|
{ هل تقبل بالخـدم .. الكل يدخل .. ~ بسم الله الرحمن الرحيم السلام عليكم ورحمة الله وبركاته الموضوع للنقأش .. ~ لا للردود البسيطه .. الموضوع يخص الخدم .. ~ أخوان مثل ما تعرفون نحن الأن في سنه 2008 ~ صأر الخدم في كل منزل وكثر بالدول الخليج الخدم .. طبعأ الكل ما يستغنى عن الخدم .. ~ لكن هل ترضى انه يكون أبنك بين يد خادمه صار في وقتنا الحالي الأم لا تحافظ على علاقتها الزوجيه وصار الخدم لهم دور أخر في المنزل وهي تربيه الابناء .. ~ وفي بعض الأحييان يتركون الابن بين يد خادمه وهم يذهبون لأشغالهم ... والأن الخادمه أخذت دور الأم .. وصار يتعلق بالخادمه أكثر من الام .. لماذا كل هذا .. هل لاننا انشغلنا بأشغالنا ونسينا اطفالنــا في يد الأجانب .. والبعض يأكلون من يد خادمهـ .. ~ هل صارت الخادمه هي الضروره في المنزل .. ~ ودائمـا تقع مشاكل في المنزل بسبب الخادمه ومــا نسمع الجرائم التي ترتكب من ناحيه الخادمات .. ونحن نأمن أطفالنـا بأيد خادمات ونأكل من أيدهــأ .. ~ لا نعرف ماذا يضعن في أكلات . . ~ لقد صارت قصه في خادمه عمتي .. هي بسبب الخادمه لقد رأتها عمتي تضع الأظافير في الأكل .. لكن العمه تركت الامر للشرطه باتصالها لهم .. ~ ومحأسبه الخادمه في المركز الشرطه.. والقصه الثانيه سمعتها .. حقيقه لا خيال رجل كباقي الرجال . . ضرب خادمه .. اما الكل في المنزل بسبب .. عدم طبخ الاكله التي يطلبوهــأ .. أنظر مكر الخادمات .. ذهبت الزوجه مع اطفالها الى التسوق وحدهم وبقي الرجل في المنزل وحده مع الخادمه قامت بقتله .. ووضعه في القبو تحت الأرض .. دفنته والشرطه لم تحصل على الزوج والخادمه قامت بالهرب والبحث عنها لكن مع مرور ايام حصلوا طلعت رائحه غريبه .. وكريه وقامت الزوجه بالاتصال بالشرطه وطلعوا الزوج الذي قد صار ضحيه من ضحايا الخادمات .. الخادمات ليسوا بامان في منزلنا كان في المأضي لا يوجد خادمات وكانوا حياتهم سعيده .. وكأن عايشين بأمان .. والان نسمع عن هروب بعض الخادمات .. والبعض تريد الذهاب لأهلها من بعد سنوات الي خدمتكم . .. ويمكن صارت الام مرتاحه للخادمه لكن هل تعرف بما يدور في عقلها } ~ ونحن لا نمنع هذا الشي بوضع خادمه لكن دورها في المنزل الافضل هي التنظيف فقط .. } ~ ونريد سمأع رأي الجميع بالموضوع .. [mark=ffff00]السؤال للجميع .: [/mark] 1 - هل تأمن أطفألك بأيدي الخادمات .. ؟ 2 - هل تقبل أكلات من ايدي الخادمات .. ؟ 3 - هل تقبلين بالخادمه تأخذ دوركِ في تربيه الأبناء ؟ والصراحه انا من ناحيتي ما أحب الاكل من الخادمه .. احب أكل من ايد الزوجهـ .. واكيد الكل وياي . هع هع واتمنى رأي الجميع بالموضوع .. والموضوع ليس منقول .. من كتابتي .. اخوكم رعووب .. |
- هل تأمن أطفألك بأيدي الخادمات .. ؟ لا 2 - هل تقبل أكلات من ايدي الخادمات .. ؟ عااادي 3 - هل تقبلين بالخادمه تأخذ دوركِ في تربيه الأبناء ؟ لا تسلمين أختي على الموضوع الهام والمميز ؟؟ |
هلا وغلا جوف اخوي رعوب انا لا غدى اتغدى ولا عشى اتعشى والسبه الخدامه والله انا ماداني شي اسمه خدامه وصح كلامك كل يوم طالعين لنا بشغله ياجريمة قتل ...الخ يعني في اليوم 2000 الف قضيه بس حق الخدمه واصلآ لو ماكان فيه شي اسمه خدم كان احنا مرتاحين بس شنسوي في بعض الامهات مهملات ويهدون يهالهم عند الخدم ولما الياهل يصيح الام تكون برعه والخدامه تذبح الياهل من الضرب عشان يسكت << طالع الغباء يضربون اليهال عشان يسكتون انزين ياهل صغير شعرفه وانا مااحب شي اسمه خدامه المهم ثنكس ع طرحك الرائع والسموحه ع الاطاله |
اقتباس:
لكن الاكل من ايد الخادمه ما نعرف شو فيه . .. الاكل اختي انا ولد .. هب بنت . |
اقتباس:
جميل . هع هع الخدامه ما نأمنها . . |
صبآآح الخير =] , . 1 - هل تأمن أطفألك بأيدي الخادمات .. ؟ طبعآ نووو هاللي نآآقص :خ9: 2 - هل تقبل أكلات من ايدي الخادمات .. ؟ طبعآآ نووو اموت يوع ولا اكل من يد الخدآآمه بس يآآخي سآعآت يوم نروح لحد طبخ الخدم عندهم يشهي ههههههههه 3 - هل تقبلين بالخادمه تأخذ دوركِ في تربيه الأبناء ؟ طبعآآ نووو واناا ضد فكرة ان الخدم يتولون كل شي فالبيت الخدآآمه الحين صآرت الام تربي وتنظف وتطبخ وتسوي كل شي بس عندي سؤال دام الخدآمه تسوي هذا كله الريآآل ليش متزوج .. ؟؟ لوول هذي كلهاا وآجبآت الحرمه اتجآه بيتهآ وريلهآ وعيآلها ولا مآ تتسمى حرمة بيت ----> اسمعن يآآ بنآآت هيع ونحن فبتنآآ انييب خدآمآت بس لا نحن ولا الوآلده نرتآآح لهم على طول تسفير ههههههههههههه والحمدلله دام البيت شي فيه بنآآت ماله دآعي للخدم شو فآآيدة البنآآت عيل :خ9: يآآلسآآت مجآآبلات النت والتي في وبس ----> شرآآتي يعني :خ9: لوول اهآلينآآ قبل مآ اييبون خدم ولا شيآآته مع ان حيآآتهم كآآنت اصعب عن الحين بوآآيد ..!! الله يهدي كل ام وتنتبه ع بيتهآآ وعيآآلهآآ وتسلم رعووب ع الموضوع يعطيك العآآفيه =] , . |
مشكور اخوي على الموضوع .. ؟- هل تأمن أطفألك بأيدي الخادمات طبعا نو اخاف لا تقتلهم خخخ 2 - هل تقبل أكلات من ايدي الخادمات .. ؟ هيه بس اذا كانت نظيفة 3 - هل تقبلين بالخادمه تأخذ دوركِ في تربيه الأبناء ؟ لا اخاف لا يطلعون لي كفر خلاف خخخخ |
- هل تأمن أطفألك بأيدي الخادمات .. ؟ لا 2 - هل تقبل أكلات من ايدي الخادمات .. ؟ نوووووووو 3 - هل تقبلين بالخادمه تأخذ دوركِ في تربيه الأبناء ؟ لا الله يهدي الحريم والامهات الي يهدون عيالهم بين ايدي الخدم |
[overline] 1 - هل تأمن أطفألك بأيدي الخادمات .. ؟ آكيـــــــــــــــــــــد لا وااااااااااااااااااااااااااااااااع مآأتآمن 2 - هل تقبل أكلات من ايدي الخادمات .. ؟ الصراحه الصراحه انا أتآمن لإيد شغآلتنا بس تكون يؤم تسؤي الآكل تحت عيني 3 - هل تقبلين بالخادمه تأخذ دوركِ في تربيه الأبناء [/overline] لا آقبل وآعآآرض بشده تسلم خيؤ عالطرح الغآوي ^^ |
1 - هل تأمن أطفألك بأيدي الخادمات .. ؟ طبعاااااا لا 2 - هل تقبل أكلات من ايدي الخادمات .. ؟ عاااااااادي أحس شغالتنا ما تسوي هالشي 3 - هل تقبلين بالخادمه تأخذ دوركِ في تربيه الأبناء ؟ لاااااااااااااااااااااا تسلم أخوووووية ع الطرح الرائع |
[align=center]أول شيء بتفلسف عليك وبعدين بجاوب على أسئلتك الصراحه كان خاطري أدرس فلسفه بس ما شيء نصيب الخادمه أو الشغاله أو بالأصح البشكاره في لهم عيوب وفي بعد مميزات الصراحه في ها الزمن محد يقدر يستغني عنهم تلقى في البيت الواحد ثنتين أو ثلاث وأمكن أكثر على حسب أنا عن نفسي لازم يكون في البيت بشكاره لازم وضروري بعد البشكاره والله هي بتكوي وهي بتغسل وهي بتخم البيت وغيره خاصه إذا كانت الزوجه حامل يالله تشيل عمرها تبغي بعد تشيل البيت والله حرام إللي فيها مكفيها أنا ما أرضى على زوجتي أو أختي أو أمي القاهم يسوون ها الأشغال الصراحه ها الاشغال متعبه وأنا ما أرضي لهم بالتعب أحب حق أهلي الراحه وقصدك تربيتهم للأطفال أو اليهال شو نسوي بعد الدنيا جيه ماشيه وما أظن ما بتتغير بس ساعات يكون في أهمال من الزوجه كل الوقت عند الشغاله ليش خلصتي دوامج خلاص أنتي عليج تجابلين عيالج والطبييخ والله أنا عن نفسي سمعت أشياء كثيره سووها الشغالات في الأكل حدث ولا حرج تحط لك في الأكل صرصور وإلا أبو بثن في الصالونه وغيره وغيره ما أبغي أتذكر أشياء وسخه تفسر الوساخه وإلا شغاله عمتي والله يوم أشوفها ما أرتاح ماده البوز وأحس أنها معصبه ومول ما تضحك أخاف يوم وتجيني صفعه على ويهي في شغالات يحبون يشتغلون بضمير والله وأنا شفت ها الشيء شغاله بنت عمي والله كله تضحك وتشتغل بضمير ويوم نقول لها شيء تروح وهي راضيه بروحها تقول لا لا عادي بسوي بس يفضل الواحد يوم بجيب شغاله لازم تكون مسلمه أكثر البيوت تلقاهم كفار خاصه الفلبينين وغيره الحين أجاوب على أسئلتك ؟؟ - هل تأمن أطفألك بأيدي الخادمات .. ؟ أمن ولا أمن إللي تلقاها تضحك وكلها روح رياضيه أنا أرتاح لها 2 - هل تقبل أكلات من ايدي الخادمات .. ؟ هيه أقبل بس لا زم يكون فوق راسها مشرفين قصدي زوجتي أو أختي .... ألخ عشان التأكد أنها غسلت يدها زين ولبست القفازات أهم شيء القفازات عشان ما اتقزز 3 - هل تقبلين بالخادمه تأخذ دوركِ في تربيه الأبناء ؟ تاخذ دور التربيه في حال الزوجه في الدوام أو في الشغل بعد ما ترجع من الدوام على الزوجه تحمل التربيه والشغاله ما تربي بس عليها توكل الياهل وتسبحه بس وعن الشغاله إللي عدنا الحمد الله زينين وما عليهم كلام الحمد الله على كل حال يعيطيك ألف عافيه ع الطرح تقبل مروري أخوك وحبيب الملاييين :*'*: مغازلجي مسجون :*'*: [/align] |
عــــن نفسي الموضوع خالصـــه منه بدوونـــ تفكير ماحط لي خدامه الا لـــو انجبرتـــــ ومـــو لعيــآآآلي اييبهااا اييبهـــآآ حق الغسيـــل والمساعده بس شيئين مايخصهـــآآآ فيهم زوجي وعيــآآلي وطبــآآخي وبـــــس ولااا هالايــآآم الله يستر على بعض البيــوت مسوين حــق عيالهم خدم ومحــد مامسوي هالشي الا من رحـــــم ربي سلمـــت عالموضوع |
1 - هل تأمن أطفألك بأيدي الخادمات .. ؟ نو وي 2 - هل تقبل أكلات من ايدي الخادمات .. ؟ نو وي 3 - هل تقبلين بالخادمه تأخذ دوركِ في تربيه الأبناء ؟ اكيد لا ولا قص رقاب الخادمه صح انها شي مهم بكل بيت بس مستحيل اامن بيتي بيد وحده غريبه مجرد تشتغل وتاخذ فلوس وانا شو يضمني هاي شو تسوي من ورايه ولا من ادخل ولا ولا واايد اشيا بس كم بقول وبعدد هب حلو الاعتماد ع الغير احلى شي كل واحد يسوي اللي يريده بنفسه بدون ما يعتمد ع حد يسلمو ع الطرح الغاوي ونترقب كل يديد |
[align=center] السلام عليكم ورحمة الله وبركاته 1 - هل تأمن أطفألك بأيدي الخادمات .. ؟ لا طبعا 2 - هل تقبل أكلات من ايدي الخادمات .. ؟ مـــــــستحيل ..... أموت ولا آكل أكلهم 3 - هل تقبلين بالخادمه تأخذ دوركِ في تربيه الأبناء ؟ لا الحمدلله ما عندنا خدامة في البيت ...... أذكر مرة يبنا خدامة وكان شكلها بريء وبعدين سوت لنا مشاااااكل واايد ... كانت تسير ويا السايق مالنا " قليلة الأدب" خخ ..... وكانت ما تنظف عدل . بس الحمدلله افتكينا منها .. واماية قالت بس ما تبغي أي شغالة وسلمت أخوي المرعب ع الطرح . ويعطيك العافية ^^[/align] |
[ هلآآآع لآآه احيييم .. يآآمرحبآآ السآآع رعوووب الدب .. خيخيخي .. احييم نبدآ بالاسئله .. 1 - هل تأمن أطفألك بأيدي الخادمات .. ؟ طبعآآآ نهي خخخ لآآ .. 2 - هل تقبل أكلات من ايدي الخادمات .. ؟ يب يب عآآدي لآن يسوون سآعآآت اشيآآء طررر خيخيخي .. 3 - هل تقبلين بالخادمه تأخذ دوركِ في تربيه الأبناء ؟ نو وآلف نووو انآآع وين رحت خخخ .. تسلم رعووب ع الطررح ^_^ .. ونآآع رآآيي يعني بالخدم نص نص شي زينآآت وشي مب زينآآت .. ^_^ .. |
1 - هل تأمن أطفألك بأيدي الخادمات .. ؟ لا طبعا .. عيالي و أنا اللي لازم أداريهم ليش تيبون عيال يوم انكم مب ناوين تربونهم !!! أنا أمووت ف اليهال .. ف عيال الناس فما بالكم بعيالي ؟؟ بحطهم في عيوني و أسكر عليهم =) 2 - هل تقبل أكلات من ايدي الخادمات .. ؟ أنا من النوع اللي يجز واااايد تلوع جبدي .. أحب أسوي كل شي بإيدي أحب الطبخ وااااااااااااااايد خخخ 3 - هل تقبلين بالخادمه تأخذ دوركِ في تربيه الأبناء ؟ تهــــبي !!! تحياتي ... |
السلام عليكم ورحمة الله وبركاته 1 - هل تأمن أطفألك بأيدي الخادمات .. ؟ طبعا لا ... انا خواتي ما امن عليهن وين عيالي من لحمي ودمي .... 2 - هل تقبل أكلات من ايدي الخادمات .. ؟ طبعا لا ... 3 - هل تقبلين بالخادمه تأخذ دوركِ في تربيه الأبناء ؟ هذا الي ناقص ... عيل ليش اييب عيال دام الخدامه هي الي بتربيهم ...؟ موضوعك حلو ... تصدق في واحد ياهل اعرفه فالكليه عمره 12 سنه امه وابوه متطلقين ... تخيل الولد هذا ساكن هو واخوه الي عمره 9 سنين ويا البشكاره بروحهم في بيت وش كبره ووش عرضه والام في مدينه غير مدينتهم والابو ما يدري شي عن عياله شي يقطع القلب والله ... ما اقول غير الله يعينا على هالزمن ... وتســـلم على موضوعك الرووووعه ... لا عدمنــــاك ... ونترقب يديدك ...~ |
الخادمه صارت شي أساسي في حياة كل أسره في مجتماعتنا .. نظرا لدخول المرأه في سلك العمل .. فهي تمثل حاليا نصف المجتمع بكل معاني الكلمه .. فــ من هنــا .. ستضع امكانية الحصول على الراحه .. من أولى أولوياتها ^^ لست ضد جلب الخادمات ابدا .. و لكن المسؤول عن جميع ماذكرته الاخ رعبوب .. المؤسسات المختصه بجلبهم .. اولا .. و ثانيا الاسره بحد ذاتها ^^ .. فـ اذا كانت الرقابه موجوده .. من كلا الطرفين .. واذا أخلص الطرفان في عملهما كما هو المطلوب .. لما حدثت هذه الجلبه .. و لعاش الجميع بسعادة و راحــة و أمـــان .. وهذا مانتطلع اليــه في وقتنا الحالــي ^^ وتسلــم خويه المرعب ع موضوع النقاش .. و السموحه منك خويه .. بس آمم في شويــة أخطاء املائيه في موضوعك ^^ و السمووووحــه ..*~ |
بسم الله الرحمن الرحيم السلام عليكم ورحمة الله وبركاته ان شاءالله تكون اجابات الاعضاء من قلوبهم ... أخي شوف فيه فرق بين انك اتيب خدامه او اتيب مربيه اخي انا وحده اتربيت ع ايد مربيه اهلي مالهم اي وجود بحياتي وللأسف وهالشي انا اتألم وانا اقوله لكن هذا الصج واللي بغيت اوضحه ان لو يبت خدامه اكيد بتكون للتنظيف والغسيل وماراح تلمس احد من عيالي لكن لو يبت مربيه يعني اختصاصها هالطفل مااظن فيها شي لان انا اتربيت ع ايد مربيه والحمدلله مافيني الا العافيه :) تسلم ع الطرح |
1 - هل تأمن أطفألك بأيدي الخادمات .. ؟ بالنسبة لى انا ماعندى مشكلة لان الخادمة اللى عندنا فى البيت نعتبرو فاها متل اختنا لانها تخاف علينا ونحن من يوم عرفنا الدنيا عرفناها معنى وهى تعتبر واحدة من العائلة فى البيت 2 - هل تقبل أكلات من ايدي الخادمات .. ؟ نعم وحب اكلاتها كتير وخاصة الكسكسى (البضاوى )لانها من المغرب 3 - هل تقبلين بالخادمه تأخذ دوركِ في تربيه الأبناء ؟ انا كيف ماقلتلكم انها تعتبر من العائلة وهى اخدت على عاداتنا |
السلام عليكم الخدم وجودهم ضروري من ايام الرسول صلي الله عليه وسلم وبالتأكيد مالنا اي غنى عنهم اما بخصوص ابناءنا واطفالنا اذا كانو مابين ايادي الخدم في هذي الحاله صار المسمى الصحيح لهم مربي او بالأحرى ( مربية اطفال ) مش خادمه مثل مايعرف الكثير ومش عيب انه الانسان يستخدم مربية الاطفال بشرط انها تكون دارسه وفاهمه شغلها بالشكل الصحيح وتكون من الجنسيات العربيه وماتغيب المراقبه ايضاً عنهم وهذا كله اكيد اذا كان الزوج و الزوجه مشغولين وطبيعي في زمنا الحالي ان الزوج والزوجه يكونون مشغولين لانه الاكثريه مابين الدراسه والشغل لتوفير لقمة العيش بسبب غلاء المعيشه لهسبب صعب ان الواحد يجلس بالبيت من دون دراسه وشغل لمدة 24 ساعه لمراقبة الطفل وبنفس الوقت مايقدرون يخلونهم بالبيت ويظهرون وانا وجهة نظري مافي حد احسن من الاهل لتربية الاطفال مثل الجد او الجده و ماشابه ذالك ^^ شكراً على الموضوع حبوب وبنتظار جديدك وهذي وجهة نظري :) الشاعر |
[mark=99ff00]يسلموو ع الطرح الغااااوووي والجواب الوحيد الي عندي للكل الاساله طبعاا لا بس شو نسووي الحرمه الحين تشتغل وتظهر وين بتحط عيالهاا عند امها عند عمتهااا انزين لين متى بتم ع هالحال فيه حريم يضون خدامات ما يعرفن شي ولا يفهمن الخدامه شو لازم يسون يعني كيف يعتنن باليهال حنا عندنا خدامه بس اميه مفهمتنها الشغل عدل كيف تعتني باخوانيه الصغاريه الخدامه تتعلم من راعية البيت اذا كانت المدام اوكيه فالخدامه ما راح تسوي شي منيه وراسها وانا شفت بعيني وحسب المعامله الحمدلله ما كل غلطت ع حد من الخدم سوى كان الطباخ او الزراع او المربيه حسب المعامله والامهات بهذي الفتره مهملات لاخر درجه كيف اذا تبون الخدمات يستون اوكي دامن المدام مش اوكيه مع عيالها وبيتهااااااااااااااااااا والسموحه ع الاطاله [/mark] |
وعليك السلام ورحمة الله وبركاتة يعطيك العافيه يالمرعب .. بخصوص الخدم ، اعتقد لاغنى عنهم في المنازل وخصة اذا كانت العائلة ممتدة ( الأب والأم والأبناء والجد والجدة) ولكن لااشجع الام على ابقاء اطفالها مع الخدم لما سمعنا عنه من جرائم وتحرشات جنسية وامور اخرى يفعلنها اثناء اعداد الطعام والسحر والشعوذة ...ألخ . ونصيحة لأخواتنا البنات الكثير من الأمهات مهملات في منزلهن واطفالهن وازواجهن وسبب ذلك انها اعتادت على الخدم 0 0 والسموحه ويعطيك العافيه |
1 - هل تأمن أطفألك بأيدي الخادمات .. ؟ طبعا لا 2 - هل تقبل أكلات من ايدي الخادمات .. ؟ انا كوب ماي ما اخليها اتييب لي هالمرة تطبخ طبعا لا 3 - هل تقبلين بالخادمه تأخذ دوركِ في تربيه الأبناء ؟ لاااااااااااا تسلم اخوي عالموضووع .. |
اخوي طبعا الكل يحتاج لخدم لان البيوت عوده ومايقدرون الحريم اينظفونه ابروحهم وهذا مككن سبب ثاني شي نحن الخدم الي فلبيت مستحيل ايدشون المطبخ ومستحيل حد ياكل من ايدينهم خلاص جي ممكن اتعودنا حتي اكلاس الماي انا اسير ايبه ابروحي وعن نفسي ماطلب منها شي والكل الي فلبيت جي ماعليه غير اتنظف البيت اكل تربيه يهال وهاي السوالف اهيه اوت - هل تأمن أطفألك بأيدي الخادمات .. ؟ لا طبعا 2 - هل تقبل أكلات من ايدي الخادمات .. ؟ لامستحيل ولا ولا حتي لو كانت نضيفه مستحيل ادش المطبخ اصلا 3 - هل تقبلين بالخادمه تأخذ دوركِ في تربيه الأبناء ؟ جواب عند الحريم |
1 - هل تأمن أطفألك بأيدي الخادمات .. ؟ نووووووووووو 2 - هل تقبل أكلات من ايدي الخادمات .. ؟ لااااااااااا 3 - هل تقبلين بالخادمه تأخذ دوركِ في تربيه الأبناء ؟ طبعا نوووووووو و مشكووور اخووي رعوووب ع الطرح اللي يباله صدق نقاااش |
السلام عليكم اخوي موضوعك طرررررر تعرف ان ولد ختيه بتعلق بالخادمة اكثر عن ختيه ... هي وحليلها تشتغل وترد من الدوام وتحاول تيلس وياه قد ماتقدر بس جد انا كل مرة اشوف الولد متعلق بالخادمة اكثر عن ختيه حتى ختيه قامت تنقهر بس ماباليد حيلة ... ارد ع الاجوبة: 1 - هل تأمن أطفألك بأيدي الخادمات .. ؟ لااااااااااااااااا 2 - هل تقبل أكلات من ايدي الخادمات .. ؟ حنا عندنا طباخة... بس الحمدلله نظيفة 3 - هل تقبلين بالخادمه تأخذ دوركِ في تربيه الأبناء ؟ لااااااااااااااااااااا تسلم خويه واترقب يديدك |
[align=center]مشكووووووووور أخوي على الموضوع الرائع لكن الصراحه ليش كل شيء اتردووووون اهماله من الام أنا ما انكر أنه لها دوووووور لكن الحين المراه تعمل (لا تقولون تقعد في البيت الحين الحياه اختلفت العمل يشعر المراه بالاستقلاليه ) (طبعا هذا راي ) يعني بترد من شغلها بتطبخ مثلا و الله هي مب مكيييينه و لا آله هي انسانه تحس و تتعب و على سالفه الخدم ما انكر ان وجودهم ضروري لكن لازم يتراقبن و هذا الي عندي تسلم على الطرح ملاحظه بعد الرجل له وظيفه واحد تقريبا اما المراه اربع وظائف و هي ( العمل و البيت و الزوج و الابناء ) الله يعينها [/align] |
1 - هل تأمن أطفألك بأيدي الخادمات .. ؟ لا طبعا 2 - هل تقبل أكلات من ايدي الخادمات .. ؟ انا اشوف ماما بالبيت تعطيها شغلات كثير الا الاكل ف عن نفسي اكل عادي بس مو كل شي ولازم قبل تلبس قفاز او جعلها ماسوت انا اسوي اشياء ي بنفسي 3 - هل تقبلين بالخادمه تأخذ دوركِ في تربيه الأبناء ؟ امم مستقبلا لا ومستحيل الف لا لاني شفت امثله كثييره يعني خذو دور الام وش الفايده يعني منها اذا جت مابقى الا تتزوج الرجال اذا كل شي عليها وشاكرة لك اخوي>>تحمست بالموضوع شوي خخ بانتظار جديدك تقبل مروري |
1 - هل تأمن أطفألك بأيدي الخادمات .. ؟ بعدني ماجربت الامومه ... بس اظن أني بهتم فيه بس بخليها اتساعدني في تنظيف البيت اما عيالي انا يبتهم ونا اهتم فيهم .... ولكل حادثن حديث 2 - هل تقبل أكلات من ايدي الخادمات .. ؟ يب خخخخخخخخخخ بس نحن خداماتنا طبخهن لذيذ 3 - هل تقبلين بالخادمه تأخذ دوركِ في تربيه الأبناء ؟ لا حشى عليه لو اهتمت بعيالي عقب بتسفرهم امممم عندي تعليق بسيط أنا أكيد بحط خدامه في بيتي بس ريلي أنا الي بغسل كناديره وبكويهن وانا الي بطبخ له >>> طباخه خخخخ اما الخدامه بس اخليها تغسل الصحون والتنظف البيت إلا غرفتي بحرمها اتدشها بنظفها انا وبس وعيالي بخليها تمسكهم وقت الطلعات ويا ريلي خخخخ >>> عشت الموقف المهم تسلم اخويه المرعب فــ انتظار يديدك يالشيخ |
اقتباس:
وانا مع الأخ أفضل شاعر بالعالم |
| الساعة الآن 03:32 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir