|
سائقوا تاكسي إماراتيون |--*¨®¨*--|السلام عليكم ورحمة الله وبركاته|--*¨®¨*--| http://up3.m5zn.com/showimage-8-2008...6k3zd38sda.jpg[/img] اليوم الصبح قريت خبر عنوانه لفت انتباهي في جريدة "اخبار الامارات" .. ((أجرة الامارات)): 500 شاغر وظيفي تنتظر مواطنين.. على طول قريت المقال.. المقال يتكلم عن توظيف المواطنين .. ليكونوا سائقين اجرة.. http://up3.m5zn.com/showimage-8-2008...6k3zd38sda.jpg[/img] اماراتي سائق اجرة .؟ اوكي .. انا دايما اتخيل ان دولة الامارات..بيكثر عدد سكانها المواطنين.. وبي يوم ان المواطن.. بيظطر ان يعمل كفراش او كاي عمل اخر .. بس السؤال هو..هل سيتقبل الشاب الاماراتي هذا العمل.؟ والجواب كان في المقال: "وفقا لمدير رقابة الجودة وخدمة العملاء في شركة((أجرة الامارات)) في الشارقةوائل فتح الباب محمد ((المواطنين يرفضون هذا النوع من الاعمال رفضا قاطعا, على الرغم من انه يتيح لهم تحقيق دخل كريم))." http://up3.m5zn.com/showimage-8-2008...6k3zd38sda.jpg[/img] "دخل كريم"اوكي طريقة عملهم..هو نظام شفتات .. ويمكن يكسبون في اليوم 333 درهم.. ويمكن يكسبون اقل..وفي نهاية الشهر.. يكسبون نحو 10 الاف درهم.. لكن شو الى بيحصله سائق الاجرة الاماراتي.؟ 35% يعني حوالي3500.. واذا كان اقل ... فبيحصل اقول واذا اكثر بيحصل اكثر.. http://up3.m5zn.com/showimage-8-2008...6k3zd38sda.jpg[/img] اوكي..نروح..للمواطنه الاماراتيه..فلها هي دور بعد.... كل شاب من حقه ان يتزوج ويكون عائلة..وهذا بيكون في مصلحة الدوله.. وكل شابه تحلم بفارس احلامها.. لكن سؤالي للمواطنه الامارتيه..يوم يتقدم لج واحد..واكتشفتي ان هو سائق اجره..بتوافقين عليه.؟ اوكي خلونا نفرض انها وافقت..وطبعا مصاريف الزواج بيكون على صندوق الزواج..رغم ان في ها الايام هب كافي.. وتم الزواج..لكن ب3500..كيف بيصرف على حرمته.. وبعدها على عياله.. ولا ننسى الاسعار المرتفعه الى تشهدها الدوله.. http://up3.m5zn.com/showimage-8-2008...6k3zd38sda.jpg[/img] اوكي خلونا نروح لاسخف الاشياء..مثلا هو طالع وتعرف على شخص..في مكانا ما .. فسئله ها الشخص..شو تشتغل.؟ طبعا الريال بينحرج..بيقول له انا سائق اجرة.. صح ان هاي شغله مافيها اي عيب...بس بتكون شغلة مخجله شوي.. http://up3.m5zn.com/showimage-8-2008...6k3zd38sda.jpg[/img] وفي النهايه اشكركم على وقتكم.. واحب اعرف رايكم..في الموضوع.. وو اتمنى انكم تجاوبون على السؤال.. للشاب الاماراتي : هل تقبل بان تكون سائق أجرة.؟ للشابة الاماراتيه : هل تقبلين ان تتزوجي بسائق أجرة.؟ |
السلام عليكم ورحمه ليش مكبر السالفه جيه :54: بالعكس انا الريال يكبر بعيني يوم اشوووفه يشتغل بتعبه وشقاااه ... وشو سايق تاكسي ...حرامي ولا مهرب مخدرااات ... ليش مصغر هل الشى في عيني وليه يشتغلون جيه ... مش احسن عنا ...ماعندنا ايد ولا ريل زيااده .... يعني لو مش محتااج بذمتك ما بيشتغل جيه .. ع الاقل احس عن غييره ...مقدميييين اوراااقهم ويالسيين بطالييين يتريوون :20: حد يقولهم وافقنا عليكم ... ع الاقل يبى الشغل ....محتاااي ...يبى يكون مسوووول عن نفسه ... هو الظرووووفه ....... الحمدالله .... اذا خايف ع رمست النااس ... وشو بناخذ من رمستهم ....لا حق ولا باطل .... ع الاقل يشتغل فتره لين ما يقبلوونه او يدور شغل ثاني .... اما عن البنت هذا شى صعب ..الصراااحه نحن ياله ياله تسوووق سيااره .. تكون سايقت تكااسي .. المهم .... مشكووره ع الموضوووع نترقب يديدك .. اختك:دهن العوود :5: |
اقتباس:
. . . ٱڷڛڷٱم عڷيگم ۋ رـבـمة ٱڷڷه ۋ برگٱته اختي مشكورة علا الرد بس انا ما طرحت الموضوع لأني معارض علا فكرة انه ايكون مواطن يسوق تكسي انا طرحت الموضوع للنقاش ولا الشغل مب عيب احسن من اليلسة في البيت أڿــــــــــــۋج .* نــــ فـ ــــڛ آڷنـــ&^&ــــآڛ* . فـבـفظ ٱڷرـבـمن ۋ رعٱيته . . . |
جوابي ع سؤالك :: اول شي اشكرك ع الموضوع .. امممم .. مادري اذا بوافق ولا لا ..؟؟؟؟ بس بصراحه انا ما تهمني هالسوالف شغله محرجه و مادري شو .. و السموحه منكم |
مرحباني نحن عندنا بالسعووديــه بس قليل وايد بالعكس اذا كانت اخلاقه اوكي ليش لا يسلمو ع الطرح |
تسلم اخوي ع الطرح المميز وانا برائي انه مب عيب لو انه الريال يشتغل سائق تاكسي وليش لا؟؟!! كل واحد وظرووفه ومعيشته شو يعني يسووي مب احسن من اللي يالس فالبيت لا شغلة ولا مشغله غير آكل ورقااد بالعكس انا يعيبني الريال اللي يشتغل ويكد ولا يستحي ولا تهمه رمسة الناااس وبعديين المواطنين احرص واكثر يخافون على بناات النااس اللي بتركب وياهم بالتاكسي من هالبتانية والاجانب :00: اشكرك اخوي مره ثانيه ع الموضووع ويعيطيك العافية وسمحلي اذا طوولت^^ |
. . . ٱڷڛڷٱم عڷيگم ۋ رـבـمة ٱڷڷه ۋ برگٱته مشكورين اخواني علا هالردود الحلوة (( ريموة العسل )) الصراحة في نقطة أنه عيال الدار استر علا بنات الدار من هالأجانب الصراحة انتي صدقتي في هالنقطة وانا ابصملج بالعشر بس تبون الصدق أخواني اللحين هالوقت وقت مظاهر انا صدقوني وانا واحد من شباب الامارات انه 70 % من شباب الإمارات بيعارض الفكرة :1:ليش من مبدأ (( الفضيحة :ast7eee:)) وهي بالعكس ما فيها اي فضيحة الفضيحة يوم تيلس في البيت ((أكل ومرعا وقلت صنعا )) و الرياييل من حولك ايكدون عليك أڿــــــــــــۋڪَم .* نــــ فـ ــــڛ آڷنـــ&^&ــــآڛ* . فـבـفظ ٱڷرـבـمن ۋ رعٱيته . . . |
اخوي نفس الناس والله ها الخير يوم قريته استغربت ليش المواطن يسوق تاكسي انتوا ما تفكرون يا عالم ليش الاجنبي في بلادنا احسن عنا لا تقولون عنده شهاده ترا وايد مواطنين عندهم شهايد شو بيكون في خاطر المواطن يوم يسوق تكسي و يشوف جورج و لا خان ولا كومار مدير بنك و لا رئيس قسم ليش المواطن مب اولى بهاي الشغله و مب اامن عليها باجر هذا اذا سرق و شرد منو بييبه نفس سالفة بنك دبي الاسلامي يوم الهندي ما ادري كم سرق منه ما قصر ابونا محمد بن راشد على دعمه للبنك المواطن ما بيخاف يا ناس على بلاده كثر ما يخاف الاجنبي عليها هذا اذا كان بالاصل يخاف عليها المواطن فوق كل شي و انا ما اايد فكرة المواطن يسوق تكسي سيرو ييبوا جورج و لا كومار خلوه يسوق تكسي والله ما ساقه لو يموت و لو فيكم خير سيروا بلادهم خلهم يعينوكم مثل ما نحن معينينهم والله لو يموت المواطن حتى سايق تكسي ما بيحصل و السموحه اذا طولت عليكم بالرد و اشكرك اخوي على الخبر اخوكم شاحوووووووووف |
ســوآآآآقــ تــآآكسي ولا وآآآحد عــآآآطل عن العمـــل لو خيـــرتــ بين هالشيئيـــن لخيار الاولـــ اكيد بخـــتآآرهـ صحـــيح الدنيــآآ نـآآر لكن احسن عن لاشي امــآآآ لو عليه برضى ولا لااااا هالشغله مــو عيب العيـــب انه يتم عـــــــآآآله على اللي يســـوى واللي مايسوى بــوآآآفق لو كـــآآن ريــآآآل اخلاااااق ويشتغل هالمهــــنه لكـــــــــن غير جيه لاااء والدنيــآآ ارزآآآق مــآآآيدري ويـــن الله قاط رزقـــه الله يعطي والله اللي يــآآخذ ثـــــــــآآآنكس |
. . . ٱڷڛڷٱم عڷيگم ۋ رـבـمة ٱڷڷه ۋ برگٱته مشكورين اخواني علا المرور أڿــــــــــــۋڪَم .* نــــ فـ ــــڛ آڷنـــ&^&ــــآڛ* . فـבـفظ ٱڷرـבـمن ۋ رعٱيته . . . |
اصلن في الفتره الاخيره زادة نسبه البطاله والسبه هالشي ( الخقه ) والواحد اتقول له اشتغل هالشغله يقول لك اتخسي انا فلان بن فلان اشتغل هالشغل عيل خلك ولا تشكي حق احد والله انا مب رايي عادي مثل ما قالت اختي دهن العود راعي تكسي ولا حرامي صح ولا يعني ع الاقل اكله وشربه حلال و بعدين هالشغله مب عيب ولا حرام وثمووووووووووووووووووووحهـ^^ |
السلام عليكم ورحمة الله وبركااته.. صـراحه استغرب من تفكير بعض نااس...مب عيب انك تسووق تكســـي..العيب انك تقعد فى البيت و تأكل و تشرب من خير ابوكم..و واحد لازم يعرس و يفتح بيت و العياال و يكون قد المسوؤلية..و طبعا ما راح يكون من خير ابوه...لو ابوه مليونير...ع الاقل بي يكون حلااال...و كل واحد يشوف ع قد حاله..مب عيب انه مواطن يسووق تكسي ..شو فيهاا ؟ ع الاقل بي يشرب و بي يأكل و بي يكون مرتااح الباال...و ماال حلاال..و الحمدالله رب العالمين...مثلما قالت دهن..أحسن من حراامي...^^ أشكرك ع الطرح المميز...ربي يعطيك صحه و العاافيه |
السلام عليكم ورحمة الله وبركاتة ماشالله عليها اختي زهور ماقصرت فالرد بغيت اكتب شرواها بس هي سبقتني لوووول الله يعطيكم العافيه والتكسي والباص هب عيب ، العيب الطول والعرض وانته لاشغل ولا مشغله ويتشيم عند الناس عطوني ويبولي !! اخوكم/النعيمي |
وعليك السلام خويه هب عيب ولا حرام شغلة التاكسي .. لكن حراام والله حرااام عيال البلاد يتكسون ويتعبون .. واللي هب من البلاد هم اللي ماخذين مناصب وياكلون من خير البلاد ويطرشونه لبرع .. وعيال البلاد اللي مالهم الا هالدوله يترزقون منها يكونون بطاليين او ان يشتغلون هالشغله .. وين الشيووخ عنهم وين الحكوومه ؟؟ الله يرحم زمن ابونا زايد .. يحز بالخاطر انشوف مواطن يتكس والوافد يالس ورا ويتأمر وين يوديه ووين يوصله .. صدق بلادنا صايره هب لنا .. بس بعد يتكسون احسن عن البطاله ولا الموت من اليوع .. او ان حياتهم تتوقف بسبة معاش او شغله .. والله يعينهم يارب .. وان شالله الحال يتعدل .. ومانظل لهاليووم الاسوود اخوكم / حمدان |
مرحبااااااااااااااااااااااا والله رايي من راي ظبياااني....صح ما فيها شيء بس حرام ولد البلاد يتكس وغيره من الوافدين وراء مكاتبهم وماسكين مناصب... يعطيكم العاافيه |
. . . ٱڷڛڷٱم عڷيگم ۋ رـבـمة ٱڷڷه ۋ برگٱته أخوانـــــــــــــــــــــــــــــــي مشكورين علا المرور وعلا هالردود الحلوة أڿــــــــــــۋڪَم .* نــــ فـ ــــڛ آڷنـــ&^&ــــآڛ* . فـבـفظ ٱڷرـבـمن ۋ رعٱيته |
موضوع جدا رائع بتكلم عن تجربتي في هاي الشغله ... بالنسبة لي من فترة استأجرت من شركة تاكسي سيارة مدة سنة وعندي بنفس الوقت سيارتين باسمي .. اشتغل بشركة بالصباح وبوقت فراغي اسير بالتاكسي .. تصدقون اني اطلع بالليوم اقل شي 250 درهم الشركة مال التاكسي تطلب مني اجار شهري والباقي لي يعني بالشهر اطلع حدود 8000 درهم بالراحة وفي وقت المواسم اطلع بالشهر تقريبا 10000 الاف درهم ... الصراحة الشغلة أول ما بديت كان مجرد فضول وقتل وقت الفراغ اللي عندي ... وأنا الحمد لله الخير عندي واجد والشركة مكفيني راتبي فيها وزيادة .. يعني مو محتاج لشي .. بس شغلة التاكسي جربتها فترة وطلعت منها برزق محد حلم فيه . عموما الشغل مو عيب مهما كان ... العيب انك تمد يدك للناس |
. . . ٱڷڛڷٱم عڷيگم ۋ رـבـمة ٱڷڷه ۋ برگٱته يعطي يعطيك العافية اخويه (( ولد مشاعل )) وانته نموذج علا هالموضوع وانا وياك وانه الشغل ما فيه اي عيب اخير من اليلسة بلا شغل ومشكور علا المرور و علا هالرد الحلو أڿــــــــــــۋڪَم .* نــــ فـ ــــڛ آڷنـــ&^&ــــآڛ* . فـבـفظ ٱڷرـבـمن ۋ رعٱيته . . . |
مهما زدنا ع الموضوع و قلنا و سوينا .. بتظل نظرة الناس لشغلة الدريوليه نظره دونيه .. اكيد فيها نوع من الاستحقار .. بس من رايي انه المفروض انمي قدرات كوادرنا الوطنيه و ننهض بها .. عشان عقب لي بغوا يخدمون بلادهم .. يقعدون هم ورا المكاتب ف المؤسسات و الشركات .. مب ذولي العماله .. بمعنى .. نهضة بلادنا و ازدهارها يكون بيدنا حنا .. مش بيد غيرنا .. لكن بعد شي ناس متعلمه و م محصله شغله لنه مجال تخصصها اكتفى ذاتيا .. و مش حلوه انهم يشتغلون شغله ماتليق بمقامهم .. شغلة الدريويله و التكسي و ييب فلان و وصل فلان .. ماتنفع لهم .. لو يبدلون كل عامل وافد بمواطن متعلم .. يسوون خير .. بمعنى نحن اكتفينا خلاص .. مش محتايين لهم .. ليش نرضى بالبطاله و كوادرنا موجوده .!!!! و اذا الواحد محتاج و مش متعلم .. بيشتغله أي شغله .. و بيودر عنه هالخقه لي مالها لزمه .. و السموحه جاني طولت .. ربي يعطيك العافيه ع الطرح خويه ..*~ |
. . . ٱڷڛڷٱم عڷيگم ۋ رـבـمة ٱڷڷه ۋ برگٱته مشكورة اختي علا المرور أڿــــــــــــۋڪَم .* نــــ فـ ــــڛ آڷنـــ&^&ــــآڛ* . فـבـفظ ٱڷرـבـمن ۋ رعٱيته . . . |
تسلم ع خبر انا كنت اتوقع كل شي يصي تقبل مرورير |
| الساعة الآن 12:26 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir