|
العين روحي وكيف الروح أنساها العين روحي وكيف الروح أنساها .. لا غابت الروح يبقى مدفني فــيـهــا إن رحت عنها وضامي مشربي ماها .. غصبٍ عليه تهل العيـــــــن تبكيها أرضي وداري بوسط القلب مفلاها .. إن غابت الشمس نورالحب يضوّيها العيــــن أمي ودايم أطــلب ارضـاها .. العـيـن زهره وتسلم إيد ساقــــيــــها الشـيـــخ زايـــد بعلم وخـيــر سواها .. وقته وماله وخـــيـره قام يعطـيـهــا العين غنوة وطفل اصغــيـــر غنّـاها .. العيــن قصة تداعـــب نفـس حاكيها لا جيت برحــل عيوني هلّـت ابكاها .. أمســح دموعي ونار الشوق أخفيها يا روح خفي لهايـــب حزنّ فرقاهـا .. شهــــرٍ وثاني وترجع بسمة ناسيها في كل لحظه فوادي يذكر ارجاها .. وفي كــــل جمله لساني كان يطريها مــــرت ليالي وحانت لحظة القاهـا .. اليوم عندي ليالي حـــــزن بطويها الـيــــوم راجع لدارٍ موت أهــواها .. يا ويــل غربة فوادي كــــــان يعنيها العين روحي وكيف الروح أنساها .. العين أرضي ودايــــم أفتخــــر فيها |
اذا هذي قصيدتج ابصملج بالعشره واقولج الله يوفقج القصيده في غاية الروعه قوه ومعاني ووزن تقبلي مروري اخوج بخيت المري |
صح السانك قلب دبي دائما تقدمي لنا كل ماهو جميل لا عدمنا جديدك المميز دمتي بخير ودام قلمك تقبلي مروري http://nabilagonem.jeeran.com/files/80564.gif |
صحـ لساانجـ وربي يعطيييجـ الصحهـ والعافيهـ وربي لا يحرمنااا من يديدجـ وتقبلي مرووري |
صح بدنكم ثانكس عالمرور اخوي حزم انا كاتبتنها لا تخاف |
اذا انتي مافيج حيله انا من اول كنت اقول انه عندج عزم واصرار بالعكس انا اشجعج وانا ما انقمج وربي يعلم بي عموما استمري وقوة قصيدج اذا ماخاب ظني بيكون ع البحر الطويل |
السلام عليكم ورحمة الله وبركاته صح لسااااااااانج ولا هنتي ع هالقصيده الغراام أبدعتي ختيه الكريمه الـيــــوم راجع لدارٍ موت أهــواها .. يا ويــل غربة فوادي كــــــان يعنيها العين روحي وكيف الروح أنساها .. العين أرضي ودايــــم أفتخــــر فيها والنعم السااااااااع وربي ودامه حزم ريش أبدى اعجابه خلاص ماشي رمسه من عقبه ههههه يعطيج الف عافيه نترقب اليديد..^^ |
الـيــــوم راجع لدارٍ موت أهــواها .. يا ويــل غربة فوادي كــــــان يعنيها العين روحي وكيف الروح أنساها .. العين أرضي ودايــــم أفتخــــر فيها وربي أبصم مليوووووووووووون مره علي هرمسه صح لسااااااااااااااانج ختيه فذمتيييييييييييييه أنج أبداااااااااااااااااع وماااااااااااااااعليج ززوووووووود أتمني أجوف الزود من جداج |
مشكورين عالمرور الرائع |
| الساعة الآن 11:32 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir