|
أحٌبـــٍﮛ لأُخــر نهٍـــايهـ ][ عسٌــاﮛ تكٍــوُن فـِي نصًيبِيـﮯ السـٍــلامٌـﮯ عٍليــﮛـمُ ورٍحمُـــهِـ اللـُـه .. أحٌبـــٍﮛ لأُخــر نهٍـــايهـ ][ عسٌــاﮛ تكٍــوُن فـِي نصًيبِيـﮯ مــٍـن كتـُــاباتـٍـيـﮯ .. الٌجــٍـزء الآوُلـﮯ عائله بو ذياب بوذياب في الخمس واربعين من عمرة وزوجته ام ذياب في الاربعين من عمرها .. عندهم ولدين وبنت .. الاكبر وبسن الاربع وعشرين واسمه ذياب موظف في احدى الدوائر الحكوميه .. ااخوه حمد الاصغر وبسن ال19 يدرس بالخارج .. وخويتهم غزل بسن 18 تدرس بمدرسه الثانويه .. عائله بوسيف بوسيف مريض من سنتين يعاني من فشل كلوي .. وهو فالخمسين من عمرة .. ام سيف الصبورة في الاربعين من عمرها وعندها ولد وبنت .. ريم اكبر عيالهم وتدرس بالخارج مع ربيعاتها .. وهي ثاني سنه برع الامارات وهي بسن العشرين .. اخوها سيف توه باول ثانوي كسووول .. وما يعيبه شئ .. عائله بو حمدان .. بو حمدان متوفي بحادث سيارة .. وزوجته افقدت ريولها اثناء الحادث [ ام حمدان انسانه صبورة ] ..وعندهاا ولدين وبنتين .. حمدان ماسك كل املاك ابوه وهو بسن ال25 .. اخوه جاسم الغيوور بسن ال22 يشتغل باحدى شركات ابوه .. خواته التوم موزة وسلامه بصف الثالث ثنوي.. الجزء الاول .. بوذياب دخل الميلس .. ام ذياب وذياب وغزل ينتظرونه عسب يتغدون ويا بعض .. بو ذياب : السلام عليكم ام ذياب وذياب : وعليكم السلام ورحمه الله ام ذياب : بو ذياب حمد صار له فترة ما اعرف اخباره ذياب : امي البارحه دقيت عليه ورمستيه واليوم تقولين ما اعرف اخباره .. بو ذياب : هي وليدي ما تعرف امك .. ها دلوعها .. ولا شلي خلاه يروح يدرس برع والجامعات متروسه عندنا بالبلاد ام ذياب : والله اعيال اعمامه وخواله مب احسن عنه بشئ .. وهو روح برغبته .. ذياب : زين امي بعد الغدا بدق له ونطمن عليه .. امر ثااني يالغاليه . ام ذياب : لا وليدي .. يالله انا بقوم بنشب الغدا . بو ذياب : شحالك ولدي ذياب .. شو مسوي بالشغل ذياب : والله كل شئ تمام .. الحمد لله بو ذياب : الحمد لله اسكتو وتمو يطالعون التلفزيون ام ذياب : الغدااا جاااهز .. بو ذياب وولده روحو لغرفه الطعام .. ذياب : امي شو مسويه لنا .. لا يكن مجبوس بو ذياب : وليدي شو صاير فيك . ومن متى قمنا نفرق ونقول هذا نباه وهذا لا .. غيرك ما يحصل لقمه العيش ياكلها وانت تقعد تامر كل يوم امي سوي هذا واذا ما سوت تزعل وما تغدى ذياب : ابوي انا ما قلت شئ .. بس سالت امي عن الي سوته بو ذياب : وانا عمي ما جفت ويهك شلون اعتفس ام ذياب : اذكرو الله .. شفيكم انتو الا وغزل نازله محتشره من غرفتهااا .. غزل : السلام عليكم الجميع : وعليكم السلام ورحمه الله غزل : افااااا نسيتوني . لو اني ما نزلت ما كنت بتغدى اليوم بتم بيوعي .. عندي اخوو بس معتم بروحه ما يقول هذي اختي الوحيده اجعها واحطها فوق راسي .. ذياب : ايهي .. انا ليش الله بلاني بوحده ملسونه مثلج بو ذياب : يضحك ههههههههه ام ذياب : غزل حبيبتي قعدي وكلي .. وبسج كلام غزل : زييييييييين .. فبيت بو سيف .. ام سيف ترمس بنتها ريم في امريكا ريم : الو السلام عليكم .. سيف : وعليكم السلام ورحمه الله ريم : هلا هلا سيف .. شحالك سيف : بخير اخبارج انتي ريم : ااااااا وسكتت .. سيف : شفيج ريم : هاااا لا ماشئ .. بخير بخير انااا يت ام سيف .. ام سيف : سيف ترمس منو سيف : ريم اختي ام سيف : عطني عطني الفووون .. وروح خبر ابوك كان يحاتيها اليوم ريم : الووو هلا امي ام سيف وهي تصيح : هلا بنيتي .. شحالج حبيبتي .. انتي بخي ريم : هي امي انا بخير .. ليش تصيحين امي ام سيف : امي تولهت عليج وااايد متى بتردين الامارات ريم : شهرين ووبيكم امي .. بس ما بطول عندكم ام سيف : ليش امي .؟؟ ريم : امي .. بييكم اسبوعين وبرد ام سيف وهي تصيح : زين امي .. وقاطعتها ريم ريم: امي ما تبيني اييج بهذيج الشهاده .. ما تبين تفتخرين فيني امي ام سيف : هي حبيبتي .. بس وقاطعتها ريم ريم : امي عطيني ابوي ابغي اكلمه بوسيف توه نازل من فوق بوسيف : هلا حبيبه ابوها .. شحالج بنيتي ريم : هلا بوي . انا بخير .. انت شحالك بو سيف : بخير بنيتي .. شو الدراسه وياااج ريم : زينه ابوي .. الحمد لله .. بو سيف : بنيتي ديري بالج عروحج .. وخلج ويا ربيعاتج .. واهتمي بدراستج ريم : ان شاء الله ابوي بوسيف : عفيه عبنيتي ريم : يالله ابوي انا بسكر عندي كلاس بوسيف : اوكي حبيبيتي يالله مع السلامه ريم : مع السلامه . فبيت بو ذياب .. بعد الغدا .. اقعدو يسولفون .. وقعدت غزل يم اخوها ذياب .. بو ذياب : ام ذياب شخبارها ام حمدان ام ذياب : والله زين انك ذكرتني فيها .. من يومين ابغي اتصل بس انسى من شغل البيت غزل : امي اييب لج التلفون .. مرة وحده برمس ربيعتي سلامه ام ذياب: زين ايبيلي اياه اتصلت غزل عبيت ام حمدان .. ام ذياب : السلام عليكم ام حمدان: وعليكم السلام ورحمه الله ام ذياب : عاش من سمع هالصوووت .. وينج يالقاطعه ام حمدان : والله بالدنيا .. وشاغلينا اعيالنا ام ذياب : محد غيرج عنده عيال .. ام حمدان : هههههه .. والله ومشاكلهم كثيرة .. مب لاحقه البي لهم الي يبونه ام ذياب : هي والله صدقتي .. كل يوم يبون السوق .. كل يوم يبون طلعه .. وغية وغيره ام حمدان : اي يا ام ذياب .. لو تعرفين شلون البيت من دون بو حمدان ممل ام ذياب : الموت حق يا ام حمدان ام حمدان : والنعمه بالله ام ذياب : ادعيله اهو محتاج لدعائج .. ام حمدان : مشكورة يا ام ذياب .. ما راح انسى فضله ابد ام ذياب : هذا مب واجبي .. غزل : امي امي يالله بسكم سوالف عطيني ارمس سلامه ذياب : انتي بتسكتين ولا افلعج بعلبه الكلينكس غزل : انت شحارك .. تغار .. عنبو حتى على صداقتنا حاسدينا ذياب : سلامه ما عندها سالفه ترابع هالاشكال .. غزل : ابوي تسمع ولدك شو يقول .. بو ذياب : بنيتي ذياب يمزح وياااج غزل : لا ابوي .. اهو حاسدني على ربيعتي ذياب : قومي قومي .. فكينا من شرج .. راحت عند امها وشلت الفون .. غزل : هلا خالوووو .. شحالج ام حمدان : بخير حبيبتي .. انتي شحالج غزل : انا من ارمس سلامه اصير بخير ام حمدان : ههههه زين زين بعطيج اياهاا سلامه : السلام عليكم غزل : هلا هلا بحبيه قلبي والله [ تغايض ذياب ] سلامه : ويه .. نازل الوحي اليوم .. من وين يايبه هالرقه كللها غزل بصوت واطي : اسس اسس اغايض ذياب سلامه : استحت .. ذيااااب .. غزل : هي ذياااااااااااااب سلامه : اخباره غزل : يسلم عليج .. ذياب يفلعها بعلبه الكلينكس .. ذياب : اوريج يالجذاابه .. انا متى قلت لج سلمي عليها غزل : اسسس ذياب ما اسمعهااا .. سلامه : شفيج انتي .. ترمسين منووو غزل : ذياااااااابووو .. انتي جفتي اخو ما يحب اخته سلامه : لا والله ما اظن فيه غزل مقهورة : بلا فيه .. ذيابووو ما يحبني سلامه : ههههه ديري بالج عاخوووج .. يمكن حاط عينه عوحده واسرقت كل الحب الي بقلبه غزل : ويه التيس من بيحبه هذااااا سلامه : بسج بسج .. لا تغلطين غزل تضحك : ان شاااء الله .. امر ثاني فديتج سلامه وهي مستحيه : نوووووو نووو غزل : صح سلامه باجر الشهايد تعرفين .. سلامه : هي اعرف .. بس منو بيوديناا غزل : ذياب شخانته يالس بالبيت .. اهو بيودينا ذياب سمعها وبصوت واطي : مو عشانج .. عشان سلامه بس سلامه : بس انا استحي .. غزل : هههه انتي تمنين اهو يظهرنا .. يالله انا بسك طولنااا سلامه : اوكي .. مع السلامه غزل : مع السلامه ذياااااب : احم .. طنتي ترمسين منو غزل : هههههه ضحكتني تصدق ذياب : انزين ما بوديج باجر .. وقام بيروح غرفته غزل : خلاص خلاص بخبرك كنت ارمس منو .. كنت ارمس سلامه ذياب : امم اخبارهاا غزل : بخير .. وباجر نتايجنا .. لا تنسى .. انت بتودينا ذياب : لا افا عليج ما بنسى غزل وهي تركض عالدري وبصرااخ : موووو عشاني .. عشان الي وياااااااي .. ذياب افتشل . ام ذياب وبو ذياب يضحكووون : الله يخليهم لنااا ريم .. ابد مب مهتمه بدراستها .. كل يوم سهر وقعده ويا ربيعاتها .. مجابله الجات اربع وعشرين ساعه .. تكلم هذاا .. وغير الافلام الي تجوفها .. ريم : بوريكم شئ .. تعالوو الحقوو امل .. وشهد وخوله .. : هااا عشووو مطيحه اليوووووووم .. ريم : هذا الفلم طرش لي ااياه واااحد تعرفت عليه من البحرين امل : يااااااااااي .. يعني ورانا يلسه اليوم خوله : فديتج اناااااا ... يالله يالله .. خلوناا نجوووفه ريم : ههههههههه .. حد قال لكم اشتغل برخيص .. يالله كل وحده تدفع قد ما تقدر وعقبهاا نجوف الفلم شهد : ايهي .. ذليتي اخلاقنا انتي .. كل يوم عنفس الحله . ريم : حبيبتي حد قال لج اني اييب الافلام ببلاش .. خوله : زين .. ندفع .. المهم نجوف الفلم ريم : اتفقنا .. اليوم ورانا سهرة .. وووووو .. امل : وسالم واحمد وناصر بيوووونا اليوم ريم : عفيه عالشاااااطرة .. هاي هي الربيعه .. مب انتووو مالت .. الكل : خلاص اتفقنااااا حمدان وذياب رباعه من ايام الدراسه .. حمدان مر على ذياب وفالسيارة . وبعد السوالف . حمدااان : والله ذيااااب تعبااان مالي خلق صحارى ذياب : انت الحين شفيك .. قلت لك ناقصتني شويه سوالف وبروح اخذهاا حمدااان : وانا شو اصير لك .. رويوله ولا محفظتك .. ولا يدينك ذياااب وهو يضحك : ههههههه لا وانت الصاج .. الدراهم الي فبوكك حمدان : لهذي الدرجه منزل مستواي .. صرت الدراهم الي فبوكك ذياب: اسولف .. بلاك صاير حساس انت حمداان : ماااشئ .. يالله خلنا ننزل ذياب وحمدان يتمشون بصحارى .. حمدان : ذياب انت مب ناوي تزوج .. شيبت .. وطاحت ضروسك ولحينك قاااعد .. شوو تتريااا ذياب : ما لقيت بنت الحلال الي تستاهلني حمدان : ههههههههههههههههههههه .. بسك بسك .. بموت من الضحك ذياب روح عنه وضاق خلقه .. حمدان يناديه وما يرد ذياب : نعم شتبي حمدان : سوري .. ما كان قصدي .. ذياب : ما علينا .. قم خلنا ندخل واجوف لي عطر .. خذو الي يبوونه واظهرو من المول .. وروحو يتعشوون .. بعد العشااا ..نزل ذياب حمدان .. وروح البيت ذياب دخل غرفته .. وتم يفكر يفك .. ضايق ومب عارف شو يسوي يحب سلامه ومب عارف شلون يخبر اخته فز وروح لغرفه اخته غزل .. طق الباب .. غزل : منوووو ذياب : بطلي .. شيخج غزل بطلت الباب : شو يايبك غرفتي .. [اشرت على غرفته] وقالت له غرفتك هذااك الصوب .. ذياب : ابيج .. بكلمتين غزل : اوكي 5 دقايق بس .. ذياب : زين زين ما بطول .. تم ساااكت ما يرمس .. تم يتأتأ ااااااا ويسكت غزل : ذياب شفيك .. ذياب : لا ماشئ .. بس حبيت اتاكد اذا بتروحون باجر ولا غزل : هي بنروح بقعدك الساعه 10 الصبح اوكيك ذياب : اوكي ..وووو غزل : سلامه بتي ويااانا ذياب : ما كنت بسال عنها .. انتي ليش تفكيرج وسخ غزل : يود الكلينكس ونضفه ذياب : غبيه .. غزل : الحين انت ياي ومخرب علي رقادي بس عسب تسالني اذا بنروح باجر ولا ذياب : لا في شئ ثاني . تم سااكت ذياب : قصدي بس اذكرج .. وظهر بسرعه من الغرفه .. وروح غرفته وغرقاااان بتفكيره .. سلامه ماخذه كل تفكيره .. ورقد آرائـٍـكم تهٌمنـٍــيـﮯ .. ترقبــٍـو الجـُـــزء ًالثـــانيـﮯ.. تُحيــٍـاتي .. قصٍيـــٌد الشٍـــوقٌـﮯ][~ . |
أناااااااااااااااااا اول رد .. ياا ويلي شكللهآآ القصه حلووه وبدايهـ رائعه غلاتي اممم اتمنى تزيدين الهبل وزيدي الاحداث الشائقه جي بتحلى القصه أكثر صدقيني بكوون من متآآبعينج وبتابعج أول بأول ومابقصر في الردود .. الــى الأمــــــــآآم .. تقبليـ مروري .. أختــج : نبــض عوآآفــــي .. |
أفآآآآآآآآآ ويــــن البآآآآآآآآآآرت .. أتريآآآآآآج لآآ تبطييين .. نبض عوآآآفي .. |
اقتباس:
المهم تسلمين يالغلااا .. شاكرة مرووورج وتوااااجدج .. وقريب بنزل لخااااطر عيوونج الجزء الثاااني ,, |
تسلمين الصرااحة القصة وااايد رووعة لا تبطين علينا بالبااارت الثااني اوووكيه |
اقتباس:
|
اقتباس:
|
الجــــزء الثــــاني ....]... ريم وربيعاتها سهرانات عالفلم .. ضحك وسوالف .. لحد اذان الفير .. ريم : ساالم شرايك بالفلم .. سالم : حلووو مرة .. ناصر : ريم ضبطي لنا غيرة ريم : ان شاء الله .. واظهرو من الشقه ... بو سيف كان عنده موعد بالمستشفى .. سيف شل امه وابوه ويا الدريول وروحو المستشفى بوسيف دخل عند الدكتور .. ام سيف : بدخل وياااك بو سيف : لا انتي خلج اهني ويا سيف سيف : ابوي انا بدش وياااك .. بو سيف : انت خلك ويا امك .. ام سيف : عنيـــــــــــــــد بو سيف : ما فيني شئ لا تحاتين .. احسبي عساعتج .. ثواني وبظهر ودخل عند الدكتور بو سيف : السلام عليكم الدكتور : وعليكم السلام ورحمه الله .. كيفك ؟؟ بو سيف : بخير مافيني شئ .. الدكتور : وانا ما قلت فيك اشئ .. بس لازم نعمل التحاليل بين فترة وفترة بو سيف : بس انا مليت من هالتحاليل الدكتور : صحتك مهمه كثير .. وعايلتك محتاجه لك .. بو سيف : خلصني .. ابغي ارد البيت الدكتور سوو التحاليل .. والتحاليل نتايجها مب زينه بو سيف : بشرني الدكتور : حالتك صارت كثير كسيفه .. انت لازم تبقى تحت المراقبه فالمستشفى بو سيف بصراخ : انا ما ابي .. الدكتور : قبل لتظهر من المستشفى .. خذ هالادويه من الصيدليه .. ودير بالك عحالك .. بو سيف : لا تخاف ما فيني شئ ظهر بو سيف من الغرفه .. ام سيف حاسة في شئ .. ام سيف : بشر شو قال لك الدكتور بو سيف : يقول حالتي وايد احسن عن قبل . سيف : الحمد لله ام سيف : لا تكذب علي .. ابغي اجوف التحاليل واكلم الدكتور سيف : امي شفيج .. يقول لج ما فيه شئ ام سيف : انا حاسه ان فيه شئ بو سيف : سيف دق للدريول .. امك دومها جي .. الا تمرضني غصب سيف : ان شاء الله ذياب يدق الباب عاخته غزل يصحيها عسب يروحون واييبون الشهايد غزل : منوووووووووووووو ذياب : بطلي الباب صارت 10 ونص وانتي راقده يالله قومي غزل تجوف الساعه وترفع الفون سلامه حارقه فونها من المسجات والاتصالات .. قامت وبطلت الباب . دخل ذياب .. ذياب : جاااان كملتي رقااادج بعد .. ليش تقومين .. غزل : مب متفيجه لك .. اسكت وروح برع ذياب : عدوها مب اخوها غزل : دخلت الحمام [ الله يعزكم ] وتم قاعد ذياب بغرفتها سلامه دقت عفون غزل . قام ذياب وشل الفون .. تم يطالع الفون ويجوف كاتبه [توأم روحي ] ذياب يضحك وتم يصااارخ عغزل : غزل غزل توأم رووحج يتصل بك >> يتطنز اظهرت غزل .. : منووو توأم رووحي ذياب : هي يودي الفون وجوفيه غزل ردت عالفون : صباااح الخير توأم روحي << تنغز اخوهااا سلامه : عنبوووووووووووووو انتي شووو جوفي الساعه كم الحين غزل : من الصبح ومسوين لي حشرة .. انتي الحين شو تبين بالضبط سلامه : بلاااج نسيتي الشهاايد .. غزل : بلا .. انزين وبعدين سلامه : الله بلاني بوحده غبيه شراتج .. اففف منج ذياب : سكي الفون وقومي لبسي .. تراني ماجل شغلي عشاانكم .. غزل : زين زين .. سلامه ربع ساعه ونمر عليج سلامه : اوكي يالله مع السلامه غزل : مع السلامه سلامه انزلت المطبخ .. لقت الكل قااعد ويتريااا الفطووور سلامه : صباااح الخير حمدان : صبااااح النوووور اقربي .. جويسم ما خلالج شئ الحقي جاسم : جذاااب .. وهو يشرب العصير حمدان : زين اشرب عقب ارمس .. موزة : سلامه حبيبتي لا تنسين شهااادتي .. جاسم : صح نسيت اسالج .. عوين لابسة وكاشخه وين بتروحين حمدان : اسكت انت .. اكبر عنك يالس وما رمس انت ليش ترمس .. غصب تصير ريااال .. وهو يضحك موزة : انت خل سلوبك احسن عن جي شوي .. ازعلت وقامت من عالفطوووور حمدان : سلامه.. حبيبه قلب اخوووج وين بتروحين ..؟؟ سلامه : بروح ويا ربيعتي وبييب شهادتي حمدان : وليش ما خبرتيني انا كنت بوديج سلامه : خلاص الحين بتمر علي جاسم : ومنوو هاي ربيعتج .. بنت منووو .. وليش تروحين وياااها .. حمدااانوو شو فايدته يالس بالبيت حمدان : وليش انت شو خانتك بالبيت .. بس تاكل .. وسهر بالليل سلامه : بسكم عااااد .. حمدان : خبريني منو ربيعتج هاااي سلامه : اخت ذياب حمدان : ذياب ما غيرة سلامه : هي ذياب .. ربيعك حمدان : ديري بالج عروحج .. وبشريني شو سويتي سلامه : ان شاء الله ريم .. رااقده .. عندهااا كلاس بس من السهر مب رايمه تقعد .. دقت عليها خوله .. يرن الفون ما ترد دقت مره ثانية .. وردت ريم خوله : صبااااااااح الخير .. قومي قومي 5 دقايق وبيينا السير ريم : اممممممم .. ماااابي برقد .. خوله : شو ترقدين .. يالله قومي عندنا امتحاان ريم : هاااااااا امتحاااان خوله : تو الناس .. قومي يالله بيفوتج الامتحااان ريم : زين زين .. الحين بقووووووم خوله : يالله نترياج .. مع السلامه ريم : مع السلامه حمدان خلص الفطور وظهر . وجاسم وراه بيروحون لشركه ابوهم الله يرحمه . سلامه دق فونها غزل : يالله يا حلوة نحن عند بيتكم اظهري سلامه : وعليكم السلام والرحمه .. ول ول شصاير ما تعرفين تسلمين غزل ترمس اخوها ذياب : تحرك سلامه ما بتي ذياب : بطل عيونه هااااا كيف ما بتي سلامه : اي اي غزلووووو اترييني الحين بظهر غزل : بسرعه 5 ثواني وابغي اجوفج عند الباب سلامه : 5 ثواني . زين زين غزل : يالله مع السلامه سلامه : مع السلامه ذياب : قومي روحي اقعدي ورة .. غزل : شو شو شو اقعد ورااا .. ليش ان شااء الله ذياب : اقعدي حذال ربيعتج غزل : مابي .. بقعد اهني ما بتحرك . ذياب : اسسس اسسس هذي يت سلامه اركبت السياره : السلام عليكم ذياب و غزل : وعليكم السلام ورحمه الله غزل : اخرتينا تراااااج .. عنبووو راقده ومب داريه بالدنيا سلامه باستغراب: اناااااا .. غزل باستهزاء : لا ذياب ذياب : غزل منو قعدج الصبح اليوم غزل : روحي روحي سلامه : هي صه واجوفج رديتي علي من اول مكالمه غزل : بسكم انتوووو كيفي برقد انتووو شحارنكم ذياب : ان شاء الله حضرت الشيخه غزل غزل : احم احم .. تنغز سلامه .. الشيخه غزل سلامه محتره واسكتت ذياااب قاعد على اعصابه .. وده يرفع عيونه ويناظر سلامه نظرة .. لكنه مستحي .. يطالع غزل ويسكت .. غزل حست في شئ غزل : وبعدين ويااااااااااااك اول مرة تجوفني انت ذياب كان سرحان : هاااااااااااااااااا سلامه تضحك غزل : ذياب عندك شئ ودك تقوله ذياب : اناااااااا غزل : لا يدي الله يرحمه ذياااب : بسج تطنز غزل : ان شاء الله .. زين قول لي شفيك .. ولا لان سلامه ويانا ما بترمس ذيااااب : لا مافيني شئ سلامه : غزل يالله ننزل وصلنااا غزل : اوكي .. ذياب لا تروح 10 دقايق وبنرد لك ذياب : ان شااء الله انزلو غزل وسلامه من السيارة ..ذيااااااب عيونه ما تفارق سلامه .. يتابع خطواتها وهي تمشئ .. وبدا يغني [أهواك والله وحيل وأقسم ولا لي بغيرك حد مخلوق] حمدان وجاسم بالشركه .... جاسم مب عايبه وظيفته وحاب يمسك منصب اكبر روح جاسم عند حمدان بمكتبه جاسم : السلام عليكم حمدان: وعليكم السلام ورحمه الله .. حياااك اقرب جاسم : شو الاخبار ؟؟ حمدان : مثل ما تجوف كل شئ تمااام وماشئ عدل بالشركه جاسم وقف وهو متوتر : حمدان انا مب عايبني شغلي حمدان : شو تقصد مب عايبك شغلك جاسم : فاهم قصدي حمدان : تبغي تمسك منصب اكبر .. من زين الشهايد الي تملكهااا !!! [ باستهزاء ] جاسم : هذي شركه ابوه الله يرحمه .. انت شلي مخلنك تسيطر على كل شئ موجود اهني حمدان : لحينك صغير من تكبر اعلمك وافهمك جاسم بصراخ : شوووووووو تمصخر . حمدان : بلا صراخ واظهر برع .. جاسم: ماني ظاهر .. تغير وظيفتي عقب بظهر حمدن : يصير خير جاسم وهو معصب : ظهر وروح مكتبه حمدان : ياااهل .. متى بيكبر ما اعرف ذياب عيز وهو ينطر غزل وسلامه .. ذياب : غزلووووو انتي وينج .. غزل : زين زين يايين .. اصبر شوي .. ذياب : مب شهاده هذي ذليتي اخلاقنا عليها غزل : حرام عليك .. ما راح اجوف ربيعاتي ولا مدرساتي عقب .. خلني اسلم عليهم ذياب : حركااااااااااات بنااات .. يالله تعالي .. تاخرتي بروح عنج غزل : وسلامه منو بيردهاا .. انا بدبر روحي وهي .. ذياب : ابلعي لسانج .. وتحركي تعالي .. غزل : زيييييييييييييييين ذياب : باي غزل : باي غزل روحت عند سلامه .. غزل : يالله يالله بسرعه حشرني ذياب سلامه : ليش شصاير غزل : تاخرنا عليه .. وشكله مل بروحه بالسيارة سلامه : زين يالله خل نروح غزل : يالله سلامه وغزل اركبو السيارة .. ذياب .. معصب وساكت غزل : نحن يينا تحرك ذياب : ما رمس وتحرك .. غزل صدت على سلامه : الله يعين زوجه المستقبل ذياااب : بتفتخر فيني لاني ريلها غزل : ما ادري منو بتاخذ سبال شراتك ذياب : زين يا اخت السبال .. قوليلي وين اوديج الحين ,, غزل صدت على سلامه : سلامه شرايج نروح نتسوق سلامه : امممم ما اعرف .. برايكم ذياب وهو يطالعها من المنظرة : رايج مهم .. سلامه : اسكتت غزل : لا والله .. وانا رايي مب مهم ذياب : مو وااايد سلامه تغايض غزل : ذياب انا موافقه خلنا نروح نغير جووو .. اعتفسنا بعد ما خذنا النتايج غزل : انا مب ياية روحو روحكم ذياب : ما يصير .. كيف نروح روحنا غزل : ولان ما يصير انا ما بيي وياكم .. عسب يصير رايي مهم .. ذياب وهو يضحك : يا حضرة الاميرة غزل .. شرايج نروح نتسوق .. غزل : خلني افكر ذياب : لا حوووووووووووول غزل : اوك خلاص نروح نتسوق .. ام حمدان قاعده ويا بنيتهاا موزة .. موزة : امي سلامه ما دقت لي .. ابغي اعرف نتيجتي ام حمدان : زين دقي لها وجوفيها .. موزة : ادق لها وما ترد .. ما ادري عنهاااا ام حمدان : زين دقي على فون غزل .. موزة : صدق اني خبله .. شلون ما فكرت بهاااي ام حمدان وهي نضحك : يودي .. يودي .. هاذوه فوني ودقيلهااا موزة دقت لغزل .. غزل : هلا هلا موزة : اهلين غزل : يا مسوده الويه ولج ويه تدقين بعد موزة وهي مب فاهمه شئ : ليش انا شو سويت غزل : ابد .. مب مسويه شئ .. بس نسبتج 93.9% موزة مب مصدقه : ترمسين جد غزلوووو غزل : هي ارمس جد .. مبروك فديتج .. موزة ودموعها عخدها : الله يبارك فيج . وووو قاطعتها غزل : واناا نسبتي 88.6% فديتني كسوووله .. انتي الخبله احسن عني موزة وهي تضحك : مبرووووك حبيبتي .. والحمد لله عكل حاال غزل : الله يبارك فيج .. الا ما دريتي .. طلعت السباااله اشطر عني وعنج .. موزة : صدق .. ليش كم نسبتهاا غزل : 96.4% موزة وهي تضحك : سبااااااااال وشطوووووور جفتي كيف غزل : فديت سبالتي انااا .. غير عن كل السبلان .. سلامه واصله حدهااا .. غزل وهي تصد ع سلامه : سبااالتي مرة غير عن الناس .. سبال دلوووع وكشيخ وين القى شرات هالسبال انااا ذياب وهو معصب : غـــــــــــــــــزل سلامه استانست .. ذياب يدافع عنهاا .. غزل : هااااا .. لا ماشئ .. مب سلااااااااااااااامو .. وحده فمدرستناااا موزة : اخوج عصبي وااايد .. هذا ليش جي غزل : بخبرج عقب موزة : اوكي يالله بخليج ..بروح ابشر حمدان والماما غزل : اوكيك .. يالله مع السلامه موزة : مع السلامه بوسيف وام سيف قاعدين بالميلس ويسولفوون عن ريم ام سيف : بوسيف .. نسيت اخبرك .. باجر ريم بترد من امريكا بوسيف : لا والله ومتى اتصلتي فيها ام سيف : قبل كم يوم خبرتني .. بوسيف : خلاص باجر بروح المطار وبييبها ام سيف : وانا بيي وياااك بوسيف : لا انتي خلج اهني .. زهبي لنا الغدااا ام سيف : ان شاااء الله .. بس شيل وياااك سيف بو سيف : ان شاااء الله سلامه وغزل وذياب روحو وتسوقو وتغدو برع وردو البيت .. سلامه بغرفتها قاعده وياا موزة .. وتخبرها شو صار اليوم .. حمدان دخل البيت سلم عامه وروح يتطمن على خواته .. حمدان دخل الغرفه حمدان : هلوووووووووووووو سلامه وموزة : هلا هلا حياااااك حمدان : ادري الغرفه نورت بوجودي .. سلامه : دخيــــــــلك .. النور نوري فديت قلبك موزة : تعال خلو عنكم هالسوالف ..سلاااااااااااااموووو ما خبرتيه بالنتايج حمداان : لا والله محد خبرني سلامه : بالاول قول لي شو هديه نجااااحي حمدااان : امممم .. مرتب لكم شئ .بس بالاول خبروني .. اذا النتايج حلوة بخبركم وبتستانسون موزة حطت ايدها عـ عيون حمدان .. : حمداااااان غمض عيووونك سلامه روحت اتيب الشهايد .. وحطتهم بحض حمدان : بطلت عيووووونك حمدان رفع الشهايد : مااااااااااشاااء الله مبرووووووك مبرووووك سلامه وموزة : الله يبارك فعمرك .. موزة : يالله قول لنا شو مرتب لنا حمدان : مرتب لكم سفرة لتايلند .. شرااايكم سلامه : يااااااااااااااااااااااااااااااي وناااااااااااااااسة .. موزة : صدق حمدان .. حمدان : هي موزوووتي وسلاموووو .. والخبر الثاني .. اهوووووو موزة : شوووو شوووو خبرنااا حمدان : ذياااب وربيعتكم غزل بيووون ويااااااااااناااا سلامه : والله صدق .. حمدان : بلاج مب مصدقه .. تستاهلوووون اكثر .. الجـــزء الثـــالث .. |
مشكووووووور خيتو لو اني ما قريت ولا ادري شو السالفة بس مشكورة على جهودج مع تحيااااااات .:[] بـوسٌـعٌـيٌـدٌ[]:. |
لاه لاه لاه شوهالقصـــه مبيـــن انهــا غـــاووويه احجـــزووو لي مكـــان بتابعهــــا معـــاكم هع هع .. بس ياليــت تعلمينـــا عن الوقــت اللي تنزليــن فيه البـــارت .. ولو سمحتــي طرشيلي رســـاله اذا نزلتي البــارت >>> تتشـــرط بعـــد يلا نتريـــاج لاتتأخريـــــن علينـــــــا .. موفقــــه ختيــــــه яσσħч ғ∂άķ كانت هنــــا |
تسلمي ع القصة عجيبــــــــــــــــــــــــــــــــــــــــــــــ ـــــــــــــه طررررررررررررررررر |
يآآآآآآآآآآآ وييييلييييييي يلاااا أتريااااا الباررررررررررت اليااااي القصه بدت تحلااا ولا تبطين علييناا الغلااا تقبلي مروري نبوووض |
اقتباس:
هع .. ويكفي مروركم .. ويهمني ارائكم .. اقراااهااا .. ما بتخسر شئ بحيااتك .. :خ9: |
اقتباس:
افا عليج ختيوووو .. بطرش لج رساااله ... حياااج فديتج .. لج الكراسي كلهااا هع .. شاااكرة مرووورج قلبوو .. |
اقتباس:
بنت العز ... مروووورج الاحلى ختيووووو .. |
اقتباس:
نبوووووض .. الحين بنزل بارت يديد .. حياااج .. |
الجـــــزء الثــــالث ... سلامه شلت فونها ودقت عـ غزل غزل راقده : ممممممممم سلامه : قومي قومي بخبرج شئ غزل : هااااااااااااااااااااا شوفي سلامه : غزووووووووول ؟؟ غزل : شوووووووووو سلامه : حمدان وذياب مرتبين لنااا سفرة غزل : هاااااااا من صدقج انتي سلامه : اي من صدقي توه حمدااان خبرني غزل : ونااااااااااااسة .. بنغير جووووو . سلامه : وحلاته ذياااااااب ويااانا من قدي اناااا غزل : طاع هاااااي . لا تصدقين روووحج وااايد سلامه : زين زين كملي رقااادج .. فديتج غزل : اوكي سلمي على موزاني ,, سلامه : يوصل غزل : مع السلامه سلامه : مع السلامه فاليوم الثاني ..بو سيف وولده سيف روحو المطار عسب اييبون ريم .. انزلت ريم من الطيارة .. وشلها ابوها وروحو البيت .. بوسيف : نور البيت ياريم .. ريم : النور نورك ونور ماماتي .. روحت وسلمت عأمها .. وتمت تصيح امهاا ..تموو لامين بعض .. سيف : بسكم بسكم .. لازم صياااااح .. بو سيف : هي وليدي انت ما تعرف قدركم فقلووبنااا سيف لم ابوه .. وباسه عراسه : الله يخليكم لناااا ريم : امي تولهت عليج وااايد ام سيف : وانا اكثر بنيتي .. تعالي اقعدي حذالي .. خبريني شو صار وياااج .. ريم : انتي خبريني عنج .. اكيد سيف مطلع عيونج .. مهلكنج .. ام سيف : سيف متعبني بدلعه .. ما يعيبه شئ .. بس يالله وليدي الوحيد .. سيف : احم احم بو سيف : ريمااااني .. وااايد مضعفه ليش جي صااايرة .. ليش ما تاكلين ام سيف : هي والله بو سيف وايد متغيرة ريم : امي هااااااي رشاااقه .. انتو شعرفكم بهالسوالف .. ام سيف وهي تضحك : انتو بتجتلون اعماركم وتقولون رشاقه .. ريم : زين امي بروح فوق ببدل وبسبح وبرتاااح شوي .. تعبانه حيل بو سيف : زين ما تغديتي .. ريم : ما اشتهي امي .. ام سيف : خلها عراحتهاا .. بتيوووع وبتنزل تتغدى .. حمدان وجاسم وام حمدان يالسين بالميلس .. حمدان ماخذتنه السوالف ويا امه .. ضحك وذكريات قديمه .. جاسم قاعد ما ينطق بكلمه متضايق ويبغي يملك شركه ابوووه الله يرحمه .. ام حمدان : جاسم شفيك ضايق خلقك .. جاسم ما يرمس .. ام حمدان : حمدان .. جاسم شو فيه بلاه ساكت وما يرد علي حمدان : مافي شئ امي .. يمكن متضايق من ربعه جاسم فز وبصراااخ : يعني اونك ما تعرف .. ولا تستغبى عأمي عسب تسكتها حمدان : شئ واحد من توفى ابوه ما تعرفه .. جاسم : وليش انت خاش عني شئ حمدان : ترييتك تكبر وتفهم وتعقل عقب اخبرك جاسم : افهم عنك يا ولد امك ام حمدان تحاول تهديهم .. ام حمدان : لا جاسم مافي شئ .. حمدان بس خلاص اسكت جاسم : امي شو الي ما اعرفه حمدان : الشركه الي ترمس عنها ملكي .. ابوي قبل ليتوفى سجلها باسمي جاسم وبغضب : شوووووووو امي هالكلام صحيح .. ام حمدان : لا جاسم مب صحيح .. وفجأه وطاحت ام حمدان عالارض .. جاسم يطالع امه ويطالع حمدان وظهر من الميلس . حمدان نزل لامه بالارض ورفعها .. يحاول يقعد امه .. >> امه بطلت عيونهاا .. وتمت تصيح .. حمدان : ما تجوفين شر يالغاليه ام حمدان : جويسم وين حمدان ما يبي يخبرها ظهر من البيت .. حمدان غير الموضوع: ااا امي .. قاطعته امه ام حمدان : انت ليش خبرت اخوك ..ان الشركه باسمك .. حمدان : اذا اليوم ما عرف الصدق باجر بيعرفه من غيري ام حمدان : بس مب بهالطريقه .. ابوك ما كان قصده يفرق من بينكم .. حمدان : ادري امي .. هالكلام قوليه لجاسم . ام حمدان شلت الفون وتدق لجاسم .. جاسم ما يرد .. مر يومين وجاسم ما يندرى عنه شئ .. محد يعرف اخبارة .. وفونه مسكر .. ام حمدان تعبانه وطول الليل سهرانه .. تقعد تصلي وتدعي لولدها الي ما تدري عنه شئ .. موزة ادخلت عندها الغرفه .. موزة : امي .. ام حمدان : هلا بنيتي .. تعالي اقعدي عندي .. ضايقه روحي موزة : سلامتج امي .. ادق لجاسم ام حمدان : جاسم فونه مسكر ولا ما يرد موزة : بجرب امي .. يمكن يرد علي ام حمدان : زين امي اتصلي من تلفونج موزة اتصلت وجاسم ما يرد .. وحاولت مرة ثانية وبعد ما يرد .. موزة اخطرت فبالها فكرة .. طرشت مسج واكتبت فيه [ امي فالمستشفى ] .. وحاولت للمرة الثالثه .. ورد جاسم جاسم : السلام عليكم .. امي شو فيها موزة تمثل انها تصيح : حمدان توه راح اييبها من المستشفى .. ولو صار شئ بامي انت السبب جاسم حس بالذنب ورد البيت من سمع الخبر .. ام حمدان اقعدت بالميلس تترياه تدخل وتيوده .. دخل جاسم .. راحت له امه ضمته حيل واقعدت تصيح جاسم : اسمحيلي امي .. ام حمدان : جاسم انا مافيني شئ .. جاسم : حمدان وين ام حمدان : حمدان مب موجود .. جااسم ليش تسوي بامك جذي .. يومين وانا اتصل عليك ما ترد . جاسم ما عرف شو يرد ام حمدان : ابوك ما قصر عليك بشئ .. وتمنى يجوفك مهندس بس ما حققت حلمه .. انجبر يشغلك بالشركه .. ووو [ اسكتت وتمت اتصيح ] .. جاسم وهو مفتشل: الله يرحمه .. ام حمدان : توعدني جاسم ما تغيب عني لحظه .. ابي اجوفكم تحت عيوني كل ما بغيت .. جاسم حبها فوق راسها : اوعدج امي سلامه وموزة وغزل يتزهبون للسفر ....سلامه دقت لغزل .. سلامه : السلام عليكم غزل : وعليكم السلام ورحمه الله سلامه : شحاالج غزوله .. غزل : بخير .. انتي شحالج .. سلامه : احس روحي مخبوصه .. تعبت وانا ازهب بالشنط غزل تنغزها : هي لا تنسين مامبرز النونو ولبسه واهم شئ الرضاعه سلامه تضحك : يعل يومج قبل يومي قولي ان شااء الله غزل : الله يسمع منج وافتك منج .. سلامه : اميــــــن .. غزل : زين شنط منو تزهبين .. سلامه وهي هزكانه : حمدااااااااااااااااااااااااان .. غزل : اهاااا .. والله زين مسوي فيج .. تعلمي باجر تزهبين شنطتج وشنطه ريلج .. سلامه : وليش اهو ما عنده ايد .. غزل : مالت عليج .. وشو فايدت انتي عيل سلامه : سكتي سكتي وخلي عنج هالسوالف .. غزل : زيييييييييييييييين سلامه : غزل ناقصني كم شئ .. ابا اروح السوق غزل : روح زين .. حد قال لج اني دريول واشتغل عندج سلامه : افففففف منج .. بروح اخبر حمدان .. غزل : زين روحي وانا بروح اتاكد يمكن اكون ناسيه شئ .. سلامه : اوكي يالله باي غزل : باي ريم قاعده بغرفتها طول الوقت .. غداها بغرفتها والعشا نفس الشئ .. عيزت امها ترمسهاا ما تسمع لهاا .. ريم ترمس ربيعتها خوله على المسن .. ريم : خووووولوووو طفرة نبا نرد امريكاا خوله : اي والله حيل .. ابغي ارد ريم : ما يبت وياي الا 3 افلام .. وجفتهم اكثر من مرتين ,, مافي شئ يديد خوله : زين ما ترمسين سلوووم ونصووووور .. ريم : بلا .. بس تولهت عقعداتنا .. وضحكنا وووو خوله : يالله باجي اسبوع وبنرد امريكا .. ريم : تصدقين من الغرفه ما اظهر حتى غداي اهني خوله : عنبووووو وانتي ما ترومين تفارقين هالنت ابد ريم : حلات النت بلي فيه .. شعرفج انتي ,, خوله : اي صح تذكرت ,, ريم : شوووو الي تذكرتيه يا حسرة خوله : ما دزيتيلي الصور .. ريم : الصور خوله : هي الصور .. ريم : الصور على السي دي .. ثواني بروح ادور عليهم وبييج خوله : اوكي .. اتريااااج ريم اقعدت تدور بشنطتها .. وما لقت السي دي .. اعفست الغرفه واهي تدور .. وللاسف ما حصلته ردت وترمس خوله ريم : خولوووووووووووووو .. ضيعته خوله: ضيعتي شوووو ريم : تستغبين انتي .. ضيعت السي دي .. ما ادري وينه خوله : من صدقج انتي .. وين ضيعتيه ريم : ما ادري كان وياي .. واحيد حطيته فشنطتي .. خوله : زين عيل قومي دوريه مرة ثانية .. عن يطيح بأيد اهلج .. ريم : هاااااااااااا .. اهلي خوله : قومي قومي .. وخبريني لو حصلتيه ريم : اوكي يالله باي خوله : باي كل يوم وريم تقعد تدور السي دي .. من غرفه لغرفه .. وما حصلته .. جرب سفرهااا .. وهي خايفه ومب عارفه شو تسوي .. .. موعد سفر سلامه وموزة وحمدان .. وذياب وخويته سلامه قرب.. [ ذياااب طاير من الفرحه مب مصدق سلامه راح تكون وياهم طول الاسبوعين فتايلند .. ذياب اتصل لحمدان .. ذياب : مرحبااا والله حمداااان .. حمدان : مرحبتين ذياااب .. ذياب : شحالللك .. .؟؟ حمدان : بخير ربي يعافيك .. وينك مختفي ولا كني ربيعك واليوم بنسافر ويا بعض ذياب وهو يضحك : مشغووووووول والله حمدان : معذوووووور حبيبي .. زين خبرني شو النفسيه .. مستعد ولا ذياب وهو يضحك : عنبووو داااخل حرب اناااا .. حمدان : اخس من حرب بعد .. ذياب : زين خل عنك هالسوالف .. قول لي .. متى بنتلاقا .. حمدان : نتلاقا باجر عالساعه 10 بالليل .. وبالمطااار اكيد .. ذياب : خلاص عيل .. يالله مع السلامه حمدان : مع السلامه ذياااب منسدح عفراشه .. وقاعد يغني صدفه و من بين كل الناس علقنـي من يوم شفته وعيني جات في عينه حسيت شي في عيونه حيل يجذبني لما ابتسم بانـت بوجهـي تلاوينـه ادخلت عليه غزل .. وكمل الاغنية .. سلم علي وجلس جمبـي وكلمنـي كل الحواجز تلاشت بينـي و بينـه أخذ ايديني بايديه وقـام يوصفنـي ولا تمنيـت ايـدي تتـرك ايدينـه قالي كلام بصراحه حلـو دوخنـي ماقـد سمعـت بحلاتـه آه يازينـه معاه أحس الأغانـي عنـه وعنـي واجمل أغاني الغزل شعري وتلحينه ذياب وبصوت واطي : آآآآآآآآآآآآآآه متــــى .. متى تيلس حذالي واحسسها بحبي لهااا غزل : اقين اقين ما سمعت .. ذياب : لا ولاشئ .. انا رمست اصلا .. غزل : انت .. انت اصلا تحرك لسانك .. من ساعه مربوط .. ذياب : تعالي خليني اتاكد اذونج فيها شئ .. ذياب يود اذنها ومطها : وصرخ باذنهاااا غزل : صمختني .. ذياب يضحك عليها : حليلـــــــــــــــج .. انا بغيت اتاكد اذا تسمعين ولا .. ظهر السمع عندج اوكي غزل : ها ويهي لو يبت لك اخبار احم احم ذياب : منو هاي بعد احم احم غزل : انت تحرى ما اعرف .. ذياب : شلي تعرفينه زين .. انا مب خاش عنج شئ غزل : انت حبي وامنياتي ...انت روحي وغناتي ,, انت اسعد لحظاتي ..ليتك تسمع آآهاتي .. وتمت تضحك .. ليتهــــــــــــــــــا تسمــــع آآآآآآهاااااتك .. ذياب مستحي : انت شو تخربطين .. غزل : تكمل .. حبيبي انت لي عمري .. ان شاااء الله تكون لك .. واظهرت من الغرفه .. ذياب : ان شاااء الله .. بس هاااااي شعرفهااا .. غزل ردت وبطلت الباب : نظرااتك .. ذياب مستغرب : غزل خليني بروحي لو سمحتي .. غزل : تحت امرك حضرت الشيخ .. واظهرت .. وتم اهووو منسدح شوي وعقبها رقد .. اقعدت غزل عاتصال من اخوها ذياب ... ذياب وام ذياب وابو ذياب ع طاوله الافطاار .. انزلت غزل .. غزل : صبااااح الخير .. الكل : صباااح النوووور .. غزل : ويــــه .. تصدقين امي كنت مشتهية بيض اليوم .. ام ذياب : صدق بنيتي غزل : شحلاااااااااته عالضبح .. امي عطيني الملاحه ام ذياب : خذي بنيتي .. ذياب : امي اليوم اخر يمعه لنا عالفطووور .. اسبوعين ما بتجوفيناااا بو ذياب حط ايده عظهر ولده : دير بالك عغزل وليدي .. ذياب : لا توصي حريص ابوووي ام ذياب : اكلهااا عدل ذياااب .. تعرف اختك غصب تاكل .. ذياب وهو يضحك : غزل مب ياهله امي وعارفه مصلحتهااا .. غزل : الي يقولون عليه امي وابوي تسويه سمعت .. ذياب : ان شاااء الله .. بو ذياب : يالله انا بترخص غزل : عوين ابوي .. ما كلت شئ بو ذياب : عندي دوااام بنيتي .. وبجوفج عالغداا .. غزل : الله يحفظك .. ام ذياب : حمد مب موجوود عندي .. وانتو بتسافرون عني .. وابوكم دوومه بالدوااام غزل : امي ما بنطول .. وبيناا اتصالات .. ذياب : نلغي السفرة عشااانج لو تبين غزل تنغز ذياب : تلغي السفرة .. وسلامو وياااناااا ام ذياب : ليش شفيها سلامه .. وشو دخلها بالموضوع غزل توهقت : لا امي قصدت شلون نلغيها ونحن بنروح ويا حمدان وموااازي وسلااامه .. ذياب : هي امي ما يصير .. ام ذياب : تروحون وتردووون لي بالسلامه .. ذياب : امي انا ظاااهر .. ام ذياب : مو قبل لتتصل على حمد .. واطمن عليه ذياب : بتاخر عن شغلي امي .. ام ذياب : شغلك مب احسن عن اخوووك ذياب شل فونه واتصل عحمد .. حمد ما يرد .. ذياب : امي حمد ما يرد .. ام ذياب ضاق خلقها : شلون ما يرد .. لا يكون ضاير فيه شئ ذياب : امي .. وانتي دوم تتشائمين .. يمكن ويا ربعه .. ولا عنده محااظرة .. ام ذياب : بعيد عن عيووووني من سنه .. ايينا اسبوعين ولا اسبوعين ويرد .. ذياب : امي .. بتصل فيه وقت ثاني .. انا بروح تاخرت ام ذياب : وطمني عليه امي ذياب : ان شااء الله .. مع السلامه ام ذياب : مع السلامه .. ترقبــــو الجـــزء الرابـــع .. |
تسلمين يالغاالية ع الباارت ونترقب الياااي |
وبعدييييييين شووو استواااا يلا نتريا شوو وراانااا |
الله عليــــج أبدعتـــي ختيـــه ..~ نتريـــــا البــــارت الرابـــع لا تصيفيـــن علينــــا .. яσσħч ғ∂άķ كانــت هنــــا |
وييييييييين الباااااااااااارت |
الجــزء الرابــع ...].. ذياب وهو رايح الدواااام دق على اخوه حمد .. : السلام عليكم .. حمد : وعليكم السلام .. هلا هلا ذياااب .. ذياب : شحااالك .. ؟؟ ووينك ما ترد عليناا حمد : تمااام ربي يعاافيك .. كنت وياا الشباب وفوني مب شايله ويااي .. ذياب : ولد امك .. هالحركه ما تعيدها مرة ثااانية .. تعف امي وسوالفهااا حمد : فديت الغاليه انااا .. تحاااتيني .. ذياب يقلده : فديت الوالده انااا .. دق دق عليها يالله .. حمد : اوكيك .. يالله مع السلامه ذياب : مع السلامه حمد سكر الفون عن ذياب ودق لامه .. سووه روحه تعباااان وغير صوته : السلام عليكم .. ام ذياب : وعليكم السلام وليدي .. حمد بصوت واطي : شحالج امي ام ذياب : حمد شفيه صوتك متغير .. حمد : تعبااااان امي .. ابغي ارد عندكم الامارات .. ام ذياب ودموعها عخدها : امي شفيك شلي متعبك .. ؟؟ حمد رد لصوته الطبيعي وتم يضحك : وي وي امي ليش هالدمووووووووووع .. امي اسولف ويااااج .. بغيت اعرف شكبر معزتي عندج ام ذياب : بطل هالحركات مرة ثااانية .. خوفتني حمد .. حمد : ان شااااااء الله امي .. ام ذياب : وينك عالصبح اخوك دق عفونك ما رديت عليه .. حمد : ما كنت شايل فوني ويااي .. ام ذياب : نبهتك قبلهااا وقل لك خل فونك وياك دووووم .. حمد : نسيت امي .. خلاص ما اعيدهااا .. بس انتي لا تخافين جي .. شو بيصير فيني يعني ام ذياب ملهوفه عولدها : مشتاقتلك حيل حمد .. متى بتيناااا حمد حمد : امي شهر وبييكم .. ما بطول .. هالشهر ما بتحسين فيها امي ام ذياب اسكتت .. حمد : امي .. ام ذياب : هلا ولدي .. حمد : شفيج سكتي ام ذياب : ماشئ ولدي .. الله يحفظك وترد لي بالسلامه ان شاااء الله حمد : امـــــــــــــي .. يالله ابتسمي .. ترى ازعل .. ام ذياب : هاااذوني ابتسمت .. طلب ثاني وليدي .. حمد : هي امي .. مرة ثانية ما ابي اسمع صوتج ج ولا اباج تحرقين دموعج علي .. ام ذياب : ان شاااء الله وليدي .. من عيوني الثنتين .. حمد : فديت امي انااا .. الله يطول بعمرج .. ويخليج لناااا ام ذياب : واجوووووووف عيالك تارسين البيت حمد يضحك : امي انتي واايد مستعيله بالاول عرسي ذياب .. عقبها فكري فيني ام ذياب : كلا واااحد .. اعيالك وعيال ذياب .. حمد : ان شاااء الله .. يالله امي تامريني بشئ ؟؟ ام ذياب : سلامتك .. حمد : الله يسلمج .. سلمي على غزل .. ام ذياب : ان شاااء الله .. يوصل حمد : مع السلامه ام ذياب : مع السلامه موزة وسلامه روحووو بيت ام ذياب .. يسلمون على ام ذياب .. ويباركون لها عنجاح غزل .. لان الليله السفرة .. موزة وسلامه وغزل فغرفتهم قاعدين يرتبووون الاغراض .. غزل : افففففف والله تعبت ... حتى ليله السفرة ارتب موزة : يالله الله كريم .. راح نستانس فتايلند .. وراح تنسين هالتعب كله سلامه : اي والله .. مستااااااااانسة حيل .. غزل : احم احم موزة : وانااااا حيـــــــــل مستانسة .. السفرة ويااااج غزوووله بالمرة غير .. سلامه بهدوء : غزل .. غزل بهدووووء : امري حبيبتي .. في شئ سلامه ترمسها بهدوء بأذنها : ذياب وين .. غزل بصوووووت عالي : ذيااااااااااااب محد .. موزة تمت تضحك : اونج ما تبيني اسمع .. علي هالحركات سلامه : اففف منكم انا بنزل اسلم على امج .. شوي وبنرد البيت .. غزل تظهر لسانها : رووووحي رووووحي .. موزة : ايي ويااااج سلامه معصبه : لااااااااااااااااا .. غزل تضحك : فداعه الله .. حنا بنيج عقب .. سلامه : اعتبرها طرده هاااااااي .. موزة : تسولف ويااااج .. بلاج صايرة حساااسه .. سلامه وهي ظاهرة من الغرفه : ماااااااشئ .. سلامه نازله من عالدري بسرعه .. طاااح فونها من ايدهاا .. انزلت تبغي اتييب فووونهااااا .. الا تلمح واحد يدامهاااا .. تمت قاعده وما حركت عيونها من الارض .. ذياب نزل عالارض .. يود فونهااا وحطه يايدها .. سلامه مستحية ومب عارفه شو تسوي .. ذياب : انتبهي عروووحج .. هالمرة فونج طاااح والمرة الثانية انتي تتخرطفين واطيحين .. سلامه محمرة وعيونها ما تحرك من الارض .. قامت من عالارض .. : ان شاء الله .. تحركت خطوة .. ذياب زخ ايدها : عوين سلامه ما تروم ترمس .. ذياب : وين بغيتي تروحين .. ؟؟ سلامه : عند خالوووتي .. ذياب : بيي ويااااج .. سلامه : هااااا .. ذياب قرب من اذونهااا وبصووووت هاااادئ : بيي ويااااج ممكن .. سلامه تحركت وروحت عند ام ذياب .. ذياب ورااااهاااا . ادخلت : السلام عليكم .. ام ذياب : هلا بنيتي والله .. نورت غرفتي .. حياااااج .. ذياب دخل وراااهاااا .. ام ذياب : والحين انا مب قادرة اجووووووووف شئ .. نوركم مكفي .. اسكر الليت .. سلامه وهي تضحك : النور نورج خالوتي ذياب : النور نورج امي .. سلامه اقعدت على يمبهااا اليمين .. وذياب قعد على اليمب اليسار .. ام ذياب ارفعت يدينهااا وحطت يدها عكتف سلامه وذياب .. ولمتهم عصدرهاااا .. تمت تطالع بعيونهم .. ام ذياب وهي مبتسمه تناظر ولدها ذياب : ذياب .. ذياب وهو مستغرب : امري امي . ام ذياب : سلامه .. سلامه : امري خالوتي .. ودي اجووووفكم عروووسين .. ذياب لسلامه .. وسلامه لذياب .. سلامه ابعدت عن ام ذياب شوي .. ذياب وهو مبتسم يناظر سلامه .. ذياب : ودج تجوووفين عيالنا تارسين البيت امي .. ام ذياب : هي وليدي .. وما ابغي غير سلامه تكون ام لعيااالك .. سلامه قامت وتبغي تهرب من الي يصير : خالوتي انا تاخرت .. لازم ارد البيت وازهب الشنط ..نحن طالعين اليوم لتايلند ام ذياب : ما نسيت امي .. بس تو الناس .. توه العصر .. ذياب : خليها تروح عند غزل امي .. سلامه مستحيه .. ام ذياب وهي تضحك : اي يا بنيتي ذكرتيني بابوو ذياب .. ذياب وهو يضحك : كنتي مستحيه شرات سلامه امي .. ام ذياب : واكثر بعد .. سلامه : اناااا .. << قاطعها ذياب .. ذياب غمز لهااا : روحي فوق .. وانا بعد امي رايح فوق .. بجيك على شنطي .. ام ذياب : زين وليدي .. توكل .. سلامه اظهرت من الغرفه ... وذياب وراااهااا .. سلامه مب حاسة برووحهاااا تراكض عالدري تبا توصل لغرفه غزل بسرعه .. ذياب يهز راسه : ما تسمع الكلام توي موصنهااا ما تركض .. عن تخرطف وتطيح .. سلامه اوقفت وطالعت وراهاا .. انتبهت ذياب رااااهااا .. لفت ويهااا وروحت .. ذياب يغني بصوت عالي : بَڜَڜڜرٍٍوٍٍهُُآ ۊ عُُڵمٍٍََوٍٍهُُآ ;; َقٍٍِِوٍٍلوٍٍ أنٍٍيًً نٍٍآوٍٍيًً أخٍٍطََبُُهُُآ مٍٍََنٍٍ أبُُوٍٍوٍٍوٍٍهُُآ َفٍٍهُُمٍٍََوٍٍهُُآ وٍٍ’ عُُلمٍٍََوٍٍهُُآ أنٍٍيًً جََيًًتِِ بُُـ’ شُُوٍٍََقٍٍِِيًً گلهُُ بَُلغٌٌََوٍٍوٍٍوٍٍهَُآ .. سلامه من اسمعت المقطع اوقفت وانزلت دمعتهااا عخدهاااا .. روح لها ذياب . يود فيسها ورفعه .. سلامه يودت يده وبصووووت عذب : ياخًــذٍك .. يا دمُعــًةٍ طاًحــتً عُلى خد المًواجــه ما عَرفتي تصُبـِـرين اليــَن ما عُينــه ترَوح ؟ و الله اني ما قصدت بدمعــتي يا ُقلـِـب حاٌجه بس فاجأني بغلاهْ .. و صممت عيني تبوح !! ذياب مب مستوعب .. ما يعرف يركز عصوتهااا ولا على محتواااه .. ذياب : الله الله عالصوووت العذب .. سلامه : افضحتني دموووووعي .. ذياب : سلامه .. سلامه : امر .. ذياب : َقٍِوٍلوٍ مٍَحِبُوٍبُگ بُعُدُ گمٍَ يًوٍوٍوٍمٍَ [ عُنٍدُگ ] جَآيً مٍَشُتِآَقٍِ وٍ’ يًبُيً [ يًطَلبُهُآ يًدُگ] سلامه روحت عنه .. ادخلت الغرفه .. ودموعهااا واضحه بعيوونهااا .. غزل وهي زايغه : في شئ سلامه .. شو صاير .. خوفتيني .. سلامه : مب صاير شئ .. موزة : شفيج خويتي .. سلامه : قومي بنروح البيت .. وغزل نتلاقا الليله بالمطار ان شاء الله غزل : مو قبل لاعرف شفيج .. سلامه : مافيني شئ . يالله مع السلامه .. غزل مع السلامه .. سلامه وموزة ياهم السايق ورحوو البيت .. غزل روحت غرفه اخوووها غزل تطق الباب وبصراااخ : ذيااااااااااب ادخل .. ذياب : لا خلج عند الباب لين اييج الامر .. غزل بصوت اعلى : ذيااااااااااااااااب ادخل ذياب : عنبووو مركبه مكبرات صووووت .. دخلي دخلي .. غزل ادخلت وهي تضحك : ادري ان ما ييبك الا هالاسلوووب .. ذياب : خلصي شو تبين .. غزل اسكتت .. ذياب : حووووووووووو قولي .. غزل : سلامه ذياب ودر الي بيده : هاااااا .. سلامه شفيهاا غزل : بعد ما روحت عند امي .. ردت الغرفه وهي تصيح ذياب مبتسم : تطمني مافي شئ .. غزل : عيل دموعها ليش .. ذياب : مافي شئ .. انتي ما تفهمين .. غزل مب مستوعبه : انت شفيك تصارخ .. اف منك .. ذياب : قلت لج تطمني مافيها شئ .. ليش كل هالاسئله .. غزل عصبت واظهرت من الغرفه .. انزلت عند امهاااا .. ادخلت الغرفه وهي زعلانه .. : امي ام ذياب : هلا بنيتي .. امري غزل : شو صار بينج وبين سلامه .. زعلتيها بشئ ام ذياب وهي مستغربه : لا بنيتي .. ليش تسالين .. غزل ضايقه حدها : جفتها تصيح امي .. ام ذياب مستغربه : تصيح .. !!! غزل : هي امي .. يتنا الغرفه تصيح ..انتي قلتي لها شئ ضايقهااا .. ام ذياب : لا امي .. قامت غزل واظهرت من الغرفه .. وروحت غرفتهااا .. اتصلت على سلامه .. غزل : السلام عليكم سلامه : وعليكم السلام غزل : شحالج سلامووو .. سلامه : تمااااام .. غزل : شفيـــــــج .. مااالج خلقي .. سلامه : انا قلت شئ .. غزل : لااا .. بس صوتج يقووول .. سلامه : برمسج عقب غزل .. غزل : شفيج سلامه .. شلي غيرج جي .. سلامه : بخبرج فالمطااار .. غزل : قلبي يحرقني .. ما اروم اصبر .. سلامه : لا تخافين مافي شئ .. غزل : زين بصبر .. سلامه : مع السلامه غزل : مع السلامه سيف مواعد ربعه وبيظهروووون لبوظبي مووول .. دق عليه ربيعه .. نهيان .. نهيان : السلام عليكم سيوووف سيف : وعليكم السلام ورحمه الله .. نهيااان : نسيت اخبرك .. وانت ياااااي تمر علي اييب الفلم الي قلت لي عنه .. سيف : اي فلم .. ذكرني زين .. نهيان : اخر فلم جفته ويا الشباب وانا ماجفته وياااكم .. هذاا الاكشن .. وضرابه .. حلاته .. تذكر يالله سيف يفكر : ايواااااااااااااااا .. عرفته خلاص اييبه لك .. بس وين بتجوفه .. نهيان : فبيتنااا .. بعد الحواطه بنروح بيتنا وبنسهر عالفلم .. سيف : زين حنا جايفينه شلون راح نجوفه مرة ثانية ملل .. نهيان : ايهي .. عشااااني زين .. سيف : اوك خلاص .. نجوفه .. نجوفه .. نهيان : يالله عيل .. عالساعه 5 مر علي .. عن تسوي حركات وتاخر علي .. لا تكشخ وااايد .. سيف : شلون ما تبين اكشخ وااايد .. انا رايح بوظبي مول .. ابي اقردن لي كم وحده .. نهيان : انت ما تيوووز .. سيف : الا قول لي شحااااال فطوووووومه .. ويزوووووووي .. وووو نهيان يضحك : مقهوووووووور .. قمر والكل يباني . سيف : يالله منااااك .. جايف روحك وااايد انت .. نهيان : اقول .. يالله باي .. سيف : باي روح سيف وقعد يدور على سيدي الفلم .. يحاول يتذكر شو مكتوب على السيدي .. مب متذكر .. طاح تحت ايده سيدي وتم يتذكر اذا هالسيدي للفلم ولا غيرة .. شله ويااااه وظهر من البيت .ومر على نهيان وروحو بوظبي مول بعد صلاه العشاااا .. حمدان وجاسم رادين من المسيد .. ادخلوووو الميلس .. موزة وسلامه وام حمدان قاعدين بالميلس .. حمدان وجاسم : السلام عليكم . الكل : وعليكم السلام ورحمه الله سلامه : حمدان لا تيلس قوووم يالله نروح المطاااار بنتاخر .. ام حمدان : وبتخلوني رووحي .. موزة : حبيبتي امي .. جسوووم عندج .. وماخذ اجااازة .. يعني عندج طوووول الوقت بالبيت حمدان وهي يخق : لا لا لا .. محد يحل مكاااني انا غير سلامه مقهورة : امي .. تعزين حمدان اكثر عناااا موزة : هي .. هذا كبيرهاااا .. ندري امي انج تعزينه اكثر عنااا .. انا زعلت . . حمدان مستانس : مووووتوووو قهر .. جاسم : تريووو انتو عكيفكم .. خلونا نسال امي .. موزة : امي تعزين منووو اكثر واحد فينااااا ام حمدان : معزتكم نفس الشئ .. وكلكم غاليين عندي حمدان نزل راسه : نفس الشئ سلامه : هي نفس الشئ .. ليش انت عراسك ريشه .. جاسم : لا ديج بكبره .. الكل يضحك .. سلامه : يالله حمدان وجاسم .. قومو شيلو الشنط .. بنتاخر .. حمدان وجاسم : اوكي .. روحو وشالو الشنط كلهاا وحطوها بالسيارة .. ردو الميلس .. حمدان : يالله مشيناااا .. سلامه : هيهي .. ونااسه .. يالله بنرووووووووووح .. قومي موزوو موزه : يالله يالله .. جاسم : الحمد لله والشكر سلامه تسلم على امهاااا .. وموزة توصي اخوها جاسم على امها .. سلامه وموزة عند باب الحوش .. : مع السلامه امي .. ام حمدان : مع السلامه .. فبيت ام ذياب .. ذياب : يالله غزل انزلي .. بنتاخر على حمدان .. غزل : هاذوني يايه .. انزلت غزل .. سلمت على امها وابوهااا .. ام ذياب : ذياب .. هالله هالله فـ بنيتي .. ذياب : ان شااااء الله امي .. لا توصين امي .. ام ذياب : كفو عليك .. وليدي .. ولا تنسى من توصل اتصل لي .. غزل وذياب : ان شااااء الله امي .. غزل باست امها عراسهااا .. واظهرووو .. ترقبـــو الجزء الخـــامس ...].. |
روووعـــــــــه .. والله ابدعتــــــي ختيــــه .. نرقب البـــارت اليديد لاتصيفيــــن علينـــــا .. яσσħч ғ∂άķ |
روووووووووووعه ^^ ثانكس تقبلي مروري ناطريـــن البــــارت |
اقتباس:
عذبه احساااس .. العفووو ختيووو شاااكرة مرووررج . |
اقتباس:
صبري صبري .. بتعرفين .. |
اقتباس:
تسلمين ختيووو .. ابداااتي اكتمل بمروركم .. شااكرة مرووورج .. |
اقتباس:
|
اقتباس:
مرووورج الاروع ختيوووو .. بنزله احين .. |
اقتباس:
ولكموووو حمود .. شاكرة مروووورج .. |
الجــــزء الخــــامس ...]... فالمطااااار .. حمدان وخواته اوصلو المطار قبل .. قاعدين ويتريووون ذياب .. واهله غزل اتصلت على سلامه : الوووو .. انتو وينكم .. سلامه : اشك انج بنوته .. غزل : لا اله الا الله سلامه : محمد رسول الله .. غزل : انتوووو وين .. عيزنا ندوركم .. سلامه : طالعي وراااااااااااااااااااج غزل : ويه هييل انتو .. يالله يالله باي سلامه تضحك : باي غزل روحت عند سلامه .. : فديتج وربي .. مستانسة حدي والله سلامه : وانا اكثر والله .. لمت غزل سلامه : الله يخليج لي ان شاااء الله .. سلامه ودرتها واوقفت ويودت يدها : غزل .. بتنسيني لو عرستي .. غزل : انتي منو قال لج اني بعرس .. لاحقه عالعرس اناااا خليني اكمل درااستي بالاول .. سلامه ضايق خلقها : يعني ما بتنسيني .. غزل تلمها : شلوووون انسى الي كسرت ريلي وانا صغيرة .. سلامه تضحك : الله يخسج لحينج تذكرين .. غزل : وشلوووون انسى .. وحمداااان وياااج بالجريمه .. سلامه تضحك : وانتي نسيتي لما حطيتيني بغرفه وسكرتي الليت علي .. وتميت ادق الباب واصيح ما تبطلين .. غزل تنغزهاا : ومنووو فتح لج الباب .. !!! سلامه استحت : محد محد .. قومي نروح غزل : ما بتحرك .. منو بطل الباب .. سلامه وهي واثقه وبخقه : ذياااااااااااااااااااااااااااااب .. ذياب سمع وحده تناديه ... ما عرف يميز الصوت .. قرب من سلامه : ناديتيني غزل تغمز لسلامه : لا مب انا .. ذياب مستغرب : بس سمعت احد يطري اسمي .. غزل : انا افهمك السالفه كلهااا .. سلامه تحاول تسكتت غزل تقرصهااا .. وتغمز .. ماشئ فايده .. ذياب : قوووولي .. غزل وهي تحرك راسهااا : تحيد لما كنا صغاااار .. انا سكرت الليت وحطيت سلامه بالغرفه وتمت تصيح وتصااارخ .. ذياب ميت ضحك ويناغز سلامه بنظراته : هي احيد .. سلامه بسالج .. سلامه : نعم .. ذياب : تحيدين منووو بطل لج الباب .. سلامه خدودها حمرة .. مستحيه حيل : هي ذياب بدلع : منو هالزعيم .. الرحيم .. راعي القلب الطيب الي بطل لج الباب سلامه بدلع : انت .. ذياب وهو مبتسم : منوو انااا .. سلامه : هااااااااا ذياب يغمز : منووو انااا .. اقرب واسمعج اياااهاا عدل .. سلامه : لاااا .. خلك مكااانك سمعتك عدل .. ذياب : زين عيل خبريني منو اناا .. سلامه بدلع : انت راعي القلب الطيب .. الرحيم .. ذياب وهو مبتسم : بس .. سلامه تهز راسهااا : لااااااااااااااااااااااا .. اكثر .. ذياب : ووووو سلامه ما اعرفت شو ترد .. تبغي تغير السالفه .. سلامه : حمدان وين .. ذياب انقهر وروح عنها .. غزل : هاذووو هناااك .. عند موااازي .. .. موزة ودرت حمدان .. موزة : يالله يالله .. خل نروح .. بسنا وقفه .. سلامه : يالله .. عن تروح الطيارة غزل تضحك : الطيارة ما تحرك بدوني اصلا .. سلامه : ليش الشيخه محرك الطيارة غزل معصبه : اف منج .. يالله نروح .. سلامه موزة وغزل تحركوووو .. وحمدان وذياب وراهم .. فـ الطيارة .. سلامه : غزل غزل .. خلينا نرمس عن ذكرياتنا قبل .. غزل : اي والله فكرة .. عسب ما نحس بالملل .. سلامه : تحيدين لما زعلتي مني عسب يبت نسبه اكثر عنج .. غزل تغايضت : جب جب .. سلامه تضحك : ربج كتب وانا كنت اشطر عنج .. ليش تغارين مني ما اعرف غزل معصبه : لا ترمسيني .. سلامه : زين زين نغير الموضوووووع .. تحيدين لما مطيت شعرج .. وروحتي خبرتي امج علي غزل تضحك : مستحيل انسى .. الا هاليووووووم .. طلعت حرتي فيج سلامه : والله ما استاهل .. انا ربيعتج .. توأم روحج تسوين فيني جي .. صدق مافيج احساس غزل : زين كنا يهاااال .. وهاي شغلتناا دوووم سلامه : اي اي .. صح غزل : واااااااااااااايه .. ملل سلامه تضحك : توه ما كملنا نص ساعه غزل : لا مب جي .. سلامه تقلدها : عيــــل .. غزل : تولهت عأمي سلامه : اكرمينا بسكووووتج .. خرفتي ترااااج .. تونا ظاهرين غزل : اف منج .. زين زين سيف وربعه متيمعين فبيت نهيان ,, سيف : نهيان يود هذا اهو الفلم يالله شغله .. نهيان : زين زين .. اتريا بلاك مستعيل .. سيف : شو تريا زين .. الشباب وتيمعو يالله يالله شغله .. نهيان شل السيدي .. وحطه على اللاب .. يتريا يبطل .. ما تبطل شئ .. روح يجيك .. السيدي مافيه فلم .. السيدي فيه صووووووور .. نهيان : يا الله .. سيفووووووو .. مهب السيدي المطلووووب .. سيف : عيل شو الموجود بالسيدي .. نهيان : تريا خلني اجوووووف .. بطل نهيان اول صووورة .. الكل تخبل .. باستثناء سيف .. سيف انصدم .. وتم ساكت .. تم ضاغط على اصابعه بقوة .. نهيان وربعه يلفون بالصور .. سيف وقف .. شل اللاب من يد نهيان .. ضربه ضربه بالارض .. تكسر اللاب .. الكل مستغرب من رده فعله .. ظهر من الميلس .. والكل وراه يحاولون يستوعبون الي يصير .. روح البيت .. يدقق الباب بقوة .. ام سيف طاح قلبها من الخوف .. ام سيف : منو ياينا هالحزة .. ويدقدق الباب جي . بو سيف : قومي يا مرة بطلي الباب .. يمكن سيف .. ام سيف روحت طلت الباب : هلا سيف .. شفيك خرعتني .. سيف معصب : ريمووو وين .. بو سيف عند باب الميلس من داخل ..: شفيه يصارخ سيف وبقوة سكر باب الحوش : ريمووووو وين .. خريني بنتج وين .. ام سيف : ريم راقده .. سيف يركض عالدري رايح لغرفه ريم .. بطل الباب .. جافها قاعده علابها .. ريم سكرت لابها وباستغراب وخوف : سيف سيف شل اللاب منها وبكل قوة ضربه بالارض .. ريم بخوف : ليش لابي .. انا شو سويت ام سيف دموعها عخدها : سيف هدي وليدي وخل ريم بحالها .. خبرني شو في سيف بصوت عالي : خليني اربي بنتج .. خليني اعلمها الصح شوي .. سيف يود ريم من شعرها وبعصبيه : قوليلي انتي انتي روحتج لامريكا ليش .؟؟ ريم تصيح : ادرس .. سيف اتنرقز من سمع منها ادرس .. تم يضرب فيها .. ام سيف تحاول تبعد سيف عن ريم : ودرها سيف بس كسرت الابنيه .. خبرنا شو السالفه ريم تصيح : ابوووي ابووووووي .. سيف بعصبيه : ابووووووووج .. امي ناديلي ابوي .. خليني اخبره بسواد ويه بنتج .. ريم خايفه : انا ما سويت شئ .. سيف صفعها وتم ماسكها من رقبتها .. وهي مسدوحه عالارض : اوريج شلي جفته .. تبين تجوفين سواد ويهج .. سنتين كانت حياتج لعب ولهو وسهر شباب .. سنتين قضيتيها خراب برع .. سنتين .. سكت .. ونزلت دمعته .. ما قدر يتمالك روحه .. وقعدها ..وصفعها .. امه تصارخ ,, روحت وتنادي ابو سيف بو سيف دخل الغرفه حط ايده على كتف سيف : ودرها سيف .. بتذبح اختك .. سيف وبصوت هادي ومتعب خبره عن الي جافه .. سيف بهدوء : هاذي بنتك وبعد الي خبرتك عنه جوف شغلك معاها .. بوسيف ساكت .. وحاط ايده عصدرة .. فجأة وطاااااااااااااح .. ام سيف : بوسيف .. بوسيف .. سيف قوم شل ابوك للمستشفى .. سيف : ان شاء الله امي .. روحي اتصلي على الدريول .. ام سيف : ان شاء الله ريم قاعده وتصيح لامه روحها وبصوت واطي : ابوي .. اذا صار فيه شئ .. انا السبب ام سيف وسيف شلو بو سيف .. تمت ريم بالبيت .. بو سيف دخلوه غرفه الانعاش .. وام سيف وسيف لامين بعض ويصيحون .. سيف : انا السبب .. ما كان المفروض اخبره .. ام سيف : ما يفيد الكلام الحين .. ابوك تعبان وااايد .. سيف : انا السبب .. وتم لام امه ويصيح .. ام سيف : خلاص وليدي .. هدي خلاص .. ظهر الدكتور من غرفه الانعاش .. شكله مرة زعلان وراسه بالارض .. ام سيف : بشرنا شو صار .. سيف : كيف حالت ابوي .. الدكتور : البأيه بحياتكوو .. سيف انصدم .. تم ساكت .. جفت دموعه .. حاول يمشي خطوة مب قادر .. امه حطت يدها عطتف سيف وتمت تصيح وتصارخ .. : بو سيف .. بو سيف .. سيف ولا حركه ام سيف تضمه .. ترمسه .. تشتكي له .. ماشئ رده فعل .. ام سيف : سيف شفيك تكلم .. سيف مب مستوعب الي يصير .. حاس انه اهو سبب الي صار .. ام سيف تصارخ : سيف شفيك .. سيف طاح عالارض .. ام سيف : دكتووووووور دكتور .. ولدي .. ياهم الدكتور شال سيف .. بعد ساعه .. ظهر الدكتور .. ام سيف واقفه عند الباب .. ام سيف : شفيه وليدي .. الدكتور : نزل الضغط عند سيف .. لا تحاتي .. محتاج شويه هدوء وراحه .. ام سيف : مشكور دكتور .. اقدر اجوفه .. الدكتور : يصير تجوفيه .. بس .. بدون دموع .. الولد محتاج راحه .. ام سيف : ان شاء الله ام سيف ادخلت عند سيف .. تمت تطالعه من بعيد .. ودموعها عخدها .. ام سيف : ولدي .. وجربت منه .. امسكت يده .. وباسته عجبينه .. : من لي بعد ابوك غيرك يا سيف .. وحطت راسها عند ولده واغفلت .. سيف بطل عيونه .. جاف امه حذاله ابتسم .. حط ايده عراسها .. انتبهت ام سيف ام سيف : سيف حبيبي .. [ وباسته عجبينه ] .. سيف مسك يدها وباسها عايدها : الله يخليج لنا امي .. دخل الدكتور .. : لو سمحتي اختي .. سيف محتاج راحه .. ام سيف : خلني عنده شوي .. دخيلك دكتور .. الدكتور : اسمحيلي اختي .. اكيد تهمك راحه الولد .. ام سيف : اكيد دكتور .. الدكتور : خلاص خليه شوي .. وقعدتج اهني ما تنفع .. روحي ارتاحي وتعالي لولدج باجر .. ام سيف : لااا .. مب سايرة برقد عند ولدي .. الدكتور : سيف تحت معاينتنا .. لا تخافي .. ام سيف .. : خلاص دكتور باجر الصبح بيي وبشيل الولد وباخذه البيت .. الدكتور : لا كيف تشيلينه باجر .. خلينا نطمن عالولد .. عقب يترخص ويرد البيت .. ام سيف : ان شاء الله .. دير بالك عولدي .. الدكتور ابتسم : ان شاء الله .. ام سيف ردت البيت .. ادخلت الحوش .. ريم انزلت جافت امها .. راحت صوبها ريم : امي ابوي وسيف وين .؟؟ ام سيف اسكتت .. حطت ييدها عكتف لاريم : عطاج عمره .. ريم مستغربه : كيف .. ام سيف : ابوج مااات .. مااات .. ريم : مااات .. ام سيف : مااات .. ريم انزلت دمعتها : ابوي مااات .. انا السبب .. انااا السبب اركضت ريم فوق .. ادخلت غرفتها .. اقعدت عسريرها : ابووووي ماااات .. انا السبب .. انا السبب انا سبب وفاه ابوي .. انا جتلت انسان .. انا ذبحت انسان بافعالي .. وووو فزت من مكااانها انزلت عند امها : امي سيف وين ام سيف : سيف مرقد بالمستشفى .. ريم : فالمستشفى .. ام سيف : من سمع خبر وفاه ابوج نزل عنده الضغط .. ووو [ تمت تصيح ] .. ريم يودت ايد امها : انا سبب في كل الي صاار .. انا المسؤؤله بلي صاار .. ضمتها امها .. ام سيف : الاعمار بيد الله بنيتي .. وسيف باجر بيقعد بالسلامه .. ريم : والنعمه بالله .. امي انا بروح غرفتي .. تامريني عشئ .. ام سيف : سلامتج بنيتي .. ريم : الله يسلمج .. ريم روحت غرفتها .. انسدحت عفراشها .. تعيد شريط حياتها .. قعداتها .. الافلام .. الصور .. ربيعتها .. ربعها .. وفجأه ياها فون .. ريم : السلام عليكم .. خوله : وعليكم السلام ورحمه الله .. شحالج ريم ريم : بخير .. خوله : شفيه صوتج .. وليش خليتيني وظهرتي بدون ما تخريني عالمسن .. ريم ما اقدرت ترد .. انزلت دمعتها : ابوي .. خوله باستغراب : ابوج شفيه .. ريم تصيح انقطع نفسها : ابوي .. خوله : شفيه .. ريم : مااات خوله مستغربه ومب راضيه تستوعب : كيف ماااات .. شلووون ومتى .. ريم ما اقدرت تجاوب وبعد فترة من سكوتها : ارمسج عقب .. خوله : ان شاء الله . ريم : مع السلامه .. خوله : مع السلامه .. ريم تمت قاعده .. غرقانه بدموعها .. تخيل صورة ابوها .. تذكر وهي صغيرة .. تذكر يوم تخرجها .. تذكر وداعها باول يوم سفرها لامريكا .. تذكر دموعه .. تذكر ايامها وهي راقده فحضن ابوها .. ام سيف قاعده .. تذكر كل مكان كان يقعد فيه بو سيف .. رقاده وهو يقرى الجريده عالغنقه اهني .. فرش سجادته وركع اهني .. راحت صوب التسريحه .. المحت غترته وعقاله .. شالته .. اقعدت تشم فيه .. راحت وانسدحت عفراشها .. العقال والغترة حذالها .. ما سكته بيدها .. وارقدت .. الدكتور دخل ع سيف .. حالته متحسنه وااايد .. الدكتور : مااا شاااء الله .. شو حلوة هالابتسامه عشفاتك .. سيف وهو مبتسم : اقدر اظهر اليوم دكتور .. الدكتور قعد حذاله وقعد يخبره بقصص وفاه كثيرين عنده من المرضى بالمستشفى .. ويحاول يقنعه بان الموت حق .. ومصير كل انسان بالنهايه الموت .. الدكتور : سيف .. انت بعد ابوك .. دير بالك عامك .. ولا تسوي مثل الي سويته فيها .. مب كافي زوجها توفى .. انت تطيح وترقد بعيد عنهااا .. سيف يضحك : ان شاااء الله .. يالله ابي اظهر .. الدكتور يضحك : الله يخليك لاهلك .. سيف : ان شاء الله .. ويخليك لزوجتك واعيالك .. الدكتور : وانت كيف عرفت اني متزوج .. سيف : هاااا الدكتور يضحك وحط يده على كتف سيف : يالله قوووم .. ما تبغي ترد البيت .. سيف : بلا بلا .. بدق للدريول ايي يشيلني .. الدكتور : اوك وانا بخليك .. اروح اجوف المرضى .. ظهر الدكتور .. وسيف قاعد .. بعد كلام الدكتور حاس براحه .. عرغم احساسه بالذنب بسبب موت ابوه .. وصل الدريول .. روح وياه .. وصل سيف البيت .. دخل البيت .. امه لابسه عباتها وتبغي تظهر تروح المستشفى .. ام سيف ما تدري ولدها بيظهر اليوم .. ام سيف : وي سيف .. شلون ظهرت من المستشفى .. سيف يضحك : نطيت من سور المستشفى .. ما رضووو يضهروني .. شردت .. ام سيف تنازعه : ذكرتني بابوك .. ما بتروح بعيد .. انت وابوك الله يرحمه نفس الشئ .. الله يعيني عليك سيف يضحك : لا امي اسولف وياج .. الدكتور ظهرني .. الله يرحمه ابوي .. ويخليج لنا امي .. ام سيف : ويخليكم لي .. سيف : ريم وين .. ام سيف : راقده .. خلها روحها .. خلها تراجع روحها عقب اذا ودك تكلمها روح لها .. سيف : ان شاء الله .. ام سيف يوها ربيعتها .. جيرانها يعزونها .. ادخلت خوله .. : السلام عليكم .. ام سيف : وعليكم السلام ورحمه الله .. خوله : عظم الله اجرج .. ام سيف : اجرنا واجرج .. خوله : بغيت ريم .. ام سيف .: روحي فوق وراح تلقينها .. بغرفتها .. خوله : ان شاء الله .. ترقبـــو الجـــزء الســـادس .. |
http://ma7room.org/up/images/ufzhlr82a8ntcwvltsf.gif اول وحده ارد على هالبارت والقصه ^_^ القصه غراااااااااااااااااام ختيه قصيد الشوق توقعت انه السي دي بيطيح في يد سيف واكيد سيف اللحين بيمنع ريم من السفر بعد الي عرفه عنها والحال معاهم بيتغير والمسؤوليه بتكبر على سيف الله يعينه والله يرحم ابوه البارت قصير بس كان حزين وكله عن عائله بوسيف ونتريا البارت الياي .. يسلمو http://ma7room.org/up/images/j28cp8ezejbm0csdj9eo.gif |
رووووووووووووووووووووووعه القصه.. يعطيج العافيه نتريا الجزء السادس^^>>>>>>تقولج لاتبطين علينا |
اقتباس:
حياج حياااج .. منورة فديتج .. يقولون .. الا غرام بالقووو بعد .. اممم . تابعي وبتعرفين شو بيصي .. شاااكرة مرووورج |
اقتباس:
الله يعااافيج .. بنزله ان شااء الله .. شاكرة مروورج |
الجــــزء الســـادس ..]... خوله وهي راكبه الدري .. فنفس الوقت سيف نازل من غرفته .. جافها سيف .. تم يطالع فيها .. وهو يتذكر الصور الي جافها بالسيدي .. طالعها من فوق لتحت .. ونظرها بنظرة استحقار وروح عنها .. خوله مب فاهمه شئ .. روحت لغرفه ريم .. ادخلت الغرفه .. لقت ريم على سيادتها تصلي .. والقرآن حذالها وتصيح .. خوله : عظم الله اجرج . ريم : اجرنا واجرج .. حياج خوله اقعدت حذالها . واقعدت تهديها .. : ريم باجي يومين وبنرد امريكا .. ريم : امريكا .. خوله : نسيتي .. خلصت اجازتنا ولازم نرد ريم : ماني راده .. خوله : من صدقج .. ريم : اي خوله : الموت حق .. وكلنا بالنهايه نموت .. وحققي حلم ابوج الله يرحمه ولو اهو متوفي وتخرجي مثل ما هو بغا يجوفج ريم مخنوقه .. وفي قلبها تردد انا السبب .. انا السبب فجأه واقعدت تصيح .. زتصارخ : خوله اطلعي برع خوله مب فاهمه شئ : اظهر .. ما تبيني .. ريم مقهورة : انتي .. هي .. ما ابااااااااااج .. ما ابي اجوفج مرة ثانيه .. انت سبب موت ابوي خوله تيودها وباستغراب: انا سبب موت ابوج ريم خبرتها بكل الي صار .. خوله ما كان لها ردت فعل .. غير انها اظهرت من الغرفه .. وردت البيت .. اتصلت لكل اربيعاتها وربعها .. خبرتهم بلي صاااار .. اليوم الثاني .. سلامه وموزة وحمدان وذياب وغزل .. فالفندق .. فتايلند حمدان اتصل عخويته سلامه .. حمدان : السلام عليكم .. سلامه : هلا حمدان .. وعليكم السلام .. حمدان : شحالكم .. .؟؟ سلامه : كلنااا بخير .. وتحمسين يالله متى بنظهر .. ملينا من الفندق .. حمدان مبتسم : زين زين .. انا متصل فيج عسب اخبرج تتزهبون راح نظهر نتغدى برع .. سلامه مستانسه وتخبر الي حذالها : وااااااي وناااسه .. حمدان وهو يضحك : الحمد لله والشكر .. يالله يالله تزهبو .. نص ساعه بنمر عليكم .. سلامه : اوكيك .. يالله باي حمدان : باي . بعد نص ساعه ذياب وحمدان حذال غرفه البنات .. ذياب اتصل عفون غزل .. ذياب : السلام عليكم .. سلامه ردت عالفون تغربلت : وعليكم السلامه .. ذياب ما انتبه عالصوت : غزووووله يالله اظهرووو .. سلامه بهدوء : انا سلامه مب غزل .. ذياب روح بعيد عن حمدان : سلااااامه .. سوري ما عرفتج .. سلامه : سوي بس تحريت امك داقه ورديت .. ذياب : عادي فديتج .. غزل وين ..؟ سلامه : غزل بالحمام . [ الله يعزكم ] .. شوي وتظهر .. ذياب : اوكي سلامه .. نحن نترياكم برع .. سلامه : خلاص شوي وظاهرين .. ذياب : مع السلامه سلامه : مع السلامه .. غزل اظهرت من الحمام .. غزل : جني تاخرت عليكم .. اجوفكم متزهبين .. سلامه : لا والله .. جان رقدتي بالحمام بعد .. غزل : زين اتلبس .. اف منكم دومكم معصبين .. موزة تضحك : يالله يالله .. تاخرنااا عليهم .. سلامه : تنقعو عند الباب حليلهم .. غزل تنغز سلامه : حليلهم والله .. اكسرووو خاطرج .. سلامه بعين وحده : هي اكسروو خاطري .. غزل : اكسروووو .. بصيغه الجمع .. سلامه تبغي تقهر غزل : فديتهم وربي .. حيل والله .. عيزو من الوقفه .. غزل تمت تضحك : موزو لحقي عأختج .. وقامت تفدى .. موزة : هيمانه البنت .. سلامه بصوت عاالي وهي تبطل باب الغرفه : فديـــــــــــته وربي .. اسكتت .. انصدمت ذياب وحمدان عند الباب واقفين .. سلامه راسها بالارض وتراجعت لوره : أأأأ .. حمدان وهو معصب ويطالعها بعين وحده : امشوو يدامي .. غزل تضحك بصوت هادي مرة : فضحتينا .. الحين زين سويتي .. سلامه وهي منحرجه : ما كنت اعرف بيكونون مجابلين الباب جذي .. ذياب وهو مبتسم : مشيناا .. ذياب وحمدان يداام .. والبنات وراهم .. سلامه بالمرة منحرجه .. وغزل وموزة يضحكون على الي صااار .. سلامه : بسكم عاااااد .. موزة تقلدها : بسكم عااااد .. غزل وهي تضحك : فديته وربي .. اوصلوووو للمطعم .. اقعدو البنات روحهم وحمدان وذياب روحهم .. تغدووو واظهرووو يتمشووون .. فبيت بو ذياب .. ام ذياب وبو ذياب بغرفتهم .. البيت هادي ومافيه احد .. الكل مسااافر .. حمد يتصل عفون البيت محد يرد .. يرد ويتصل مرة ومرتين محد يرد .. حمد وهو مستغرب : شو صاااير .. وينهم .. بلاهم ما يردوون .. نهيان : زين اتصل على فون ابوك .. حمد : اي صح .. يمكن راقدين هالوقت .. ومحد قاعد بالصاله تحت .. نهيان : حدك ذكي انت .. حمد : بس اسكت .. خلني اتصل .. نهيان : زين زين .. هاذوني بسكت .. بس سلم عأمك .. حمد : ان شاااء الله .. حمد اتصل عفون ابوه .. : السلام عليكم بو ذياب : وعليكم السلام حمد : شحالك ابووووي .. اخبارها امي بو ذياب : حنا بخير الله يسلمك .. تولهنا عليك .. حمد : وانا اكثر .. بييكم ان شااء الله هالاسبوع .. بو ذياب استانس : والله بتين هالاسبوع .. اتريا اتريا بخبر امك .. بو ذياب يقعد ام ذياب من الرقاد : ام ذياب وليدج بيي .. قومي ام ذياب : والله صدق .. وكيف عرفت حمد يسمعهم يرمسووون .. :ابوي .. بو ذياب : حمد هاذوها امك تبغي ترمسك .. حمد : عطني اياها .. ام ذياب : هلا وليدي .. هلا حبيبي حمد .. شحالك .. وشو مسوي .. حمد يضحك : ول ول ول امي .. شو صااااير فيج .. ام ذياب : والله متوله عليك .. شخبارك حبيبي .. حمد : بخير امي .. انتي اخبارج .. ام ذياب : بخير ولدي .. حمد : امي انا بيكم هالاسبوع ان شااء الله .. ام ذياب : ومتى بالتحديد وليدي .. حمد : يوم الخميس انا عندكم .. ام ذياب : خلاص عيل بنيك المطار ان شاء الله .. حمد : ان شااء الله .. اي صح امي نسيت .. ام ذياب : امر وليدي .. حمد وهو يضحك : عبدالله يسلم عليج .. ام ذياب وهي مبتسمه : الله يسلمه .. هذا لحينه عحركاته .. حمد : اي امي مطفر بي اهني .. ما يخليني اتحرك ابد ام ذياب : زين يسوي فيك .. جابل دروسك وانجح .. وتعال رد بلاك لي متى بتم هناك حمد : ان شاااء الله امي .. كلها كم سنه وبخلص .. ام ذياب : ان شاااء الله .. حمد : يالله امي انا بخليج .. مع السلامه ام ذياب : مع السلامه .. فبيت بو سيف .. ريم قاعده بغرفتها ياها فون .. سالم يتصل عفونهااا .. ريم تطالع الفون وما ترد .. طرش مسج [ عظم الله اجرج .. ] .. ريم ما ردت عليه .. سالم .. تغيـر من بعد موت بوسيف .. حس بالذنب .. لان اهو سبب خراب ريم .. سالم اتصل لخوله .. سالم : السلام عليكم خوله : وعليكم السلام ورحمه الله . سالم : شحالج خوله : بخير .. سالم : شحالها ريم .. وبلاها ما ترد علي .. خوله : ريم تغيرت وايد من بعد وفاه ابوها .. حتى دراستها بتودرها .. سالم متردد : ممكن اسالج سؤال .. خوله : امر .. سالم : اقدر اتقدم لريم .. خوله مستغربه : تتقدم لريم .. سالم : هي .. اتقدم لريم .. انا وريم سبب وفاه بو سيف .. لا تنسين الصور الي بالسيدي كانت لي ولريم .. خوله ما تعرف شو ترد عليه .. سالم : خوله ارمسج .. شفيج ساكته .. خوله : لا مااااف شئ .. بس انت متوقع ما يردوونك .. سالم : ما يبون الستر لبنتهم .. !!! خوله : اكيـد .. بس . سالم : ابغيج ترمسين ريم .. وابغي عنوان بيتهم .. وراح اتقدم لهاا .. خوله : خلاص بخبرها وبرد عليك .. سالم : عيل انا بخليج .. بكمل قراءه .. خوله باستهزاء : يبغي الستر للبنت ولحينه على عاداته الاوليه .. سالم : الله يهديج خوله .. خوله مستغربه : يهدي الجميع .. سالم : مع السلامه خوله : مع السلامه .. خوله مب فاهمه شئ .. شلون سالم بيتقدم لهااا .. واهو عارف سواليفهاااا .. !!! اتصلت على عـ ريم .. نفس الحكايه .. ريم ما ترد .. طرشت لها مسج .. [ ابغيج ضروري ] .. ريم ردت واتصلت لهاا : السلام عليكم .. خوله : وعليكم السلام ورحمه الله .. ريم : امري بغيتي شئ .. خوله : بالاول خبريني اخبارج .. علومج .. عقب اخبرج بلي عندي .. ريم : انا بخير .. خوله : ريم .. حبيت اوصل لي الي وصوني عليه .. ريم : صااير شئ .. خبريني .. خوله : اااااا .. ريم : شفيج قولي شو صاير .. خوله : سالم .. !! ريم : لو سمحتي لا اتيبين طاريه .. خوله : اسمعيني شوي .. ريم بعصبيه : نعم قولي .. خوله : سالم بيتقدم لج .. ريم بعصبيه : شووووووووووو خوله : الي سمعتيه .. الريال يبغي الستر لج .. وبيتقدم لج .. ريم : آآآآ خوله : فكري عدل .. ولا تنسين بعد ماصارت وانشرت فضيحتج في احد بيتقدم لج .. انتي ادرى بلي مسوتنه .. ريم تفكر : بس انا تغيرت .. خلاص .. ببدأ حياه يديده .. خوله : كملي حياتج صح .. مع الانسان الي يبغي يستر عليج .. ريم بهدووء : سالم اهو سبب .....!!! خوله : صلحي غلطج .. وسالم تغير بعد وفاه ابووج .. ما عاد الاولي .. ريم : برد عليج عقب .. خوله : خلاص بتصل فيج وقت ثاااني .. ريم : اوكي .. مع السلامه .. خوله : مع السلامه .. فتايلند .. حمدان ودر ذياب عند البنات وروح مشوار صغير وراااد .. البنات واقفين عن بياع الورد .. غزل : واااااو حلوة ريحه الورد .. موزة : باخذ لي باقه .. سلامه بدلع : وانا باخذ لي وحده .. غزل : انتو شو عندكم .. شو تبون تسون بهم .. يالله خلنا نتمشى سلامه : لا لا مابي اتحرك .. ابغي اخذ ورد .. واحمر بعد .. غزل ترمس موزة : العااااشقه الولهاااانه .. موزة : اي والله صدقتي .. حيل بعد .. عنبوووو هب عشق هذاا .. غزل وهي تخز ذياب وبصوت عالي : يا حي والله الي ذايبه فيه .. سلامه مستحيه : الله يخليه لي يارب .. سلامه خذت الورد وادفعت للبياع .. غزل قربت من سلامه تبغي تشم الورد .. سلامه واهي راده عورة : لا مب مخلتنج .. روحي بعيد بتخيسينهاا .. غزل بصوت غليظ وهي تجرب اكثر: كلج رقه اليوم .. سلامه ترد لوره وينكسر كعبهاا ويطيح الورد من يدها .. وذياب وراها .. وزخهااا .. : آآآآآ ي ذياب مبتسم : ما تحسين روحج وايد متهورة .. سلامه مب عارفه شو ترد : اناا .. ذياب رفعهااا وقعد عالارض : لا اناااا .. سلامه اضحكت عليه وعيونها عالورد : وردوودي .. ذياب يود يدها وودها صوب الورد وخذا لها باقه ورد احمر : يمكن الإنسان ينسى همه... ينسى الورد بعد شمه... بس ما ينسى ناس حطهم بقلبه ودمه.... سلامه تحاول تودر ايده .. ذياب حاط عينه بعيونها ويضغط عايدها اكثر واكثر ..: تبين تروحين سلامه : عورتني خلاص ... ودرني .. ذياب ودرها : حطي بالج عروحج .. سمعتيني .. سلامه : ان شاااء الله .. روحت سلامه عند غزل وموزة .. موزة ميته ضحك عليها .. سلامه : هي هي اضحكووو علي .. غزل وهي تضحك : شكلكم يضحك .. موزة : جفتيه لما قعد عالارض .. فخاطري اقول بلاه هالغبي .. سلامه : بسكم عااااااااااااد .. جنكم زودتووهاا .. غزل : اشم الورد .. سلامه : لا فديتج روحي بعيد .. ما يخصج بالورد .. غزل : يا عيــــــــني .. منو الي ما عنده سالفه عطاج هالورد .. سلامه : ما يخصج .. اف منج .. يالله نروح .. موزة تضحك : وين نروح ونعالج مكسوووووور .. سلامه : ويه نسيت .. شو اسوي .. ذياب وقف ورا سلامه ومد يده وعطاها جيس : يودتي فديتج .. سلامه : شو هااا .. ذياب وهو مبتسم : خذيت لج نعال .. سلامه مستحيه : تسلم .. سلامه اقعدت عالارض والبست النعال .. ذياب : طلع اوكي عليج .. سلامه : هي القياس اوكي .. غزل : احم احم نحن هنا سلامه اوقفت : شكرا .. لولاك كنت بمشي حافيه ذياب مبتسم : لا شكر على واجب .. تمشين حافيه وانا موجود موزة : احم احم .. انا اهني .. خفو علينا خفوو .. ذياب يغمز لغزل : ديرو بالكم عسلامه .. موزة وغزل : ان شاااء الله .. يوم الخميس فالمطار .. ام ذياب وبوذياب فالمطااار .. يتريون حمد ينزل من الطيارة ,, ام ذياب : طول حمد لحينه ماظهر بو ذياب : اصبري .. تو الناس .. ام ذياب : هاذوووه .. تجوفه هناااك .. بو ذياب مبتسم : اي هذا هو خل نروح له , ام ذياب روحت صوبه : احضنت حمد .. وتمت تصيح بو ذياب : دومكم انتو الحريم .. لازم دموع .. وقت الفرح والحزن حمد : فديتج امي ليش هالدموع كلهاا .. هاذوني عندج .. ام ذياب : البيت مو شئ بدونك وليدي .. بو ذياب : فضحتونا يدام العالم .. يالله خلنا نروح السيارة .. حمد : يالله امي .. خلينا نروح .. نقعد بالبيت واخبرج كل الي صار وياااي ام ذياب تبتسم : اي وليدي كل شئ .. حمد وهو ماشئ رايحين للسيارة : امي عبدالله يسلم عليج .. ام ذياب مبتسمه : الله يسلمه .. وينه مايا وياااك .. حمد : بلا ياي وياااي .. بس ظهر قبلي ام ذياب : ما قلت لي بغيت اسلم عليه .. حمد : من اروح بيتهم بوديج وياي .. وبتجوفين امه وبتقعدين وياها .. شو تبين بعد .. ام ذياب : زين امي .. ودي اجوف امه .. اكيد طيوبه شراته .. حمد : اي امي .. احيد مرة قعدت وياها .. راعيه سوالف امي .. ام ذياب : يالله وليدي اركب السيارة خلنا نكمل سوالف بالبيت .. بو ذياب يهز راسه : انتو خليتو شئ للبيت .. حمد وام ذياب يضحكون حمد : ابوي .. اخباره بوسيف .. بو ذياب : الله يرحم ايام كنا نقعد فيها يدام الحوي .. ونروح كل صبح من وقت لسوق السمج .. حمد مستغرب : ليش ابوي بوسيف وينه .. بو ذياب : بو سيف توفى .. حمد بصوت عالي وباستغراب : ماااااات .. ام ذياب : هي وليدي مااات .. الله يرحمه حمد و بوذياب : الله يرحمه فبيت بو سيف الله يرحمه .. [ الساعه 10 بالليل ] .. ام سيف : قاعده عند بنتهااا ريم .. يسولفون ويضحكووون وماخذتنهم السوالف .. في احد يطق الباب .. روحت الخادمه تبطل الباب .. الخادمه : ماما .. في رجال عند الباب .. ام سيف : ريال عند الباب .. ريم شلت شيلتها وتحجبت : امي اروح واجوف من عند الباب ,, ام سيف : تعالي وياي .. ما يصير هالوقت تروحين روحج ريم : يالله امي .. خل نروح نجوف منو عند الباب .. ريم بطلت الباب وايقت وتفاجئت .. : ســـــــــالم .. ام سيف مب فاهمه شئ : منو سيف بنيتي ... ريم وهي تراجع لوره : هااااااااا .. ما ادري .. جوفيه انتي اركضت ريم لغرفتها .. ام سيف : امر في شئ .. سالم مختبص : شحالج خااالوو ام سيف : بخير وليدي .. امر .. تبغي سيف سالم : لا خالو انا مب ياي عشان سيف .. ام سيف مب فاهمه شئ : عيل محتاي شئ .. سالم : لا خالو .. انا ياي بخصوووووص .. ام سيف تطالعه وهي مستغربه : بخصوووص شووو .. امر اذا اقدر اساعدك البي الي تبغيه سالم وهي متردد : خااالووو انا سالم .. ام سيف تذكرت .. سالم اهو الي كان سبب في وفاه بو سيف : ســـالم .. سالم : اي خالو انااا سالم .. الي ام سيف مب عارفه شو تقول : شلي يايبك بعد ما فقدت الغالي بوسيف .. وبعد ما ودرت بنيتي دراستها .. وبعد ما حرقت ويوهنا يدام العالم سالم : انا ياي اصلح غلطتي .. ام سيف : تصلح غلطتك .. سالم : اي خالو اصلح غلطتي .. الي تامرين عليه انا بسويه ام سيف : لو قت لك رد لي ريلي .. بتقدر .. سالم : الموت حق خالوتي .. وكلنا بالنهايه بنمووووت .. ام سيف : والنعمه بالله سالم متردد : خالووو انااا ياي واصلح غلط انا تسببته .. ام سيف : شلووون قول لي .. قول لي شلون ارجع ريم لدراستها .. شلون اظهر ريم يدام العالم تواجههم بعد المصيبه الي صارت .. سالم : نتزوج .. ام سيف : تزوج .. تزوج بنيتي ريم .. سالم : هاذوني غلطت .. ويت اصلح غلطي .. خالووو فكري عدل .. ام سيف ساكته .. سالم : انا بترخص .. وهاذي ارقامي بتريا اتصال منج ام سيف : ان شااااء الله .. سالم : فداعه الله ام سيف : فحفظه ورعايته ام سيف سكرت الباب .. ما تحركت من مكانها ,, قاعده تفكر بلي قاله سالم .. يتها الخدامه ,, الخدامه : ماما شو في ام سيف : هاااا مافي شئ .. روحي ارقدي لو ما عندج شغل ,, الخدامه : زين ماما ,, ام سيف : ريم تعشت الخدامه : هي ماما .. ام سيف : وسيف تعشى ,,!! الخدامه : لا ماما ,, سيف مافي اهني ,, ام سيف : زين خلاص روحي ,, ترقـــبو الجـــزء الســـااابع ...].. شو تتوقعووون احداث الجزء الســـابع .. |
تسلمين عالباارت ونتريا الباارت الياااي |
مرحبا الساع شحالج شخبارج الصرتتحه القصه طرر ونتريا البارت اليديد ومتى بتنزلينه |
تسلمي الباااااااااااااااااارت اتوقع انه ريم بتوافق على سالم يعطيج العافيه |
اقتباس:
ولكمووو ختيوووو شااكرة مرووورج |
| الساعة الآن 10:53 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir