|
التربيه والعشر دراهم السلام عليكم والرحمه شحالكم ؟؟!! ها اول طرح لي بهالقسم يعني دومي مخليه القلم لاصحابه انا في شي سمعت عنه يوم الاربعا بالضبط بخبركم السالفه كلها وعقب انتوا احكموا اختي يايه البيت اتقول للوالده اريد عشر دراهم حق الوزاره نحن استغربنا يعني منها سألناها ليش قالت عشان اوراق الامتحان واللي ما بتدفعها ما بتمتحن اوكي يعني ما بقول ان هب قادرين نعطيها او شي جيه الوالده ما قصرت وقبضتها فلوس حق السكول ومصروف تتشرى فيه واول يوم داومت فالسكول اتقول السكول وصخه وكلها هنود حتى طاوله وكرسي تقعد عليهم ما شي اتخيلوا هالشي المهم طاوله وكرسي ما شي ؟؟!!! يعني هل الوزاره قاصره عن هالشي ومن غير اتقول هن خمس طالبات بس مواطنات والباقين كلهم وافدين فالكلاس يعني ما شي اي اهتمام من غير الوافدين يعاملونهن بطريقه هب حلوه يعني هم قاعدين فبلادنا وما شي النا اي احترام اختي من النوع اترد ع طول ع الناس ما تحب اتشوف الغلط وتسكت بس هالمره سكتت عنهم وما قالت شي واحترمتهن ما ادري ليش ؟؟!!! الحين اللي انا هامني هل الدوله بحاجه لعشر دراهم من الطالب ؟؟!! والمشكله انه الامارات مشهوره عند الكل انها بلاد عز وخير الحمد لله ع النعمه ومسويين حشره ع عشر دراهم واللي ضروفهم ما تسمح شو يسوون خير البلاد املي العالم كله والكل يعرف يعني ليش العشر دراهم هل هم بحاجه الها ؟؟؟!!! ابا رايكم بهالموضوع ادري بتقولون مس جلكسي ما عندها اي سالفه فاتحه موضوع كامل عن عشر دراهم بس هالشي ما اعرف ماخذ بالي من يوم اختي طلبت العشر وابا اعرف رايكم ؟؟!!! |
[overline]{~.[/overline] آلسلآٍآم عليكم ورحمهٍـ آللهـ وبركآٍآتهـٍـ آتِـِشـرف آنـٍـٍي آول وحـٍـٍده آٍآرد عليـٍـج :ast7eee: وآللهـٍ هآلمـٍـوضوٍـع عـٍٍـجيب وغٍـريب..!! 10 درآٍآهم عآٍآد.!!! وآللهـٍ آلدول تسآعد مب بس بآلميآت .. ولآ بآلألف ولآ بآلملآيين بآلمليآرآت وعلى بلآدهـٍٍـ يبـٍـون 10 درآٍهم.!! ولآ من آليهآٍآل ..؟ وعلى طآٍآري آلزلمهٍــٍ وآللهـٍـ آنآ آول مآ دشيـٍـت كلآٍسي قآعـٍده آعدل جوتيهـٍ وتوني بظهرـ.. آشـٍوف وحده تقـٍول لربيعتهآٍ (فـوكي آلبآب) .!!! وآنآ فيـٍني ضحكهٍـ .!!! وآللهـ آلمٍـدرسه بكبرهآٍ زلمهٍـآت.!!! عقب سنتين مآ بتلآقيـٍن موآطن في آلبلآٍد .!! وآرثينآٍآ بآلحيهٍـ مآشآءآللهٍـ ..!! وآلدولهـٍ كل يـٍـوم مختٍـرعهـٍ شي يـديد ... مره يقـٍولوم.. مآ بتمتحـٍنون ألآ يوم آتيبون كل آلكتب آخر آلسنهـ .. ومـٍـٍره مآٍآدري شو كـٍـل يوم قآر يـٍديد مآدري وين عآيشين.!!! بـٍـس مـٍـب حـٍـلوه مـٍـن آلدولهـٍ هآلشي يسـيئ من سمعٍـهـٍ آلدولهٍـ .. وفـٍوق كل هٍآ لآزم يفرقـٍون بين آلموآطن وآلوآفد .. لآزم يطلبـٍون مـٍن آلوآفد هـب آلموآٍطن .. تسلمين فديٍـتج على آلموضوع ومنـٍـٍور آلقسم بهآلموضوع آلحلـٍـوو .. وموضوع صدق يستـحق آلتقييم وآلنقآش.. نتريآآ يديدج .. ربي يحفظج .. .~} |
وعليج السلام ورحمة الله وبركاتة يالله مس جلكسي اخيراً مابغيتي اتنزلين لنا ولا موضوع لووووووول طال عمرج انا ماعندي خلاف ، نحن ايام الهوية الوطنية دفعنا تقريبا 150 درهم تقريبا للفرد الواحد ع سبة انظهر الهوية وكنت اتخبر عن الناس اللي مايرومون يدفعون ، يعني تخيلي انا اعرف ناس بنت تشتغل والبيت فيه 6 افراد مايشتغلون وهي تصرف على البيت ، من وين لها المسكينة .. الا من رحم ربي واللي يستلمون من الشوونة راتب شهري بدون استحقاق للرسوم .. وبالنسبة للعشر دراهم ماعتقد محتاينها بس عشرة على عشرة تسوي خخخخخخخ واظني العشر دراهم اللي ادفعونهم تكون لصالح بعض الأسر المتعففة عن دفع رسوم ابناءها فالمدارس .. او ابناء الفقراء والمحتايين فالدولة .. مثل معاشات الطلبة في بعض الكليات والجامعات عدنا فالدولة يتم تخصيص راتب شهري لكل طالب مسجل في صندوق الطلبة ، وطبعا كله من بيزات الطلبة الآخرييين اللي يدفعون ... 0 0 السموحه منج هذا اللي عندي من ملاحظات بحسب مافهمت من الطرح وتسلمين ونباج متواجده ان شالله فالقسم وتطرحين مواضيع اخوج / النعيمي |
مرحباا اختي فمدرستها ماطلبو منهم شي! خل الطلبة يطالبون المدرسة يعلقون التعميم الي يقول انه الطلبة يدفعون بيزات الورق! :60: ويسونها ثورة وحركة عناد ، ، بس الصراحة ،، صحيح انه العشرة مبلغ معقول عند الاغلبية ،، بس ترا شي ينرفز يوم المدرسة تبا وهالجهة تبا وهالجهة بعد تبا ،،، اصلا بهالفترة الناس بتحس بقيمة البيزات ، لانه ع الطالعة والنازلة يدفعون وقريبا بيسون رسوم ع الكحة لؤؤؤل رمضان كريم :60: |
اقتباس:
انا هب قاهرتني العشر اللي ماخذينها عنا والله بدال العشر بعطيهم الف المهم ليش هالشي اذا كل فلوسهم خاري البلادو اعيال البلاد ما شي الهم شي واذا ع الوافدين خليها ع الله والله المواطنات متقلصات ما شي الهم اثر هم ماخذين الكلاس ع هواهم واذا قلتي الهم كلمه الله جنهم اعيال البلاد الاحترام واجب لازم يحترمون كل مكان بس لا حياة مع من تنادي عيبني رايج الله يسلمج ويسمنج ويسمرج ها منو ذوقج اختي غرور |
اقتباس:
شو اسوي ما عارف اوصل الفكره اللي فبالي لحد هع فعشان جيه مخليه النقاش لاصحابه اخويه النعيمي انت فهمتني غلط انا هب قصدي جيه اذا ع الفقير وغيره اساسا العشر بهالزمن والله ما تسوي اي شي وانا ما عندي اي خلاف عليها بس ليش الطالب واذا الفلوس كلها خاري البلاد لو نحن بلاد فقر والله ما بعترض ولا بقول شي لكن شو انسوي بعد هالحال واذا ع الهويه والله الكل دفع وما اعترضت ع هالشي لان البطاقات الصحيه من زمان انسويها بفلوس فعشان جيه انا احسها شرات البطاقه الصحيه هع مسموح بالحل اخويه والله يسلمك ويسمنك ويسمرك |
اقتباس:
هع هع صدقج والله تسلمين والله ع التجاوب ويايه واترقبج دوم بكل المواضيع |
رد غرور طفله ماعجبني عن الوافدين مع احترامي الشديد لها بس ... ليش التفرقه بين الوافد ( زلمه ) والمواطن ( الإماراتي ) كلنا من طينه وحده بلاهم الوافدين يحليلهم عايشين على قد حالهم والمشلكه إللي البعض يجهلها إنا نحنا يوم نسافر بلادهم نحنا نعتبر وافدين وهم يعتبرون مواطنين في بلادهم المهم ماعلينا مب ها موضوعنا .. سالفه 10 دراهم هيه فعلاً البلاد مب محتاجتنها الله أعلم شو يبغون يسوون فيها نحن ما ندري بس فعلاً مثل ماقال النعيمي 10 على 10 تسوي شيء أمكن المبالغ إللي يجمعونها بسوون فيها صيانه حق المدارس ...الخ بس خير ياطير على أيامنا كانوا ياخذون منا بيزات ع الطالعه والنازله عبالهم نغرف لهم من البحر إلا هيه 10 دراهم تفداهم وما أظن نحنا الإماراتيين والحمد الله عايشين بنعمه خاصه بعد زياده الرواتب وإللي صارت رواتبهم خياليه 10 دراهم اللكل يقدر يدفعها حتى إللي ياخذون الشؤون الإجتماعيه الحمد الله عيال بلادنا عايشين بخير ونعمه ( بصفه عامه ) والسمووحه ع المغثه وسوري إذا خلط لج الحابل بنابل مجرد وجهه نظر لايغيرمن الود قضيه |
نحن هب مختلفين على 10 رووبيــأأت ولا 20 ., القهر ان كل يوم نسمع ., فلااانـ { حفظه الله ورعاه } بنــأأ مدرسه في المكان الافلااني ., ومدارسنــأأ بدووون كراااسي ولا طاولااااتـ ., على الاقل الترمييم مابيااخذ نص البنياان ., نحن مانتكلم ونمنع فعل الخير بالعكس شي حلوو ونفخر بهـ ., بس على الاقل ماينسووون بلدهم وعياال ديرتهم ., والله كريم اخوج / حمدان |
\\ // يسلموو الغلا ع الموضوع كونا من دولة الحمدلله كل ابنائها ميسورين الحال و الفلوس ما تكسرنا و الحمدلله .. بس بعد فينا من هم مواطنين اكثر عنا ..بس مشكلتهم ما عندهم واسطه يطلعون جوازات.. مولودين قبلنا و لهم حق في البلاد ..بس ما عندهم الي يخليهم يكونون حالهم حال غيرهم ويوفرون لعيالهم الفلوس و الي يبونه و يحتاجونه.. وعن كون المدرسة طالبه 10 دراااهم؟! حتى لو كانت صيانه او اوراق امتحانات..! الدوله هب مقصره و كل يوم وكاتبين في الجرايد عن صياناتهم و غيرها .. وين سارت فلوس الدوله الي تنعطى لهم بالملايين عشان يوفرون مكان مناسب لعيالنا و مدرسين يعلمون اعيالنا .. اعتقد حتى لو كنا قدارين ع توفير مثل هذا المبلغ.. ما يحق لأحد ان يطلب من اعيالنا اي مبلغ و الدولة توفر اضعاف مضاعفه من مبالغ توصل للمليار بس عشان يسهلون لنا دراستنا؟؟!! والسموحه.. مجرد رأي ^ ^ تحياتي // \\ |
| الساعة الآن 02:05 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir