|
وراك وراك ( والمـــســــخــــرة ) وراك !!! السلام عليكم ورحمة الله وبركاتة لا اعلم ماهي طريقة اطروحات تلفزيونات (دبي وسما دبي) في محتوى البرامج والمسلسلات الرمضانية التي بدأت اشمئز منها وللأسف ان جميع القائمين عليه من( معدين وممثلين وكتاب سيناريو ) هم من المواطنيين.. اليوم وعن طريق الصدفة كنت اشاهد مسلسلنا المحلي "حاير طاير" وفي (حزة الإعلانات) ادرت الى محطة سما دبي وبالصدفة كان هناك برنامج (الكاميرا الخفية- وراك وراك ) من تمثيل ( مواطن ومواطنه) اليوم كان الحوار او المقلب مع المطرب الإماراتي هزاع وفي اثناء المقلب اتيي المذيعة (الممثلة المواطنـــة) وتوجه التلفون على المطرب هزاع بطريقة غريبة من اسفل لأعلى وحول جسمه وحتى على جوانبة والإقتراب من اذنة ولمسها وحتى لمس يد المطرب ...!!!!! بدا الإحراج على المطرب وهي ماشالله ( مصختها وخارتها ) وياه ، لاحشيمة ولا تخيل على روحها .. هذا التوطين اللي ادورونة يا قناة سما دبي !!!! البارحة في حلقة مسلسل ( ابلة نورة ) الممثل العامري يالس ويا الممثلة الحوسنية ، وماشالله ماوحينا الا الأخ حاط يده على جتوف الممثلة ويقول لها ( قولي احبك )!!!؟!!!؟!؟!؟ وممثلين مواطنين !!! والله العظيم اني متعييب من هالمحطات والمنتجين واللي ينادون بـ توطين الإعلام الإماراتي واخص بالذكر ان اغلب المسلسلات والبرامج الرمضانية تمر على اعضاء مجلس ادارة المحطات مافكروا بسمعة هل البلاد ولا اسلوب التمثيل ( الساقط ) عند هؤلاء الممثلين والممثلات .. اما برنامج تواصل ، يقدمة ( مذيع ومذيعه ) للأسف ماعندي اسماءهم او بالآحرى هب حافظنهم عدل ، هايج المره المذيع يضحك ويا المذيعة وعلى الهوى مباشر والله اللي يقول ريلها ولا اخوها من لحمها ودمها .. للأسف ان اعلامنا الاماراتي بدأ يتجة الى الإختلاط وللأسف اختلاط ( غير شريف) يعني وضعية اليد على الكتف هاي راح تضييف شي للمشهد!!!!؟!!! ( هيه بيزيد من قلة الأدب) او جهاز الهاتف ويوم تمرره على جسم الريال هل هذا بيزيد شي من المشهد ( هيه اكيد بيزيده قلة الأدب ) ادري ان البعض منكم يمكن يقول فخاطرة ( والله ياغديّر انته ماعندك سالفة وشكلك ماتشوف غيرنا على الأقل نحن اهون عنهم ) وانا ارد واقول مانبا نقارن عمرنا بالغير ، نحن مسلمين وعدنا عادات وتقاليد واعراف لازم نمشي عليها بس الظاهر ( القطو العود مايتربــى ) !!!! وع قولة فطوم علوم والسابقين من دق الباب ياه اليواب !! اترك التعليق لكم كتابة وتحرير اخوكم / غديّر النعيمي |
لا يــأأ خوويه غديَر محد راح يقولك انك فاضي ., او بيستصغر من كلاامك نحن كلنا وياااك فرمستك لان هالشي حاز بخاطرنـا نحن كونا مسلمين ومانرضا على اعراضنا ولا سمعة بلادنا بهالطريقه .. وانا شفت اللقطات اللي ترمس عنها .. والحركه التافهه اللي بادرت بها المذيعه واللممثلة { غزلان } مع المطرب { هزاع } لدرجة انها نشة من كرسيهاا وصاارت قرييبه منه ولو تخرطفت شوي لصـار العجب ................. اما عن مسلسل ابله نوره .. وايد خايرنها العامري .. وهالدور اللي عاطينه .. وماعرف شو اللي خلااه يوافق عالنص من قرااه .. وغير ان الحلقه الاولى وبما انه اول يوم دراسه وبدايه الفلم كلهم عالفراش .. وكأنهم زوجين حقيقيين .. وناشين سوا ولا العامري يوم اقترب من الحوسنيه اونه يوعيها .. صح اني حبيت حركة الانشاد الوطني وهالشي برز لنا دولتنا .. والتمثيل برايهم يمثلون بالطريقه اللي يبونها ويظهرون المشكلات الاجتماعيه مثل مايبون لكن بحدووود واحترااااااام مصــاااااااااااااااااخــــــــــه × مصاااااااااااااااااااااااااااخه والله يرحم ايام مسلسلاتنا المحترمه .. يا انهم يسوون مسلسلات اجتماعيه شراا حاير طاير .. وطماشه .. او انهم يحفظون كرامه عيال البلاد من السمعه الدنيه .. والله يهدينا وايااهم .. ويبعد المناكر عنا .. وتسلم اخويه عالموضوع الجميل .. واللي يستحق المناقشه والتقييم اخوك / حمدان |
النعيمي كلامك صح امية بالميه نفس الشي اللي جذبني اليوم يعني الاهل لين يشلون الفطور وغيره يكون ظهر هالبرنامج والمهم يالس هو يغني وغزلان هب مقصره والفضيحه العوده انه يقول الها ايلسي مكانج اتخيل يعني واحد يقول لوحده ايلسي مكانج لانه انحرج ما باقي غير تيلس عداله والله ولا اساسا ما يحتاي لان هي طول الوقت تصور بطريقة شو اقولك عنها والله ما اعرف كيف اكتبها بس اكيد فهمت عليه اوكي الموقف يعني تباه مثل مقلب تبعد عنه هب جيه لاصقه فيه صح سمعنا توطين وتوطين لكن اي توطين اشوف عادات وتقاليد الامارات اندفت تحت التراب ما بقى شي اذا هالشي صار بتصوير اذا غير الاماراتين شافوه شو بيقولون او واحد اجنبي شو بيقول نفسهم والله ما بقى شي الحين ع سالفة محمد العامري حتى هاللقطه يعني فضيحه يسويها نحن وين عايشين ويا الاجانب و غيره هاي الحركات المواطن لازم ما يسويها واذا سواها المخرج لازم يحذفها يعني غلط بغلط هالمسلسل يقدم مجتمع الامارات يعني هالحركات شو تعتبر ما شي اي وطنيه بالدوله وسما دبي سوت توطين لكن التوطين غلط بعد لان شو ورا هالتوطين غير حركات وحركات ...... ؟؟؟!! وهالظاهره لازم تتعالج اذا بمجتمعنا والله انا بقول لك جمله وهاي فبالي دووووم من مات ابويه زايد الله يرحمه صارت البلاد جيه قمنا انشوف اشيا جنا هب عايشين فالامارات فبلاد فرررري تسلم ع الطرح والسموحه ع الاطاله نترقب منك كل يديد |
والله صدقتوا خواني بكل كلمة قلتوه وما عندي رمسة غير كلمة كفيتوا ووفيتوا بالكلام وتسلم اخوي غدير على صراحتك وبالعكس هذا دليل على حبك لبلادك وما ترضى عليه الغلط |
وعليكم السلام والرحمة تسلم أخوي النعيمي على طرحك للموضوع والله يعطيك العافية وصدقت في كل كلمة كتبتها وصدق أنا أتابع مسلسل أبله نورة وأمس جفت الحركة البايخة اللي سواها العامري يعني بصراحة ما أدري شو الهدف من هالحركات اللي مالها معنى وخصوصا في مسلسل خليجي يعني المفروض ايراعون مشاعر الناس اللي اتابع وخصوصا انه هالمسلسلات ايتابعونها أشخاص من مختلف الأعمار والله حتى الواحد استوا يستحي ايتابع أي مسلسل وهو يالس ويا الأهل لأنه ايخاف تطلع لقطة نفس اللقطات اللي ذكرتهم أخوي النعيمي واللي كلها قلة أدب وفي نفس الوقت حتى اليهال يتابعون هالبرامج والمسلسلات وما شالله عليهم يلقطون أي شي وإيحاولون إيقلدونه وبعدين أي توطين الله ايخليك اللي يتكلمون عنه إذا نص الممثلين من بلدان عربية ثانية لا أنهم مواطنين ولا شي بس العتب على إدارة المحطات اللي تسمح ببث هالبرامج وهالمسلسلات اللي لا تحترم كبير ولا صغير ولا فيها أي شي من العادات والتقاليد والسموحة |
السلام عليكم ورحمة الله وبركاته.. صدقت يا اخوي النعيمي...انا شفت برناامج وراك وراك...والله انا ما اعرف انه نااس ليش يسوون كذاا برااامج..يعنى شو يستفيدوووون من هالشي..؟ كلها قله ادب صرااحه...و حلقه اليوم بعد شفتــه..والله كنت اتاابع و مستحيه..مثلما حرمه كاانت تسوي الحركااات مع الفناان ....و كااميرا راايح فوق و تحت..و ما ادرى وين ...و حتى رجاال كاان مستحي...و يعنى عيب صرااحه يسوون هالحركااات..و هم يعرفوون انه هالبرناامج أكثرهم صغاار سن هما الى يتاابعوون.شو راح يفكرووون؟...و صرااحه هالشي تجي ع الادااارين ..يعنى هم ليش يرضووون هالبراامج فى قنوااتهم...لا فى شهر الفضيل..عيب صرااحه أشكرك يا اخوي ع الطرح الموضوع الحسااس جدأ....لاهنت.. ربي يعطيك صحه و العاافيه |
غدير والله نشووف العجااايب غير هذا مانقول غير الله يعين |
وعليكم السلام والرحمه واايد براامج سخييفه ومالها هدف ولا مغزى وخاصه مال الكيمرا الخفيه والضحك اقتباس:
يعني مب حلوه والله هو اصلا منصدم ما يباها تلمسه كيف تتجرأ عليه !!! حسبي الله عليها اللي ما تحشم ولا تخيل :54: اقتباس:
جان الا انتو تفكرون بانكم بترفعون اسم الامارات بهالطريقه فانتم غلطانييين لا يشرفنا ولا يشرف اي دولة اسلاميه هذا غيض من فيض الله المستعان يعطيك العافيه اخويه النعيمي عالطرح الطيب دومك متميز بانتظار اليديد ^_^ |
آلسلآم عليكم .. موضوع يستحق نقآش.. شفت الحلقه آلي آلعآمري يحط أيده على آلفنآنهـ فآطمه آلحوسني .. وأستغربت آنهـ هي عآدي عندهآ.!!!! وآللهـ ونشـوف آلعجـب.. وحتى آلفنآنهـ زينب ألعسـكري لبسهآ يسكت .!!! شو خلينآ حق الآجآنب.!! ونشــوف آنهـ شي مسلسلآت سخيفه .. والله حتى مآلهـ دآعي يحطونهآآ .. شو بنقول وشو بنعيـد دآم هآلشي لصآلح القنآه .. يعطيك العآفيهـ على آلموضوع الحلو .. ولآهآنـك ربيهـ.. |
انا شفت الحلقه امايه كانت يالسه ويانا في الصاله والله استحيت حتى امايه علقت قالت الريال استحى وهي عفانا الله لا حيا ولا مستحى استغفر الله خل قلة الادب اصلن البرنامج ما فيه شي يديد كله تقليد كوبي بيست من برنامج كاميرا خفيه اجنبي اسمه "just for laughs" الكل يعرفه يعني مدري وين اليديد والمسلي في هالبرنامج ع قولتك مصخره وبس |
اقتباس:
الله يسلمّك ياحمدان انته دومك تتحفني بتعليقاتك الطيبة وادري ان مافيك حيلة والحمد الله ان الكل مؤيد لكلامي واللي شاف استنكر من الخسف اللي مستوي عدنا فالبلاد يامرحبا بك اخوك/النعيمي |
اقتباس:
لابقة فالريال جنه ريالها واعز ... فقتها والله ، ماعرف شقايل التلفزيون يطوف ها المشاهد الماصخه من نااس ماصخين .. واتمنى هذا الموضوع يوصل لهم لأني بطرش لهم رابط الموضوع ان شالله هاليوميين والله يرحم الشيخ زايد اللي ربانا وبرع يسمونا " عيال زايد " ، بس شي ناس التربية ضايعة فيهم امثال المذكورين فالموضوع وغيرهم وايدييم ومايستحقون النصخ اللي يتنصخونه فالبلاد .. تسلمين ع التعليق ختيه مس جلكسي ، ويزاج الله خير والله يسلمّج من الشر اخوج/النعيمي |
( شموخ انثى - سواف - غرور طفلة ) شكراً على التعليقات المدونه منكم جميعاً سواف نحن فعلا نشوف اكثر عن هذا ، بس بداية الألف ميل تبدا بخطوة والله يستر خلااف شو بنشوف في مسلسلاتنا ( الإماراتيـــــــــــــــــــــــــــــــــــــــــ ــــــــــــــة) وحده من الأخوات قالت شافتهم فالشبرية يعني ماباجي الا ...... والله يستر من الياي اخوكم/النعيمي |
[align=center]وعليكم السلام ورحمة الله وبركاته موضوعك ع الجرح ياخـوي جعلك سالم.. المسلسلات والبرامج الخليجيه عموماً في كل سنه ادمر من السنه اللي طافت وهالسنه بزياده جد سمجت السالفه، وراك وراك ذا شفته اليوم وليتني ماشفته :1: يعني لهالدرجه وصلنا وين الدين والعادات والتقاليد الي تحكمنا؟؟ شاللي يحللتس ع الرجال مسكين يده وتمرري الجوال عليه؟؟ شي يغبن والله لكن ياخوك يدرون ان هالاشياء مستنكره ولا تليق بعاداتنا وتقاليدنا وهالشي محرم شرعاً ، لكن مافيه احساس بهالشي وعاجبهم اللي قاعدين يسوونه، الله يهدي الجميع.. هَزُلَت والله يستر من الجاي جزيل شكري لسموك الـخـالـدي[/align] |
اقتباس:
يزاج على خير على التعليق الطيب ، الهدف الي يبون يوصلونه الظاهر تحدي مع بعض اخوانا العرب او حتى الغرب او ماتدرين المسلسلات التركية يمكن :) لوووول تسلمين ختيه ع المرور والتواصل اخوج / غديّر النعيمي |
صدقت في كل كلمة اخويه النعيمي وانا بعد شفت اول حلقه من مسلسل ابلة نوره وفعلا كانوا العامري والحوسني عالشبريه طايحين واونه يصبح عليها يعني سوو ضجه عسب مسلسل نور والمصاخه اللي تصير والله عالاقل هذيل تركيين .. انتوا مواطنين وقلدتوهم .. لكم عين ترمسون بعد !!! وشفت اللقطات اللي طراهم اخوي النعيمي .. وفي وراك وراك .. انقهرت عالآخر يعني جد جد مصختها .. وكيمرة الفون تروح كل مكان وعادي عندها ومثل ما قال احد الاخوه .. لو تخرطفت جان .......... شو بنقول .. بصراحه .. المسلسلات هالسنه .. زايدين فيها جرعة المصاخه بزيااااااااااده والله يعين السنين اليايه سما دبي ودبي شو راح تقدم لنا واسمحولي طولت عليكم ويعطيكم العافيه |
اقتباس:
ماشالله متابعة للساحة الإماراتية وانا ماشي قاهرني الا ها الحركة الماصخه والخسفة الي سوتها هالممثله كل شي يبون توطين حتى حركات الغرب " توطين " صراحة اذا التوطين جذه انا متبري منه ومابا اشوفة على محطاتنا الإماراتية ، نحن ستوينا امعه للغرب ونقلدهم بحركاتهم حتى وان كانت خارجة عن نطاق الأدب والدين الإسلامي تسلمين يازهور على المرور والتواصل اخوج/غديّر |
السلام عليكم ورحمه الله وبركاته مشكووور اخوي النعيمي على موضوعك اللي جاي بوقته انا الصراحه ماشفت اللي برنامج (وراك وراك ) بس شفت اللي بالمسلسل انته ماسمعت بالمثل اللي يقول ( اذ لم تستحي فافعل ماشئت ) يعني ماعليهم شرهه انا صدق اني مب اماراتيه لكن اكيد مارضى بعدين مادري كيف جتهم جرأه على هالشي يارجال مالهم مذهب اكرر شكري لك مشكوووووووووور وتقبل مروري نــــوافــــي |
اقتباس:
الريال انقفط ويالس يعق عليها شوفيج ويضحك وهو اساسا ماله خاطر والله لو انا مكانه عرفت شقايل اربيها ان ماربوها هلها حتى لو هناكي تصوير وتسجيل ها اللي قاصرنا مواطنات يتلمسن رياييل يدام الأوادم وتضحك وياه .. لاحول ولا قوة الا بالله تسلمين بنت الأفلاج على التعقيب الطيب ، اليوم وانا اتابع الحلقة حسيت انهم نزلوا براسي الأرض للأسف بارك الله فيج وتسلمين ع التواصل اخوج/غديّر |
اقتباس:
البرنامج تقليد هههههههههههههههه قلت لكم نحن امعة للغرب وضاع الإبداع وسط المعمعه تسلمين على المرور يا ختي حنان اخوج / النعيمي |
اقتباس:
انا يشرفني مرور اخوانا واشقاءنا من دول الخليج وحتى الدول العربية نحن كلنا مسلمين واللي لنا لكم ... نحن ماصدقنا متى افتكينا من الرقص ين بنات مواطنات يلبقن فالرياييل ( اخس وادمر) ع قولتك شفتن يالبنات الاختلاط شو يسوي... الحينه لو نتخبر اي ممثل او ممثله ( ليش هذا مشهد عادي نحن ناس وطنيين ونعرف اللي لنا واللي علينا) لو هو او هي من الممثلين الشريفين امثال جابر نغموش الله يسعده ويوفقه ان شالله ماكان حد رمس عليهم ولا طشة يزاك الله خير يالغالي ، وبارك الله فيك ع التواصل اخوكم/غديّر النعيمي |
اقتباس:
الحمد الله ان الكل متابع ( وشهد شاهد من اهلها ) عن نحن نطالب المسئولين الإماراتيين والمنتجين يعتذرون عن هالمشاهد ( ويحرمون يسونها مره ثانية) الله يرحم زمان اشحفان القطو والله كنا نستانس نشوف الاحتشام بنات مواطنات بهالكنادير والبراقع والرمسة الموزونة واقفة مصطلبة .. بس شو نقول الا حسبنا الله ونعم الوكيل تسلمين على المرور يزاج الله خير اخوكم/النعيمي |
اقتباس:
العفو اختي الكريمة هيه والله انا بعد مستغرب من ها الجرأه قصدي الوقاحـــــة تسلمين بارك الله فيج ع المرور اخوكم / النعيمي |
مابعلق على المشاهد لانها مب الوحيده فقط في القنوات الاماراتية ويكفي انه كلنا مستنكرين هالشي بس بيني وبينك ،، محد راح يسمعنا ولا يفيسنا ،، الي ورا هالمسلسلات ماتدري وشو يبغون يوصلوله بالظبط! والله الهادي |
اقتباس:
عايبهم أسلوب بنتهم و الا راافعه رااسهم بهالطفاسه والحركات اللي مالها معنى ؟؟ هاللي مستغربه منه وين اهلهن هالبناااات حسبي الله عليهم من اهل عيالهم أمانه باجر بينسألون عنهم وكيف ربوهم لا حول ولاقوة الا بالله العباره اللي بالون الاحمر اشكرك عليها وهذا ان دل على شي فيدل على غيرتك على بنت بلادك وحرصك وانتمائك للامارات الله يكثر من أمثالك ^_^ ربي يسلمك النعيمي وهذا واجبنا بالتوفيج لك |
مرحبا الله حيه النعيمي تقبل الله صيامنا وصياامك ان شالله...اولاً يعطيك الف عااافيه على موضووعك الطيب... لا ياخي.....لا بنقول ولا شيء...وراينا من رايك...وانته من العنوان موضحنها...مسخره بمسخره.. والله ما ادري شو ياها (سما دبي)..اول ما طلعت محد أحسن عنها...حاشمة عمرها بكل برامجها..إلا الحين والله الواحد يشوف العيب منها....والمشكلة الادهى الكوادر العاملة عليها مواطنين... والله سالفه وراك وراك...خبروني عنها...والحق ما شفتها....بس باااقي الحلقات كنت وياهم اون لاين...ابا اضحك..والله ما اقدر...المقالب سخيفه...وما فيها شيء ابداً يضحك....ترانا بس صرنا نقلد اللي نلقاه زين وإلا شين..... عاااااااااااااده كله كووووووووووووووم وحركة العاامري ( اللي ضيع المذهب والسنع والمعااني)....كنا بالصاله والشيبه يالس...قسم بالله استحيت على عمرية انه طلعت هالحركة جدااام ابويه....ابويه هزبنا...وقال بدلوا عن هالملقط....ارمضان هو وإلا مصااخه...هيه والله صدقه ابويه....يعني احترموا انه المسلسلات يطالعونها يهال....واصلاً الحركة كانت ابداص مالها داااعي....يعني شو ضاافت على الدور غير سختتفه وقله ادب.... ولكن ( ان لم تستح فأفعل ما شئت)....شو راهم غير كوبي وبست......بس الواحد جان سكت بيسكت مره ومرتين وثلاث....والواحد جان ما غار على هويته وعادات وتقاليده تراه ما منه فااايده.... الظاهر حركة عزلان...ويا هزاااع....كسرت التوقعاات.....مادل هاي وين تبا...والله لو كنت ريال(أحم أحم):137:...وسوت هاي فيني هالحركة...بس من تحت أيدها عليه...الطراق معلم ع ويهيا...والريال ما ينلام...منصدم من المسخره..... صراااحه....قله الآدب في كله بقعه...والمسااخه والسخاافه في كل مكان...والواحد عليه شروى ما يقولون اهلنا...بيدار بيته..ودام هااي القناه منا وفينا..ومن دولتنا...لازم علينا نرمس..ونقول ونقاااول...ونوصل صوتنا لين ما نروم... وجان الباقين اختربوا ...نحن هب ملزومين نطالع شو يصير عندنا ونسكت ونقول لا...تراه الكل جيه... يا آيها الناس عليكم بأنفسكم....وارد واقول..الواحد عليه بيدار بيته.....اي شيء يخص دولتنا وفيه اسمها...بنرمس اليوم وباجر واللي عقبه...حتى لو ما وصل صوتنا مكااان.... الواحد يسوي اللي عليه والبااقي على الله.....>>>> وهذا اضعف الأيمااان السموووحه ع الإطاله يالخوي بارك الله فيك تقبل مروري |
سلام عليكم ورحمه الله وبركاته اكيـــــــــــــــــــــــــــــد هالشي مانرضـــآآآهـ ابدن لانه مو من شيمنا كعربـــــ ومسلميــــــــــــــن توقــــــــــــــــع اي شي اخويه بهالزمــــــــــــــــــــــن والله انيه وانا يالسه اقرا هاللي مكتوبــــ جنيه عايشه بالعصر الحجري ماجفــــت شي :02: اللي اجوفهم شيئين الحاره وصرآآع عالطعوس بــــــــــــس المسؤلين اللي بــآآبهم مفتوح للرايح واليـــــــآآآي هم المسؤل الاول والاخير وبيني وبيـــــــــنكم البلااااااااااااااد احسهــآآآ تشجع (الاختـــــــــــــــــلاط ) بالمعنى الحرفي هـــآآي بعد حقيقه مامنهــــــآآآ مهربـــــــــــــــ ولا الوآآآآآآآآآآحد عقله برآآسه ويعرفــــ خلاصه والحمـــــــــــــــدلله بلادنا بيدهــآآآ شي اسمه قـــآآآنون مو تسيبــــــــــــ للي بيسوى واللي مايسوى والليــــ يقهـــر زود انهـــم شـــآآآقين الحلــــــــــــج ويتبسمــــــــون :1: سلمت اخـــــــوي عالطرح |
خلوها على الله وهذا علامات الساعه انتشار الفساد ..الواحد يحفظ نفسه واهله ويقوول لحمد لله... |
عليكـ السلام ورحمه الله ,, موضوع يتكرر كلـ سـنه , بس يكـون فيه تغير و بنسبه صغيرهـ بس , , { زيـآدهـ الوقـآحه و قلت الادب } سـؤآل :- الكـآتب – المخرج – المنتج – المصور – الممثل ,,, ما يعرفون انهم عرب – مسلميـن – خليجين ,, !! ما يعرفون :- انه كبـآر و صغـآر و مراهقين متابعين هالمسلسلات !! إذا صرنـآ ما نثق في القنوات العربية و الخليجيه بنثق فـ منو ؟! كلـ واحـد من هذيلا مسـؤول عن شو يقدم !! قال تعالى : (( وَقِفُوَهُمْ إِنَّهُم مَّسْئُولُونَ # مَا لَكُمْ لاَ تَنَاصَرُونَ # بَلْ هُمُ اليَوْمَ مُسْتَسْلِمُونَ )) سورة الصافات . الكاتب يوم كتب هـ { .....................} ما فكـر !! ما قال نحن فـ دولـه عربيه اسلاميه خليجيه !! المخرج + المنتج كانوا يقدرون يحذفون اي لقطه او اي مشهد ,, بس الظاهر فـ هالوقت هم اللي يطلبون زيـآدهـ هـ المشـآهد ظناً منهم انه المسلسل بيكون انجح ,, والممثل كيف يوافق انه يمثل هالدور !! ما فكر بـ منظرهـ جدام النـآس { المجتمع + اهلـه + ربعـه + ازواجهم + عيالهم + زملاء العمل } يعني الصراحه ,, أذا الممثله ظهرت بـ هالمشـآهد اللي يالسين نشوفها ,, إذا ياها واحد برع الفلم او التصوير ,, و سو بها نفس الحركه ,, { محد يلومه } شو حلال عليهم و حرام عليه !! ويـن دور الرقــآآبه !! شو مالهم دور !! والإ شو الموضوع ,, !! شـي قهـر !! يعني والله صارت بعض الافلام الأجنبيه احسـن وافضل من افلامنا العربيه اللي بصراحـه { نزلت راسناآ بالارض } حتى لقطه وحده ماآشـي ,, انا بنفسي شفت افلام ابد ما فيها ولا لقطه وحدهـ ’’ ابداً ,, ليش مسلسلاتنا + افلامنـآ مركزيـن على الإثـآره البصريه + الحسيه + السمعيه + الجسديه !! ؟ ليش ,, ؟! منو المسـؤولـ ’’ !! مب كـآفي الفسـآد و اللعب في عقـول الشباب ,, والمراهقين ,, مب كـآفي المشاكل اللي يتنا من هالمشاهد !! ,, و هالافكـآآر ,, المفروض انه تناقش قضايا تخص المجتمع – قصص واقعيه – تاريخ .. اخر بس صاروا يعتمدون على الخياآل , صـآروا يشوهون سمعـة العرب و المسلمين ,, و غير جـي يقولون وين حريه الاعلام ,, يا بوكم إذا هذي الحريـه اللي ترمسون عنها ,, ما نبــآآهاآ ,,, مستغنين عنها ليوم الديـن ,, و الشي اللي يقهر و يبط الجبد ,, يوم يقولون لنـآآ ’’ { نحن نقدم رساله } اي رساله !! قلة الادب والخروج عن العادات والتقاليد !! اللي قدمون رسـاله ,, هم من قدموا شـي لوطنهم ,, لأهلهم ,, مب سودو و يهم ,, !! و المشكله او الطامه الكبرى ,, { المسلسلات الرمضانيه } يعني في قمة الوقاحه , , وين حرمت هالشهر الفضيل !! الله اعلم , , وين مسلسلاتنا الجديمه ! ! { شحفـآن القطـو – درب الزلق – جواهـر } ويـن هالترآث اللي نرفع راسنـآ فيـه ,, يعني اللي يسون هالمسلسلات ما يفكرون ,, انه بعد عرض المسلسل بكم شهر خلاص ينسـى محد يذكـره ,, ما يسألون انفسهم ليش ,, ما يقولون ليش الافلام القديمه راسخه و موجوده ,, و مسلسلات اليوم تنمحي بلمح البصر ,, طولـ ت وايد عليكم ,, اسمحولي بس من القهر اللي نشوفه ,, و لوعة الجبد ,, و اخر شـي ,, اقـولـ ’’ ربي يعطيهم العافيه ,, الممثلين اللي نفتخر انهم منا و فينـآآ و رافعين راسنـآآ ,, اخـوي النعيمي ,, تسلم ع الطرح اللي نتمنى انهم يلقون لنا حلـ ’’ و يريحونـآآ ,, و السموحه ع الاطـآله و ربي يحفظكم ,, |
لا أخوي موضوعك حلو وماعليه كلام بالعكس ها واقع نعيشه هيه والله قلت أدب لا حياء ولامنقود والله عيب يحط يده على اكتوفها ما أدري كيف رضت على نفسها وأهلها رضوا عليها بها الشيء ما أدري كيف لا أخوها ولا ريلها وكيف تيلس حذاله مدري الله أعلم أنا لو تكلمت بها الموضوع ما بخلص إللي ساتر على نفسه الله بستر عليه دنيا وآخره وإللي فاضح عمره الله بفضحه بس إللي يدخل ها المجال توقع منه كل شيء شين لا تستغرب في زمن كله جايز تسلم أخوي على الطرح الرائع وأنا وراك وراك يالنعيمي أنا وراك خخخخخ |
اقتباس:
لا يا اخـوي اسمحـلي ,, مب كـل من دخـل هالمجـآلـ ’’ شين ,, في نـآآس ما شــآآء الله عليهم ,, و لا تنسـى فـ كـل مكـآآنـ ’’ في الزين و الشين ,, |
اقتباس:
ويقول لج المثل كثر الدق يفج اللحام ونحن من حقنا نرمس وننتقد واذا ناس اتقول نحن اندور الزله فهذا من حقنا لأنه طال عمرج هذا اعلام يعني شي ( محسوب عليك وعلى دولتك) دام صبغة المادة ( محتواها) اماراتي وطني انا ، انا وطني غديّر النعيمي |
اقتباس:
ومن قال سالم يابنت الأفلاج افا عليج ها العوق طال عمرج ، وانا مايهمني شخصية الإنسان كثر ماتهمني وطنيتة المواطن انتماء وغيرية وحب الوطن ماينقاس بأي ثمن تسلمين بارك الله فيج اخوج /غديّر |
اقتباس:
اشكرج على كل كلمة قلتيها النعيمي |
دمعة الشوق - سيرجيو شكرا على التواجد والتعليقات الطيبة النعيمي |
اقتباس:
تسلمين عزت نفسي كفيتي ووفيتي بمرورج ماشالله تقرير مفصل بارك الله فيج اخوج / النعيمي |
اقتباس:
تسلم الغالي وانا وياك في كل كلمة قلتها وصح لسانك وبارك الله فيك اقتباس:
عزت نفسي التمثيل والإعلام والإختلاط بشكل عام يجلب المشاكل للرجل والمرأه اكثر عن الرجل بحكم فتنتها وعوراتها وسلوكياتها وحركاتها و و و ..الخ . اي مكان فيه اختلاط البنت عرضة انها تخترب او لاقدر الله سمعتها تنخدش ، بحكم اختلاف الناس ومعادنهم لاتقولين لا ، اللي نشوفة ضحك وسوالف ومسخره وهو اولا واخيرا خلط للأسف مانشوف نماذج مشرفة الا وتخترب بعدين .. وخصة البنات .. اخوكم / النعيمي |
اقتباس:
لا صدقني يا اخوي ٍ غدير ,, انا ما كنت بقول هالرمسه الا وانا متأكدهـ ’’ من هالشـي,, بما انه هذا هو مجال دراستي ,, نحن تعاملنا واشتغلنا و اتعاونا مع الاعلاميين ,, بمكتلف مجالاتهم ,, ما بقولوكـ ,, هم محترميـن ومن هالرمسه لا ,, يعني شي الزين و شي الشين ,, و من هالشين يحاولون يضحكون و يمزحون و و اونه سوالف ,, و زماله عمل ع قولتهم ,, بس إذا البنت ردت عليهم و وقفت هالمهزله او حتى ما عطتهم ويه محد يتجرأ ’’ خلاص الكل بيعرف انه فلانه ما عندها يمين يسار ,, شغلها و بس ,, بس إذا يتك وحده عباه مفتوحه و شيله ع الكتف او نص الشعر ضاهر ,, و تضحك مع فلان ,, و تسولف مع علان ,, و الا بتقولكـ [ اصبر فلان وصلني ع دربكـ ’’ ] --{ وهاي سمعتها بأذني ,, هذي اللي صج تكون عرضه لليميع ,, و بالأخير ,, وجه نظر او راآي من تجاربي,, ^^ ,, والسموحه ,, وربي يحفظكـ ’’ |
\\ // يسلموو الغلا ع الموضوع الغاوي موضوع يستحق النقاش.. الأمر ما صار يخص بلاد عربية و حده مثل دولتنا..!! الموضوع صار اكبر .. و كل اقنوات العربية و الخليجيه يعرضون مسلسلات ما تحمل اي رسالة مهمه؟! وحتى المسلسلات الخليجيه المعروضه الحين ما تحمل اي قيمه او هدف؟! وكله يقولون يناقشون مواضيع تخص البلاد و مشكلة منتشره او ظاهره باديه او سبق وانتشرت..!! انزين تراه الفضل لكم يوم انتشرت ..!! لقطات بسيطه و الياي اكثر و اكبر :0088: يا خوي الموضوع ظهر من مواطنين و غير مواطنين.. من موضوع او مسلسل يحمل مشاكل و حلول .. الى مجموعة حلقات مروجه لظواهر منتشرة و غير منتشره تنشر بتوسع اكبر و تعالج بطرق خاطئة؟! يعني تصرفات مالها داعي ..! برامج مضحكة محتوياتها تافهه .. تقربات ما لها داعي.. مشاكل تعرض و تحل بطرق غريبة و اغلبها تساهم بنشر الظواهر.!! غزلان و فاطمه الحوسني و حتى رزيقة طارش في مسلسل " حظ يا نصيب " ؟!! وحده اتقرب من رياال يردها و الكل يشوف كيف الريال مستحي و حتى حركتها يوم تطلب انها اتم وياه عقب التصوير ابروحهم؟؟ والثنتين فاطمه و رزيقه.. يخلون الأوادم يقربونهم و يهبشون اجسامهم؟! فاطمه يمكن مره او مرتين.. بس رزيقه السنه وااايد ممصختنها ؟! يعني كبيره بالسن و تعرف الأصول و الحود.. و تخليهم يهبشونها و لا هامنها و اتلصق بالرياييل ؟! الغلطه هب غلطتهم او غلطة القناه.. الغلطه غلطتنا نحن يوم انشوف هذي الحلقات و بعد ما يخلص المسلسل نبدي اعتراضنا عليها و على محتوياتها .. المفروض نحن نتحرك و نعترض من الحين ..بس منو يهتم؟! امسات سامعه حد يتشكى من الموضوع وسكتوه الفقير قطعوا الخط!! الله كريم ياخوي .. يعطيك العافيه ع الموضوع و الله ان السوالف الي في المسلسلات اتسد النفس ..! والسموحه.. مجرد رأي ^ ^ تحياتي // \\ |
بتكلم اول شي بخصوص مسلسل ابله نوره ممثـله شتنـطرون منها ؟ لو هي تستحي ولا تخيل جـآن مادشت مجال التمثـيل اصلاً العيب مب منــه هو . . العيب منهـآ . . هو صح غللط يوم رضا يسوي هالحركه بس هي شلون اصلاً ترضاها . . شكـنت بقول بعد . . اي اي مـدامها رضت تطلع بالتلفزيون وحاله فـ اكييد بترضـآ بـ اي شي صح ؟ غير هاي . . هي اصلاً تشوه سمعة بنات الامارات بطلعتها جي وهي تمثل . . مب حلوه فـ حق اهل الامارات هم يحسبون انهم بهالشي بيرفعون اسم بلادهم . . اتكلم عن البنات طبعاً . . بخصوص وراك وراك انا اجوف منصدمه شنو هاي يعني الحركـه كللللللش مب حلـوه المغني مسكـيين مستـحي وهي ولا عليــها كسر خاطري والله >< ثـآنكس النعيمي ع الموضوع اسمح لي ع الرد السريع عاد خيخي |
| الساعة الآن 07:24 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir