|
جــــــيــه!!! الــــهـــندي هـــب ريـــال؟؟ السلام عليكم ورحمة الله وبركاته حبيت اتقل لكم موضوع عيبني فمنتدى من المنتديات وهو ظاهر ومنتشر بشدة بس بدون اي زعل او تحسس من الموضوع.... (((جــــــيــه!!! الــــهـــندي هـــب ريـــال؟؟))) عند الحريم هالمواقف تستوي وكثير بصراحة وابا القى جواب على هالسؤال ... اذا كانت بنت متغشيه ودشت محل او مول او اي شي من هالنطاق .. وكان في المحل هندي تعق الغشوه وعادي تظرب سوالف وياه بس فجأه دخل مواطن تتغشى تسألها ليش تقول والله انا قاعده ارمس الهندي !!!!! بالعربي يعني جــــــيــه!!! الــــهـــندي هـــب ريـــال؟؟ وبعد في ايام تشوفون البنت داخل المحل ووقاعده تتشرى ويدش واحد من الشباب لابس بنطلون وقميص والمسكين شكله هندي لول .. وتشوفه البنت وطاف وعاقه الشيله عالجتف والامور طيبه ... الا يصيح تيلفون الريال ويرد حي الله بو هناد علومك .. البنت ادق اربيعتها تقول ايه هذا ريال !!!!!!!!! وتستوي الربشه الي تحط العباه فوق الراس والي تتلثم بالشيله والي تطلع تربع من المحل !!!! الريال يحس ان ارهابي ويسأل .. خوات شمى في شي .. يقولن والله انت ريال كيف ادش المحل جيه !!!!!!!! مسكين الريال يقول والي جدامكم ريال .. وتقول لا هذا هندي .. جــــــيــه!!! الــــهـــندي هـــب ريـــال؟؟ هاي بعض المواقف الي تمر علينا نحن الشباب ... بس انا ابا اسأل يا بنات يعني الحين يوم تشوفن ا لهندي عادي ادقن سوالف وياه بس الريال المواطن يوم يخطف عدالكن جن خاطف على طير محنط ولا زينه مايعرف شو عداله .. على العموم انا ابا اقول ليش البنات مايعتبرن الهندي ريال ... وشو الي يخلي البنت تأمن في هذا الشخص ... وفي اسئله يايه فالطريج بس احينه ابا الجميع يشارك فالموضوع والسموحة يا بنات بس هذا الواقع ... تقبلووووووو مروري |
هييه والله صدقتي اختيه هالموضوع صح وجود بكثره حتى عدنا في الكليه بكثره بتحصلين البنات يتمشن بدون شيل ويوم بتقوليلهم بيقولولج عادي هب مواطن والله يعين يسلمووووو ع الموضوع |
ههههههههههههههههههههههههه .. انا منهــن تــرا خخخ مــادري ليـــش و الله ممم يمــكن عســبت ان الريـــال الهنــدي .. مالــه امكــانيه لنــه يــتزوجني ولا شــي جي هههههه هههه أحســه غيــر .. اشوف المــواطــن بنظــره غيــر عــن الهندي .. ممم الله يهدينا .. خخ ادعولنا .. ويصيــر خيـــر !! |
السلام عليكم ورحمة الله وبركااته.. كلام مب انه مواطن ولا غيره....اذا عن هندي..هما لا يطلعووون كلاام فاااضي ولا شي..هما عليهم من شغلهم وبس...بس الموااطن لا..ماشااءلله يغازل و راح يسوي كل شي..خخخ..بعد اذا بنت صدق تبي ستر ...والله هي لاازم تغشي وجه من الجميع..مب من انه اذا هذا مواطن و ذاك لا.. مشكوره ع الطرح المميز ربي يعطيج الف عاافيه |
تسلمييييييين اختي ع الموضوع الغاوي و وصدقتي هالظاهرة منتشره وااااايد عندنا يمكن من اسبابها السبب ايل ذكرته اختي ( الحلا محتويني ) والسموحهـ ^^ |
للاســف هالشـي منتــشر وبكــثره ... موقف تألمت فيه وانا بالجامعه بنات صدورهم طالعه الشعر مبطل كااامل ... جنه ماشي اختراع اسمه شباصه والعمال يشتغلووون وهم عااادي ولا جنه هنوود فالممرر ... لا حووول ولا قووه الا باالله ... الله يهديهم .. |
السلام عليكم ورحمة الله وبركاتهـ ... حياك الله أختي الكريمه.. للأسف مبدأ قد أتخذتهـ كثير من فتيات اليوم.. هذا ليس وحسب ما نراه اليوم لسن الفتيات الصغيرات أو اليافعات وحدهن اليوم يتنافسن على عـرش الجمال المزعوم لسن هن وحسب بل ركب من العجائز يلحق بهن يكدن أن يكن بعمر (يدوهـ ) .. فترين اليوم وللأسف أولئك الذين يدعون بالآباء والأمهات يدفع كل واحـد منهم بفلذة كبدهـ حتى تكون في مقدمة من هن يلحقن بركب التطور ولا يبقين على التخلف بزعهم إلا وهو الإحتشام والستر بالعكـس بل تراهن اليوم يتهامزن ويتلامزن على هذهـ وتلك الذين ما زلن ولله الحمد على خطى الحبيب المصطفى .. ( الله ينور دروبهن).. سؤال قد طرحتهـ أخيتي الكريمه .. ألا وهـو .. لماذا لا تتحجب الفتيات عن الهنود ومثلائهم.. أوهـ اولا تعلمين يا أختـي المبدأ السخيف .. ( الهنود ومثلائهم مب ريايـل) نعم ..!! لا تقلي عبارة من محظ الخيال كيف لا يكونون من الرجال لا أعلم ولكن الذي اعلمهـ انهـ اذا لمحت إحداهن ( واحد سامت بكندوهـ ) اسرعت كل واحدة منهن لكي تدخل( كشتها ) نعم !! كيف لا تدخلها أنأمرها بالفسوق وعدم الإحترام فلماذا لا تتحجب عنهـ فهو ( ريال) ومن المشين ان تظهر أمامهـ كاشفهـ بل هذا يمس شرفها وشرف أهلها ثم تبدأ الأسطورهـ التي تتردد كل يوم على ألسنة البنات ( انا أخويهـ ما يخليني اخطي برع البيت وانا متكشفهـ لكن فالجامعهـ ولا يوم هنود عادي) ( اخرط على الي ما تعـرفه) ... أما بالنسبهـ للفرق بينكم وبينهم ولماذا لا يتحجبون عنهم : ( وهذا من سؤالي لبعض ممن يؤمنون بهذا المبدأ) .. - النظرة الدونية :لأن البعض منهم يرون بإن الهنود أو الزلمات أقل مرتبهـ منهم وإنهم مهما حاولوا فلن يصلوا إلى مرتبتهم يعني( ما يقدرون يزوجونها أو حتى يفكرون فيها ).. - راعي البلاد: ( ما عندهـ شغل ) لانهـ الفتيات يرين بإن ( راعـي البلاد) متى أن رأى إحداهن تتمخطر قادمة بعباءتها السوداء أو بالأحرى القوس قزحية ( تخادى) .. - الجهل بالدين: لأنهـ لم ترد أي آية أو رواية حديث عن الحبيب المصطفى بإنهـ يسمح لهن بالتحجب أمام (راعي البلاد) وعدم التحجب عن غيرهـ .. حقيقهـ قد يجهلها البعض رغم وضوحها فاكثر الناس الذين ( يبصبصون) هم الهنود وكأن المراة عندهم قد أتت من كوكب آخـر لا وجود لهـ عندهم فالهـند ( الحمدللهـ والشكر) .. لا أقول إلا الحمدلله على نعمة الإسلام ونعمة العـقل .. سلمت أخيتي على الطـرح .. |
ربما تعتقد اخواتنا وامهاتنا ان الهندي ليس بذكر .. وانما نصف ذكر ويقارب الأنثى من حيث السلوك والرغبات .. ويعتقدن ان الهندي ليس به رجوله ولا رغبات جنسية ... افكار غبيه وافكار تعبر عن قلة الوعي الديني .... |
يسلموو اختيهـ ع المووضووع بس اعتقد الرياال يتم رياااال ودق السوااااااااااااالف مع رياااااال غريب حراااااااااااااااااااااااااام شوو مااكاانت جنسيتهـ |
مب نعق الشيله عاااد .. لا لكن صح .. الهندي عادي ما نتغشى عنه .. مرات انا ارفع الغشوه اذا كانو هنود بس واتلثم اذا حسيت انه وايد يطالع بس المواطن استحي منه .. ومب سالفه اننا ما نعتبر الهندي ريال .. لكن ها غير عن المواطنين .. المواطن يمكن اذا عرف منو هاي بينقد عليه لكن الهندي لااا .. ووو ما اعرف بعد .. بس انا اتلحف يعني اتحجب عن كل حد واتغشى بعد بس عن دريولنا والطباخ والهنود اللي يشتغلون لا مب دووم بس عن المواطنين طبعا هيه اتغشى .. خالوه دايم تسال (الهندي مب ريال ؟!! اذا انتيتتغشين خلاص التزمي ..)) بس ما اعرف خلاص جيه هو اللي صاير اشكرج ختيه ع الطرح .. عن جد موضوع مميز وموجود في مجتمعنا .. تقبلي مروري وتحياتي .. |
السلام عليكمـ هالظاهـره طالعـه من زمــان على ايـام (( امـي )) بس من وجهه نظري اللي ماتتغشى عن الهندي هاي يعني مذهبها وسيع ومب متغشيه او لابسه شيله عشان ربي قال هي لابستها عشان العادات والتقـاليـد ... او اهلها قايلن لها لازم تلبسين ... وبعدين مب عن الهنـدي مب ريال بس هم يعتقدون ان الهندي لو بيشوفهم جـي مابيروح يقول ان فلانه بنت فلان مب لابسه شيـله .. ولا بيقدر يغازلها لان اقل منها مستوى ولا بيتزوجها طبعـاً .. بس ننسى ان المواطن شايف بنات وايد اما الهندي مسكين في غربـه واكيــد بيفتح عينهـ على وسعهـن يوم بيشوف بنت واذا هو هندي يمكن يفكر لما تفصخن الشيله ان البنت تبيهـ يشوفهـا هو مايعرف ان هـي بتحسبهـ مب ريـال انا عنـي اخاف من الهنـدي اكثر من المواطن بس في الحالاتين مااعق الشيله |
| الساعة الآن 08:43 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir