .. سيف : هذي الملفات اللي هنه يحتاين توقيع صح سلوى : هي نعم سيف : عطيني قلم .. يلس على طرف الطاوله ويلس يطالع الملفات عوشه : اعوذ بالله منك ومن شيطانك سيف : خلاص انا بشلهن عندي وبراجعهن وان شاء الله ما احصل اغلاط مثل كل مره سلوى : ما ادري اذا بتحصل اغلاط ولا لا لانه عوشه اللي طابعتنهن . سيف : والله ؟!! سلوى : هيه نعم سيف : انا اقول الطباعه غير عفيه عليج يا عوشه عوشه مبطله حجلها شو فيه بيتخبل .. سيف : يالله فمان الله وبعده صد صوب عوشه عوشه ياربي شو هالريال اللي بيفضحنا فضيحه .. الكل لاحظ اهتمام سيف بعوشه .. وكيف كان يلاحقها بنظراته . سيف رد المكتب مستانس .. ويطالع الاوراق بكل دقه .. ويقول ان شاء الله ما اشوفها مغلطه عشان اتصل فيها واشكرها .. مر اليوم وخلص الدوام وسالم كان يتريا عوشه برع عند الباب . ركبت عوشه الموتر وتبطلت الغشوه وهي مبتسمه سالم مبتسم : هااااه شو الشغل ؟ عوشه : والله الحمد لله زي الفل .. سالم : والله اني مستانسلج يا عوشه صبرتي وربج رزقج . عوشه : الحمد لله .. سالم : مديركم سيف صح ؟ عوشه صاده الصوب الثاني : هيه سالم : عيل ما شفته الصبح شو معاملته اوكي ولا لا عوشه : والله ما ادري عنه انا اليوم مداومه ومستحيل اقيمه في يوم سالم : صح كلامج عوشه : بس البنات كانن وياي اوكي وحتى الشباب اللي ويانا في المكتب . سالم : انزين انتي تشوفين انه الدوام جيه متكشفه وياهم عادي ولا شو عوشه صدت صوب سالم : اذا تباني اتنقب عادي عندي سالم تلوم : لا والله ما ابا اغصبج على شي ما تبينه عوشه : لا انا مرتاحه جيه وبعدين واحد معرس وعنده 5 يقولون ما شاء الله وواحد توه معرس يديد سالم : هيه الحمد لله يوم معرسين لا ايلسون يغثونج عوشه : ما يغثوني وانا بنت راشد اعرف ارد عليهم الغالي لا تحاتي سالم : هيه هذي هي اختي اللي اعرفها . عوشه : وبعدين انا مب حاطه شي الا جحال شو فيه ويهي عشان يطالعونه سالم : فيه وفيه وفيه جمال ودلال والحمد لله عوشه : الحمد لله.. وتمت تطالع برع ----------------------------------------------------------------------- والعصر . فطيم : خسج الله ياعويش شووووووووو استوى عوشه : اسكتي ما ابا اقولج فطيم سارت ويلست في ويه عوشه : شو ما بتقوليلي ما يخصني موضوع مهم شرات هذا وما ينقال ؟ عوشه : مب مهم ولا شيات .. فطيم : بذمتج عوشه : هي نعم فطيم : والله يا تقولين لي ورفجه عوشه : ما استوى شي ياربييه فطيم : كيف درى انج انتي يايه عوشه : يقول انه محد خبره فطيم : ليش وين كان عوشه : في اجازه كان مريض فطيم : ما تشكرتيله بالسلامه عوشه : وشحقه فطيم : حرام عليج عويش هذيج سالفه وانتهت حني عليه عوشه : ردينا يا فطيم فطيم : انزين ما يا المكتب ما قال شي ما سولف عوشه : امبلا فطيم : يالله انزين قلبي حاس انه كان يطالعج طول الوقت عوشه : هيه بس انا طنشته وكنت اطالعه برود وبويه معصب فطيم : عوشه سالفه المزرعه والمسج كان شي وسالفه المكتب شي ثاني عوشه : لا كلهم يتشابهن فطيم : لا يا عوشه انتي وياج بنات ووياج شباب مستحيل تخليهم يشكون انه بينج وبينه شي عوشه : المهم انا كنت ما اعطيه ويه فطيم : وليييييييييش عوشه : اطالع هذي فطيم : حرام عليج والله عوشه : والله انه خقاااااااااااااااااااااااااق وجيه يبا يلفت انتباهي فطيم : وكيف عرفتي ؟ عوشه : من تصرفاته يا ويلس على المكتب ويجلب الاوراق وبعد يلس يصفق لي وخلى اللي في المكتب يصفقووون فطيم : ههههههههههههه والله انه عليه حركات شحقه يصفقون عوشه : تراني قلتلهم اقتراح ويلسوا يصفقون فطيم : هيه ما شاء الله .. هييه خلج جييه دوم متميزه عشان تعيبينه عوشه :أعيبه هو ليش اعيبه فطيم : ياربي شكله يحبج ووده بج عوشه تفر فطيم بالمخده : جب فطيم تطالع عوشه : شو جب .. عوشه : والله افكار في راسي تدور ما اعرف شو آخرت هالافكار .. فطيم : والله يا عوشه لو تعمقتي وياه في حبج وقفت وتمت تدور : هاااك الوقت بتدورين شراتي وبتقولين اباه يخطبني اليوم قبل باجر عوشه نشت وتبا تضرب فطيم : فطيييييييييييييييم فطيم : وعاد يوم بيضييع منج هاك الساعه عاد خلالالالالاص قلبج بيكون متحسف بعدها وبتاخذه عذاري عنج عوشه قلبها يحترق يوم تسمع بها الاسم فطيم : انا متأكده انج انتي تحبينه بس مكابره وتبين هالسيف يخضعلج خضوع تام عوشه ساكته فطيم : عيل شوه ؟ عوشه تطالعها بندم فطيم : شو فيج يا عوشه انتي الحين فاهمه وعاقله بعدج ما تعرفين اذا انتي تحبينه ولا خليها تولي عذاري في ستين داهيه يمكن اذا توددتيليه يخطبج انتي قبل صارحتيني وين سار حبج له معقول اختفى من سالفه بايخه ومن مسج ما يعني شي .. وين شوقج وين والعاطفه اللي كانت فيج له ؟ وينها وين سارت يا عوشه ؟ اللي يحب ما يكره ... ومستحيل من وحده مثل عذاري تخطفه عنج عوشه صدت صوبها وهي عيونها فيها دموع ..: انا حبيته ..بس مثل ما قلتي بتاخذه عني عذاري بنت عمه فطيم عصبت : وبهالسهوله تتنازلين لها ؟ هي تباه لكن هو حلف لج انه ما يباها .. قالج .. كتبلج اياها يا عوشه , صدقيني هو ضعيف وتجربته الاولى مثل ما قالت اخته هي اللي غيرته ... ممكن انتي تغيرينه وكثر اهتمامج يخليه يحس شويه ويكمل حبه بخطبتج عوشه والدموع في عينها : انتي تعتقدين شاب مثله ممكن يرتبط فيني انا ؟ ما شاء الله جاه ومال ودنيا .. انتي شوفي وقارني بيني وبينه مستحيل يا فطيم مستحيل عشان جيه تشوفيني اكابر واطنشه طول الوقت ما ابا احبه ولا شي ما ابا اتعلق في آمال تبنيها احلامي ما ابا اتعلق فطيم : ياربي يا تفكيرج يا عويش فطيم : والله انه عقلج اللي قاص علييج والحين اكتشفت انج جاهله ومب متعلمه عوشه ساكته وتدمع عينها --------------------------------------------------------------------------------------- سيف يالس في صاله بيتهم وسرحااان .. شويه ويت شيخه .. كانت مب مرتاحه من تصرفات سيف الكدريه من عقب ما استوت سالفه عذاري يلست مجابلتنه وسلمت شيخه : السلام عليكم سيف انتبه : وعليكم السلام شيخه : شحالك من امس ما شفتك سيف : وليش اللي يملج ايشوفونه ؟ شيخه استحت : ههههههههه جب سواف سخيف سيف مبتسم لها : الله يسعدج ياربي شيخه : تسلم سيف متردد يخبرها شيخه : جنه تبا تقول شي سيف ارتبك : مثل شو ؟ شيخه : ما ادري سيف : هييه بغيت اقولج شي شيخه : شفت قول قول اتريا سيف : اااا اليوم اتوضفت عندنا شيخه تسمع وقطعته : عوشه ؟! سيف مستغرب : كيف عرفتي ؟ شيخه : ما ادري طرت ع بالي هالانسانه وطريتها سيف : لا صدق شيخه : والله العظيم اني ما اعرف سيف صاد الصوب الثاني : اااا يعني هي ما تكلمج شيخه صدت الصوب الثاني : والله يا سيف شو اقولك من استوت سالفة عذاري ما تكلمنا . سيف صد بقو : أحلفي شيخه : والله سيف : ليش يا شيخه شيخه : انا اتلوم وما اعرف شو اقولها كيف ابدالها كيف اخليها تسامحنا سيف تذكر يوم كانت كاتبتله ما ابا اسامحك وحس بضيق وتكلم بضيق : المهم انا خبرتج يمكن تباركيلها شيخه : اممممم يمكن اطرش لها مسج سيف : اوكي شيخه : بس وين في أي قسم هي ؟ سيف يتنهد : في قسمي شيخه انصدمت : احلف سيف : والله العظيم شيخه دارت في بالها افكار يالله كيف الاقدار تجمع ؟ شيخه : ما شاء الله عليها تستاهل عاد لا تكلف عليها بالشغل سيف ابتسم : انا اكلف عليها يا شيخه ؟! شيخه : ادري ادري يمكن تخلي هل المكتب كلهم يشتغلون وهي تمنع عنها الشغل سيف : ياربي يا كلامج يا شيخه شيخه : هههههههه شو فيه سيف : ما ينبلع ؟ شيخه : انزين بخبرك شي سيف : شو شيخه : عذاري سيف عصب : لا تيبين طاريها شيخه : انزين حبيت اوصل الرساله بس سيف : شو فيها شيخه : تستسمح منك وبس سيف مب فاهم : شو سالفتها ؟ شيخه : سالفتها انه عقب هالشهر اللي تعبوه في لندن ويا عمي .. ولد واحد من الهوامير خبطها وكانت تشوفه كل يوم في المستشفى وتتخبر عنه سيف يود راسه: مينوووووووونه مينونه هالبنت وربي . شيخه : ههههههه الله يهديها تقول انها بتي تملج هنيه بعد شهر وبتعرس عقب شهر بالمره سيف : لا حول ولا قوة الا بالله الله يرزقها شيخه : سيف انته طيب سيف : انا مب طيب بس ربج يغفر لعباده شيخه : انزين هالسالفه لصالحك يا خويه .. افتكيت منها ومن بلاويها .. سيف : الحمد لله شيخه ياها اتصال من ريلها .. اقولك الحين انا بخلييك سيف مبتسم : هههههه سلمي عليه سيف حس بأنه الضيق كله خاز عنه .. هذي فرصته مثل ما قالت اخته انه يبدا حياته من يديد ويا عوشه ويكسب ودها في الدوام .. .................................................. ......................... .................................................. .........................يتبع 5 قال القلب بأنها ملك له .. وقالت الروح بأنها رمز لها .. وقالت العين بأنها نور لها .. وقالت الاضلع بأنها كنز لها .. وقالت انا ,, انا كلي لها جميع حقوق ابيات القصيد محفوظه لثرى بلادي |
تسلم اخوووويه وبانتظار البارت الياي |
سلـآمي عـ القصة وربي انهـآ طرر والبارتات اكشن xاكشن نترقب البارتات الباجيه |
مرحبا الشيخ شحالك غرشوووب وين البارت طولت علينا :خ9: |
وووووووووووووووووووووووووووووووووووووووووووووووووو وووين البااااااااااااااقي ؟؟؟؟؟ لاعاااااااااااااااااااااد ابا الكماله مالت القصه ؟؟؟؟؟؟؟؟؟؟؟؟؟؟؟؟؟؟؟؟؟؟؟ دخيلك نزلهااااا |
الجزء الخامس كل الشهور تمر ووليفي يصد .. دوم يتشائم من وجودي ويلتاح يا كيف انا بصبر ويا كيف برتد .. عنه عديل الروح والحب فظاح متمكن عقلي وروحي ويمتد ... ما بين قلبي والسويدا بالارواح .. علني فداه وجعل عمري لها فد .. لي مدمن فوادي عليها ومرتاح ويعل السعاده بصدرها دوم توجد .. ويعل الكدر من دربها دوم ينزاح يشهد عليه الحبر والطرس يشهد ... بأنه رياحين القصيد بحبها فاح كلمات : ثرى بلادي مر شهرين ونص وهم على هالحال سيف مستانس من عوشه انه وياه في المكتب ويحس انه حب الشغل من عوشه ( كل ما يشوفها يتذكر الايام اللي مرت وياه .. ويتذكر الوقت الشين لي مر ويا عذاري.. سيف .. الحين يحب عوشه من 6 شهور وهي ما تحس به.. وعوشه تطنشه ساعات وساعات تبتسم له وساعات ترمقه بنظارات سيف ما يحبها .. بس تحس انه سيف غير الانسان اللي هي كانت تتخيله وتحلمبه يكون لها , تحس قضت وياه اوقات حلوه لو مب عذاري وسواياها .. تحبه ودها تعترف له .. .. لكن بعدها تكابر .. ما تقدر تلتفت له ما تقدر تخلي حبها يتطور اكثر من هالحدود ما تقدر تخليه يستملكها .. هي تحس انها تشتاقله ساعات وساعات تبتعد عنه .. هي تحس انه ملك روحها وقلبها وصورته مطبوعه في قلبها ... سيف لها هي .. دايما هالجمله في قلبها تردد وما تدري ليش .. احساس داخلها يقولها هالكلام .. في اليوم الثاني .. ومن الصبح سالم نزل عوشه وسارت تركب المصعد .. صدفه كان سيف يالس يشرب ماي وهو مار يبا يركب من صوب الدري متعود يركب من هناك.. غير رايه وضرب على المصعد قبل ما يتسكر دخل وتفاجأ بعوشه ؟ سيف دخل وبعد تم متفاجا انصك المصعد وارتفع عوشه تمت ترتجف اول مره تكون وياه في مكان روحها .. شلت الوقايه وحطتها على ويها .. سيف انصدم من هالموقف وقال : وليش يعني ؟ عوشه سااكته ومجتفه ايدها ولاصقه في الطرف سيف متضايق : عوشه شو مسولج انا ؟ عوشه واقفه وتطالع سيف وهيه متفاجأه من كلامه .. وترتجف سيف متضايق : صدق عوشه كيف ارضيج كيف بخليج ترضين عليه ؟ ؟ عوشه تضايقت تحس انها مب قادره تتكلم ( تحس انه هاليوم نهاية حياتها ) . عوشه حست انه مزودتنها وياه.؟ بس هو كيف يتجرأ يكلمني جيه ؟ أخيرا وصل المصعد الدور السابع .. قبل ما يفتح الباب رد سيف وسكره .. عوشه زاغت وتم قلبها يدق سيف: ابا منج جواب يقنعني يا عوشه كان سيف محطي ايده صوب الازرار عوشه ضربت ايد سيف وبقو وفتحت الباب وسارت صوب مكتبها بسرعه تحس انها سوت شي غلط سيف بعده مب مصدق من ردت فعل عوشه طلع من المصدع ميود ايده وصد صوب مكتب عوشه ورد صوب مكتبه عوشه : تحس انها تنتفض من جدمها لين راسها .. قلبها بيطيح وعينها جاحظه .. انا ظربت سيف ؟ سلوى : صباح الخير يا عاااااشه عوشه : صباح النور هلا سلوى : شو فيج بسم الله عوشه : ما شي سلوى : ليكون ظاهر لج الرجل الاخضر اشوف ويهج مصفر عوشه تحاول تكون طبيعيه : هههه لا والله سيف في هالوقت مستغص يحس انه وايد متضايق من سالفه عوشه وعدم انتباهها له .. سيف : ما ابا تكرر لي نفس السالفه ما ابا اطيح بمشاكل مثل هذيج المره ما ابا اتعذب نفسيا يا ربي .,,,,,,ليش تحسسني عيل اني قريب منها دامها جيه وليش من الاساس تي صوبي .. سيف : لا حول ولا قوة الا بالله العلي العظيم ------------------------------------------------------------------------------------------- بو محمد كان يالس في الدوام و بو خالد توه مروح عنه شويه واتصل فيه ولده محمد وخبره انه يبا يسافر مثل كل مره بو محمد بعد ما سكر عن ولده .. تم يتفكر متى بيعرس متى بتكون اللحظه اللي بيشوف فيها احفاده .. يوم سعده ومبتغاه بس هالولد ما يدري وين الله حاطه .. ما يشوفه الا في الليل .. بو محمد يالس يتفكر وصدفه مر طيف عوشه بنت بو خالد جدامه .. بو محمد ابتسم . : يمكن تعدله .؟؟! يمكن تسنعه .. يمكن تخليه ملكه ويخليها ملكه .. يمكن تكون من نصيبه ... سار بو محمد صوب مرته البيت ويلس يرمسها عن عرس محمد وانه في خاطره يخطب عوشه بنت بو خالد له .. ام محمد : صحيح انها غاويه وطيبه وويها سمح بس بنات اخوك اولى .. وبنات اختي اولى بو محمد : اولى لكنه ولدج ما تناسبه وحده من هذيل .. هذيل قويات وعليهن لسان بيطلقهن من اول ليله .. ولا عوشه السنع كله والرزانه .. تنحط على اليرح يبرى .. بتسنعه هالبنت وبتخليه ع الصراط يمشي ام محمد تتنهد : شورك في راسك واللي تباه سوه بس خبره اول بادي يمكن ما يباها ؟! بو محمد عصب: يهبي ما يباها انا اللي بخطبها من ابوها وهو ما عليه غير انه يكون زاهب ام محمد : ان شاء الله ربي يتممه على خير . بو محمد : آمين .. انا بنهي عنج بسير جدى الشركه واذا مر عليه بو خالد بخبره ام محمد : ما شاء الله حار بحار بو محمد : غايته --------------------------------------------------------------------- والعصر بو محمد : طالبين القرب منكم بو خالد تفاجأء : قربكم جنه يا بو محمد بو محمد : نبا عوشه لمحمد بو خالد مستاااااااانس: تم ولا تحاتي بعد بو محمد مستاااااااااااااانس من الخاطر : والله فرحتني والله نذر عليه لخلي العرس والملجه في يوم واحد . بو خالد : هذا يوم سعدنا يا الغالي بو محمد : الله يخليك ويبارك فيك بو خالد طاير من الفرحه ..ومب عارف يوصف فرحته بيناسب بو محمد .. اللي يتمنى الكل انه يناسبه بو محمد مبتسم : نبا تردون علينا بسرعه لاني ابا اشد الضهر بمحمد واباه ايب لي ولد بو خالد : ان شاااء الله .. بدال الولد درزن .. ولاده شرات امها ان شاء الله وتوووم بعد بو محمد : ان شاء الله الله يسمع منك بو خالد مب قادر ايلس من الفرحه بو محمد : انته الحين توكل وانا بناقش الموضوع ويا محمد بو خالد تفاجأ اول بادي وعقب سر الموضوع في خاطره روح وهو مستانس ومستغرب .. يعني اكيد ولده ما فاتحه في الموضوع ولا قاله دش البيت وهو مستااانس ع الاخر وسار صوب مرته بو خالد وعلى ويهه الفرحه : يببي جانج تعرفييييين ام خالد استانست يوم شافت ريلها مستانس : وشعنه ؟ بو خالد : بو محمد يبا يناسبنا ام خالد تروعت اول بادي ..: يناسبنا بو خالد : يبا عوشه لولده محمد ام خالد : ما شاء الله ما شاء الله هذي الساعه المباركه بو خالد : فرحان يا ام خالد فرحان ام خالد : يعلها دايمه عليك الفرحه ياربي بو خالد : ويااج الحين اباج تسيرين تخبرينها .. وتاراه نذر بانه العرس والملجه في يوم واحد ام خالد تضايقت : وشعنه نتسرع عاد بو خالد : من فرحته ما عرف شو يقول .. الامور بتتساهل ان شاء الله وهذا ولد الغالي ام خالد : الله يتمم هالزواج ع خير الحين سايره اقولها بو خالد : ولا اقولج انا بسير اقولها ام خالد : خلها انا بنشدها احين بو خالد : خليني استشيرها روحي .. ام خالد : يالله توكل على الله ----------------------------------------------------------------------------------- مايد : انزين لا تخلي نفسك جيه مدامك تحبها تقدم لها . سيف يطالع بعيد : نظراتها قاسيه يا مايد مايد : ليش سيف : ما ادري مايد : كيف ما تدري سيف تم يفكر ويفكر : ما اقدر اخطبها مايد انصدم : ليش ؟!! سيف يطالع بعيد : اخاف يصيرلي مثل هذيج المره مايد : سيييف ؟! سيف : مايد انته ادري بالحاله اللي صارتلي من عقبها مايد : سيف خل ايمانك بربك قوي يا خوك شو هالرمسه كمن مره بنرمسك في سالفه جديييمه مر عليها سنين سيف : خمس سنين مايد : خمس سنين عمر يا خوك اذكر الله يا الغالي سيف : لا إله الا الله محمد رسول الله مايد : انا اقولك مدامك تحبها لازم تتقدم لها سيف تم يفكر شويه :مايد اسمحلي ما اقدر اتكلم عن هالموضوع زياده لانه احسه لي انا وخاص فيني مايد استحى : ان شاء الله بس كل ما تلقى صدرك ضايق صدقني بتلقاني جدامك وصدري مفتوح لك يا الغالي سيف : تسلم غناتي تسلم مايد : خلنا نسير السينما يقولون منزلين أفلام يديده سيف : يالله عيل احسن بنقصر الدوب .. بتصل في خلوف يمكن ايي ويانا .. مايد : غايته --------------------------------------------------------------------------------- عوشه كانت منسدحه ع الشبريه وتطالع التيلفزون وتشخبط ع الكراسه مالها وتفكر في سيف والكلام اللي دار بينها وبين سيف تحس انه وقتها كله حق سيف عوشه تكلم نفسها : انا احبه ولا هالمشاعر كلها كلام فاضي فكرت وفكرت .. حست بغبنه ( لا والله من زماان احبه ) واتمناه لي والله كال الضروف اللي منعتني عنه خلتني اتمسك فيه اكثر .. دش سالم عليها .. وسكرت الكتاب بسرعه لانه الكراس كله مكتوب فيه اسم سيف .. سالم مبتسم ..: شو بلاج عووش ؟! عوشه : لا ما شي سالم : عوشه قوليلي شو السالفه خبريني عندج مشكله في الدوام حد مضايجنج ؟! عوشه : لا والله بس احس اني ملانه شويه احس انه روتين متكرر وما اسوي شي سالم : فديييت عوشانه قومي الغاليه قومي انا وفطامي قايلين نبا نسير السينما ومعزمين نوديج ويانا . عوشه : والله ؟! سالم : هي والله عوشه حست بأحراج : لا لا سلوم ما اقدر اسير وياكم سالم : يالله عاد قومي البسي ويك اند العرب كلها تظهر فيه عوشه : لا حرام بخرب عليكم انا في عمري ما سرت هالسينما ولا حتى اعرف شقايل نامونتها سالم : هههههه قومي عاد بنوديج حياة قراند عوشه : شوو؟! سالم : ههههه حياة قراند سينما في دبي عوشه : ياحيكم والله سالم : دقايق وبخلص لازم اشوفج صوب الباب عوشه : ان شاء الله عوشه سارت تختار من ثيابها : شو البس ؟! ما اعرف شو البس بتصل حق فطوم اتصلت حق فطيم بنت خالها وردت عليها فطيم : آلو عوشه : هاه يقولون عازميني فطيم : ما تستاهلينها والله عوشه : شووووووو فطيم : هههههههه قصدي تستاهلين زود عوشه : هيه اتحرى بعد فطيم : هاه بلاج متصله بعد,,,,, انا بسير البس عوشه : متصله اقولج السنما شو يلبسونلها فطيم : كندوره مخوره وبدله مخوره ووقايه بيضا عوشه : هههههههه فطيم عاااااااد فطيم : ألبسي شي راقي شي حلوو شي شييك عوشه : جيه وين سايره عرس فطيم : خلج تتعلمين عشان عقب يوم يخطبج سواف تتدلعين عليه وتراوينه الكشخه كيف تكون عوشه تضايقت : خلصيني شو البس فطيم : ما عيبتها السالفه عوشه : فطيم عاد فطيم : اوكي اوكي البسي بنطلون جينز ولا عادي وقميص طويل أحلى بيظهر عليج عوشه : اوكي اوكي يالله باي فطيم : عاد حطي شوي ميك اب عشان تتطلعين غاويه عوشه : امبوني بتغشى شحقه احط ميك آب فطيم : جب لاه حطي ميك أب عوشه : انا بسكر يالله باي وسكرت في ويها وسارت شلت لها ثياب .. وربعت تسبح --------------------------------------------------------------------------------------- سيف اتصل في ربيعه مايد : هاه انا طالع الحين بتحصلني عند الشيشه ولا امر عليكم البيت .. مايد : لا لا خلاص انا طلعت ويا خليفه سر صوب الشيشه بنوقف الموتر وبننزل هناك تعال لنا سيف : اوكيك ----- سالم : هاه شو تبون فطيم : انا ابا اورنمين سي بس عوشه : مي 2 سالم نزل ويلست عوشه وفطيم يرمسون . فطيم : هااه شو بلاج عوشه : شو بلاني بعد فطيم : اشوفج والله انج عوشه : بخبرج بس بسرعه فطيم : شووووو عوشه : اليوم ظربت سيف على ايده فطيم انصعقت ؟؟! : شووووووو عوشه : هيه والله فطيم : ليش عوشه : قليل ادب فطيم : اويه شو السالفه عويش شو استوى ؟ عوشه عينها على الباب ومتى يوصل سالم : تخيلي وانا راكبه المصعد شويه ودق المصعد وركب ويايه وهو متفاجا فطيم وودها تنقز عند عوشه فطيم: وعقب عوشه : اول ما دخل رديت ع اليدار وتغشيت فطيم : اويييييييييييه شو ها انتي خبله ؟ عوشه : شدراني ما ادري شو خلاني اسوي هالشي فطيم : انزين شو قال هو ؟! عوشه : تفاجا وقال ليش يعني فطيم : صدقه عوشه : سالم وصل اسكتي بعدين بكمل لج سالم ركب الموتر : تحيرت عليكم ؟ فطيم : شويه سالم : يالله ما باقي شي عن يبدا الفلم فطيم : عاد بشوي شوي سوق روحوا سيف وربعه السينما فطيم : نزلت وعوشه وياها سالم تجدمهم فطيم : بطلي الغشوه لاه عوشه : ليش فطيم : بس عاد اونج عوشه : اف منج فطيم : هيه جيه احسن بس اشوفج ما حطيتي ميك آب عوشه : هيه ما حطيت كل ها وما حطيت ؟ فطيم : حاطه جحال وقلوس اونه عاد مالت عليج عوشه : والله انج انتي شيطانه مب بنت خاله فطيم : انا ادور مصلحتج عاد عوشه : الحين بيهزبني سالم فطيم : ما له خص سالم يالله عاد اول ما وصلوا خذ سالم التذاكر وفطيم وعوشه ساروا يطلبون شي ياكلونه الناس طوابير وفي مكان واقف فيه شخص ومحد وراهم فطيم : تعالي بنوقف هناك عوشه : اوكي بس لا تخليني امشي روحي انا من استويت ما طحت هالمكانات فطيم : اوكي كان سيف هو اللي واقف في الطابور روحه اول ما طلب وخلص التفت وعوشه كانت مب منتبهه تطالع شو من الافلام اللي بيدخلونها ؟ فطيم تمت منصعقه يوم شافته وهو تم مبهت يطالعهم ؟ عوشه التفتت انصدمت وبطلت عينها وقالت في خاطرها شو يايبنه هنه ؟؟ ! سيف بلع ريجه ومشى شويه وعوشه لصقت في فطيم وسالم يا صوبهم . سالم : هلالا والله بو سعود شحالك سيف : بخير طاب حالك انته شحوالك الغالي ؟ سالم : بخير الحمد لله سيف : الله يخليك سالم : ما شاء الله أي فلم بتدش سيف : هذا مال بروس ويلس سالم : هيه ما شاء الله بندخل عيل نحن سيف : يالله اترخص منك سيف تجدم وبعدها التفت وراه يطالع عوشه سيف : قلبي طااااح ياربي شو مسويه فيني هالبنت ؟ خليفه : هاه شو طلبت لي ؟ سيف : يود خليفه : مايد اتجدمنا سيف : يالله عيل ندش خليفه : يالله سيف : كان ما وده يدش .. يبا يطالع عوشه ... فديت القدر يوم ايبج صوبي .. طلبوا وخلصوا وعوشه بعده قلبها يدق .. في كل مكان ويايه ؟؟! ليش ياربي ليييش .. كل ما ابا انساه شويه القدر ايبه صوبي ؟ دخلوا القاعه ويلسوا في الكراسي ويلسوا يطالعون .. سيف طول مب هو يالس ما كان يفكر في الفلم .. يطالع وهو سرحان .. ويبا يعرف في اي مكان هم يالسين كان يفكر فيها ويفكر في سالفه اليوم واللي سوته فيه يقول انه عوشه ملت من سالفتي .. وودها تلقى لنظراتي حل .. هذا شي اكيد ... ما ودي اعذبج يا عوشه بس القلب مب راض يستقر على راي واحد . خلص الفلم وظهروا منه وعوشه اول ما خلص الفلم حطت غشوتها على ويها .. ومتيوده في فطيم بحيل .. فطيم : شو بلاج بسم الله عوشه : ما شي بس ابا اطلع بسرعه فطيم : يالله انزين .. سيف طلع وهو يدور بين الناس عن عوشه ..؟ خليفه : الفلم فن الصراحه . مايد : هي يالله قوموا نصلي المغرب سيف كانت عيونه تدور بين الناس .. ومب وياهم مايد : سيف ؟ سيف التفت : هلا مايد : شو بلاك ؟ سيف : ما شي مايد : تم يطالع ويدور هو الثاني سيف : وين سايرين الحين ؟ خليفه : صلاة المغرب فايتنا الغالي بنسير نصلي سيف : اوكي يالله ---------------------------------------------------------------- كـــــــــــــــــــــــــــــــــــــت وسموحهـــــــــــــ |
وييييييييييييييييييييين البااقي يلااااااااااااااااااااا |
؟؟؟؟؟ وربي القصه حلللللووووووووووووووه البارت 6 وينه ؟؟ |
البـآآآآآآآآآآآآآآآرت فن ..! نتريـآ البارتاات الـ2 |
البارت طر ونتريا البارت الياي بس دخيلك لا تتاخر علينا |
؟؟؟ وينك دخيلك يلاااا اترياهمـ |
اخوووويه وينك تاخرت |
تسلمون ع المرور الـــــــــغـــــــأويـــــــ ---------------------------------------------------------------- سالم : مديركم ما شاء الله يتابع افلام بعد فطيم : يا سلام انته بس عيل اللي اتابع افلام . سالم : انتي اشلج انا ارمس اختيه فطيم : وانا ارمس عن حميتيه سالم : حميتج مربوط لسانها فطيم : تراها ما تعرف ترد طالعه شراتك سالم : تسبيني وانتي في حرم سيارتي قومي اطلعي اشوف عوشه : عاش اخويه طلعها وانا بركب جدام بنشوف عاد منوه بيوصلها الشارجه فطيم حاطه ايدها على باب السياره : عيال الحلال وايد بيوصلوني عيال بلادي هذييل خوين شما ربي يحفظهم سالم فيه ضحكه : ان نزلتي بقص ايدج اللي انحطت على الباب فطيم : هييه اشوفكم بتهجمون عليه انته واختك موديني بعيد عن اهلي وطايحين فيني تقطيع عوشه : روحج يبتي حق عمرج الضر . فطيم : ردوني عند اهلي اشوف سالم : احسن بتوفرين علينا نمر المطعم فطيم : لا اول عشوني وعقب ودوني بيت اهلي سالم شل شنطه فطيم : من حسابج عيل فطيم : اوكي اذا حصلت ربع في الشنطه قولي عوشه : آفااااااااااا مرت سالم بن راشد ما في شنطتها ربع ؟ فطيم : آخر الشهر يا حبيبتي . سالم : ما ادري وين تودي هاي الحرمه البيزات خراااايه طالعه على منوه ؟ فطيم : الحمد لله اني ما طلعت عليك ,,,, اتيود البيزه عن تطيح من مخبايك سالم : طال لسانها هالحرمه من خذتها .. كبر راسج اشوفه يا بنت سعيد .. انا اصرف على عمري واصرف على خواني واعطي اهلي وايمع حق عرسج اللي فاقرني يا ست هانم فطيم : غمضتني تصدق والله مب قصدي سلوم لا تاخذ عليه خبله شراتك عوشه : ما مليتوا انتوا ؟ متى بنوصل مطعمكم الموقر ؟ سالم : بعد هالجسر المطعم مستعيله الدبه عوشه : دبه حرمتك فطيم : ريلج الدب يا البوتمبه عوشه : انا ضعيفه شو ياب التمبه لي انا فطيم : جب عنااااااا نزلها اخاف تفقر ريلي من الطلبيه سالم : حشرتونا اسكتوا بتفضحونا يالله انزلن ----------------------------------------------------------------- هل أحسست بالحب اتجاهي ام ما زال قلبك مسور بجدار من صخر قاسي وفولاذ .. اعشقك واعرف ما يريده قلبي .. من قلبك .. لا تجعلني اشعر بالذنب .. ولا تجعل رروحي تتعذب . أحبك هذا ما يستنتجه قلبي أحبك ردت عوشه البيت واتصلت فيها فطيم .. فطيم : ليش جيه كان يطالعج بهالنظره ؟ عوشه متضايقه : لاني ضيجت به فطيم : انزين كملي لي السالفه عوشه : عقب ما تغشيت تخيلي شو قالي قالي ليش انا شو مسولج قوليلي كيف ارضيج فطيم : اويييييييييه حرام علييج والله شفتي كيف خليتيه عوشه ودها تصيح : انزين انا شو ذنبي ؟! فطيم : ذنبج انه خليتيه يحبج عوشه : انا لازم احط هالسالفه حل فطيم : شو من الحلول عندج ؟ عوشه : بقوله شو تبغي مني بالضبط فطيم : قصده شريف الريال عوشه : لا شريف ولا غيره .. شو يعني يبالي اسويله ؟ يعني قصده اكلمه ؟ ليش الحب بالكلام من ورى الاهل ؟ فطيم : هاي مب جنها نغزه عوشه : انا ما طريتج في شي بس صدق انا ما اعرفه ولا يعرفني .. مجرد كنت وياه ايام المزرعه وكنت وياه في كمن موقف والحين في الدوام .. صح انا حبيته وحبيت طباعه بس عاد خلاص انا مليت من هالسالفه , وسالفة بنت عمه تكفي تكفي يا فطيم فطيم : هيه والله عندج حق يعني اذا هو يحبج يتقدم لج عوشه تمت ساكته شويه ودشت امها عليها ام خالد : اباج في كلمة راس شويه تعالي حجرتي عوشه : ان شاء الله امايه فطيم : شو السالفه ؟ عوشه : ما ادري بلاها امايه تباني شويه فطيم : انزين عقب بكلمج انا بعد يالله فمان الله عوشه : فمان الله نشت عوشه وسارت صوب حجرت امها .. دشت الحجره ام خالد : هاه بلاج امويمه عوشه تتنهد : ما شي والله بس ضيجانه شويه ام خالد : من شوه ؟ عوشه : ما شي بس بنادم ساعات يتضايج ما يدري من شو ام خالد : لا تتضايجين يا الغاليه انتي وراج عرس باجر ولازم تستانسين له عوشه مستغربه : أي عرس هيه قصدج عرس سالم ؟ ام خالد : ههههه فديته سالم بيعرس وما باجي عن عرسه الا شهر ..وانتي عقبهم بسبوع اسبوعين تعرسين عوشه انصدمت وحست انها متسمره مكانها ... افكار تدور في راسها وتحس انه الدنيا تدوور وتدور .. ام خالد : ههههههه قبلج سويت هالسوايا .. خلاص انتي كبرتي البنت من تكبر وايها الخطيب تعرس وتسير بيت ريلها عوشه بصدمه : انتي عن شو ترمسين ؟ ام خالد : اليوم ناس كلمونا عنج ويبونج لولدهم عوشه حست بغبنه : ومنو هالناس كانت تظن انه سيف ام خالد : بو محمد خطبج لولده عوشه هنيه كانت عليها الصدمه كبيره حست بالدنيا اظلمت في وييها وحست الكلام يتردد في راسها .. ام خالد : لا تطالعيني جيه ابوج موافق وانا موافقه انتي شو رايج ؟ عوشه بعدها ما تقدر تتكلم مره وحده صاحت وحطت ايدها على ويها ام خالد : شو عندج بعد عوشه تصيح : ما با ما ابا اعرس خلوني في حالي ام خالد : شو هالمنكر بعد شو اللي يصيحج عوشه نشت من عند امها وركضت صوب حجرتها .. تصيح ام خالد : هاي اللي بتخبلني شو عندها سارت تصيح ما ريت بنيه ياين يخطبونها تصيح عوشه تصييح بحيل : ما ابااااااا ما ابا ولد بو محمد يخطبني ما اباه ما شفته ما عرفته ولا احبه .. الحين تمت تفكر بكلام فطيم وتفكر بسيف ,, عوشه : ياربي شو اسوي ما اباه ام خالد يت عند بنتها وفتحت الباب وحصلته مقفول ام خالد : قومي افتحي الباب يا عويش قومي عوشه : تحس عمرها ضايعه .. قامت وفتحت الباب .. ام خالد : يا غناتي يا امايه هذا شي لابد منه ما في بنت ما بتعرس .. وانتي ما بتاخذين أي واحد انتي بتاخذين ولد بو محمد اللي الكل يتمنى يناسبه ..و ابوج يا الغاليه من سمع الخبر يا طاير من الفرح والدنيا مب شالتنه من السعاده .. فكري يا امايه .. ترا مصلحتنا تنصب ورى عرسج من ولد بو محمد .. وابوج يا الغاليه يشتغل ويا بو محمد من 7 سنين وهالعلاقه اللي من بينهم ما تنبني في يوم وليله .. عشرة عمر تعتبر .. وانتي رفضج لمحمد بتهدين كل اللي بناه ابوج من احترام ومن صداقه من بينهم .. ربي يرضى علييج وافقي وخلي قلب ابوج فرحاان .. وبو محمد قال أي شروط هي تباها انا مستعد انفذها لها .. عوشه صاحت ونقزت على حضن امها وحست انها تبا تصيح اكثر واكثر ام خالد حظنت بنتها : شو ياج يا امايه باجر الصبح اباج تردين عليه خبر لانا ما نبا نحير الريال ام خالد طلعت وعوشه تحس انها بتتخبل .. سارت صوب الحمام وغسلت ويها وردت طاحت تصييح .. عوشه : ماااابااااااااااااااااااااااه ما ابا محمد في عمري ما شفته ما عرفت اخلاقه ما عرفت طبيعته كيف بتفاهم وياه وكيف بكلمه الحين حسيت بقيمتك يا سيف .. شلت التيلفون واتصلت في فطيم ميته من الصياح فطيم قلبها طاح من سمعت عوشه : عويش بلالاجج عويش عوشه مب قادره تتكلم : بو محمد فطيم : قوليلي شو السالفه عوذ بالله عوشه تمت تتنفس : بو محمد خاطبني فطيم مب فاهمه شو تقول عوشه : شو بلاه بو محمد ؟ عوشه : خطبني لولده فطيم في هالوقت حست بسم في قلبها : شووووووووووووووو عوشه : مابااااه يا فطيم ما باااااااه فطيم : شو السالفه شو اللي صار هدي بالج عوشه تمت تتنفس وتهدي عمرها وتشرب ماي : يا فطيم قلبي يعورني ما اباه ولد بو محمد ما بااااه بس امي رمستني وقالتلي انه ابويه وهي موافقين وعرسي بيكون عقبكم باسبوع ولا اسبوعين وردت تصيح فطيم : شو ياينهم اتخبلوا اهلج ما فيهم مخ .. شو بيقولون الناس ؟ عوشه : فطيم ما ادري شو اقولج بموت فطيم : انا بتصل حق سالم الحين ايي يشوف شو السالفه عوشه : دوريلي حل امي قالتلي ردي علينا باجر فطيم : بسم الله شو ياهم خلاص خلاص فديتج اهدي الحين بيي عندج سالم ولا تصيحين عوشه بندت في ويه فطيم وطاحت ع الشبريه وتمت تصيح فطيم : هيه والله سالم : محد خبرني فطيم : انته سر اطالع شو السالفه ورمسني عقب سالم : اوكي غناتي فطيم : لا تخلي عويش فديتها روحها سالم : ان شاء الله يالله فمان الله سالم طلع من ميلس ربعه وشخطه سيده ع البيت . ------------------------------------------------------------- سيف يالس ويفكر في كلام ربيعه مايد .. سيف : صح ليش ما اخطبها .. ليش ما تكون لي قبل متكون لغيري انا شو يالس اتريا .. سيف : بخبر شيخه وبخبر امايه وبخبرهم كلهم عنها وبقولهم يخطبونها لي قبل لا تكون لغيري نش سيف وسار وركب سيارته وسار صوب البيت وبعدها تذكر انهم سايرين صوب السوق ولين الساعه 10 ما يو يلس في الساله وتم يطالع التيلفزيون لين ياه الرقاد وطاح على الغنفه ------------------------------------------------------------- سالم معصب : انتوا شو من الناس ام خالد : قلب ابوك ما يستحمل وفوق هذا ضغط وسكر شو ناقصنها الحين منو تتريا لين متى بتكون مب معرسه سالم : انزين البنيه ما تباه ام خالد : تبااااه وغصبن عنها سالم : انا شفته هذا محمد في العزيمه ما يساوي ضفر من ضفور عوشه ام خالد تزاعق : يساوي ولا ما يساوي .. هذا نصيبها ولازم توافق عليه انا خبرتها ووالله يا سالم ان صار في ابوكم شي لاتبرى منكم والله حلفت انا وما ارد عن حلافي بكلمه وحده سالم جرحته هالكلمه وعوشه كانت خاطفه بتمر تشرب ماي سمعتها سمعت امها يوم تقول هالكلام .. : قلبها عورها وسارت تصييح حجرتها .. تغطت بالفراش وتمت تصيح سالم ما عرف شو يقول حق اميه تمت ام خالد معصبه وحمد وحميد يالسين كانهم اصنام من اللي سمعوه سالم سار صوب حجرت عوشه وحصلها سااكته وبس تلقط انفاسها سالم متضايق وحس بألم فضييع في قلبه على حال عوشه يلس عدالها على الشبريه سالم : عوشه غناتي قومي نشي عوشه نشت وهي حالها ما يسر سالم : ادري انه هالحال ما تبينه بس شو نسوي عوشه بدت تصيح : شو اسوي يا سالم شو اسوي سالم سحب اخته وحظنها : امرنا لله يا الغاليه عوشه ميته من الصياح : يعني انته موافق ؟ سالم متضايق تم يفكر في كلام امه : انا يا عوشه تم ساكت .. موافق عوشه تمت ساكته لفتره طويله وعقب شلت راسها من حظن اخوها ومسحت دموعها وابتسمت له سالم حس انه الدنيا انصكت في ويهه : شو صار في عوشه ما يدري عوشه : انا مرتاحه الحين سالم ساكت عوشه : دامك انته موافق انا خلاص ما لي شروط رد الخبر على امي وقولها استانسوا ترى بنتكم وافقت سالم : عوشه ليش الخبر صيحج قوليلي عوشه : انا مب اول مره يخطبوني ومب اول مره اقول ما ابا اعرس بس هالمره امي يابتها بطريقه ثانيه يابتها بطريقه الزام مب بطريقه عاديه يعني قالت اني انا بعرس عقبكم بسرعه وباخذه لانهم موافقين وردت تصيح سالم : ما بتعرسين عقبنا باسبوع وانا سالم ليش شو يبون الناس يقولون عنا انا بخبر ابويه لا تحاتيين عوشه تصيح مب قادره تقول شي : لا يسالم لا تخبره ان صاب ابويه شي امي بتتبرى منا سالم تضايق : ثرج سمعتيها وانا اتحراج ما سمعتي شي عوشه سكتت : انا اعرف انه امي ما تبا تخرب علاقتنا بعلاقه بو محمد ولا تبا ابويه يفترق عنه وسعاتهم من سعادتي واكيد الريال زين وانا ظالمتنه سالم : الله يوفقج يالغاليه ويهديه لج عوشه : بسير اغسل ويهي سالم : فديتج يا ام قلب طيب انتي عوشه تبتسم وسارت الحمام وغسلت ويها رد سالم حق ام خالد وحصلها زعلانه سالم يلس عدال امه تنهد : البنت موافقه ام خالد معصبه : واريولها فوق راسها بتوافق سالم : يا اميه مب زين تقولين جيه هاي بنتج باجر يوم بتروح من هالبيت بتحسين بجيمتها وكيف انج فرطتي فيها ام خالد : اانا ابا سعادتها وما بتلقاها الا ويا ولد عمر سالم : انزين انتوا ما خليتونا نسأل عنه شين زين ام خالد : الريال زين يسد امه وابوه شو فيه بعد غااوي ورزين سالم يقول في خاطره ليتج شفتيه يا اميه : انزين بس احلف لج يا اميه ما تخلين عرسها عقبنا بسبوع شو تبين يقولون عنا الناس كأنها مسويه ذنب ولازم تعرس بسرعه ام خالد : بو محمد ناذر بعد انه يكون العرس و الملجه في نفس اليوم سالم انصعق : شووووووووووووووووووووووووووووو ام خالد : لا تزاعق بتتساهل الامور وبتاخذه ان شاء الله يعني عرسها بيكون عقبكم بشهر زين ؟ سالم : اميه شو بلاكم عليها تبون تدمرون حياتها ام خالد : سالم لا تخبلبي .. اول كانت الملجه الصبح والعرس فليل سالم : يا اميه ارتفع للي الضغط الحين يوم بتسمع بهالرمسه بتعاف دنياها ام خالد معصبه : قم روح عني من هنه ------------------------------------------------------------------ كانت الساعه 11 و سيف بعده طايح ع الغنفه وراقد وشويه ودخلوا شيخه ومريم وامهم وسلمى ويا احمد كانوا يايين يتزهبون حق العرس احمد حب يسوي سوالف ويا اخوه قالهم اسكتوا .. احمد ياب قلاص ماي .. ام سيف : احمدووه والله شو تسوي بتروع اخوك تباه بعد يفز من نومته متروع احمد : اوكي خلاص خلاص شيخه يت عدال اخوها ووعته برويه شيخه : سيف سيف : نش شيخه مبتسمه : ليش راقد هنه سيف : اترياكم يتوا ما شاء الله ام سيف : قم الغالي سر حجرتك سيف : تم يطالعهم وعقب تذكر انه يبا يفاتحهم بموضوع عوشه وشاف انه الكل تعبان ومب فاضي لهالسالفه الحين روحوا فوق ام سيف : انا بسير اصلي واحط راسي وارقد سيف مستانس : تصبحين ع خير امايه ام سيف : وانته من هله غناتي سيف تشهد على ويهه وسار فوق وحط راسه وتم يفكر ... عوشه واخيرا بتكونين لي .. يارب تسهل عليه هالسالفه وتوفقني وياها يارب وتوااافق عوشه يوم اخطبها سيف انجلب الصوب الثاني وتم يفكر لييين رقد عوشه في هالوقت كانت مب راقده الا تفكر كيف بتعيش ويا محمد وكيف بيكون الخبر على سيف ؟ عوشه : يا عوشه سيف مب لج افهمي هالسالفه سيف انسان لعاب بس يبا يلعب عليج .. لو كان يحبج مثل ما انتي تعتقدين جان من زمان اتقدم لج ..تنهدت عرسي قريب والله مب داخل مخي آخذ واحد غير لي حبيته .. ياربيييييييييييي .. ما ادري شو اسوي .. الوقت يمضي والايام تمر وانا على حالتي احب سيف بصمت وهو يتقرب مني بليا سبب ؟ ام خالد : هيه نعم بو خالد : الدنيا مب شالتني يا ميثا بو محمد بيناسبني .. بو محمد اللي له مقام في هالبلاد بيناسب واحد فقير شراتي ام خالد : الانسان مب بفلوسه بأخلاقه يا راشد بو خالد : الحمد لله رب العالمين ويني البنيه الحين ؟ ام خالد : في حجرتها اكيد راقد بو خالد : انزين انا باجر بتصل في اخوها العود ام خالد : تسوي زين بو خالد : خبرتي سالم ؟ ام خالد : هي نعم بس قال لا تتسرعون وتزوجونها بسرعه بو خالد : صادق عقبهم بشهر بخليهم يعرسون ام خالد : والملجه بو خالد تنهد : هذي هي نذر بليا حاسيه كان فرحان حليله ام خالد : بتتساهل الامور ان شاء الله وبياخذها بو خالد : ان شاء الله ام خالد : انته شايفتنه ولده ؟ بو خالد : هي شايفنه كمن مره ام خالد : شو اخلاقه بو خالد : والله هالولد زين يسلم عليه كم ما شافني بس دومه ساكت بس ما شاء الله عليه ريال طيب ودوم ما يرد كلمت ابوه ام خالد : هذا الزين عيل ---------------------------------------------------------------------- محمد معصب والشرار يتطاير من عينه : تتدخلون في حياتي ليييييش شو تبون مني خلوني اعيش حياتي على راحتي ام محمد : يا ابويه ابوك يبالك السعاده محمد سار صوب ابوه اللي كان يطالعه بغيض ويزاعق : انا شكيتلك الحال قلتلك ابا اعرس ؟ بو محمد معصب جان يصفع محمد بقو : انا كمن مره قايلك لا تكلمني بهالطريقه بتوافق وانته حمار محمد ميود على خده ويطالع ابوه بأحتقار : انا الحمار اذا بسمع رمستكم بو محمد : هذا ولدج مب متربي محمد ركب فوق وسار حجرته معصب ع الاخر وطاح ع الشبريه .. وتم يفكر ام محمد : قلتلك شاوره اول بادي بو محمد : هذا ما يتشاور بعده بيرضخ غصبن عنه وبيشوف كيف ام محمد : ان شاء الله يستطيع بو محمد : بو خالد قالي في ضرف يومين بيرد عيه خبر .. والعرس والملجه عقب شهر تقريبا ام محمد : شقايل جيه بعد بو محمد : انا ناذر بأنه يكون العرس والملجه تكون في يوم واحد ام محمد : لا لا كيف جيه والله انا بعد ما ارضى ولدي ما يستانس ويا حرمته قبل العرس بكمن يوم بو محمد : انا ناذر وكيف تبيني اكسر نذري يا حرمه ام محمد : وانا بعد بنذر بو محمد : ان قلتي شي ما تلومين الا نفسج ام محمد خافت من ريلها وسكتت محمد كان يتذكر عوشه يوم كانت تركض ورى ولد اخوها في المزرعه .. محمد : البنت حلوه وما عليها كلام بس كيف ردت فعل منى وحمده ومنال .. يوم بيسمعون بالخبر محمد ابتسم : انا ما جربت الزواج ولا لمره وحده .. خلنا نجربه يا ولد محمد نش من على الفراش وسار لين عند الباب .. كان بيفتح الباب وقال .. : لا لا خليني اليوم يعتقدون بأني معصب وباجر بقولهم بالخبر باجر -------------------------------------------------------------------------------------- |
:( مسكينه عوااش اترياااااااااااا البارت 2 تسلم }ْ~ |
تسلم اخووويه بس حرااااام ليش امها تغصبها الله يعينج ياع عوشه وشوه راح يصير في سيف بيتعقد المسكين واتمنى انك تنزل البارت اليوم لا تتاخر |
لـآ مستحيــل :007:شوو هـآآ قهرر مـ،ن الخـآآطر مسكٍـين ح ـآلج عوشه .. نتريـآ البـآرت إلي بعده |
حرآم عليهـــــــــــــــــــــــم >< تسلم ع القصة الروعه نتريا البارت الياي #_# |
ويــــــــــــــــــــــــــــــــــــــــــــــــ ــــــــــن البـــــــــــــــارت 2 يلآآآآآآ . . . |
| الساعة الآن 08:06 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir