|
ليش في هالزمن المواطنين مايحصلون شغل؟؟ (اباكم كلهم تشتركوووون لان هالموضوع مهم وايد) السلام عليكم جيف حالكم اخواني و خواتي؟ عساكم إلا بخير و عافية؟ انا اليوم ابا اطرح عليكم موضوع شوي بتستغربون بس بينفعنا ابا اتكلم عن الامارات بشكل عام...شوفوا كم وافد و اجبني في بلادنا و الهنود... اكثر عنا نحن عن عدد شعب الامارات. احب اقول ان ليش نحن المواطنين من شعب الدولة مانخدم دولتنا بإيدنا ليش نحن مانشغل و نجهد في الشغل. العمل مب بس بيزات الواحد يآخذها آخر الشهر ينعفه, الشغل يخدم الدولة و يطورة للأحسن. تعرفون ليش المواطنين في هالزمن ليش مب لاقين شغل؟ لان الوافدين مآخذين كل اشغالنا. طبع العرب بشكل عام يعجزون عن العمل و التعب الزايد. في وايدين مواطنين يوم يرحون الشغل يوعقون اسمهم و طلعون يحوطون في مقاهي. ابا اعرف ليش هالتعامل هذا؟ الشغل مب تعب اذا صدق تبا تخدم وطنك. حلات البلاد اللى شعبها هم يشتغلون..ياحلاة الاحساس اللى يضربنا يوم انشوف بلدنا تقدمت للأحسن بإيدنا. ياخواني و خواتي علينا ان نشتغل و نثبت للاجانب و الوافدين و الهنود ان نحن احسن عنهم ترا الحياة مب كلها راحة في راحة. نحن اذكياء و اذكي عن كل غريب دخل بلادنا و اشتغل بس نحن مانستغل هالشي عندنا الخير الحمد الله بس هذي الحياة. الفكرة هذي غلط في غلط ياخواني و خواتي اباكم اتناقشوني في هالموضوع المهم جدا وابا كلنا نشترك فيه و نطرح حلوول حق هذي المشكلة وسامحوني ع القصور اختكم فلاحية اصلية;) |
وعليكم السلام هلا ختيه والله الموضوع طررر ومن كم من يوم ارمس ربيعتيه بهالسالفة بس هب راضية تقتنع اتخيلي نسبة العمالة الوافدة في دولة الامارات 81% وين الشعب يعني حرااااام اتخيلوا ختيه متخرجة من 3 سنوات وهب لاقية وظيفة لا تقولون ان المواطنين مايرضون برواتب ظعيفة بالعكس حننا نحترم كل الوظايف ... وانا واااااااايد استانست اليوم يوم شفت مواطن يشتغل ف كارفور صوب الامانات يعني حسيت ان اهم شي عنده وظيفة اتييب رزق حلال .. اللـه يوفق كل خواننا وخواتنا واتمنى ان الدولة تقلل من نسبة العمالة الوافدة اللي ظررها اكثر عن منفعتها .. لج احترامي ختيه واترقب تعليقات باجي الاعضاء وسوالم |
وعليكم السلام والرحمه والإكرام الحينه بنمسك جانب جانب .. ( الهنود ) ببتدي فيهم : لأنه مستحيل ومن سابع المستحيلات ان مواطن يشتغل شغلة الهندي او النيبالي .. لأسباب عديدة .. - اعمال البناء .. مستحيل يجي مواطن ويشل الطابوق والسميت ويطلع ويربع عشان عمل البناء والعمارات والأبراج ، لأن بكل بساطة المواطنين هب متعودين على عمل البناء والعمارة .. -الكفتيريات والمقاهي ... أحيد ان شغلة المقاهي هي شغلة الهنود والفلبينين ولا نيباليين ، وشي يطيب يوم نشوف ان المواطنين يشتغلون فالمقاهي ، بس ظني صعبه شوية لأن الممارسة والخبره يبالها تفرض وجودها قبل اي شي .. - التكسي واللموزين..يعني مستحيل يركب حد والماوطن يسوق ..تخيلي لأن اغلب المواطنين مرفهين ومايحب حد يتأمر عليه ( وديني وتعال وسير ورد ...ألخ) .. - الشبرة والجمعية .. انا ماقصد ان الأمور هاي ( عيب ) على المواطن العمل فيها ، ولكن شي صعب ان نفعل دور المواطن ببيع الخضرة مثلا ولا يحمل اغراض الجمعيه ويوديها للسيارات شرات مانشوف فالجمعيات وغيرها ..الخ .. - الخياطين .. مستحيل اشوف اماراتي يخيط ، لأن المهنه معروفة وبأمتياز انها حكر على الهنود ولا النيباليين , واسمحي لي حتى بالنسبة للنساء .. صحيح عندنا مصممات اماراتيات , ولكن كل واحده رافعه خشمها واسعارها داقة السقف ..! بالنسبة لإخوانا العرب.. معظمهم لديهم ( طولة البال ) في العمل كما ذكرتي سلفا ( ان المواطن يوقع ويظهر )مافيه حسيب ولا رقيب( لا على نفسة ولا من الآخرين) ، كلل وملل ، وآخرته ( راتب آخر الشهر) واكثر من الاجانب ، لو لاحظتي ان الأجنبي يسعى لإكتساب المهارات والخبرات والالتحاق في دورات .. بينما المواطن يتهرب ودائما ملول ومتكدر .. العلاج لهذه المشاكل .. - ادارة التخطيط ، تسعى الآن لحل مشكلة او ازمة ( الخلل السكاني ) او اللي يسمونها ( الخلخلة السكانيه) بترحيل جميع المخالفين من ارض الإمارات.. -المواطن يجب ان يتحلى بالصبر ، والسعي في العمل مهما كان التعب .. خدمة الوطن انت مجبور فيها لأنك تنتمي للوطن ( اذا عندك انتماء وطني ) لأني اشوف اجانب وايدين عندهم وطنية وذمة وضمير في العمل .. والأهم ( التفاني في العمل ) - الدعم المعنوي ، مثل مالاحظنا في امارة دبي ( جائزة العمل الحكومي) فيها تكريم لشخصيات مواطنه وغير مواطنه ، لأن الشيخ محمد بن راشد يهمه ( جودة العمل ) اكثر من مجرد صورة او حبر على ورق!! انا اشجع وبكل قوة على مثل هذه الجوائز لأن الإنسان وكل شخص فينا يحب ان يحظى بترحيب واشاده من شخصايات عديدة الدولة دائما تسعى (لإعلاء) صوتها وصورتها ، فيجب ان يكون المواطن ( قدها وقدود) ، ولكن مع ( التوطين) الاحظ ان الكثير من المواطنين يسعون من وراء عملهم للأفضل لخدمة الدولة على اكمل وجه ، واعطاء صورة مشرفة ومرضية عن مواطني دولة الإمارات العربية المتحده ، ونتمنى ان يجد المواطن ضالتة ويثبت جدارتة على اكمل وجه ، وبالتحديد في العمل الميداني المحلي .. |
تسلمين ياختية مدية على التعليق و انا لاحظت ان قليل من الموضفين اماراتين يشتغول في وضائف ذكرتيها بس اخوانا و خواتنا نسوا شي ان اي عمل بسيط بيفيد البلاد و المجتمع وكلنا نفتخر يوم انشوف مواطن في اي وضييفة. وهذا الزين يوم ان في مواطن يشتغل و يجد في شغله و همه الوضيفة وانا وااااااااااااايد مستااااااانسه لانى سمعت هالشي منج. واي وضيفةبسيطة تخدم الوطن. و الوطن ماعندها وضائف معينه خدمها ومشكورين |
][®][^][®][والله الواااافدين هب مخلين لنا شي يناشبونا حشى هذه بلادنا ونحن اولى منهم الله يكون في العون يسلمووووووووووووووووووووووووووووووووووووو الشيخه والله يعطبج العافيه][®][^][®][ |
ياخوى النعيمي انا معاك ف اللى انت طرحته ان المواطنين مايقدرون يسون شغل الهنود مثل البني و هالاشياء.انا ماقول ان لنحن لازم نشتغل كل الشغل اللى ف البلاد. انا اقول ان لازم ماانطور شغل الهنود ان مثلن كان دريول و فجاه اشتغل شغله كبيره لازم نحن ماانطور هالشي و الخير ف بلادنا يغري الناس اللى فالبلدان ال2 و اييون و يحصلون شغل لان عندهم شهايد. نحن لازم انسافر برع عشان انحصل شهايد بس في هالزمن الخبره مهم ونحن اذكياء اذكي عن كل الوافدين و الهنود بس نحن lazy. وشي ثاني ان نحن مانبا نظام يضبطنا نحن لازم نضبط عمارناا ومشكورييين |
اقتباس:
وعلى فكرة في كثير من مؤسسات الدولة الحين ، يوجد تقيم للموظفين سواء من ( مواطنين او غيرهم ) المغزى اللي ابا اوصل له ، ان هناك الكثير ن المواطنين ممن لديهم ( طاقات وابداعات ) وبدأت تظهر الآن وخاصة في السنوات الأربع الأخيره وبعد قرار ( التوطين ) ومحد قصر ولا اي جهه وكلها مفتوحة ولكن الهم ( كيف تفرض جدارتك ونشاطك ) |
مشكور ياخوى ع تعليقك وانا اشجعك و الابداعات و المهارات اللي تظهر منا نحن هي اللى بتفرح دولتنا و اللى يستوى من 4 سنوات زين حقنا و في تقدم الحمد الله . حتى اليوم في الجامعه كنت ادور مكتب احد من المدرسين و شفت مدرسة مواطنه يالسه ع مكتبها اتصحح اوراق امتحانات و ان اوايد فرحت يوم شفت ان مواطنه ادرس ف الجامعه ومب بس سكرتيره و انا افتخر بهالشي و الشغل مب عيب ومشكورين |
المشكلة توقف عن المواطنين يدخلون ويركزون ع تخصص واحد اول شي ثانيا لازم المواطن يرضى باتفه الاشياء عشان يكون في توطين بالعكس في خرجين يشتغلوووون كشير مو عيب العيب لما اقعد وانتظر الشغل لازم نحن ندور بدل الاجانب ونحاول نكون احسن منهم في كل شي |
مشكورة يالغالية بنت زايد الخير و كلامج صح والعيب يوم الواحد يدور شغل و مايرضى ب حي الله شغل و شي احسن عن لاشي |
عليج السلام و الرحمه ... بصراااحه موضوووعج حلوووووو مووووووووت ... وهالموضوووع اللي كتبتيه يدل ع حبج لبلادج ... مثل ما قلتي ان طبع العرب ما يحبووون التعب , يعني مزااجين ... بس الانسان لازم يتعب و يشقى عشان بلاده .... تسلمين ع الموضوووع الغاااوي ... تقبلي مروووري ... |
مشكوروتسلم ياخوي قنص الريم ع تعليقك و صح كلامك ان الانسان لازم يتعب. نحن وايد نسمع ان الانسان بيفدي بلاده بروحه و بدمه بس هل هذا مجرد كلام؟ اذا قول و فعل وين الفعل؟؟؟ ومشكورين |
اشكرج اختي ع الموضوع الحساس وانا وحده من المواطنات اللي مو محصلات شغل!! بس بصراحه ماعندي رد ولا تعليق ،، لنه لفتني رد النعيمي واحسه كفى ووفى.. |
هيه نعم ختيه ان كلام النعيمي يكفي و اكثر بس نحن لازم تنحرك و من اقول ابوي زايد الله يرحمة بما معنى ان يوم الانسان يكسل يجوع و من تعب في الشغل شبع |
السلام عليكم انا اتفق مع اخوي النعيمي بكل حرف قاله يعني خلال الاربع سنوات بدينا نحصل مواطنين يشتغلون في بعض الوظايف الي البعض يستحي منها او يرفع خشمه عليها وهذي البدايه وان شاء الله بيتغير الوضع للافضل ومثل ما يقولون الالف ميل يبدا بخطوة وبالتوفيق للجميع |
http://www2.0zz0.com/2007/04/24/18/22044445.gif السلام عليج ورحمة الله موضوعج يضرب ع الوتر الحسااااااااااس كل الي ذكرتيه نحن في السعودية نشكي منه يعني سلمج الله نفس الحاااال لهنود تارسه لبلاد وكل الدوله بصوب والعاصمه بصوب عدد البنغاليه فيهاا خياااااااااااااااالي :confused: . من فتره بس شفت مطعم كل الي يشتغلون فيه سعوديين حتى الي يوصل الطلبات سعودي جان استانس والله :D وبعد شي سواقيين ليموزين بس هب وايد :p وفي شباب يشتغلون في ورش سيارات :cool: كشخه هع هع ماعرف شوه الي غير تفكيرهم ضيق الحال ولا الفكره من الأساس يعطيج الف عافية خيتووو ماقصرتي وعساااااج ع القووة نرقب الزووووود منج تقبلي مروري ولج التحية والشكر http://www2.0zz0.com/2007/04/24/18/22044445.gif |
| الساعة الآن 05:42 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir