|
اخوي شوف هذا .. انا احبه !! السلام عليكم ورحمة الله وبركاته شحالكم يا أع ـِـِضاء منتديات استراحات زايد علياء شابه في زهرة شبابها ,, بلغت من العمر 21 سنة كانت تتمشى ويا اخوانها فـ مول ,, صدفه شافت حبيب القلب من بعيد سارت وخبرت اخوانها "محمد , خالد , علي , عبيد , راشد , سيف" انها تحب هذا الشخص من فترة ياها اخوها محمد وعزمها على كوفي شوب وتناقش وياها بـ هدوء على اساس انها عاقلة وتعرف شو تسوي ! اما اخوها خالد يودها وضربها ضرب وغسل شراعها جدام الناس وعقب خبر الأهل ! واخوها علي وحليله اتصل فالريال وقاله يا ولد الناس لو انت تحب اختي تعال واخبطها من بيتها وعن الحركات اللي ما منها فايدة ! اخوها سيف قال انا مالي خص فيج موليه يا اختي انتي كبيرة وعاقلة وتعرفين تتصرفين وهاي حياتج! اخوها راشد من سمع رمستها عصب وذبحها خوفاً على شرف العائلة والعار ! اما اخوها عبيد قال انا ما بتدخل في هالشي ولا بتصرف يمكن ما اعرف كيف اتصرف وياها وسار خبر امه وابوه ! ----------------------------------------------------------------- في هذه القصة تعددت شخصيات كثيرة ,, وكل شخصية لها طبع خاص , وهذه الأسئلة للمساعدة على الحوار والنقاش .، مع أي الشخصيات انت ؟ وليش ؟ "سواء اللي سوته هالشخصية صح او خطأ" وهل الشخصية اللي اخترتها سوت شي خطأ ولازم يتصلح ؟ أي شخصية من هذه الشخصيات ترى فيه المثالية والتصرف الصحيح ؟ وآبي الكل يجآوب بصرآحه ، مابي مجآمله اهنيي وبالوآقع لا ~ في انتظار نقاشكم ! }~ و الـِـِ س ـِـِموووح ـِـِهـ }~ أخ ـِـِتكم }~ علهــ ع جبدكمـ }~ |
اختي هذا شرف وسمعه ، وبعدين سمحي لي ها البنت هب متربية ولا حاشمة خوانها الرياييل دام السالفة الا جذه انا ماتيوزلي هالسوالف.. ولا في ريال يرضى هالشي على اهله .... نحن دمنا حار ع اهلنا ..وين الغيره والخوف .. تصرفي بيكون صارم البنت نصيبها بييها بييها لو الله كتب .. النعيمي |
مشكور اخوي >> النعيمي << ع المرور و الله يعطيك العافيهــ |
احنا انعيش في مجتمع خليجي تحكمه عاداته وتقاليده وهاي مب قصة فلم مكسيكي أو تركي خارج نطاق العرف والتقاليد تقدر أي بنت تتكلم في هالمواضيع يدام أخوانها العيب عيب ولو زانه اسلوبه |
السلام عليج اختيه السموحه..لو كنت ريال...ما برضى بهالشيء لأهليه.... وما عندنا بنات...قوايا وبكل وقاحه يقولن احب هذا.....هاااي اللي تسوي جيه....بنت هب متربيه...ولا ياها السنع والمذهب...هاااي هب حااشمة ريال بالحااهم....وجان ما ردها دينها ما بتردها تربيتها وكلام النعيمي كفى ووفى في الباقي..... هذا شرف اطير وراه ارقاااب وزيرة |
مشكور اخوي >> القناص << ع المرور و الله يعطيك العافيهــ |
مشكوره اختي >> وزيرة الحب << ع المرور و الله يعطيج العافيهــ |
السلام عليكم ورحمة الله وبركاته.. صراحه لو كنت ريال ابدا ما راح ارضي بي هالشي...عيب والله...يعنى عيني عينك تقول لى اخوانها انى احب هالريااال...ليش ان شاءالله...كل شي راح...لا ادب ولا احترام ولا شي..اذا فى نصيب فا راح يجيهاا..الى بيتهاا..مب من الموول.. و يسلموو ع الطرح المميز...ربي يعطيج صحه و العاافيه |
مشكوره اختي >> زهور 2007 << ع المرور و الله يعطيج العافيهــ |
اختي اول شي بشكرج علي الموضوع والطريقه الغاويه في تقديمه المهم اندش في الموضوع الحين هذ فيها شرف مستحيل ارضا لو شو مايستوي يعني ممكن اسوي اي شي لان الواحد يكون بحاله مايقدر يوصفه مووووول لان الموقف صعب وايد ممكن ضرب ممكن ذبح يعني الله واعلم بس مب اقل عن جي بعدين شو هاي البنيه الي مب متربيه ولا شي اتقول حق اخوانه جي |
مشكور اخوي >> مع تحيات الزعيم العيناوي =) << ع المرور و الله يعطيك العافيهــ |
وعليكم السلام والرحمه والله صج لا حيا ولا مستحى وين نحن عايشيين !!! نحن ولا واحد من الخيارات بيتصرفون به بيذبحونها هي واللي قالت عنه حبيبها مب الا روحها لانه هذا عرض وشرف وما حد بيرضى على عرضه والله يستر على الجميع والسموحه |
مشكوره اختي >> بنت الافلاج << ع المرور و الله يعطيج العافيهــ |
بسم الله الرحمن الرحيم وعليكم السلام والرحمة يعطيج العافيه ع الموضوع برأيي ان غلط هالبنت في الشخص اللي صارحته. يعني مالازم اتقول لاخوها المفروض اتقول لاختها او امها و هم راح يقنعونها ان هالشي غلط واللي يبي يتزوج يجي لباب البيت ويخطب:) و جذي بتكون البنت عرفت وين غلطها وبتاخذه درس بمستقبلها. تسلمين ع الطرح الجميل. |
\\ // تسلمين الغلا ع الطرح الغاوي عيبني الموضوع جان تبين الصراحه ^ ^ في مره من المرات سوينا مناقشه بهذا الموضوع بينا نحن البنات.. اغلبهن وقفن في صف انهن يحبنه و عادي لو تعترف بحبها بس لبنت هب لريال او اخوهن او ابوهن.. تعرفين ليش؟! لأن نحن نعرف ان نحن من مجتمع راقي ما يحوي علاقات موتربيه مثل هذي..!! عيب ع البنت انها تعترف لأخوها انها تحب الريال لو شو ما صار..!! تبااه؟! يدل بيتهم ..يدق بابه و يخطبها من اهلها .. وما اعتقد اذا الريال زين و ما عليه كلام و اذا شاوروها ووافقت ما بيقولون لها لا.. وبعدين اذا هي قايلة الرمسه لحرمه بتفهم شعورها .. بس الريايل حااارين.. وهذا شي يمت بصلة للشرف .. يعني صعبه ان اتيهم اختهم لا حشيمة ولا مذهب!! والله انا احب هذا الريال ؟! جيه اهلها ما ربوها صح؟! ما تعرف السنع و المذهب؟! اسمحي لي تراني لو ريال بغسل اشراعها هب لأنها تحب !! لا لأنها ما حشمتنيه ولا قدرتني :00: والسموحه ..مجرد راي :ast7eee: تحياتي // \\ |
مشكوره اختي >> أثير << ع المرور و الله يعطيج العافيهــ |
مشكوره اختي >> ابكي زمان بكاني << ع المرور و الله يعطيج العافيهــ |
. . . ٱڷڛڷٱم عڷيگم ۋ رـבـمة ٱڷڷه ۋ برگٱته لا تعليـــــــــــــــــــــق أخاوني كفوا ووفوا مشكورة اختي علا الطرح أڿــــــــــــۋڪَم .* نــــ فـ ــــڛ آڷنـــ&^&ــــآڛ* . فـבـفظ ٱڷرـבـمن ۋ رعٱيته . . . |
لي رجعه لها الموضوع و بيكون ردي وايد طويل و السموحه علي دوام |
لو كنت ريال مستحيل أرضى بمثل هالكلام لانه شرف البنت و سمعتها شرات الزجاج .. اذا انكسرت الزجاجه ماشي يصلحها لو حاولنا .. البنت جوهرة مكنونه لازم تحافظ على نفسها .. يمكن مشاعرها ما كانت بيدها بس الأفضل تحتفظ بهالشي لنفسها ما كل ما يتمناه المرأ يدركه و ما يندرى بياخذها هالريال ولا لاء .. ف الأفضل تستر ع نفسها و تحافظ على سمعتها .. و ما عندنا بنات اين عند اخوانهن و يقولن أحب هذا :4200: تحياتي ~ |
مع أي الشخصيات انت ؟ وليش ؟ "سواء اللي سوته هالشخصية صح او خطأ" الصراحه انا اذا كنت مكانهم بتصرف تصرف سيف الصراحه يعني معنه تصرف خطأ بس انا احس اني بتصرف جي وهل الشخصية اللي اخترتها سوت شي خطأ ولازم يتصلح ؟ هيه طبعا أي شخصية من هذه الشخصيات ترى فيه المثالية والتصرف الصحيح ؟ محمد وتسلميييين الغاليه ع الطرح الغاوي |
يسلمؤؤؤؤؤؤؤ ع المؤؤضؤؤؤع آآنــا أقؤؤؤل هذي البينهـ ميهـ بالميهـ مب صاحيهـ عشان تسوي جذي وإذا صار وستواا الشبااب كفوو بردوودهم :84: |
يسلموو ع المرور و يعطيكم العافيهــ :ast7eee: |
والله العظيم لو كنت ريال .. وختيه قالتلي أحب واحد لعرف كيف أدبها .. البنت بهاذي الطريقه بتخرب سمعه هلها جدام الناس .. |
ريال ابدا ما راح ارضي بي هالشي...عيب والله...يعنى عيني عينك تقول لى اخوانها انى احب هالريااال...ليش ان شاءالله...كل شي راح...لا ادب ولا احترام ولا شي..اذا فى نصيب فا راح يجيهاا..الى بيتهاا..مب من الموول.. و يسلموو ع الطرح المميز...ربي يعطيج صحه و العاافيه |
ههههههههههههههههههه هالبنت بتكون يا انها مب صاحيه ولا انها ما تعرف المستحى ولا ظنيه سمعت عنه طبعا لو انا مكان اخوانها اللي وياها عادي اذبحها واصلخها واسوي لحمها شاورما و اوزعه لكل الموجودين فالمول لانه شي طبيعي انه لا عاداتنا ولا تقاليدنا تسمح انه البنت تصرح بمشاعرها بهالشكل الوقح ولمنوه بعد لاخوانها تسلمين ختيه على طرحج لهالموضوع ويعطيج ألف عافيه |
مشكورين ع المرور اخواني و يعطيكم العافيه:84: |
[motfrk]السلام عليكم ورحمة الله وبركاته[/motfrk] اختي عله على جبدنا اسمحيلي اتاخرت بردي لموضوعج كنت مشغول ها اليومين اما بعد:- ============================================ انا ما بقول فلان ولا فلتان شو بيسوي و اي واحد انا منهم لان ولا واحد من هاي الاساليب راح تنفع مع البنت وينك يا اخو يا ابو عن بنتكم يوم كانت صغيره ليش ما ربيتوها وفهمتوها و علمتوها على السنه و السالفه ترا في مثل يقول ((( من شب على شيئ شاب عليه ))) زين اذا انت سرت و ظربتها احينه ولا كسرت راسها شو بتستفيد وينك من زمان عنها ترا هاي خلاص حرمه ما في حد يقدر يسيطر عليها لو كبرت و البنت اذا بغت تسوي شي تقدر تسويه و محد يعرف تدرون ليش لانها بريئه محد يقدر يزخ عليها شي مول البنت من صغيره يودها فهمها شو دينها و عقيدتها و عاداتها و تقاليدها انا الي استغرب منه يوم البنت تتم برع البيت لين الساعه 2 بالليل وين اهلها ليش ما يسالون عنها وين راحت ووين ردت وعند منو و شو كانت تسوي هاي بنت شرف و عرض و اخلاق ترا في عوايل بنوا اجيال لكن آخرت هاي الاجيال طلعت اخر بنت فاسده و طيحت عمران العيله كلها و سمعتها ترا السمعه تنبنى في سنين وتنهدم في ساعه و خاصه في زمنا هذا محد يصدق ييود على فلان شي الى و نشره المرأه كلمه كبيره وايد محد يقدرها الى الي عارفنها و محتونها و انا مثل ما قلت انا اذا ما لحقت على بنتك او اختك اليوم باجر لاتلومونها و ترا ما يخص انه اهل البنت شديدين لا في اشياء وايد تخلي البنت تسوي هاي السوالف راح اعددها:- ----------------------- 1- اهل البنت مب رياييل بالاصل. 2- اهل البنت حياتهم فجور و فسوق. 3- اهل البنت ما يرمسونها و يسالون عنها. 4- اهل البنت اذا شافوا بالبنت شي لبسوها. 5- اهل البنت بالاصل ما يعرفون عنها شي. 6- اهل البنت ما يعرفون شو يعني عايله. 7- اهل البنت حياتهم كله مشاكل و ظرابه. 8- اهل البنت ما يعاملون البنت عاساس انها بنتهم. ------------------------- في مثل يقول ((( الام مدرسه اذا اعددتها اعددت شعب طيب الاعراق ))) يا اخواني اذا البنت محد عدها من صغيره ترا محد يقدر يعدها و يفهمها يوم تكبر لان البنت مب عقل عواطف عقلها فيها من هيه صغيره يوم تكبر و تبلغ سن الرشد ترا خلاص ماشي عقل ليش تظربونها على اغلاطها يوم تكبر ليش ما عديتوها من صغيره و لا تلومون البنت الي تسوي جذه يا ريال اذا ما ترظى ها الشي على اختك لا تسويه ببنات غيرك والله في رياييل وايدين يتحرشون ببنات الناس و يوم يعرف انه اخته سوت وفعلت قام و ظربها زين ليش تظربها ما قلت شو الي انت سويته انت ببنات الناس ليش انت عراسك ريشه و الى غير عن النــــــــــاس. ============================================ في نهاية كلامي اسمحولي طولت في الرد اخوكم الصغير شــــــــــــــــــــــــــاحـــــــــــــــوف |
وعليكم السلام اخوي كلمات جميله و رووعه تسلم اخوي ^^ |
| الساعة الآن 05:21 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir