|
مسلسل { أبلة نورة }~ [align=center]السلـآم عليكم ورحمة الله وبركآته.." شحآلكم أول موضوع لي فهآلقسم.." طبعن فكل رمضآن كآلعآدة لـآزم نشوف عرض مليون مسلسل { مصري / سوري / لبنآني / خليجي / إمآرآتي }..؟؟ شو بعد :unsure: المهم هآلمرة شفت مسلسل لفت لي نظري ألـآ وهو { أبلة نورة }.." مسلسل يتخدث عن وآقع المدآرس { للبنآت }.." هل مآتشوفونه هو وآقع مدآرسنآ في الدولة...؟ أنآ مآعرف هم يعرضون المسلسل ع أسآس مدآرسهم ولـآ مدآرسنآ لو قلنآ مدآرسنآ.." هل أبلـآتنآ جيه..؟؟ 1- بعدهن مآيعرفن المديرة ومآشآفوهآ { يكرهونهآ من متى جيه }...؟ 2- من متى فآلمدآرس الحكوميه أوليآء أمور الطآلبآت يتبرعن بآلمكيفآت { وينه دور الحكومة }..؟ 3- وبعدين أظن فمدآرسنآ مآشي هآلعدآوة بين المدرسآت بآلعكس والله إنهن يسآعدن فبعض فكل شي..؟ 4- من متى الـأبلـآت يرشن البنآت ويغششون الطآبآت فآي مدرسة..؟ 5- من متى أحين أبلة عليهآ حركآت وسوآلف تحب ريل زميلتهآ شو هآ نحن وين..؟ <<<< إذآ الـأبلة جيه وين البنآ ت عيل مآينلـآمون بشي.." 6- وبعدين من متى البنآت جيه يكشخن فآلمدآرس ومبآيلـآت والمديرة صآخة عنهن.." <<<< لوين يبون يوصلون..؟؟!!! { فقط بوقف لهني } هآي بعض الـأشيآ المهمة اللي تحدث فهآلمسلسل ~ مآعرف هل هذآ الشي وآقعي يحدث في مدآرسنآ.." يمكن أنآ مآعرف لنه طول عمريه فمدآرس بوظبي لكن مآتوقع فمدآرس الدولة بكبرهآ جيه الـإدآرية أوكي من متى بتمشي مدرسة إدآريتهآ جذآ أكيد إذآ إنعدم الـأسآس خلـآص مستحيل يكمل البنآء.. الـأسئلة..؟ 1- هل هذآ مسلسل وآقعٌ نعيشه ولكن خفي علينآ..؟ 2- وإين الدور الـإيجآبي للمعلمآت..؟ 3- وإين النظآم..؟ هذآ شي بسيط كتبته لنه صدق مآعرفت شو أكمل لنه كل مآ أشوف المسلسل أسأل أمآية وأقولهآ { نحن عمرنآ مآشفنآ مدرسة جيه في الدولة }.." أحين الكل بيآخذ عنآ فكرة..!! بغيت رآيكم.." كآتبة الموضوع { بلوشيه }[/align] |
وعليكم السلام والرحمة تسلمين أختي على طرحج للموضوع واللي أعتبره بالفعل موضوع مهم و بصراحة ما أعتقد كل المواقف اللي فالمسلسل من واقعنا لأن المسلسل فيه تناقضات كبيرة وواضحة جدا فالبداية عندي تعليق بسيط على بعض النقاط اللي ذكرتيها وبضيف عليها بعد كم من نقطة مهمة 1 - بعدهن مآيعرفن المديرة ومآشآفوهآ { يكرهونهآ من متى جيه }...؟ صدقج والله أختي يعني المدرسات بعدهم ما أيعرفون المديرة وما أتعاملوا وياها كيف من أول يوم كرهوها بصراحة ها الشي يبين حق الناس أنه المدرسات ما عندهم أخلاق ولا أدب وبينهم عداوات ويا مديراتهم وأمس جفت لقطة بصراحة أستفزتني وااايد كيف يعني مدرسة توقف جدام المديرة وتيلس اتسب البنات وبصوت عالي ولا جنه شي هامنها .. وين بالله عليج الأحترام ؟؟ وكيف يبون الطالبات يحترمون المدرسات إذا المدرسات نفسهم مب محترمين مديرتهم ؟؟ 2- من متى فآلمدآرس الحكوميه أوليآء أمور الطآلبآت يتبرعن بآلمكيفآت { وينه دور الحكومة }..؟ هاذي النقطة وااايد مهمة وبصراحة هالشي يسيء لدور وسمعة الوزارة ويدل على أنه الوزارة مب قادرة اتوفر مكيفات حق المدارس وانها معتمدة على أولياء أمور الطاليات مع أنه الوزارة مب مقصرة في شي ودايما إيحاولون يوفرون إحتياجات المدارس 3- من متى أحين أبلة عليهآ حركآت وسوآلف تحب ريل زميلتهآ شو هآ نحن وين..؟ صدقج أختي .. لأنه المفروض المدرسة تكون قدوة للطالبات مب العكس إذا المدرسة جيه أتسوي عيل باجر لا ايلومون الطالبات على تصرفاتهم ! 4- وبعدين من متى البنآت جيه يكشخن فآلمدآرس ومبآيلـآت والمديرة صآخة عنهن.." هيه والله درسنا في المدارس 12 سنة ما أحيد مرت علينا هالحركات مكياج وموبايلات وأكسسوارات والمراييل فيهن قصات وموديلات هالأشياء كانت كلها مخالفة وتوصل أحيانا للفصل من المدرسة بس ما أدري كيف فالمسلسل عادي عندهم ؟؟!! والنقاط اللي أحب أظيفهم 1- الأبو الغني على قولتهم واللي متبرع للمدرسة بالمكيفات وذالنهم عليهم أحب أقول أنه عيال الأغنياء والشخصيات المهمة ما إيدخلون عيالهم مدارس حكومية و كلهم يدرسون في مدارس خاصة .. ولا أنتو شو رايكم ؟؟ 2- البنت المعرسة واللي تدرس وياهم الصبح وفي نفس الصف كيف هاي بالله تستوي ؟؟!! أعتقد أنه هالشي غلط وأصلا ممنوع فالمدارس لأنه البنت أول ما أتعرس إيحولونها مسائي أو تدرس فالجمعيات النسائية 3- البنت اللي تدخن سجاير والمدرسات والمديره ما شالله عليهم يدرون وجايفينها وساكتين .. حلوة هاي !! أصلا هالشي من أكبر الممنوعات فالمدارس إذا في مدارس الأولاد إيعاقبونهم .. فكيف عندنا في مدارس البنات ؟؟!! 4- لاحظت أنه في بنات ايسيرون المدرسة بسيايرهم الخاصة من متى أن شالله نحنا عندنا بنات مدارس ايسيرون بروحهم بسيايرهم لين المدسة ؟؟ !! الـأسئلة..؟ 1- هل هذآ مسلسل وآقعٌ نعيشه ولكن خفي علينآ..؟ 2- وإين الدور الـإيجآبي للمعلمآت..؟ 3- وإين النظآم..؟ بجاوب على الأسئلة بشكل عام أختي يمكن فالواقع تحدث نفس هالأمور لكن مب بهالدرجة اللي المسلسل عرض فيها هالمشكلات بصراحة عطوا الناس فكرة عن مدارس الإمارات أنها مدارس فيها حرية بدون حدود وأنه كل شي عادي عندهم وأنه العقاب ما يوازي الفعل نفسه مع أنه الحمدلله مدارسنا فيها نظام والتزام وفيها عقوبات للمخالفين والأدارة والمدرسات إيأدون واجبهم ورسالتهم على أكمل وجه والله يعطيج العافية أختي على الطرح والسموحة على الأطالة |
وعليكم السلام ورحمه الله وبركاته اشكرررررررررك بلووووشيه على الموضوع اللي جا صدق بوقته ماشاءالله سلامه ماخلت شي كل شي قالته كفيتي وفيتي وتبين الصراحه انا مب مصدقه اللي يصير بهالمسلسل بالذات. ولو تدرين وش سويت امي حرمتنا من هالمسلسل تقول انه دماااار وخرااااب وكل شي فيه قله ادب ومستحيل يصير في اي مدرسه باي دوله بالعالم. عاد الحينه ماعاد صرت اشوفه:24: يمكن الاحداث اللي تصير بالمسلسل تصير صدق بالواقع بس هم مرررررره بالغوا بحاجات كبيرررره . يعني مثلاً هاذيك البنت الغنيه اللي تحب الفقير وركبته السياره وتقول احبك وخرابيط وهو يقول امشي وانا خاطب وبتزوج وهي عاجبها الوضع ولا تحركت ( وييييييين عايييييييييشين حنا ) والا البنات اللي يدخنن خلوهم عادي ولا اخبروا اهلهن اعرف المدارس اذا صار مثل هالموقف فصلوا البنت وعطوها ملفها . على كذا بيصير كل البنات يدخنن والمدرسه اللي تكلم واحد وتطلع وباه , والبنت اللي تحب ابو صديقتها , وووووو .......إلخ تعرفين الحين اكثر مايتابع هالمسلسلات هم الصغار يعني اكيد بيتاثرون ويحسبون كل شي عادي ويسون مثل اللي يشوفونه لانهم جهال ماعليهم شرهه عشان كذا سوينا بيتنا مقاطعه لهالمسلسل نظرا لما لمسناه من تاثر . واكرر شكري لك . مع احترامي وتقديري نــــوافــــي |
وواقع × وااقع × ووااقع + مبـالغه شويه وايد مدرسات اطباعهن خايسه وكل شايفات عمارهن وفي المسلسل عرضو الزين والشين امـا عن المكيفات والتبرع انا عن نفسي ماحبيت هالشي .. صح عندنا مدارس تحتاي ترميم وصيانه شرا اللي في الشمال لكن هب لدرجه ان واحد يتبرع وان اتبرع مايتمنن وعيال الوزره احيدهم فمدارس خاصه هب حكوومه ومليونيره لوول :426: وعن المدرسات ترى في المسلسل هب امبين انها اتعرف ريل مدرسه عندهم .. لكن وايد اتصير مدرسات يرمسن شباب صح انهن مربيات لكن هب معصومات عن الخطأ .. اما عن تسرب الامتحانات فهالشي موجود عندنا اما عن الكشخه .. ختيه مدرسه .. ودوم تتشكى من الطالبات الا ميك اب في شنطهم الا مشوط الا راسمه عيونها واملونه ظفورها .. يعني يسوون بلاوي .. انا يوم انزل ختيه المدرسه اشووف البلاوي .. عباه مخصره ورافعتنها وتارسه الويه بودر .. يعني موجودين هالبنات وبكثره ويمكن في المسلسل نوع من المبالغه المسلسلات يعرضوون مشااكل في واقعنا لكن هب بصوووره واضحه او صحيحه فيها مبالغه واشكرج عالطرح |
يسلمو على الطرح وعلى ردودكم الغاوي الحقيقه كل الي بلمسلسل عبارا عن {تجميييييييييييييع لكل شي مب زين..~ الحقيقه انا عندي رد {الي بلمسلسل مو نموذج للي بلامارات بس لكل الخليج} {..واذا جت على المو بيل او حركات البويه..~ اوالكره الي بين المعلمات..~ او خيانت الزوج لضروفه الخاصه..~ اوالابله الي تغشش .. الخ~ فهاذي حقيقه لا تنكر انا اعرف معلما {..لها بنات بنفس المدرسه بنفسها قبل الكل بصبح حلت كل سوال كان حلا غلط لهم على الاختبارات في اخر السنه هاذا الكلام صار بعد الاختبار ..~ {الحمد الله انكشفت و صار لها الي صار}:090: * اما عدم احترام المعلمات لبعض اقولكم شي صار قدامي كان يا مكان كانت انوبا على معلمتين اخر ادوام وحدا مارضت وتبي تروح ووحدا تقول ما ابي ارقب وحدي ليش انا اشتغل ونتي لا؟!! يا تسدي مكانك ولا تجلسي حالك حالي شو عندك بيت وانا لا عندك غداء وزوج وانا لا؟؟!!! كلام فاضي والله وترد عليها وصوت يعلى على صوت و يد تطول ويد تحوش وانا انضرهم وضحك وقول بقلبي يارب استر {هاذيلا يعلمو وهم يبي لهم من يعلمهم} * ازيدك من الشعر بيت طالع شي جديد قصص غرام بين طالبات ومعلماتهم انا اعرف بنت تقولي كان يا مكان كلفتها معلمتها بنشاط سنه كاملا وكل يوم البنت تروح وترد على المعلما وهاذي المعلما تموت بلبنت ذي والبنت ما تدري المهم صار الي صار ان العمل تم وتسلم للمعلما والحمد الله كان رد المعلما على الطالبه تعالي اخر ادوام انا ابيك طيب قالت البنت طيب المهم راحت لها وكان بها ان المعلما تبكي ليش ايش فيك ايش صارلك يا ابله؟!!! قالت انا بسألك سوال ممكن؟ قالت البنت ممكن !! قالت انتي تحبيني رد البنت كان طبيعي انتي ابلتي اكيد ايه وحب الابله غير الحب المفروض بينها وبين طالبه ومثلكم عارف * وزيدكم ولا اقول بلاش ههههههههههههههههههههههههههه واسفه اذا غثكم او طال ردي لا املك غير قول شكرا" لكم على الطرح الطيب لا عدمناكم :13: تقبلو مروري مع تحياتي وجدان |
اقتباس:
هذا واقع .. ليش ما تتقبلونه !؟ نعم .. فيه مبالغه لكنه لا يزال واقع و أخويه ظبياني ما قصّر كفا و وفا تحياتي |
الـأسئلة..؟ 1- هل هذآ مسلسل وآقعٌ نعيشه ولكن خفي علينآ..؟ بالعكس خيتي .. واقع نعيشه .. و ممكن يكون خفي و ممكن يكون واضح للعيان .. شي معلمات جي و بنات جي .. لنه الاداره مش لاعبه دورها بالشكل المطلوب .!! 2- وإين الدور الـإيجآبي للمعلمآت..؟ الحينه شي اسمه اتقان .. انعدم للأسف .. المديره روحها يبالها حد يقومها ..!! 3- وإين النظآم..؟ شي مدارس نظامها جي .. فري يعني ..!! (( يمكن أنآ مآعرف لنه طول عمريه فمدآرس بوظبي لكن مآتوقع فمدآرس الدولة بكبرهآ جيه الـإدآرية أوكي من متى بتمشي مدرسة إدآريتهآ جذآ أكيد إذآ إنعدم الـأسآس خلـآص مستحيل يكمل البنآء.. )) تحوطي في مدارس الدوله و احكمي بنفسج .. وروحج قلتيها بلسانج .. (( يمكن أنآ مآعرف لنه طول عمريه فمدآرس بوظبي )) .. لا تحكمين ع اساس محيطج المدرسي الخاص بج روحه .. توسعي .. و بتفهمين من أي منطلق هالمسلسل ظهروه ..!! لكن أعتقد بانج كتبتي موضوعج .. بدافع الحرى و اقتناعج بانه ماشي مدارس تمشي على هالنظام .. و انا وياج في هالنقطه .. إداره زفته = انتاج 0 .. لكن بعد بقولج ان شي مدارس جي ^^ |
{ . . آحـم آحـم يعـطيـج العـآفـية ختـيه ع المـوضـوع وآنـآ رآي من رآي ضبيـآنـي ووجـدآن هالآشيـآء وآيـد تستـوي فالمـدآرس ونحـن الشبـآب دوم نسمـع علـوم البنـآت وشـو يسـون وآعتقـد بعـد هـآ شـويه لـي هـم يمثـلونـة فالمسـلسـل لان صـدق فـي بـويـآت وفـي نـآس ادوخ ونـآس بتلـفونـآت ونـآس الله يستـر عليـهـآآ فـي اشيـآء وآيـد تصـير ونـآس وآيـد مــآتـدري عنـهـآآ نحـن بعينـآ نشـوف يـوم نسيـر نيب حـد من لاهـل من المدرسـة آو نكـون خـآطفيـن من صوب المدرسـة وقـت طلعت البنـآت تشـوف اشيـآء يشيـب رآسـكم منـهـآآ لـدرجـة آن مـره وحـده مـوقـفـة وآحـد فالـشآرع والله سلـم مـآدعمـهـآ وقـفت جدآمة وتقـولة كـم رقمـك عـآد تبون الصـدق حـد من النـآس مـآيعرف المستحـى والمذهـب والله يعيـن آهليهن عليهن والله يستـر ع العبـآد وبخصـوص سـآلفـة المكيفـآت تستـوي يعنـي وآيد من الآهـآلـي لـي الله رآزقنـهم وآيـد يسـآعدون فالمـدآرس مثـلآ بمكيـف يدفـعـون عـن دريشـة مكسـوره يصبغـون الصـف ايبـون زرآعـة وغيييييره بصـرآحـة مـآدري لييش انتـو منصدميـن من هالآشيـآء لـي فالمسلسل لآنهـآ اشياء تستـوي عندنـآ وبكثـره بعـد . . يمكـن تقـولـون من وين يبـت هالعلـوم كلـهـآآ تبـون الصـدق دوم اسمع الآهـل يتشكـون وآنـآ عـآد اتفيـزر وآحـط ع المدرسة خخخخخخ لاتلـوموونـي من كرهـي لهـآآ :184: والله يصـلح حـال اليمييييييع ويهـديهـم ويهـدينـآ يـآرب . . } ~ |
السلام عليكم ورحمة الله وبركاته.. يا هلا و مرحبا بي الغاليــه..منــــــــــــــــــــوره قسمنــااا ^,^ 1- هل هذآ مسلسل وآقعٌ نعيشه ولكن خفي علينآ..؟ والله يا الغاليــه تـرا فى منــهم شي وااقــع صــراحه..بس طبعا كا مسلسل فا مباالغــه موجوده فيــه شوي ...بس صـراحه حاال البناات الله يستــر و يهديــهم ان شاءالله يا رب....مسوين مكيااج و حركااات و بلااوي صــراحه...و حتى فى المنتدي كم من بناات تكبوو انه نحنا بس نحط " كحــــــــل "..و راافعين خشمهم ع معلمااات. و الحين "fan" أحب بنت الفلاان و انا معجبه بي بنت فلاان..و بناات يغيرون صفهم بي سبب بي بنت ثاانــي..و تحدي بين البناات...لا يحترموونهم ولا شـــي.لا حول ولا قوة الا بالله :007: حتـى الادارة ما يحلوون مشااكلااات مثلماا مطلووب منهم...يعنـى فى ادراة كذا و فى كذاا..و فى مدارس جي و فى مدارس جي..ما شي كاامل... 2- وإين الدور الـإيجآبي للمعلمآت..؟ تبين صــراحه فى ملعمااات همهم أكبـر فقط رااتـب و بس..لا يدرسوون مثل نااس ولا شــي..ما انه هذى مسوءلية كبيـرة جدا ع معلماات...و عااد مديرة حد منهم يوم تحضــر و اسبووع ما تحضر..لوووول.. :a050: 3- وإين النظآم..؟ صــراحه كلاام تجي ع الادارة ..اذا ادارة قويه و فى نظاام قوي و تمشــى ع الجميــع...فا ما شي أحسن منه..بس هالايااام وين ..؟!! .. تسلميــــــــــــــــــــــن حبــوبه ع الموضــوع الحساااس جدأ...لاهنتــــــــــى منـــــــــوره ....ربــي يعطيج صحـه و العاافيـــــه |
اختي الصراحة المسلسل يرفع الضغط.. اللي ابي اعرفه شحقة مصورينه في الامارات وماشي ممثلات اماراتيات اللهم بس الجسمي والعامري .. هذا هب واقعنا وانا عمري ماشفت جيه مدرسات والحمدلله ماكننا ندخن ولا نييب مبايلات وشفت وحدة في المدرسة اتسوي هالسوالف وحسبي الله على اللي يبي يشوه صورة بلادنا |
وآللهـ موضوع صدق يستحق النقاش.. انا ما بزود من الرمسه الي قالوها اخواني.. لاكن الي بقولهـ .. هذا اي مسلسل يعرضوونه الي فيهـ الممثلات على الاخر.. يعني يسوون اي شي مثل موقف فاطمه الحوسني ويا العامري..؟؟ واي ابله هذي الي بترمس واحد ؟؟؟ والله اشياء تصير خيااليه .. يعطيج العافيه خيتوو |
سبقتيني في تنزيل الموضوع كنت اكتب موضوع بعنوان ابله نورة بين المياعة والثقافة كيف يصور المسلسل البنات ههن بحصص الرياضة صحيح ان المسلسل يلقي الضوء على عدة شرايح من المجتمع ويناقش مواضيع عدة حول الحياة المدرسية بس المشكلة ان معظم المشاهد ضمن الحياة المدرسية واحنا انعيش في مجتمع تحكمه عاداته وتقاليده احنا مب عايشين في مجتمع غربي |
1- هل هذآ مسلسل وآقعٌ نعيشه ولكن خفي علينآ..؟ انا بنظري ان هالمسلسل يحكي وااقع فعي لما نعيشه فالمدارس 2- وإين الدور الـإيجآبي للمعلمآت..؟ احين الدور الايجابي للمعلمات طااار فالسماء واذكر مرة اختي جالتللي ان عينو معهم مدرسة صايعه تغازل الشباب وترمسهم جدام البنات عيل بذمتكم هذي مربية اجيال ؟؟ :132: 3- وإين النظآم..؟ ماكو نظااام فالعصر هذا النظام هو الخط والهدف اللي كل واحد يرسمه عشان يعيش حياته |
اقتباس:
اقتباس:
ختيه وجدآن مشكورة ع ردج أنآ بقولج هآاللي يعرضونه فآلمسلسل كله سلبي والله مافي شي إيجابي وبعدين صح بنآت أييبون فونآت وميكب وحشرة { بس الادارة يوم تزخهم تسويلهم سآلفة تنبيهآت وأوليآء أمور ووزآرة }.." لكن في المسلسل عآآآدي ولا جنه شي صآر وبعدين من متى المدرسآت يقلن أدبهن ع البنآت بدون سبب ويقلن أدبهن ع المديرة والله جذب × جذب.." وبعدين إنزين خلهم يعآلجون مشآكل الاعجاب لكن نحن مآشفنآ شي خلهم يعآلجون مشآكل البويآت نحن مآشفنآ شي.." وبعدين من متى بنية يوم المدرسة توصل لهم صورها يسكتون يآآآآخي وين أستوى هذآ..؟!! اقتباس:
أنآ بقولج أني مش معآج مستحيل الوزآرة توظف مديرة هب متقنة حبيبتي الموجهين والمديرآت مستحيل يتوظفن إلأ إذآ درسوآ كم من سنة وشآفوآ عملهم وكل شي إنتوآ ليش مآتبون تبرزون الدور الايجابي وبعدين متى الوزآرة تخلي مدرسة فري حبيبتي الوزارة تحوط فالمدارس وتشووف الاشيا هب غافلة وبعدين إذا المدرسة مالها نظااااام صدقيني مستحيل بنت اوكي تظهر فالمدرسة اصلن اولياء الامور كانوا بيشتكون.." لكن نحن نشووووف اشيا غافلة عن الادارة مثل الميكب لنه البنات هن الاساس اللي يسوون هالشي ..الادارة تعرف دورها اقتباس:
دنيآ غريبة..!! أنآ بقولك عن سوآلف البنآت عقب المدرسة المدرسة مالها خص لنه خلاص هم مايكونون ع مسؤوليتهم { ها معروف } يعني البنت برايها ع كيفها لكن دام هي فالمدرسة ودوامها المدرسة تتصرف.." وبعدين صح عن سوالف يتبرعون هيه اقولك اياها ها من نفسهم الاهالي حبن للمدرسة وبعدين مايطالبون بها وهب عشان انه ينجحون عيالهم ولانحن حيه سوينا وبعدين عن صبغ الصف هاكل المدارس عادي تصبغ والمعلمات يساعدون نحن رمسنا صفنا كااااااااااامل وانا وبنات خالاتيه اللي هب معانا فالمدرسة وماقلنا شي وبالعكس تأخرنآ ودفعنا وكل شي بس والله آخر شي مجهودنا ماراح جذه كرمتنا الادارة وودوتنا رحلة وبنات خالاتيه اللي هب معانا يوو عادي من الوزىرة تكريم لهم يعني مستحيل هالسوالف تطري او تستوي اذا كانت الادارة معلوم بها اقتباس:
وعليج السلام هلا والله حبيبتي منورة ××××××××××××××..^^ مشكورة ع ردج الصراحه انا اشوفها مبالغة لكن انتوا يمكن بس تشوفون هالصوب الواحد هب من الصوبيين ليش ماعرف لكن ماقول غير الله يهدي اليميع وحيآكم نورتوآ لاموضوع بردودكم.." وطبعن رآيكم ع عيني ورآسي |
السلام عليكم اول شي حبيت اقول رايي ان مسلسل ابلة نورة من افضل المسلسلات واكثرها واقعية ونا بجاوب على الاسئلة من خلال وجهت نظري. - بعدهن مآيعرفن المديرة ومآشآفوهآ { يكرهونهآ من متى جيه }...؟ في ناس عندهم هذا المرض اللي يسمى بمرض الكبر والغيرة وحب النفس وني انا قدلي سنين في هذا المكان كيف اي شخص جديد ويفرض راية علي. 2- من متى فآلمدآرس الحكوميه أوليآء أمور الطآلبآت يتبرعن بآلمكيفآت { وينه دور الحكومة }..؟ نعم وهذا الشي موجود ان ماكان عندنا موجود في دول خليجية ثانية والمسلسل يتكلم عن هذي المشاكل بشكل عام (((( يعم مايخص))) هب لنة المسلسل تم تمثيلة في الامارات يعني كل هالاخطاء والسلبيات عندنا ونشاللة فهمتو قصدي؟؟ 3- من متى أحين أبلة عليهآ حركآت وسوآلف تحب ريل زميلتهآ شو هآ نحن وين..؟ اولا اللي متابع المسلسل بيعرف ان المدرسة ماتعرف ان اللي اتكلمة زووووج زميلتها ولا هو يعرف انها زميلت زوجته يعني كل شي صدفة 4- وبعدين من متى البنآت جيه يكشخن فآلمدآرس ومبآيلـآت والمديرة صآخة عنهن.." نعم الحينة يكشخن وهذا الشي جفتة ابام عيني مش ابعيني وبس:خ9: 1- الأبو الغني على قولتهم واللي متبرع للمدرسة بالمكيفات وذالنهم عليهم أحب أقول أنه عيال الأغنياء والشخصيات المهمة ما إيدخلون عيالهم مدارس حكومية و كلهم يدرسون في مدارس خاصة .. ولا أنتو شو رايكم ؟؟ لا واللة انتي غلطانة في ناس فلوسهم فوقهم وتحتهم ودرست وياهم وعلى فكرة وواحد منهم تبرع بمكيفات والثاني كمبيوترات خخخخخخ 2- البنت المعرسة واللي تدرس وياهم الصبح وفي نفس الصف كيف هاي بالله تستوي ؟؟!! نعم كلامج صحيح امية بالامية والدليل ان لين الحين محد يدري بزواجها لا صديقاتها ولا الادارة 3- البنت اللي تدخن سجاير والمدرسات والمديره ما شالله عليهم يدرون وجايفينها وساكتين .. حلوة هاي !! أصلا هالشي من أكبر الممنوعات فالمدارس نعم هذا الشي ممنوع ونا ماظن ريت حلقة من الحلقات المدرسات شافو البنات يدوخن وسكتن بالعكس يحاولن يصلحن الامور بطريقة صحيحة وخاصة ابلة نورة 4- لاحظت أنه في بنات ايسيرون المدرسة بسيايرهم الخاصة في لو اني ولد وهذا صاير في نفس المدرسة اللي تم التمثيل فيها الـأسئلة..؟ 1- هل هذآ مسلسل وآقعٌ نعيشه ولكن خفي علينآ..؟ نعم وااااااااااااقع 2- وإين الدور الـإيجآبي للمعلمآت..؟ في مدرسات في المسلسل دورهن ايجابي وفي مدرسات دورهن سلبي وهذا الشي واقع لا مفر ايدج لن المدرسات بشر والبشر منهم اللي يخطي ومنهم لي يصيب 3- وإين النظآم..؟ والنظاااااااااااااام موجود في المسلسل. وسلامتكم. |
انتوا اشفيكم جيهـ !! يعني أونكم ماتعرفون شو يصير ف مدارسناا .. كل شي يصير فالمسلسل صح .. المبايلات الي ويا الطالباات .. أحيد يوم كنت فالسكول بص بنات الصف وياهم فونات ويتدموهن فالحصص !!!! المدرساات ماديروون لااااان البنات لوااته في لوااته اا صار تفتييش الكل يخش فوناته ف اماكن جهنميه والدوااخهـ بعد في بنات .. أنا احيد زخوا وحده ف مدرستنا ادووخ بس مافصولهاا حرام عليكم كيف يفصولنها .. تبون مستقبل بناتكم يضيع والسبب حبه جيقااره ؟؟!! والشباب الي يلعوزون بناات .. اهنيه حدث ولا حرج .. أغلب البنات يرمسون .. لا تقولوون لا انا توني متخرجه من السكول واعرف كيف البناات وسالفة المليونير >> ابو ظبيه< < الي يرشي الابله عسب تنجح بنته ولا تجوفلها صرفه انا اعرف وحدهـ .. تدفع كلللل شهر لابلتها حوالي 2000 او 3000 وتعطيها الاسئله جااهزه مجهزه و تزيديها درجاات ياا نااس نحن صج مانرضى ع بلادنا .. بس هذا وااقع نعييشه لام تتقبلونه عسب تقدرون اتصلحوونهـ .. والسمووحه منكم |
يعـطيـج العـآفـية ختـيه ع المـوضـوع وآنـآ رآي من رآي ضبيـآنـي ووجـدآن واااااااااااااااااقعي وفيه من المبااااااااااااااااالغه |
السلام عليكم للأسف في مجتمعنا الحالي نعاني من مرض أسمه الكمال .. الكمال لله سبحانه وتعالى فقط .. وكل شي وله ايجابياته وسلبياته .. نحن المفروض مانطالب دائماً بالكمال وبأن العمل يكون ايجابي خالي من السلبيات !! مسلسل أبله نوره .. بالتأكيد له سلبيات كثيره مثل ماتفضلت الأخت الفاضله وعرضتها خلال الموضوع .. ولكن بالتأكيد هناك ايجابيات .. هناك بعض الأمور الي تناولت وطرحت بشكل صحيح بالمسلسل .. والمسلسل مايتلكم عن واقع اماراتي .. المسلسل يتكلم عن واقع خليجي عربي .. واتصور الرشاوي موجوده وانا متأكد من هالشي من ايامنا حنا يوم ندرس وياكثر المدرسين الي شردو من الدوله بعد ماكشفوهم وياكثرهم الي سجنوهم .. حنا مانقول الكل لكن اقليه قليله جداً .. بخصوص المكيفات .. بالتأكيد دور الحكومه موجود وقايم ولكن ( المساعدات ) وليست التبرعات صدق موجوده في مدارسنا .. حنا نصبغ صفوفنا على حسابنا وهذا من طيب خاطرنا .. وصارت بسنه من السنوات الي قبل على ايامنا ان واحد من ربعنا ابوه صبغ كل الصفوف وكانت بادره طيبه والكل شكر فيها والمسمى الصحيح لها مساعده وليست تبرع .. مشكلة البويات موجوده وبشكل فضيع في عالمنا الحالي وتناولها المسلسل بشكل جميل ووضح لنا بان سبب هالخلل الجنسي هو الأسره وتفككها وبالتأكيد هذي وجهة نظر صحيحه يشكر عليها المخرج والكاتب رغم أن قبل كان الكل يتوقع بأن البويه والبويات مايسون هالشي الا من طيب خاطرهن !! .. اهمال المدرسات والمدرسين .. ايضاً موجود .. حنا عمرنا ماقلنا بأن كل مدرسينا زينين .. لأنه الصدق والحقيقه تنقال بأن فيهم المهمل والغير مبالي وغيره وغيره ومسألة ان الأبله تكلم واحد .. بالنهايه الأبله بشر وتحطئ حالها حال غيرها .. وفعلاً تصير في واقعنا أنها تكلم والامر ماهو بالمعجزه .... وفكرة ان ابناء العز مثل ماتفضلتي يدرسوون في مدارس خاصه وبس انا اقولج بأن عيال الشيوخ يدرسون بمدراس حكوميه والمدارس الحكوميه مافيها اي عيب وفيها كل الأنواع والاشكال :) بلوشيه .. خلاصة القول .. انتي بنفسج لولا اعجابج بالمسلسل ماكنتي قدرتي تحليلين كل هالاشياء واطلعين كل هالنقاط صح ولا لا ؟؟ انا معاج بأن المسلسل فيه عيوب كثيره وانتي مش غلطانه بالكلام الي قلتيه ولكن المسلسل ايضاً فيه جوانب ايجابيه كثيره وارد واقول الكمال لله سبحانه وتعالى وحده وحنا للأسف واقعنا مر والصراحه فيه مرفوضه ولا الحقيقه ان بنسبة 90 بالميه من الاشياء الي تصير بالمسلسل هي فعلاً موجوده في عصرنا الحالي شكراً لج وهذي وجهة نظري واحترم راي الكل وماقصرتي وبنتظار جديدج الشاعر |
مسلسل سلبياته اكثر عن الاجبيات جيه نحن وين عايشين.. الابله بنطرول والشيله ما شئ .. وبعدين الممثلين نصهم غير اماراتيين.. ليش يسونه في الامارات ويشوهون الصوره.. الشئ الحلووو في المسلسل تعامل المديره مع المواقف .. وبعدين البويه الي في المسلسل واااايد مخلينهااا اوفر.. اوكي يريدون يعالجون ظاهره البويات.. هذااا شئ حلوووو بس مب جذيه.. |
السلام عليكم ورحمة الله وبركاته اي نعم هاي واقع احنا نعيشـه 1- بعدهن مآيعرفن المديرة ومآشآفوهآ { يكرهونهآ من متى جيه }...؟ وايد اللي جيه ترا =) مايحبون المديره 2- من متى فآلمدآرس الحكوميه أوليآء أمور الطآلبآت يتبرعن بآلمكيفآت { وينه دور الحكومة }..؟ هذي صدقتي فيها لوول 3- وبعدين أظن فمدآرسنآ مآشي هآلعدآوة بين المدرسآت بآلعكس والله إنهن يسآعدن فبعض فكل شي..؟ لا من قال . . وايد مدرسات بينهم عداوه . . هاي شي احنا عايشينه وجايفينه بعد اخبر مرره . . صارت سالفه بين مدرستيين عندنا . . وصلت للضرب . . وجدام البنات بعد 4- من متى الـأبلـآت يرشن البنآت ويغششون الطآبآت فآي مدرسة..؟ واايد في مدرسات جي 5- من متى أحين أبلة عليهآ حركآت وسوآلف تحب ريل زميلتهآ شو هآ نحن وين..؟ <<<< إذآ الـأبلة جيه وين البنآ ت عيل مآينلـآمون بشي.." مادري عن هالشي 6- وبعدين من متى البنآت جيه يكشخن فآلمدآرس ومبآيلـآت والمديرة صآخة عنهن.." عاادي زين . . ماجوف يعني يكشون ذييج الكشخه اللي تقولين عنها وعلى فكره وايد بنات اييبون الجوال . . هاي واقع احنا عايشينه فالمدارس . . خصوصاً الثانويه اعتقد انتي مريتي بهالمرحله وجفتي البنات شلون ماشوف فيها اي شي لا تشويه حق سمعه هل الامارات ولا شي . . اوكي صح المسلسل له سلبيات . . بس بعد له ايجابياته مافيهـآ شي يعني . . اذا تكلموا عن الواقع هالشي مب بس بالامارات . . هالشي بالخلييج كلله مب انهم مثلوه فالامارات يعني هالشي منحصـرر بس موجود فالامارات صح ؟ يوم تكلموا عن البويات . . في بويات اخس من هذي والله . . يعني هالشي اصلاً مب بس فالامارات اللي تقولون مشوه سمعة البلاد ع العموم انا ماجوف فيها شي حتى . . السموحه منج |
1- بعدهن مآيعرفن المديرة ومآشآفوهآ { يكرهونهآ من متى جيه }...؟ صح صراااااحه شوها مديره مايعرفونها ع طول كره 2- من متى فآلمدآرس الحكوميه أوليآء أمور الطآلبآت يتبرعن بآلمكيفآت { وينه دور الحكومة }..؟ هيه والله صدق من متى الحكومه والحمدلله ماحيدها مقصره 3- وبعدين أظن فمدآرسنآ مآشي هآلعدآوة بين المدرسآت بآلعكس والله إنهن يسآعدن فبعض فكل شي..؟ لا الصراحه السموحه شي واااايد عداوه بين المدراسات هذاج كان قبل الحين لا الغيره والحقد كل مكان 4- من متى الـأبلـآت يرشن البنآت ويغششون الطآبآت فآي مدرسة..؟ لاااا والله يسون المستحيل عسب البيزات بس مب كل الابلات اكيد شي منهن توب ماعليهن رمسه 5- من متى أحين أبلة عليهآ حركآت وسوآلف تحب ريل زميلتهآ شو هآ نحن وين..؟ صراحه السموحه ها الشي صدفه صاير واعتقد انه خارج سور المدرسه يعني صدف <<<< إذآ الـأبلة جيه وين البنآ ت عيل مآينلـآمون بشي.." 6- وبعدين من متى البنآت جيه يكشخن فآلمدآرس ومبآيلـآت والمديرة صآخة عنهن.." من تى من ها الزمن الي قبل كان ماشي صح بس ف ها الزمن شي واااااايد.. احب اضيف شي اذا المديره تمت ع عطفيتها وطيبتها عاده البنات صدق بيزودنها من بدى المسلسل واحس المديره كله صاخه لاطر ولاشياته واعتقد سالفه ادوخن مب شي عادي شي جايد والمسلسل فيه سلبيات وايجابيات صح هااا واقعنا لكن في اشياء صراحه اوفر يسلمو ع النقاش الحاد وكلن له وجهه نظر والسموحه سلامي |
نا بتكلم من وجهة نظري و ماعليه من الناس......اغلب اللي انا اشوفه ف المسلسل موجود ف مدارسنا واخس .. وانا اتكلم بحكم اني اعرف مدرسات و وكيلات من مدارس حكومه ها لاني انا ماعرف جو مدارس الحكومه ....و قالولي عن اشياء وااايد تستوي ف المدارس اخس عن هالاشيا اللي نشوفها ف المسلسل بس احب اقووول انه الي يطلع ف المسلسل اشياء بسيطه من الاحداث اللي تستوي ف مدارس الحكومه ....بس طبعا فوق كل اللي يالس يستوي ف المدارس الطالبات مايدرو عن اللي يالس يستوي ويا الابلات و المدرسات.... وامنى محد يزعل من الكلام اللي انا قلته بس انا اتكلم عن وجهة نظري انا .....و يسلموووو خيتووو ع الموووضووع النااايس ...:169::10: |
تسلمين الغلا ع الطرح الطيب الموضوع يستحق النقاش ،، لأنه يتكلم عن واقع ل دققتي في اغلب الأجابات كلهم رفضوا الموضوع واعتبروه زياده و جذب x جذب؟!! للحين ما شفت اي شي جذب جان تبين الصراحه،، واذا الأخوان والأخوات يبون تأكيد بأسماء طالبات و مدرسات و مديرا و مدارس ما عندي مانع،، وفيني اصف لهم لسته من دبي ابوظبي الين الفجيره. المسلسل الوحيد الي فعلا يستحق المشاهد و الشكر ..من بد كل المسلسلات التافهه الي مالها اي قيمه او حتى حل للمشكلات.. الموضوع ناقش كثير من المشكلات الي تصير في حياة كل انسان،، و تم معالجة الأمر في سكات من دون الحاجه للشوشره و الفضايح.. 1- المدرسات يكرهن المديرات.. صارت و الله العظيم صارت.. و الموضوع صار في دبي و عيمان بالتحديد.. كانت المديره طيبه و المدرسات كرهنها لأنها كانت اتحاول تخليهم يمشون وفق جدول معين.. بس هن تعودن على انهن يسون الي يبنهن ..بما ان مافي رقابه دايمه عليهم.. والأستاذه " حمده " في المسلسل اعتقد انها تصور الوكيله بصوره صحيحه،، لأنها تفتر ع المدرسه تنبه الكل عشان يخش الغلط و يخلي الصورة السليمه في الواجهه.. 2- طالبات يكشخن و موبايلات و مكياج وااايد صارت في المدارس حتى آخر سنه اذكر انهم اتخذوا قرار و نفذوه.. اي بنت تكشخ و مكياج و حالتها حاله ،، بيغسلون ويها في نص الفسحه.. ياااما شفناهن يسلون ويوهن من المكياج ،، حتى القلوسات و الجحال طلعوهم من الشنط،، و الموبايلات،، يطردون الطالبات اسبوع و يردن من بعدها ولا كأن صار شي.. اقصاه يحولونها لمدرسه ثانيه.. يعني اعتدلت البنت؟!! 3- المشاكل و التنافس الي بين المدرسات كثير من المدرسات دخلن البنات في مشاكل ما بينهن.. واغلب المشاكل ع الأفضليه في التعليم،، و هذا كله عشان يكتبون فيهن تقريرحلو و يترقن؟! وطبعا الكل بيتحجج بأنهن مدرسات و اخلاقهن اعلى من جذه،،هب كلهن و الله،، البعض منهن ما يستحقن ينقال عنهن مربيات و مدرست 4- البوياات عااد هذيلا في سنتنا الأخيره اظن انهن كانوا رياييل بلبس بنات؟! الحركات تعدت مجرد لبس و شويه اكسسوارات تحولهن لرياييل،، كانت تصرفاتهم بالظبط رياييل ،، وفي سنه من السنوات كسرن سيارت مدرسه اللغه العربيه لأنها ما نجحتهن؟! ادرسن عشان تنجحكن؟؟!! 5- علاقة الحب اي تمر فيها المدرسه مع زوج زميلتها المدرسه اصلا هي ما تعرف عن هويه الريال ،، وعن كونه زوج زميلتها او لا؟! والي فهمته انهم يتكلمون عن العلاقات الي تربط بين الحرمه و الريال بشكل عام لأن نفس العلاقه تمر فيها طالبه و هو فضحها قبل حلقتين ،،بنفس لحركه الي استوت في مدرسه في الشارجه.. وبعدين كونها مربيه ما يعني ان مالها حياة خاصه؟؟ و اهيه لازم بتوقع في الخطأ محد معصوم عن الخطأ .. 6- التدخين في المدرسه و السيايير الخاصه صارت بعد في المدرسه و البعض من المديرات تدخلن شخصيا في حل المشكلة من دون تعريض الطالبات للنقل او الطرد،، و غير هذا انا كنت اداوم بالمدرسه بسيارتي ،، مجد قال لي شي؟! اوقفها برع المدرسه منو له دخل فيني ؟! وعن المتزوجه الي اداوم الصبح،، لو انتبهتوا ع الحلقات ،، بتشوفون انها ما تلبس دبلة العرس و وحده من اربيعاتي سوت نفس السالفه ومحد عرف انها متزوجه الا بعد ما تخرجت ^ ^ 7- أولياء الأمور يتدخلون في صيانه المدرسه بعد شي من واقعنا ، بالذات الي ابهاتهم اغنياء ،، صبغوا المدرسه،، ركبوا مكيفات،، واشتروا طاولات،، حطوا ثلاجات ماي ،، ووصل فيهم الحال انهم يدفعون مبالغ كبيره ومنها المدرسه سوت صاله رياضيه داخليه..واذا تبون بالأسم بعطيكم " اسم الطالبه، ولي امرها ، اسم المدرسه" 8- الرشاوى في كل مجال عمل نلاقي من يقبل بالرشوى،، يت ع المدرسه؟!! واايد من المدرسات في سنواتنا نجحوا بنات و الله لو تطلب منهن يكتبن اساميهن بتلوع جبدكم ع بال ما تكتب اسمها ؟!! وبالتالي تنجح و بدرجات عاليه ،، طبعا الأبله الي في المسلسل غبيه حد يعطي طالبه اجابات نموذجيه و درجات كامله؟!! وتطول لوحة الأنتقادات.. والأمر ما يعمم ع كل المدرسات و المدارس و المديرات.. بس الحقيقه تقال،، نحن المفروض نعترف بالي يصير في بلادنا و الي يعيق مسيرة تقدمنا ،، مثل هذي الأمور اتصير كل يوم،، والمسلسل ما ياب شي من عندهم،، واكبر دليل على اسوء مدرسه في الأمارات " مدرسه الحيره" عندنا في الشارجه،، تقريبا نلاقي كل المشاكل فيها؟!! ومحد كان موجود عشان يحل المشكله،، لأن كل مدرسه او مديره يحطونها اهناك تشرد عنهم من اول اسبوع؟!! وانا سرتها اول يوم و انتقلت منها ع طول ؟!! والسموحه.. تحياتي |
ردي على الاخت مديه من قالج ماشي بنات يدخنن في المدارس ؟؟ يمكن انتي ماتعرفينهن لانج ماتخلاطين هالنوعيه الدنيئه من البنات لكن في وبشكل كبير .. والدليل اتحصلين بنات المدارس وقت الدوام في المقاهي شاردات .. ويشيشن ويدخنن وانا شايفنهم .. وفي موقف قهرني من ابله نوره انها حللت وشجعت يوم الام .. امهاتنا كل يوم فووق روسنـا وفعينـا ودوم نهديهم وانفرحهم .. لكن هاليوم حرم شرعا .. واتي هي اتحلله وبحديث وتفهمه على كيفها واتفهم الناس مثل ماقال الشاعر الكمال لله .. |
ههه ضحكتيني من الخاطر هههه ترا بعض المعلمين يدورون الفلوس وتراهن والله يسوونها بس عشان الفلوس الفلوس تغير النفوس .. هههه والعداوه بعد شي |
[align=center]مرحبـــــــــــــــــــــــــــــا ,, بصراحه انا من المتابعين للمسلسل :2: ,, رووووعه بصراااحه ,,, وطبعن هالمسلسل يرمس عن واقع مدارس دوله الامارات العربيه ,, والمدرسه اسماء بنت النعمان ف دبي ,, والقضايا اللي ف المسلسل تمثل واقع مدارس الدوله ( مب كل القضايا طبعن ) ,, وبصراحه انا توفقت عند هالجمله اللي انتب كتبتيها ( 2- من متى فآلمدآرس الحكوميه أوليآء أمور الطآلبآت يتبرعن بآلمكيفآت { وينه دور الحكومة }..؟ ) ,, طبعن انتي تظنين ان الحكومه هي اللي تسو كل شي ,, يمكن لانج ف بوظبي :2: ,, والله حنا اللي كنا نرتب المدرسه ونصبغ الصفوووف ونسو سيراميك ونرتب كل شي ,, من حسا بعض الطلاب الاغنيا ,, بدون ذكر اسامي :78650: ,, وبعدين البنات يوم يسيرون المدرسه يتكشخون ومدري شووو ,, ومثل ما المحبه والتعاون موجود بين الابلوات ,, اكيد ان الكراهيه والحقد والحش موجود بينهن ( والبنات يعرفون هالشي طبعن خصوصن الحش ,, هع هع هع ) ,, وطبعن شي ايجابيات وايد ف مدارس الدوله ,, تسلمين اختي ع الموضوووع ,, Qanes ALreem[/align] |
1- هل هذآ مسلسل وآقعٌ نعيشه ولكن خفي علينآ..؟ المسلسل واقع نعم...خفي لا... بالعكس واضح كتيييير... بتقدري تقولي انه بعض المواضيع اللي عالجها المسلسل كلنا بنعيشها.. متل موضوع البويات مثلا.. البويات بتقدري تقولي موجودين بكل مدرسة.. وبشكلو مشكلة كمان... ولازم نحلها.. والمسلسل بحاول يحل هالمشكلة.. بس يعني في أشياء مبالغ فيها.. متل الغنية اللي بتموووت ع الدريول تبعها.. وخربت حياته مشان يحبها.. وبتعمل المستحيل مشان يحس فيها... 2- وإين الدور الـإيجآبي للمعلمآت..؟ بظن انهـ أكبر دور ايجابي بالمسلسل.. هو دور أبلة نورة.. لأنها بتجسد دور المديرة المميزة.. اللي بتخاف على طالباتها وكل همها مصلحتهم... وفي كمان بس هاي أوضحها... 3- وإين النظآم..؟ اممم الصراحة في مدارس بالدولة هيك فري يعني مو كلها ملتزمة... وعن الطالبات النظام بيجي من البيت مو من المدرسة.. لأنه مسؤولية الأهل... ----------- مشكورة بلوشية ع الموضوع الراائع وبيستحق نقاش الأعضاء... تقبلي مروري..^^ |
السلام عليكم مشكورة اختي البلوشه ع هذا الموضوع الصراحه انا من بداء رمضان ما تابعت الا مسلسل واحد الا وهو ( مسلسل ابله نورة) *اول شي لانهم مثلوا في مدرستنا *وثاني شي الصراحه هذا المسلسل رووووووووووعه وما عليه قصور هو صح ان مب كل شي فلمسلسل صدج بس اغلب الاشياء حقيقه والسموحه :78650: |
[mark=ff6600] والله بصرااحه الاعضااء والجمااعه كفوا ووفوا ... والكل رأيه صح وما أعتقد فيه شيء من الغلط ... بس حبيت اقوولكم .. هب كل مداارس الدوولة فيها هالسواالف ...[/mark] 1- هل هذآ مسلسل وآقعٌ نعيشه ولكن خفي علينآ..؟ هو فيه بعض الوقاائع بس هب كلها ... يعني الحمد الله أنا لحد ألحين ما سمعت عن بنت تدخن طوول ما أنا أدرس وللحين أدرس وما سمعت شيء عدنا الحمدالله .. بس ع ساالفة المووباايل بس مره وحده سمعت بنت اولى ثنوي يايبه مووباايل .. وبس يعني هب لا ذااك الزوود .. 2- وإين الدور الـإيجآبي للمعلمآت..؟ أي دوور إيجاابي أي بطييخ .. عدنا نحن مصلحة ووااسطه فوق فوق .. والله الأبلة ما تييج إلا بالقردنه ... والله وأقوولها لكم .. قردنييها جوفي كيف بتكوون ويااج .. والله لتحطج فووق رااسها .. سإلووني ترااني مجربة .. خخخخخخخ بس مو كل المدرساات جذي .. 3- وإين النظآم..؟ دخييلج والنظام .. الإداارة هالوقت جوفي كيف والله إنهم مصخرة وكلك .. يعني تحسوون قهر .. انتي تتعبين وتدرسين وآخر شيء البنت الثاانية تااخذ نفس درجت باارده مبرده .. ولأ أزييدكم من الشعر بيت .. لما تغلط هالبنت يحطوون ع الثاانيه .. يعني صدق فالمسلسل ياابووها عدل ... والله إني ما أرضااهاا .. وأنا مستحييل ينأكل حقي .. والله لأعفسهم عفااس .. بس بحدوود الأدب يعني .. وأنا أعتبر البنت إلي تسكت وما تداافع عن نفسها .. ما عدها شخصية ولا كراامة .. اسمحوولي طلعت برى الموضووع .. خخخخ بس أحسه المسلسل فيه سلبيات وإجاابيات .. وعن البووياات .. نحن عدنا ما أقوول لأ ... بس هب لهالدرجة يعني .. [mark=ffffff]بس والله إلي عيبني فالمسلسل .. إنه الريااييل ما يشبرووون دااخل المدرسة زيااده عن الحد .. والله نحن عدنا سبهلله ... ريااييل دااخلين ورااييل طاالعيين هنووود دااخلين وهنوود طاالعين ما نقدر نااخذ رااحتنا ...[/mark] يعني هذا إلي أجووفه عدنا .. وما عندي أي فكرة عن أي مكاان ثااني لأني ما جاايفة ولا متأكدة .... [mark=ff6600]والسمووحه طولت علييييكم .. تسلمين الغاليه ع المووضووع الحلو .. وهاذي وجهة نظري ..[/mark] تحياتي ...شرشبيلهـ .. |
[بسم الله الرحمن الرحيم ~*¤ô§ô¤*~*¤ô§ô¤*~size=6]مسلسل تافه مثل مخرجه وممثلينه وهاي هب عاداتنا احنا هل الامارات طال عمركم احنا بناتنا مربايات احسن تربيه وما عليهم قصور الحمد لله وها المسلسل المفروض انه ما ينعرض ولا يصوروونه فبلادنا لانه بناتنا محشمات ومدرساتنا قدوه لهم .....والسمووووووووووحه [/size]~*¤ô§ô¤*~*¤ô§ô¤*~ |
آڷمسڷسڷ هآذآ من ۈآقعنآ .. ڪڷ ڜي يستۈي ف آڷمدآرس ۈ آڷڪڷ يڜهد آڷحين مدرستنآ في بنآت آييبۈن فۈنآتهم ۈ يخبۈهآ في آڷحقد بين آڷمدرسآت ,, آڷعآڷم آتغير آحنآ ف 2008 ڪڷ ڜي آتغير مآفي ڜي ف حآڷـﮧ ,, ۈ آڷڷـﮧ آحنآ ف مدرستنآ نتمنى مديرهـ مثڷ آبڷـﮧ نۈرة ,, يعني مثڷآ في مديرة تخبي عن آۈڷيآء آڷآمۈر آن بنآتهم يدخنن بس هي خبت ڷهدف ڷآنـﮧ آذآ خبرت آڷآهڷ آڷبنآت بيعآندۈهآآ ,, ۈ سآڷفة آڷبۈيآت عآد هآي ف ڪڷ آنحآء آڷدۈڷـﮧ محد يقۈڷ آنـﮧ مآڜي بۈيآت ف آڷمدآرس .. آڷمهم آڷمسڷسڷ هآذآ من آڷۈآآقع بس آمڪن آنتۈآ مآ آنتبهتۈآ بس ڪڷ ڜي ف آڷمسڷسڷ يصير ف آڷآمآرآت ۈ دۈڷ آڷعآآڷم ڪڷهآآ .. |
سلمووووووووون ع الموضوووع الحلووووووو و الغااااااااوي و اللي يستااااااهل نقاااااش وخااااااااصة عن مسلسل أبلة نووووووورة عن سوااااااااالف المدرسة و البناااااااات ما ادري والله انا عن نفسي عيبني فالمسلسل يوم يقووولووووووووون نشيدة السلام الوطني و هااااااا احلى شئ {{ عيشي بلادي عااااش اتحاد امارتناااا............}} والمفروووووض فيه رقااااابه ع المسلسل و يغلقوووون هالمسلسل مثل ما غلقوووو المسلسل البدوي اللي كان يعرض فقناة بوظبي و حااااير طااااير اللي غلقوووووه بعد. |
أنا نفس الشي قلت ,, يعني هالشي مش موجود بالمدارس صح اني مثلك بأبوظبي بس ماأظني ان في هالفرق الشاسع بين دبي وأبوظبي هو يمكن يكون في كره بين المديرة والمسات أو حتى بين المسات ,, بس مستحيل يكون واضح بهاي الطريقة ومستحيل الموضو يوصل للدرجه هاي ,, يعني هم مضاعفين بكل شي ,, وحتى موضوع المكيفات والتبرعات للمدرسه هاي مالها وجود وولا بحياتي سمعت عنها وفي مشكلات حقيقيه منتشره في المدرسه بشكل مو طبيعي وولا حتى جابوا سيرتها في المسلسل يسلموو موضوع حلوو :) مهويه |
هالمسلسل يمثل واقع لمدارس الخليج ككل ..~ .. انا ما اكر انه فيه غلطات وايد و مبالغه بالنسبة لمجتمع الامارات لكن هم بغوو يمثلون شي من الواقع .. و ترا كل شي يستوي .. ^^ وهم بينو الشين و الزين من ناحية المعلمات و من ناحية الطالبات .. =) بس غلطاتهم كثيره ..مثل البنت المتزوجه مستحيل تدرس صباحي !! . . وواحد غني مثل ابو ظبيه ما بيحط بنته في مدرسه حكوميه .. و بعد وايد فيه مبالغه .. لدرجة الابو ينعجب بربيعة بنته .. او الابو يخلي بنته تروح وياا ولد اللي تشتغل عندهم عسب يعلمها السواقه !! .. الخ ................ بس التصوير يليق عالمجتمع الكويتي اكثر من الاماراتــي ~ لكن من وجهة نظري انه ابلة نوره احسن مسلسل لهالسنه بحيث انه سلط الضوء على قضايا كثيره تستوي في المدارس و خارجها ْ مثل [b].. البويات و الغش و الحب و خراب البيوت و العقيم و دمار العيال بسبب اهلهم ...................ألخ [/b ]: يسلمو ع الطرح و اسموحهـ.. ع الاطاله |
الصراحه احسه نصه خريط عاد ياليت مديرتنا جي و البنات شي منهن مثل ذيلا و معلمات شراتهم ع العموم يسلمو ع الموضوع |
حبييييييييت أذكركم يمييع .. هب الكل جذه .. بليييييييييز لا تجمعووون .. *_^ والسمووحه .. |
سمحولي اقول ان هذا المسلسل فااااااااااااااااااااااشل وبعد يقولون ان ذي في في بلادنا الغالية لاحشة ان الاغنياء يتبرعون وبعدين ذلاهم اصلا وين الحكومة المفرض ما يعرضونا لان يسي لتا انا ادارة مصخرة و ان الابلات اونهن بالشيلة و العباءه يوم يسرن المول مرة الشيلة على كتوفهن استغفر الله نحن موكي معلماتنا حافظ عليهن و السموحة عالقصور |
و عليكم السلاااام اختي الصراحه ع الايامنا كان شي ابلوات جي وشي بعد بنات جي و لين احيين خواتي يقولون ان شي بس بختصار انا اكثر شي عيبني في المسلسل ديمه و هذاك ما ادري شو اسمه خخ يبون يوصلون حق البنات ان حتى لو كان يموت فيج لازم بيأذيج و ان تكون العلاقات ما منها فايده ابدا بس تضيع سمعتج تسلمييييييين الغاليه ع الطرح ^^ |
الصراحة في بنات يشلون فوناتهم المدرسة يعني ربيعاتج وياج انتي منو تكلمين اكيد واحد وبعدين هاي وين صارت بنت متزوجة وتدرس ويانا بالغو واايد ومستحيل يكون السواق موطن وين يبون وبعدين المدرسة مصالح وفي بنات يروحون المدرسة راسمين عينهم وبودره ومكياج ع الخفيف مادري ليش هالتخلف وبعدين الابلوات مايفصخون الشيلة |
25ti haay el ashya klha mwjooda fl mdars bs fee nass ma tdree el mdrs yfrg bain e6laab w y5brhm kl shay |
| الساعة الآن 11:30 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir