|
شـو رايكم ف هـل المنطقـه الفلانيـه ... [align=center]السلام عليكم ورحمة الله وبركاته وبعد .. العنوان ماله دخل بمغزى الموضوع يا أعضاء لكني حطيته .. عسب اكوّن لكم صوره عن محتوى الموضوع .. ,,, سلمكم الله .. وشرات ما نعرف الكل منا يفتخر فالاماره اللي يسكن فيها ,, واللي يقولك ,, انا من دبي ,, والثاني يقولك انا من العين ,, و الثالث يقولك انا من الشارجه ..... الخ زين .. ما تلاحظون شي ,, ما تلاحظون انه صرنا نسوي تفرقه حتى داخل الدوله . يجيك شخص يقولك .. دبي أحسن من بوظبي .. ويجيك آخر يقولك لا .. بوظبي أحسن من دبي .. واللي يقول هل المنطقه الفلانيه ما شايفين خير ,, واللي يقول مدري شو .. ولا جنه انه الكل من دوله وحده ,, وهي الامارات العربيه المتحده . يا اخوان .. مب جنه نحن مسوين احزاب يعني .. مب مكفنا التفرقه اللي عايشينها في عالمنا العربي أو بالأحرى عالمنا الاسلامي . .. الخلق يحاولون يوصولن للوحده العربيه .. ونحن هنه نقول هل المنطقه الفلانيه .. أحسن من المنطقه الفلانيه .. شوفو وين كنا .. ومن ثم وين صرنا . سابقا يا أعضاء ,,, كنا أمه عربيه اسلاميه موووححده ,, وبعدين بدينا نفترق شوي شوي الين ما كل منطقه سوت لها دوله واستقلت ,, الين ما كل شخص يقول انا من الدوله الفلانيه ,, الين ما قالوا اونه ,, الامه العربيه غير ,, والامه الاسلاميه غير الين ما قامت الحرب امبينا ,, ومثال بسيط على ذلك ,, (( حرب العراق والكويت )) . ونحن يا اعضاء . كنا مجموعة امارات ,, الين ما ربنا فتحها علينا ,, وغدينا دولة الامارات العربيه المتحده . يعني التم الشمل شرات ما يقولون الحين أشوف البعض يقول ,, الاماره اللي نحن فيها ,, أخير من الاماره الفلايه يعني مثلا .. العين اخير من دبي . ,, ليش هالتفرقه يعني ياخي كلنا من دولة الامارات ليش تبون تسوون تفرقه ,, بعد ما توحدت الدوله أيام شيخنا المرحوم زايد (( الله يغفرله )) ,, يمكن الحين ما بتبين العواقب .. مع انها امبينه بشكل متوسط لكن مع قدوم الأجيال اليديده ,, بتنمو لديهم أفكار يديده فيا أخوان .. اللي من دبي واللي من بوظبي واللي من العين والشارجه وعيمان وام القيوين وراس الخيمه والفجيره كلهم من دولتنا الحبيبه ,, دولة الامارات العربيه المتحده لا تفرقون بين اماره واماره وخلونها نكون كلنا يد وحده .. ترا الضعف اللي عايشه فيه الامه الاسلامه سببه هالتفرقه ,, وانهم مب على قلب واحد ,., أرجو اني وصلتلكم الفكره ^^ وان شا الله ما اكون مطوّل فالكلام .. كل الموده والغلا .. إعداد الموضوع : خالد الشامسي[/align] |
وعليكم السلام والرحمة تسلم أخوي النورس على طرحك للموضوع والله يعطيك العافية وصدقت في كل كلمة كتبتها وبالفعل قمنا نلاحظ هالشي منشتر بينا بشكل كبير وكل واحد يفتخر بالأمارة أو المنطقة اللي هو منها وايقلل من قيمة المناطق الثانية وهالشي غلط لأنه كلنا أعيال الشيخ زايد الله يرحمه وكلنا عيال دولة وحده وما في فرق بينا صح كل واحد ايحب ويفتخر بالمنطقة اللي انولد فيها واتربي وعاش فيها بس بعد ها ما يمنع أنه انحب باقي المناطق فالدولة وأنته ما شالله عليك كفييت ووفيت فالطرح والله يعطيك العافية وما قصرت |
وعليكم السلام ورحمة الله وبركاتة اقتباس:
اخوية خالد الموضوع هذا انتشر لدرجة ( الزواج) من الإمارات الأخرى اصبح شبة مرفوض ، يعني اييك نوع من الأهل مثلا ساكنين فالعين ، والريال يبا يخطب وحده من امارة اخرى خلنا نقول الشارجة او عيمان والرفض يكون بسبب ( والله مانعرف عنهم ، والله الدار بعيده شو يوديك مناك ) لووووول !!! عيل اللي يبا يخطب من قطر ولا سعوديه شو بيقولن بعض الأمهات لووووول .... انا ارفض هاي الفكرة السائده هالأيام بخصوص هالموضوع ، ونحن كلنا مسلمين ومن تراب والشيخ زايد لو كان موجود وسمع هالكلام مابيرضى بالعكس بيزعل وبيقول ماهقيت شعب دولتي تفكيرهم جذه عقيـــــــــــــــــــم! الله يرحمه ويغفر له ويسكنه فسيح جناته اخويه خالد عاده ماوصيك نباك تكتب لنا مواضيع طيبة من اناملك الطيبة لووووووول ، نحن نبا نكسبك كعضو واخ لنا فالإستراحة طال عمرك ... تسلم وماعليك قصيره اخوك/غديّر النعيمي |
تسلم اخوي على الموضوع.. وصح صارت الحين وايد تفرقة بين إماراة و إماراة وفرض الأفضلية للإمارة الأحسن ونحن كلنا عيال آدم وحواء وكلنا فينآ الخير والبركة..ونحن ربينا على اساس ان كلنا اخوان ف الاسلام وأشياء وايد تربطنا..والله لا يفرق ين انشالله.. ارد اشكرك اخوي على الموضوع.. تحياتي |
اقتباس:
يسلمج ربي لمحبينج ختيه سلامه .. ومعاج حق الواحد من حقه يفتخر بالمنطقه اللي انولد فيها لكن مب على حساب المناطق الاخرى ,, او بالأحرى مب على حساب الدوله ^^ .. ولج كل الشكر على مرورج الراقي ختيه نورتي الموضوع بطلتج دايم تسعديني بتواصلج الجميل ربي يحفظج ويرعاج |
اقتباس:
صدقت يالغالي .. وانا كنت بتكلم عن هالنقطه .. لكني ما بغيت اطول فالكلام زود ^^ وانته ما قصرت جنك تقرا أفكاري هههه ... انا حبيت اشارك فاستراحة النقاش لجلك انته يالغالي ^,^ فموضوع المقابله اللي معايه قريت ردك .. وانا بدوري ماردك ^.^ .. وبيظل التفكير عقيم وانا خوك وان شا الله يكون كلامي يغلط ,, وما يظل عقيم تسلم يا غديّر ,, وأشهد انك ما قصرت ما عليك زود أبد يالغالي كل النور في ردك .. ألا يا كيف هو خدك ^^ لا عدمتك أبد |
الموضوع هذا انتشر لدرجة ( الزواج) من الإمارات الأخرى اصبح شبة مرفوض ، يعني اييك نوع من الأهل مثلا ساكنين فالعين ، والريال يبا يخطب وحده من امارة اخرى خلنا نقول الشارجة او عيمان والرفض يكون بسبب ( والله مانعرف عنهم ، والله الدار بعيده شو يوديك مناك ) لووووول !!! عيل اللي يبا يخطب من قطر ولا سعوديه شو بيقولن بعض الأمهات لووووول .... أنا وياك أخوي النعيمي في هاي النقطة وكلامك صح في واااايد عوايل يرفضون ايزوجون عيالهم من عوايل ساكنين في مناطق ثانية على أساس والله ما أنعرف هالناس و هالمنطقة بعيدة وشو كالفنك كل يوم ساير وياي !! والمشكلة أتعدت هالحدود بشكل ما تتصوره أخوي النعيمي إذا الواحد أتزوج وحده من منطقة ثانية يواجه مشكله في رفض الزوجة أنها اتعيش وياه في نفس منطقته وتكون حجتها والله أنا ما أحب هالمنطقة وما أحب أبتعد عن اهلي وما اتعودت أعيش بعيد عن منطقتي اللي اتربيت فيها عيل من الأساس ليش تتزوجينه إذا أنتي مب حابه المنطقة اللي هو ساكن فيها وما تقدرين أتعيشين وياه والسموحة منكم .. أدري أنه هالنقطة بعيدة شوي عن الموضوع بس حبيت أعلق على اللي ذكره أخوي النعيمي |
● ● ● ربي يعطيك العآفيه ., موضوعك محط اهتمآآم ., وكل اللي قلته صح 100 % ., آحم آنـآآ من آلعيـن لـؤؤلـز --{ كل حد صـآـآر يقـول مدينتيه ومدينتك وهل دـآـآري وآهل دـآـآرك ونسـوا كلنآ عيآل زـآـآيـد --{ ذكرى زـآـآيد آليوم ".. ربي يرحمه ويغفرله وينـور قبره ويجعله روضه من ريآض الجنه .." اقتباس:
ذكرتني بـقـولـ زـآيد عن الاتحآآد ".. إن طريق المصلحة المشتركة قادنا في النهاية إلى قيام دولة الإمارات العربية المتحدة .." كلنآ عيـآـآل دـآـآر وحده واللي يربطنآآ شي مآينعد ولا ينذكر يربطنآ دينآ . عآداتنآ . وتقآليدنـآـآ ومآنقدر ننسى يربطنآ شيخ وـآـآحد وآرض وحده وتآريخ وـآـآحد ,’‘ واللي قلته آنه مآيأثر الكلآم الحين بس عقب سنين بيأثر ., بس هـو كلآم يعبر فيه الوـآـآحد عن حبه لدـآره --{ لآآ أكثثثثثر هذا يحب دبي آنولد وعآش فيها ., وهذآـآك يحب العين لأنه فيهآ وكل حد جيه ., وآن شآء الله دـوـوم الدـوم نكـون على قلب وـآـآحد ولا يقـدر شخص يفرقنآ من بينآ ., ويخلي كل دـآـآر لأهلهآآ ., ونبقى عيآآل الامآآراـت مهمآ اعتلينآ ., وآلسـموحه ع المدآخله البسيطه _^ ● ● ● |
الصراحة الموضوع كتير مهم ,,,وبيحتاج النقاش... كتير في ناس هاي الأيام بتحكي انه انا من كذا وأنا من كذا...وأنا من كذا... لدرجة انه في ناس من دبي مثلا ما بحبوا انهم يتعرفوا على ناس من الشارقة أو غيرها... لمجرد انهم من امارات مختلفة...!! كأنهم نسيوا انه الشيخ زايد..الله يرحم ترابهـ...وحدنا وخلانا دولة وحدة...دولة الامارات العربية المتحدة.. حتى انه الناس صارت تضرب مثل الوحدة والاتحاد بدولة الامارات... ليش لنقلب الفكرة عند الناس ونخليهم يفكرو انه الاتحاد بين الامارات وبالاسم فقط... والشعب ما بينهم أي وحدة..!! اللهـ يهدينا جميعا... أخوي النورس<خالد الشامسي> موضوعكـ كتييير حلو وبدل على انه عيونكـ مفتوحة ع الواقع اللي عايشتهـ الدولة وبتهمكـ مصلحتها.. بدوري أهنئكـ... وأشكركـ على طرحك الرائع... وأتمنى من الجميع ان ينظرو الى الموضوع بجدية.... تقبل مروري..ولا تحرمنا من مواضيعك الحلوة,,, ..ريمـ بوظبي.. |
ما شاء الله الصلاة عالنبي شو هاليمعه الحلوة والموضوع الاحلى والعضو اللي بصكه بعين احينه ههههههههههه ما شاء الله عليك يالنورس والله اللي يشوف هالايام حد من الشباب يوصل بتفكيره لهالمواضيع ويفكر في عواقبها يقول الحمد الله الف مره ويقول ان الدنيا بعدها بخير والبركه في عيال زايد احس ابويه الشيخ زايد لو عايش وعرف بان عياله يناقشون هالموضوع بهالطريقه بيستانس وبيفتخر فينا والله بارك الله فيك واسبق الشكر قبل التعليق عالموضوع كلامك صحيح يالنورس الموضوع موجود لو انه اثاره بعدها مش مبينه بشكل واضح واذا عششت هالفكره ي عقول الناس والاجيال اللي يايه اكيد بتتضخم وبتتفاقم المشكله بس انا لي راي المشكله مش بس في الشعب وهالناس اللي عقولها صغيره تفكر بهالطريقه ما يدرون انهم جيه يخالفون توجيهات دينا الحنيف يخذلون ابونا زايد الله يرحمه المشكله في الحكومه بعد انا اللي اشوفه ان بالفعل مش كل اماره شرات غيرها من الامارات كل حد صوب كل حد له قوانين وشرائع مختلفه كل حد ماشي على دستور مستقل عيل وين وحدتنا ووين دستورنا الواحد؟؟ بوظبي والعين صوب.. دوله مستقله.. ودبي روحها دنيا ثانيه طبعا.. والشارجه شي ثاني.. عيمان شي وراس الخيمه شي .. مطبقين سياسة التوطين بشكل اكبر ويروغون بقية الجنسيات للامارات الاخرى.. وام قيوين شي والفجيره شي.. ليش؟؟ كل هذا من الحكومه اللي شتت الناس باختلاف القوانين وغيرها وغيرها حتى مشاريع المنح والاسكان في كل اماره لها شي واللي يحصل منيه ما يحصل مناك وغير المعاشات منه يزيدون ومناك الامور على حالها بالله عليك هذا ما يولد الفرقه او الحسد او اضعف الايمان الواحد بيقارن وبيحصل مليون فرق وفرق بين كل اماره.. عيل ما نلوم الناس لو تباالصدق نلوم الحكومه اللي فرقت الشعب بدون ما تحس بخطوره هالشي شو بقول بعد اكثر عن جيه الفروق موجوده.. ليش نستغرب الفرقه؟؟!! الله يرحم ترابك يالشيخ زايد وينك تشوف عيالك شو استوا فيهم بارك الله فيك يالنورس اتمنى الكل يكون عنده حسك الصادق بالوطنيه ومبادراتك الشجاعه =) بس والله ضحكتنيه وين تبا نصايف الليل منزلي موضوع شائك هههههههههههههه يوم اقولك فيلسوف زمانك ما تصدق هههههههه عين الله تعاك ولد الشامسي :10: |
ازيد على رمسة النعيمي وسلامة فيما يختص بموضوع الزواج من امارات مختلفه في ناس بعد الله يسلمكم يتمنون انهم يتزوجون من امارات معينه والسبب الامتيازات اللي فيها او زيادة الرواتب والمعاشات وهالكلام كله يعني صار حتى موضوع الزواج فيه تفضيل لامارات عن غيرها شي عجيب :walla: |
السلام عليكم ورحمة الله وبركاته ايمم صج اني مب اماراتيه لوول بس لقافه بشاركـ P= اتغرمشش انا جـم مرره تكلمت بهالموضوع ويا ناس اماراتييين انا اللي برا الامارات احس انكم مفرقيين كـ [ شعـب ] يعني مثـلاً . . ايي فلان من بوظبي . . يقعد يتكلم عن دبي ! واييكـ من دبي . . يقعد يتكلم عن الشارجه . . وغيره ماجننكم كللكم من دوله وحده ! :walla: غير هاي في نقطه بتكلم عنها انا مب متأكده منها بس سمعتها من جم نفر اذا مثـلاً شخصص طلع بتكسي . . من بوظبي رايح لدبي حلوو طبعاً عادي يرووح . . اوكي . . هالتاكسي اللي من بوظبي بيكون فدبي عادي ياخذ شخص ثاني من دبي يودييه بوظبي ؟ مثلاً لو في قضييه صـآرت فـ بوظبي مثلاً. . واحد سوا شي فبوظبي وهالشخص راح مثلاً لعجمان هـل يقدرون يحاكموونه حكومة بوظبي ؟! ايممم هاي الاسئله اللي فبالي الحين اتمنى محد يجاوب الا بعد مايتأكد من الشي وغير هاي اللي اعرفه شرطه كل امارة غير عن الامارة الثانيه مثلاً شرطه بوظبي غير عن شرطه دبي . . صح ؟ عشان هالشي. . الامارات مب متحـده بالكامل هم متحديين في اشيا معينه مو بكل شي السموحه ع الكلام عاد =) |
اقتباس:
الله يعطيج العافيه يالجوري وبالعكس نحن سعداء بتواجدج في مواضيع تخص مواطني الإمارات طال عمرج الشرطة والسلك الأمني فالدولة كلهم تحت مسمى ( وزارة الداخليه ) حتى باختلاف وتنوع الهيكله والاقسام ..ويعتمد القوانين واللوائح وزير واحد سعادة وزير الداخلية الشيخ سيف بن زايد آل نهيّان الله يحفظة.. ولكن توجد بعض الفعاليات فالدولة ممكن تستوي في امارات معينة مثل امارة دبي الفحص اللي ستوى للسيارات فالإجازة بسبب موسم السفر وكان تقريبا بشكل عشوائي واظن محد بيفيدنا فهالموضوع الا خونا خالد الشامسي بحكم تواجده في شرطة دبي ;) والقضاء كذلك فالدولة له قوانين موحده وثابتة وصارمه على الجميع سواء اذا كان الشخص مثلا ف امارة معينه ارتكب جريمة وذهب لإمارة اخرى ستتم ملاحقتة ومحاسبتة وحتى تطبيق عليه القصاص والعقاب .. نحن لو هب متحدين طال عمرج ماعشنا في زمن الإتحاد اللي ارسى قواعده سمو الشيخ زايد بن سلطان الله يرحمه واللي على اساسة صرنا دولة مؤسسات وقانون ( واحــــد) والحمد الله رب العالمين ولكن العيب والمنقود يظهر من بعض ضعاف النفوس وافكارهم و" خراريفهم " اللي رمس عنهم الشامسي واللي ينقدون المواطنين من الإمارات الأخرى وهذا يرجع كله لضعف النفوس وعدم الثقة في نفسة والآخريين ...وشحن افكار بعض الأهالي وربايعهم من هذه الافكار السيئة باختلاف المناطق والتوسعات (القانون واحد) ويمشي على الجميع .. الله يرحمك يابونا زايد له خط وتوجهات تعلمنا منه الكثير ولكن للأسف شي ناس صعب يفتهمون ان هم يالسين يغلطون وهب حاسيين فالغلط ... |
المشكلة اكبر من جي الامارة نفسها اهلها يفرقون بين بعض :78: |
السلام عليك اخوي نورس موضوع وايد حلو ومهم نفس وقت كل الي كتبه صح بقولك موقف صار لي قبل فتره كنت في اماره غير امارتي وفي نفس يوم 3 مرات تمسكني شرطه و يسالوني كم نسبه المخفي؟ حد معام او ولا؟ ليش مب حاط حزام الامان؟ انت من وين ؟ بس لانه راقام سيارتي من امراه ثانيه يا غالي وايد موضيع صايره اخاف ايي يوم محد يعتفر في ثاني السموحه منك تقبل مروري |
السلام عليكم والرحمه انآآ ويآآ حنون .. لو الحكومه فكل امآآره تحسب حسآآب حكومه الامآآره الثآآنيه وتمآآشيهآآ ويكون تعآآون بينهم فكل خطوه يخطونهاا وتطبق الاتحآآد فالحكومآآت جان مآآ لقينآآ الشعب جيه الحين النآآس ليش تفرق بين بعضهآآ عسب الامتيآآزآآت وهذا اكبر سبب واعتقد انه السبب الوحيد يعني لو جفنآآ ولقينآآ اسبااب ثآآنيه بيكون اساسهآآ واحد وهو الحكومه نفسهاا في امارات تلاقي الحكومه متابعه المواطن واحتياجاته وامارات ثآآنيه الحكومه مش مفتكره بالموآآطنين وما بنعق اللوم كله ع الحكومه ترى بعد الشعب جزء كبير من المشكله ع الاقل لو الحكومه تفرق حاولوا انكم انتوا توحدون مش حشره مع الناس عيد ..!! واخوآآني كلهم مآآ قصروآآ وكل شي معروف مآآله دآآعي نرمس وآيد لوول بس اتمنى اني اجوف حآآلنآآ فامآرات الخير احسن من جيه بوآآآيد وتسلم حلق حلق ع طرحك لهالموضوع وفتح بآآب النقآآش وتوعية العقول ع هالظآآهره يعطيكـ العآآفيه =] , . |
وعليكم السلام يسرك الحاال ومن صووبك موووضوع في قمه الروعه يعني صدق يبتها يااخوي وهاللي نشووفه في كل مكاان مستحيل تعرف ع فلانه من اماره غير اماارتي ومااتتفلسف علي ولا احياان يوم حد يسألك من وين تخبرهم يقوولون وعععع عنبو كلن يمثل نفسه الشخص الوااحد ماايعني المنطقه وهللي يحصل ان الناس اا شاافت شخص ماافيه خير قاالت مالت عليه وعلي دااره ماايشغلون مخهم ابددد وجلعلناكم شعوبا وقبااايل لتعااارفوو .. صدق الله العضيم.. الله يعيناا ع هالببشر اللي عقليتهم جي .. تشكر وتقبل مروري |
موضوع رائع بصراحه و مجهود تشكر عليه اخي الكريم : في البداية حبيت أوضح انه مب الجميع بهالتفكير ولكن الأغلبية بصراحه وايدين ما يدانون دبي و هل دبي ف من الطبيعي هل دبي يبادلونهم بنفس المشاعر و للأسف بعد يقولون انه "بنات" دبي خايسات و يجمعون و هم ما يدرون انه صبوعهم مب سوا فيه حقد و فيه نوع من الغيرة ما تعودنا على جذيه أيام أبونا زايد و إزدهار مدينه يرفع من مكانه بلادكم لا تخلون الكره يعمي عيونكم قبل محد يعرف الامارات من الدول الأوروبية ولا يعرفون دبي أحينه من تقولهم انك من دبي يشلونك على كفوف الراحه صدقوني وحدة المجتمع أهم من وحدة البلاد و الله يهدّي القلوب : تحياتي و تقبل مروري |
لاحول ولاقوه الا بالله وعلى شو يتكبرون ويرفع كل واحد خشمه على الثاني انته رمل تعرف شو يعني تراب لو نبيعه بالسوق مايبت ربع الفلس لو كان يسوى فلس على شو الكبر الكبر لله وبس وصفه هاي للي خلقنا وبس وجــآآآن فلان وعلان يتكبر كلن على الثاني انا من المنطقه الفلانيه اللي فيها وفيها وانتوا فيكم والخ وكانه يعيب خلق ربه على من على الخالق وله على المخلوق الله يشافي قلوبهم من العمى اللي فيها من تواضع لله رفعه ولستم افضل من خلق البريه سيدنا محمد عليه افضل الصلواتــــ اللي ينام على حصير ولو ييه بعيد الدار حافي اكرمه وشرفه احسن تشريف سلمت عالطرح والله يصفي القلوب يارب |
تسلم النورس عالموضوع الغاوي بس تبا الصراحه نحن هل الشماليه انكون تمام ويا الكل بس هل دبي وبوظبي والعين يوم يجوفون واحد من الشماليه يقولون كلنا عيال زايد بس امبينا واحد غير يقولونا هاي الرمسه وتبانا اندانيهم بس مب كلهم نصهم |
الصراحة موضوع جميل انا اشوف انه مب لازم يسوون تفرقة بينهم وتقبلوا مروري |
السلام عليكم ورحمة الله وبركاته تسلم اخويه النورس عالطرح المميز لكل اماره حاكم وله ياسته الخاصه وطبيعي الناس تكون متأثره بهالسياسه ولهالسبب تحسون بوجود بعض الاختلافات ولا بالنهايه كلنا عيال دوله وحده .. ولا ننسى طبيعة الجو المحيط والاماكن اللي يعيشون فيها الناس اكيد خلت كل واحد منهم يكون مختلف عن الثاني وله انطباعه الخاص .. اما كلمة تفرقه فهي كبيره وايد .. تسلم اخويه عالطرح وتقبل مروري حلو الاطباع |
مشكور اخوي النورس على هذا الموضوع الطيب ......في رائ انا التربية لها دور كبير اتعرف نحن مجتمع فية طبقات وايد حدا منا فقير والثاني غني......ومن غير اللهجة والعرج والمكان................. والخ |
لــي عودهـ مع الردود .. وين وصلــنـــا ,,,, |
[align=center]عليك السلام والرحمه ,, تسلم اخوي النورس ع الموضوووع الحلوووو ,, وبصراحه هالشي الحين واضح ف الامارات ,, كل واحد يفتخر بالمدينه او المنطقه اللي ساكن فيها ,, وهالتفرقه موجوده عدنا ,, وفي باجي دول الخليج بعد ,, يعني ف تلسعوديه مثلا شي كراهيه بين أهل جده وأهل الريااااااض ,,, وفي قطر أهل الدووحه ع بالهم انهم فوووق الناس اللي في قطر كلها ,, صدقني هني هالتفرقه موجوده بس بشكل اخف وااااااااااايد :66: ,, بس يوم السالفه تكون فيها اسم ( دوله الامارات العربيه المتحده ) ,, كلنا نكون تحت رايه وحده ,, وكلنا عيال زاااااااااايد ,, ثااااااااااانكس ع الموضوووع الناااايس ,, اخوووووك ,, Qanes ALreem[/align] |
اقتباس:
وكلنا عيال آدم شرات ما قلتي ^,^ بس في ناس تسمع وفي ناس تتجاهل .. مشكوره عالمرور الطيب ربي يحفظج |
اقتباس:
وماهي بعيده عن الموضوع .. حتى فالزواج صارت التفرقه |
مرحبآآآ السآآآآع اخويهـ اول شي يعطيك مليون عافية وزود ع الطرح وعساك ع القوة يااارب وثاني شي انا كنت بكتفي بقراءة الموضوع بدون مارد عليهـ لاني حسيتهـ خاص بدوله الامارات بس لفتني رد قنووووووص واستغربته وااااايد. بما اني سعودية ابد ماحسيت ان شي تفرقه بين منطقه والثانيه او ان اهل منطقه بينهم وبين منطقه ثانيه عدواه هنيهـ كل منطقه تقدر تقول ف حالها ومايخصها ف منطقه ثانيه لامن بعيد ولا من قريب هذا الي انا اشوفهـ ماعرف اذا الي يصير شي ثاني .. علعموم تسلم يمناك النورس ولاعدمناك يارب تقبل مرور سلمى ولك التحية والشكر |
وعلييكم السلاام و الرحمة .. صدقكـ أخووي النووورس .. الك هالأياام قام يفرق ويفتخر .. اوكي قلنا نفتخر بس مو عاد نعيب ع المنااطق الثاانيه ولا نفرق بين بعض .. ومو بعد المنااطق بس ... حتى القبااايل .. ما في فرق بيينكم كلكم .. كلكم عياال آدم وحواء .. تسلم أخووي النوورس .. أشكر أناملك الذهبية على هذا الموضووع المتميز بصراااحه .. وعسااك ع القوة .. ونتريا اليديد من يداك .. |
| الساعة الآن 03:36 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir