|
محد فاضي.. محد مهتم.. فرحت او عشت عمرري بهم!!!! محد فاضي .. محد مهتم .. فرحت او عشت عمري بهم !! كلنا نحس في لحظه من اللحظات بضيق في النفس او اننا نحس بشعور لانفهمه ! البعض منا من يفضل الحديث .. ومنهم من يفضل الكتمان في نفسه ! ولكن لانعلم اي الامرين افضل .. ومن منا هو الصحيح ومن هو المخطئ ..؟! البعض منا يكتم في نفسه كل شي حتى وصل به الامر لدرجه " الغموض " بعضهم يلجأ لصديقه للحديث .. والبعض لاحد اخوته .. والبعض لمحبه .. نريد معرفه رأيك بالبوح والكتمان لما يدور بالنفس .. ورأيك بكلا الحالتين واذا كنت من الاشخاص الكتومين اذكر لنا اسباب ذلك .. وان كنت شخص " يبوح " بما في داخله فمن تختار ليكون هو الاذن المصغيه اليك وهل استفدت من اخبار الغير مابداخلك ؟ || ابيات اهداء من شخص فضّل الكتمان || لا تشتكـي مـن جـور الأيـام للـنـاس ×× ادفـن همومـك فـي ثـرى الصمت كله أسـرار عمـرك خلهـا تحـت الأنفــاس ×× لا صـار هـراج القفـى مـا فـطـن لــه "منقوول" أرق التحاياا مني لكم .. |
يعطيك العافيه الشيخ عالطرح من ناحيتي بالعكس افضل اني ابوح اذا كان في شي تحسست منه ولا ضايجني واكيد بيكون في شخص معين ابوح له واشكيله شخص يقدر الموقف اللي انا فيه ويعيش الجو ويايه ويفهني موضوع جدا رائع تسلم يا الشيخه والله يعطيك العافيه تقبل مروري |
السلام عليكم والرحمة تسلم أخوي وليد على طرحك للموضوع والله يعطيك العافية و بصراحة مهما كثرت مشاكل الأنسان وزادت همومه وحاول أنه يكتم هالشي في نفسه يضل محتاج لناس يسمعونه ويفهمونه ويشاركونه ويمكن هالناس يقدرون يساعدونه في حل مشاكله والخروج من الهموم اللي هو عايشنها وبالنسبه لي في مواقف أحب أني أحتفظ فيها لنفسي وما أبوح بها لأي شخص بس أحيانا مهما حاولت أكتم همومي أوصل لمرحلة أني ما أقدر أشل هالهم بروحي وأكون محتاجة لشخص يسمعني ويفهمني حتى لو ما يقدر يساعدني بس على الأقل أكون طلعت اللي في خاطري وما عندي شخص معين أفضفضله بس في نفس الوقت ما أشكي همي وضيجي لأي حد غير للناس اللي أكون واثقة منهم وقريبين مني ودايما دايما أفضل أنه إذا أتضايقت من شي وزات همومي أشكي لرب العالمين لأنه الشكوى لغير الله مذله وأفضل شي الأنسان ممكن إيسويه إذا ضاقت به الدنيا وكثرت همومه هو اللجوء لرب العالمين بالدعاء والتقرب منه بأداء العبادات والطاعات لأنه هو سبحانه اللي خلقنا وعالم بما في نفوسنا والقادر على كل شي والسموحة ع الأطالة |
انا اشوف من الاحسن انك تشكي همك لاقرب الناس لك تسلم ع الموضوع والسموحهـ |
تسلم اخوي عالطرح الرائع وطبيعي الواحد يوم بيشكي من شي بقول حق اقرب شخص له |
تسلم اخووية عالطرح الصرااحة انا افضل اني اشكي همي لاقرب انساان لي |
يس شي اكيييد اذا احس بضييييج ’ لازم اطلع اللي بخاطـــر...’ لو بكتم ,,, مرد البركان ينفجــر’ بس الراحه احسن وافضل اذا كنت’ تحس بضيج افضلك اتفضفض ’ لأقرب الناس لكـــ ’ وجهة نظري><’ يسلمو على الموضوع خيووو، ^__^ |
[align=center]مرحب تسلم اخويه وليد ع الموضوع انا عن نفسي مااحب ابوح والكتمان هو حلي واذا ياني وقت وزادت فيني الهموم وضاقت فيني حياتي اصيح من كل قلبي ولا اني ابوح لاي شخص باللي فيني حتى لو اقر ب الناس لقلبي لاني يوم قررت ابوح ندمت ندم الدنيا لانه اختياري كان غلط ويوم غيري شافو دمعتي وعرفو همي اعتبروها نقطه ضعف وللاسف هاي نقطه ضعفي انه حد يشوف دمعتي لانه فيني كبرياء ما ورد ع البشر يمكن هذا غلط واحتمال كبير غلط بس احيد كان دوم يقولون لنا ( يدوه ويدي ) هذا القدر ومافي هروب من القدر غير الرضى والسموحه ع الاطاله بس انا انصح غيري انهم يبوحون لانه بيفيدهم حيل خويتك ( قناصه اخوها )[/align] |
احم احم مرحب اول شي مشكور وما قصرت موضوعك حده غاوي انا بصراحه كنت اكتم وايد بعد كنت كتومة لابعد حد وانا بقولك شو السبب انه الانسان يكتم يكتم لانه مب لاقي حد يسمع له لانه مب لاقي حد يوثق فيه ويقوله كل اللي فخاطره ويمكن بعد لانه هالانسان جرب مره انه يشكي بس مالقى الشي اللي يتمناه سواء انه الشخص الثاني ما اهتم او انه شاف انه الموضوع تافهه او انه ضحك عليه انا كنت جذا ^^ احم احم بس احينه لا تغيرت الحمدلله قمت اشكي وحسيت انه يوم اشتكي لحد ارتاح اكثر واصلا الحين لو ما شكيت انكشف على طول كل شي يبين اني متضايجه من شي وما شكيته ( صوتي وويهي واسلوبي وكل شي لوول) بديت باخواتي وعقب توسعت شوي هع طبعا لاغلى انسان فحياتي احب اشكي ^^ ويسلموو عالموضوع الغاوي ^^ |
تسلمون ع المروركم وردكم الجميل |
تسلم اخوي على طرحك المتالق دائما في مواضيعك انا بصراحه ما احب اشكي لاحد عن همومي لاني احس اني بكون ضعيفه وياهم فاكتم احسلي علين يصير وياي انفجار يفجر كل الهموم هههههههههههههههههههه ننتظر يديدك |
| الساعة الآن 04:09 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir