|
بنــــــــات المنـتــــــديات بنات المنتديات ( الي يدخل ومايشارك تراها في ذمته لين يوم القيامه ) السلام عليكم حبيت اناقشكم في موضوع واتمنا الكل يشارك فيه واي واحد منكم دخل اتمنى انه يشارك لنها في ذمته لين يوم القيامه المهم السالفه ومافيها ظاهره بنات المنتديات وهي انه البنت تدخل المنتدى وتضحك مع هذا وهذا ولا انها حاطه ايميلها وتقعد تجمع شباب عندها فالماسنجر ومافي واحد فالمنتدى الا وضافته >> صار سبيل والحين في ظاهره منتشره اكثر وهي القروبات واكيد انتوا تعرفونها لنه ماشالله عندنا الخير وايد وهي انه البنات والاولاد كلهم يسولفون مع بعض وشوي تتطور العلاقه وتضيفه ولا هو يضيفها ويسولفون مع بعض لين ماتكبر العلاقه واتعرفون الباقي( يضيع شرفها ) وحتى لو ماوصلت لين هالشي مثلا واحد دخل على هالموضوع الي فيه القروب وشاف البنيه كذي تتضحك وتسولف مع هذا وذاك والله اليوم رحت مني والله اليوم مدري وش سويت وش بيقول بيقول انه ام الرياييل !!!!!!! صح كلامي وولالا وانا توني مشترك فالمنتدى يعني جديد ومريت على المنتدى وشف كل شي فيه وبصراحه في بنات طاحن من عيني من سوالفهن الماصخه ويرمسن كنهن يرمسن مع اهلهن فالتلفون ولا شي ولا الوحده تسولف مع ربيعتها وتقول شو الي صار اليوم ماكنه كل الي فالمنتدى يقرون ويش قالوا ومافي مانع اذا البنت دخلت وقعدت تشارك مشاركات عاديه اما كل من شاف هالبنيه الي تسولف مع هذا وذاك بياخذ عنها فكره سيئه والسوالف ماتخلص مثلا واحد شاف ولد وبنيه يرمسون مع بعض ويتضاحكون بيقول اكيد هذا يعرفها من قبل ولا اكيد عنده فالماسنجر واكيد .. واكيد ... وانا شفت من هالاشكال وايد ومايحتاي اذكر اسامي كل واحد ويعرف نفسه ووش رايكم ياشباب هل الواحد يرضا تكون اخته منهن ولا بياخذ وحده كانت منهن ؟؟؟؟؟ وانتوا يالبنات وش رايكن في هالشي كلامي غلط ولا صح ؟؟؟؟؟؟؟؟؟ وتراني اتقبل اي اعتراض واتريا رايكم والسموحه كاني طولت عليكم [mark=ff0000]وانشالله النعيمي مايحذف او يغلق الموضوع[/mark] |
[mark=ff0000][overline]مـلاحـظـهـ : انا ما اقصـد البنات الـي يدشن مثل الي فالبرزه ولا فالقروبات يسولف سوالف عاديه لا بالعكس انا الي اقصده انه الي يمصخنها يسولفن ويا الشباب مثلا تعرفه على عمرها ولا تقوله من وين ولا مثل هالاشياء ..[/overline][/mark] |
لا تطمن مابحذف الموضوع الا اذا كانه مخالف ولا مكرر لوووووول يعطيك العافيه اخوية ع الموضوع الطيب فالبداية اريد اقول كلمة يمكن ارددها دوووم وهي ان المنتديات تعتبر ( كمجتمع الكتروني) مثل اي مجتمع ولكن مانشوف الا الكتابة ولا الشخص مانشوفة طوووول .. انا اقول لكل بنت ( الثقل صنعه ) والحيا مطلب وانتي بالفطرة خجولة ولكن من يضيع الخجل والحيا منج (شو بقى ) 0 0 في نظري يفترض من البنت تحتاط وحتى الرجل كذلك يعني نحن هب ع راسنا ريش لووووول 0 احيد من فترة بنية اطرش لي ع الخاص تقول انا ماحبك!!! ( اللي يقول انا عرفتج الحينه ولا تعرفيني زين ) واللي تبا تتعرف ..!! وانت وامانتك !. والله ياخوية ماعندي شي اقوله الا اني اتمنى من كل بنت تلتزم بالأخلاق والمنطوق الطيب وتتحلى بالخجل والأمانة امام الله واهلها 0 0 تسلم وبارك الله فيك والموضوع يستحق التقييم 0 0 اخوك / النعيمي |
[align=center]وعليكم السلام ورحمــة اللـه وبركـاتــه أنا ماامانع ان اختي دخل منتدى وتشارك فيه لكن بحدود الأدب والأخـلاق طبعاً ، ماتقط الميانه وتسولف بكل شي ولا تقعد تغنــج بكلامها ولا بأسلوبها،وان كان مع بنات جنسها زينتها برزانتها وحياها، حتى الشباب افضل الرسمــيـه في التعامل. شكراً لك على الموضــوع الـخـالــدي[/align] |
[mark=996633]صدقت[/mark] اخوي بكلامك صج شي بنات مثل جي وهب كل البنات مثل بعظ طبعا > [mark=cc6666]المهم [/mark] انا اول ما اشوف مثل جي بنيه قسم بالله انها تطيح من عيني يعني اوك يمكن[mark=0066ff] تسولف[/mark] سوالف عاديه وتسال عن الاحوال وجي هاي عادي بس انه تتمصخرر وتقظيها ظحك ومصخرة [mark=ffff33]الصراحه[/mark] ها شي ما ينسكت عنه > يسلموو ع الطرح الحلوو اخوويهــ [mark=993366]ربي لاهانكــ [/mark]والله يهدي اليميع >.< |
وعليكم السلام انا اوافق النعيمي لازم البنت تتعامل مع الرياييل بحدود لانه هذيلا مب هلها وغرب عليها مب تخورها في الرمسه وماله داعي تعق علومها لهم وتحترم ثقة هلها لها الله يهديهن |
وانتوا يالبنات وش رايكن في هالشي كلامي غلط ولا صح ؟؟؟؟؟؟؟؟؟ صدقت يا ~ استراحات زايد ~ حتى انا جفت وااايد بنات مزوودينها و هم يرمسوون ويا الاعضاء الثانيين ! و انا هب من هذا النوع هذيلا بناات تقصد انهن ---> بنات لـوث مااعندهن حدوود ولا مستوى ولا اي شي ماقوول غير الله يهدييهن |
السلاااام عليكم اوووولا بعض البناااات هب كلهن ثانيا بعض ها البناات اللي انته ذكرتهم هيلاا يحبون يثبتوون وجوودهن فـ كل مكااااااان وويلفتوون النظر ومتووفر منهن فـ كل بقعه هب بس المنتدى ؟ يعني هيلاااااا هم حياتهم جيـ اذا ماكونوا علااقاات من المنتدى في من بررع المنتدى يعني كلاامكـ لاتقصره ع المنتدى ووبســـــــ الله يهديهم ان شاءالله واللي في غفله من امرها ان شاءالله تنتبه لعمرها قبل مايفووت الفووت اخووويـ استراحااااات عنواان الموضووع لفت نظرريـ واايد وهو بننااات المنتدياات = بناااات الليل سلمتـ اخوويـ الله يعطيكـ العافيهـ ومووضووعك هذا دليل على حررصكـ نترقب كل يديد من صووبك تقبل مرووري السموحه ع القصوور |
انا معاك بهالكلام اخويه اذا الوحده مجرد فالمنتدى يعني اطار محدود وحشمة عمرها تسولف عادي بس بحدود ما تظهر عن المنتدى فهالشي عادي لان نحن بمجتمع ولازم نتعايش مع هالمجتمع اوكيك بصراحه الشي الغريب كيف البنت تضيف واحد من المنتدى فايميلها هالشي محير وحتى تعرض ايميلها اعتبر نوع من الخصوصيات يعني هب زين اتسويه وع فكره اتطورت برامج الهكر يعني عادي اي واحد يهكر عليها ويضيع شرفها بلمحة عين انا معا النعيمي بكل كلمه قالها بس حبيت اقول انه هب بس بنات المنتدى اللي يسون هالشي حتى الشباب يعني الموضوع هب بس يقتصر علينا تسلم يمناك ع الطرح ونترقب منك كل يديد |
موضوع يطرح منذ الأزل نصائح شبعنا منها والقضايا تطرح ونشوف مالضحايا ما نشوف بس آخر شي كلن له عقل ويفكر بس للاسف العقول لو هي في حالها جان نحن بخير وايد اشيا يعيق هالعقل انه يشتغل بما يرضي الله واولهم نظير العقل >> اللي هو القلب!! بمعنى التفكير عن طريق الاستهانه بالعقل واتباع العاطفه والقلب.. هذا عائق واحد لمهمه العقل وشي وايد غيره ما بعد لانه ما بخلص كلن عقله براسه يعرف خلاصه ومرات الفرس غصب عنها تطيح امر الله ما يوقفه شي بس على فكره لا تستانسون وايد يالشباب انه ردينا وناقشناكم مب معناته البنت دوم هي المدانه الله يخلي الشباب واخلاقهم العاليه!! الشباب مش معصومين مالخطا ومرات يكونون عباره عن شياطين في شكل بشر الا من رحم الله بس دوم جيه عقوا السالفه ع راس البنيه والشباب عباره عن ملائكة الله على الارض هههههه حليلهم عالعموم هي كلمه تختصر كل اللي انقال وممكن ينقال عقب مليون سنه عقلك في راسك\راسج تعرف خلاصك\خلاصج وانتهينا وسلامتكم |
السلام عليكم نورتو الموضوع وتسلموون علـى الردود ويا بنات انا ماقصد البنت الي تسولف سوالف عاديه لا انا اقصـد البنت الي تسولف وتقول علومها و وين سارت و وين يت و ويا منو ومن هالاشياء وانا ماقصد انه الشباب عـادي ونحن عقينا العيله عليكن لا بس الشباب غيـر يسولفون ويشوفون حد سولف وسولفو هههه لازم تسوون طـااف انا بصراحة ماداني المغازل وهالاشياء والنعيمي : ماشالله عليـك ردودك تكفي كل الردود هههه كلهم انا اوافق النعيمي بالراي وحيـاكم . . |
صدقت يااستراحات.. اكثر مااكره حركات السخافه والميانه اللي مالها حدود عيب الوحدة اصلا تتكلم بموضوع يختلف عن الموضوع المطروح يعني لو واحد حاط موضوع عن صور لازم كل من يدش الموضوع سواء بنت او ولد يرد ويكون رده مقتصر ع رايه بهالصور مو يقعد يسولف ويمط السالفه يطيحون من عيني البنات من تقعد وتكلم وتسولف مع الشباب وحتى الشباب احسهم(-----)ليما يسولفون مع البنات بكل صراحه وجرأه يعطيك العافيه استراحات خليتني ابيح عن صدري ههههه |
سلااااام .. اخوي في واايد بنات جي .. بس مو كل اصابع ايدك سوااا .. انا يوم دخلت المنتدى كنت محطيه حدود حمرااا بيني وبين الشباب ومستحيييل اضيف شااااب في الايميل ,.. عااادي هالشي صااار شي عااادي عندنااا ا..ٌ اونه اخوووي وعااادي .. يسلمووو ع الموضوع |
نـورتو المـوضوع وحيـاكم |
السلام عليكم ورحمة الله وبركاته كل بنت وفي شو نيتها من هالشي ... ومب كل البنات سوا ... والله يهديهن ان شاء الله ... بس انا عندي ملاحظه لك الي هي عنوان الموضوع نفسه " بنات المنتديات ( الي يدخل ومايشارك تراها في ذمته لين يوم القيامه ) " على ما اعتقد ياخويه الواحد مب ملزم عليه ان يرد على كل موضوع يدخله يمكن دخله بس ما عرف كيف انه يرد عليه ... وتبا الصراحه الواحد يتنرفز من يشوف مثل هالعناوين فانا اشوف هالشي لافي صالحك ولا في صالح المنتدى ... والسموحه .... |
اولا السلاام عليكم اخي ومشكــور عالموضــوع اللي اعتبره في قمه الاهميه لانــه صج هالشي صــآآر زايــــد عن حــدهـ وبقوولك شغله يمكـــن طااافتك انه اغلبــ البنات اللي ينجرفون ويا التيــآآر اغلبهن مرآآهقــآآآتــ>>>الحبل مفرووور عنهن هاي نقطه بس مايمنع ان العاقله الفاهـــمه ممكن اتطيح لو مااحتاطتـــ وعسبـــ اكــون اكثر صــرآآآحه انــآآآ اضحــك واسووولــف مع الكــــل>>بنيه او رجــل وبحـــدوود بعــد لكنـــها ماتوصل للمواصيل اللي ذكرتها مثال عندي بمنتدى ثاني في عضووو>>>كل البنات يوثقن فيه وللامانه هــو الوحيد اللي ارسل له عالخــآآص لو عندي مشاكل بالكمبيوتر واللي مريحني اكثر انه متزوج وفعلاااا نعم اخ ونــعم تفكير عنده وماتصرفت وياه الا باسلوبــ ربي يرضاهـ وهو عالم بالنوايا اما الباقيين كلهمـ >>>>تجــآآهل لانهم يبون اشيا مايرضاها حد وبالنسبه لهذيل البنـــآآآتـــ لازم يووعون ان الله يشوفهم ولو مافكرو بانفسهم على الاقــل يفكرون يوم بيلاقون الله شو بيقولون راح يقولون بكل عين قويه >>>>كلمنا وانتهينااا بــــــــــــس بامـانه ياخوي مع اني ماسويـــت شي غلط ونيتي مع اي شخص يوم ارمس اي احد سوااء من قريب ولابعــــيد مافيها شي بس احـــس بالذنـــب >>>>اقصـــد خايفه لاكــون مقصره بشي تجاه رب العالمين من ناحيه الرمسه نفسهاااا للرجال سواء خير ولاشر الاصــل من الكلام بالمنتدى انه حرآآآآم وانا مادريت راسي من ريولي ربنا يعيــــن ومشكوور اقين وعذرآآآ على الاطــآآآله الله يهدي الجميع |
[align=center] السلام عليكم ورحمة الله وبركاته ... أسعد الله مساكت وصباحكت بكلـ خير ... طاالـ عمرك موضوع جيد ومهم بنفس الوقت وجوهرهـ اجملـ حبذا لو كتبت عنوان الموضوع ولمـ تكتبـ ... _ (( الي يدخل ومايشارك تراها في ذمته لين يوم القيامه )) هذا نقاش والنقاش طرح وجهات نظر من قبل عدة شخصياتـ تمحور فكرها عبر الموضوع ومنهم من طرح وجهة نظرة ومنهم من لم يريد طرح فكرة لعدة اسباب من نفسه ... _ لذلكـ ليس مجبور أي شخص بالاجابة أو الإفصاح عن رأيه إلا غذا كان معني بالامر أسف سيدي وأرجو انـ تقبلـ هذه الملاحظة مني .. _ والموضوعـ جميلـ جدا لانـ جوهرهـ اروع من الرائع والامر منطوي ومعروف ايضا وجزاك الله خيراا فيما طرحتـ وهي مشكلة تعدي الخطوط الحمراء في عدم التقيد في الرسمية في التعاملـ بين الأعضاء .. وهذا اصبح الانـ شي عادي عند البعض .. _ ونحنـ نعرفـ الامر بأنه خط او ماشابه وأيضا نحنـ ليس معصومينـ لكنـ الامر مشى على هذه الطريقة وماعلينا إلى أنـ نحاولـ ان نغيرة وامر التغيير لا ياتي من يوم وليله للقناعات المبنيه عند كل شخص .. _ و نرجو من الفتيات والشبانـ التقيد بما هو مطروحـ ولكـ جزيلـ الشكر منيـ .. _ أما عنـ سؤالكـ فلا مانعـ إذا كانـ من بني جنسها بحدود معينه وظوابط معينه والتعاملـ ايضا برسمية ... _ شاكر لكـ طرحكـ الجميلـ ... دمتـ بالود و الورد .. إحتراميـ و تقديريـ .. هبوب الهوى [/align] |
وانتوا يالبنات وش رايكن في هالشي كلامي غلط ولا صح ؟؟؟؟؟؟؟؟؟ كلامك صح اخوي الله يهديهم ويهدي الجميع |
وعليكم السلاام والرحمه اول شي حبيت اشكرك اخوي على الموضوع ويعطيك العافيه:13: وانا اايدك فكل كلمه قلتهاا وهالبنات الي تقول عنهم لازم يحطون فبالهم شي واحد ان اهلهم عطوهم الثقه ولازم كل وحده فيهم تكون قد هالثقه الي عطوها ايهاا وانا عن نفسي مستتتتتتتتتحيل اخون ثقة هلي فيني والحمد لله عمري ما ظفت شباب عالمسن ولا افكر اظيف اصلا وبعدين انا حاطه فبالي قااااعده ان مستتتتحيل اي واحد يقول حق وحده ابي اكلمج ولا ابي اتعرف وتكون نيته شريفه بس الاخ يبي يتسلاا والبنات مساكين يصدقون يعني مثلاا شنو نهاية هالعلاقه؟!؟! صداااقه مثلا ومن متى بناتنا يرافجون شباااب... ولا بتكون نهايتها زواااج وهالشي من سابع المستحيلات لان اي شاب كلم وحده مستحيل يفكر يرتبط فيها لان بيحط فباااله (((دام انها كلمتني اكيد بتكلم غيري))) نصيييحه مني لهالبنات تركووا عنكم هالسواالف لان ما وراها فايده ومصيركم بتندمون عليهااا... انا ما اقول لكم لا تشتركون فمنتديات بالعكس في منتديات مافي احسن منها.... وبس... وفالنهااايه احب اشكرك مره ثانيه اخوي وما تقصر:) واسمحلي طولت عليكم:g_haa: |
انا الصراحه كلامي من كلام اخويه النعيمي واختيه ريم القطرية كل شي بحدود ..وترا اللي يزيد عن حده ينقلب ضده.. وما اشوف فيها شي لو مثلا واحد عيبته مواضيع وحده ودوم يشارك ويرد عليها ويتناقش معاها وبالبنت بالمثل بس بحدوود .. وبعدين لو تلاحظون ان الاكثر يوم بيرد والا بيعلق قال اخوويه فلاان والا ختيه فلانه .. يعني حاسبين بعض شرات الاخوان اللي نسولف وايهم .. في مجتمعنا الالكتروني .. شي طبيعي اني بيكون اسلوبي غير مع اشخاص واشخاص .. بس ليش ؟!! ممكن في حد اعرفه من فتره طويله .. او حد مميز في طرحه ومواضيعه .. بس بعد مب لازم اطيح المياانه وايد .. |
السلام عليكم ورحمة الله وبركاته صدقك اخوي ع هالموضوع و احمد ربي اني مب من هالنوع بس السلام عليكم ، شو الاخبار ..الخ مب انه الموضوع توصل الى انا فلانة كذا كذا و حابة اتعرف !!لا!! المنتديات مسوينها حتى الكل يستفيد من الثاني ، مب انه ييلسون يتعارفون .............. تسلم اخوي ع الطرح يعطيك العافية تقبل مروري |
وعٍـٍـٍـٍـٍـلٍـٍـٍـيٍـٍـٍـكمٍـٍـٍ آلٍـٍـسـٍـٍـٍـلآمٍـٍـٍـ وآلـٍـٍـرحمٍـٍـٍـهـٍـٍـ آلٍـٍـٍلٍـٍـٍهـٍ وبـٍـٍركٍآٍآٍآتهـٍـٍـ .. وآلٍـٍـلٍـٍـهـٍ آلٍـٍـمٍـٍـٍوضـٍـٍـوع صـٍـٍـدقٍـٍ يسٍـٍـتٍـٍـٍآهٍـٍـل آلنٍـٍـقآٍآٍآٍش.. وانتوا يالبنات وش رايكن في هالشي كلامي غلط ولا صح ؟؟؟؟؟؟؟؟؟ وٍآنـٍـٍـٍــٍـٍـآ رآٍآٍآٍآيي آنـٍـٍـٍـهٍـٍـ كـٍـٍـلآمٍـٍـك صـٍـٍـٍـح 100% .. آلبـٍـٍـنيـٍـٍـٍهٍـٍـ يـٍـٍـوم تـٍـٍـٍدخـٍـٍـٍـل آلمٍـٍـنـٍـٍتـٍدى مــٍـٍب آلعٍــٍـٍـٍيب آنهٍآٍآٍ تـرمسـٍـٍه هــٍـٍـٍذآ وهـٍـٍـذآآٍٍآكـ.. آلعٍـٍـيـٍـٍبٍ آنٍـٍـهٍـٍ ..كيـٍـٍـٍـف تـٍـٍـٍـرمٍـٍـس آلٍـٍـٍشـٍـٍخـٍـٍـٍـص.. يعٍـٍـنٍـٍـي مٍـٍـٍـثـٍـٍـٍـلآً لـٍـٍـٍو دشٍـٍـتٍـٍ عـٍـلىٍ وسـٍـٍلمٍـٍت عليـهٍـٍـ . مجٍـٍـٍـرد سٍـٍـلآٍآٍم .. ولآٍآٍ إذآ سٍـٍـآعٍـٍدتٍـٍـه بخٍـٍـتصـٍـٍـٍـٍآآر تٍـٍـرمسٍـٍـه بـٍـٍحدود مآٍآٍآٍآ بٍـٍـيٍـٍـصيٍـٍـٍر شٍـٍـٍي .. بٍـٍـٍـٍس مٍـٍـوضـٍـٍـوعـٍـٍـك نـبهٍـٍـٍنٍـٍـي آكثـٍٍـٍـٍـر .. وـٍـٍتٍـٍـٍـسٍـٍـٍـلمٍـٍ عٍـٍـلٍـٍـى هآلٍـٍـمٍـٍـٍوضٍـٍـٍـوع .. وصٍـٍـٍـدقٍ.. آلمٍـٍـوضٍـٍـٍـوع يستٍـٍـآهٍـٍـٍـل آلٍـٍـٍـتقٍـٍـٍيٍـٍـيٍـٍم .. ولٍـٍـك مـٍـٍـن عنٍـٍـدي 5.. ولٍآٍآتحـٍـٍـٍـرمٍـٍـنٍـٍـٍآٍآٍآٍآٍ مٍـٍـٍـٍـن هٍآٍآٍآلآٍآٍآٍبـٍـٍـٍـدآٍآٍآٍآع . ونـٍـٍـٍـتٍـٍـريٍآٍآٍآٍ يٍـٍـٍديٍـٍـٍـدك .. ربٍـٍـٍي يحٍـٍـفٍـٍـظكٍـٍ .. وتقٍـٍـبـٍـٍل مٍـٍـٍـٍـٍـروري آلبسـٍـٍـيٍـٍـٍـط .. آختٍـٍـٍـٍـٍـٍـٍـكٍـٍـ .. غٍـٍـٍـٍـٍـٍـروٍـٍر طفلهٍـٍـٍـ .. |
وعليكم السلام والرحمه أصابع يدك مب سواء وكل وحده ونيتها والله يهديهم ويهديني معاهم إن شاء الله :) تسلم خويه ع الطرح ولا تحرمنا من كل يديد من صوبك |
[mark=ffff00]السلام عليكم ورحمة الله وبركاته[/mark] [overline]الموضوع [/overline]مفتوح للنقــأأش .. فأنا حبيت اضيف كــلامي للقسم النقأش .. [mark=ffff00]البنت والولد .. [/mark] الحوار يدور ما بينهم .. كل نقاش يكون من بين الشخصين . .. الى متى بنظل نتكلم .. ولا بنحصل شي كلام فقط .. الصراحه البنت لو كانت بهاي الأخلاق في المنتدى .. فأكــيد انه الولد بيحب يتعرف عليها . . وخاصه سوالف الدلع والحركات الي تغري الولد انه ما يقاوم انه ما يتعرف عليها ولا يمكن يتحادون في من يجيب اييملها اول لو مسابقه حفظ القرآن ما سوهــأأ الصرأحه اشياء تتكلم عن البناات .. } الكل ما يعرف انه العالم يدور على كل شخص .. أذا كانت البنت متحشمه وحتى لو رمست الولد.. لكن كلامه عادي .. لكن لو صار شي بتعلق فيها وتعلقت فيه << حياه صعبه وفي الأخر كل واحد في درب .. الحب مسن فقط لا غير وانا ما اقول بس للبنات فقط .. للشباب انه المنتدى عبأره عن الوصول الي فهم العالم ونقاش . << ليس للعب والتعارف .. وخلوا المنتدى كمصدر للحصول على معلومات أكثر .. والسمووحه على الكلام أخوكم رعوب. ومشكور أخويه استراحات زايد على الموضوع |
وحبيت اضيف رمسه عن البعض في التفكير انه البنت لو رمست الواحد في المنتدى يعني كاسوالف . . ليش الكل يأخذ الفكره انها اترمسه في المسن ان بعض [overline]الظن أثم ..[/overline][mark=ffff00]والله يعلم بكل شي لا نقول ولا نظن انه اي شخص رمس[/mark] بنت في المنتدى انه بينهم [s]علاقه في [/s]المسن .. |
السلام عليكم ورحمة الله وبركاته صدقت اخوي كلامك صح شو هالمصاخة بنت ادش بأميلها ماباقي اللى انها اطرش صورها ع العموم حبيت اشكرك ع هاي النصيحة |
كل واحد عارف عمره مافيها شي لو تناقشت ويا الآخرين لكن في حدود الأدب و المعقول و مثل ما قال الخالدي مب انها تعق الميانه بينها و بين الشباب و الله يهدي الجميع ....... تسلم ع الطرح و التذكره الحسنه جعلها الله في ميزان حسناتك و أقدّر غيرتك على خواتك تحياتي |
السـلام عليكم تسلمـون علـى الردود ونـورتو المـووضـوع وحيـاكم ^^ ----- اخـويه المـرعب : محـد قال انـه البنت اذا رمسـت فالمـنتدى ويـا واحـد يعنـي ترمسـه فالمـسن آنـا اقـول اذا تكلمت فالمنتدى ويا واحـد بمصـاخه وحبيبي ومن هالكلام وتم تقـول علومهـا ،، لاكن اذا تتكلم بأدب صح ضحك وسوالف شوي هاي العادي |
تسلم اخوي ع الطرح ومب كل البنات نفس الشي..فيه الزين والشين واناا معااك بكلامكـ..والله يهدي الجميع ويعطيك العااافيه |
السـلام عليكم نـggرتي المـggضـggع gحيـآج ^^ |
شكرا على الموضوع وانا وياك في هالموضوع تسلم يالغالي |
صدقت اخوي و انا وياك و راي من رايك و مثل ماقال النعيمي البنيه لازم تسولف و يا الريال بحدوود و تسلم اخوي عل موضوع المميز تحياتي ()ولد المزاريع() |
هـلألآآ نـوـورتـوـو المـوـوضـوـوع وحـيآكـم ^^ |
صدقت في بنات جيه بس انا من جم شهر في المنتدى وبذمتي ما حطيتي في بالي سالفه تعارف والقروبات الي تقولها الا من قلتها انت الله يستر عالجميع وكل وحده عارفه عمرها والمفروض النت يكون حق التسليه والاستفاده مب حق هالخرابيط وكله بيد البنت والولد يقدرون يحافظون على سمعتهم في المنتدى ويقدرون ..... تقبل تحياتي ومشكور عالطرح والموضوع الغاوي |
اولا وعليكم السلام اقتباس:
ياخي الرد مو اجباري .. لاتقيد الاعضاء اقتباس:
اقتباس:
ياخووي كل كلمه قلته بعين الصواب مع الاسف هذي حالة اغلب المنتديات بس الحاصل هو الواقع حنا بزمن انعدم فيه الحياء بل صارت البنت تتجرأ اكثر من الولد .. بس نقول اللوم علي البنت اولا ثم اهلها اللي معطينها الثقه التامه .. وايضا ادارة المنتدى المفروض يكون في رقابه اكثر <<اعم كل المنتديات ما اخص بس قبل اقتباس:
موب كنا تهديد هع يسلمو اخي على جرءتك بالطرح |
[align=center]http://www.arb-up.com/files/arb-up-2008-6/7WZ12560.gif[/align] [align=center]: • • يا مرحبـ’ـا ترحيبـ’ـة ترفـ’ـع الراس نفخـ’ـر ونذكر في وجـ’ـود النشـ’ـاما : • : [..يسعـدلــي صبـ’ـآحك/مسـ’ـآك..بكل خيـ’ــر..~ [..تسلـ’ـم اخـ’ـوي على الموضوعـ’ ويعطيـ’ـكـ’ العآفيـ’ـه..~ صدقتـ’ بكلآمـ’ـك اخـ’ـوي بس ليش خصصتـ’ البنـ’ـآت..~والشبـ’ـآب وين رآحـ’ـوآ ولا لانك شآب مارضيت على نفسك؟؟..~ عالعمـ’ـومـ’ انا من هالنوعيـ’ـه من البنـ’ـآت ماعرفهـ’ـن ولا انزل نفسـ’ـي لبنيـ’ـه خفيفــه يقولون الثقل صنعـ’ـه..~ بس المشكلـ’ـه الكبيـ’ـره على المجتمـ’ـع اللي حنـ’ـآ فيـ’ـه مجتمـ’ـع وسخ والسموحه على هالكلمـ’ـه يقولـ’ـون لاتسـ’ـون وهالشـ’ـي غلـ’ـط .. الخ..وهمـ’ عآيشيـ’ـن بهالغلـ’ـط ويسونـ’ـه ويتفلسفـ’ـون..~ وانا الحمـ’ـد للـ’ـه دخلتـ’ المنتـ’ـدى لاني بالجآمعه كل شـ’ـي بالهندسه يتعلـ’ـق بالكمبيوتـ’ـر ولاني ادآوم ثلآث ايـ’ـآم بس..~يعنـ’ـي مالـ’ـي خـ’ـص بهالسـ’ـوآلفـ’..~ : • : عيـ’ـون الربـ ترعـ’ــآكـ’ وتحرسكـ’..~ احتـ’ـــرآمـ’ـي وتقـ’ـديري..~ مس شيسيـ’ـدو..~ • • :[/align] [align=center]http://www.arb-up.com/files/arb-up-2008-6/nVf12606.gif[/align] |
وانا رااي من رااي اخووويه النعيمي وكل وحده منا تعرف عمرها وانا الحمدالله اعرف عمري وانا هب مختلطه ويا ايحد فالمنتدى لا من البنات ولا من الشباب |
اممم .. اخووووي الموضوووووع يدرج في قائمة الرقاابه الذااتيه ... واذا على سالفة الايميلات فاللي تعطي ايميلها لاي واااحد هي ما تعرفه .. فهااي مينوونه لانه يمكن يهكر عليها وياخذ الصوور اللي في الكمبيوتر .. وثاني شي سمعتها بتضيع .. انا ائيييد كلامك وكلامك صح ميه بالميه بس ما يستوي نعممم .. . كل وحده وتربيتها .. وخووفها من الله .. تسلم اخووي ع الموضوووع |
ألف شكر ع الموضوع الغاوي وأذا تكلمت من اليوم لين أخر يوم في عمري ما بوصف ألي يصير .... |
ثانكس ع المووووووضووووووووع |
| الساعة الآن 02:07 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir