|
موقف ضايجني مراحب اريد اخبركم عن موقف احرجني ويمكن يحرج كل بنت وفي نفس الوقت ضايجني..... اريد رايكم وتعليقكم على الموضوع......... حصل لي موقف من فتره قبل رمضان وهو ان في شخص معاي في الدوام بس كل منا في قسم غير عن الثاني والصلة التي بيني وبينه مجرد ايميلات في حدود العمل وبس... في مره اتصل وتجراء يسالني سؤال وهو ليش حتى اليوم لم اتزوج وللعلم وهو سني 30 فقلت له مجرد نصيب وما شي سبب آخر وظل مستغرب الوضع لان سمع الكثير عني وعن اخلاقي حتى انه قرار زيارتي في مقر عملي ولما وصل ظل يدور عليه ظن ان ممكن احساسه يوصله من غير ما يسال وين فلانه لكن عجز احساسه وسال ولما عرف اني انا انصدم وحاول ان ما يطول ويتحجج بانه مشغول وفي نفس الوقت مب حاب يشغلني ورحل واختفى حتى الايميلات الي بيننا في حدود العمل اختفت وكان كل ما احتاج شي يطرش حد غيره لكن ليش اختفى بهذي الطريقة ؟؟؟ انا ادري كان يتصل يوميا فيه قبل ما يشوفني ويتحجج باي شي بس عشان يكلمني ولكن من بعد ما شافني تبدل هذا الاهتمام ........ تضايجت لان كان اهتمامه مرهون بشكلي وطلع شكلي مش ملكة جمال الكون ولا حتي ملكة جمال المنطقة مع اني مش بشعة وجمالي عادي بس انا جميلة من الداخل بدليل ان سمعتي الطيبه هي التي جابته وخلته يتودد..... هل مصير البشعه والقبيحة ومتوسطة الجمال ليس لديهم حظ بان ينعجب فيها اي شخص لازم تكون مثل ملكات الجمال عشان حظها يمشي ..... تمنيت انه اعجب باخلاقي وليس بشكلي فالشكل زوال والاخلاق هي التي تظل.... ابغي رايكم |
الله يرحبج ع فضله يشرفني اكون اول من يرد عليج ختيه انا اشوف ان اهم شي الاخلاق لان الاخلاق بتم طول العمر اما الشكل لا سمح الله يمكن يستويلها حادث او اي شي وتتشوه عقب شو بيستفيد لا اخلاق ولا جمال ؟ الجمال جمال الروح مب جمال الشكل والمظهر تقبلي مروري |
هلا بج اختيه اول شي لا تخلين هالافكار تسيطر عليج وتاخذين فكره بانه الجمال هو كل شي خلي ثقتج بنفسج كبيره وماتضعف لموقف وكل شي كاتبه ربج له حكمه يعني هالانسان عرفتيه ع حقيقته بانه استغلالي وكانت نواياه مب حبا للشغل واجتهادا فيه بس بانه يتقرب لج بطريقه غير مباشره والحمدالله انه قطع اتصاله فيج لانه مايستاهل ذره من اخلاقج وعفتج دعواتي لج يالغاليه بالخيرر اختج همس الشوق |
والله ياخيتي شووو اقولـــــــــــــج الحـــــــــق ينقـــــــــــــآآآآل الريــــــآآآييــــل ماشي يمزر عيونهم تجوفين وآآآآآآحد عنده احلى حرمه ومافي اخس عن خلوقهــآآ يقول اييييييييه يازين الاخلاق يومه فضل جمالها على خلوقها وريــــــــــــآآآل عنــــده ابشع حرمه لكنهـــــــآآآ اشرف خلق الله وعيونه تسب وتشتم في خلقتها والله محــــــــــــد مرتـــآآح ربي قال ( لقد خلقنا الانسان في كبــــد ) صدق الله العظيم خيتــــــــــــــــوو هــذا يمكن سمع بخلاقج وتعرفين حبهم للفضول اصلا تجذبهم البنيه الخلوق الغامضه اللي محد يعرف عنها شي في ريايل بصرآآآآحه قنوعين بس رياييل اليوم هب قنوعيــــــــــــــن لو تسوين شو ماسويتي بروحج يمكن لو حد محظوظه وحد ه مـــــــن المليون ولا ثلاث في عندها ريال له نظره اعقل واحكم بهالرمسه لكن هذا الوآآآآآآآقع اختي والله يثبتج ويحفظج وتــــــــــآآآكدي الكمال لله وحـــده الله سبحانه وتعالى مثل ماهو شافج ناقصه اهو بعد ناقص <--- عقل :g_haa: ولاتخلين اي مجال للافكار هـــذي تقلب حياتج الاخلا ق الاخلاق اما الجمال حبيتين اهتمام وطلعتي زي القمر تحيـــــــــــــآآآآتي لج |
خيتوو .. المهم ان اخلاقج زينه .. لاتهتمين بالشكل .. تقدرين انج تبهرين جمالج باخلاقج .. تقبلي مروري |
(( صراحة ما دري ليج تضايجتي )) أختي النصيب نصيب ومهما طال الزمن ولا قصر خلي ثقتج بنفسج أكبر أنتي تقولي أنه ما أعجب في جمالج .. شو دراج . .. (( ان بعد الظن أثم )) الجمال : جمال الدين والأخلاق وأنتي قلتيها أنه سمعتج ولله الحمد سمعة طييبة ومحترمة فليش تضايجي في عمرج .. وأنا دايم أقول (( ما يصيبك ألا نصيبك )) كوني واثقة أنه ولد الحلال بييج في يوم من الأيام لا تيأسي ... |
مرحبااااااااااااااا بابج اختيه..بينا.... اشكرج على جرأتج وطرحج لمشكلة مريتي فيها.....وان شالله الكل ما يذخر بذخيره صووبج اختيه....الريال الله يعلم باللي فيه ولا نروم نظلمة.....يمكن له اسبابه اللي خليته يبتعد...ويمكن هو التفسير اللي قلتيه...ويمكن ويمكن ويمكن...اسباب ما نعرفها.... ولكن انتي بارك الله فيج...انساانه معدنها طيب...وسمعتج طيبه في شغلج....والبنت يا اختيه تحليها اخلاقها وسمعتها الطيب اللي تذكر بين خلقه....وانتي عليج تثقين بنفسج.....ودام انتي جيه ما عليج من حد....خلي ثقتج بنفسج عاليه....ولا تتآثرين من اي شيء ايج...خليج قويه.... والبنت اذا الله كاتب لها نصيب..تراها بتاخذه بتاخذه..... لا يغير عليج شيء من اللي صار.....وانتي دام راضيه ربج ونفسج....اللي صار شيء عاادي..ولا تحطين بخاطرج وخليج عاادي بالشغل...وهالانساان وغيره لا تحتكين فيهم ..إلا بحدود العمل وبس.... هذا رايي وتقبلي مروري خويتج/ وزيرة الحب |
اختي اريد اسألج انتي ليش مهتمه به ، وليش انتي هب واثقة من روحج ؟!!!! النصيب من رب العالمين ، لا زميلج ولا اي بشر يروم يوقف بنصيبج ..وحكمج هب بيد اي حد الا رب العالمين مشكلتكن ضعف ايمانكن بالله النعيمي |
وآللهـٍ يأ آختي آنآ منحرجه منج آلصرآحه.!!! صـدق وآللهـ آنهـ مسـود آلويهـ .. يعني شلهـ في شكلجـ ولآ في أين كآن عليهـ بس في قلبج وفي نيتج آلصآفيهـ.!!!! ليش هو بيزوج الشكل ولآ آلروح وآلنفس... مصيره آلويهـ يتجعد لآكن آلروح مستحيل ... مآ آقول غير حسبي آللهـ على آلشبآب آلي من هآلنوع .. يعطيج العآفيهـ وموضوعج وآيد حلوو .. ربي يحفظج .. |
الصراحة اهم شي الأخلاق والطيبة ( الجمال جمال الروح مب جمال الشكل والمظهر ) يعطيج العآفيهـ على الطرح ... .. |
ماعليه منج طبيه وبعدين هو ماسوى شي يعني عسبت تسوين له كل هالاهتمام ....... والنصيب مقدره رب العالمين ..وكل حد ونصيبه ورزقه من ربه |
شكرا ع مروركم وشكرا ع ردودكم الحمدالله انا انسانه مؤمنه بالنصيب ومؤمنه بان الا الله كاتبه بيصير انا طرحت الموضوع لان موقف ضايجني وعشان اعرف الناس ع احد انواع البشر وفعلا انا اشكركم لانكم اعتبرتوني اختكم ووقفتو معاي شكرا مره ثانيه |
العفو اختي الكريمة والله يحفظج ويستر عليج دنيا وآخره ينتهي النقاش هنا لأن فكرة الموضوع شبة مكرره فالقسم ولكن تختلف هنا بعرض قصة قصيرة تعرضت لها الإخت مغلق |
| الساعة الآن 03:30 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir