|
وشلـــــون ..؟ ما أغليكـ وانت الذي علمتني حبكـ ..! - للكاتبه يتيمة زايد وشلون ..؟ ما أغليك وانت الذي علمتني حبكـ .. للكاتبهـ : يتيمة زايـد الحلقه الأولى .. موسيقى بلا ألحان .. صمت بلا سكون .. دمعه بلا شعور .. ضحكه بلا حياه .. ابتسامه بلا معنى .. قلوب بلا رحمه .. أحلام بلا ألوان .. كلمات بلا معاني .. حب بلا منبع .. موسيقى ممزوجه بـ صوت نشاااز ,, صمت خالطه ضجيج صااارخ,, دمعه تلطخت بـ قليل من الكحل ’’ ضحكه مازجها صوت البكاء ,, ابتسامه تحمل معاني الألم ,, أحلام قضى عليها اللون الرمادي الداكن ,, قلوب معدومه الرحمه والحب ,, حب لم ينبني على أي أساس .. إلى متى أيها الهوى ستعذبني ,, .. إلى متى يا مركب هوانا ... إلى متى ....؟؟؟ طويت الصفحه الأولى من هذا الدفتر ,, ابتسمت ... يا ربي اش كثر أحب هذا الدفتر ,, موتي ولا يظيع هذا الدفتر أو يحترق ,, هذا الدفتر فيييه أحلـــــــى أشعاري اللي كتبتها بـ خط يدي ’’’ اممم هب من خط يدي بس ,, لأأأأ من قلبي وكياني وشعوري وكل شي أحمله من حب وأحاسيس ,, وخاصةً هوااااااي .. آآآه يالهوى معذبني عذاااااب ,,, ...................................... أووووف ياربي حفظت شكل الخط بعد من كثر ما أقرا بـ هالدفتر ,, يلا أروح أطلع مواهبي ,,, رحت صوب الكبت ,, طلعت لي فستان أحمر قصييير وينلبس عليه فرو أسود ,, يا ربييييه شكله خبااال حصلته من أغلى ناسي ’’ ولبست الكعب .. عقب فسخته ,, لا لا بتكسر ويا الكعب هذا ,, رحت صوب التسريحه ,, رفعت شعري بطريقه غجريه وفكتوريه نوعا ما ,, يبت المقص ,,, أقصها ولا لا ,, اممم توني قاصتنه من أسبوع ,, يلا عادي بقصها وعقب بروح الصالون يرتبونه ,, خذيت المقص تجدمت من التسريحه ,, رتبت القذله بالمشط ,, ويودت المقص .. بعدني محتاره أقصه ولا لأأأ ,, يلا أتوكل ع ربي وأقصه ,,,,,,, أأأأأأأأع ,,, شعري طااااااح بس عادي ههههههه طالعت عند ريلي .. يا ربي حراااام هذا شعري قصيته ,,, يلا عادي طنش تعش تنتعش ,, واركب جحش لوووول ,, نزلت ألم بقايا الشعر من القذله اللي قصيتها ,,, رميتهم في الزباله وانتو بكرامه ,, تجدمت عن المرايه أطالع روحي ابتسمت يا ربي شكلي تغير ,, طالعت صوب الميكب سحبت الماسكارا ,, حددت رموشي الين صارو طوااال واغلاض ,, وشفت الروووج الأحمرررر الفااااااااقع ,, سحبته وحطيته الين ما شفايفي صااارت حمرااا .. جني ياهل هههه .. رحت بعيد شوي عن المنظره ,, استعرضت وطالعت شكلي .. ولفيت شوي ع اليمب وملت .. يا ربي طالعه أهبل جني ملكه من العصر الجاهلي مدري شو ههههه بس لما طالعت قذلتي قلبي عورني .. ليش قصيتها حراااام كانت حلوه قبل ,, بس الحين أحلى لأنه شعري قصير ومدرج وأسووود سواد الليل اليق عليه القذله القصيره اللي الين الحوايب ,, ابتسمت وتجدمت عن المرايه بطريقة عارضات الأزيااااء ,, وقفت وتجدمت عن المرايه ,, كتبت بالروووج i love you >> i miss you وتجدمت عنها أكثر وأكثر الين بست المرايه ,, ههههههههه طالعت المرايه وااااع حلجي منرسم عليها هههه والله اني خبله صدق .. ابتعدت وأنا أضحك على خبالي ’’ وأنا أرد ورا ,, صدمت بـ شي ,, لفيت متخرعه ,, يودت قلبي .. الحمدلله انه البوت ولا كنت بموت وبروح فيها هههه رحت صوب الكبت وطلعت كيمرة الفيديو ,, طالعتها وشغلتها .. الحمدلله مجرجه عدل ,, رحت صوب الاستاند وعدلته ’’ وحطيت عليه كيمرة الفيديو ... رديت صوب البيانو مالي .. شليته آآآآآآآع ثجيل واااايد ,, حطيته ع السرير ,, ورحت شليت المايك والواير ويبتهم يمب البيانو مالي .. ويبت الجيتااار ,, وأنا ألعب بالأسلاك ,, حطيتهم ع السرير ,, رحت صوب الفيديو ودقيت على تسجيل ,, ورحت ركض صوب السرير نطيت ,, آآآع طحت هههه قعدت بسرعه وأنا أرتب فستاني .. ههههه فضيحه واااااايد قصير ,,, طالعت الفيديو ومسكت المايك ,,, قلت : هااااي .. للجميع ,, وسكتت شوي لأني تخيلت أحد يصفق هههه والله اني حركااااات رديت ابتسمت ورفعت المايك ,, قلت : شكرا .. اسمي شموخ من u.a.e وتحديداً من امارة دبي .. عمري 20 سنه أدرس في الجامعه الأمريكيه في دبي ,, وأشتغل بمشاريع سمو الشيخ محمد بن راشد الله يحفظه .. للشباب ,, يعني أروح نادي التراث وأعلم الأجانب عن عاداتنا بس ما أعتقد اني بتم طول عمري بشتغل بـ هالمكان لأني أدرس لغات .. أعتقد اني بصير مترجمه نوعاً ما في المستقبل .. أحب الفن واااااايد .. عايشه في شقه يدام شارع الشيخ زايد مقابيل أبراج الامارات .. حياتي حلوه مبنيه على أساس الحب والتعامل باحترام مع الآخرين .. هواياتي ,, كتابة الشعر ,, و العزف .... مسكت البينانو .. بديت أعزف لحن يعجبني مووووت هادي وريلاااكس نفس الوقت ’’ ابتسمت وقلت : شكرا أتمنى انه نال اعجابكم ,, ترييت على أساس انه في أحد يصفق لي وأنا أبتسم عن خااااطر على خبالي اللي عايبني هع.. مدري ليش أحس روحي أوقات بنيه عمرها ستعش سنه على حركاتي ,, اللي بـ عمري تزوجو منهن وصار عندهن ولاااد هع ’’ .............. : شهووووووووود الخبله ,, نقزت من مكاني وأنا متخرعه وقلبي يتنافض : عنلاااااااااتج خرعتيني ’’’ طالعتها وأشرت عالفيديو : ههههه كـ العاده فيلم حياتي ,,, ............ أشرت ع الفيديو مستغربه وقالت لي : شو شغال الفيديو ...؟؟ طالعت الفيديو وقلت لها : غربلاتج فضحتيني قلتي انه اسمي شهووود هب شموووخ ...........: ههههه قاعده تعزفين هزيت راسي بمعنى هي وطالعت الفيديو سحبتها وقعدتها يمبي قلت : وهذي أغلى وأعز انسانه بـ حياتي هذي أختي شيييوم اللي أحبها موووت أختي الخليصه اللي ما عندي غيرها بـ هالدنيا .. عمرها سبع تعش سنه تدرس بـ ثاني ثانوي ... شطوره وكسوله بعد ههههه ... شيماء : شهووود الخبله شو لابسه تخيلي أحد شاف الفيديو .. أشرت لها بدون اهمتام : وشو يعني .. ( بحلقت في الفيديو ) هههه ياللي بتشوف الفيديو .. علّق اذا حلوه أنا ولا لأأأأ شيما : شهد شو مسويه بـ قذلتج .. طالعتها وقلت وأنا قاعده ألعب في قذلتي : قصيتها توني .,. شيما : شو انتي غبيه تدرين انه عرس عمي سيف عقب أسبوعين ,, قلت : ومنو قال اني بحضره .. شيما : بـتخبل بي هالبنيه شو ما تحضرينه انتي الثانيه ,, قلت وأنا ملانه: عادي وبعدين ما بيشغلون أغاني ما أحب جذا أنا الا اباا دي جي وسوالف,, شيما : أعوذ بالله من أخت .. فاسقه شهدووووه هههههه .. شو دراج ما بيشغلون أغاني .. قلت : هكوووه عرس شيخه ما شغلو أغاني ,, شيما : بس عرس شيخه ما شغلو لأنه أهل المعرس في منهم ما يسمعون .. قلت وأنا مب مهتمه: برايهم .. بس عرس من أعراسهم ما بحضر ,, شيما : برايج ,, الا أقوول الحمر طررررر عليج ,, قلت : طبعا وارثه بياض ايفا هههههههه شيما : صدقج والله .. ههههه قلت وأنا هب مهتمه : زين البياض بس لو شي ثاني جاان بنتحر ,, شيما : ههههه والله ضحكتيني حراااام عليج مهما كان مب أوكي هالرمسه قلت : شييوم من متى أنا أرمس صدق طولي عمري مزوحه .. أتمسخر وياااج زييين ,, تجدمت عن الفيديو عسب أسكره .. حطيته بالجنطه ماله .. ودخلته الكبت ,, شيما قعدت تراقبني وأنا شو قاعده أسوي .. رحت شليت محارم جونسن عسب أشل الميكب الخفيف الا هو ماسكارا و حمره ,, وفتحت شعري .. تجدمت عن الكبت خذيت بجامتي ,, دشيت الحمام غيرت وطلعت ,, وبعدها شيييوم تراقبني ,, قلت وأنا أأشر لها بيدي : بلااااج حووووه ,,؟؟؟ شيما : ماشي .. جذا أحلى عن هذاك الفسق ,, قلت وأنا أضحك وأشوف روحي بالبجامه: ههههه أسميج شريفة مكه .. تنصحين وروحج ما تطبقين ,, شيما : ههههه .. ويا قصتج مال العنز ,, عفدت ع السرير فريت روحي عليها ,, وبديت أمط بشعرها وقلت : منو العنز يا ويه العنز هااااا..؟؟ شيما : انتي بعد منوو ..؟؟ مطيت شعرها بقوه حسيت بألمها هع وهي تون بس مستحيل أتنازل عن حقي : منووو العنز هااااااا ؟؟؟ شيما : خلاااااص التوبه ههههه ذبحتيني أنا أنا العنز .. قلت وأنا أبتعد عنها : هي أباااج جذا شاطره ,, شيما : تعالي ما بترقدين ,,, الساعه صارت اثنعش قلت لها وأنا متخرعه : هي باااجر حفلة اليوم الوطني ,, طالعتني وهي تبتسم : انتي بتعزفين ,, قلت : هي ,, معني مب مال قسم الموسيقى بس أنا اللي بعزف اللحن مال النشيد الوطني ,, شيما : في خاطريه أحظر تصدقين ,, قلت : منااااك مناااك عيب ما عندنا بنات يدشون الجامعه الأمريكيه ,, شيما : اروحج داشه وتدرسين بعد وأنا لأأأ ,, محرمين عليه زياره قلت : برايج تيين تعالي بس هب ويايه , شيما : حرااااام شهووود وديني وياااااج دخيلج ,, قلت لها وأنا أفكر : بشوف ... شيما : طاعو هااااي أونها تتخقق علينا ( تقلدني ) بشوووف .. اجلبي ويهج ,, وطلعت ركييييييض من باب الحجره ,, شليت الوساده وفريتها وراها ,, وتميت أضحك ... صدت صوبي وطلعت لسانها ,, قلت وأنا مستانسه : نشوووف باجر منو بيطب الجامعه الأمريكيه ,, وأنا شموووخ شيما بدون اهمتام : عادي بيي ويا ولد دبي هع يدرس عندكم ,, سويت لها طاااف هاذي وسوالفها مال المسن أحسها سوالف تافهه حلاته يوم يكون كل شي جدام عيني وأعرف كل شي عنه هب مسن وخرابيط ,, هذي حياتي .. الصراحه أحلى شي عندي ,, رديت صوب السرير شليت خرابيطي .. وأشيائي الثمينه من ع السرير حطيتهن بصوب ,, رديت صوب السرير .. حطيت راسي ع السرير وأنا مستانسه باااجر بتتحق أمنيتي أول مره بـ حياتي بـعزف جدااام هالــ كم الهائل من الناس ,,, يا ربي متشوقه متى اييي باجر ,, ... شيما تباغم في اذني ,, : شهوووود قومي .. شهدوووه وصمخ قومي الساعه ثمااان ,, تجلبت بضيج .. وما رديت عليها ,, شيما : شهووود وصمخ قومي الساعه صااارت ثماااان ,, شليت البطانيه عني بقهر ورفعت صوتي : شووووووو هذاااااااااا الواحد ما يقدر ينام بـ هالبيت ,, شيما بطنازه : ماماتي قومي الساع ثمان وانتي راقده .. شوووه ناسيه ورااااج عزف اليوم ,, ( بسخريه ) عداااال عاد أي بيت نحن فيه الا وهي شقه على قدنا .. وترااااج وعيتي هل البنايه بصراخج ,, ما اهتميت لكلام شيييوم عن الشقه وهل البنايه .. بس زين ذكرتني وراااي عزف اليوم قمت بسرعه وسويت لـ شييوم طاااف ودشيت الحمام وأنا ماسكه الفوطه وروب السباحه ,, سمعت شييوم تقول : عسب العزف نست اني أختها بعد ,, ابتسمت من خااااطر فديتها شييوم .. بس بعد أنا مستحملتنها ع لسانها الطويل اللي يباله قص هـ البنيه ,, قعدت أطالع روحي نظره أخيره في المرايه لبست بنطلون اسكيني أسود وقميص بربري ونعال السندريلا اخترته بربري لحبّي الزايد لـ هالماركه وتعطرت من عطر بربري .. كلّي على بعضي بربريه هههه .. حاطه ميكب خفيف الا هو بودر وجحال وقلوس وشوية شادو بني فاتح ,, سمعت صوت شييوم : بسرعه شهود تأخرنا ’’ رحت صوب العباه بسرعه لبستها .. مفتوحه عباتي يلا عادي أصلا دوم ألبس عباه مفتوحه ,, لبست الشيله بس حطيتها ع راسي والقذله نصها بره ,, ولبست نظارتي الشمسيه ,,, خذيت الفون معاي وبس ماشي محاضرات اليوم ,, طلعت عسب نطلع .. شفت شييوم مب لابسه لبس مدرسه قلت : شوو هذا ,,؟؟ ما بتسيرين المدرسه ,, ولا عندكم يوم مفتوح ,, شيما وقفت مبتسمه وترتب عباتها اللي شرات عباتي : لا بيي ويااااج ,, قلت لها وأنا أطالعها : ومنو سمح لج انشااالله شيما : حرااام شهووود الله يخليج ,,, بيي وياااج دخيلج حراااام وبعدين انتي من شهر وعدتيني توديني وياااج الجامعه عسب أشوفها قلت لها وأنا معصبه : انزين انزين .. خلااااااص يلا ننزل تأخرنا ,, بس تعالي بعباه غير هاي شيما : جييه انتي ع راسج ريشه تلبسين مفسخ وأنا لأأأ قلت بدون اهتمام: جب انزين خلاااص ... وينها ماما ,, أمي طلعت من حجرتها ببنطلونها الجينز وقميصها الكت الأخضر ومعاها السويج والجنطه : يلا أنا جاااهزه ,, شيما طالعتني وقالت : هاي أمج جذا ( تأشر ع لبس ماما ) وترمسين عني أنا ,, طالعتها وابتسمت لها ,, صدق أمنا جذيه ونحن ما نستوي جذا بس الحمدلله نحن نلبس عبي حتى ولو انها مفتوحه ههههه ,, هب كت وبنطلون برا البيت ,, شرات الأجانب ,, ااامممم بس القذله شي أساسي عندي انها تكون برا ,, نزلنا بالمصعد ونحن نتأفف لأنه كل شوي يوقف ومجموعه يدشون الله يعين اللي ساكنين بشقق شراتنا ,, قلت : ماما ما بتحضرين الحفل اليوم والله شي .. وبعدين أنا اللي بعزف ماماتيه : لأأأ أنا ورايه شوغل كتييييير ,, أنا بضيج : أوكي الله يوفقج ,, ماماتيه : لا تزعلي حبيبي ,, والله آسفه ما أقدر مشغووله كثييير اليوم قلت برضا متوسط : ماما مريني اليوم الساعه اثنعش أوكي ,, ماماتيه : أوكي .. وانتي شيما ,, ما بتروهين مدرستك ,, شيما : لأأأ بسير ويا شهووود أمايه : شهد ديري بالك على أختك تيب ,, قلت لها وأنا أقلدها : تيب ماماتيه هههه ضحكت ويانا لفيت وراي أشوف شييوم .. كاشخه البنيه شباب الجامعه شكلهم بيطيحون من حلاها هههه الحمدلله هب وارثين من ماماتنا شي ,, غير البياض والحوايب الخفيفه المرسومه بس شييوم وارثه عن ماما القصر هيه هب قصيره متوسطة الطول أما أنا ناقه هههه عارضة أزياء ,, صح ووارثين الشعر الناعم أما الباجي الحمدلله ملامحنا اماراتيه ,, صديت ع ماما وااااااايد تشبه الفلبينين ههههه .. صدق انزين اهيه فلبينيه صدق .. لا لا عيب أرمس عنها جذا مهما كان هذي أمايه اللي ربتنا وتعبت علينا أكييييد .. والحينه تراها متجنسه هع .. والله يوم تطلع بطايقها الناس يتخبلون يوم يقرون اسمها ويشوفون جنسيتها .. وصلنا صوب الجامعه وييت أنزل بدون ما أعزم الرزه شييوم ,, بس صوت ماماتيه وقفني : شهد ناقسك شي ..؟؟ قلت وأنا فيني الضحكه ع لهجة ماماتيه : لا أمايه وانتي تامرين بحايه .. أمايه : لا هبيبتي بس ديري بالك على أختك تيب ,, قلت وأنا أطااالع شييوم بـ غيض وأقلد ماماتيه بـ نفس الوقت : تيييب ماما .. يلا شيموووه الرزه ,, شييوم ما عبرتني ونزلت البنيه وهي رافعه خشمها ,, الا وراها سالفه هالبنت لااااازم وراها شي ولا هذي تكون ذيلي يوم نطلع ,, مسكتها من ايدها بغيض وقلت : امشي عدل لا تفشليني ,, شييوم زخت ايدي : بلااااج عوذ بالله شابه ضوو ,, قلت لها : شيميه امشي عدل ولا تتخققين شييوم منغاضه : شو شيميه ويا شكلج بعد قلت وأنا معصبه وأتجدم بسرعه عسب أدش القسم : برايج ,, تمي تتخقيين وأنا بروح البروفا ,, شييوم يت ركض من ورا ومسكت ايدي بسرعه وقالت : وحيااااتج بتأدب خلاااص خلاااص ,, قلت وأنا أطالعها بفخر : هي أبااااج جذاا ,, اسمعي ايييه رمسي عدل عسب يقولون أخت شهوود وأخت شهووود .. شييوم مبتسمه واطالع اللي ماريين : انشااالله يا أختي العزيزه ,, دخلت القسم بكبريا وهيبه كالعاده وشمووووووخ .. كنت لافته نظر الكل .. الكل يطالع صوبي مدري لطريقة لبسي ولا لأنه أختي شييوم يديده وما يعرفونها ,, يااااه واحد من الشبااااب طرررررر وهو يركض ’’ ابتسم لي رديت له الابتسامه ,, ياه وقف صوبي : هاااايو ,, قلت وأنا أبتسم : هااااايااااتو .. جوزيف : هاو آر يو ..؟؟ قلت : أم فاين ,, ومن صوبك ,,؟؟ جوزيف : إلبت البنت لا ايماراتي شو هاااد ,, قلت : أوكي أوكي .. دونت ووري ,, هاووو آر يو ميستر جوزيف ..؟؟ جوزيف يضحك : هههه اييييي بدي اياكي هيييك ,, لك أنا فاين وأبو الفاين كمان ,, شفت شييوم شوي وتذبحني لأني ناستنها جان أصد ع جوزيف : شو وين قالو البروفا ,, جوزيف : هونيك اللوكيشين تبعون ,, قلت : اشششووووه لوكيشينه بعد ويا شكلك ارمس عدل ههههه جوزيف : غلللللسسسسسسه ,,, ما عرفتينا ع الحلوه اللي معك ,, قلت : هذي ماي سيس شيييوم الدونكي ,, شييوم شوي تزغتني هههه جان يقول جوزيف : اتشرفنا شييوم ,, ما عليكي منها ما تشوف حالها طالعه مونكي مو دونكي ,, شييوم شوي وتضحك وتنقع ضحك ,, جان أقول : آم بيزي ناو ,, سي يو ليتر ,, جوزيف سحب شييوم .. جان أقول : دونت تاتش دونت تاتش ,, شو تبا بها انت أهبل ’’ تراها هب شرات ربيعاتك الأجانب هههه جوزيف ضحك ورووح بعيد وهو يضحك طرش فلاي كيس : شو بتعأد ختك مو متلك غلسه ,, ضحكت وشييوم ضحكت وطالعتها وقلت : ربيعي جوزيف ,, شييوم فاتحه ثمها : شو ربيعي بعد انتي ايييه ,, يعني بوي فريند ,, ما عندنا هالسوالف ,, قلت لها وأنا مب مهتمه : عااادي لاااه تعالي هكو سلطووون الهرم واااقف عدال الكلاس ,, شييوم فتحت ثمها استغربت ليش تطالع سلطان جذا ,, مسكت ايدها ومشينا ويا بعض ,, الين وصلنا صوب الكلاس ’, طالعت سلطان ابتسمت له ,, رد لي الابتسامه ,, سلطان وهو مبتسم : صبااااح الخييير .. قلت له : صباااح النور ,, سلطان : شو الأخباااار ..؟؟ قلت : تمام ربي يعافيك ,, هااا شو جاهز عسب العرض اليوم ,, سلطان : هي أنا جاااهز بس حسون الهرم ما ياااه ,, قلت وأنا أبتسم : هي هـ الهايت شفته بالرنج ماله يتسكع ,, سلطان ضحك وأنا وشييوم بعد ضحكنا ,, رحت صوب الكافتيريا قعدت وشييوم سرحانه مدري شو صابها هالبنيه ,, ما اهتميت لها ,, طلبت لنا نسكافيه لأنه هب متريقين وبصراحه ميته يووووع بس النسكافيه يكفي ويوفي ,, أصلا ريوقي نسكافيه .. شيما باستفسار : شهود سلطان شو يدرس ..؟؟ أنا بانفتاح : لغات شراتي ,,, جيه ..؟؟ شيما بحيره : يعني أقصد .. اهووه من أي قبيله ..؟؟ أنا : اممم صح اني معاه من سنتين الا اني ما فكرت اسأله شو قبيلته ,, تدرين بأختج عاد آخر همها الجبيله ,, شيما بدون اهتمام: آآآهاااا شي طيب ,, من وراي ............... : شو اللي طيب يا طيب القلب ,, أنا لفيت متخرعه : امف مالت عليج غوووي جيييه تأخرتي ,, غايه : تدرين عاد أنا أدرس في الغرير هب الأمريكيه شراتج ,, أنا بملل : ها ما عندكم حفل اليوم ,, غايه بتنهيده و ملل : حتى ولو شي ..ما بحضر .. أنا ما أصدق أفتك منهم تبيني أتم وياهم أكثر ,, أنا شوي وأضحك : لهالدرجه كارهتنهم .. أسمنج مصلحجيه ,, غايه توها جنها تذكرت : أوووووووه شييييومه اهني .. جيف حالج البرنسيسه اللي حادره ليل ونهار المسن ,, شيما : بخير يالعيوووز .. حاطه لي صورة جورج ع المسن ,, أنا ميته ضحك : ههههههه صدق من متى حاطه جورج بوش ,, غايه جنها كارهه الدنيا : من أمس ههههه يتني هفه وحطيت ,, شيما : لو فزاااع شيخنا قلنا هي ,, بس جورج بوش يالخامه ,, أنا بطنازه : لو البوش ( النوق ) يدري ان جورج بوش اسمه جذا عز الله انتحر ههههههه .............. : هههههههههههههههه غايه متخرعه : ويدي خرعتنا ,, مااااالت ,, أنا : ها سلطان حسووون الهرم ياااه ولا ,, سلطان : لأأأ بعده وانتي يلا سيري المسرح يبونج ,, مس ياسمين قاعده تباغم من الصبح ,, أنا : يا ربيييييه مشتطه أنا عسب أعزف اليوم ,, غايه : سيري سيري ولا تراني برد الغرير وأودرج ,, أنا ااشر بيدي بمعني ايلسي : لا لااااه تمي ابوي هب ناقصه احباط من مستر شلبي ,, سلطان يضحك : ههههههه لو حسون اهني جاااان ذبحج .. أونها مستر شلبي ,, أنا بسرعه : يلا يلا الحين بيكفخوني شكلهم يبوني ,,, ديرو بالكم ع شييوم ,, ابتسمت لهم وأنا أمشي بسرعه وأسير صوب المسرح ,, . . . دار ببال شيما .. طالعت أختي شهود حلوه حياتها ,, ربيعاتي يحسدوني على هيك أخت ع قولتهم ههههه ,, والله اني أحبها وااااايد ,, بس الله يهديها أحس حياتها فيها شوية أخطاء ,, لو أختي صححت أخطائها أكيييد أنا بعد بصحح أخطائي أو بـالأحرى ما بخطي انشالله ,, لأني أقلد أختي بكل صغيره وكبيره في حياتي .. بس الحمدلله عندي أخت شراتها ,,, ما بقول انها تمنعني عن الغلط ,, بس بقول انها متفاهمه ومتعاونه معايه واااايد .. طالعت صوب سلطان أشر لنا أنا وغايه نروح المسرح لأنه العرض بيبدا ,, حلاتها حياتهم اللي في الجامعه الأمريكيه ,, أختي حظها تشوف ناااس من مختلف الجنسيات والأطباااع ,, أحس هذي بعد نوعا ما خبره في الحياااه ,,, . . . دار ببال غايه .. قاعده أطالعها تعزف ,, تعزف من خاطرهااااا أدري انها تحب هالشي وااااايد ,, يوم تعزف تنسى كل شي ,, جنه اللحن اللي تعزفه لحن الحيااااه لو وقفت .. بتوقف الحيييااااه وتنتهي ,, أحييها بصراحه على هالموهبه الرائعه اللي تنبع منها ,, لأنه تنبع بحب ,, ومب شي مزيف مثلي أنا ,, يعني داخله جرافيك اللي هو التصميم والبعض يقول عنه ديزاين ,, غصب عني .. في خاطري أدش لغاااات بس خلاااص صار لي سنتين وأنا أدرس تصميم خلني عاللي بديته أحسن لي ,, أشووف شهود ربيعتيه شوي وتضم البيانو اللي يدامها ,, من خااااطرها . . . دار ببال سلطان .. قااعد أطااالع ساعتي ,, أووووووف عنلااااته الهررررم بعده ماااايااااه ,, والله في خاطري أذبحك يا حسون ,, شهد بتخلص عزف وانت بعدك حتى ما شمينا ريحة عطرك اللي تتسبح به هههه .. مب وقته الضحك متى اييي هذا تأخرنا لازم عقب عشر دقايق نظهر يوم شهد تخلص عزف ’’’ طالعت بعييييييد شفت شيما أخت شهد ,, اش حلاتها صغيره ويبالها من يوصيها ,, ولا بتضيييع شرااات أختها والله اثنينهن ما يهونن عليه بس يلا الله كريييم ,,,لمحت يمبي شفته أشوووه وصل الهيييز حسون الحمدلله ولا جان انفضحنا اليوم ,, يلا يلا ماشي وقت أرمس أكثر خلصن العشر دقايق مالي .. . . . دار ببالي .. توني خلصت عزف ... دخلت في صالات التدريب اللي يمب المسرح ,, أحس رووووحي واايد مستانسه اليوم .. ما بقول مدري ليش لأني بالفعل مستانسه بمعنى الكلمه اليوم وأخيييراااا عزفت يدام هالكم الهائل من الناس ,, كنت مشتاقه للعزف واااايد آخر مره عزفت فيها يمكن قبل ثلاث سنين كنت بصف حادي عشر ,, أدبي تحديدا لأني أدبيه نوعا ما ,,, عزفت يدام بنات المدرسه والمدرسات فقط ,, بس بصراحه التشجيع اللي عطوني اياااه فرحني ويسوا تشجيع بلد ,, أحب اني ألحن الأشعااار ,, يعني أدخل موسيقى في شعر ,, مو شعر أي أحد .. شعري أنا تحديدا ’’’ بس دووووم ألحاني ما توحي بـ لحن الحياه مثل ما تقول غوايه ,, الحاني توحي بـ لحن الضياااع اللي أنا عايشتنه .. .................. : حوووووه ,, أنا نقزت وتخرعت : بسم الله الرحمن الرحيم ,, شو يابك ..؟؟ حسن بسخريه : ماماتيه خلص العرض من ساعه وانتي بعدج راقده ,, أنا أتأأفف : أفففف آهاااا .. زين أوكي .. وين خواتي ,,,؟؟؟ حسن مستغرب : منو خواتج بعد ,,؟؟ أنا بطفره : قول وينهن شيما وغايه ,,,؟؟ حسن : أحيييد انه شيما أختج من متى غايه صارت أختج بعد ... أنا واصله حدي : حسسسسسسسن تعرف وينهن ارمس يلا ,, , حسن يدخل ايده في جيب الجينز : في جيبي شهيده ,,, أنا طفرت منه : تتمسخر حضرتك ,, أووف أسمنك ملييييق .. وشهيده في عينك ,, خطفت عنه ما استحمل وجوده هالانسااان موليه ,, سمعته يقول : الناااس تتمنى تستشهد يا هاااانم .. سويت له أكبر طاااف بحياتي , أصلا أنا كله مسويه له طاااف ما ينعطى ويه هالحسووون المليييق سلطانوه أحسن عنه وااايد بديت أخطف حذال الناس أو بالأحرى الطلاب والطالبات والدكاتره اللي عندنا وهم يبتسمون لي ,, أكييد متذكريني هع توني من ثواني عزفت ,, رحت صوبهن وأنا أنااااافخ : عنلااااااااتكن وينكن من الصبح أدور عليكن ,,, غايه : جيه حسن ما قال لج بنترياج في الكافتيريا ,, أنا : مدري عنه هاللوتي بو ويهين ,, .......... : بو ويهين في عينج سمعتي ,, صديت وأنا مقهوره : اش دخلك انته اش يابك ,, سلطان سحب الكرسي وقعد : ربيعي وسمعت بنات يتحرشن به وييت أدافع ,, غايه تكش عليه : من زينك انت وربيعك عااااد .. سلطان بدون اهتمام وسوه طاااف وابتسم لشييوم : ممكن نتعرف الشيخه ,, شيييوم استحت مدري ليش ,, البنيه شو صابها اليوم .. مو طبيعيه الصراحه سرحانه وهاديه وأكبر دليل لسانها مدري وينه ,, حسن ياااي وفي ايده عصير وتحديدا عصير برتقال ,, أقول عنه شيبه أنا هع أقصد ياااهل ويمبه جوزيف .. وجوزيف الذوووق معاه البلاك كوفي .. هنا الرجال يا قوووووووم ,,, جوزيف رفع ايده سلّم : مرحبا ,, كلنا : مرحبتين ,, جوزيف ابتسم لي : عزفك بصرااااحه يجنن .. شو هاااد لك وين مخبيه كل هالمواهب ,, ابتسمت له : من ذوقك .. جوزيف رفع ايده : سلااااام شباب .. بدي روووح تيته بدا تجي اليوم ,, ردينا التحيه ورووح جوزيف حسن : سلطان تعال أباااك ,, سلطان ملان ويتأفف : يا رياااااال مالي بارض هلكت ارمس شو عندك ,, حسن : سلطان بغيتك بشغيله ممكن تيي ,, وقفت وقلت بشموخ : هب لازم يقوم ,, نحن اللي بنقوم ,, سلطان يأشر بيده : لا يا بنت النااااس ايلسي أنا اللي بنش ,, وقف سلطان وأنا سويت طاااف بديت أسولف مع غاايه وشيما ,, حسن قاااال : ايللللللس خلااااص ,, عن بعض الناااس المغرورين يتحرونه بنرمس وراهم ,, كلامه عصبني بغيت أنش وأفلعه ,, قلت وأنا أتحداااه : حسوووون احترم ألفاظك ,, حسن : شهييييييييده صخي عني لأفلعج ,, قلت له وأنا محتره : ممكن أعرف اليوم ليش حضرتك متأخر وثاني شي ليش حاااط دوبك بدوبي ,, حسن منفعل : وانتي شو من عقل عليج ,, تعزفين يدااام هالحشد بره ( أشر على قصتي ) وهالكشه بره ,, طالعته : أولا هاي قذله قصه المووووهم هب كشششششه مثل ما تقول .. وبعدين انت ا شلك أنا محد رمسني وقال لي عن هالكشه ع قولتك تيي انته ترمس ,, حسن انفعل : ما احيد عندج اخو ولا ابو يحاسبج على هالكشه ,, ولا هالعباااه ,, كلامه حز في خاطري وااااايد بس ما قمت لازم أوقف بشموووخ ولا أَضعف يداااام واحد ,, شر ات حسون اللي يحب يستفزني .. سلطان سحب حسن وقال : شموووخ امسحيها بويهي ,, ما عليج منه هالمتهور ,, قلت وأنا العب بالكوب اللي جدامي : الشرهه هب على هالمتهور ع قولتك الشرهه علي انا يوم اني رضيت أيلس ويا أمثاله ,, حسن وقف : خبي كشتج والبسي عباه شرات الأوادم عقب بقعد وياااج وما بناقشج ,, قلت وأنا محتره وأقلده : خبي كشتج والبسي عباة مصكره و تغشي وادرسي في جامعة زايد وودري الأمريكيه ,, هاللي قاصر حسووون حسن وقف وقال : الله يكملج بعقلج ( راااح وبدا يبتعد عنا طالعته فكه منه ع الأقل أروم أتنفس ) طالعت غايه وسلطان وشيما يطالعون مستغربين سبب انفعالي قلت : خيييرر في شي ي ي .. هو اللي استفزني وبدا .. سلطان : هههههههههه بصراحه شهووود حسون الوحيد اللي يعرف لج وأول بنيه في حياته ما يغازلها الصرااااحه عاد ’’ قلت : سلطانووووه صخ عنيه انت وربيعك هاللوتي ’’ لازم ما يغازلني لأني مراوتنه العين الحمرا ,, سلطان طالع صوب حسن : هكوووه قاعد يرمس وحده من ربيعاته ,, قلت وأنا منغاضه : يخلي ربيعاته يطلعن كشش وأنا الوحيده اللي حاط دوبه بدوبي ,, سلطان بهدوء ويفهمني : شهووود لأنه يتحراج شرات أخته ,, قلت مب مهتمه : برايه ينصح اللي يبا ينصحها ,, بس أنا لأأأ ما أتقبل النصيحه من هالانسان سلطان : بس هو يعدج شراااات أخته ويمكن أكثر شهوود .. قلت وأنا أطالع البلاك بيري مالي : الناس تنصح باحترام وأنا مقتنعه بحياتي وتصرفاتي ,, مو صـــــح سيس ,,؟؟ شيما طالعتني وقالت وهي مرتبكه : هييييه ,,, قلت : عفيه عليها أختي تسمع الرمسه ,, شيما طالعتني مستحيه وقالت : شو قالو لج ياااهل ,, قلت : وأخيراااا ردت شييوم الأوليه أم لسااان وخاااز البرقع عن ويهها وبانت حقيقتها ,, سلطان : عوذ بالله انتن ليكون جذا في البيت بعد شيما : في الشر نتفق بس في الخير لأأأ نو ووووي ,, سلطان ضحك ,,, قلت انا : هكوو خلص مكالمته مع حبيبة القلب وياااي صوبنا عسب يغثني هالحسووون حااج حسنين ,, سلطان يضحك : صخي عن يفلعج انتي الثانيه بعد ,, أونج حاااج حسنين ,, حسن ياااه وهو يبتسم لنا ,, غايه وقفت .. حسن قال : تمي تمي ليكون لأني ييت .. صرتي شرات ربيعتج ,, وتنافخين تبين تقومين .. غايه تطالع ساعتها وتفرك عيونها : لا لا .. أنا بسير البيت برقد ,, أنا بانفعال : جييييه غوايه حرااام تمي ويانا .. غايه : ما فيني من أمس وأنا هب راقده ,, وسووت لنا باي وقالت : أشوفج باجر انشاالله اليوم عمي ياي ,, قلت : أوكي يلا درب السلامه ,, راااحت غايه قلت وأنا أطالع ساعتي : أنا بعد شكلي بروح صارت احدش وشي وأنا بعدني .. أبا أسير أرقد ,, سلطان مستغرب : جيييه سهرانه ,, أنا بملل : لا وين الله يخليك .. شيما ابتسمت : لو تدرون شو كانت تسوي .. بتعذرونها سلطان بتساؤول : شو تسوويين هاااا خبرينا ,, أنا بسخرريه : شيمووه شكلي آخر مره بخليج تطبين جامعتنا ’’ سلطان يأشر بيده : ما عليج من هاااي .. قول بلا فعل .. أختج ,,,أنا بييبج جامعتنا شو تسو هااا ..؟؟ شيما طالعتني بتساؤول : أقووول ..؟؟ أنا : بعد ما فضحتينا تيين تسألين أقول ,, حسن ولا معبرنا الريال ,, شيما قالت : أختي تسهر على انها تكشخ وتقعد ع السرير يا تعزف أو تقول شعر وتكون مشغله الفيديو وحاطتنه ع الاستاند ,, سلطان ناااقع ضحك : هههههه عنلاتج شهووود شو هذا ,, شيما : لا بعد اسمها شموووخ ,,, هب شهوود سلطان : هههه ييبي لي الشريط بشوفه عسب أضحك ع شهوود أقصددد مس شموخ قلت : هي تبا تفضحني انته ,, مرررره ماشي حيااا في الأشرطه ,, سلطان : تعترف بعد قواااااات عين ,, والله ان طاحن بيدي لأكسرهن ,, قلت : فيك الخير والله تحريتك بتنشرهن هههههه حسن بسخريه : زييييين تطور .. ع بالي تسهر ع المسن والخرابيط ,, هالشي أحسن عن المسن ,, بس ياريت لو سالفة التصوير تبطلينها ,, لأنج تعرفين اذا الفيديو طاااح بيد أحد شو نهايتج ,, قلت بقهر : انصح أختك قبل لا تنصحني ,, حسن : والله لو انج أختي كنت بدفنج دفاااان يدااام البيت ,,, هب بس بنصحج ,,, شوي وأرد عليه لأني ميته قهر بس سلطان قال : هي أنا ما أشجع ان البنت تيلس ع النت بليل من الأساااس حتى ولو هي ملتزمه لأنه فيه شيطان ,, طالعته وأشرت على شيموووه وقلت : انصح هاااي عل وعسى ربي يهديها ,, طالعت شييوم حسيتها متوتره واااااايد واااااايد ,, قالت : شهووود يلا نرد البيت أبا أرقد ,, قلت : أوكي يلا شباب نشوفكم ع خييير ,, سلطان : تمو شوي الساعه احدش ونص كلنا نظهر رباااعه قلت : لا ما يحتااااي ,, وبعدين أنا فيني رقاااد ( أشرت على شييوم ) وهذي بعد فيها رقاااد ,, سلطان ضحك : خفافيش ماشالله عليكن هههه ,,,, شو رايكم الظهر لنا لقا ع المسن ,, أنا : هذا اذا أكون واعيييه ,, أنا سلطان : وانتي شيما ,, شيما بلعت ريجها ومتوتره : هااا أناااا ’’ بشوووف وبعدين ما عندي ايميلك ,, سلطان : خذيه عن أختج هالهرمه ,, أنا : هرمه في عينك ,, سلطان ضحك : التوووبه خلاااص سحبناها أدري بج بتاكلينا ,, ابتسمت قلت وأنا أسوي مسكول ع ماماتيه عسب تمرنا : بااااااي حاااج حسنين ,, حسن ابتسم بسخريه : بااااي شهيييييده ,, طالعته وقلت : مطووووووع ,, حسن : فاااااااسقه ,, أنا : في عييييييينك ,, حسن : أقول شهد ,, طالعته بتساؤوول : هاااااااه ,,؟؟ حسن : اجلبي ويهج ههههههه أنا محتره من داخلي بس ما بينت وقلت : على أي صفحه ..؟؟ سلطان وقف ومسك حسن : أقووول أمكم شكلها يت ,, ( طالع حسن ..) وانت يلااا سرينا برج خليفه ,,, أنا : أعووووذ بالله من صباح الله خير تغازلون ,, سلطان : شو نغازل بعد .. بنروح نتريق بس ,, قلت : صدق بطرانين .. تروحون للأماكن الغاليه ؟؟ سير عند بابو واشتر لك كرواسون وجاي كرك بدرهم وااايد أحسن ,, سلطان : هههههه أول مره شهووود تنصح نصيحه أوكيييه ,, قلت بسرعه : دامها أوكيييه برايك سير برج خليفه برج العرب برايك ,, المهم تفلس ههههه سلطان ضحك عليه : أسميج حركااات ,, هكوووو موتر أمج ,, أنا : أقووول سلطون انت فيك عرج شكلك ,,, سلطان : لا وحياتج اماراتي أبا عن جد وقلبا وقالبا ,, أنا : هههه طاعو أقول حق سلطون وما أطالع روحي نص اماراتيه ونص فليبينه ,, حسن : شهيييييده سيري أمج قاعده تترياج ,, أنا بقهر شوي وأموته أكره هاللقب : حااااج حسنين ,, حسن : شهيييييييده هب شموووخ قلت مقهوره : مستر شلبي وحاااج حسنين بعد و يعلك تغص اليوم يوم تتريق حسن : والله اذا انتي قدها تخربين رقادج وتحدرين المسن اليوم الظهر وغير جذا ما ترقدين و تصلين العصر عسب ما تفوتج كالعاده ,, أنا محتره : أسوييييييها جيييييييه ما أسويها ,, وأنا بنت أمي وأبي حفيدة جدتي وجدي ,, وربيعة سلطانوه وحسووون الهروم ,, . . . سلطان ضحك وحسن طالعني محتر ,, مدري هالانسااان طووول عمره جذي ساااخن يبالي أدخله الثلاجه شووووي عسب يبرد بس ما ظنتي بيبرد لأنـــــــه فــــــــــــــلفل ل ل ل نو وي يبرد هع ,, حاااج حسنين ,, والله قاهرني مع شكله حشووور وعصبي مب سلطانوووه ماشالله متفاهم وينصح بررروااااق ع قولتهم ,, بس بحدرر ر ر ر المسن عناد في حسوووون ,, اممم وبعد بحط صوره خباااال ع المسن عسب أقهره .. نشووووف حسونوه منو بيفوز اليوم ع المسن ,, دخلت السياره طالعت أمي مستانسه وشاقه الحلج مدري اش فيها أمايه ,, . . . دار ببال شييوم ,, طالعت صوبه ,, مبتسم قااال ما أحب ان البنيه تسهر ع النت والخرابيط ,, يعني أودر النت بليل ,, ما بي أطيح من عينه وأخسره أحسه وااااايد حبوب وفيه روووح عكس × حسن اللي مبين عليه جدي لأبعد الحدود ,, الحين بقول لـ شهد ولا لأأأ أخاااف أقول لها وتزعل بس اهيه تعرف سوالفي عدل وزين ما زيييييين مدري ليش ما نصحتني يمكن لأنها من طينتي ونفس تصرفاتي ,, بس أنا نوعا كل شي فيني معقول .. أما أختي لأأأ فوووق الحدود . . . دار ببال سلطان ,, عرفتها حتى ولو ما اعترفت لي ,وهالشي اللي كان موترنها,, أدري انها تحبني وتعلقت فيني وما قالت لي كل شي عنها بس أنا عن نفسي أحبها بس مستحيل أتزوجها شو أنا مينووون أأأخذ وحده مثلها ,, صح انها جذاااابه ومتألقه بس أخذها لأأأ نووي .. ما أرضى اني أعرف وحده كيف حياتها وكيف عايشه وطريقة عيشتهم غير عنّا وأخذها ,, مابا حرمتي تكون متفتحه واااايد حتى ولو دارسه بس ما أرضى عليها بعد و أنا عن نفسي لو تزوجت بتزوج وحده ما أعرف اسمها بعد أفضل ان البنت تكون ببيت أهلها وأروح لها من الباب هب من الدريشه ,, . . . دار ببال حسن ,, طالعتها ,, يا كثر ر ر ر ر الحب اللي أحمله لـهالبنيه مو حب أني أحبها ’’’ لأأأ ...... أحبها لأنه ما عندها أحد ينصحها ,, يعلمها خطئها ,, كثر ما أحاول أبعدها عن الغلط تزداد عناااد وتتعلق في غلطها أكثر وأكثر مدري شو آخرتها ويا هالبنيه ,, ما بنكر اني أشتاق لها الويكند لأنه باجر جمعه ,, عشااان جذي قلت لا تحدرين المسن ,, وبتعاندني وبتحدر ,, أعرف كيف أييبها لأني حاااافظ تفكيرها وشو اللي يدور ببالها هالبنيه ,, ههههه والله قهرتني لما أختها قالت .. : ( .. أختي تسهر على انها تكشخ وتقعد ع السرير يا تعزف أو تقول شعر وتكون مشغله الفيديو وحاطتنه ع الاستاند ) هههههه والله تضحكني شهووود على خبالها الا انه فيها روووح .. بس بعد أنا ما أرضى على بنت بلادي تطلع جذا ,, حلاتها بغشوتها وسترها ,, مابا شهد تكون وحده من هذيلا الفاسقات والله ما تهون عليه أشوفها جذا بس يلا شنسوي ما باليد حيله بس بعد بحاووول وبعدين أنا ما بلومها لأنه لا أبو يلومها ولا أخو يراقبها أكيد نهايتها بتكون جذا ,, عاد عيااال الحرام يستغلون شرااات هالبنات بس أنا مستحيل أرضى عليها ,, أنا بعد عندي خوااات والواحد يوم له ويوم عليه .. و مهما كان أعزها وما أرضى عليها ,, . . . وصلنا جريب البيت .. أووووه سوري غلطه مطبيعه من عندي أقصد البنايه هع ,, طالعت ماماتيه ابتسمت ,,, ردت لي الابتسامه ,,, قالت : فرهتو اليوم ,,؟؟ قلت لها : فووووق ما تتصورين ماماتيه وااايد واااايد ,, لأني عزفت ,, ماماتيه قالت وهي حاسه فيني : أنا بأأأد كونت أعزف على بيانو ,, قلت وأنا مستانسه : شي طيب ب ب ’’ أشووووف أنا طالعه ع منو .. ماماتيه مبتسمه : على أمك أكيييييد ,, شيما من ورا وتنافخ : ولا جني بنيتج أنا بعد عطيني شوية حنان أماااايه ,, ماماتيه : ههههه هبيبتي انتي لا تزعلي خلاااااس أحبك انتي بعد ,, وصلنا البنايه ونزلنا ,,, مشيت قبلهم وصعدت بالدري معني نحن في الطوابق اللي فوووق فوووق بس لازم وقت الرده أستعمل الدري عسب أخس نوعا ما .. أخاااااف وزني يزيد ,, ما أحب اني أمتن واااايد .. متوسطه واااايد أحسن لي ,, وصلت صوب الشقه ,, دخلت المفتاح الا والباب ينفتح ,, شييوم فتحت لي اياااه ,, دخلت رحت صوب الحجره فريت العبااااه وطلعت صوب الصاله ,,و شفت شييوم وفي ايدها اللاب توب ابتسمت ع خبال هالبنيه ,, حياتها نت × نت أبد ما تفارق اللاب جنه ولدها هع ,, قعدت يمبها ,, وقلت : شيييوم بلاااج سرحانه ,, شيما انتبهت لي : هااا لا ماشي شهووود ,, أقول شفتي البرنامج اليديد مال البلاك بيري ,, أنا : هي نزلته ,, شيما : قلت أسألج اذا هب منتزلتنه بنزله لج ,, قلت بملل : بس وااااااايد مبطئ لي اللاب أول ما أشغله لازم أتريا عشر دقايق الين ما يظهر لي البرنامج ,, شيما : بسوي لج ايااااه يوم أتفيج .. يلا أنا سايره أرقد ,, أنا بوناسه : شو ما بتقعدين ع المسن ويانا ,, محادثه جماعيه يعني طررر .. ترا بيفوتج ,, شيما تأشر بيدها : مالي بارض فيني رقااااد أنا بحره وغيض : ما كنت بخرب رقااادي بس عناااد في حسووون .. بحدررر شيما : الله يكملج بعقلج ,,, قلت : عاااد مو جذا برقد وبنش ثلااااث ,, وبحدر ,, شيما : تمسين على خييير ,, أنا : وانتي من أهله .. فنتك حياتنا عكس الناااس ههههه يودت الفون قلت بتصل بها أكيد راقده بس بجرب حظي زياها هالمره يلا انشالله ما تكون راقده لأني مشتاااااقه لها ,, ع قولتهم شووووق الظوامي إلى المااااااي ,, أتصلت ياربي انشالله ترد بسرعه ,, والله في خاااطري أرمسها الود ودي أعيييش وياها طووول العمر هذي غوايه هب أي كلاااام موتي ولا فراقها ,,, أدري ايماني ضعيف .. لأاااازم أختار الفراق شو ع بالي الموووت سهل ,, الله يكملني بعلقي هههه ,,, ردت لي الروووح وقلت : غواااااااايــه .. غايه : همممممم عنلااااتج خربتي رقادي .. أنا : نشي يلا نشي بسج رقاااد تعالي تغدي ويانا سوشي ههههه غايه : عاااد عيش أبيض وروب واااااايد أهون لي عن السوشي مالكم مليت منه كلما أيي توكليني هالسوشي ,, قلت : هههه أسميج مصلحجيه غواااايه ,, أقووول انتي في بيتكم ,, غايه : هيييه جيه قالو لج أرقد في بيت الييران .. ضربت راسي بيدي : أوووووه سوري والله شكلي خرفت ههههه السموووحه يالشيخه ,, المهم تعالي صوبنا ,, غايه : شكلي عطيتج فيس وااايد اجلي ويهج أبااا أرقد أنا : حرااااام حراااااام غوايه تمي ويايه شوي ع الخط ملااانه أنا غايه : أووووف شهود تبيني أيي لج وأزغتج الحين ,, أنا : ياريييييييت تيين صوبنا لأني بمووت من الملل في الدقيقه هذي ,, غايه : يارييييييت ع الأقل أتهني بنومتي ,, هب شرات كل يوم تتصلين حزة رقادي ,, أنا مستانسه : هي لاحظتي يوم أتصل بج كله انتي راقده .. الحين أنا أتصل بوقت غير مناسب ولا انتي ترقدين بوقت غير مناسب هاااه غايه : أكيييييد انتي تتصلين بوقت غير مناسب شرااات شكلج ,, أنا : طبعاااا لأني حلوه أكيد كل شي شرات شكلي حلو صــــــح !! وما حسيت الا بغوايه السيلانيه الهنديه ,, قفلته في ويهي ,, أنا براويج نشوووف بعد منو بيفوز شهود ولا غوايه البنغاليه هييين ,, رحت صوب المطبخ لأني شميت ريحة طبااااااخ لذيذ ,, دخلت المطبخ : الله الله شو هالريحه ,,, ماماتيه : مكبوووس متل ما تقولون ,, أنا أضحك ع رمسة ماماتيه : هههههه ماما يقولون مجبووووس ,, ماماتيه : ههههه يلا سيري غيري الساعه 12 الحين أشان نتغدا ,, أنا : جيييه ماما قالو لج دياااي ههههه ,,, أنا بتغدا العصر ,, ماماتيه : طيب بس اليوم مشبوووس متل ما تقولين كولي من وكت ,, أنا : تريقت اليوم الساعه عشررر مب يوعااانه مووووول .. مفوله ع الآخر ,, ماماتيه : أكيييد شربتي كاباتشينو وتقولين هذا فتوووور .. أنا : والله ما أشتهي ماما ,, بس وعد بلحس لج اليدر عددددددل العصر ,, وأخيرا افتكينا من الاسباغيتي ,, ماماتيه ابتسمت لي رديت لها الابتسامه وقلت : ماما ممكن أعرف شو السر ورا هالنظرات كلها ,, والابتسامات علني ما خلا منج ماماتيه : شهووود فيييه واهد تقدم لك ,,, قلت بانفعال : هااااه أنا .. ومنووو ..؟؟ اللي تقدم لي ,,, حسيتها كلمات تدخل فيني شراااات السجاجين ,, أنا لأأأأأأأأ أنا ومنو هذا اللي تقدم لي .. مابا أعرس أبا أعيش حياتي ,, مابا أبتلش بعرس وعوار الرااااس ,, أنا في بالي انسااان وااااااااحد وبس ما في غيره ما في غيره سكن قلبي يشهد ربي اني هويته من دون البشر ,, ولا يمكن أرتبط بغيره أصلا ما توقعت اني أخذ غيره ,, انصدمت صدمه قويه هذا آخر شي فكرت فيه ,, انه واااحد يخطبني ,, تنويه : أي منتدى أو موقع سيتم ذكره في الروايه .. فـ لا تربطني صله به الآن .. سوا أنني قد كنت هناك يوماً .. |
تسلمين اختي على القصه بس في تكمله للقصه ولا لاا ؟؟ |
ربي يسلمك ويعافيك .. اي القصه مكتمله وتم وضعها بملف وورد ايضا ونشرت ... والحلقات القادمه انشالله بنزلها بهالأيام .. |
الحلقه الثانيه .. العفو ماأحبك،،، أنا فيـــك هيمـــــــــــان!! يعني: أحبك.. وأعشقك.. وحيــــل أغليك.. تدري إذا غبت عني شيصير ؟؟ والله لنجن وأجنن العالم ذا معي ,, بحبك .. قلت بانفعال : ماما ارمسي منوووو ..؟؟؟ ماماتيه : شهد شو فيك ,, اهدي هبيبي ’’’ قلت بسرعه : انزين منوا رمسي ماما وترتيني ,, ماماتيه : شهد اذا ما تبي تتزوجي كيفك بس انتي اهدي الهين ,, قلت : كيف تبيني اهدا ماما ارمسي بسرعه بليييييييز ,, ماماتيه : ولد أوختي نتاشا ,,, أنا ما قدرت أستحمل ورديت على ورا : هههههههههههههههه ... هههههه ماماتيه : شو فيكي شهد ,, أنا وأضحك مب قادره أرمس : ماما عيدي منوو ,, ؟؟؟ ههههه دخيلج عيدي منووو ,,,؟؟ ماماتيه مستغربه : ولد خالتك نتاشا ’’’ أنا ما قدرت عاد انسدحت ع بلاط المطبخ : ههههه ماما والله ضحكتيني ,, ماماتيه مستغربه : شهد فيك شي ..؟؟ قلت لها : لا لا ههههههه ماماتيه تقربت مني عسب تجس حرارتي .. عاد اصطلبت بعدت ايدها وقلت : خلااااص ماما ما فيني شي .. ابتعدت ماما عني وطالعتني مستغربه : شو راااايك ..؟؟ قلت : ماما قولي حق خالو نو وي بابا يوافق .. ( طبعا حجه شو أخذ لي فلبيني بعد ،، هاللي ناقص .. جيييه الدنيا فوضى .. هع ) ماماتيه : ما عليك من حد انتي قولي رايك ,, انتي ايييش ..؟؟ قلت أوني قاعده أفكر : ماماتيه أحس روحي ما بعيش بسعاده وياااه مدري ليييش ,,وبعدين نحن ما نحب بعض .. تدرين هالشي ( هع هع ناخذهم ع قد عقولهم ,, ) ماماتيه : هذي هياتك وانتي هوره ,, وبأدين أوختي ما بتزعل ,, قلت وأنا رايحه صوب حجرتيه وأتثاوب : ماماتيه عاد انتي تفاهمي مع خالو ,, أنا سايره أرقد .. نودااانه ع الآخر ’’ ابتسمت لماما قبل ما أدش الحيره.. ماماتيه ابتسمت لي وقالت : Sweet Dreems دخلت الحجره خذيت لي ملابس وغيرت ,, رميت روحي ع السرير .. شفت الساعه الحين الساعه اثنعش ونص .. برقد لي شوي وبنش الساعه ثلاث عسب أحدر المسن ,, طالعت الفون ع الكوميدينو .. سحبته ,, وشفته .. اشتقت له واااايد اليوم ما سأل عني قال مشغول يا ربي اش كثر مشتاااقه له مووووت ,,, هالانسان ما يدري بغلااااه في قلبي ,, أحبه يا محلااااااه ,, رحت صوب الرسايل .. دقيت على انشاااء رساله جديده ,, كتبت بها .. " يا هاتفي " سلّم على من نعزه ونغيله .. لا صار ما نعرف لشوفه وسايــلــ .. " ما جاتنا " الدنيا على اللي نبيه .. حكم الزمن خلا المحبه رسايــلـ !! من بعد ما شفت تم التسليم .. ضميت التلفون لي ابتسمت ورقدت ,, ما ترييت أي رد من صاحب الرساله ,, ......................... فتحت عيني .. الرؤيه مب أوكي ,, فركت عيوني شفت الساعه ثلاث وخمس ,, قمت بسرعه مفزوووعه ,, شو صاااار يا ربي ,, تأخرت خمس دقايق .. أنا وعدت ولازم أوفي بوعدي ,, رحت بسرعه صوب الحمام تغسلت ,, وحطيت شوية مرطب ع شفايفي وكريم للبشره ,, رتبت شعري ع السريع ,, طلعت المطبخ سويت لي كوفي .. وصبيته في الكوب ورحت صوب اللاب وشغلته ,, قلت لما يشتغل يباله دقايق ,, رحت صوب حجرة شييوم ,, الحجره بااارده وظلااام شكلها البنيه راقده ,, يلا خليها برايها ,, شكلها تعبانه سهرت طول الليل ع المسن ,, وبعدين شو تبا بسوالفنا ,, بس نحن مال الجامعه جيه تكون رزه ,, رديت الصاله ,, قلت بقعد في الصاله وبعدين ماما راقده ما بتنش الا المغرب وشييوم بعد .. سجلت دخول في المسن .. أكيد ظهر للكل ][ وشلون ..؟ ما أغليكـ وانت الذي علمتني حبكـ ..}~ !! ][ سجل الدخول .. .. شفت المتصلين خمس ,, وياييني طلب اضافه الى قائمة الاتصال اللي عندي ,, من ملاك الحب ,, كلكت على أوكي ,, وشفت الرسايل اليديده ,, عاديه ما فيها شي مهم ,, دقايق الا ويضيفوني للمحادثه الجماعيه ,, استانست أكييد الكل متيمع ,, وشلون ..؟ ما أغليكـ وانت الذي علمتني حبكـ ..{~ هلا والله هلا .. .. غرااام المحبين .. أهلين وسهلين تو ما نور المسن .. [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] يا مرحبا يا مرحبا .. أسفرت وأنورت والله وشلون ..؟ ما أغليكـ وانت الذي علمتني حبكـ ..{~ ههههه تسلمون ,, السموحه عاد متأخره ,, [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] لا لا معلي ما فيها شي .. دام الشيخه تتأخر عاد مالنا عليها .. .. غرااام المحبين .. تراني أغااااار ,, ماااالت جيه دشيتي .. عاد , يلا ظهري ههههه وشلون ..؟ ما أغليكـ وانت الذي علمتني حبكـ ..{~ من زينج عاد الحين ,, صح وينه يقول لي انتي ما تحدرين ومدري شو أثره هو روحه هب حادر .. [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] ههههه يتسكع كالعاده ,, وشلون ..؟ ما أغليكـ وانت الذي علمتني حبكـ ..{~ شو هذا ما عنده بيت أربع وعشرين ساعه بره ,, .. غرااام المحبين .. هي صدق حتى ملابسه والفوطه وأكواب الجاي في السياره .. [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] ههههه ما يتفيج يرد البيت الا بليل وشلون ..؟ ما أغليكـ وانت الذي علمتني حبكـ ..{~ والله حاله ويا هالهايت ,, الله يعين أمه فجأه شفت ,, ... ][ .. هويته من دون البشر .. هجرني وهو اللي خسر !! ][,, سجل الدخول ,, يا ويلي ويلااااه بيقرا رمستيه وما بسلم منه ههههه ][ .. هويته من دون البشر .. هجرني وهو اللي خسر !! ][ السلام عليكم ,, [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] وعليكم السلام ,, ][ .. هويته من دون البشر .. هجرني وهو اللي خسر !! ][ سوري ع التأخير بس كنت راقد ,, .. غرااام المحبين .. أووووه ماي قااااااد ,,, كنت راقد حسون اليوم رد بيتهم ماصدق ,, ][ .. هويته من دون البشر .. هجرني وهو اللي خسر !! ][ جيييه قالو لج خفااااش سهران الصبح وأنش بليل شرات ربيعتج الحوله ,, وشلون ..؟ ما أغليكـ وانت الذي علمتني حبكـ ..{~ حووووووووووله في عينك ,, يالأثول يانا جرس تنبيييييه ,, على طول رحت وسويت موت ,, عسب ما أسمع الصوت ,, وشلون ..؟ ما أغليكـ وانت الذي علمتني حبكـ ..{~ عنلااااتك صمختنا ويا شكلك شو هذا ,, [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] نحن داشيين نتسلى هب داشين نتضارب ,, .. غرااام المحبين .. أوكي صح يقول سلطان ,, وشلون ..؟ ما أغليكـ وانت الذي علمتني حبكـ ..{~ ها اليوم منو بيروح دبي مول ,, ][ .. هويته من دون البشر .. هجرني وهو اللي خسر !! ][ شكلي اليوم بروح له ,, .. غرااام المحبين .. هي تراااك هااايت كله تتسكع وما ترد البيت ههههه ][ .. هويته من دون البشر .. هجرني وهو اللي خسر !! ][ طاعي شكلج انتي .. سلطان بتيي ولا ,, [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] أكييييييد في أحد يفوت طلعة الخميس ,, وشلون ..؟ ما أغليكـ وانت الذي علمتني حبكـ ..{~ شبااااب زايد بيي وياكم ,,؟؟ [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] والله مدري عنه ما يرد عليه من الصبح ,, وشلون ..؟ ما أغليكـ وانت الذي علمتني حبكـ ..{~ وانت حسن ما تعرف عنه .. ][ .. هويته من دون البشر .. هجرني وهو اللي خسر !! ][ أنا عشرين ألف مره قلت لج لا تدخليني بينكم ,, وشلون ..؟ ما أغليكـ وانت الذي علمتني حبكـ ..{~ خلاااص خلااااااااص ما صار سؤااال أعوذ يالله ,, .. غرااام المحبين .. قول انك تغار عنه .. صح كلامي شهووود ][ .. هويته من دون البشر .. هجرني وهو اللي خسر !! ][ أقول غوايه صخي لأفلعج ,, وبعدين من حلااات ربيعتج هذي وشلون ..؟ ما أغليكـ وانت الذي علمتني حبكـ ..{~ عن الغلط تراني ما رمست انت اللي بديت ,, .. غرااام المحبين .. تعالو تعالو وينه حلال المشاكل .. المصلح الاجتماعي ,, وشلون ..؟ ما أغليكـ وانت الذي علمتني حبكـ ..{~ ههههه حلوه هااااااي صح وينه ,, [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] حووووووه شو حلال المشاكل بعد .. .. غرااام المحبين .. السموحه السموحه هههههه ][ .. هويته من دون البشر .. هجرني وهو اللي خسر !! ][ أنا بظهر ,, وشلون ..؟ ما أغليكـ وانت الذي علمتني حبكـ ..{~ وأنا بعد ,, ][ .. هويته من دون البشر .. هجرني وهو اللي خسر !! ][ قلاااااااده ,, وشلون ..؟ ما أغليكـ وانت الذي علمتني حبكـ ..{~ لا والله .. بس يايني اتصال مهم وااااايد .. ][ .. هويته من دون البشر .. هجرني وهو اللي خسر !! ][ وأنا بعد ,, وشلون ..؟ ما أغليكـ وانت الذي علمتني حبكـ ..{~ ها من حبيبة القلب ,, ][ .. هويته من دون البشر .. هجرني وهو اللي خسر !! ][ ما أظن انج أحسن عنيه يعني ,, [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] أقووول اظهرو اثنينكم وفكونا ,, دواااااك عندي نشوف اليوم منو بيرززك في دبي مول ,, [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] ههههه يلا اظهر شكله تلفونك احترق من كثر ما يرن ,, ][ .. هويته من دون البشر .. هجرني وهو اللي خسر !! ][ يلا فمان الله ,, .. غرااام المحبين .. وينها شهووود [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] شكلها البنية ظهرررت وسوت طااااف .. غرااام المحبين .. ومن الحب ما قتل ,, [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] ههههه خليهم هالميانيين ,, يلا أنا بعد بظهر ,, .. غرااام المحبين .. شو يعني بتم روحي .. [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] والله وراي شغل ,, وترا أذن العصر ,, الوالد يباني في شغيله ,, .. غرااام المحبين .. هي .. أوكي عااد بااااي ,, [..هذا وأنا الغاليـ وشوفـ وشـ صار !! أجلـ لو قلبكـ كرهنيـ وش يسويـ ؟؟ ..] باااايااااات ,, . . . في حجرة سلطان ,, ملل يا ربي شسوي .. بشوف الوالد بشو يباني ,, ؟؟ وعقب بظهر .. مستوي حرمه اليوم أنا يالس في البيت هههه .. أكدت لي اليوم انها هي لأنها ما حدرت ,, عرفتج خلااااص وتأكدت انج اهيه ,, بس وراااج ورااج والله العظيم ان ما أدبتج ما بيكون اسمي سلطااان .. وبعدين والله اني أخاااف عليها ,, ما بسوي بها شي .. بس أحاول أمنعها ’’ هي عرفتني ويوم قلت اني ما أداني هالسوالف زاد خوفها ,, بوقفها عند حدها ’’ لا رقيب ولا حسيب أكيد النهايه جذا .. . . . في حجرة حسن ,, أووووف ونهايتها مع هالبنات شو ذلوني .. أونها شو تقول متى نعرس ومتى نعرس صدق انها مذله هالانسانه خلونا من هذي,, ونروح للمسن بس والله المسن نساني زين رمستها شوي .. أحب أضايجها ,, مدري ليش أحب أستفزها وأطير أعصابها هالبنيه .. تعيبني عفويتها بس لو انها محافظه .. جان بتكون شيخة الزينات وشيخة البنات .. والله ندري شسوي وياها وأنا أدري انها تحب أعز ربعي ,, مستحيييل أفرق بينهم معني بعض الأحيااان الود ودي أذبحهم اثنينهم من الغيره ,, ولا اهوه ما يغااار عليها وااايد ,, بس يلا يمكن أنا عادتي اني غيييور ع اللي أحبه ,, . . . في حجرة شهد ,, توني ظهرت من المسن ,, كانت سوالفنا حلوه بس حسووون مالت عليه دوم يكدر مزاجي ,, مدري ليييش ,,, ؟؟ والله اني اشتقت لزيود حتى ما فكر يتصل بعد هذا ,, وأنا ميته علييييييه وأفكر فيه وبخاطري أشوفه وهو ولا داري عن هوا داري ,, قال لي أمس انه عنده زااام اليوم ,, الله يعينه ,, بس أول ما يطلع بيتصل بي لأنه مستحيييل يفارقني أو اني أفارق خياااله لو يووووم واااحد .. ولا أقول ثانيه وحده ,, علني أفداااه اشتقت له وااايد ,, شفت الساعه الحين اربع العصر ,, قمت ورحت المطبخ ,, شفت الأكل مثل ما هو في اليدر ,, نجبت لي وقعدت أسوي لي عصير ,, وبعد ما حطيت الأكل ع الطاوله بديت أكل وأنا أفكر في حياتي وعمري ودنيتي وينه عني ,, والله اشتقت له ,, متى يتصل ,, يا ربييييييييه .. كح كـــــــح ,, هههه غصيت وأنا أفكر بزيود عنلاااته حتى في أكلي ما يخليني أتهنى ,, خلصت أكل وغسلت الصحن مالي والقلاص وطلعت من المطبخ ,, وقفت يدام الدريشه العووووده ,, بديت أطالع الشوارع .. يا حلاها شوارع دبي .. ما فكرت بحياتي اني بغادر مدينتي اللي عشت بها وربيت فيها ودرست فيها .. حتى ولو قالو لي اظهري منها غصب ما بظهر لأني أحبها أحبها بمعنى الكلمه ,, ومستحييييل أتخيل روحي بمكان غير دبي دااار الحي ,, الشمس بدا ضوها يخف شوي شوووي ,, يا ربي منظر حلو ,, شكلي بصور الشمس ,, أذكر آخر مره صورت بها الشمس ,, قبل سنه ونص ,, وحطيت صورة الشمس في فلكر نور الامارات ,, فديتهم مدري شخبارهم والله اشتقت لهم موووت ,, بس خلاااص ما قمت أحدر نور الإمارات شييوم بس تحدره ,, وتعرفت شيووم على ولد دبي من نور الإمارات .. معنه ممنوع تبادل الايميلات وهالسوالف بس لا حياااة لمن تنادي ,, شييوموه وين تفهم .. وعاني من خيالي صوت التلفون وهو يرن ,, رحت له رككككككككككض ,, شفت الشاشه ,, بلسم جروحي .. ابتسمت عن خاااطر علني أفداااه ,, رديت بسرعه : هلا والله هلاااا ’’ ضحك وقال بحنان وحب : أهلين وسهلين بأحلى شهوده في الدنيا ,, قلت وأنا أتدلع : بس أحلى شهوووده ,, قال يسايرني ويرضيني فديته : أحلى بنت وأحلى حبيبة في الكون .. قلت بدلع وأنا أضحك : زاااااااايـــــــــــــــــــد زايد : قلب زايد ,, حياة زايد ... غلا زايد ,, قلت وأنا أضحك : ما خليت نك الا وقلته هههههه زايد : حياتي انتي ,, ها اشحالج عساج بخير ,,؟؟ أنا : بخير دااامك بخير يالغالي ,,, زايد : بس أنا هب بخير .. قلت له متخرعه : له له جيييه هب بخير ,, والله بفلع اللي ضارنك ,, زايد : حتى ولو هالشخص انتي ,, قلت : حتى ولو ظلي بعد بس انت ارمس وقول .. زايد يضحك : هههههه لهالدرجه تحبيني ,, قلت له وأنا مستانسه : شو تعتقد يعني ,, زايد : والله اني أحبج وأحب التراب اللي تمشين عليه ,, قلت له : ههههههه فديتك والله وأنا أحب الأرض اللي تدوسها ,, زايد ضحك : خلينا من سوالف الخريط الحينه .. وقولي لي شو الحفله اليوم ,, قلت له وأنا مستانسه لأنه مهتم فيني : طرررر والله .. حسيت روحي مستانسه يوم عزفت مدري لييييش ..؟؟ زايد : شي طيييب .. والله انج فنانه مواهب الدنيا عندج ,, قلت بزعل : بس انت زعلتني ما ييت ,, زايد : آسف حياتي كان عندي زاااام اليوم ,, قلت : معلي حبيبي مسموح .. تدري شييوم يت ويايه ,, زايد متفاجئ : صدق ,, شي طيييب .. غريبه رضيتي تودينها أحيدج قلتي ما بتودينها وياااج .. قلت بملل : عاااد انت تدري بشييوم لحوحه ماشالله عليها ,, تحن واااايد ,, زايد يمدحها : بس بعد حبوبه ,, قلت بغيره : لا والله ,,, أوكي يلا باااي .. زايد يصاااارخ : حووووه بلاااااج ..؟؟ ههههه حراام يعني أمدح أخت حرمتي ,, قلت : اذا جذا أوكي هههه موافقه ,, زايد : وبعدين هي صغيره يبالها من يراعيها ويشوف شو تبا وجذا .. قلت له : هي صدقك .. بس أنا مب مقصره وياها ,, زايد : زين تسويين ,, قلت : خلنا من شييوم صار لي يوم مب سامعه صوتك وآخر شي تسولف لي عن شييوم .. زايد : ههههه شييوم لو تدري بتفلعج وتفلعني ويااااج ,, قلت : اتهبي الا هي .. تفلعني برايها ,, بس انت .. بذبحها وحياتك .. زايد : فديت اللي يغارون ,, قلت له مستانسه : يفدااااك كلي وربي ,, زايد : منووو قدي ,, شهوود تمدحني ,, قلت له وأنا أضحك : تستاهل فديتك ,, حتى المدح شويه عليك ,, زايد : أقووول حبيبي أنا وصلت دبي مول بسكر عنج ,, قلت : ليكون مع سلطان و حسون ,, زايد : عليييييج نووور ,, قلت : أوووف من هذيل يذلون الواحد .. زايد : ههههه حرااام عاد هذيل ربعي ما أرضى .. قلت : يعني ترضى ع حبيبتك ,, زايد : اذا رمسو عنج بكسر راسهم ما بقول ما برضى .. قلت : هههه فديتك .. انزين حبيبي سير ارتاح عقب اطلع مع هالمتشردين .. زايد : ههههه لو يسمعونج ... لأأأ مرتاااح أنا عدل ما فيني رقاااد ,, قلت : أوكي برايك .. دير بالك ع روحك ,, زايد : وانتي بعد ,, قلت : انشاااالله يلا فمان الله .. زايد : فمان الكريم .. حياتي ’’’ بندت عنه .. شفت التلفون .. وتحديدا الشاشه .. بلسم جروحي .. طالعت الرقم ابتسمت عن خااااطر .. أحبه أحبه مووووت .. قربت التلفون عني وبسته .. هالانسان ما يعلم بقلبي وش غلااااه .. والله ان غلاااه يساوي غلا الكون كله .. لما أكلمه أحس روحي مستانسه موووووت .. وأحس ان روحي ترد لي .. وبفراقه .. كأني جسد بلا روووح .. وااايد يغار عليه ,, أحسه يحافظ عليه وااايد .. حتى يحافظ على أختيه أكثر ر ر .. وبعد دايما يحاول يرضينا .. أو يرضيني بالأحرى ,, شفت الساعه .. صارت خمس وشي .. بسير بشووف ماما وشييوم عسب أوعيهم بسهم رقاااد كل هذا راقدين .. يدااام دبي مول .. تحديدا الباركنات .. نزل من سيارته الــ FJ تحديدا سوده ومخفي .. نزل بهيبه ,, لا بس كندوره بيضه وعصامه حمره .. وفايده سويج السياره والبلاك بيري ,, لف بنظره .. طالع حوالينه ,, ركز ع سياره ,, رنج اسبورت بيضا مخفي بس خفيف ,, تجدم عنها .. وابتسم ,, نزل الجامه : هلاا والله زييود أخيرا ييت ,, زايد : هي ييت يلا انزلو جيييه منخشين في السياره جنكم حريم ,, سلطان : الشرهه مب عليك .. علينا نترياك... تعال مستوي لي اليوم شباااب غريبه هب ياي بالغتره والعقال .. زايد : يا ريااااال ملينا والله يوميا غتره وعقال جبودنا لاااعت .. قلت أتعصم .. حسن : لو حبيبتك اهني جان تخبلت وانسدحت اهنيه من جمااالك ههههه زايد طالعه بنظره ,,, حسن قال : سوووري خلاااص سحبناها ,, سلطان : خلونا الحين من حبيبك وحبيبتك .. يلا ندش .. زايد : توني مرمسنها .. حسن : أكيييييييد اشتكت مني ,, زايد : بكسر راااسك تراني لو تسوي بها شي ,, سلطان بحركات : هي ترانا ما نرضى ع حبيبة القلب ههههه حسن : أقووول منو وياااه اللاب توب ,, زايد : لا أبوي فكونا من النت اهني شوي .. نبا نتمشى .. كلما نيي نروح استار بوكس وانت وياااه تحدرون خرابيطكم ,, سلطان : يا رياااااااال ترفيه ,, زايد : أسميكم يهااال ,, حسن : هي شبااااب نحن ,, تونا الا واحد وعشرين سنه هب انت شايب خمس وعشرين مدري بعد كم يوم تدش ست وعشرين ,, سلطان : قول حق حبيبتك ياااهل ,, الياهل كل شوي تتضارب ,, زايد طالعهم بنظره ,, سلطان قال : السموووحه أقول أنا غيرو السالفه انتو هب راضين .. مشو بهيبه الثلاث .. كل واحد أكشخ عن الثاني و تجدمو من محل التلفونات .. ودخلوه .. أأكييييد واحد منهم بيغير تلفونه .. هالشباب أبد ما يتم عندهم تلفون عااايش لمدة سنه .. كل أسبوع يغيرون في التلفون .. وكل شهر سياره ,, الله يستر ع شبابنا ,, .......... : حراااااام عليكم .. والله أبا أسير ,, مهره : انزين نحن نيي لج مره في الشهر وربيعتج هذي يوميا طايحه انتي وياها مع بعض ,, غايه : قل أعوووذ برب الفلق الحينه بتصكنا بعين ,, مهره : لا والله ,, بس صدقي ما أقدر ,, غايه تترجاهم : تعالو ويايه حرااااااام .. والله وعدتها لازم أروح لها .. مهره : برايج تسيرين سيري .. بس أنا أخوي قايل لي ما أطب بيتهم ,, غايه بايدها : برايكم .. صج عائله معقده ,, مهره : والله مدري رمسي أخويه .. متحلف لو رحت بيتهم بيذبحني .. غايه تكش عليها : ماااااااااالت على أخوووج هالمعقد أووووف .. ............... : منو المعقد هااااااااا ,, لفت متخرعه ,, غايه : حراااااام عليج زيغتيني ,, وصايف بتساؤل : منوووه المعقد يلا ارمسن ,, غايه بملل : منو غيره بعد ميييووود ,, وصايف بنبره غريبه : اسكتي اسكتي عن يسمعج ويهون .. غايه باستهزاء : جيييييه شو السالفه بلااا ,, مهره طالعت أختها وصااايف بنظره يعني اسكتي ,, بس وصايف لسانها متبري منها : امممم ميووود االيوم تقدم لج ,, غايه انصدمت حست روحها بتطلع : هاااااااااه ,,, مهره طالعت وصايف بنظره ,, وغايه طالعتهم ,, ما علقت ولا تكلمت بربع كلمه بعد ,,, سرحت لعااالم بعيد بعيد لعالم ثاني ,, .. دار ببال غايه .. الحين لو بتزوج ماااايد ,, بتنجلب كل حياتي روتيني كله ع بعضه يتغير ,, حياتي بتصير ملل .. وأكبر عن جذا .. بفترق عن أعز ربيعاتي ,, بفترق عن شــــهــــــد اللي أحبها موووت واللي لا يمكن أفارقها وما أشوفها لو يوووم وااااااحد ,, يا حبي لهالانسانه ,, والأصعب ان مايد ما يحب اني أمشي مع شهد سبق وحذرني قااال لي أبعد عن هذي البنيه ,, مدري ليييش الكل ماخد عنها فكره سيئه معنها .. ما تسوي شي غلط ,, بس انها تكلم زااايد وزايد انسااان زين وبيتقدم لها ,, بس لأنها تطلع القذله وتلبس العباااه المفتوحه قالو عنها فاااسقه ,, شو دراهم يمكن ضروووف صعيبه عندها وما تقدر .. أو يمكن ما عندها أحد ينصحها .. على طووول حكمو عليها بدون ما يعرفون معدنها ,, صدق الناااس ما عندهم سالفه يحكمون ع الواحد من المظهر ,, .. .. ................ : أووووووف عشرين ألف مره قلت لج وعيني العشا هب المغرب ,, قلت لها : شو انتي ما تخافين ربج ,, حرااام عليج خافي ع روحج وع دراستج كله راقده الصبح و ناشه بليل ,, شيما فرتني بالمخده : شهووووود والله انج مذله ,, قلت لها وأنا أضحك : نشي انزين كلي وترا غوايه بتيي صوبنا ,, شيما : صــــدق ,, قلت لها : هي صدق يلا دشي الحمام وتغسلي وتلبسي ,, شيما مبتسمه : سين سؤااال قبل ,, قلت وأنا اتنهد : اسألي .. شو عندج ..؟؟ شيما : رمستي النسيب ,, قلت لها وأنا مبتسمه : هي ووصاني عليج ,, شيما تضحك وهي داااخله الحمام : فدييييييييييته نسيبي والله .. قلت لها وأنا محتره : ما أسمح لج ,, تراني أغااااااار ,, طلعت من حجة شييوم خذيت جوووله صغيره في شقتنا الصغيره الدافيه الحلوه ,, رحت صوب حجرتيه .. مظلمه مب شغااال فيها غير ليت النوووم .. طلعت ورحت حجرة ماما ,, مرتبه ومب شغااال فيها ولا ليت ,, غير الضو اللي داخل يوم فتحت الباب ,, شكلها طلعت يوم رحت أتسبح .. رحت صوب حجرة شييوم .. الحرمه قاعده تغني في الحمااام وتتريقص ,, بس عن تتزحلق وتتكسر في الحمام هههه .. الحجره مكركبه ع الآخر ر ر الله يستر .. حليله ريلها أشفق عليه الصراحه ,, طلعت الصاله ,, صاله صغيره وااايد ,, بس حلوه وأحس فيها بالأمان ,, شفت التلفزيون شغااال ,, خفيت الصوت ,, ما بقى غير المطبخ ,, عاااد المطبخ معروف شو فيه هههه ,, دخلت المطبخ قلت بسوي العصير من الحين ,, طلعت عصير التانج من الكبت ,, وغسلت الأكواب ورتبتهم ويبستهم ,, وسويت العصير حطيته في الثلاجه ,, شفت صوب الكبت مفتوح وفيه كيكة بيتي كروكر ,, لذييييذ يلا بسوي ,, بس س س س أناااا ما أعرف أسوي كيك عدل بس أعرف أسوي بيت السنافر والبسبوسه أما الباااجي فاشله فيهم عددددل ل ل .. بس يلا المقادير مكتوبه ع الغلاف ,, طلعت المكينه الكهربائيه وركبتها .. حاااولت بقدر المستطاع اني ما أخيس ,, لأنه ما عندنا خدامه ,, حطيت المقادير وبدا كل شي يتمكس في الخلاااط ,, ولعت النااار ,, اممم أقصد الفرن هههه .. ودهنت الصينيه بالزبده عسب ما يلصق الكيك ,, وبعد ما خلصت ,, حطيته فيييه ,, ودخلته الفرن ,, شفت انه فيه كريمة ماكتوب يلا بكمل خيري وبدهنه بكريمه ,, سويت الكريمه ,, وجهزت الجوكليت والألوان عشان لما أدهن الكيكه ,, شفت كم من صحن في المغسله غسلته ع السريع ,, لأني ما خيست وااايد صحووون عقب ربع ساعه طلعت الكيكه من الفرن لأنها استوت ,, حطيتها ع الطاوله عسب تبرد وعقب بدهنها بالكريمه ,, شفت الساعه صااارت ثمااان وغايه بعدها مايت ,, ثواني الا والتلفون .. يرن ع الطاوله .. تجدمت عنه بسرعه شفت ,, خبله وأفتخر يتصل بك .. ههههه نكها فديتها ,, قلت بروووح : هلاااا والله هــــــــــلأأأأأأ غايه : هلا شهووود ,, قلت وأنا مستانسه .. : غوااايه تعالي بسرعه مسوية ذييييج الكيكه اللي بتتخبلين من طعمها ,, غايه ضحكت: هههه فديتج تسلمين ,, قلت : لا وأزيدج من الشعر بيت روحي مسوتنها محد مساعدني ,, غايه : ههههه شي طيب ,, تطورات هااا شهووود قلت : هاااه وينج ,,؟؟ غايه بضييج : سمحي لي شهووود بنات عمي عندنا ما أقدر ايي اليوم ,, قلت برووح وكأنه عادي عندي : فهمت علييج ,, عادي يلااا مره ثانيه انشالله ,, غايه : السموحه شموووخ والله مب قصدي ,, قلت وأنا مستانسه : دااام السالفه فيها اسم شمووخ عاااد رضيييت ,, غايه : هههه فديتج والله ,, قلت : يفداج كلي وربي ,, سلمي ع البنات ,, غايه : يوووصل ,, يلا عااد فمان الله الغاليه ,, قلت لها : فمان الكريم ,, .. بعد ما بندت عنها حسيت بضيييج الصراحه .. مدري ليييش أتضايج يوم ما أشوووف غوايه أحس روحي وااايد ماخذه عليها وما أقدر أستغني عنها أبدددد ومووول ,, صارت شرااات الأكسجين بحياتي هي ربيعتي اللي أعزها ,, هي اللي فاهمتني بحياتي ,, الكل يعتقد اني عايشه حياتي عاديه ,, ما يدرون عن المعاناة اللي بداخلي شو هي ,, بس بصراااحه وااااااايد زعلتني غوايه يوم ما يت ,, أذكر ان بنات عمها ييون بيتنا ,, أكييد كالعاده أخوهم المعقد قال لا تروحون مع هالبنيه ,, الكل ماخذ عني فكره سيئه ,, برايهم ما طقيتهم ع ايدهم وقلت تعالو رابعوني ,, بس والله هالشي يعور لي قلبي ,, ويحسسني اني ناقصه مو مثل كل البنات ,, يعني بنيه الشباب يرمسووون عليها ,, شو راااح يكون موقفها أكيييد ,, تحس انه فيها شي غلط ,, بس أنا مدري شو الغلط بحياتي الين الحين محد يااه عندي وقااال هالشي غلط بحياتج يا شهد ,, أويـــــــــه تذكرت الكيكه يلا بدهنها ,, عشااان أنا وشييوم ناكلها .. شييوم عندي تسوى ناااس الدنيا كلهم ,, وأحسن عنهم بعد ع الأقل تأأزرني مو مثل الناااس يعاتبون وبس ,, ما ناخذ منهم غير العتب ,, .. بديت أمسح الكيه بالكريمه ,, شكلها حلو مدري كيييف طعمها ,, أكييييييد طعمها حلووو لأني شهووود أنا اللي مسوتنه ,, اكيد عسل مثلي هههه ,, وااايد أمدح روحي ,, عندي ثقه بالنفس ,, واااايد .. ما أخلي أي مخلوق بالدنيا ,, ينزل من شاني ,, أصلا ما أحب أحد يتدخل بحياتي ,, ثواااني الا وخلصت من الكيكه ,, يا ربييييييييه اش حلاتها ,, شكلها طررر ,,, حطيتها في الثلاجه ,, وطلعت من المطبخ ,, رحت قعدت ع الكنفه ,, أو بالأحرى انسدحت ,, بديت أجلب بالمسجات ,, وأقراهن ,, أحب الشعرررر لدرجة الخياااااااااااال ,, الحين يمكن في المستقبل بصييير شاااعره .. لا لا نو وي .. أنا مجالي بس لغات,, أحب اللغه الفرنسيه وااااااايد ,, والانجلش أكثر وأكثر .. فجأه صوت تلفوني ,, بسرعه فتحت المسج ,,, من خبله وأفتخر ,, ما همني العالم دامكـ علي راضيــ ,, ومهما حكو عنا كلّه حكي فاضيــ ,, انت الهوى وانت الدوا .. ويا حلونا وحنّا سووى .. رديت عليها ,, لكـ وحشهـ تهزنيـ شوقـ وعتابـ .. يومـ جيتـ تسكنـ بينـ ظلّيـ وسرابهـ ,, علمتـنيـ انـ الوفا طـبع الأحبابـ .. ورسمتـ عمريـ وردتينـ وسحابهـ ,, خذنيـ لوجودكـ ضمني بينـ الأهدابـ .. عمري بدونكـ ما تحمل عذابهـ << ابتسمت ,, طول عمرها غوايه ما تهتم لكلام الناااس شو يقولون عني ,, دومها تهتم أنا شو وكيف عايشه أنا ما يهمها اذا ولد عمها ولا ولد خالتها يرمس عنيه ,, علني أفداااها هاي الصديقه ولا بلاااش ,, الساعه ثمان ونص تحديدا في مدينة العين ,, دااار الزين ,, دخل وسلم ع الكل ,, ........ : السلام عليكم ,, الكل رد عليه : وعليكم السلام ,, أبو شهاب : اقرب يابوي اقرب ,, سيف : اشحالكم شخباركم ,, أبو شهاب : بخير ربي يعافيك .. ومن صوبك ,, سيف : بخير الحمدلله ,, أبو خالد : يلا عااااد مب باجي شي ع العرس ,, سيف : هي الأسبوع الياي ,, أبو شهاب : كل شي جاااهز ما بقى شي غير البطايق بيوزعوهن السبوع الياي ,. سيف يحط ايده ع راسه : والله عوااار رااااس .. تعبت يوميا طايح بمكان وأسوي شي ,, أبوشهاب : يا بوووك عاد انت أدرى بالعرس وهالسوالف ,, عقب العرس بيرووح كل هالتعب ههههه سيف .. : انشالله ,, يلا عاد أنا بروح بريح شوي من الصبح وأنا برا ,, أبو خالد : نوم العوافي ,, رووح عنهم سيف ,, أبو خالد : والله وكبر سيف ,, أبو شهاب : محد يتم ع حاله يا خوي ,, الكل يتغير حاله ,, أبو خالد : صدقك العيال كلما يكبرون ,, مشاكلهم ومسؤولياتهم تكبر وياهم ,, أبو شهاب : زين سيف يتزوج ,, يمكن يقر في البيت ,, ههههه أبو خالد : هههه سيف مستحيل يتغير ,, بس جااايز الحرمه تغيره مثل ما غيرت غيره ,, أبو شهاب : صدقك ,, ها مب ناوي تزوج خالد ,, أبو خالد : يا ريااال خالد وين والعرس وين ,, تعال أتخبرك شخبار بناتك ,, أبو شهاب : بخير الحمدلله ,, أبو خالد : قصدي هل دبي ,,, أبو شهاب : هييي .. الحمدلله بخير ,, اليوم رمست خالهم ,, أبو خالد : عسا مب قاصرنهن شي ولا شيااات ,, أبو شهاب : لا يا خوي ,, ولا من متى أنا مقصر ع بناتي ,, ابو خالد : أقوول تيبهم عندك ترا وااايد أحسن ,, عاد انت تشوووف البنات كيف الحين وهم ما عندهن أحد يودهن عن غلطهن ,, أبو شهاب : يصير خير انشالله ,, أبو خالد : الأسبوع الياي يوم الثلاث طرش أحد وراهن ,, أبو شهاااب : اش له الثلاث العرس يوم الخميس ,, وبعدين البنات مدرسه وجامعه ,, أبو خالد : صدقك ,, بس عااد لازم يحضرن وعرس عمهن هذا ,, أبو شهاااب ,, : أكيييد بيحضرن وبعدين غصبا عنهن ,, أبو خالد : رمستهن ,, أبو شهاب : هي السبوع اللي طاااف اتصلت عليهن شيما ردت عليه ورمستها ,, قلت يتزهبن للعرس وطرشت لهن بيزات ,, أبو خالد : زين سويت ,, أمهن بتيي ولا شقايل ,, أبو شهاب : لا لا ,, ما أرمسها أنا ,, مب ناقص مشاكل أكثر من وراها هذي بعد ... .. داااار الحي .. مب في خاطري أحضر امممم مدري ليش بالضبط بس أعتقد السبب الأساسي .. عدم حبي لـهالناس ,, أحسهم مغرورين ومتكبرين ,, ويعاملوني على اني بنت الفليبينه ,, بس أنا في نفس الوقت اماراتيه ,, يعني لو أمي شي وأنا شي شو الفرق ,, كلنا بشر,, وبعدين أنا منهم وفيهم ويعاملوني جذا عاد لو غريبه ,, مدري كيييف شييوم مستحملتنهم معني ما أدانيهم بعد ,, ............. : وينها ذلتنا ونحن نتريا ,, قلت لها : خلااااص ما بتيي ,, شيما باحباط : هااااااااااه صدقج الحين ,, قلت : هي والله العظيم ,, شيما : لييييييييش انزين ,, قلت لها بعدم اهتمام : أكيييييييد من ولد عمهم هذا اللي يذل الواحد ,, شيما تأشر بيدها مب مهتمه : برايه ,, هاللوتي ما يطالع روحه ,, قلت : ما عليج من رمسة الناااس نحن حريين بحياتنا ,, شيما : مب قاهرني الا اللي يسوى واللي ما يسوى رامس علينا الله يخليج ,, قلت في خاطريه بس هذا ولد ,, والولد مهما يسوي مستحيييل يعيبونه ,, أما البنت لو تغلط غلطه بسيطه خلااااص راحت فيها ,, شرات الزجاجه اذا تشمخت ,, خلاااص ما عاد تنفع ,, نفس الشي البنت ,, لازم يكون فيها حيااا ,, بس والله أنا راضيه عن تصرفاتي شو ما تكون ,, لأني أنا اللي أسويها وبقناعه بعد ,, شيما : اممممممممم ريحه خباااااااااال ,, سحبتها من ايدها ورحنا المطبخ : شو رااايج أنا سويته ,, شيما تطلع الصحن من الثلاجه : اممممم واااو شكله غااااااااوي وطررر بعد ,, قلت : ذوقي وارفعي معنوياتي ,, شييوم يابت الصحن والسجين والشوجه ,, وقطعنا من الكيكه وبدينا ناااكل ,, شيما : اممممممم لذييييييييذ ,, طلعتي شي شهووود ,, قلت : صدق والله فرحتيني فديتج ,, شيما : وين مواهبج عنا من زمااان ,, قلت : ههههه خلاااص اليوم طلعتهن لج ,, شيما ضحكت ويايه وشلت الصحن وياها وراحت حجرتها ,, أكيييد بتحدر ,, ملانه أنا شسوي ,, كرهت حياااتي ,, ع الأقل لو غايه يايه جاااان استانست شوي ,, بس يلا شنسوي بعد ,, .. دااار الزين .. ماسكه فستانها الوردي الأنيق الخفيف والكيوت والحلو ,, كل صفات الكون الحلوه في هاللبس ,. مبتسمه ابتسامه عفويه وشيطانيه ,, ......... : عمي شو رااايك ..؟؟ ابتسم لها وأشر لها بأنها تتقدم منه : طررررر علييييج وين هالحلا عنا من زمااان ,, شذى مستانسه : صدق عمي حلوه ,, سيف : تخبلين بعد .. هب بس حلوه ,, شذى تتقدم منه أكثر وتبوسه : فديتك أنا ,, والله متشوقه متى ايي يوم الخميس ,, سيف : هههههه لو انج مب بنت أخوي جااان خذيتج ,, شذى : عااااد لا تجامل ,, سيف : هههه أتمصخر وياااج ,, لو انج مب اثنعش سنه جاان خطبوج الناااس والخطاطيب واقفين قبال باب البيت ,, شذى شقت الحلج : عمي والله أستحي ,, كل مره تقووول جذا ,, حرااام سيف ضحك ع تفكيرها الطفولي : ههههههه انزين خلاااص ,, دخل ومعاااه فايلااات وااايد : السلام عليكم ,, شذى وسيف : وعليكم السلام ,, شهاب : سيف .. شوف هالفايلات دخيلك ,, سيف : لا يابوي معرس أنااا ,, مالي شغل بهالسوالف الحين عيوني بيتكون حواليهن هالات ,, شهاب يتأفف : والله لو ندري العرس يريح جذا جان عرسنا نحن بعد ,, سيف : تعااال جيييه أبوك معطنك الحسابات ,, شهاب : أوني لأني أدرس أعمال مصرفيه ,, يبا يكرفني من الحين سيف : تستاهل انت يبته لروحك ههههه ,, شهاب : حسبتك عون صرت لي فرعون ,, سيف : تعااال انت بتسير ورا خواتك دبي ,, شهاب : والله مدري ,, شذى تتأفف : أوووف منو شهد وشيما ,, سيف : بلااااج تتأففين ,, شذى : ما أحب شهوود آخر مره ما ساعدتني يوم امتحان الرياضيات ,, شهاب : انتي ايييه يالياهل صخي ,, بلاها هالرمسه اللي ما منها فايده ,, وبعدين كانت مشغوله البنيه شذى تأأففت وطلعت بسرعه من الحجره قبل ما يتحول أخوها لبركااااااااان وتروح فيها ,, سيف : حرااام خلها ياااهل ما تعرف ,, شهاب : من الحين لازم نعلمها شو هالرمسه بعد ,, خلااص لازم تشل هالشي من بالها ,, سيف رن موبايله : أقول يلا فااارج ,, شهاب يرفع ايده : ياااا رب متى نعرس نحن بعد ,, سيف : انت انجح أول عقب تعال ارمس ههههههه .. داااار الحي .. مليت شوي وأشد شعري خلاااص ,, لدرجه اني قمت أعد الليتات اللي في البيت هع ,, قلت بروح عند شييوم بسرعه ,, قبل ما أسوي بروحي شي ,, تجدمت عن حجرتها ,, ودخلت بدووون ما أدق الباب ,, شفتها قاعده ع اللاب تجدمت عنها ,, كالعاده ترمس هذا اللي متعرفه عليه من شهور تقريبا ,, تجدمت وقعدت يمبها : شو تسويين ..؟؟ شيما : كالعاده ,, قاعده ع المسن ,, قلت لها : آهااا شي طيب ,, وترمسين منووو .. شيما : ولد دبي ,, سألتها : شو علاقتج به ,,؟؟ شيما : مثل ما قلت لج يحبني وأحبه ,, قلت لها : للمره الثانيه شو انتي خبله ,, شيما بانفعال : شهووود صدق انزين هو يحبني ما أخرط ,, وصادق بكلامه ,, قلت لها وأنا متخرعه : شو انتي خبله تحبين لج واااحد شرااات هايييل ,, شيما : وزاااايد يعني أحسن عنهم .. الا هو مثلهم بعد ,, تعرفتي عليييه وحبيتيه ,, قلت لها : بس زااايد غير يا شيما وانتي تعرفين هالشي ,, وبعدين ,, النت غير عن انج تحبينه وهو واقع بحياتج ,, شيما محتاره : والله مدري عنه يا شهد ,, قلت لها : ودري عنج هالسوالف وترا مال النت ما منهم فايده ,, شيما باستفسار : وزايد انتي مب متعرفه عليه من النت ,, قلت بانفعال : لأأأ .. وبعدين ما يخصج أنا كيف متعرفه على زااايد ومن وين ,, المهم انج تودرين هذا اللي قلت لج عنه ,, شيما : ما أقدر يا شهد خلاااص والله أحبه وهو صااادق ,, قلت بانفعال : شووو انتي غبيه باااجر بيي ويطيح مصيبه ع راسنا ,, شيما : شهد هو صدق يحبني أنا أحس جذا ,, الا متأكده قلت : لا والله وكيف تأكدتي ,, شيما : والله قلت لج اني متأكده أحسه جذا ,, قلت بسخريه : برايج ,, والله ,, وبعدين كيف متأكده ترمسينه ولااا يعرف أهلج ولا كييييييييف ,, شيما تأتأ وما تعرف شو تقول : شــهـــد أنا أعرفه ,, وانتي تعرفينه ,, قلت لها مستغربه : أنااا أعرفه ,, شيما حركت راسها بمعنى هي : هي وتعرفين كل صغيره وكبيره بحياته ,, طالعتها مستغربه : شيما ارمسي منووو ..؟؟ شيما : أول اوعديني انج ما تزعلين مني ,, قلت وأنا صبري نفذ : شيما ارمسي منووو ..؟؟ شاااااكه بانسااان بس يارب ما يطلع هو ,, لو هو حياة أختي تكون تدمرت ,, لأنه حبته من كل قلبها وهو ولا داري عنها معتبرها مجرد تسليه ,, شراتي نوعا مااا ,, بس أختي شو دخلها بالسالفه ,, الا أختي ما يجيسونها ,, ما أبي أحد يمس شعره من شعرها ,, والله اذا فكرو مجرد تفكير يلعبون بأختي بذبحهم ,, شو يعني لأنه ما ورانا ظهر يلعبون فينا ,, بس والله اني بنيه بس وقت الشدايد فيني رجوله ,, وبراويهم ان نحن ما ينلعب علينا ,, حتى ولو يدرون انه ما ورانا لا رقيب ولا حسيب ،، |
عيبتني القصه وتسلمين على بارتين رووعه وكملي بلييييييييز |
نورتي غاليتي .. اسعدني مرورج .. |
الحلقه الثالثه .. سامــــح الله كل ( قلب ) نوى لي .. بالأذيــــه .. وسامح الله كل ( نفس ) نوت لي .. بالخطـــيه .. شيما خايفه وتأتأ : شهووود أناااا كنت أكلم سلطااان ,, طالعتها نزلت نظري لتحت ورديت طالعتها قلت : ممكن أعرف ليييش ما رمستي من قبل ,, شيما : شهووود والله مالي خص , وبعدين أنا اليوم عرفت والله ما كنت أعرف من قبل ,, قلت لها : انزين ودريييه ولا ترمسينه خلااااص ,, شيما : بس انتي تحبين زااايد وأنا مدري انتي من وين متعرفه عليه .. قلت لها بحده : ما يخصج من وين متعرفه على زااايد ,, من جات من مول من جهنم بعد ما يخصج فاهمه ,, شيما : انزيييين خلاااااااص كليتيني ,, قلت لها : ما يخصج فيني ,, وهذا سلطان ودريه خلاااص فهمتي ,, شيما : بس والله اني حبيته يا شهد .. طالعت فوق وقلت : شو انتي ما تفهمين ,, وبعدين هو عرفج ,, شيما : لأا ما ظني عرفني ,, قلت لها : شو درااااج ؟؟ شيما : أنا قلت له عني كل شي ما عدا اسمي غلط .. طالعتها وقلت وأنا أطلع من الحجره : خلاااص ودريه انزين ولا ترمسينه خلي السالفه عليه أنا ,, طلعت من حجرة شييوم اتجهت لحجرتي .. سمعت صوت باب الشقه يتبطل أكيد هذي أمايه يت ,, مب متفيجه أطلع بس اللي شاغل بالي ,, يعني ناااوي يلعب بأختي ,, هذا جزا اللي يأمن عليهم ويعدهم من الأهل ويأمنهم .. بس أنا برااااويه ,, مب أنا اللي ينجذب وينلعب علي وع أختي ,, النااار ما تحرق الا رجل واطيها ,, بنشوووف يا سلطااان ,, بس شييوم بعد غلطت المفروووض ما ترمس شباب غريبين ع المسن حتى ولو ترمس المفروض ما تحب لأنه محد يعرف عن نية الثاني ,, بس الغلطه مب غلطة شهووود ولا غلطتي أنا ,, الغلطه انه محد سائل عنا ولا مدارينا ,, والله خلفونا ونسونا يا هي حاله ,, شفت روحي في المرايه ,, عيني تدمع وااايد بس أبد الدمعه ما نزلت ,, غريبه والله ,, رديت قعدت ع السرير ,, حسيت نفسيتي وااايد تعبانه مدري شسوي ,, بتصل بزايد أحسن لي بشكي له ,, ع الأقل يمكن التفكير يخف شوي .. محد يفهمني كثر زااايد ,, شفت الزر الأخضر ,, بغيت أدق بس ترددت وااايد .. يمكن زااايد راقد لأنه كان عنده زااام بس لا ما أظن اليوم خميس وبعدين أكييد بيسهر باجر اجازه ,,,, بتصل ولا لأأ مدري والله بس توكلت ودقيت ع الزر الأخضر ,, بس فاجئني ,, ان الهاتف المتحرك الذي طلبته مغلق أو خارج نطاق الخدمه حاليا ,, يرجى الاتصال فيما بعد .. فريت التلفون ع السرير ,, وقته زايد يغلق تلفونه ,, محتاجه له وااايد ,, يعني يوم أحتاج له ما أحصله ,, بتصل بغايه بس س س غايه أهلها عندها وأكييد بيتهم ممزور ,, وعندهم ناااس يعني ما بتقدر اترمسني ,, وسلطان اللي كنت أعده أخوي صرت أحسه أكثر من عدو .. ولا حسن اللي بيبدا بالنصااايح ,, عمي سيف هيه لقيتها ,, بسسس عمي سيف مب متعوده عليه ما أرمسه الا في الشهر مره ومن التلفون الأرضي حتى موبايله ما أعرفه ,, ولا أخوي شهاب أخاااف أخبره والسالفه توصل لبابا ,, وأختي شيخه لاهيه بحياتها وأنا أصلا مو معاها ذاااك الزود .. وبعدين لو خبرتها يمكن تخبر أمها وأمها تخبر أبويه ,, وأمي هه لو فهمت السالفه وااايد زين ,, لا أبو يدارينا ولا أم ,, شكلهم خلفونا ونسونا ,, هه والله عجيب حالنا ,, . . الجمعه .. بعد الغدا .. ....... : يلا بسرعه تأخرنا ,, شيما تلبس نعالها وانتو بكرامه : شووو مو جنه بدري توها الساعه ثلااث ... قلت وأنا اشل الجنطه : لا واليوم يوم اليمعه يعني المركز بيفول العصر نروح الحين وااايد أحسن ,, شيما : أوكي يلا أنا جاهزه ,, قلت : أوكي انزلي ,, ماماااا بسرعه ,, ماماتيه : انزلو أنا الهين بنزل ,, طلعت من الشقه ونزلت مع شييوم وصلنا تحت البنايه شفت شااايب دوم نشوفه يوم شفته ابتسمت ’,, قلت : اشحااالك عم بوحامد .. عم بوحامد : كوييس يا بنتي انتو ازيكو .. قلت : تمام ربي يعافيك ,. اشحال الأهل في البلاد ,, عم بوحامد : كلهم كويسين الحمدلله ,, قلت : يلا عمي فداعة الله نحن ظاهرين تامر بشي .. عم بوحامد : سلامتك يا بنتي ,, تجدمنا أنا وشييوم صوب السياره ,, وتريينا ماما لما تيي و تفتح السياره ,, ما طالعت شييوم واتحاشيت اني أرمس وياها بديت أشغل روحي بالتلفون الييين ماما يت ,, , , ........... : بس أنا مابا ,, حرااام عليكم جيييه هو غصب ,, أم غايه : يا بنتي ليييش كل اللي بعمرج صااار عندهم أولاااد .. غايه تصيح : ماما يعني تبين الفكه مني ,, أم غايه : يا بنتي ,, فكري ,, أنا خلاااص عيزت .. وانتي لا أبو ولا أخو يعني مالج غير بيت ريلج ,, غايه : أماااايه بس أنا مابا مااايد ,, أم غايه : بس يا يمه مااايد ريااال وما ينعاب وبعدين نحن نعرفه وولد عمج أحسن من الغريب ,, غايه : أمااايه مابا مااايد ماباااه ,, أم غايه تصيح : يعني ما تبيني أشووف عيالج يا غايه ,, غايه تصيح وتمسح دموعها : ماما مب قصدي جيييه والله ,, أم غايه : عااد خذي ولد عمج يا غايه .. أنا ما بتم وياااج طول عمرج يا غايه ومالج الا بيت ريلج ,, غايه اكتفت بالسكوت طالعت أمها وقامت دخلت حجرتها .. فرت روحها ع السرير .. . . يا ربي كيييف أخذه وهو بيحرمني من أغلى ناسي ,, كيف باخذه وهو بيحرمني من شهووود ,, مااايد ما يحب انه نرابع شهد يعني لو تزوجته بيتحكم بي وبيمنعني من اني أتصل بها بعد ,, وأنااا أصلااا مب مفكره بالزوااااج أبد ,, . . ......... : يلا وصلنا ,, طالعت شيما وراي وقلت : يلا ننزل ,, ماماتيه : اذا ناقسكم فلوس اتصلو فيني ,, ( مدت لي الفيزا كارد ) هادي الفلوس ابوكي عطاكم ياها ,, شليت البطاقه عنها : كثر الله خيره ماقصر ,, يلا شييوم .. نزلنا ودخلنا المركز ,, يا كثر الناس اللي قاعدين يطالعونا أنا وشييوم عبالهم يايين شراتهم نتسكع ,, ما يدرون اني أكره الأماكن المزدحمه ,, طالعت البطاقه ,, ابتسمت .. شو فايده بيزاتك يابوي دام ناقصنا حنانك ,, عجيبه الحياه والله يتني الضحكه ,, أبوي يقول مب مقصر ويانا ,, صحيح انه مب مقصر بس مب مقصر ماديا ,, أما من ناحية الابوه ,, مقصر كللللللل تقصير ,, . . وصايف بفرح : ميرووووه غوايه رمستج اذا بتوافق ولا لأأ .. مهره تطالع التلفزيون : شو دراني ما سألتها ,, ( عدلت قعدتها وبدت تطالع أختها ) وبعدين ودري سوالف اليهال مالج كل شي تقولينه حشا مافي شي تكتمينه ,, وصايف : شو فيها وبعدييين غوايه من الأهل هب غريبه ,, مهره : بسسس يا ست وصايف ,, هالسالفه ما تنقال ,, أحرجتيها يدامنا ,, وصايف : أوووووف أووووف أوكي سوري ,, ما بعيدها ,, مهره تطالع التلفزيون : يا ريييييييت والله ,, أشك بكلامج الصراحه ,, وصايف تقوم وهي تأفأف : أووووف الواحد ما يروم يرمس في هالبيت بعددد ,, ........... بسخريه : لا والله .... صدت متخرعه وصايف : أحم أحم ما أقصد .. اللي ببالك ,, مايد سند ع الباب وبدا يلعب بالسويج : عاد شو تقصدين .. وصايف مشت لحجرتها بسرعه : ولا شي ,, مايد عدل وقفته وطالع مهره : وينها أمايه ,, مهره : ببيت الييران ,, مايد : الحريم هاييل ما يقرون بالبيت ,, مهره : عااد انت أدرى وكالة الأنباء عندهم ,, اليوم يمعه ,, مايد رايح لحجرته : وعيني الساعه ست أوكي .. مهره : انشالله ,, . . في المركز .. ........ : هالبدله واااااايد حلوه .. شهد : بس نحن ما بنلبس بدل وبعدين هو عرس ,, شيما : صدقج عااد الفستان الحمر حلو .. قلت لها وأنا أطالع الفستان : أهم شي يتناسق ع جسمج .. اخترنا أنا وشييوم فساتيننا ,, واتجنبت اني أكلمها الصراحه ,, مابي أتناقش معاها حاليا لأني حارررره وعادي أطلع أي رمسه تجرحها .. وبعدين شييوم وااايد حساسه وبسرعه تزعل ,, المفروض أنا اللي أداريها وأخاف عليها ,, أختي الوحيده ,, وأكيد من نقص الحنااان هي راحت لهالدرب ,, ههههه أنصح غيري وما أشوف روحي ,, والله يتني الضحكه ع حياتي ,, ............ : شهوود زعلانه مني .. طالعتها ما رديت وبديت أمشي الين ما وصلنا الكوفي وطلبنا لنا وقعدنا ,, حاولت أتجنب نظرات شيما وهي مبين عليها طول الوقت تطالعني ,, ومتوتره ,, شيما : شـــهد زعلانه ,, قلت لها : ليييش يهمج زعلي ,, الحين يايه تسأليني عقب ما سويتي اللي ببالج ,, شيما : شهد والله اني ما أقصد والله ,, طالعتها ونزلت راسي وبديت ألعب بالأغراض اللي يدامي ,, وقلت : خلاااص انتهت السالفه ولا ترمسينه ,, شيما : بس تدرين بعده ما صااار شي أحس السالفه تافهه ,, قلت لها وأنا أطالع اللي رايح واللي راد ,, : في نظرنا أنا وانتي تافهه بس لو وصلت لأابوي ولا أحد من عمامي كان موتج تدرين ,, شيما دمعت : ما أعتقد يهمه الوااالد دامه مب سائل عنا ,, قلت لها وأنا أقوم لأني ما استحملت حال شييوم : بسير التواليت وبرد ,, . . واقف جدااام ابن بطوطه في الباركنات ,, ............ : يلا حبيبتي ,, قالت له : مابي والله ,, .......... : يلا عشااان خاطري ,, ردت عليه : حسووون والله مابي ’’ حسن طالعها وقال : بس بنسير ندور .. وبعدين أخوج اش دراه بج وانتي متغشيه ,, قالت له : والله مقدر يا حسن ,, حسن طالعها : أوكي برايج حبيبي بس قلت نشرب كوفي مع بعض ,, قالت له : حسن ممكن سؤال ,, حسن : هلأأأ .. اسألي أسئلة العالم كلها .. فديتج ,, قالت له : ههههه يفداك كلي وربي ,, حسن : فديت هالضحكه ,, قولي حبي اش عندج ,, قالت له بدلع : هااك اليوم بالجامعه شفت معاااك وحده منو هذي ,, حسن : جييه تسألين عنها ,, قالت له : احسها خقاقه ,, واااايد حسن :هي هذي شهد الــ ........... ما عرفتيها ,, قالت له : اممم هيييييه عرفتها بنت الفليبينه ولا الــ ............. حسن قاطعها: لا لا هذي بنت الفليبينه ,, قالت له : يقولون عنها مب متربيه بس ما تنلام داام أمها فليبينيه ,, حسن عصب بس تدارك روحه : سماااح لا ترمسين عنها خلي البنيه بحالها ,, سماااح : أوووف حسن انزين ما قلنا شي ,, حسن : بتنزلين ويايه ولا لأأ سماح : قلت لك لأأأ أخويه يمكن يكون اهني ,, حسن : أوكي انزلي وبنيي يوم ثاني ,, سمااح : كل هذا عشان بنت الفليبينيه ,, حسن بعصبيه وحده : سماااح رجاءا لا تغلطين ,, سماح نزلت وهي تقول : انزين انزين خلااااص أعوذ بالله كل هذا من بنت الفليبينيه ,, حسن من بعد ما نزلت سمااح : يعلج النفاااد ,, مااالت عليها رازنها ويايبنها ويايه ,, وآخر شي ( يقلدها ) أخويييه اهني ,, أسير عند ربعي واااايد أحسن من ما أتم مع هالسحالي ,, عطا بريك بصوت عالي خلا الصدى يصوت بكل مكان وصوته يتردد في الباركنات ,, وشخطه اتجه صوب ربعه .. . . تجدمت عن منظرة الحمامات ,, حطيت ايدي ع ويهي ,, واايد شاااحب ويهي من التفكير والأرق اللي ييني بليل ,,, رجعت ع ورا وقفت وسندت ع اليدار ,, بديت أفكر شسوي حق شييوم كيف أفهمها بس لازم ما تعيد غلطها ,,, مابيها تكرر غلطاتي بالحياااه مابيها تعيش اللي أنا عشته ,, طلعت التلفون من الجنطه ,, في خاطري أتصل بزايد ودي أشوفه الحييين ,, بس شييوم ويايه وما يصير أتركهها روحها ,, فجأة ياني اتصال من رقم غريب ,, طالعت الرقم مستغربه ,, رديت : آلو .. ......... : السلام عليكم ,, رديت عليه : وعليكم السلام ,, .......... : جيف حالج شهد ,, رديت وأنا مستغربه : تمام .. منو ويايه ,, ............ : معاج عمج سيف ,, قلت وأنا أبتسم ومستغربه نفس الوقت من اتصاله : هلااا عمي سيف ,, اشحالك ,, واشحال الأهل ,,؟؟ عمي سيف : بخير الحمدلله انتي وأختج شخباركم ,, رديت عليه : يعل حالكم مديم ,, بخير الحمدلله ,, عمي سيف : شهووود ما تقولين عندي عم أنشد عنه ولا شي ,, قلت له : السموحه عمي ضغط الدراسه عاااد تعرف انت ,, رد عليه : لا لا معلي مقدر ضروفج ,, قلت له : تسلم عمي ,, عمي سيف : شهد اجهزي انتي وأختج يوم الأربعا بمركم تراني ,, قلت له : جييه عمي ,, ؟؟ عمي سيف : أباكن عاااد انتي وشييوم تحضرن كل فعاليات عرس عمكن هههه قلت له : ربي يسعدك انشالله ,, بس عمي نحن دوامات ,, عمي سيف : انزين الأربعا العصر بييكم ,, بس يوم الخميس بتأجزون ما يصير شي ,, قلت له : انشااله يصير خير بشووف ,, عمي سيف : ماشي يلا أنا بييكم الأربعا .. قلت له : اوكي عمي ,, عمي سيف : اذا ناقصنكم انتي ولا شيما شي خبروني لا تستحون ,, قلت له : لا أفااا عمي وين نستحي منك ,, وبعدين ابوي مب مقصر ,, عمي سيف : أوكي عااد كل الأمور ترتوب الحين ,, قلت له : هي ,, االعروووس شخبارها ,, عمي سيف يمزح ,, : من أسبوع مب مخليني أشوفها ,, قلت له : ههه تقاليد عاد عمي ,, عمي : يلا عاااد شهووود أنا مشغول بتصل بج خلاااف بقول لج الساعه جم بيي ,, قلت له : أوكي عمي يلا فداعة الله ,, عمي : فداعة الرحمن ,, .. .. طلعت من الحمامت اتجهت للمكان الي قاعدين فيه وأنا أفكر كيف أفاتح الموضوع مع شيما وكيف بأدب سلطان وانا قاعده أتجدم منها لمحت واااحد واقف يمبها ,, بديت أسرع بخطواتي الين ما تأكدت انه هذا هوووه هي هو ,, سرعت عسب اعرفه قدره ,, قلت وأنا واقفه صوبهم : نعم خييير في شي ,, ............ : أهلين شهد .. اش حالج ,, قلت بحده : مب بخير من ظهرت بحياتها ( وأنا أأشر ع شيما ) سلطان : شهد بلااج ,, قلت له : اقول سلطان لعب اليهال مب عليه ترا ,, سلطان : شيما أختج صابها شي بعقلها ,, شيما بحده : فكر تلعبها ع غيري شو ع بالك اني ما كنت أعرفك ,, تراني أعرفك وأنا بعد كنت ألعب عليك مب بس انت اللي تعلب ع الناس في غيرك بعد شاااطر ويعرف يلعب ,, سلطان طالعني مستغرب قلت له : سلطاان لو سمحت اطلع من حياتي وحياة أختي كافي لعب وكافي تمثيل دور الأخو اللي يخاف ع أخته ,, ابتعدت وشييوم لحقتني ورحنا نتمشى ,, ما تكلمت مع شيما اكتفيت بالسكوت فضلت انها هي اللي تبدا وترمسني ,, وتقول عن شعورها ,, واللي بقلبها ,, خل تفضفض وتقول عسى ترتاح بس ,, شيما طالعتني وابتسمت وقالت : خلااااص ارتحتي أدبته ,, طالعتها وابتسمت وقلت : يلا نرد البيت ولا تبين شي ثاني ,, شيما : لأأأ خلاااص باقي أخم السوق هههه ,, ابتسمت وأنا أطالعها ,, مدري شييوم أوقات تكون جريئه نوعا مااا وأقات تكون بزا ,, بس يعجبني أسلوبها ,, اسميها فشلت سلطان ,, صح انه أنا وشييومه بنات بس وقت الشدايد فينا رجوله ,, . .ـــــــــــــــــــــــــــــــــــــــــــــــــ ـ. .............. : يا خي مدري شو ياها قامت تهذر ع الفاضي وتقول أنا بعد أعرف لك هههههههه حسن : برايها .. بس شو دراها ,, سلطان : يا ريااال أنا ذاك اليوم وضحت كل شي لها وشكلها فهمت .. عنلااتها ذكيه ع أختها ,, حسن : ع طاري أختها .. شخبارها ,, سلطان : يا رياااال زعلت شهد .. حسن : صدقها انزين تزعل وانت قاعد تقص ع أختها وهي عادتنك أخو ,, سلطان : ما أتشرف أكون أخو هالأشكاال ,, والله لو انهن خواتي وجذا ,, جان ادهسهن بالموتر يدااام البيت وأدفنهن ,, حسن : برايك .. أقووول اليوم هاي سمااح مدري رماااح ما رضت تنزل ويايه ابن بطوطه ,, سلطان : شو تبا بها هاي أخوها لو درا بيذبحنا ,, حسن : برايه ,, مب مربين بنتهم خل يستحملون ,, سلطان : والله حاله .. بنات آخر زمن ,, حسن : لو خواتي كنت بدفنهم ع قولتك هههههههه ,, ,,ـــــــــــــــــــــــــــــــــــــــــــ,, فريت روحي ع السرير وأنا مستانسه طايره من الفرح ,,وقلت : هلااأأأ .. هلا بالغوالي هلااا بالحب ,, ......... : منو قدي ي ي كل هالمديح حقي ,, قلت لها : عاااد لو هب حق قلب شهوده عاااد لمنو أقوله ,, غايه : ههههه فديتج والله تسلمين ,, قلت لها : خيير شو عندج داااقه مب من عوايدج تدقين يوم اليمعه المغرب ,, غايه : لو تبيني أسكر عنج ترا عادي توفير رصيد ,, قلت لها و أنا أضحك : بلاااج صدقتي ,, ارمسي ,, غايه : أقول شهووود لو تقدم لي واااحد وبتزوج تعتقدين علاقتنا بتتم شرات ما هي ,, قلت له : أكيييد هي ,, ولا تعتقدين لأأأ ,, غايه : شهووود ولد عمي مااايد تقدم لي ,, قلت لها وأنا مستانسه : مبروووك مبروووك حبيبتي ,, غايه تصيح : حتى انتي مثلهم ما تفهميني ,, قلت لها : غايه بلااااج تصيحين , قالت لي : شهد مابا مايد أنا ,, قلت لها مستغربه : جييه شايفه عليه شي غلط ,, غايه : لأأأ بس يا شهد انتي تعرفين مااايد ,, قلت لها : أدري أدري تحاتين يبعدج عني ,, غايه : هي ,, شهد انتي ما تعرفين مايد يحب يتحكم باللي يدامه ,, قلت له : شي طبيعي الريال يحكم ع مرته ,, وبعدين يالخبله همج أنا ,, غايه : انزين صدق أنا مأ أحب غيرج ما عندي ربيعه غيرج يا شهد ,, قلت لها : شو انتي خبله ,, ياماما حتى أنا باااجر بييني نصيبي ,, وكلن يروووح بحال سبيله ,, غايه : بس عالأقل نقدر نشوف بعض ,, قلت لها : ياا مامااااا افهمي أنا ما بتم لج .. وشو تبين تعنسين عشاني ,, تراني أنا بعد بتزوج ويمكن بنساج ,, الزمن جذا الحين محد يقول بتم جذا طول عمري لأنه ما نعرف شو مكتوب ,, غايه تصيح : حتى انتي ما تفهميني ,, أنا ماباااه يا شهد ماباااه ,, قلت لها وأنا محرجه : اذا ما خذتيه يا غااااااااااايه لا أنا ربيعتج ولأا أعرفج ,, سلااااااااام ,, (( وصكرت التلفون بويهها )) الحين هذي صاحيه عشاني ما بتاخذ ماايد ومايد ماشالله ما يعيبه شي كامل والكامل الله ,, واالله اني أعزج يا غايه صدق انها ربيعه ,, على كثر اللي شافته مني الا انها ما حكمت من مظهري علي ,, تقربت مني وعرفتني عدل وعقب حكمت عليه ,, بس أنا علشان مصلحتها عادي أنسى صداقتنا المهم غااايه تعيييش بسعاده وتكون مرتاحه ,, . . دااار الزين .. ............ : حبيبي حرااام ,, جابر : قلت لج مليييييون مررره ماشي .. شيخه : انزين ليييش .. بس هالسبوع ,, جابر يطالع شيخه : قلت لأأأ يعني لأااا,, روحه بيت أهلج أسبوع ماشي ,, يوم برايج ,, شيخه : ممكن أعرف ليييش ,, جابر طنشها بس قال : لا تحاولييين .. شيخه طالعته تأففت : أوووف حشا الواحد في بيتكم حتى بيت أهله ما يروح له ,, جابر طالعها بنظره حاده : شيخه صخي ,, أحسن لج ,, وظهر جابر من الحجره ,, معاااه سويج السياره ,, شكله بيظهر وشيخه ودها تروح بيت أبوها عشان عرس عمها هالسبوع ... . . دااار الحي .. حسيييت بملل فضيييييييع شفت البيانو قلت برووح بعزف ,, بس مالي خاطر أشيله لأني أحب أعزف ع سريري والبيانو ثجييييل وااااايد ,, امممم عاد شسوي أكتب شعر ولااا ,, بس حاليا مافي شي ياي ببالي ومافي شي ييي ببالي الا يوم أكلم زييود علني فداااه اليوم ما سمعت صوته ,, بتصل به يلا .. صح نسيت أخبركم زيود يوم الخميس واليمعه ما يتصل بي لأنه يروح صوب أهله ,, أهله ساكنين في العين ا يعني زيود عيناوي هع .. بس هو يداوم في دبي ,, عسب جذا طول أيام الأسبوع هو في دبي ,, ألحين أنا قاعده أتجدم من االدريشه ,, الله الجو رووووعه برا ,, مطر ,, شفت الساعه عشر ونص صار لي ساعتين وشي من سكرت عن غوايه .. خرعني صوت التلفون وهو يدق ,, طالعت الشاشه ,, بلسم جروحي يتصل بك ,, ردت لي الرووووح ,, رديت بروووح : هلااا والله هلا ,, حي هالصوت .. زااايد : حياتي انتي ,, هلا بج زوود ,, قلت له : اشحالك حبيبي ,,؟؟ زايد : تمام الغاليه ومن صوبج ..؟؟ قلت له : هب بخييير ,, زايد : افا افاااه جيه منو مزعل شوشو .. قلت له بدلع : حبيبها ,, زايد يستعبط عليه : بس جذي بروح بجتله الحين ,, قلت بسرعه : لاااااااا تقول جيه بعيد الشر عنك حبيبي .. زايد : ههههه فديتج أنا ,, ها شو اليوم .. قلت له : زفت ت ت ,, زايد : جيييه حياتي ,, قلت له : زيووود بقول لك شي بس لا تعصب بليييز .. زايد مهتم : شو السالفه ..؟؟ قلت له : سلطان كان يخرط ع شييوم ويرمسها ع الايميل عساس انه يحبها ,, زااايد عصب : أنا براويه ,, ماعليج منه ,, قلت له بسرعه : لا لا لاااا ,, خلاااص حليت السالفه حبيبي ,, زايد : ما عليج من هالأشكال وحذري شييوم بعد حليلها ما عندها أحد ,, قلت له : هي حذرتها ,, زايد : شخبارها ,, قلت له : بخيررر .. زايد : بلاااااااج ..؟؟ قلت : موجنك تهتم لشييوم أكثر عنيه ,, زايد : أخت حرمتي انتي اش لج .. قلت له وأنا أضحك : يالعيياااااااار ,, زايد : شو الجو في دبي ,, قلت له : اوووه صح نسيت أقول لك مبروك عليك الرحمه ,, زايد : علينا وعليج ,, بس في العين حتى غيمه ماشي هههههه قلت : خلااص بنسحب المبروووك ههههه ,, وينك ,, زايد : في العين موول ,, قلت له وأنا متخرعه : اويييييه رد البيت بسرعه الوقت متأخر ,, زايد يضحك : جيييه ياهل تحاتيني ,, قلت له : لأأأ بس أخاف عليك ,, زايد : فديتج أنا ,, أقووول حبيبتي الربع عندي برمسج خلاااف ,, قلت له وأنا ما ودي أقول له : أوكي .. فداعة الله ,, صكرت عن روحي وحبي وأنا ما ودي أسكر عنك يا زااايد ,, ودي أكلمك وأكلمك طوووول العمر وأعيش معاااك ,, وودري تكووون يدامي أربع وعشريييين ساااااااااعه ,, ما ودي تقوم عنيه لو لحظه ,, أحبك يا زااااااااايد ,, انت ما تعلم بقلبي وش غلاااك ,, والله اني نسيت العالم كله يوم اني حبيتك ,, × × أنا خ ــبالي ما هو أي خ ــبال أنا خ ــبالي من نوع راقي .. هلااا والله هلااا ,, من يحبك كثر ما أحبك أنا هلا وغلا ,, أنا خ ــبالي ما هو أي خ ــبال أنا خ ــبالي من نوع راقي .. كييييييييف الحاااااااال ..؟؟ من يحبك كثر ما أحبك أنا تمااااام الحمدلله انتي شخبارج وشخبارج شهد ,, أنا خ ــبالي ما هو أي خ ــبال أنا خ ــبالي من نوع راقي .. تمام الحمدلله انتو شخباركم وشخبااار الوالد وألأهل ,, من يحبك كثر ما أحبك أنا تماااااام الحمدلله ,, متى بتييون ,, أنا خ ــبالي ما هو أي خ ــبال أنا خ ــبالي من نوع راقي .. شهود قالت يوم الأربعا عمي قال لها من يحبك كثر ما أحبك أنا هي تعالو بسرعه لأنه نبا نسوي جووو وربشه عاااد أنا خ ــبالي ما هو أي خ ــبال أنا خ ــبالي من نوع راقي .. عاااد هذي شهوود مااال قوم الربشه هههههه من يحبك كثر ما أحبك أنا أقووول شو بتلبسون أنا خ ــبالي ما هو أي خ ــبال أنا خ ــبالي من نوع راقي .. أكيييد فساتين ,, من يحبك كثر ما أحبك أنا عاااد بشوفهم يوم تييون عندنا ,, باباتي قااال بيوديني جبل حفيت عقب العرس بروحنا هههه وجان شهابوووه أونه يغااار .. عوود ويغار عاااد لو ياااهل ,, تعااالو ويانا حرااام أنا خ ــبالي ما هو أي خ ــبال أنا خ ــبالي من نوع راقي .. ههه يصير خير ,, أسميييييه حركااااااااات ها شهابوه ,, اش حال سعودي فديته ,, من يحبك كثر ما أحبك أنا بخييير الحمدلله أمس بليل كانو عندنا ,, أنا خ ــبالي ما هو أي خ ــبال أنا خ ــبالي من نوع راقي .. زيييين زين فخاطريه أشوفه أحسه كبر صار لنا شهر مب يايين صوبكم ,, من يحبك كثر ما أحبك أنا هي ي ي ,, أقووول شييوم يلا أنا بظهر ,, أنا خ ــبالي ما هو أي خ ــبال أنا خ ــبالي من نوع راقي .. أوكي شذاوي ,, سلمي ع الأهل ,, من يحبك كثر ما أحبك أنا السلااام يوصل ,, يلا فمان الله ,, حز بخاطري يوم قالت أختي شذى ,, بااباا وعدني يوديني جبل حفيت ,, يعني علاقتها مع بابا علاقة أبو ببنته ,, مب نحن ,, لا أنا ولا شهود محصلين ذرة حناان من عنده بعد ,, ما رااح أنكر .. بالفعل أنا أوقااات أحس بالغيره الشديده من أختي شذى معنها أصغر عني وااايد تقريبا خمس سنووواااات ,, . . دااار الزين ,, قاعده تصيح وهي تسكت ولدها اللي قاعد يصيح في ثبانها ,, الين ما سكت سعود ورقدته في المنز ,, قامت تروح تغسل ويهها ,, دخلت التواليت ,, غسلت ويهها ونشفته ,, طلعت ,, انصدم م م م لما شافها ,, تجرب عنها بهدوووء وهو مستغرب وقاعد يبحلق فيها ,, مسكها بحنيه وقال : حبيبي شو فيج ..؟؟ صدت عنه الصوب الثاني ما قدرت تقاااوم عبراتها اللي بدت تهل بصمت ,, وابتعدت عنه راحت صوب السرير ,, تجدم عنها ومسكها من ايدينها وقال : حبيبي ارمسي شو فيييج تصيحين ,,؟؟ ردت عليه شيخه : انته جيييه ما تخليني أسير بيت أهلي ,, جابر طالعها ومسك ويهها بايدينه وابتسم ,, وقال : كل هالدموع عشااان تسيرين بيت أهلج ,, أنا ما قلت لج لا تسيرين ,, شيخه تصد عنه وتخوز ايده : عاااد شو قلت ,, جابر يطالعها ويبتسم : قصدي رقاااد ما ترقدين تمي طول اليوم ,, بس أسبوووع وااااااايد حبي والله ما أستحمل فراقج ,, شيخه : بس عرس عمي يا جابر ,, جابر يبتسم : سيري ,, بس ترضين تودرين ريلج روحه ,, شيخه طالعته ابتسمت له : أوكي خلاااص بس بشرط طول اليوم أتم عندهم وبليل أيي البيت ,, جابر يشد خدودها : برااايج ,, بس تراني أخاااف أرقد روحي ,, شيخه تضربه عجتفه : نونووه ,, جابر : يلا ارقدي قبل لا ينش سعود ويبلشنا ,, × × .............. : انشاالله الغالي ,, ثواني وأنا عندك ,, عمر : هااا خير انشاالله ,, خليفه : الشيبه يقول رد البيت ,, عمر يضحك : الله يعينك ,, ( يطالع ساعته ) أجرمت تراااك صارت احدش وانت هب فالبيت ,, خليفه يقوم وهو يتنهد : شنسوي بعد ,, هذي أوامر الحكومه ,, عمر : ههههه حتى أنا برد ,, الوالده أكيد محرجه ,, خليفه : شخبارها ,, ؟؟ عمر : بعدنا هه ,, مقزرين رواحنا ,, من مستشفى لمستشفى ,, خليفه : الله يشفيها ,,, عمر : آميين ,,, شخبااار وليدووه ولد أخوك خالد ,, خليفه : سباااال ينط نط يوميا ,, مخرب لي رقااادي ,, هههه عمر يضحك : يلا رح قبل لا تصير احدش وخمس وبتاكل رمسه زينه من أبوك ,, خليفه راااح صوب سيارته وهو يرفع ايده ويسلم ع عمر ,, ودق سلف ,, وتحرك بالسياره متجه لبيتهم ,,, . . دااار الحي .. حطيت راسي ع المخده ,, الله يسامحك يا سلطان ,, الله يسامحك ,, صدق خنت الثقه ,, طلعت منت قد الكلااام ,, عديتك أخو وأكثر بس طعنتنا يا سلطان ,, بس لا تنسى انه يوم لك ويوم عليك ,, سامحك الله يوم نويت لنا بالأذيه ,, سامحك االله ,, صدق اني عايشه بدنيا مالها صاااحب ,, أرقد أحسن لي .. باجر يوم السبت بروح نادي الفروسيه .. . . يادمع عيني خف جرحت عيني والعين تبكي خوف تفقد بصرها ,, . . شفت الساعه أربع وربع العصر ,, وأخيررراااا خلصت ولبست ,, بسير بشوووف شييوم شو قاعده تسوو وعقب بتصل بغايه خل تمرني ونطلع ,, ع الأقل الواحد يغير جو ,, شو هذا طول ايام الأسبوع جامعه والبيت ومن الجامعه للبيت مليت عاااد ,, خل نطلع أنا وغوايه نغير جو بالمره ,, أسير أشوف شييوم شو قاعده تسوو ,, دخلت حجرتها بس تخرعت ,, لما شفتها .. ............ : حياتي بلااااج .. أول ما طالعتني مسحت دموعها : ها ,, هلااأأ شهووود ,, تجدمت عنها وأنا خايفه ,, مسكت ويهها وقعدت يدامها : بلااااج حياتي ,,؟؟ شيما طاحت بحضني ,, : شهووود ليش بابا ما يحبنا ,, دموعي بغت تنزل بس داريت عبراتي ,, وقلت : شو هالكلام شييوم ما في أبو ما يحب عياله ,, شو ياااج .. شيما رفعت راسها طالعتني وقالت : امبلى أبويه ,, أبويه ما يحبنا يا شهد ,, قلت لها : مستحيييل ,, شييوم لا تعتقدين ان الحب انه أبوج يطلعج ويدللج لأأ ,, في ناااس ما يعرفون يعبرون عن حبهم ,, شيما : بس أبويه يدلل شذى ومعطنها كل الحنااان خل يعطينا ذره منه بس ذره ,, نزلت راسي رديت رفعته وابتسمت : شييوم شو صاب عقلج انتي ,,تغارين من ياهل عمرها اثنعش سنه؟؟ شيما تصيح : شهووود أنا أغلط لأنه ما عندي أحد يعاتبني ,, وما أصحح غلطي ,, لأنه ابوي ولا سائل عنا ,, وما أظن بيهتم يوم يعرف عن بلاوينا ,, ضميتها وقلت : ياا شيما الزمن بيتغير ومافي أحد يتم ع حاله تذكري هالشي ,, شيما طالعتني وقالت : تدرين شهد ليش أنا وانتي جذا حركاتنا ,, تدرين شو السبب الناس ما تحبنا ,, ؟؟ طالعتها اكتفيت بالسكوووت عبراتي بغت تهل ,, بس قلت أنسحب وقفت بهدوووء وتجدمت عن الباااب عسب أخلي شيما روحها أكيد تعبانه نفسيا خل تتم روحها شوي ,, بس صوتها وقفني يوم قالت : من حقنا نصيييع دام محد مدارينا ,, ع قولتهم بنت الفليبينيه .. صج انزين الفليبينه متى دارتنا ,, خل ييبون لنا وحده عربيه ومسلمه ,, يمكن كنا بنتربى ,, غمضت عيني .. هالكلمه اش كثر المتني ,, المتني واااايد ,, ليييش يعايرونا ببنت الفليبينيه ,, لييييش ؟؟ نحن مب بشر شراتهم ,, بس عشااان أمنا فليبينيه ما يحترمونا ,, انزين نحن شو ذنبا ,, نحن رحنا قلنا لهم يبونا لهالدنيا ,, نحن اللي قلنا لأبويه تزوج فليبينيه و ييبنا لهالدنيا يعني ,, مدري ليييش كل اللوم علينا ,, معن هم اللي غلطو .. رديت لفيت وطالعت شييوم وقلت : لا تنسييين هالفليبينيه اللي ترمسين عنها عشرين سنه قاعده ويانا حطي هالشي ببالج ,, و أبونا الاماراتي ,, هه أعتقد بالاسم بس ,, ما فكر لو مره يرفع السماعه ويسأل عنا ,, ( وعليت صوتي وقلت ) عرفتي شو الفرق الحين ,, شيما نزلت راسها تصيح وقالت : ياليتني ميته ياليتني ما طلعت لهالدنيا ,, شفت حال شيما ما يساعد اني أتضارب وياها او أهزبها فقلت : قومي البسي بنطلع ,, شيما : مابي ’’ قلت : قومي يلااا .. غايه بتمرني الحين ,, شيما : أوووكي ,, يمكن النفسيه الزفت بتتغير ,, طلعت وأنا أحمل بداخلي آلاااام كثيره ,, مدري متى بتتركني هالآلام ,, وبعدين كلااام الناااس بيأثر في شييوم لأنها صغيره ,, ويبالها من يداريها ,, بس انا خلااص فهمت الدنيا عدل ,, بس س س ما راااح أنكر اني انجرح من كلامهم بعض الأوقااات ,, . . .............. : والحين شو الحل باااجر بنداوم .. حسن : ما ظني بترضى ,, وبعدين هي عنيده ,, سلطان : لا تحبطني انت الثاني ,, والله اني ندماااان ,, حسن : برايك أنا قلت لك لا تلعب ع البنيه وعندك خوووات تراااك ,, سلطان معصب : بس خواتي لو يطلعون من عتبة البيت شراتهم بدفنهم ,, حسن : بعد هالبنات ما عندهن أحد يداريهن مهما كااان ,, عسب جذا هن جذا ,, سلطان : يا ريااال الواحد يشوووف الفرصه يايتنه على طبق من ذهب ويفوتها ,, يعني أكيييد الشيطان يلعب بعقلك .. حسن : ألحين فكر شقايل تصالح شهد ما عليك من شيما خلااص ,, ولا من الشيطاان ,, سلطان دق السكان بقوه : ما علي من الاثنين اش لي بالبنات أنا ,, أصلااا حسن ابتسم : عفيه عليك ,, ريااال هههه سلطان : هب متفيج لملاقتك انت الثاني بعد ,, حسن دق ع زر المسجل عسب يشغله ,, وسلطااان حرك السياره وهو يتأفأف ,, يبي يشوووف آخر تها مع هالبنيه ,, × × داااار الزين ,, دخل وهو شاااايل ولده وليد : السلااام عليكم ,, الكل رد عليه : وعليكم السلااام والرحمه ,, بوخالد : حيااالله الرياييل ,, حيالله الشيخ وليد ,, خالد تجدم عن أبوه وباس راسه وعطا وليد لأبوه وسلم ع عمه وقعد : اش حالكم ,,؟؟ بوسيف : يسرك الحال ولديه ,, انت اش حالك ,,؟؟ خالد يتأفاأف ويأشر ع وليد : مطفر بي ,, توني رادنه من الجمعيه ,, بو خالد يضحك : وده انزين حليله ما يشوفك اربع وعشرين ساعه ,, انت طول الوقت في المعرض ,, وليد يكلم يده بو خااالد : لحنا دمعيه اهنا ,, بوخالد يضحك ويبوسه : الله يحفظك ,, خلود نازله من فوق : أهليييييييين اشحااااااالكووو ..؟؟ خالد يضحك عليها وتيي خلود تبوسه ع راسه: اش حالك ..أخويه العووود؟؟ خالد : بخير حبيبتي .. هااا جاهزه ,,؟؟ خلود تروح تشل وليد : هي جاااهزه خلاااص ,, بو خالد : ع وين بنتي ,,؟؟ خلود : بابا بسير عند شذاوي تترياني من الصبح حليلها ,, بوسيف : سيري سيري ما عليج أنا موافق هههه .. حليلها بنتي من الصبح ,, خلود وخلووود بوخالد : هي هذي دلوعتك من قدها .. ماشالله عليها كبرت ,, خلود ضحكت وبدت تعلب مع وليد وقالت : وأنا بلاا هب تارسه عينكم ,, بوسيف : لا لا عااد خلود أميرة الكووون محد يقدر لها خلود ابتسمت مستحيه : مشكووور عمي ,, يلاا خالد سرينا ,, بوخالد : حبيبتي سيري مع وليد حجرتج وعقب خمس دقايق بنزقرج .. أبا خااالد في شغيله ,, خلود : انشااالله ,, يلا وليدو .. وليد : وليدووو ثكلش ,, خااالد : وليد عنلااتك شو هالرمسه ,, بو خالد يضحك : اسمييه حركاااات ,, خالد ضحك وعقب قال : خير أبويه جيه بغيتوني انت وعمي ,, بوخالد يطالع بو سيف ويقول : ولدي انت حرمتك صار لها ثلاث سنوات متوفيه ,, وولدك بعده صغير يباله من يداريه ,, خالد طالع عمه وأبوووه : ردينا ع الطير ياللي ,, بوسيف : بس يا ولدي انت شااايف كيف وليد كله مع هالبشاكير ,, يباله وحده سنعه تربيه ,, خالد : بس أنا مابي أعرس كلمتي وحده وما أغيرها ,, بو خالد : فكر عدل يا ولدي .. وبعدين خااف ع وليد ع الأقل,, خالد : الحين أبويه سؤااال انت بعد .. أمايه الله يرحمها متوفيه من اثنعش سنه وانت بعدك هب معرس ,, يعني تباني أنا أعرس جييه بو خالد : بس ياولدي انت بعدك صغييير ,, وببداية عمرك ,, خالد : أبويه وعمي ,, سمحو لي عرس ما بعرس لا الحين ولا عقب ,, وبعدين اش دراني ان هاي اللي بعرسها بتخاااف ع وليد .. بوسيف : عاااد ما بنختار لك وحده حيااالله لازم نعرفها وانشاالله بتخاااف ع وليد ,, خالد يوقف ويقول : يصير خير انشاالله ( وعلا صوته ) خلووود يلاااا ,, . . داار الحي .. ......... وهي قاعده تغير السيدي : ع الأقل شغلي شي حلو ,, غايه : هههه حرااام عليج عاد سيدياتي حلوه ,, مو صح شييوم ,, شيما ابتسمت : هي أحلى عن مال شهووود ,, تصيحنا ,, ابتسمت وقلت : عاد اسكتن دخيلكن انتن ويييين والذوق وييين ,, غايه : خااارطه ع روحج ,, شيما تجدمت عنا وقالت : وين بتودنا ,,؟؟ قلت : ناسيه اليوم السبت بنروح نادي الفروسيه اللي فالشارجه ,, شيما متخرعه : اييييييييه بتركبين خيييل ,, قلت لها : هي ,, شيما : ما تخافين عنلااااتج .. قلت لها : متعوده مب شراتج أشوووف عنز وأصييح ههههههه غايه : هههه ذكرتوني بــ ميووود ولد عمي ,, دوم يقول لي انتي تشوفين عنز وتصيحين عاد لو أسد الله يستر ,, قلت لها : هي صح ع طاري ميووود .. وافقتي ولا لأأأ ,, غايه : أقول لج الصراااحه بس ما تزعلين ,, قلت لها وأنا كلّي حييييره : هي بسرعه وافقتي ولا لاأأأأأأأ ’’’ |
أنا أهنيج على هالرواية الروعة أنا قاريتنها بأول منتدى نزلتيها فيه الرواية وبرد أقراها في هالمنتدى ومشكووووووووووورة على الابداع وننتظر رواية يديدة |
الحلقه الرابعه .. تركتني يا صاحبي من بعد صمت وياشين صمت القلب لا صرت غايب ,, أبعدت عني ومن بعادك تعلمت اني وحيد وانته كل الحبايب ,, غااايه محتاره وجنها ندمانه : أنا وافقت شهووود .. طالعتها وقلت بفرح : صـــــــدق غوايه ,, غايه دمعت : هي صـــدق ولا هالسواف فيها مصخره ,, قلت وأنا مستانسه : مبرووووووك حبيبتي والله استانست لج من قلب ,, غايه متوتره : شهد سكري ع السالفه عقب نرمس فيها ,, قاعده أسوووق .. طالعتها وقلت : أوكي حياتي ,, وأخيييييييييييرااا غوايه وافقت وبشوفها عروووس .. يا ربي اش كثر مستانسه أنااا ,, ربيعتي وربيعة عمري بتتزوج ,,, وناااسه ؟؟ بحضر عرسها والله بلبس هاااك اللبس اللي يسكت ,, ليش أنا كم غوايه عندي ,, قطع عليه صوت الموبايل ,, شفت الشالشه تخبلت رديت بفرح : هلا والله .. هلا وغلا ,, ......... : فديت هالصوت ,, اشحالج غناتي ..؟؟ رديت بدلع : شو تعتقد يعني من دونك ,, زايد : هههههه أسميج ممثله عوده ,, قلت : لا لا صدق والله تعبانه نفسيا ,, غايه تضحك : زيود الهرم بند .. تراها تخبلت ,, زايد سمعها وقال : صكيها بكف وتتأدب ,, قلت : مسهل ما طلبت ,, بس نوصل النادي هههه زايد : جيه ظهرتي ,,.. قلت : هي خير ..؟؟ زايد : وين رايحه ..؟؟ رديت عليه : نادي الفروسيه ,, ما قلت لي خير في شي ,, زايد : لا بس قلت أمرج ونظهر ,, رديت بسرعه : أوكي أوكي الحين برد البيت ,, (وجهت كلامي لغايه ) رديني الشقه بسررررعه ,, غايه : أميييه نحن وصلنا خلااااص قاعده أدور باركن ,, زايد ميت من الضحك : بلاااااااااج تخبلتي هههههههههههههههههه عاد أنا أوني زعلت : هااا يزاي اني أبا أِشوفك يعني ,, زايد : ههههه لا مب قصدي جذا ,, بس حلوه هاااي رديني الشقه بسرعه ,, قلت وأنا أضحك ع عمري : هههه صدقك أنا أتسرع بقراري وااايد ,, زايد يضحك عليه : يا متهوووره .. قلت له وأنا أجادله : مب أكثر عنك ,, زااايد : بس هااا ليكون تتهورين يوم تركبين ع الخيل ,, قلت له بحماااس : افااا شهوود ما تعرف للخيل ,, ابوي أنا سوولي مزرعه وبروض خيولكم حقكم,, زايد : زين زين ,, هاي شهود مب حيالله ,, قلت له بدلع : عفوا غلطان بالرقم ,, زايد يضحك شكله فهم عليه : اووووه سوري أقصد شمووخ ,, قلت : هههه حرمتك مأدبتنك هااا ,, زايد : صخي ,, شو ما تستحين يمبج البنات ,, قلت له : عااادي زيوود غوايه وشييوم أحبهم ,, زايد : مب ذابحنا غيررر هالحب نحن ,, أسمنه مخبلنج خبااال ,, قلت : حبيبي كيفي حلالي انت ,, زايد : أقووول شهووود قمتي تهذرين وااايد ههههه قلت : زيوووود خلني أستانس شوي ,, زااايد : أوكي استانسي بس روحج مب يدااام هالثنين بيحسدونا ,, قلت وأنا أضحك : هي فهاذي صدقت هههه زايد : عن يسمعونج بس ,, هههه قلت : عادي أنا أسبهن يدامهن ما عندي لاا كاني ولا ماااني .. زايد : حرمتيه وأنا مأدبنها ,, قلت : استح ع ويهك شو هالرمسه ,, زايد : العين بالعين والسن بالسن والبادي أظلم ,, غايه تباغم : يلا ماما انزلي بسرعه أخرتينا ,, زايد : هاذي مشتطه انزلي قبل لا تطلع لي من التلفون وتجتلني ,, قلت له وانا قاعده أنزل : ههههه والله بجتلها هي واللي دخل فكرة الجتل ببالها ,, زايد : فديتج أنا ,, ديري بالج ليكون تتهورين .. مب ناقص أفقدج بعد هههه قلت له وأنا أضحك : أوكي حبيبي .. يلا باي وصلنا النادي ,,, زايد : بايات حبي ,, × × الكلام مترجم من اللغه الفليبينيه الى العربيه ,, .............. : بس أنا مابا ,, أخوها : هناك هلنا وناسنا شتسوين تعيشين اهني ,, ايفا ,, أم شهد : بس أنا عيالي اهني ,, أخوها : أبوهم وينه عنهم من عشرين سنه .. عباله ياب عيال بس يصرف عليهم .. ايفا : والله مدري شسوي .. أخوها : بعدج صغيره والعمر يدامج وبعدين الفرصه ما تيي مرتين ,, ايفا : بس أنا مابي أتزوج ,, أخوها : فكري عدل وبعدين البنات بيكبرون وكل وحده بتروح بيت ريلها وأكيييد نهايتهم اهني لأنه هذي أرضهم بس انتي هلج وناسج مب اهني فكري عدل ,, ايفا : والله محتاره ,, وبعدين لو تزوجت أكيييد الأبو بياخذ بناته ,, أخوها : ما علييج .. وبعدين لو خذا بناته أحسن لج لأنه وجودهم مثل عدمهم وانتي تعرفين هالشي ,, ايفا : بس بعد هذيل بناتي وأنا تعبت عليهم وأحبهم ,, أخوها : انتي لين متى بتفكرين بغيرج,, عطيهم حق أبوهم خل يحس بالمسؤوليه شوي ,, أيفا : أوكي بس عطني مهله كم من يوم .. . . داااار الزين .. ........ : ما يصير أشوفج يعني ,, أحلام مستحيه : سوووااااف والله مايصير ما يخلوني ,, سيف : بس اليوووم انزين وعقب الين يوم العرس حتى تلفون ما بسوي لج ,, أحلام : والله ما يخلوني ,, حتى حرمة أخوك خالو أم شهاب . . تقول لا تطلعين يدامه ,, سيف ملان : لاااازم يعني ,, شو هالعادات كيف ما يصير ريااال يشوف حرمته قبل عرسهم ,, أحلااام : توك شايفني انزين ذااااك الأسبوع ,, سيف : بعد أبا أشوفج اليوم حبيبي ,, أحلااام : سييييف .. وبعدين لو شفتني اليوم يقولون شوقك يقل لي ليوم العرس .. سيف وجنه دخل بباله الكلام وتذكر شي .. : قووووووولي جذا من أول فاريين عقلج هالحريم شوق ما شوق ,, حتى وانتي يمبي أنا اشتاق لج ,, بس أشوفج ,, أحلام : اوهو علينا .. وبعدين لو ييت حرمة أخوك وأختك وأمي والحريم ما بيخلونك تدش تشوفني ,, سيف : انزين بييب لج سلم ونطي من فوق ههههههه أحلام : هي انته تمسخر علي ,, اش عليك عقب بتكسر ,, وما بيسوون عرس ,, سيف : لا لا لااا الا العرس ما يأجلونه ,, أنا مب مستحمل اني ما أشوفج أسبوووع واحد تبين العرس يأجلونه ,. أحلام : ههههه عاد لا تجادل وترااا ماشي تشوفني قلت لك ,, سيف : نستحمل اش علينا ,, والله لو بنت أخوي شهوود اهني جااان سووت المستحيل عسب أشوفج ,, أحلااام : هي اللي شفتها آخر مره في بيتكم ,, سيف : مادري والله المهم حليوه وأم لسااان هههه أحلااام : هي هي عرفتها حبوبه بعد ,, بس يقولون انها .......... سيف قاطعها : بنت الفليبينيه .. رجاءا أحلااام لا تفتحين الموضوع مره ثانيه ,, أحلاام لاحظت انه سيف عصب فحبت تغيير الموضوع : أوكي .... أقول حبيبي شذاوي وخلود شو مسووين أكييد مسويين جو وربشه ,, سيف يضحك : ههههههه لو أدري اني يوم أعصب يطلع الكلااام الحلو .. عاد يوميا بعصب ,, أحلام تذكرت الكلمه اللي قالتها : اوهو علينا انت كله جذا تركز ع حرف حرف ,, سيف : هههه .. الجو عندنا ع قولتج كله فسق بنااات ,, أحلااام : أقول سواااف يا ويلك يوم تدش يوم الزفه وتطالع يمين ولا يسااار ,, سيف : فااالج طيب ان ما بصبصت عدل ما بكون سواااف ,, أحلااام : سيف والله ان ما خليتني بحالي بسكر بويهك ,, سيف : قدها ,, أحلااام بتحدي : هي قدها ,, سيف : نشووووف يوم العرس أوكي حبيبي ,, أحلااام : سيف والله انك طفره ,, سيف : قولي انج مب قدها وانتهت السالفه هههههه × × خلود : بيتكم حلو هب ملل شرات بيتنا ,, شذى ببراءه : تعالي اسكني عندنا ,, خلود : يا ريييييييت ,, الله يخليج نحن حوينا واحد ولازم أستأذن قبل ما أطلع ,, شذى : تدرين عاااد الحوي عووود وشي وااايد عمال الواحد ما يروم ياخذ راحته ببيته بعد ,, خلود : من بعد ما رمست باابا ذاااك اليوم .. قااال يمكن ما بيحطون هالعمال والمزارعين اللي في الحوي عسب ناااخذ راحتنا ,, شذى مستانسه : صدق وأخيرا الواحد بيروم يتنفس ,, خلود تبتسم بدلع : تراني بدش ثلتعش بعد كم أسبوع ,, شذى : مب اروحج ,, وأنا بعد بعد شهر ههههه خلود : ههه هي تعالي خواتج متى ييون .. شذى : يوم الأربعا لأنه يقولون مدارس وجامعه ,, خلود : هي ي ي زين نتونس ع الأقل ,, شذى : شهووود ترقص عدل تسكت ,, تعرف حق المصري عدل ل ل ل خلود : ههههه ,, ع طاري المصري وليدوووه يقول لي بوثي ,, أونه شوفي ,, شذى تضحك : أكييييد من المربيه اللي عندهم في الحضانه خلود : أحسه صغير توه ثلاث سنوات وحطوه في الحضانه ,, شذى : ما عنده أحد في البيت لااازم ,, وبعد أبويه وأمايه قالو لأخوج يحطونه عندنا بس هو ماشالله عليه ما طاااع اممممررره ع باله بيكلف علينا ولا شي ,, خلود : تدرين عاد خلّود معقد شوي هههههه شذى : والله لو سمع بيفلعج ويفلعني وياااج ,, تعرفين خالد بعد انتي ,, خلود : اليوم أعتقد أبويه وعمي قالو له يتزوج أعتقد هالشي ,, شذى : وشو قااال ..؟؟ خلووود : كالعاده راااافض الفكره اممممررره .. شذى : زيييييين ,, تعالي أنا وانتي ندور له ,,, ( يهااال آخر زمن ههههه ) خلود : تبين رايي أنا في بالي وحده بس نرمسه عقب كم يوم وبنشوووف شو بيقول عنها ,.أعتقد نو ووووي يرفضها ,, شذى : أوووكي بس خبريني منو هاااي ,, خلود : أوكي ,, الله يسلمج ................ . . داااار الحي ...................... : يا أأأأأأأأخي ما قامت تحدر بعد ,, ولا ترد عليه حسن : تستاهل يزااااك .. سلطان : واااايد خذت بخاطرها يا ريااااال ,, حسن : أكييد ,, الحين انت تخرط ع أختها وأخر شي تباها ترد تثق بك ,, احلم بهالشي ,, سلطان : عندي فكره ,, حسن : ارمس وقووول ..؟؟ سلطان : أخطبها من أبوووووها ,, حسن تفاجأ عطا بريك ودق السكان وقااال : منووووووو ...؟؟ سلطان متفاجئ : بلاااك يا ريااال ,, حسن : تخطب منوو انت ..؟؟ سلطان : شيما منو بعد .. حسن يبرر تصرفه : صاااحي انته تخطبها وانت تعرف هالبنات كيف ,, سلطان : بس يا حسن ما ينلامن ع تصرفهن ,, يعني لا أبو ولا أخوو ,, حسن : في هاااي صدقت ,, سلطان : باخذها وأنا اللي بسنعها ,, وبعدين ماشالله عليها كامله والكامل الله ,, بس يبالها أحد يعرفها ع الدرب الصح ,, حسن : هي صــدق ,, بس ما أظن يوافقون ,, سلطان : جيه يعني أنا بشووو أقل عنهم ,, حسن : أختها ما راااح تخليها توافق ,, سلطان : بس يوم اني بتقدم لها أكيييد بتقول كانت نيتي زينه ,, حسن : ما اظن يا ريااال ,, وبعدين البنيه صغيره توها الا سبعتش سنه وأختها العوده بعدها ,, سلطان : أختها بتعرس بعد ,, ونحن شو يخصنا بالعوده ,, حسن : والله ما أدري يااا سلطاان ,, فكر بحل ثاني ,, السبب الأول أهلك ما راااح يوافقون انك تاخذ شيما وانت أدرى بالأسباب ,, سلطان يتنهد : هي أدررررري ,, بس مدري ليش هالبنيه بالذات دشت مزاجي من بين الكل ,, حسن : مدري كيف دخلت مزاجك معنها ...... عاد انت أدرى انهن يسولفن مع كل من هب ودب ,, سلطان يطالع حسن بنظرات : مب بس أنا اللي دشت مزاجي في غيري بعد دخلت مزاجهم ,, لا تنكر هالشي حسن ,, حسن يطالع سلطان : صاااادق ,, يمكن لأنه ما عندهن أحد يودهن عن اللي يسوونه يا خوي .. سلطان فهمني ,, دومه فاهمني ما أنكر هالشي .. في البدايه انفعلت قلت يمكن بيخطب شهد .. جن جنوني .. مدري ليش لهالدرجه أنا أغااار عليها واااايد أغار ع شهد يمكن كأخت بس الأكثر كحبيبه و وااايد أعزها .. × × ............... : شهوووووووووووووود .. طالعته صوبهم وأنا ع الخيل وهو قاعد يمشي شوي شوي : هااااا ...........؟؟ شييوم : في خاطريه أركب .. قلت بصوت عالي : ماشي ,, شفت الساعه صارت ست .. خلاااص لازم نظهر ونرد دبي الشوارع بتصير زحمه بليل ,,, أحسن لنا نلحق ع روحنا قبل هالزحمه .. قلت وأنا أخلي الخيل يتجدم عن الصوب اللي هم فيه وطبعا فيه عمال يشوفونا لأنه لا سمح الله الخيل لو بيصير به شي يلحقون علينا ,, نزلت من ع الخيل ,, والعامل مسكه .. تجدمت ببدلتي السوده مع البنطلون الأبيض والبوت الأسود والـهيلميت الأسود طبعا .. : ها شو رايكن فيني اليوم .. شييوم : طرررررر .. بس جيه ما خليتيني أركب ..؟ قلت لها وأنا أأشر بيدي : مناك مناك تبين تتكسرين ويقطونه عليه هاااا .. وبعدين ما تعرفين للخيل صح غايه ,, طالعت غايه أتريا منها رد بس فاجئتني يوم انها ما ردت مبين سرحانه قلت : غوااايه هللللللو .. غايه ردت تطالعني : هااا ... هلاااا قلت : وين رحتي ..؟؟ غايه ابتسمت لي : ويااااج ويااااج .. طالعت صوبهم : يلا بلبس عباتي ونظهر نرد دبي عن الزحمه بس .. غايه : هي صدقج ما أعرف أسوق في الزحمه راسي يعورني .. تلبست وظهرنا من النادي ,, تجدمنا عن شيشة بترول ,,,, عسب غايه تعبي بترول ,, وكنا ورا لأنه فيه سياره جدامنا ,, شيما : شهووود متى تاخذين الليسن ,, قلت لها : لما يبيض الديج ههههههه شيما : لا صدق .. متى .. قلت : أبويه مب موافق لو انه موافق جان من ثمنتعش سنه وأنا ماخذتنه ,, شيما : غوايه ماشالله عليها سويقه حتى في البر تعرف تسوق .. قلت : زين زين غوايه ,, ولا أنا عطيني السياره أظهر لج للرصيف ,, صح غوايه هههههه طالعت غايه مدري شو ياينها البنيه سرحانه اليوم مو بوعيها أبد .. الا أعرف شو وراها أكيييد شي جااايد ولا غوايه أبد هب جذا ,, طالعت شييوم مقدر ارمس غايه جدامها وقلت : شييوم سيري اطلبي لنا كابتشينو من واحة أدنوك وشوية شغلات .. شييوم تمد يدها : فالج طيب بس بيزااات ,, طالعتها ,, هالشحيه مدري طالعه ع منو بالشح ههه : هااااج خذي يالجحته ,, شيما : محد غيرج ,, طالعت شييوم لما نزلت وقلت : غايه بلاااااج ,,؟؟ غايه دموعها بدت تنزل : شهد مقدر أرمسج الحين اذا رمستج ما بيود روحي وبصيح وراسي بيعورني ومقدر أسوق ,, قلت لها : اوكي خذي راحتج ,, بس باجر يوم نرد من الجامعه تيين الشقه أوكيييه ,, غايه : انشاالله .. وين شييوم .. تأكدت انها ما كانت ويانا أبد وقلت : راحت تشتري لنا شي ساخن ,, غايه : هي زين .. بدت السياره اللي ورانا تهرن لأنه اللي يدامنا خلصت وراحت ,, تأكدت انه غوايه مو بوعيها .. الله يستر باجر بعرف .. معني لازم الحين اعرف بس .. غوايه ما تقدر تسوق يوم راسها يعورها .. × × ........... : أوووووووووف مالت عليها واااايد مليقه ما أدانيها ,, ميثا : برايها شو تبين بها .. سماح : الا أنتقم منها أوووف ولا هذا حسن ميت عليها مبين .. اممممممرررررره ما يرضى عليها .. ميثا : فهاذي صدقتي ,, حتى دوم يقول لها غطي شعرج ومدري شووو .. سمااح : شفتي كيف يغار عليها هب نحن اللي الله عالم بحالنا كل ما راحو مكان لحقناهم ,, ميثا : الصراحه نحن اللي مسويين بروحنا جذا ولا هذي شهد رافعه خشمها حتى الدكتور ما ترمسه عدل ,, سماح : صدقج ترمس الكل من طرف خشمها بنت الفلبينيه .. ميثا : هههههههه حلوه هااااي .. سماح : يقولون عرس عمها هالسبوع ,, ميثا : منووو عمها بعد ..؟؟ سماح .. : سيف الـــ ............ ميثا : اوووه بنت الفلبينيه طلع عندها أصل سماح : أي أصل وانتي الصاجه .. قولي بنت الفلبينيه ,, ميثا : خلج منها ... تعالي طالعي هذا أحسن لج .. . . طالعت الساعه .. خلاااص مب باقي شي ع المحاضره وتخلص ,, الحين بنظهر وبقول لغايه تردني البيت لااازم .. وتنزل معايه الا أعرف شو سالفتها .. طلعنا برع .. وأنا أتمشى ,, أتريا غايه تمرني عسب تردني البيت ,, لاااازم أعرف شو بها هذي ربيعتي الوحيده واللي أعزها وأمن عليها .. بس اللي فاجئني يوم سلطان تجدم صوبي .. سلطان : السلام عليكم .. قلت بدون نفس وأنا أعبل بالفون : وعليكم السلام .. سلطان : اش حالج ,,؟؟ قلت وأنا معصبه : انته شو ما تفهم قلنا لك ياخي ودرنا بحالنا .. ولا تباني أفهمك ,, سلطان : شهد اهدي وافهمي السالفه ,, اكتفيت باني أطالع صوب الباركنات ,, شفت سيارة غايه وقلت : روووح سلطان وانسانا خلااااص ,, ما عدت ذاااك الخل الغالي اللي نثق فيه من بعد ما خنت الثقه يا سلطااااان انساااااااانا .. سلطان بغا يرمس وما عطيته مجال انه يقول ولو كلمه و تجدمت عن سيارة غايه ,, شو ع بالهم لعبه نحن متى ما بغوا يلعبون بها يلعبون ويوم يملون يكسرونها ,, بس هذي الدنياااااا .. دخلت السياره : هااااااااي ألبو .. غايه : هااايات حبيبتي ,, قلت : يلا سرينا ,, صوب الشقه .. غايه : تامرين أمر انتي .. جيه نحن كم شهووود عندنا ,, اكتفيت اني أطالع الدرب وأبتسم ,, أحمد ربي على جذي صديقه وفيه ولا متى بشوف بحياتي وحده وفيه ,, متى ,, القى مثلها .. . . داااار الزين .. ......... : يا خي أدب هاااي خل ترمس عدل ,, خلود تتخصر : شو أرمس عدل بعد ,, أنا ارمس عدل مب انت اللي ترمس ,,,,,,,,, ( وسكتت ) خليفه طالعها بنظرات : والله ان ما صخيتي اسطار ع ويهج سمعتي ,,, خالد بصرامه : صخ انت وياها شو يهال تتضاربون جذا ,, خلود : ما يخصني هو بدا ,, يقول لازم تتغشين ,, خالد : شو تتغشى انت الثاني بعدها الا توها بتدش ثلتعش وتتغشى ,, خليفه : محد مخربنها غيركم ,, خلود : ما بتغشى طول عمري ,, وبعدين شو هذا أتغشى بظهر جني نينجا ,, خليفه : اسكتي لافلعج ,, خالد : خلاااص خليفه ,, وانتي خلود سيري حجرتج ذاكري ,, انفتح بااااب الصاااله وقال اللي دخل : السلام عليكم ,, خالد وخليفه : وعليكم السلام .. خلود راحت لأبوها وهي تصيح ورمت روحها في حضنه : بابا .. بوخالد مستغرب : شو السالفه ,, ( رفع راس خلود )بلااااج حبيبتي ,, خلود تصيح : خلوف يقول تغشي ,, بو خالد ضحك : هههه عسب جذا ,, ما عليج منه أنا أبوج وأقول لج لا تتغشين ,, خليفه طالعهم بغيض بس أبوه طالعه بمعني خلها ياهل بعدها ,, ورد يطالع خالد وشهاب واقف ورا عمه .. بو خالد : أنا ساير أرقد يا عيال ,, وانت خالد خل شهاب يساعدك في الملفات اللي عندك ,, صعد بو خالد ,, خليفه طالع شهاب : بلااااك طفران ,, شهاب يحج شعره بملل : عمي وأبوي يايبيني غصب ,, أونه أساعد خالد وانا شو يفهمني الحين .. خالد ابتسم وبدا يلاعب ولده وليد ,, خلود : هي لاااااااااازم كسوووول تراااك ولا شو دراك بالشغل انته وأشكالك ( تأشر ع خليفه ) خليفه طالع خلود : تعالي وظاهره جدام شهااااب بدون الشيله سيري البسي شيلتج لأااايييج الكف اللي يأدبج ,, خلود تصعد : والله انك معقد الله يعين اللي بتاخذك ,, شهاب يصارخ : نونوه ,, تصيح عشان قالو لها تغشي ,, خلود من فوق : ماااااااالت عليك انت وياااه ,, ( وشردت ) خالد : يلا شهااااب تعال المكتب ,, شهاب طالع خليفه وتبع خالد بمعنى الله يعيني ,, قال له خليفه : الله يعينك ,, × × شيخه : جاااابر يلا تأخرنا ,, جابر : انزين .. سعود وينه .. شيخه : طرشته مع الوالده بيت أبوي .. جابر : تراااج بتعلمين الولد ع الهياته من الحين ,, شيخه تبتسم : الا هو سنه ونص ما بها شي ,, جابر يقلدها : هي ما بها شي ,, طلعت شيخه تترياه في الصاله وطلع جابر معااه السويج والموبايل .. وقال : يلا نسير ,, شيخه : بس قبل أباك توصلني الخياااط عسب أخذ عنه الملابس مال أمايه طلبتهن عنيه ,, جابر : ويا طلباتكن انتن الحريم .. ما تخلص ,, شيخه : عاااد هب أنا هذي الوالده ,, جابر جنه تذكر شي : هي .. خواتج من أبوج بييون .. شيخه : هي جيييه ,, جابر : لا بس قلت مب حلوه عرس عمهن وما يحضرونه .. شيخه : لا عاااد عمي روحه بيروح ييبهم ,, جابر : ذااااك اليوم جني شفت أختج شهد هذي أظن في المركز ,, شيخه بنص عين : الحين انت تروح المول تتشرى ولا شغل ولا تبصبص .. جابر ضحك : صج ناقصات عقل ودين .. شيخه : هي قص عليه بكلامك هذا انت قص ,, جابر شغل المسجل وقال : شيخووووه ان ما صخيتي ما شي روحه .. شيخه طالعته مبتسمه : خلاااص خلاااص هه بسكت .. الا تمنعني عن الروحه ههههه جابر : أعرف ادواج تراني مب مأدبنج غيري .. . . داااار الحي ... ................ : يعني وافقتي عليه غصب ,, غايه تصيح : لا لا بارادتي هالشي ,, بس مدري ليش ,, قلت : انزين ليييش تصيحين يعني لو هب مقتنعه هب لازم تتزوجينه ,, غايه : مقتنعه به مب ناقصنه شي يا شهد ,, قلت وأنا صبري نفد : عااااااااد شووو يا غايه ,, جيه تصيحين والريال زين وجنتل .. غايه : بيحرمني منج يا شهد ,, حاولت أيود روحي بس قلت : شو انتي غبيه ,, غايه : بيحرمني منج يا شهد .. قلت وأنا مب مهتمه : شو انتي صج ما فيج عقل جيف يحرمج مني ,, غايه : مايد مب مخلي خواته يرابعونج تبينه يخليني أنا .. قلت : غايه بس مايد بينفعج أما أنا لأأأ مدري لي متى بتم وياااج .. ع الأقل مايد ريااال والكل شاهد ع أخلاقه ,, غايه تصيح : بس أنا يمكن هذي آخر مره أشوفج فيها ,, تدرين ليش ,, طالعتها وقلت : ليش ..؟؟ غايه : لأنه ملجتي بعد أسبوع ,, قلت لها : بيي ملجتج انزين ,, غايه : ما بنسوي حفلة ملجه بس حفلة عرس ,, قلت لها وأنا أبتسم : أفااا عليج بحضر عرسج وبرقص المصري مالي ههههه غايه ابتسمت بس ابتسامتها اختفت : شهد سامحيني ع أي غلط بدر مني .. طالعتها وتنهدت وقلت : ما عليج ,, انتي ربيعتي اللي لا يمكن أفهم غيرها ,, غايه مسكت يدي وقالت : شهد أنا يمكن مقدر أشوفج عقب ولا أكلمج بعد ,, قلت لها وأنا أمسك يدها : فاهمتنج حبيبتي فاهمتنج ,, وبعدين من حقه هذا ريلج ,, غايه وقفت وباستني : ديري بالج ع روحج ,, شهد ,, طالعتها دمعتي بغت تنزل بس داريتها : وانتي بعد ,, غايه : حاليا بيكون بينا اتصال بس عقب مدري عاااد يا شهد ,, قلت : ما يهمج ,, يمكن بصير أحسن عن جذا و ريلج بيرضا تزوريني .. غايه : انشالله ,, مسحت دموع غايه : عااد لازم تيين عرسي أوكي ,, غايه ابتسمت وباستني بعد : أكيييييد وبرقص الهندي مالي هههه ابتسمت وأنا قاعده أودع غايه مدري ليش ,, أحس روحي بالفعل بودعها ,, مايد مستحيل يخلي زوجته ترتبط بوحده مثلي يمكن بسببي راح ينهدم بيته ,, أكيييد وحده ما وراها شي ماخذه الحياه بسهوله شو يعني أخرتها ,, وكيف بتكون نصايحها ,,, طالعت التلفون يرن .. : أووف وبعدين مع هذا ,,, تجدمت عن التلفون وضغطت زر الاغلاق ,,, خل يولي سلطان .. متفيج هالانسااان بعد اللي سواااه يبا يتصل بي الحين عسب يتأسف وأرد اثق فيه ويطعنني المره اليايه طعنتين عسب أموووت ,, بس حامض ع بوزك محد يقدر يوصل شهد بنت الفلبينيه ههههههه حلوه هاي بنت الفلبينيه ,, خذت نفس عميق وبندت باب الحجره وسندت عليه ,, تجدمت عن السرير وضغطت ع زر التشغيل ,, وشغلت الفون مره ثانيه ,, حطيت راسي ع المخده .. ما حسيت الا والفون يرن .. توني بتجلب عسب أبنده ولا مكتوب .. بلسم جروحي ,, رديت بسرعه : هلا والله هلا بحبي ,, زايد : هلا وغلا بالروووح ,, قلت : اشحالك حياتي ,, زايد : بخير حبيبتي انتي شو مسويه ..؟؟ قلت : تمام دام حبي رد عليه ,, زايد : هههه فديتج أنا ,, قلت له : يفداك كلي وربي ,, ها وين أراضيك ,, زايد : بالشقه وين بعد ,, قلت : قول لأهلك ييون يسكنون في دبي ترا وااايد أحسن لك ع الأقل أحد يهتم بك ,, زايد بغموض : واذا اللي بيهتم بي .. بيصير لي قريب ,, فهمت قصده واستحيت وقلت : تصدق غوايه انخطبت ,, زايد : هي مايد ربيعي جنه خطبها ,, مب هي بنت عمه ,, قلت له : هي هو ,, استغربت ليش .. مايد وزايد ربع بس زايد تفكيره يختلف عن تفكير مايد ,, الحمدلله أحسن عسب أعيش حياتي ههههه وأرابع اللي أبا زايد : زين ,, سلطان رمسج ,, قلت له : هي اليوم رمسني في الجامعه لبسته ما علي منه خلاااص ,, زايد : الريال ماكان قصده سامحيه عاد ,, وحلف انه نيته ما كان بها شي ,, قلت له : خل يشرب ماي البحر بعد بس رضا ماني راضيه ,, زايد : شي راجع لج انتي ,, هااا الأربعا بتروحون العين ..؟؟ قلت : هي .. وناااسه عرس ,, زايد : بالمره تشوفين أبوووج ,, قلت وأنا أتنهد : هي بنشوووف بابا بعد ,, زايد : عااد دوري لي عروس حلوه في العرس ,, قلت وأنا عيوني بتطلع : عيد عيد .. لو سمحت زايد يضحك : ههههه بلااج أتمصخر وياااج ,, قلت : هي أتحرا بعد قلت يمكن شايف لك شوفه ,, زايد : لا لا تخافين .. عيني ما قامت تشوف غيرج من يوم حبيتج يا حلوه .. قلت أوني مستانسه : ثاااااانكس حبي ,, زايد : أوكي يلا حبيبتي بسكر عنج ,, قلت : لااااااا حرااام تم ويايه حرااام ,, زايد : وراي دوام باااجر .. ترضين أروح الدوام وأنا مبطل عين ومصكر الثانيه وأسوي حادث ,, قلت وأنا متخرعه : بعييييييد الشر عنك حبيبي ,, زايد يضحك : أوكي عاد سكري ,, يلا باي ,, قلت : الله يحفظك ,, غمضت عيوني بألم .. ما أتخيل يوم اني أفقد زااايد ,, ما أقدر ,, كيف بيكون حالي وقتها ,, الله لا يييب هاليوم .. ما أتخيل روحي بلاااه .. يعل يومي قبل يومه .. الا زااايد لو راااح روحي تروح معاااه .. من يحبك كثر ما أحبك أنا من بحبك حاول وياما اجتهد من في عينه شوفتك كل المنى لا ورب العرش ما غيره أحد بالفعل يا زايد من يحبك كثر ما أحبك أنا ,, محد بهالكون بيحبك كثري ,, السبب الرئيسي .. الحنان االلي فاقدتنه حصلته عندك انت ,, انت وبس يا زااايد ,, والله اني أهواااااااك عدد ما قالوها وبيقولونها .. وعدد رمل البر والبحر ,, × × بعد مرور .. يومين ع الأحداااث السابقه ,, وقف تحت البنايه ويكلم ربيعه ويترياهن بالسياره ,, مستانس باجر بتتغير حياته وأخيرااا بياخذ اللي يفكر بها ويحبها من كل قلبه ,, صح طريقة زواجهم تقليديه ,, لأنه حرمة أخوه هي اللي اختارتها .. يعني لا حب ولاشي ,, بس يوم جافها وكلمها في الملجه تعلق بها وحس انها بالفعل اللي بياها شريكة حياته وهي اللي كان يدور عليها من زمااان هي اللي كان راسم تصرفاتها وأخلاقها بمخيلته ,, ما توقع يوم خطبو له اهله .. انها بهالجمال وهالأخلاااق ,, حبها واااايد ,, قطع عليه تفكيره صوت الباب وهو يتبطل ,, ابتسم وقال : هلا والله ,, ابتسمت له وقلت وأنا أركب جدام : هلا عمي اشحالك ,,؟؟ عمي سيف : تمام انتو اشحالكم ,, ..؟؟ ردينا أنا وشييوم : تمام .. عمي سيف : كل الأشيا يبتوها خلاااص ,, قلت له : هي العامل ياااه وحطهم في الدبه ,, عمي سيف حرك السياره : يلا توكلنا على الله ,, طالعت برا ,, مابي أطلع من دبي لو ساعه وحده ,, أنا روحي اهني عاااد لو أطلع منها أسبوع الله يعلم شسوي ,, ما استحمل فراااق دبي ,, شوقي لها شراات شوق الولد لأمه يوم تسافر .. أحب داااري واااااااااايد أحس بها بأمان ,, وااايد ,, قطع علي تفكيري وعمي يسألني : شو الجامعه ..؟؟ قلت له : أوكي ,, الحمدلله ,, عمي سيف : وانتي شييوم ..؟؟ شيما : تمام .. عمي سيف : شييوم ذاكري عدل عسب تيبين نسبه السنه اليايه ,, شيما ابتسمت : انشالله ,, حسيت روحي أنا بعد مستانسه .. حلو الواحد يوم يهتم فيه أحد ويسأله عن دراسته وحياته ,, شي حلو أحد يهتم بنا .. عمي رد يطالع الدرب وقال لي : شهد انتي شو ناويه بس ع دبلوم ,.. قلت : هي دبلوم وايد عليه ,, عاد الماجستير شعري بيبيض يوم أخذه ,, عمي : بس الاراده والطموح حلوين.. شوفي الحين أنا أشتغل وأدرس معني بنهاية العشرين .. قلت له : عمي حسب الاراده والطموح هو .. عمي سيف : شفتي شو فايده الاراده والطموح .. قلت له : بس أنا أحب الشموووخ هههه عمي ضحك عليه : شهوود بعدج ع حركاتج ,, قلت له : هي لو كل شي يتغير الا أنا وتصرفاتي ,, عمي : وبعد حلو الواحد يكون واااثق .. شييوم : عمي سيف مستوي ناااصح اجتماعي ليكون العرس أثر بك .. عمي ضحك : هي شكلها السالفه جذا ,, بس أحاول أخلي أختج تكمل الين اللا نهايه ,, شييوم : هذا وأنا مقرره بس أخذ الثانويه وبس ,, عمي بسخريه : هي خليتج أنا ,, ضحكت ع شييوم : هي عمي كلمها وفهمها ان الدراسه زينه ,, عمي سيف : لا شييوم قاعده تمزح ويايه صح شييوم .. شيما : هي .. بس هذي شهود تحب ترفع لي ضغطي ,, رااااااح وقتنا ونحن نسولف ونضحك ... وعمي شغل المسجل ,, ومبين عليه مستانس ,, اش عليه معرس وعرسه باااجر ,,, . . دااار الزين ,, خلود : صخي لاااااه .. كل شوي رايحه راده أعوذ بالله جنه ريلج يترياج برع ,, شذى مستانسه : خلوووود عمي مت ييي مليت ,, خلود : بس تدرين مو حلوه نروح قبل ,, نروح مع خواتج أحسن ,, شذى : متى بيوصلون هم أصلا .. صارت ثمان وهم بعدهم ,, خلود : الحين بيوصلون انتي اقعدي ,, شذى تجدمت عن الكرسي عسب تقعد .. الا وباب الصاله يفتح .. نطت شذى من مكانها ,, وراحت صوب الباب وهي مبتسمه .. شذى : هلا والله هلا منورين دااار الزين .. شيما ابتسمت : منوره بأهلها ,, شذى : وين شهد وعمي .. شيما : توهم قاعدين ينزلون ,, خلود يت صوب شيما : اهلين ,, اشحالج ..؟؟ شيما ابتسمت : بخير ومن صوبج ,, خلود : تمام الحمدلله .. دخل سيف ويمبه شهد وقال : السلام عليكم ,, شذى وخلود : وعليكم السلام ,, خلود تضحك : هلا بمعرسنا هلأأأ سيف يضحك : ها تجهزتو خلااااص ,, شذى : هي خلصنا ,, شيما مستغربه : ع وين ..؟؟ سيف : ترا انتو بعد بتييون اليوم الحنه ببيت هل العروس .. شيما : هييييه .. أنا جاهزه .. شهد : أنا ما بيي .. سيف مستغرب : جيييه ..؟؟ شهد : تعبانه شوي ومب يايبه ويايه ملااابس للحنا .. سيف : خذي مال شيخه .. شهد : لا مابا ,, تعبانه شوي اليوم .. سيف : أوكي بس اذا سألو عنج .. شهد :أنا برمس أبويه ,, سيف : أوكي برايج .. يلا بنات ,, خلود : بس بسير بوصل شهد حجرتها لأنه عمي قال لشذى انه غيرو نظام الحجر ,, شذى تضرب راسها : هيييي نسيت ياربيه ,, شهد ابتسمت لخلود : يلا خلود تراني ميته تعب ,, خلود : أوكي ,, خلود دلت شهد ع الحجره .. شهد دخلت الحجره وخلود ردت عسب تنزل .. بس في صوت يدامها وقفها ,,,,,,, خلود متخرعه : بسم الله ,, ......... : هههه قطوه تخافين بسرعه .. خلود : شوهذا انت بعد خرعتني ,, شهاب يطالع خلود ويطالع فستانها ,, وقال : انتي ايييييه ليكون تسيرين بيت هل العروس جذا بهالفستان بدون عباااه .. خلود سوت له طاااف وقالت : ترا أختك بعد جذا ,, شهاب لحقها يودها وقال : سيري البسي عباااه وهذيج أنا الحين براويها .. خلود : شسوي لك يعني ما عندي عبااااه أنا ,, شهاب طلع عيونه : خيييييييييبه ثلتعش سنه وما عندج عبااااه .. خلود : هي ترا بابا قال ما بلبس عباااه الا يوم أخلص ثلتعش ,, شهاب راح صوب حجرته وسوا لها طاااف هالهايل أبد ما تعقل ,, ذيل شذى وشذى ذيلها ,, أبد ما بيختلفون بشي .. . . خالد ومعاه ولده وليد يحوطون في حوي البيت .. ,,, تدرون شو احساسي الحين ,, احساسي ,, اني قبل أربع سنوات بنفس هاليوم .. كان يوم الأربعا ,, كنت أتريا باااجر بأحر من الجمررر ,, كنت أتريا اليوم اللي بعيش فيه مع شريكة حياتي وبتكون ملكي فيييه ,, مر يوم وبالفعل كان أحلى يوم بحياتي ,,, اليوم اللي خلااص بودع العزوبيه وببدا حياه يديده مع انسانه هويتها من صغري ,, لأأأ مب من صغري من مراهقتي ,,, بالفعل هي اللي هواها قلبي وحبها ,, بس س س س .. بعد سنه أو يمكن أقل ,, تركتني بروحي ,, فرحتي نقصت ما اكتملت للأسف ,, ما فكرت بيوم في حياتي اني بفقدها ,, حتى مجرد تفكير ما فكرت انها بتروووح لعالم ثاني بس هذي الدنيا غداااره وتاخذ أعز وأغلى ناسنا ,, ولاااازم تهدم سعادتنا وتحطمنا من الداااخل ... رجعه لوعيه صوت ولده اللي طبق الأصل من أمه اللي توفت وماتت موته طبيعيه عاديه وهو يقول لأبوه: بابا طلع هادا .. خالد : حبيبي عقب الحين الجو بارد بتمرض ,, وليد : لا لا لا حللللللللل ,, خالد : زين زين هههههه عنلاتك يالهرم قمت تفهم ,, .. ( بس سوا له طاف وما طلع الكوت ماله لأنه برد ) وليد : بابا أمي ثيف ياب بنات بيت ثذى .. خالد دار بباله.. أكييييد ياب شهد وشيما .. توهم واصلين .. غريبه المغرب ,, قال الصبح بيروح وراهن .. أكيييد عاد طلع عندهن امتحانات ولاشي .. عسب جذا تأخرو .. . . داااااااار الحي .. وصايف : يا ربيييييييه اش كثر مستانسه أنا ,, مووووت لأنج صرتي حرمة أخويه .. غايه ابتسمت : بعدني مب حرمته ... انزين ,, وصايف : بتصيرين انشالله هع ,, مهره دخلت ومعاها اللاب توب : أقول غوايه طلعت موديلات فساتين طر في النت ,, غايه : هههه صدق عاد يبالي واحد كشوخي ع ذوقج ,, وصايف تصاااارخ : وأنــــــــــــا يعني ذوقي حيالله .. .......... دخل : عنلاااتج شو من صوت عليج طريتي طبلة أذوننا .. بس تفاجئ لما شافها وقال : اش حالج بنت العم ,,؟؟ غايه نزلت راسها : بخير وعافيه .. ومن صوبك .. مايد راح صوب الدري : بخير ,, مهره تعالي أباااج ( وصعد ع الدري ) وصايف تقول لغايه : هذا كله يبا مهره أبد ما يباني اممممممرررره ,, غايه ابتسمت ع خبال وصايف : اعقلي وبيباج ,, وصايف تتأفف : أحاااااااول والله ,, بس هذا ميوووود أسمنه مغثه الله يعينج عليييه ,, غايه ابتسمت بحزن ... بالفعل الله يعيني عليه ,,, شهووود شخبارها الحين ,, اتصلت بها اليوم الصبح .. وهالأيام يمكن آخر أيام بنتلاقى بها ما ظني بشوفها عقب ما أتزوج ,, مايد ما بيخليني ,, كنت برفض ,, بس الكل حولي يقولون خذيه ,, بس أنا اللي أقول لأأأ ,, حتى شهد اللي هي شهد ,, وبفترق عنها بسبة هالزواج قالت لي خذيه ,,, يمكن هالشي خير لي ,, ومايد هو نصيبي ,, بسسسس ,, ليش بيبعدني عن شهد ,, شهد لو تروح جنها روحي وراااحت مقدر ع فرقاها ولا أستحمل بعادها اممممررره .. هي حياتي وخوية البال والكون واللي أحبها من جـــــــــــد ,,, . . خالد : أوكي خلاااص ياينك .. ...... أوكي ثواني بس .. هي بحط وليد وبيي ,,......... يلا فمان الله ,, وليد يطالع أبوووه : بابا بتلوووح ... خالد طالع وليد اللي شوي وينقع من الصياح : بابا برجع مره ثانيه انشالله .. وليد : مابي مابي هلاااام لا تلووووه ,, خالد شل وليد عن الأرض وياااه صوب المطبخ اللي ببيت بو شهاب ,,, خالد : مرياتي ,, مريــــــــاتي وينج ... دخل ,, : مرياتي تعالي شلّي وليد بظهر أنا ,, صدت ... شافها ,, هذي مب لابسه لبس الخدم ,, قال : منو انتي ,, ؟؟؟ شهد طالعته وقالت : خير في شي ... خالد نزل نظره للأرض لأنه لابسه لبس صح انه مستور بس شعرها برع ,,, وقال : ازقري الخدامه ,, لفيت عنه وأنا طالعه : عطني اياااه أنا بوده حقها ,, خالد : لا لا ازقري الخدامه ,,, ما جادلته برايه هو وولده : أوكي ثواني ,, شو هذا .. خايف على ولده مني جييييه قالو له وحش مفترس وأنا مدري أسمنهم هالعايله مغرورين .. ـــونه ازقري الخدامه ,, ما قول الا ماااالت لو كل الناااس شراتهم ,,, هذا خالد المغرور .. الكل يقول عنه مغرور بالفعل هو مغرور واااايد ... وصلت الطابق الثاني وقلت وأنا أصارخ : مرياتي مدري برياني انتي اييييييه سيري معزبج يبااااج .. مرياتي : أوكي مداااام ,,, قلت : مدام فعينج ,, بعدني مس ,, انجلعي سيري معزبج يباااج .. سمعت صوت من وراي ,, : ما يعاملون الخدم جذااا ... لفيت وأنا متخرعه شو هالبيت مسكون .. طالعته : خير في شي ...؟؟؟ خالد : مرياتي شيلي وليد ,, ( شدد ع كلامه ) كان يصيح وربع فوق جان اربع ورااااه ... مرياتي شالت وليد ,, أنا رحت صوب الممر توني بروح صوب الحجره سمعته يقول : ما تنلامين مب متعوده ع الخدم .. دخلت الحجره ,, ورضخت الباب بقووووووووه حسيت اللي راقد بالبيت بينش ,, تجدمت عن السرير ,, ورفسته باقوى ما عندي : حيوواااااااااااااااان جلب ,, ,,,,,,,,,,,, : آآآآآآآآآآآآآآآآآآآآآآآع ع ع ع عورت ريولي ,, صدق انه ما يستحي ع ويهه أونه ما تنلامييين مب متعوده ع الخدم ,, طالع شكله اهو قبل ,, هذا ما يعرفني جيييه يرمسني باستحقااار جذا ,, رحت صوب المنظره ,, شفت شكلي ,,,,,, ............ ::: أووووووه صح مب لابسه شيله أنا ههههههههه عسب جذا .. ما يطيقني ,,, ما راااح أنكر هو كذا مره يااااه صوبنا دبي وطالعني بالمولات جذا بقصتي ,,, بس هالمره أثبت له انه بالفعل الحياااا ذاااهب عني ومعدوم يوم كلمته عادي ووقفت يدامه بدون شيله ,, بس يلا أنا نص شعري برا ,, شو تفرق لو كله برا ,, . . تجدمت عن الشبريه ,, فوووديتها اشتقت لها بتصل بها ألحين أحسن لي وبعدين باجي وقت على ما يردون من العرس توها تسع ونص وليلة الحنه تخلص بسرعه لأنه باجر الزفه ,, بتصل بغوايه أحسن لي وااااي فوديتها اشتقت لها مووووت .. . . ..................: آلو .. قلت : هلا والله هلا ,,, هلا بالقاطعه ,, غايه : هههه فديتج ,,, اش حالج ..؟؟ قلت لها : بخييير ,, بس مدري أحباب قلبي ساهيين عنيه ,, غايه : لا وحياتج بس نحن اليوم ببيت عمي فالشارجه .. قلت لها : آآآهاااا بيت حبيب القلب ,, غايه : هي نعم هههههههه قلت : يا حظج عقبالنا ,, غايه : أميييين يارب عقبي ع طوووول تتزوجين .. قلت لها : آميييين حياتي ,,, شو الأجواااء عندكم ,, غايه : ناااار وشرراااار ههههه .. لا بس الجو ريلاكس محد فالبيت غيري أنا والبنات ,, ومايد شكله رقد .. قلت لها : شي تيييييب ع قولة أمااايه ههههه .. غايه : ههههه فديت هالضحكه ,,, شو جو العرس عندكم ,, قلت : ما رحت الحنه ,, وبعدين أنا ما أحب أحضر الحنه بس أحضر يوم الزفه ,, غايه : أحسن شو تبين بصدعة الحريم والزحمه يوم الحنه ,, قلت : هي صدقج ,, غايه : شو الأهل أوكي هالمره ولا ,, قلت : ما شفت أحد غير شذى وخلود وهذيل يهال يعني ما تهتمين لرمستهن ,, أما خالد شفته ملييييييييييق وع ومتكبر وااايد ,, غايه : بو وليد هذا ,, اللي يا ذيج المره صوبنا يوم نحن في الوافي ,, قلت : علييييج نووور هو .. زين كنا في الوافي وما كنت كاشخه وااايد ههههه لو دبي مول جان يرني من شعري وردني البيت ,, غايه : ما أظن .. قلت : انزين صدق ,, ايخسي الا هو يمطني من شعري ولا أنا متى أهتم لهالأشكال يا ماما ,, غايه : يلا عاااد عليج بالرزانه وتصرفي عدل أوكي ,, قلت لها : مسهل ما طلبتي والله ههههههه غايه : أدري انه أصعببببببب شي عندج الرزانه ,, قلت وأنا َأضحك : دامج تعرفين جيه تنصحين هااا .. شريفة مكه ,, غايه : محد غيرج ,, قلت : تدرين جنه رصيدي بيخلص ,, غايه : أفا أفا بنت ............. وتحاتي الرصيد ,, قلت لها وأنا أضحك : صدق انزين أحاتي الرصيد ,, مب طايع ابويه الله يهديه يظهر لي خط ,, غايه : لو خط عاد فلّس أبوج من الفاتوره ,, قلت باستهزااااء : الحناااان له نهايه عندنا أما البيزااات لا نو وي ,, يعني ما بيفلس هههه غايه : شهود ياااج شي تخبلتي يا مره ... قلت لها : مره بعينج ,, مب مره الا انتي ... صرتي لي مرياتي يوم تقول مدام .. يا ناااس بعدني فتااااااااه جيه تكبروني يعني .. غايه : السمووووووحه عاده يا آنسه .. رضيتي هالحين .. قلت وأنا أضحك .. : صدق اني شهوده أروض اللي ما يتروض بعد ,, غايه : ماخذه مقلب بروحج ترااااج شهدووووه .. ضحكت : يلا صدق الحين بيصكر بويهج ,, بعبي وبتصل بج ,’ غايه بحيا : شهووود لا تدقين اليوم لأني ببيت عمي ,,, فهمت عليها وقلت : لااا عادي حياتي فاهمه عليج ,, وبعدين ما بينا نحن هالرسميات وأنا ما أزعل فديتج ,, بس سس س س س الصراحه هالكلام حزززز بخااااااطري واااايد ما بجذب وما بقول شوي لأنه بالفعل وااايد يعني صااارت الصداقه رخيصه ,, قام أي أحد يقدر يفرق خويين عن بعض ,, بس مستحيييل ومن سااابع المستحيلااات يفرقون بين قلوبنا ,, بالفعل تركتيني يا غايه ,, تركتيني وأنا محتاجه لج ,, بس بعد ما راااح أقول لج ,,, أحاول أحل كل شي بصمت ,, لأني أدري لو قلت لج يمكن هالشي بيأثر بنا ’,, غايه : والله مدري شقول لج .. بس والله يا شهد من جد من جد اني أغليج ,, قلت لها : وأنا بعد .. أكثرررر .. شو هذي من جد انتي الثانيه ,, لا تصدقين تحريت من أبو .. غايه : لا لا ترااااه هذا النيو لوك مالي قمت أخربط بالرمسه هههه قلت وأنا أضحك : بتبندين ولا أبند فشكلج هاااا ... غايه تضحك : يلا باي حبيبي ,, قلت لها بدلع وأنا أبوس الفووون : باي حياتي ,, اموووووووووااااح .. ... سمعت صوت ضحكة غوايه .. فديتها يعل ربي يديم عليها السعاده ويوفقها بحياتها ,,, صحيح اني بفترق عنها بس ما راااح أرتاح الا يوم هي تكون مرتاحه ,, حتي ولو ما بشوفها المهم عندي انها تعيش براحه يا رب ,, وفقها واسعدها بحياتها .. أوووه صح تذكرت حبيبي وحياتي اليوم ما رمسني ,, غريبه ... يمكن يدري اني بأي لحظه بكون مع الوالد أو مع الأهل عسب جذا ما يتصل بي ,,, بس والله أشتاااق له وحتى ولو ييي ييلس يمبي ,, وحتى لو يبيني بقول له .. بكل أحساسي وجوارحي وكل شي حي فيني لبيك ياللي من عشقتك قمت أحس اني حظيظ يا مغويٍ نفسي ونفسي ذايبه من غييها أنا أدري ان كل الليالي سود والأيام بيض دامك معي ما همني في كثرها و شويها × × في العرس ,,, شيخه بصوت عالي لأنه صوت أغاااني ,,, شيخه : وينهاااا شهد ,, شيما بنفس الأسلوب : في البيت تعبانه ,, بس باجر انشالله بتحضر ,, شيخه : زين ,,, باااجر حتى ولو متكسره لااازم تحضر عرس أصغر عم ههههه شيما ضحكت : هي وشهووود عاد تعرفينها دلوووعه تحب الفنادق والقاعات مب مال قوم خيم وهالسوالف ,,, والحنه عندنا دوووم تكون بخيمه .. ببيت أهل العروس .. شيخه : الله يعين اللي بياخذها ههههه شيما : صدقج .. لا وباجر بترتبش شهووود عدل .. لأنه شكلهم بيبون دي جي طررر عمي قال مخسرين عليه وااايد شيخه ضحكت : كلمالها ذنوبنا تزيد ,, شيما : هي صدق مع هالأعراس تتدبل ,, شيخه : أقووول حبيبتي شيلي سعود ,,, بروح بشوف أمايه اذا محتايه شي ,, شيما شالت سعود اللي عمره سنه ونص وتموت عليييه ,,,وباسته وقالت : أوكي ,, شذى يت وهي مرتبشه وحالتها حاله : شييوم تعالي ويايه ,, شيما ماسكه سعود : فديتج معاي سعووود ,, خلود سيري ارتبشي وياها أحسن عن القعده ,,, خلود : مابا تعبت بتم وياااج ,, شذى : بيتمون عندنا الين السبت يلا تعالي حرااام وبعدين عمي ما بيعرس الا مره ,, شيما ابتسمت لخلود : بس شيخه تشله بيي برتبش وياكن يلا سيري ,, خلود ابتسمت : أوكي .. بس تيين هااا ,, شيما حركت راسها بالايجاب : أوكي ,,, وبدت تلاااعب سعود الصغير وهو يضحك وياااها ,,, . . لهالدرجه أنا خاااايفه منه ,, لهالدرجه مخلتنه يتحكم بي ,, أحبه ايه أحبه بس مب اني أضعف جدامي وأنا أعتقد ان لي الحريه باختيار ربيعاتي وهو ماله أي علاااقه بهالشي ,, لأنه الصديق يبان وقت الضيق وشهد وقفت ويايه بوايد مواقف ,,, والله انها أحسن صديقه شفتها بحياتي .. مثل ما هو راااح يكون له الحريه لاززززم أنا بعد أفرض رايي ويكون لي حرية الاختيار ,, بسسسس مايد مستحيل يرضا بهالشي ,, مايد انسااان متحكم بيتحكم بي وبيمشيني ع كيفه ,, ولو جادلته أكييد هالشي مو بمصلحتي أبد .. و هالشي أبدددد ما رااااح يرضي شهووود وبتزعل ,, أدري لو الثمن حياتها بتختار سعادتي ,,, مهما كاان الثمن اللي بتدفعه .. لفيت عسب أطلع من المطبخ .. كنت يايه أشرب ماااي بس وااايد طولت كلمت شهد وبالمره كليت شوي لأني كنت يوعااانه وميته يوووع .. وين راحن وصايف ومهره .. ليكون رقدن بسير ألحق ع روحي أحسن لي ,, طلعت وأنا أسرع بخطواتي ,,, بس في صوت وقف الدم بعروقي من الصاله ,, ................. : ليش مب راقده هالحزه ,,, ؟؟؟ |
ما شااء الله عليج شطوره يلا كملي البارت ويعطيج العافيه غلايه |
ربي يعافيج ويسلمج نورتي غاليتي ..}~ |
اقتباس:
ربي يسلمج ويعافيج غاليتي .. قريب انشالله .. |
اقتباس:
نورتي غاليتي ..}~ |
الحلقه الخامسه .. اسمحي لي أشوفك قبل ما أروح ,, واسمحلي أداوي الجرح وأرتاح تدري بعادك يقتل الروح ,, حكم الخريف والورق طاااح ,, وقفت بمكاني وارتبكت ... طالعته وقلت : ييت أشرب ماااي ’’’ ابتسم لها وقال : انزين بغيتج بسالفه ,, حسيت بارتباااك وخوف : خير في شي .. مايد قال : تعالي اقعدي ,, غايه : لا أنا مرتاحه جذي ,, في شي ’’ مايد : تعالي اقعدي عندي وااايد كلااام بقوله .. غايه ما عارضت وراحت في صوب عسب تقعد : انزين ,, مايد طالع غايه وقال : غايه انتي موافقه عليه صدق ولا غصبوج ,, يتني الغبنه هي غصبوني شقول لك يعني : لأأأأ ,, مايد : غايه بطلب منج شغله بس رجاااءا لا تعارضيني .. عرفت شو بيطلب ,, أدري شو بيطلب بيقووول اتركي شهد .. شهد وشهد ليييش كلهم طايحين على هالفقيره اللي مالها أحد بهالدنيا ,,, بس فاجئني لما قال : انتي تعرفين انه ربيعتج تكلم زايد ,, طالعته استغربت هذا شو دراااه ,, اذا قلت هي بروح فيها : اممم لأأأأ مايد وقف وقال : غايه انتي من البدايه جذا ,,, طالعته رديت نظري للأرض : هي أعرف ,, مايد : راجعي حساباتج يا غايه وشوفي انتي مرابعه منووو .. غايه بدفاااع : بس شهد انت ما تعرف معدنها يا مايد ,, مايد : يااا غايه أنا ريال ومع الرياييل وأظن اني أعرف شهد شووو انتي بعدج مجرد ربيعتها ,, غايه استغربت ولا يمكن تصدق هالكلام عن ربيعة روحها : لا مااايد شهد وااايد زينه انت ما تعرفها ,, مايد : يااا غايه افهمي مب كل الناااس شراتج اللي بقلبهم ع لسانهم لأأأ في منافقين ,, غايه : يعني قصدك أودر شهد .. مايد : أعتقد فهمتيها روحج .. غايه : مااايد قول من البدايه انت اذا تبا تتحكم فيني ,, عشااان كل واااحد يروح بدرب ,, مايد : غايه حطي عقلج ببالج ,, غايه : مايد رجاءا خل عنك هالرمسه ويستحسن كل واحد بنا يروح بدرب ,, لأنه البدايه جذا ع قولتك .. مايد بطولة بال : غايه ,, غايه : بس زايد صدق بيتزوج شهد ... وبعد فتره أكيد لأنه شهد قالت له ما تبا الحين وهو قال لها بيروح يخطبها .. مايد بقلة حيله .. : ياااا غايه زايد يلعب على شهد .. ولا متى واحد يتزوج وحده تكلمه,, سنترت بمكاني وتفاجئت .. : هاااا ... مايد : غايه والله اني ما أجذب زااايد يلعب على شهد ,,, غايه متفاجأه : زااايد كيف ..؟؟ مايد : والله ياغايه ,,, وبعدين انتي حطي عقلج براسج كيف واحد يكلم وحده و بعدين يتزوجها .. دام انها خانت أهلها أكيييد باجر بتخونه .. غايه طالعته : بسسس شهد مسكينه مالها أحد بالدنيا ,, مايد : ولو مسكينه ,, بس عندها عقل وتعرف ان الشباب يلعبون بالبنات ,, بس اهيه روحها فرت روحها بهالدرب ,, غايه طالعت مايد : أنا لااازم أخبرها ,, شهد مسكينه .. مايد : برايج تخبرينها ولاأأ لأأأ بس أتمني انج تقطعين علاقتج بهالأشكاااال ,, غايه : مايد أنا بسير برقد تعبانه ,,, دخلت غايه الحجره حاولت تتصل بشهد بس للأسف تلفونها مغلق ياربي شو الحل ويا شهد الحين ... معقوله يطلع كل هذا من زااايد اللي حتى أنا كنت أحسد شهد على حبه لها .. زايد مستحيل يكون جذا زااايد وااايد أحسن ويعرف ظروووف شهد ويعرف شو السبب اللي خلا شهد تلجأأأ له .. × × مليت من الحيااااه مليت من كل شي .. ملييييييييييت من روحي بعد .. خلاااص الدنيا صارت ملل ملل بمعني الكلمه .. حتى أحباااب قلبي ناسيني .. ليييش الدنيا جذااا ليييييش ليش الكل يوم يبي شي يييي متعني عشان يراضينا ويوم تخلص مصلحته يروووح ولا جنه يعرفنا ويمسحنا من قاااموس حياته ,,, طالعت الساعه صارت هنتين الظهر .. الحين لااازم نروووح الصالون .. يلا بروح بجهز أغراضي قبل لا أتأخر .. . . شذى تسحب شيما : يلا تعالي معايه ,, شيما : مابي شذاوي حراااام ,, شذى : يلا حرااام ,, شيما : يمكن أحلام بتتضايج يوم نروح ويمكن ما تبا أحد يشوفها .. شذى : لا عادي أصلا هي فخاطرها تشوفكن انتي وشهد ,, شيما : شهوود يلا :: قلت لها : ما فيني حيل مقدر والله بشوفها عقب الزفه ,, شيما رفعت جتوفها : برااايج ,, طالعت شيما تبتعد وهي رايحه للصوب اللي فيه حجرة العروس .. وقفت ورحت صوب الحمامات عسب أعدل ميكبي اذا مخترب أو مستوي به شي .. دخلت وشفت المرايه تجدمت منها ,, ياااي حلو فستاني لونه ذهبي و عليه ذيل من ورا .. ومثل باجي الفساتين ,, بس مفسخ حبتين زياااده هههه الاعتراف بالحق فضيله ,, شفت شعري دووومه قصير أبد ما يطول أكثر عن جتوفي .. وميكبي شوي أوفر .. لأني أحب الميكب الصاااارخ في الأعراااس طبعي اجتماعيه بس مع اللي من فصيلتي هههه .. طالعت شعري المفتوح والمفلول الين جتفي ,, لمسته وطلعت رديت قعدت ,, الجو بصراحه حلو لأنه ربشه بمعنى الكلمه .. يا حظه عمي بيتزوج اليوووم .. أحسه مستانس ,, يلا عقبالنا أنا وزايد أمين يا رب ,, لو أنا مكان أحلااام جان طااااااااايره من الفرح ,, × × رجعت على ورا يمب أختي وقعدت يمبها ,,, شفت مرت أبوي قاعده ويمبها بنتها شذى وهي تفتح البينات اللي ع شعرها ,, أم شهاااب : شخباركم بعد يا بنااات ,, هاا استانستو .. شهد : بخير وعافيه ,, هي العرس كان شي أم شهاااب : يعل حالكم مديم يا ربيييه ,, شذى سيري قولي حق أختج تشل لج اياااه ,, شذى : شواااخ راحت بيت ريلها ,, شيما ابتسمت : تعالي أنا بطلع لج اياااهم ,, شذى ابتسمت : أوكي تعالي نروووح حجرتي ,, شفت شذى وشيما قامو وقفت وقلت : عن اذنج خالو حتى انا بسير حجرتيه ,, خالو أم شهاب : شهد اقعدي أبووج قال يبي يشوفج ,, رديت قعدت وقلت : انشاالله ,, ترييت لما أبويه ييي ,, ودخل عقب ثواني : السلااام عليكم ,, رديت أنا وخالو أم شهاب قامت عسب تروح بس ردت معاي : وعليكم السلام .. ياااه أبوي داخل الصاله وقفت وتجدمت صوبه ,, سلمت عليه وحبيته ع راسه ,,, وقلت : اش حالك أبويه .. أبويه راح قعد وقال : بخير الحمدلله ,, ما تتوقعون كيف كان سلامي عليه وكيف كان رده عليه ,,, أبي أصيييح أقطع روحي من الصيااااح أبيييييييييي أمووووووووووت ,, فيه أبو ما يشوف بنته قريب الشهر والنص ويسلم عليها جذيييه أي أبو هذا .. والله انه ظالم ظااااااااااالم طول عمره ما بيحس بي طول عمره ,,, حتى سؤااال عن الحال ما يكلف روحه يسأأألنا والله ان الموت أهون من حياتي .. ووووايد ,,, وايد أهون من اني أشوووفه يدامي وذرة حنان ما يعطيني .. ذره بعد .. مابي أي حنان من عنده بس أبي يعاملني كبنته وبس ... قلت : خير أبوي بغيتني بشي ,,, أبويه : شهد خلي حسابج .. تراكم بتييون تسكنون العين ,, انصدمت بالفعل انصدمت وقلت : هاااااه ,,, ابويه ..: خلاااص بتكملون حياتكم اهني وبتعيشون اهني .. قلت وأنا منصدمه من كلامه : لييييش نحن ما نبا أحب دبي أنا ,,, أبويه : قلت بتييون العين وخلاااص كلمتي وحده ,, قام وراح فوق .. بنترك دبي ,, لأأأ مابي أنا ما أحب مكان غير دبي ما أبي غير دبي ,,, ما أحب العين أكرررررررررره العين بديت أكرهها تدرون لييييش لأنه أبويه فيها ,, لو انه مب فيها يمكن كان رايي العكس ,, بس أنا مابا أعيش بمكان أبوي عايش فيه ,, مابا ,, ع الأقل يوم بعاااد ما نحس انه عندنا أبو .. بس يوم هو قريب أحس بفقدااان الحنان وأحس بكره أبويه لنا ... أحس بعيونه نظرااات تقول ليتني ما خذيت أمكن ولا يبتكن ليتني ما عرفت أمكن ,,, بس نحن شوووو ذنبنا شووووووووه .. نييي نحن نتحمل مسؤولية غلطته طول العمر يعني ... رقيت لحجرتي .. خلااص أنا بعيش بهالمكان بس أنا ما أبي ما أبي ..... أمي كيف وافقت أحيدها تقول بنعيش طول عمرنا في دبي ,, وما نبي نيي العين .. بس شو اللي خلّا أبويه ييبنا العين ,, ليش ما نكمل حياتنا في دبي ليييييييش .. × × بعد مرور يومين واقف جدام الجامعه : هااا شفتها كيف تعاملني .. ؟؟ حسن : برايها يارياااال خلها وبعدين شو تبا بها .. سلطان بندم : مقدر يا حسن والله أحس روحي ظلمت البنيه .. وبعدين نحن لو ودرناها عيال الحرام اللي بيلعبون عليها وااايد ,, حسن : ما ظنتي ,, سمعت بيروحون العين خلااااص .. سلطان منصدم : هااااه بيروحون العين جيييه ,, حسن : سمعت انه أمهن بتتزوج ويمكن تروووح بلادها وهم ما عندهن أحد ,, سلطان : بس غريبه .. شهد مستحيل تفارق دبي .. حسن : مدري عنها والله .. بس مستحيل أبوهم يخليهن روحهن بشقه .. سلطان : من هالناحيه هي .. وبعدين بعدهن صغار ما يصير أحد يودرهن .. حسن : والله حااااله .. يلا بيودونا نادي التراااث .. سلطان : اش له بعد تراث ما تراث ,, حسن : يقولون عشان البروجيكت مال الوطنيه .. يبونا نسوي باور بوينت .. وشكلنا بنصور هناك عسب ندخل الصور في الباور بوينت سلطان : أووووووف أنا شاللي خلاني أداوم اليوم ,, حسن يضحك : أبوووووك هههههههه سلطان : طوف يلا طوف .. لا تغثني أكثر ,, حسن : شهد بتروح مع منو غايه مب موجوده ,, سلطان : هذي شهد ساحره مس ياسمين أعوذ بالله تموت فيها ,, أكيد بتوديها .. وبعدين شهد متطوعه أظن في النادي هذا .. تروح بعض أيام الأسبوع ,, حسن : هي صح ... . . دااااااااار الزين .. ............. : يلا فديتج بسرعه تأخرنا ,, أحلااام مبتسمه : أوكي .. خلصت حبيبي ,, سيف يطالع ساعته : تأخرنا ع الطياره ... أحلام : يلا نروح خلصت تراني ,, سيف : أوكي مشينا ,, أحلام : حبيبي صج الحين قوم شهود بييون العين .. سيف : والله مدري أخوي الله يهديه كل يوم قاعد يقول شي .. بس أكثر ظني هي .. أحلام : أحسن شو يسوون في دبي .. وبعدين هم روحهم أكيد ملل عندهم ..ع الأقل ييون عندنا يتسلون .. سيف : أحلاااموه انتي وااايد تهذرين يلا عن تروح الطياره .. ادري هذا مناج .. أحلام تضحك : هههههه قلت لك انزين نروح بلاد زينه هب بانكوك اللي كله مفسخات ,, سيف يتغشمر : طوفي يلا طوفي لافلعج .. × × وليد يلعب مع خلود وشذى ... شذى قالت : وليد فديتك .. ما تبا تروووح الحديقه .. وليد : اكتي انتي بابا يوديني ما أهبث .. شذى فاتحه عيونها : اسكتي في عينك .. خوخه أدبيه لأفلعه ,, خلود تضحك : صدقه انزين ما تعطينه حلاوه لازم يكرهج ,, وليد يوقف ويبوز : هي أنا أبا هااااوااااوه .. شذى : حلاوه في عينك .. شو تبا ضروسك يتفلعن من الحين .. خلود : خليه يا ربي منج كله طايحه ع هالولد ,, شذى : هي تراااه نسيبي ولااازم أأدبه من الحين .. خلود : مااالت عليج .. أونها .. نسيبي .. شذى : تدرين أحلام حرمة عمي سيف حلوه وااايد ,, خلود : هي تشبه شهد شوي ... شذى : بس أحلااام أحلى وااايد عن شهد تدرين ,, خلود : حرااام عليج .. بس شهد يمكن كله تسوي دفش وشعرها قصير عسب جذا جمالها ما يبين .. شذى : لأأأ أحلااام أحلى .. خلود : حرام عليج شذى ليش ما تحبين شهد ,,, شو سوت لج ... شذى : أمها خذت أبويه .. صدق ساااحره أعوذ بالله أكيد بناتها بعد سحره .. خلود : الله يهديج .. . . دااار الحي ... دخلت مع المس ونحن ماشيين نشوف معالم بلادي الطبيعيه والأثريه .. بصراحه طرر طررررر بمعنى الكلمه .. دوم ايي اهني بس أول مره أيي على أساس اني زائره واني ما أشتغل اهني ... شفت وايد من ربيعاتي اهني .. تجدمنا كلنا وتمينا نصور عسب البروجيكت اللي بنسويه .. أدري بعد تسليم هالبروجيكت خلااااص أيام الجامعه الأمريكيه بتبح وترررروووووح ... يلا شنسوي بعد هذا مكتوب لنا .. بعد ما خلصت تصوير .. شفت شيره نبج .. وااااااو أحبه لذذييييييييييييذ .. النبج تجدمت عنه بسرعه بسرعه ... ويوم وصلت له بديت أنط نط هع خبله أنا .. عسب أقدر أقطف ,, يو مجموعه من اللي معاي وبدينا نقطف من النبج بصراحه طررر طعمه ,, شفت أمايه فاطمه .. هذي من اللي ييون بعض الأوقات .. تسوي بهارات اماراتيه قلت لها : أماااايه تبين نبج ,, أمايه فاطمه : لأأأأ مشكووره بنتي .. قلت وأنا أروح صوبها ومعايه حبه : أمايه طعميه لذيذ حرااام ,, وموسمه الحين لأنه شتا .. أمايه فاطمه تضحك : الله يحفظج يا بنتي ويسعدج .. قلت وأنا أروح أقطف غيره : آميييين أمايه ... طالعت ربيعتيه سماح اللي مب وياي وايد قلت : سماح طر طعمه لاا .. سماح : هي وااايد حلو طعمه هههه والله جنه أول مره نيي ناكل نبج ,, قلت لها وأنا أضحك : صدقج .. أنا ساكنه في شقه .. لو عندي بيت جااان أول شي بزرعه شيرة نبج هههههه سماح ضحكت بس اللي فاجئني صوت ضحكة حسن وهو يقول : سيري سوق الجمعه وبتحصلين تررررس منه .. قلت وأنا أبتسم : أنا يالله يالله ملحقه أروح الشارجه ... عاد فجيره ما طبيتها يمكن بعد الا يوم ودونا رحله صوب مريديان ,, حسن : يقولون شي رحله صوب مريديان مره ثانيه هالسنه ,, طالعته بحزن وقلت : ما أظن بيي هالمره ... وبديت ألهي روحي بقطف النبج والسوالف عن المكان لأني أيي له دووووم .. دووووم وااايد أحب هالمكان مدري ليييش ,,؟؟ سلطان يااااه صوبي وقال : ها شهود شو الطلعه ... قلت له بدون نفس : زينه سلطان تقرب بس طبعا في بعد بينا : شهد بعدج ماخذه بخاطرج .. قلت : سلطان انسى خلااااص ,, سلطان : لأأأ صدق بعدج ماخذه بخاطرج .. قلت له وأنا مب مهتمه : هي أكيد وبعدين وحده عدّت واحد شرات أخوها وأخر شي يروح يخرط عليها وعلى أختها ويستغلهم .. سلطان يتأسف : شهد والله ماكان قصدي جذي انتو فهمتوني غلط ,, قلت : سلطااان انسى خلاااص ,, واعرف لا يمكن ترد علاقتنا شرااات قبل ,, سلطان : شهد لو سمحتي .. .. قلت وأنا أروح بعيد : سلطان رجاءً ,, بس سلطان وقفني يوم قال : ادري بتروحين العين وعقب يمكن خلاااص حتى ما بنسمع صوت بعض ,, سامحيني شهد ,, صديت وأنا متألمه بداخلي بالفعل سلطان وااايد كان زين ولازم أعذره خلاااص ما بنشوووف بعض مدري لي متى بعد فقلت : مسموووح سلطان ... بس أنا شجاااعه وانت بعد لا تخلي لحظات الوداااع تزعلك ... (ورحت صوب الحريم الكبار بالسن ..) طالعت صوب سلطان جنه استانس يوم قلت له مسموح وياه عطاني سيدي وقال : خذي هذا ذكرى طالعت السيدي : شو فييه ..؟؟ سلطان : خذيه يختي خلااااص ,, تصالحنا ع الأقل يتم وياااج هالسيدي ,, تذكريني في العين أوكي ,, طالعته ابتسمت وابتعدت عنه خلااااص .... ياربي اش كثر بشتاااق لسلطان يوم يدافع عني دوووم بشتاق له يوم يبرد ويطفي النااار الي تشب بيني وبين حسن .. ويوم يوقف يدام الكلاااس ويترياني وندش ويا بعض ,, ويوم يعطيني بعض المحاضرات اللي تطوفني ,, ويوم يدافع عني بأشد المواقف ,, أبد ما شفت منه شي غلط .. غير جذبه على أختي ,, بس يمكن هذا بعد كان خوف علينا وقال هو يستغلها أحسن من انه أحد ثاني يستغلها ,, رديت طالعت حسن ,, هالانسان بشتاااق لمزاجه العصبي .. والحااااااااد وبشتاق لضرابته ويايه .. وأكثر شي بشتاق لنصايحه لي ,, ويوم يقول لي شي وأسوي العكس وأعانده .. ولما ينازعني يوم ألبس عباااه مفتوحه وتشف عن اللي اللبس وبشتاااق لكلامه يوم يقول خبي كشتج ههههه .. والله بشتاق لشخص شخص .. صـــح نسيت روحي أنا .. كيف أنسى روحي ..؟؟ منو اللي بهالدنيا ينسى روحه .. نسيت غوايه فديتها .. بشتاااااق لها وااايد ربيعة عمري ,, اللي كانت بكل صغيره وكبيره معاي وبكل خطوه أخطيها ,, على كثر غلطاتي وصدي لها بعض الأحيان الا اني بحياتي ما بنساها وما بنسا مواقفها معايه ,, أدري انه أوقات نختلف بالراي بس نرد عقب الاختلاف شرااات أول وأكثر بعد ,, بس خلاااص غايه انشغلت الحين ,, بعرسها .. والدليل انها ما اتصلت بي من يومين مدري ليييش غايه تغيرت عليه وااايد وااايد ,, حتى ما قامت تعبرني ولا تدز مسجااات بعد .. هذا هو الزمن يفرق بينا ,, حتى الذيب ما ياكل لحم ذيب بس نحن البشر لأأأ ناكل لحوم بعض .. . . بعد الترجمه الى اللغه العربيه .. ايفا : الحين متى الطياره انزين ,, أخوها : يوم الخميس ,, ايفا بحزن : مب باجي غير أياااام يعني .. أخوها : ايفا لا تسويين بروح جذا وبعدين نحن خلاااص بنروح دارنا أحسن لنا من الغربه اهني ,, ايفا : بس بناتي ,, أخوها : تعالي بين كل فتره وفتره للامارات وبتشوفينهن انشااالله .. ايفا : هي زين ,, أخوها : بناتج كيف خبرتيهن .. ايفا : أبوهن قال لهن انه يباهن وبس .. وأنا قلت لهن اني بسافر ,, أخوها : يعني ما قلتي لهن انج بتتزوجين في الفلبين .. ايفا : لأأأ ادري شهد وشيما بياخذون بخاطرهن .. أخوها : يلا زين .. بس وصيهن قبل لا تردين .. وبعد أحسن لج تقولي لهن عن زواجج .. ايفا : بشوف طريقه وعقب بخبرهن عاااد .. . . ظهرت من الجامعه ورحت مع مس ياسمين الشارجه .. لصحارى .. لأنها قالت لي انها تباني بسالفه ... وبعدين ما وراي ولي عسب أستأذن منه ولا شي .. وحياااتي على كيفي أنا ... نحن وقاعدين نمشي وصلنا صوب الدري المتحرك يودته وقلت .. : مس خييير في شي .. مس ياسمين ابتسمت لي وقالت بلهجتها العراقيه : انتظري شوي حبيبتي وهسا بحجي لج عن كل شي ... ابتسمت لها : أوكي ,,, مس ياسمين سألتني : اش تبين تشربين ...؟؟ قلت لها : مشكوووره مس مابي والله .. مس ياسمين : يا بنتي ما كو مستحا بينا أنا كبر أمج قولي اش تبين ,, يا ريتج انتي أمي ياريييييييت والله جان حياتي شكل ثاني .. قلت لها : الل تحبينه ,, مس ياسمين ابتسمت وطلبت لنا عصير وقالت : شهد انتي ماشالله عليج بنت كبيره وعاجل .. طالعتها وأنا مستغربه من كلامها وقالت : أدري اني يمكن هالحين بزعلج شوي بكلامي الللي بقواه بس اسمعيني انتي بالاول .. طالعتها : لا عادي مس ارمسي .. ما ازعل أنا ,, مس ياسمين : شهد آنا أعزج كثير كثير ,, ونوبات أحس انج بنتي ,, طالعتها : مشكوره مس من ذوقج ,, مس ياسمين : ودي أكلمج من زمااان ,, بس ما قدرت والحين يوم سمعت انج بتروحي بيت أبوج قلت أحاجيج أحسن لي .. قلت : هي هالسبوع آخر أسبوع لي ويااكم بالجامعه .. مس ياسمين ابتسمت لي : الله يوفقج يا بنتي وين ما تروحين .. قلت لها : آمييين .. مس ياسمين : شهد أنا لا حظت عليج كثير أوقااات ما تحتكين مع البنات بس أشوفج مع غايه بس غايه مو معج بالجامعه ,, ليش ما تحاولين تمشين مع اللي بعمرج .. قلت لها وأنا حزينه : مس البنات يحبون يتدخلون بكل شي بحياتي أسئلتهم وااايد أما الأولاد لأأأ ونادر ما يسألون ليش انتي جذي ليييش انتي فري .. لأنهم يمكن يعرفون عني ,, من برا ومن كلااام الناس .. مس ياسمين : شهد انا من عرفتج وانتي قويه رايج هو اللي يمشي عند الكل ليش هالخوف انزين .. طالعتها وقلت : يمكن عشااان مابي أحد يسألني عن أمي وأبوي .. مس ياسمين : يا بنتي لا تزعلي .. أكثر من بنيه أمها من جنسيه ثانيه وديانتها غير عنا وأبهاتهن ما يسألون عنهم ما تفرق .. قلت : مس بس هالشي يفرق عندي .. مس ياسمين : شهد في العين انشالله انتي بتكملين دراستج .. وهم ما عندهم جامعات مكس شباب وبنات .. وبتكونين جديده أكيد أسئلة البنات بتكثر ,, شهد : أدري مس ,, ولهالسبب ما أبي أطلع من دبي ,, ما يفرق عندي اذا بعيش العين ولا بوظبي ولا أي مكان بس مابي أحد يتكلم عني ويسألني عن أمي وأبوي وحياتي .. مس ياسمين : شهد انتي طول عمرج قويه وأتمنى انج ما تضعفين لما تروحين العين وما عليج من كلااام الناااس لأني لاحظت وااايد تتحسسين من البنات اللي معج بالكلاااس .. طالعتها وابتسمت ابتسامه باهته : مس يمكن انتي أول وحده تفهم حياتي وكيف أنا عايشه ,, مس ياسمين تلطف الجو : مو لأني معج بنفس البنايه هههه ابتسمت لها : مس انتي وااايد كنتي توقفين معاي ما بنسا وقفاتج معاي ... طالعت يميني شفت وااااحد ومعاااه حرمه الظاااهر حامل بشهورها الأخيره أو يمكن بمتوسط الحمل ومنتصفه ,, ياربي أكييد هذي أخته يايبنها معاه المول .. قال انه عنده أخت في الشارجه علني افداااه ,,, طرشت مسج عليه ,,, إلى بلسم جروحي ,, ( حبيبي أنا في صحارى ,, وقاعده أشوفك واشوف أختك وياااك ) × × دااار الزين ... .......... : بعد باااجر شهوود وشييوم بييون عندي .. خلود : حظج بيكون عندج خوات في البيت هب أنا وحيده بين أربع أطواف ,, شذى تضحك : عااادي يوم نحن بنيي عندج ويوم انتي تعالي عندنا ,, خلود : فكره .. بس تعالي انتي ليييش مستانسه هالكثر ,, شذى : لأنه الفلبينيه الساحره بتظهر من الامارات كلها وما بتاخذ أبوي .. خلود : حرااام عليج لو شهد وشيما يسمعون بيزعلون تدرين .. شذى : نفاااد .. أصلا هم يعرفون عن أمهم ,, خلود بحزن : بس حتى ولو الأم أم يا شذى ,, لو عندج أم شو ما تكون أهون من انج تكونين يتيمة .. شذى حست بخلود : آسفه خلود ما كان قصدي أجرحج ,, خلود : لأأ عادي ,, بس تعالي نرتب حجر شييوم وشهد روحنا .. شذى : معني كسوووله وايد .. بس يلا فكره .. متى بتيين عندي ,, خلود : بس بستأذن وبيي ,, شذى : أعوذ بالله انتو في بيتكم حتى يوم تيين بيتنا اللي هو فرة حصا ,, تستأذنين .. خلود : مدري قوانين القصر الجليدي .. ههههه ............... : ضحكتي بلا ضروس .,, خلود تخرعت : بسم الله الرحمن الرحيم ,, شذى : شوفيج ...؟؟ خلود : هذا خلوف ياااه يلا باي ,, شذى : سلمي عليييه .. خلود : خليفه شذاوي تسلم عليك ,, خليفه قعد وهو في ايده الريموت وشغل التلفزيون : الله لا يسلمها ,, خلود : أووو أووو سوري شذى ,, شذى : مالت عليه هذا اللي ما يعرف المذهب .. يلا باي .. خلود : زعلتي ,, شذى : لا شو أزعل متعوده على كلامه هذا اللي ما يعرف المذهب ,, قولي له شهااب اللي عمره واحد وعشرين سنه وأصغر عنه بسنتين يعرف المذهب بس خلوف المذهب عنه معدووووووم مررررره .. ............ يصارخ : منو المذهب معدوم عنده هاااااااااه ,, شذى تخرعت وردت السمااعه لأذنها : حشا صمختنا ياخي ,, خليفه : هههه تستاهلين يالياهل ,, وبسكم رمسه لأنه عشر بليل يلا سيري ارقدي ويا شكلج .. شذى : لا لا خل خلود تيي عندنا اليوم ,, خليفه : وراكم مدرسه يالدياي .. يلا باي ,, ( وبنده بويهها ) خلود : فشلتني يدامها زين جذي ,, خليفه : برايهها .. تعالي انتي ليش مب راقده ,, خلود تتأفف : حتى الرقاد في هالبيت على كيفكم يعني ,, خليفه : لو مب عايبنج عندج أربع أطواف دقي راسج خلود تتقرب عن خليفه : تعال تعال صدق دريت انه عيال عمي مال دبي بييون العين .. خليفه بدون اهتمام : هي ,, خلود تقلده : هي ... استح ع ويهك لازم تفرح .. خليفه : جيييه في وحده منهن خطيبتي عسب أفرح .. يعني واستانس ,, خلود تحلم . ياريييييييت لو وحده منهن خطيبتك جااان حياتنا يمكن غير ,, خليفه يوقف : هاللي قاصر ,, سيري ارقدي يالياهل أحسن لج ,, خلود تتأفف : انزين انزين انتو حتى نحلم بهالبيت ممنوع .. × × غيرت تجدمت عن السرير عسب أرقد ,,, شفت حواليني ... الجو بااارد وايد .. طالعت الفون ع الصامت وقاعد يضوي .. شالسالفه ,, طالعت الرقم ,, بلسم جروحي يتصل بك ,, رديت وأنا مستانسه هذا حبي قاعد يتصل بي .. ياربي اش كثر مستانسه ... رديت بفرح : هلا والله .. زايد وهو مستانس : اش حالج غلايه ..؟؟؟ قلت له وأنا مستانسه : بخير .. ونسنا وياااك ...؟؟؟ زايد يضحك : ههههه حرااام الواحد يستانس يعني ... بس س س أنا مستانس لأني أرمسج هههه قلت له : هي اخرط علي اخرط انت .. تعاااااااال أختك شفتها وياااك اليوم .. زايد : جذاااابه .. حلفت له : والله ما اتـمصخر ... زايد يضحك : بس كااانت متغشيه ههههههه قلت له : هي كااانت متغشيه صح .. ليييش ...؟؟ زايد : مدري عنهم خواتي جذااا كله يتغشووون ... بس أنا عن نفسي غشا بدون غشاا أوكي ماشي فرق .. قلت له وأنا أضحك : صدق انك حركااات ... لو انها مب متغشيه جاااان أشبهها وبشوف اذا تشبهك ولا لأأأأ .. زايد ضحك ويايه : شهود تجهزتي لروحة العين .. قلت له وأنا جبدي لايعه من هالطاري : هي وااااع مالي خاااطر أروح .. زايد : تراني بردج دبي مره ثانيه .. قلت له : وأنا شاللي مصبرني غير هالشي أصلاا .. زايد : هونيها وتهون حياتي .. قلت : انشااالله ... ابشرررررررك ,,, زايد : بشري فرحينا شوي اليوم ,,, قلت له : أنا وسلطان تراضينا ... زايد : شي طيب زين زين ,,, وأخيرااااا الانسه رضت ... قلت له : احذرك لا تزعلني ولا ترا بيستوي بك شرات سلطان ... زايد : هههه لا لا شو ناوي أذبح روحي أنا .. قلت : زين انك تعرف حبيبي ... زايد : فديتج والله .. يلا حبيبتي أنا بسكر لأني بروح بتعشى .. قلت له : أوكي حبي .. باي .. زايد : بايات حبيبي .. بندت عن زاااايد وأنا مجروحه من داااخلي ومتألمه لأني بفارق أغلى ناسي وبروح عنه لمدينه ثانيه .. والله ان زااايد هو أنوار المدينه اللي أنا فيها ولولاه كانت حياتي بعد ظلااام في ظلااام ,, مو بس مدينتي اللي بتظلم × × قمت على اشراقة الشمس الفجر تحديدا السااااعه سبع ,,, يا حلوها الشمس وضوها خااافت وحلاااااااتها يوم تشرق في دبي .. مدينتي اللي أحبها اللي ربيت فيها وتعلمت فيها وكبرت فيها ...... وعشت أحلااا أيامي في هالمدينه الراااائعه اللي ضمتني وصرت احدى سكانها اللي لهم ماضي فيها ,,, ما تخيلت بيوم في حيااااااااتي اني أفارق هذي المدينه .. ما فكرت مجرد تفكير بعد .. ما توقعت بيوم اني أنتمي لمددينه أخرى ,, واذا أحد يسألني من وين انتي .. أقول من ............ أي شي غير دبي ,, أحس لساني وجوارحي وكل شي فيني تعود يقول بكل صغيره وكبيره أنااا من دبي ,,, أبد ما حطيت ببالي اني بفارقها ,,, يا حبي لمدينتي .... ... طالعت حجرة أمااايه .. اليوم آخررر يوم لي وياها .. اليوم يوم الخميس ,,,, أمايه بتسااافر وتتركنا .. أمس أبويه كان يفضل بناته من حرمته الأولى علينا واليوم أمايه تفضل عيالها اللي بتيبهم من زوجها اللي بتتزوجه ,, هه ونحن أنا وشييوم من بيفضلنا على من ... ؟؟ منو بيقول لي شهد حبيبتي بنتي ... بنتي ... ما سمعتها بحياتي لا من أمي ولا من أبوي ,, شكلهم خلفوني ونسوني .. حتى بنتي ما فكرو يقولونها .. هذي الدنيا عجيبه ,, كأني أنا اللي أمس قلت لأمي وأبوي تزوجو وييبونا لهالدنيا .. أصلااا لو بيدي جااان قلت لهم لا تعرفون بعض حتى ,, بس شسوي ما باليد حيله ,, مكتوب ومقدر لي أعيش حياتي جذااا ... ..... تجدمت عن المطبخ حطيت الصحن والقبشه ع الطاوله وطلعت الحليب من الثلاجه ورحت صوب الكبيت طلعت النيسكويك .. وحطيتهم قعدت ع الطاااوله .. وين قعدت .. ع الطاوله هههههههه ... وحطيت كرات الجوكليت المقرمشه في الصحن ,, أقصد الذره ومدهونه بجوكليت هع .. وصبيت عليه الحليب وبديت أأأكل ريوقي المفضل ... ياي ,, صح أحب الكابتشينو واااااااايد بس بعد هالوجبه لها غلااا خاااص بقلبي ,, مدري اليوم يوم بروح العين باكل هالوجبه ولا لأأأأ ... ههههههه شو قالو لي فقر اهناااك ,, لا بس أحسهم ما يسوون شراتي وشرات تصرفاتي .. يعني حلات هالوجبه وأنا قاعده ع الطاوله بس في العين يوم بقعد ع الطاوله بيلعنون بوم خامسي وبيقطعوني وأول شي بيقولونه انيييي .. مب متربيه هع ,,, لاااازم تربية فليبينيه .. ولا شاقول بعد .. .... الله يعيني على طالبات جااامعاتهم اهنااااك مدري أي جاامعه بدش .. فكرت بجامعة الامارات بس أحسسسسسسها مدري شو ..؟؟ المهم مدري أي جامعه بدخل .. أما شييوم عادي شي مليون ألف مدرسه تدخلها هنااك وهي متعوده يعني مب جامعه .. .......... ............... : شهووود شو موعينج هالحزه ,, طالعتها وابتسمت : صباااح الخير يا بلادي ,, شييوم تضحك : صبحج الله بالنور .. خلاااص ترانا اليوم بنودع بلادنا ,, طالعتها وقلت : شو شعورج ..؟؟ شيما : الصراحه الصراحه .. حزينه وااايد السبب الرئيسي بودع داري اليوم والسبب الثاني بودع هل الدااار بعد ,, طالعتها وقلت : مي تو .. تدرين ما لي خاااطر أطلع من دبي أبـــــــد .. شيما : غايه اتصلت فيييج ,, طالعتها وقلت : لأأأأأ أظن ملجت ونستني حتى ما كلفت روحها تدز مسج ,,, شيما : هذي الدنيا .. ما علينا المهم ماما نشّت ,, طالعتها وقلت .. مدري بس طيارتها تسع الصبح ’’ شيما : عاااد أكيد نشّت ,,, سمعت صوت خطواااات ,, الا وأمي داخله بزينتها قالت : سبااااه الخير .. ردينا أنا وشييوم : صبااااح النور ,.. ماماتيه : جاهزين بنااات .. طالعتها وقلت : هي .. أمايه : يلا بسرعه نروووه المطااار وأبوكم بيجي المطااار .. شييوم : بس بلبس عباتي ,, أمايه : فترتي ,, شييوم بملل : في أحد بيفارق دبي اليوم و يشتهي شي .. أمايه ابتسمت وقالت : أمس بليل من جاااء ورا أشياءكم ,, قلت لها : مدري والله كانو عمال شكلهم بس منو اللي دلهم وكاان مسؤؤول عليهم مدري والله .. أمايه : أبوكي قااال خليفه ولد عمك ,, قلت : مدري والله .. أمايه : بناااات نطلع ... خلااااص قلت لها : هي يلا ماما أنا جاهزه ,,, وشييوم بعد لبست عباتي ومشينا عسب نطلع من الشقه طلعت آآآآآخر وحده ... صديت وراااي ,, على صغر هالمكااان الا اني أحمل بهالمكان أحلىىىىىىىىى أيااااام عمري وأشوف بهالمكان كل شي يذكرني بصغري ,, وبكل زاويه فيه أتذكر كل حدث مر بحياتي ,, بس يلا خلااااص .. هذيني اليوم بتركه .. وميبي ماشي رجعه له ,,,, × × داااار الزين ,,, ........... : هي بييون ع الغدا .. خلود : أوكي ثواني وبيي لج بيتكم .. شذى : شو غبيه انتي اليوم نحن بنروح المدرسه خميس راقده انتي .. خلود : أدررري بس بركب الباااص من بيتكم ,, شذى : أوكي .. برايج .. المهم الغدا انتي عندنا ,, خلود : أوكي .. يلا بيي لج الحينه ,, شذى : أتريااااااج ,, سكرت عنها و لفت شااافت أخوها ,,, ابتسمت له : صباااح الخير .. خليفه : صباااح النور ... خلود : ناااش مبجر .. خليفه : عندي شغل ... وينه خالد .. خلود : ظهر شكله راااح دبي ,, خليفه : عسب ييب بنات عمي ولا شغله ثانيه ... خلود : مدري والله ... بس أعتقد هي لأنه عمي سيف مسااافر وشهاااب امتحاناته في الجامعه و عمي بوشهاب و بابا شغل .. فأكيد خااالد راح ييبهم ,, خليفه : بس بس انزين خلااااص أعوذ بالله قلتي قصة حياتج .. خلود : انزين .. سين سؤال ليش ما يحطون دريول ويفتكون ,, خليفه : والله تظهرين مع ولد عمج أبرج من تظهرين مع الأجنبي ,, وصخي ترا راسي روحه يعورني .. خلود شلت شنتطها : براااايك ,,, أنا سايره عند شذى ,, خليفه يروح صوب طاولة الريوق : متشرده من صبااااح الله خير صدق يااااهل .. خلود رضخت الباب بقوه من الحره جان يقول : أعوووذ بالله مب بنيه ... ........ وقف جدااااااام مطار دبي بهيبه .. تجدم ودخل صوب الانتظااار للمغادرين ,,, لفت بنظره ما طالعهم ,,, ترياا شوي وحاول يشوفهم لمحهم شكلهم هم ,,, تجدم بهيبه ,, وصل عندهم ,, ............ : السلام عليكم ,, لفيت بهيبه عسب أرد السلام بس هيبتي راااحت ورديت بهدوووء : وعليكم السلام ... طاالعنا أنا وشييوم وقال : اشحالكن ...؟؟ ردينا مع بعض : تمااام ... أمايه : يلا بناااات الطياره بتروووح ,, طالعتها وضميتها بقوه وقلت : ماما أحبج ,,, طالعتني وبدت تصيح وقاالت : وأنا بعد ,, ديري بالج على عمرك وعلى أوختك ... قلت لها وأنا أحاول أمسك عبراتي : انشالله ,, قلت لها : لا تنسينا ماما .. بنتصل فيج دوووم انشالله .. ابتعدت وشييوم تجدمت .. عاد بدت صياااح : ماما ليييش تروحين تمي عندنا ,,, أمايه حضنتها : بنتي برجع انشالله وبشوفكم ,, بديت أمسك شييوم وقلت : ماما الطياره بتقلع خلاااص .. أمايه طالعت خالد وقالت : دير بالك عليهم .. ووصي أبوهم ,, خالد ابتسم لها : انشالله .. توصلين بالسلامه ,, أمي ابتعدت وبدت تبتسم لنا وهي مدمعه ,, وشييوم قاعده تصيح وأنا أهديها ’,,, الين اختفت ماما من نظرنا نهائيااااا .. مدري عاااد متى بنشوفها ,, وكم أخت وأخو بيزيد لنا هنااااك ... خالد قال : بسرعه بنتاأخر ولا تبون شي من اهني .. رفعت راسي بشموخ وقلت : لأأأ خلاااص خلصنا ولا انتي تبين شي شييوم .. شيما : شهوود أبا ماما ,, مسكت ايدها وقلت لخالد وأنا أنزل نظارتي ع عيوني : لا خلاااص مشينا ... خالد تجدم وأنا وشييوم وراااا بعده بأميااال يمكن .. بعااااد بعااااد ,, هذا خالد طبعه مغرور يمكن أنا وشييوم مب من مستوااااه عسب يمشي ويانا .. × × بعد مرور يومين لي بالعين ,,, بصراحه كان يوم الخميس أسوأ يوم بحياتي كنا طالعين من دبي وأنا أشوف شوارعها وأقول بخاطري بشتاااق لها ولأهلها أكثرررر ,,, مقدر أستحمل فراااق دااااري ,, أحبها موووووووت ... الخميس فاااارقت وااايد ناااس غاليين على قلبي وأولهم .. أمايه بشتاااااق لها واااااااااايد والله اني أحبها صحيح انها ما كانت مهتمه فينا بس ع الأقل أقدر أقول هذي أمي ويايه أمي سوت وأمي راااحت حتى ولو انها فلبينيه ,, بس المهم الأم موجوده ... غايه ,,, ما أعرف عنها ولااااا شي حتى يوم طرشت لها مسج اني بروووح العين ما ردت علي بمسج شكله هاالمايد لاعب بعقلها لععععععب عدل ,, بس يلا عسا القلوب تتصافى وترجع المياااه لمجاريها ... وأعزززز صديقين عندي حسن وسلطااان هذيل شرااات البلسم ينحط ع الجرح يبراااا ... ما أعتقد اني بييوم بشوفهم لأنه ما تربطني بهم أي صلللله لا قرابه ولا شي مجرد صداقه بس بتضل ذكراااهم محفوووره بقلبي وروووحي بعد ... وزيــــــــــــود هذا اللي ما منه أحد فديت قلبه ,, لو هو بمدينه وأنا بمدينه أو دوله بعد ما يحسسني انه بعيد عني يتصل بي دوووم ويسأل عن أخباري وأحوالي دووووم .. هذا القلب الحنون ... وهذا الانسااان اللي روحي تحبه تحبه بمعنى الكلمه .. قلبي يحبه هذااا الغالي وأشتاااق له طووول الوقت والعمر بعد ... أحبككككككككككـ زيـــــــــــــــــود .. × × دااااار الحي حسن : مللللللللللل الجامعه اليوم .. سلطان يسانده ويوافقه الراي : هي والله .. اليوم ما استقبلت أحد أنااا .. حسن يضحك : هي شهود حليلها كل مره تدش الكلاااس وياااك .. سلطان : يلا بس زين رضت علي شهوود .. اشتقت لخبالها تصدق .. حسن : صدقك .. بس يلا هناااك عند أبوهم يمكن تصرفاتهم بتتحسن .. سلطان : جااايز كل شي .. يلا شكلها المحاضره بدت .. حسن : الله يرحم أيااام شهود يوم تنقل لنا المحاضرات ... سلطان ضحك : بشوف وقت أفضى فيه وبتصل فيها ,,, × × دااار الزين ... ماسكات بو وليد ويعطونه محاضرات .. خلود : خاااالد حرااااااام وااافق دخيلك ... خالد طالع ولده وقااال بسخريه : بوافق بشرط تربي وليدوه أوكي ,, خلود شوي وتصيح : خاااالد والله أكلمك جد ما أتمصخر ويااااك والله العظيم خالد يطالع شذى : وأنا أتكلم عن جد وأبو وحفيد بعد ههههههههه شذى بنفس أسلوب خلود : صدقها خلود .. يا خااالد هالسوالف ما بها مصخره .. خالد : والله وكبرتو يا شذى وخلود أمس كنتو هالكبر ( ويأشر بيده ) خلود تنافخ : خااااااااالد لا تتمصخر ترا والله بنزعل منك .. خالد يتأفف : خلود وشذى ان ما صكرتو على هالسالفه بطلع وبخليكن روحكن .. بسني مزحت وياكن وااايد خلود : حراااااااااااام خالد .. دخيلك وافق الله يخيليك .. خالد يطالع شذى : أبااا أعرف ليييش مصرين انتو اليوم شو ياينكم ...؟؟ وبعدين شو ورا هالاصرار .. شذى تطالع خلود وتقول : أصلااا انت لو تعرف منو هي اللي اخترناها بتستانس صدقني ... والله العظيم خالد يطالع وليد : ماشاالله ومختارين البنيه بعد .. شي طيييب شي طيب خلود : خااااالد اسمعنا انزين ولو مره لا تتمصخر دخيلك ,, خالد يطااالع شذى وخلود ويضحك عليهن : انزين واذا بغيت أعرف منو هذي اللي ماخذه عقلكن .. شذى : والله لو تعرفها بتستانس صدقني والله بتستانس واااايد واااااااااايد يا خالد .. خالد يضحك : انزيييين أبا أستانس وأبا أعرف منو هذي اللي مسويه لكن غسيل مخ ... شذى تطالع خلود وتقوووول ... : آآآآآآآآآآآ ........................ خاااالد من بعد ما سمع اسمها .. نقععععععععععععع من الضحك ... ما توقع يختارونها له .. كانت بباله وحده وقال يمكن يختارونها .. بس هذي اللي اختاروها ما توقع أبدددد انه خلود وشذى بيختارونها .. ما يدري شو اللي جلب عقولهم هاليهااال ... |
السلاااام عليييييج والرحمهـ ... اشحاالج خيتووو ؟؟ الصرااحهـ ماشاء الله عليييج القصهـ طرررررر .. فـ انتظاااار البااارت الياااي ^^ السمووحهـ .. |
شكرا ماعرف شوة اقول بس صدق زايد يقص ع شهد؟؟ هذا اللي ابا اعرفه معقوله الخوات تصرفاتهم بتتغير وهم في بيت ابوهم بس اعتقد بيرصون عليهم في العين لان حياتهم تختلف لما كانوا عند امهم ومتابعه للاخر بس دخيلج لا تتاخرين علينا كملي |
اقتباس:
وعليكم السلام ورحمة الله وبركاته .. بخير الله يسلمج أختي .. مرورج الأحلى غاليتي .. انشالله بعد ثواني بنزله .. مسموحه بالحل .. نورتي غاليتي .. |
اقتباس:
يجوز .. ويجوز لأ ...!! أكيد الحياه تختلف والبيئه بتختلف ..!! بس للأحسن ولا للأسوء ...ما ندري .. !! لغزنا حبوبه ^^ يشرفني والله .. انشالله بعد ثواني بنزله .. |
الحلقه السادسه .. في غيبتك يا لهفتي ليلي معاناة وصراع شذى تبتسم له : شهووود أختي ... خالد فرط من الضحك وما قدر يود روحه : ههههههههههههه شذى وخلود طالعو بعض مستغربين وشذى قااالت : أنا قلت شي غلط ...؟؟ خالد ييود روحه ويأشر بيده : لأأأأ أبد بس دخيلج عيدي منو قلتي ...؟؟؟ شذى مستغربه منه وتقول : شهد أختي والله واااايد طيبه وزينه .. خالد يطالعهم ويرد يضحك ويقول : عز الله هالدلوعه يودت ولديه وليد عدل ودارته ... شذى تطالع خلود باستغراب : قلت شي يضحك أنا ....؟؟؟ خلود تهز جتوفها وتقول : خااالد بلااااك ما تباها يعني ..؟؟؟ خالد يأشر بيده لأأأ وقال : دورو لي غيرها ههههه شذى : بـــــــــــــس ,,,,,,,,,,,, خالد قاطعها وقبل ما يطلع قااال : دورو غيرها وبنشوووف ... أوكي يا حلوات ... طلع خالد وخلود شافت شذى : يعني ما عيبته ...؟؟؟ شذى تهز جتوفها : مدري عنه والله ... خلود : يمكن لأنه قصده شهد مب حرمه سنعه وجذااا لأنها دلوووعه واااايد ... شذى : يمكن قصده جذي كل شي جااايز .. خلود : انزين كل البنات الحين جذااا مافي وحده مب دلوعه .. شذى : صدقج ... ما علينا يلا نحل واجب الرياضيات ... خلود تفر القلم ع الأرض بقوه وتقول : هذي عاااشر وحده ما تعيبه أووووووف ... شذى تمسك ايد خلود : ما عليييج حبيبتي باااجر بتعيبه وحده وبياخذها ... وخالد يعرف مصلحته ... خلود تتأفف : باجر بيشيب ومحد بياخذه صدقيني ... شذى : توه الا بنص العشرين باجي وااايد عسب يشيب ههههه .. يلا نراجع ... خلود : يلا .... لو أنا بداله جااان وافقت على شهد الصراحه .. جمال وكل شي فيها ... شذى : كل واااحد حر بحياته ... يلا نذاااكر تراني بييب صفر في الامتحااان ... خلود : قمنا نروووح لشهد ... شطوره واااايد شذى : اغسلي ايدج يا مااما ... أنا قبل ما ايي عندكم رحت لها وقلت لها اشرحي لي بس قااالت انها مصدعه .. خلود : هذي دوووم جذا أبد ما تخدم غيرها اللهم نفسي نفسي ... شذى تضحك : لو انها شارحه لي وييين بييي بيتكم أنا .. تشوفيني نايمه في العسل ,,, خلود : عاااد زين ما شرحت لج عسب تيين وتغيرين جووو بيتنا .. ملل .. شذى : تعالي أتصل بشييوم وأقول لها تيي صوبكم ... خلود : زين تشرح لنا شوي ... شذى بتدق الأرقام وتقول : أوووه نسيت تقول عليها امتحان أحيااا باجر وروحها مصدعه .. خلود تطالع الكتااب : خواتج هذيل أربع وعشرين ساعه مصدعااات .. ليكون أهل دبي كلهم شراتهم ... شذى تضحك : جاااايز .... هههههههه . . يداااام بوادي مووول خليفه : يا أخييييي أبا أرد البيت صااارت أربع العصر وأنا بعدني ... عز الله كلينا هزبه محترمه من الوالد ... عمر : أووووف انتو بيتكم ملل مدري كيف مستحملين هالقوانين الصارمه .. خليفه يضحك : الوااالد الله يحفظه ,,,, عمر : الحمدلله الوالده ما تسأل وااايد ,,, خليفه يضحك ع ربيعه : قووول ما فيها شده تسأل ولا تشوفها ساالخه جلدك ع التأخير ,, عمر يسولف : يا ريااااااااال ,,, خليفه : مو جنه هذي سيارة شهاااب ,,, عمر : هي هذا متسكع اربع وعشرين ساااعه .. تعاااال كيف هذا ولد عمك وعكس قوانينكم ... خليفه : مدري عنه والله .. دلوعهم ولدهم الوحيد ,, عمر : حظهم هاااييل .. اللي ييي لك واااحد من بين عشرين بنيه هههههه خليفه يضحك : صدقك ,,, مب نحن ... عمر يطالع ساعته ويضحك ويهدد بنفس الوقت : يلا يلا صاااارت اربع وخمس .. قبل لا يتصل بك الوالد ,,, خليفه يطااالع ساعته : شكلي بتغدا مره ثانيه ,,, عمر : محد مسونك بوتمبه غير هالوجبات اللي تاكلها غصب عنك ,,, خليفه : محد بو تمبه غيرك .. بعدني رشيييق الحمدلله .. عمر يضحك عليه : الحق الحق يا رياااال .. بعد شوي بتبدا الحرب العالميه الثالثه ,,, خليفه : الله يراويك بحرمه تنشد عنك حتى ولو انت في الدووااام ,,,ع الأقل أنا أبوي بس انت يعلك بحرمه تأدبك .... عمر يرفع ايده : آمييييييين ... ع الأقل أحس روحي موجود بهالمجتمع ,, خليفه يطالع تلفونه : هه الحكومه بدت تطرش مسجااات .. عمر : الحق ع روحك عااد ... يا ريااال ولا ترا بيي لك حرمااان .. خلفه يبتسم له ويقول : صدقك مب نااقص بعد ... يلا مع السلامه ... . . داااااار الحي ,,, غايه : اهلين مهاااري اش حالج ,,,؟؟؟ مهره تبوسها : تمااام حرمة أخويه ومن صوبج ..؟؟؟ غايه : بخير وسهاله ,,, مهره : حياااااج حيااااج البيت بيتج ,,, غايه تدش وتسلم ع وصايف ومرة عمها : اش حالكن ... الغاليات ,,,؟؟؟ مرت عمها : بخير وسهاله فديتج ... اش حالج انتي واش حااال أمج ...؟؟ غايه : بخير الحمدلله خالو ... وصااايف : غوايه تعالي شرحي هالدرس ,,, مرت عم غايه : خل عنج ... سيري دشي حجرتج ذاكري .. البنيه يايه تزورنا وانتي شرحي لي وشرحي لي ... وصايف تتأفف وتدخل حجرتها : محد يرتاااح بهالبيت ,,, غايه تضحك : حرااام عليج عموووه زعلتيها ,,, مرت عم غايه : ما عليييج منها دلوعوه بترضا عقب دقااايق ... غايه : مهاري شو الجامعه ...؟؟؟ مهره : تمام ماشي الحااال .. وانتي شو الجامعه بعد ما نقلتي ... غايه تهز راسها : أوكي ماشي حالها ... مهره : دوووم انشاالله ... مرت عم غايه تلبس عباتها : بنااات أنا بودركن عاااد بسير بيت أم ثاني مرت ولدها ربت ,,, مهره تبتسم لأمها : عقبال ما يزورونج جذااا ,, غايه نزلت راسها واستحت ... وقالت بهمس : جب لاذبحج ,,, مرت عم غايه : يلا السموحه بنننات ... غايه ومهره : مسموحه ... بعد ما طلعت أم مايد غايه طالعت مهره بنظرات ناريه : مااااااااالت عليج ... مهره تضحك : لهالدرجه يحرج يعني ,,, غايه : نشوووف يوم تملجين ويقولون لج جذا شو تسوين ... مهره تبعد يدها : ابعد عن الشر وغنيلو ... شو أبا بصدعة الراااس انا ... غايه : عاد صخي أحسن لج .... مهره : أنااا سايره وبرد لج بعد دقااايق .. غايه : اذا عصير وكيك وهالسوالف ترا والله توني متغديه ومفوله ع الأخر .. مهره سوت لها طااااااف وتجدمت صوب المطبخ وهي تقووول : امتني عسب تحلوين زياااده ,,, غايه تتأفف وتوها بتتجدم صوب حجرة وصايف عسب تدشها سمعت صوت باااب الصاله ينفتخ صدت وراها عسب تشوووف منو ... فاجئها صوته وهو يقول : السلام عليكم .... ردت على مااايد بهدوووء : وعليكم السلام والرحمه ... مايد ابتسم ودخل الصاله : اهلين غوايه اهني .. اش حااالج ..؟؟؟ غايه : بخير ربي يعافيك ومن صوبك ..؟؟ مااايد : تمام .. جيه ما قلتي لي انج بتيين ... جان يبتج روحي .. غايه : لا عااادي ييت روحي ما بغيت أكلف عليك ... مااايد : أي كلافه الله يخليج خلاااص الحين أنا ريلج .... ما يبالها هالرسميات ... غايه تمنت الأرض تنشق وتبلعها قبل لا تسمع هالكلمه ونزلت راسها مستحيه ,,,,, بالفعل قبل كم يوم صااارت ملجتها ومايد ملج عليها ,, حست روحها واااااااايد مستانسه .. حمدت ربها ان كل اللي حولها نصحوها تاااخذ مااايد وسمعت نصيحتهم .. شااافت وااايد أشياا سلبيه كانت تشوفها بمااايد بس الحين خلااااص كل هالأشيا بنظرها صااارت ايجابيه بين يوم وليله تحولت حياتها .. من اليوم اللي صااارت فيه ملك مااايد ,... حست روحها مستانسه .. صح انها فقدت وااايد ناااس بسبته بس حست ان مااااايد يسوى هالناااس كلهم وعوضها بغيابهم .. بعطيك أنا عمري وروحي هدايا واهديني احساسك ونبض الشرايين .. . . دااااااار الزين ... يااا ربـــــــــــــي اش كثر اشتقت لزاااايد .. والله ان دنيتي ولا شي بدونه ... أحبه أمووووت بحبه بعد ... أحس روحي بدونك ضاااايعه يا زااااااايد وليلي كله معاناة وصرااااع .. وعايشه بوحده ... أموت ولا أفارقك دقيقه وحده يااا بعد كلي والله ... رن التلفون وع الرنه ... طااالعت الشاشه .. بلسم جروحي يتصل بك ,,,, رديت بسرعه وبفرح : هلاااا والله ... زاااايد : هلا وغلا .. هلا بغناتي هلا بأحلى حبيبه في الدنيا ,,, قلت : هلا بأحلى همسه ود هلا بأحلى قصة حب هلا بأجمل ورد ,,, زاااايد يضحك : أوووووب أووووب كل هذا لي أنا وحدي .. قلت : أكييييد لو مب حقك حق منو بينقال يعني خبرني ... زايد : في هاااي صدقتي ... ها شو العين ..؟؟؟ قلت : بصراحه بصراحه .. بدونك ملللللل كل مكان ... زايد : فديتج والله .. يلا هونيها وباااجر تتعودين ,,, قلت وأنا ملانه : اهني مب مثل حياتي هناااك ومب على كيفي أطلع وأدخل متى ما أبااا .. زايد : ترا حبيبتي ما في انسااان يتم ع حاله بالدنيا الكل لاازم تتغير حياته ... قلت وأنا متضايجه : صدقت والله ... زايد : شو الجامعه ..؟؟ قلت : أمس واليوم بس داومت .. بصراحه ملل ... بس بنااات .. زايد يضحك : أحسن لأني بصراحه أغااار عليج ,, قلت : فديتك والله ... الله يرحم أياااام سلطان وحسون ... زايد يضحك : امس شفتهم والله ,,, في النااادي ,,, قلت : ياربي زيوووووووود لا تذكرني .. زايد يضحك : بشووو ..؟؟؟ قلت له : بالنوادي اللي عندنا .. أذكر السبت كنت أروح نادي الفروسيه والثلاثا نروح نلعب تنس والخميس نروووح المسبح .. زايد يضحك : هي ماشاالله حرمتيه اسبورتيه مررررررره ,,, قلت وأنا أضحك : زيــــــود صخ ... زايد ضحك عليه : مره البنيه صااارت دفشه .. صرتي عيناويه هااا .. قلت له : لا وحياااتك بعدني بنت الفلبينيه ههههه ما بتنازل عن لقبيه بسهوله ... زااايد . أنا أشهد انج قويه ... ههههههه قلت له : لا تصير لي غوايه ع كل شي أنا أشهد أنا أِشهد ... زايد يضحك : ذكرتيني فيها هههه .. تعالي شخبارها ,, قلت : مدري عنها ... من يوووم قبل ما تملج اتصلت فيني وبس .. وقااالت ما بتعاود اتصالها .. زايد : مااايد أكييييييد ... قلت : أكييييد في أحد غيره .. مدري تاارس مخها علي وعليك ,, زايد .. : ما عليج منها .. تشوفين ماااايد مسوي لها غسيل مخ عدددل .. قلت : هي أكيييييد ولا أنا متى أصدق الناااس .. أصلا هم لو زينين جااان ما حكو فينا ... زايد : تحولت لشاعره البنيه .. قلت له : من يومي وأنا شاااعره ههههههه زايد : شو ما كتبتي شي يديد .,... قلت له : موسم امتحانات .. عاد ماشي وقت .. زايد : عاااد يلا باااي فديتج سيري ذاكري ... قلت له : بااايات حبيبي ... والله ما ودي تسكر ... زايد يضحك : يلا ذاااكري .. مب ناااقص تقولين عقب الترم هذا رااااح عليه بسبتك ,, ضحكت عليه وقلت : أوكي يلا باي حبي ,,, طالعت الكتاااب هالكتاااب اللي أنا وسلطااان وحسووون دووووم نذاكر فيه .. أتذكر يوم سلطان يشخبط عليه وأنا أحرج وأقول له كتااابي وكتااابي هههههه الله يا حلوها من أياااام والله اني صرت أحن لها وااااااايد واااااااااايد ,, سمعت صوت الباب وهو يندق ..... قلت : منوو ..؟؟؟ ........... : شييوم ... قلت وأنا أبتسم : دشي حياتي ... شييوم دخلت : شخبارها الحلوه ... مزيـــــــونة دااار الحي ... قلت لها : بخيرررر الحمدلله .. ومن صوبج ..؟؟ شييوم تيي صوبي وتفر روحها .. وتقول : ما تحسيين صرنا رسميااات لأبعد الحدود .. قلت لها وأنا أتأأفف : صدقج .. من متى نحن نسأل عن حاااال بعض ,,, شييوم : من يينا العين ,,, ولا يوم فدبي بشقتنا أربع وعشرين ساااعه مجابلين بعض .. تطلعين من الحجره شبر وتدخلين حجرة الثانيه قلت لها وأنا أأيدها : صدق والله ... شيما : شو الجامعه ...؟؟ قلت لها : توني قاااعده أتأقلم وياااهم هه أقزر روحي ... وانتي شو المدارس اهني ..؟؟ شيما تهز راسها : أوووكي على كثر أسئلة البنااات الا اني ما أهتم .. قلت : هي لا تهتمين ترااا كلااام الناااس لا يودي ولا ييب ... شيما تهز راسها بتأييد وتقول : تدرين اشتقت لماما وااايد ,, قلت لها : صح على قلة يلساتها معانا الا انها كااانت وااايد أوكي ويانا .. أنا بعد مشتاقه لهااا وايد ... شيما : يلا عسى الأيام تسرع خطاويها ونعيش حياتنا شرااات الناااس .. قلت لها : آمييييييين الله يسمع منج .. وأعيييش أنا مع زيــــــــــود .. شييوم تبتسم وتقول : آمييين وأنا ويا سلطااان ... قلت لها : بعدج انتي ..؟؟ شييوم : بصراحه هي .. خلاااص ما قمت أكلم ولا حد ع الايميل عسب أكسب سلطاان ويعرف اني مب لعوبه ... حتى ما قمت أكلمه قلت : أحسسسن لج والله اش تبين بصدعة الراااس .. شيما : شخباره زيـــــــود النسيب ... اشتقنا له .. قلت لها : بخيييير الحمدلله .. أحس روحي أشتاااق له وااااااايد .. ع الأقل قبل كنا بدااار وحده .... شيما : انزيييييين هو لو يااا العين بتحبين العين أكثر عن دبي ,, قلت لها : حسب ... شيما : لا الصدق عاااد الحين هو في دبي شو احساسج ,,,؟؟ قلت لها : الحــــــــــب خــــــــــــالد وحبي خـــالد وباقي للي أحبه وأحب دار سكن فيها .. شييوم تصفق : عاااااااااشت عااااشت بنت دبي دااار الحي .. أنا أشهد انج بنت دبي أبا عن جد ,,, ضحكت عليها : صخي لأفلعج شيوموه ... شيما : تعالي تعالي شهووود حرااام خبريني كيييف عرفتي زيــــــــود ,, قلت لها : ما يخصج يلا فارجي أبا أرتاااح ... شيما : مااالت عليج ... انزين بس خبريني كيف عرفج وكيف عرفتيه وكيف حبيتو بعض ..؟؟ قلت لها : هاللي ناااقص تبين أقول لج شو نسولف بعد ,,, يلا فارجي ... شيما تطلع وتقول : مااالت عليج أسير ألعب مع سعودي الصغير وااايد أحسن لي وااااااايد ... قلت لها وأنا أبتسم : سعووود ولد شيخه اهني ..؟؟ شيما تطلع وترضخ الباب بقوووه وتقول من وراااه : جابلي دروسج أحسن لج عن تعيدين الترم ... ضحكت على غبااااء هالبنيه .. صدق صدق غبيه .. بس فرحتني وااايد لأنها ذكرتني باليوم اللي تعرفت فيه على زيـــــــود حياتي .. بصراحه كااان من أسوأأأ الأيااام بحياتي بس فجأه من ظهر زيـــود تحول لأحلى يوووم بحياتي كلها .. تحول ليوم أعرف فيييه أغلى وأعز نااااسي بهالكون ... طااالعت صوب الفوون وهو يرن .. شفته بسرعه يااا رب غااايه ربيعة عمري اشتقت لهاا وايد على كثر رمستها وكلامها الا اني أموووت فيها حتى ولو غيرها مااايد بتضل ربيعة عمري اللي أغليها وأحبهااا موووت ... بس للأسف تفاجئت يوم شفت رقم غريب .. رديت بدون نفس : ألــــــــــوووو ... رد عليه : هلا والله .. قلت بدون نفس : منووو ...؟؟؟ رد عليه : آفـــــــــاااا يومين ونسيتينا عااد لو أسبوع شو بيصير .. قلت : السموحه شيخي شكلك مغلط ,,, قال : لأأأ أنا داااق على شموووخ .. هب مغلط قلت وأنا أضحك وعرفته .. هو الوحيييد اللي دوووم يقول لي جذا : غربلاااات بليسك سلطوووووووون .. اش حالك الدب ...؟؟؟ سلطاااان : بخير دبوووه انتي اش حاااالج .. وشو العين ..؟؟؟ قلت بدووون نفس : مررررررره مب بخير مررررررررره ... سلطان : له له .. شهووود مب بخير .. خيييير خبريني منو بس اللي مزعلنج ... وشوفي شسوي به ... قلت له : هل دااار الزين ,, سلطان : يااااي بشن الحرب عندكم ,, قلت له : ههههههه تسلم .. سلطووون .. بس بصراحه ملل اهني متعوده أطلع هناااك ... سلطان : كلها أياااام وتتعودين انشالله .. وبعدين العين شرااات دبي ... بس الناااس عندج يختلفون .. قلت : انشااالله أتعود عليهم ,,, شو الجامعه ...؟؟؟ سلطان : ملل ملل قهررررررر .. قلت له : له له .. جييييييه كل هذااا ..؟؟؟ سلطان : لأنج مب ويانا ... قلت له : ههههه كل هذا عشاااني لو أدري اني غاليه جااان أتغلا زياااده .. سلطان : بسسسسج أمايه هاااك اليوم طلعتي الشيييب براسي عسب أرضيج ,, قلت له وأنا أضحك : شخباره حسووون ..؟؟؟ سلطان : متغربل حليله بالمحاضرات .. قبل متعودين ع الدلع ست الحسن شهووود تنقل لنا كل شي .. بس الحين أيااام الدلع ولّت .. قلت وأنا أضحك : والله اني أنا بعد أحن لذيج الأيااام ,, سلطاان : لا ترمسين جذااا تحسسيني انج عيييووووز ... قلت له : والله يا سلطان حسستني منك هههههه سلطان يضحك : كلمة المسن اليديده هااااااا ...؟؟؟ قلت له : هي مدري عنهم عااااد قبل كله .... برب وتيت ولول ... الحين طاحو لي على ... حسستيني .. سلطان ضحك ويايه وقااال : ما نعرف لهم عااد ..... صح ...!! اش حال شييوم ...؟؟ قلت له : تااابت البنيه ما قامت تحب المسن هاااك الزود .. سلطان : زين زين شي طيب .. ديري بااالج عليها عدل ... قلت له : وانا بلا شو .. ما تقول ديري بااالج ع روحج .. سلطان ضحك : وانتي بعد ..... بس عاااد تدرين هي غلاتها غييير .. قلت له : عن كلااام المنافقين سلطااااانوه ههههههه سلطان : أقول حبوبه ياييني خط ثاني .. يلا فماان الله .. قلت له : .. الله وياااك سلم ع الكل ,,, والربع مال الجامعه .... سلطان : السلااام يووووصل .. تامرين بحايه ...؟؟؟ قلت له : سلاااامتك ... يلا فمان الله .. سلطان : فمااان الكريم ... . . حطيت الفووون ع قلبي .. يا ربـــــــــــي اش كثر قمت أحن لأيام زماااان .. لأايامنا أنا وحسووون وسلطان وهم يتريوني يدااام الكلاااس وأنا أتضااارب وياهم ع الحساااب وأنا أنقل لهم المحاضرات ... وكل كــــــــــــــــل شي ... × × الصبح الساعه ست ونص والكل قاعد يتريق .... نزلت ومعاااي شنطتي وكااااشخه لروحة الجامعه ... بس قمت أخبي القصه ع قولة حسووون الكشه هههه .. لأنه أبويه ما يحب شعري يكون برا بس يوم أطلع أفلها شرااات قبل وأكثر بعد ... ما صااار له الا يومين ساكنين عنده ويتحكم بنا .. والله حااااله ... قلت وأنا اتـجدم صوبهم : صبااح الخير ,,, الكل رد عليه : صباااح النووور ... قعدت وصبيت لي عصير في القلااص وبديت أشرب بدون نفس مووول هب مشتهيه .... بصراحه .... مرت أبويه سألتني : شهد حبيبتي شو تاكلين ... قلت لها : مشكوره خالو مابا مب متعوده أتريق ... مرت أبويه : تبين أسوي لج سندويشه كليها .. هب أوكي جذا بدون ريـــوق .. قلت : لا مشكوووره خاالو متعوده .... طالعت صوب الدري شذى وشييوم نازلين مع بعض ويضحكون .. شييوم بسرعه تتأقلم ماشالله عليها .. تف تف >_< ههه عن الحسد شذى تجدمت عن الوااالد وحبته ع راسه وقالت : اش حااالك الغالي ..؟؟؟ رد عليها أبويه : بخير غنااااتي .. تعالي تريقي ... شييوم سوت نفس شذى وباااست راس أبويه : صباااح الخير بابا .. أبويه ابتسم ابتسامه عاديه وقااال : صباااح النور ... حسيت هالشي وااايد حز بخااطر شييوم .. بس يلا عادي بنتعود انشالله .. شفت صوب الدري .. شهاااب توه قاااعد ينزل تجدم وحب راااس أبويه .. أعتقد هذا من شروووط هالبيت ,., يلا من باااجر بسوي جذاا .. بس عن يفشلني أبويه .. شهاااب يلس : صباااح الخير ... كلنا ردينا : صباااح النور .. شهاااب : أبويه اليوم مقدر ايي لك الشركه عندي امتحانات ,, أبويه قال : عااد اليمعه روووح الشركه وسوو الأوراق اللي قلت لك عليها ,,, شهاااب : انشاالله .. ( طالعني بنظره بمعنى الله يعيني ,, ) (ابتسمت له ابتسامه عاديه .. وأزرته) أبويه قااام وقال : يلا أنا بروووح تامرون بحايه ...؟؟ مرت أبويه : سلامتك الغالي ( ونشت راااحت توصله للباب ,,, ) ,, شذى قااالت : شيووم بنااات صفي كلهم مستغربين انج أختي ,,, شيما ابتسمت وقااالت : صدق .. ليييش ..؟؟؟ شذى : مدري بس وااايد بناات قالو .. اختج حلوووه .. شيما ابتسمت لشذى وقااالت : بس مب أحلى عنج ,,, شهاااب قاال : صخي انتي وياااها لا انتي حلوه ولا هي ... شيما مدت بوزها : عاااد لا تقووول انك انت الحلو .. ها تراني بنتحر ... شهاااب يضحك ويطااالع صوبي : لا لا هذي شهوود ملكة جمااال العالم ,, شذى وشييوم نافخو .. ابتسمت وقلت : عااد لا تبااالغ شهابوه .. شهاب : والله ما أبالغ ... أنا بظهر أحسن لي ... ( أشر على شيما وشذى وقال ) بركاان شوي وبينقع .. انجو بأنفسكم ,, ابتسمت له ,, وصديت على شذى وشيما بالفعل بركااان ههههه ,, وقلت : سيرو المدرسه بسرعه .. شكله الباااص ياااه وانتن اهني شذى تشل جنطتها وتقووول : شييوم يلا بسرعه .. البناااات أكيد يتريونا ,,, طالعتهن ابتسمت وقلت : الحمدلله ع نعمة العقل ... تبون تعرفون شعوري الصراحه ... نحن من ييناا العين وأبويه أبد ما فكر يرمسنا .. أبد ما فكر يحن علينا ويعطينا ذره من حنااان الأبوه .. ما راااح أنكر هو بالفعل يسولف ويانا .. بس عن شووو ...؟؟ يسأل عن الحااال وبـــس أبد ما فكر يسأل عن حياااتي كيييف ..؟؟ ما فكر يسألني اذا أنا مرتاحه بحياتي ناااقصني شي غيرررر البيزات ... بقول له هي ناقصني حنانك وعطفك .. نا قصني حناان الأبوه اللي فاقدتنه منك ... بس هذااا حااال الدنيا .. والله حاااله خلفونا ونسووونا ... ما رااح أنكر انه أبويه معطي كل حنااانه لشذى .. صج انها أصغر مني .. بس الوااحد لااازم يتحسس من هالشي .. أحس انه الحيوااان بعد يتحسس بهالحالات مب بس نحن البشر ... والله اني قمت أغااار .. ليييش الكل في هالبيت يتعامل معانا جذي .. صح انهم مكرمينا وحاطينا في عيونهم بسسسس بعد حنااان الأب غير غيير ... وهالشي محسسني اني غريبه بين أهل هالبيت .... أقصد هالقصر ... هه والله أعيييش بشقتي معززه مكرمه ولااا اني أشووف نظرااات الندم بعيون ابويه بسببنا ... أوقاااات ييني تفكير غريب شوي ... مدري ليييش أحس يمكن لو اني بنت أبويه من حرمته الأولى .. جااان الحين حياااتي غييير وأبويه يحبني .. ويمكن كنت الحين ماخذه واااحد من عيااال عمي ... وعايشه حيااااتي بسعاده .. بس أوقااات أقول شو دراني يمكن لو اني كنت بنته من حرمته الأولى يمكن حياااتي بتكون كلها ضياااع بضياااع .. هه ليييش في ضيااااع أكثر عن الضياااع اللي أنا عايشتنه الحين وبهالفتره .. يلا ربي ييسر ويفرجها علي ... × × يدااام معرض السيارات .. نزل من سيارته ومعااااه مجموعة فايلات .. ودخل المعرض توجه للمكتب ... دق الباب ... بو شهاب : ادخل .... دخل ابتسم له وراااح تجدم عنه وتخاشمو : اش حالك عمي ... عسااااك بخير ... بو شهاااب : بخييير الحمدلله ولدي انت اش حالك واش حااال الدوام وياااك ..؟؟ زايد : تمام الحمدلله .. مقزرين رواحنا .. نهاية كل أسبوع أنزل العين .. بوشهاب يأشر له يقعد : تفضل ولدي ... عااد هالمشكله الأهل بمكان ودوامات شبابنا بمكان ... المهم الله يسهل عليك ,,, زايد يقعد ويمد الفااايل لبو شهااب : عمي قبل فتره شريت عنكم سياره يديده بس عااد المكاين مالكم مب جنها مستعمله .. بوشهاااب : ولدي صااارت وااايد خربطه الفتره الأخيره في المعرض والأحوااال عاد تدهورت ... بس انت ييب السياره وانشالله العمال بيشوفون وبيصلحون لك كل شي في السياره ... زااايد : مشكووور عمي ما تقصر .. أنا وديت السياره في وكاله عندنا في دبي ... بس ييت اليوم أخبرك لأنه في ناااس عاد قبل ما يعرفون شو الخطاا يروحون للمخافر والمحاكم ويسوون من سالفه صغيره قضايا .. بس حبيت أخبرك ... بوشهااب : فيك الخير ولدي ... ومشكووور ما تقصر ... زايد : يلا عاااد اسمح لي عمي أنا بروح .. بو شهاااب : تم ولدي بعدك ما تقهويت ولا شربت شي ... زايد : ما علي عمي مره ثااانيه .. أنا ظااهر من الدواام وبرد دبي مره ثانيه ... بوشهاب يوقف ويسلم عليه : الله يوفقك ولدي عااد تعاال النا مره ثانيه هااا ... واذا السياره صااار بها شي عطل لا سمح الله اتصل بي .. زايد : انشالله عمي ...سيف متى ناااوي يرد ,,, بو شهاب : ع السبوع الياااي انشااالله ,,, زايد : اتصلت به جم من مره بس ما يرد عليه ... بوشهااب يبتسم له : تدري عااد الريال توه معرس يديد ... زايد ابتسم وقال : يلا عااد عمي ... بروح أنا .. و سلم ع الكل وعلى عمي بو خالد بعد ,,, بو شهاب : السلام يوصل ولدي ,,, زايد : يلا فمااان الله عمي ... بو شهاب : فمااان الكريم .. هالله هالله فالدرب يا ولدي لا تسرع ... × × بعد مرور يوم ... الساعه عشر بليل .... من ييت العين وحالي مثل ما هو .. ما تغير ولا صااار أي شي يديد بحياتي كل شي مثل ما هو ... الملل طاغي على كل شي ... الحياااااه كلها على بعضها صارت في قمة الملل والكآبه ... أحس روحي بمووت من الملل .. لا طلعات شرات قبل ولا أي شي .. أذكر في دبي يوم كنت أمل كنت أروووح السينما أشووف أيدد فيلم نازل .. بس اهني مستحيييل نو وي أصلا منو بيرضا اني أروح السينما روحي ... كل شي متشددين به في هالبيت... أعوذ بالله سجن .. والله .... سمعت صوت الباب ينفتح ودخلت شييوم قلت لها : شو ماشي مذهب ما علموج تدقين الباب قبل ما تدشين ... شيما : لا والله أنا أبوي وأمي متبرين مني ما تعلمت .. بعد ما خلصت .. من تسريح شعري لفيت طالعت شييوم بنظره حارقه ,, وتجدمت صوب السرير شفت التلفون ع الكوميدينه يضوي ... أوووه صح نسيته ع الصااامت من وأنا في الكلاااس ... شفت الرقم .. حسون يتصل بك ... اللهم اجعل خير يارب استر غريبه داااق الساعه عشر يليل .... رديت بسرعه : ألو .. حسن .. حسن بصوت منهك وتعبااان : شهـــد ,, قلت له بسرعه وأنا خايفه : حسن شو بلااك ارمس بسرعه ,, حسن : شهد سلطااان عطاااااج عمره ... طاااح التلفون من ايدي ... طالعت التلفون بديت أصااارخ .. سلطاااااااااااااان وين رحت .. سلطان أنا راضيه عليك خلاااص مسامحتنك بس رد ,, سلطااان رد .. دخيييييلك سلطااان ... ما حسيت الا بشيما يمبي تهديني وسحبت التلفون : ألو .. هااااه ( حسيت تعابير الحزن على ويه شيما ,,, ارتسمت وقتها ما فكرت بشي ,, حتى ما فكرت اني أسمع باجي الكلام اللي قاعد يدور بين شيما وحسن .. بس اكتفيت بأني أصيح.. ) شيما مسكتني ورقدتني ع السرير بدت تمسح ع راسي ,, طالعتها وأنا أصيح : شييوم سلطااان راااح .. شيما : ان لله وان اليه راجعون .. شهود هذا يومه ومكتوب له ,, قلت لها : شيما بس أنا أحبه ماباه يروح .. شيما سلطان أخويه شيما بدت تسمح ع شعري وقلت لها وأنا أصيح : شيما سلطان رااح جذي بدون ماا نحس بعد ,, بالفعل سلطااان تركنا بدون سابق انذاااار بدون ما يلمح لنا بعد .. أصلااا الموت متى قال لأحد أنا بيي لك ؟_؟ هالشي أكييييد ,, شيما طالعتني وقالت : شهود حبيبي ارقدي الحين .. طالعتها وأنا أصيح : شيما كيف أرقد وسلطان ما صار له ثواني الا ميت .. قمت من ع السرير رحت صوب الشماعه ولبست عباتي : قومي نسير .. شيما سحبتني للسرير : شهد وين تروحين انتي بنيه ولا تنسين خلاااص نحن مب في دبي نحن في العين وأبونا وخوانا وعمامنا ما بيرضون .. وبعدين هذا يوم سلطان ومااات ما يفيد تشوفينه ولا لأأأأ .. طالعتها وقلت وأنا أصارخ : ما علي منهم هذيييل ,,,,,,, شيماااا سلطااااااااااان كيف ماااات ..؟؟ شيما نزلت دموعها وحضنتني وقالت : شــــــــــــــهــــــــــــد بس خلااااااااااااااااااااااااااااص مو بس انتي اللي تحبين سلطان .. انتي حبيتيه على أساااس أخو وبس .. ( بدت تصيح من قلب ) شهد أنا أحبه كـ شريك لحياتي .... في غيرج حبه على أساااس حبيب وشريك لحياته ,,, ( علّت صوتها ) فهمتي الحين ولأأأ لأأأأأ ... طالعتها ما قدرت أقول شي بس حضنتها بقوه وقلت : شيمااااا سلطان ليييش رااااح ,, شيما قومتني عنها وبدت تصارخ : بــــــــــــس شهد بس تكفين اسكتي خلاااااااص .. بديت أصيح أكثر وأكثر ... شفت التلفون على طول .. فتحت قايمة الاتصالات وأنا مب مهتمه وشفت رقم حسن وضغطت زر اتصااال .. رد عليه حسن بصوت تعبااان واااايد : هلا شهد ,, قلت له وأنا أصيح : حسن تعال ودني ويااااك أبي أشوف سلطااان تكفى يا حسن .. حسن يخفف عليه : شهد ما يصير .. الولد مااات خلاااص شو تبين تشوفينه أهله كلهم عنده ... وانتي أبوج ما بيرضى قلت له وأنا أصيح صياااح يقطع القلب : حســــــــــــــن أبا أشوف سلطاااان تكفى حسن دخيلك .. حسن بان من صوته التعب : شــــــــــهـــــــــــد سلطان بيدفنونه بعد ساعات .. يا شهد افهمي أهله عنده ما يصير ,, بديت أصيح وما سمعت حس حسن من الطرف الثاني .. رميت التلفون بقوه ع الأرض ... طالعت شيما وقلت بعصبيه وأنا أصيح : ما قال لج كيف مااات سلطااان ,,,؟؟؟ شيما تصيح : امبلى ... طالعتها بديت أهزها من جتوفها : ارمسيييييييييي كييييييييييييف ...؟؟؟ شيما تصيح وتشااااهق بنفس الوقت : سووا حادث سياره ... نزلت دموعي بصمت قمت من مكاني وقلت لشيما : شيما ممكن تتركيني روحي شوي ,, شيما طلعت وهي تصيح ,,, سمعت أنينها ,, وقدرت أسمع الألم اللي تخفيه بقلبها ,,, آآآآه أصعب شي بالكووون الواحد يفقد حبيب اش كثر هالشي محزززززن محزن للغايه ,,, الواحد ما يعرف هالشي الا يوم يجربه ,,, تجدمت عن الحمام وتيددت .. فتحت السياده .. ورحت صوب الكوميدينه فتحت الدرج ,, شفت فيه مصحف .. مدري متى آخر مره قريت هالمصحف ,, ما أذكر متى بالضبط ,, اللي أتذكره اني كذا مره سألت سلطان شو تسوي وقت فراغك .. يقول لي أقرا قرآن .. صحيح اني أوقات ما كنت أصدقه ,, لأني اللي أعرفه انه يطلع ويدور .. بس تأكدت من هالشي لما كذا مره شفت بسيارته قرآآآن كان معاااه دااايم .. فتحت القراآآآن بديت أقرا وأقرا وأنا أصييييح ,, يمكن من فتره ما فتحته .. الحياااه الدنيا لهتني عن أحلى كتااااب بالكون .. لهتني عن كتاااب تطمئن به القلوب يوم تقراااه وترتاااح به النفوووس .. بديت أصيح وأصيح وأنا أدعي بداخلي ..سلطان ليييش تركنا ...؟؟؟ بعد ما حسيت نفسي هدت شوي .. تجدمت عن السرير ,, وحدطيت راسي ع المخده .. الحين أنا راقده على فراااش ناعم ومريح وثواني ويمكن كم ساعه وسلطااان بينام بقبره,, الله يرحمه آمييين ... ما بيحمل معاااه شي غير أعماله ,,, ما بينفعه الحين شي غير أعماله ... ( بديت أصيح ) سلطان بس رد والله بقول لك شي .. والله اني مسامحتنك من كل قلبي مسامحتنك ليوم الدين .. والله اني ما زعلت منك .. سلطااان بس رد بقول لك هالكلمتين وبس ,, سلطااان مابي منك أي شي .. مابي منك حتى تكلمني الحين بس اني أتطمئن انك عااايش بهالدنيا ,, بس انك تتنفس ,, بس شو تبا بهالدنيا .. نهايتنا كلنا تراب ,, حياتنا . من تراب وعلى تراب ونهايتنا الى تراب .. سلطاااااااان والله اني أتذكر وقفاتك معاي الحين أكثر من أول أتذكر ضحكاتك أتذكر كل شي فيييك ,, أتذكر نصااايحك ,, أتذكر غشمرتك وكل شي يا سلطااان .. أتذكر قبل كم يوم تيي عندي وتقول أنا آسف ,, وأنا أسوي لك أكبر طاااف بس من ورا قلبي ... أتذكرك يوم تيي عندي وتقول لي أسامحك وأنا أذلّك وما ارضى .... أتذكرك وانت تطلب السماااح من بنيه يمكن ما عمرك طلبت السماااح من بنت بس أنا اللي عديتها غاليه أدري هالشي يا سلطااان بس رد انت .. عشااان أقول لك اني بالفعل سامحتك ,, والله اني ساااااااااااااامحتك يا سلطااان بس رد .. أدري خلااااص ماشي فايده من لو .. وكنت ... وكان ,,, لأنك رحلت اليوم وصرت تحت الترااااب .. أدري انك قاعد تقول خلااااص يا شهد مابي منج تسامحيني ... خلااااص يا شهد أنا رحلت لعالم ثاني مابي منج سووووا الدعاااااااااااااء لي ,, والله بدعي لك من كل قلبي بدعي لك .. تدخل الجنه .,... ربي يغمد روحك الجنه .... آسفه سلطااااااان لأااازم أنا اللي أتاسف منك على كل زله طلعت مني ,, لو بقصد أو بدون قصد .. مساااامحتنك يا سلطااان ,,, مسامحتنك ... . . هذي حقااارة الدنياااا ,,,,, رحل اليوم ... وخلااااص فارقني وصااار في قبره ... . . فقدتك والزمن مايرحم اوجاع الحزين ولايداريها .. فقدتك وانكسر قلبي ومدري كيف تاليها .. فقدتك وانطفى فرحي من الدنيا ومافيها .. فقدتك آآآهـ لو تدري حياتي كيف اقضيها .. × × فتحت الدفتر وبديت أقرا .. تهت للحظااات ,,, بديت أتذكر كل شي صااار قبل يومين ثلااث بالضبط ... تذكرت يوم اتصل بي حسن قال لي عن خبر وفاااة سلطااان كان يوم في قمة التعاسه كان يوم مؤلم بحياتي ولااازال بذاكرتي يوم مؤلم جدااا يوم فيه لوعه وتعب .. يوم من اسوء ايام حياتي لأني فقدت بهاليوم انسااان غالي على قلبي وكنت أحب حيييييييييييييل .. بديت أتذكر الأحداااث اللي صارت بعد وفاااة انساان عزيز وغالي ع قليبي ,, تذكرت روحي لما هديت اليوم الثاني واتصلت بحسن عشااان اسأل عن حال أهل سلطان وعن حال حسن ,,,, اللي عرفته انه أم سلطان وااايد تعبت وبس ما قدرت أعرف أكثر وحسن بعد بان بصوته الحزن اللي يحمله على فراااق أعز وأغلى ناسه .. تذكرت لما حسن وصف لي كيف كان يوم وفاااة سلطااان .. انه أول ما طلع من النادي ذاااك اليوم كان راد البيت ,, بس كان رايح من درب جبل علي اللي كله شاحنات وسياير عوده وكبيره اللي تشحن الأشيا ,, وبالغلط خطف الاشاره ودشت السياره بالشاحنه .. آآآآآآآآآآه يا كثر هالشي مؤلم .. بشع .. يعور القلب .. ما توقعت للحظه اني أفقد سلطااان ما توقعت اني يوم من الأيام بفارق أغلى انسااان عرفته وعديته أخووو ... الله يرحمك يا سلطااان ويغمد روحك الجنه .. صح السيدي اللي أهداني اياااه سلطااان فتحته ثاني يوم ,, كان داخله قصيده وحده ,, عن يوم الوداع بصوت فزااااع ,, بالفعل هذا يوم الوداااع يا سلطااان ,, ودعتك في هاليوم ومتاأكده ما في أمل اني بشوفك بهالدنيا مره ثانيه الله يصبر أمك ,, أكيييد حليلها تعبانه وااايد ,,, .. وربي يا سلطااان ما بضيع هالسيدي مهما قصر الزمن أو طااال .... لا شفتني ضايق وأهلّي الدمع وأبكي باقتناع لا تحزنك عيني ولا تشره على دمعاتها ( بالفعل يا سلطااان لا تهتم لدموعي لأني بصيح على فراقك اليوم وباااجر وبعده ,, بس مردي أنساااك أكيييد هالشي ) أنا فقط حبيت أدربها على يوم الوداع أحبابنا قاسين والأيام هي عاداتها مهما جلسنا نضحك و ناخذ من الحب المتاع لابد لحظات المفارق نرتشف كاساتها ( لحظاااات االمفااارق آآآآآآآه يا صعبها من لحظااات تموت القلب وتاااخذ الروح وخاصتا اذا الفراق يكون فراااق ناس ما توقعنا نفارقهم بحياتنا أبد ) حتى لوأكذب وأتوهم حبنا وهم وخداع الدمعه اللي في عيوني تعكس معاناتها حتى خفوقي لو يقول انه على بعدك شجاع ساعة فراقك مستحيل أن يحتمل لحظاتها ( اذكر يا سلطان يوم اني قلت اني شجااعه على فراقك بس والله اني ماني بشجاااعه ,, أنا أضعف الخلق اليوم .. أضعفهم لوداعك ) كلما نظرت لرمش عينك جيت لأمرك بانصياع تقول كن الجاذبيه في هدبك اثباتها بشبع عيوني من عيونك شوف قدر المستطاع عل وعساها تكتفي بالشوف من لذاتها من قبل أعرفك كان شعري من ضياع إلى ضياع والحين يمشي بس لعيونك على مرضاتها لو ما ذكرتك في قصيدي صار شعري في صراع دفاتري تبغيك تتواجد على صفحاتها ,, ( هذا انت يا سلطااان تواجدت بين صفحااااات دفاتري ,, بس متى متى ..؟ يوم الودااااع ,, اليوم تواجدت بين صفحااات دفاتري بس كل شي عنك بهالدفتر أصبح عن انسااان رااااحل خلااااص يا سلطااان ... رحلت ومن بقا وياي يحس بضحكتي وبكاي يا سلطااان ,, رحلت وخذيت معك أحلى أياااام كانت بحياتنا ... رحلت ومن بعدك صابني همممممم يا سلطاااااااان ) نزلت دمعه حاااااااااره حرقت لي خذي من حرارتها ومن كثر الألم اللي تحمله حرقتني وقطعتني ... بللت صفحه من صفحااات هذا الدفتر اللي يضم وسطه أحلى وأتعــــــــس أياااام حياتي ,,, الدفتر اللي ما فارقني لا بسراااء ولا بضراااء ,, .... وبنفس الوقت كاااان يوم في قمة التعاسه .. لأني اللي عرفته انه حسن بيسااافر خلااااص بيروح بيعيش في السعوديه .. عند أهل أمه .. هذيني بهاليوم فارقت ثاني انسااان غالي ع قلبي .. الله يعين شو بيحل بحااال حسن اللي كااان معانا بعد ... .... والأصعب يوم اني ودعت انسااانه ربتني وتعبت علي ,, بس اختااارت بعدي مدري ليش معني اغليها وتغليني بس فارقتني خلااااص ,, افترقنا وفرقنا القدر ,,, أمي راااحت للفليبين خلاااص يعني لبلد ثاني .. يمكن ما بعرف عن أخبارها بعد ,, لأنها راااحت تتزوج خلاااص .. تركتني وأنا بأشد أيامي وأصعبها ,,, تركتني خلااااص ...واختارت سعادتها وفضلت نفسها وأهلها علينا نحن .. وعلي أنا ضناها ... ... غايه هه غايه ما فكرت تتصل فيني من يوم انخطبت خلاااص ,, بس اللي اكتفت به ذاااك اليوم تحذرني من زااايد من زااايد اللي بعده واااقف ويايه ولا يمكن يتركني ... اللي حاااس فيني .. وما سوا مثلها وما تركني بأصعب أوقاتي .. هه أنا اللي قلت غايه مهما تعرفت على نااس جدد بحياتها ومهما عرفت نااااس غيري وتزوجت من منوو ...ما يكون ...؟؟ ما بتنساني بس الظاااهر اني وااايد غلطت باللي أغليتهم غلطت بصداقتي وبكل شي بحياتي غلطت بأشيااا وااايد بحياتي ... وأكبر غلط بحياتي اني موجوده بهالحيااااه ....والله اني ضقت من كل شي حتى من نفسي .. ومن اللي حولي .... أنا ضايق وبالي ضايق وجوي ضايق ,, ضيق كايد نفسي ملت وروحي ولت و عيني هلت دمع وايد ,, × × توني بجلب صفحات الدفتر عشااان أحطه بالكبت وأريح شوي أحس روحي هلكت طول هالأيااام وأنا عيني ما تشوووف النوووم ولا حتى تعرف معنى النوووم طول هالأيااام وأنا الضيق والكدره هم اللي ماليين لي حياتي .... حطيت الدفتر سمعت صوت الباب ,,, قلت بدون ما أسأل : ادخـــــل ,,, دخلت ومبين بملامحها الحزن والتعب : أهلين شهووود ,,, طالعتها ابتسمت لها وقلت : هلا شييوم تعالي ... شيما تقربت مني ومبين ان دمعتها خلااااص بتطيح من مكانها وقالت : شخبااارج شهووود ,,؟؟ قلت لها : أخباااري مثل ما هي ,,, انتي بشري شو الامتحانات ...؟؟ شيما : كله زفت بزفت ,,, طالعتها وقلت بحزن وحنان : تدرين انه سلطااان الله يرحمه وصاني عليج قبل وفاااته بكم يوم ,,,, شيما طاحت بحضني وبدت تصيح وقااالت : شهووود أنا أحبه ليييش راااح ,, رفعت راسها ومسحت دموعها وقلت : شييوم خلاااص ادعي له بالرحمه .. سلطااان توفى وما ينفع الحين كان ولو كنت ... شيما مسحت دموعها وقااالت : شهد والله الدنيا صغييره ,,, طالعتها وابتسمت لها وقلت : شييوم عادي أنا بعد بأي لحظه أفاااارق هالدنيا ... كلنا بثواني عاادي حياتنا تنتهي ... شيما دموعها نزلت : شهووود حرااام عليج لا تقولين جذي ,, والله أحبج أنا .. لا تروحين ... كاافي سلطااان طالعتها ومسحت ايدي ع شعرها وقلت : أتمصخر وياااج انزين .. بس صدق المووت لا يعرف صغير ولا كبير ... شيما هزت راسها بالايجاااب وقااالت : حسن خلاااص رااح السعوديه ,,.؟؟؟؟ طالعتها وقلت بحزن : هي خلااااص ... شيما : محد توقع يصير كل هذا بين يوم وليله .. قلت لها : وأنا بعد ما كنت أتوقع يصير كل هذا في غضون أيااام .. كنت أتحرا اني أنا روحي بس اللي بفترق عنهم .. بس الظاااهر لأأأ .. حتى غايه تزوجت و حسن ساااافر وسلطااان ما يصير غير ندعي له بالرحمه وانه ربي يغفر له ... شيما مسحت دموعها وقالت : يلا الله ييسر ع الكل ... ويسهل أمورهم قلت لها : آمييين ... سيري ذاكري شو عليج باااجر ,,,؟؟؟ شيما : فيزيااا ... قلت لها : وع ع ع ... الله يعينج عااد سيري ذاااكري ... شيما : بس في مسااائل عندي ما عرفت أحلها ,,, قلت لها : والمطلوب ...؟؟؟ شيما : تشرحي لي ,,, قلت لها وأنا أأشر بيدي : مناااك منااااك يا ماما .,. من متى وأنا فلحت في الفيزيا ,,, شيما : امف امف عليييييج شهوود والله انج هب خوووش أخت .. قلت لها : أصلااا انتي احمدي ربج انه عندج أخت شراتي يا ماما ,, شيما قالت : فديتج والله ,,, قلت لها : محد سأل عني الصبح ,,,؟؟؟ شيما : اممم الصراحه لأأأأ ,,, قلت لها : أحسن عسب ما يعرفون .. وبعدين ما حسو بحزنا أنا وانتي بعد ,, شيما : ع بالهم كنتي تصيحين عشااان ماما ذاااك اليوم ,, قلت لها : أحسن أصلاا لو درو عشااان شو كانو ذبحوني ههههه شيما حضنتني بدفاااشه وقااالت : ما بخليهم انتي أختي الوحيده بهالدنيا ,,, طالعتها وقلت : أع ع ع خنقتيني .. شيما ابتعدت وبدت تضحك : ههههههه تستاهلين ,,, شفتها وقلت لها وأنا ابتسم : علني ما خلا منج .... شيما تجدمت مني وقااالت : لو عندنا أخت ثااالثه جااان غااارت منا هههه ... قلت لها : هههه صدقج ... بس عندنا شذاوي ... شيما قالت بحزن : بس شذى عندها اللي يدلعها ويعززها ... مب أنا وانتي ... قلت لها : شييوم شو هالرمسه وبعدين نحن متعودين مب أول مره ... شيما دموعها نزلت وقااالت : شهووود ليييييش يعاملونا جيييه ,,,؟؟؟ قلت لها : شييوم بسج عااااد برايهم اش لنا فيهم ,,,, انفتح البااااب بسرعه ,,,, وسمعنا صوت ضحكه بس فجأه تحولت الضحكه لسكووون وهدوووووء يعم المكااان ...... ماله أي تفسير .. بس له تفسير واااحد وهو التعجب والاستغرااااب من المنظر اللي جدامهم ,,, |
الحلقه السابعه .. مشتاق لك موت ياللي طول غيابك ذبحني الشوق وانته عني مو داري أتذكرك كل يوم وأموت وأحيا بك وأقول وينك تجي تسأل عن أخباري شذى دخلت وهي تضحك .. بس تفاجأت لما شافت شيما وهي تصيح .. تجدمت بسرعه : شيمااا شو فيييج ..؟؟ شيما ابتعدت عني وقالت : ها .. لا ولا شي بس أحس روحي مضغوطه وااايد هالأيااام من الامتحانات ... شذى هزت راسها وقالت : علي هالكلام ,, ولا انتي متى تهمج الدراسه ... قلت لشذى : شذاوي صدق شييوم يوم امتحان الفيزيا لااازم تصيييح لأنها ميييح ... شذى حركت راسها وقااالت بعناااد : بعدني مب مصدقه ... ما تقدرون تقنعوني ... قلت لشذى وشيما : أقول شي ... فارجو أحسن لكم ... لأني ميته رقااااد ... ونودااااااااااانه ... شذى سحبت شيما وقالت : تعالي انتي يلا قولي لي ليييش تصيحين .. شييوم حركت راسها بمعنى شقول لها .. أشرت لها بعدم اهتمام أي شي شذى ياااهل وتصدق ... وطلعو .... طالعت صوب الفووون .. من يومين ما رمست زااايد حتى هو ما اتصل فيني ... يمكن خبر وفاااة سلطااان أثر فيييه لأنهم كانو ربع .. الحين أنا اللي ناادر ما أتشاوف مع سلطااان يمكن صداقتنا كاانت قويه بس بعد هي بين بنيه وولد يعني مو لذاااك الزووود قويه وتأثرت وااايد لخبر وفاااته .. عاد لو حسن وزااايد استوا بهم شي .. ما ينلامون سلطااان ربيعهم المقرب واللي وياهم بكل صغيره وكبيره وبكل خطوه يخطووونها بعد .. يلا الله يستر ع الجميع ... في معرض السيااارات ... بو خالد واقف ويطااالع السيارات اليديده اللي توها وصلت المعرض .... وقاال : بو شهاااب مو جنه السيارات عطيناها أكثر من سعرها.. بو شهاب : صدقك يا خوي .. بس شنسوي سيف محد .. وهو ماشالله محد يقدر يحل مكانه .. بوخالد : يلا انشالله نعوض الخساير يوم يرد ,, بوشهااب : انشالله .. بو خالد : ما قال لك اليوم الساعه جم بيوصل المطااار ... بو شهاااب : قال سبع المسا بيوصل المطااار وعلى ما يخلصون الاجراءات بيردون البيت انشالله ,,, بو خالد : يلا يوصلون بالسلامه ... بو شهاب : منو بيروح بييبهم ... أنا قلت حق خليفه وشهااب يروحون بسيارتين .. وعقب يعطون سيارة سيف لسيف وهم يردون بسياره وحده ,, بو خالد : زين سويت .. تعاال خالد أمسااات يقول خلود طالبه منه يطلعها البر ... بوشهاااب : شو تبون بالبر العيااال بيمرضون باارد الجو ,,, بو خالد : مدري والله هذي خلوود اللي طالبه منه وقالت تبا العايله كلها تطلع ... بو شهاااب : محد بيعطل شغلنا غير هاليهال ... بو خالد يضحك : يوم وااحد ما يصير شي ,,, بو شهااب : بشوووف وبرتب حق الطلعه وانشالله بنظهر رباااعه ... بو خالد : انت شوووف وبنرمس هل حرمة سيف يظهرون ويانا ... بو شهاااب : لو بنطلع واااايد عاااد نرووح المزرعه أحسن لأنها عوده ,,, بو خاالد : انت رتب وخبرني .. وبيصير خير ... بو شهاااب : انشالله .. يلا عاااد أنا بروح البيت ... بريح شوي ... بو خالد : الله وياااك .. والعصر قول حق الخدامه تخبر خلود عسب تيي عندكم .. عشان البنات يستقبلن عمهن ... بو شهاااب : انشالله ... × × شو ياينه زااايد .. والله اني مشتاقه له موووت .. حتى ما فكر يسأل عني هالكم من يوووم .. ليييش انزين .. أكيييد مشغووول بسسس مدري والله .. يلا أكييد عنده أعذاره ... طالعت صوب الساعه ... أوووه ماي قاااد .. بروووح بتلبس .. قالو عمي بيوصل الحين .. لو ما نزلت بيسوون لي هليله .. وعرس لاصاار ولا استوى .. بس شو البس .. يمكن عيااال عمي تحت بروووح بلبس تنوره وقميص لأني اذا لبست بنطلون ولا شي جذاا بياكلوني هاييل ... اممم ما عندي وااايد مخاوير .. بس لو البس مخوره يمكن بيطلع شكلي أحلى .. يلا بشووف وبنزل عقب ... × × الكل قاااعد عقب العشااا يسولف .. ويدامهم دلااال الجاااي .. والحلو .... سيف يطااالع حرمة أخووه أم شهاااب ويقول : تسلم ايدج حرمة أخويه ع الأكل الطيب اللي مسوتنه .. حرمة أبويه : الله يسلمك .. هني وعافيه ولدي .... خليفه يطالع سيف ويقول وهو قاااعد يضحك : شو ولدي بعد ههههههه ...؟؟ الرياااااال عرس وبعدج خالو تقولي له ولدي ... أم شهاااب : صدق انزين الا هو بعمر خااالد أخووووك ,,, شهاااب يضحك : يعني شيبه .. هاا عمي سيف شيبت خلاااص ... بو شهاب : صخ انت وياااه لا ترمسون ع عمكم .... بو خالد : صح وينه خااالد ما يااااه اليوم ... أم شهااااب : اتصلت به .. وقاال بيتأخر اليوم .... بو خالد : فيج الخير ياأم شهاااب ما تقصرين .. أم شهااب : خليفه وخااالد عيااالي يا بو خالد ,,, شهاااب : قمت أغااار تراني ... خليفه : خلكم من الغيره الحين .. نحن نبا نجوووف حرمة عمي ... ما جفناها ... سيف طالع خليفه بنظرااات : صخ أحسن لك ,, شهاااب : هي صدق والله نبا نجوفها ... حرمة عمنا يعني تصير عمتنا ,,, سيف : ايه انت ويااااه حرمتي هب عيوووز عسب تقولون لها عمتي .. خليفه يتمصخر اونه : من باااب الاحترااام عمي الغالي ,,, سيف : آآآخر واااحد يرمس عن الاحترام خلوووف ... خليفه يضحك ويقول : خاالو أم شهااب نبا نجوووف حرمة عمي حرااام ... شهاااب : هي حرااام أمايه نبا نجوفها ... سيف : انزين انزين بتجوفونها ... ترييو شوي حشا ... أم شهاااب : هي والبنات من ييتو ما ظهرن ,, سيف : حتى شذى اللي هي شذى من ارد من الدوااام تنط لي مب ظاهره اليوم ,,, أم شهااب : مع خواتهن .. زين يلتهون شوي ... سيف : شهااب سير ازقر خواتك وبنت عمك .. شهااب يوقف : انشالله .. وحرمة عمي ما أزقرها ,,, سيف يطالعه بنظره ويقول : أم شهااب هذا مب ولدكم ,,, طالع ع منو يااهل جذاا ... شهااب يروح صوب باب الميلس : أمااايه جوفي عمي ... بوخالد يوقف ويقول : أنا ساااير يا جماعه ,, بروح برتااح ورايه دوام بااجر ,,, بو شهاااب : تم يا خوي ... بعدك ما قعدت ... بو خالد : لا مره ثانيه انشالله باجر الفير بروح المعرض .. سيف : لاحقين ع الشغل يا خوي ... بو خالد : ههه تراني بدبلك انت بعد ,, سيف : جااان أتم في بانكوك وااايد أحسن لي من الرده .. بو خالد ظهر من البيت وهو يضحك ع رمسة أخوه الصغير بو شهااب قااال : أنا بعد بروح برقد ... أم شهااب : بس البنات يسلمون ع عمهن ويروحن يرقدن بيي لك ... بو شهااب : هي خل يرقدن مبجر بااجر آخر امتحاان عليهن الله يستر ع النتيجه اللي بييبونها ... ظهر بو شهاااب شااف بدربه بناته الثلاث وبنت أخووه وحرمة أخوه يايين ... قال : اش حالكن ...؟؟؟ البنات ردو : بخير ... بو شهاااب : الحمدلله ع السلامه أحلااام .. أحلام ولأنها صغيره بالسن شوي : الله يسلمك عمي ... بو شهاااب ابتسم وقاال : بنااات سيرو سلمو ع عمكن متوله عليكن .. شذى راااااااااحت طيرااان : انشالله .. بو شهااب دخل صالة البيت و خلود قاالت : أعوووذ بالله من شذاوي .. دوووم جذا .. شيما : اسكتي عن بابا يسمعج دلوعته هاااي ... دخلنا الميلس ,,, بصراحه حرمة عمي كااانت متلومه واااااايد .. أكييد شهاب وخليفه قاااعدين ويانا .. دشت سلمت وقعدت يمب حرمة أبويه .. وأنا وشييوم والبنات رحنا سلمنا على عمي سيف ... وقعدنا يمب بعض ... سيف : هاا اشحالكن بناات ..؟؟ ردينا : بخييير ,, شذى : زين ييت ملل بيتنا بدونك ,,, سيف يضحك : لهالدرجه ... خلود : صدقها والله ما عندنا حد يطلعنا ,,, سيف : يالعيارات ,,, خليفه يطالع حرمة عمه ويقول : اش حالج حرمة عمي ..؟؟ أحلام متلومه : بخير ومن صوبك ,,؟؟ خليفه : تمام ... شهااب دخل الميلس ورااح قعد يمب عمه سيف ... وقال وهو يصاصره : عمي حرمتك حلوه ما عندها خوااات ... سيف طالعه بنظره وعقب رد يطااالع البنات وقال : هاا شهوود شو الجامعه ويااااج ...؟؟؟ قلت له وأنا ابتسم : بصراحه مب شي ... سيف : له له اذا مب عايبتنج بننقلج ... شهد : لا لا بالعكس فيها كل شي بس عااد ربيعاتي اللي اعرفهن ودعتهن خلاااص .. سيف : عندج حرمة عمج أحلااام تخصص لغه عربيه في نفس جامعتكم ... طالعت مرت عمي وقلت : زييين خلااص بنترابع أنا وهي ... ابتسمت لي مرت عمي جااان عمي يقول : وانتي شييوم شو الدراسه ... شيما قاالت وهي مستحيه : اوكي .. سيف : سمعت باااجر آخر يوم امتحانات .. شيما : هي علينا انجليزي ,, سيف : ذاكرتي خلاااص ,, شيما : هي الانجليزي سهل ما يباله ... سيف : علمي هالتنابل اللي عندنا ( وأشر ع شذى وخلود ) شذى تخصرت : عمي والله اني قمت أتشطر بالانجليزي ,, خلود : هي صدق خلااااص قمنا نرمس عدل صح شهووود ,, طالعتهن وقلت : ما تتحدوني .. هههه لأني أدرس لغااات ... شذى : في هاااي صدقتي عاااد .. بس يمكن يوم نكبر بنصير شراتج هههههه .. ابتسمت لهن وما مرت الا دقايق معدوده والكل راااح حجرته عسب ينخمد بااجر يوم الخميس آآخر يوم في السبووع عقب اجاازه واااو .. بس يوم الأحد بنرد نداااوم واااع والله ما صارت عيشه ... دراسه بدراسه مليت كرهت حياااتي من الدراسه وطاااريها بعد .... × × يوم الجمعه الصبح الساعه عشر ونص بتوقيت مدينة العين .... بو شهااب : يلا بسرعه يا عيااال تأخرنا ... شذى يايه طيرااان عند أبوها : بابا حرااام نبااات هناااك .. بو شهااب : بشوووف بنتي حسب الشغل ... شذى تترجى : حرااام بابا دخييييلك نبااات ... بوشهااب : انزين شيلو معاكم ملاابس اسبير يمكن بتنا ... شذى تصااارخ : فدييييييتك بابا ... أم شهاااب يايه : لا تباغمين طريتي أذونا بصراخج هذا ... شذى سوت طاااف وراحت فوووق .. جان أم شهاااب تقول : محد مخربنها هالبنت غيرك ... بو شهااب يضحك : آخر وحده لااازم ندلعها عااد .. وين شيما وشهد ...؟؟ أم شهاااب : قاعدات يتجهزن ... بو شهاااب : أم شهااب مضايجينج شهد وشيما ... أم شهااب : لا بالعكس حليلهن من يوم يونا العين ما يظهرن من حجرهن بعد ... بو شهاااب : مو بعيده من نصااايح أمهن ... أم شهااب تغيرت ملامحها .. : وينه سيف وحرمته ..؟؟ بوشهاااب : في بيتهم بعدهم ما يو .. أم شهاااب : زين يوم ان الأرض كبيره ع الأقل العايله تكون مجتمعه ... بو شهاااب : هي زين ... تعالي رمسي البنات خل يزقرون خلود تروح معاهن بالسياره نفسها ... أم شهااب : هي حليلها فقيره ما عندها أحد ... بو شهااب : عندها بنااات عم اش له خواات بعد .. يلا ازقريهن .. الوقت تأخر ... .. .. ركبت السياره وأنا معاااي جنطتي العوده من أغلى الماركاااات .. ولابسه صندل يمكن من أفخم الماااركات .. وحاطه عطر ريحته أسبوع كاامل ما بتطير من ع العباااه .. لبست الشيله عدل وعباااه اسلاميه .. مفتوحه من ع اليمب بسسسس عشااان ما تبين اللبس .. أدرس اهني ينازعون لو القذله برع أو العباااه مفتوحه وتحتها بنطلون ... أبويه قاال : خلاااص نتحرك .... شذى : هي بابا .. خلااااص ... شيما : ابويه ممكن تمر محل الورد بااخذ ورد ... أبويه استغرب بس حسيت شبه ابتسامه ارتسمت ع شفايفه وقااال : حاااضرين .. . خلود طالعت شيما : ليييش تبين ورد هااا ... شيما : ماشي .. بس أباااه ... خلود طالعتنا وقااالت : صابها شي شييوم ولا كيييف ... شيما : ياربي .. خلودوووه لا تطفرين بي ... أبويه : بنااات وطو أصواتكن .. لأنه راسي يعورني .. خلود وشيما : انشالله طالعت صوب أبويه .. أوقااات أحسه متعاطف ويانا وأوقااات حتى ما يكلمنا ولا يطاالع رقعة ويهنا ... لييييييش جذي انزين ليييييش ..؟؟ ع الأقل يحسسني اني بنته .. ليش كل هالحواجز اللي بينا ... ليش دوووم يحاول يبني حواجز بينا .. أوقااات يكون فخاطري انه ابوي أول ما يدش البيت أروووح له ركض شرااات اليهااال وأحضنه من بعيييييد وأقول له اشتقت لك بابا ,, وأوقاااااات بخاطري اني أقول له أبويه ما بيك بحياتي ما بي وجودك ولا وجودي بهالحياااه .. أدري اني قاااسيه بس والله الزمن هو اللي فرض علي اني أكون جذي ... وصلنا هالحزه لصوب مسيد لأنه الرياييل قالو بينزلون المحطه .. قلت أنا بروووح المسيد وبعدين باجي وااايد على الخطبه والاقامه .. دخلت روحي لأنه البنات قالو ما بييون .. ما استأذنت من أبويه بس لو سألني بقول له كنت أبا اروح الحمااام ما بقول له اني بغيت اروح جذي المسيد ,,, دخلت وفسخت نعاالي ,, تجدمت وأنا أشوف النقوش ع اليداار شكلها بصراحه عجيييييب .. طالعت ثلااث حريم يقرون قرآآآن قلت : السلام عليكم ,,,, رديت عليه وحده الظاااهر توها بالثلاثين واللي معاها بعد ردو : وعليكم السلام ... قلت : غريبه خالو يايين هالحزه الاقامه بعدها .. واللي أعرفه نحن الحريم نصلي في البيت أحسن .. ردت عليه وهي مبتسمه .. : بنتي ييت أقرا قرآن .. طالعتها وابتسمت : في ميزاان حسناتج .. وحده أشرت لي أتقرب منها وهي تبتسم وقالت : تعالي أبااج شوي ... خفت وترددت بس عقب توكلت وقعدت يدامها .. قلت : نعم خالو ..؟؟ قالت لي : بنتي حبيبتي بسألج انتي كم حافظه من القرآن .. ابتسمت لها استحيت الصراحه أرد بس قلت : شوي .. مو وايد .. قالت : بنتي انتي مبين بعدج صغيره .. ملتحقه بحلقة تجويد ..؟؟ قلت لها : لأأأ .. قالت لي : التحقي يا بنتي هالشي بيفيدج وبيشفع لج يوم القيامه ... قلت لها وأنا ابتسم : انشالله .. طالعت التلفون وهو يرن قلت : مع السلامه .. الوالد بيرووح الحين .. ابتسمت لي المره وقالت : يا بنتي احفظي القراآآن هالشي واايد زين .. طالعتها وقلت : انشالله ... بعد ساعه وكم من دقيقه وصلنا لمزرعة أبويه اللي تقع في منطقه من المناااطق الوسطى اللي في الاماارات... بصراحه المزرعه وااااااايد حلوه حلوه بمعنى الكلمه .. شكلها عجيب وغريب بنفس الوقت ... دخلنا ورحنا نحن البنااات لصوب الصالات العوده الداخليه ... رحت صوب الدرايش الزجاجيه العوده .. طالعت برع .. الجوووو مسكت الصراحه غيم وبرد ... والورد والزرع والريحاان والياسمين شكله خياااااال وعجيب ... رديت ورا تجدمت عن حرمة عمي وقلت لها : حلوه المزرعه صح ... أحلاام ابتسمت لي : هي وااايد حلوه ... قلت لها : سمعت يقولون أهلج بييون ليش ما يو ..؟؟؟ أحلام : أختي ثانويه عااامه وأدبي ما بتخلص الا يوم الثلااث ,, قلت لها : هي هذي بلوى الأدبي ما يخلصون الا آخر شي .. أحلام : هاا شو مسويه في الجاامعه .. قلت لها : قااعدين نقدم الامتحانات .. خلااص قرب هالترم يخلص ... أحلاام : زيييين .. أنا طافني الترم هذا بسبب العرس ,, قلت لها : بس عادي أحسه ترم وااحد ما يفرق .. أحلااام : صدقج .. وينهن البنات .. قلت لها : مدري شييوم شرت ورد في الدرب يوم نحن يايين .. والحين مدري وينها وخلود شذى شكلهم راحو صوب المساابح .. أحلااام : هي شفتها تشتري ورد .. عمج سيف تم يضحك ههههه قلت لها : صدقه مدري ليييش شرت ورد هالثانيه بعد ,,, أحلااام : أنا بروح بغير وبساااعد خالو أم شهااب ... قلت لها : زين وأنا بعد بيي وياااج ... . . لبست مخورتي السوده مع الشيله البيضه رحت مع مرت عمي أحلااام .. للمطابخ عسب نسااااعد حرمة أبويه .. دخلنا المطبخ .. أحلاام تجدمت عن مرت عمي وقااالت : تبين مساااعده خالو .. أم شهاااب متخرعه وتقول : توج عروووس ما صار لج الا كم أسبوع ودشيتي المطبخ .. أحلام تضحك : عااادي انزين خااالو شو فيها ... أم شهاااب : يلا سيري ازقري ريلج ويلسي ويااااه شو تبين تدشين المطبخ الحين ... أحلام رااحت صوب حرمة أبويه : لا لا الا أساعدج عناااد ,, رحت صوب أحلام وسحبتها : خالو تبيني أكفخها وأطلعها ,,, أم شهااب تضحك وقالت : هي طلعيها هاااي خبله توها معرسه ويايه المطبخ ..عسب تساااعد .. قلت : أفاا عليج .. خالو الحين بشلها وبفرها صوب ريلها ... أحلاام : حراام والله بس بعابل في السلطه .. خالو أم شهااب قالت : الخدامه خلصت بس أنا قااعده أشرف ع الطباااخ ... قلت وأنا اروح صوب اليدر العود رفعت الغطا وطلع البخااار : الله خااالو شو هالريحه تسلم ايدج ع هيك طبخه .. لك ريحتها بتؤتل خالو أم شهاب ضحكت وقالت : جلبت البنيه سوري ... قلت وأنا أطلع : أنا بسير برقد وعوني بعد صلااة اليمعه أوكي .. خالو أم شهاااب : انشالله ... × × ليتك تجي وتجس شوقي ومعناي .. وتشوف قلبي كيف لابس غرامك ,, كل الأحبه تزعل وانت مرضاي ,, ما همني لو كنت مرمل سهامك ,, أشتاق لك شوق الظوامي الى الماي ,, تجدمت صوووب التسريحه وبدت تحط جحااال : حبيبي يلا قوم بسك رقاااد .. يتجلب وهو فييييه رقااد : أوكي حبي ... غايه تجدمت : يلا ميووود بنتاأخر بيأذن الظهر .. وانت بعدك رااقد ... مايد يلف ويطالعها وهو مبتسم ويقول : فديت هالويه ولله .. غايه ابتسمت بحيا : يلا ميووود بسرعه بنتأخر ع الجماااعه .. مايد يقوم ويقول : اوكي حياااتي ... غايه تتجدم صوب السرير وتقعد يمب ماايد : ميووود أنا رمست شهد ذاااك اليوم بس مدري هي شو قااامت تهذر .. مايد يأفأف : غوايه الحين صباحية عرسنا بعد شهود وشهود ... غايه نزلت راسها : آسفه خلاااص ... مايد : يلا حبيبتي عسب نسير بيت أبوي .. غايه طالعت مايد وقااالت : من ساااعه عااد أنا شو قاااعده أقول لك ... مايد ضحك : السموووحه يا أحلى غوايه ... غايه قاالت : ماايد دخيلك أنا أبا أبعدها عنه ... مايد رد طااالع غايه وقال : شهد نحن ما علينا من أحد ... خلج بروحج الحين وكل انسااان حر بحياته .. غايه : بس زااايد ربيعك ... مايد : غااايه أعتقد قبل ما نعرس قلت لج رجاءا ما نخلي أي أحد يتدخل بحياتنا وانتي بعدج على شهد وشهد ... غايه قااامت : اوكي سوري حبي .. مايد : هي اباااج جذا .. بس عااد انتي لا تزعلين والله كل اللي أسويه من خوفي عليج ... غايه ابتسمت : أدري حبيبي وانشالله من اليوم ومن هاللحظه ما بخلي أحد يتدخل بحياتنا ... مايد يشد خدودها : هي أبااااج جذا ... يلا بسير بتسبح عن نتأخر ع الجماااعه ,,,, طالعته وهي مبتسمه .. بالفعل محد يفيدها بالدنيا الا اللي يبي مصلحتها ... ما بنكر وما بقووول ان مااايد انسااان بعض الوقت يكون متشدد و عصبي شوي .. بس والله معااااي غير غيييير بمعنى الكلمه .. مايد يخاااف علي .. كل اللي يحبوني هم اللي يبعدوني عن الغلط مب اللي يحرضوني ع الغلط ,,, شهود هي شهود تبون تعرفون شهود ليييش ما حضرت عرسي البااارح .. لأني اتصلت فيها كذااا مره وطول الوقت يعطيني خااارج نطاااق الخدمه أو ما ترد عليه .. أشك لأنه ذاااك اليوم تضاربت وياها عشااان تترك زايد بس شهد ما رضت بنصيحتي نصيحتي كأخت وصديقه أخاااف عليها .. شهد متعوده تجذب كل اللي حوالينها بس تصدق اللي تحبهم ولو كانو غلطانين بس بنظرها اللي تحبهم ما بهم أي عيييب ... هذي مشكلتنا يوم نحب اللي حولنا ونأمن عليهم زيااااده ع اللزوم ... بس أنا خلاااص ما عااد يهمني أحد بهالدنيا كثررر مايد .. خلااص أي أحد بهالكون يزعل الا مااايد .. عندي الكل في الكل .. × × .... يتمشى معاها في الحديقه ويقول : شو راااايج حبي ,,,..؟؟؟ أحلااام مبتسمه : شكلهااا وااااااااااااايد حلو تصدق واااااااااايد ... سيف ماسك ايدها وتجدمو عن الورد وقااال : تشوفين هالورده ... أحلااام : هي بلاها ...؟؟؟ سيف : هذي قبل كم أسبوع يينا أنا وولد أخويه وزرعناها .. أحلااام : حلو .. تعرف للورد وهالسوالف .. سيف : وااايد ... أحلااام : أنا بعد ... وأحب الورد بعد .. سيف : أنا أبا أعرف هالبنات جيييه خارطين ع رواحهم ورد ما ورد .. أحلام : سووووااااف عااد لا تتمصخر عليه .. سيف يضحك : لا صدق ولا شييوم اليوم شرت ورد والله ضحكتني ... ههههههههه أحلام : اش دراااك انته يمكن تبا تعطيه حق أحد هديه ,,, سيف يضحك : حق منو يعني ... ..؟؟؟ ما أحيد شي مناسبه اليوم ... احلاام : بنااات عاد انت تدري بسوالف البنااات ... سيف يضحك ويقول : تعالي تعالي براويج ورا المزرعه ,,, أحلام تقول : انزين امش شوي شوي بطيح تراني وبتكسر .. سيف : أعوذ بالله سلحفاااه ... شكلي بعلمج المشي كيف بعد ,, أحلااام : حرااام عليك تباني أركض بالجعب يعني ... سيف : أخ خ أحلاااموه .. امشي بسرعه من يوم خذيتج وانتي بطيئه .. أحلام : سوااااف شوي شوي ... × × طلعت من الصاله .. تجدمت عن الياسيمين .. يا ربي اش كثر أحب هالورد أموووت عليه بعد ... طالعت تلفوني .. غايه من أسبوع يوميا تتصل فيني .. بس أنا ما برد خلاااص دامها اختارت مااايد على صداقتي .. ما بنكر وما بقول انه صح مصلحتها مع مااايد مو معاااي بس بعد ع الأقل تخترم مشاعري وصداقتنا لو شوي بعد ... خذيت معاااي من الياسمين .. وبديت أمشي ... الين وصلت ورا .. صوب المسبح ... طالعته تجدمت عنه وقعدت جريب الكراسي ... بديت أطااالع المسبح ... أنا ناادر ما أروح البحر ... أكثر شي أروح النوادي اللي فيها مسااابح .. بس بعد حلوه السباحه في النااادي نحن البنات نبدا نتضارب بالماااي .. يا حلوها من أيااام يوم أنا وغوايه نتضارب بالماااي بس خلاااص هالأيام راااحت وولت ... سمعت صوووت من وراااي : لأأأأأأ بلوووووووووح مابا داااخل مو حلووو ... .............. : لا تسير تعااال اهني بشتري لك حلاوه .. وصوت يااااهل وهو يركض صديت طااالعت وراااي ... شفت وليد قاااعد يركض بسرعه ,, بس اللي فاجئني صوت واااحد وهو يقووول : يوديــــــــــــــه عن يدش المسبح .. تخرعت وقفت رحت بسرعه صوب وليد ومسكته وبدا يتضاااارب ويقول : نزليني نزليني ما أحبج .... قلت لها بصرامه : صخ لا تتحرك .... طالعني وليد مستغرب ,,, وقااال : منو انتي لييييث ما خليتيني الوووح ماااي ... طالعته ابتسمت ابتسااامه يمكن ما تبين بعد وقلت : كيفي .. يلا سير داااخل .... سمعت صوت ريااال تجدم عنا وقااال : وليييد يالهرم جيييه تركض وبعدين جم مره قلت لك هالمسبح مال كباااار مب مال صغاااار .. وليد : بابا أبا أتثبببببببح ... أنا كبيييييييييل خلاااااااث ابتسمت لوليد وقلت : هي انت كبيييييييير صح ههه ... خالد رفع راسه وقااال : مشكوره بنت العم ... قلت له بنفس النبره : العفو .. ما سوينا شي ... خالد مسك ايد وليد وحسيت بالحنااان اللي يحمله لولده وقاال : يلا نسير نلعب بليستيشن .. وليد طالعني وقااال : انتي تعالي ويانا ... قلت له .. : لأأأ حبيبي أنا ما أعرف .. سير وأنا بيي داخل .. وليد بدا يصااارخ : ما بلوووووح تعالي ويانا .. قلت له وأنا ابتسم : اهداا يا رياااال شو صااابك ... خالد شااال وليد وقال : انزين بنروح نلعب يلا تعااال ويايه .. وليد : بث تلعب ويايه ما تلوووح عند يدي ذين .. خالد ابتسم له وقاال : زين ,,, يا شااااطر ... تميت أراقبهم الين ما دشوو داااخل الصاله ... شي حلو الواحد يحس باحساااس وعطف الأبوه .. الظاااهر خاالد وايد يحب ولده شي حلو انه الواااحد يحب ولده وهالشي أكيييييييد من يكره ولده .. غيييييير طبعا .. خلوني ساكته أحسن لي ... سمعت صوت التلفون وهو يرن .. تجدمت صوبه ورديت ... : آلو .. هي تعالو عندي أنا عند المسبح .. لا أي حر توها أربع العصر ... وبعدين نحن شتااا يا ماما .. يلا أترياكم ..... لفيت ثواني الا وأشوف شيما وخلود وشذى يتجدمون صوبي .. ابتسمت لهن ويو صوبي وهم مبتسمات ... قلت : هلا والله هلا ... شيما تطالع السما : الجو حلو صح ... قلت لها : هي وااايد ... بس برد بعد .. شذى : عيبتكم المزرعه ...؟؟ شيما : هي وااايد حلوه المزرعه وشكلها بعد غير ... خلود : عمي بو شهااب وااايد يهتم فيها ... شيما : هي الظاااهر جذا لأنها مرتبه واايد شذى : بس بعد هالمره شكلهم مغيرين بها شوي .. خلود تقعد ع الكرسي : هي وااايد ... قلت : كيف يعني ...؟؟ خلود : من ناااحية الأثاث الداخلي والقعدات اللي برع .. قلت : اهااا .. بس لااازم الوااحد يغير .. الواحد يمل يوم كل شي نفس الشي .. خلود : صدقج .. حتى النفسيه تتغير .. شيما : بنااات تدرون اليوم شو ..؟؟؟ طالعتها وقلت : ليش ع بالج اني أنسااا يوم مثل هذا .. شذى : شووو ..؟؟؟ طالعت خلود وشيما وقلت : عيد ميلاااد شييوم اليوم ... خلود ابتسمت بفرحه : صدق والله ... شذى : جيه ما خبرتينا كنا نييب لج هدايا ع الأقل ,, شيما : لأأأ عادي مب لاازم ما أحب الهدايا أنا ,,, شذى : عااد مو لهالدرجه .. تريي وبنييب لج هدايا .. قلت لشيما : وصلج المسج .. شيما ابتسمت : هي مشكوووره شهود .. بليل الساعه اثنعش بالضبط وصلني ... قلت لها : عسب تعرفين أختج لا يمكن تنساااج ,,, شذى طالعتني وقااالت : شكلكم واايد مع بعض ,,, شيما : هي تووو كلوووز ... خلود : يلا الله يديم المحبه بينكم .. قلت : آمييين ,,, خلود : ممكن أسأل شوي ...؟؟؟ شهد : هي أكيييد ... شذى : لحظه وأنا بعد عقبها عشااان اطلع كل اللي بقلبي ,, قلت وانا بتسم : خذو راحتكم ... خلود : انتو كيف كنتو عايشين في دبي ..؟؟ قلت بدون اهتمام : عادي كل شي ع كيفنا ... وكل اللي نبيه نسويه .. خلود : كيف يعني ... قلت لهن : يعني عايشين حياتنا محد يسأل متى نطلع ومتى ندش ,,, خلود متفاجأه : وامكم ... قلت : تراها شراتنا .. ع كيفها يعني ,,, خلود : انزين انتو ما تشتاقون لعمي ,,, اللي هو ابوكم .. قلت وأنا ابتسم : شو تتحرين يعني ...؟؟ شذى مستغربه وقاالت : بقول شي بس محد يزعل بليييز ... قلت لها : قولي .. متعودين ع الرمسه اللي تزعل ,,, شذى : ما أقصد جذي بسسس ... انتو أمكم كيف عرفت بابا ,, طالعت شيما ورديت طااالعت شذى وقلت : شو قالو لج ...؟؟؟ شذى : مدري بس يقولن سحرته .. هاللي عرفته ,, طالعتها وقلت : يمكن بس أنا عن نفسي ما أعرف تدرين ... شذى : غريبه ,, قلت لها : يقولون انها كاانت خدامتكم وبس ما أعرف شي ثاااني ... شيما قااامت وقالت : يوم تخلصون من هالسوالف ازقروني ,,, قلت وأنا أقووم : خلصنا تمي أنا بروووح داااخل لأني بديت أبرد ,, شيما ردت قعدت وقاالت : ألجووو حلو بالعكس ... قلت لها : بس عن تمرضين .. حاسبي ترااا اهني ماشي ايفا تحط لج كمادات ... ابتسمت لي شييوم وقالت : انشالله ,,, ( وشذى وخلود طالعو بعض مستغرباااات وااااااااايد من ردة فعلنا أنا وشييوم ) ما بنكر انه أسئلة البناات حزت بخااطري واايد .. بس خلاااص تعودنا ع الكلاام الجاارح كلما ردينا أو رحنا .. انتي كذا وانتي كذا .. كيف أبوج سوا جذا وأمج ليييش جذي .. أحس خلااص تعودت على هالأسئله وصااارت من روتيني .. اليومي ... دخلت الصاله ,, طالعت أبويع وعمي بو خالد ابتسمت وقلت : السلام عليكم .. ردو عليه وقالو : وعليكم السلام ... رحت تجدمت عن الدري ,, بس أبوي وقفني يوم قااال : شهد تعالي ايلسي ويانا شوي ... طالعته وقلت وأنا خاايفه بداخلي : انشاالله .. تجدمت صوبهم وقعدت وأنا متوتره واايد مدري شو يبا فيني ابويه .. بس قال لي : عيبتج المزرعه ,,, استغربت من سؤاله الصراحه بس اكتفيت اني أقول : هي .... أبويه : انشالله مستانسين ... قلت له : هي الحمدلله ... أبويه : شهد بغيت منج شي ... قلت : أمر ابويه انت تامر أمر .... أبويه : شهد انتي حااافظه شي من القرااان ... طالعته فهمت ليييش سألني هالسؤاال وقلت : لا تخاااف أبويه مهما كااان أنا كنت عااايشه بين مسلمين لاازم أعرف ديني ... أبويه ما علق ... ع كلامي .. صح اني أقصر بصلاتي أصلي كم من صلاااه وأوقااات لأأأ بس بعد أعرف عن ديني الحمدلله مو لهالدرجه عاااد .. مب مره وحده اني ما أفتح المصحف ,, بالعكس .. أوقااات أحس روحي أقرا عن قلب ... بس بعد الله يهديني وانشالله ما أقصر مره بصلاتي .. لأني الصراحه في شقتنا ما كنت أصلي بس لما ييت العين شفتهم كل أوقااات الصلاه يصلون وكذا مره شفت شذى تقرأ قرأأأن هالشي شجعني وبديت أقرااا ... غير المره اللي كلمتني اليوم .. وااايد شجعتني الصراحه .. أسلوبها جدا جدااا رااااائع في النصح .. عجبني أسلوبها ... بالفعل أنا ما أقرا واايد ولا حتى صلاااتي كنت أهتم لها .. بس الحمدلله هالفتره قمت أهتم بصلاتي .. غير وفاااة سلطاان بيين لي انه الدنيا فااانيه ونهايتنا تراااااب ... بو خالد قااال : ماشالله شهد تعرف دينها يا بوشهااب هب لاازم تسألها ... ابتسمت لعمي وقلت : لأأأأ عمي عادي .. بس هالشي واااجب .. عمي بو خالد ابتسم وقال : شو تدرسين بنتي ..؟؟ قلت له : لغاات .. قال لي : شي طيب تبين تصيرين مترجمه .. قلت له : انشالله .. أبويه قاال : عايبتنج الجامعه اهني ..؟؟ استغربت يمكن من اهتمام أبويه لي وقلت : هي زينه .. ابويه : اذا نقصج شي خبريني .. قلت له : انشالله ... استغربت من أسلوب أبويه ويايه أول مره يكلمني بهالأسلوب من ييت العين ... دوم متعود يكلمني بأسلوب جاارح وقاسي .. بس الحين الحمدلله يكلمني بأسلوب زين وااايد .. اذكر مره بعد ولا يمكن بحياتي بنسى هالموقف بحياتي .. يوم علقو عليه وقالو عني بنت الفليبينيه .. بس خلاااص هاللقب تعودت أسمعه .. وأسمع أكثر عنه .. يعني مثااال بنت الفليبينيه ما تعرف لأنها متعوده عالسوشي .. أو متعوده ع الاسباغيتي .. أحسهم يجرحوني بهالكلاام .. بس بعد قاامت معاملتهم تتحسن يوم عن يوم .. أكيد لأنهم بدو يتعودون علينا ... قطع علي تفكيري صوت عمي وهو يقول : ماااايد تزوج البارحه ... حسيت الدم بعروقي وقف غايه تزوجت غاايه .. غايه تزوجت ..؟؟ كيف هنت عليها .. حتى ولو ما تبي تعزمني ع الأقل تخبرني انه عرسها ولو بمسج .. حتى ولو ما تتشرف اني أحضره بس ع ألأقل أكون داريه انه ربيعة روحي بتتزوج .. بس هذا الزمن لااازم القوي يااكل الضعيف .. بس بعد أنا شموخي ما يسمح لي اني أكلمها الحين خلااص دامها اختاارت البعد خلااص كلن بدربه ... يادمع عيني خف جرحت عيني والعين تبكي خوف تفقد بصرها ,, حسيت للحظه يتني الجرأأأه وقلت : أبويه .. رد علي : نعم بنتي ... هالكلمه خلتني أسكت ويمكن كانت بتخلي دمعه سااااخنه تنزل على خدي .. قلت : خلااص ماشي ... ابويه طالعني وقااال : ارمسي شهد شو فيييج ...؟؟ طالعت عمي وأبويه وقلت : ابويه انته جيييه فريتنا في دبي .. أبويه مستغرب وقااال : أنا فريتكم ,,, قلت له : هي .. انت .. حتى ما سألت عنا .. ابويه : شهد بنتي أنا دوووم أسأل عنكم ,, قلت لها : ابويه مب انك تسأل عنا يوم تقول ناقصنا شي .. بالفعل نحن ناقصنا شي تدري شو هو ... ابويه استغرب وطالعني بنظره عاديه وقاال : شهد فيج شي ,,,...؟؟ طالعتها وقلت : ابويه نحن ناقصنا حنانك تعرف هالشي ,,, ابويه تجرب عني وضمني له وقااال : شهد خلااص انسي الماااضي انتي اليوم عندي خلااص ... وبتميين عندي انشالله .. قلت وأنا أطالع ابويه : متى يا بوي يبتني عندك بعد مااا فااات الآوااان .. ابويه طالعني مستغرب : شهد ارمسي .. صابج شي ..لا سمح الله ..؟؟؟ قلت له وأنا أوقف : لأأ ابويه الحمدلله ما ضابني شي واسمح لي ع الرمسه اللي قلتها لأني كا كنت صاحيه ... تجدمت عن الدري .. بس في صووت وقفني يوم سمعت صوت .. : هي صااابها شي . .. تعرف هالشي ... لفيت وأنا منصدمه وقلت : شيما تعالي ... شيما تجدمت عن ابويه وعمي وقااالت : صابها واايد اشيا .. واول شي الضياااع .. ابويه تعرف نحن كيف كنا عايشين في دبي وكيف كااانت حياتنا ... عمي مسك شيما وقاال : بنتي اهدي ويصير خير عقب ,, شيما طالعت ابويه : فكرت بيوم تسأل كيف عايشين أنا وأختي فكرت كيف حياتنا كانت في دبي ... ومتى نرقد ومتى ننش من الرقاااد تجدمت عن شيما مسكتها وقلت : ابويه شيما صغيره وما تعرف للي تقوله وما تقصده .. شيما طالعتني وقااالت : لأأأ أنا أقصد يااا شهد ... طالعتها وقلت : شيما بس خلاااص .. أبويه قاااعد بمكانه وقال : شهد خليها ترمس ,,, شيما طالعت ابويه وقاالت : اكييد برمس شو عبالكم بخاااف يعني ,,, قلت : شيما رجاءا صخي وتعالي ... ابويه قااال : شذى وخلود سيرو فوووق .. شذى تجدمت عن ابويه وقاالت : ما بخلي بنت الفلبينيه تسحرك مره ثااانيه ... طالعت شذى بعصبيه وقلت : بـــــــــــــــس خلاااص .. انتي مالج حق تقولين لنا جييه فاهمه .. شذى دمعت : بابا من يوم هذييل يو بحياتنا ونحن حياتنا منجلبه .. قلت لأبويه : فهمها أبويه انه نحن بعد بناااتك مو بس هي ... أبويه قااال وهو معصب بس ميود روحه : شذى وخلود قلت لكم روحو فوووق ... شذى صعدت وهي تصيح وخلود معاها .. طالعت أبويه وقلت : تصدق بابا توها تسألني كيف عرفت أمااايه .. ابويه سوا لي طاااف و طالع شيما وقااال : شيما أنا مقصر بحقج .... شيما دموعها هلّت وقاالت : وايد يا بوي واايد تدري ... عمي تجدم عن شيما وقااال : شيما مهما كااان هذا ابوووج ... شيما صاااحت : ابوي .. لو ابوي جااان ما فكر يتبرا منا .. جان ما فكر يودرنا عند وحده ما يعرف ديانتها بعد شووو .. ما كان أمن علينا ونحن ساكنين على بعد أمييااال عنه ... ابويه : شيماااا رجاااءا لا تسولفين وانتي مب قد الكلااام اللي تقولينه .. شيما ردت وهي تصيييح : امبلى قده ابويه قده ... ابويه : شهد شيلي اختج ووديها فوووق ... طالعت شيما وقلت لأابويه : انشالله .. بس اعرف ابويه نحن على كثر اللي سويته لنا الا نحن مسامحينك .. ثواني الا وأجوووف حرمة أبويه نازله ومعاها شذى وقااالت : ليييش شذى تصيييح ..؟؟ ما رديت عليها وطااالعت شيما بس شيما فاجئتني يوم قااالت وهي تبتسم بطنازه : لأنها قااالت لما بنت الفلبينيه والحين عرفت انها غلطت تتأسف بالصياح حرمة ابويه شافت ابويه وقاالت : بلاها شذى ,, شيما : دلوعة ماما وبابا على طووول رحتي لأمج وابوج تشتكين .. . ابويه وقف من مكانه وتجدم عن شيما وقااال بصرامه : شيـــــــــــمـــــــــاااا ... عمي بو خالد تجدم عن ابويه وقااال : استهدا بالله يا بو شهاااب خلهن صغاار بعدهن ما يعرفون .. شيما قالت باستهزاااء : وأنا يا حسررره دلوعة منو .. لا ماما داريه عني ولا بابا .. ابويه طالع شيما وقااال : انتي يبالج من يربيج شكلج بعدج ما تربيتي... ما تمنيت اني أوقف جدام أبويه بس قلت وأنا أدافع عن شيما : أكييييييييد نحتاي من يربينا .. مو بس شيما أنا بعد تدري يا بوي ... ولا من متى الكفااار يربونا ع الأخلاااق .. انت تعرف هالشي .. ابويه تجدم عني ومسكني من ياقة قميصي وقااال : شهد وشيما ان ما صخيتو لي حساااب ثاني وياااكم .. قلت وأنا دموعي تهل : اضرب ابويه يمكن من بعد ضربك بحس بحنانك اللي فقدته .. شيما تجدمت عن ابويه وبدت تسحبني وقااالت وهي تصيح : ابويه انت فحياتك ما فكرت فينا فحياتك ... ابويه طااالع شيما وقاال : والله العظيييم ان ما سكتتي لي حساااب ثاني وياااج ,, شيما طالعت ابويه وقااالت : تدري ابويه ليييش طلبت منك تشتري لي ورد ,, تدري ليييش اليوم قلت لك مر محل الورد ابا ورد .. ما فكرت حتى تسألني لييييش ابا الورد بعد ...؟؟؟ ابويه وكلنا سكتنا .. : ........................ ( لا رد ) شيما بدت تصييح : لأنه يوم ميلادي .. تدري بنفس هاليوم يت لك بنيه اسمها شيما و ليتها ما يت بهالدنيا بعد .. تعرف هالشي يا بوي .. اشك انك تعرف يوم ميلادي بعد .. أصلا اشك انك تعرف عمري بعد .. تدري بنفس هاليوم تركتنا بروحنا .. تدري من يوم وأنا صغيره انت ولا مره فكرت تشيلني ولا حتى تبوسني يمكن أو تحضنني شراااات هالعالم والناااس اللي يشيلون عيالهم .. تعرف هالشي يا بوي طالعت حواليني بغيت أتجدم من شيما وأسكتها من الحاله اللي هي فيها .. بس حسيت بالهدووووء والسكووون اللي عم حواليني .. طالعت نظرااات أبويه .. حسيته للحظه خلاااص بركااان وبينفجر .. شوي وبيطلع حرته فينا أنا وشيما وبيقووول خلاااص ماباااكم انتو ساااس هالبلا كله .. حسيته قاااعد يتجدم من شيما .. شوي ويضربها بغيت أتجدم من شيما وأحميها عشااان ما يمد ايده عليها .. شيما بعدها بسن الزهوور لا يمكن تستحمل أي ردة فعل .. وعادي تسوي أي شي بروحها ... |
يا سلامي عليج يتميه زايد عيني دمعت والله انه البارت مؤثر بصراحه البارت روووعه وكملي |
أسعدني مرورج غاليتي .. نورتي وربـــي .. ولا خليت من هالطله .. |
الحلقه الثامنه .. مالك علينا يالغرام ,, ساااكت ولا تبدي اهتمام ,, حتى اتصالك منقطع مالك سلام ولا كلام ,, مالي عقبك هنا ميت عذاب ميت عنا مقهور من بعدك أنا سهران ليلي ما أنام ,, تجدمت بأسرع ما عندي صوب شيما عشااان أحميها من أبويه .. .. بس أبويه فاجئني يوم أبعدني عنها ... والكل تفاجأ .. أبويه شاااف شيما ومسكها من يدها وبدا يبتعد ... قلت بصوت عالي وأنا أصيح والحقهم : ابويه لا تسووو بها شي أبويه حرااام عليك ... ابويه طالعنا وقااال : محد ييي ويانا .... ( وطالع عمي ... ) قلت وأنا أشوف عمي : عمي الحق بيموت شييوم ... عمي ابتسم لي وقال : اهدي شهد ما بيسوي بها شي بس بيرمسها ... طالعت عمي ورحت رميت روحي بحضنه : عمي لا تخلي أبويه يسوي فيها شي شييوم صغيره ... عمي مسك ويهي وقال : خلاااص شهد ما بيسوي بها شي ... شذى تجدمت عني وطالعتني بغيت أفلعها ضرب .. تتكلم عنا بطريقه غير لائقه ابدا والحين يايه ترمسني ... طالعت عمي وقلت : عمي ابا اسير عندهم ... عمي بو خالد : شهد ابوج بيرمسها على انفراااد خليهم روحهم .. بيفهمها .. أم شهااب قالت : شذى سيري تأسفي من أختج .... شذى طالعت أمها وقالت : مابا ... طالعت حرمة أبويه وقلت لها : خليها خالو .. بعدها صغيره وباااجر بتكبر وتفهم .. أم شهاااب يت عندي وقالت : شهد اهدي شوي ... وما يصير الا الخير ... طالعت مرت أبويه على كثر اللي شافته .. ويوم ابويه تزوج عليها الا انها صااابره حتى يوم ابويه تزوج عليها تمت قويه وما تركته ... تمسكت به أكثر ,,, والحين حتى يوم ابويه يابنا عنده .. ما شفتها بيوم تتأفف .. منا ... طالعت حرمة ابويه وقلت : وين راااحو ..؟؟؟ عمي بو خالد طالعني ومسك ايدي وقال : تعالي بوديج عندهم ,,,, يالحنانه ,, قلت له : صدق عمي .. يلا بسرعه أخاااف صااار بشييوم شي .. مشيت مع عمي وأنا أحاااول أسرع بمشيتي ... عسب أوصل وأنقذ شيما بأسرع ما عندي ..... طلعنا من الفله ... وبدينا نرووح صوب المسااابح .. مدري ليييش وداها أبويه عند المسابح ... ما وداها المكتب أو الصاله اللي برع ... تفاجئت لما شفت المنظر اللي يدامي طالعت عمي وقلت : شو فيهم ..؟؟ عمي ابتسم وقااال : يلا سيري عندهم وأنا بدش ... قلت : لاأأأ عمي تم أخاااف يسوي بنا شي بابا ... عمي طالعني وقااال : شهد خلج قويه يلا سيري واعتذري من ابوج انتي بعد ... طالعته وقلت : صح لازم أعتذر مهما كااان ومهما سو بيضل أبوي .. عزتي وكرامتي ... عمي : اباااج جذي عاقله مب عشااان سالفه صغيره تروحين له وتتضاربين وتعايرينه بماضيكم .... وديري بااالج يا شهد ابوج عنده الضغط ترااا ... طالعته وقلت : انشالله عمي .. وبالفعل مهما كااان ابوي عزتي وكرامتي ولا يمكن أهينه ... ابتسمت وأنا أتجدم صوب شيما وبابا .. طالعت شيما مبتسمه تطالع ابويه وتصيح بنفس الوقت ... تجدمت عن ابويه وبسته ع راسه وقلت : بابا أنا آسفه .. ضمني لذراعه وقاال : شهد انتي عاقله مدري شواللي صابج اليوم ... قلت له : بابا يمكن مضغوطه من الجامعه .. فعشان جي ما كنت بوعي ... أبويه حضنني وقال : ماعلي عاادي حبيبتي بس بعد طووول عمرج احسبي للكلمه الف حساااب قبل ما تنطقينها بعد ... طالعته وقلت : انشالله .. شيما تأسفي من بابا .. شيما طالعت بابا وبدت تدمع : تأسفت خلاااص ... ابويه قااال : شييوم صدق ياااهل يبالها من يعلمها بعد .. شيما ابتسمت وقااالت : عااد مو لهالدرجه بابا ... ابويه : وينها شذى ...؟؟ شيما :مو جنها هاااي شذى ... صديت وراااي شفت وحده من بعيد قاعده تتمشى وقلت : هي جنها شذى ... ابويه بدا يصااارخ : شذى ... ياشذى تعااااالي ؟؟ شذى تمت تتجدم شوي شوي وابويه قااال لي : لا تاخذون بخاطركم شذى بعدها صغيره وما تعرف للكلام اللي تقوله ... قلت له : هي بعدها صغيره ... وصلت لنا شذى وقالت : نعم ابويه بغيت شي ... ابويه ابتسم لها وقااال : يلا تأسفي من خواتج .. اللي أكبر عنج ... شذى يت عندي وباستني وقاالت : آسفه ... قلت لها وأنا أضمها : معذوره حبيبتي ... ابويه ابتسم : ليييش شيما مو أختج يعني ...؟؟ شذى راااحت عند شيما وقالت : آسفه .. شيما : ما برضى الا يوم تبوسيني شرااات شهود ... شذى تضحك : احلمي عاااد ... شيما تعطيها بوكس ع الخفيف : عنلاااتج ... ابويه طااالع شيما : شيما شو هالرمسه ... شيما نزلت راااسها : انشالله بغير كل شي حتى تصرفاتي .. ابويه ابتسم لشيما وشذى وقااال : خلونا بروحنا شوي ... شيما وشذى ابتعدو وأنا استغربت وااايد ليش ابعدهم .. طالعني ابويه وقااال : شهد اسمحي لي بنتي .. أنا وااايد كنت مقصر بحقكم .. قلت له : لأأأأ ابويه ترا كلامنا اليوم ما كان بقصد .. جذي بالغلط طلع بس ... ابويه طالعني وقااال : شهد مب من كلامكم ... كلامكم ما أثر بي .. من زمااان وأنا مقصر ... انا ادري قلت : لا ابويه مو لهالدرجه ... ابويه : شهد اعتبري .. انه خالتج أم شهاااب أمج ,,, وقولو لها أمايه بعد لو تبون .. طالعت ابويه وقلت : ادري انك كنت خااايف علينا من هالشي ... ابويه طالعني مستغرب : كييف ...؟؟ قلت له : كنت خااايف ناااخذ ديانتها صح .. عشااان جذي ما كنت تيي عندنا واايد .. ابويه طالع الماااي وقال : بس غلطت أنا ... المفروض كنت أربيكم من صغركم عندي .. قلت له : ابويه بس بعد هذي أمي ... لا تنسى هالشي .. ابويه طالعني وقااال : أصيله شهد ... قلت له : الحمدلله على كل حااال ابويه ... صااار خير ... ابويه طالع صوب البوابه : شهود دشي الشباب بييون عقب شوي .. قلت له : انشالله ابويه ... تجدمت عن الفله عسب أدش ثواني الا وأحس أحد يسجبني سحب .. قلت : آآآآآآع ع ع شو تبون بي ....؟؟؟ شيما وشذى ضحكو وشييوم قاالت : شو كان يبا بج بابا ...؟؟ قلت لها : أول انتي خبريني جييييف راضاج .. وأنا بخبرج .. شيما : سررر وأنا ما بخبرج .. شذى تحن : يلاااا شو قااااااااال ...؟؟ قلت لها وأنا ارفع خشمي : سالفه بين بنت وابوها انتي شكووووو ........... شذى : جلبت البنيه كويتي .. قااالت شكو قااالت .... قلت لها : يااا معوده رحي منااك زين .. ناقصتج تعورين لي راسي .... شيما : مااالت .. لا تنسينا يلا قولي بابا شو كااان يبا بج ....؟؟ قلت وأنا أدخل صوب الصاله : بين بنت وأبوها انتو اش لكم .... وبعدين العين بالعين والسن بالسن والباادي أظلم ,,, سمعت صوت : صدق بين بنت وأبوها انتو اش لكم .. لفيت طااالعت يميني وقلت : ياااا حييييييييج والله ... قوميهم عني لأن فيوزاتي ضاااربه .. مره خلاااص ... خلود تضحك : بنااات سمعتو آخر خبر .. قلت وأنا الف وراي : نووو للأسف كنا عند باباتي ... خلود : انزين هو اللي قااال هالخبر ترااا ... قلت : ماشالله هالعايله بسرعه الأخبااار تتنقل عندهم .. يلا قولي اش عندج ..؟؟ خلود : أحم أحم .. سيداتي سادتي الكرااام .. اليوم بنبات اهني .. شذى صااااااارخت : هيييييييييييييييييييييييييييييييييييييي .. قلت وأنا الف وأطالعها : جــــــــــــــب شو من صوت عليييج .. صمختينا ... شذى بفرح : يا ربي والله ونااااسه المزرعه ... قلت : شو السبب انزين ,,,؟؟؟ خلود رفعت جتفها : مدري والله بس يقولون بنبات اهني ... قلت وأنا أهز راسي وأدش الصاله : شي طيب شي طيب .... سمعت صوت من داااااااخل الصاله : بلااااااااااااها الهنديه تهز راسها .. طالعته وأنا مغتاضه من دااخلي .. وقلت : هنديه فشكلك ... وحيااااتك بنت فلبينيه ... شهاااب طالعني وهو يضحك وقااال : قولي حق الوالده تجهز أسيااااخ حق الكباب ... قلت بفرح : بنشووووي .... شهاااب : الرياييل وبس .. انتي اش لج اجلبي ويهج ... قلت : لأأأ حرااااااام .. شهااب : يصير خير .. أول قولي حق الوالده تجهز الأشيااااء .. قلت له : أوكي .. الحين بروح بقول الها ... تجدمت عن المطبخ شفت خالو أم شهااب وقلت لها : أماااايه ... لفت مستغرررررررربه عن خااااطر وقالت وهي مبتسمه : هلأأأأ بنتي ... فرحتني بردة فعلها فقلت لها : الرياييل بيشووون .. جهزو الأسياخ والكواره .. عسب الشوي .. وعاااد انتي أدرى بشغل المطبخ .. قالت وهي تبتسم لي : انشالله .. قلت لها : تبين مساااعده ...؟؟؟ قالت لي : لأأأأ بخلي الخدامات يساعدوني .. الا هو أسوي الخلطه .. قلت لها : أوكي أمااايه .. أنا سايره فوق يوم تبيني ازقريني ... قالت لي : انشالله ... تجدمت عن الدري ... آآآآه قااالت خلطه .. أذكر يوم كنا نروووح ونطلع كشته مع الجااامعه سلطااان الله يرحمه ومعااه حسن يسوون الخلطه .. يا حلووووها من أياااام والله قمت أحن لهم أكثررر من أي وقت مضااا بحياتي .. بالفعل الواااحد ما يعرف جيمة اللي عنده الا يوووم يفقده .. وهاذيني اليوووم أنا فقدت أعز ناااس بحياتي .. ولقيت حنااان الأبوه .. أبد الوااااحد سعادته ما تكتمل لااازم شي يخربها لااازم ... فريت روحي ع الكنفه ...أووووه ماي قااااد نسيت زيــــــودي اليوم حتى ما اتصل بي بعد .. آآآه يالخاااين ... مالك علينا يالغرااام ساااكت ولا تبدي اهتمام .. حتى اتصالك منقطع .. ومجرد سلااام ما قاام يسلم هالأيااام .. يمكن بالفعل اللي بعيييد عن العين بعيد عن القلب .. أوقااات الأمثااال تكون صحيحه .. بس لأأأأ زيود غير يحبني مووت وما يصاااااحب ثاااني هههه جلبت الغنيه كلها ؟؟؟ بس ..!! بالفعل اتصاله بعد منقطع زيووود .. مسكت الفووون أتصل فيه عشااان أكلمه اشتقت .. الظالم ما اشتاااق لي يوم كااامل وأنا مب مرمستنه ... أي لااااااااااف يو زيوووود محفوره بقلبي .... أحبك أحبك ... وأعشق التراااب اللي تمشي علييييييييييه .. هع المفروض العكس .. ترييت لما يرد عليه ... رد وشكله متضااايق : السلام عليكم .. قلت وأنا مبتسمه : وعليكم السلاااااام والرررررررررحمه ... زايد : هلا شهووود اش حالج ...؟؟؟ قلت لها : بخييير الحمدلله ... انت شخبارك ..؟؟ اش فيه صوتك عسى ما شر ... زايد : ماشي شهووود بس شوي تعبااان ... قلت له : زااايد شو فيك ارمس ....؟؟ زايد بحده : شهد ما فيني شي قلت خلااااص يعني خلاااااااص قلت له وأنا فيني الغبنه : آسفه شكلي متصله بوقت غلط ... السمووووحه ... وصكرت التلفون .. آآآه يا زااااايد حتى انت صرت مثل الكل وبتتركني ليييش يعني لييييييش ...؟؟ شو السبب اللي يخليك تكلمني بهالطريقه .. بس أنا الغلطاااانه متصله فيييك لأني متولهه عليك وهذا جزاااي انك تكلمني بهالطريقه يعني .. بس يلا الله كريم .. وعاني من خيالي صوووت التلفون وهو يرن .. طالعته .. بلسم جروحي يتصل بك .. على طووول دقيت عالسايلنت .. وقلت بنزل أحسن لي ,, خل زاايد يعرف اني أحبه بس مب اني أنذل لحبه ... لهالدرجه يعني بيذلني على حبي له ... والله اني أستاهل أشقى وأتعب وأسهر وأستاهل اني أعاني من بلاويها غلطان أدري أنا ندمان ما أنكر والنار ما تحرق الا رجل واطيها مدري أنا ليش لو حبيت ما أفكر معقوله يعني المحبه تذل راعيها نزلت شفت حواليني ما حصلت أحد ... وايجت صوب المطبخ .. امممم غريبه محد في المطبخ .. شفت الخدامه ... جان اسألها : وين ماما كبير ,,,؟؟؟ الخدامه : في برأأأ ماما روهي ورا مزرأه ... قلت لها : آهااا أوكي عاااد خلااااص .. طلعت من المطبخ رحت صوب الصاله ... برووح برع ولا لأأأ يمكن الشباب هناك ..بسسس شييوم وين .. أكيييد برع .. يلا بظهر وبشوووف ... طلعت من الصاله .. رحت ورا الفله .. صح انه بليل بس كله ليتات مول ما يخوف .. طالعت حواليني محد اهني شالسالفه .. !! وينهم هذيل ..؟؟ تميت أتمشى وأنا أدور عليهم ..... سمعت صووووت فزعت منه : شـــــــــــــــهــــــــــــد .... لفيت وأنا متخرعه : بسم الله الرحمن الرحييييم .. خرعتني والله ... طالعني وهو يضحك : شو تسويين ..؟؟ اهني .. قلت له : ماشي ..بس يايه أدور عليكم .. ما حصلتكم يقولون قاعدين يشوون .. عمي سيف طالعني يضحك : بلا عليييج من متى الناااس يشوون ع الزرع .. طالعت حواليني وقلت وأنا أضحك : همممم هي .. ههههه صدقك .. وينهم انزين ,, عمي سيف : قاعدين يدااام هنااااك ... قلت له : آهااااا .. هي حلو جذي ... مسويين يلسه ... عمي سيف : يلا تعالي .. قلت : أوكي ... أحلااام حرمة عمي سيف : لحظه شوي .. شهد تعالي وياي باااخذ ويايه الشااال لأني بردت ... قلت لعمي : عااد نحن بنروووح دااااخل ونرد لكم أوكي ... عمي سيف : بسرعه .. تراني ابا حرمتيه .. هااا طالعته وضحكت : لا تخاااااف ما أكل لحوم بشر أنا ... عمي ضحك ويايه : أوكي يلا بسرعه .. مرت عمي طالعتني ونحن قاااعدين ندش داااخل : ما بتلبسين جاااكيت ولا شي ... جذا قلت لها : لأأأ حرااانه الله يخليج .. أًصلا نحن في بيتنا حتى مخاوير ما نلبس .. كله جنزات وبرموده وهالسوالف ... أحلااام : ما عندكم خوااان ولا أحد غريب يي عندكم صح .. قلت لها : هي الله يخليج منو يعني بس كنا نحن الثلاث بهالشقه .. وعاااد ماخذين راحتنا ع الأخر هههههه أحلام ضحكت : شو رااايج ..؟؟ قلت لها وأنا أطالع الشااال البناتي : روووعهـ .. يخبل شكله ... احلام : سيف شرا لي اياااه .. قلت : والله وطلع عمي ذووويق بهالسوالف .. أحلام : شو تتحرينه بعد .. ههههه ضحكت وأنا أطالعهم قاااعدين يدااام النااار وتجدمنا منهم قلت : مورين ضووو بعد ماشالله .. ناوين تخيسونا اليوم .. شييوم حاطه ايدها يدام النااار : ضحكونا وياااكم ... قلت : ايه شييوم عن يلبق هذا .. شيما : برايه .. شو سالفتكم تضحكون هااا ...؟؟ قلت : مالج شغل ... قعدت يدااام النااار مرت عمي أحلااام قااالت : برد شهوود البسي شي ... قلت لها : مابا ,,, أنا الشيله بعد أبا أطلعها .. بسسس الشباب اهني ... أحلام : الله يستر .. زين ما تمرضين ... قلت : لا تحاتين عندي منااااعه هههههههه ... عمي سيف ياااه صوبنا : أحلااام تعالي أباااج .. أحلااام قامت .. جان أقووول : خلها تقعد ويانا شوي انزييييين .. عمي سيف : توني معرس يديد يوم أمل شلوها حقكم بس الحين خلوها ويايه هههه أحلااام طالعته بنظره جااان أقول : أعوووذ بالله .. أحرجتها زين جيييه .. سيف : استغفر الله من منكر البنااات مالكن هذا ... شهاااب تجدم صوبنا : اش حاالج حرمة عمي ..؟؟؟ أحلااام : بخير ومن صوبك ...؟؟ شهااب : بخير الحمدلله .. شهد تعالي أباااج شوي .. طالعته مستغربه .. رحت صوبه : خييير ..؟؟؟ شهاااب : تعالي أباااج شوي انزين ,,, قلت له : أوكي .. ( وتجدمت صوبه .. ولا فجأأأأأأه طلع شي يداااااام ويهي .. تخرعت .. وصااااااااااااارخت ) صاااااااارخت بأعلى صووووتي : آآآآآآآآآآآآآآآآآآع ع ع ... الكل تخرع لف عليه وتم يطالعونا ... قلت وأنا مفزوووعه : شهاااب خرعتني .. شو سويت ..؟؟ شهاااب يضحك : ههههههه شهوود خوافه .. قلت له : حرااام عليك ولا في أحد يطلع السلحفاااه جذا بويه أحد .. شهااب : كانت تشمخج زييين ,, هههههه عسب تتشوهين .. خليفه ولد عمي تجدم وقااال : بنت العم اذا سوا بج شي هالهرم بس خبريني تراني في الخدمه ... قلت له : انشالله ههههه .. سمعت شهاااب .. شهاااب : هاللي ناااقص والله ... خلوف يدافع عن شهوووود .. لو تبا ترا هي اللي بتدافع عنك ,,, خليفه ضحك : شيخة الزينات تراااها بنت عمي ... لااازم تدافع عن ولد عمها .. صح شهد .. طالعته ابتسمت بحيااا أول مره بحياتي أحد يقول لي شيخة الزينااات ههه حلو الاسم .. قلت وأنا أبتسم : هي أكيييد ... شهاااب : هاللي قاااصر شهد تكون شيخة الزينات ,,,, هذي شمووخ يابوي ... طالعني خليفه وقااال : كله واااحد .. بس هذييل العلل أردى ناااس ( أشر على خلود وشذى ) قلت : حرااام عليك .... هههه مب لهالدرجه ,, خليفه مقهور : ما تشوفين كل وحده أطول عن الثانيه وشيله بعد ما يلبسون .. قلت : بعدهن صغاار لاحقين ع الشيل ,,, هذا وهذييل صغااار تقول جذا .. عاد لو تعرف بنت عمك شتسوي جااان شو سويت .. لو تعرف انه بنت عمك أوقااات كااانت تطيح الشيله ع جتفها شو بتسوي .. أكييييييد كان بيحتقرني .. اكزاكتلي هالشي ... ولو كنت تدري عن العبي اللي تلبسها بنت عمك جااان صارت علوم وسوالف .. بس يلا الله ستر ... قلت وأنا ملانه وطفرانه : ترااانــــــــــي يعت يا جماعه متى يجهز عشاكم .. شهاب يرمس شييوم ويقول : شيما أختج هذي من وين يايه ... أكييييد من مجاعه .. طالعت عسب أشوف ردة فعل شييوم .. شكلها كانت لاهيه مع البنات بس يوم زقرها شهاااب انتبهت لنا .. صدت صوبنا وهي مستحيه مبين عليها ... لأنها لاحظت وجود ... خليفه ولد عمي ... بس طالعتنا وهي مستحيه واكتفت بابتسامه هاديه وردت ترمس البنات ,,, قلت لشهاب وخليفه : سمحو لي .. بروح عند البنات ... شهاااب يضحك : بقول لهم يجهزون العشااا بسرعه قبل ما شهد تاكل لحومنا ... هههه قلت وأنا الوي بوزي : مو لهالدرجه عااد .. ما أكل لحوم بشر أنا ... شهاااب : أدريبج ... انتي حتى بقره ما تكفيج .. ابتعدت وأنا أقول لخليفه : حاسب عن ياكلك .. ترا كلن يرى الناس بعين طبعه .. خليفه وشهاب ضحكو تجدمت عن شييوم والبنات وأنا أضحك وبنفس الوقت أشوف تصرفات شييوم مررررره متغيره هالانسانه .. أحس بديت أغااار منها اليوم .. صارت هاديه .. تقربت من أبوي وقدرت تسوي اللي أنا حتى ما فكرت فيييه مجرد تفكير بعد .. بــــس يلا هذي شييوم حبيبة قليبي وتستاااهل كــــــــــــل الخير .. قلت وأنا أقعد : شو رايكم بالجو بنااات ,,, شذى تضحك : ونـــــاسه تصدقين من زمااان ما طلعنا جذا .. قلت وأنا أأشر ع روحي : طبعا الأميره شهووود وياكم اش تبون بعد .. ما أظن في أحد يمل معاااي ,, شيما : ماماتي تراااج ماخذه بروحج مقلب تدرين ... قلت وأنا رافعه خشمي : يلا مناااك قالت ماخذه مقلب ,, أصلا انتو تسووني .. ههههه شيما وخلود لوو بوزهم وخلود قالت : شهوووود اسكتي ولا تراني بقول لج شي بيخليج تموتين ,, جذبني كلامها بس قلت : عاادي قولي ما فيها شي ,,, خلود طالعت شذى وقالت : ماشي ,,, بس صخي شهووود قلت : أخررر زمن بزارين ويقولو لي صخي ,, شذى : شهووودو ترمسين سعودي عنلاااتج ,, قلت : ان ما تأدبتو بخبر عليكم بباتي ترا .. شييوم تحرك ايدها بغرور : عدااال يالدلوعه المدللــه قلت : هي دلوعه ومدللــه عندج مانع ,, شييوم تأشر ع مخي : شهود صاااب عقلج شي اليوم .. قلت وأنا أضحك : مدري عنكم انتو اللي ترمسون جذا صرتو مصريات ههههه شيما تقوم : بناات أنا سايره .. ثواني وبرد لكم ,, قلت لها وأنا أنش : أنا بعد سايره حجرتي بييب لي جاكيت شكلها حرمة عمي حسدتني ههههههههههه لاني بردت خلود وشذى ضحكو جان خلود تقول : عن يسمعج عمي ويسفرج السيلااان هههه قلت وأنا أروح صوب الفله : مو لهالدرجه عاد ... دخلت الفله طالعت فوووق .. ياربـــــــــــي اشحلات الهدووووء .. تجدمت عن الدري طالعت وراااي .. شفت البيت بكبره فاااضي .. حلو الجو يوم يكون جذاا .. هدووووء ......... كلهم برع ... تجدمت عن الحجره ودخلت رميت روحي ع السرير .. غمضت عيوني .. ياربي اليوم ابوي حبنا .. اليوم ابوي بين حبه لنااا ياااااي اش كثر أحبه بس ليييش حرمنا من حبه كل هالسنين .. بس لأنه كنا عيااال الفلبينيه يعني .. واذا ..؟؟ نحن عياله بعد مو بس عيااال الفلبينيه ..بس يلا هذا اللي كان مكتوووب لنا ومقدر لنا .. فتحت عيوني عسب أطااالع يمبي .. تذكرت شي .. غمضت عيوني بألم .. سلطااان آآآه يا سلطاان ربي يرحمك ويغفر لك يااارب .. اش كثر اشتقت لك .. انت أخوي اللي ما يابته أمي .. انت كنت لي عووون بكل شي بكل صغيره وكبيره بحياتي .. رحلت اليوم .. خلاااص رحت لعاالم ثاني .. عالم محد يعرف عنك غير رب العباااد ... ربي يرحمك ويغفر لك جميع ذنوبك ... طالعت الفون .. بتصل بزيود ولأ .. لأأأأ اهوه اللي كان معصب وغلطاان المفروووض هو اللي يتصل فيني .. وبعدين هذي أول مره زااايد يكلمني جذي لييش ياربي ليييش جذي .. زايد اش صاار فيييه .. ابد ما كان يرمسني بهالأسلوب ليييش ..؟ اليوم رمسني جذي جنه ما يباني بحياته بعد ... طالعت التلفون .. ينبهني على وصول مسج يديد .. فتحت المسج بسرعه .. من بلسم جروحي ... شهووود ردي .. أنا آسف بس كنت تعبااان شوي ... طالعت التلفون .. ماني براده لو أموووت بعد .. شو عبالك لعبه أنا عسب تلعب بي زيود ... هه مابرد يعني ما برد .... بـــسسسسس مهما كااان زاايد اعتذر .. ولو ما أغفر لحبيبي بغفر لمنو ... امممم يلا برضااا هذا حبيبي المفروووض أرفع راسي وأسامحه .. مب عشااان سبب تافه أروح أزعل منه ... طالعت الفون ودقيت على زر اتصااال اترييت لما يرد عليه : هلا يا بعد كل حي والله ... قلت وأنا أتغلا : هي قص عليه انت قص ,,, زايد : وربي حبيبتي كنت متضايج ... قلت : هي كلما تتضايج تعاال فر بلاويك عليه انزين ,, زايد يترجاني : بس الحرمه لااازم تتحمل ريلها حبيبتي ,, قلت وأنا أستحي : بعدني مب حرمتك فااهم ,, زايد يضحك : جريب انشالله ,, ابتسمت وغيرت الموضوع : خبرني شاللي مضايجنك ,,,؟؟ زايد : تدرين الدوام عاااد .. غير المشاااغل اللي بالحيااه الواحد ما يتفيج يحج شعر راسه بعد .. قلت : صدقك .. بس بعد زااايد لا تعصب ع كل شي .. مب زين لك .. زايد يضحك : تخافين علي .. قلت وأنا مستحيه : هي أكيييد لو ما أخاف عليك أخاف ع منو .. زايد : عاد لو مت شو بتسوين .. قلت وأنا متخرعه : الله لا يقووول .. يعل يومي قبل يومك حبيبي .. زايد : بس الموووت مكتوب لنا كلنا حبيبتي .. كلنا بنموت ,, قلت : يارب أنا قبلك ,, زايد : هي بروووح بحب لي وحده ثانيه ,, قلت : زااايد غير السالفه بديت أخاااف والله . زايد : سمعت انكم فالمزرعه ,,, في الذيد .. قلت له وأنا ابتسم : هي .. يينا اليوم .. زيود والله خبااال المزرعه مررره طر ,, زايد يضحك : لييش ما وديتيني وياااج انزين ,, قلت له : خذني عسب تقدر تييي .. زايد بدا يضحك أكثر : شو ما تستحين شهووود .. قلت : نص ونص حسب المزاج ,, زايد : عااد أكيد انتي مرتبشه ... قلت له : مو ذاااك الزود ,,, زايد : خبريني شو سويتي اليوم انزين مستانسه ولأأ شو شعورج وانتي بين أهلج بهالدقيقه ,,؟؟ قلت : شو قالو لك داخله من سيربح المليون وأنا ما ادري ,,, زايد : هههه جااان زين .. كنا بنربح ونتزوج بهالبيزات بداال الخساير ,, قلت : أهووون عليك يعني .. زايد : أتمصخر انزين ههههه .. بلاااج شبيتي ضو ... قلت : ماشي .. سولف لي عن دوامك ...؟؟ ..... ورا الحديقه ... شيما واقفه تطالع السما .. ياربيييه اشتقت لك سلطاان .. طالعت تلفوني نزلت دمعه حااااااااااااره حرقت لي خدي من حرارتها .. رديت طالعت التلفون ظميته لي .. هذا حبيبي .. بديت أصيح وأنا أطالع الشاشه اللي خلفيتها صورة حبيبي .. صورة فااارس أحلامي اللي راااح وتركني روووحي بهالزمان أعاني .. وينك يا سلطان تيي تشوف حبيبتك كيييف عايشه كيييييييف قاعده .. تعيش يومها .. كله حسره ع الكلااان الي قلته لك ذاااك اليوم .. كله حسره على حب راااح وتركني وحيده ضعيفه ,, بس خلاااص ما باليد حيله .. فزعت وأنا أسمع صوت واااحد : ليييش انته وين الحين ...؟؟؟ طالعت وراي وأنا متخرعه ومفزوعه : بسم الله الرحمن الرحيم ... طالعني وقال وهو مستغرب : برمسك عقب شوي ... ( ورد يطالعني ) نزلت راسي عسب ما يشوف ملامح ويهي الحزينه .. بس وقفني يوم قال : شيما .. حاولت ما ارفع راسي وقلت : نعم ... خليفه مستغرب : بلاااج ...؟؟ قلت وأنا مستغربه : ما بلاني شي .. خليفه : هي زين .. خلاااص روحي عند البنات لا تتمشين روحج ورا ... قلت له : انشالله .. ابتعدت عنه بخطوات صغيره بس وقفني مره ثانيه يوم قاال : انتي شيما صح ...؟؟ استغربت منه وقلت : هي أنا شيما ... خليفه ابتسم : اها اوكي .. سيري ازقري شهود اختج وقولي لها العشاا جاهز خلاااص ... شيما : انشالله ... ابتعدت عنه وأنا مستغربه منه ومن تصرفاته كلها ع بعضها .. تجدمت عن الفله عسب أزقر شهود بس الحمدلله روحها فتحت الباب .. شهد تطالع شيما مبتسمه : هلأأأ والله هلأأأ ,, شيما : توج كنتي عندي بلاااج ..؟؟؟ قلت لها وأنا مستانسه : ماشي بس كنت قاااعده ارمس نبض قلبي ... شيما تضحك : خووووش خوووش تصافت القلوب خلاااص قلت لها : اش دراااج انه تزاعلنا ... شيما : أختج شييوم أول من يعلم يا ستي هاااع .. قلت لها : عداال عن تطيح النجوووم علينا ... يلا يلا لأني ميته يووووع .. شيما : هي تراهم سوو الـعشا خلاااص ,, قلت : الخقي عالتكه يلا ههههه ... شيما : الحمدلله ماما جايفه خير أنا هب شراتج .. قلت لها وأنا أدزها : طوفي لااااه مب متفيجه ميته يوع أنا .. شيما تضحك : أنا أقووول اختي يايبينها من مجاعه محد مصدقني .. قلت : يا ربييييييه شييوم أنا سايره تمي روحج .. أوووف .. تجدمت عن الحريم وأنا مبتسمه .. رحت صوب الناار وقعدت حطيت ايدي يدااام الناار عسب اتدفى وقلت : بررد واااايد صح .. حرمة ابويه ابتسمت لي وقالت : هي امايه برد .. ليييش مب لابسه كوووت .. قلت لها وأنا مستانسه من اسلوبها : ههه ما احب .. شذى : هي قبل شوي تقول بروح بييب الكوت ويت بدونه شكلها نست جيييه راحت .. شيما تضحك : هي صااار شي نساها .. شذى باستفسار : شو ...؟؟؟ شيما تطالعني بخيانه : مدري اسأليها .. قلت وأنا مغتاضه : شيوم صخي لافلعج الحين .. أم شهاب : استهدو بالله بنااات .. شيما تضحك : أمايه هي اللي بدت والله .. قلت : هي مبين انا اللي بديت الخرييييط ببلاش عندج .. شيما تتأفف : أمايه شوفيها هالعله .. يايه تعلل علي .. قلت وأنا مغتاضه وواصله حدي : يا ربييييييييه اجلبي ويهج شييوم .. شيما : أمايه قولي الحين منو اللي بدا فنظرج .. أم شهااب تضحك : بلاااج شيمووه حاطه ع اختج .... شيما : لا لااازم ترمسين .. الاااا ترمسين .,, سمعنا صوووت خلانا نسكت : خلووود تعالي ... بلعت ريحي وأنا مستحيه حتى شييوووم .. خلود قالت : انشالله ... نشت حلود .. طالعت شيما وقلت : زين جذا فضحتينا .. شيما : عادي لااااه ما صااار شي .. خلود رجعت وهي مبتسمه جااان أم شهااب تقول : خلود خير خالد بشو بغااج ... خلود : قال لي اشل وليد عنه لأنه بدا يلعب بالرمل .. أم شهااب تاشر بيدها : تعال حبيبي تعااال برقدك ... وليد حاضن ريول خلود : مابي .. ابا العب .... قلت وأن أطالع وليد : تعاااال فديتك عندي حلاااوه .. وليد ابتسم ياااه جريب : وينها .. قلت : أول عطني بوووسه عقب ... وليد طالعني وقااال : بابا قاال لا تاخد هاواوه من ناااس ... قلت له وأنا أضمه : بس أنا مب ناااس أنا شهووود ما عرفتني .,,, هز راسه بمعني هي وأشر على شيما : ثيييوم ما هبها .. ضحكت وقلت : جيييه انزين ,, وليد : ضربت كولود ... قلت أوني معصبه : شييوم ليييش تضربين خلود هااا .. شيما تضحك : سيري مناااك انتي ويا اليااااهل مالج هذا .. ضميت وليد وقلت : خلاااص رضيت .. .نازعتها أنا .. وليد هز راسه بمعني هي .. قلت له : تعشيت ... وليد : هي عتوني عيث ولووووب .. قلت وأنا أضحك : انزين هاا أكلك يعني تبا تاكل كباب من الحين ...حلجك بيحترق هههه أم شهااب : شهد ودري وليد وكلي .. قلت : انشالله أمااايه .. يلا وليد ... سير عند يدوووه .. أم شهااب : تعال حبيبي تعال .. وليد : أباااا شهووود .. قلت له وأنا أطالعه وأضحك : شهووود هااا تبا شهووود ... أم شهااب تضحك وتقول : حبيبي قول عمو شهوود ... وليد يطالع أمايه ويقول : بث شهد ثغيره ( يطالعني ) صح شهد .. طالعته وقلت : قوول لي حياتو أوكي بيبي .. وليد يضحك ويحط صبعه فحلجه عساس استحه : هياااتــــــــو ... طالعته وضميته بأقوى ما عندي : فدييييييييتك أنا .. أم شهاااب : شهووود بتخربين الولد هههههه قلت لها : عادي عسب يطلع تربيتي هههههه .. أم شهاااب : الله يهديج .. كلي زين الأكل تثلج .. طعمت التكه وقلت : همممممممممم لذييييييييييذ .. ( صارخت ) تسلم الأيادي باباتيه .. أبويه طالعني وضحك : الله يسلمج ... شذى : ما تستحين على ويهج انتي ... قلت لها وأنا أكل : ليييش أستحي يعني ع شو ...؟؟ شذى : كبيره انتي وتباغمين .. قلت : عادي مافي حد غريب كلهم من الأهل هههه .. شذى طالعتني وقالت : غريبه انتي اليوم .. قلت : مب غريب الا انتي وشييوم وخلود اش سالفتكم اليوم .. شذى ترفع خشمها : ماشي أسرار عائليه .. قلت وأنا مبوزه : شو يعني أنا بنت الييران .. شذى ضحكت : هههههه حرااام بس اسرار اسرار .. قلت : برايكن .. خلود يت قعدت يمبي : خلاااص أنا بنسحب من جماعتكن ... شذى : لا لا لا .. جيه انشاالله .. خلود : انتو حنانات وااااااايد .. شييوم : هي من بعد ما كلت ويانا وعاااشت آخر شي تودرنا .. قلت وأنا أَضحك : شييوم دخيلج انتي مالج خص بالأشعااار سكتي الله يخليج .. شييوم تضحك : لا صدق خوخه ناويه تفضحينا ... خلود : لا تخاااافون بس برابع شهووود وبودركن ... شييوم : عن تفضحينا يالخايسه بعد ما أمننا عليج سمعتي .. خلود طالعتني بنظره ما عرفت أفسرها : لا تخافون ما بفضحكم .. ما بيني وبينكم عداوه .. طالعت شييوم وشذى : اش سالفتكم انتو هااا خبروني .... خلود تضحك : ماشي سالفه ولا شي ... بس يغايضون بج .. قلت : هيييييه جان جي زييييين .. بعد العشااا قمنا نتمشى .. بس اللي استغربت منه خلود لاصقه فيني طووول الوقت وسحبتني عسب نسير نتمشى روحنا ... طالعتها بنظره استغراااب بس ما ردت علي مدري ليييييش .. حاولت اسألها بس هي تمت تبربر واااااايد .. خلود : شهوود لا تزعلين من شييوم وشذاوي ترا السالفه كلها نحن مسجلين فمنتدى نور الامارات ... قلت : زييين زييين .. طلعتو مسجلين فمنتدى نور الامارات ... خلود : وبعد اشتركنا فقروب تحدونا البشر اللي مسوتنه يتيمة زايد ... وربيعاتها غزووول وصحووووب ومسوووه والدلع ولا عنوان .. قلت : زين زين .. وشخبااار المنتدى الحين من زماااااان عنه ... صار لي شهووور مب حادره يمكن ... خلود : ماشي يوم عن يوم يحلا ويحلا ... قلت : زين ,,, بدش باااجر انشاالله .. خلود : ما بنقول لج نكاتنا ... قلت : مااالت شو ابا فيكن ... خلود : بنتوسط لج عند يتوم ههه عسب تنزل لج بارتات الروايه قبل يومين هع .. قلت : مابي مابي شكرا .. ما أحب أقرا روايات .. خلود : ما علي منج .. المهم شهووود بسألج سؤااال وجاوبيني بصراحه .. قلت لها وأنا مهتمه : اسألي ..؟؟؟ خلود : تخيلي تقدم لج واااحد أرمل وعنده ولد صغير .. قلت : قصدج .......؟؟؟ خلود : ما اقصد شي بس كمثااال ... فهمت على خلوود السالفه فيها خااالد .. ابعد عن الشر وغنيلووه : طبعااا برفض ... خلود طالعتني بنظره كسرت خاااطري صدق صدق وقالت : ليش انزين ..؟؟ قلت : لأني بعدني صغيره .. خلود طالعتني بنظره بريئه .. قلت لها : خبريني لييش سألتي ...؟؟؟ خلود قاعده تروح بعيد : انسي السالفه خلااااص ... قلت لها وأنا اركض ارووح صوبها : خلوود تعالي .. خلود صوتها تغير : شهد انسي السالفه خلاااص .. غمضتني حسيت انها بتصييح قلت بأعلى صوتي : خلووود كنت أمزح والله .. خلود لفت بفرح وقالت : صدق ... ضحكت لها وقلت : هي صدق .. خلود يت صوبي ومسكت ايدي وقااالت : تعالي نرووح صوب عمو أم شهااب .. قلت لها وأنا ابتسم لها : اوكي يلا ... خلود : شهووود انتي حلوووه .. قلت وانا أتمخطر : طبعا من بهالكون يقدر يوصل حلااا شهووود العسل يا ماما ... خلود : مب زين الغرووور .. قلت لها : خوخه اش فييييج اليوم كل شوي تاخذين المزح بجد شالسالفه ... خلود : ههه شكلي شفرت ما دريت انج متواضعه هههههه قلت لها : بعض الأوقاااات أغتر لج ذاااك الغرووور اللي يذبح مرررره وأوقااات أكووون متواضعه أخلي الكل يحبني ههههه خلود : غريبه انتي بصراحه ... وأنا قاااعده أقعد ع اليسلسه قلت : شفتي كييف ههههههه ....... : لا ما شفت كييييف .... قلت : بسم الله الرحمن الرحيم ... عمي سيف : هههههه بلاااج تروعتي .. قلت : تراك روعتنا .. عمي سيف يقعد يمب حرمته : ياااي أقعد عند حرمتي ... قلت : زين زين ,,, جنك سوبر اجلو .. ابد ما تودرها أعوذ بالله .. عمي سيف : بنشوووف انتي وريلج كيف تكونون ... استحيييييت تمنيت الأرض تنشق وتبلعني .. شو هالكلام اللي قاله عمي صدق ما يستحي هع والله فشلني ,, قلت : عمي شو هالرمسه ..؟ عمي ضحك : بس بس خلااااص انزين ما صاارت رمسه وقطيناها بالغلط ههههه طالعت خلود وقلت : شو تسوووين ..؟؟؟؟ خلود : أحفر حرفين .... قلت لها : وشو هالحرفين ...؟؟؟ ولييييش ...؟؟ خلود : احفرهم ع الخشب هذا ... حرف الاس وحرف الكي ... قلت لها : حرفي وحرفج يعني ... خلود : ما ادري يمكن ... استغربت من كلامها صديت عسب أطاالع عمي .. ولا التلفون في ايده .. تخرعت .. قلت وأنا متردده : عمي شو تبا به ...؟؟ عمي : ليييش تسألين ..؟؟ قلت له : فيه صور ربيعاتي تراا .. عمي لا تدش .. عمي : لا بس عايبني شكله .. بقرا المسجااات عادي .. واذا شي صوره ما بدش .. بدا قلبي يتنافض .. أكثر المسجااات من بلسم جروحي ... آآآآه شسوي الحين .. وكله موضح .. حبي حياتي قلبي .. حبيبي وينك آآآه يارب بروووح فيها شسوي الحين .. سمعت التلفون وهو يرن .. نجييييييت وأخيرااا .. الحمدلله .. رن التلفون بشل عنه التلفون .. عمي طالعني وقااال : رقم غريب أنا برد ... ما تريا حتى اشوووف الرقم .. أكيييييييد هذا زااايد .. يا ربيه شو بيسوي .. بيفتش المسجااات وبروووح فيها ... والحل الحين يارب ساعدني .. أكييييييد بروووح فيها واللي قااعد يتصل اكيييد زايد دايما يتصل من أرقام غريبه .... |
اويه الحين شوة بيصير معقوله زيود متصل في شهوود بارت رووعه يلا كملي كملي انا وياج على الخط هع |
نورتي غاليتي .. وأسعدني مرورج ... |
الحلقه التاسعه .. بلغه بالحال ياريف سرا ,, مخطر حالي ولي ساير يسير ,, كلما رديت بالذكرى ورا ,, ما دريت الا على خدي غدير .. طالعت عمي وأنا اتنافض من داااخلي .. خلااااص هذي ساااعة اعدامي عمي اش بيسوي وشو بيكووون عقابي .... ياربي اش بسوي الحين .. ساعدني يااارب .. لو مت أحسن لي ... آآآه شسوي شسوي الحين ... عمي رد وأنا ميته خوووف ليكون يطلع زايد بمووت خلاااص .. : السلام عليكم .... عمي يكمل وأنا أتنافض بداخلي : هي لحظه شوي .. حسيت قلبي رجع لمكانه .. يلا الحمدلله أكيييد ربيعتي ... مسكت التلفون وأنا بعدني أحس روحي ميته خوف وااايد وقفت وقلت : عن اذنكم .. مشيييت وأنا قاعده أمشي بعيد قلت : السلام عليكم ... سمعت حس وحده بس ما أعرفها ... : وعليكم السلام .. دبوووه عطيتي التلفون لمنو يرد هااا فضحتيني ,,, قلت باستغراب وأنا أتذكر انه في وحده اعرفها دايم تتكلم بهالأسلوب : منو انتي ,,..؟؟ .......... : افا افا ما عرفتيني ,,, رديت : ان ما قلتي لي منو انتي .. تراني بسكره فويهح .. ........ : لاالاا دخيلج .. أنا أماني ربيعتج ... ما صدقت على الله عرفت رقمج قلت وأنامستغربه : أموووووووووووون .. أماني : هي أموووووون .. قلت لها : وينج من تخرجنا من الثانويه وانتي ناستني ... أماني : أنا ولاانتي دبوووه ... قلت : شخبااارج وشومسويه .. أمووون وربي اشتقت لج مووووووت .. أماني : امبين قطعتينا .. قلت : وييين الله يخليج .. بس ضروووف عاد انتي أدرى ,, أماني : وربي اشتقت لج واشتقت لهل دبي بعد وااايد قلت لها أتنهد : وأنا بعد اشتقت لهم وااايد يا أماني أماني مستغربه : شهووود لييييش انتي وييين ...؟؟ مب فدبي قلت لها : لا خلااااص صار لنا مده يينا العين ... أماني مب مصدقه : والله شهووود وأنا آخر من يعلم ... قلت لها بحزن : هي .. أمووون أنا حياتي وااايد تغيرت ما عدت هذيييج الشهد الأولانيه .. أماني : شهد لييييش استوا بج شي لا سمح الله .. قلت لها : لا ما صااار بي شي الحمدلله بس شوية ضغوطات علي بس انشالله تعدي ...وانتي وين ..؟ وشخبااارج .. شو سويتي خلاال هالسنتين .. أماني تضحك : شهووود أنا شراااتج في العين .. قلت وأنا أضحك : صدق أمووون انتي فالعين ... أماني : هي والله خذت واااحد من العين .. قلت لها وأنا أضحك : زين زين ,, ههههه صرنا فنفس المدينه الحينه .. أماني : هي صدق .. الدنيا صغيره ... قلت لها : صدقج .. وما تسوى .. أماني مستغربه : ويت ويت .. هالرمسه تطلع من شهووود كيييييييف .. قلت : هي تطلع من شهووود هههه أقصد شموووخ .. أماني : بعدج ع شموووخ انتي ,,, هههه والله انج سوااالف شهوود ... قلت : يلا اباااج الحينه تقولين كل شي عنج من يوم ما خلصنا الثانويه .. أماني : بل بل .. ههههه رصيدي بيخلص .. قلت : عادي عادي .. يلا رمسي دبوووه شو صااار وشو استوا الحينه الحينه يلااا .. أماني : الله يسلمج من يوووم خلصنا قعدت فالبيت ما كملت .. قلت : لييييش انزين .. أمووون نحن كنا متفقين نكمل لغااات أماني : بغيت أكمل والله بس تقدم لي واااحد نعرفه وزين وااايد وأنا اقتنعت فيييه لأنه ريااال ما ينرد وعرست عقب شهووور معدوده من الخطوبه .. قلت : زين زين ... من العين هو ... أماني : هي .. بس والله ياااشهووود عايشه وياااه جني وسط أهلي وناسي .. ابتسمت : الله يديم المحبه بينكم .. عقبالنا ههه أماني مستغربه : بعدج انتي .. ؟؟ ما حيروووج بعد .. قلت : لا وييييييين ما عندنا نحن يحيرون ما يحيرون .. اللي يبا ايي يخطب ويملج ويعرس ., ماشي يحيرونها من صغيره .. أماني : أحسن جيييه .. قلت لها : أمووون انزين صاار سنتين متزوجه ... ما يبتي لي ولد أخت هااا هههههه..؟؟ أماني : لأأت وني الشهر السادس .. قلت لها : احسن لج .. عيشي حياتج ياماما .. أماني : بصراحه كنت أبا من أول بس ماااصار وتعالجت والحين الحمدلله حااامل .. قلت لها : الحمدلله .. امون ماشالله ماشالله حياتج صااارت حلوه .. اماني : الحمدلله .. ادعي لي شهووود ما صدقت اني حملت .. قلت لها : انشالله تيبين ولد صاالح يطلع ع ابوووه .. أماني تضحك : انشالله .. قلت لها : ها شو رااايج نتلاقى .. أماني : هي والله فخاطري أشوفج .. بس تعالي قبل قولي لي كل شي عنج ... قلت لها : الله يسلمج أنا قصتي قصه .. مايصير أقول لج فالتلفون .. أماني : مابا التفاصيل .. بس اباااج تقولين لي عن حيااتج عقب الثانويه والباجي عقب يوووم نتشاااوف انشالله .. قلت لها وأنا أضحك : انزين انزين بقولج .. أماني : يلا ... كلي آذان صاغيه لج .. يا ربيعة الطفوووله .. قلت وأنا أضحك وأبتعد عسب لا يسمعوني : انزين الله يسلمج ياربيعة الطفوله .. من تخرجنا ييت العين وصاارت سالفه .. وهاي السالفه بقول لج اياها يوم نتشاوف .. بس دشيت الجامعه الأمريكيه .. أماني : يا حييج والله وبعدين .. قلت وأنا أضحك : دشييت وعيبتني الجامعه وااايد .. ورابعت اثنين .. حسن وسلطان الله يرحمه ووحده تعرفت عليها من برع اسمها غايه ... أماني : الله يرحمه اللي اسمه سلطااان .. وبعدين .. قلت وأنا كلي حزن أتذكر خل .. تركني .. خل عيشني بوحده . خل حسبته أكثر من أخو بس اليوم تركني .. وصااار في قبره .. يلا الله يغفر له ذنوبه انا .. : انزييين عشت السنه الأولى بأحلى ما فيها .. وصرت أعزف بعد هههه ونحجت فكل الموووااااد وراااحت سنه جذا .. كنت عااايشه حياتي بهالسنه شرااات اللي كنت عايشتنهم شرااات قبل ,, وعقب السنه الثانيه .. الفصل الأول كااان جذا عادي وحلو .. بس بعد ما عمي سيف تزوج .. ابويه قااال لي بنيي نسكن فالعين عنده .. استغربت .. بس السالفه طلعت انه أمي بتتزوج وبتروح الفليبين .. حزنت وااايد فالبدايه .. بس عقب قلت عااادي خلاااص .. داام اهيه اختااارت بعدنا .. ويينا عند ابويه .. ابويه يعاملنا زين ما بجذب علييج .. بس اللي غمضني .. انه نحن لااازم نفقد حنااان شخص .. أبد حنااان أمنا وابونا ما اجتمع .. بس اللي خلاني أتحسر أكثر انه ربيعتي غااايه تزوجت ونستني خلاااص التهت بحياتها .. وحسن راااح السعوديه من بعد ما توفى سلطااان قبل فتره .. وتميت رووحي لا خل ولا أحد يشاااركني بحياتي بأي شي غير الحب .. أماني حزينه : الله يعينج .. ( ضحكت ) منووه الحب هااا ..؟؟ قلت لها : ما يصير لما نتشاوف انشالله ... أماني : انشالله بس حددي وين ومتى ...؟؟ أماني : بوادي مول .. قلت لها : لالاااا .. العين مول أحسن شو رااايج .. أماني : أوكي عااد أحسن لأنه جريب عن بيتنا أكثر .. قلت : أوكي عااد برتب أي يوم وبخبرج .. أماني : أوكي حبوبه فانتظااارج .. قلت لها : يلا عااد أنا برووح عند الأهل .. بيذبحوني وااايد طولت ههه أماني : شموووخ اللي كااانت ترمس فالتلفون بالساعات,, قامت تخاااف يوم ترمس خمس تعش دقيقه .. قلت : شفتي كيييف عاااد ... هالزمن .. هههههه أماني تضحك : يلا الله كريم ,,, دبوووه منو رد عليه .. قلت لها : هذا أصغر عمامي .. سيف ما عرفتيه .. أماني تتذكر : هي هذااا الغاوي اللي يااااه خذاااج من المدرسه يوم كنا ثاني ثانوي ... قلت لها : هي هو هههه تراااه تزوج عيب هالكلام .. أماني تضحك : أنا بعد متزوجه وبصير أم انشالله .. قلت وأنا أضحك : انشاااااالله ... يارب تربين بالسلامه .. أماني : آمييييييين يااارب .. يلا تامريني بحايه .. قلت لها : سلامتج هالله هالله بروحج .. أماني : انشااااالله وانتي بعد .. يلا حبوبه .. فمان الله .. قلت لها : فمااان الكريم .. مشيت شوي شوي وأنا أطااالع التلفون وأبتسم .. هذي ربيعتي أمااااني ... كنا ربيعااات روح بالروووح من أيااام المدااارس .. أحبها واايد كأخت و كصديقه وكزميله ... بكل صفاااات الكون أعتبرها انسااانه غاااليه ع روحي .. صح تضاااربنا وتناقشنا بس بعد غلاااها بقلبي مثل ما هو .. من عقب الثااانويه تفارقنا خلاااص وكلن راااح بدربه ... يمكن من الضغط اللي صااار لي عقب الثااانويه ما قدرنا نتاوصل لأني بالفعل ذيييج الفتره كنت وااايد مضغوطه لدرجه فكرت أموت روحي .. بس الحمدلله مااااصااار لأني عرفت بغلا وااايد ناااس وأولهم أبويه بس عقب الثااانويه .. يمكن اليوووم أقدر أقووول أنا أسعد انساانه بالكووون لأني عرفت بغلا ثلاااث أشخاااص وقت واااحد وبيوم واااحد .. أولهم أبويه و زايد حبيبي وأمووون ربيعة رووحي .. آآآه محلاها من مواااقف .. رفعت راااسي أطااالع السما فووووق ابتسمت .. لو اني نجمه بهالسما .. شو بيكون موقفي .. أتمنى اني أكوون شرااات النجمه أبرق فالسما .. طااالعت القمر ... مظلم معتم شرااات حياتي قبل .. بس الحين الحمدلله خلاااص رد لي النور .. ولا أقوول خلاااص بات يشع مني وفيني الحمدلله على كل حااال .. سمعت صوووت : عن تتكسرين بس .. وبعدين مو زين تشوفين واايد فووق .. عقب تتخققين علينا .. صديت وطالعت مصدر الصوت .. قلت : شهااابوووه مالت شو هالرمسه .. شهاااب يضحك : خلاااص انزين لا تعصبين .. قلت وأنا رااايحه صووب مرت أبويه : الرمس امرررررره ما منها فااايده وياااك أرمس ويا أمايه واايد أحسن لي .. شهاااب يضحك : ارمسي ويا أمااايه بتصدع لج رااسج .. وهي تقووول (يقلدها ) يا بنتي السهررر مب زين .. يا بنتي ارقدي مبجر .. أم شهااب تصااارخ : شهااابوووه شو هالرمسه يالهرم ولا جني أمك ,, شهااب : هههه السموحه .. العيووز عصبت .. حقج علينا بس لا تعصبين .. ضحكت وقلت لأمايه : ما عليج منه سوااالف هذا .. يت خلود وهي تضحك قعدت يمبي : شهووود .. ابتسمت وأنا مستغربه البنيه جيييه لاصقه فيني اليوم قلت : عيووون شهووود .. خلود : تسلم لي عيونج .. قلت لها : الله يسلمج حبوبه .. خلود : تعالي قعدي ويانا .. ( أشرت ع المكاان ) هنااك .,. قلت لها وأنا أطااالع صوب ما تأشر وقلت : بس ................ علق الكلاااااااام كله ووقف ... يوم طااااحت عيني بعينه .. نزل عينه بسرعه ونزلت عيني .. وأنا مفتشله .... خلود : بس شووو ...؟؟ قلت : ماشي .. بس الشباب هنااك ... خلود : محد غير خواني وخواني مب غرب .. قلت وأنا أشوف صوب أمايه : حرااام عقب أمايه تتم وحدها اهني .. أمايه : لا يا بنتي .. أنا بسير برقد انتي بتمين روحج .. قلت : وأنا بعد برووح برقد فيني رقاااد .. خلود : حرااام شهووود حراااااااام .. قلت لها وأنا أوقف عسب أروووح داااخل : خوخه .. بس .............. سمعت صوت أبويه قبل ما أكمل : شهد .. طالعت صوبه وقلت بنفس علو الصوت : هلأ أبويه .. أبويه : تعالي ايلسي ويانا ماماتي ... قلت له وأنا أطااالع خلود وابتسم : انشالله ,, خلود : وأخيرااا اقتنعتي يلا بسرعه ... تجدمنا أنا وخلود عنهم .. يلست يمب شذاوي .. وطالعت أبويه وأنا مبتسمه ... بس ما رمست .. اكتفيت بأني أنحط ع السايلنت سمعت صوت خالد يوقف وهو يقول : تصبحون على خير ... الكل رد : وانت من أهله ... خلود الوحيده ما ردت : خااااااالد اقعد ويانا ... خالد ابتعد وقاال : برقد باااجر برد العين بدري ... طالعت خلود .. وهي تتأفف .. هالبنيه وراها سااالفه أكيد .. ولا مب جذا خلوود ابد مب حنانه ... شفت عمي سيف يطالعني ابتسمت له .. قال لي : كل هذا ترمسين ربيعتج ماشالله .. قلت له : هي تراني من الثانويه مب مرمستنها .. عمي ابتسم : زين الله يديم المحبه بينكم .. قلت له : أمييين يارب .. قلت وأنا أوقف : تصبحون على خير .. ابويه : تو النااس بنتي .. قلت : تراني راااقده متأخر .. ونشيت الفير اليوم .. ابويه : عااد سيري ريحي بااجر ورانا خط .. ابتسمت وأنا ابتعد وأطااالع نظرااات خليفه اللي ما تترك شييوم .. كل شوي يناظرها .. حسيت شييوم تبي تنتحر خلاااص تبي تقووم وتيي ترقد .. بس شكله شهااب مدبلنها .. مخليها تصمم منتداااه هع أحسن ولا من يقول لها قولي أنا أعرف أصمم .. عن نفسي ما أخبر أحد .. وترا كااان عندي منتدى بس خلاااص صكرته .. ومحد يدري انه كاان منتداااي .. يلا أحسن .. الله يعين شييوم على ذوووق شهااابوه . شكلهم ما بيرقدون الا ع أذااان الفير .. تجدمت عن الصااااله ,, فتحت الباااب بقوه .. ودخلت وتوني ببنده بنفس الطريقه لأنه فيني رقااد .. سمعت صوت واااحد : بندييييه شوي شوي .. الولد راااقد .. صديت طالعت صوب خااالد وليد رااقد وخالد بيشيله توه يوديه الحجره قلت : السموحه ما كنت أدري انكم اهني .. ما ترييت رده وصعدت ع الدري وتجدمت صوووب الحجره .. على طووول فكرت فخاالد ... الله يعينه فحياااته مدري كييف عااايش .. وحيد بدنيته شكله .. يلا الله يرزقه ببنت الحلااال اللي تنسيه وترعا ولده .. طااالعت صوووب الفووون أوووه توني تذكرت .. بمسح مسجااات زيود فديته ما يهون عليه بس أخاااف أنكشف .. وبغير اسمه بسميه .. أماني 2 أحسن لي عسب محد يشك .. وبعدين أي لحظه عمي سيف بيقرا المسجااات ..الحمدلله قمت من عندهم قبل ما يطلب التلفون عني .. أكييد بيشوفه .. والحمدلله أماني نجتني اليوم .. والله اتصلت بوقت منااااسب جدااا .. ولا كنت برووح فيها وما باااخذك يا زااايد ...تميت أمسح بعض المسجااات وغيرت الاسم ... تذكرت أول كيييف كانت حياتي معاااك يا زااايد حتى لو أطلع معااك عادي ... بس آآآآه كلما أرد بالذكرى ورااا أتعب ...قبل ما أيي العين كنت الأكسجين لزاايد بس الحين قااامت تلفوناته تقل .. وما قاام شررراااات أول اللي يتصل بي كل شوي يتطمن .. بلغه بالحااال ياريف سرااا مخطر حالي ولي ساير يسير .. بالفعل يااا زااايد .. أنا حااالي خطيرررر .. تعالي وانقذني .. أبيك انت ولا ابي أحد سواااك .... نزلت دمعه حاااره على خدي وأنا أتذكر زااايد .. أحبه حييييييييل بس لييييش هالفتره مقصر بحقي .. حتى اتصاااله صحيح انه ما انقطع بس قل .. مو شرااات أول .. زااايد تغير وااايد واااايد تغير .. هب زااايد الأولي .. رقدت وأنا أسيره لذكرياتي مع زااايد .... وعلى خدي غدير ... ألم على حالي .. لييييش ييت اهني كنت فدبي أحسن .. زايد ما كان بينساني .. بس شنسوي مكتوووب لي .. بس لااازم أخلي زااايد يرجع لي شرااات أول زااايد حبيبي وحياتي اللي مقدر أعيش من دونه .. . . اليوم الثاني الساعه 4 العصر .. جدااام مغاسل السيارات ... خليفه : يارياااال والله مليت أبا أرد البيت ... عمر : عااد جيييه ياي .. خليفه : جيه بعد ... أكيييد عسب أغسل سيارتي .. وبرد البيت عقب شوي .. عمر يأشر بيده : شو يايينك يا ريااال صار لك أسبوع وكله طااايح فالبيت يقولون حرمه ... خليفه يضحك ويضرب عمر ع ايده بالخفيف : يا رياااال اش هالرمسه .. بس تصدق عااد ناوي أتزوج ... عمر مبطل عيونه .. : تتزوج ............؟؟ خليفه يأشر ع روحه : هي شو ناقصني جيييه ... عمر مستغرب : انت خلووووف راعي السوالف نويت تتزوج ... خليفه : هيه شو قالو لك عني .. ما بصخ يعني .. بتم طول عمري ألعب ... عمر مستغرب : لأأأأ بس ... مب جنك مستعيل .. توك الا ثلاث وعشرين سنه ... خليفه : انزين وشو فيها بعد كم شهر بدش اربع وعشرين .. خلاااص يعني سني مناااسب .. عمر : أحس لأأأ.... تخطب برااايك بس عرس لأأ انت بعدك حتى دراااسه ما خلصت ... خليفه : هاااي آخر سنه يا ريااال ... عمر : سو اللي تباااه بس قولي منو هذي اللي ناوي تاخذها ... خليفه : بنت عمي ... عمر مستغررب : بنت عمك .. منو هالياااهل .. حراام عليك بعدها صغيره هاااي اش دراااها بالمسؤوليه ... خليفه : لأأأأ بنت عمي من حرمته الفلبينيه ... عمر يهز راااسه : هييييييييه .. أي وحده الصغيره ولا الكبيره ... خليفه : اللي عمرها سبعتش مادري ثمنتعش ... عمر : ما أعتقد عمك بيوافق ... خليفه : وليييش انشالله ... عمر : أحس عمك ما يحب بناته يتزوجن وهم صغااار ... وبعدين العوده بعدها مب معرسه تبي الصغيره تتزوج .. خليفه : بس أنا غيررر ولد أخوووه ما أظن بيرفض .. عمر : حط فبااالك اذا هو ما رفض يمكن البنيه ترفض .. خليفه : ما ادري والله بشوووف ... برمس الوااالد .. عمر : لا تستعيل خليفه .. خليفه يضحك : لهالدرجه بتفتقدني يوم بتزووووج .. عمر : ههههه سير اغسل ويهك .. خليفه : بنشوووف عقب .. منو اللي بيغااار من حرمتيه ,, عمر يضحك : جيييه يعني ...؟؟ خليفه : عقب تعاال قول لي ... خلوووف وينك نسيتنا شو الحرمه نستك ربيعك هههههه عمر : انت تزوج وتراني بلحقك هههه .. خليفه : جاان زين .. بس تبا رايي ,,,نسو العرس يوم واااحد هههه عمر : هههه .. بس والله حاااسب خليفه لا تتسرع ولو تسأل البنيه قبل وااايد أحسن ... خليفه : جيييه شو قالو لك أجااانب نحن .. لا ابويه مسلمين نحن ... عمر : أدررررري .. بس هي بنت عمك يعني عاادي تسألها لو بنت غريب قلنا هي بس بنت عمك مافيها شي .. وبعدين تضمن ما يصير مشاااكل بين العايلتين ... خليفه : فهاااي صدقت يا ريااال ,, عمر : بس انت سو اللي تشوفه صح .. لكن فنظري ها الصح ... خليفه .. : يصير خير .. يلا أنا برد البيت تامرني بحااايه .. عمر يضحك : سلم لي ع الحب ... هههههه خليفه : اسكت يالهرم .. ولا تراني بفلعك اهني ههه عمر : انزين خلاااص ما قلنا شي هههه فمااان الله ولا تسرع فالدرب ... خليفه : انصح روحك قبل ... عمر : هههه انشالله باباتي ... خليفه يركب سيارته : شو نظيفه ,,؟؟؟ عمر : أكييييييد من شهر معفنه ... الحمدلله نظفتها .. شكلك ما كنت تبا تنظفها هههههه خليفه : ياريااال وين أتفيج أنا .... عمر يلبس نظارته الشمسيه ويتجدم صووب سيارته : يلا أنا بعد بروووح .. خليفه : سلم لي ع الوالده ... عمر : يوووصل ,,, يلا فمان الله ,, خليفه : فمااان الكريم ... . . في فله من بين ثلاااث فلل في العين .. يحوطهم سور واااحد وحديقه وحده ... دخل وهو ميت تعب من الصبح في المعرض .. من ردو من المزرعه ما ريح ... تجدم عن الدري بس وقفه صوت أبوووه وهو يقول .. بو خاالد : خـــالد .. لف خالد بتعب : السموووحه الغااالي ما شفتك .... بو خالد : تعبااان ولدي ... خالد يتجدم عن ابوووه ويحبه ع راسه : لا بس من البااارحه مب رااقد عدل .. بو خالد : سير ريح انزين ولدي مب زين جذي .. لنفسك حق عليك .. خالد : انشالله أبويه .. يلا أنا برووح بريح ... بو خااالد يبتسم له : ولدي مر ع ولدك من الصبح ينشد عنك .. وين ابويه ووين ابويه .. خالد يبتسم : انشالله .. وينه ...؟؟ بو خالد : عند خلود فالحجره .. خالد : حرااام ما يخليها تذااكر ... بو خالد : اجزو .. تراهم .. خلصو الفصل الأول .. خالد : هي صح .. نسيت ...... يلا عااد ابويه برووح بشوووف وليد وبريح .. بو خالد : الله يحفضك من كل شر ولدي ... . . رفعت رااسي على صوووت المنبه .. شفت الساعه ... اوووه صااارت خمس .. كل هذا أنا رااقده من ردينا من المزرعه الصبح وأنا رااقده .. نزلت من ع السرير وتغسلت .. رفعت شعري وغيرت ملااابسي ,, جمعت صلااة الظهر ولعصر ,, أعوذ بالله من الشيطاان الرجيم .. الرقاااد غلبني وما صليت الظهر .. طاالعت صوب التلفون وأنا أتذكر زاايد اللي ما اتصل فيني ولا طرش لي مسج من أمس .. آآآه يااا زااايد لو تدري اش كثر أعاني ببعدك .. انت وليف الهم انت الروووح انت كل شي بدنيتي ... تجدمت صوووب الدريشه .. قبل لما كنت أوقف عند الدريشه .. وقت ما أكلم زاايد بس الحين لأأ أوقف حسره وأتذكر ان زااايد نساااني .. صحيح اني طلعت من دبي .. بس ما اعتقدت اني بطلع من قلوووب هلها أبد .. لكن خااابت ظنوني .. واتمنى ان ظنوني تخيب الحين وأنا أظن انهم نسوووني .. فزعت ع صوت رنة التلفون .. تجدمت صوووبه بسرعه وأنا ع أمل انه زااايد بس خااابت ظنوني ... رديت وأنا تعبانه : هلأأأأ أمووون .. أماني : هلأ شهوود اش حالج .. رديت عليها وأنا ابتسم : بخيير بعدني عاايشه .. أماني : خير شهوود فيج شي .. قلت لها : لأأأ أبد بس جذي .. توني ناااشه من الرقاااد .. . قالت لي : هيييييه .. انزين شو راااايج عقب بااجر نتلاقى في العين مووول .. قلت لها : أوكي بقووول حق أخويه يوصلني ونتلاقى .. أماني : وأنا بقوول حق ريلي .. قلت لها وأنا مستانسه وأطاالع المكالمه اللي فالانتظااار : هههه انزين يلا باااي حبوبه لأنه يايني خط ثاااني .. وضرووووووري .. أماني : باااي حبوبه ... ردييييييييت وأنا مستااااااانسه عن خااااااااطر ...: هلا والله .. زايد : هلأ بحياتي وعمري وروحي .. قلت : خفف الجرعه تراني بمووت .. زااايد : يعل يومي قبل يوومج حياااتي.. قلت : زيووود تبا الصراااحه عاااد أنا زعلااانه منك ... زايد : له له .. جيه عسااا ما شر ,,, شو فيييييييج ..؟؟ قلت : حبيبي ناسيني .. له يومين ولا سائل عني .. زااايد : افا علييج بروح له وبجتله الحين .. قلت وأنا مفزووعه : فااال الله ولا فالك .. زايد يضحك : تراااج انتي تقولين مزعلنج وأنا ما ارضا عااد على حبيبتي .. قلت له : علني افداااااااك والله وبعد شخبااارك .. زايد : بخيييييييير دام حياتي بخييير ... قلت : دوووم انشالله ... زايد : يدووم عزج حبيبتي ... قلت : دامت أيااامك .... مب ناااوي تيي العين ... زايد : بشوووف والله ما ادري حسب الدواام .. قلت : الله يسهل عليييك يااارب .. زايد : حياتي أنا بودرج الحين لأني وااايد مشغووووول .. ضغط الشغل كله عليه .. قلت : الله يسهل عليييك ويحفظك ويفكك من هالشغل اللي قاطينه عليك هههههه زايد : وانتي بعد ربي يعقلج وتفتحين لو مااده وحده وتراجعين ... قلت له : ترا أنا بعد مأجزه .. عقب أسبوع ببدا .. زايد : هي مال المدااارس عقب ثلاااث أسابيع ,, قلت له : شفت كيييف ظالمينا نحن .. حرااام عليهم .. زايد : يالمسولفجيه أدري ما تبين تبندين .. ترا والله وراااي شغل ,, قلت وأنا أضحك : يلا حياتي دير بالك ع روحك .. زايد : انشالله وانتي بعد .. قلت له : انشالله يلا مع السلامه .. زايد : مع السلامه حبي .. .. بعد ما صكرت عن الحب .. تجدمت عن الباااب عسب أطلع وأنزل .. بس قلت أمر على شييوم أحسن لي .. فخااااطري ارمسها .. صااار لنا فتره ما شكينا همومنا لبعض ... تجدمت عن باب حجرتها ودقيته ... شييوم : منو ..؟؟ قلت : يدتج ... شييوم فتحت البااب : هلأأأ يدوووه اش حااالج .. ( وباستني ع راسي .. ) دزيتها وقلت : وخري زين أرف انشالله شو قالو لج عيووز شييوم تضحك : مادري عنج انتي تقولين يدتج .. قلت لها وأنا أأشر ع الباب وأقعد عالسرير : صكري الباااب زين وتعااالي ايلسي .. شيما تصكر الباااب وتيي صوبي : خير .. مس شهد ... قلت لها : شخبااارج ..؟؟ شيما تتخصر : لا والله .. من متى مب شايفتني .. قلت لها : العااطفيه يا ماما هب .. أخبااارج .. شو ابا في اخبااارج انتي .. شيما : القلب مغلق للصيانه ... قلت لها : اها .. يعني في مشرووع يديد .. شيما .. تجدمت عني وبحزن قااالت : ما اظن القلب يهوا غيره يا شهد .. قلت لها : شييوم .. ما يصير اللي تقولينه .. ادعي له بالرحمه .. خلاااص .. شيما تمسح دموعها : الله يرحمه .. ضربتها ع جتفها وقلت وأنا أضحك : شخبااار خلوووف وياااج .. شيما مستغربه : خلووووووف ..؟؟؟ قلت لها : العبيها ع غيري .. قال لج شي .. شيما : تبين الصراحه لأأ ... بس قطعني .. كل شوي يطالعني فشله حسيت شهاااب بعد درا انه معجب ههه قلت لها : وانتي شو رااايج فيه .. شيما : ما ادري .. ما حسيت بشي .. قلت بنص عين : علي هالكلااام يلا رمسي .. شيما : ما ادري بس أحس اني ملت صوبه .. معني ما كلمته ولا مره .. قلت : غريبه كلمني جيييه ما كلمج ..؟؟؟ شيما : ما اعطيه سااالفه أنا اممممممممرررررررررره .. قلت : أحسن .. خلييييه هو اللي ييج روحه .. وشييوم نصيحه مني .. خليه ايي لج من البااب هب من الدريشه فاهمه علي .. شيما مستغربه : بس انتي كلمتي زاايد قبل .. ليش ما تبيني أكلم خليفه .. قلت لها : زااايد غير .. وكان وضعنا غير وقتها وطريقه حبنا هم غييييير .. وانتي وخليفه غير .. شيما : انشالله .. تامرين امر انتي .. وبعد ...؟؟ قلت : ماشي .. بس حبيت أقول لج اني أنا بعد لاحظت على خليفه انه ناااوي على نييه وبس .. شيما : تعتقدين انه بيتقدم لي .. قلت : اذا زااايد تقدم لي هالفتره ... اكيييييد بيتقدم لج .. شيما : بس أنا مابا أعرس الحين ابا أكمل درااسه .. قلت لها : أكييييد .. ماشي تتزوجين قبل ما تخلصين الثانويه .. شيما : لأأأأأأأ أبا أخلص الجاامعه عقب .. يتزوج ما يتزوج برااايه .. قلت : شو يصبره خمس سنين .. شكله مستعيل ( وغمزت لها ) هههههه شيما : مالي خص.. عرس مابعرس الحين قلت لج .. قلت وأنا أتجدم صوووب الباااب : خلييييه يتقدم لج أول .. عقب .. تعالي ارمسي .. شيما تضحك : صدقج ... رديت حجرتي وفرفرت في المنتدياات .. آخر شي تذكرت .. نور الامارات .. من زمااان ما حدرته ... بحدر اليوووم وبشووف شخبااارهم والله اشتقت لهم وااايد .. يقولون شي روايه يديده ليتومه .. بسمه من شفاتك تموتني وتحييني بقراها و بالمره بقرا آه ياقرب المسافه بين عقلي والهباال .. الله يعلم متى بخلص .. بس يلا عاادي عندنا اجاازه .. بقضيها في قراءة الروااايااات .. معني ما أحب واايد أقرا بس يلا أحسن من لا شيء ... بديت أرد وأشاارك وأحط أشياااء .. ودشيت البووكس رمست البنااات .. وعقب على أذاان المغرب ظهرت .. ونزلت أكل لي شي لأني من نشيت من الرقاااد وأنا مب ماكله شي .. ما شفت أحد أكيييد خالو أم شهاااب وشذاوي راااحو عند أهل شواااخ .. لأنها سألتني نرووح وياها بس قلت لأأ لأني بالفعل تعبااانه وكنت أبا اريح ... دشيت المطبخ .. شفت باااجي من الغدااا .. كليت ع السريع .. تجدمت عن البراااد عسب أصب لي ماي .. ما حسيتا لا بأحد يمسكني ويقرقطني .. فزعت والكوب طاااح من يدي .. لفيت وأنا متخرعه وأتنفس بسرعه ,,,, شوي وأصييييح لأني بالفعل عن جد تخرعت عدددل .. ......... : لهالدرجه خفتي ..؟؟ قلت وأنا أتنفس بسرعه : يغربل العدو خرعتيني .. خلود تضحك : هههههههه حلو شكلج يوم تخرعتي.. قلت : عيبتج السالفه أشووووف .. مالت .. والله خرعتيني .. خلود تضحك : صااار خير انزين .. قلت : هي صااار خير زين القلاااص ما طااااح على ريلي .. كنت بتعور .. خلود تضحك : خلاااص آسفين ما بنعيدها .. قلت : انزين خلاااص بعديها لج هالمره .. خلود سندت ع الطاوله : وينهم هل البيت ..؟؟ قلت : محد .. خلود : بعدها خالو ما ردت ..؟؟ قلت : لأأ أظني بيتعشوون منااك .. خلود : هييييي .. انزين انتي وشييوم تعالو تعشو عندي .. قلت : لا الله يخليج تسلمين .. خلود : لا صدق والله ما أتمصخر .. قلت : متفيحه انتي صدق ... خلود : شهووووود حراااااااااام .. قلت : خوانج هنااااك كيف تبيني ايي .. وأنا بيتكم ما جد يوم طبيته .. خلود : عااااااااادي شو فيها انزين ..؟؟ قلت : الا فيها خوااااانج فالبيت .. خلود : بس هو بيت عمج ... قلت : حتى ولو بيت عمي ما يصيير يا ماما ... خلود : انزين والله الشبااب ردو العصر ورقووود ما ادري يمكن بينشووون الساااعه عشر ,, ونحن نتعشااا تسع .. يلا حراااااام .. قلت : لأأ يعني لأأأأ .. سمعت صووت خطوااات قريبه من المطبخ .. لفينا اثنينا ,,, دخل وقاااااال : اهلين .. ردينا : اهلين ... شهاااب : شهد .. ابويه اتصل ويقووول انتي وشييوم .. وأنا بعد بنروووج العشااا بيت عمي .. لأنه هم بيتأخرون بيتعشون بيت أهل شيخه شكلهم ... خلود : هيه هيه .. قلت : مابا .. بتعشا فالبيت أنا عاادي ولا الخداامه تسوي لي شي .. شهااب : الوالد رمس عمي خلاااص .. وترا عمي بيزعل .. لو ما بنسير .. قلت : امممممممممف انزين خلااااص ,,,, حوباتج هاااي .. خلود مبتسمه وشاقه الحلج .: يلا يلا تعالي بيتنا .. قلت : تريي برووح بلبس .. خلود : ما يباله بيتنا لاااصق .. وحوينا وااحد .. قلت : انزين تبيني ايي بالبجااامه .. جييييه ...... بروح بلبس مخوره .. خلود : انزين .. عاد أنا برووح بقول حق شيما .. قلت : أوكي .. يلا أنا سايره البس .. شهاااب : شهد انتي وشيما سيرو الحين أنا بطلع .. بيي لكم ع العشا .. قلت : أوكي .. بنترياااك ... × الكل قااعد في بيت جاابر في احدى منااطق العين .. أم شهااب : والحين اش حالج بنتي ...؟؟ شيخه : تمام الحمدلله امايه .. بس خلاااص احس روحي بربي .. أم شهااب : تو الناااس يبالج شوي .. شيخه : هالأيااام بتمر بسررررعه .. وبعدين مب باجي لي شي وأدش التاااسع .. أم شهااب : الله يعينج على سعووود صاااير فوضوي .. بس عوديه عشااان ما يغااار من الياااهل ... شيخه : هي ذابحني .. وايد فوضوي .. أم شهاااب : وليد بعد مستوي وااايد شيطااان هالفتره .. شيخه : صح اش حااال خواتي ..؟؟ أم شهاااب : بخير وسهاله ... يسلمون عليييج .. شيخه : جيييه ما يبتوهم وياكم ...؟؟ أم شهاااب : شهد حليلها من البارحه مب راااقده وشيما طايحه لج يدااام هاللاب توب شرااات شهاااب .. شيخه : ههههه صار عندج اثنين فالبيت مال قوووم لاب توب وهالسوالف .. أم شهااب : بقول لأبووج يشله عن شيما عيونها بتتعمي البنيه .. من كثر ما تقعد ... شيخه : ههه لا حرااااام امايه خليها تتسلا .. أم شهاب : بس مو زين حقها .. وحق عيونها يا أمايه ,,, شيخه : انزين أمايه جيييه خااالد ما ياااخذ شهد أختي ...؟؟ ماشالله عليها كامله والكامل الله .. أم شهاااب : والله ابووج وعمج رمسووه بس هو الله يهديه ما يبااا مووول .. ولا يبا يسمع طاااري العرس بعد .. شيخه : حاولو وياااه بعد .. ترا مو زين .. وليد لااازم يبا له وحده ترعاااه وتعلمه .. أم شهاااب : يصير خير انشالله ... برمس ابووج بعد .. شيخه : شذاوي حبيبتي عطيني سعوود .. شذى : مابا .. خليه عندي .. شيخه : بس شوي انزين ههههه سعود يطلع لسااانه شيخه : شفتي أمااايه أقول لج الولد مستوي شيطووون وفوضوي .. أم شهاااب : بيكبر ويعقل انشالله ههههههه .. × × دخلنا الفله .. وأنا أول مره أدخلها .. وخلود ماسكه ايدي وتبتسم لي .. ابتسمت لها عاادي .. شيما وقفت ورايه .. عشب تتفادى نظرااات خليفه .. لأني متأكده انه موجود ومب راااقد هالحزه ,, دخلنا الصاااله ... تجدمت عن عمي بسته ع راسه وقلت : اش حااالك عمي ..؟؟ عمي : بخير وسهاله بنتي .. انتي اش حااالج ..؟؟ قلت له : بخير بشوفتك الغاالي ... عمي : حياكم بناتي حياااكم تعالن ايلسن البيت بيتكن .. شيوم يت سلمت عمي وقعدت .. قلت وأنا ايلس : تسلم عمي ... عمي وقف : عاااد أنا بسير المعرض شوي بعد أذاان العشااا برد انشالله .. خلود : بابا بس شييوم وشهوود اول مره ييون بيتنا .. عمي : سمحو لي عاد بناتي بس توهم اتصلو بي ضروري .. قلت : مسمووح عمي لا تحاتي .. عمي : خلود عندكم اذا احتجتو شي .. يلا عااد فماان الله .. قلت وأنا ابتسم : فماان الكريم ... اختفا عمي عن عيني .. قلت وأنا اطالع خلود : بيتكم حلو تصدقين .. سمعت صوووت من بااب الصاله : من ذوووقج ... ابتسمت قاااال قبل ما يدش : هووود هووود .. قلت : هدا هدا ... دخل خليفه وهو يبتسم لنا : اش حالكن بناات عمي ...؟؟؟ رديت : تمام ومن صووبك ..؟؟ خليفه : بخييير بشوفتكم ... ( طالع شيما وقااال ) اش حالج بنت العم ..؟؟ شيما بصووت يالله يالله ينسمع : بخييير الحمدلله ... خليفه : منورين بيتنا والله .. طالعت خليفه وقلت : منور باهله .. خليفه راااح صوب الدري .. : البيت بيتكم خذو رااحتكم .. قلت : تسلم ولد العم ما تقصر ... خليفه ابتسم وصعد .. طالعت خلود وقلت : بينزلون خواانج الحين .. خلود : لأأأأ وين الله يحليج .. خالد رااقد ما بيقوووم الا يوم نقومه .. وخليفه بيطيح لج يدااام هاللاب .. قلت : كيييف تقضين وقتج خلووود ..؟؟ خلود : ماشي .. تلفزيون نت وتلفون ... قلت : زين .. بس سوي شي يفيدج ترا أحسن ... شيما تضحك : طاااعو من ينصح .. ماما انتي أول سوي شي زين عقب انصحي شييوم .. ضحكت وقلت : صدقج ... بس صدق خلووود سوي شي ينفعج .. خلود : أحب الرسم بس يوووم ارسم راااسي يعورني ... قلت : لأأأأ انتي مارسي هالشي خلاااص بتتعودين .. الحين عندي ربيعتي تكتب روايات .. بالساعات تقعد ع اللاب .. تقول لج قبل بس تشغل اللاب تقعد يداامه دقايق راسها يعورها وعيونها تدمع .. بس يوم تعودت خلاااص . قااامت تقعد تكتب .. يعني شي مفيد أحسه .. أحسن من لااا شي ... خلود : هي صدقج .. بحااول والله مادري ,, قلت : هي حاولي .. يمكن بيكووون لج مستقبل .. خلود تضحك : الله يسمع منج .. وليد ياااه صوبنا وهو يركض ,,, وحضني وقااال : حبيبي شهوووووووود .. ضحكت وقلت : انت اللي حبيبي ... خلود : زين ياااه .. شييوم شهووود تعالو شوفو حجرتي ... .. قلت وأنا حاضنه وليد : سيرو انتو بلحقكم انا عقب شوي ... طالعت خلود و شيما يصعدون .. يودت وليد من خدوده وقلت : تلعب ويايه وليد والذيب ..( غيرت المسمى نظرا لاسم الطفل ) وليد : هي بلعب وياااج وبغلبج أنا .. قلت له : انزين هههههههههه تجدمت عن وليد وأنا أقوووووول : باكلك الحين باكلك ... أنا الذيب وليد بدا يضحك بصوووت عااالي أشبه بصيااااح طفل .. : لاأأ بخبر بابا عليج .. لا تاكليني .. مابا .. بخبر باااباا وبقول له انج تضربيني سمعت صوت عااالي وقف الدم بعروقي : منووووووووو يضرب وليييييييييييد ...؟؟؟ صديت مستغربه .. حسيته بيي يضربني يذبحني .. أكييد فاااهم السالفه غلط .. ياااارب ما يرمس ولا يقط رمسه عليه قبل لا يفهم السالفه لأني بتحسس ويمكن برد علييه لأني من النوووع اللي ما يسكت .. طالعته .. معصب مبين علييه .. |
السلااام عليييكم والرحمهـ .. اشحاالج خيتوو ؟؟ احم الصراااحهـ اناا شااكهـ ان زيوووود متزووج اماني اربييعت شهوود !! وخااالد ان شاء الله بيفهم الساالفهـ ,, فـ انتظااار البارت اليااي ,, السموحهـ .. |
>_< اكملي بليييييييز ابا اقرا شوة بيصير وشوة بيقول خالد حق شهود عاد كله ولا ولده |
اقتباس:
بخير الله يسلمج غلآي توقعج عجبني حيييل ...بس مآندري عآد اذا صح ولآ غلط !! انشالله ... نورتي غلأي |
اقتباس:
بنعرف الحين في الحلقه اليايه .. نورتي غلآي |
بنآت السمؤحه .. مجبورهـ أنزل الحلقآت بسرعهـ ... يعني مآشي تشؤيق ^^ لأن روآيتي اليديده يتنزل جريب .. عآد لازم نرتب .. والسمؤحهـ .. |
الحلقه العاشره .. أحبك ..! حب خلاااني أبيع الدنيا من أجلك رجعت بخطواتي لورا .. بغيت أرمس .. شفت ملامحه جااامده ومبين عليه معصب .. تجدم عن وليد وقااال .. : منو يضربك وليد ...؟؟ وليد سوا روحه يصيح .. خلاااااااااااص موتي .. وأشر عليه .. بغيت أرد على خااالد .. بس سكتت لما قال ... خالد : يالذيب لييييييييش تاكل ولدي ...؟؟ ملامحي تغيرت من خوووف وارتباااك .. بغيييييييت أفطس من الضحك بس يودت روحي .. وارتسمت شبه ابتسامه على ويهي .. ما رديت .. اكتفيت بأني أتجدم من وليد وأمسك يده ... عسب نروووح فووق .. خالد قااال : اش حاالج بنت العم ..؟؟ رديت عليه بهدوووء : تمام .. ومن صوبك ..؟؟ خالد يضحك : بخييير .. شكلج زغتي مني هااا ... تفشلت عن خاااااااطر باان عليه اني خفت ,, قلت بارتباااك: هااا .... لا .... يلا وليد نسير عند خلود وشيما ... وليد ضحك ومسك ايدي وصعدنا .. وأنا مفتشله خااالد من البدايه شااافني مع وليد .. أوووه ماي قاااد ليكون تمخطرت بمشيتي ولا رقصت هع .. خلني أتذكر فشلللله ... لا الحمدلله كنت عاااقله ... وصلنا حجرة خلود وأنا مفتشله من اللي صااار قبل دقااايق ... وأفكر فاللي صااار .. ويهي احترق صدق .. ................: شهوووووووود .. فزعت من مكاني .. : شوووووووووه .. حشا مب صوووت .. خلود تضحك : ههههه بلاااااج شو صااار ,,..؟؟ قلت لها : ماشي ,, يلان دش حجرتج ...ماشالله أنا كله افزع فبيتكم خلود يايه من صوب الدري : ههههه ... يلا دشي .. طالعتها .. البنيه تضحك .. هاذي وراها ساااالفه .. خلود مب هي خلود اللي أعرفها حتى تصرفاتها مستويه غييير وغريبه ... × × الساعه 11 بليل في بيت بو خااالد ... بو خالد : ولدي شفتها رووحك اليوم .. اش رااايك فيها ..؟؟؟ خالد : الواااالد دخيلك ,, أنا من زمااان قلت لكم عرس ما بعرس .. هاي رمستي وما بغيرها ... بو خااالد : خالد ولدي أبا أشوووف عيالك ... قبل لايي يومي .. اباهم يترسون بيتي .. بحشرتهم .. خالد : ابويه شو هالرمسه .. عسى عمرك طوووويل .. وعندك وليد شو تبا بغيره ... بو خالد : بس وليد روحه يباله خوااان وخوات يسلونه ... خالد : هكووو .. باجر خلوف انشالله بيتزوج وبييب عياااال ووليد يبتسلى وياهم ... بو خاالد : طووول عمرك عنيد .. مدري طااالع ع منو ... خالد : هههه عليك يالغاالي ... بو خالد : انزين ابا أعرف بنت عمك شو ناقصها عسب ما تاخذها .. خالد : مب ناقصها شي كامله والكااامل الله .. بس أنا مابا أعرس .. بو خالد : بس هذي بنت عمك اذا خذيتها انشالله بتنسى همومك وشهد بتربي وليد وبتداريه .. خاالد : ابويه قلت لكم مليووون مره عرس ماني معرس .. واذا تبا شهد انت .. خذها حق خلوووف ... ......... : بس أنا ماباها ... خالد يضحك : وانت منو رمسك ...؟؟ بو خالد : أنا اباها لك يا خااالد ... ماباها لأخوك ... خالد يضحك : ابويه انا شرااات خلوووف ماباها .. بو خالد : الله يهديك ... يا ولدي .. خالد : أميييييين ... ها خلوف حاط عينك ع وحده ... خليفه يطااالع صووب ابووه ويقول : الصراحه هي .... بو خالد : كملت .. ليكووون يايب لي وحده من هالبنات اللي برا ولا متعرف لي ع وحده من هالنت ... خليفه : اوووه اوووه الوالد قااام يعرف انه الموضه الشباااب يتزوجون عن طريييق النت هالأيااام .. بو خالد : اذا سويتها بكسر راااسك تراني .. خليفه : هههه مو لهالدرجه غبي أنا ... أرمس وحده وآخر شي أخذها ... بو خالد : والنعم فييييييك .. ولدي وعرفت اربيك .. خالد : يلا ارمس منو اللي تباها ..؟؟؟ خليفه يطااالع صوب ابووه : أبا شيما بنت عمي ... بو خالد مستغرب : شيمااا .....؟؟ خليفه : هي شيما .. بو خالد : بس شيما بعدها يا ولدي صغيييره ووراها دراسه .. خليفه : عادي أخذها .. وأخليها تكمل ... بو خالد : ما أظن عمك يرضى ,, خليفه يرووح صوب ابووه ويبوس راسه : فديتك ابووويه بس حيروها لي .. بوخالد يضحك : لهالدرجه .. انزين عمك يشاورني قبل لا يتقدم لها أي أحد وبياخذ رايي لا تخاااف .. خليفه : وأنا شاللي بيصبرني يا بوي .. ما قدر ... دخيييييلك .. بو خالد : انزين برمس عمك يرمسها بس مب الحين ... خليفه متملل : عاااد متى .. عقب مايي لها واحد وتوافق .. بو خالد : لأأأ .. خل أخوك يوافق ياااخذ العوده ... خالد يضحك وهو قاااعد يعابل فتلفونه : عاااد خلوووف تحلم انك تاااخذ شيما ... خليفه : انزين تعااال صدقه الوالد جيييه ما تاخذ شهد .. خالد : شهد بعدها ياااهل ومب قد المسؤوليه .. ما تعرف تتصرف ... بو خالد : انزين انت علمها .. وشهد كااانت عااايشه بدون ابو لاازم ما تعرف تتصرف.. خالد : مادري والله مادري .. بس فكرة عرسي شيلوها من راااسكم ... يلا أنا ساااير أرقد وراي دوااام باااجر ... بعد ما صعد خاالد خليفه قااال : خلك منه ابويه وزوجني أنا ... بو خالد يضحك : أعوووذ بالله .. أنا شاااك انه بدلوك بقيس ... خليفه : هههه مب لهالدرجه .. بس صدق ابويه لو ما تبا تتزوج البنيه الحين برايها بس حيروها لي ... بو خالد : يصير خير انشالله .. انت أول ييب الشهاده واشتغل .. وعقب يصير خير ... خليفه يتأفف : انشالله .. . . قاعده ألعب فتلفوني فالصاااله .. ملانه .. طالعت الساعه صااارت 11 وشي وبعدهم مايو .. شالسالفه وااايد تأخرو .. طالعت شييوم قلت لها : شفتي خليفه كيييف حركاته .... شيما تطالع تلفزيون مب مهتمه : عااااادي .. قلت لها : لأأأأ مب عاادي .. شيما : براااايه .. مالي خص فيه .. قلت لها : لأأ لج دخل .. امايه الولد مبين عليه بيموت علشاانج .. شيما تضحك وتطالعني : ما أصدق .. أول مره وااحد يعجب فيني .. قلت لها : تراااج ويه فقر .. أنا كل هل دبي كااان متخبلين عليه .. بس لولاااااااااا......... عاد انتي أدرى ... شيما تطالعني : شهووود تصدقين لو انه تصرفاااتج كانت محترمه في دبي كانو كل شباااب دبي تقدمو لج .. بس ما ادري لييش انتي كانت حركاتج جيييييه .. قلت لها : اختي وتسألني لييش كنت أسوي جيييه عااادالغريب ما ينلام .. شيما : مب قصدي بس كمثاااااااال يعني ... قلت الها : أدري .. يلا أنا سايره أرقد .. شيما : حدرتي نور الامارات اليوم .....؟؟ قلت لها : هي .. بعدهم الأعضاااء هم .. بس زااادو وااايد .. كشخه مستوي .. شيما : هي .. تعرفتي على أحد .. قلت لها : هههه تبين سمعتي تحترب زياااده .. شيما : لأأأ خلج مثل ما أنتي ... ترااا بتروحين مللللللللللح عقب هههه قلت : يلا أنا سايره أرقد .. قبل ما ارووح صوب الدري سمعت الباااب يتبطل .. صديت وراااا ..شفت مرت ابويه وابويه ,, : السلااام عليكم .. ردينا أنا وشييوم : وعليكم السلااام ... مرت ابويه : اش حالكم بنااات ..؟؟ قلت وأنا ارووح ابوس راس ابويه وامايه : بخير وسهاله ... ابويه : سرتو بيت عمكم ..؟؟؟ قلت : هي .. وتعشينا عندهم .. ابويه : زين .. انشالله عيبكم بيتهم .. قلت : هي حليلها خلود ما قصرت ويانا ولا عمي .. ابويه : زين زين ... يلا أنا ساااير ارقد تصبحون على خير ,, قلنا : وانت من أهله ... قلت : أماايه وين شذاوي ..؟؟ أم شهااب : عند شيخه ... سعود صاااح قااال الا ابا شذى ترقد عندنا .. قلت : هههه فديته .. اشتقنا له واايد .. أم شهاااب : بييون عندنا هالسبوع انشالله .. قلت : انشالله .. شواخ بتربي هالشهر صح .. أم شهاااب : هي .. دعو لها تربي بالسلامه ... قلت : انشالله .,,, أم شهااب : صح شواااخ سلمت عليكن وااايد وقااالت قولي لشهد وشيما أنا زعلانه منكن .. قلت : له له .. خير عسا ما ضايقناها بشي بس .. أم شهااب : قالت أول مره تييون صوبي وما ييون وياكم .. ضحكت : ههه عاد خلاااص بيي المره اليايه عسب ما تزعل .. شيما : أنا مابيي ما يصير ارووح بيت خطيبي ... أم شهاااب وأنا مبطلين عيونا .. : منو خطيبج ..؟؟ شيما : سعودي منو غيره يعني هههههه .. أم شهاااب : حسبي االله عليج من بنت هههه .. يلا أنا سايره أرقد بااجر دوام ولازم أوعي ابوكم .. قلت : أحلااام سعيده هههه أم شهااب : وانتي شييوم ان ما ودرتي اللااب توب ووهالسوااالف ماالج تراني بقول لابوج ياخذه عنج .. بطلت عيوني .. ليكون أمايه تدري عن سوااالف الايميلات اللي كانت تسويها شييوم .. طالعت شييوم ... شيوم : والله ما اقعد عليه واايد الا هم ساعات .. أم شهااب : مب زين حق عيونج ... ارتحت هالحزه .. السالفه فيها نظر ما نظر الحمدلله ما درت عن شييوم .. خخ ولا كانت البنيه بترووح فيها .. صعدت حجرتي .. رميت روحي ع السرير وأنا أفكر بالسالفه اللي صاارت اليوم وخاالد .. شو سوا والله انه ممثل بااارع خخخ .. بصرااحه زيغني وأنا زغت عن خاااااااااطر ... كان يطالعنا من البدايه أنا ووليد .. وخلود ليييش كانت تضحك .. يمكن اهيه اللي سوت الخطه وزقرت خالد .. لا لا يمكن كانت ماره وشااافت اللي صااار ... طالعت صوب الفون وهو يضوي .. أماني 2 .. نقزت من الفرح ورديت ... : هلا والله بزيودي فدييييييييت قلبه وروحه .... زايد : علني أفدااااااج هههه شو الصحه ...؟؟ قلت : ماشي كحه .. هههه وانت ...؟؟ زاايد : حلجي يعورني ومتزجم .. و أذوني تعورني وكل علللللللل الدنيا فيني ... قلت : سلامااات حبيبي سرت الطبيب .. زايد : هي .. وعطوني مغذي وابر وسحبو دم وحالتي كاانت حاله .. قلت : سلامات يعله فيني ولا فييييييك ... زايد : لا فديتج .. انزين خبريني انتي شخبااارج ..؟؟ قلت له : اليووم بصراحه تفشلت عن خااااااطر .. زايد : جيه شو صااار ..؟؟ قلت له : كنت ألعب وليد ولد خالد ولد عمي .. وجااان يدخل ولد عمي عباله اني أضربه وأنا زغت وطلع هو اللي يمثل علينا ههههه زايد : لا رد .... قلت . الووو زيووووووووود ويايه .. زايد بحده : يعني عايبنج الوضع ...؟؟؟ قلت له : زيود بلااك .. زايد : لو انج فدبي احسن .. قلت له : زايد حبيبي بلاااك .. زايد : انتي تطلعين يدااام عيااال عمج ..؟؟؟ قلت : هي بس لابسه شيلتي وكل شي ... زايد : ترمسينهم ..؟؟؟ قلت : لأأ بس سؤااال عن الحاال شي ثااني لأأأ .. بس زيوود جييه مستوي جذا انت ...؟؟؟ زايد : حياتي لا تزعلين بس ما أحب انج ترمسين غيري .. قلت : هههه يعني تغااار هااا ..؟؟ زايد : لو ما أغار عليج أغار ع منو يعني هااا خبريني .. ؟؟؟ قلت : فديتك والله ,,, زايد : شو الجو فالعين .. قلت له : باارد بس ماشي أمطاار .. زايد : حتى دبي .. قلت : اشتقت لدبي ولاهلها أكثرررررر .. زايد : وأنا أشتقت لشهوووووود حبيبتي وبسسسس .. قلت : هههههه أنا ما اشتقت لزيوووود .. الا تولهت عليييه وبمووت لو ما شفته ... زايد : حياتي انتي .. حبيبي يلا أنا بسكر .. قلت : تو الناااس ... زايد : ربعي بييون عقب شوي .. سألته : ماايد .. زايد : هي .. قلت له : تعرف أخباار غايه ..؟؟ زايد : شو تبين بها خلاااص الحرمه تزوجت .. برااايها تسو اللي تبا .. قلت : صدق .. اللي ما يبانا مانباااه ... زايد : صح لسااانج هههه يلا حياتي مع السلامه .. قلت : مع السلامه .. برقد أنا ... زايد : احلمي فيني أوكي هههه قلت : ههه أوكي .. يلا حبيبي باااي .. زايد : باااي .. × × ........... : شو انتي هبله ...؟؟ خلود عيونها تدمع : لييييييش . .. ؟؟ أنا مب هبله .. خالد : لييش تصيحين انزين .. خلود : انت تقول لي هبله .. خالد : صدق انزين يوم سألتج في حد غريب فالصاله .. قلتي لي لأ .. خلود : شو دراااني يمكن هي نزلت .. خالد : خلود مب علي هالحركاات وهالفكره شيليها من بااالج فاهمه .. خلود : خاااالد انته ليش جيييه ..؟؟ خالد : استغفر الله .. اقول لج شي خلود .. سيري ارقدي أحسن لج .. خلود تطلع من الحجره : أنا آسفه .. كنت أدري انها فالصاله بس روحي ما رمست .. خالد .. يروح صوب اللاب : لا تعيدينها مره ثاانيه سمعتي .. خلود : انشالله ... خالد : خلوود تعالي .. خلود تدخل .. خالد يلوي عليها : خلاااص حبيبتي .. أنا بعد آآسف .. لا تزعلين انزين .. خلود تصيح أكثر .. : بس انت تقول لي هبله .. خالد االلهم طولج يااا روووح شو بلاني بالياااهل ما يكفيني وليد يتني خلوود : لأأ انتي مب هبله حيااتي .. خلود : خاالد لا تنازعني مره ثااانيه .. خالد يرفع رااسها ويمسح ع شعرها : انشالله .. بس انتي لا تصيحين .. خلود تمسح دموعها : انزين .. يلا أنا سايره أرقد .. خالد : مري ع وليد شوفيه رااقد .. وعقب سيري ارقدي .. خلود ابتسمت وهي تطلع : انشالله ,, × طالعت السااعه .. صااارت اربع .. يلا بروح بقوول لشهااب يوديني بشووف أمووون ... وأخيرا من بعد سنتين بنشوووف بعض مره ثاانيه .. ياربيييييه هالانسااانه اش كثر أحبها .. نزلت بسرعه وشفت شهاااب .. شهاب : ها جااهزه ..؟؟ قلت له وأنا البس شيلتي : هي .. شهاااب : تغشي .... قلت : بسسسسسس أنا ما أحب أتغشى ... شهاااب : شهوود العين موول كله شباااب تغشي .. قلت وأنا أطلع وراااه .. : انشاالله .. حلو انه أحد يغااار عليه ... ههه شهابوه ما يدري اني كنت ارووح دبي مول والقصه برع .. يباني اروح العين مول أتغشى .. بس يلا الحمدلله بديت أهتدي شوي شوي ههه .. المهم اليووم اشووووووف أمووون مب المهم غشا نقاااب برقع برااايه .. أمووون وبس هع ركبت السياره وتحركنا .. شهااب : الساعه كم برد باااخذج .. قلت : برااايك ...بس بتصل بك تعرف .. شهااب : لا تسيرون صوب الكوفي وهالسواالف ... قلت له : ههه لا تخاااف بنرووح صوب الألعاب ههههه شهاب يضحك : يالذكيه جان رمستيني من قبل وكنت حجرت لج في مطعم .. كبينه .. قلت له : ما ادري رااحت عن باالي وأنا ما أحب الكباين هااك الزووود .. شهاااب : يلا وصلنا .. المره اليايه يوم تبين تتلاقين خبريني قبل أياام أوكي .. قلت وأنا أنزل : أوكي . يلا مع السلامه .. شهاب : مع السلامه .. اتصلي بي يوم تخلصين أوكي .. قلت له : اوكي ... نزلت ودخلت الموول وأنا متغشيه ,, ركبت الدري المتحرك .. الحمدلله ما طحت هع .. ما اشووف شي .. تجدمت صووب الألعاااب ... اتصلت بأموون ردت عليه : هلأأأأ .. قلت : وينج ..؟؟ أماني : عقب خمس دقااايق بالضبط بكون عندج .. فالألعاب انتي .. قلت لها : لا صوب باسكن روبنز أول طااوله يلا بسرعه ... أماني : زين لا تروحين الكوفي ريلي ما يخليني رووحي .. لازم هو ويايه ههه .. قلت لها : ههه يلا اترياااج .. أماني : يلا باااي .. ابتسمت .. شي حلو انه الأهل يكونون حريصين على أبنائهم .. يمكن قبل ما كنت أحصل على الاهتمام والحرص .. محد كاان يسألني اذا بطلع أو لأأ .. ومتى أرد البيت .. عيبني شي يوم يينا العين .. أبويه وااثق فينا . يعني ما عااارض اني أتلاقى مع ربيعتي وقااال لأأأ .. بالعكس خلا شهاااب يوصلني .. حبيت ابويه واايد حصلت عنده الحنااان اللي كنت فاقدتنه كل هالسنين .. وأنا قااعده أعابل فتلفوني ... حسيت بوحده تسألني : شهد ...؟؟؟ رفعت راااسي وطالعتها .. ابتسمت .. : أمووون ... ابتسمت أماني .. : شهود متغشيه ما أصدق .. نزلت الغشوه وسلمت عليها : هههه عاااش من شااافج .. أماني : عااشت أياااامج .. اش حااالج شمسويه .. ؟؟ قلت : بخييير دامني شفت حبيبة قلبي أمووون هههه .. اماني : متغيره شهووود .. قلت لها : للأسوء ولا الأحسن .. أماني : بدووون مجامله والله للأحسن تصدقين .. قلت : زين زين .. وانتي بعد متغيره .. ويا دبتج هاااي ههههه أماني : قالو لي ولد ... قلت : يالله انشالله تربين بالسلامه يارب .. أماني : أمييييين : يااارب .. الله يسمع منج ... قلت " ايلسي جييه واقفه .. أماني : نتريا ست شهووود تيلس هههه قلت : فديتج والله .. شو تشربين ...؟؟ أماني : لا لا انتي شو تشربين .. أنا جديمه .. فالعين انتي يديده بعدج .. قلت : يلا أمووون والله أنا اللي بطلب .. اماني : دااامج حلفتي .. أي شي انتي تبينه .. قلت : أووووكي اممممم تشربين كاباتشينو .. ؟؟؟ أماني : لأأأ هب أوكي المنبهات حقي .. قلت : هي ترااج حاامل نسيت .. أوكي خلاااص أيسكريم أحسن صح هههه أماني : اذا ياني بلاعيم بخبر ريلي عليييج هههه قلت : أوكي هههههه .. أماني : شهووود والله اشتقت لج موووت تصدقين .. من الثانويه ومب جايفين بعض .. قلت : صدقج .. بس تدرين زين الشوووق زاااد .. أماني : تعااالي جيييه ييتي العين .. قلت : تراني خبرتج أمايه عرست وردت بلااادها ... أماني : هيييييييييه .. سمحي لي شكلي شفرت من الحمل .. قلت لها : لا عااادي .. أماني : تعالي بيتي يوم واااحد .. قلت : انشالله بشوووف .. أماني : لاااازم تيين حراام الله يخليج ... قلت : ويت ويت .. سؤااااال .. عايشه فبيت روحج ولا معااج أهل ريلج .. أماني : لأأ مع أهل ريلي لأنه ما يداااوم فالعين .. قلت : هييييه .. أحسن لأنه ملل وبعدين ما تأمنين لو تسكين روووحج .. أماني : هي ويخووف بعد .. قلت : تعاالي انتي عندي .. أماني : بشوووف برمس ريلي ييبني .. قلت : اوكي بتريااااج وبكشخ عااااد هييج الكشخه ... مال شهوود ايااام الثانويه ههههه أماني : هي .. ولو ما كشختي تراااني مابي سمعتي ... قلت : انشالله ههه بس خبريني من قبل عسب أتجهز وجذا .. أماني : اكيييد هههه أخاااف يوم أشوفج أتخبل بجمالج وأربي .. قلت : لا الله يخليج عقب ريلج صج صج بيذبحني .. أماني : ههههه تعااالي انتي قلتي لي بعد الثااانويه مادري شووو وصااارت سااالفه .... شالسالفه ..؟؟ قلت : الله يخليييج سالفتي سااالفه .. أماني : جييه شو صااار ...؟؟ قلت لها : أماني وعد ما تخبرين أحد .. أماني : أكيييد .. شهووود شكلج نسيتي منو أنا ... قلت : لا والله بعدج غاااليه بس يمكن كذا مره وفيت للناااس وأخر شي أنصدم فيهم .. أماني : ما علييج من أحد .. الكل الحين يدور مصلحته .. قلت لها : صدقج .. المهم .. بس ترا محد يدري فالسالفه .. أماني : ليييش ...؟؟ قلت لها : أنا ما خبرت أحد .. أمااني : اها .. انزين شو صااار زيغتيني شهووود رمسي .. قلت لها : أمووون تذكرين يوم يبنا النتايج بعد امتحانات الثانويه بأسبوع ,,, أماني مستغربه : هي أذكر كنتي طااالعه مستانسه ... وما بلاااج شي .. قلت لها : هي ,, وأول ما طلعت اتلصت بعمي ييبني العين ... أماني : هي أذكر ... قلت : عمي ياااه دبي ما قصر ... حليله ... ويابني العين .. ومثل ما طلبت منه نزلني عند المعرض .. ورحت مكتب أبوي ... أماني : هي وبعدين .. قلت لها : دخلت عند أبوي .. على اساس انه مفاجأه وما خبرت أحد ... أماني : انزين ... قلت : وبعدين .. يوم دشيت دخلت بست راااس ابوي كااان ترحيبه لي جدااااااااا عادي وجني ما اسوا شي ولا جني بنته بعد ... هالشي وااايد حز بخاطري .. وهالحزه كااان في واااحد في مكتب ابوي ما اعرفه .. جااان ابويه يقول لي .. ليييش ما استأذنتي قبل ما تدشين ... أماني : يمكن تفشل لأنه الريااال عنده .. قلت : انتي اسمعي السااالفه أول .. أوكي وبعدين يوم قاال لي جذا .. قلت السمووحه ابويه ... أماني : شو قااال لج ..؟؟ قلت : قااال لي عادي بس لا تعيدينها .. راويته شهادتي .. على أمل انه يشيلني .. مب لهالدرجه عااد بس ع أمل انه بيفرح فيني .. بس رده فاجئني ,,, أماني .. : ليش شو كان رده ..؟؟ قلت : تخيلي قاال لي كنت أتوقع تيبين أكثر عن جذي .. معني كنت يايبه فالتسعين .. بس عن نفسي تفاجئت منه .. أماني : بس مب لهالدرجه ... عاااد يمكن لأنه بالفعل كاان يباااج تيبين أكثر عن اللي يبتيه .. قلت : بس مب انه يفشلني جدااام الريااال ... أماني : ليييش الريااال ما شل روحه وطلع يوم دشيتي .. قلت : لأأأ ابويه قال له تم .. لأنه يباه بشغله ضروووريه ع قولته .. أماني : اوكي وبعدين ... قلت : ماشي بس قلت لأابوي السمووحه شكلي ما شديت حيلي وما بيضت ويهك .. وظهرت ... من المكتب ... لأني بصراااحه انكسر خاااطري ... وأنا أسمع رمسة ابويه اللي كاانت تقطع القلب ... أماني : بس تقولين الحينه صاار اوكي .. قلت : هي يمكن لأنه مجبووور يعاملنا كبناته يوم يينا العين .. أماني : كل شي جاايز بس مهما كاان هذا أبوووج .. قلت : انزين .. وعقب ما طلعت من مكتبه رحت وقفت في صوووب فالمعرض ... قلت اتريا مدري ليييش ... عقب اتصلت بربيعتي عسب تمرني ... وأرد دبي .. أماني : انزين وبعدين ... قلت : وأنا وااقفه اتريا ربيعتي الريااال اللي كان عند ابويه .. ياه صوبي وقااال .. لا تحاتين أبوووج عنده ضغط وااايد فالشغل وأكييد عشاان جيه ما رد عليج عدل ... أماني مستغربه : الريااال اللي كان عند ابووج ..؟؟ قلت : هي هو نفسه .. عقب قال لي .. ماشالله نسبتج حلوه .. بس أول مره أعرف انه بو شهااب عنده بنيه فعمرج ... عااد أنا قلت له اني بنت الفلبينيه .. اللي عايشه فدبي .. أماني : وشو قال لج ..؟؟ قلت : قااال زين جني سمعت عنج .. وعطاني رقمه قااال اذا احتجت شي ولا شيااات أتصل به لأنه من دبي .. أماني : وشو سويتي ..؟؟ قلت : خذيت رقمه عاادي ... أماني : وبعدين ...؟؟ قلت : يوم رديت دبي اتصلت به بليل أشكره على موقفه ويايه ,, وجذا الييين ما وصلت السااالفة لحب من الطرفين ... أماني : وانتي واااثقه فييه ...؟؟ قلت : هي أكيييد .. وبعدين ما جد يوم شفت منه شي غلط .. أماني : والله مدري شقوووول لج ... قلت : صح انه ناادر ما نشوووف حب صااادق بهالزمن .. بس أكييد يكون في ... أماني : هي صح .. انزين هو فتح سيرة انه بيتقدم لج أو جي .. عسب تتأكدين اذا صاادق ولا لأ .. قلت : هي قااال لي .. قبل فتره بس أنا قلت له نأجل .. أماني : زين زين .. انزين هو من دبي ..؟؟ قلت : هي من دبي واهله فالعين .. وحسب رمسته ولد تااجر عووود اهني .. أماني : بس حاسبي يمكن وااحد من الشبااب اللي يلعبون ع البنااات .. قلت : وين الله يخلييج .. أحسه قد المسؤوليه .. أماني .. : بس بعد احذري منه شهووود .. قلت : انشالله أماني : تصدقين .. وااايد استانست يوم شفتج ... قلت لها : وأنا أكثررر والله أحس روحي فرجت عن همومي ... أماني : يلا انشالله هذي آآآآخرررر همومج .. والحمدلله أبوووج الحين أوكي وياكم شو تبين أكثر .. قلت : هي صدقج .. أهم شي أبوي ... بس حتى مرت أبويه هب مقصر ويانا باي شي ... أماني : هي الحرييييم اهني يمدحون أم شهاااب وااايد .. قلت : حليلها والله مره سنعه .. أماني تضحك : مستويه عييووووز شو سنعه بعد .. ضحكت : شكلي عيزت والله .. أماني : شخباااار شييوم صح ..؟؟ قلت لها : بخيييير الحمدلله .. شييوم أوكي .. تشقح ههههه أماني : أحيييد أخر مره شفتها يوم كااانت فتااااسع بعدها صغنونه ههههه ... قلت : خلاااص صااارت حرمه .. السنه اليايه ثاانويه عاامه .. أماني : شو محيره مخطوبه .. مااالجه ...؟؟؟ قلت : ويييين الله يخليج أختها العوده بعدها تبينها هي تنخطب ... بيني وبينج شكله ولد عمي يباها هههه أمااني : صدق يهااال آخر زمن .. هههه قامو البنااات يتزوجن بسرعه ... . قلت لها : الله يخليج كل وحده تبا الفكه .. وهنااااك أصلا تروووح تبلش روحها بالريل ... أماني : صدقج .. تكمل دراسه وااايد أفيد لها عقب العشرين ولا الاثنين وعشرين يصير خير .. هب من ثمنتعش ترووح تفر روحها وتعرس ... قلت : انصحي رووحج بالأول هههههه أماني : صدقج هههه بناتي ما بيوزهن تحت العشرين ... قلت : أهم شي الريااال يكون زين ويستر عليها .. أماني بنص عين : اش سالفتج انتي اليوووم هاااا .......؟ قلت : جيه بلاني ...؟؟ أماني : كله قاااعده ترمسين درر .. ماشالله ما احيد رمستج جييه .. أول كله تاامر حسني ومدري رحت السينما وحدرت الايميل .. والحين العكس مرررررررره .. قلت وأنا أضحك : محد يتم ع حاااله ... أماني تتنهد : صدقج محد يتم ع حاله .. قلت : شو ناااويه تسمين ولدج .. أماني : انشاااالله فاااارس .. لأني من يووووم بنيه وأتمنى أسمي ولدي فاااارس .. قلت : هي أحيدج .. دوووم تقولين أبا يزقروني أم فـــارس .. أماني : وانتي سمي بنتج أماني عسب تااخذ فروووس ولدي أوكي ههههه قلت : تاامرين أمر انتي .. أحيدج من أيااام الاعداديه وتقولين بنتج لولدي ههههه أماني : شهووود تخيلي ولدي ياااخذ بنتج ... قلت وأنا أَضحك : بنرقص أنا وانتي فعرسهم ههههه أماني : عنلاااتج شهووود توبي .. وقتتها ما بيكون بينج وبين قبرج غير شعره .. قلت وأنا أضحك : لأأأ بييوزهم وهم مراهقين عسب ما أعيييز ههههه أماني تطالع ساعتها : يلاا شهوود أنا برد البيت بيأذن المغرب خلاااص .. خذتنا السواااالف والله .. قلت وأنا أوقف : وأنا بعد تأخرت بتصل بأخوي .. أماني تبوسني : والله استانست وااايد يوم شفتج .. قلت : وأنا بعد .. بس لااازم نعيدها .. أماني : هي انشالله .. قلت : عااد المره اليايه فبيتنا .. أماني : انشالله .. شهوود سلمي ع شييوم .. قلت : بتذبحني وتقووول جيييه ما وديتيني .. أماني : هههه بعدها معجبه فيني .. قلت : عقلت البنيه خلاااص ههههه .. أماني : زين .. يلا عاااد مع السلامه أشوووفج ع خير .. قلت : مع السلامه حبيبتي وديري بااالج ع روحج .. أماني : انشالله ... وانتي بعد .. قلت وأنا أطالعها تبتعد : انشالله حبيبتي ... طااالعت صووب أماني وهي تمشي .. مبين عليها سعيده بحياتها .. يارب اسعدني مع زاايد جذا .. ابي أعيييش مثل أماني .. الله يديم المحبه بينها وبين ريلها ... لو أنا مكاان أماني جااان أكون مستانسه شراااتها ... أوووه بتصل بشهااب خل يمرني تأخر الوقت الحين بيأذن المغرب .... × × شيخه : حرااااااام جبور ودني ويااااك بس وصلني بدربك ... جااابر : شواااخ والله انج حنانه ... شيخه : ملانه شسوي .. انت من تظهر من البيت ما ترد الا تاالي الليل وأنا اتم روحي بين هالأربع طوف .. جااابر : زين زين يلا تلبسي بس عندج خمس دقااايق ان تأخرتي ما بوديج .. شيخه توقف وتلبس عباتها بسرعه : هه لبستها يلا نسير بسرعه ... جابر يضحك : ويا هالرااااس .. حق الطلعه تمووت .. لو ما طلعت .. شيخه : ههه حرااام عليك جبور دبور .. جابر : خلاااص ماشي طلعه ... شيخه بسرعخ تنفي اللي قالته : لا لا خلاااص أنا الدبور والصرصور بعد .. بس ودني .. جاابر : هههه انزين وينه سعودي .. شيخه : قاااعد يلعب .. وجاااهز بس بشله .. جاابر : أوكي يلا بترياااج فالسياااره .. شيخه : أوكي حبيبي .. جابر : شوي شوي عن تطيحين ويا دبتج هاااي .. شيخه : شسوي يعني انت اللي تقووول لي بسرعه ههههه جابر : انزين بس ديري بااالج ع روووحج عن تتعورين تراااج فأخر شهر مب ناقصين .. شيخه : دااام تخاااف عليه لا تقوول لي بسرعه .. جابر : شوييييييييخ خلصيني وراااي شغل .. شيخه : هههه انزين خلاااص الحين بخلص .. × × .............. : وينج .........؟؟ قلت له : فوووق صووب الألعاااب .. يدااام باسكن روبنز شهاااب : أوكي ياايينج خلاااص .. قلت له : وياااك حد .. شهاااب : هي وياي مفاجأه حقج .. قلت له : الله يستر من مفاجأتك .. جااان مب سلحفاااه زين .. شهااب : لا لا هالمره مب سلحفاااه شي أحلى واااااااااايد .. قلت : زين زين .. يلا مع السلامه رصيدي خلص .. شهاااب : ههههههه شحيّه .. قلت : هي انت ارمس ع كيف كيفك وأنا اللي رصيدي يخلص هههه شهااب : ويا هالراااس .. بندي تراااني يدااامج .. رفعت راسي وقلت : هي قاااعده أشوفك .. شهاااب : عاد بندي يلااا .. شو هالذكاااء اللي فيج ... قلت وأنا أَضحك وأنزل الفون .. : زين ييت شكلك بغيتني أعفن اهني ... شهاااب : يلا تعالي نرد البيت .. قلت له : والمفاجأه .. شهاااب : فالسياره ... قلت : جيييه وياااك حد ..؟؟ شهااب : خلود وشذى وشيما ... قلت : اها .. القوووم كله ياااي ماشالله .. شهاااب يضحك : علييج نوور القوم كله ... قلت : يلا مشينا ,, ونحن قاااعدين نمشي : ترا شذى وخلود مع خلوووف هب ويايه .. طالعته مستغربه : لييش خلوووف ياااي .. شهاااب : هي ... بلااج مستغربه .. قلت : لأأ ماشي بس أقووول العايله مجتمعه غريييبه يعني ..وشييوم مع منو ..؟؟ شهاااب : شييوم ويايه .. قلت : اها .. شالسالفه شهااابوه ... صاااير شي .. شهااب : لأأأأ مب صاااير شي ... بلااج انتي خوافه .. قلت : لأأ بس مستغربه من اللمه ... فتحت باااب السياره .. وأنا أدخل ... قلت : هااااااااي شيييوم .. لفيت وراااي استغربت ... وقلت : قلنااا هااااااااي .. ركزت ع ملامح ويه شييوم استغرب .. طالعتها ,, تشاااهق ,, قلت وأنا متخرعه : شييوم شووو فيييييييج ..؟؟ شو صاابج ..؟؟ قلت لشهاااب وأنا متخرعه : شهاااب الحق بلاها شيما .. شيما حبيبتي شو فييييج ..؟؟ شيما ما ردت علي زاااد خوفي .. ليكوون شيما صااار فيها شي .. قلت وأنا خااايفه : شيما شوووو فيييج ارمسي ...؟؟ |
الحلقه الحاديه عشر .. يا عيونه بس يكفيني عــذاب * بالذي ودك تقولينه دريت كل ما قلتيه عندي له جــواب * اقري عيوني مثل ماني قريت ياذهاب العمر عمري في ذهاب * القوي الله فلكن ما قويت مابقى لي قلب منك القلب ذاب * بيّن حالي ولوّني ماحكيت كل ما قلت انفتح لي فيه بـاب * دار حظي وانقلب عما نويت دوك شيبي لاح في حل الشباب * كلٍ وحظه وأنا بحظي شقيت قلت وأنا أنااازع شيما : شيما ارمسي شو فييييييييج ...؟؟ شيما نزلت دمعه من عيونها : شهد ... قلت لها وأنا متخرعه : شيما شو فيج رمسي خوفتيني ...؟؟ شهاااب نفس حالتي متخرع : شيما بلااااج .. صااار لج شي حد قال لج شي ,,,,؟؟ شيما تجدمت عن وحطت راسها ع جتفي : شهوووود ... قلت وأنا صبري نفد : شيما ارمسي .. بلااااااااااااااااااااااااااااااااااج ...............؟؟ شيما : شهووود أنا رسبت في مادتين ... شهاب : منو قااال لج ..؟؟ أنا بطلت عيوني : هاااه رسبتي ...؟؟ شيما تصيح : هي ربيعتي توها اتصلت فيني .. وقالت لي ... قلت لها : شيما عاادي انشالله بتعوضين الفصل الياااي .. شيما تصيح : بس أنا شديت حيلي عشااان أبويه يحبني وأكبر بعينه ... بس الحين بصغر فعينه .. شهاااب طالعني محتاااار وقااال : شيما مااا صااار شي عاادي لاااه الحياااه حلوه .. شيما تصيح : شهووود شو الحل بطيييح من عين أبويه .. قلت وأنا أطااالع شهاااب : بنشوووف لج حل .. شيما : بطييح من عين ابويه خلاااص والله .. شهااب : لا تقولين جييه .. شيما صااار خير .. خليفه تجدم من السياره وقال وهو يطالع من الجاامه مستغرب : شالسالفه ...؟؟ شهاب : ماشي البنيه راااسبه ... خليفه مبطل عيونه : بنيه ترسب ... غرييييبه .. شهااب : هي صح أحييد البنااات دحيحات .. تقول مصريااات .. شيما تصيح : مب وقت مسخرتك انت وياااه .... شهاااب يقلدها : مسخرتك هااا .. مسسسسسخرتك .. ( يشدد ع السين ) هههههههههه شيما تصيح أكثر : شهااابوه بسسسس ... طالعت شيما وقلت : انتي منو قااال لج .. قلتي لي ...؟؟؟ شيما : ربيعتي نهااال .. قلت لها : اش درااني من نهااال بعد .. المهم كيييف النتايج تطلع وانتو ماا صار لكم اسبووع مأجزين .. شيما : مادري مادري المهم اني رسبت وخلاااص .. فون شييوم رن .. طالعت وردت بسرعه : آلـــو بشري .. انه النتيجه غلط ولا مستوي لخطبه ............ هااااااااااااااااااه .. يالخريطه العوووده ............. حلفي انج جذبتي عليه .. قولي والله .. طالعت شهااب وخليفه باستغراااب .. : شالسالفه ...؟؟ شهااب : شكلها تخبلت البنيه ... شيما تضحك : يلا باي باي .. بتصل بج خلاااف ...... أقول لج بااااااااااااااااااااااااااااااي .. قلت : ها بشري ..؟؟ شيما : ربيعتي خرطت عليه ههههههه شهاب ضحك ضحكه ملت الباااركنات .. بصداااها .... وقال : صدق البناات غبيااات .. قلت : حدك عااد ترمس عن شييوم برايك أما أنا لأأأ .. شيما .. تضحك بشكل هستيري .. قلت باستغراااب : تخبلت البنيه ولا ........؟؟ شهاااب : جااايز .. طالعت خليفه مستغرب وقااال : اش سالفتها ...؟؟ شيما تضحك : أضحك ع روحي هههههههه كيف صدقت ربيعتي يوم جذبت عليه .. قلت : تراااج غبيه .. والله روعتيني يوم قلتي انج راااسبه ... شيما : أنا تروعت أكثررر قلت أبويه بيذبحني هههه .. قلت : تعااالي احينه انتي يووم فدبي أحيييدج الشهاااده كلها حمره ولا جنه صااير شي .. لييش هالمره صحتي ..؟؟ شيما تطالع خليفه وشهااب : هب وقت الفضااايح .. شهااب وخليفه يضحكون .. شهااب قال : طلعتي رسووووبه هااا .. شيما : تقاويم بس مافيها شي ههههه .. قلت : أوووف المهم يلا قولو لنا .. ع وين انشالله .. ولييش هاللمه .. خليفه : شهااب تفاهم مع خواتك .. أنا بسير عند المجلع اللي عندي فالسياره .. ضحكت .. وقلت : ههه لو يسمعونك بس .. خليفه رااايح : شكله بيكون آخر يوم بحياتي ... شهاااب : ركبي انتي الثااانيه فاضحتنا واقفه فالباركنااات ,.. وبعدين تعاالي وين هالغشااا هااا ..؟؟ قلت وأنا أبتسم : هب لاااازم ,, يلا خبرني ع وين ..؟؟ وع شو ناااوين هااا ..؟؟ شهااب : يصير خير اسكتي بس .. مب كافي هاااي اللي مصدعتنا من ساااعه ... شيما : شهااابوه لا تتمسخر .. شهاب يقلدها ويشدد ع السين : لا تتمسخر .. هااااااااه يالبنغاليه ههههههه قلت : الحينه تقول لي أنا أسكت هاااه .. شهااااب : شهووود صخي أحسن لج .. قلت وأنا مااسكه خط : اصلا انت ما تستاااهل أعطيك ويه .. وخلاااص انت هب أخوي ... والله لو سايرين مع خليفه واايد أحسن وع قولت ولد عمك المجلع ييون لك أحسن عسب يصدعونك وانت بعد ما تســــــــــ ................. قاطعني وهو يصاااارخ ويدق ع السكاااان بقوه : عن أبوووووووووووووج اسكتي شو ماااسكه خط ... قلت وأنا أَضحك : باباتي أنا شهووود مو حيالله . شهاااب تعبااان : حراام صخو ولا ماشي طلعه ... ترااا والله راااسي يعورني .. قلت وأنا أطاالع شييوم : لا الا الطلعه خلاااص بنسكت .. شيما تضحك : هههه قدرت عليك شهووود .. شهااب وقف السياااره قلت : لييش وقفت ...؟؟ شهاااب : نزلي انتي وياها يلا .. ماشي طلعه خلاااااااص .. شيما تحلف : والله خلاااص خلاااص والله بس لا تكنسل الطلعه .. قلت وأنا أفتح الباااب : مع السلامه أشوفكم ع خيرررر انشالله .. شهااب يصااارخ : شو انتي خبله .. ركبي يلا .. قالت مع السلامه تبيني يوم أرد البيت بدونج أبوووج يذبحني .. قلت وأنا أصكر الباااب : ههه يلا حرك انزين تراني مليييت وانت تسوووق ع بيض .. شهاااب : شو تبيني أدش فالسياير ,. ما تشوفين زحمه .. قلت : اوووف شهاابوه سوووق وانت ساااكت خلاااص ... شهاااب يحرك ايده : والله حاااااله ولا جني أخوهم العوود ... شيما تضحك : أخوووي العووود تصدق يوووم عرسك برقص هاااك الرقص لأنك العوود والوحيد .. شهااب : الحمدلله والشكر ع نعمة العقل ... يلا وصلنا نزلن .. قلت : اوووه مسرع ما وصلنا ... شهاااب : تراااكم تبربرون .. وااايد .. قلت : الله أحب المبزره وااايد .. شهااب : يلا انزلو وترا بنتعشااا اهني .. شيما : أبااا مطعم أنا ,,, شهااب : عاد خيسي فالسياااره رووحج .. قلت : شو انتي غبيه شييوم .. حلاااته فالشتا يوووم تطلعين البر والحدااايق .. المطاااعم حق الصيييف يا ماما .. شيما تنزل : أوكي بالمره نلعب فهالمريحانات ... شهاااب : هي من مستواااج ترا .. شيما : والله بعدني صغيييره بلاااكم علي .. خليفه ياااي صوبنا مع المجلع ع قولته : منو مزعل بنت عمي .. شهااب : أونها تبا مطعم .. خليفه : حاااضرين للطيبين .. بس تقووول أي مطعم ونوديها .. شهاااب يطااالع صوووب الناااس ويقوول : سير انت وياها روووحكم نحن نبااا نشم هووواا ملينا .. من المطاااعم .. خليفه طااالع شيما هاللحظه وشيما نزلت عينها ع الأرض .. ابتسمت هههه خلوووف سوالف والله .. وشهااب شكله ما حسب الكلااام اللي يقوله فرّه وهو لاااهي بشغله .... بس والله شييوم شكلها تحفه ... ضحكتني ههههه .. خلود يت صوبي : أهلين شهووود .. قلت لها : أهلين خوخاني .. خلود : خوخاني مره وحده هههه .. سمعت رحتي تشاوفتي مع ربيعتج .. قلت لها : هي .. من زماااااان ما شفتها .. خلود : زين .. زين .... وبعد شخبااارج ..؟؟ قلت : أوكي .. خلود مسكت ايدي بقوووه .. وقالت : محلوه اليوم شهووود .. ابتسمت وقلت : بس اليووووووم ..؟؟ خلود : لا والله كل يوم حلوه .. ابتسمت لها .. وقلت : عيونج الحلوه .. خلود : لا صدق انتي حلوووه وطيبه وحنونه .. بعد قلت وأنا أحط ايدي ع ويهي : مب حاااطه شي ع ويهي والله .. خلود تضحك : هي جذا أحلى .. خليفه يتجدم صوبنا : بسكم من سوااالف الخريط ماال البنااات ... ترا أنا وشهاااب بنروووح ندور شوي وبنرد لكم عقب .. قلت : لأأأااااااااااااا مب شي جذا ... تمو ويانا .. شهاااب : لأأأ مواعدين الربع جريب عن اهني بنرد لكم عقب ساعه انشالله .. قلت : أوكي واتصلو فيني لأنه بنغير مكانا أوكيييه .. شهااب : أوكي .. يلا لو تبون شي اشترو من اهني .. شيما : هي هي .. أنا أبااا شي .. نبا عشا من كنتاكي أوكي .. شهااب : وانتو شهد وشذى وشيما .. تبون من كنتاكي بعد ..؟؟ شذى : هي أنا وخلود نبا من كنتاكي وانتي شهوود ..؟؟ قلت : شراااتكم عاادي أي شي .. شيما : المهم ما تبطووون لأاني ميته يوووع .. بموووووووت .. خليفه طاالع شيما وابتسم .. شيما نزلت راااسها .. حسيت انها استحت ع الكلااام اللي قالته .. ابتسمت .. ياريتني مكاااان شييوم جااان حياتي غيير .. بس بعد لااازم أحمد ربي على زيووود فديته ... شهااب : أوكي .. يلا نحن سايرين .. لو تبون شي بعد اتصلو بي .. قلت : أوكي .. شذى : أناا سااايره اتمرجح .. في احد ايي وياااي ... شيما : أناا هواااي المراااجيييح .. تصدقين .. شذى : يلا عاااد قمنا .. وانتن خوخه وشهوود ما بتلعبون ويانا ...؟؟ قلت : لأأأ أنا برتااح شوي وبيي بلعب وياااكن .. خلود : وأنا بعد عقب شوي بيي ويا شهووود .. لأأأأأأ خلووود سيري أنا بتم عسب أرمس ويا زيووود .. آآآه اخترب المخطط .. قلت : خوخاني سيرو ويااهم بتملين ويايه .. خلود : لأأ عادي ما بمل وياااج .. شيما : خليهم هااايل تعالي أنا وانتي نسير نلعب أحسن لنا ... شذى : صدقج ههه يلا ... طالعت صوووب شذى وشيما يوم يرووحون صوووب المراااجيح .. هع يضحكوني قلت : والله جنهم يهاال ههه صح .. خلود تضحك : ههه أنا بعد أحب أتمرجح .. قلت : وأنا بعد بس أنا غااالبا ما راااسي يدووور على طول وأطيييح غشيااانه عاااد .. خلود مستغربه : لهالدرجه .. قلت : هي في نااس ما يقدرون يتمرجحون صدق والله .. خلود : أول مره أعرف .. قلت لها : الدليل أنا ههه .. حتى في مره مع الجااامعه ودونا مريديان اللي في فجيره أنا طووول الوقت قاااعده البنااات ما خلو شي ما سووه بس أنا نو وي .. خاصتا اني أتمرجح عاااد طلعتي كلها بتخترب ... خلود : لا عاااد لا تتمرجحين أخاااف يستوي بج شي .. قلت : فديتج والله .. خلود : شهووود بقول لج شي بس حلفي انج ما تزعلين .. قلت لها : قولي ....؟؟ خلود : حلفي انج ما تزعلين ..؟؟؟ قلت لها : حسب الموضوع عااد .. ما اقدر أحلف جيييه .. خلود : لا عاااد خلاااص .. قلت لها : خلاااص ما بزعل وعد بس رمسي .. خلود : شهووود أبا منج تساعديني ... قلت لها : أمري تدللي انتي ... خلود : شهد أباااااج .................... علقت خلود جاان أقووول : قولي حبيبتي شو تبين .....؟؟ خلود : شهد أباااج تساعديني انج تتقربين من خااالد ... طالعت خلووود مستغربه ياااهل يطلع منها هالرمسه ما أصدق .. قلت : عيب هالكلااام يا خلود .. خلود : لأأأ مب قصدي جذا بس أقصد .. انج تتقربين منه عسب يتزوجج ... قلت لها وأنا أقعد ع الحشيش .. : خلود بس يمكن أنا مابا أخوووج او هو ما يباني ... انتي بعدج ما تعرفين هالأشيااا ... خلود : لأأ شهد حرااام خليه يحبج .. والله بيحبج .. قلت : خلود انتي صغيره ع هالكلااام .. وبعدين عيب هالكلااام ... خلود نزلت دمعه منها : شهد والله حرااام .. انتي رووحج تشوفين حااال خااالد كله برع .. وشفتي وليد كيف مع الخدم .. قلت لها : بس خاالد حر بحياته وحر بتربية ولده .. خلود : شهوود دخيلج .. عشاان خاطري .. وأنا بعد تعبت روووحي فالبيت لا أم ولا أخت ولا حرمة أخو بعد .. قلت لها : لو عشااانج عاادي تسكنين وياانا بس اني أنا أتزوج خاالد .. فلاأأأ وبعدين خااالد حر باختيااار شريكة حياااته .. خلود : حرااام شهد الله يخليج .. عشااان خاطري .. قلت لها : سمحي لي خلوود .. وبعدين انتي صغيره .. لا تناقشين هالموضوع مع أي أحد ... واهتمي فدراستج .. خلود : ليييش والله اني مب صغييره شهد حراام .. قلت : خلود صكري ع الموضوع .. وبعدين انتي بعدج صغيره في أشياااا فالحياااه بعدج مب فاهمتها ولا عارفتها بعد .. خلود : مثل ........؟؟ قلت : خلود رجاءا صكري ع الموضوع وخلاااص .. يلا نروووح عند البنااات .. خلود وقفت : أنا آسفه شهد أدري اني يمكن أحرجتج أو ضايقتج بس والله اني أباااج لأاخوي .. قلت : خلود يلا نروووح عند البنااات .. خلود تسحبني : لحظه شوي .. طالعتها وقلت : نعم ..؟؟ خلود : زعلتي مني .. طالعتها ابتسمت وقلت : كيف أزعل من خوخه أنا .. بس قاعده أقول لج هالمواضيع ما يصير انتي ترمسين بها ... خليها ع الكبااار خلود : خلاااص ما برمس مره ثااانيه يدااام أي أحد .. قلت : عفية عليج .. شاااطره والحين يلا سيري صوب المريحانات عسب تتدرفنين .. خلود : أوكي .. تعالي وياااي .. مسكت يدها وقلت : يلا مشينا ..... وصلنا صوب البنات : ها بناااااااتاااااااااااااااات .. هههه شو أخبااار الطيرااان .. شيما من فوق : عال العااال خخخخ قلت : خلود يلا تدرفني وياااهم .. خلود : أوكي .. ابتسمت لي خلود .. وراااحت .. طالعتها ,, حسيت من طريقة كلااام خلود انها انسااانه شفاافه وااايد وحساااسه .. حبيتها الله يحفظها ,, وااايد تحب أخوانها .. حياتها جدا ممله .. ما عندها أي أحد الله يعينها الصرااااحه .. أوقااات أحاااول اني أقنع روحي اني أخذ خاالد عشاان خاطرها بس أقوول ليش أخرب كل شي بيني وبين زااايد اللي هو حياااتي وروحي اللي أمووت عليييه .. وأدمر حياااة شخصين عشااان أسعد شخص وااحد .. × × شيخه تطالع الساااعه : أمااايه صااارت تسع ونص وبعدهم ما يووو ... أم شهااب : بييون حبيبتي تريي انتي .. شيخه : لييش طلعو من الأساااس .. أم شهااب : ما كانو يدرون انج بتيين حبيبتي .. شيخه : اووووووف .. أم شهااب : وبعد غلطتج انتي .. اتصلي قبل ما اتيين . شيخه : بتصير عشر وجابر بيي وهم بعدهم ما يو .. أم شهااب : شوواااخ قعدي عن تربين علينا اهني .. شيخه تضحك : هههه لهالدرجه عاااد .. أم شهااب : يلسي يلااا .. شيخه لفت يوم سمعت صووت الباب يتبطل : وأخيرررررررررررررراا ما بغيتو .. تجدمت شيما : هههه اش حااالج ..؟؟ شيخه : تمااام . . ما بغيتو تييون .. دخلت : هلا والله أشوووف البيت منور .. شيخه : ههههه هلأأ .. ملييييت والله زين ييتو ع بالي بترقدون ... قلت : جاان اتصلتي بي كنا بنرد .. شيخه : امااايه الله يهديها تقول بتخربين عليهم .. قلت : لا عاااد ما فيها شي .. وبعدين نحن كم شواااخ عندنا .. أم شهااب : وينها شذى أمااايه .. قلت : أمااايه رااحت مع خليفه توصل خلود .. وعقب شهاااب بيمرها ويردها .. أم شهااب : هي .. ها عسا استانستو بس وما ذلوكم شهااب وخليفه .. قلت . ههههه شكلج جاكتنهم جاكتنهم هالثنين .. أم شهاااب : وينه شهاااب عاد .. قلت : وصلنا وقااال بيمر ع ربيعه .. أم شهاااب : هالولد كله هااايت أبد ما يقعد فالبيت .. شيخه تضحك : حراام أمااايه ولد عادي يسوي اللي يبا يسويه .. شيما : وينه سعودي .. شيخه : ويا الخدامه فالمطبخ تعشيه ,, شيما : عاااد أنا رااايحه عند خطيبي .. ضحكنا وقلت : اليييوم ربيعتها متصل هبها وقاصه عليها أونها تقوول راسبه وعاااد بدت المناااحه تمت تصيح .. أم شهااب : الله يهديها البنيه جيييه تخرط عليها .. قلت : أمااايه عادي .. كلنا ماال المدارس جذا ... أم شهاااب : بس بعد .. البنيه ينكسر خااطرها ,, شيخه : ههه أمايه عاادي .. وبعدين شييوم الذكيه صدقتها بسرعه بعد .. أم شهاب : هي ... عاد يلا انتو سولفو أنا بسير برقد .. بتصير عشر وأنا بعدني .. قلت : تو النااس أمايه .. أم شهااب : وراااي نشه من الفير ولااازم أوعي أبوووج وأخوووج عسب الدوام .. قلت : هي صدقج .. شيخه : عاااد أمااايه انتي بترقدين وأنا بسير .. أم شهااب : بحفظ الرحمن بنيتي .. سلمي ع يااابر .. شيخه : يوصل .. امايه .. قلت وأنا أطالع شيخه : ما قالو لج شو فبطنج .. شيخه : يقولون جنه بنيه .. بس أحس ولد .. قلت : اللي ييي من الله حيااااه الله .. شيخه : هي صدقج ... المهم ولد صاالح ... قلت : شواااخ تعالي ذاااك اليوم .. يوم عرس عمي سيف منو البنتين اللي وياااج .. شيخه : ما عرفتيهم ..؟؟ قلت : لأأأ منو .. هذيل .. شيخه : خوااات يااابر نوف ومريم .. بس غريبه ما رمسوووج .. قلت : بلا سلمو عليه .. بس ما يلسنا مع بعض .. شيخه : هيييه .. وبعدين الأعراااس زحمه الوااحد ما يركز اذا سلم ع هذا ولا لأأأ .. قلت : هي معااج حق ,, ومب ع كل شي الواااحد يزعل .. شيخه : شبهتي عليهم ولاااا .. قلت : هي وااايد فيهم شبه من سعووود .. شيخه : طاالع عليهم فكل شي ... قلت : حتى فالفوضى شكله هههه ... شيخه : نوف العوده عمرها عشرين شراااتج وربيعة احلااام مرت عمي سيف .. قلت : هي مبين عليها رزينه وغاااويه ماشالله عليها .. شيخه : هي ماشالله .. أما مريوووم الله لا يرواااويج .. قلت : ليش .....؟؟ شيخه : وه وه وه .. عليها من بنيه .. فوضويه لأبعد الحدووود .. ماشالله عليها خمستعش سنه وجذا ... عااد يوم كاانت يااهل اكيد طلعت الشيب برااس امها وابوها .. قلت وأنا أضحك : هي مبين عليها انها شيطووونه وااايد .. شيخه : دوووم تتضارب لج ويا هالسعوووود .. وهو وياااها ,, ماخذ منها .. قلت : بس تصدقين مريوووم حلوه بعد .. شيخه : هذي مريوووم أم السياااكل هههه قلت : هي صدقج ماال خوصه بوصه ... شيخه : للحين تدور لج بالسيكل في حوي بيتهم .. قلت : عااادي كلنا نسويها ههههه شيخه : تعااالي أحلااام مرت عمي سيف وينها .. مره وحده انقطعت أخبااارها .. قلت : هي تراااهم الحبااايب رااحو البحرين يومين بدوون ما يخبرون أحد .. شيخه : ههههه الله يحفظهم .. جي مره وحده طااارو واختفو .. قلت : عصااافير الحب .. شيخه : شهووود سؤوااال ..؟؟ قلت : أمري .. شيخه : مايامر عليج عدو .. قلت : ولاا علييج .. شيخه : انتي ما تقدم لج حد للحين .. قلت وأنا أهز رااسي : لاأأ بس تقدم لي واااحد ,, شيخه مستغربه : منوو هذا .. نعرفه .........؟؟ قلت : هههه لا لا .. ولد خالتي ههههه شيخه ابتسمت : مره وحده .. تقدم لج ع طول .. قلت : هي مره وحده جذا هههه تخيلي ... شيخه : غريبه بس تصدقين هههه قلت : تعااالي شوااخ انتي ويابر كيف عرفتو بعض أو انه كيف تقدم لج .. شيخه : أمي تعرف أمه وبس .. قلت : يعني زواااج تقليدي .. شيخه : علييج نووور .. قلت : انتي شو تقولين الزواااج التقليدي اوكي ولا اللي احين يسوونه .. شيخه : شوفي اذا الرمسه تكون قبل الزوااج وايد .. فراااح تقل عقب ... احس انه الزوااج التقليدي أحسن .. قلت : بس في زوااج تقليدي فااشل وهم في نااجح .. شيخه : هو نصيب وبعدين انا امممممره ما أأمن بالحب قبل الزواج .. قلت : كلن وله وجهة نظره .. شيخه : وبعدين ما بيصير الا اللي مكتوب قلت لها : هي صدقج .. شيخه : تعااالي جييه تسألين ..؟؟ هااا ( وابتسمت ) ابتسمت لها : وقلت ماشي .. بس سؤااال جذا .. شيخه : هي سنج البنااات تيي لهم هفاات ويسألون أسئله غريبه ههههه قلت : هههه ربيعااتي أوقااات كانو يسألوني غريبه عندج خوااات وما يظهرن اهني فدبي .. شيخه : شو كنتي تقولين لهم ... ضحكت وقلت : هههه كنت أقووول أختي معرسه من واااحد عيناوي .. وما تيي دبي الا مرااات خخخ شيخه : يا جدعه انتي هههه خرطه حلوه .. أنا فالجاامعه محد يدري انج أختي كلهم ع بااالهم انج بنت عمي لما يشوفونج فالأعرااس اهني ولا أيااام الأعياااد .. ما يصدقون انج أختي ههههه قلت : هههههه تحنين لأيااام الجامعه .. ولا افتكيتي ..؟؟ شيخه : أوقااات أحن لها وأوقااات أقووول الحمدلله خلصت بس هذي الشهاااده فالكبت وما منها فاايده .. قلت : بس خلاااص الكل يعرف انج متعلمه .. وأكييد الشهاااده بتفيدج يوم من الأيااام .. شيخه : تعااالي شسمه هذاا ياربي .. انتي قلتي لي شو تدرسين .. قلت : لغات .. لييش ...؟؟ شيخه : لأأ بس ربيعتي سألتني أختج شو تدرس ..؟؟ وعااد أنا قلت لها مدري هههه قلت : هههه هي دوووم ينسوون شو أدري .. يمكن عسب محد فالعايله يدرس شرااات تخصصي .. شيخه : خقت البنيه ههههه .. بس صدقج يمكن .. قلت : واااااه فيني رقاااد ... شيخه : طرده يعني ,, قلت : لا لا .. والله مب قصدي جي .. بس اليوم كااان تعب ,, شيخه : رحتو المبزره ....؟؟ قلت : هي .. والله شكلها طررر الصراحه .. شيخه : هي حلوه وااايد .. هكو تلفوني قع يرن .. قلت : ليكووون ريلج .. شيخه : تراااج انتي قااعده تقولين فيييج رقاااد .. قلت : مب لهالدرجه عاااد ,, شيخه ردت : الوو ........... هلا حبيبي ........... اوكي .. اوكي .... خلاااص نحن جاهزين ...... يلا الله وياااك .. بعد ما صكرت قلت : ليكووون تروحين .. شيخه : هي بروووح يااابر ياااي .. قلت : لاا تقولييييييين .. والله مب شي .. شيخه : مره ثاانيه انشالله بنشوفكم .. قلت : انشالله ... شيييوم ييبي سعودي ... شيما يايه من بعيد : لا هذا الحلاوه خطيبي خلوووه عندي .. شيخه : فسق .. بتخرب ولدي ههههه قلت : هي شليه أحسن لج هههههه شيما : سعودي ترووح ماما .. سعود يهز راسه : ابا تيما .. شيما تفعصه : قللللللللللللللللب تيما انتي روح تيييييييييما ... شيخه : ذبحتي ولدي حشا هههههه شيما تعطي سعود لشيخه : هاااج هاااااج خذيه خلااااص بخطب وليييد انا ههههه شيخه : خلاااص رجعي مهرنا عااااد ههههه قلت : سعودي ديته بتروووح بيتك ..؟؟ سعود يهز راسه : هي ناااام .. قلت له : شااطر روووح نام شيخه : يلا عااد مع السلامه بنااات هذا بو سعووود وصل .. قلت : .. نشوفكم ع خييير انشالله .. شيخه : انشالله .. تراني يمكن بعزم آمنه ومريوووم عندي .. عاد تعاالو .. قلت : انشالله .. بالمره نتعرف عليهن .. شيخه : يلا عااد مع السلامه ,, قلت : مع السلامه الله ويااكم .. شيما تصكر باااب الصاله : بروووح برقد .. حدي تعبااانه .. قلت : تريي شوي .. امايه وصتني ع شذاوي .. شيما : أووه صح نسينااها .. قلت : اتصل ببيت عمي عسب ييبونها .. شيما : جييه ما تيي روحها ...؟؟ قلت : راااقده انتي ولا شووو ... الحوي عووود وبعدين الباااب العود اربع وعشرين ساااعه مبطل .. فالنهااار الوااحد يخااف فحوينا عاااد بليل شو يستوي به .. شيما : هي صدقج .. يلا عااد اتصلي واطلبي شذاوي .. قلت : لأأ انتي اتصلي ,,, شيما تتأفف : مالي خلق خليفه .. قلت لها وانا أغمز لها : علي هالرمسه هااا ...؟؟ شيما : لا صدق والله وااايد يحرجني ويا راااسه ... اتصلي رووحج .. قلت : أوكي .. لو أنا منج جااان اتصل به عسب ارمسه تصدقين هع ... وأتوله ع صوته .. شيما : خلينا الغرااام لج ... قلت وأنا أغني : غرااامو مااكلني ........... شيما : اسكتي الله يخليج اسكتي .. يلا اتصلي به .... جللللللللللللدي .. قلت : بسوي جلدي لعيونج هع ... دقيت رقم بيت عمي .. اتصلت وااايد محد يرد تريييت لما رد : السلام عليكم .. تخرعت منه الصرااحه : وعلـــ...ـــيـــ....كم الســ....لام .. خالد بشموخ : هلا شهد .. قلت وأنا متردده : أهلين ... شذى عندكم ..؟؟ خالد : هي .. تريي بزقرها .. قلت : اوكي .. أوووه هذا شاللي خلاااه يرد .. كنت اخلي شييوم تتصل وااايد أحسن لي .. واااااااااااااه .. مليت .. خااالد شاااغل بااالي وفكري هاليومين وااايد .. يلا عسا خير ... سمعت حسها من الطرف الثاااني : هلااا شهووود .. قلت : شو مب ناااويه تيين البيت .. شذى : الحينه برد خلاااص .. قلت : عندج حد يردج .. لا تردين رووحج .. شذى : هي بو وليد بيردني ... قلت : أوكي اترياااج ... شذى : يلا سي يو .. قلت : سي يو .. حطيت التلفون وقلت : شييوم الحين خالد بييب شذى .. شيما : هو رد عليج ..؟؟ قلت : هي تفشلت الصراااحه .. شيما : عااادي كبير وعنده ولد .. قلت فخااطري .. خبرج عتيييييج يا شيما .. مدري خالد ناااوي ع شو.. يباني وما يباني .. مدري شالحل .. الحق ع روحي وأخبر زاايد أحسن لي .. شيما : حووووووووووه .. رفعت رااسي وقلت : هااا ..؟؟ شيما : ما تسمعيني ازقرج من سااعه .. قلت : لا توني سمعتج .. شيما تغمز لي : فشووو تفكرين هااا ..؟؟ قلت : فزيود حبيب البي .. بعد منو هههه شيما : انزين سيري فجي الباااب شكله شذاوي يت .. وقفت تجدمت عن الباااب وفتحته بسرعه وقلت وأنا ابتسم : هلاااااااااا وأخيــــــــــــــــــــ.......................... ... الكلاااام كله علق ورديت ورا الباااب .. شذى دخلت مبتسمه : هلاا شهووود .. قلت وأنا ويهي محترق : هلااا شذى .. دشي .. شذى توااايج من الباااب : خلااااص خاالد رووح بيتكم .. وبووس وليد .. خالد : أوكي مع السلامه ... سحبت شذى وبندت البااب وقلت : جيييييييه ما قلتي لي انه خاالد هو اللي بييبج .. شذى : ترا هو رد علييج يعني أكييد هو اللي بييبني .. قلت : خلاااص صااار خير ... شذى : أنا سااايره أرقد .. وااااااااااااه فيني رقاااد .. شيما : وأنا بعد نوداااااااااانه .. قلت : سيرو ارقدو يالدياااي .. تصبحوون ع خير ,, وقفت وصعدت ع الدري ... صديت وراااي طااالعت صوب الباااب مره ثااانيه ... صدق فشله أنا اش سويت ... لا والأخس اني ظهرت جدااام خاالد ثااني مره بدوون شيله .. أكيييد بيقووول بنت عمي تباااني .. بس أنا ماباااه والله يا ناااااااااااس محد سكن بااالي وأغليته .. كثر زااايد .. زايد هو روحي وحيااتي ودنيتي كلها .. دخلت الحجره .. رميت روحي ع السرير .. سمعت صوت الفوون وهو ينبهني ان في رسااله يديده .. طالعته رقم غريب منوي ياربي ..؟؟ × × عمر : أوووووووووووف .. جان أنا قاااعد فالبيت أحسن لي من الييه وياااك .. خليفه يبتسم : لا لا ياريااال تم .. شو ترد البيت .. بقعد ويا منو أنا ... عمر : من الصبح أرمسك وما تسمعني ماشالله عليك ... خليفه مستغرب : ترمسني أنا ...؟؟ عمر : لا أرمس اليداااار .. خليفه يضحك : قول انزين اش عندك ...؟؟ عمر : من يينا وأنا اسأل اش تشرب ...؟؟ خليفه : بلاااك كوفي كالعاااده ... عمر : انزين .. طلبت لك خلاااص .. لو اني اترياااك تقول لي عااد كنا بنطلع من الكووفي الفير ... خليفه : هههه عمور صخ أحسن لك .. عمر : تعاااال وين كنت العصر اليوم .. الين العشااا وانت ضااايع ؟؟ مب من أطبااعك تتم فالبيت أحيدك هااايت اربع وعشرين سااعه .. خليفه : ههههه محد غيرررك هااايت .. بس طلعنا الأهل شوي .. هه حليلهم كله فالبيت قلت أطلعهم ... عمر : آهاااا .. والحبيبه وياااكم ..؟؟ خليفه : هي بس خساااره ما ركبت سيااارتي .. عمر : رمستها .. خليفه : وين حصلت فجه الله يخليك .. بس تمت تصييح هههههههه ... عمر يضحك : وليش انشالله ...؟؟ خليفه : ربيعتها خاارطه عليها أونها هي رااااسبه ... وعااد جلبت الدنيا .. وعقب ما درت تمت تضحك هههه .. عمر : والله البناات سوووالف ... خليفه : مب نااوي تخطب انت الثاااني .. عمر : تدري عااد محيرين لي الخبله مريوووم سياااكل ... خليفه يضحك : هههههههههه أخت يااابر ولد عمك .. عمر : هي .. في غيرها مريوووم سياااكل .. خليفه : حرااام عليك توها خمس تعش سنه .. وبعدين انتو عايلتكم جييييه يحيرون البنااات من ثلتعش سنه مب حلوه هالعاده ياااخي .. عمر : شسوي لهم يعني .. الوااالد الله يرحمه قبل ما يتوفى .. حيروها لي ... خليفه : بتعقل انشالله هههههه .. عمر : الله يسمع منك .. الله يستر اذا ما خبلتني وياااه .. خليفه : هههه عقب ما بعترف انك ربيعي .. عمر : اجلب ويهك .. خليفه : هههه خلاااص خلاااص .. بخلي حرمتي تعلمها السنع .. عمر : أقووول اشرب الكوفي مااالك قبل لا يبرد .. خليفه يشرب من الكوفي ويطااالعه ويضحك ع ربيعه ..... × × فتحت المسج ..... استغرب من رقم غريب ما أعرف من اللي مرسله لي .... منو يااربي .. يمكن زااايد .. خل أقرا المسج أحسن لي .. فتحت المسج .. ( أعتقد انج كنتي تدرين اني ياااي .. ماكااان لااازم انج تطلعين وتستعرضين بدووون شيله ....... ) استغربت .. منو هذااا .......؟؟ أه .. هي أكييييييييييييد خاالد بس ليييش طرش لي هالمسج .. والله ما كاان ع بااالي انه بيي .. ناسيه أصلا أنا ... أوووف شسوي الحين .. فتحت انشااااء رسااله يديده .. أطرش له ولا ما أطرش له .. شسوي ياااربي ... يلا أطرش له عسب ما يااخذ فكره عني .. ( أنا آسفه .. وترا مب من عوايدي اني أستسمح لو ما غلطت .. بس ما كااان ع بااالي انك انت اللي بتوصلها .... ) ثواااني الا وأسمع الفووون يرن نقزت من مكاااني وأنا أفكر فرد خااالد شو بيكووون .. ياربيييه .. شسوي ما أحب أحد يقفطني .. بي برد عليه اذا حااول انه يقلل مت قيمتي ... |
الحلقه الثانيه عشر .. أبيك تعرف ان لك شخص بكل ما فيه يغليك بكل ما عطــاه ربي من احـاسيس يحــتويك روحه ... حياته ... حتى جروحه تفديــــك لا تظـــن انه في يــــوم يقــــدر ينتســــيك يبيك تذكـــره لا صـــارت اللــيالي تجتفيك و تدعــيله....عسى الله له يخــــلــــــيـــك شفت الرقم نفسه اللي دز لي مسج ... هذا خاالد .. أرد ولا ما أرد ... برد خلاااص ويصير خير .. بس شقول له يعني .. الله يستر .. رديت وأنا متردده لأااااخر درجه .. ,قلت : آلــــ.........ــــو ...................... رد علي وقااال : مب من عوايدج تتأسفين هاا ..؟؟ قلت وأنا خايفه ومرعوبه منه : لأأأ بس اذا مب غلطاانه ليش أتأسف .. قال لي خالد : خلااص مب لااازم تتأسفين بس مره ثاانيه تفتحين باااب الصاااله لبسي شيله لأنه مب كل اللي ييون خوانج .. قلت له وأنا خاايفه بعدني مدري ليييش حسيت بهالشعور : انشالله .. خالد : يلا فمااان الله تبين شي ...؟؟ قلت له : لا .. فمان الكريم .. ييت بسكر ... بس قلت بسرعه عسب لا يسكر : خــــــــــــــالـــــــــد .. قال بجمود : نعم .... قلت له : أنا آسفه .. بس صدق والله ما كنت أدري انك يااااي .. ما يا ع باالي .. خالد : انزين .. خلاااص .. انسي السااالفه مع السلامه .. قلت : مع السلااامه .. حطيت التلفون ع الكوميدينو ... رفعت راااسي أطااالع فوووق ... ليييش خالد جذي جااامد فأسلوبه مع اللي حوله .. أذكر أول يوم نيي العين ونحن صغااار دااايما كااان يلعب ويانا .. يرمسنا عااادي .. بس الحين وااايد تغير وااايد ... وااايد ... وعاني من خيالي صوت التلفون وهو يرن .. طالعته ردت لي الروووح راااح عني الاكتئااب والكرب .. هذا الانسااان يوم يتصل بي أحس هموم الدنيا تروووح عني .. وتودعني بمجرد اتصاااله .. صدق يوم اني قلت هذا بلسم جروحي .. بالفعل بلسم جروحي .. يوم أحطه ع جرحي .. الجرح يبرا ... رديت بسرعه قبل لا يصكر بتعليقاااتي ههه : هلا والله ... هلا بالغااالي ... رد عليه : هلا بالغاااليه هلااا ... قلت : اشتقت حبيبي ... زايد : وأنا أكثر والله .. قلت : هي هي والدليل مب متصل بي .. زايد : حياااتي لا تزعلين بس والله أنا مشغوووول هاالفتره وااايد وااااايد ... قلت : لا عاادي حياااتي .. المهم الله يوفقك بكل شي بحياااتك ... قال : طووول عمرج ذوووق هالكلااام اللي اباااه .. قلت وأنا أضحك : شخباار هل دبي ..؟؟ زاايد : مشتااااقين لج شرااات شوووق الظوامي الى الماااي .. قلت : بل بل بل .. لهالدرجه غاااليه .. زايد : وأكثر بعد يا قلبي .. قلت : حبيبي اليوووم ظهرت مع أخويه والله كااان وناااسه .. زايد : عسا ايامج كلها وناااسه ,, وين رحتو ما خبرتيني .. قلت : أول شي رحنا العين مووول .. وعقب رحنااا المبزره .. زايد : زين زين .. لو كنت ايي والمحج من بعيد ههههه قلت له : تذكر يوم رحنا السينما ويا بعض ... زايد : هي أحييييد يومها سلطااان الله يرحمه كااان ياااي ووياااه حسووون وحسووون تم معصب .. أونه ليييش يايبين .. البنيه السينما قلت بحزن : هي سلطااان الله يرحمه ... صح ما تعرف عن حسن شي ..؟؟ زايد : شكله بيعرس من بنت خالته اللي فالسعوديه .. وأعتقد بسيتقر فالسعوديه حسب كلااامه بس يمكن ايي الامارات ... أكييييد يوم من الأيااام بيرد ... قلت : هي أكيييد يرد .. محد يقدر يفااارق المكااان اللي ربا فيه .. زايد : وشهووود حبيبتي متى ناااويه ترد دبي ..........؟؟ مرباااها ... قلت بدلع : يوم اييها زيود ع الفرس الأبيض ماله ويشلها يوديها دبي ... هههه زايد : هههه يعلها دوووم هالضحكه حبيبتي .. قلت : وياااك يااارب ... زايد : حبيبتي أنا بظهر الحين ويا ربعي .. مظطر أصكر عنج .. قلت : عاادي حبيبي .. بس المهم تدير بااالك ع روووحك أوكي .. زايد : انشااالله وانتي بعد .. يلا مع السلامه .. قلت له : مع السلامه حبي .. طااالعت التلفوووون حضنته .. انا ما اتوقع بيوم اني أفااارق زيووود هذا حياااتي .. يارب ما ايي اليوم اللي بفاااارق زااايد فيه .. × × .......... : والله مليت متى نرد .. سيف : بسرعه مليتي بللللل .. أحلاام : هي والله .. أبا ارد العين .. وبعدين ما قدمت امتحانات الجاامعه أنا .. سيف يطالعها بنظره : لا هاللي ناااقص .. قولي بعد ما كنت أبا أتزوج ... أحلااام تتجرب عنه : لا حبيبي مب قصدي جيييه بس أبا أرد البلاااد والله مليت .. سيف : أحلااام قولي بصراااحه انتي مستانسه ويايه ولا لأأأ ... أحلااام تتأفف : سيف انت دوووم تفهم غلط .. سيف : أوكي خليني دوووم افهم غلط وانتي اللي افهمي صح أوكي ... ( ظهر من الجناااح ورضخ البااب بقوووووهـ ) أحلااام وقفت تطالع من الدريشه : والله أنا غبيه ليييش دوم أتسرع بقراررري أووووووووف .. × × بعد مرور كم من يوووم ع الأحدااا ث السااابقه يوم الجمعه الكل قاااعد بعد الغدااا في ميلس بو شهاااب ... بو شهااب : وانت خااالد مب نااوي تروح وياااهم .. خالد : بشوووف ابويه .. بو خالد : روح ورفه عن روووحك ترا العمر يخلص والشغل ما يخلص يا ولدي .. خالد يضحك : هي صدقكم .. أنا صااار فتره مب طااالع .. بس طلعت ويااكم يوم رحتو المزرعه ... خليفه : بس هالمره شهااابوه كلنا بسياره وحده ... شهاااب : لا ماشي أنا ارتااح فسيارتي بس .. بو شهااب : انت وخليفه خذو سياااره وحده اش له تشلون سياااير البيت كله .. شهااب : انزين .. خليفه يطاالع شهااب بنظره يحره .. ويبتسم له ... بو خالد : هااااايييل عمرهم ما يكبرون ... بو شهااب : ودرو عنكم سووواااالف اليهااال خلاااص كبرتو .. شهاااب : هو اللي يغايضني .. خاالد يضحك عن خاااطر ويقلد شهااب شرااات اليهااال : هو اللي يغايضني ..... ها بابا .. تبا مرضعه هههههههه وليد يدخل وهو يصااارخ ومشتل .. ومتعصم ( متغتر ) : شااارك الغي ... ولد دبي .... الكل يضحكككككككككككك عن خاااااااااطر شهااب قااال لخاالد : لو ميحد يسمع ولدك يغني .. عز الله الريااال راااح فيها .. خالد : مب لهالدرجه .. بو خالد يفتح ايدينه : تعاال حبيبي ... وليد رااح عند يده وقاال : ادي ادي .. بو خالد : قلب يدك .. أمر اش تبااا ..؟؟ وليد : أبااا الووووح الدبل ( الجبل ) وياااهم ... شهاااب : لا ابويه ما نودي يهااال ويانا .. يكفي شذى وخلود اللي بيحشرونا .. وليد : بابا شووووووووووووفه .. خالد : حبيبي لا تسير ويااهم بوديك ويايه البحر فدبي ع قولتك ههه انزين بابا .. وليد : لأأأ بلوووح ويا شهوووووود هي عثمتني ... خليفه يضحك : عثمتك هااا .. وتعلم الرمسه ولد خلووود .. خالد يطالعه : خلود فعينك ههه شو أصغر عيااالك .. وليد حبيبي أنا بوديك البحر .. وليد يرااافس : مابا مابا أبا اسير دبل حفيييييييت ويا ثهود .. قالت بتشتري لي هلااوه .. بو شهاب : خالد خله يرووح وياااهم .. انا برمس شهد عسب تخيل عليه .. خالد : عمي بس ............... بو شهااب يقاطعه : ولدي بتشوووفه شهد .. لا تحاتي .. خالد يتنهد : أوووكي خلاااص ... وليد يوقف ويطلع من الميلس ... خليفه يضحك ويقول : خلوود ولدك شي الصراااحه هههههههه أونه شارك الغي ... خالد يضحك ويقول : صل ع النبي عن تصكه بعين ... × × واقفه يدااام المرااايه العوده اللي فالصاله وتعدل الشيله : يلااا متى نروووح ... قلت : تريي أعوذ بالله ما عندج صبر .. شيما : اوووف يوم يقولون يبون يطلعونا .. مب يصبرونا جذا .. ............. : خلاااص أميييه أعصااابج يلا سيرو اركبو السياره ... شيما : أنا بركب جداااام .. شهاب : بنروح بسياره وحده .. ما يصير تركبين جدااام .. شيما حاااست فعباااتها .. وطالعتني بنظره .. بغيت أضحك .. أحسن أحسن .. ههه تستاهل شييوم يااارب خلوف يحرجها .. شذى يااايه وماسكه وليد : شهووووود .. قلت لها : هلأأأ .. شذى : بابا يقول ديري بااالج ع وليد بنشله ويانا .. قلت لها : أوكي .. تعااال حبيبي وليد .. وليد ياااه عندي ومسك ايدي : بلووووح ويااااااااااس أنا .. قلت : هي بتلوووح وياي ههههه .. فديتك أنا .. شيما : وين خلووود .. .......... : أنا اهني .. شفت خلود يايه من صوووب الميلس ومبتسمه .. اش سالفتها هالبنيه .. ياااربيييه تقهر ... خلود عليها تصنيفاات وأفكااار غريبه مرررره .. خلود : يلا خليفه برع يترياااانا .. شليت وليد .. وقلت : يلا سرنا .. شيما لاااصقه بعباتي : تراااني بتغشااا .. قلت لها : هههه تغشي برااايج .. روحج بتفصحين روووحج وعقب خليفه يشك انج تحبينه .. شيما تبوز وتقول لي بهمس : أحبه فعينج فااهمه ,, قلت وأنا أتجدم : ماماتي هالسوااالف ما تطوف عليه أنا شهووود .. شذى : شو هو اللي ما يطووف عليج ..؟؟ قلت : ماشي ... وليد : ماماتها ما تتوف عليها .. طالعت شيما وفيها الضحكه .. قلت فخااطري الحمدلله هذا ما يعرف ولا كااان فضحني .. قلت : وليدوووه ان فتنت مره ثااانيه .. بردك البيت .. وليد : لا لا بثكت .. قلت وأنا اركب السياره : هي شااطر ابااك جييه .. شذى : أوووف زحمه .. شهااب : سكتي شو زحمه ومافي غيركن انتن الأربعه .. خلود : هي صدقها زحمه .. شيما : هي زحمه .. قلت وأنا أطااالع شيما : مب زحمه يلا نروووح خلكم من هالدلوعااات .. خليفه : اش حااالكم بنااات عمي ..؟؟ قلت : بخييير ومن صوووبك ..؟؟ خليفه : تمااام .. شيما قلنا اشحالج ..؟؟ شيما شوي وتغووص تحت السيت : تمام الحمدلله .. شهاااب : زين سويتي فيهن شهوود .. هاايل مب شكل سيارتين .. وليد يطاالع شيما : دلوووعه انتي ثهوود قااالت .. طالعته وأنا مبطله عيوني .. : متى قلت .. وليد يهز رااسه : الهين الهين .. انتي قلتي دلوووأأأأت .. قلت وأنا أضحك : هيييييه دلوعااات .. شيما تهمس : دلوعه بعينك .. سمعت .. وليد يهدد : بحبر علييييييس باباتي ثمعتي .. شيما : أونك عااد باباتك فالبيت .. مابيي الحينه ههه قلت وأنا أضحك : حرااام علييج لا تصيحينه .. وليد : بحبر علييييييس عمي خلوووووووف .. شيما استحت ونزلت راااسها ... قلت غصب : هي خبره عسب يناازعها .. وليد ينط فالنص : عمي عمي ,,,,,,,,,, عمي حلوووف ,, خليفه : حلوووف فعينك هههه .. شو تبا ..؟؟ وليد : تاالع ثيما تناااذعني .. خليفه بطريقه طفوليه : منو ينااازع وليد هاااا ..........؟؟؟ قلت أقلد وليد : هذي شيما عمي خلوووف .. خليفه : ولييييييش تنازعين ولييد ها شيما ...؟؟ شيما طالعتني مقهوووره .. ما ردت .. قلت : خلاااص زاااغت ما بتنازعك تعااال وليد .. وليد يطاالع شهااب ويقول لي : لأأأ ....... عمي ثهاااااب أختك تناااذعني .. شهاااب طالع شيما : لييييييش تنازعينه شيمو تراني بردج البيت .. شيما طالعت وليد سحبته وفعصته : يالعيااار .. انته .. وليد يرااافس .. شيما بعدته : كسرتني ويا هالرااس .. شليه شهوود عن أمووت وياااه بس .. سحبته وقلت : تعااال اهني يلا .. قعدنا نحن البنااا نسولف والشباااب لهتهم سوالفهم هم .. غير وليد اللي حاشرنا ......... × × .......... : أوووف بعدك زعلااان .. ............... : ما رد عليها ......... أحلاام : من يينا من البحرين وانت على هالحاااله .. سيف محرج : وحده تقوول لريلها بسبتك ما كملت دراااسه تبين يقول لها فديتج عااادي حياتي انتي ... أحلااام : مب جي سواااف انت واايد متغير ... سيف : انتي اللي تغيرتي واايد يا أحلااام .. قمتي كل يوم والتااالي تعيدين وتزيدين طااافني الترم وطافني الترم .. كنتي ببيت أهلج مب أحسن .. أحلام نزلت دموووعها : سيف مب جييييييييه عااااااااد .. سيف ياااخذ غترته ويظهر : تبين الترم ما يطوفج عاادي ترا نزور لج شهااده .. ( وظهر ) أحلام ترفس اللي السرير : أأأأأأأأي ........ هذا اش ياااه بعد مااا صااارت جمله قلتها .. أوووووووف ,, لفت ع الكوميدينو شاافت تلفونها يرن رااحت له عسب ترد : ألو ......... .......... : هلا .. أحلاام : هلا وغلاا .. هلاا بهالصووت ........ نوف : اش حاالج حبوبه ...؟؟ أحلااام : تمام ومن صوووبج حبيبتي .. نوف : بخير .. شو الحياااه عقب الزواااج ..؟؟ أحلااام : حلوه .. نوف : بس حلوه .. جذي .. وبدون نفس .. أحلاام نزلت دموعها : مادري شقول لج نوافي... نوف: حبيبتي شووو فييييييج .........؟؟ أحلام نزلت دمووعها سييييييل ... : سيف تغير من رحنا البحرين .. نوف : لييش انزين ..؟؟ أحلاام : بس لأني قلت له طافني الترم حرج ويقول انه كاااان كاان قصدي زواجي منه هو السبب .. نوف : هدي حبيبتي يمكن خذا فخااطره عااد انتي استسمحي منه .. أحلام : والله مدري شسوي وياااه .. أسف وتأسفت منه .. وكل شي سويته له .. بس مدري شاللي يرضيه ..؟؟ نوف : حاولي بعد أحلااام توج عروووس يديده ما يصير جيييه .. أحلااام : بشوووف شو الحل ويااااه .. نوف : طمنيني عليييج عقب أوكي .. أحلااام : أوكي حبيبتي .. نوف : قبل ما أصكر اقول لج شي بس ما تزعلين .. أحلاام : قولي حبيبتي .. نوف : انتي غلطتي ابد لا تقولييين لسيف جذي .. لأنه بالفعل .. كلاامج معناااته ان زوواجي منك هو السبب .. أحلاام : حتى انتي شرااتهم .. نوف : لأأ حبيبتي بس أنا أنصحج يعني مب شي ثاااني ... أحلااام : انزين ,.. بتأسف منه بعد .. نوف : هي زين تسوووين وطمنيني علييج أوكي .. × × الجوو بااااااااااارد وحلو ......... نحن فووووق حاليا .... فوق الهموم والحب والكره و الشوووووووووق نحن فوووووووووق كل شي .. نسيييم بااااااااااارد يهب علينا .. وكلما يهب يشل وياااااااه همومي ... .............. : ثهووووووود .. طالعته ورحت صوبه شليته : شو حبيبي ...؟؟ وليد : نحنا فوووووووق صح .. قلت له : هي حبيبي نحن فوووق .. وليد : نقدر نشوووف بابا تحت .. قلت له : لا حبيبي باباتك بعييييد .. وليد : أبا بابا ,, مابي مابي .. قلت : خليفه شهاااب تعالو راااضوه .. خليفه ياااه وشله : تعااال براااويك تحت .. حتى اهني يا وليييد تتذكر ابووك صدق الأبو شي غااالي وااايد ..طالعت البنااات قاعدات يتمشن ... رحت صوبهن .. قلت : شو تسووون هااا ....... شيما : ماشي بس نسووولف ... شذى : وليد وينه ..؟؟؟ قلت : عند خليفه .. شذى : اها .. قلت : خلوود رمسي بلااااج سااكته اليوووم .. خلود تبتسم : لا ماشي .. بس جذا .. قلت : علي .. يلا قولي اش فيييييييج ها ..؟ خلود : ماشي شهوود .. يلا نرووح عند الشبااب .. شيما بسرعه : لاااااااع .. سيرو روااحكم بتم اهني أنا .. قلت : هي تخبلتي عسب شهااب يجتلنا ههه اتمين روحج .. خلود : يلا يلا نروووح ملل اهني .. مشينا ونحن نتجدم من خليفه وشهااب فطرف من الجبل محااط بالسوووور قلت : أهلييييييين .. شهااب لف : هلأأأ .. قلت : حلو الجو صح .. شهاب : هي واايد .. وترا هذي أخر طلعه أطلعكم اياها .. قلت : ليييييش بلا .. شهاب : بسكم .. طلعتين في اسبووع واحد ما يكفيكم .. خليفه : ما عليكم منه أنا بطلعكم .. وليد : هي وأنا بيي ويااكم ثح .. قلت له : ثح ديت قلبك ......( طااالعت شييوم وابتسمت لها ع كلااام خليفه ) قلت : تدروون يوم نحن فدبي .. يومياااااااا نطلع .. يومياااااااااااا .. خليفه : ماشالله ومنو يطلعكم ..؟؟ قلت : ربيعاتي ... أمااايه كنا عايشين جذا .. شهااب : والحين تغير الوضع صح .. قلت : هي .. وبعد يعني تخيل أحد يطلع طوول اليوم ومتعود يشووف ناااس يدااد وفجأه خلاااص ينعزل .. شهااب : بس تأقلمتو ويانا بسرعه ماشالله ,, قلت : هي لأنه متعودين نشووف نااس يدد دوووم .. شهااب : العين أحلى ولا دبي ..؟؟ قلت له : قصدك فالشكل ..؟ شهااب : لأأأأ فالعيشه أو انج ترتاحين فيها أكثر .. قلت : الصرااحه دبي لأنها داااري ومرباااي .. والعين بعد أرتااح فيها مب اني ما أرتااح بس بعد دبي غير .. خليفه : هي أكيييد الواااحد يحب المكااان اللي ربااا فيه .. خلود : بس يمكن بتتعودين ع العين وخلاااص عقب دبي تكون مااضي لج .. قلت : لأأأ مستحيل لأني ربيت فيها وتعلمت فيها .. ومعااارفي وربيعاتي كلهم مال دبي .. خلود : هي من هالنااحيه صح .. قلت : وانتي وليدوووووووه خذ لك وحده من دبي أوكيييييييه ... وليد يهز راااسه وهو يمص الحلاوه : أوكي .. خليفه : الولد خبر خييييير ولا يدري عن السالفه .. شهاب : ههههه وليد كم عيااال بتييب ..؟؟ وليد يمد ايده : هالكثررررررررر .. قلت : بل بل بل .. عشره ماشالله .. حرمتك بتكون فقاااسة بيض ههههه .. وليد : ثهوووود عتيني عثيييييييير .. قلت : فديت قلبك ع العصير اللي تباااه انت .. طلعت العصير من الجيسه وفتحته عسب أشربه .. وليد قاال : لأأأ بلوووووحي .. قلت : لأأ حبيبي أنا بشربك .. وليد يطااالع خليفه وشهااب : غمدو عيووونكم ... خليفه يطالعه ويضحك يقوول : ليييش انشالله ...؟؟ وليد : بأدين يقولون وليد نونوووه .. ثح ثهوووود .. قلت : هي يلا غمضو عيونكم .. شهاااب يغمض عينه : يلا اشررررب ههههههه وليد : شهووووووووووووود ... فزعت قلت : بسم الله الرحمن الرحيم .. شو بلااااك خرعتني ,,,؟؟ وليد : لنج مااال باباتي .. قلت له : شوووووه ..؟؟ خليفه يطااالع حوالينه : هي صدق هذي سيااارة خالد .. عدلت قعدتي بسرعه .. وقلت : غررريبه ...!! خلود ابتسمت وقااالت : واااو أخويه ياااه .. سيارة خااالد سفطت بصوووب قريب عنا مره ... كنت طووول الوقت منزله راااسي ومستحيه من اللي صااار ذاااك اليوم .. صح ما كان قصدي .. بس أستحيت الصرااحه .. غير اني رمسته .. وااااااااء فشله .. نزل بهيبته وتقدم عنا .. وليد نزل من علي ورااااح ركض صوووب أبوه وقال وهو مستانس : باباااااااااااااا .. خالد ابتسم له وشله من ع الأرض وتجدم صوبنا : السلام عليكم .. ردينا السلام كلنا : وعليكم السلام .. شهاب : ماشالله عليك ييت .. ها .. خالد : هي يااااريااال مليت .. يوم اليمعه ماشي شغل ... خليفه : بو وليد لو يمعه اليمعه شي شغل ما تشوفه .. بيدااوم بعد ههههه خالد يلاعب وليد ويقول : قولو ماشالله عن تصكوني بعين .. شذى : عيني هب حاااره .. خالد : وطلع لها لساان الكتكوته .. شذى ابتسمت : أحب يوم يقولون لي كتكوته .. خالد : هههه خلاااص من اليوم ورااايح شهووود بنسميج كتكوته ... استغربت .. و رفعت حياتي .. : أنــــــــــــــــا ....!! خالد يضرب راااسه : أوووه خربطت أقصد شذى .. انتو ما شالله كلكم أساميكم متشااابهه .. تنهدت بحيييت محد يسمعني .. الحمدلله انه بدووون قصد .. لأأأ منو قااال يمكن بقصد .. لا لا مو بقصد .. يا ربيييييييه خالد حيرني الصراااحه .. يبي ييبلي الضغط ... خالد يقول لوليد : ها استااانست وياااهم ...؟؟ وليد يهز راااسه : هي ثهووود كله تشلني .. ما تحتني ع الأرض ... خالد : يعني انت تبا تمشي روووحك ما تبا حد يشلك .. وليد يهز راااسه : هي .. خالد : احمد ربك الرمه تدلعك وانت أونك تبا تمشي روحك .. كسرت ظهرها حليلها ,, قلت : لا حرااام عليك .. عصا وليدوه ما عليه وزن .. ابتسم خالد لوليد وقااال : منو لعوزك اليوم هاااا .......؟؟ شهاب ضحك : عز الله في ناااس راحو فيها هههه .. وليد : ثيمااااااااااا .. شيما : بل بل بل ,,, كل هذا ماخذ بخاااطرك .. صدق شرير ... خالد : شو قلتي له شيما هااااا ..؟؟ شيما : هو يقول لي دلوعه شسوي له يعني ههههه .. خالد : تباني أضربها لك وليد .. وليد يهز راااسه : هي .... خليفه : صدق انك لوتي .. يا ولد خالد .. خالد يضحك : فديتك أنا ... خليفه : الله يحفظه لك .. خالد : آمييين ... يلا أنا بشل ولدي وبروووح .. وليد : لاااااااااااااااااع أبا ثهوووووووود .. قفطت وقلت له : سير ويا باباتك حبيبي وليد .. أنا يوم برد البيت بيي لك .. خالد : سمعت يلا نروووح .. وليد : لا لأاأأأ لأأأ مابي مابي .. خالد : أوكي تم وياهم وأنا بروووح البيت بدونك .. وليد يصيح : بابا لا تلووووووووووح خالد يتنهد : ياربي .. شسوي به هالولد ...؟؟ خلود لفت رااسها وقالت : تزوج ....!! الكل طااالع هــالحزه خلود .. وسكتنا محد علق ... تمينا ساااكتين .. بديت ألعب بتلفوني ... عسب لا يشكووون اني توترت ... خلود : اش فيكم تطالعوني جذا ...؟؟ خالد يضحك ويقووول : ما بتزوج الا يوم بزوج خلود ههههه خلود قفطت مب لهالدرجه عااد خالد اش صااابه وقالت : صدق تزوج وبتفتك .. خالد : أقووول خلود شو شاااربه اليوم .. خلود حاست بوزها وقاالت : بروووح بشم هوا أحسن لي .. أووووووف .. قامت خلود وابتعدت .. قلت : أويــــه زعلت ... خالد يبتسم ويقول : ترااج تعرفين تراضينها سيري راااضيها .. استغربت .. خالد شو يقصد بكلااامه .. أنا اش لي .. ما قلت له تزوج ... ولا هذا فااالح يقط نغزات وبس .. خليفه : خلوها روحها بترضا .. وقفت وقلت : بروووح بشوووفها .. تجدمت عن خلود وهي واااقفه بصوب السووور وتطالع تحت .. تجدمت وقلت : زعلتي ... خلود : لا .. طول عمري متعوده أسمع كلاامه ... معقدددددددددد .. قلت بعصبيه وطولة بااال نفس الوقت : خلوووووووووووووود .. خلود طالعتني وقاالت : انتي الثااانيه وياااهم .. قلت : لأأ بس مو حلوه ترمسين عن أخوووج جذا .. خلود : شسوي له يعني .. يوم نبا مصلحته يرمسنا بقلة احترااام .. قلت : خلود السالفه مب جذي بس هو مل من كثر ما تحنون ع راااسه .. خلود : مادري مادري .. برااايه يسو اللي يباااه من اليوم ورااايح مالي شغل فيه .. قلت : خلووود مب لهالدرجه عاااد حرااام عليج هذا أخوووج .. خلود : شهد رجاااءا صكري ع السالفه ... قلت : أوكي يلا ردي وياااي عسب نقعد وياهم .. خلود : تردين ردي روووحج .. أنا مب راااده .. لأني بنفجر صياااح لو سمعت كلمه زياااده .. قلت : خلووود شو فيييج ليييش من الصبح وانتي مو على بعضج ...؟؟ خلود : شهد قلت لج مدري ... قلت : خلود انتي صغيررره وبعدج ما تعرفين شي ... خلود : هي انتو اللي عاقلين بس .. ونحن صغااار ما نفهم ولاشي .. ترا حتى الصغااار يكبرون ويفهمون .. قلت : خلووود يلا عشااان خاطري نرد .. خلود : مالي شغل تردين ردي ... قلت : أووووكي براااايج .... رديت وتجدمت صوووبهم وقلت : ما رضت .. اللي زعلها خل يراضيها ... خالد ابتسم : وصتج تقولين جذي .. قلت : انتو ليييش تعاملون خلود جذي ترا توها صغيره مب زين .. خليفه : شهد انتي بعدج ما تعرفينها خلووود طول عمرها زعوووله أبد ما ترضااا .. قلت : لأأأ ترضااا .. بس انتو عاملوها عدل .. شهاااب يوود رااسه : ترا نحن مطلعينكم تستانسووون هب تنكدووون علينا .. خليفه : رح راااضها يمكن ترضااا .. شهااب : هاي روحها ما تواطنني .. تباها ترضااا ههههه خليفه : جرب لاااااااه ... شهاااب : بنجرب ..؟؟ شهاب يصاااارخ : خلوووووود ... خلووووووود خلود لفت وبدون نفس : نعم .......؟؟ شهاب : تعااالي .. خلود : شو تبا ...؟؟ شهاب : قلت لج تعااالي ... شو ما تفهمين ... خلود تجدمت وقااالت : نعم .. خير ........؟؟ شهاااب : ليش زعلتي ...؟؟ خلود تطالع خالد : اسأل ولد عمك .. شهااب يطااالع خليفه وخالد : أي واااحد .. خلود بوزت وردت مكانها .. وحسيتها متوتره واايد .. قلت : أونك ييت بتكحلها عميتها .. شهاااب يضحك : قلت لكم ما تواطنني .. خالد رااااح صوووب خلود بدون ما يرمس ويقول ولا كلمه .... كلنا طالعنا بعض مستغربين .. خليفه : الحين دلوعة أخوها بترضااا ههههه شهاب : عااد ليش مسووين لنا عرس هههه خليفه : شو دراااني .. بو وليد الله يهدااه صااار له فتره جذا .. قلت وأنا أطاالع شهااب : شهااابوه انت ليييش رمست خلود جذي .. شهااب : شو درااااني بعد .. أنا الكلام يطلع جذي .. بدون ساابق انذااار .. قلت وأنا أضحك : أونك تتمسخر .. شهاب يقلدني : ( هي أتمسخر ) ... عااد ليش ضحكتي هااااااااه .. قلت : صدق ملييييييق ... شهاب : ممكن سؤال محيرني يا أخواتي الكرااام .. قلت : هلأأأأ .. قول شاللي محيرنك ..؟؟ وترا حنا كريمااات ياخوي .. هب بكراااام ... شهاب : السموحهـ يالكريمه ... بس لييييش تقولون تتمسخر .. يعني لازم الترقيق هذا .. خليفه يطاالع شهااب ويقول : هي صدق ليييش السين .. قلت وأنا أضحك : اسألو شييوم .. ههههههه شيما : ما ادري يمكن لأنه أمي فلبينيه هههههههه الكل ضحك وقلت : هااا عرفتو شو السبب .....؟؟ هههههه شهاب : هي خلاااص ارتحت .. شهد : ههههه زين زين ... تعااالو مو جنه خلود وخااالد اختفو .. خليفه : هي وداها ويااااه السياااره .. قلت : أهاااا .. تدرون الفضووول ضرب عندي وبخاااطري أعرف شو يرمسووون عنه ...؟؟ خليفه : أعووووذ بالله فضوووليه ... قلت : الفضووول يسري بدمي ههههه خليفه : لا يكثر بس ... شهاااب متى ناااوي تغير سيااارتك ...؟؟ شهاب : مدري والله يمكن الشهر الياااي .. قلت وأنا أأشر بيدي : والله حاااله بطرانين انتو .... شهاااب : لااازم الواااحد يغير بعد .. شو تبين نخيس بالسياااره ,, قلت : لأأ بس سيااارتك أحس يديده .. شهاااب : مليت منها ... وانت خلوووف ...؟؟ خليفه : رمست الوااالد قااال بعد شهر .. شهااب : هي زين .. سيارتك صااار لها ست شهووور عندك .. ياريااال ما مليت .. قلت : أعووووذ بالله انتو شو صدق بطرانين .. شهاااب : اش دراااكن انتن البناااات بهالسوالف .. قلت : ليكووون خالد بعد جذاااا ,,,,,,,,..؟؟ شهاااب : لا لا يقولون عنه عاااقل ههههه شيما : صدقها شهووود مب شي البطره ... شهاااب : استويتي مطووعه انتي بعد أشوووف ... شيما باستغراب : أنــــــــأ ..!! شهااب : هي أحيد بس شهووود مطوعه .. شيما طالعتني وقااالت وهي تضحك : هي شهووود وااااااااايد مطوووعهـ ... طالعتها بنظره وقلت : أأأأووووووووف محتره أنا أبا أعرف خااالد شو يقووول لخلود ههههه شذى : هي يوووم بغينا نعرف بابا شو قال لج ما خبرتينا ... طالعتها وقلت : ليييش شو يخصكم عسب أخبركم ههههه ......؟؟ شهاااب : متى وشالسالفه ...؟؟ شذى : في يوووم شييوم صاااحت وسوت لنا زلزاااال .. وبابا راضاها بس عقب قااال لشهووود شي ما ندري شووو ......؟؟ شهااال مستغرب : شييوم صاااحت ...؟؟؟ شيما نزلت راااسها : حرااام الواحد يصيح .. خليفه : متعودين نحن هذي دوووم تصيح أختك ( وطالع شيما ) شييوم طالعتني واستحت بااان عليها .. جان أقووول : هههه صدق شيوموووه دمووع تماسيح عليها ... خليفه : صدق البنااات ما عندهن سااالفه .. أقوول شهااب نش .. خالد عندهن تعااال أنا وانت نروووح نتمشى .. قلت : هي روحو نحن نبا نسووولف ع راحتنا ... خليفه : من حلاااتكن عاااد نبا نتم نحن .. شذى توقف : هي أنا ملكة جمااال العااالم ... خليفه : لو انتي ملكة جماال العاالم عاد الجميلاااات شو يسمونهن ...؟؟؟ طالعت ويه شييوم صاااااااارت طماطم .. وردت ع الأخر البنيه تعرف انه الصواااريخ موجهه لها ههههه صدق البنااات عقلهن خفيف .. أحم أحم وأنا وحده منهن هههه .. شذى : خلوووف أبا أعرف انت منو اللي بتاااخذك وتعرف انك ملييييييييييق ... خليفه يضحك ويقووول : هذي صدق صدق بتكووون ملكة جماال العااالم ... شهاب يسحبه : ابوووي انت خلص الجامعه أووول وعقب تعااال ارمس عن ملكة جمااال العااالم هذي اللي بتاخذها ... ضحكت وقلت : أوووف مو جنه خلووود طولت ...... وليدوووه تعااال لا تروووح بعيد ... × × ............. : انزين انتي قولي شو اللي تبينه ...؟؟ خلود : قلت لك مابا شي ... خالد : خلووود يلا حبيبتي .. تدرين انج ما تهونين علي .. خلود : لو ما أهون عليييك جااان ما قفطتني يدااام الكل .. خالد : خلووود حبيبتي أسف خلاااص يلا حبوبه .. واي شي تبينه أناااا حااااااااضر وتحت أمرررررررج .. خلود : احلف أول .. خالد : انتي ارمسي وقولي وانشالله بسوي لج اياااه .. خلود : تتزوج ... خالد يطالعها ويقوول : ردينا ع الطير ياللي .. خلود تصيييح : خااالد أنا أحبك انته لييييش ما تسمع كلااامي ...؟؟؟ |
الحلقه الثالثه عشر .. ياربي أشكي لك بحالي شكوى لغير الله مذله ,, لو مر وقتي ما صفالي محد بيسفعني سوى الله .. خالد يطالعها وقلبه يعوره يوم أخته الصغيررره تصيح : ومنووو قال لج اني ما أحبج يا خلوود ... خلود : انته .. خالد : أنا ..........؟؟ خلود : هي انته ... يوم اني أحبك وأقول لك تسوي شي أحبه ما تبا .. خالد : انزين خلاااص قولي شو تبين ........؟؟؟ خلود : أباااك تتزوج شهد ................. خالد متعجب ومستغرب : شهد ...........؟؟ خلود بـ براءة حب وأطفال : هي شهد بلاااها ... خالد : خلود شهد صغيررره واااايد وما تستااااهل وحده توها صغيره وبعدها بنيه تاااخذ واااحد أرمل وعنده ولد ... خلود : بس انت ما يعيبك شي يااا خالد .. كامل والكااامل الله .. خالد : أنا وانتي نقووول جذي شهد يمكن رااايها غير ... خلود : تباااني أسألها ..؟؟ خالد : لاأأ .. بزعل منج جذي .. بس دوري غيرها شهد توها صغيره .. خلود : لا أباااك تااخذ شهد يعني شهد .. خالد : مصره على شهد يعني ...؟؟ خلود : لو ما خذيتها بزعل منك والله .. خالد : أوكي بشوووف بفكر اليوووم وبرد لج خبر .. خلود طااارت من الونااااسه : والله ...؟؟؟؟؟ خالد : قلت لج بفكر ... خلود : انزين فكر .. يلا ننزل نروووح عندهم ... خالد : يلا .. خلود : لحظه لحظه ... خالد : شووو بعد ......؟؟ خلود : نباااك انت تردنا .. أوكي .. خالد : من عيوووني يلا نزلي .. عيب مودره حرمة أخووج روحها .. خلود تبتسم وتنزل : أوكي يا حبيب قلبي انته أخوي العووود ... خالد يضحك ويمشي مع خلوود ويتجدمون من اللي يالسين .. يشل وليد ويقوول : وين خليفه وشهااب ...؟؟ قلت : مدري قااالو بنروووح نتمشى ... خالد يطالع تلفونه : هي ... قلت : ها خلووود رضيتي وأخيرااا .. خلود : أممممممممممممممممممممررررررررررررره رااااضيه .... قلت : بل بل بل .. شو من مفعول هذا .. أنا ميته عنى وما رضيتي ويايه هههه خلود تضحك : لا خلااااص رضيت ... طالعت تلفوني يرن .. أماني 2 .. او او مايصير ارد .. حطيته ع الصااامت وطالعت شييوم وقلت : وياااج فونج ...؟؟ شيما : هي .. تبين تتصلين بأحد .. قلت : لا لا بس أساأأأل ... شذى : شهووود لييييييش شاريه بلاااك بيري .. مو حلو ... قلت : بس يعيبني ... شذى : أحسه مو شي ع البنااات .. قلت : عااادي ... ( قلت لخلود ) تعاالي انتي أمس بليل متصله فيني .. خلود : زين دريتي ... قلت : لا والله بس كنت راااقده ومالي بااارض أرد ... وتوني الحينه تذكرت .. خلود : لا عااادي بس كنت متصله جيييه .. طالعت صوب خااالد ووليد قلت : بنااات قولو حق خالد يتصل بالشباب عسب نروووح .. خلود : لأأ تو الناااس ,.. قلت : خلاااص بيأذن المغرب والدنيا بتظلم .. خلود : أوووكي الحينه بزقره .. خلود : بو وليد .. تعااال .. خالد يتجدم صوبنا وهو يرمس فالتلفون .. صكره وقال : هلأأأ .. خلود : يلا نرد البيت اتصل بالشباااب .. خالد : أوكي .. ركبو السياااره .. طالعت خلود وقلت : لا أنا بسير مع أخويه .. خالد : شهااب وخليفه ما بيرجعون .. يلا كلنا بنرجع بسياره وحده ... قلت : اها .. خالد : يلااا وليد قووول للبنات يركبون السياااره .. وليد طالع صوبي وقاال : ثهووود تيين ويانا ثح .. ابتسمت له وقلت : ثح ..!! شيما تنااافخ : وحنا لنا الله ما من مرحب بعد .. شذى : صدقج .. خالد : لا افا افا .. اذا وليد ما زقركم بو وليد يزقركم .. شذى تضحك : ههههه زين التغلي دووومه يفيد .. قلت : بس انتو وليد ما يباااكم يباني أنا هههه ... وليد : ثهووود ركبيني ... رحت صوووبه وفتحت الباااب اللي دااام وركبته .. وبندت الباااب وفتحت الباااب الخلفي وركبت ... ركبن البنااات .. ويلسنا .. خالد شغل السياااره وتحركنا .. ونحن ننزل من ع اليبل .. قلت : أنا هب مخبلني شي غير ليتااات جبل حفيت اللي تبين من بعيييييد شكلها طررررر .. شيما : هي دوووم نيي العين بليل أنا وشهووود نستانس ههههه خالد : بس من بيتنا يبين اليبل .. قلت : هي وتحديدا دريشة حجرتيه ههههه .. الكل ضحك وخالد قااال : وليد نسرع ... قلت : بس خطر .. اهني شي منحدرااات ..وبعدين تعلم ولدك ع السرعه .. خالد : تخااافين من السرعه ..؟؟ قلت : لأأأ بس جذيييه .. ماشي .. لكن اهني خطرررر .. ويلسنا نحن البنااات نسووولف وخالد تم سااااكت هـ الانساااان دومه جذي ما يسووولف االا بالقطااارهـ ويييييييه يااارب ريلي يطلع مسولفجي .. هع هي صدق انزين زيووود مسولفجي وحبوب .. خلود : بنااات منو فيكم بيحضر مبااراة الأهلي والعين اليوووم .. قلت : ماااالي بااارض برد أرقد .. خلود : لا نتااابع المباااراه كلنا ويا بعض حرااام .. قلت : ما أحب الكررره .. خلود : أوكي بس تشجعين منووو ..؟؟ الأهلي ولا العين ...؟؟ قلت : اممم صح اني من دبي ولااازم أشجع الأهلي بس مدري ليييش أحب فريق العين أكثرررر .. خلود : اهااا .. مو شرط انج تشجعين فريييق معين كل انسااان وميوله .. قلت : صدقج ... × × ............ : قلت لك آسفه ... سيف معصب : انزين خلاااص .. والحين هاللي متصله عشااانه وضروري ومحتشره .. أحلااام تغمض الواحد : يعني فنظرك السااالفه ما تسوى ولا ضروريه .. سيف يتجدم عن السرير ويقووول وهو متملل : وعيني الساااعه ست باااجر بداااوم .. أحلااام مستغربه: بس باااجر السبت والسبت اجااازه .. سيف طفر منها: أعتقد انه الشركااات تداوم يوم السبت وبعدين هذا شي ما يخصج .. أحلااام تتجدم : سييييييييييييف .. سيف بينفذ صبره : يا بنت الناااس تراااج ذليتني .. خلاااص ما استوت سااالفه رضيت بس خلااااص .. أحلام دموعها تنزل : سيف لا تعاملني جذا .. سيف : أوووف ما تخلين الواااحد يرقد .. عاد شقايل تبيني أعااملج هااا ..؟؟؟ أحلااام تتجدم صوبه : سيف والله اني ما قصدت .. والله .. انت بس لا تعاملني جذي .. سيف يرووح صوب العلاقه ويشل له كندوره ويشل الغتره : أتمنى انج ما تتصلين بي .. ولا تزعجيني .. طلع سيف أحلااام حطت ايده ع راسها : أوووووووف هذا لييش يعاملني جذي لييييييييش ...؟؟؟ سمعت صوت الباااب مال الحجرخ يندق .. وقاالت وهي تمسح دموعها بسرعه : دش .... دخلت وأنا مستغربه : ليييش عمي ظهر جذي معصب حتى ما سلم عليه .. أحلااام تبتسم : لا حبيبتي ماشي بس عنده شغل وااايد .. قلت : غريبه هالشي ما يمنعه من انه يسلم .. أحلااام : شهووود سلمي ع الأقل ... ضحكت وتجدمت عنها وبستها وقلت : الحمدلله ع السلامه ... أحلااام : الله يسلمج حبيبتي .. طالعتها مستغربه : انتي ويهج ليييش محمر ومسخنه .. أحلااام : ها ... لا ماشي يمكن لأني توني طلعت من الشاااور .. قلت : اها ... تعااالي لييش ما ظهرتو ويااانا اليوم .. أحلااام : عمج سيف كان عنده أشغااال .. قلت : هيييه .. صح انه الوقت متأخر وأنا ياااايه بس قلت أسلم علييج .. أحلااام : زين سويتي وبعدين الا هي السااعه عشر ما فيها شي .. قلت : هههه تعااالي شخبااار السفره .. وياااكم ..؟؟؟ أحلاام : حلوه البحرين وااايد .. قلت : زين زين .. أبا اروووح الها الحينه هههه أحلااام : هي أنصحج تروحين الها .. شي شي بمعنى الكلمه .. قلت : انشالله جريب .. ها عسا استانستو انتي وعمي ...؟؟ أحلااام تبتسم : الحمدلله .. قلت : شخبااره عمي وياااج .. انشالله تأقلمتو ويا بعض .. هههه سوري معنه مو من حقي أسألج هالسؤااال .. كان عباالي ان مرت عمي بتضحك أو تقووول عادي بس فاجئتني يوم قااالت : شهد عمج زعلاااان مني .. طالعتها مستغربه : زعــــــــــــلاااان .......؟؟ أحلااام نزلت دموعها : هي أنا الغبيه زعلته .. قلت : خير شو صاااير .....؟؟ عسا مب شي جاايد .. أحلاااام : ذاااك اليوم ما كان قصدي بس قلت له بسبة زواجنا طااافني الترم وهو عصب .. وفهمني غلط .. قلت مستغربه : وانتي ما فهمتيه انج ما كنتي قاااصده هالشي .. أحلااام : قلت له بس مب راااضي يفهمني مدري ليييش يا شهد .. قلت : حاولتي وياااه كذا مره .. أحلااام : هي وما نفع مووول .. ويزداد عناااده .. والله مدري شسوي .. محتاااره .. قلت : حاولي بعد .. أحلااام تصيح : تعبت يااا شهد وأنا أحاااول ما نفع وياااه .. نحن من البحرين متضاااربين وللحين ما تصالحنا .. قلت : خلاااص حبيبتي أنا بتفاااهم وياااه .. أحلااام : لا لا ... خلج بعيده عقب بيقووول اني رمستج وبيزعل زيااادهـ .. قلت : انزين حااولي وياااه بعد .. أحلااام : هي انشاالله بحاااول ... قلت : وبعدين انتي خذيه من الجااانب اللي هو يحبه .. مب أسفه وآسفه .. يمكن اهوه ما يحب المره اللي تتأسف .. يمكن يباااج تسوين له شي .. بمعني انج ندمااانه ع الكلااام اللي قلتيه ولا يمكن تعيدينه .. أحلاام : هي بفكر وبرمسه .. قلت : يلا عاااد حبيبتي أنا تطمنت علييح والحينه برجع البيت .. أحلااام : تو الناااس .. قلت : ترا شهاااب يترياااني برع عسب يوصلني .. معنه بيتنا الا هو فرة حصا هههه أحلاام تضحك : هي صدقج .. انشالله بااجر بيي عندكم .. قلت : هي لازم تيين سمعتي .. أحلام : من عيوووني ادعي لي .. قلت : الله يوفقج ويا عمي انشالله .. يلا مع السلاامه حبيبتي .. أحلااام : مع السلاامه .. × × بعد الضحى الساااعه اثنعش .. بيدخل وقت الظهريه بهالساااعه .. واقف ويطااالع برع من البلكووون .. والجو رووعهـ مغيم ونسيم بااارد يهب ع أراااضي دااار الزين الخضرااااء ....... سمع صووت أحد من وراااه : مسااااااااء الخير .. لف طالعها ابتسم : مسااااااااء النو ... خلود ابتسمت : شو الصحه ...؟؟ خالد : ماشي كحه .. خلود : عسااا دوم يااارب .. خلّود أبااااك توصلني بيت حرمة أخويه .. خالد يبتسم : سويتيها حرمة أخووووج خلاااص .. خلود تضحك وتلعب بطرف قميصها : هي خلاااص .. خالد : خلود اسمعي شهد ما تدري بالسااالفه لأني بعدني ما قررت .. خلود بحزن : لا تخااااف ما بخبرها .. بس ادري يااااخالد كلنا نبا مصلحتك .. وبعدين هالشي بيسعدك ويسعدنا .. خالد يطاالع خلود ويبتسم : خلاااص بيصير خير انشالله لا تحاتين .. خلود : خلود أنا سايره مع السلامه أخويه .. خالد مستغرب : ع وين ..؟؟ خلود : بيت عمي .. بروح عند بناات عمي .. و خوااات جااابر بييون عندهم ع الغدا مع شواخ بنت عمي .. خالد : هي .. انزين قولي لخليفه يوصلج .. خلود : أوكي بس الله يعيني ع النقد اللي بحصله .. خالد : لا لا بيوصلج وهو مستااانس لا بيغثج ولاشي .. خلود مستغربه : جيييييه ..؟؟ خالد : جذا .. بتعرفين عقب .. خلود مستغربه وابتسمت نفس الوقت وقالت : أوكي .. مع السلامه ... خالد : مع السلامه .. ديري بااالج ع روحج .. خالد طااالعهاا الين ما ظهرت من الحجره .. ورد يطاالع برع من البلكووون وهو مستغرب ومحتتااااار من كل اللي قاااعد يصير بهالفتره .. فكرة الخطوبه والعرس .. لأأأ والأكبر من جذي الكل مؤيد بس هو اللي معااارض .. وغير جذي اللي بياااخذها وحده بسن الزهووور يمكن ما تعرف شي عن الحياااه لااازم هو اللي يعلمها ويفهمها .. والشي اللي محيرنه أكثر وأكثر .. ولده اللي دوم ينعزل عن أي أحد جديد اندمج معاها .. تنهد تنهيده عن خااااااااااااطر وهو محتاااار ........ سمع صوت من وراااه .. : عسا ما شر يا ولدي ..؟؟ لف مبتسم : هلا الغااالي .. بو خالد : عسا ماشر .. خالد : كل الخير يابوي كل الخير .. بو خالد : صااار لي ساااعه أزقرك وانت هب منتبه .. خالد يبتسم : ماشي أبويه أشم هوا واندمجت .. بوخالد مستغرب من ولده : خالد فيك شي اليوم انت هب على بعضك اليوم .. خالد يتنهد : أبووويه .. أنا فكرت وقررت خلااااص .. بو خالد : عن ...............؟؟ خالد : اني أتزوج ... بو خالد : هذي السااعه المباااركه يا ولدي انت بس قووول لي منو ..؟؟ خالد : بنت عمي بو شهااب .. أبا شهد .. بو خالد مستغرب : متأكد يا خااالد انك تبا شهد .. خالد يهز رااسه : هي متأكد وبكاامل وعيي .. بو خالد : خالد انت فكرت عدل ..؟؟ خالد : هي فكرت عدل وأباااها وان انت مب راااضي عادي ما بااخذها .. بو خاالد : لا شو مب راااضي .. الا مستااانس بعد بس انت الله يهديك فاجئتني .. خالد : عيبتك المفاجأه ..؟؟ بو خالد : الصراحه هي .. وااايد عيبتني .. بس انت متأأأأكد يااا خالد .. ترا هذي بنت عمك واذا صاار شي لا سمح الله بيدهور علاقتي وعلاقة عمك .. خالد : متأكد يابوي أباااها .. بو خالد : خلاااص عطني مهله وبخلي أبوها يرمسها .. وترا هاا السااالفه ما تطلع برا الين ما البنت توااافق ما نبا العاايله تتحسس اذا صاار شي لا سمح الله .. خالد : انشالله يابوي .. وبعدين تربيتك أنا .. بو خالد : ونعم بك وبتربيتك .. يلا عااد أنا ساااير أشوووف الأوراااق وبرمس عمك لما أشوووف فرصه .. خالد : انزين .. وعندك الوقت اللي تبااا وخلو البنيه تفكر عدل .. ورمسوها عن حياتي وكيف أنا مابا باااجر تيي وتقول ماخذه واااحد أكبر عني وعنده ولد وأرمل عااد ابويه انت ادرى ببنات هالزمن .. بو خالد : لا تحاتي يا ولدي .. ولا يهمك أنا بتصرف .. خالد : مشكووور أبويه ما قصرت .. بو خالد : الا وينها خلوود .. خالد : راااحت بيت عمي .. بو خالد : هالبنيه ما تقر فالبيت .. خالد : ما تنلااام يابوي .. ما عندها أحد .. وبعدين ترووح عندهم تتسلا .. بو خالد : هي صدقك .. يلا يا ولدي أنا بظهر تبا شي .. خالد : لا سلااامت راااسك الغاالي .. بو خالد : يلا عيل فمان الله .. خالد : فمان الكريم الغاالي .. × × نزلت وأنا توني نااشه من الرقاااد .. وكاااشخه لأنه قالو لي باااجر بييون ع الغدا خوااات جابر .. دخلت الصاااله ما شفت أحد .. يلا يمكن بعدهم ما يو .. وبعدين الحينه السااعه اثنعش ونص ... رحت صووب المطبخ ودخلت .. قلت وأنا ميته يووووع : اسيييييييل ؟؟ يا اسيييييييييل .. ما سمعتها .. جاااان أتأأأفف .. : هذي شاللي مطلعنها من المطبخ الحين .. تجدمت عن الثلاااجه عسب ابطلها .. بس سمعت صوووت : يس مداااام ..؟؟ قلت : مدااام فعينج .. استويتي لي مييييري شغالة قووم عمي .. قولي مس ملييييييييييوووووووون مره قلت لج بعدني مس .. أسيييل : انشالله انتي يستوي مدااام ات ذا مومنت .. قلت وأنا ارفع ايدي للسما : ياااااااااااارررررررب عسب أفتك من رقعة ويهج وأروووح بيت زيودي .. أسيل : أمييين مدااام ... مدام واتس يو وونت ..؟؟ قلت وأنا متمله : أقووولها تيس تقول حلبيه .. صدق عيزت وأنا أفهمج ما علينا .. شسمه هذا .. أي وونت ون كاب اوف ميلك أند تو ساندويتش ..؟؟ أسيل : مدااام .. اونلي ساااندويش ....؟؟ قلت : نو .. أي ونت ات ويذ نوتيلا .... أسيل : بات اتس لاانج تاايم مدااام .. قلت : استغفر الله قولي ما تبين تسوووين يالبقره ......... اسيل اني بدي هيييييير ........؟؟ اسيل : يا .. ان يور انكل هوووم .. قلت : عندي عمين ماشالله ........... هوووووووووووووووز ..؟؟ اسيل متخرعه : سيف .. قلت : اها اوكي .. ع قولتج لااانج تااايم .. مابا أكلج .. هفيه برووووحج .. أسيل : واااات مدام .. قلت : لا يكثر بس .. مدااام ان يووور ااااااايس .. تعالي وصليني بيت انكل سيف .. شكلهم مسووين العزيمه هناااك .. اسيل ضحكت: وات مدااام .. قلت : وصليني بس وصليني .. اسيل ابتسمت : مدااام واااااي يو توووك اربيك اند انجلش ان ون تااايم .. قلت : بيكوووز انج بقره وتقولين لي مداام .. اسيل ضحكت : ههههه دونت ووري مس شهد .. قلت : هي زين جذا .. وصلنا لبيت عمي سيف .. وأنا بالأوقايه مالت العيااايز ههه لا مال الصلاااه استغر الله .. أسيل : هوين يو وونت اني ثينج مدااام كول مي اوكي .. قلت : اوكي ياللـــــــــــ ............. خليني ساااكته أحسن لي عيزت وأنا أفهمج .. سيري البيت يلا .. اسيل : بباي مس .. قلت : بباي يالعيووووووووز .. اسيل : نو مدااام ام يوووونج ... قلت : انزين لا يكثر بس سيري .. ههههههههه ضحكت عن خاااطر .. من أول يوم ييت فيه بيت أبوي وأنا متعوده عليها هي اللي تلبي لي كل طلبااتي ودوم تعاند وتقووول لي مدااام عسب تقهرني الخااايسه .. بس وين بتروووح مني .. هع .. × × ...................: اول شي قول لي انك رضييييييييت ..... سيف : سيري عند الضيوووف .... أحلااام : قول انك رضيييييت .. سيف يتأفف : أنا بظهر وانتي خلج اهني وافضحينا يدااام اللي يايين يشوفونج .. أحلام تتأأفف : بس انت مب راااضي ما بكووون مرتاااحه .. سيف : أنا بسير الميلس .. ابرااايج انتي .. أحلااام تتأفف : هذا دوووم جيييييه أووووووف عاااشر حجه اطلعها وما يرضى ,, والحل ........؟؟ × × دخلت وأنا اطااالع اللي قاعدين تجدمت وقلت وأنا مبتسمه : السلااام عليكم .... الكل رد عليه : وعليكم السلام .. تجدمت أول شي عن حرمه عوده بالسن .. أظني أم جااابر وبستها ع راااسها : اش حااالج خالو ...؟؟ أم جااابر : بخير وعااافيه بنيتيه ومن صووبج ..؟؟ قلت : تمام الحمدلله يسرج الحااال .. وسلمت ع البنتين اللي وياها مبين عليهن انهن مريوووم ونوف .. ورحت صوب خالو أم شهااب وبست راااسها وقعدت يمب شذى وخلود .. استغربت ان شييوم محد .. نوف وهي مبتسمه : انتي شهد صح ...؟؟ ابتسمت و قلت : هي شهد ... وانتي نوف .. ردت مريوم بسرعه : هي هذي نوف وأنا مريوووم وهذي أمنا .. اللي هي أم يااابر نسيبج بو سعود .. ضحكت وقلت : مبين من رمستج انج مريوووم .. نوف ابتسمت وقااالت : فاااضحتنا هالبنيه .. قلت : ههه عادي .. أهل نحن .. نوف ابتسمت : وينها أحلااام .. قلت : فحجرتها أعتقد .. انتي ربيعتها روح بالرووح صح .. نوف : هي هههه .. أم جااابر : اش حال شهاااب ولدج وخليفه وخالد عيااال بو خالد .. أم شهااب تبتسم : بخير وعاافيه الغاااليه .. وانتي اش حال العيااال والأهل انشالله كلهم بخير .. أم جابر : الحمدلله ما يشكووون بااااس .. أم شهاااب : الحمدلله الحمدلله .. يعله حال مديم .. قلت وأنا أوقف : عن اذنكم ... ابتعدت ورحت صوب حجره من حجر البيت .. واتصلت بشييوم .. ترييت وترييت ما ترد الحرمه بلاااها .. استغربت ... وخفت وينها .. × × في المطبخ .. ........... : انجل ممكن تطلعين برع ... شيما : لا لا خلج اهني أنا بظهر .. خليفه : انتي تريي .. انجل اظهري .. شيما : شو تبا .. نعم خير .. خليفه : بالهداااوه حبوبه .. شيما : خليفه قول شو تبا ......؟؟ خليفه : شيما بقول لج شي بس حلفي ما تزعلين .. شيما متوتره : قول اش عندك ..؟؟ خليفه : أول شي الرمسه ماباها تطلع برع .. شيما : قول انت ارمس .. الحريم يتريوني .. خليفه بنص عين : اونج عاااد حرمه سنعه هاا ..؟؟ شيما تضحك : هي غصبااا عنك بعد .. خليفه يضحك ويقووول : فديت هالضحكه والله .. شيما استحت : ترمس ولا تراااني بظهر .. خليفه : شيماااااااااا ....... انـــــــــــــــــــــا ...............!! قطع عليهم .. دخول ......... : انتي وينج وأنا أدورج من ساااااعه .. شيما متخرعه : هاااه أنا اهني خير شو تبين ..؟؟ لفيت طاالعت خليفه قلت : اهلين اش حااالك ...؟؟ خليفه : بخير ومن صووبج ..؟؟ قلت : تمام .. ها ع شوو متيمعين .. خليفه : هذي أختج أقول لها زقري الخداامه ومتعااايزه .. شيما تطالعه بنص عين : مب متفيجه .. برايها متى تبا تيي الخداامه تيي .. طالعتهم وأنا فاهمه السالفه وقلت : عيل أنا بروووح بزقرها .. شيما : لا لا أنــــا بروووو ................. خليفه قاطعها : تسويين خير شهووود .. طلعت شهد .. خليفه طالع شيما : تبين الفكه هااا .........؟؟؟ شيما ناااااااااار وشراااااااااار : منك .......!! خليفه : ماا عليه وراااج وراااج والزمن طويل ,, شيما : انزين انته شوووووه ...؟؟ خليفه تذكر وقااال : خلاااص ما بقول لج .. شيما تبا تظهر من المطبخ : برااايك ......... خليفه يتجدم بسررررررررعه : لا لا شو صدقتي ,... شيما ترفع راااسها عسب تقول له ودر ايدي ..: ودر .. ايدي .......... ( وطاحت عينها بعينه وسكتت ما رامت تكمل ) خليفه همس بسرعه : أحبج شييوم .. شيما ويهها صااار طماطم وقااالت وهي تسحب ايدها : خلييييييييييفه .. خليفه : عيونه ....؟؟ شيما ظهرت من المطبخ وهي بركااااااااااااااان بينفجر .. ومستحيه وشكلها مكركب من الخوووف من الكلمة اللي سمعتها من ثواااني .. رااات الصاااله بسرعه ويلست يمب شذى .. شذى : وينج من ساااعه ..؟؟ شيما : كنت فالمطبخ .. شذى : عند منو ...؟؟ شيما تذكرت اللي صااار وبلعت ريجها : عند الأكل ... .. شذى مستغربه : عند الأكل .. جييه تعرفين تتطبخين ..؟؟؟ شيما متخرعه بعدها من اللي صاار : ها لا .. بس كنت أشووف اذا في شي أكله لأني ميته يوووع .. شذى : هيييه .. انزين طااالعي مريوووم .. شيما : بلاااها مريوووم بعد .. شذى : هذي خطيبة عمر ربيع خليفه ولد عمي .. من سمعت طاااري خليفه غاااصت بمكاانها وهي تتذكر يوم طاحت عينها بعينه والكلمه اللي قالها وقالت : ها .. صدق ... شذى : هي صدق محيره له .. شيما : زين زين .. وينها شهووود .. شذى : مع أحلااام أظن .. الحينه بييون .. × فالممر قاعدات يمشون عسب ينزلون تحت ............. .. : هااا انشالله رضا ...؟؟ أحلااام .. : وين الله يخليييج ... قلت لها : حاولي بعد .. وان ما رضى انتي ازعلي هههه أحلام : فكره مش بطاله تصدقين .. قلت : زين زين .. دشت الفكره عقلج ههه أحلام تضحك : جيييه شو قالو لج .. قلت : يلا ننزل بسرعه الناااس من متى يو وانتي تتزينين حضرتج .. أحلام : وين الله يخليج ... كنت قاااعده أراضي بو الشباااب .. قلت : يلا انشالله خير .. × عقب الغداا .. الحريم قعدن بصوووب والبنااات بصوووب ... يلسنا وكل وحده تسووولف .... والسوالف عاااد وناااسهـ .. قلت : منو يحدر منتديات نور الامارات .. أحلااام : أنا قبل الزواااج .. أما الحين لأأ خلاااص .. نوف : لا أنا بعدني .. مريووم : أنا بعد أدشه .. بس دوووم أتضااارب هع.. قلت : الله يعين نور علييج الصرااحه شيما : أنا أدش .. وأرمس يتومه دوم .. نوف ابتسمت : قصدج يتيمة زااايد .. شيما : هي .. ليييييش تعرفينها ..؟؟؟ نوف : هي تصير من أهل ربيعتي .. شيما : شي طيييييييييب .. بصراحه خااطري أتعرف عليها .. نوف : بصراااحه رواية بسمه من شفاتك تموتني وتحييني مسكته مرررررره .. يابتها يتيمة زايد ونسقتها عدددددل شيما : بصرااحه تسكت ع قولتج .. واااي .. عجيبه .. تعالي كيف تعرفين ان البنيه من أهلها .. نوف : لأنها ربيعتي ورمستني هاااك اليوم قااالت وحده من أهلي كتبت كذا وكذا عااد أنا عرفتها .. شيما : صدق الدينا صغيررررررره .. قلت : بس الصراااحه يتومه مسكته برواية آه ياقرب المسافه بين عقلي والهبال ... يابتها صح .. نوف : هي وااايد عجبتني الروااايه .. حتى همس صوتك .. بس همس صوتك كااانت كبدااايه لها .. والبااجي عااد ابدعت فيهن الصرااحه شيما : بس نوره غمضتني يوم ابوها يمووت .. نوف : أنا صحت صياااح يومها ... حسيت اني بمووت هههه شيما : وحتى يوم راااحت بوظبي .. كرهته بدر الصرااحه .. قلت : أصلااا محد ما وااطن هذا بدر .. هههه نوف : بس نهايتها حلوووووه وااااااااااي رومانسيه .. غير انه الولد بيسمونه خليفه ياربي طرررر ع اسم ابوها .. شيما : هذا يوسف خطير ... عليه أفكككااااااااار انما ايه .. قلت : غير شخصيته .. يعني تحسينه يجذب و ماشالله لو بالواااقع جاان كلنا واقفين يدااام باب بيتهم ونتقدم له هع .. نوف : هي عسب نوره تذبحنا هههه .. شيما : حتى مهاااوي وسعود شي .. أحس مهااوي خبله وشخصيتها مرررررحه .. نوف : هي أصلا تندمجين مع الروااايه .. قلت : لا ويوم يزقرووونج ما تردين هع .. مريوووو ترمس بسرعه : بسكم من الرواياااات لوعتو جبودنا ... منو أمس شاااف مباراة العين والأهلي ...؟؟ شيما : أنا جيييييه .. مريووووم : تشجعين .. منووو ...؟؟ شيما : اكيد .. الأهلي .. لأني بنت دااار الحي ........<<<<<<<.. مريوووم : هع .. كليناكم .. كليناكم .. خمسه واحد هع .. شيما : عاادي روحي رياضيه ماصااار شي .. شذى : صدقها كليناكم .. قلت : بس بالمباااراه .. نوف : بسكم من سوووالف المباااريااات ترانا بنااات ههههه ولا شو رااايج أحلااام .. أحلام ترفع رااسها : ها ...؟؟ نوف : شكلها الحبيبه مب ويااانا .. أحلااام : لا بس نودااانه لأني رقدت مـتأخر .. عرفت من رمسة أحلاام تفكر بعمي سيف وقلت : نوف انتي مخطوبه .. محيره ولا شي جذا ...؟؟ نوف : لأأ ههههه بعدني صغيره ههههه مريوووم : أنا محيررررررره أووووف .. قلت وأنا أضحك : لييييييش عاااد ............؟؟ الألألأووووف هذي .. مريوووم : لأنه محيريني حق ولد عمي عمر .. وأنا ما أداانيه موول لأنه عنده كل شي اجباااري وما عنده تساااهل .. مرررره .. نوف تطالعها بنظره حاارقه قلت : عااادي سن المراااهقه كلنا جذا .. مريوووم : سمعتو .. حيها بنت بو شهااب والله .. جااان أخذ شهااب أحسن عن عمووووور هذا المعقد .. طالعت نوف شوي وتذبحها بس عيبتني الصراااحه مريوووم روحها حلوه كل شي بقلبها ع لسانها .. بس حزتها طاااحت عيني بعين خلود .. لقيت الشرر يتطاير من عيونها مدري ليييش .....؟؟ شكيت بشي مب مـتأكده منه للحين .. قلت : نوف انتي شو تدرسين ...؟؟ أحلااام : تراها ويايه .. قلت : أووووه صح نسيت والله .. مريوووم : وأنا تااااسع .. نوف تتأأفف : محد سألج يا بنت الناااس ... مريوووووم : باااااااربيييييييييه أنا برووووح بتمشى فبيتج أحلااام أحسن لي .. أحلام : أوكي حبيبتي .. خلود وقفت : أنا بيي وياااج .. مريوم مدت ايدها : يلا سرينا .. استغربت من تصرف خلود .. خلود أبد ما تحب تتمشى مع ناااس شرااات مريوووم .. كل شي عندهم بحياااتهم حلو .. خلود تحب تمشي مع اللي عندهم حدووووووود لكل شي .. حتى المزح عند خلود يوقف عند حد معين .. وتيمنا نسووولف مع بعض .. خذيت ع نوووف واايد حسيتها حبوبه واااايد ...... وطيبه وحنونه .. عكس مريووم العنجهيه المتسرعه .. الطفوليه ... اللي ابد ما تفكر بالشي قبل ما تسووويه .. × بعد العزيمه الكل رجع لبيته ... يلست تطالعه وهو يطلع الغتره ويعلقها .. : انت بعدك زعلااان ..؟؟ سيف يطالعها : يهمج ....؟؟ أحييد انتي اكبر همج دراستج .. أحلااام توقف وتتجدم منه وتقوول : خلاااص عشااانك بوقف دراسه وما بكمل بس ارضى دخييييييييلك .. سيف يطالعها ويقول : أحلااام شو تقولين انتي ..؟؟ أحلاااك : هي والله قررت أوقف عسب تعرف انه دراااستي مب أهم منك .. انت حياااتي انت كل شي .. سيف يتجدم منها ويمسك ويهها : حبيبي لا تزعلين .. كملي دراااستج عاااد مب عشاااني أنا توقفين .. أحلاام : بس انت حياااتي دنيتي كلها .. ودراستي ولاشي يدااامك .. سيف : أحلااام حبيبي أنا بس حبيت ذااك اليوووم أفهمج انه محد جبرج توقفين هذا كاان اختيااارج .. أحلاام : هي وعشاان جذي أنا خلاااص بوقف .. عسب تعرف أني أغليك عن خاااطر .. سيف : أحلاااك بس أنا أبا ان حرمتي تكون جاامعيه .. أحلااام : بسوي اللي تباااه بس المهم انك تكووون راااضي عليه حبيبي .. سيف : حياااتي أنا راااضي .. بس ما أحب انه شخص يقول لي انت السبب باللي صااار لي .. أحلاام : حبيبي والله ما كان قصدي .. سيف : خلاااص رضيت انزين .. بس اوعديني ما تعيدينها .. أحلااام تلوي عليه : وعد حبيبي .. سيف : لأأ أنا ما ارضى جذي .. أحلاام ترفع رااسها وتطالعه : عااد كيف ..؟؟ سيف : أبااا بوووسه ... أحلام : مناك مناااك ههههههه .. سيف : خلاااص برد بزعل تراني هههههه.. × × طالعت خرانتي .. وطااالعت أورااااقي .. حتى أورااقي اللي قااعده أكتب عليها يومياااتي يوم من الأيااام يمكن بتذلني .. أكيد بتذلني .. وبتكشف سري ... بالفعل الشكوى لغير الله مذله ...تعبت وأنا أشكي لكتبني ودفاااتري عن حااالي .. ابي لو يوم .. أحد بهالدنيا يحس فيني ويحس باللي قاااعده أمر به ... قطع علي تفكيري صوت الباب .. قلت وأنا أحط الدفتر فاالكبت : ادخــــــــــل ...؟؟ دخل وطالعني ابتسم وتجدم عني .. قلت له : هلا الغااالي .. قال وهو يبتسم لي : هلا بنتي .. اش حاالج شهووود .. قمت وبست راااسه وقلت : تمام الحمدلله ابويه .. قااال : شو قاااعده تسوووين ..؟؟ قلت : ماشي قاااعده فاااضيه .. منور حجرتيه باباتيه .. طالعني وقاال وهو يبتسم .. : مستغربه صح .. قلت له : هي الصرااحه أول مره تيي عندي هالحزه .. أبويه : شهود أنا برمسج بدوون ما ألف وأدور .. قلت : خوفتني أبويه ارمس . صااير شي لا سمح الله .. أبويه : لا كل الخير يا بنتي .. بس أنتي كبرتي وصرتي عروووس يابنتي خلاااص .. طالعتها مستغربه وقااال لي : بنتي اباااج تفكرين عدل قبل لا تعطيني قرااارج وتراني ما بجبرج ع شي انتي ما تبينه .. وانتي حره باختيااارج .. قلت له باستغراااب : خير أبويه صاااير شي ..؟؟ ابويه : بنتي ليش جيه متسرعه انتي .. سمعيني اول .. طالعته وقلت : أسمعك الغاالي .. قووول .. طالعته باستغرااب أكثر وقاال : ما بخليج تستغربين وتفكرين .. بقول لج خلاااص .. ترا ولد عمج خالد يبااااج .. طالعته وأنا مستغررررررررربه ع الأخر : يبــــــــــــاني أنـــــــــــــــــــــا .... !! |
الحلقه الرابعه عشر .. ما حسبتك تجامل ما حسبتك تخون .. ما حسبت الخيانه للمحبه ثمن .. ابتدت بك ظنون وانتهت بك ظنون .. بين هذا وهذا ضعت في ما تظن .. أبويه : جيييه انتي ما تبينه ..؟؟ قلت بسرعه : لأأأ مب جيييه بس انت فاجئتني أبويه .. ابويه : بنتي انتي فكري عدل لأني قلت أخذ شورج قبل لا أرد عليهم يا بنتي .. قلت : انشالله أبويه .. بفكر وبرد عليك .. أبويه : واذا ما تبينه ترا هالشي ما بيفرق بيني وبين أخوي .. المهم راااحتج انتي .. وصلي استخاااره .. قلت : انشالله أبويه .. أبويه : تبين شي بنتي بسير برقد .. قلت : سلامتك أبويه نوم العوآفي .. طالعت ابويه الين ما ظهر من الحجره .. رميت راااسي ع السرير ... صاااار اللي كنت خااايفه منه صاااااااار خلاااااااااص .. شو الحل يا ربي .. شسوي .. وبعديييييييييييين .. آهـ آهـ .. لو كنت فدبي ما كان صاااار اللي صااار .. لو انه أماايه ما ساافرت جااان أحين يمكن زاااايد وياااي وعايشه بسعااادهـ .. مسكت شعري بقووووووهـ خااااااااااااااااااااااااااالد شاللي خلااااك تتقدم لي .. شاللي خلاااك تغير رااايك ... خالد دخيلك لا تحطمني .. لا تحطم قلبين حبو بعض .. لا تفرقنااااا خااالد دخيلك .. شو الحل ياربيه .. أتصل بزااايد .. لا لا أتريا شوي لما تهدا الأوضاااع ... أتصل بمنو ...؟؟ خالد وأقول له خالد قول انك تراجعت عن قرااارك واني مب الشريكه المناااسبه لحياااتك ...... خاااالد دخيلك .. تراااجع بس شو بيقووول لي لو قلت له ماباااك ...؟؟ بيقووول لي شو السبب أكيييد .. بيقووول ليش ما تبيني .. أقول له دراستي .. وأتحجج بها .. بسسسسس بيقول مجرد خطوبه وعقب ما تخلصين باااخذج .. ماشي حل ماشي ... أنا لااازم أفكر بشي أخلي خالد يتركني بحااالي ... × × اليوم الثاااني الصبح .. .......... : والله قلت لها .. عمر : احللللللللللللللللف ,, خليفه : عاد شو قاااعد أقول لك من ساااعه .. عمر : ماشي بس ما أصدق .. خليفه ترا نحن بعدنا مسلمين الحمدلله .. خليفه : بس هي بنت عمي ... عمر : حتى ولو .. تخيل يمكن بسبة اعترااافك بترفضك لو تقدمت لها .. خليفه : لا تحبطني انت الثاااني بعد .. عمر : لا صدق في بنااات جذيه .. خليفه بنفاااذ صبر : عموووووووووور تباااااااااني أذبحك ... عمر يضحك : ياريااااااااال اتمسخر ع قولة حبيبة قلبك خخخخخ ....... بس والله انك طلعت قدها .. خليفه : والله توترت ما أنكر .. بس لأاني كنت زااايغ يدش عمي ولا حد هههه وبس ولا منها مووول ما أخاااف .. عمر : شو ردت عليك .. خليفه : قااالت اسمي ... هع وظهرت وبس .. عمر : المسكينه ما عرفت راااسها من ريوولها أكيييد .. خليفه : تدري هم وانزاااح من على قلبي .. عمر : تعااال مريوووم سياااكل يت عزيمتكم .. خليفه : هي جني شفت وحده تتمشى مع أختي .. وعندها الحياااه حلوه عمر : بذبحها هالبنيه .. خليفه : توها ياااهل خخخخ عمر : يلا الله كريم .. تعال ننزل نشرب شي .. خليفه : هي يلا لأنه ريجي يبس وأنا أحلف لك .. × × ............. : خلااااااااص والله رضيييييييييت .. أحلااام : لأأأ بعد بعد .. سيف : أحلاااااااموه رضيت خلااااص هههههه أحلااام : انزين اوعدني ما تزعل مره ثااانيه .. سيف : أول اوعديني ما تزعليني عسب ما أزعل هههه أحلااام : جيييه بيبي انت عسب أزعلك هههه سيف يوقف : عااد خلاااص زعلت ... أحلااام تسحبه من ايده بقوووووهـ وتضحك : خلااااص وعد هههه سيف : هي أباااج جذي مطيعه .. أحلااام : حاااضر يا سيدي وبعد شو تبا ..؟؟ أمر تدلل .. سيف : لو زعلي يسوي جذا .. كل يوم بزعل عااد هههه أحلااام : هي عسب تباني أنتحر ... سيف يتجرب عنها ويقول : أحلاااموه ما في شي فالدرب ..؟؟ أحلام استحت وتوترت : هاااا ...... لا ماشي .. وبعدين تونا معرسين .. سيف : اهااا .. بس تراااني ابا جيش عيااااااال .. أحلااام تبطل عيونها : بل جييييييش مره وحده .. سيف : هي جييييييش ههههه أحلااام : ولا يهمك هههه بس لا تزعل أوكي .. سيف : بشرط ابا تيبين جيييش هههه أحلام تطالعه بنظره : هي أنا اللي بتعب وبصير بو تمبه عقب .. × × ............. : خلاااص أحس روووحي بربي ههههههههههههههههههههههههه حرااااااااااااام عليك .. جابر : هي ربي بسرعه هههه أحسن عسب تردين رشيقه .. شيخه : يبوووووور دبوووووووور حرااام عليك .. جابر : والله الحين بخليج تموتين ضحك عسب تربين .. شيخه : خلاااص آسفه هههههههه والله آسفه .. سعود ايي : بابا .. ماما .. شيخه وجااابر يلفون .. شيخه : هلأأأ حبيبي .. سعود : ابااا .. ميووووووووووم .. جابر يطااالع شيخه : شو تبا فيها .. سعود : ميوووم تلعب اياي .. جابر : ههههه شواخ لا تطرشينه بيت الوالد اذا نوف محد أخاااف مريوووم تخبل به .. شيخه تضحك : حرااام عليك .. أمس حليلها كلت هزبه من نوف .. جابر : تستاااهل ولا متى تصخ مريوووم .. شيخه : جي ولا جي بترد مريوم الأوليه ههههه .. جابر : أخاااف بنتي ولا ولدي اليااااي يورث الجينات اللي عند مريووووم ههههه شيخه : هي مو بعيده .. ترا سعود فيه عرج من مريوووم .. جابر : الله يستر .. شيخه : لا بس تصدق أحس مريوووم يوم بتكبر بتصيير وايد حبوبه وهاديه .. جابر : انشالله .. الله يسمع منج سعود يصااارخ : ودوني بيت يدووووووه .. شيخه : انزين انزين .. أنا محد بيخليني اربي بسرعه غيرك انت وابوك .. × × .............. : لا والله .. أقووول ماما هالكلااام ترا ما يمشي علي ... حاولي مره ثاانيه .. شيما توقف : قلت لج الصدق .. برااايج لو ما تبين تصدقين .. قلت : لا لا لا .. لاااازم ترمسين .. شيما : شو أقووول يعني ..؟؟ قلت : قولي شو قال لج .. يلا حرف حرف .. شيما : أوووووف انزين انزين .. قلت : هي اباااج جذي ولا من متى انتي تخبين على أختج ها .. شيما : انزين .. الله يسلمج .. يوم انج ظهرتي من المطبخ .. بغيت أظهر سحبني من ايدي طالعته وطااحت عيني بعينه قال لي أحبج .. وأنا عاااد صااار لوني أشكااال وألوااان .. قلت خليييييييييييفه وظهرت وأنا متوتره .. هالملخص شو تبين أكثر .. طالعتها : ههههههههههههههههههههههههههههههههه شيما : بلااااج ..؟؟ قلت : حلفي شييوم ههههههههه شيما : شهوووود .. ان ما صدقتي برااايج أنا بظهر .. سحبتها من ايدها وقلت : ههههههههه خلوف روحه قال لج جييه .. شيما : لا ظله .. تصدقين انج مليقه .. قلت : ما أصدق .. شيووم قاعده أتوقع وأتخيل شكلج كييف كاااان واااااااااااي .. ههه شيما : عايبنج الموقف .. قلت : فوق ما تتصورين .. شيما : جان تجربينه بدالي عااد .. قلت : لو بيدي .. ياااااااااااااااااريت .. شيما : شهود استخفيتي .. قلت : لا بس شييوم .. خليفه كيف كانت نظراااته لج .. شيما : مدري والله .. كنت أطاالع الأرض وأنا خااايفه ومتوتره صدقيني .. قلت : لاا بس ماشالله خلوووف جرئ وااااااااااااايد .. شيما : واااي الحين مدري كيف يوم أطاالعه أخااف بيغمى علي من الخوووف .. قلت : مو لهالدرجه عاااد .. شيما : صدق والله فشله شهوووود .. قلت : ههههه الله يعينج .. شيما تطالعني مستغربه : تعااالي انتي شو سالفتج اليوم تدقين سوالف ويايه أحيدج ما تتفيجين لي .. قلت : لاأأ بس كنت أبا أسأأألج عن هالسالفه .. شيما : اها .. قلت : يلا عاااد أنا بسير حجرتي .. شيما : تعالي صح .. اليوم ع الغدا سمعتي بابا يوم قااال الخميس كلنا بنظهر البر رباااعه .. قلت وأنا أطالعها مستغربه : بنظهر البررررررر .........؟؟ شيما : هي بلاااج .. ؟؟ ابويه قااال . جيه ما سمعتي .. قلت : لأأ يمكن لأني قمت اول وحده .. شيما : هي يمكن .. بس قاااالو نحن وقووم عمي وأهل يااابر ريل شواخ وعيااال عم يااابر و أهل أحلااام .. قلت : ماشالله كل العااايله ..؟؟ شيما : هي لأنه الشتا قرب يودعنا .. عاد نلحق ع البر هههه طالعتها وقلت : يصير خير .. يلا عاااد شييوم أنا بسير حجرتي برقد .. شيما : نوم العواافي .. وسلمي لي ع زيود أوكي .. طالعتها ابتسمت ابتساامه باااهته : أوكي .. ظهرت من حجرة شييوم وسندت راااسي ع اليدااار اللي يمب الباااب .. تنهدت عن خاااااااطر .. آآآه يا خااالد لااازم يعني تتقدم لي .. وزاايد حليله ما يعرف عن السااالفه شي .. برمسه أحسن لي .. لاازم أرمسه اليوم قبل باااجر .. ياربي أحس رووحي عااايشه بضيااااع .. حياتي صااارت ضياااع في ضياااع .. والحل ياااربي .. ساعدني ياااااااااارب .. ................. : عسا ماشر .. ليييش هالتنهيده ... تفاجئت وفزعت بنفس الوقت : هااااه ... لا ماشي ... انت من متى واااقف ..؟؟؟ شهاب : توني ييت أخطف ع شييوم شفتج وااقفه .. قلت : هيييه ... لأنه راااسي بينفجر من العوااار .. والصدااع بيذبحني .. شهاب : ارقدي .. يمكن لأنج ناااشه مبجر وباااجر ورااااج دوام جامعه .. قلت : هي أكيييد .. يلا بسير برقد تصبح ع خير .. شهاب : وانتي من أهله .. مشيت عن شهااب وهو يطااالع صوبي مستغرب .. ودخل حجرة شييوم .. دخلت الحجره تجدمت عن السرير .. ورميت روووحي عليه بديت أصيييييييح ياربيييييييه يعني لاااازم خالد يخرب كل شي بيني وبين زايد .. بس أبويه قااال ما بيضغط عليه لو رفضت خالد بكيفي وهالشي راااجع لي ,, قطع علي تفكيري وأنا أسمع صوت الموبااايل يرن .. طالعت الشاااشه بسرعه .. ترددت أرد الصرااحه .. شقول له ..؟؟ كيف أواجهه .. صعب والله صعب .. رديت وأنا متردده .. : آلو .... زايد : هلا حيااااتي ... قلت : هلا حبيبي .. زايد : اش حااالج غناتي ...؟؟ قلت له : تمام الحمدلله وانت شخبااارك ...؟؟ زايد : تمام .. حياتي اش فيه صوتج جذا .. قلت : ها ... لا ماشي بس حلجي يعورني شوي .. زايد : هيييه سلااامات .. سيري الطبيب .. قلت : بمص فيكس وبيصير أوكي .. زايد : شو الجااامعه ..؟؟ قلت : ما داومت اليوم .. ملل .. زايد : ليييش داومي .. مب أوكي تغيبين وااايد .. قلت : مالي بااارض وبعدين اليوم خليت ربيعتي تكتب عنيه المحااضرات واللي طااافني .. زايد : آهاا .. انزين ديري بااالج ع روحج أوكي حبيبتي .. قلت : أوكي .. وانت بعد .. زايد : انشاالله .. يلا مع السلامه .. قلت: مع السلامه حبي .. × × اليوم الثاااني .. مريووووم : قلت لج لأأ يعني لأأأ ...... نوف : مريووووم صخي شو هذا ...؟؟ مريوووم : مالي دخل .. بلبس هذا يعني بلبسه .. نوف : انتي كبرتي وبعدين شو هذا تلبسين برمووده والشباااب كلهم بييون كبرتي خلاااص .. مريوووم : أووووووف انزين انزين بس بشرط البس بنطلون وعباااه مفتوحه .. نوف : اوكي بس قصييير ماشي سمعتي .. مريوووم : انزين انزين .. تعااالي شهد هذي مخطوووبه ..؟؟ نوف : ليييييش انشالله .. مريوووم : أحسها لااايقه على أخوي منصووور .. نوف : أقووول سكتي أحسن لج .. مريوووم : صدق ترا منصووور دوم يقول عني متخلفه لأني ما أعرف فالكشخه والاتيكيت ع قولته أما شهد مسكته فالكشخه والاتيكيت لايقه عليه .. ورزه شراااته و عندهــ ,,,,,,,,,,,,,,,,,,,,,,,,,,,, نوف : بس بس لا يكثر الله يخليج .. سمعي انتي تجهزي من اليوم .. لأني أدري يوم اليمعه بتجلبين البيت عسب شي ضااايع مريووم : انزين انزين .. نوف : ومريوووم يا ويلج وسواد ليلج ان سويتي حركه جيييه ولا جيييه .. مريوووم : كيف يعني ..؟؟ نوف : اللهم طولج يااا رووح .. بس خلج مؤدبه وان قليتي أدبج مع عمر يااا ويلج ... مريوووم : هو اللي يغايضني بنظراااته يحسسني ياااهل ما أفهم .. نوف بهمس : عاد انتي شووو ...؟؟ مريووم : ها شو قلتي ...؟؟ نوف : ماشي .. بس أقووول لو انج ما تطالعينه وااايد أحسن .. وبعدين هو يمكن قصده شي ثااني وانتي تفهمين شي ثااني .. مريوووم : لا لا قصده يحرني نوف تقوم : براااايج انتي .. ما أظن بيوم بتعقلين ... ................. : ههههههه شو فيج نوافي محرجه ..؟؟ نوف : رمس اختك وفهمها تعب وياها الصراااحه .. ما منها أمل تعقل مررررررررره .. جابر يضحك : مريوووم شو مسويه بأختج هااا ...؟؟ مريووم توقف وترفع جتفها : مدري وبعدين انتو تعرفون انه نوف مطوووعه .. جابر يطااالع مريوم لما طلعت من الحجره وقال : هههه ها مطوعه نوافي .. نوف تسلم ع شيخه وتقول : مدري عنها .. هي اللي ما تفهم ... شخبااارج شواخ ..؟؟ شيخه تبوسها : الحمدلله .. انتي شخباارج ..؟؟ نوف : مثل ما تشوفين تعبت وأنا أفهمها وما تفهم .. شيخه تقعد بصعوبه وهي ميوده ظهرها : بتكبر وتعقل انشالله .. نوف : الله يسمع منج .. جابر : وينه سعود ..؟؟ شيخه ما كاان وياااج .. شيخه : توه طلع .. أكيييد رااح مع مريوووم .. نوف : نصيحه مني ابعدوووه عنها ... جابر يضحك ويطلع .. وهو يمشي بدربه شاااف منصور تجدم منه وسلم عليه : اش حااالك ...؟؟ منصور : بخير الحمدلله .. ومن صوبك ..؟؟ جابر : تمام الحمدلله .. منصور : وينه سعود ...؟؟ جابر : توه ظهر من حجرة نوف .. منصور يلف ويشوووف مريوووم يايه ومعاها سعود قاال : حيالله الرياييل .. هلا والله هلا .. سعود تجدم من منصور ومنصور شاله وقال : ماشالله كبر .. جابر : ههههه بيطلع عليك عملاااق خخخخ منصور : شو يبا أكثر عن جييه هههه .. جابر : يلا عاد أنا بظهر ... منصور : تم يا ريااال أنا توني ياااي من برع .. جابر : بروووح بسلم ع الوالد والوالده وبظهر وراااي شغل .. منصور : الله وياااك ... مريوووم : منصووووووور .. منصور يطالعها ويقول : شو منصووووووور بعد البنااات يقولون منصور بأدب واحتراام هب منصووووووور .. مريووووم : انزين انزين شسمك .. ؟؟ عطني هذا .. منصور يعطيها سعود ويقول : خذيييه ها .. بس عن تعودينه ع خبااالج ... مريووم تضحك وتقول : أفاا عليك بعلمه أبو خباالي .. منصور يضربها بخفه ع راسها : طول عمرج أم لسااان .. مريوم : تعال تعال بخبرك شي ... منصور مستغرب : خير .. مريوم : تراني شفت لك عروووس تخبل واتكيت ع قولتك .. وتقوول منسوووري .. ما بتقول منصوووووور شراتي ههههه منصور يطالعها ويضحك : عنلاااتج ويا هالسوالف .. اجلبي ويهج ولعبي مع سعود وايد أحسن لج ... مريوم تروح بعيد : برااايك ترا باااجر بتشيب ومحد يباااك .. منصور : أقووول مريوووم سكتي أحسن لج .. × × يوم الجمعة الساااعه 11:15 الضحى ... ............ : امــــــــــــــــــــــف .. تراني مليت .. نوف : صدقج ملل .. من يينا ونحن يالسين .. قلت : والله بطر عباااتي من الملل .. نوف : وينهم البااجي ..؟؟ قلت : راااحو هناااك صوب العرقوب .. نوف : تعاالي نسير عندهم .. قلت : يلا عليها ... ونحن يالسين نتجدم .. لفيت راااسي شفت صوب الريااييل .. طالعت خالد واااقف يمب سيارته ومعاااه وليد .. تخيلت للحظه اذا أنا وياااهم أو اني زوجته .. وليد بيكون ويايه أنا .. لا لا أعووووذ بالله شو هالأفكاار أنا أحب زااايد .. وأنا لزايد .. نوف : شهوووووووووووووووود .. طالعتها مفزوعه : هاااااه ...؟؟ بلاااج طيحتي قلبي ... نوف : بلاااج تطالعين أخويه ..؟؟ قلت وأنا مستغربه : أخوووووووج ..؟؟؟ نوف : هي أخويه هههه عاد منو ولد الجيران .. قلت وأنا أطاالع صوب جااابر : أخوووج ذاااك الصوب وأنا قاااعده أطاالع هالصوب .. نوف : لا لا أقصد منصووور ... قلت وأنا مستغربه : منصوووور ..؟؟ نوف : هيييه منصووور .. أخويه .. قلت : ليييش عندج أخو اسمه منصووور .. أول مره أعرف والله .. نوف : هي يمكن لأنه ما يختلط وااايد مع العااايله ودوم برع .. قلت : يمكن .. بس تعاالي ماماتي تراني ما أطااالع أخوووج .. نوف : هههه انزين خلاااص صدقتج لا تاكليني .. قلت : هيييه أتحرا بعد .. مشينا ومشينا الين ما وصلنا أنا ونوفاني للبنات معنهم جراااب بس نحن نمشي على بيض هع .. تجدمنا وقعدنا ويا البنااات .. طالعت خلود قاااعده مع مريوووم .. غريبه هالانسااانه وقالت لي خلود : شهووود وينج صار لج أسبوووع كامل ضااايعه لا حس ولا خبر ..؟؟ قلت : هههه عاد بدينا جامعه والهموم يت مره ثااانيه وردت لنا ... خلود : زين عاااد نحن لاااحقين ع صدعة الجامعه وخرابيطها .. نوف : بس الجااامعه أهون من المدرسه مليون مرررهـ .. قلت : هي صدقج .. الجاامعه واايد أحسن من المدرسه .. شذى : يلا عقبااال ما ندش الجااامعه .. شييوم تطالعني وتقول : شهووود أحلااام وين ...؟؟ قلت : أعتقد قااعده فالسياره مع عمي ,,, شذى : خيبه حتى اهني فالبر لااازم يقعد وياها .. قلت : صلي ع النبي .. عن تصكينها .. بعين .. شذى : ههه تف تف عن الحسد .. مريوووم : شيخوووه وين ..؟؟ قلت : استحي ع ويهج شو شيخوووه .. الناس تقول شواخي .. شيخاني .. هب شيخووووووووووه .. مريوم تضحك وتقول : أقووول لكم شرات منصوور ما تصدقوني انتو .. نوف طالعتها وقالت لي : سمحي لي هاااي تطلع الرمسه جذيه .. قلت : لا عااادي ما تقصد حليلها .. خلود : مريوووم تريي بيي وياااج .. طالعت خلود وأنا مستغربه .. مدري اش ياها البنيه قااامت ترابع مريوووم .. أو أوووه مب لايقين لبعض اممممرررررررره .. وخلود هاديه وخلوقه عكس مريوم الحشريه والدفشه هههههه .. تغدينا كلنا .. ونحن البنااات كالعااده نقعد رواحنا والشباااب رواحهم .. وطبعا ما نبتعد وااايد لأنه حتى فالبر البناات حليلهم ما يااخذون راحتهم والشباااب لاحقينهم .. طالعت صوب الشباااب وقلت : بنااات بناااات يايبين دراجات ... مريوووم وقفت : بروووح أنا ... نوف قاطعتها : ماشي ..... منصووور بيذبحج .. قلت : هي ما يصير نركب لأنه شي شباااب وااايد .. مريوووم تتأفف : أووووووووف حتى فالبر ما ناااخذ راحتنا .. شو هذاااااا ......؟؟ نوف : ميامي صخي وقعدي مكانج .. مريوووم تقعد : انزين انزين .. طالعت صوب الشباااب وقلت : ياربيييييييييي طالعو شقاااايل مستانسين هب نحن اللي قارين بمكان واااحد من يينا .. مريوم : أقووول لج نسوووق دراااجات ما تيين ويايه .. قلت : لا أمي استريحي لا أنا ولا انتي .. محد فينا بيسووق مريوم بدت تتأفف : طااالعو عموووور شقااايل مستانس ويلعب بالدراحه لعب وأنا بمكاااني .. قلت وانا أضحك : حرااام عليييج خلي الريااال بحاله .. شييوم : عطشت ابا اشرب ماااي قلت : هناااك غرش الماااي سيري اشربي .. شيوم غمزت لي بمعنى تعالي جان أقوول : اوكي بيي وياااج لأني عطشااانه .. خلود وقفت وقالت : وأنا بعد بلحقكم بعد ثواااني .. وقفت ووقفت شييوم وبدينا نتجدم من الماااي شييوم قالت : شو سااالفة خلود مررره مب طبيعيه .. قلت : هي حتى أنا لاااحظت هالشي .. شييوم : ما علينا المهم .. خليييفه بيجتلني يا شهد .. طالعتهاا وأنا مستغربه : بيجتلج .. خير صااار شي .. لاسمح الله .. شييوم : لأأأأأأأأأأأع ... بس كله يطالعني .. طفر بي .. حتى أوقايتي ما أروم أعدلها .. قلت وأنا أضحك : هيييييييه عيل السالفه جييييه هههه أحسن ,, شيوم : سكتي سكتي هذي خلود نشت جنها يايه صوبنا .. خذيت الماااي وفتحته .. وقلت : شييوم ودريني وياها روحنا .. شيما : ليييييش انشالله ...؟؟ قلت : ما يخصج .. يلا سيري أول ما تيي .. خلود تجربت عنا : هاااااااااي قااااااااااايز .. طالعتها وقلت : هاياااات يا حلوووه .. شيوم جبت باااجي الماااي اللي فالغرشه وقالت : أنا سااايره أقعد يلا أترياااكم .. طالعت شييوم لما راااحت وقلت : خلود خذي لج ماااي وتراني أباااج فسااالفه .. خلود تاخذ لها ماااي وتقول : أوكي .. بس خير ...؟؟ قلت : خير خير .. انتي تعالي ... مشينا أنا وخلود وقعدنا بصوب ع رمل الصحرااا .. قالت : شهود زيغتيني شالسالفه .. قلت : ماشي بس انتي ليييييش لاصقه بمريوم وتصرفااات صااايره غيييير ...؟؟ خلود : ماشي .. بس قمت أحب أمشي وياها ... قلت : أنا ما أمنعج من المشي وياها بالعكس مريوووم حبوبه ... بس انتي صااايره هب خلود اللي أعرفها .. خلود : تبين الصراااحه شهووود .. قلت : أكيييييييد .. خلود : حلفي ما تخبرين أحد ... قلت لها : ما بخبر أحد .. خلود : هي تقووول بااخذ شهاااب وباااخذ شهااب عاد أنا أغااار منها أخاااف شهاااب يوم يطالعها ينساني .. قلت باستغراب : ينساااااااااااج .. خلود : هي ينساني .. قلت : خلووود انتي تعرفين معنى الكلااام اللي تقولينه .. خلود تهز راااسها : هي ... معناته اني أحب شهاااب .. طالعتها متفاجأأأه : خلود انتي من صجج .. خلود : شهوود بلاااج جنج ما تعرفين شي عن الحب .. قلت : خلووود انتي صاااحيه .. أولا انتي صغيره وثاانيا هالسواالف ما بتفيدج وثااالثا اهتمي بدراستج .. ورابعا واللي هو الأهم شهاااب كبير عليج يااا خلوووود .. خلود : ما يهمني ولا واااحد من اللي قلتيه .. أنا أحبه وبس .. قلت : خلووود اصحي عيب هالكلااام ولا تقولينه يدااام أحد .. انتي تعرفين شو معناته هالكلااام .. خلود : شهووود لييييش كل شي عييييييييب بحياتنا ..؟؟ قلت : خلوووود انتي بعدج ما تعرفين اشيااا كثيره بالحياااه .. وبعدين انتي بسن جدااا حرج .. عادي تغلطين .. خلود : شهد بس أنا أحبه .. قلت : حبييييه برااايج بس حبيه فقلبج محد يدري .. حتى ظلج المفروووض ما يدري .. خلود : انزين .. بس حرااام لا تخبرين أحد .. قلت : ما بخبر أحد بس خلووود شيلي هالأفكاااار من راااسج .. خلود : أوكي .. يلا نسير عند البنااات .. قلت : يلا .. عيب مودرينهم رواحهم .. × × بعد مرور يوم ع الأحداااث السابقه .. يدااام احدى المحلااات اللي يكون فيها التجمعات الشبابيه اللي في مدينة العين .. شهاااب : يلا عاد بروووح أنا .. خليفه : تو الناااااس .. ياخي انت ليييييش جيييييييه دومك مستعيل .. شهاب : هذي شهووود تقول وصلني بيت ربيعتي بتذبحني لو تأخرت .. خليفه : دااام شهووود أوكي .. شهاب يضحك : يالهرم ........... هههه أوكي يلا باااي .. خليفه : بااااااااي خليفه مسك تلفون ودق على عمر : ألو .... ويننننننننننننك ..؟؟؟؟ عمر : ارفع راااسك وبتشوفني ... خليفه طالع يدااامه ولف بنظره شاااف عمر : زييييين يييييييت ما بغيت .. عمر يضحك : هههههه ييت ييت لا تعصب .. خليفه : تعال ندش داااخل .. عمر : يلا .. وترا بتعزمني ع حسااابك .. خليفه يضحك : أفا عليييييك يا صديقي الصدووووق .. عمر يضحك : حلوه هاااي ...... صديقي الصدوووووووق .. خليفه : اقووول عمووور .. خطيبتك كانت ويانا فالبر .. عمر : اش يااااااااااب هالطاااري ياخي اش يااابه .. خليفه يضحك : لهالدرجه مغربله فيييييييييك .. الحرمه .. عمر : لا ويوووم الرده قااالت بركب ويا عمووووور .. أونها رومانسيه وهناااك تسولف وياي عن مكااين السياااير .. خليفه يضحك : حراااااام عليك عاااد توها صغيره .. عمر : وييييييين .. أصلا هي تتعمد تحرني أعرفها .. خليفه : تعااال أنا حبيبة البي أونها ذااااك اليوم خقاقه ما تطالع صوبي .. عمر : وه .. اش كثر البنااات اللي كانو ويانا .. خليفه : انا الحمدلله ما طالعت غير حبيبتي .. الا اذا انت ................... عمر يضحك : لا تخاااف أنا كنت مقهور من مريوووم سياكل وبس .. خليفه : زييين أحسن بعد لأني ما ارضى ع محارمنا .. هههه عمر : اسكت اسكت تراااني بخبر عمي بو شهاااب .. خليفه : خبره .. وأنا بروووح بخطبها هههههههه عمر : تعااال ما قلت لي شهااب وياااك .. خليفه : هي بس توه رووح يوصل الأهل ويرد .. عمر : اتحرا بعد لانه نساااااانا مرررررررره .. خليفه : ذاااك اليوم راااح روتانا اللي في فجيره وبااات هناااك .. آآآآآآآخ قهرني والله .. عمر : اسألك هذا ولد عمك ما عنده مكااان يروووح له غير فجيره .. ميت ع فنادقهم أعوذ بالله .. خليفه : شكله بياخذ وحده من الفجيره ههههه .. والله لو أنا منه بنقط فدبي وما بطلع منها .. عمر بنص عين : أكييييييد دااار حبايبنا .. خليفه : عموووووووووووور .. عمر : ههههه انزين خلاااص خلاااص بنكست يااابوي .. × × خالد : وبعد .........................؟؟ وليد : حواوه و بيبسي و ثوكليت .. وووو ....................... خالد : بس بس ضرووووسك بيتفعلن من كثر هالحلويااات .. وليد : ثو يعني يتبلع ..؟؟ خالد يضحك : ههههه هب يتبلع .. يتفلع .. بيصير كله سوووس وأسود ومو حلو .. وليد : عااادي انذين بابا .. نروح دكتور .. خالد : بيعطيك ابرررررره .. وبتتعور تبا جذي انت ..؟؟ وليد : لا لا خلاااص أبا حليييب مابا حواوه .. خالد : شااااطر ولدي .. يلا ننزل .. وليد : بابا نحنا وين يينا ..؟؟ خالد : بنروووح نشرب عصير من اهني .. وليد : بابا أبا حليب بالفراوله .. خالد يضحك ويطالع تلفونه اللي يرن .. شال وليد وقال : انشالله فديتك .. ( رد ع التلفون ) هلا منصور .. هي هي قاعد أدخل .. دخل الكوفي وتجدم من الطااوله اللي قاااعد عليها منصور وسلك عليه وتخاشمو : اش حالك ..؟؟ منصور : بخير ومن صوووبك ...؟؟ خالد : تمام .. منصور يطالع وليد : اش حاااالك حبيبي .. وليد تلوم .. جان خالد يقول له : سلم على عمي وليد ... وليد مد ايده وايده الثااانيه حاط صبعه فحلجه .. وسلم .. منصور قاال : فديتك .. اش حاالك حبيبي ..؟؟ وليد : ذين .. منصور يضحك وهو يقعد : ذين .. يلا انثالله دوم ذين هههههه خالد يضحك : تريا ان ما خليته يأدب بنتك ويكرفها كراااف يوم بياخذها ههههه منصور : لا لا عاااد جذي ما بعطيكم بنتي .. خالد : بنخطفها نحن ههههه صح وليد ... بنخطف اسوار .. منصور : وليد لو بتخطف اسوار .. اسوار ما بتحبك موووووول .. وليد يطالع ابووه ويقول : نشتري لها حواوه .. بعدين تحبنا ثح بابا .. خالد : هي صح باباتي .. منصور : أول انتو خلو اسواااار تيي عقب خذوها ما تاخذونها برايكم .. خالد : ياخي بتعقد البنيه بالاسم اللي مختارنه لها .. منصور يضحك ويقول : جييه يعني مب عايبنكم .. خالد : بيقولون عنها عقب مسلسل ههههه منصور : من متى وانت تطالع مسلسلات ماشالله ما أحيد .. خالد : سمعت خلود فالبيت طايحة لي فالتلفون فمسلسل أسوااار صار جذا وجذا .. عاد حفظنا خلاااص .. منصور : هههه الله يحفظها .. شفتها هاااك اليوم فالبر كبرت ماشالله .. خالد : هي الله يحفظها .. تعااال انت ليييش تطالع محارمنا ها ههههههههههههه منصور : الا اهيه خلود اللي يت مع أختي مريوم وسلمت علي .. خالد : لا تبا الصرااحه أختك هاااي من شفتها من سنتين بعدها هي هي مريوووم الأولانيه هههه منصور : الله يعين اللي بياخذها هههه خالد : تعاال ع طاااري العرس .. تراني خطبت .. منصور مستغرب : خطبت ..!! خالد : هي خطبت لييش مستغرب ..؟؟ منصور : لا ماشي .. بس خلود انت بتتزوج ما يت ع بااالي مووووووول .. خالد : لا لا شو قالو لك عني .. هههه بس بعدها البنيه ما ردت .. منصور : انشالله توافق بس منو هاااي .. خالد : بنت عمي .. بس ما ادري اذا توافق ولا لأأأ ... وترا للحين محد يدري بالسالفه .. منصور : أحسن .. عسب مايصير مشاااكل .. خالد : صدقك .. منصور يطااالع وليد ويغمز له : وانت متى ناااوي تتزوج يا بطل .. وليد تلوم وقاال : بابا ابا حليب بالفراااوله .. خالد ضحك وقاال : وليد قول لعمي ما بتزوج الا يوم انت تتزوج .. × × شهاب : تبين شي ثاااني شهود .. قلت : لا سلااامتك .. شهاب : يوم تخلصين اتصلي بي أوكي .. قلت : انشالله .. يلا الله وياااااك .. نزلت واتصلت بأماني ... ترييت الين ما ردت .. قالت : هلا والله بشهود .. قلت : دبووووه وييييييييييينج صااار لي خمس دقااايق واقفه يدااام بيتكم .. يلا اطلعي واستقبليني .. أماني تضحك : ههههههههههه أوكي اوكي يلا دشي وبتشوفيني .. قلت : أوكي يلا أترياااااج .. صكرت وتجدمت عن الباااب العود .. مال الصااله وفتحت لي اياااه أماني .. دشيت : السلااام عليكم .. أماني كاااشخه وتبوسني : وعليكم السلااام والرحمه هلا والله هلا بشهوود عسولتي .. قلت : ههههه كل هالحب لأني ييتج .. أماني : هي أكيييد حياااج حياااج .. مشيت مع أماني ورحنا صوب الصاااله وقعدت .. فتحت شيلتي وقلت : بيتج ...؟؟ أماني : نو نو مع أهلي ريلي ... بس عااادي محد بيدش الحين .. وبعدين محد فالبيت غير ريلي وبيي متأخر .. قلت : اهااا .. وين عمووتج ..؟؟ أماني : فديتها راااحت الغربيه بيت قوووم عم ريلي .. لأنه مرت ولدهم ربت .. قلت : اها .. عندج حميااات ..؟؟ أماني : معرسااات .. بس ييون عندنا دوم .. وهم حميتي ربت قبل أسبوووع هههه قلت : اهاااا يلا عقبااالج دبووووه .. هههه كلهم ربو الا انتي وأختي وشواااخ .. أماني : حرااااااااام عليج توني الشهر السااادس بعدني ماماتي .. وتعالي شواااخ حااامل ماشالله .. قلت : قلت .. هي .. وبتربي هالشهر انشالله .. أماني : يلا الله يسهل عليها وعلي .. قلت : أميين .. قولي لحبيب خالوووته يطلع بسررررررعه لأنه ودي أشوفه .. أماني : هههه انشالله ( وتطالع بطنها ) سمعت حبيب خالوتك .. قلت : هي علميه من الحين .. أماني : أنا رااايحه اييب لج شي تشربينه .. قلت : لا ما يحتاااي أمووووون .. أماني : بس اييب لج عصير انزين والفواله خل الخدااامه تييبها هههه ما فيني ع الشل والحط .. قلت : هي عقب تتوهقين وظهرج يعورج ههههه أماني : ثواااني حبيبتي .. قعدت ألعب في فوني .. وأتريا لما أمون تيي .. أنا مستااانسه اليوم لأني ييت عند أمووون وأتريا متى اهيه تيي عندي .. واااي أحبها اش كثر يلا انشالله ما نفترق مره ثااانيه .. رفعت راااسي لما سمعت صوت باااب الصاااله يتفتح ... طااااااااالعت اللي دخل وبااانت على ويهي الصدمه .. بغييييييت أذبح روحي اسوي أي شي .. .. .. بغيت أفر روحي اهني ع الأرض وأنا ميته صيااااح ... أبا أمووووووووووووووووت يااا عالم .. خلااااص مابي الدنيا مابيها ... |
الحلقه الخامسه عشر .. أسامح مين ولا مين ,, أسامح قلبك القاسي ولا عيونك الحلوين ,, خطا عينك خطا قلبك و تقول الذنب مو ذنبك ,, طالعته وأنا مصدومه ... طالع صوب المطبخ ونزل راااسه ومشا بسررررررررعه .... دموعي تجمعت بعيوني .. لهالدرجه أنا رخيصه تلعب فيني لهالدرجه .. لهالدرجه تلعب ع الحبلين .. بس عمرررررره اللي يلعب ع الحبلين ما ينجح .. لازم لعبته تبااان وينفضح .. مسحت عيوني بالكلينكس بسرعه .. أماني طالعتني مستغربه .. : شهووود اش فيييج ...؟؟ قلت لها : ها لا ماشي ... أماني يتق عجت يمبي وعطتني ماي : شهووود حبيبي شو فيج ..؟؟ حطيت راااسي عليها ولويت عليها : أمووووووووون .. أماني تطالعني وترف راااسي وتقول : شهووود بسم الله عليج شو فيييييج ..؟؟ قلت لها : أمووووون أناااا أنااا ... أماني : شهد حياتي شو فيج ..؟؟ رفعت راااسي واستحيت أقول لها جااان اقول : تذكرت أمااايه .. أماني تمسح ع راااسي وتقول : حبيبي شهووود ماصاار شي .. وانشالله بتشوفين أمج .. قلت : متى أمووون متى ...؟؟ والله اني مظلومه بحياااتي مظلومه بكل شي .. أماني : انشالله خير شهوود ما عليج انتي خلي ايمانج بربج قوي وكل شي بحياااتج يصير زين .. والحين يلا قومي غسلي ويهج .. قلت : لا أمووون بسير البيت أحس روحي تعبااانه .. أماني : والله ماشي طلعه الا عقب ما تتعشين .. قلت : لا أمووون مابا أتعبج .. أماني : أي تعب وبعدين أنا حلفت والحين المغرب مب باااجي شي ع العشا .. ابتسمت وقلت : داامج حلفتي أوكي .. أماني : يلا قومي غسلي ويهج .. قمت ورحت صوووب المغاسل .. وغسلت ويهي وبديت أمسح الجحااال بالكلينكس .. الين ما نظف ويهي .. رديت قعدت .. أمون مدت لي المااي : يلا اشربي وبعدين حياااتي شو هذا ما أحيدج جذي ضعيفه .. قلت : أمووون يوم تنطعنين ما يستوي فيج شي بس تنجرحين .. بس اذا زااد الطعن وخاصتا لو ياااه من شخص غااالي ع قلبج حييييل ويمكن أغلا من عرفتي بهالكووون بيستوي فيج أكثر عن جذي .. أماااني : شهووود حياتي انتي استهدي بالله وبعدين تراااج وترتيني عقب ولدي بيطلع متوتر بكل حياته .. ضحكت معني بداااخلي افكر باللي صاار قبل ثواني وقلت : ههههه هي الياهل يااخذ صفااات أمه يوم يكون ببطنها لو تسمعين قران بيطلع يسمع قران ولو تسوين أي شي يطلع عليج .. أماني : هي عشااان جذي أقول لج لا توتريني هههه قلت : تعاالي أمون انتي قلتي لي محد فالبيت غير ريلج ..؟؟ أماني : هي هو الوحيد اللي اهني .. وبعدين نحن ما عندنا أحد فالبيت غيري أنا وعموتي وريلي .. قلت وأنا خاااطري أمووت : اهااا .. بس زين عموتج عندج .. أماني : هي حليلها كبيره وبعدين نكسب أجر .. ودعواتها لنا موفقتنا بحياتنا .. قلت : هي فديتج مأجووورهـ .. أماني : شهوووود انتي ما رحتي الجاامعه اليوم .. قلت : لا مالي خلق هههههه .. أماااني : كسووولهـ .. أحيدج أيااام المدرسه جذي .. قلت : هي الشهااااده مدري كم يوم كله غياااب بدون عذر ههههه .. أماااني : ترمسين البنااات .. هيا و مرام و ميثا .. قلت : لأأ ويييييييييين .. بس اللي أعرفه ميثوووه عرست ههههه .. أماني : صدق والله ههههههه والباااجي .. قلت : ما أعرف عنهن ولاااا شي ... أقول لج أنا مرررررره قطعت الكل عقب الثاانويه .. أماني : بس زين تذكرتيني .. آهـــ يا أماني ليتني ما ذكرتج ولا ردينا رابعنا بعض . أماااااااني أنا أخووووووونج : هههه هي .. قضينا وقتنا أنا وأمون بالسوالف الين حزة العشا وعقب شهاااب مرني وردني البيت .. استانست مع أماااني كشكل وبس أما من داخلي أتحسف وأدعي بالمووت .. × × بليل الساااعه 30 : 11 بتوقيت الامااارات وتحديدا مدينة العين ... شيخه : جااابر الحق بموووووووووووت .. آآآآآآآآآآآآه .. جابر لف وهو كله رقاااد : شيخوووه مب وقته .. شيخه تصيح : جاااااابر الحق علي بربي جااابر ... جابر قاام مفزززووووع : هااااااااه ... ؟؟ شيخه : بربي جااابر بربي .. جابر : نشي انزين لبسي عباااتج عسب نسير .. شيخه : ما اقدر ما قدررررررررررررررر .. جابر قام بسرعه لبس كندورته وخذا السويج وعطا شيخه العباااه وغطاها بها .. وساعدها عسب توقف وداها الين السياااره .. شيخه : جااابر سعووود روووووحه فالبيت .. جابر : ما عليج انتي ركبي لا تحاتين .. جابر دق سلف وبسررررررررررعه اتجه لمستشفى توااام .. × × نوف نشت مفزووعه .. وطالعت رقم جااابر تخرعت ردت بسرعه : الو ... جابر : هلا نوف .. نوف ما خلته يكمل وقااالت وهي مفزوعه : شيخه فيهااا شي .. جابر : لا ما فيها شي .. بس انتي سيري قولي لمنصور يوديج بيتنا سعود روحه .. نوف : شيخه وين .. بكلمها .. جابر : نوووف شيخه فعنبر الولاده انتي سيري قولي لمنصووور يوديج عند سعود لأنه عند الخدامه رووحه .. نوف : اوكي .. نوف قااامت بسرعه وراااحت لبست عباتها وشيلتها وراااحت صوب حجرة منصور دقت الباااب كذا مره ما بطله .. آخر شي دشت .. وشافته رااقد .. راحت صوبه توعيه : منصووور منصووور .. منصور ما رد عليها ... نوف : منصوووور قوووووم منصوووووور شيخه قاعده تربي وانت راااقد .. ودني عند سعووود روحه فالبيت .. منصور قااام وقال : شووو تقولين ...؟؟ نوف : سعود روحه فالبيت وشيخه قاعده تربي .. منصور نش : اوكي بتلبس وبوديج .. نوف : بسرعه .. × × طالعت السما من الدريشه .. حطيت راااسي على ايدي : أنا اش سووووويت .. هذا أكبرررررررر غلط بحياتي سويته أكبرررررررر غلط .. ليتني مت قبل لا أسويه ... تجدمت عن الحمااام ودخلته .. فتحت الكبتااات اللي فاالحمام كلها وبديت أصيييح .. فتحت ماااي الدش .. وبديت أصييييح بديت أطااالع روحي فالمراااايه واشد شعري .. خانني الخاااااااااااااااااااين جذب عليه جذب عليه ما أحبه ما أحببببببببببببببببببببه .. سمعت صوت التلفوووون يرن .. رحت صوبه بسرعه ورديت .. قلت بدون ما أسمع حسه .. : أكررررررررررررررررهك أكررررررررررهك من كل قـــــــــــــــــلـــــــــــــــبـــــــــــــي ... تدري شو يعني أكرهك .. خلاااص انت ماااضي بحياااتي .. الله يسامحك معنه الخطا مو خطأأأك .. خطأأأي أنا اللي وفيت لك وحبيتك .... وسديته بويهه بديييت أصيييح من كل قلبي .. سمعت التلفون يرن ويرن ويرن .. مااابرد لو موتي .. ما برد ... سمعت صوت التلفون وييني مسجااات .. هه خل جذبه ينفعه .. × × الساااعه 3 الفير .. تلفون أم شهاااب يرن .. ردت بسرعه وهي منتظره هالاتصاال ييها من اياااام عده .. : السلام عليكم .. جابر : وعليكم السلااام .. أم شهاااب : ها بشر ولدي شيخه ربت ... جابر : هي عمتي .. ربت بالسلامه ويااابت ولد .. أم شهاااب مستانسه : الله يحفظك يااا ولدي .. الله يحفظك .. وينها الحين .. جابر : راااقده يالغاليه .. أول ما تنش بخليها ترمسج .. أم شهاااب : انزين ولدي .. عاااد الصبح نحن بنتصل بك .. وبنيي نزورها .. جابر : انشالله عمتي .. بعد ما بندته .. طالعت بوشهااب .. بوشهاااب مبتسم وقااال : ها بشري ربت ..؟؟ أم شهااب : هي الحمدلله وياابت ولد .. بو شهااب : الحمدلله .. أم شهااب : ارقد عسب باااجر الصبح تودينا المستشفى نبا نطااالع حفيدنا .. بو شهااب يبتسم : انشالله ... سيري بشري البنااات .. أم شهااب : يمكن رقوود .. بو شهاااب : ما ظن أكيييد شييوم وشذى واعيين لأنه اجازتهم .. أم شهااب : يلا عااد بسير بخبرهم وعقب بصلي قيااام ليل لأنه مب باااجي شي ع الساااعه اربع .. طلعت أم شهااب وراااحت صوب حجرة شيما دقت البااب ودشت .. شافت شذى وشيما ع اللااب .. طالعتهم بحده : انتو ما تودرووون هالشيطااااااااان .. شيما ابتسمت : لا بنودره بس يوم الشيطااان يمووت هههههه أم شهااب ابتسمت : ما علينا من خبالكم .. ترا شواخ ربت ويااابت ولد .. شيما وشذى نطو من مكانهم : صــــــــــدق .. أم شهااب : هي صلو ركعتين نفل .. واشكرو ربكم .. يلا أنا سااايره أخبر شهووود .. شيما وشذى لحقوها .. وشيما قااالت : أنا بخبرها .. هع أبا العب بأعصااابها .. أم شهاااب : الله يستر .. لو انتن بتخبرن شهد .. عزل الله شهووود راسها عورها .. شيما دزت الباااب بقوووهـ وقالت : تراااااااا شهووووووووووود مفاجأأأه ... شذى مستغربه : وينها شهووود .. أم شهااب زاغت : ويه .. وينها بنتي .. شيما ابتسمت لما سمعت هالكلااام وقااالت : لا تحاتون قطوه أم سبع ارواااح شهووود .. شذى تجدمت عن باااب الحمااام ودقته .. وقالت : شهوووود .. شذى طالعت شيما : مب اهني شهووود .. أم شهااب راحت صوب شيما وقالت : شيما فجي الباااب .. وانتي شذى سيري شوفي فالبلكونه .. أنا بشوف في غرفة التبديل .. شذى راااحت صوب البلكونه وشيما فتحت باااب الحمام وانتو بكرامه .. أم شهااب لفت وقالت : مبـ ........................... شيما سبقت الكل وصااارخت بأعلى صوتها وقالت : شهووووووووووووووووووووووووووووووووووووود .. أم شهاااب وشذى تخرعو وتجدمو من شيما اللي كانت شوي وتموووووووووت ... شيما تصااارخ وماسكه راااسها وقااالت بأعلى صوتها : أختييييييييييييييييييييييييي .. أختي شو صااار فيها .. شذى بدت تصيييح وراااحت بصوووب وبدت تصييح بصمت .. أم شهااب طلعت من الحجره بسرررعه وراااحت لبو شهاااب .. شيما تجدمت من شهد وحضنتها وبدت تصيييح بمرااااااااااااارررررررررره : أختي لا تروووحين .. شهود أنا أحببببببج .. شذى راااحت صوووب شيما وحضنتها وقااالت : شييوم شهوووووووووود مااااااااااااااااااتت .. شيما بدت تصيييح بأعلى صوتها : لأأأأأأأأأأأأأأ .. أختي ما ماتت .. أختي حيه .. أنا اللي بموووووووووت بس شهوووووود خل ما تموت × × دخل الطواااري بسررررررررررررعه وهو يمشي بسررررعه .. تجدم عن الرسبشن وسألهم عن مكانها ,, تجدم صوووب العنااايه بسرعه وقال : ها شخبااارها الحين ..؟؟ لفت شيما وقالت وهي ميته صياااح : من اربعه الفير بعدها فالعناايه ما ظهروها .. خليفه قال : تعالي اقعدي انشالله بتنش .. شيما : مااابي ... أختي بتمووووووووت .. خليفه ما كلمها عرف حالتها ما تسمح .. راااح يدااام العنااايه وشاااف عمه وابوه ومرت عمه وشهااب قااعدين ... خليفه رااح باااس راااس عمه وابوه وقال : ها اشحااالها بشرو ... بو شهاااب حزين : ما ادري .. بعدها حالتها ما استقرت .. خليفه : انشالله تستقر ... طالع مرت عمه : عموووه ريحي انتي من الفير اهني ... أم شهاااب تصيح وتقرا قرآآن : هي أنا بسير المسيد بريح وبرد عقب شوي .. خليفه : عمووه شلي وياااج شيما لأنها ذااابحه روحها من الصياااح وواقفه يدااام المدخل .. أم شهااب وهي توقف : انشالله .. خليفه قعد يمب شهااب اللي ملااامح الحزن مغطيه ويهه وقال : لا تسو برووحك جذي انشالله تنش بالسلامه .. شهاااب رد رااسه لورا تنهد وقال : انشالله .. خليفه : خالد اهني ...؟؟ شهااب : توه ظهر .. رووح يريح .. من االفير وهو اهني .. خليفه قال : هيييه ... انزين شو سالفة شهووود .. شهااب بحزن : مادري .. بس يقولون حاااولت تنتحر .. خليفه تخرع وقاال : تنتحر ..........!! شهاب هز راااسه : هي .. بس يمكن بالغلط بعد .. خليفه : انزين كيييف وبأي طريقه .. شهاااب : يقولون شاااربه كلوووور .. خليفه مب مستوعب : كلوووور ..!! شهاب : هيييييه .. خليفه : شو السبب انزين ..؟؟ شهاب هز جتفه : مدري والله .. بس والله لو دريت منو السبب باللي صااار بذبحه .. خليفه : أمس آخر شي شاافت منوووه .. شهاااب : بس راااحت بيت ربيعتها .. خليفه : ويوم رديتها كان مستوي بها شي لا سمح الله ملامحها متغيره .. شهاب هز رااسه : لأأأ .. وربيعتها طلعت معاها ووصلتها الين باااب السياااره وكانو مستانسين .. ماصااار شي .. خليفه طالع شهااب وقااال : أنا بروووح ثواني وبرد لك .. شهاب : أوكي .. خليفه طلع من الاستراااحه اللي يدااام العنااايه وشاااف أم شهاااب واقفه تقنع شيما تروووح وياااها وشيما رافضه ... خليفه تجدم وقااال : عمووه خلي شيما شوي اباااها .. أم شهااب : رمسها يا ولدي يمكن تطيع ترد البيت .. من أمس وهي مب راااقده .. شيما تصيح : مابي مابي .. أختي بتموووت وانتو تقولون لي رقدي .. كيف ارتااح وأختي بين الحيااا والموت .. خليفه أشر لأم شهاااب تروح المسيد ترييح وهو بيرمسها أم شهااب : الله يهديج يا شيما .. خليفه طالع شيما وقال : طالعتي عيونج فالمرااايا انتي .. شقا غاديه صفره ... شيما تلف ويهها : لا تحاولون ويايه قلت لكم ما برد البيت يعني ما برد .. خليفه : انزين تعالي تريقي ابااج فسااالفه .. شيما : خلييفه مو وقت السوااالف أختي بين الحيااا والموووت وانت تقوول لي سواالف .. خليفه : برمسج عن شي يخص شهد .. شيما ارتبكت وقااالت : ما ادري عنها ولا شي .. خليفه : انزين تعاالي تريقي وعقب يصير خييير .. شيما تبتعد : قلت لك مابا يعني مابا .. خليفه مسكها من ايدها ووداها معاااه غصب الكافتيريا .. وقال : يلسي اهني الحين بييب لج ريوووق .. شيما قعدت وهي تتأفف خليفه ياب لها ريوق ويلس وقال : كلي وعقب برمسج .. شيما : مابا .. خليفه : كلي ولا بييرج البيت غصب مثل ما يبتج اهني .. شيما بدت تنتف فالكرواسون وتاكل منه قطع صغيره شراات اليهااال .. طالعت خليفه وردت تطالع الكرواسون وبدت تنتف فيه .. خليفه : كلي عدل .. شيما حطت اللي فايدها ع الطاوله : مالي خاااطر .. خليفه : شيما أقووول لج كلي .. شيما بدون نفس : انزين انزين ...... خليفه : اشربي العصير .. شيما : شو قالو لك ياااهل ....؟؟ مابا هذا ابا كابتشينو ... خليفه : خووووش ماشالله لي متى تبين تواصلين ...؟؟ شيما : لما تنش اختي .. هذا اذا نشت ... خليفه : شيما حبيبتي اهدي لانه اللي قاعده تسوينه برووحج مب أوكي وشهد لو واعيه جااان ما رضت .. شيما وقفت : هذا اللي كنت تبا تقوله .. يلا عاااد أنا بروووح صوب العناايه .. خليفه مسكها من يدها وردت قعدت فـ قااال : تعرفين لييش شهد حاولت تنتحر ....؟؟ شيما : لأأأ ما أعرف .. خليفه : بس انتي أقرب وحده لها يا شيما ... شيما : بس بعد ما أعرف عن حياااتها ولاشي .. خليفه : انزين وين تلفونها .. شيما : عندها بلااك بيري .. خليفه : برااايه .. انزين وينه ...؟؟ شيما : ما ادري .. خليفه : اااباااج تسيرين البيت عسب تييبينه .. شيما : هي انتو اخرطو علي رجعوني البيت عسب ما اتم اهني .. خليفه : يا بنت الناااس أقول لج ابا التلفون وبردج بس .. شيما : بس أنا مابا .. خليفه : شيما أختج كانت ترمس أحد صح .. شيما : ما ادري .. خليفه قال : شيما لا تجذبين .. الحين ترضين أختج يستوي بها شي والسبه واااحد .. شيما : لاأأ طبعااا .. بس أختي ما ترمس أحد .. خليفه : شيما قولي الصدق ... شيما وقفت وقالت بعصبيه : قلت لك ما أعرف يعني ما أعررررررررررررف .. بس خلاااااااااص .. خليفه وقف وياها ولحقها لما وصلت الممر مسكها من ايدها وقال : شيما لما ارمسج تردين باحترااام سمعتي .. شيما : قلت لك ما أعررررررف خليفه ما رد عليها وقال : انزين عطيني تلفونها .. شيما بدت تصيييح : لوكااااااانت ترمس أحد نفااااااااااااااد ما يهمني المهم أختي ترد تعيييييييييش وبسسسسسسسس .. خليفه شاف حالة شيما ما تسمح انها ترمس .. قال بودرها وعقب برمسها أحسن لي .. خلاااص ماشي فااايده .. وياها عنيده وماشي أعند عنها رااااااااااسها ياااااااااابس بمعنى الكلمه .. طالعها بنظره وقااال : يلا نرد نقعد ويا أبوووج وأخوووج .. خليفه وشيما ردو صوب العنااايه والكل رد حاااله مثل أول وأردى بعد .. يتريوون شهد تنش .. اللي محد يعرف عن حاالها غير رب العالمين اذا بتعيش ولا لأأأ ... × × شذى قاااعده تصيح : شهوووود بتموووت خلود .. خلود تصيح نفسها : لا تقولييين جذي بتعيش انشالله .. شذى : انشالله .. انتي ما شفتي شكلها أمس بليل كيييف كان ... خلود : هي أبويه كااان يرمس ابوووج وقااال ما توقعو انها بتعيييش .. بس الحمدلله ربج عطااها عمر .. شذى : بس بعدها فمرحلة الخطر يا خلوووووود .. خلود : انشالله تعيش .. شذى تصيح : لو شهد استوا بها شي بذبح روووحي .. خلود : لا تسوووين بروحج جذي شذى .. وبعدين الأعمااار بيد الله .. شذى : ونعم بالله .. بس أبااا شهووود .. تجدم وليد صوبهم وقاال : شذى ليييث ثيحين انتي ..؟؟ شذى ما تدري تبتسم ولا تصييح أكثر وقالت : حبيبي مريضه أنا .. وليد : ذين ثبري الحيين بيي أنا .. خلود : شوفي حتى وليد اللي هو وليد اليااهل قااام يحاتيج .. شذى حطت راااسها ع طرف الكنفه وقالت : أمس كنا قااعدين نضحك ويا بعض مدري شاللي جلب حالها .. خلود : صدقج .. أمس كااانت قااعده تضحك شاللي جلب حالها .. دخل وليد ومعاااه خالد وقال وليد : بابا هكوووها شذى تثيييييييح .. خالد تجدم عن شذى وقال : شذاوي حبيبتي شو فيييج ..؟؟ شذى تمسح دموعها وتقول : ليييش ما وديتوني عند شهووود .. خالد : شذاوي شهووود بخييير بس ما يخلونا نزورها عسب حالتها ما تردى .. شذى : انتو تجذبون علي .. أدري شهووود بعدها راااقده .. خالد : منو قاال بعدها راااقده .. قامت شذاوي قااامت .. شذى : انزين ودوني عندها .. خالد : أقول لج مانعين عنها الزياااره بااجر الصبح انشالله بنسير لها كلا رباعه .. صح خلود ؟؟ خلود : هي شذاوي انشالله خير وبعدين دامها ناشه ليييش تسوين بروحج جذي .. شذى : أكيييد بااجر تودوني لها .. خالد : أكييييييد .. وليد يطاالع ابووه باستغراب ويقول : بابا ثو فيها ثهووود .. ليييث كلهم يثيحون ..؟؟ خالد شاله وقال : ما فيها شي حبيبي تعااال انت كل أكلك .. خلود : خالد ...؟؟ خالد لف يطالعها : هلأأأ .. خلود : خالد شذاوي وين بتتم اليوم .. خالد : فبيتنا .. انزين شذاوي .. وبالمره تستانسين مع خلود .. شذى هزت رااسها بمعنى هي وقاالت : انزين .. خالد : يلا أنا بظهر عقب شوي تبون شي ..؟؟ خلود : سلامتك .. وانتي شذاوي تبين شي ..؟؟ شذى هزت راااسها بمعنى لا وقاالت : بس طمنوني ع شهد .. خالد : انشالله .. يلا مع السلامه .. خلود وشذى : مع السلامه .. خلود : تعالي شذاوي ارقدي من الفير وانتي وااعيه .. شذى : انزين .. يلا .. ظهر خالد من البيت واتجه على طووول لسيارته وشغلها وتوجه للمستشفى ... وهو فالدرب .. تلفونه رن .. جان يرد .. خالد : هلا منصووور .. منصور : هلأأأ .. بشر اش حالها الحين .. خالد : مثل ما هي بعدها فالعنااايه .. ماصار شي .. منصور : طمنني انزين .. لأنه الوالده وااايد قاعده تحاتي .. خالد : لا خل ما يحااتون انشالله تنش بالسلامه .. منصور : انشالله .. خالد : ترا شيخه ما تدري .. قول للأهل ما يخبرونها بعد .. منصور : هي أدري .. قلت لهم .. خالد : رمست جاابر .. منصور : هي .. هو بيخبر شيخه بس مب الحين .. خالد : هي زين .. يلا عاااد منصور أنا بوصل المستشفى الحين .. بروح بشوف شو صااار .. منصور : طمنني أوكي .. خالد : أوكي .. يلا أشوفك ع خير .. .. وصل المستشفى ودخل من صوووب الطواااري واتجه على طوووول صوب العنااايه المركزه .. وهو محتااار شو السبب اللي خلاها تسوي بروحها جذي .. شو السبب اللي خلاااها تدمر حياااتها ... فدربه شاااف الطبيب جااان يوقف يسلم عليه ... خالد : هلا دكتور أحمد اش حالك ..؟؟ الدكتور أحمد : بخير خالد .. انت اش حالك ..؟؟ خالد : لا باس .. ها بشر شهد اش حالها ....؟؟ انشالله حالتها تحسنت .. الدكتور أحمد : استااذ خالد للأسف شهد حالتها كلمالها تزيد سوووء .. أنا ما قلت لأهلك جذي خفت أبووك يستوي به شي .. خالد : هي لا تقول لهم بس طمنني انشالله في أمل .. الدكتور أحمد يمسك ايد خالد ويقول : تعال ويايه المكتب وبرمسك .. خالد يمشي وياه : انزين .. بس انشالله تعدي مرحلة الخطر .. الدكتور أحمد : انشالله .. خالد : دكتووور اذا صعب عليكم عااد نسفرها برع .. الدكتور أحمد : العلاااج اهني ولا هناااك كله واااحد يا خالد .. تفضل استريح .. خالد يقعد : زاد فضلك دكتور .. الدكتور أحمد : مثل ما قلت لك العلاااج كله واااحد أهم شي تتعدى مرحلة الخطر .. خالد : انشالله تتعداها .. كم الأمل دكتور .. الدكتور أحمد : اربعين بالميه ... خالد متخرع بس ما يبين .. : لييش الأمل جذي ضئيل دكتور .. الدكتور أحمد : لأنها شربت كميه كبييرررررررره من الكلور وعاد انت تدري المبيض شرااات السم .. غير انه أشبه بمااي النار خالد : هي أدري ان مفعوله قوي بس انتو سحبتوه وسويتو لها تنظيف .. المفروووض حالتها تتحسن .. الدكتور أحمد : انتو زين لحقتو عليها فاللحظاات الأخيره .. ولا كااانت راحت فيها .. لأنه لو تأخرتو كان بيستوي بها شي .. لاسمح الله خالد : الحمدلله ع كل حال .. الدكتور أحمد : شو السبب انزين .. البنيه .. صغيره وماشالله عليها توها ببداية عمرها لييش تسوي بروحها جذي .. خالد محتااار : والله مدري دكتور .. الدكتور أحمد : اذا الله عطاااها عمر انشالله باذن الله المستشفى روحها بتحط لها طبيب نفساني .. خالد : انشالله .. تقوم بالسلامه .. يلا عاد دكتور بروووح عند الأهل أنا .. الدكتور أحمد : هد عمك عن يرتفع الضغط عنده .. خالد : انشالله .. يلا مشكوور دكتور .. الدكتور أحمد : ولو وااجبنا أستااذ خالد .. والله يقوم مريضتكم بالسلامه .. خالد : آميين .. يلا فمان الله دكتور .. الدكتور أحمد : فمان الكريم .. × × نوف : بتروحين الها أحلاام ..؟؟ أحلااام : سيف توه راح لها .. فديتها ما تستاهل .. نوف : هي .. يلا الله يقومها بالسلامه .. ما بتروحين ..؟؟ أحلاام : سيف قال تريي لا تروحين الحين معني اصريت بس هو قااال ماشي فايده من الروحه لأنها فالعناايه .. قال ادعي لها أحسن بوايد نوف : هي .. لازم ندعي لها الله يقومها بالسلامه .. أحلاام : آمين الله يسمع منج .. نوف : شخبااار ابوها وخوانها وخواتها ....؟؟ أحلاام : حليلهم محد يدري عن حال الثاااني .. شييوم فديتها أكثر وحده معذبه بروحها .. نوف : الله يهديها .. أحلام : أمييين .. نوف : انزين ما خبروووج لييش سوت بروحها جذي .. أحلاام : لأأأ ... محد يدري للحين .. نوف : وشيما ........؟؟ أحلام : حتى شيما يوم نسألها تقول ما تدري .. نوف : الله يساامح اللي كان السبب .. أحلام : بس تدرين استغربت شهووود وااايد كانت طبيعيه هاليومين .. فجأأأه انقلب كل شي .. نوف : هي صدقج ... أحلام : حبيبتي .. يااييني خط ثاااني .. هذا سيف بشوووف بسأله عن شهود وبدق لج .. نوف : أوكي حبيبتي .. × × سمعت صوت تلفونها يرن فالشنطه .. ردت بسرعه ... : ألو .. ........... : السلام عليكم .. شيما : وعليكم السلااام .. ........... : شيما ما عرفتيني ... شيما : منو ...؟؟ ............. : شييوم أنا أماني ما عرفتيني .. شيما : هي عرفتج السمووحه .. فالبدايه ما عرفتج .. أماني : لا عااد حبيبتي .. بس بغيت أقول لج شهووود جيييه من أمس أتصل بها تلفونها مغلق .. شيما بدت تصيح .. أماني تخرعت : شييوم شو فييييج ..؟؟ شيما بدت تصيح أكثر وقالت : شــــــــــــــهــــــــــــــــد أماني تخرعت : شهد .. شيما ارمسي شهد صار بها شي ..؟؟ شيما : أماني شهوووود انتحرت .... أماني متخرعه وأقرب بانها تتخبل من الخبر : هاااااااااه انتحرت .. شيما : هي والحين هي فالعنااايه ... أماني : شخبااارها الحين ...؟؟ شيما : مب بخيرررر يا أماني مب بخيررررررررر شهد بين الحيااه والموت .. أماني : انتي بأي مستشفى بيي لج الحين .. شيما : ما يحتاااي ماشي فااايده شهد داااخل ما نقدر نشوفها .. أماني : انزين بيي عادي .. شيما : ما بتقدرين .. عايلتنا كلهم اهني .. أماني : شييوم أمااانه طمنيني عليها .. شيما : انشالله .. أماني : شيما ليكون ما تخبرينا عنها وتراني بتصل بج كل شوي .. شيما : انزين .. أماني : يلا عاد حبيبتي بودرج .. وتراني أتريا اتصالج .. شيما : أماااني ...؟؟ أماني : نعم ..؟؟ شيما : شهد أمس يوم ظهرت من بيتكم حسيتي ان فيها شي .. أماني : لاأأأ ما كان بها شي .. شيما : انزين ما كلمتج عن شي .. أماني : امبلا .. صاااحت لأنها تذكرت أمج .. خير شيما في شي ..؟ شيما : لا ماشي بس اسأأل .. أماني تصيح : طمنيني عليها .. شيما : انشالله يلا فداعة الله .. أماني : فداعة الرحمن .. لفت شيما صوب خليفه وقاالت : هذي ربيعتها بعد تقول كاانت طبيعيه .. بس صاااحت لأنها متذكره ماما .. خليفه مستغرب وقااال : اوكي .. خلاااص شيما انتي انسي السااالفه .. شيما طالعت خليفه وقالت : وينه شهااب ..؟؟ خليفه : راااح يشوووف يشتري شي حق الوالد .. شيما : ما قال لكم خاالد شو قال الدكتور ..؟؟ خليفه : امبلى .. انشالله بتعدي مرحلة الخطر .. شيما : انشالله .. الله يسمع منك .. × × شذى : خلووود بقووول لج شي بس ما تخبرين أحد .. خلود : قولي .. شذى : ما تخبرين أحد ..؟؟ خلود : شذاوي من متى وأنا أخبر يعني عسب اليوم أخبر .. شذى : تدرين شهووود وااايد متعذبه بحياتها .. خلود مستغربه : متعذبه .......؟؟ شذى : هي .. متعذبه واايد .. خلود باستغرااب : كييف ..؟؟ شذى : أول شي هي أكيييد ملت من كثر ما الناااس تسألها عن أمها وبابا .. شو السالفه ومدري شو .. وجذي .. وثااني شي هي يوم ربت عند أمها فقدت حنااان الأبو ويوم يت عند الأبو فقدت حنااان الأم .. غييير التعليقااات والنغرااات اللي تسمعها من الناااس صح الواااحد يقول انه تعود وجذي بس بعد ينجرح من داااخله ويتعب .. خلود : هي صدقج .. بس هذا مب سبب كاافي بأنها تنتحر .. ياما نااس مشاكلهم أكبر بس ما انتحروو .. شذى : حسب تفكير الشخص .. خلود : يعني شهوود ما تدري انه فيه نااس تحبها ,.. والله كلنا نحبها ونباااها هي ليييش ما تبانا .. شذى : يلا الله يقومها بالسلامه .. خلود : أمييين .. تدرين شذاوي .. لو شهد قاامت بالسلامه أعتقد خاالد بيخطبها .. شذى : أميييين يااارب .. عالأقل ينسيها همومها .. خلود : احس بتدخل قلبه مدري لييش .. شذى : هي تنحب واايد وبسرعه بس مدري ليييش شهد دوووم غامضه وما تسولف ويانا الا نااادر .. خلود : يمكن طبعها .. شذى بدت تصيح : أتخيل لو بنفقدها شو بيصير فينا .. خلود : شذى خلاااص ادعي لها أحسن من الصياااح .. شذى تسمح دموعها : الله يقومها بالسلامه .. × × خالد قعد ورد رااسه ع اليداار وقااال : الوااالد .. عمي ما بتروحون تريحون .. بتصير هنتين وانتو بعدكم ... بو خالد : أنا بسير يا ولدي .. بروح وبرد العصر .. اذا صااار أي شي اتصل بي .. خالد : انشالله ابويه انت سير ريح ترااك من الفير اهني .. بو خالد : ما وصيك ع عمك وعياله .. خالد : لا توصي حريص أبويه .. بو خالد رووح .. خالد طالع عمه وقال : وانت عمي ما بترييح .. بو شهااب يعمض عيونه ويقول : لأأ بتم عند بنتي .. خالد : مب زين جذي عمي .. سير رييح وأنا بتم .. بو شهااب : ما كنت عندها يوم كااانت صغيره محتايتني .. بس الحين لاااازم أكوون عندها بأحوج الأوقااات .. خالد : عمي سير ييح واللي فاات ماات أنا بتم عندها وبطمنك .. بو شهااب : خالد ما بسير البيت .. لا تناقشني خلاااص .. خالد : اللي تباااه ... ( وطالع شهاب وخليفه وقال ) شباااب سيرو ريحو وردو العصر ترا القعده ما منها فاايده .. شهااب وهو هلكااان : أنا بتم .. بروح العصر ,, خليفه : عمتي أم شهااب لااازم تسير حليلها من الفير اهني .. خالد طالع أم شهااب وقال : هي صدق عمتي ردي البيت ريحي وتعالي مره ثااانيه .. أم شهااب : لا عيااالي بتم اهني عند شهد أنا .. خالد : ماشي فااايده عمووه ردي .. البيت ريحي أحسن لج .. القعده ما منها فاايده .. خليفه : هي عموووه أنا بوصلج وبعدين شهااب وعمي بو شهااب اهني .. أم شهااب : مدري عمكم شو يقول .. بو شهااب طالع أم شهااب وقال : سيري ريحي أم شهااب ما قصرتي .. عقب العصر بطرش العيااال ييبونج .. أم شهاب : انزين عيل بشل شيما وياي .. شيما رفعت رااسها بسرعه وقالت : لأأأأ أنا بتم عند أختي .. خالد : شيما .. ماماتي سيري البيت القعده ما منها فااايده .. شيما : لأأأ بتم عند أختي .. خالد : شيما .. سيري ريحي وردي .. عقب بتطيحين علينا .. ما يكفينا وحده الحين .. شيما : مابي .. أنا بتم اللي يبا يسير يسير .. خالد : شيما سمعي الرمسه وسيري .. يلا شطووره .. شيما : مب ياااهل أنا .. بابا شوفهم أبا أتم عند أختي .. بو شهاااب رفع رااسه وقاال بتعب : شيما حبيبتي سيري وبطرشهم العصر ييبونج .. شيما : بس أنا ما برتاااح ما بييني رقاااد من دون أختي .. بو شهااب : خلوها برااايها .. هي اللي بتتعب أخر شي .. أم شهااب انتي سيري ريحي .. أم شهااب : انشالله .. الله يقوم شهد بالسلامه ياارب .. وانتي شيما لييش تعاندين ماما ..؟؟ شيما لفت راسها وقالت : رده ماني راااده .. أم شهااب : الله يهديج يا بنتي .. خليفه : يلا عمو بوصلج .. أم شهااب : يلا ولدي .. خليفه : شهاب بتيي .. شهاب هز راسه بمعنى لأأأ وقال : برد العصر .. أم شهااب : طمنوني عليها انزين .. لو صاار أي شي اتصلو بي .. خالد : انشالله عموووه .. فجأأأأأأأأأأأأه طلعت الممرضه من العنااايه وهي تركض بسرررررررعه ,, الكل لف صوبها مفزوووع شو سالفتها هذي .. |
لاا كملي يتيمه زايد يالسه اقرا قصه وانا اعرف عندج كل البارتات بليييييييييز كملي لا تقعطين ابا اعرف شوة بيصير؟ شوة عندها الممرضه طالعه من قسم شوة صار في شهود بلييز كملي هع حنانه صح ادري |
السلام عليكم ورحمة الله وبركاته مرحباااا السااااع ،، و ربي منورة المنتدى يتيمة زااااايد ،، و الله يوفقج ان شااء الله ،، و الرواااايه روعاااااه ،،، و حلووو انج اتحددين أيااام اتنزلين فيهااا البااارتااات ،،، و بجي بتزيدييين من متااابعينج ،، الله يوفقج حبيبتي ،، >> و الله استانست بتواجدج معانا في المنتدى ،، ربي يحفظج |
السلاام علييكم والرحمهـ .. اشحاالج خيتووو ؟؟ تسلميين عـ الباارتاات .. وان شاء الله شهوود اتقووم بـ السلاامهـ .. وكنت متوووقعهـ ان زيوود هو ريل امااني >< الله ايعييينها .. فـ انتظااار البااارت اليااي .. لاتبطيين .. السموحهـ .. |
| الساعة الآن 09:42 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir