|
العودة للمدارس السلام عليكم اليوم حبيت ايب لكم موضوع عن المدارس هاقد بدأت المدارس والجامعات باستقبال طلابها وبدأت بتوفير الكتب ولوازم الدراسة وباشر المدرسين عملهم اسبوع قبل الطلاب ولكن السؤال كيف أستقبل الطلاب عامهم الدراسي http://ma7room.org/up/uploads/images...3eba436691.gif هل كان الخطأ في توقيت الدراسة حيث انها بدأت مع شهر رمضان لماذا أصبحت شوارعنا تزدحم ......والوجوه شاحبة ..والمزاج متعكر |
{~. وعليـٍـكم آلسلآٍآم وآلرحمهـٍـٍ .. مـِـِـوضوـٍع روعٍـٍـه..ولـٍـٍـي آلشـٍـٍرف آنـٍـٍي آٍآول وحـٍـده آٍآرد عليـٍـك.. :ast7eee: كيف أستقبل الطلاب عامهم الدراسي وآللـهــ آستقبلـٍـٍوه بـٍـٍكل حـٍـزن وضيـٍـٍج لآنهـٍـٍ آلمنآٍآٍهج تغيـٍـرت وصآرت آصعب عن قبـٍـٍل.. وثآني شي رمضآٍآٍن مـٍـن لهـٍ خلق يسـٍـوي شي في هآلحر.!! هل كان الخطأ في توقيت الدراسة حيث انها بدأت مع شهر رمضان طبعٍـٍـَآآَآ..!!! فقآٍآرن بينٍـ حآآل آلطآٍآٍلب عقـٍـب رمضآٍآن وقبـٍـٍل رمضآٍآن .. آلطآآٍآلب لهٍـٍـ يشآٍآٍرك يسـٍـوي تقآٍآٍرير بحـٍـٍوث بعـٍـد رمضآٍآن .. لآكن في رمضآٍآن آلوآٍآحد مآٍآلهـٍ خلق ينـٍـش آلصبح يـٍـكون تعبآٍآن.. ولآ ننسى آنهـٍ نحـٍـٍن في فصـٍـل آلصيف يعـٍـٍني آلتعب آكثـٍـر عنٍـٍ قبـٍل.. :1: لماذا أصبحت شوارعنا تزدحم ......والوجوه شاحبة ..والمزاج متعكر لآنهـٍـ آلتوآقيت للـٍـٍمدآٍرس مختلفـٍـ وآلكٍـٍل يبـٍـي يلـٍـحق علـٍـٍى دوٍآآمهـٍـ بذآٍت آلحين .. آلدولهـٍ مشدده على كـٍـٍل شي .. وآلـٍـٍكل تلآآٍآٍقيهـٍـ موده متـٍعكر وهـٍـب رآٍآٍيق يسـٍـوي شي.. يعـٍـٍني رمضآٍآن وفي آلحـٍٍـر وفـٍـي نفــٍس آلوقـٍـت لآٍآزم يـٍـوصل عيآلهـٍـٍ ويروح آلدوٍآٍآم .. وعيآٍآلهـٍـ كل وآحـٍـٍد فيهـٍـم مدرسـٍـتهـٍـ في مكآٍآن ,وآلوقتٍـ غيـٍـٍر..!! مآٍآ آقـٍـول غيـٍـٍر آللهـٍٍ يعينآٍآ.. تسلـٍـم آخٍــٍوي على آلطرح آلغآٍآٍوي ونتـٍـٍـريآٍآٍ يـٍـديـٍـدك .. مـٍـٍع تحيآٍآتي وآحترآٍآٍمي.. .~} |
وعليكم السلام ورحمة الله وبركاتة اقتباس:
اتوقع الوقت مناسب لو افترضنا ماخذين اجازه في رمضان الكل راح يتكاسل ورقاد وسهر فالسابق طرحت الإت وزيرة الحب موضوع كل رمضان على هالمواال اختلاف توقيت المدارس الخاصة مع الحكومية والكليات سببة كسر الإزدحام المروري مهما حاولوا تقليص الإزدحام تبقى اوقات المدارس والكليات متقاربة وتبقى الظروف متشابهه لدى الأفراد اما بخصوص المزاج والوجوه الشاحبة للأسف ان الغالب يقول (دوام فـ رمضان لييييش!!!!!!!!!! نحن بنصوم ولا بنشتغل ولا بندرس ولا ولا ولا ولا ولا ولا ) حجج تافهه ومجرد شحن فالأفكار الطلاب مبوزيين ومكتئبين بخصوص الصيام والدراسة (راسي يعورني ، مارقدنا عدل ، ماتسحرنا....الخ) لازم نفرح بشهر الصيام والرحمه الصيام في ظل العمل والدراسة ( اجتهاد وجهاد) شوفوا الأجر وفكروا بآخرتكم الواحد مايعرف يومة صراحة .. مشكور الغالي على الموضوع ونتريا منك المزيد اخوك/النعيمي |
كيف أستقبل الطلاب عامهم الدراسي نفس كل عام إللي يستقبله بفرح وإللي يستقبله بالضيق والحزن ومن منهم مستانس للعوده إللي الصفوف الدراسيه ومنهم فرصه لرؤيه الأحباب والأصدقاء ومبادله الحوارات والسوالف .......ألخ هل كان الخطأ في توقيت الدراسة حيث انها بدأت مع شهر رمضان لا مب خطاء مافيها شيء الكل متعود أنه يدرس في شهر رمضان نحنا على أيامنا درسنا وسوينا أشغالنا في رمضان لاتأففنا ولاشيء بالعكس شيء طبيعي وما أدري ليش الناس تزيد النار حطب سؤاء كان في بدايه العام الدراسي أو غيره لماذا أصبحت شوارعنا تزدحم ......والوجوه شاحبة ..والمزاج متعكر شوارع مزدحمه من زمان ع الطالع والنازله أمكن بسب المدارس وشراء اللوازم الدراسيه وإما لشهر رمضان وشراء المواد الغذائيه ........ألخ بس نحنا ما عندنا زحمه لإنه الدوريات ما مقصره موقفه الشباب عند حدهم ( المغازلجيه) خخخخ يعطيك ألف عافيه ع الطرح |
السلام عليكم ورحمة الله وبركاته والله ياخوي لو تشوف اشكالنا اول يوم دراسه جان ضحكت لين ماتلوع جبدك العيون حمر من كثر السهر هذا غير التعب ،،لأن البعض مايتحرك في الاجازة مسويين بيات صيفي ويوم تبدا المدرسة يبدا وياها التعب والانهاك انا مب مع انه يعطونا رمضان اجازة ،،بس التوقيت امره مايساعد يعني ع طول من ثاني يوم وبالنسبة للشوارح الي تزدحم يوم ورا الثاني والمزاج المتعكر فها شي طبيعي ميه بالميه الشوارع مزدحمة : حيت انه مدراس ورمضان والعيد قرب المزاج المتعكر : من زحمة الشوارع ، تلقى اولياء الامور معصبين ناشين من وقت في رمضان عسب يوصلون عيالهم المدرسة وبسني عاد من الهذربه والسمـــــوحة من اختك ،،، فيمتو |
مـــرحبـآ آلسـآع استقبلـوه بكل حزن وضيج لانـه اكثر الناس مايحبون الدراسه وانا واحد منهم هع والي نامو فالحصه والي مشاكل من اول يوم والي ساير المدرسه مب نايم ساير مواصل الي فالمدارس حليلهـم دوامات من الساعة 8 ولا فوق هاذا كله حر وصيام ..! لاكن نحن يحينا الي فالجامعات والكليات دوامنا مب على وقت واحد يعني مرات نبدى 9 ولا 10 .. وعن الزحمـه يابوي الزحمه مب الا عن المدارس الزحمه فكل مكان بس المدارس زادت الزحمـه هع وفي بعض المدارس مثل الحرم من داخل هـع |
انا ماعرف ليش هالجلبه ع فكرة ان المدارس فتحت ابوابها في بداية رمضان .. بتكثر الحجج .. حر و يهد و ماعرف شو .. لكني ماشوف ان المساله فيها نوع من التعب .. اللهم الا هي روحه حق المدرسه نقعد ع الكراسي ف الجو البارد داخل الصفوف .. و نتلقى المعلومات و ندون و يالله ع البيت .. ما نبذل أي جهد متعب .. وذا عن اللي بيتعب فهم برايي المعلمات و لا الاساتذه .. وحليلهم .. ايونا تعبانين .. وين يلحقون شغل البيت و لا المدرسه و لا العبادات و لا ولا و لا .!!!!!! يقفون 7 ساعات بالكثير مجابلين السبوره يشرحون و يهزبون .!!! تعب .!!! الطالب لي بيقعد يتحجج .. هذا و بكل بساطه .. بعده ماشبع من السهر و الرقاد و اللعب .. بعده م مستعد بتاتا ليية المدرسه .. يعقه ع رمضان ليش .!!! ههه تسلم خويه القناص ع الطرح .. ونرقب الزود من مواضيعك ..*~ |
وعليكم السلام ورحمة الله وبركاته طول سنيننا ندرس ونشتغل في رمضان بس العام وهالسنه ماادري شجاهم العالم كأنهم اول مره يصومون بصراحه احس ان مافيه اسباب مقنعه تدعو للتذمر والاشمئزاز من الدوام فرمضان ، بالنسبه لي الدوام فرمضان احسن هالسنه بس قعدنا بالبيت واحس مافيه تنظيم بالوقت وخمول وكسل بالعكس الدوام كان نافعني.. شكراً على الموضوع الـخـالــدي |
| الساعة الآن 04:50 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir