|
قرار نـــــــــــــــــــــــــادم عليه مساء الخير للجميـــــــــــــــــع حبيت اشارككم اليوم بهذا الموضوع اتمنى التفاعل من الجميع (موقف حصلك او قرار اخذته بحياتك نادم عليه ليومك هذا وتتمنى لو يرجع الزمن شوي لورى وتصلحه ............؟؟؟ انتظر ردودكم :132: |
مساء النوور خيتووو والله وااايد قرارات خذيتهن وندمت عليهن ف حيااتي بس اصعب قرار خذيته كنت مخيره بين شيئين والاصعب أن هالشيئيين ما أقدر أتخلى عنهن بين دراستي وبين شخص غصب عليه أودره وأخترت دراستي لأنها أهم من أي شخص بس ف نفس الوقت حز ف خاطريه أودر هذاك الشخص بس الحمدلله ع كل حال تسلمين ع طرح المووضووع |
فــي واااااايد قرااارااات اتخذتها وندمت عقبها وهذا طبعا شي طبيعي لان الانسان بطبعه عجووول وما يفكر فـ الشيء الا عقب ما يصير أنا القرااار اللي اتخذته وندمانه عليه لليوووم وياليتني سمعت الكلاااام ذااااك اليوووم يقولكم كان فـ اجازة الصيف الماضي تاريخ 2-8-2009 أخوووي قرر ياخذنا ويااااه دبي 3 اياااام نغير جو لان الجامعة كانت ع الابواااب طبعا قلنا للوالد الله يرحمه عن السالفة وقالنا شو تبوون تسيروون دبي.. انا بوديكم أماكن فـ منطقتنا أحسن من دبي وغيرها.. عااااد نحن كااان فـي خاطرنا نسير دبي.. وقالنا لاااا ما بخليكم تسيرووون أما اخوووكم برااايه يسير وي عياله لو يبا.. عاااد انا كنت وايد مقربة للوالد الله يرحمه ويغفر له وما كان يرفض لي طلب أخوانــي الصغار تموا يزنون فوق راسي عشااان أقنعه أول شي ما طاع وسويت عمري زعلانة عسب يرضى وعقب ياني وقالي سيروا برايكم بس هالله هالله باخوانج الصغار ( كنت انا العودة من بين اخواني اللي بيسيرون) عقب الصبح ... تاريخ 3-8- 2009 تخيلوا من كثر ما انا مستانسة انــي بروووح الله يسامحني ذيج الحزة ركبنا السيارة انا واخوااني وتمت الوالدة الله يحفظها ووحدة من خواتي فـ البيت مع أبوي الله يرحمه كان أبوي الله يرحمه طالع من الصبح عنده شغل... تخيلوا يوم طلعنا ما اتصلت به وقلتله يبا نحن ظهرنا سايرين دبي.. اتصل بروحه واطمن علينا اذا سرنا ولا لا.. وقسما بالله اني من شفت الرقم استحيت ع ويهي كيف اظهر من البيت وما اقووله مع اني دوووم اقوله وين سايره.. وصلنا دبي وتحوطنا اليوم كله وعقب اتصل الوالد وكنا فـ السوق والله لو كنت حاسة انه الدنيا تغيرت علي واقووول شو بلاني ليش ما أسأل عنه وأطمنه علينا وكان يوصيني وايد بأخواااني اليهالو.. طبعا ردينا الفندق بعد التعب.. ورقدوا أخواني وسبحان الله كان فيني احساس بضيج وما قدرت ارقد ذيج الليله تميت فاتحة عيني للصبح وعقب دقت اختي لأخوووي اللي فـ البيت وقالتله يرد البيت لان الوالد توفى طبعا أخوووي ما قالنا بس كل اللي قاله لنا جهزوا اغراضكم بسرعة بنرد اليت وكااان يبكي دقيت عقب لأختي وكانت تصيح وقلتلها قبل ما أسألها أبوووي فيه شي وتمت تصيح زيااادة وعرفت عثب انه الوالد توفي جداااام البيت فـ تاريج 4-8-2009.. طبعا انا ندمت لاني قررت اني أسير دبي وما سمعت كلامه لما قالنا لا تسيرون وانا يلست أحن عليه عشان يخلينا نروووح... انا من ذاك اليوووم احس بالذنب واحس باضيج كل ما اذكر السالفة.. ادعوا للوالد .. الله يرحمه ويعل مثواااه الجنة يارب.. |
الله يرحمه ويغمد روحه الينه انا عن نفسي وااااايد قرارات ندمت علييها واييييييييييييييد بعد |
انا داش عسب اقول بقراارات الي ندمت فيها بس عقب ماقريت رد ماقدرت اكتب ولا كلمه وقف لساني عن الكلام وايدي عن الكتابه ماقول غير ربي يرحمه ويخفرله ان شالله ويجعل مثواه الجنه ياااااارب اسمحولي ماقدر ارد علي موضوع |
broken doll واايد أثرت فينـــي قصتـــج ... فديتـــج كان مقـــدر هالشــــي ... وعــن نفســـي الشـــي إلـــي ندمــت عليــهـ انـــي سلمـــت قلبـــي لنــااس ما يستــاهلـــون ثااانكـــس ع الطـــرح |
الحمد لله للحين ماسويت شي اندم عليه ... يسلموووووووووووووو |
اول شي : مشكورة اختي على موضوعج الحلوة واللي يستاهل النقاش ثاني شي : مافي اي انسان في هالدنيا يكون راضي عن نفسه يمكن في واحد بالمليون يقول انا راضي عن نفسه بس يمكن يكون في شي هو ناسيه في حياته بس في الاخير الواحد يقول الحمدالله وان شاء الله ربي يصلح حال الجميع وعن وعن نفسي ندمانه يوم امي الله يرحمها ويغمد روحها الجنة توفت ومارحت لها هذا اكبر قرار ندمت عليه ربي يغفر لي ولكم تحياتي لج على موضوعج الحلو ربي يعطيج الف عافية تعالي كل يم بموضوع نقاش حلو سلامي |
السلام عليكم موضوع رائع استهل به اولي مشاركاتي في هذا الصرح الكبير عموما من منا لم يندم علي بعض القرارت التي ربما منها تغيرت كل حياته وانا لو رجع الزمان بي للخلف ربما ماكنت سمحت لااشخاص بالتواجد في محيط ذكرياتي لن اسمح لهم بالاقتراب مهما كلفني الامر من قرارات شكرا للموضوع ودي واحترامي |
| الساعة الآن 03:55 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir