|
المؤسســــات والجمعيـــــات الخيريّــــــة السلام عليكم ورحمة الله وبركاتة بالتحديد في هذه الأيام تتجة الجمعيات الخيرية وجهة الدعاية والإعلان عبر الإعلام الإماراتي او حتى الإعلام الخليجي حول تجميع مبالغ الزكاة والصدقات سواء للأسر المتعففة ام الفقراء والمحتاجيين والمساكيين والأرامل والمطلقات ، او حتى للدول الأخرى سواء الإسلامية ام الإفريقية والدول المتضررة بالكوارث الطبيعية .. - هل انت واثق من هذه المؤسسات والجمعيات الخيرية ؟!! ولمـــاذا ؟!! - اي الجمعيات التي يثق بها هل لك ان تذكرها ؟!! - كلمة تحب ان توجها لهذه الجمعية او المؤسسة الخيرية التي ذكرتها ؟؟ فالبعض لايرضى او يقتنع الا ان يوصل هذه الصدقات او الزكاة (بنفسة ) لأصحاب الشأن دون وسيط المعروف بـ ( الجمعيات الخيرية ) فهل انت منهم ؟!! كتابة وتحرير اخوكم / غديّر النعيمي |
- هل انت واثق من هذه المؤسسات والجمعيات الخيرية ؟!! ولمـــاذا ؟!! نعم ، أثق في مؤسساتنا الخيرية الاماراتية لماذا / لانه طولي بعمرك ، صعب انه نفقد الثقة في مؤسسة انسانية مثل الجمعيات الدنيا بعد فيها خير وناس تشتغل بضمير ، حتى لو الواحد يراودة شك صغير ، مب بمصداقية الجمعية نفسها اقصد انه الواحد يشك بشكل عام/ والانجازات الي نشوفها في التلفزيون او نقراها فالجرايد او نسمعها من الناس ، كلها نتايج ايجابية تعزز ثقتنا فيهم وتزيد من مصداقيتهم وحرصهم على فعل الخير. - اي الجمعيات التي يثق بها هل لك ان تذكرها ؟!! الجمعية الاقرب لدي ( الهلال الاحمر الاماراتي) يمكن لنه نسمع عنها في بوظبي اكثر شي وماعندي شك بنه باقي الجمعيات بعد تقوم بدورها على اكمل وجه واحب اذكر الحملة الاخيرة ماذكر اسمها بالظبط او الجهة بس طالعة من دبي .. لعلاج عدد كبير جدا من المكفوفين - كلمة تحب ان توجها لهذه الجمعية او المؤسسة الخيرية التي ذكرتها ؟؟ الله يعطيهم القوة ـ واتمنى انهم مايتهاونون بشغلهم ويسعون دايما للبحث عن المتعففين والمتحاجين ويتحرون الحقيقة دايما --- بالاخير ، انا اشوف طبعا الي يعرف محتاج الافضل انه يعطيه الزكاة او يتصدق دايركت والي مايعرف ترى الجمعيات موجودة ويعطيك العافية على الموضوع |
بسم الله الرحمن الرحيم وعليكم السلام والرحمة - هل انت واثق من هذه المؤسسات والجمعيات الخيرية ؟!! ولمـــاذا ؟!! نعم,لأن اول الشيء بلدنا اسلامي.ثانيا فيه رقابه عليهم تثبت عملهم والجهات اللي يوصلون لها هالمساعدات. - اي الجمعيات التي تثق بها هل لك ان تذكرها ؟!! جمعية إحياء التراث الإسلامي.و لجنة سلوى. - كلمة تحب ان توجهها لهذه الجمعية او المؤسسة الخيرية التي ذكرتها ؟؟ يزاكم الله خير ع الامانه اللي كلفتم فيها وعساكم ع القوة. بالنسبه للجزء الثاني..لا مااحب اوصل المساعده بنفسي اخاف افتن في نفسي.. او يصبني غرور او كبر..احافظ دائما ع التواضع وابعد اي سبيل ممكن يخليني اشوف نفسي على احد..يعطيك العافيه النعيمي ع الموضوع .. |
[align=center]وعليكم السلام والرحمة تسلم أخوي النعيمي على طرحك لهذا الموضوع والله يعطيك العافية وبصراحة هالموضوع دايما أفكر فيه و خصوصا بالنسبة لأفضل الجمعيات الخيرية في الدولة وأن شالله أقدر أستفيد من ردود الأعضاء - هل انت واثق من هذه المؤسسات والجمعيات الخيرية ؟!! ولمـــاذا ؟!! بصراحة أخوي النعيمي المفروض أنه نثق في هذه الجمعيات لأنها أصلا أنوجدت لتخدم الناس ولتوصيل الأمانات والتبرعات للأشخاص المحتاجين ونحنا اللي علينا أنه نتبرع باللي الله يقدرنا عليه وهم وذمتهم صح أحيانا الواحد يفضل أنه يوصل التبرعات بنفسه لأصحاب الشأن بس أحيانا تلقى صعوبه في الحصول على الأماكن وعلى الأسر اللي بالفعل تحتاج للمساعده - اي الجمعيات التي يثق بها هل لك ان تذكرها ؟!! بصراحة يمدحون جمعية دار البر اللي فدبي - كلمة تحب ان توجها لهذه الجمعية او المؤسسة الخيرية التي ذكرتها ؟؟ الله يعطيهم العافية على الجهود الطيبة اللي يبذلونها ويزاهم الله خير وفي ميزان حسناتهم أن شالله وبالنسبة للسؤال الأخير .. أحيانا لو أعرف ناس محتاجين على طول أقدم لهم التبرعات بدون الحاجة للجمعيات الخيرية وأحيانا عن طريق الجمعيات الخيرية والسموحة[/align] |
اول شي قبل لاجاوب ع اسئلتك عندي جم من جمله بقولها وعقب بجاوب ع طرحك الغاوي الخير حلو الانسنا يشوفه وخاصة فالبلاد بس في جمعيات يعني الواحد يثق فيها و شي رقابه عليهم اظني من الاوقاف بس ع حسب الجمعيات والجمعيات المشهوره عندنا فالبلاد محدده يعني الكل يعرفها ولكن في احيانا تشوف ناس ايون للواحد البيوت ويقولون وما ادري بس هاييل والله محد يروم يثق فيه يدقون البيوت وغيره لكن اذا كانوا يعرفون عنهم البلاد اكيد ما بيخولونهم يعني شي لجنات و غيره ماله داعي هالشي والحين عقب الاطاله بالهذربه بجاوب ع اسئلتك - هل انت واثق من هذه المؤسسات والجمعيات الخيرية ؟!! ولمـــاذا ؟!! هب كلها اثق فيهم ،، لان في منهم هب مسلمين والفلوس لبلاد غير مسلمه وعقب هالشي الواحد ما يحصل اجر اذا اتصدق ع غير المسلمين والمسلمين اولى بالمساعدات - اي الجمعيات التي يثق بها هل لك ان تذكرها ؟!! الهلال الاحمر ، بيت الخير ، دار البر ، جمعية الاصلاح - كلمة تحب ان توجها لهذه الجمعية او المؤسسة الخيرية التي ذكرتها ؟؟ اللي يسوي خير بالناس ربي بيعطيه اكثر عن ها وربي يعطيهم الف عافيه وانشا الله كله بميزان حسناتهم تسلم اخويه النعيمي ع الطرح الغاوي ونترقب منك كل يديد |
السلام عليكم ورحمة الله وبركاته.. - هل انت واثق من هذه المؤسسات والجمعيات الخيرية ؟!! ولمـــاذا ؟!! فى السعوودية..يعنى ماشاءالله فى من الجمعياات شفته ..صـرااحه ما عليهم اي كلاااام...صدق شفت فى رمضاان و حتى بااقى اياام..يعنى نحنا لازم نثق فيهم..ما فى غير هالشي...لانهم يعرفون نااس فقراء .. - اي الجمعيات التي يثق بها هل لك ان تذكرها ؟!! جمعيه الملك فهد للخيريه - كلمة تحب ان توجها لهذه الجمعية او المؤسسة الخيرية التي ذكرتها ؟؟ الله يعطيهم صحه و العاافيه..فى ميزان حسنااتهم ان شاءالله يا رب و مشكور اخوي ع الموضوع..لاهنت.. ربي يعطيك صحه و العاافيه |
[align=center]السلام عليكم ورحمة الله وبركاته مثل ماعودتنا.. طرح طيب تشكر عليه فالبعض لايرضى او يقتنع الا ان يوصل هذه الصدقات او الزكاة (بنفسة ) لأصحاب الشأن دون وسيط المعروف بـ ( الجمعيات الخيرية ) ايه بس هذا انا :d مهب مسألة اني مااثق بهالجمعيات بالعكس لكن لي نظره بهالموضوع ان فيه ناس احق واحق بهالصدقه واشوفهم انهم بحاجه فأمدهم لهم اولى، مثلاً لما اروح العمره مااقتنع اني اعطي المتسولين اللي اشوفهم بكل مكان لان مهب كلهم بحاجه افضل اني امد للعمال اللي ينظفون بالحرم اولى.. اكرر شكري وماننحرم جديدك يا الغالي الـخـالـدي[/align] |
اقتباس:
الله يعافيج ياغزيل الدار ، مشكورة على النشاط الواضح فالقسم واثراء مواضيعي بمرورج الكريم بارك الله فيج اخوج / النعيمي |
اقتباس:
الله يعافيج يا أثير ، وانتي من العضوات النشيطات والمتواصلات معنا فالقسم واعتقد ان مب كل الجمعيات خاضعة لرقابه حكومية وخصة ( صغار الجمعيات) او بعض الاشخاص يستغلون الآخريين بانهم يوصلون الزكاة واموال الصدقات لأصحابها وطبعا هم من فئة "المنافقين " تسلمين والله يحفظج اخوج / النعيمي |
اقتباس:
ان شالله بتستفيدين من الموضوع وهذا هو هدفنا الساسي فالقسم او بالأحرى توجهاتنا فالقسم .. ويوابج للسؤال الأخير تقريبا بنفس اجاباتي وهي ان المحتاجين اعطيهم ان وجدوا واحيانا اتبرع لهم عن طريق الجمعيات الخيرية ... تسلمين ياسلامة على التواصل والنشاط بارك الله فيج وكثر الله من امثالج اخوج / غديّر النعيمي |
اقتباس:
الله يسلمج ختيه مس جلكسي تسلمين على التواصل فالقسم ومشاركاتج الطيبة وهذا بداية الألف ميل :) بارك الله فيج على اجاباتج الطيبة ، وتسلمين ع المرور اخوج / النعيمي |
اقتباس:
العفو ختيه زهور انا اللي عايبني فالسعوديه عندكم مجموعة امة محمد للحج معروفة انها تساعد الفقارى اللي ماعندهم امكانيات مادية في تأدية فريضة الحج وجميع النفقات عليهم الصراحه فكرة طيبة جزاهم الله خير والله يقدرهم ويعطيهم ويزيدهم بارك الله فيج ختيه زهور والله يوفقج اخوج / غديّر النعيمي |
اقتباس:
وعليك السلام ورحمة الله وبركاتة لا شكر على واجب الغالي وانا احيانا شراتك مااثق فيهم واحيانا اتبرع لطلاب العلم او الأيتام فالدول العربية مثل فلسطين وسوريا ومصر والأردن صدق ناس يقطعون القلب من طرياهم ، فما بالك لو شفتهم وحالتهو شقايل تعبانة .. تسلم يالغالي على المرور لا خلا ولا عدم اخوك / غديّر النعيمي |
السلام عليكم والرحمه والله ياخوي شوف من ناحية الثقة انا ماقولك ان ماعندي ثقة في الجمعيات الخيرية لكن في وايد كلام انقال عن جمعية من الجمعيات في الامارات مابذكر اسمها وانا من ذاك اليوم وثقتي فيهم والله انها .... وبعدين الواحد يوم يتبرع ينكتبله اللي سواه عند ربه سواء وصل للمحتاجين ولا لأ ،، والدور الاخير والباقي في ذمة المؤسسة نفسها وبالنسبة للجمعية اللي اثق فيها هي جمعيه وانا واثقة فيها ميه بالميه جمعية دار البر ماعليهم كلام ويوم بتروح تتبرع عندهم بيعطونك ورقة فيها اوجه كثيرة للتبرعات مثل ( حفر بير ، تبني مسيد ، تكفل يتيم ....الخ) واذا مثلاً عطيتهم فلوس عسب تبني مسيد برا البلاد طبعاً براسلونك اول بأول وبراوونك صور المسيد ومراحل بنيانه وبحطون عليه اسمك وبالمثل مع باقي الاشياء ،، انا بصراحه اشكرهم على كل مجهود بذلوه والله يعطيهم الصحة والعافية وبعدين في جمعيات يروحون يوزعون اعانات برا البلاد او حتى اغلبيتهم جذي انزين و اهل البلاد يعني والله ان في ناس من البلاد حالتهم حاله متعففين وما يطلبون ولا حتى يروحون للجمعيات نفسها ،، هذيلا منو يساعدهم ؟ الجمعيات ما تعرف عنهم شي ولا حد يعلم بحالهم غير الله سبحانه وتعالى وييرانهم هم اللي يساعدونهم ولا يطلبولهم مساعدات عند الغير ومن غير علمهم بعد وفي وايد صراحه ناس اعرفهم حالتهم حاله عشان جيه انا احب اساعدهم بنفسي و اطرش لهم المساعدات عند حد اعرفه زين والسمــــــوحة منك ياخوي ويزاك الله الف خير عالموضوع الطيب |
اقتباس:
في زمن سيدنا عمر بن عبدالعزيز الكثير من الناس يدورون المحتايين والفقارى ع سبة يعطونهم الزكاة والصدقات وذلك لأنه على ايامهم ماشي فقارى ولا محتايين بسبب اتزان سيدنا عمرو كرمة وسعة بصيرتة وادراكة بان الشعب وكل من على ارض الخليقة هم احق بهذا المال الدوام لله وحده وكل اموال الدنيا زائلة ولا يبقى الا العمل الصالح ... بالنسبة للشكوك فالجمعيات الصراحة انا عندي كم جميعة عندي شك فيهن وماحب اقرب صوبهن افضل اوصل الأموال لأهلها افضل وصدقيني اختي عندنا اموال تكفي لداخل الدولة وجميع ارجاء المعموره الحمد الله الخير وايد ولو بعض الجمعيات تعطي الآخريين بدون تعسير الأمور والحجج الغير منطقية ( والله تعال راجعنا بعد اسبوع ولا بعد سنتين) !! هاييل اللي انا ماحترمهم ولا اشجع حد يعطيهم لأنهم ناس لايستحقون الإحترام ولا فيهم انسانية السموحه طولت عليج ختيه فيمتو ، وتسلمين بارك الله فيج على السرد فالرأي والله ايسر الأمور اخوج/غديّر |
\\ // تسلم اخوي النعيمي ع الموضوع الغاوي فعلا .. تنتشر المؤسسات و الجمعيات الخيريه في البلاد و تكاد نلاقيها في كل منطقه من البلاد.. و كل مؤسسه تضم مجموعه من الوائح و الأشخاص الي تروح لها التبرعات.. البعض منها معروفها ولها سمعتها الطيبه او العكس .. والبعض منها؟! جديده العهد في هذا المجال .. وقليل ما نحصل على معلومات عنها .. و هي الفئه الي تخلينا نفكر و نشك فيها مليوون مره ..بس عشان نعرف مصداقيتها في العمل ؟! - هل انت واثق من هذه المؤسسات والجمعيات الخيرية ؟!! ولمـــاذا ؟!! عني انا .. ثقتي مجروحه فيهم.. مع اني اعرف كثير من المؤسسات الخيريه و اساهم فيها الا ان ثقتي تكاد تكون معدومه مع مرور الوقت.. و هذا كله يعزى للسمعه المنتشرة في الأوساط .. و في بعض الأحيان نكتشف انهم مجرد واجهه لا اكثر ومحد مستفيد من التبرعات غيرهم؟! - اي الجمعيات التي يثق بها هل لك ان تذكرها ؟!! انا ما عندي جمعيه محدده.. اي وحده اطوف عليها في الشارجه ..حطيت وشاركت باللي الله يقدرني عليه.. وبعد الي تنعرض في الشاشات مثل المصارف و البنوك.. بس اقدر اقول اني احب اكثر جمعيات "سلطنة عمان" نسيت اسم الجمعيه بس مكانها قريب من مجمع السلطان في مسقط.. - كلمة تحب ان توجها لهذه الجمعية او المؤسسة الخيرية التي ذكرتها ؟؟ اختياركم اغاثه المحتاجين داخل و خارج الدوله.. تحتاج مصداقيه في العمل و الأهم ان يتم اختيار الأشخاص الصحيحين ليقوموا بمثل هذي الأمور.. و مراجعة و التأكد من اختياركم للعاملين.. وتوفير فرص مشاركة و اطلاع المتبرعين للطرق الي تقوم فيها المؤسسات بإيصال الأعانات للمحتاجين.. اعتقد ان هذا من ابسط حقوقنا.. فالبعض لايرضى او يقتنع الا ان يوصل هذه الصدقات او الزكاة (بنفسة ) لأصحاب الشأن دون وسيط المعروف بـ ( الجمعيات الخيرية ) فهل انت منهم ؟!! مرات .. لكن في الأغلب اعتمد ع المؤسسات ..لأن البعض منهم يتعفف عن اخذ الأعانه و يعتبرها اهانه او شي من هذا القبيل !!فانا احترم قرارهم.. وافضل ان يكون عن طريق مؤسسة او جمعية على ان اكون بالواجهه.. عن تجربه الصراحه.. والسموحه.. مجرد رأي ^ ^ تحياتي // \\ |
عليكم السلام ورحمه الله وبركاته - هل انت واثق من هذه المؤسسات والجمعيات الخيرية ؟!! ولمـــاذا ؟!! اثـــق في البعض وليس الكـــــل -----> لان البعض يستغــــــل هالجمعيـآآآتـــــــــــ لاعراض لغير الهدف الاساسي من انشاءها - اي الجمعيات التي يثق بها هل لك ان تذكرها ؟!! اكثر جمعيه موثوق بها الهلالـــ الاحمر وحط بيزاتـــــــــك وانت مغمض العينين بعد - كلمة تحب ان توجها لهذه الجمعية او المؤسسة الخيرية التي ذكرتها ؟؟ ربي يجازيكم على قــــد النيه الحسنه فيكم وخير قدوهـ لنــآآآآ ولنا الشرفـــــــــــــ بهكذا اخلاق ترفع الرآآس مشكـــــــــــــــور |
اقتباس:
هذي روحها يبالها تصرف وسلوك خاص لووول.. تسلمين اختي على المشاركة الطيبه وسعة صبرك في الاجابه على اسئلتنا والسموحه على التأخير النعيمي |
اقتباس:
العفو لاشكر على واجب اختيه دمعه والسمحه ع التأخير وتسلمين على المشاركة النعيمي |
انا عن نفسي مااثق بهالجمعيــــات المفروض الجمعيه الخيريه وخاصه اللي في دارنــا تهتم في الناس اللي داخل الدوله قبل اللي برع في ناس محتاجه ... وياما شفنا شكاوي من الناس الفقرا بخصوص هالجمعيات انا عن نفسي ما اهتم ولا اكترث بهالجمعيـــات الصدقه انا اوديهـــا واخيرهـــن لناس صدق محتاجهـ واطمن اكثر من هالناحيه |
| الساعة الآن 09:50 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir