|
ما موقف الزوجه من زواج الرجل ..؟؟ السلام عليكم و رحمة الله و بركـاته موضوع هام جدآ زواج الرجل من إمرأة أخرى موضوع حساس بالنسبة لمجتمعنا الاسلامي قبل لا يكون القطري .. الزواج من إمرأة ثانية ننظر إليه من منظورين .. من جانب الرجل والمرأة حتى لا نظلم أحد من ناحية الرجل : هناك عدة أسباب وهي .. - حب الرجل للنساء وهذا طبيعي حيث قال تعالى في سورة آل عمران : " زُيِّنَ لِلنَّاسِ حُبُّ الشَّهَوَاتِ مِنَ النِّسَاء .. " إلى آخر الآية الكريمه - حب الرجل للأبناء " زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ" - عقم المرأة أو مرضها - عدم قيام المرأة بواجباتها تجاه الزوج (مثل كبر سنها على الجماع في حين الرجل لا يزال في قوته وهذا من أكثر الاسباب لزواج الرجل وتأخذه المرأة بحساسيه شديده وهذا واقع .. فأكثر الزوجات مع تقدم السن لا تقوى على الجماع في حين ان الرجل لديه الشعور بالقوه فيلجأ إلى الزواج) طبعاً إذا كانت هناك أسباب يجب أن تكون بشروط وهي القدرة على الانجاب مثلاً والقدره على العدل بين الزوجات أما من ناحية المرأة : فسوف أذكر الآتي .. - المرأة لا تحب المشاركه وهذه طبيعه وغريزة بها - تخاف من الاهمال في حالة زواج زوجها من إمرأة أخرى - والاهم هي غيرتها .. ولكن هناك ايجابيات وسلبيات من الايجابيات : - تكاثر النسل - عفاف الزوج - التقليل من ظاهرة العنوسه - في حالة رضى المرأة واحتسابت الأجر قد يكافئها الله سبحانه بالجنة (وهذا أهم شيء تغفل المرأة عنه) ومن السلبيات: - المشكلات الاجتماعية - قد يؤدي إلى طلب الزوجة الأولى للطلاق وتفكك الأولاد يبقى الاقناع هو سيد الاسباب فلو اقنع الرجل زوجته بالاسباب ومحاولة شرحه لها بهدوء كان أفضل في النهاية نتمنى حياة سعيده لكل أسرة وهذا ما حث عليه ديننا الحنيف أليس هذا هو من أحكام الله؟ هل نرفض حكم الله علينا؟ أم عندنا أسباب ودوافع مهمة للرفض؟ مما تخاف المرأة؟ وأنتي أختي هل تقبلين ولماذا؟ أم ترفضين الموضوع ولماذآ ؟ وفي حالة زوجج تزوج عليج كيف ستتصرفين؟ وأنت أخي هل تفضل الزواج بأخرى أم تكتفي بزوجتك؟ وفي حال أن رفضت زوجتك زواجك كيف تتصرف؟ هل الرجل المغرم بزوجته يتزوج عليها؟؟ هل الحب سبب يجعل الرجل لايتزوج على زوجته؟؟ وهل الحب يجعل المرأة توافق على زواج زوجها؟؟ هل يقتنع الرجل بالاكتفاء بزوجته ...؟ أنتظر آرائكم -- وردودكم... على احر من الجمر... :ans_flw: |
" وعليكم السلام ورحمة الله وبركاته لو بنرمس ع الشررع والدين بيكون شي ثآني الشرررع حلل للريآل 4 حريم اوكي هب مشكله بس عررس اذا فيه سبب ..اذا الحررمه قصررت ويآك اذا انت خلاص مآ تروم الاستمرآر ويآهآ بس لا تضوي شريكه عليهآ تعور قلبهآ>< انآ لو ريلي خذ حررمه عليآ وربي مآ اقعد عنده هههه احسس الموت اهوون لي من انه وحده تشآركني فيه ..احس اني بموت والله هههه:14: الله لا يقول تسلمين ختيه ع الطررح الطيب عسآج ع القوه..} |
[align=center]بصرااااااحه الموضوع جدا حساس قالوا وقالوا ان المرأه حساسه وايد بمشاعرها وقالوا انه عليج واجبات مسكينه وتحملت بالاخير زوجها يعرس عليها تراها والله صدمة حياتها تكون يعني ريال باعت الكل اللي جدامها واللي وراها وقبلته .. تحملته بالصغيره والكبيره وخدمته بكل شي ووحافظت عليه من كل شي وصانت نفسها له من الاخر ماقصرت .. بالاخير يعرس عليها ؟؟؟؟؟؟؟ لا والله حرااااام اللي يسويه فيها ماتستاهل ها كله اذا هيه سوتله هذا كله .. يعني الحين لو الشرع حلل للحرمه عادي تاخذ ع ريلها واحد جان حسوا .. كل اللي سوته له راااح خسارة العشره بس مش اجبار الريال ياخذ 4 الا اذا صار قصور والا اسباب بس وعسى الله يكون بالعوووون ومشكووره خيتوووووو[/align] |
اممممممم مابي اسمع طاريه |
مشكورين ع مروورك الطيب ! و لا هنتوا خواتي ! |
, . سبح’ـــآن اللهَ ! ع’ـــآدريَ خ’ـــل أيع’ـــرس ع’ـــلي شوفيهـآآ ~ ج’ــــنهَ الع’ــــيد . . فققتهَ مـآبـآ منه شيئ , خ’ــــل أيوديني بيت أهليَ , ,, بس صدقَ أذآ أنـآ كنت أح’ـــبه ح’ــــيل , و مـآكنت مقصرهَ ويـآه, و بعد يبـآ أيع’ـــرسَ !!!!! دوآه ع’ــــندي أو ع’ـــند أبوَيه أذآ اللهَ طول بعمرهَ فديته , , . و اللهٌ أع’ـــلمَ مـآفيَ ألصدورَ , يصيرَ ألي يصير !!!! الله أع’ـــلم . . , . |
مرحباااا :183: موضوع يخص الحريم اكثر بس حبيت احط بصمه لي هع :183: الشرع حلل 4 حريم صح؟ زين واذا الحرمه فيها قصور لازم الريال يتزوج عليهاا ومب بس يكون فيها قصووور الشرع واضح اذا هو عنده قدره يتزوج اربع عادي يتزوج بس اهم شيء انه يعدل (= بس عني انا براعي مشاعر حرمتي فى المستقبل هع :183: يلا شكراا على الموضوع (= تحيااتى ^.^ |
كلنا نتفق في البداية إن الشرع أعطى للرجل الحق الشرعي الزواج ب 4.. طبعاً لأن عينه دووووووووم زاايغه ..خخخخخخخخخ وما يعجبه العجب ولا الصيام في رجب .. خخخخخخخ ما شاء علي دائماً حكيمه وأنقط عسل .. خلوني أدخل في الجد بعيداً عن المزااح .. قضية لابد من التحدث بكل شفاافيه وصرااحة:: الشرع حلل الزواج ب 4 نساء لما فيه من حقوق الزوج والزوجة لأن هناك حالات يلزم الزوج الزواج أكثر من الزوجة يعني يقدر يتزوج في حالات مثل مرض الزوجة أي لا يمكنها أن تقوم بحقوقه الشرعية فمن حق الزوج أن يتزوج بمرأة أخرى أوالعقم يعني في خااطره عياال والحرمه عقيمه يقدر يتزوج بس أنا أقوول لو يصبر يعني ما فيه شيء مستحيل على الله وكل شيء مكتووب ومقدر .. تعرفون الحرمة أوفى من الرجل :: كيف !!! شوفوا كيف ومن وجهة نظري .. إذا الرجل عقيم صبرت وإذا مريض بعد صبرت وإذا بخيل بعد صبرت وإذا فيه أي عيب أو كان مقصر بعد تصبر أما الرجل فلا بس ينتظر الغلطة والعلة من الحرمة عسب يطلعها غلطانه ومقصرة بحقه ..ويتزوج .. هذا اللي أشووفه من أرض الوااقع .. بس بيني وبنكم إذا كل رجل تزوج 4 راح نقضي على العنووووسة والفسااد الخلقي اللي قااعد يصير في أرض الواااقع .. حلوة الفكرة يتزوج كل رجل ب 4 بس لازم يعدل بينهم.. يالله تنزيلات ولمدة محدده خخخخخخخخ تزوج وحده وأحصل على 3 مجاناً..خخخخخخخ همسة روحي بدوية :: كل الرجال راح أعطيهم الحق يتزوجوا من 4 عسب نقضي على العنووسة الا زوج المستقبل راح أذبحه قبل ما يفكر خخخخخ أناانيه بس ما أحتمل فكرة وحده تااخذه مني ...خخخخخ تسلمووو على الطرح الكشوووخي.. |
يعنى ما شاء الله على الحريم هم الى يعجبهم العجب وصيام بشوال :lolr43: عندي تعليق الحرمه اوفي من الرجل بس منو قااال ها الكلاااام ؟؟؟؟؟ :24: غلط ها الكلااام توني قبل اسبوع قريت قصه وحده متزوجه ريال ها الريال مريض ويوم عرفت انه مريض شسمه يقولون عن انيابها وطلبت منه الطلااق << وين الوفاء اللى تتكلمين عنه !!!! :24: بس دوووم ما نعمم الرياااال وفي وتحصلون وااااااايد اوفياء بس الحريم اللى مب عيبنهم شيء ومب كل الحريم في حريم والله يصونون ريلهم وبيتهم واعيالهم :24: حلوو العرض ها الاقل ممكن يخفض شوى من العنوووسه اللى يالسين نجوووفها انتم برايكم مساله سهله لا والله مب سهله قبل فتره جفت وايد حلقات عن العنوسه فى دول العربيه واظهرت نسب ان العنوسه وصلت حدهاا!!!! والبنت توصل عمرهااا 32 ومب معرسه ولا شيء يالسه تشتغل وبس وطبعا الاهل لهم الطامه الكبرى كما يقال مثلا ييهم ريال ما يعيبهم لازم يكون مليونير عشان ياخذونه حضرتهم والاب ما شاء الله عليه لا اسفين سير مالك نصيب عقب ييون ويقولن ليش ها العنوووسه نجوووفها ؟؟؟! :24: والبنت وطلبتهااا اللى ما تخلص تدفع الشاب ان يتراجع بس بس ما اباا ارمس وااااايد ما شيء فايده يلا عساكم على القووه :24: |
يالسه تشتغل وبس وطبعا الاهل لهم الطامه الكبرى كما يقال مثلا ييهم ريال ما يعيبهم لازم يكون مليونير عشان ياخذونه حضرتهم والاب ما شاء الله عليه لا اسفين سير مالك نصيب عقب ييون ويقولن ليش ها العنوووسه نجوووفها ؟؟؟! والبنت وطلبتهااا اللى ما تخلص تدفع الشاب ان يتراجع في هذا ما راح أعاارضك صح طلبااتها اللي ما تخلص ودلعها المااصخ خلى الشاب يعزف عن الزواج .. أنا أتفق معااك و أخيراً أتفقنا في نقطة دائماً أنا وأنت أفكارنا متضااربه.. .. شوف أخي الكريم العنووسة شيء خطير والله والسبب اللي ذكرته هب سبب يدفع الشااب للعزوف عن الزواج بس للأسف الشديد البنت أصبحت سلعة رخيصة في العاالم يعني أصبحت طلعااتها على كيفها وترمس اللي تبااه وتظهر مع اللي هيه تبااه وتحلم بفاارس أحلامها اللي هيه تتمنااه .. والشااب والسمووحة والله صار يلقى البنت في الشاارع ويراابعها ويطلع شهواته فيهاا هذا ليس خياال روحي بدوية بل من أرض الوااقع تقدر تشووف الفنادق والأماكن العاامة والبااركنات اللي يتوعدون فيها وشقق الدعاارة .. طبعاً أنا ما أعمم على كل الشبااب بس الأغلبيه والله يعني كل شيء موجود فليش يخسر عمره وعرس ومهر والبنت عنده جااهزة وفي أي وقت صح ولا ..!! بس صدقني أخي الكريم أنه ما يلقى الونااسه في هذا الطريق الوسخ وما يلقى الإستقرار النفسي والجنسي اللي هو يحلم فيه..!! والله اللي يسمع شو قااعد يصير خاارج نطااق البيت يموت قهر والله الزمن يخوف .. وبصراحة صرت ما ألوووم الوالد لما يمنعنا من الطلعات مع البنات أو إن البنت تااااخذ ليسن ما ألوومه من اللي قااعد يصير وبالأخص إنه يشتغل في مكان حساااس ويشوف بناات خلق الله .. على قولته في خاطرج تظهرين إيدي في إيدج بنااات لا ولا تنااقشيني ...!!! خوفه والله من اللي قااعد يصير خلاه يعيش في هوووووس ..!! ما أقول غير الله يستر علينا دنيا وآخره.. ويحفظ بنات وشباااب المسلمين من الرذيله والفسااد الخلقي.. أتمنى إجااباتي تكون شاافية لك أخي الكريم.. وسعدت والله بالنقااش معااك.. |
هههههه هييه اخيرا اتفقناا :141: مب سالفة متعارضه بس انا يوم ارمس اقول من خلال واااقع اجووفه :141: اللى يالسه تتكلمين عنهم هيلااا ما يخافون ربهم وما يخافون على اهلهم ولا شيء عسب جي عااادي بيروح يدوور على بنااات فى الشارع وياخذ اللى يبااه والبنات يعنى !!!! شو يابهم فى الشارع !!! والله مدري انا شوفي الى تخاف الله ما بتسوى جيه يتواعدون! زين لو تخااف على سمعتهاا ليش تقبل!! انا اجوف على الطرفين وخصوصاا البنات <<متطرف هههه :141: خيتوو بكل صرااااحه يعنى البناااات اجوووفهم 99 % فاسدين و1 % اوووكي وربي يحفظهم هيلااا يخاافون ربهم عدل وما يظهرون برع الا وهم محتشمين وحافظين كرامتهم !!!! والله بنااات يسيرون بالطريج وعيونهم فى الارض بسسس غيرهم الله يهديهم لابسهم شرا ويهم هههههه :141: الله يحفظ لج ابووج والنعم فيه اكييييييد يخووف ها الزمن ومن واجبه يحافظ عليكم ويبعدكم عن النااااس الشينه امييين ااميييين ان شاء الله تحياتى |
| الساعة الآن 01:28 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir