|
شباااااااااااب وبنااااااااااااات ادخلو وردو ع سؤالي بس الموضوع يخص الشباااااااااب اكثر.. السلام عليكم والرحمه... شباااااااااااب مافي واحد في هالكون مايكلم بنت صح او لا ؟؟ ليش الواحد يوم يعرس يرد ع ايام قبل يعني يرمس ويسوي حركات انتو اتجوفون هالشي غلط او........ مع انه الانسانه اللي عنده مب مقصره معاه في شي؟؟؟ وهل العلاقه اللي تكون مبينه ومبين صديقته اللي قبل تكون وايد قويه عشان جيه ما يقدر يصبر عنها او هي اتم وراه الين مايرد عليها.....؟؟؟ واللي معرسين اباهم يردون؟؟ وهل تتوقع انك يوم بتعرس تتخلا عن هالسواااااالف؟؟ مجرد اسئله واحب انكم تردون ع استفساراتي ..... والسموووووووووووووحه.......... :66::66: |
أنا بعدني ماتزوجت يوم بتزوج بخبرج أو بستفسر من حد متزوج خخخخ أوكيك تحياتي |
[motfrk]وعليكم السلام ورحمة الله وبركاته[/motfrk] اختي الشامخه ها الموضوع جد عجيب مع انه كان موجود قبل لا يهكرون الموقع و انا احب اعيد و اكرر كلامي فيه ترا الريال و الحرمه لهما نفوس و تفكير و عقل و لهما شيطان يوسوس لهما ما اقول ان كل الناس تلعب في ناس ايمانها قوي لدرجه ان ها الشي ما تفكر فيه و في والله والله اني اعرف واحد في ليلة عرسه يالس يرمس ربيعته و احنا منصدمين امنه سبحان الله على هذا التفكير و من وسوسة الشيطان الريال سلمج الله انا بقول لج شي ان سار رمس حرمه عقب زواجه بيكون فقط لثلاثة اسباب لا رابع لهم:- 1- نفسيته ظعيفه و خسيسه و شهوانيه. 2- حرمته مقصره فيه من عدة نواحي. 3- الوازع الديني ظعيف او ما يصلي. فوالله اذا كان ولا واحد من هاي الاسباب 3 موجود بتلاقي الريال عند حرمته شرا الخاتم في صبعها لكن انا مستغرب ليش الرياييل بحبون يغيرووون ترا كل حرمه الي في خاطرها في خاطر غيرها و الي عندها عند غيرها شو تبون ابا اعرف يا شباب من انك ترمس اكثر من وحده اذا ها الشغل عايبنك يا اخي الله حلل لك اربع ليش تدخل المعاصي و ثانيا شو تبا تسوي يعني تزني ((( من يزني يزا به))) يا اخي اتقي الله في نفسك و خلك عاقل ترا الحرمه ان عاملتها بحب و طيب والله بتحس باحساس حلو والله لتحس انك ملكت الدنيا و ما فيها البنت مدرسه وهي الام انا صراحه اشوف الريال بدون حرمته ما يسوى فلس والله ما جذب الي قال (( الام مدرسه اذا اعددتها اعددت شعبا طيب الاعراق))) ابا ارمس عن كلمة اعددتها منو الي يعد الام ترا الريال يا اخي كيف بتعد الام و انت روحك يبلك حد يعدك و يفهمك و يعقلك يالس تركظ ورا البيظه و السوده و المواطنه و الخليجيه و كل انواعهن الله يهديكم يا رياييل. اختي صراحه طولت شوي لكن في شي ابا اقول لج اياه:- وهل العلاقه اللي تكون مبينه ومبين صديقته اللي قبل تكون وايد قويه عشان جيه ما يقدر يصبر عنها او هي اتم وراه الين مايرد عليها.....؟؟؟ الي يقول ها الشي اكبر جذاب والله و السموحه اخوج شاحووووووووووف |
اممممممممممممم خليني اتفلسف.. طشووونه :24: شباااااااااااب مافي واحد في هالكون مايكلم بنت صح او لا ؟؟ عاده.. هب في هالكون <<< شي بس حليلهم.. 1% ليش الواحد يوم يعرس يرد ع ايام قبل يعني يرمس ويسوي حركات انتو اتجوفون هالشي غلط او........ مع انه الانسانه اللي عنده مب مقصره معاه في شي؟؟؟ يقولون.. تخلف عقلي.. او نقص عاطفه يعاني.. منه الرجل :D الريال محتاي وحده تفهمه.. يمكن حرمته هب قادره تفهمه.. وهاي وااايد منها.. من ايرد الريال من الدوام.. وده يرتاح.. اتييه حرمته.. ابا وابا وابا.. وانت ما سويت لي.. وانت ما شريت لي.. وهاي امك.. وها ابوك.. وووو.. مشاكل في مشاكل ربيعته.. أو اللي يرمسها.. اكيد هب امعرسه.. والمتوقع.. ما عندها مشاكل.. كل اللي عندها.. سوالف << فاضيه :D وهل العلاقه اللي تكون مبينه ومبين صديقته اللي قبل تكون وايد قويه عشان جيه ما يقدر يصبر عنها او هي اتم وراه الين مايرد عليها.....؟؟؟ هنيه.. يعتمد ع قوة العلاقة اللي امبينهم.. شي منهم عادي عنده.. يعني من عرس.. سوالها طاف << حليلها :14: وشي منهم.. اللي غصبوه اهله ع الزواج.. وكان هو يبا اللي يرمسها.. ف شي طبيعي.. ما يقدر يصبر عنها وشي منهم.. كان يتسلى بها.. وحليلها هي.. الضحيه.. وع بالها يحبها.. ف اتم وراه الين ما يرد واللي معرسين اباهم يردون؟؟ مب معرسه.. بس رديت << لقااافه :lol: وهل تتوقع انك يوم بتعرس تتخلا عن هالسواااااالف؟؟ ما ادري.. اسألي.. ريلي :lol: مشكوووره ع الموضوووع والسمووحه ع الاطااله كنتم مع.... درب_المحبه :66: |
و الي يبا يطري الزواج يدش اهنه اظغط هنا |
اسمية اخوية شاحوف ماقصر فالرد ... واريد اقول كلمة وحده .. للأسف الريال اللي مايتوب عن ها الحركات بيتم وراها حتى يوم يعرس ...واللي يفكر في قضاء شهوتة مع بنات غير حليلات هذا انسان "تعيس " في دنياه وبيتم طول عمره وراء الحرام الين مااتية ضربة يوقف بعدها على حيله ... احفظ حرمتك وبيتك "يحفظك الله " ، لو الإنسان يحس ان حرمته قاصرنها شي يحاول يرمسها وينصحها وان مايت بالطيب "يتزوج عليها" ، ولا انه يسري فطريج الحرام ... 0 0 اعيد واردد ، شاحوف اخونا ماقصر والسوالم |
مشكووور اخوي شـــاحوف ع الرد وصح كلامك والاسباب اللي قلتها صحيحه مشكوووره اختي درب الحب ع جوابج ع الاسئله وفلسفتج حلوه وان شاء الله ريلج مايرمس عليج.....خخخخ ومشكوووووور اخوي النعيمي ع الرد |
ماقصروا اخواني بس هاي من الريال عنده ضعف وازع ديني لان زوجته ماتقصر ويآهـ بعد الله يهدي شباب المسلمين يسلمو ع الطرح |
السلام عليكم عساكم بخير أولا اشكرج أختي الشامخة على موضوعج الرائع.. ثانيا أحي أخوي شاحوف على رده وفعلا ما قصر.. أما بالنسبة لوجهة نظري ما أعرف ليش البنية تعلق نفسها بريال في النهاية ما بيأخذها وليش الريال يضيع وقته مع البنات؟؟؟ بس الحرمة الشاطرة هي اللي تفهم ريلها وتساعده عشان يبعد من هالسوالف مهما كان الريال عنيد إلا انه بيي يوم ويتوب.. الله يهدي الجميع تقبلوا مروري والسموحة أختكم / اللؤلؤة |
عليج السلام ورحمة اللهـ مرحبا الساع الشامخهـ تسلم يمناج ع الموضوع ولاعدمناج يارب شباااااااااااب مافي واحد في هالكون مايكلم بنت صح او لا ؟؟ امبلا في شباب مايعرفون طريج البنات خير شر ولا ف عمرهم رمسو بنيهـ . ليش الواحد يوم يعرس يرد ع ايام قبل يعني يرمس ويسوي حركات انتو اتجوفون هالشي غلط او........ مع انه الانسانه اللي عنده مب مقصره معاه في شي؟؟؟ اكيـــد غلط بس شو نقول الشيطان لاعب بعقولهم تعرفين والله ربيعتيهـ ماصار لها 4 شهور متزوجهـ وسمعت ريلها يرمس بنيهـ موب مره مرات ومرات وعقب عرفت ان البنت الي يرمسها كان يعرفها من زمان بس هله ماخطبوها لهـ وهي بعد راحت ف نصيبها ومع هذا بعدهم يرمسون بعض يعني ع ذمة ريال وترمس غيره شو بنقول عنهم غير ان نفوسهم ضعيفه ومايعرفون الله ولايخافونهـ .. وهل العلاقه اللي تكون مبينه ومبين صديقته اللي قبل تكون وايد قويه عشان جيه ما يقدر يصبر عنها او هي اتم وراه الين مايرد عليها.....؟؟؟ في منهم علاقتهم قوية ولهم زمان يعرفون بعض وبنو احلام وآمال بس ربج ماكتب ولاتحقق منها شي بس المفروض يرضون بالي ربي كاتبنه لهم .. وفي بنات حتى لو عرس الريال الي تعرفهـ بتم وراه الين يرد ومابتخليه ف حالهـ يمكن نوع من الأنتقام لانه ودرها .. يعطيج الف عافية وزود وعساج ع القووة تقبلي مروري ولج التحيه والشكر |
لللأسف في بعض الشباب عقب ما يعرس ما يتغير وأنا أعرف وااايدين شباب يكلمون بنات بعد ما يعرسون .. ويوم تكلمونهم يقولون تسليه .. |
مرحب احم احم اول شي مشكورة عالموضوع الغاوي ثاني شي شاحوف ما قصر هههه ماشاء الله عليه ثالث شي بتفلسف شوي احم احم شوفي وراء كل رجل عظيم امرآة ( احم احم ) يعني الحرمه هيه لها دور كبير فحيات الريال يعني يوم تعرس الريل ريلها لازم تهتم فيه وماتقصر عليه بشي ابد والشيطان مب بس يوسوس حق الرياييل حق الكل فهي لازم ماتقصر فحقه ابد عسب ما يلعب بليس ويوسوس له ^^ وهالشي مب بس فاول ايامهم ولا فشهر العسل هذا الشي لازم يكون طول العمر لانه في رياييل شهر العسل لاصق في حرمته و مايبى يظهر من الحجره لانه حرمته معيشتنه بجنة وعقب تهمل الريال طبعا الريال يبى يعيش فجنه شهر العسل يعني لا تلومون الريياييل بس احم احم عسب جيه يمكن يرمس وحده غيرها ولا ولا ... الخ بس بعد يعني هو اول شي لازم ينصحكها ويقولها انه هي مقصره فحقه وانها لو ما ودرت حركاتها ترى بيشوف وبيتزوج وحده غيرها ( هني غصبن عنها بتصطلب وبتعيشه فجنه لوول ) اما عن اذا الحرمه مب مقصره وياه فشي فما اعرف شو اقول عنه الله يهديه ^^ بس القهر يعني عندك حرمه بالحلال ومب مقصره وياك تروح للحرام ليش وانت عندك حرمه بالحلال؟؟ واخر شي اذا البنت فيها ذرة احترام اصلا ما بترد ترمسه هيه يوم بتعرس ما بترضى ريلها يرمس البنت اللي كان يرمسها قبل يعني اوكي كان يرمسها قبل لا يعرس بس الله ماكتب لهم يعني هم اصلا مب مخلوقين لبعض خلاص تنساه وهو ينساها ومن ناحيه ما يقدر يقدر وغصبن عنه لازم يفكر فحرمته واللي بتكون ام عياله احسن له بدل ما يفكر فبنت ماكانت من نصيبه ^^ وجني وايد تفلسفت ^^ السموحه عاد |
الصراحه ما عندي تعليق لانه اخواني كفوا ووفوا بردودهم الطيبه بس بغيت اقول انه هذا يعتبر تخلف عقلي لا اكثر مشكورة فديتج على الموضوع وطرحج على الاعضاء |
عفوا اتمنى توجيه السؤال للجنسين مب بس الشباب يوم يتزوجون مايودرون سوالفهم الجديمة حتى بعض البنات بالنسبة للشباب وراء كل رجل عظيم امرءة وراء كل رجل فاشل امرءة 80% اتكون مرته هي السبب لأنها ماتكون له الصورة اللي يباها تنشغل عنه في امور تافهه جهل معظم البنات في أمور الزوج وخاصة تدبير أمور المنزل بعض الشباب أتعودو يتعشون برع مع مع ربيعاتهم فهو لما ايرد البيت وزوجته أصلا ماتعرف تتطبخ يا بيتعشى وياها برع طبعا في أول أيامه بعد فترة مابيرد البيت أصلا للأكل بيتعشا برع يا مع ربعه أوربيعاته بعض البنات يهملون الجانب الاجتماعي في الشباب وخاصة ان الشباب يحتكون في فئات وايد من الجنسين فالزوجة أحيانا ماتهتم في نفسها ولا في ملابسها وحتى بعض البنات مايعرفن يختارن عطر نفس الناس |
حتى انا مش متزوج لما اتوزج بقولك خخخخخخخ والسموووووووووووووحة |
وابوي >>>>>> نحن ماعدنا هالسوالف الماسخه اكلم بنت ماكلم بنت ........شوهالخرابيط هاي يسلمو عالطرح |
| الساعة الآن 09:40 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir