|
أســٍِِـٍِــآآمـح قلبــٍٍِِـٍِــكـ القآآســٍِِي .. و لـآآ عـيـٍِـٍِونكـ الحلويـٍِـٍِن السلآم عليڪم ۈرحمة آلله ۈبرڪآته ... قرريت هآلقصة ۈعيبتني ۈآآآيد فحبييت آحطهآ لڪم ... ۈهآآي آلقصه منقۈله ۈرجآءآ آلي يبآ ينشرهآ يڪتب آسم آلڪآتبة : حس آلمحآين ... ۈحبييت آقۈلڪم آني بحط ڪل يۈۈم بآآرت ۈآذآ ڪآن عندي ظرۈف بحط ڪل يۈمين آۈ ثلآث بآآرت ... ۈآذآ جفت في تفآعل يمڪڪن آحط بآرتين في يۈۈم ۈيلآ شدۈآ حيلڪم ... أســٍِِـٍِــآآمـح قلبــٍٍِِـٍِــكـ القآآســٍِِي .. و لـآآ عـيـٍِـٍِونكـ الحلويـٍِـٍِن ... ..البارت الاول.. الساعة 1 ونص .. ريماني وعلايه فالمعهد يدرسون اخر امتحان عندهم الي هو كيمياء .. و هم فـثنوية عامة (( علمي )) .. يالسات فآخر سيد .. و مب منتبهات عالدرس .. حادرات المسن من الموبايل .. و يحشون فخلق الله (( امحق دراسة خخخ )) .. علايه : طالعي صلعة الاستاذ هع هع هع ريماني : ههههه الله يخليج الكرشة مغطية ما لحقت اجوف راسه خخ علايه : لا حوول متى بيخلص الكلاس .. لاعت جبدي من الريحه ريماني : هههههآآآي .. دواااج قلت لج لا تيلسين عدالها . علايه : ريمووه يووعآآآنه .. شو رايج نروح ماكدونالدز . ريماني : لا لا شوو .. كله ماكدونالدز .. لا بعد نفس الوجبه !! علايه : عيل وين تبين تروحين .. برج العرب مثلاً .. !! و قبل ما ترد ريم على عليا .. يشوفهم الاستاذ و يشل موبايلاتهم و يقرى طنازتهم عليه و يعصصصب وويهه يحمر و يطردهم من الكلاس و هن ولا مهتمات .. وعيونهم دمعت من الضحك و بعدين اتذاكروا ان موبايلاتهم عنده و قويات الباس ردوا الكلاس يبون موبايلاتهم ريماني: السلام على من اتبع الهدى ((( اونها عاد الاستاذ: اييه الي جابكوا .. ؟!! علايه : أفاا يا استاذ نسيت العشرة يعني !! الاستاذ : ما انا عاوز انساها .. برررره ريماني : انزين الموبايل !! الاستاذ : حوديها الادارة و انتوا تصرفوا . علايه : والله انك ريال ريماني بصوت خفيف : تستهبلين !! و عقب علايه غمزت لها و ريماني فهمتها ريماني : والله ااخر مرره ... الاستاذ : قلت الكم برره ريماني :استاذ بنعقد وياك اتفاقيه علايه : اذا رديت لنا موبايلاتنا .. ما بتشوف رقعة ويهنا فالمعهد ! و اول ما قالت له علايه جيه.. فر الاستاذ موبايلاتهم عليهم و قالهم : اتفقنآآآآ ريماني+علايه : فامان الله .. تشرفنا الاستاذ : الباب بيفوت جمل وظهروا وتوا الناس اذكروا ان ماعندهم حد يوصلهم ... فراحوا الكفتيريا اللي فالمعهد و وصل لريم مسج ... ريم من جافت الاسم اضايجت وقالت : افيييه ها مب وقته علايه : شوو منو مطرش لج مسج ريماني: منو غيره يعني منصور الصرصور علايه : هههههههاآآآي ولا جنه خطيبج ريماني: لي فات الفوت ما ينفع الصوت علايه : عطيه فرصه انزيين .. اقري مسجه يمكن شي مهم ريماني: يللتـعن .. بيكون مسج عادي احبج واموت فيج علايه: اوووب اوووب طلع رومانسي منو قدج ريماني : تعالي انتي وايد طولنا هني علايه: يلا عيل قومي انسير ... اوييييه كلاس هندوه خلص اكييد بتكون انصلخت من الحر وهي تتريانا ((هنوده ثاني ثنوي علمي )) ريماني: هييييه هع هع هع بنسير الها وساروا برع عند الباب الرئيسي وجااان يجوفون وحده معصصبه تطالعهم من بعدين خدودها حمرر يايه صوبهم ريماني: واابووكم هذي هااا علايه : مثلي انج ما جفتيها لفي لفي صوب اليمين هنوده : اييه عن الحركات .. لا تسوون عماركم ما شفتوني .. علايه : ريمآآآني هاذيه هنوده .. وينج يالسباله ندورج من الصبح .. اكيد يالسة فالكفتريا اتدحين ريمآآني ويهها احممر من كثر الضحك هندوه : انتو السبلان .. غديت خاله من كثر الوقفة .. لا بركتن فيكن ريمآآني : اووب طلع لج لسان علايه : انزين خلونا نجيك عالموتر قبل ما غيرج يتفحم و مشوا لين صوب الباركات و مرة وحدة هندووه تقول : ريمآني مب جنه هذا موتر منصور! و من الصدمة ريموه تخرطفت .. و قالت : ويين ويين !! هندووه : هناك صوب الاشارة علايه تغني : الحق عيني الحق .. الحق لا يروح منك حبيبك ريمآني و هي اتدزهم : اخطفوا بسرعه اخطفووووا .. عليووه اتجوفين موترنا ؟؟ علايه : هنآآك هنآآك بسرعه ركضن و شافهن منصور و نزل من السيارة مستغرب : ريموووه يالغآآآليه تعاااالي انا منصوور ريماني بصوت واطي : ادري انك منصور ليش تتحراني شارده و ردت عنده و هي مفولة ريمآني : السلام عليك منصور : هلا هلا بالزيين كله ريمآني : الله يخليك مالي بارظ للمغازل! منصور : انزين ما بتسأليني عن حالي ريمآني : شحالك .. ؟ منصور : انا بخير دام الغالي بخيــ .. و تقاطعه ريم ريمآني : انزين شو يايبنك هني .. ؟ منصور و هو مصدوم : طرشت لج مسج اني بيي بشلج ! ريمآني : سوري وعدت بنات عمي اروح وياهن نتغدى منصور : انزين بروح وياكن ما ابغي اتغدى بروحي .. ! و رزت هند ويهها و سكتت ريم و قالت : لحظة لحظة انتو بعدكم ما عرستوا علشان تاخذها و تروح تتغدى وياها .. توك بس خاطبنها حتى ما ملجتوا .. منصور : شكلج ما تبيني ايي وياكم .. خلاص مب ياي ريمآني فرحآنه : اوكيه ربي يحفظك منصور فخاطره : حشى ما صدقت تبا الفكة مني .. هاي الساعه المباركة منصور : يالله عيل .. تشآآو ريمآني : مع السلامة . .................................................. ... إذا جفت تفاعل بكمل القصه .. |
ويييييييييييييييييييييييييييييييين التفاعل.. انا ذعليت اهىء . |
احم احم القصه شكلها حلوة بس ما بقدر اتبعها الحين لأنه علي امتحانات لا تزعلين اذا محد تابعها الحين وياج لأنه طلاب المدارس الحين يمتحنون .. بعد الامتحانات بتابعها وياج الغالية :yaw: |
أسامح مين والا مين أنتظر البارت اليااي |
تسلمون حبايبي كرمالكم بنزل البارت النيو |
منصور ركب سيارته و شاف مس كول من ( مايد ) و رد اتصل فيه مايد : مرحبا الساع منصور : مرحبا ملايين مايد : وينك ما ترد منصور : كنت عند ست الحسن و الجمال مايد : ههههههه هاي خطيبتك يالهرم منصور : امحق خطيبه .. و الله لو بايدي افصخ الخطبه .. بس عشان خاطر العز الي هي فيه .. مع اني عارف انها ما تباني و لا تدانيني .. و لا انا اباها و لا يخصني فيها .. حتى اني عبلت بعمري و رحت بشلها ما طاعت تركب ويايه مايد : ههههه بلاك تتحرطم هالقد.. ودرها و فك عمرك منصور : يا ريال خلك بحالك .. اقول (( يحاول يغير السالفه )) قم بنروح نتغدى مايد : انا مواعد وحده منصور : علايه ؟؟ مايد : لاا هاي وحدة يديده اسمها نووف منصور : يالملعووون ..منو قدك ..عندك ثنتين !! مايد : الا اكثر و حيآتك .. ! منصور : خلاص عيل بجوف رشود مايد : اوكيه .. فماان الله __عند ريماني و علايه و هنوده__ يت عليا و فيها شي مب طبيعي .. ريمآني : عليووه بلاج .. ؟! علايه : ...... ريمآآني : ايييه عليووه .. ارمسج !! علايه : اوووه شو شو السالفه ريمآني : شو فيج .. ؟ علايه : خليها مستورة دخيلج ريمآني : برايج .. هاذييه سيارتنا .. نسيت اقلكم ان ولد خالوتي بيي بيشلنا هنوده : اييه خسي اركب ويا واحد ما اعرفه علايه : ريماني أي موتر؟ ؟ هذا ريمآآني : الفتك السوده , و أشرت عليها علايه ويهها اعتفس و قالت : لا لا انا بتصل فغلام بخليه ايي يشلني ((غلام دريول قوم عليا.. هنوده : عيل انا شقال برد البيت .. بطييران شالله علايه : خلآص انتي بتين ويانا ريمآآني و هي مفولة : و لا وحدة منكم بترد البيت بروحها و مطت ايدهن و ركبتنهن الموتر ريم : السلام عليك و رد عليها :وعليج السلام ريمآني : شحالك سهول سهيل : اييه انا مب اصغر عيالج تقوليلي سهول و عقب انتبه ان شي بنات وياها |
سهيل : السلام عليكم هنوده : و عليك السلام اخوي سهيل : قلنا السلام عليكم ( و يتطالع عليا من المنظرة ) و ريماني و هنوده يتطالعون عليا !!! علايه و هي مفتشلة و بصوت خفيف : و عليك السلام و شغل الموتر و دآآس و صيع ويلات و البنات يصارخن و طوول الدرب و سهيل يتطالع علايه من المنظرة .. و ريماني حاسة اني في شي امبينهم و عم السكوت فالمكان .. ريمآني : اقول سهيل .. ودنا مكان نتغدى سهيل : وين اوديكم مطعم هندي ريماني : هاه بنات وين تبون ؟؟ علايه : .... هندوه : ماكدونالدز ريمآني : اوكيه بتيلسون داخل و لا ناخذ تيك أوي علايه : تيك اوي لو سمحتي سهيل : لا لا بندخل ريمآني : انا بعد خاطري ايلس اوكيك علايه علايه وهي مقهورة : اوكيك هنوده : اوكيه بسرعه .. ورانا مذاكرة سهيل : خلاص وصلنا بركنوا السيارة و نزلوا .. علايه و هنوده يمشون ويا بعض ورى .. و خلن ريم ويه سهيل جدام سهيل : يالله انا بروح بطلب البنات : اوكيه و راحن البنات و يلسن عالكراسي .. ريماني : علايه شوو فيج .. ؟! علايه : والله سالفتي سالفه .. شو تبيني اقلج هنوده : من البدايه .. علايه : تحيدون يوم رحتوا عند منصور ترمسونه .. ريمآني و هنوده : هيه علايه : انا كنت واقفة بعيد عنكم .. و جفت موتر قوم ريمآني .. و قريت الرقم و قلت خلني اركب .. و رحت ركبت جدام بدون ما اشوف منو عدالي.. و يلست اسولف و على بالي انها عمتي عويش (( عويش مرت بو نهيان الثانيه)) .. و حسيت انها ساكته و ما ترد علي .. يوم صديت شفت واحد ما اعرفه يطالعني و هو مستغرب .. و قلت له السموحه اخوي و نزلت مع اني كنت متأكدة انه موتركم .. و قلت يمكن اشلقيت و لا ظربتني ظربه شمس و هنوده و ريماني ميتات من الظحك عليها علايه : انتوو لييش ما تحسون .. انا ويهي عورني و افتشلت ريمآني : ههههههه لقطي ويهج حبيبتي بتاكلين جدامه الحين علايه : لااا والله ما بيلس وياكم .. قومي هنوده بنيلس على طاولة ثانيه هنوده : اوكييه .. احسن بعد ريمآني : لا تفشلوني جدام ولد خالو .. قروا مكانكم احسن لكم .. علايه : جب جب .. والله ما بيلس .. قومي وصل سهيل صوب الطاوله ووجاف علايه وهنود واقفات وقال : وين رايحات . ؟؟ وعلايه افتشلت وقالت : بنسير الحمام و راحوا الحمام اللي فوق عدلوا مكياجهم .. و ظهروا بسرعه و هم يفكرون كيف ييلسون رواحهم .. جان تقول علايه : هندووه سيري ييبي الاكل و بنيلس صوب الطاولات الي فوق هنوده : خييبه ليش فوق .. خلاص انسي بنيلس وياهم علايه : ما ابا .. عيل بيلس بروحي .. هنوده : اففف انزين انزين .. بسير باخذ الاكل و بي عندج علايه : اوكيه اترياج نزلت هند من الدري .. و وصلت عند طاولاتهم .. و شافت ان سهيل يالس بروحه على طاولة .. و ريماني يالسة على طاولة ثانيه وياها اكلهم .. ريمآني : هنود وين علايه .. ؟ هنوده : يالسه فوق بروح ازقرها ركبت هنوده فوق .. و هي راكبه شافوها شلة شباب .. الاول : هلا والله هلا الثاني : شفته و لا ادري شحل بي .. مشي القطا و عين الظبي هند ما سوت لهم سالفه و راحت تزقر علايه و هم نازلات .. راحوا الشباب و لحقوهن الاول : فدييت الفوشي >> عباية هنوده فيها تطريز فوشي الثاني : يذبحني الاحمر .. >> عباية علايه فيها تطريز احمر سوولهم طاف و نزلن تحت .. و الشباب نازلين وراهم و يتغزلون فيهن .. والبنات لا معبرينهم .. وصلوا لين الطاولة و يلسن.. و الشباب راحوا زقروا ربيعهم الثالث .. و يلسوا ثلاثتهم على الطاولة الي عدال طاولة البنات الاول : عطنا نظرة يالغاالي الثاني : فدييت الي ما يعبرون الثالث : حبتييين للحلوين الاول : الحلوو .. افتح بلوتوثك .. البنات : ........ الثاني : لييش عااد .. شافهم سهيل .. و عصب .. و راح يرمسهم سهيل : السلام عليكم الشباب : و عليك السلام هلا والله سهيل : لو سمحتوا يوزو عن البنات .. و بسكم من هالحركات الشباب : و انت شو يخصك .. ! سهيل جذب عليهم : هاذيل خواتي واحد من الشباب : طاع طاع .. يعرف يجذب يعد .. اقص ايدي لو هاذيل خواتك سهيل و هو معصــب : لو سمحت انا ييتك بالطيب و ابغي اروح بالطيب .. لا تسوي لنا مشاكل الشباب : اوكيه اوكيه .. اسمح لنا .. سرينا سهيل : تسلمون و راح عند البنات و قال : مرة ثانيه لا تعطونهم ويه سامعين ريمآني : منو قال ان نحن عاطينهم ويه سهيل : الحرامي ما بيقول انا سرقت !! هنوده : اييه شو قصدك .. نحن ظايعات و لا شو ؟؟ سهيل : فهميها على كيفج .. و خلصوا بسرعه و خلوني اوصلكم علايه : خلصنا خلصنا .. ليش مسولنا سالفة من لا شي سهيل عاقد حياته : دام انج خلصتي يالله جدامي علايه تغصصت من اسلوبه و ما ردت عليه .. راحت الحمام و غسلت ايدينها و ركبت الموتر .. و عقب شوي ركب سهيل .. و تموا ساكتين فترة سهيل : سمحيلي ما كان قصدي اضايق بج علايه : ..... سهيل : بس ما رضيت اشوف الشباب يغازلونكم علايه : اوكيه مسموح .. من حقك تتضايج .. بس المرة اليايه لا تطلع حرتك فينا سهيل : ان شالله و عقب شوي ين هنوده و ريمآني .. ركبن الموتر و كل وحدة نزلت بيتها فبيت بيت بو عايض (( بيت هند بو عايض : هلا والله بالمزاين شخبارج بنتي هندوه : بخيير ربي يعافيك ابويه بو عايض : شخبار معنوياتج ... هنوده : لوعت جبد بس الحمدلله المعنويات عاليه لان باجر اخر امتحان بو عايض : أي ماده هنوده : رياضيات بوعايض : بالتوفيق سكتوا وحدر اخوها سالم سلم عليهم و يلس عدال ابوه سالم : ابوويه .. هنود .. ربيعي واقف برع فظوا الصاله هندوه : ان شالله اتريا بيب الفواله ظهرت هنود و راح بو عايض المسيد تريوااااااا الباجي |
thanx мeeяa 3la al-89a al-7lwa ntrya atkmelh :191: |
تسلمون ع الردود وانشاء الله الحين بكملها ..~ |
راح سالم صوب ربيعه و استقبله خلاف دخله البيت (( سالم اخوا هنود عمره 20 سنه غاوي و اجتماعي و نكيت .. بس مغازلجي عود)) راحت هند المطبخ وجهزت الفواله ويا اخوها وخذ الصينيه من عندها و توهقت ما رامت تطلع لان الصاله مجابله المطبخ و هي بلبس قصير و مب لابسه شيله فتحت الفريزر ولقت ايسكريم باسكن روبنز و يلست على الكرسي وتمت تاكله وتتأفف .. ف الصاله سالم : اقوول يالطيب يالله نبدا بالبروجيكت غيث : اوكيه .. وين لابك ؟ سالم : خليته فالموتر .. بروح بييبه و برجع لك .. برب غيث : ههههه تيت طاخ .. ( صوت الباب طلع سالم من البيت.. سمعت هنود صوت باب البيت يتسكر اتحرت ان سالم وربيعه ظهروا فطلعت وهي اتغني وتناقز ((ههههه شكلها البنت اتخبلت من الوحده غيث يحليله ما عرف شو يسوي فسكت ونزل راسه .. وهند ما انتبهت له لانه يالس على الكرسي اللي صوب اليدار ويلست هندوه وشلت الرموت و هي اتجلب بالقنوات حست ان اخوها ساكت ماله حس وها الشي مب من عوايده هنود وهي اتصد صوبه : بلاك سالــ ... !!!!!!!!!! وهند من الصدمه اتصنمت مكانها وهو يطالعها ومنبهر ابجمالها و قال افباله انا فحلم ولا علم .. و هند احمرر ويها ونزلت ويهها وركضت ركبت الدري بسررعه وخلت غيث باوهامه وقال افباله(( هههه وايد تشبه سالم ... لا لا شو ياب القمر عند البقر وفجأة قطع حبل افكاره صوت سالم وهو يطنز عليه سالم: الي ماخذ عقلك يتهنى به غيث : محد هههه محد والله .... هند بغرفتها تتنفس بسرعه وويها محمر واتحس بدقات قلبها اتعورها واقفه وحاطه ظهرها على الباب وهي متغصصه ... واتقول افبالها والله ما حسيت فيه والله ما كنت ادري ... لو عرف سالم اني طلعت جدام الولد بيذبحني ... ولا بعد بدون شيله ... يالله يا رب سامحني على اللي استوا وخذت نفس عميق و هدت عمرها وبعدين راحت اتوضت خلاف صلت وتمت اتذاكر لين الساعه 12 وتوكلت على الله وانخمدت ((خلوني اعرفكم على عايلة بو عايض , بوعايض حنون ودومه ويا اخوانه بو حمد وبو نهيان بس قلبه بعيد عن الشغل وام عايض حنونه ورزينه وتثق بعيالها وايد لانهم يرفعون الراس , بو عايض عنده 4عيال .. اكبرهم عايض عمره 22سنه عاقل ,جذاب و مملوح ع الاخر ويدرس برع البلاد .. وعقبه يي سالم وبعده هند 17 سنه عاقله مثل اخوها و ااخرالعنقود الملسونه موزوه .. هاي لحد يغلط عدالها ويقول شي .. بتطلع فضايحه كلها )) |
البارت الثاني: فـ بيت بو حمد (( بيت علايه الساعه 7 الصبح نشت علايه من الرقاد و هي حاسه بتعب فـ كل جسمها .. و تذكرت ان وراها وحدة كاملة فـ الكيمياء ما خلصتها .. فزت من الفرآآش و ركضت عالحمام .. خذت لها شاور عالسريع .. و شلت الكتاب من عالطاولة و نزلت تحت و شافت امها ام حمد : وييدي .. شوي شوي بنيتي لا تتعورين راحت علايه باست امها على راسها .. و الكتاب عدآآل راس ام حمد ام حمد : دخلي الكتاب فعيووني بعد علايه : سمحيلي امايه بس والله مستعيله .. وراي وحدة كاملة ما خلصتها ام حمد : حسبي الله عليج بتظيعين مستقبلج !! علايه : أمآآآيه لا تفاولي دخيلج .. نحن يالله يالله نفهم فـ الكيمياء بعد تفاولين علينا ام حمد : انتي من بونج ما تدرسين عقب تين تقولين المعلمة ما فهمتني .. عالعمووم الله يوفقكن ان شالله علايه : آميين .. الا تعالي امايه .. حمد اخويه مب ناوي يرد من السفر .. ؟! ام حمد : فديته وليدي انا .. شوفي اخوج كيف يرفع الراس رايح يدرس برع عشان يبني مستقبله .. انتي حتى المذاكرة ما تذاكرينها عدل علايه : أمآآآيه كل واحد على قد مستواه ام حمد : انتي بنتي و اعرفج .. هذا مب مستواج .. تحيدين ايام الاعداديه كيف كانت درجاتج تبيض الويه علايه بضيج : حرام عليكم والله ان النثوية هلآآآك ام حمد : عالعموم انتي شدي حيلج و ان شالله خير .. و هييه صح .. خطفي على ريموه بنت عمج .. البارحه رمست ام نهيان و قالت لي نخطف على بنتها باجر . علايه : ان شالله امايه . و راحت علايه عند طاولة الأكل .. خذت لها خاشوقة عسل و تفاحة و ظهرت برع تزقر غلام (( غلام يشتغل عندهم من 12 سنة (( خلوني اعرفكم على عايلة بو حمد .. تتكون العايلة من الاب بو حمد و الام ام حمد .. و البجر حمد .. عمره 24 سنة و يدرس برع البلاد .. كشيخ و رماس و يحب السوالف و يحب اخته و يدلعها وآآآيد .. و عقبه ايون علايه و سلطان وهم تووم و عمرهم 18 سنة .. سلطان مغتر بنفسه لانه حليو .. بس ولد طيب و حبوب )) وصلت علايه بيت ريموه .. نزلت و شافت باب البيت مفتوح .. دخلت و شافت ريموه حاطة ايدها عـ خدها و راقده .. و اللقمة فحلجها علايه : بووووو ! ريماني غصت : كح كح .. عنلات شكلج ما تشوفيني اتريق علايه : يالله بسرعه خلصينا .. غلاموه يتريانا برع ريمآني : اوكييه تريي الحين بخلص .. بس تعالي .. اباج تفهميني الوحده الاخيره علايه : انا بروحي ما درستها .. بندرسها فالسيارة اوووك ريمآآني : اوكيك راحت ريموه و لبست عباتها و عدلتقصتها وجحالها .. و نزلت تحت شافت علايه مفولة ريموه : هدي هدي لا تحترقين .. حشى علايه : وييه ويهج شوفي الساعه كم .. ما بنلحق ندرس و لا بنلحق عالامتحان ريموه : خلاص خلاص .. ظهرنا ظهرن ريمآني و علايه .. وصلن المدرسة قبل ما يدق الجرس بخمس دقايق ريمآني : يآ ربي يت ربيعتج الغلسة رايه : هلا علاايه شحالج علايه : اهليين الحمدلله طيبة شحالج انتي رايه : بخيير دامنج بخير .. هااه خلصتي دراسة علايه : لا والله باقيلي وحدة كاملة رايه : نعممم !! ريمآني بصوت واطي : نعامه ترفسج علايه تقرص ريماني و ريماني تصارخ رايه : شفيكن ؟؟ ريمآآني : ماشي سلامتج رايه : ريمآآني شو هالجحال الكحلي الي حاطتنه .. موول مب لايق عليج (( رايه و ريماني ما يدانون بعض ريمآني : اولا محد طلب رايج .. و ثانيا انا احب اغير .. مب شراتج يعفن الجحال علي اسبوعين ما اسمحه رايه : اييه ثمني كلامج علايه : ايييه انتو بس .. السموحه رايووه انا و ريموه بنروح ندرس رايه : الله يعينج على عقلها البليد ريمآآني : خخخ البقرة ما تشوف ذيلها .. تشوف ذيل ربيعتها رايه : الحين انا بقرة يالي ما تستحين علايه : بس بس اففف .. يالله باي رايوه ريمآني : هاي شو تتحرى عمرها .. كونداليزا رايس علايه و هي تمشي بسرعه واتمط ريم وياها : ما عليج منها تغار |
ترررررررررن >> دق الجرس ريمآني : حسبي الله عليها كله منها ما درسنا علايه : اوييه ريمأني كيف بنحل الامتحان ؟!! ريمآآني : ما عليه انتي عدالج ندى .. خليها تغششج علايه : وين تغششني .. هاي مسوية حراسة على ورقتها ريمآني : دوري أي وحدة تغششج .. علايه : اوكيه .. يالله بسرعه نروح القاعه فقاعة الامتحان .. عند ريمآني ريمآني فخاطرها : يآآآي الامتحان سهــــــل .. الحمدلله يا ربي عند هنووده : عاشووا عاشووا .. الامتحاان حدده سهل عند علايه علايه : ندووي .. ندووي .. السؤال الخامس ندى : من غشنا فليس منا علايه : يالملعووونه سؤال واحد ما بتموتين ندى : ..... علايه : ايييه ندووي .. ندووي و صمخ جلااآآب ندى : لو سمحتي عاوزة اركز .. علايه فخاطرها : شيييت ابتلشت شو اسوي ظهرن البنات من قاعة الامتحان .. و الي يشوفهن يقول هاذيل ظاهرات من حبس انفرادي .. راحن الساحه يسلمن على بعض و يودعن بعض و يصيحن لان اخر يوم يتشاوفن .. علايه كانت تصيح و حاظنة ربيعتها .. و عدالها ريمووه زاخه دمعتها سلامي : ريمآني بلاج ؟؟ ريماني و هي زاخه عمرها : لا انا ما فيه شي .. سلامه : متأكدة ؟؟ ريماني تطالعت سلامة فعينها و ابتسمت لها ابتسامه شلت الدنيا : هيه متأكدة سلامه ردت لها الابتسامه : ريحتيني ريماني : سلآآمي فديت رووحج بتوله عليج وايد سلامي : و انا اكثر .. فديتج والله .. تعالي بعطيج رقم فوني عسب نرمس بعض فالاجازة عقب كلهن راحن الساحه و سون دائرة عوووده .. الشلة كلها تيمعت .. و كل البنات يسولفن و يظحكن .. شموه : بنآآآآت شو رايكن نطلب من بييتزا هوت على هاليمعه الحلوه البنات : هيييه والله تسوين فينا خير شموه : هنووده قوومي معاي هنوده : لا يا بوج انا بعدني ثاني ثنوي .. زقري لج وحدة من ثالث شمووه : اووه تعالي رايووه ريمآني : هييه والله رايوه روحي فكينا منج شوي خخخ رايوه : عيل والله مب رايحه علايه : خلاص ما علييه انا و ريمآني بني بنطلب وياج راحن شموه و علايه و ريمآني .. و دشوا من باب الادارة بخطوآت خفيييفه عشان محد يحس فيهن .. تريواااااااااااا التكمله عقب .. برب |
حلوة القصه غلايه ونتريا البارت بليز لاا تتاخرين علينا |
شموه : آآآي عليووه يالدفشة دستي عريولي علايه : سووري والله كنت بطيح خخخخ شموه : هاذووه التلفون .. ريمآآني انتي دقي لانج حافظة الرقم ريمآني : اوكييك يالغلا دقت ريمآني عالمطعم .. و طلبت 4 بيتزا عوود للشلة كلها .. و ظهرن بسرعه قبل ما أي حد يحس فيهم .. راحن عند الفراشة و عطوها البيزات و رشوها عسب تدخل لهم الاكل (( خخخ ظهرن ملعونات وصل المطعم و يلسن البنات ياكلن و يسولفن و يظحكن .. خلصن من الاكل فرن القواطي فالزباله و راحن بتمشن كل اربع بنات ويه بعض .. كانت ريماني ويه علايه و وياهم شمووه و سلآمي .. و كل وحدة زاخه قوطي البيبسي وياها .. شوي الا يت عندهم بوية المدرسة .. يلقبونها ( جسووم ) و بالغلط ريماني جبت البيسبي عليها جسووم : اييه انتي ما تشوفين علايه : قل اعوذ برب الفلق .. من شر ما خلق شموه : هههههآآآي حلوة جسووم : اييه انتي شو قصدج ريماني : بسج صريخ نحن مب فسوق السمج .. ربيعة جسوم ( شهاب ) : لو سمتحي لا تتدخلين (( هاي البنت حالتها حاله .. ريماني و علايه قاصين عليها و قايليلها نحن نبا نتعرف عليج .. و البنت صدقت و اخرتها ريماني و علايه سوو لها طاف ريمآني : يا حبيبي طاعوا منوي يرمس جسوم : سمعي اييه انتي .. علايه ما ادري منو احترمي نفسج و اتأسفي عالي قلتيه علايه : ما بتأسف لج و لا هم يحزنون جسوم : شوووووه !! علايه : كلام الملوك لا يعاد .. جسووم : ايييه انتي ( و رفعت ايدها تبا تستقوي على علايه هنوده شافت الموقف من بعيد و يت و هي تررربع : خيير شو فيكن .. عسى ما شر جسوم : انتي ما لج خص لا تتدخلين و اول ما جيه قالت ريمآآني اتنرفزت و عفدت على ظهر جسوم مثل السباله .. و جسوم فقدت توازها وشعرها كلله تكشكش .. و البنات كللللهن ناقعات من الظحك شهاب : اييييه وخري عنها .. هنوده : وخري عن بنت عمي احسن لج راحت شهابوه زخت ايد هنوده تبا تظربها .. الا اتيها علايه و تمط شعرها و تدوووور فيها على كل الساحه و كل البنات يظحكن و بيموتن من الظحك .. و صارت ظرابه عووده بينهن .. وحدة من البنات راحت خبرت المديرة و الاخصائية .. و يت المديرة و هي خآآآيفه عن يصير شي فالبنات المديرة : حسب الله علييييييكن وخرن عن بعض .. بنات تعالوا ساعدوني !! فرقووهن و ودووهن على غرفة المديرة و حصلولهم هزبه محترمـــــــــــــــــــــــــة .. و دقت المديرة على اهاليهم و قالت لهم : تعالوا شلوا بناتكن الحييين .. >> المدييرة سمحت لهن يتمن لين الساعه1 لانه اخر ييوم |
شموه : آآآي عليووه يالدفشة دستي عريولي علايه : سووري والله كنت بطيح خخخخ شموه : هاذووه التلفون .. ريمآآني انتي دقي لانج حافظة الرقم ريمآني : اوكييك يالغلا دقت ريمآني عالمطعم .. و طلبت 4 بيتزا عوود للشلة كلها .. و ظهرن بسرعه قبل ما أي حد يحس فيهم .. راحن عند الفراشة و عطوها البيزات و رشوها عسب تدخل لهم الاكل (( خخخ ظهرن ملعونات وصل المطعم و يلسن البنات ياكلن و يسولفن و يظحكن .. خلصن من الاكل فرن القواطي فالزباله و راحن بتمشن كل اربع بنات ويه بعض .. كانت ريماني ويه علايه و وياهم شمووه و سلآمي .. و كل وحدة زاخه قوطي البيبسي وياها .. شوي الا يت عندهم بوية المدرسة .. يلقبونها ( جسووم ) و بالغلط ريماني جبت البيسبي عليها جسووم : اييه انتي ما تشوفين علايه : قل اعوذ برب الفلق .. من شر ما خلق شموه : هههههآآآي حلوة جسووم : اييه انتي شو قصدج ريماني : بسج صريخ نحن مب فسوق السمج .. ربيعة جسوم ( شهاب ) : لو سمتحي لا تتدخلين (( هاي البنت حالتها حاله .. ريماني و علايه قاصين عليها و قايليلها نحن نبا نتعرف عليج .. و البنت صدقت و اخرتها ريماني و علايه سوو لها طاف ريمآني : يا حبيبي طاعوا منوي يرمس جسوم : سمعي اييه انتي .. علايه ما ادري منو احترمي نفسج و اتأسفي عالي قلتيه علايه : ما بتأسف لج و لا هم يحزنون جسوم : شوووووه !! علايه : كلام الملوك لا يعاد .. جسووم : ايييه انتي ( و رفعت ايدها تبا تستقوي على علايه هنوده شافت الموقف من بعيد و يت و هي تررربع : خيير شو فيكن .. عسى ما شر جسوم : انتي ما لج خص لا تتدخلين و اول ما جيه قالت ريمآآني اتنرفزت و عفدت على ظهر جسوم مثل السباله .. و جسوم فقدت توازها وشعرها كلله تكشكش .. و البنات كللللهن ناقعات من الظحك شهاب : اييييه وخري عنها .. هنوده : وخري عن بنت عمي احسن لج راحت شهابوه زخت ايد هنوده تبا تظربها .. الا اتيها علايه و تمط شعرها و تدوووور فيها على كل الساحه و كل البنات يظحكن و بيموتن من الظحك .. و صارت ظرابه عووده بينهن .. وحدة من البنات راحت خبرت المديرة و الاخصائية .. و يت المديرة و هي خآآآيفه عن يصير شي فالبنات المديرة : حسب الله علييييييكن وخرن عن بعض .. بنات تعالوا ساعدوني !! فرقووهن و ودووهن على غرفة المديرة و حصلولهم هزبه محترمـــــــــــــــــــــــــة .. و دقت المديرة على اهاليهم و قالت لهم : تعالوا شلوا بناتكن الحييين .. >> المدييرة سمحت لهن يتمن لين الساعه1 لانه اخر ييوم |
وصل غلام المدرسة و شل علايه و وصل بابو دريول هنوده و شلها و يت عويش حرمة ابو ريماني الثانيه و شلتها و كان وياها ولدها عواس (( عمره 4 سنوات و شيطآآن وايد )) فـ السيارة عيسى : ثمعت انج ثويتي ظرابه .. كششششخه عويش : لا حبيبي الظرابه مب زينه عيسى : انتي تعورتي ؟؟ ريمآآني : لا حبيبي انا ما تعورت ..انا مثل الحصآآن عيسى : اذا انتي حثان عيل انا اثد >> أسد خخخ وصلوا البيت .. واول ما ريمآني دخلت .. سمعت صدى صوت ابوها يزقرها .. راحت عنده و حاولت تبين له انها ما تعورت .. بو نهيان و هو معصب : و بعديين ريم .. لين متى بتمين جيه ؟؟!! ريم و هي تصيح و واقفة جدام ابوها : أبوويه الله يخليك سامحني بو نهيان : ......... ريماني رفعت راسها و شافت ابوها و حست بتأنيب الظمير .. يعني هاي اول مرة يسكت عنها و يكون ويهه جيه راحت ريماني و فرت عمرها عند ريل ابوها : ابوويه .. و والله .. ا اسفه .. (( و تمت تشآآهق بو نهيان ما قدر و نزل عند بنته و حظنها و بكل حنيه قال : خلاص حبيبتي بسج صياح .. و لا بزعل منج ريمآني : فديتك يا بويه يعلني ما خلا منك و باست راسه و راحت عشان تريح .. و هي تمشي ابوها لاحظ مشيتها و قال بيوديها المستشفى اليوم العصر .. عقب ما تريح فـ بيت علايه علايه تدخل شوي شوي تحاول انها تشرد و تروح حجرتها .. الا تشوف ابوها و امها و اخوها سلطان واقفين عند باب الحجرة علايه : السلآآآم عليكم كلهم : و علييكم السلام ام حمد : مسووودة الويه شو مسوية سلطانه : لااا والله اختيه حرمة .. زيين سويتي فالبنيه علايه : هيييه والله سلطان ما شفت شو سويت مطيت شعر البنت و ــــ بو حمد : علآآآيه !! علايه و هي منزلة راسها : لبيه بو حمد : انتي تعرفين بفعلتج هاي .. انج نزلتي راسي و راس امج فالارض علايه : والله يا بوية انها هي الي بدت و انا ـــــ بو حمد و هو يصارخ : بسسسس و لا كلمة .. و عقاب لج .. ما بتروحين ويه امج و اخوج الامارات الشماليه .. كنت ناوي اطرشكم هناك تستانسون لين ما اخلص شغل الشركة و الحقكم .. بس الظاهر انج بتمين وياي علايه : ابووويه دخييلك لااا .. دخييلك بويه بو حمد : لا تترجين .. يالله عالحجرة تدخل علايه الغرفة و تاخذ الفون و تشوف مس كول من ( مايد |
علايه : ارد اتصل و لا لا .. امم بتصل مايد : هلا والله علايه : اهليين .. شحالك ؟ مايد : اكيييد بخير .. دام اني سمعت هالحس علايه : ..... مايد : ويينج ؟؟ علايه : سوري يالغالي بسكر عنك الحين مايد : لحظة لحظة .. اممم ابا اشوفج علايه : اسمح لي ماروووم مايد : افاا يالغاليه ليش عاد علايه : اسمح لي مايد .. مع السلامة فـ بيت هنووده فجت هنوده الباب ما لقت حد فـ البيت .. شوي الا تي عندها الفراشة سنداري : مدام ام عايض قول .. روحي غرفة عندها فوق هند تمشي بخطوات ثقيلة و راحت عند امها هنوده : السلام عليج امايه ام عايض : و عليج السلام يا بنيتي هنوده : امايه انا ـــــ ام عايض : انا ما بقلج شي الحين .. بس حطي فبالج .. ان نحن واثقين فيج .. و نبا سبب مقنع يخليج تسوي هالعملة هاي هنوده : بس ـــ |
ام عايض : ابوج فالحمام يتسبح والحين بيظهر تموا ساكتين لمدة 5 دقايق .. ظهر بو عايض من الحمام و شاف هنوده يالسة .. راح و يلس عدالها و مسح ع راسها و قال : بعطيح فرصة يا بنيتي .. قوليلي كل الي صار طاحت هند فحظن ابوها و تمت تصيييح و خبرته كل شي .. بو عايض : الظاهر ان هالبنية الي وياكم مب متربية عدل .. و انا واثق فيج يا بنيتي و متأكد ان ما قصدج تسوين شي هنوده : فديتك يا بوي .. و ربي انك احسن والد بهالدنيا .. ربي لا يحرمني منك بوعايض : يالله حبيبتي .. روحي ريحي عشان بعدين بنوديج بيت عمج هنوده : ان شالله فبيت بو نهيان (( بيت ريمآني .. بو نهيان : ريمآآآآني .. يالله بسرعه بوديج العياده ريمآآني : ان شالله شوي الا يدق تلفون ريماني .. كانت علايه علايه : هلا والله بنت العم ريمآني : هلا بج زوود علايه : بقوولج شو استوالي و الله اني مقهوورة (( و خبرتها كل شي ريمآني : وابووكم .. عاد انتي ابوج ما يرحم .. اذا قال شي يسويه علايه : هيييه والله اوففف ريمآني : انا بروح العياده لان ريلي تعورني .. جسووم الله يغربلها طيحتني طيحه قوية علايه : حللفي .. سلآآمتج ما تشوفين شر ..عيل بخلي غلام ايبني .. و بخطف على هنوده بالمره ريمآني : اوكيك فديتج .. يالله سي يوو علايه : سي يوو راحت ريمآني العياده ويه ابوها .. و هناك قابلوا علايه و هنوده .. دخلت ريمآآني عند الدكتور ويه ابوها .. و تمن علايه و هنوده فـ غرفه الانتظار .. الدكتور طمنهم بعد ما فحص ريمآآني .. و قال لهم ان عندها خدش بسيط فالعظام .. و كم يوم و بتصير احسن عن قبل .. دخلن علايه و هنوده عند ريمآآني هنوده : سلآآآمتج يالغاليه .. ريمآآني : الله يسلمج فديتج علايه : مااا تشوفين شر ريمآآني : الشر ما اييج .. الحمدلله انها عدت على خير علايه : آآآخ لو باجر عندنا دوام .. جان زخيت جسوم من شعرها و مسحت فيها الارض هنوده : ههههه هيه والله و انا وياج شوي .. الا ريمآآني تحس ان فيه واحد ياي و جريب من الباب .. و يرمس حد .. و حست انها تعرف هالصووت عدل .. و انه مب غريب عليها ابد منو تتوقعوون يكون ؟؟؟ بتعرفون فـ البارت الثالث^^" |
رووووعة نتريا البارت الثالث ^^ |
| الساعة الآن 06:05 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir