|
من التالي >>>>>>> [align=center] بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم جميعا ما اعرف كيف ابتدي بالموضوع لكن اتركها للفطره ،يا اخوان زادت هاي الأيام حوادث الإغتصاب واخصها حوادث اغتصاب الاطفال في البدايه كانت حادثه الطفل موسى اللي عمره كان 4 سنوات وفي يوم عظيم وفي شهر حرم فيه القتال موسى اللي بعده ما يعرف الدنيا أربع سنوات وللحين ما انحكم في القضيه ، واليوم نقرى في الجرايد قضيه نوره ذات الثمان سنوات اللي كانت تحفظ القرءان وغرر فيها المجرم واغتصبها وهي تتوسله وبيدها القرءان وهو ما اخذته الشفقه حتى عليها اتبع شيطانه وهواه وارتكب جريمته !!!!!!!!!! ما عندنا شك بنزاهة القضاء عندنا وعدله لكن لي متى بنظل نخاف على عيالنا واخوانا اهلنا صغارنا ليش ما يتم الحكم فيهم بسرعه وانزال اقصى عقاب ليش ما نسوي ردع لاشكالهم حتى لو كانوا مريضين نفسيا شو ذنبه الطفل اللي مات ولا البنت اللي بتعيش عمرها فحالة انهيار البنت اللي ضاع مستقبلها وانتهى والحين تعاني من مشاكل نفسيه ونظرة المجتمع لها ونظرتها للمجتمع اللي ما قدر يحميها من الشر يا اخوان انا اتكلم وانا اسمع واقرى بس كيف بيكون شعور اهلهم او اقاربهم ؟؟؟؟؟ الاعدام عقاب لهم لكن الإعدام لهم بالطرق العاديه ما يفيد لازم يذوق الموت اكثر من مره ولازم يتعذب قبل لا يموت لازم نردع كل من يفكر يسوي سواتهم لازم يكون الحكم صارم لازم يكون الحكم قاسي خالي من الرحمه نفس ما هم تجردوا من الرحمه اللي فيهم نداءي لرجال القانون ولقضاتنا نحن ما نريد تاخذكم شفقة ولا رحمه عليهم نريدكم تضربون بعصا من نار مب من حديد حتى لا يفكر اي شخص انه يرتكب جريمتهم شبعنا من الجرايم وكنا نقول الوافدين والوافدين والحين صاروا من عيالنا هم اللي يسوون الجرايم ما اجمع الكل ولكن اقول قله منهم لكن فنفس الوقت الحسنه تخص والسيئه تعم والبرتقاله الخايسه في الكرتون تخيس الكرتون كله ............. ان لله وانا اليه راجعون الله يرحم الولد اللي توفى والله يصبر نوره ويعينها على ما ابتلاها واقول لاهالي المجني عليهم اصبروا وعسى ان تكرهوا شيئا وهو خير لكم احتسبوا الله فهو نعم الوكيل وصدقوني الله جبار ولا يضيع حق مهما كان صغير أخوكم بو ميثاء[/align] |
لا حول ولا قوة الا بالله فعلاا زادت عندنا هالحوادث .. استغفرالله .. معقوله في نااس بهالقلوب اللي تخليهم يسون هالاشيااء الشنيعه .. والاسوء من جي انه سووها في بيوت من بيوت الله هالفئه من البشر .. يكوونون نااس متخلفين وضعااف نفووس بنفس الوقت اتمنى من الجهات المختصه معااقبه هالمجرمين بشتاا انواع العقاب ويكون ظاهر لجميع الناس ليكون عبره لمن يعتبر تحياتي لك اخويه ويعطيك الف عافيه هيبة ملك |
السلام عليكم ورحمة الله وبركاته :9: الحر عندنا معقولة ...!!! من زمان ما حطيت عندنا مواضيع ..!! بس مدري كل ما اتحل مصيبة او ديزاستر عندنا أو قضية ... انشوفك ..~ لاحظنا هالقضايا هالايام ....!!!! وفي ديرتنا اللي انعرفت بالامان ..~ بس .. وش السبب .. مب كل مرة بنتهم الاخلاقية ... عندنا زوايا بس مظلمة ومحد ملقي عليها الضي ...! كثرة العمالة أولها ... سبب انتشار الجرائم ... !! وبعدين اليهال .. عملة سهلة يتداولها الأنذال ...!! الله ايعينا على ما ابتلانا ..~ تسلم على الموضوع ..~ مع أني في تخوف من زيادة النسبة ...! |
لآآ حوؤل لله .. صدقك يآ خوؤي زآآدت بكثره بعـٍـد .. الله يرحمهم اليهآآل .. حرآآم عليهم والله .. شو يبون ف اليهآل .. الله يحفظ عيآلنآآ من هالاجنآآس يلعنهم .. الله يستر .. يزآآك الله خييييير ع هالموضوع .. |
طبعا اول شي مشكووره ع الموووضووع ... الانسان لآزم يشاارك الاحزان والفرح ويآ الجمييع واليوم انا ييت ابصمك او ابصبملج ... اني تاثرت بلي كتبتيه او كتبته .. ولآ حول الله ولآ قوه الا بلله العلي العظيم ... قدر الله ماشاء الله ماشاء فعل .. ماقدر اقوول آلآ الرب ويا الجميع ان شاء الله |
السلام عليكم ورحمة الله وبركاته والله يا اخوي الدنيا تضيع يوم بعد يوم... وهذي علامات الساعة... صعب تاخذ حذرك من اي شخص.. مشكلة كلامهم يخليك توثق فيهم وهم مب ويه ثقة.... ما نقول الا الله يهديهم الى طريق الصواب... تقبل مروري... اخوك الحسانيh+h |
لا حول ولآ قوة إلا باللهـ ... صدج واللهـ هذي من علآمآت يوم القيآآمــهـ ...... أنتشر كل شئ.... وبدت علامآت الصغرى وعلامآت الكبرى تطلع ...والمشآآكل تزيد يوم عن يووم ...... الله يستر .... والله من نسمع هالاخبااار >>مال الأغتصآب والحوآدث والأمرآآض وغيره .... نخآآآآف لأنآ نعرف إن السآآعــهـ قربت ....اللي هو يوم القيآآمــهـ ....يوم الحسآآب ..... و نحنآ مآعلينآ إلا انا نستغفر ونكثر من قرآءة القرآن ....وأهم الشئ صلآآتنآ ....لأن الصلاة هو أول يحـآآسب عليهـ يوم القيآآمــهـ ... الله يعطيك ألف عآآفيــهـ أخووي( الحر ما كل المخاليق تقواه ) ....موضووعك جذبني ... موضوووع رآآآئع .....^^ |
السلام عليكم ورحمة الله وبركاته مشكور أخوي ع الطرح الطيب.. موضوع في شدة الخطورة،، الله يعين العباد في البداية ما كنت مصدقة بس عقب ما كتبوا بالجرايد انصدمت.. والله قمت أخاف ع اليهال اللي عندنا من هالسوالف لأنه ما شي أمان من هالمجرمين.. يهال شو ذنبهم؟؟ لا حول ولا قوة إلا بالله.. انا من رأي لازم القضاء يكون صارم جداً مع هالمجرمين عشان يكونون عبرة لغيرهم حتى لو كانوا مرضى نفسين لازم يتعاقبون.. حسبي الله ونعم الوكيل.. الله يحفظ عيالنا وعيال المسلمين وجزاك الله خير ع الموضوع أختك اللؤلؤة |
اقتباس:
شو قصدج يوم تحل مصيبة تشوفيني يعني انا بو المصايب ويى راسج ها دبووووووووووووووووووووه بدال ما تقولين الحمد لله على السلامه ما تشوف شر والله ؟؟؟؟؟ انا من اسبوع ظاهر من المستشفى كنت راقد في المستشفى لانهم راغوني من البيت ما دفعت الايجار حق الوالد لووووووووووووووووول ههههههه لا صدق كنت مسوي حادث ودشيت المستشفى كنت متكسر شويتين بس الحين الحمد لله احسن تسلمين على سوالج عني ما تقصرين الدبه... |
اقتباس:
مشكوره على الرد بس انا ريال والله ريال النكنيم الحر ما كل المخاليق تقواه وكاتب اخر الموضوع بو ميثاء يعني شو:8: **__^^ |
[align=center]هيبة ملك و رادار الحب والؤلؤه ومحد شراتي والحساني تسلمون على مشاركتكم نورتوا صفحتيه حياكم [/align] |
اقتباس:
عادي طال عمرك .. فيك الخــــير ... ما هي شجااعة بس احس عمري مخنوقه وهالسالفه صارت عليهاا فترررره طويله بس والله مب قادره انساهاااااااا دوم تمر بخاطريه .. والحمدالله على كل حال ... قدر الله وما شاء فعل .. وهالله هالله بخواتكم وخوانكم الصغار .. لأنهم ما يعرفون شو يعني الاغتصاب ... او على شوو ناوي هالشخص الخبيث |
اقتباس:
ما كنا انعرف انك في المستشفى ..~ ان شاء الله ما تتكرر الحادثة ...~ الله ايقويك ..~ |
اقتباس:
ما يخصني ابي تعزميني اونه السموحه هع ها الكلام زمان كانوا يقولونه نحن ما نقبله لوووووووووووووووووووووووووول مسموح الغاليه عادي الله يبعد عنج الشر تراني امزح وياج بس |
| الساعة الآن 12:22 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir