|
لو انحطيت فهالموقف شو بتكون ردة فعلك؟! مرحب السلام عليكم ورحمة الله وبركاته شحالكم شخباركم علومكم؟ هالموضوع اول موضوع لي فهالقسم وان شاء الله ما بيكون الاخير وبما انه اول موضوع حبيت انه يكون الموضوع مني لوول اتخيل انك انحطيت فموقف شرات هذا شو بتكون رده فعلك شو بتقول وكيف بتتصرف الموقف كالاتي: اذا انت تحب بنت سواء كانت هالبنت وحده من اهلك ولا برع العايله والحب صار له فترة طويله يعني اللي بينكم حب حقيقي وصارت هالبنت جزء منك وطول الوقت وانت تتمنى انها تكون من نصيبك وانت وياها تحلمون وتخططون كيف بيكون العرس وشو بتسوون بعد العرس وووالخ وفيوم من الايام غابت هالبنت يومين وما اتصلت ولا سالت وانت كنت مسافر وحد وياك عسب جيه ما قدرت تتصل ولما رديت من السفر واتصلت رمستك هيه عادي ولا كنه شي صاير ^_^ بس لما سالت عن سبب عدم اتصالها فهاليومين وهالشي مب من عوايدها ردت عليك: انا كنت رايحة المستشفى اسوي فحص وطلع فيه مرض انت: مرض شو ؟ البنت: الـــــــــ ق ـــــــــــــــــلب ( الله يبعد هالمرض عنا وعنكم ) انت فهاللحظه شو بتقول؟ بعد كل هالحب وكل هالتخطيطات شو بتسوى ؟ بترضى انك تتزوجها وانت عارف انه فيها هالمرض؟ ولا بتودرها لانك ما تتحمل انك تعيش وياها يومين وعقب الله ياخذ امانته؟ بعد ما تصارحك بهالشي بتكمل وياها طبيعي؟ اممممم بس هالاسئله اللي طرت ع بالي لوول ملاحظه: السوال للرياييل والحريم لوول بس كتبته كانه حق الرياييل للعموميه لا اكثر واتمنى انه الموضوع عجبكم ونشوف ردة افعالكم يا عيال محروم |
المرحب لاهان بخير ونعمة ومن صوبج ؟ انت فهاللحظه شو بتقول؟ سلامتك وماتشوف شــر ويعله ف عدوينك ان شاء الله بيخوز عنك المرض وترا الأنسان مبتلى فدنياه اما ف عياله او ماله او نفسهـ اصبر وتحمل وربك بيشفيك المهم تقوي إيمانك بربك .. بعد كل هالحب وكل هالتخطيطات شو بتسوى ؟ بوقف وياهـ ومابتخلى عنهـ ولا لحظهـ بترضى انك تتزوجها وانت عارف انه فيها هالمرض؟ اكـــــــيد خصوصاً لو كنت مرتبطه فيهـ يعني مالجه او هليهـ يعرفون بالحب الي بينا . ولا بتودرها لانك ما تتحمل انك تعيش وياها يومين وعقب الله ياخذ امانته؟ منو قال انه يومين او حتى سنتين وربي بياخذ امانته يقول الشاعر :: فكم من صحيح مات من غير علةٍ ،,،, وكم من عليل عاش دهراً إلى دهرِ الأعمار بيد رب العالمين ويمكن ربي يمده بعمرٍ مطيل حتى لو كان مريض .. بعد ما تصارحك بهالشي بتكمل وياها طبيعي؟ أكيد بكمل وياه طبيعي وحياتنا بتمشى مثل ماخططنا لها وربي بيساعدني وبيساعده .. تسلم يمناج ع الموضوع الحلوو ولاعدمناج يارب يعطيج العافية وعساج ع القوة تقبلي مروري ولج التحية والشكر |
انت فهاللحظه شو بتقول؟ بتمسك فيه زياده ما بخليه بروحه ولا بتخلى عنه ببقى وياه لين اخر يوم بعمري وبخلي يصبر نفسه وبدعي ربي انه يشفيه واكيد عند العلاج بكون وياه دوم عشان يحس ان قوي ومحد تخلى عنه لاني اذا تخليت عنه انا بيكون فيه مرضين اول شي مرض القلب وثاني مرض هو الفراق وها يتعب صحته زياده بعد كل هالحب وكل هالتخطيطات شو بتسوى ؟ ببقى معاه وما بغير اي شي وكل اللي خططنا عليه بنسويه بترضى انك تتزوجها وانت عارف انه فيها هالمرض؟ هيه برضى وبصبر وهو بعد بيصبر ولا بتودرها لانك ما تتحمل انك تعيش وياها يومين وعقب الله ياخذ امانته؟ لا ما بودره بعد ما تصارحك بهالشي بتكمل وياها طبيعي؟ اكيد بس بعد بحسسه انه طبيعي وبقوي علاقتي وياه انشا الله ما يستوي لي هالموقف [mark=ffff66]تسلمين ع الطرح ونترقب منج كل يديد[/mark] |
تسلمين الغالية عالطرح الحلو ربي يعطيج الصحة والعافية انت فهاللحظه شو بتقول؟ بخذ الكلام اللي سمعته على اساس انه كلام عادي وما ببين اني خفت ولا شي بالعكس هذا اللي كاتبنه ربي وبحاول اقنعه بوجهة نظري وانه يتقبل اللي صار بدون تحسس بعد كل هالحب وكل هالتخطيطات شو بتسوى ؟ بنكمل تخطيط من وين ما وقفنا بترضى انك تتزوجها وانت عارف انه فيها هالمرض؟ ليش لأ .... الاعمار بيد الله وما بتم افاول عليه ولا شي ولا بتودرها لانك ما تتحمل انك تعيش وياها يومين وعقب الله ياخذ امانته؟ فال الله ولا فال هاللي بقولي الكلام هذا ......... الاعمار بيد الله وقلت من قبل بعد ما تصارحك بهالشي بتكمل وياها طبيعي؟ وليش ما اكمل بعد كل هاللي صار ((( والله لا يصيبنا بمكروه ))) تقبلي مروري ::: فيمتو ::: |
اقتباس:
الصراحه جوابج فول ابشن وتبين الصدق انا هاي الاجابه اللي كنت اتوقعها ^_^ ماشاء اله عليج ابدعتي فاجاباتج ^_^ تسلمين عالمرور الحلو اللي نور الموضوع وعالرد الغاوي ولا تحرمينا من طلتج الحلوة ^_^ |
اقتباس:
الصراحه ما اعرف شو اقول بس وربي اجاباتج غاويه وتشرح الصدر لوول ان شاء الله ما يستوي هالموقف لاي انسان وتسلمين عالطله الغاويه ولا تحرمينا منها |
اقتباس:
هلا والله اختي فيمتو نورتي الموضوع بمرورج الغاوي وطلتج الحلوة وتسلمين عالاجابات احلوة ^_^ ايوا الاعمار باييد رب العالمين وكلنا مصيرنا تحت التراب وهاي حكمه رب العالمين ^_^ وتسلمين عالمرور الغاوي حبوبه |
وعليكم السلام والرحمة... نحن بخير وسهالة,,, مممممممممممم انت فهاللحظه شو بتقول؟ بسكت لدقيقه عسبت استوعب الموقف... بكون مصدوم طبعا... وبالنهايه بتعود ع الوضع بخاف عليها حتى من نسمة الهوااا بعد كل هالحب وكل هالتخطيطات شو بتسوى ؟ اذا انا ماوقفت وياها بهالحظة منو بيوقف وياها!!! بترضى انك تتزوجها وانت عارف انه فيها هالمرض؟ وليش ما ارضى!!! هي تعتبر قطعه مني .. وهالحب كله بس كلام.. هذا وقته عسبت تتأكد من حبنا ولا بتودرها لانك ما تتحمل انك تعيش وياها يومين وعقب الله ياخذ امانته؟ بعد ما تصارحك بهالشي بتكمل وياها طبيعي؟ مابودرها لو شو مايصير.... وبعاملها احسن من اول ... |
اقتباس:
تسلم عالمرور الطيب وعالنقاش الحلو اكيد صح يعني الحب انك توقف ويا الانسان اللي تحبه فالحزن والفرح وطبعا شرات ما تقول هذا وقته عسب تتاكد من الحب بينكم ^_^ وتسلم عالمرور الطيب والاجابه الغاويه ولا تحرمنا من طلتك الغاويه ^_^ |
اختي لي معاج رجعه بس رجعتي يعني ردي راح يكون طويل جدا و السبب لان ها الموقف استوا لي و السموحه |
اقتباس:
مرحبابك الساع من ييت لين رحت والله لو تكتب صفحتين تعبير يا هلا ومسهلا وانا ادور حد صدق مستوتله هالسالفه اصلا مش اني اتفاول على حد لا والله بس ابي واحد مجرب ويقولنا بالضبط شو بيسوي |
بنرد لهاي السالفه اختي الفاظله صراحه موضوعج هذا جنج حاطه فيه العين على انا هاي السالفه الي برمس عنها طويله وايد و تحرق اعصاب و تهدم بيوت والله لان الى استوى وايد مب شوي و الي قلبه ظعيف ما بيتحمل المواقف الي استوت عندي انا نبدا بالسالفه:- ================================================== ==== قبل لا يتهكر موقع محروووووووووووم بكمن شهر بس ما ادري كم بالظبط انا كنت مشارك بالمنتدى و كانت رقم عظويتي ثلاثيه يعني كنت من اوائل المشاركين و كانو الاشخاص الي اعرفهم وايدين و كان على راسهم اختي مسقطاويه و افتخر انا ودرت المنتدى لاني كنت خلاص بتزوج و ما كنت فاظي ادش و اطلع من المن النت الي حصل بالظبط اني كنت ساير الكويت عند امي الله يحفظها و خالتي و شوي من اهلي عشان قلنا بالمره نحوط و بالمره نشتري زهبة الملجه من هناك للعلم ترا انا كنت مالج يعني السالفه سيده ما فيها حب و خرابيط البنت تمت يومين ما دقت انا الي ادق ما ترد قلت خلها اكيد زعلانه لانها ما كانت تباني اسافر اونه تخاف علي و هي كانت من النوع الخواف وايد وايد وايد تدرون ليش و كانت بنت حبوبه و طيوبه بشكل فظيع جدا صح انها ما كانت ملكة جمال لكن كان يكفيني قلبها الواسع السالفه كلها اني من بعد ما خطبتها قبل الملجه عرفت انه فيها القلب كانت تتعالج ترا لازم تعرفون اني ما كنت احبها يعني كنت اقدر اقول ابعد عن الشر و غنيله لكن انا قلت فخاطري لا البنت شو ذنبها مسكينه تميت وياها فتره تعلقت فيني و تعلقت فيها كانت خلوقه و مدينه وايد و انا كنت مستانس وايد لاني حصلت وحده شرا هاي البنت المهم لما ردينا من الكويت سرت بيتهم عطول من وصلت عند باب بيتهم انصعقت شفت البنت يالسه صوب الحوش من شافتني و لا جنه شي مستوي و طريقة لبسها غريبه المصيبه انه كان ياذن المغرب لان الي انا اعرفه انه البنت بس تشم ريحة الاذان تدش تصلي عطول اما ذاك اليوم ما قامت يوم سرت يلست صوبها سالتها شو فيج قالت لي انا اسعد انسانه في الدنيا كل شي موجود عندي قلت لي قالت يوم انت كنت تدق لي انا كنت في المستشفى مسوية عملية قلب يعني كانت بالمانيا من قالت جذه انا استغربت ما احيد انها تسوي شي بدون ما تخبرني لكن انا قلت عادي دام اهلها وياها و انها سايره تسوي عمليه مب سايره تحوط المهم و باختصار ما ابا اطول عليكم عقب ما سوت البنت العمليه تغيرت 180 درجه والله اني يوم قمت ارمسها جني ارمس وحده ثانيه ما ارمس الحرمه الي كنت في يوم من الايام راح اتزوجها تدرون ليش تغيرت لانه رب العالمين عطاها عمر يديد فالبنت افرحت قالت ليش اعذب عمري ثرها البنت قبل مدينه لانها خيفانه تموت مب عشان شي ثاني المهم الي انا سويته الها والله ما في بني ادم بيسويه لبنت لاني انا يوم عرفت انه فيها القلب ما كنت احبها كنت مجرد خاطب لكن من هذا قلت عادي يمكن هذا الي كاتبنه لي ربي و يوم تميت وياها قلت عادي ما في مشكله بسوي الها كل شي لانه بيي يوم يوم بتكون حرمتي سندي و ساسي لكن مع الاسف من سوت عملية القلب ما قالت انه في يوم من الايام كان يحبني وحطني في عينه لا بالعكس قالت طز فيه خله يولي مع ذلك يلست انا افهمها اقول الها الي انا سويته وايد حتى اهلج ما سوووه لا تقولون اني ذليت عمري ترا الي ما حب مستحيل يعرف شعور انك تفارق اكثر انسان حبيته فحياتك المهم يوم عرفت انه مافي امل من البنت قلت بودرها لكن اخوانها ما عيبهم اني اكون انا الي يطلق حبوا انهم يطلعوني انا الغلطان و يسوون خلع لكن في مثل يقول (((( اتقي شر الحليم اذا غضب )))) يوم عرفت انا بها الشي خلاص لاعت جبدي والله اني شرشحت فيها و في ابوها و كل اخوانها حتى انا الي خليتهم يندمووووون انهم وافقوا يوم خطبتها و اخر شي هديت البنت و انا راسي فوق و مع مرور الايام وصلت ورقة الطلاق للبنت وايدين تقدموا للبنت لان هاي البنت كانت معروفه باخلاقها و دينها بس قبل لا تسوي العمليه مو بعد العمليه لكن من يتقدمون يعرفون انه كان فيها القلب على طول يرفظون و من ذاك اليوم والله توصلني الاخبار انه البنت متخبله و بتموت لاني طلقتها و يوم اعرف صراحه يحز فخاطري لانهي عطيتها كل شي لكن بنفس الوقت افرح لاني عرفتهتم شو قيمة البني ادم في هاي الدنيا المهم اخوكم الصغير شاحوف الحين خاطب وحده قمر و ميند بعد ترا الصبر مفتااااااااااااااااح الفرج. ================================================== ==== اخواني ادري الي كتبته طويل لكن انا اسف اذا طولت و السموحه اخوكم شاحوف |
السلام عليكم الصراحة أخوي الشاحوف كلامك أثر فيني والله عوضك باللي أحسن عنها وانت سويت بأصلك،،، ربي يوفقك ويحفظك ويسعدك بحياتك... اللؤلؤة |
اقتباس:
مشكوره اختي |
احم احم مرحب اخويه شاحوف ومشكور عالمرور الغاوي الصراحه صدمتني ما اعرف شو اقول الله يهديها هالبنت وانت ماقصرت مع انك ماكنت تحبها والله جزاك بخير وان شاءالله الله يسعدك ويهنيك وياها يعني اانا اللي فهمته انك خطبتها وماتعرف انه فيها القلب بس هيه كانت تعرف صح؟ يعني هيه كانت تعرف اممممممم نزينه مشكور عالاجابه وانت ماقصرت والله عوضك خير بس وربي منصدمه من القصه ^^ يسلموو عالمرور الغاوي والطله الحلوة ولا تحرمنا منها |
شكرا عمواساتج لي ههههههههههههههههههههههههه شوفي اختي خذي قاعده لج في الحياه ان سويتيها والله ما بتنصدمين القاعده تقول هكونا متاتا اسولف القاعده طنشي تعيشي و لا تسمعي كلام حد و الي فخاطرج سويه |
هههههههههه نزينه هكونا متاتا ^^ وتسلم عالمرور الغاوي ^^ |
اولا اشكرج اختي علي الموضوع الغاوي والموقف الصعب تقريبا انتي قلتي حب واهيه كل حياتي يعني مستحيل استغني عنها لو شو مايستوي وخير ياطير فيها القلب لا يمكن اتشجع اني اتزوجها واعالجها واغير الجو الي اهيه فيه واطلعها من الجو الكائبه الي اكيد بتكون فيه لانه كل شي في حياتي واحبه واهيه تحبني وطبعا الي يوصل لهاي المرحله مايقدر يستغني عن الي يحبه ماعرف شو بيستوي فدنيه يمكن هاي ال قلبه ظعيف اموت انا قبلها واهيه تعيش مايندرا الله واعلم والي يستغني عن وحده واهيه مريضه او شي ماعنتقد انه يكون ايحبه صدق ممكن لعب او شي |
اقتباس:
العفو ولو اكيد صعب ^^ والله لا يحط انسان بهالموقف يارب ومشكور عالاجابه الغاوية وانت صدقت فكل كلمه الاعمار باييد الله وهذا القدر وكلنا بيي لنا يوم وبنندفن تحت التراب ولو اتخلى عنها بس لانها مريضه فهو ما يحبها وهو اللي مريض مب هيه وتسلم عالمرور الغاوي ولا تحرمنا من هاللطله الغاويه ^^ |
تسلمين ع الموضوع .. انا ما قريت كل الردود بس اعتقد ان اللي كتبتوه هني بيختلف عن اللي بتسوونه اذا مريتو بنفس الموقف و الله يبعده عن الكل .. و السموحه .. |
اقتباس:
لا انا بقولج من وحده اعرفها مرت بنفس الموقف ^^ اول شي البنت انصدمت اكيد وسكتت بس عقب كملت وياه عادي وحاولت تنسيه مرضه وبالفعل نجحت فهالشي الحين يكملون عادي ولا كأنه صاير شي ^^ وتسملين عالمرور الطيب |
| الساعة الآن 01:13 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir