|
الحرمه الي تبا ريال و الريال الي يبا حرمه يدش هني [align=center][motfrk]السلام عليكم ورحمة الله وبركاته اللهم صل على محمد وعلى آله وصحبه أجمعين[/motfrk][/align] ابا افهمكم يا بنات و يا شباب شي والله مستغرب من الريال الي يشوف بنت تغني و لاترقص يتخبل عليها يا اخي ما قلت في نفسك شو من المواصفات الي فهاي البنت الي خلتها تعيبك باختصار الي بتقوله غنت ولا جسمها ولا وييها ولا لبسها ولا بيزاتها.....الخ , شو نسيت تسال عمرك اذا انها تصلي محتشمه خايفه ربها تقدر الحياة عند الريال الي بتاخذه تحترم اهلها ويوم بتاخذها كيف بتعيش وياك , ممكن اسالك سؤال يا ريال ؟ 1- ترظى تعيش عند وحده تغني؟ 2- ترظى تعيش عند وحده ترقص؟ 3- ترظى تعيش عند وحده مب محتشمه؟ 4- ترظى تعيش عند وحده فاصخه الحيا؟ ترا الحياء قطره اذا ذهبت ذهب الانسان كله لكن بسالك اساله ثانيه ممكن؟ 1- ترظى تعيش عند وحده تصلي؟ 2- ترظى تعيش عند وحده تحترم اهلها؟ 3- ترظى تعيش عند وحده تحترم اهلك؟ 4- ترظى تعيش عند وحده تقدرك و تحبك؟ 5- ترظى تعيش عند وحده تخاف عليك اكثر من عمرها؟ 6- ترظى تعيش عند وحده خايفه ربها و تكون انت جنتها و نارها؟ أكيد بيكون الجواب هيه دام جذه الموضوع ليش تركض ورا بنات الشوارع و المطربات والرقاصات؟ خلني اطريلكم سالفه مره يالسين انا و ربعي جان تطلع وحده تغني يوم شافها واحد من الربع قال هاي الويوه السنعه مب مثل حريمنا عزكم الله نعال مع العلم الي يتكلم متزوج الحين يا بني ادم يا الي قلت ها الكلام كيف تتجرأ تقارن حرمتك الي ساتره عليك و علي عيالك و ام عيالك الي تطبخ لك و تشقا لك و تغسل لك و تسويلك كل شي بنت العرب و الناس الي حافظه عرظك الي اذا ظاقت بك الدنيا ترجع الها بهاي الفاجره الفاسقه الي مطلعه عورتها كلها و ما تم حد الى شافها و عرفها يوم قلنا له جذه الريال استحى يا اخي اتقي الله في نفسك شو شعور الحرمه اذا شافت ريلها محطنها في عينه و مسكر عليها بقلبه و شو شعورها اذا كانت تطبخ لك غداك في المطبخ و هي تعبانه وقلت لها سلمت ام عيالي على الغدا الى سوته والله بتنسى كل تعبها و بتفرح وبيكون خاطرها متونس حتى يمكن تسويلك العشا مره وحده لكن شو شعورها اذا بيوم من الايام عرفت حرمتك انك خاطرك في وحده تغني و لا متعرف على غيرها والله ان قلب الحرمه كبير اذا حب مستحيل يكره لكن اذا انجرحت مستحيل جرحها يرد حرام عليك يا ريال ارحم شبابك دور الطيبه الزينه الخلوقه مب شرط تكون حلوه بسالك تكون عندك وحده شكلها ما يسوى فلس بس كل الاخلاق و الاحترام فيها ولا وحده قمر بس ما شي اخلاق ولا احترام؟ ترا الرسول صلى الله عليه و سلم قال حديثين من اعظم الاحاديث (( احذرو خضراء الدمن)) تعرفون شو خضراء الدمن يعني الحرمه الحلوه وايد بس ما قصد كل الحلوات اذا بتلاحظ سير اي سنتر و شوف بتلاقي احلا البنات منتهيات الى القله القليله و بتلاقي البنات العاديات محتشمات وايد و رسول الله قال (( تنكح المراه لاربع لمالها و نسبها و جمالها و دينها فاظفر بذات الدين تربت يداك)) شو يعني فاظفر بذات الدين تربت يداك يعني اختار البنت الي دينها قوي و هذا اهم شي هــــــــــو كلامي لكم يا رياييل. الحين يا دور البنات يا بنت الناس ليش من شفتي واحد غنى حلو قلتي اهنه الدنيا و لا واحد دش برنامج الميدان طول شعره و يال شوي قلتي اباه و احبه ما سالتي نفسج شو اخلاقه؟ الحين ممكن اسالكن يا بنات سؤال كمن ســـــــــــــــــــؤال؟ 1- ترظين تعيشين عند واحد يكلم بنات؟ 2- ترظين تعيشين عند واحد ما يصلي؟ 3- ترظين تعيشين عند واحد ما فيه اخلاق؟ 4- ترظين تعيشين عند واحد ما يحترمج؟ اما الحين بسالج اساله ثانيه ممكن؟ 1- ترظين تعيشين عند واحد يصلي و يخاف ربه؟ 2 -ترظين تعيشين عند واحد انتي موته و حياته؟ 3- ترظين تعيشين عند واحد يحب اهلج و اهله؟ 4- ترظين تعيشين عند واحد ما يهاذي الى باسمج؟ طبعا بتقولين هيه لان ها الشي كل البنات يتمنوه زين اذا تبين ها الشي ليش تركظين ورا الوييل ولا الي يغني ولا الي عنده بيزات و الى الي همه لبس و كشخه وجمال................الــــــخ والله يا بنت اذا طحتيلج بريال زوين بس فيه كل الي تبيه من اخلاق صدقيني بيكون في نظرج قمر 14 لكن ان طحتي بواحد عليه جمال يوسفي لكن بدون اخلاق والله لا تشوفيه بشع حتى لو يحلو بمرور كل دقيقه و ثانيه فانا ما ابا منكم شي غير تفكروووووووووووون قبل لا تختارون شو بتسووووون لا تقولين ابا واحد عنده رنج و لا ابوه وزير ولا هوه رئيس قسم بس ما شي اخلاق قولي ابا راعي البيك اب الي وظيته على قد حاله بس حشيم ما اقصد انج ما تاخذين ولد الوزير لا بالعكس خذيه اذا كانت اخلاقه عاليه كم تسوي تشوفين ريلج يحبج و يقدرج و عند عيالج و مربنهم احسن تربيه و عامليه باحسن اسلوب و كم يسوى اذا ريلج ياي من دوامه تعبان تكونين لابسه له احسن لبس و متعطره له و تفري له احلى الكلام والله لينسى كل تعبه الي تعبه في دوامه تراج ما تدرين شو يستوي له في دوامه اعوذ بالله اعرف رياييل من يدخولن البيت الحرمه تطيح فيه اشتريت؟ سويت؟ خذت؟ وين بتطلعني؟ يا اختي على الاقل اصبري عليه خليه يلقط انفاسه المهم هذا كلامي لج يا مره. اما في نهايت كلامي اسمحولي طولت عليكم والله ها الموضوع تعبني من كتابته و عساه ان شالله يعيبكم و ينفعكم و ما تطنشوني عليه و اتريا ردودكم و مناقشاتكم اخوكم شـــاحـــوف |
عليك سلام الله ورحمتهـ تسلم يمناك يالشيخ ع الطرح الرائع أسلوب واعي وراقي ف الكتابه موضوعك يرمس عن واقع نحن نعيشهـ بعض البنات والشباب مايهمهم ابد مضمون شريك الحياة وكل طموحهم شكل حلووو وجيب مليان لاأكثر . واايد استغربت من سالفة ربيعك وكيف طاوعهـ قلبهـ يطري حرمتهـ بالشينهـ جدام ربعهـ وعسب منو عاد فنانهـ باعت شرفها ورخصت بعمرها . ربي يهدي الجميع تقبل مروري ولك التحية والشكر |
اختي سلمى شكرا عمرورج الطيب انتي قريتي سالفة ربيعي استغربتي اذا كنتي موجوده شو بتسوين المهم شكرا لج |
فعلا الاخلاق اللي تحلي الشخص سواء كان امراءه او رجل وليس الشكل بس نلاحظ اغلب الناس يسالون عن الشكل والمظهر الخارجي مايهتمون في الدين او الاخلاق وثاني شي الجمال بيروح بس الاخلاق عمرها ماتغيرت ربي يعطيك العافيـه شيخي |
اكيد راضييييييييي بس حرمه اخييييييييييير ههههههههههه شو تبون من زواج خلين نستانس في حياتنا ترفون انا عمري حقيقي 16 تراى انا جامعي بس دخلت مدرسة بسرع انا ادرس برع |
اولااااا سلمت عالمــوضوع الغــآآوي <==اعترفي ماجنـج كنتي ناويـه اتــزفينــه خخخخخ لاوالله يـــوم شفتــ العنــوآآآن عصبــــت قلت شــو له هذآآ فاتح لنــآآآ موضــوع خطابــآآتـــ بـــس ابهرتنيـــه وخلــيتني انجــعم اخـــــــــــــــــــوي هي عبارهـ وحــده اللي اقتبستهــآآ هي مــربط الفــرس مثل مايقــولون اقتباس:
الجنــــه والنـــآآآر هالنـــآآآس اللي ترمــس عنهــــم ربــــ مايشكرووونــه اهــــــل مايفكــرون فيهـــم عيــــآآلهم طــز خل يولــون يصيعــون مثلنـــآآآآ هـــذآآآ كلـــه من شــو برآآآيـــك لانــهم حــآآطين برآآسهم انــآآ حر وسوي اللي ابــآآه حــرآآآم ولا حـــلال هذووولـــ ناسييـــن >>>مو جــآآهلين انتبه هنيه لانــه محـــد جــآآآهل في ايامنــآآ هذي ابـــــدن ابدن كله بين حـــرآآآم ولا حــــلالــــ لكن الشيطــآآن لعبهــآآآ صـــــح ويــآهم لكــــن مايــدرون ان في نـــآآآر وقودهـآ الناس والحجــآآره ياخي يانا ابكي بكــآآ من هالايـــه في سوره البقره قســـــم قسمــآآآتــ اني لما اوصــل عندهــآآآ شعري يوقفـــــ اقتباس:
انـــآآآ مااتخيــل هالحركــآآتـــ تطلع الا من عديــم الوازع الدينـــي في حيــآآته والمستهـــتر اللي مايهمــه لاحــآآضر ولامستقبل تحيـــآآآآتي لك وتشكـــر عالموضـــــوع الاكثر من روووعــــه |
اقتباس:
شكرا اختي على مرورج الطيب وعلى كلامج اللاكثر من رائع و الله يعطيج العافيه |
اقتباس:
اختي شكرا على دخولج لموضوعي وعلى ردج المتالق |
اقتباس:
اخوي ذياب بعدك صغير على هاي السوالف خلك بعيد هههههههههههههه المهم مشكور على المرور |
اقتباس:
اختي صراحه كلامج الي كتبتيه ها روحه موضوع كلامج انتي الاكثر من روعه و شكرا |
والله ما اقدر اقول الي ان عقلك اكبر من سنك ما شاء الله عليك ع العموم تسلم ع الطرح الاكثر من رائع ^^ |
اقتباس:
|
والله ياخويه الواحد بس يعرس ينسى عنده حرمه ويدور ع وحده غيرها بس يحبون التنويع ما اقول اني ما احب انوع كل واحد ينوع بس هب ع حساب شخص ثاني اما عن سالفة الريال والله العظيم احس فشيله بستحي ع ويهي اقول هالكلام جدام الناس يمكن اقوله بس بخاطري بيني وبين نفسي لكن هب شراته بس اكيد هو ما بيقول هالشي الا اذا عنده عذر بس بعد يعتبر منقود لان لازم يستر ع حرمته عيب يرمس عنها جيه بصراحه الطرح غاوي لكني ما عرفت اناقشك لاني مصدومه من الريال تسلم يمناك ع الطرح ونترقب منك كل يديد |
[align=center]تسلم أخوي على الكلام الرائع و الصريح جدا و اتمني ان تكون بكلامك هذا قد ايقظت ملايييييييييييييين العقول الغافله و الله يعطيك العافيه [/align] |
اقتباس:
اختي اشكرج بعنف على مرورج لموضوعي والله تعبت عليه اسميني استانس يوم اشوف ردودكم المهم مشكوووووووووووووووووووووووووووووره |
اقتباس:
ورد القصيد مشكوره على ملاطفتج لموضوعي و يا رب يفتهموووووووووووون |
مشكوووووووووووووووووووورين على مروركم |
[align=center]~*¤ô§ô¤*~تشكر حبيبي ع الطرح الرائع ندخل بالموضوع الناس أذواق وإللي يبغي رقاصه وبنت شوارع ياخذ محد بمنعه بس هو الخسران في الأخر الكل بتكلم عنه وبقولون ولد فلان خذ بنت علان بحشون فيه حش ع الطالعه والنازله مافي سيره غيره لو خذ بنت ناس وأصول شو بخسر والله الناس بقولون عرف يختار بس هالأيام يبغون نمونه ثانيه البنت الحشيمه والسنعه الكل يباها والبنت الشينه محد يباها أهم شيء في البنت السمعه الطيبه والعكس أمكن غيرك يباها هالأيام يبغون بنات برع البلاد أرخص للزواج وما بتخسره شيء مايهمهم كلام الناس الله يستر ع الجميع وإللي فاضح عمره الله بفضحه دنيا وآخره وإللي ساتر عمره الله بستره تقبل ردي البسيط والمتواضع أخوك وحبيب الملايين :*'*: مغازلجي مسجون :*'*:.~*¤ô§ô¤*~[/align] |
اقتباس:
|
الموضوع رقد اشوفه خخخخخخخخخخخخخخخخخخخخخ |
تسلم اخوي عالطرح الغاوي والسمــــــــــــــــــــوحة |
اقتباس:
الله يسلمج و مشكوره |
صح لسانك وسلمت يمناك الصراحه ابدعت في الطرح انا بصراحه من وجهة نظري ريال ما يقدر يستغنى عن الحرمه لانه الحرمه هي الي تقوم بواجبات البيت وتربية العيال فقصدي انا من كلامي يعني هو يوم يبي يجيب عيال يبى زوجه تكون حشيمه وساتره نفسه عن كلام الناس ولا تقولون انه الوافدات ارخص فصدقوني انه بنات البلاد احسن من الوافدات لانهن يعرفن يقومون واجبات الزوجية اكثر من الوافدات فاحسنوا الاختيار لانه بنت البلاد احسن عند زوجه وفي تربية اولاده اما البنات بالعكس كل بنت تتمنى تلاقي زوج يحبه ويقدره ويعطيه الكلمه طيبه تحس انه له قيمه في قلب ريله وتتمنى ستر لنفسه والحشمه فتحب انه يكون مواصفات زوجه المستقبلي حشيم ويخاف ربه فاتمنى الكل انه يحسن الاختيار في حياته لانه هو بيكون ندمان في الاخير اذا ما احسن الاختيار السموحه شكلي فلسفة واااااااايد عليكم ويالله انشاء الله الجميع يتوفق في حياته |
شموخ انثى كلامج مبدع وفلسفتج حلوه شاكر لج مرورج |
السلااااااااااااام عليكمـــــــــــــــــــــــــــــــ شحالكـ اخوووويهـ ؟؟؟؟؟ اخوويهـ هذا وااقع ووليت اللي ترمس عنهمـ موجوودين معاانا وويقروون مووضووعكـ كااااان وربي وودروو ها الخراابيط عنهمــــــ بس هم مقتنعيييييين بها الشي وومااشي شي يرردهم او يردعهم ووفووق كل هااااااا ضعف الدين عندهمــــــــ >>==هوو الحااجز ووالحااجب عن الغلطـ ووهذاااااااااا كنزززز ووها ربيعكــ يطرري حرمتة با الشينه جداام الناااااااااس شو هااا باايع المذهب كل هاا عسب فنااااااااانه >>--الحرمه شرواات الووردهــ من يكثر عليها اللمس تذبلـ ووهااي اي لمس كثر عليهااااااااااااا؟؟؟؟؟؟ ربي يعيييييين سلمتـ يااخووي ربي يعطيك الف الف الف عاافيه عسااك ع القووه لانعدم ها الطررح تقبل مرووري السموحه ع القصوور اختك: القمرهـ |
اختي القمره شكرا عمرورج الطيب والله يصلح الجميع |
http://up.dwltna.com/files/dwr6fylheyfif6u37nyl.gif يسلمووو الغلا ع الطرح الغاوي تبي الصراحه اول ما دخلت قلت السالفه فيها خطابه :21: بس بعد ما خلصت قراية الصراحه شو ما كان ردي فهو قليل في حقك.. ما شاء الله عيك كفيت ووفيت بالموضوع و المضمون.. فعلا هذا حالنا اليوم.. نحن نركض ورى الشي الي يلفت و المظاهر الخارجيه.. بس الشي الأساسيه ناسينه ..او بالأصح متناسينه!! يعني الريال زينته الحرمه الزينه الحشم و الرزينه.. شو له بعوار الراس؟ ليش شرفه رخيص و هين عنده يقارن رقاصه بحرمته؟ شو ما كان جمالها .. شكلها.. تصرفها.. دلعها .. او حتى سخافتها.. تراها ما عندها شرف .. ما تسوى الي عنده.. حتى لو حاول يرفع من قدرها من قيمتها .. بعدها ما تسوى الي عنده.. الريايل و الحريم ما عندهم شغله.. يوم الا فوادهم يتعلق بالي ينعرضون بالتلفزيون و الا الي شكله غاوي وغيره.. اساسا المفروض يدورون الي عندهم دين و متمسكين به.. الي هم عندهم الأخلاق .. الواحد ما يفكر بعمره وبس.. جدامه مستقبل.. ومستقبله مثل مستقبل اهله.. ابتدوا زوج و زوجه و انتهوا بعايله.. و الحال من بعضه .. اليوم ه وحرمته و باجر عندهم اعيال.. محد قال لا تخاذون الغاوين لا تاخذون الأغنياء.. بس فكروا مليووون مره قبل لا تقررون.. هذي هب حياتكم انتوا و بس..!! اعيالكم بعد من حقهم قبل لا ينولدون ان يكون لهم اهل يفخرون ابهم.. هذي حياتهم قبل لا تكون حياتنا.. يعطيك العافيه .. لا عدمنا يديدكـ تحياتي http://up.dwltna.com/files/dwr6fylheyfif6u37nyl.gif |
اختي ردج عجيب و مشكووووووووووووووره ع ردج الحلو |
شااااااااااااحوف شو هالكلااااااااااااااااااام...على قولت اخوانا المصريين.....يسلم بؤك... صرااحه وبدون مجاملة..انسااان اسلووبك جداص رائع بالكتاابة...اهم شيء في صااحب القلم ....انه يعيش القارئ كأنه عاايش الموضوع...ويتخيل كل سطر جدااامة.....والله يا شااحووف...لو كل الريايل والحريم يسمعون رمستك...ما صار طلاق ولا مهااده...ولا زعل وبيت اهل..... ياريال كل واحد ماله غير الثااني...شرات انته يالريال ما تبا حد يهتم فيك...الحرمة كذلك.... اشكر فنك يا شاحوف تقبل مروري |
اقتباس:
وزيرة الحب اشكرج بعنف صراحه استانست من ردج لي و ان شا الله اعيبكم و السموحه |
وعليكم السلام والرحمه والبركه ،، عليهم افضل الصلاوات ف البدايه تسلم ع الموضوع ويزاك الله خير اول شئ ،، كلام طيب ويسر الصراحه الله يرزقك من خير باللي تتمناه خلنا نتكلم عنا نحن اممم ما بجذب احيانا يوم اجوف انسان ف التيلفزيون اقول مثلا هذا حلوو لوول ،، بس مب لدرجه انيه اقارنه في ريلي ومستحيل طبعا اقول جدامه ولا جدام غيره لوول :4200: بحصل هزبه محترمه ،، شوفف راي الله ياخذ ويعطي ياخذ من انسان شئ ويعطيه شئ افضل منه مثلا مثال يعني ،، اذا خذ منه الجمال يمكن عطاه العطف والصبر والحلم ،، بالنسبه لي مب شرط الجمال ف الريال ،، اهم شئ صلاته واهله وانه يقدرني ،، الصلاهـ ،، فيها المحبه والالفه والطمئنينه ،، سبحان الله اذا الشيطان تمكن ف واحد منهم غدت حياتهم جحيم ونكد اهله ،، اللي ما فيه خير لاهله ما فيه خير لا ناااس ،، يقدرني كـ زوجه وام واخت واذا قدراني هاا بالنسبه لي اجمل وافضل زوج ف الدنيا لاني بصراحه ما تخيل ف يوم مثلا يقول حق ربعه هااي الويوه السنعه مب شرات اللي عندي الصراحه قويه ف حقها وغلط منه كبييييييير بس تعرف اخويه دايما من زمان هالكلمتين ف بالي ،، كنت اقول الطيبون للطيبات ،، اعمل خير وتحصل باذن الله خير ،، |
ام منصور شكرا على ردج الرائع و ان شا الله افيدكم اكثر |
. . . ٱڷڛڷٱم عڷيگم ۋ رـבـمة ٱڷڷه ۋ برگٱته أخوي الشاحوف سمحلي بس لا تعليـــــــق أخوي تعرف شو مشكلة هالوقت وهي صدقني هي المشكلة الوحيدة اللي مسببة كل مشاكل هالناس ((المظاهر)) أڿــــــــــــۋڪَم .* نــــ فـ ــــڛ آڷنـــ&^&ــــآڛ* . فـבـفظ ٱڷرـבـمن ۋ رعٱيته . . . |
اقتباس:
شكرا نفس الاوادم اقصد نفس الناس عمرورك لموضوعي والله يغافينا من هاي الافه و سلمت |
شكرا على مروركم اخواني و اخواتي |
شكرا على المرور الجميل |
الصراحه ما ارضى الا بريل يصلي ويحترمني ويحترم اهلي ,, ليش انعجب في واحد من خلال الشاشه شفته ولا اعرف اخلاقه ..الاخلاق اهم شي عندي .. مشكور اخويه ع الموضوع ,,تقبل مروري . |
صج والله صدقت في كل كلمة قلتها انا بنظري باخذ لي ريال ميسور الحال و يحبني احسن من ان عنده مليارديرات و ما احس بذرة حبه ولا كلمة حلوه منه و ع فكره صدقت يوم قلت ان الحرمه كلمة وحده حلوه اتنسيها كل شي حتى لو كانت زعلانه منك بس عقبها رمستها بهدوء و طيبت خاطرها بكلمة حلوه والله لتكون اسعد حرمة في الوجود و بتشيلك انت و عيالكم ع راسها و كل شي تباا بتسويه لك .. انا استغرب من بنااات اليوم واايد بنااات يفكرون في الشكل و ع فكره يوم الوحده او الواحد يقولون انا احب المغني الفلاني و لا انا احب المغنية الفلانيه .. انتهمما تعرفون ان في احدى احاديث الرسول مش ذاكرتنها بس ذاكرى معنى الحديث .. ان الانسان يوم القيامه يحشر مع من احب .. فكيف يا ترضون انكم تحشرون مع مغنين ولا مع فنانين تتوقعون شو بيستوي فيكم اذا انحشرتوا وياهم في يوم الحشر و هذا اليوم اعظم يوم في الحياه هذا اليوم اللي كل مؤمن و مؤمنه بيشوفون وجه الله جل جلاله هذا اليوم اللي فيه كل فرد و كل كان حي بيمشي ع السراط المستقم ... ادري اني طولت في الكلام بس مثل ما قال اخويه الشاحوف فكروا قبل ما تحبون و تعرسوون .. و صح ان في بعض المرات الاهل يجبرون ابناءهم على ان ياخذون بنت او ولد المواصفات المب حلوه بس لان فلان ولا فلانه عندهم شركات و فلووس و اغنياء و لا تجار و لا حلوين و ما يشوفون ان اذا هذا الشخص بيسعد بنتهم و لا ولدهم بسبب طمعهم .. بس تذكروا و خصوصا انتوا يا البنات انت الغنى غنى النفس و الحسمة و الكرامه و اختاري اللي يحبج و يحافظ عليج لانج انت في الاخيرى الاسلام كرمج و انت جوهرة الاسلام و طبعا لا تنسين انج بعد تحافظين على بيتج و عيالج في المستقبل ... و بث و تحياتي ع الطرخ المميز |
السلام عليكم رمستك صح كلن من البنات تتمنى تآخذ ريال يخاف ربه ويصلي وأخلاقه تووب الجمال هب مهم كثر الأخلاق لازم نفكر بطريقه صحيحه تسلم ع طرح الموضووع ربي يعطيك العافيه |
وعليييييييكم السسسلام المهم هيه والله خيووو كلامك صحيح وانا اقوول لك اني انا مو من النووع اللي يهتم بالجمال او بالفلوسس او بالوظيفه او و او و او............... انا من النوووع اللي يهتم بالأخلاق دامه واااحد يحبني واخلاقه شششينه وانا ششش ابي فييه؟ اما اذا كان واااحد يحبني وفقييير وكل عيووب الدنيا فييه ولكن محترم والله كل الدنيا ترخص عششانه اذا يبي عيوني تفداااه اذا يبي قلبي يفدااااه كل ششي يفدااااه....................! وهذا هو رايي.................................! |
| الساعة الآن 07:47 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir