|
تــــــــزامن الدراسة مع شهر رمضـــان المبارك السلام عليكم ورحمة الله وبركاتة تزامن الدراسة مع شهر رمضان المبارك هل سيؤثر على ميزانية المنزل ؟!!! مع تصريح وزارة التربية والتعليم ببدأ الموسم الدراسي في آواخر شهر اغسطس ابدى العديد من الأهالي استياءهم جراء تزامن بدء الدراسة مع شهر رمضان المبارك ، اعادة الله علينا وعليكم باليمن والبركات .. مع طلبات المدارس والمدرسات التي لاتنتهي والإستعداد للمدرسة .... بالإضافة الى استعداد الأهالي لشهر رمضان الكريم بشراء حاجيات الشهر الفضيل ودعواتي لكل الآباء و الأمهات في التحلي بالصبر والعفو عند المقدره لوووول [mark=ffff66] سؤالي ..[/mark] - هل ستؤثر فتح ابواب الدراسة في ميزانية الأسرة ؟!! - هل تقول ان هذه ازمة او انها حاله عادية ؟!! موضوع خفيف حبيت اعرف آراءكم فيه |
وعليكم السلام والرحمــة أأكيد بتأأثر ......لأن كله بــ يتولف مره وحده المدارس + شهر رمضان + العيد وهذا رأيي وتسلم ع الموضوع أأخوك : راعي الرمادي |
- هل ستؤثر فتح ابواب الدراسة في ميزانية الأسرة ؟!! اكيد المجتمع شرات المستويات بالمصروف في من راتبه [mark=ffff66]عالي[/mark] ويقدر يصرف ع كيفه وما يأثر وفي من[mark=ffff66] متوسط[/mark] راتبه يقدر ايلحق ع الاشياء اما اللي [mark=ffff66]ظروفهم ما تسمح [/mark]الله يعينهم بصراحه ما بيعرفون وين يصرفون فلوسهم لان عندهم اكثر عن شغله يسوونها - هل تقول ان هذه ازمة او انها حاله عادية ؟!! برايي انها ازمه لبعض الاسر بزمن الغلا اللي عايشين فيه الحين تسلم اخويه ع الطرح الغاوي ونترقب منك كل يديد |
وعليكم السلام والرحمه اللهم بلغنا رمضان وبارك لنا في شعبان ^_^ قضيه طيبه بس ما شفنا وجهة نظرك بالموضوع ؟ بالنسبه لنا ما حسينا بالضغط لانه عدنا 2 فقط يدرسون في مدرسه خاصه اسلاميه وتكاليف دراستهم ولبسهم وكل شي دافعينه مسبق مع تجديد دراستهم في نهاية الصف اللي طاف بس اللي كاسر ظهرنا عدنا مناسبه جريبه ان شاء الله وتزامنت مع رمضاان لوول - هل ستؤثر فتح ابواب الدراسة في ميزانية الأسرة ؟!! شي أكييد بتأثر وخااصه للأسر الكبيره اللي تحتوى على 5 او 8 افراد يدرسون - هل تقول ان هذه ازمة او انها حاله عادية ؟!! لا والله انها أزمه وخاصه لأصحاب الدخل المحدود ومثل ما سبق وقلت أصحاب الاسر الكبيره بو المداويخ الله يعين ويعااون خلها ع الله باجر بيطلبون جلاد جلد طبيعي وما ادري شوه عاد سير دور لوووول يعطيك العافيه عالطرح الطيب ما قصرت دومك مبدع ومتميز بالتوفيج لك ^_^ |
اقتباس:
الله يسلمك الغالي ، شكراً على مشاركتك لنا اخوك / غديّر النعيمي |
اقتباس:
الله يسلمّج يامس جلكسي ، دائما نشيطة ومتابعه ، فعلا تقسيم متوسط الفرد المعيشي شي طيب منج ووجهة نظر صحيحة وتسلمين على طرح الرأي اخوج / النعيمي |
[align=center]وعليكم السلام ورحمة الله وبركاته مع ان هالسنه ماعندنا دراسه الحمدلله إلا بعد العيد لكن بجاوب بناء على اللي لاحظته العام الماضـي - هل ستؤثر فتح ابواب الدراسة في ميزانية الأسرة ؟!! بلا شك، الله يعين الجميع بالذات اللي دخلهم محدود والعائله كبيره، مثل اللي عنده حرمتين وعياله 35 صج اتعزز لحاله هو وشرواه - هل تقول ان هذه ازمة او انها حاله عادية ؟!! لا بالله إلا أزمه وبالذات مع الطلبات اللي مالها داعي واخص مدارس البنات زطلباتهم اللي ماتخلص إلى آخر يوم دراسه ولا العيال سهالات اي شي يمشي. الله يعين الجميع ويوفقهم.. اشكرك يا النعيمي على الموضوع اللي جاء بوقته، لاعدمنا الجديد الـخـالــدي[/align] |
اقتباس:
وجهة نظري يالشيخة انا عندي 5 فالمدارس وحد فالكلية اثنين في مدارس نموذجية واثنين خاصة وواحد حكومية ... يعني تخيلي المدرسات فالحكومة مغربلينا بطلباتهن اللي ماتخلص وانا كل يوم اخطف المكاتب حتى راعي المكتبة حفظ اسمي وشكلي لوووول الا جلاد والا تصوير ... تحيدين موضوعي من فترة شو كتبت وهذا مب تأليف الا حقيقة هههههه ماشالله البيت شي فيه فوق الـ 12 فرد وكلن وله طلباتة ... وطبعا ماننسى الروشن وسامان رمضان وراعي الفتك ماقصر قال العيد !! اما الخاصة طلباتهم ( خاصه ) هههههههههههههههههههههه في رايي انها ازمة فعلاً ولاتنسين ان قبل ها الأيام كان شي سفر وصرف وصوغة والله يعينا ان شالله ... ودعواتي لكل ( معيل اسرة ) احفظ بيزاتك حق الأولويات ههههههههههههههه _الله يعين اليميع .. تسلمين ختيه بنت الأفلاج دائما مبدعة في مرورج ومتابعتج .. اخوج / غديّر النعيمي |
بسم الله الرحمن الرحيم وعليكم السلام والرحمة - هل ستؤثر فتح ابواب الدراسة في ميزانية الأسرة ؟!! اكيد بتؤثر وبشكل كبير خاصه انه 3مناسبات ورى بعض..مدارس+رمضان+العيد الله يعين!وبالنسبه لي شخصيا بتصادفني مصاريف مناسبتين الدراسه وملابس العيد ^_~ - هل تقول ان هذه ازمة او انها حاله عادية ؟!! ازمه و ازمه و ازمه! عن جد المشكله كبيره خاصه للي عياله وايد الله يعينهم يعطيك العافيه ع الطرح الجميل أخي.. |
اقتباس:
يامرحبـــا بالقاطع ، ياحي ذا الشووووف والله ماشالله عنده حرمتين و35 تبارك الله ، عيل ماقلت لي الخالدي الحرمتين ذيلن مايبن طلبات !! في ذمتك !! لووووووول الله يعين الأسر ، والرواتب مافيها بركة مع انه الخير وايد بس الصرف اكثر من ( التحويشة ) والكفه متأرجحة ..! والله ايام الأول كانت بسيطة كنا ناخذ ربية ولا ربيتين مصروف ودفتريين وقلم رصاص ( الله يرحم )هههههههههههههههه يعطيك العافيه يالغالي ، ولاتحرمنا من تواصلك اخوك / النعيمي |
شي طبيعي انها تأثر المدرسين والمدرسات طلباتهم غير شكل الاحياء : هاتوا قطوة ،، عصفور ،،، ارنب ،، سلحفاة وبعدين وياكم نبا نشرح الرياضة : بنطلون مادري شقايل لونه والفانيلة بروحها لون والجوتي حالته حاله الرياضيات : هندسة ،، آله حاسبة الفيزياء : محول كهربا ( عنبو قلن الطلبات ) الكيمياء : حدايد وبلاستيك وغيرهن من بلاوي العربي : شفافية حق القصيدة اليديدة ،، بروجكترات الانجليزي : هاتوا معجم عربي انجليزي وانجليزي عربي الدين : هاتوا معلومات ،، اوراق عمل وملفات الجغرافيا : ابا صور عن المكان الفلاني وابا مجسم حق الشي الفلاني التاريخ : نبا خريطة الهالم واللي ماتيبها بتشوف الاقتصاد : نبا عملات من كل مكان في العالم ( لا يكون الانصاري مال ابوي وانا مادري ) الجيلوجيا : هاتوا الصخرة الفلانية في المكان الفلاني علم اجتماع : نبا بحوث وتقارير عن العالم فلان بن فلان والله العظيم ان حالتنا حاله ومن اول يوم يقولن المعلمات يلا نوزع النشاط ( يابوي الكتب ماخذناهن بعدنا ) السموحة اخوي النعيمي لغير انا منغثة من طلبات معلماتي وتقبل مروري ::: فيمتو::: |
[align=center][align=center] الســـلام ورحمة الله وبركاااته ... أسعد الله صبااحك طاال عمرك موضوعكجااء في وقته والله ... النعيمي حرفكِ تسيل منه العذوبة على شفاه الجرح يرسم جمالا في هدوء الحوار كان مفرط النكهة بعبق الفراشات ما ألذ هذا الإفراط من الجمال الذي هطل هنا صدق ماعندنا في السنة دراسة بالشهر الفضيل بس راح التكلم عن السنة الماضية وماقبلها أو راح اتكلم عن العاام وهو أفضل بكثير من التخصصية في اي سنة أو اي دولة لأنه الحال يرثى لها .. _ في أشخاص عندهـ الإستطاعه من مرتب كبير وعدد افراد اسرته قليل وهذا لا يؤثر عليه ابدا .. وفي اشخاص اخرين مرتبه كبير ولكن عدد افراد الاسرة كبير جداا وهذا سؤثر عليه سلبيا جداا .. وهناك الحال المتوسط والحال الأدني من هذا في كلا الحالتين المذكورة .. _ - هل ستؤثر فتح ابواب الدراسة في ميزانية الأسرة ؟!! _ أيه (( نعم )) سوف يأثر بشكل كبير جداا مع التضخم الأقتصادي والغلاء الذي يعم العالم , حتى في السلع المصنعه داخليا .. - هل تقول ان هذه ازمة او انها حاله عادية ؟!! _ (( أكيـــد )) إنها أزمة مما راح ينتج عن التزامن بين العيد ورمضان والدراسة ومتطلبااتهم في آن وااحد .. ورآي أنـ بالموضوع إنها مسألة سياسية قبل أن تكون إقتصادية .. هبوب الهوى[/align][/align] |
اقتباس:
ما شاء الله علييهم ربي يحفظهم ويخليهم لك ^_^ وعسى ربي يوفقهم ما عليك انت المره اليايه يوم بتسير المكتبه تلثم عشان ما يعرفك ههههههههههههههههههههه بخصوص العيد نحن خلصنا تفصيل وكل شي الحمد الله كل بداية شهر ناخذ شي عشان تخف علينا الضغوطات لو كل شخص رتب اموره وحسب حساب هالمناسبات وكل اول شهر يعق عنه شي جان سلم من هالازمه بس السالفه يبالها تدبير من البدايه^_^ نحن مرات جيه نتهاون ونولف كل شي خلاف نصيح بأمنا وابونا من الغلا اما الروشن وسامان رمضان امسات موديه العيوز تتشرى جان نسمع شووويبه حلييله يتحرطم يقول ناكل وبطونا تعورنا من هالغلا لوووول والله صدق ما عرفنا شو ناكل وشو نخلي !!! اصلا من تبدأ الاجازه كله صرف xصرف سفرات طلعات وصوغ مناسبات مدارس رمضان عيد خلها على الله والله بييسر ان شاء الله عالعموم طولت عليك شيبتنا موضوعك طيب استانست بمناقشته ^_^ |
اقتباس:
ويوفقج فالدراسة اخوج/ النعيمي |
اشكرك اخويه النعيمي على طرحك للموضوع وبجاوب على اسالتك - هل ستؤثر فتح ابواب الدراسة في ميزانية الأسرة ؟!! اكيد بياثر لان في ناس وايد دخلهم محدود وما يقدرون ينفقون ع الاثين لان المدارس اول ماتفج طلبات ماتوقف وشهر رمضان يباله نفقه الصراحه الله يعين الي دخلهم محدود - هل تقول ان هذه ازمة او انها حاله عادية ؟!! اكيد بتكون ازمه لان في ناس مانحصلهم ياكلون شرات الباجين والحين يابو المدارس ويا رمضات حشى في ناس ما يقدرون حق هالمصاريف كلها واحب اضيف نقطه المدارس بتكون تقريبا بداية رمضان والي يدرسون ما يرومون على ها كله تعب وصيف وحر منو يقهر الحر الحينه المفروض يراجعون حساباتهم ويوصلون حق حل يرضي الكل والسموحه |
وعليكم السلام والرحمة أول شي احب أشكرك أخوي النعيمي على طرحك للموضوع والله يعطيك العافية - هل ستؤثر فتح ابواب الدراسة في ميزانية الأسرة ؟!! بالتأكيد فتح أبواب الدراسة بيأثر في ميزانية الأسرة خاصة الأسرة الكبيرة اللي تتكون من عدد كبير من العيال واللي يكونون في مختلف الأعمار ومختلف المراحل الدراسية وماشالله عليهم العيال كل ما يكبرون تزيد مصاريفهم وياهم وكل مرحلة دراسية طلباتها اكثر عن اللي قبلها وفي نفس الوقت المدارس ماشالله ما ايقصرون في طلباتهم اللي ما اتخلص لين آخر يوم في الدارسة وبصراحة في نقطة ثانية بعد أخوي النعيمي واتخص البنات أكثر لأنه في منهم ما ايراعون ميزانية اهلهم ويبون يشترون اللي يعيبهم بغض النظر عن تكاليفه أو اهميته بس لأنهم يبون يكونون كاشخين جدام اربيعاتهم - هل تقول ان هذه ازمة او انها حاله عادية ؟!! أكييد أزمة .. خصوصا للأسر محدودي الدخل واللي عددهم كبير وبعد لأنه الناس توهم طالعين من الإجازة واللي راد من السفر وأكيد الميزانية متأثرة بمصاريف السفر و خاصة أن المدارس يت مع رمضان والعيد وماشالله مصاريف رمضان والعيد بروحها تهد حيل رب الأسرة بس فالأخير أحب اقول كلمة صغيرة صح انه المدارس تتزامن مع رمضان بس المفروض كل واحد يمد ريوله على قد لحافه والمفروض الأهل ايبدون الشي المهم على الكماليات اللي مالها لزمة والسموحة ع الإطالة |
«®°·.¸.•°°·.¸¸.•°°·.¸.•°®»- هل ستؤثر فتح ابواب الدراسة في ميزانية الأسرة ؟!!«®°·.¸.•°°·.¸¸.•°°·.¸.•°®» أكيد يأثر ثلاث مناسبات وراء بعض .. المدارس وطلبات المدرسات إلي ما تخلص .. وهذا الشيء يؤثر في الأسر إلي عندهم عيال وايدين .. الصراااحه الله يعينهم ... - هل تقول ان هذه ازمة او انها حاله عادية ؟!! أزمه لبعض الأسر إلي مردودهم المادي محدود.... تسلم أخويه النعيمي على الموضوع .. وربي يعطيك العافيه .. |
عليك السلام ورحمة الله وبركاتهـ الحمد الله هاي اول سنهـ تمر علينا بدون دراسهـ ف الشهر الفضيل ولـ 10 سنوات يايهـ بس قبل صادف ان بدينا الدراسهـ بأول رمضان وايد صعبهـ من كل النواحي الماديهـ وحتى النفسيهـ ربي يعينكم ياريايل الحياه وايد صعبهـ وكل مالها تزيد .. تسلم يمناك اخويهـ ويعطيك العافية ع الطرح الطيب تقبل مروري ولك التحية والشكر |
الســلام عليــكم ورحمــة الله وبــركاته والله الحمـدالله هالسنــة أجــازة فى الســعودية..يعـــنى نو دراســـه هع هع ^^ - هل ستؤثر فتح ابواب الدراسة في ميزانية الأسرة ؟!! احم والله مثلمــا انا اشــوف صــراحه صدق راح يــؤثـــر ....لانــه الحيـن ماشاءالله كـل شـي صــار غاالـــي ...و و دراســــه فى الحيـن راح تبداء...و أغــــراض المدراســه ابدا ما تخلــص...والله نااس الى داخلهـم محدود..صـراحه الله يعينـهم...اغراض البيت ولا مدرسه..ولا العيــد هع ^^ - هل تقول ان هذه ازمة او انها حاله عادية ؟!! أزمــه صــرااحه نااس الى داخلـهم ع قدهم ..صــراحه صعــب عليـهم تكاليـف الدراســه و اغرااض حق الرمضــان..وبعــده عيـــد...مصــروفاات العيد غيــر..غيــر... :66: اقتباس:
خخخخخخخخخخخخخخخخخخخخخ...شكلك مقهــورر وااايد هع هع ... :00: و اشكرك يا اخوي ع الموضوع ....ربي يعطيك صحه و العاافيه |
اقتباس:
ههههههههههههههههههههههههههههههه طلبات ( خاصة ) الله يعينكم توجد امور معقولة وامور اخرى غير معقولة كـ طلبات الحيوانات :( .. اعانكم الله اختي النعيمي |
اقتباس:
هههههههههههههههههههههههه خاتمة طيبة اعتقد يوم نقول اقتصادية ذكرني بهبوط مؤشر الأسهم عندنا :( " الله يعين " ههههههههههههههه اشكرك يالغالي على مرورك ، وكل عام وانته بخير ياوية الخير اخوك / النعيمي |
اقتباس:
الله يسلمّج والله لول الدنيا بخير ونعمه وبركة ، ولكن الحينه حتى الشواب اللي مالهم فالاسهم وغلاء الأسعار شكايين دوووم ... واكبر دليل اللي طرحتية الحينه وفعلا يباله تدبير ، بس وين التدبير والناس اجازات ومشغولة تونس بعمرها لوووووووووول تسلمين يدوة اخوج / النعيمي |
اقتباس:
واي طالب هذا اللي بيركز هو صايم ويفكر في طلبات المدارس والحر!! ( كله متولف) تسلمين على المشاركة اختي بارك الله فيج اخوج / النعيمي |
اقتباس:
والله ماقول الا صح لسانج على ماخطيتي بعض البنات مايراعن ويبن الكشخة هههههههههههههههههه انا ملاحظ ها الشي وواضح هب بس الاقلام والدفاتر ، حتى اللباس والعبي و و و لووووول ( الله يهديهن ) ونرد ونقول ان الواحد يتشرى الشي المهم فقط وهالله هالله في اهاليكم يالاخوان واخوات فكروا في غيركم وودروا عنكم الأنانية تسلمين اختي سلامة مبدعة في مرورج اخوج / النعيمي |
اقتباس:
الله يسلمّج اختنا عطرها دمعه على المرور تسلمين اخوكم / النعيمي |
اقتباس:
اخوكم / النعيمي |
اقتباس:
زهور الشماته هب زينه يالشيطانة :d وصدقتي مصروفات العيد غير ( فصل كنادير حقك وحق العيال والبنات عطهن ووديهن خياييط وسوق والمحناية وصالونات ووووو) لووووووول خلني ساكت اخير لي :00: تسلمين على مرورج الكريم ياختي الصغيره |
السلام عليكم ورحمة الله وبركاته أشكرك على موضوعك الرائع أولا وقبل كل شي الحمدلله الحمدلله أني خلصت مدرسة وطلبات المدرسات هل ستؤثر فتح ابواب الدراسة في ميزانية الأسرة ؟!! الصراحة بتأثر للي مب مرتب أموره شرات ما قالت أختي بنت الأفلاج والوالد مب مقصر مجهز أموره ومرتب عمره الحمد لله إما بالنسبة لأغراض العيد أحيج أختي بنت الأفلاج انج بديتي تخلصين أنا كل سنة اقول بخلص قبل رمضان واخلص قبل العيد بيوم!!!! هل تقول ان هذه ازمة او انها حاله عادية ؟!! أكيد أزمة الله يعين الناس ويسهل عليهم وخاصة اللي عائلتهم كبيرة !!! الله كريم.. وكل عام وانتم بخير ورمضان كريم تقبلوا مروري أختكم / اللؤلؤة |
اقتباس:
صح بدنك أخوي النعيمي والله يعطيك العافية ع الرد الطيب وما قصرت والله يوفق الطلاب والطالبات في دراستهم ويعين الأهل على مصاريفهم |
تزامن الدراسة مع شهر رمضان المبارك هل سيؤثر على ميزانية المنزل ؟!!! بالتأكيد سيؤثر .. فواجب علينا لنتدارك ما قد يحدث من نقص في الموارد الماليه .. أن نخطط لكيفية صرف أموالنا بحذق .. و نكثر من العمليات الاستثماريه .. لازمنا عقل يعرف يخطط و يفكر .. و إلا .. >>> رحنا فيها <<< *_^ تسلم النعيمي ع الموضوع .. لاهنت و نرقب الزووود ..*~ |
هالسنه ماشي دراسه عندنا وناسه حدهـ لوول - هل ستؤثر فتح ابواب الدراسة في ميزانية الأسرة ؟!! بحسب السنه الماضيه اي والله اشوف الاوادم متاثرهـ خصوصا التجار يرفعون اسعار المواد الغذائية في شهر رمضان شي يقهر عاد عقب رمضان وسكوول يي العيد يباله تشري بعد - هل تقول ان هذه ازمة او انها حاله عادية ؟!! ازمـه بس ياليت الاسر توفر مثلا تتشرى للسكول او العيد قبله بفتره جي يعني ربي يعطيك العافيـه اخويـ النعيمي ع الطرح الوآآفـي نرقب النيوو من جدآآج |
السلام عليكم ورحمة الله وبركاته .. موضوع صدق يايبنه فالصميم خخخخ ولا تنسى شي.. الاسعاار اللحين استوت فوووووووووق ..>> طال عمر الاسهم ان احتيت بيع الراتب الحين ولا شي الا خرده اسميه لو وصل 50 الف يعني الله يعين ^_^ |
اقتباس:
وانتي بخير ونعمة .. تسلمين ع المشاركة وكلامج عين الصواب اخوج / النعيمي |
http://up.dwltna.com/files/dwr6fylheyfif6u37nyl.gif تسلم اخوي ع الطرح الغاوي اسمع اخوي .. رمضان مناسبه دينيه صح..بس لا ننسى مدى احتياجات الأفراد اليوميه.. ومتطلباتهم الي قد تكون ضرورية او مالها داعي!! ولا نسى غلا المعيشة الي فرض على كثير من الأسر حضر امتلاك كل ما يرغبون؟! بعض الأسر قادره ع توفير كل احتياجاتهم.. و الأسر الثانيه غارقة بالديون و راح يزيد غرقهم .. الله يطول بعمار شيوخنا و دولتنا.. حتى في مثل هذي المناسبه ..يوفرون للأسر الفقيرة كل متطلباتهم عن طريق المؤسسات الخيريه.. وكثير من الأسر استفادة من هذا الأمر .. ونحن الحين في آخر اسبوع و راح يبتدون التوزيه من يوم الخميس ^ ^ يعني الدولة مفكره بكل شي ..بس المناسبات مختلفه و كل مناسبه تحتاج لميزانيه معينه.. حتى تغطي كل المصاريف والأحتياجات.. ولا ننسى ان هذا الشهر راح يحوي ع 3 مناسبات وهم:: 1- المدرسة " اشترى لبس اقل سعر للبس المدرسه 250 درهم!!، اشترى ادوت مكتبيه، شنط و جواتي و غيرها من الأشياء، و تحضر مع ثاني اسبوع رحلات و بعد نشاط " 2- رمضان " كل يوم العيال و الأبو و الأم خاطرهم بشي، ما يخلون شي ما يخمونه من الجمعيات و لأماكن الي يبيعون فيها اكل اتقول ميوعين !!، و كل الأكل في الأخير ينقط في الزباله!! واقل مصروف لشهر رمضان 4500؟!" 3- العيد " وعااااد العيد غير .. الرياييل اهون عن الحريم ..غير الي شايف عمره و مفصل له لبس فوق الألف ! و ماخذ له نعال كشخه توصل 500..الخ، والحريم خلهن صوب، يخمن القط و الملابس الجاهزة و النعل و الأكسسوارات من كل مكان، و اذا ما حصلن بيغزن اسوقة العالم، يعني تقدر تقول مصروف العايلة للعيد يساوي معاش كامل ، و البنوك تعيبك بتصرف لك معاش الشهر قبل لا يبد الشهر .. و ع الشهر الياي دبر حالك !!" الناس ما تعرف الحدود.. و تفكيرهم ..و صرفهم الزايد يورطهم.. الله كريم ..الله كريم يا خوي .. عاد انا ع حسابك خخخ فقيره ما عندي فلوس :78650: تحياتي http://up.dwltna.com/files/dwr6fylheyfif6u37nyl.gif |
اقتباس:
الله يسلمج اختيه سلامة بارك الله فيج اخوج / النعيمي |
اقتباس:
بس لو سمحتي شو تقصدين ( نكثر من العمليات الإستثمارية) والسموحه منج وكل عام وانتوا بخير النعيمي |
اقتباس:
نشكر هل السعوديه مشاركتهم لنا وكل عام وانتوا بخير النعيمي |
اقتباس:
هلا والله الأسهم طال عمرك ممكن تكون لك وممكن عليك لووووول تسلم على الطله لاتحرمنا تواصلك اخوك / النعيمي |
اقتباس:
لووووووول عاده هالأيام يالسين يوزعون يواني العيش والطحين والروشن شدي حيلج زهبي اوراقج وفالج طيب لوووووووووول فعلا اختي ابكي ، كلامج عين العقل والله يعين اليميع ، وتسلمين ع المشاركة الطيبة ماشالله عليج فصلتي الموضوع تفصيل اخوج / النعيمي |
- هل ستؤثر فتح ابواب الدراسة في ميزانية الأسرة ؟!! نعم وايد بتؤثر عليهم الله يساعد الي ميزانيته محدوده كيف راح يكفون الاشياء وبعد عليهم رمضان ومدارس والعيد الله يساعدهم - هل تقول ان هذه ازمة او انها حاله عادية ؟!! لا هذي ازمه عند الي دخلهم محدود ومن غير ارتفاع الاسعار الله يساعد اليميع انشاء الله تشكراتي اخوي النعيمي على طرحك لهذا الموضوع |
| الساعة الآن 01:25 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir