|
توهقت بمقالبي الثجيله>< بسم الله الرحمن الرحيم السلام عليكم ورحمة الله وبركاته اخواني الاعزاء باختصار شديد هالموقف حصلي قبل 4 ساعات و متوهقه ماادري شنو بسوي>< السالفه: ارفيجتي قبل يومين حبيت اتغشمر معاها وانا من هواة الغشمره الثجيله>< قلت اخوي يسألني عنج! (انا اتغشمر معاها مو قصدي شي><) وسكتت البنت وراحت لبيتهم حتى ماناقشتني ولا ضحكت.. اليوم وتحديدا قبل 4 ساعات اتصلت علي امها قالت لي كلام يسم البدن>< قالت شكو أخوج في بنتي؟ انتي شلون اتعرفين اخوج ع رفيجاتج انتي وانتي ...الخ قلت لها اتغشمر معاها لا تصدقين. قالت هذي غشمره؟؟!!!!وظنت انه صج انا قايله لاخوي عن بنتها:( شسوي الحين؟؟ شلون بقنعها ان هالكلام مو صحيح وبس لعب؟ اشلون برجع علاقتي برفيجتي:(؟ شنو اللي لي واللي علي؟ منو الغلطان انا ولا هي؟؟! |
حاولي ترمسين البنت انتي قوليلها انا كنت امزح وياج ونتي كبرتيها على طول خبرتي امج ومن المفروض بما انكم ربع يكون الشي بينكم وبينحل بينكم واي اعتراض او تعليق على مزحج مفروض هي ترد عليه وتسألج بس تصرفها غلط على طول تخبر امها انتي حاولي تعتذرين لها وتقولينلها كنت امزح وياج ومب صدق السالفه امها ماعتقد تقتنع بكلامج انتي ادرى بالحريم امهات العيال صعب من يفهمهم الوضع |
\\ // تسلمين الغلا ع الطرح الغاوي موقفج ما ينحسد عليه ياختيه :00: البنت غلطانه و انتي بعد غلطانه..!! يعني اهيه كان من المفروض تتأكد من الكلام وحتى لو جيه تاخذ فتره وتحله بروحها .. بس يمكن تربيتها جذيه.. انا تخبر امها بكل صغيره و جبيره .. والمسأله فيها واحد يسأل عنها .يعني طبيعي بدخل حد كبير في السالفه!! وانتي غلطتي ..جيه ما قلتي لها على طول انج تمزحين معاها؟! يعني معقوله مثل هذي الجذبه ما حسبتي حساب انها تكبر .. او حتى البنت صدق تبتدي تفكر اتحب اخوج؟! انا اقول .. لا تردي على الأم.. خلي اتصالج مع البنت.. يمكن تصدج في هذي الفتره..واهلها بعد يرفضون قربج منها .. فشوفي لج صديقة مشتركه من بينكم تكون حلقه الوصل من بينكم.. وتساعدج لحل مشكلتج.. بس دخلي صديقه موثوقه مو حي الله وحده؟؟! وان شاء الله تنحل المشكلة ^ ^ والسموحه ..مجرد راي :ast7eee: تحياتي // \\ |
والله يا تركي هالموقف خلاني اشك اذا هي ارفيجتي ولا لا بديت احس انها تبي الزله علي>< يعني اتعرف اسلوبي ومقالبي وانا اصلا استغربت من اتصال امها اشدعوه ماقلتلها شي عشان تكبر المسأله>< وسالفت الاعتذار مابتحصله مني لاني ماغلطت مجرد مزح وهي كبرت السالفه. شاكرتلك تواجدك اخي الكريم. يعطيك العافيه. |
اقتباس:
مااعتقد اني غطانه لانها اتعرفني عدل!شاللي قلبها علي اليوم:54:؟؟!! و لو بكلمها بكلمها مباشرة مابي احد بينا,وبعاتبها ع الخبال اللي بقلبها.. الحين اتعرفني واتعرف لعبي شلون اتدخل احد بالسالفه؟! تسلمين ع رايج اللي احترمه وشاكرتلج تواجدج. |
~ْ مبآرڪ عليْْڪم آلشھٌر ْْ~ آول ماقريت السالفه ضحكت --{ الله يعينج والله بس شـوـوفي قبل لا اعطيج رايي فالجل ., سوآلف التنكيت -{ تودي دوووووومز في داهيه ., ابدي صفحه يديده وسولفي وضحكي لكن بحدود في سوالف تودي نآآس في 60 داهيه --{ كل شي له حدـوـد المهم نرجع لسالفتج ., آن كانت ربيعتج ويآج فالسكول او غيره ., حاولي ترمسينها وتفهمينها انج تسولفين وياها وان كانت ربيعه من زمن ".. يعني بينكم عشره .." بتعرف انج من النوع "راعية مقالب" وهاي احدا مقالبج ان مافهمت ., مع الايام بتفهم هالشي وإذا ماقدرتي وماصارت فرصه ., ممكن اطرشين كل اللي في خاطرج في رسآله .,!ّ وع فكرـره لغة الرسآيل --{ تعبر آكثثثثثثر وتفيد الطرف ال2 انه يفكر في كل كلمه كتبها الطرف ال1 إن شاء الله ينحل الخلآف ., اللي من بينكم وترجعـون احسن من آول الله يوفقج واستنى النتيجه ., _^ ~ْآللھٌ يْْتِِقبل ڝيْْآمڪم ۈقيْْآمڪم ْْ~ |
اقتباس:
علينا وعليج واعانج ع طاعته. اقتباس:
خخ اقتباس:
والله موشينه فكرة المسجات:66: ان شاءالله ايصير اللي فيه الخير. يعطيج العافيه وشكرا ع الراي. |
السلام عليكم ورحمة الله وبركااته اشكر تواصلج ويانا....وعرض مشكلتج في الاستراحه اولاً: اقولج انتي غلطتي...انج سولفتي بشيء من ناحيه الكل يعرف انه شوي قوي..ليش لانه السالفه فيها ريال.... ثانياً: قبل لا تسولفين....انتي تقولين ليش هيه ما تعرفني....عشاان تسير تخبر امها...انا اقولج بعد انتي ربيعتج ما تعرفين طبعها...انها يمكن تزعل من حركتج...او تدخل حد كبير بالسالفه.... شوفي اختيه.....هيه غلطت....انها ما عرفت منج اصل السالفه...سيده خبرت امها...ويمكن البنت لها عذرها...يعني اخوج شو يباها....انا اقولج تفكير البنت...ولا تقولين اني امزح ..انا اعرفج انج تمزحين وياها..بس هيه دار في بالها مليووون شيء....ليش يعني اخو ربيعتي يسأل عني؟؟؟......هي غلطت انها سيده خبرت امها.....كان المفروض..انه البنت حتى لو خبرت امها...امها تقولها عرفي منها شو صاااير...يمكن تبون تخطبونها...عشان جيه يسأل عنج.....بس الام ما تنلام...والحريم وامهات العيال جيه تصرفهن.....وهااه شيء طبيعي... وانتي غلطتي انج سولفتي وما حطيتي لسوالفج حدود.......ادري بتقولين هااي ربيعتي.....بس بس انه اخوي وريال يسأل عنج..... عليج انج تفهمين البنت رايج وانج تسولفين.....وعلى الأم ما اعتقد انها راح تتقبل اي شيء...هن جيه الامهات...... هذا رايي وتقبليه السموووحه |
السلام عليكم مبروك عليكم الشهر أولا ..... في البدايه ( بتفلسف شوي ) موقفج صعب شوي ... لانه الموضوع فيه " ريال " حاولي انج تخففين من مقالبج و اعرفي انه مقالبج ممكن تنجلب عليج لكن العتب مب عليج بس على ربيعتج اللي ما تعرفج عدل كان المفروض ما تدخل أمها في الموضوع و خاصهً انج كنتي تسولفين هاذي حركات يهال يعني ما تعرف تتفاهم وياج اني ؟ لازم تخبر امها و امها تسوي مشكله عوده ...؟ ربيعتج غلطت لانها كبرت موضوع ما يستاهل و لو هيه عطتج فرصة جان فهمتيها الموضوع .... اذا هيه وياج في الجامعه أو السكول كلميها بينج و بينها و فهميها الموضوع أو طرشي لها ايميل أو مسج لانها ظنت فيج ظن السوء و أعوذ بالله من ظن السوء لانج انظلمتي اللهـ يهدّي ما بينكم و انشاالله تردون شرات قبل و أحسن :66: بس بدوون مقااالب خخخ سامحيني طولت عليج تحياتي ~ |
ما شاء الله ردود الأعضاء كافيه وزياده انتي الغلطانه وانتي تتحميلن نتيجه أغلاطج أصلاً عيب تفتحين مثل هالسوالف سواء من باب المزح أو غيره كل شيء في هالدنيا له حدود والشيء إللي يزيد عن حده ينقلب ضده حتى لو البنت تعرف أنج راعيه مقالب وسوالف تقولين لها أخوي يسأل عنج ( ليش وين شافها عشان تقولين لها هاي الرمسه ) وين المنقود وين الحشيمه وين المستحى البنت أمكن هالسوالف موليه ما تعجبها وأمكن البنت تتضايق من هاي الشغلات حسستيها أمكن إنها رخيصه أخوي يسأل عنج ليش شو بينه وبينها لو من الأهل بقول عااادي ومعذوره بس حد غريب عيب الصراحه الصراحه كلامج لها مره قوي وأنا ما ألووم البنت يوم خبرت أمها بالعكس إللي سويته عين الصواب أمكن السالفه بعدين تكبر وتصير سين و جيم أنا الصراحه أحب البنت إللي تصارح أهلها بكل شيء وما تخش عنهم أي شيء حتى لو كانت السالفه صغيره في أشياء الإنسان يتقبلها بروح رياضيه وفي أشياء لا الواحد منا يراعي مشاعر وأحاسيس غيرنا في نظري بني آدم قلبه حساس نصيحه من أخوج مغازلجي أول اعتذري لها بأي طريقه وأعتذري بعد حق أمها الأم بعد ما تحب تسمع رمسه مب زينه على بنتها والله إن شاء الله يساعدج لو نواياج حسنه ومقالبج الثجيله خليها خفيفه لا تثجلين على غيرج تقبلي ردي مجرد رأيي ولا أكثر ولا يغير من أمور الدنيا شيء أخوج وحبيب الملاييين :: مغازلجي :: |
والله يا اختي الغلط منج مب منها وكل اللي سوته البنت في عين العقل عيل بذمج حد يمزح جي ؟؟؟ وانا لو مكانها والله ما التفتلج حتى ما اعرف شو اقولج صراحة هاذا اللي سويتيه مايسمونه مقلب عيل تقوليلها انج خبرتي اخوج عنها وتبينها تضحك ع اساس انه مقلب وبعدين حتى لو ربيعج ترى المزح له حدود والله اذا كان كلامي قوي شوي لا تلوميني لان اللي سويتيه بعد مب شوي ونصيحتي لج ودري عنج هالشي اللي اسمه مزح ثجيل |
انا مابيلس الومج او اقول ان ها الشي غلط الحينه الخطوه المهمه تحاوليين تصارحينها بالصدق وهالموقف يكون ختامي بالنسبة للسوالف او المزح الثجيل يعني خلااص مايتكرر امرررره المصارحة تكون عبر الهاتف افضل ، واذا لاقدر الله ماستجابت هذا امر الله والإعتراف بالخطأ فضيلة .. انتي سويتي اللي عليج واعتقد كل انسان له كرامه فهالدنيا لاتنزلين من قيمتج للغير دام انهم مايقبلون العذر بكل صدق ... اخوج/غديّر النعيمي |
غسلتوني عدل>< والله حتى لو انا الغلطانه هالشي ما يبرر صغر عقلها يعطيكم العافيه ع الشخال>< المهم اللي صار اليوم اتصلت عليها تقريبا7مرات وماردت طرشت لها مسجات(اثنين بس) وبعد ماردت مااظن اقدر اسوي اكثر من جذي اخاف اروح بيتها انطرد خو ماتسوى علي:54: تسلمون ع وقتكم. قواكم الله. |
مقتطفات: اقتباس:
1-اكيد غلطت انها قالت لامها وانا الحين ماادري العتب ع البنت او امها وبعدين يعني غريبه جان فكرت اخي شنو يبي منها!!اصلا عمرها ماشافت اخي لانه مو بالديره>< يعني المفروض اترد علي بساعتها مو تسكت وركضه ع امها جني سابتها><. 2-بسالفه الحدود صدقتي لاني شوي دفشه من هالناحيه>< اممم السبب اني ماتوقعت بتفهمني غلط! شاكرتلج تواجدج وزيرة.يعطيج الف عافيه. ______________________ اقتباس:
1-توبه بس خلاص ماراح اضحك حتى>< وفعلا عجبتيني يعني معاي اتشوفين ان حركتها سخيفه. 2-اي والله شككتني حتى بنفسي. يعطيج العافيه اختي ع التعليق. |
اقتباس:
>< خف علي يامغازلجي انا مادريت ان هالضحكه بتسبب مشكله>< اقتباس:
حاولت وماياب نتيجه. وسالفه المقالب بس خلاص انا حتى ماراح ابتسم......!! يعطيك العافيه اخي كلامك احترمه وشاكرتلك وجودك. |
اقتباس:
والله يافميتو مثل ماقلت للكل ماهقيت بتكون هذي ردت فعلها>< وابشري حتى الابتسامه ماراح ابتسم>< يعطيج العافيه ع وقتج. ________________ اقتباس:
2-سويت اللي علي وفعلا مابنزل من عمري عشانها كان لازم تتعقل شوي قبل اتكبر السالفه. يعطيك العافيه ع وقتك النعيمي. |
~ ][ أوكي بخفف عليج ][ ~ خلاص أنتي سويتي إللي عليج وماقصرتي ورايتج بيضه صدقيني بـيي يوم وبتتصافى القلوب بس الحين أمكن لا لإنا بعدها ماخذه على خاطرها وأكثر عن جيه لاتسوين شيء الإنسان عنده بعد عزه نفس لا تقولين حتى ابتسامه ماببتسم أنا مالي خص :54: إذا غثيتج بكلامي الابتسامة بوابة الحب, وطريق المودة والقرب, ولوحة الجمال, وزينة النساء والرجال ... وفي الإبتسامة يجمعنا الحب والترابط .. الجميع بإنتظار إبتسامتج ومشاركاتج الطيبه . ... الإبتسامه ضروريه أوكي ماأوصيج أختي لا تبوزين وتعصبين ما أحب أشوف ويهج عبوس ومكفخ أنا مالي خص :78650: السموحه إذا ثقلت عليج والسموووحه ع المغثه أخوج وحبيب الملايين ::: مغازلجي ::: |
انا بعد رايي من راي اخوي ( مغازلجي مسجون ) |
و لو يامغازلجي اكيد ماراح ازعل منك:) احنا اخوان يااخي وعمري ماازعل من احد يقول رايه بصراحه وفعلا كلامك حتى لو قاسي احس كان له معنى وفعلا نبهني ع شغله انا كنت مهملتها. و عن جد ترى سالفة الابتسامه من يومين نفسيتي زفت>< بس شفت كلنا عيال قريه وجان اضحك:66: شاكرتلك تواجدك اخي العزيز. يعطيج العافيه ع المرور المينونه. |
http://www.7ammil.com/data/visitors/...1219394249.jpg • http://www.7ammil.com/data/visitors/...1218817428.gif • http://ma7room.org/up/images/pflsr0tuob9xiah2nc9y.gif http://ma7room.org/up/images/pflsr0tuob9xiah2nc9y.gif يامرحبا ترحيبتــ(ن) في شذاها زهور ورياحين..~ من اللي نارها مايوقّف حطبها..~ وسلام من غلــوي للناس الكريمين..~ عدد ماناح الحمام والمزون وهملها..~ ياحيّ هالشوف واللهـ..~ http://ma7room.org/up/images/pflsr0tuob9xiah2nc9y.gif http://ma7room.org/up/images/pflsr0tuob9xiah2nc9y.gif وع ـليج السلام ورحمه الله وبركاتهـ ..~ حييج الغاليـهـ ..~ والله اتخيل روحي بموقفج وام رفيجتي تتصل علي وتقـولي مثــل هــ الكلام ماادري شنو بيصير فيني والله ^.^ ..~ وعجبنـي اخـ النعيمي ــوي يوم قال مو وقت الملامـه اللحيـن ..~ الواحد احيانا يقـول شي ولا يسوي شي ونيته صافيـه لكن كل شي ينقلب ضــده ..~ الغلط منكم انتو الثنتيـن انتي المره اليايـه ان تغشمرتي مع اي احد خلي غشمرتج قصيره غناتي يعني لاتخلين الجذبه تستمر المفروض قبل لاتروح بيتهم تقولين لها انج تتغشمريـن ..~ انتي اللـ ح ـين كل اللي عليج سويتيـه من ردودج اللي قريتها انج اعتذرتي لها واتصلتي لها وماترد وطرشتي لها مسجات وهم ماترد عليج يعني استخدمتي كل وسيلـه معاها واهيه رفضت تتجاوب معاج لها حق ان تعصـب بس ماتطنشج عـ الاقل تتفاهم معاج والله بالتفاهم كل شي ينحل ..~ خ ـلي السالفه للايـام وان شاءالله بتنحل السالفه يوم بتجوفينها في المدرسـه اهم شي انج ريحتي ضميرج اعتذرتي لها وحاولتي ترضينها ..~ وليش ماتبتسميـن كل واحد تحصلـه مشاكل في دنيته الغاليـه ..~ وان شاءالله تردون مثل اول واح ـسن لاتحاتييــن ..~ السموح ـه عــ القصـور ..~ حافظج الرحمـــن ..~ • http://www.7ammil.com/data/visitors/...1218817428.gif • http://www.7ammil.com/data/visitors/...1219394589.jpg |
تسلمين عزيزتي اغلى الغاليات وللحين ماداومنا باقي اسبوعين ع الكولج. وانا بعد اليوم شفتها بالصالون وماعطتني ويه>< يبه انا تعبت منها! اذا بتروح ماتشوف شر.صراحة ماعاد يهمني. شاكرتلج تواجدج . يعطيج العافيه. |
الصرااحه انتي غلطانه .. وربيعتج غلطانه أنها خبرت أمها بدون ما تفهم الموضوع .. أنتي كلميها وإذا ما عطت مجال سويلها طااف ..ولا تذلين عمرج على حد ما يستاهل .. أختج : عطرها دمعه .. |
| الساعة الآن 09:13 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir