|
♥♥♥♥♥♥آبــــــــــــــــي حبكــ معـــــي يـــــــــــكبر♥♥♥♥♥>>قصة قطرية رووعة ♥♥♥♥♥♥آبــــــــــــــــي حبكــ معـــــي يـــــــــــكبر♥♥♥♥♥ ((قـــــــصــــــة قـــــطـــــــريــــــــة )) الســلام عليكمـــ هاا القصة من الكاتبات ( DaNaT QaTaR ) و ( loaloat qatar) أبي حبك معي يكبر وأبي اهواك أنا اكثر وأبي اهديك أنا دنياي وكل اللي عليه اقدر حبيبي إنت احساسي ونبض القلب وانفاسي ولو صار الزمن قـاسي عشان عيونك اتصبّــر غرامك كل يوم يزود ولا يعرف مدى وحدود عيوني في هواك شهود يارب مايوم نتغيّـر ( الجزء الأول) بيت أبو محمد نوف اكبر وحده عمرها 17 سنه في ثالث ثانوي أدبي رياضيات وهذي البنت عليها جمال مب طبيعي أهي ونجلاء نوف شعرها طول يوصل لين أخر ظهرها ولونه كستنائي وعيونها عسلية بس مب فاتحه وأيد وعيونها وأيد حلوه خاصة لين حطت كحل تطلع صج روعه وبيضها وجسمها حلوو هي وأيد قصيرة على سنها كل إلي يجوفنها يحكمون عليها أنها في الاعداديه حبوبه وايد أتحب تتهاوش ويه خالد وعليها وسوالف وراعيه مقالب وخوها محمد عمره ثلاث سنين بس شنوو شيطان وعائلة خليفة اهو اكبر من أبو محمد ولهو إبراهيم وعندهم نجلاء هي كبر نوف بس نجلاء اكبر بشهرين وعمرها 17 وثالث ثانوي ومتخصصة علمي وحلوه بشكل كبير شعرها يوصل لي نص ظهرها ولونه اسود اسود من قلب مشالله عليه وحنطاويه شوي وعيونها عسلية فاتحه وهي طويل أطول من نوف جسمها جنه جسم عارضه أزياء ولكل الناس يمدحون جسمهاا وحبوبه وعليها سوالف عجيبة وتحب أهي ونوف سوالف العبط وهي الوحيدة وهي مستانسه على قولتها خل الدلعه كله لي واثقة الأخت هههههه وبعد عايله عبدالله اهو اكبر أخوانه وعنده اكبر وحده في العيله الكريمه أهي مريم وعمرها 25 ومخطوبه وقريب عرسها بعدها راشد عمره 21 هذي الإنسان حلوو وكل أخوانه ايننون كل ماراحوا مكان أناس أتم أطالعهم من جمالهم بقاله امتحان ويخلص من الجامعة والي عقب عبد العزيز هذي الريال عليه سوالف رووعه ومقالب اهو وراشد ميانين من قلب وعمره 20وشكله جميل وحلوو وبقاله سنه ويخلص جامعه بس راشد أهدى من عبد العزيز بشوي وان يي حق أخر العنقود خالد عمره 16 ثاني ثانوي أدبي رياضيات وحلوو شكله هذي ماعرف شلون أوصفه مينون وراعي سوالف عجيبة وعليه حركات ومقالب رووعه وهو وايد ويه نوف ونجلاء لأنه نفس طينتهم هذيلا كله أيسمونهم الثلاثي المرح على حركاتهم وينونهم ((ملاحظة البنات مايعرفون عيال عمهم بس أيعرفون خالد )) البداية كانت نوف ونجلاء رايحين ويه يدتهم الجمعة وكانوا رايحين غصبا عنهم ولأنه ذاك اليوم إيجازه وكانوا سهرانين لين الساعة ثنتين صبح ويتحنطمون ومتحسفين أنهم باتوا عند يدتهم نوف :أقولج نجول أنا متحسفه إني بت (نمت) عند يدتي والله احد يسهر لين الساعة ثنتين الصبح ويقوم الساعة تسع شهالحاله نجلاء : أي والله أحس انه عيوني خلاص بتسكر ماقدر أبطلها شكلي بااحط لزقه عشان ماتسكر نوف :ههههههههههههه نفس حلقه توم وجيري يوم توم يحط لزقه عشان مايرقد ههههههههه نجلاء : أي هذي الحلقة صج عجيب يدتهم أم عبدالله :هي انتوا شفيكم من صبااح الله تتصاصورن نوف ونجلاء : لا يماا مافينه شي بس قااعدين ان قول خوش طلعه من زمان ماطلعنا وياج أم عبدالله : أي بعد حسبالي عندكم شي غير هذي الكلام نجلاء : شدعووه يماا احنا إن حبج مااتقول أي كلام ثاني صح نوفوه نوف : yes أم عبدالله: شتقول هذي هي تكلمي عدل أنا ماحب لغة الحمر والشقر نجلاء وهي أتحاول تدارك السالفة لأنها تعرف يدتها ماتحب هذي الكلام : أتقول صح ماعليج منها يماا يالله وصلنا ونزلوا من السيارة ويدتهم لأنه ماتقدر تمش قعدت اتامرهم :نجلاء اتي رووحي يبي قشطه وطحين حق الكيك وشويه كاافي لكم نجلاء : انشالله يما وتاشر على نوف أم عبدالله : ونوف وانتي روحي يبي فاين (كلنكس) نوف وهي تتحنطم : انشالله يدوو وراحت وهي تتحنطم : اففففف يعني نجول تروح وتاخذ الاشياء العدله وانا اروح اخذ فاااين هذي حاله افففففففف حتى ارقاد مانرقد يالله طولج ياروح وماحست اله إلي يضحك وراهاا وتلف اله اتجووف واحد يضحك عليها لأنه سمعها وهي تتحنطم عااد أهي أهني استحت لأنها عرفت أنها كانت تتكلم بصوت عالي وهي من النوع إذا عصبت ماتحس بنفسها إذا تكلمت بصوت عالي لفت عنه لأنها تبي تروح وتاخذ الاغراض بسرعة من الفشيله يوم راحت تبي تااخذ الفاين كانوا حاطينه مكان أرفيع عاد نوف كانت قصيرة ماقدرت اتيبه وكان ايجوف الي ضحك عليها وكان ميت من الضحك لأنها كانت تنقز عشان توصله بس ماقدرت ويها عبد العزيز ويابه لها : تفضلي أختي نوف ويهها صاير مثل الطماطه :مشكور اخوي وتروح بسرعة عنه وهو يضحك عبد العزيز : شكلها في ثاني اعدادي على طولهاا هههههههه وايد قصيرة بس مشالله حلوة وايد وفي صوب الثاني نجلاء كانت الدور على القشطه ويوم حصلتها مسكتها اله يد ثانيه تمسك القشطه وترفع راسهاا اله ذاك الملاك الي واقف قاعدة أتقول في بالها ياربي مشالله عليه أكيد الحين بيعطيني العلبه شكله ريال بمعنه الكلمه وبيعطيني ايااها راشد : لوسمحتي عطيني اياها اهني قالت مالت عليك حسبالي بتعطيني نجلاء :لا انا ابيهاا راشد :لا انا بسرعة خليها نجلاء شنوو هاي والله لو تموت يأتها فكره : ابيه جوف اهناك راشد :وين اهو المسكين صدق مايدري أنها تقص عليه (تخدعه ) وتشرد نجلاء : هههههههه قصت عليك اله تدعم نوف نوف + نجلاء : جوف ذاك نوف :شفيج مين ذاك نجلاء :أنتي شفيج ومين جفتي بعد نوف : خلينا نروح ونخلص لا تينا هوشه محترمه من يدتي وبقول لج السالفة وحنا رايحين نكمل الاغراض وانتي بعد قولي لي سالفتج اوكي نجلاء :اوكي وخلصوا الإغراض وهم ميتين من الضحك على سوالفهم وهم رايحين اله يجوفن ثنين واقفين عند يدتهم نوف : نجول من هذيلا نجلاء :مادري مايوعون اله باحد اينقز بصبعه على روسهم وبصوت عالي ثنتينهم :اااااااااااااااااااااي أيعور ولفت يدتهم والرياييل الي عندها ايجوفون شفيهم ونوف ونجلاء لفوا على الي اينقزهم في رووسهم : هي انت شفيك خلوود مب صااحي ايعور خالد : والله من زمان ماجفتكم لازم استقبلكم بستقبال محترم نوف : محترم في عينك والله ايعور اله اقولك من ذوواله الي واقفين على راس يدتي خالد : ماجووف احد واقف على راسها نوف : انت غبي صح خالد : أي طالع عليج نوف: بسم الله علي انت أصلن طالع على نفسك نجلاء : فكونا انتوا خلوود عاد قول مين هذيلا خالد : مالت عليكم حتى شلونك ماقلتوا لي خلاص انا زعلان نوف و نجلاء تلوموا انهم ماساْلوه عن إخباره : اسفين واخبارك شمسوي والله تصدق لك وحشه ليش هذي الفترة مختفي لا حس ولا صوت لك خالد : انا بخير وانتوا نوف ونجلاء : عال العال خالد : ماعرفتوهم نوف: لا والله خالد هذيلا خواني راشد وعبد العزيز ( البنات صال لهم سنين ماجا فوا عيال عمهم عبدالله خصوصاً من دشواا الثنويه) نجلاء : اهااا وراحوا عندهم اله ثنتينهم بطلوا حلووجهم وحتى الرياييل من صدمين أم عبدالله : شفيكم سلموا على عيال عمكم نجلاء أتحاول تدارك الموضوع : أخباركم وراشد بعد من الصوب الثاني : اااحناا بخير (وفي باله صج كبروا) وانتوا شمسوين نجلاء ونوف: تمام وكل واحد ويه صدمته ومستحين من بعض على المووقف الي صار لهم وسلموا الشباب على يدتهم وراحوا عنهم وتابعونا في الجزء الثاني يلاااا شراايكم فالقصه |
أتشـرف أنـي أول وحـده آرد عليـج .. هههههههههه الصرآآعه رووعه .. نتــريآآآ الجزء الثآآني ... أعتـقد نجلاء بتحب رآشد ونوف بتحب عبـد العزيز .. عآد اليده مسكتـه ههه أتريآآ الجزء الثآني بفأرق الصبـر |
ميرسي ع القصه.. |
[align=center]°ˆ~*¤®§(*§*)§®¤*~ˆ°يسلموا عالقصـــــه وربي لا هانكم أخوكم كنترول النعيم °ˆ~*¤®§(*§*)§®¤*~ˆ°[/align] |
مشكووووو ع قصة |
يسلمو عالقصه ولا هنت وتريااالتكمله |
يسلمووو عالمرور |
الجزء الثاني الشباب في السيارة.... راشد : خخخ اماا هاي نجلاء و نوف صج كبروا عبد العزيز: أي وحده القصيره وخالد: نوفوه شفيها ؟؟ عبد العزيز وهو أيقول السالفة حق اخوانه : بغيت امووت من الضحك عليها اظن هي في الاعدادي صح خلود خالد : ههههههههههههههه مسكينة هذي البنت كل الناس ايقولون لها أنها في الاعدادية عبد العزيز وهو مستغرب لأنه طولها كان يوحي أنها صغيرة في السن خالد : ترى أهي اكبر مني ثالث ثانوي عبد العزيز : احلف ههههههه خالد : والله العظيم راشد : ههههههههههههههه عيل اسمعوا سالفتي عن بنت عمتي الثانية خالد : نجول بعد شسوت فيك وقال راشد سالفتة وهم ميتين من الضحك على الي سوته نجلاء فيه خالد :هههههههههه نجول طول عمرها عليها حركاات بس هذي الحركة عجيبة هههههههه عبد العزيز : ههههههههههه ماقدر قصت عليك هههههههه وفي صوب الثاني في بيت اليدة ..... نجلاء : مااقدر طلعوا عيال عمنا عبدالله ياافضيحتنا نوف : والله فشيله ولا على حركاتنة انا كنت انا نقز جدامه يافشيلتي نجلاء : خلنا نتصل حق خلوود ونجوف شقالوا عنا شرايج نووفوه نوف : فكره نجلاء اطلع تلفونها وتتصل على خالد ويرن التلفون وهو قاعد مع اخوانه في الصالة وقام يضحك : ههههههههه اكاهم يتصلون!! راشد وعبد العزيز مستغربين من يقصد : من تقصد ؟؟ خالد : بنات عمي خليفة وإبراهيم راشد : أنزين يعني شنو وهو من داخل بيموت يبي أيعرف شسالفة بس كبريائه مب سامح له عبد العزيز : رد وحط السبيكر خالد : اوكي نجلاء : خلووود وهي اتزاعق لانها كانت تتهاوش ويه نوف نوف : ابي اسمع طولي على الصوت نجلاء : افففففف منج حنانه وقصيرة والله بلاني فيج نوف : جب يالزرافة أطول طول النخلة والعقل عقل صخلة الحمد الله والشكر نجلاء : أنتي جب الطول هيبه والقصر خيبه وقاموا يتهاوشون هم ميتين من الضحك على خبالهم خالد : هي انتوا متصلين عشان اتهاوشون نوف ونجلاء : وي نسينه شنو بنقول لك نوف : انت أول روح بعيد وبند السبيكر حسبا لك أغبياء احناا نجلاء : أي بندا لأنه نبيك في سالفة مهما نوف : أي شكنتوا اتسون في الجمعيه وفي هذي الحظه نجلاء صرخت نجلاء : أنتي غبية صح يمكن اخوانه عنده نوف : اففففففف ماظن نجلاء : ليش انشالله وكانووا كلهم يسمعون هذي المحادثه ومستغربين ليش ذولا متصلين عشان ايتهاوشون والله يبون معلومات نوف : الله يسلمج كل الشباب هذي الحزة طالعين صح خلوود خالد : خطاء انتي غبيه صح نوف : ليش خطاء خالد : اذا كل الشباب برع ليش انا في البيت وخواني معاي في البيت نوف + نجلاء : شنوو وياك وانت فاتح السبيكر نوف : بس تعال اليوم بيت يدتي وزوالك قريب نجلاء : احلف خلوود خالد : والله نجلاء : ياله بااي بنراويك نوف : أي بنراويك خالد : نووفوه جب انتي يالقصيرة نوف استحت اترد لانه عيال عمها موجودين وهي من النوع الي يستحي بسرعة ويصير ويهها احمر اذا احد أحرجة حتى لو شوي او مدحها : معليه انا مب راده خالد ايعرفها انها استحت ترد عليه لانه اخوانه وياه : هههههههههه استحيتي نوف : لا ماستحيت ياله باي خالد : هههههه بااي وبندوا عنه وهم متحلفين فيه عبد العزيز : شكلك وايد عادي وياهم خالد : تصدق هذيلا مثل خواتي واكثر حتى انه في اشياء وايد يسالوني وانا وايد عاادي ويااهم ماقالوا خلاص تحجبنا منه مابنكلمه اله زادت العلاقة بينا فهمت عبد العزيز : اها الله يخليكم راشد : يالله عزوز خلود بسرعة الحين بإذن المغرب على المغرب الشباب كانوا طالعين من المسيد عبد العزيز : ها بنروح بيت يدتي راشد : أي احنا قلنا لها بروح عندها شوي خالد بطلع عينه : لا ارجوكم راشد وعبد العزيز : شفيك ليش خالد : افففففففف الحين نجول ونووفوه اكيد متحلفين فيني راشد و عبدالعزيز : هههههههههههههه الله يعينك وراحوا شباب عن يدتهم وكانوا ذاك الوقت البنات يلعبون جوتي تواير (سكيتنك) ولابسين شيلهم وبناطلين تحت الجلابية لانه يدتهم ماتحب البناطلين نوف : نجول جوفي هذي الحركه كانت اتسوي حركه متعلمتها من برنامج الي تركض بسرعة تلف على وره نجلاء : ياخطيرة انزين جوفي هذي الحركة وكانوا ماعطين الباب ظهرهم مايجوفن اذا احد يه ويوا شباب بس الحمدالله ما دخلوا بسيارتهم جان الله يعلم شبيصير وكانوا ايجوفونهم ويه حركاتهم وقام خالد قعد يصفر لهم ويصفق عاد لفوا وجافوهم وكانوا منحرجين منهم وعلى الثيابهم لانهم وايد كاشخين الصراحه وبعد كانوا ودهم يذبحون خلود هذي ثاني مره يفشلهم ويات يدتهم ونخشوا عنها لانه اذا جافتهم بتذبحهم على لبسهم والجوتي إلي لبسينه وضحك خالد عليهم وقال حق اخوانه ليش ساووا هذي الحركة وضحكوا على ينوا بنات اعمامهم وعرف انه خالد يعرف كل شي عنهم ويوم جافوا يدتهم وعيال عمهم راحوا طلعوا حق خالد وقاموا ايلاحقونه وهو المسكين فصخ نعالته وغترته ويركض عشان يشرد عنهم وتبوا راشد وعبد العزيز على حركاتهم وماتوا من الضحك وبس واتريا ردوودكم..... |
نفس الشي آول وحـده ارد عليج .. هههه والله صدق طرر هاي اليده عجيبه الصراحه .. والزرافه والقزمه ههه تسلمين يالغلا ونتريا الجزء الثاالثه .. |
وااااااااااااااااااااااو جونان بلييييييز الجزء الثالث لان القصه روعه |
ناااااااااايس و اللهـ .. نتريا الجزء الثالث .. ^^ |
ناااااااايس القصــــهـ .. نترياا الجزء الثاالث .. ^^ |
مشكور على القصة |
نترياااااااااااااااااااا البارت الياي بسرعة |
تسلم على القصه |
يسلمو ع القصه |
بسم الله الرحمن الرحيم القصة روووووووووووووووووووووووووووووووووووووووووووووووعه واشكرك بصراحه واشكر جهودك المبذوله |
أخوية وينك نحن نتريا البارت بفارغ الصبر |
رووعه بلليز كمليها بسررعه |
http://www.ma7room.biz/up/images/6sf...6jzbl0mp5l.gif و عليكم السلام و رحمة الله و بركاته تسلم أخوي ع القصة ربي يعطيك العافية و بانتظار يديدك http://www.ma7room.biz/up/images/ksg...fqf7akk41h.gif http://www.ma7room.biz/up/images/6sf...6jzbl0mp5l.gif |
شكراااااااااااااااااا على القصه |
[glint]السلام عليكم ورحمة الله وبركاته .. انا بصراحة اشكرج على البارت الحلو ...وبالتوفيق انشالله ...ننطرج[/glint] |
وييين البارت >< |
لي جي وين البارت حمستينا واييد |
يسلموووووووووووووووووووووووووو |
يسلموووووووووووو ع القصه و في انتظار البااارت اليديد لااا تبطووووووووووووووووون عليناا :d |
السلام عليكم ورحمة الله وبركاته يسلمو على القصة الحلوة |
القصة روحة ونتريا الجزء إلي عقبة |
الصراحة القصة طررررر نتريا البااااااااقي لا اتطولييين دخييلج ما فيييني انطر وايييييد ^^ |
يسلموووووووووووووووووووووووواااااااااااااااااااااا ااااااااااااااا |
وين القصه والله نترياا الجزء الثالث أففففففففف |
الجزء 3 عدت هذيج الليله على خير ومن بعد وما هدوا حيل خالد لانه قاموا يلاحقونه وبالعصي وياتهم هوشه محترمه من يدتهم وكل وحده راحت بيتها وهم مادين البوز ويتحنطمون لانه باجر عندهم مدرسه يوم الاحد في المدرسة نوف باليالله تفتح عيونها هي وياها نجلاء بحكم اهم نفس المدرسة كل يوم يجوفن بعض نوف وهي تتثاوب : ماقدر اسكر حلجي نجلاء : انا بعد شريفه رفيجتهم: شفيكم انتوا كل وحده مبطله حلجها شيخه : هاا عاشقيت الخوات وحنا ماتدري نوف : اقول جب لا عاشقيت ولا خرابيط نجلاء : يااحسره من بيعشقنا شريفة : ليش ياحسره كل وحده أحلى من الثانية نوف : اكيد انا أحلى منها نجلاء : لا انا أحلى منج براحه يالقصيرة شيخه : شروف الله يسامحج بديتي هوشه كل صبح شريفه : شاسوي نسيت شريفه هاذي رفيجت نوف ونجلاء من اول الاعدادي مشالله عليها ملكه جمال بس مب نفس نوف ونجلاء ومحيرة حق ولد خالها الي لين ماتخلص الثانوي بيخطبها رسمي وشيخه هذي رفيجتهم من ثاني ثانوي تعرف عليهم ومن عقب حبت سوالفهم وقامت كله تقعد وياهم بعد حلوه بس مب نفس شريفه وتموت على سوالف الحب والغرام وكل دقيقه يابت سالفة عن الحب ومادري مين وفلانه اتحب وفلانه تكره وشريفه ويه نجلاء علمي وشيخه ادبي فرنسي ويرن الجرس الحصه الاوله وكلهم رايحين الصف والي اتقول يالله بنروح نرقد والي مادري شنو اتخبرون سوالف البنات طق جرس الفرصة عاد اذا طق الجرس البنات ايصيدهم نشاط عجيب والي تراكض والي تضحك وتسالف والي تصيح انها بتنتقل نجلاء : نووفوه خاطري ارقص نوف وهي تاكل : ههههههههه مب صاحية الخميس بنروح بيت يدتي وبنرقص نجلاء : لا الحين ابي ارقص نوف : ارقصي احد ميودج نجلاء من صجها قامت ترقص في الصف والبنات ارتبشوا وياها والي أطق على الطاولة والي تغني حشه طبالات وفي الصوب الثاني في مدرسه خالد الجوو غير ..... خالد : هي عبوود عبدالله : خير شتبي خالد: قوم قول حق الربع يالله بنروح الدكان بنط من الطوفه عبدالله : ههههههههههههه من صجك خالد : أي باامووت من ملل عبدالله : يالله وراحوا حق ربعهم محمد : يالله بسرعه قبل ماطق الجرس ترى المدرير متحلف فيناا وبيفصلنا خالد : اوكي بسرعه وراحوا عن الطوفه اول واحد عبدالله وعقب محمد وأخر واحد خالد خالد : يالله توكلنا على الله يوم ياه بينط طاحت نعاله ورد عشان ياخذها وراح يبي يبنط طاحت غترته ورد وخذها وراح مره ثانيه وطاحت نعالته وصارت سالفة اخرته تصل وقال حق ربعه يرجعون لانه بقى دقيقتين ويطق الجرس يوم ردوا ربعه عبدالله : ليش مايت ؟؟ خالد : لو تدرون شصار فيني محمد : شفيك ؟؟ خالد قالهم السالفة محمد : ههههههههههههههههههههههههه من صجك عبدالله : ههههههههههه عجيب خالد : تتطنزون عبدالله: لا افاا عليك محمد يقدر يطنز على خالد بن عبدالله خالد وهو واثق من نفسه : لا محد محمد : هههههههههههه عاش واثق خالد : احم احم وخلص الدوام والكل رجع البيت وفي احلى من البيت بعد الدوام ومر الأسبوع عادي ويه يوم الخميس والبنات جهزا اغراضهم لانه بيباتون عن يدتهم ..... نوف ونجلاء اذا راحوا بيت يدتهم يرقدون العصر كله لين يدتهم ادش عليهم بالعصا وتقيمهم حق صلاه المغرب وقالوا حق يدتهم انهم يبون يروحون مكتبه جرير ويدتهم وايد اتحبهم ماتقدر ترفض لهم طلب بس احيانن تكون قاسيه وياهم عشان يصيرون سنعات راحوا وتصل خالد فيهم ايسالف وقالوا له انهم بيوحون المكتبه وقال اهو بعد بيي خلهم ينطرونه وصل خالد وراح وياهم وهو قاعد جدام طاقينها سوالف ويه بعض وضحك وقاعد ايقولهم سالفته في المدرسه يوم يبي ينط الطوفه ومااتوا من الضحك نوف : هاهاهاههههههههههههه مااقدر بااموت من الضحك احلف بس خالد : والله مايسوى علي ربعي سوني طنازة وماخلوا احد مااقالوا له نجلاء : ههههههههههههههههه نوفوه شرايج انسويها نوف : أي عشان زلوخ اتصطرنه ههههههههههه وصلوا ونزلوا وراحوا كل واحد في صوب ونوف راحت صوب الكتب هي ومن النوع الي يمووت على شي اسمه كتب وجافت كتاب عجيب بس حاطينه فوق عاد بدات تتحنطم وماسمعت اله ضحك بصوت عالي ولفت الصوب الثاني وتلون وييها بك الألوان يالله هذي مايي الله في الأوقات الحرجه تتوقعون من يكون هذي الشخص ؟؟وهل راح تتغير حياة نوف ونجلاء وخالد وراشد وعبد العزيز |
خخخخخخخخخخخخخخخخخخخخخخخخخخخخخخخخخ مسكينه نووووووف هههههههههههههههههه نتريا البارت |
مشكورة اختي |
:1711:وين البارت |
مشكووووو ع قصة |
فديتج وين الباارت |
ثاانكس [mark=#ff0000]ع[/mark] القصه [mark=#ff0000]و [/mark]نتريه [mark=#ff0000]منج[/mark] الجزء [mark=#ff0000]الثاني[/mark] ^_^ |
يالله متى بينزل البارت الي عقبه |
القصة كانت في منتدى فارس الامارات بس حذفوه وسالت الكاتبه ماردت علي والقصه من زمان 2008 اظني شكلها مارامت تكمل القصه >قهر |
| الساعة الآن 09:53 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir