|
乂آآه يا ويـــله .. قلــــبٍ صويــبٍ بانــت أقداره乂 السلام عليكم ورحمة الله وبركاته شحالكم ياعرب؟؟ مب جني طولت عليكم؟؟ ويقولكم المثل من طوّل الغيبات ياب الغنايم .. وانا يايبتلكم غنيمة .. حطينا الافكار وبدينا فكم من جزء وفي من القصة شبيهة بأخت عزيزة وغالية ...وهالمرة قصتي بتكون مفنودة يعني مميزة ونادرة بس بمشاركة الاخت الكاتبة المبدعة سفرجل .. وان شاء الله اتحوز على اعجابكم.. تراها بتنزل الاجزاء ويايه وبترد عليكم بعد.. ولا تقصرون من النقد .. وعلى فكرة في منها صدق حصل ..وعن الابطال كلهم ابطال وكل واحد بياخذ حقه في البطولة .. واذا عن الاجزاء ان شاء الله نشوف ردة فعلكم وبعدين راح نقسمها ان شاء الله ... يالله بسم الله نبدأ الجزء الأول.. (كانن اليدة ميثاء وربيعتها شما ونشبة؛ و البنات ..هند ومي خوات و فاطمة بنت خالتهم .. فارشين الحصير فحديقة ألمانيا ومجابلتنهم البحيرة ؛) - نشبة : يالله شو هالمكان الزين !! - شما: وتزاعج) امايا زهوور لا تسيرين بعيد.. - ميثاء: طاعي السيلانيات كيف متيمعات ..خلي بشكارتج اترد عن يفرون راسها .. - شما : وابويه الله يسلمني ويثبت رويلاتها..(وتي زهوور وتيلس وياهم..) - ميثاء:هييي اميه تعالي يلسي ..مافينا بعد ..يشردن .. - شما: وابويييييييه طاعي الجلاب !! اعنبوا اوادم هب جلاب من كل صوب !! - نشبة: قومي منج لها !!روحي أتروّع من الجلاب قومن!!! - ميثاء: ماعنثرنا !! توّنا فارشين وين تبينا نلتعن؟ (اشويـه وانـه يشوفـن جلب عود ياي صوبهم و البنـات اتيودن في بعضهن .. ) - فاطمة: ويييييه !! يدوه الحقي علينا !!! - مي: ويه ويه امييييه!!!! (نشبة وميثاء يرفعون نعولهم ..) - نشبة أونها اتروغـه : ســـّي !!! ســــّي!!! خيرك الله ســــــــــّي!!! - ميثاء : ســّي !! ســـّي !! روغيه نشيبه روغيه!!! - شما: ويه ويه ويه !!! واعثرتي ياي صوبنا !! اشتلن اشتلن !! (عادة العيايـز ولين ينّشن يبالهن سنة !) نشبة : ســــيّ !! ســـــــيّ !! (- وتزاعج على وحدة -) امايا !!! تعالي شلي جلبج !! عج فوادنا غربله الله !!! (ياهن ووقف لهن صوب الحصير؛ البنـات متروعات و ينتفضن؛ يت صاحبته .. وهو الهرم؛ عزكم الله مال نحاسـة سواها حذال الحصير إمرة؛ بالضبط، وهن مبققـات عيونهن مب رايمات يقولن شي؛ وسـار عنهن ..) - شما اتغشت : غربلك الله يالخايس يالنيس!!! - ميثاء : انا الغلطانة !! انا !! انا اللي يايبتنكم هالمكان !! ولا انتوا ويه حديقة ؟؟؟ انتوا ويه عزبة وخيمة بس!!! - فطيم : خالوه هذي اصلا حديقة جلاب ..مب اوادم شوفي .. ( بصدتهن و يشوفن لافتـة كاتبين عليهـا إنه الحديقة حديقة جلاب ..) - نشبة : امايا !! لو انعرف نقرا جان ما سمعنا كلام المدحوبة ميثوووه !! (- وشلشلن اغراضهن - ) ادريبج يا ام النعول ردي نعالي !!! - مي معصبة : حشا والله ما خذت نعالج ! تتبلين عليّة يا عيوني؟ - نشبة : اسكتي !! اسكتي بنت بالخير !! فطمووه؟ غربل الله منكرج وانا اقول منو ماخذ نعالي !! - فطيم بكل براءة :والله يايدووه هب نعالج .. (و هنّود يالسة حذالهـا؛ تسمعها وتأشر عالجلب ..) - ميثاء : هنود؟ شو تبين به الجلب؟ - هنّود فخاطرها: الجلب ماخذ نعالج !! (ومادرن لين ردت نشبة بها الحاسية ..) - نشبة : صدق يوم قالوا عنك جلب !! ردّه !! رد نعالي أقولك !!(- وتلحقه بس بالبطيء ؛ ثرها الا لوتيّة ما تخاف من الجلاب ..سوّت المستحيل عسب نعالها ..لين فره في البحيرة -) انا براويك يالهرم يالهــــيس!!! (وكانت تركض وراه مع انها عيوز لكن محد يقدر لها ..خلّت من عمرها مضحكة ..وفصخت الطبجة الثانية بتفرها عليه ..بس ذكاءها منعها .. وصاحبة الجلب والبنات ميتين من الضحك .. ) - ميثاء : الله يعوضّج خير بدال هالنعال !! - شما : الله يعينج !! بتمشين حافية !! عطوها كيس تلف ريولها به !! - نشبة معصبة : جيييه؟ اتحرين ريولي محناية؟ الا امايا !!! - فاطمة: هدي الوضع هدي يعلني افداج ..( - وفصخت نعالها وعطته لنشبة –) - نشبة : يعلج يا فطووم بنت مييثووه بريّل يسترج ويحطج ع راسه ( -وتزاعج - )قولي آمين !!! - فاطمة: آمين !! آمين عن تاكليني !! (وهن توهن بيركبن الموتر انتابت وحدة من البنات حالة مثل الصرع بس مب الصرع نفسه ..تنتفض؛ كانوا متجدمين الا نشبة اخر وحدة والبنية طاحت عليهم ..) نشبة : ويه !! الحقوا عليه !! طاحت البنية !!! (شما ونشبة يولولن من الزياغ ويركضن صوبها والبنتين يصيحن متروّعات عليها و من الموقف نفسـه؛ ياهن مايد يركض صوبهم وشلاها إيد وريـول؛ كانت شرا الميتـة؛ ودوهـا المستشفـى؛ أسعفوها و خلاف الدكـتور رمّس مايـد .. وسار عنـه ..) - مايد : يقول الدكتور.. انه الدوا اللي عطاها الدكتور النفساني سوالها آثار جانبية ما رامت تستحمله لأنه قوي و .. - كلهم : و شو؟ - مايد مرتبك؛ مب عارف شقايل بيخبرهم : قالوا بيغيرون لها دوا . .وبيتريونها تقوم ..لأنه الدوا أثر عليها لدرجة .. إنها مثل .. فغيبوبة .. (يا الله يا صدمتهن؛ البنيـة من كم من سنة مَب مترقعـة والحينـه هذا اللي زادهـا ؟!) - ميثاء يدتها :متى بيطلعونها من العناية ؟ - مايد: باجر .. - نشبة : يالله اتصبرنا ..عمرها ما اتهنت .. (– و اتصيح- ) - ميثاء وماسكة عمرها : ميود اتصل باللي ما يتسمى وخبره !! - مايد : بس يا امايا - ميثاء: لا بس ولا شياته ..يمكن يحن قلبه عليها .. بعد اللي سواه فيها !! - مايد: جهنم كلته !!! - ميثاء: سير عيل الفندق وبشر يدك واخوك..وهالله هالله فيه ياهل ما يفتهم ... ان شاء الله عيبكم؟؟ والتكملة بعد فترة ... |
( الجزء الثاني ..) (و بنرد بعجلة الزمن؛ من يوم هم صغاريـة .. كل شخصية باسلوبهـا؛ و القصة روحهـا بتقول لكم منو هذيـلا؛) - هنّود : مرررحبا الثاع ولا خلثن ..علوومك ابويه؟؟ (- وحاطة ايدها على اذنيها اتسوي عمرها ترمس في التيلفون – ) - مانع: أنا ؟ أنا بخير علوم أمج؟ - هنود: انا ليولي متكثرة !! (قصدها ركبتها متكسرة .. اتقلد العيايز يوم يتشكن؛ .. خخخخخخ ما تنلام ما تسمع إلا هالشكاوي .. إلا ركبي إلا ريوليـه و إلا ظهري .. و جان خلصن من رويلاتهن بيدورن على البشاكير و البيادير !) - مي ملانة : عن الغلاسة الزايدة قوموا خلونا نلعب !!! - هنود: مابا .. ليولي متكثرة .. - مي: جاب جاب يالله طوفوا (مي و هنّود وعيسى ومايد اخوان؛ أما مانع فهـو .. و إلا تدرون شقايل مَب مخبرتنكم .. مفاجعة !؛ أقصـد مفاجأة .. ) - شمايل كانت تترياهم وهي تستوي بنت عم مي و هنّود: توة الناس !!! - هنوّد: شو نثوي يا امايا .. ليولي متكثرة !! - شمايل : متكسرة يالجذابة؟ مادري منو يراكض وشبعان من المراكض وطايح ع ويهه !!! - مي: منّوع جيه ما سرت تلعب ويا الاولاد يا عيوني؟ - مانع: ميود قال لي احرس الحريم عن اييهن شي انته الريال !!( - ويدق على صدره- )انا ريال ولد ريال !! - شمايل : اخرط !!! احيد امك يابتك مب ابوك !! (مي من صغرها هي الزعيمة؛ وسارت بهم البقعة اللي دوم يتيمعون فيها البنيـات ..) - مانع يتصدد : هذا مكانكم؟ - مي: إن علمت حد يا منّوع( – وهي إتقربه-) يا ويلك يا سواد ليلك؛ بييب السجين مال اميه وبقطّعك وبشويك( – وهي تتطالع البنيات؛ بعيونها و الشر يتطاير منهن -) بناكلك واهلك ما بيدرون ! "والخيبة زيغتني !" (يا الله البقعـة؛ صحراء .. محد هناك؛ وكل وحدة منهن داستلها شيوال؛ تحفر به .. وكانن يحفرن و حفرتهن غزيـرة؛ يعني كل وحدة حسب طولها، و عقب ما خلصن يابن زوليـة و حطنها فوق الحفرة ..) - هنّود : احلى شي .. ما بغينا انخلث ! (كانن عبيطات؛ بس عبطهن حلو؛ كلهن ماسكات أيادي بعضهن إلا مانع ما طاع .. ) - مي: وييييه جبان ودب بعد ! - مانع بشفايفه الحمر : انتي الجبانة والدبة !! ( " وااايه فديت الكيوووت " ) - مي: يالله عاد منّوع !! - مانع: مابا يعني مابا !!! اميه موصتني ما العب ويا الحريم !( " خخخخخخخخخخ اسميه جذاب؛ لا ويقول لي حريم بعد ") - مي: كيفك بيفوتك ياعيوني ! (و يمشن صوب الزولية .. وهن يصفرن و بثلاثتهن ووقفن على الزولية بس ماطاحن ؟!) - شمايل: اويييه؟ ليش ماطحنا؟ - مانع: قوموا بتطيحون ..مب زين !!! بيعوّركم !! (قامت هنّود و تنقز هذيجي النقزة النقـزة على الزولية وما تشوف عيونكم إلا النـور ..) - هنود ومي وشمايل : آآآآآآآآآآآآآآآآي !! (و طاحن هذيجي الطيحة؛ فوق بعضهن و جنهن يثبتن لعمارهم المثل القايل - من حفر حفرة لأخيه وقع فيها- ) - مانع يشوفهن يحاولن يظهرن : دواكم !! محد بيفزعكن !! - هنود: منووعي ثاعدنا !! مانروم اتكثرنا يابوك !!! - مانع يقلدها : بث بثاعدج انتي !! - مي تصارخ : منووووووع!! (هن يتساعدن و مانع يعاون و عقب جهد ظهرن؛ ما وحاهم إلا يتهم وحدة متلثمـة ..) - دومينكا : بابا؟ بابا؟ - مانع: يعلج الساحق ..شو بغيتي؟ - دومينكا : ارباب يريد انته !! - شمايل : منوووع ؟ بلاها بشكارتكم؟ - مانع يسوي عمره ريال : روحي روحي روحي!!! روحي البيت ويوم بشبع برد !! - هنود: منوووعي؟ بلاها بشكارتكم غادية غير ام الدوييث؟؟ - مانع: انتي ما اتدلين ..ابويه ما يداني البشاكير ولا شيفتهن حتى انا ..وقايل لأمايا يتلثمن اصلا شكلهن يزيغ انتي شدراج!!! - مي : الا انتوا يا عيوني اتزيغون!! (كانوا أعز أخوة بين بعض؛ هنّود الشيطانة، شمايل الحليوة الهاديـة .. مي المسيطرة؛ ومرت الأيام عليـهم لين تحولوا أهل مانع وكان ما يبغي يفارج ربعه و خصوصا هنّود؛ متعّود إنـه يتضارب ويـاها و تضربه وإلا تفلعه بأي شي و ترد روحها إتداويـه ولا إتحط له العايدين فراسـه؛ أكثر الفلعـات تيـه على راسه؛ اتفره بحصى بأي شي اتشوفه بحديده .. شرا الأولاد هالبنية تحب تلعب وياهم؛ كانوا يوم يلعبون كرة القدم دوم يحطونها حارس المرمى؛ لين يوم عن يوم و سنة عن سنة؛ كبرت و عقلها بدى يفهم إنه لازم ما تلعب؛ من اهنه تبدى القصـة؛ كل شخصية بتعرف بعمرها و تعليقي بيكون من بينهـا و ما بتتوقعـون منو البطلة .. ) |
طبعا لكثرة الغمووض الملتف في القصة قلت الا احط لكم كواليس سفرجل واحلى البنات وسوينا ويا الشخصيات مقابلة .. الجزء الثالث (بعد الحادث) • انا اسمي مي الاخت العودة الطموحة ..احب الحياة ..جميلة جميلات ليوا ..محد احسن عني ..عمري 26 (- جذابة هي اصلا 29-) خريجة اعلام بامتياز ( - جذابة ب جيد- ) اشتغلت مذيعة اخبار فقناة واشتهرت وكل الناس حبّوني (- بس كانت تبا تشتهر زيادة-) وياني عرض ما يتفّوت من قناة اني اكون مذيعة (.- كان معاشها ما يكفيها على حد قولها -) احب اتكشخ وألبس كله ماركات وكله من تعبي ..اصلا محد تعب عمره وقال بيساعدني ..ما احب الزواج ..اكره شي عندي - وكله من الحادثة- اممممم شو بعد؟ احب اكون الـ leader فكل شي ( – بيني وبينكم تراها منافقة ووغدة – من غير ما كان فيها اي ملامح جمال يمكن بس طولها كانت قبل الحادثة تستحمل كل شي وتنطنش اما الحينه لا .. ) • انا هنّود مريت فمرحلة صعبة فحياتي ..قبل الحادث كنت بنية حبوبة ومرحة ( وكانت "احلى البنات" )والكل كان يحسدني على قلبي الطيب (- لين حصل اللي غيّر مجرى حياتها -) انا عمري 21 سنة (- ويوم حصل الحادث لها كان عمرها 18 سنة-) ماحب اتكلم وياحد اصلا منو يستاهل ؛ اصلا من دخلوني هاكي المكان وانا ما عقدت صداقة لا ويا الممرضات ولا الدكاترة ولا اللي شرات حالتي ( – وتصيح-) هذا شي هب سهل !!! (– أعرف عن هنّود بأنها أعقلهم كلهم؛ كانت الإخت المثالية ! – وكانت حبوبة وعصبية فنفس الوقت وشيطانة بعد بس الكل يحبها لحشمتها – وبعد محيّرة لمانع- ) • انا مانع عمري 27 لويش تسألين؟؟ (قصده ليش) ضابط في مركز مكافحة المخدرات (ومحير لهنود.. ابيضاني البشرة ..خشمه طويل بس مب وايد وعيونه عاديات بس يوم يبتسم تبتسم الدنيا له من حلاته ..طويل عريض ومافيه متن ..بس يوم ياهل كان دوم يعايرونه بالدب ومن كبر ضعف ..) • نشبة : شو تبون فية؟؟ ما روم اقول عن عمري شي اشدراني !! سيري عند حد ثاني .. (وتزاعج) شموووه يبونج!! _( نشبة تكون عمة غريبة يعني اخت ابوها اللي اسمه حمد ..وعايشة فبيت روحها حذال بيت قوم ميثاء وعندها بنت بنتها فطيم اللي امها توفت وتربت على ايدها .. ولسانها متبري منها ودوم تنقع صواريخ مب صواريخ صدقية ..قصدي فرمستها خخخ) • شما : مرحبا الساع .. هلا امايا .. انا شميم ..وتقدرين تناديني شما النسيم .. انا يا امايا ما عندي حد غير خوياتي نشيبة وميثوه وبشكااااااااااااارتي الفقيّرة .. اذكروا الله!! عن اتوحونها !! الله يثبت رويلاتج يا زهور !! ( ما عندها عيال ولا ريل بس معرسة 3 مرات وكلهم اتوفوا) • ميثاء : شو تبون بي؟؟ يالله سيروا مناك عندي 100 شغلى فراسي !! ( ميثاء تكون يدة هنود وعيسى ومايد وشمايل وهناء..وعلى فكرة اتحب اتلقط كلام بالانجليزي خخخ) • حمد يد العايلة ..وايد طيب وما يسمع عدل من اذنيه لكن الدنيا ما تسوى بلاه • عيسى : انا عيسى وعمري 27 سنة فمقتبل عمري على ما يقولون .. مخلص الثانوية وأشتغل سكرتير فشركة خاصة ( يشتغل في التحريات من 7 سنين بس محد يدريبه حتى اهله ..كان دوم يتنكر عسب يزخون المخالفين ..لين يته فرصة بتحقيق حلمه انه يستوي ضابط ويرقونه) انا شاب فأول عمري (ويبين انه كوول عسب شغله ..بس الناس ما يدرون فشغله ويتحرونه من الشباب اللي يتعاطون ) واحم احم محيّرين لي بنت خالتي فطييم يعلني افداها يعني يا بنات محد يتقرب خلاص عواس لفطوم... (كان يموت ع ترابها وهو انسان مثقف وواعي وحبوب وعلى طيبته ما بتحصلون وكان يحّن على خواته واخوه ..ويتريا اليوم اللي بيعرس فيه..بس العين بصيرة واليد قصيرة ..و الله عاطنه جمال هب على حد كان اسمروعيون وساع عسليات وغمازته تحت عينه بالضبط ومحلتنه اكثر .. وخشمه الرفيع والطويل .. وعيبهم الوحيد انهم فقراء ) • فاضل : انا بوعيسى (ويدوخ سيجارة ) عندي حرمتين وحدة عراقية الله ياخذها ان شاء الله وغريبة وساكنين ف ليوا .. فقراء على قدنا .. حتى الشغل ما يتحصل هالايام .. وعندي بنتين وولدين .. محد نافعني فهالدنيا غير ميووووه وميوود ولا عواس الجلب جان سمع كلامي وخذا له وحدة بنت عز ولا بنت الفقر ولا هنود ام لسانين متى الله بيفكني منها وتاخذ منوّع ويريشنا بالفلوس .. (كان فاضل ماخذ له عراقية وشفطت فلوسه وفيلته اللي في دبي ويابت له بنية وهي مي .. ومن الغصة اللي جاسته شل عنها البنية ورد ليوا وخلا غروووبة تربيها.. بس مي ما سلمت من كلام الناس دوم ايعايرونها ببنت العراقية وهي ولا بهمه..وكانوا عايشين على موتر واحد واالللي هو موتر عيسى مال الدوام ..) • مايد : يا هلا والله .. مرحبا ملاييين.. انا.؟ انا اسمي مايد بن فاضل ..وعمري 23 سنة .. (ومحير لبنت عمته شمايل .. كان ما يدانيها بعيشة الله مع انه في ليوا محد يمدح في الجمال والرزانة غير ب شمايل وهنود ..ويشبه وايد عيسى بس طبعا ميود مطول شعره يقلد الموضة هالايام) وتقدرين اتقولين مب اي بنية اتدش خاطري .. اللي يباني يركض ورايه .. (والخيبة يالخقاق العود ..من زينها عادة اللي بتراكض وراك مالت عليك) اتمنى اتوضح لو شي بسيط... |
الجزء الرابع : قبل الحادث : يالس و مشتط؛ حاشر الدنيا .. - بوعيسى: غرّوب ؟ غرّوووب ؟ وينها أم السعف و الليف ؟ ( يتكلم عن حرمته غريبة الفقيّرة) - هنود فخاطرها : حرمتك العراقية أم السعف والليف (– ردت عليه-) لا تقول جذيه عن امييه ! - بوعيسى يودها من شعرها : جاب يالحيوانة ! - هنود ما لحقت تشرد عنه : آآي !! آآآي!! آآآي امااايا !!! - عيسى نش : ابويه هدها ! - بوعيسى : جاب ولا اتطول لسانك عليه .. صدق انك هب متربي !! - هنود استغلت الفرصة وردت : سر !؛ سر عند العراقية وبتعلمك الطبوب (– و تركض بعيد- ) - بوعيسى : إن ما يوّزتج منوووع .. متى بتنجلعين عن ويهي ! - هنود : يوم بموت ! - بو عيسى: فكاك .. اسميني بذبح ذبيحة ! - هنود: هذا جان عندك بيزات يوم لهطته العراقية ( – وهي تتطالعهم -) متى تي يا منوع واتفكني من الصدعة ! - عيسى يضحك : جريب، جريب ! (كانت العوايـل من بينهـا متفقـة؛ بس تفكيـر الأبـو كان تفكيـره إنـه يبـا الفكـة من هنّود و إنها تاخذ واحد عنده خير يرفع من مستواهم أكثر من إنه يستـر عليها؛ كيف ؟ .. بسيطة زواج مانع و هنّود؛ مع إنه ما من بينهم قرابـة لكن الفلوس تغّير النفوس؛ و مايد أخوها لـ شمايل بنت عمه ما دروا عنهم قلوبهم ويا بعضهـا ؟؟) - بو عيسى يدوخ السيجارة : محد نافعني في البيت غير مي وميود ! - ردت عليه هنود و هي واجفتله صوب الباب : إلا قول منو منزل راسك بين العرب غيرهم !! (كان هم بوعيسى يدور له على شغل ثاني؛ عسب يحسن من وضعهم؛ عصبيته كانت زيادة عن اللزوم؛ نش لها و صفعها هذيجي الصفعة و دفرها على الأرض؛ نعم كانت المتمردة بين اخوانها؛ و هاكي اليوم مول ما يتنـسى كانت مخلصة الثانوية العامة و نتايجها ظهرن ..ومحد باركلها غير امها وعيسى ويدها ويدوتها ..) - عيسى : لا تزعلين يا هنودتي؛انتي اتعرفين انه مب من خاطره .. - هنود: مبيّن !؛ من استويت وهو ما يطيقني ..ويبّدي عليه بنت العراقية ! - عيسى : خلي عنج هذا كله ..اتجهزي باجر بوّديج وبحوّطج في دبي .. - هنود بلهفة : صدق عواس؟ ومنو بيي ويانا؟ - عيسى : فديتج هاتي اللي تبينه .. - هنود: والله العظيم يا عواس ان خليت بنت العراقية تي ويانا بجتلك !! - عيسى ضحك كم خاطره؛ كانت ضحكته عذاب : لويش؟ - هنود: هذي كلمة مانع .. تذكرها ؟ - عيسى: اعنبوا يوم اتلاقى وياه لازم هالكلمة تنقال - هنود تضحك : خلنا من منّوعي ! عادي اييب فطومي ؟ - عيسى : عاشت ! بتيبين حرمتي ؟ الا قولي كيف بتجلعينها وعندها 100 الف حراسة ؟ - هنود: ربك بعد يوم أريد شي !! (أصبحوا ثاني يوم؛ نش عواس الفير يصلي؛ وهو راد من المسيـد ..) - عيسى : السلام عليكم ..صباح الخير بغروووبة (امه) اللي ما فيها حييلة (- ويبوسها على راسها – ) - غريبة : يعلني افداك يابويه ..حبتك العافية ؛ يالله اقرب بنتريق .. - عيسى : جريب يطوليه بعمرج ياغير بسير اتريق عند يدي حمد .. - غريبة : عيل الله يحفظك وسلم على امايا وأبويه.. - عيسى : ان شاء الله يبلغ .. وعي هنود على الساعة 9 بطلعها .. (قبل لا يظهر؛ يسمعون زعيج .. ) - مي : والله لأراويك يا ميود ..انا تحط فمرحاضي معجون والله لأراويك (- واتزلزل البيت من صريخ مي-) تعال هنانه .. - ميود: ما بيي هناانه خخخخخخ شو بتسوين؟؟ (وينزل ميود وياخذها شردة ومي وراه وفصخت نعالها وفرته ..عيسى كان مدبر بيظهر ..) - عيسى :آآآآآخ - ميود : ويييييو على راسه !! - عيسى : ميود !! يوز عنها !! - مي : آآآخ اسفة يا عيوني !! - عيسى : لا فديتج عادي ..ان شاء الله لو ضربتيني بجاب ما بنطق بحرف ( - سارت حبته ع راسه – ) - مي : love you brother - عيسى ويغمز لها : love you too sister - ميود : يالله عالحب الاخوي انا !! الله لا دامها !!! - ام عيسى : اعنبوا كلامك كله سم ؟ انفد حجرتك وصل الفيّر !! - مي: عواسي؟؟ وين بتوّدي هنود؟ - عيسى : بوديها دبي .. - مي : وانا؟ - عيسى : انتي؟ بوّديج ورا باجر روحج محد وياج ..وين تبين تسيرين؟ - مي: صدق يا عيوني؟ انا ابي اسير امارات موول .. بس باباتي ما عطاني فلوس .. - عيسى : وانا وين سرت؟ - ام عيسى: خلاص يا امايا ..انا بعطيج ولا يهمج .. ظهر عيسى عنهم صوب بيت يده .. - عيسى : هود !! هود!! هيييييييييههههأأأأأأأأ !! وينكم يا عرب؟ - نشبة: مرحبا ... هدا هدا .. يا حمد!!! حمد!!! (وهو يالس حذالها وتزاعج) حمد وصمخ!!! - حمد اخوها : جيه تزاعجين؟ اصمخ؟ ما اسمعج؟ منو ياينا؟ (- وهو يصد - ) عيسى؟ يامرحبا وسهلا اقرب يا بويه ! - نشبة اتحرطم: انا احينه يهزبني .؟؟ امبونك تسمع اللي تباه !! ( - وعيسى يضحك وهو يسلم على يده اللي قام له – ) - حمد: اسمعج !! اسمعج !! - نشبة : ماقولكم ؟ يسمع اللي يباه !! اقرب يابويه انته هب غريب !! (- ويحبها على راسها-) - عيسى : اخبارج خالوه واخبار عزبتج؟ - نشبة : بخير يسلمون عليك.. - عيسى : منو هم؟ - نشبة : هوشي !! - عيسى يضحك : وعلوم حرمتي؟ تستاهلون نجاحها .. سلمي عليها وباركيلها عني !! - نشبة : ليش بعد هذا كله ؟ هذي جدامك !! (يا الله؛ صد لها وهو مكيف آخر كيافة !) - عيسى : ياويلي وييلاه (و كانت فاطمة متلثمة وما تبين الا عيونها ..كانت مخبلتبه ..) - فاطمة: السلام عليكم .. - عيسى : شكلي احلم .. - نشبة : لا يابويه ما تحلم ..رد السلام .. - عيسى : هاااه.؟ عليكم السلام ورحمة الله وبركاته (- وفطامي فخاطرها تضحك – ) - فطيم : شحالك عيسى ؟ - عيسى بلهفة : عمررري ما بنساها هالكلمة .. - حمد : حووووه!! حوووه !! سيري ازجري ميثووه!! - فطيم : ان شاء الله ان شاء الله .. - عيسى بحسرة : يدّي خربت ياخي!!! - حمد: شو تقول؟ - عيسى يصارخ : ماشي!!! ( - ونشبة تضحك –) - حمد: انزين جيه تزاعج؟ (عادة يلس عيسى يتريق ويا يده؛ على أمل إنه فطيم ترد تظهر له .. لكن خاب أمله لنه مطرشين البشكارة ويوم هو مروح كان مستانس؛ لكن اييـه واحد شرا الباكستانيـة .. ) - حسن :باجر العملية الساعة 9 والله يوفقك .. (- هو زاغ – ) - عيسى ويصد يمين : ليش ما اتصلت؟ - حسن : قلت لازم اشوفك يا خوك ..هذي العملية خطيرة .. - عيسى : مانع يدري ؟ - حسن : اكيد يدري .. ولا تنسى اللي دربناك عليه ..وعلى الساعة 10 بالكثير من يطلع من البيت بنزخه .. - عيسى : الله يوفقنا ان شاء الله - حسن: ما تباني ايي وياك؟ - عيسى: ما بيصدق ..لازم نزخه هو وجشاره .. - مايد : اتزخ منو هو وجشاره؟ ( - وزاغوا اثنينتهم- ) هااااااه؟ علومك خان؟ >>لا حوووول شو بيستوي بعواس؟؟ بيعرف ميود بالخطة ولا شو؟؟ وكيف بيكون لقى عيسى ب فطيم << |
(الجزء الخامس) - عيسى: ما بيصدق ..لازم نزخه هو وجشاره .. (– في لحظة إييد واحد تييي على جتف عيسى – )- - مايد : اتزخ منو هو وجشاره؟ ( - وزاغوا اثنينتهم- ) هااااااه؟ علومك خان؟- - عيسى : ميود؟ شو تسوي هني ؟ انزين عبدالله انته توكل وباجر بنتفاهم .. - - حسن: اوكي ارباب .. - - عيسى فخاطره : عوذبالله من ابليس زيّغني !! - - مايد: ياي اعرف شو سالفة الجشار .. - - عيسى : عن الغلاسة الزايدة !! اقبض طريجك !! - - مايد: بتعطيني موترك فديتك؟ - - عيسى يتغيلس اكثر : لا فديتك اقبض التكاسي ما يقولن شي!!! - - مايد: افااا!!! واخوك حبيبك؟ - - عيسى : بوّدي قوم هنوّد دبي !! - مايد: اوووهوووه !! انته الرمسه وياك ما تفيد !! علّك بالحراق !! (- ويسير بعيد – ) - عيسى : الله يسامحك ياخويه .. (يدري بأنه مايد ما يقصد برمسته؛ بس مايد كان مشتط و يسب ؛ كان يبا كل شي له، بس مب محصلنه لنه أبوه مب موفرنـه ..يعني حتى فاضل كان قاسي على عيسى وهنود ..وحرمته اللي صابرة عليه ..ودخل عيسى البيت) عيسى : اميه؟ يا اميه؟ وين هنود؟؟ (دق على حجرة امه محد رد ودخل .. ويسمع صوت في الحمام ..حد يهاوع ..) امييه؟ انتي بخير؟ ام عيسى: ياية !! ياية انزل وبييك !! (وهو زاغ على امه ونزل وهو متوتر ..وطلعت من حجرتها ومحمر ويهها مب طبيعي ..) عيسى مستهم: اميه؟ خير؟ أوديج المستشفى؟ ام عيسى تبتسم: ما فية الا كل خير .. (ويلست تشرب قهوتها) عيسى بفرحة : لا يكون في عضو خامس بيي في الطريج؟ ام عيسى : يابويه تقدر اتقول جذيييه !! عيسى حط راسه على ثبان امه : لا حول ولا قوة الا بالله ام عيسى : خير؟ مب عايبنك؟ عيسى : بيي واحد وبياخذج عني يا غروووبة !! انا روحي اغار !! ام عيسى : يالغيار العوود !! (وتضحك) وحرمتك فطموه؟ عيسى : هذيجي الرووح آآخ يا ويلي ويلاه ..وانتي يا غروووبة ...انتي؟؟ فشعتي قلبي تفشيع .. ام عيسى: يامنكرك!! يامنكرك!! ..عادة ابويه مب اتخبر حد ..خلني اتأكد اول ... عيسى : شو تتأكدين؟ خلاص انا اتأكدت لج ..دامج اتهاوعين وتزاوعين ..احينه بييج الوحام ..ابويه وين؟؟ ام عيسى : سار الشغل ..يابوك رحمنا ..ولا المناجر اللي كل يوم انحصله .. عيسى : شو نسوي ابونا ولازم نستحمله ..اذا نحن ما استحملناه منو بيستحمله .. (ويتنفس بصوت عالي) انزين يا غرووووبة.. ام عيسى : مالك من الله شين .. عيسى: عاد انا اقووولج جارانتي انه ولد !! ام عيسى تضحك : شدراك؟ عيسى : احساسي يقول .. ام عيسى : خلك يا بو احساس .. عيسى : هي والله .. تفتح احساسي من شفت فطيم اليوم .. (وهو يسمع بطنها ) اميييه؟ ام عيسى : ها يا بويه؟ عيسى : اتحرك الولد !! والله!!! ام عيسى تضحك : بعده ما مداه استوى اعنبوا !! يابوك يوعانة وبطني يغرغر !! عيسى : مرة ثانية غيري نغمة بطنج ..نبا انعرف انفرق ياخي .. ام عيسى : ياخي اسكت خلنا انطالع الاخبار المحلية !! (ويسمعون غريبة وعيسى هرنات ..وحد مبطل الباب ) - هنود والغبار وراها وتزاعج : يعني شوه؟ بتخيسنا في الموتر من الحر؟؟ وانته ميّلس اتهذرب هنيييه؟؟ - عيسى : اووووووه نسيناج !! سامحينا ياغرووبة بنسرح جدا دار مكتوم تامرين بحاية؟ - ام عيسى : جان بتمرون الجمعية خذوا لي يونية عيش بو سنارة ... - عيسى يضحك : والله حالة ..لا يكون (متوحمة) - هنود: يالله عاد فطسنا حر!!! (وتهف بشيلتها اتقول مهفة ..وسارت على طول ركبت ورا صوب الدبة ) - عيسى : انزين.. انزين ياي !! (وهو توة يركب الموتر ..) لا إلـــــــــه الا الـــله ... - نشبة وشما وميثاء : مــــحـــــــــمـــــــد رســــول الله .. ( صد ورا منصدم ومبجج عيونه وميثاء جدام راكبة ..) - عيسى : بسم الله الرحمن الرحيم !!! من وين ظهرتن؟ - نشبة : من بطون امنا !! الله يغفر لهن ويرحمهن !! |
[B][SIZE="4"][FONT="Arial Narrow"](الجزء السادس) (يالله على ما اظن انطر حلجه من الابتسامة ..) • عيسى : فطيم؟ (وفطيم صخت ..كانت ما تواطنه بعيشة الله ..مجبورة تاخذه ..وتبتسم غصب عنها ..) • فطيم فخاطرها : اوووفف شو يبا بعد؟؟ بيلس طول الوقت اجابله؟؟ (شما تنغزها عسب اترد ولا حياة لمن تنادي) • ميثاء: يالله بويه اتوكل .. • عيسى اتكدر : ان شاء الله .. (حرك الموتر ..بس وقف يوم كان بيظهر الموتر من البارك..) امايا شما؟؟ • شما: ها يابويه؟ • عيسى : جان بتبدلين اماكن ويا فطيم ..ما شوف منها !! (خخخ يا مكره ..شكله يبا اييلسها في النص ) • ميثاء: داون داون مافينا بعد ... (عيسى انصدم) • عيسى: داون؟ • فطيم بصوت واطي : سخيف !! (وحزتها ماتوا من الضحك عليها ..وبدلوا الاماكن ..واتحركوا وحط لهم ميحد ..) • ميثاء : يا عواس بدل هالشريط عوّر لنا راسنا ..قابض لنا قمة وقمة وقمة وقمة !! • نشبة : الا امايا لا يبدل !! هذا سعيد .. يالله !! اسميه احيده هاكي اليوم سايرين بيتهم..ويعّد علية من هاكي القصيد الغاوية!! (كلهم صدوا انصدموا من الكلمة .. كيف قصيد وغاوية؟؟) • هنود: امييه نشبة ؟؟ بيسحبون عنج الجواز !!! • نشبة صدت ورا : شعنه امايا !! بسم الله علية !! • هنود : بيعطون جوازج لزهور بشكارة اميه شما من التنقيييع !! • نشبة : اي نقعات هذيييه؟؟ (وضحك عيسى بصوت عالي ما رام ايّود عمره .. وكلهم يضحكون عليها ..) • شما اتكلم عيسى : ابويه عيسى ؟ متى قررتوا اتعرسون انته وفطيم ؟ (فطيم احمر ويهها ويطالعها عيسى من المنظرة ) • عيسى : امايا خله فطيم اتقرر وين بتدخل من الكليات .. وانا تم من عيوني .. • فطيم : فقدتها من عيون !! • شما اتصد ورا : وانتي يا راعية منوع؟؟ • هنود : والله يا طويلة العمر؟؟ • فطيم تبتسم: احينه بيبدا التفلسيف !! • عيسى يتمصخر : وااايه الحمدلله!! نطقت البنية !! • نشبة نشت له نشة : فديتها امبونها ترمس بس اتخّيل .. • عيسى : هييييه انتي دافعي عنها ...بتبدينها علية!! • نشبة: لا حشا علية !! هي بنت بنتي وانته ولد اخوي • عيسى بصوت واطي : يالله بدينا بالتخريف !! (ويرمس بصوت اوضح) اخوج حمد اللي هو يدي صح ولا؟؟ • نشبة : هييي صح • عيسى : عيل كيف خليتي يدي ابويه؟؟ • نشبة : عاد انا قصدي غروبة تكون بنت حمد وانته ولدها!!! • عيسى يصفق بسرعة : يا سلام عليج !! (ويضحكون) • هنود: خلوني اكمل .. • عيسى : كملي كملي ..بس بقطع فرمستج من فترة قاري قصة .. وواحد اسمه عواد كله يعج قصيد ويعصب على اهله يوم ما يخلونه يكمل هههه • هنود: هييييه مال الجود !!انا قريتها بعد ..غربلها الله هالكاتبة طول الوقت وانا منقبض قلبي على احمد .. • نشبة : عن شو اتكلمون؟؟ طوّل يابويه عالقمة !! • ميثاء : ياهي سلطة الزمان !! • عيسى : شوفوا انا بقول لكم شي مانع ما رمس بالسالفة .. ولا تيلسون اتحطون امال وهالسوالف عالبنية .. • ميثاء: وهو صادق ..واهله بعد ما كلمونا !! (واتكدرت هنود) • عيسى حس انه اخته اتكدرت وسار بيفرحها: وانتوا اتحرون منوع دب شرات قبل؟؟ • هنود بلهفة : صدق والله عواس؟؟ (ويلست اتخيله وهي مستانسة) • عيسى : والله غادي غير قلم.. (ويصيح تيلفونه) هلا ببوراشد ..ههههه عمرك طويل ... (ورفرف قلب هنود) • هنود فخاطرها : شو هالحظ الحلو؟؟؟ منوع؟؟ يعلك يا منوع اتي المكان اللي نحن فيه ..آآآآآآمين .. • هنود : اميه ميثاء ؟؟ • ميثاء : عونج.. • هنود : قولي آمين؟؟ • ميثاء اتطالعها بمكر : أدريبج !! آآمين ان شاء الله .. • نشبة : إشوو؟ علموني؟ وجيه ما علمتيني انا؟؟ • هنود : لأنه اميه ميثاء حرمة مؤمنة .. (ونشت لها نشبة نشة) • نشبة : غربل الله مذهبج الخايس !! جيه ونحن يهود؟؟ • شما : اقولج انا !! صدقتي يا نشيبة ..اميييه؟ نحن نصلي ونصوم الحمدلله ..في اليوم الواحد (وتسوي بايدها العشرة بعشرة) 200 تسبيحة و 200 تهليلة .. والمسباح في الشنطة .. • هنود بصوت واطي : يالله كلوني ... • نشبة : اسمعج !! اسمعج تراني !! • هنود : شو اسوي يا اميه؟ انتي ماشاء الله عليج محد يسلم من لسانج ..يعني انتي اتسبين من صوب ويروحن حسناتج ويردن يظهرن من صوب بسبت صلاتج خخخخخ • نشبة : استغفر الله العظيم ... (اونها سكتتها بهالكلام ..صبروا عليها بتننقع عليهم نشبة ) • عيسى : انزين ..ان شاء الله ..نتلاقى هناك .. (ووصلوا صحارى ..وهم نازلين معتجلين ..ومبندين على عباة شما ..وكانت ميثاء اتحرطم) • ميثاء: اعنبوا يا شمووه ...بلخة ما تشوفين؟ • عيسى يبتسم : الله سلم صبيعاتها ..ههههه (وهم يمشون ..وفطيم حذاله وتحاول تسير بعيد ..ويوم وصلوا ما يسمعون الا طاااااخ... ) • شما: والخيبة !! شو هالجلاص؟ • ميثاء ونشبة : اتخيب العدو !! (وعيسى سيده مسك راسها ) • هنود: لا زجاج هههههه • عيسى : انتي بخير امايا؟ (وهنود وفطيم يضحكن بصوت عالي ويشاركنهن نشبة وميثاء ..لأنه شما تمشي وما شافت الباب الزجاج ودعمته) • ميثاء : اسميها مدحوبة !! • نشبة : زين ما كسرتي جلاصاتهم !!! • فطيم : امييييه؟ زجاج مب جلاصات !!! • نشبة : كلهم شرات نفس الشي .. (هالانسانة التنقيع من صفاتها ..) • عيسى : يا سلام !! يا سلام عالرمسة !! درر ما شاء الله .. (هو والبنات يضحكون) (الجزء السابع) >>>> في شي حبيت اوضحه اللي هو انه البنية اللي طاحت فغيبوبة ..تستعيد طفولتها يعني ..تتذكر طفولتها ليييييييييييييييييين عمرها الحالي ...وبنوصل ليين ألمانيا ..يعني ليش طاحت فغيبوبتها وليش الدكتور النفساني ..وكل شي ان شاء الله.. >>>> ( كان عيسى طول الوقت قلبه منقبض بس ماكان يبين لهم لأنه اول مرة بيقبض على عصابة اتروّج المخدرات لا وفبيت شعبي وعلى منو؟؟ على عيال بلاده ..والمشكلة الاكبر اللي يروجون هم كم من شخص من عيال البلاد اللي غرتهم الفلوس من غير ايمانهم ناقص) (وكلهن اتغشن من دشن المول ..وعيسى سار يسحب فلوس من الصرافة .. توة نازل معاشه 6000 درهم ..سحب 2000 وخلا على ينب 1500 لأمه .. من غير الباجي بيقسمهن لميود ومي عسب يوم بيوديها دبي مرة ثانية ..ما خلا شي لعمره ..يبدي اهله واخوانه قبل ..وكانوا يتشرون بس عيسى يحلف ما يخليهم يدفعون ..اما فبيت بو عيسى ..مايد فغرفته يتكلم في التيلفون ويا بنت ..) • مايد : هنوووه؟ وين كنتي؟ • هناء : سوري حياتي كانت شوشو حذالي .. • مايد باشمئزاز : إييييييييييييييه ام السعف والليف !! شو تبا ؟؟ • هناء : ماشي حياتي ..تسألني اذا كنت ابا عشاء ... • مايد : هيييييه!! بس مب جنج هالايام متنتي وخصوصا انج مربية كرشة؟ • هناء : خلاص انا زعلانة انا تقول عني جذيه؟ يالله باي !! • مايد: هنوووه غناتي بندي بندي بندي ..وادخلي النت خلّص رصيدي .. (وييه يالقفطة سيده كاش في الويه اتقول ..) • هناء : تبا رصيد بطرشلك ؟ • مايد عصب : يا حيوانه !! اهبي !! جانج بتغدين شرات اختج اذلفي !! (وبند فويهها ..وهو يضحك ودخل النت) • هناء فخاطرها : حقير !! والله لأراويك !! (وطلعت برع الحجرة ..) • هناء : اميييه؟ يا اميه؟ • ام شمايل : هنه ..هنه!! • هناء : وين شوشو؟ • ام شمايل : سارت بيت بو عيسى .. • هناء : اووووفيييييه !! وليش ما قالت لي.؟ • ام شمايل : تراج رغتيها حليلها ..امايا .. هذي اختج العودة هالله هالله فيها انتوا خوات .. • هناء : never mind )وسارت فوق وفتحت الكمبيوتر ..وشمايل شافت الباب مبطل ودقت الجرس ودخلت ..واحينه بخبركم شو السالفة .. مايد محيرينه لشمايل ..وهي تموت على ترابه ..ااما مايد مايدانيها بعيشة الله ..لأنه هنوه اختها اتكلمه بالدسة على اساس الصداقة بس فارة مخه فر .. لأنه كان حلو وشمايل حلوة .. كانت اتطلع عن اختها انها تظهر ويا شباب واتكلم وايد .. وبعدين صدّق ..وكان يساير فموضوع الزواج عسب الفلوس وبسبب ضغط ابوه عليه ) • ام عيسى : ميود؟ يا ميود !! بو طبر !! • مايد: اميييه !! كم من مرة اقووولج ما تناديني بهالاسم !! • ام عيسى : عيل قم قم !!! سر طالع منو عالباب .. • مايد : وين عنج السبالة ميوووه؟ • ام عيسى : سر يابويه الله يهديك !! (وسار وهو يتحرطم ..) • مايد : هاااه ثرج انتي؟ شو تبين؟ • شمايل : السلام عليك .. • مايد بدون نفس : عليج السلام ... نعم؟ • شمايل : هنود ومي موجودين؟ • مايد: ميووه السبالة داخل دشي يالله!! • شمايل : انزين ليش تفاتن؟ • مايد: اوووففف تراج لعوزتيني !! قولي انج ياية ترمسيني ..تراني ما عندي وقت لهالمصاخة !! • شمايل متغصصة : ان شاء الله .. (ومشى جدامها وهي وراه .. وهو يبا يضحك لأنه كسر راسها بهالكلام .. اما شمايل عاضة على لسانها مستحملة ..) • مايد: ميووووه !! السبالة هذي تباج !! (وشمايل رفعت راسها اتطالعه ...وسارت فوق عندها ..وكان يالس يكلم هنوه عالمسن ..وعلى الساعة 12 (ووصلوا قوم عيسى البيت وكانت هنود ميتة من المشي ..وكلهم كانوا رقود ..وعيسى سار يتسبح ..وبرزت هنود اغراضها اتطالعهن وهي مستانسة ..وحد يدق الجرس ..) • هنود اتحرطم : ياربي منو ياي هالحزة؟؟ ( لفت شيلتها واتلثمت ما تبين الا عيونها ووقفت عند الباب ..) منوووه؟؟ (ومحد رد ..وتصارخ) منووووووووووه؟ (واتكلم عمرها) اوووهووووه؟ جيه ما يردون؟؟ (وبطلت الباب وحصلت X5 عند بيتهم والفضول جايسنها ..عجت اللثامة وشدها انه الموتر كله تراب ومغبر ..ويلست تكتب بصبعها عالدريشة .. ## مالت عليك .. وععععع## وتضحك وتشرد داخل ..وهالريال كان في الدكان ولمحها تركض داخل ..يبا يعرف شو كانت تسوي ..ويربع لموتر ..ويشوف موتره ويضحك ..) • مانع: اسميها ياهل !! (ويدق الباب..) • هنود: انا ياهل؟؟ انا براويك يالهيس!! (وتزاعج تقلد مي اختها ) منووو؟ منو يا عيوني؟؟ (وكانت ماسكة عمرها تبا تضحك بس مب رايمة) • مانع منصدم : ياعيوني؟؟ (وبصوت ينسمع) عيسى موجود؟ >>> ان شاء الله اذا خلصت الجزء بنزله اليوم اذا الله راد >>> |
(الجزء الثامن) • هنود: انا ياهل؟؟ (وتزاعج تقلد مي اختها ) منووو؟ منو يا عيوني؟؟ (وكانت ماسكة عمرها تبا تضحك بس مب رايمة) • مانع منصدم : ياعيوني؟؟ (وبصوت ينسمع) عيسى موجود؟ • هنود: شوووووووووووووه؟؟ • مانع يزاعج : عيسى!!! عيسى موجود؟؟ • هنود: ماسمع يابويه عل حسّك !!! (ومحمر ويه هنود تبا تضحك) • مانع فخاطره : حشا ما يسوى علية!! • مانع: لا حووول!! (ويزاعج) عيسى !! • هنود تتكلم شرات يدها حمد : بس يابوك سمّعت اليّران ..اتحراني صمخة؟؟ من اقووله؟؟ • هنود فخاطرها : فديتك يا يدي !! (وحزتها ضحك ..) • مانع: قوليله بوراشد .. (ويخفق قلبها بخفقة مب طبيعية ..) • هنود فخاطرها : ويه ويه ويه الحب مالي هنيي؟؟ هااااااااايه يا مانع !! (وتنقز ..وتمشي يميين وترد يسار.. راسها داير من الفرحة) ياربي وين اضرب براسي ..وين ..!! • هنود: ان شاء الله.. ( .. وبطلت الباب عالخفيف قالت بتقبضها شردة داخل بس اكيد بيشووفها وهي ما بتشوفه وهي ما تبا يفوت اليوم بدون ما تشووفه عشرت سنين وسنين ..صديق الطفولة والريل المستقبلي ....واتلثمت وطالعت فوق جان اتشوف الغافة اللي حذال الباب واتعلقت بالجذع اتقولون سبالة متشلبحة..ربّعت ريلها وما يظهر منها غير عيونها ..ههههه ام الدويس .. ما يسوى عليها هذا كله خخ ..) • هنود فخاطرها : ياهو بلى !! بس والله لأشوفك بأي طريقة ..لو على قطع رقبتي (وقلبها يدق بسرعة .. واتنفس بصعوبة) • هنود اتكلم شرات امها :أبويه ..؟؟ انته اقرب الميلس على يمينك .. • مانع : ان شاء الله قريب .. احم احم .. (وهي قابضتنها ضحك بس عالهزاز على الاحم احم ... خخخ وهو صد يمين ويسار ما حصل اللي كلمته .. ويصيح تيلفونه .. وقف وبند الباب وراه ..) • هنود فخاطرها: ياويلي ويلاه !! منووووع؟؟ اسميك غرشوووب!! آآآآآآآآآآآآآآآي قلبي!!! الحقوا علية !! بدوّخ .. واعلية عليييك ضعفت ..لا خلييت من هالعيون .. وهالغزووز .. اندووك انته !!! حليييله واعلية على حواجبك سامحني سامحني .. ( فالعتنه يوم هم يهال بحصاه ومسوية ندبة صغيرة على اخر حواجبه ..) لا بس محلتنك !! • مانع : يصير خير باجر من اوصل المركز ياطويل العمر ...فالك طيب ما طلبت .. الله يحفظك .. (وهي اتطالعه وقلبها يرفرف الا قولي ينبض بنبض مب طبيعي ..وهو يمشي .. وشاجة الحلج من الفرحة .. وسمعت شي يتحرك حذالها ..صدت يسار ..انه قطوة سودة وعيونها صفراء مادري خضراء .. من حطت هنود عينها فعين القطوة ..) • هنود: إييييه !! (صد يطالع من وين هالصوت ياي ..شاف شي يتحرك صوب الحديقة وبعدين شاف شي بعد يتحرك صوب الغافة ..) • مانع: لا يكون سرووق؟ اهب!! • هنود ترمس شوي شوي : غربلج الله بعيد !! جب !! جب !! جب !! خليني انزل والله لأراويج .. سيري غربل الله هالعيون .. (وتشهق شهقة قوية ..لأنه مانع ياي صوبها ) • هنود فخاطرها : يا هي وهجة !! ويييه يالفضيحة !! وين اضرب براسي .. (وجان اتقوم عن الجذع وبينّت ..) • مانع يزاعج: انا يا ينك يالسروق يالسروق !! انزل ولا والله لأغسلك .. واشلك ويايه الشرطة .. ( ويربع صوبها .. وهي قلبها يدق وعيونها دمعت من قال الشرطة .. حليلها لابسة جلابية زرقاء غامجة فتبيّن شرات الكنادير مال الرياييل .. ويوم توها بتحط ريلها على الجذع الثاني ..وصل مانع) انزل اقووولك !! ..والله اسويها وأأيييك فووق .. وتكملة الجزء في الليل .. |
(الجزء التاسع) هنود فخاطرها : والله ما رمست هالحزة وياك !! هاللي ناقص بعد!! يالله اتفججني من محنتي !! (وحطت ريلها عالجذع الثاني .) آآآي ريولي اتيرّحت (ومسك ريلها ..وهي زاغت وانتفضت ..) مانع: سوّد ويه ابووك حوّل اقولك حوّل !!! (واتدوسه فراسه ..وطاحت عصامته ..) آآآخ الله ينطبك !!! هنود فخاطرها : دواك يالهيس !! (وكان الجذع الثاني برع البيت ..وعفدت عفدة حست عمرها روحها بتظهر ..وتتنفس بصعوبة ..وتركض وتنخش ..ومانع بطل الباب ..صد يمين ويسار ما حصلها ..) مانع : يعلك العدم .. اتعفد على بيت الحرمة (قصده هند).. والله لأحصلك !! (ووقف حذال موتره ومن الغيظ اللي جاسه رفس التراب وروح داخل ..) هنود: آآآي عيني !! (واتحرطم واتحج عينها ..) انا على اخر عمري انخش تحت موتر لا وبعد رفسني فعيني؟؟ آآآآآي !! هااااايه هاااايه وينج يا نشيبة اتدافعين عني .. آآآآخ اتكسرت !!! (وقامت شوي شوي وتنفض التراب عن ويهها وسبته سب ..) احلم اني اخذك !! حمار واحد !! عميت عيني (اما في الميلس ) عيسى : يا هلا يا مرحبا ..بلاك بوراشد مبهدل؟؟ مانع: ..عواس!! ما لحقت ياخي ... واحد عافد على بيتكم .. (عيسى انصدم ) عيسى : شو تقول يا ريال !! مانع : هي والله ..اصبر انا توّني مسوي حق واحد من الربع ..بخلي دورية اتحوم ففريجكم ولا هالسروق !! عيسى : يابويه هذا ميووود محد غيره !! مانع: خلنا من هالسالفة ..سوالك الريال؟ عيسى : هيييه نعم ..سوا .. بس والله شكله خوّان !! دامنه يتعاطى .. مانع: نحن نبا مصدر البضاعة من وين عسب انزخهم كلهم ولا يهدمون عيال بلادنا !! عيسى : هيه والله صدقت .. مانع : بس هالمرة ان شاء الله بنتوفق دامنه الشيخ يدعمنا .. بس اباك تشل سلاحك وياك وهذن البيزات ..10000 عيسى : بس مب جنه وايد .. مانع : انته سو اللي عليك يا عيسى وهالله هالله بعمرك ... اقرا آية الكرسي .. عيسى : هههههههههه بلاك متخوّف ان شاء الله كل خير .. واخيرا اذا نجحت بترقّى .. مانع : عرسي وعرسك فنفس اليوم ..شو رايك؟؟ عيسى :: ماشاء الله بتعرس؟؟؟ بالبركة علييك بس اترياني ... (وكان عيسى زايغ ..بس يجيس النبض..) مانع: وشخبارها عروووسي؟؟ عيسى سيده ابتسم : هاكييه في الصالة ..توّنا رادين من السوووق ..حليلها مستانسة انها نجحت .. (مانع كان بيقول حق عيسى شي بس سكت .. واحمر ويهه .. يمكن انحرج ..) مانع وقف : انزين عيل انا بترخص.. عيسى : على وين ..على وين ..يا مذهبي الخايس حتى نسيت أقهويك .. مانع: نحن مبينا قهوة؟؟ ما حيد .. انا بقهويك فعرسي خخخخخخ عيسى : ان شاء الله ..اللهم آآمين ... مانع: يالله عيل فمان الله .. (ووصله لين الموتر .. وهو راد يشوف هنود اتحرطم ساعة كاملة ..) عيسى : بلاج انتي بعد مبهدلة بالدور؟؟ هنود: شوف لا تكلمني لأني واصلة حدي .. عيسى: جيه شو صاير؟؟ هنود : هذا الجلب منوع !! عيسى: منووع؟؟ جيه بلاه؟؟ هنود: انا قلت ما بغيه يشوفني يبالي سنة لين اركض .. واتشلبحت عالغافة .. عيسى منصدم :شوووه؟ سبالة ؟؟ هنود: عواس عن المصاخة !! (وينقع من الضحك يتخيلها كيف متشلبحة عالغافة ..) وهاي الجلبة القطوة .. عيسى يضحك : يالله اميييه نشبة ورثتج التنقيع على اصوووله .. اتسبين القطو واتقوليله جلب؟ هنود: جاب جاب ..ويقول عني سروووق !! عيسى : هاااااااااااااااايه هههههههههه حسبي الله عليكم ما روم بطني بطني !! وانا اقوووله لا !! هذا ميوود!! هنود: وانخشيت تحت موتره .. عيسى : غربلج الله لو داسج !! هنود: لو يموووت ما خذته الهيس !! عيسى : تحلمين الا قولي اتمنينه !! هذا النسيب عن الغلط .. (والصبح نش يصلي الفير ..وقلبه منقبض .. ورد البيت ..) ام عيسى : يا هلا ياهلا ... عيسى : وايييه فديييت هالويه !! اميييه عن انسى قولي حق مي اني ماروم اوديها ان شاء الله باجر وهذوه المصروف وزعيه .. وهذا لج والله ما تعطين ميود انا عاطنه روحي (وسيده طاح ع ثبانها ..هاي العادة دوم عند الشباب .. وايييه اتصال وقام بسرعة وطلع ..) هزاع : اتغيّر الموعد .. عيسى: شوووه ؟ شعنه؟؟ هزاع: جان تبا البضاعة تعال الساعة 10 هالمكان .. اوقف فهالمنطقة وانا بييك ... عيسى: خلاص تم ... (وبند عنه ..واتصل ب مانع بس ما يرد ..جان يتصل ب حسن ..) ..هلا حسن .. حسن: يا صباح الخير .... عيسى : انا ما عندي وقت يا خوي ترا الريال غيّر المكان .. حسن قام من مكانه: اشووووووووووووووووووووووووه؟؟؟ عيسى : وين انزين مانع؟؟ حسن: سار يرمس الشيخ ... وياخذ الاذن .. عيسى : من الغبشة؟؟ حسن: شو اتحرى .. يوم السالفة وايد قوية لازم إذن .. (وبند عنه .. وسار بيت يدوته يبا يشووف فطيم .. لأنه الكلام جدي لازم يصير .. ) عيسى : السلام عليك يدي !! اليد حمد : يا هلا يا مرحبا وسهلا بولدي ... عيسى : علومك يدي؟؟ اليد حمد: هااااه؟؟ عيسى يضحك: ردينا على طير ياللي !! اليد حمد : أي طير؟؟ (ودشت نشبة عليهم وسمعتهم ..) نشبة : وتلوموني يوم اقووولكم؟؟؟ السلامن عليكم ... فطيم: السلام عليكم .. اليد حمد وعيسى : عليكم السلام والرحمة ... نشبة: ميثوه وين؟؟ عيسى : معسكرة في المطبخ ... نشبة : ابويييه هيييه من استوت هناك تيلس ... ونشيبة يت؟ (عيسى وفطيم نقعوا من الضحك ) عيسى : يالله يا اميييه .. وانتي شو اسمج؟؟؟ نشبة: ردينا؟؟ انا نشبة .. اوووووووووووووووووه !! شميم شميم ..!!! اليد حمد : شميم ما يت يالمدحوبة !! نشبة : المدحب محد غيرك .. عيسى : اميييه بغيتج انتي وفطيم في الميلس ... (فطيم زاغت ..) نشبة : ان شاء الله ... (ودشوا الميلس وهو كان يالس فآخر الميلس .. ونشبة وفطيم حذال بعض ..) عيسى وملامحه جدية : انا يا اميييه اباج تسمعيني انتي وفطيم ... انا ان شاء الله عندي شغل اليوم واذا وفقني بيرقّوني ..وبيرفعون معاشي .. فطيم رفعت حواجبها مب عايبنها الوضع : وقصدك تبا اتجدم العرس؟ عيسى : هيه نعم ..انا ما بمنعج عن دراستج بس انا عالعرس ماروم ما عندي لو تبين عيوني بجلعها لج وبعطيج اياها .. ما يغلى عليج .. فطيم بكل غرور: خلها لك ما ريدها ... عيسى : ممكن تسمعيني ؟؟ نشبة : انطبي واسكتي خليه ايكمل كلامه .... كمل فديتك الشيخ ... عيسى: انا بملج عليج .. واللي اقدر عليه بحطه .. نشبة : ونحن شارين الريال يا عيسى وموافقين .. فطيم : ومنو قالكم اني موافقة؟؟؟ هااااه؟؟ تجبرون وحدة واتحيّرونها وهي ما اتطيق هالشخص؟؟ عيسى منصدم : هاااااه؟؟ فطيم : هيييه مب هاااه !! اصلا انا ما اطيقك ولا اطيق حتى غلاستك الفاضية .. وجانك تبا اتعرس خذ هنووه وايد بنات الا انا .. فهمت مادانيك ولا اطيقك بعيشة الله!! (وطلعت وهي رافعة خشمها ..) عيسى مبجج عيونه : الله يهنيج يا فطيم ... (واحمر ويهه وظهر من البيت حتى ما اتريّق ..كيف فطيم اللي هي فطيم اللي عاشقنها ..تهدم كل شي بإيدها ..هو عمره ما غلط عليها .. وكان في الموتر وعم الهدووء كان ايفكر لين اتصل به مانع يكلمه وسار لين مكان يبدل فيه وكان لابس بنطلون وفانيلة ومتضايج حده .. وخلاف سار المكان اللي قاله هزاع ..ووراه ربعه اللي في التحريات بس بمواتر عادية ...وبعدين اتصل به هزاع ودلاه المكان .. كان مكان بيت عادي شعبي محد فيه .. وقرا آية الكرسي ودخل ..دق الباب وبطل له واحد باكستاني .. ودخل .. وسار الصالة ويلس .. ويا صوبه واحد ..وقام عيسى ومبجج عيونه منصدم ..شو هالصدمات اللي اتحتذف عليه ..) هزاع: يا هلا والله ... (وانصدم هزاع انه عيسى وعيسى بعد اخسين ..) عيسى : هزاع؟؟؟ شو تسوي هني؟؟؟ تتعاطى؟؟ لا ما اصدق !! والله لو يدريبك منوووع بينحرك !!! (هزاع يكون اخو مانع ..) شو بيستوي كل هذا باجر .. |
(الجزء العاشر ) هزاع: شو ينحرني ؟ جيه هو شدراه؟ انته بتخبره؟ • هزاع أصغر من مانع بسنة وانسان طايش ..وبطالي ماكمل دراسته وكله ويا ربعه الخايبين شراته ويعتمد على امه ومانع في الفلوس .. يتعاطى الهيروين من سنة ..ويروّجها بعد ..مع انه ملامحه اتبيّن انه وسيم لكن يبين انه مكار .. عيسى اتوهق : شو اخبره الله يهديك ..خلك عون هب فرعون !!هههه he's just my friend that’s all.. هزاع : سمعت انك تشتغل سكرتير .. شو يايبنك لطريجنا؟؟ عيسى : والله ياخي ملينا !! (ويحط ايده ورا راسه يبين انه هو مستريح) كله شغل وكراف ..خلنا انعيش ونستانس الحياة حلوة !! هزاع : هي والله صدقت ..انزين ما علمتني شو نوع الحلاوة اللي تستخدمها وتبا الكمية العودة حق منو ؟ (حلاوة =مخدر ) عيسى : الحبوب وانته؟ (وهزاع حسّر عن ذراعه اليمين ) هيييييه..انا ابا كمية لي ولربعي ..واحد من الربع خلاني اجرب بس وايد ياير يوم يبيع وانته سعرك وايد زين ..يالله يالله بسرعة عطني .. (وكان عيسى يمثل انه ينتفض ..وعيونه تبيّن من التعب بس الاصل من المكياج حاطين له تحت عينه اللون اللي يبين انه تعبان قريب من البنفسجي الاملح) هزاع : ويبت البيزات وياك؟؟ عيسى : فمخبايه هاذن !! (وطلعهن ..ويصيح تيلفون هزاع ..وقام) هزاع : لحظة بس ... (ويطالع عيسى بمكر ) عيسى : اوكي ... (وهزاع دبّر عنه وطلع ..وعيسى يطالع التيلفون الثاني ماله وكان مشغل التسجيل وخشاه ورا التكية ..عسب ما يفتشه هزاع وطلع التيلفون الاول ويلس عدل ..جان يطرش مسج لتيلفون نشبة يعرف انه فطيم بتقرا .. "أغليتج وعمري ما قللت قدرج واعرفي انه اللي ما يباني ما بصيح ابغيه " هزاع يتكلم في التيلفون : هلا بقلبي وعيوني ..هلا بسبالتي ههههه (وهو بالاصل لو تدرورون في المعاجم مي معناتها سبالة ..خخخخ..المعذرة من اللي اساميهن مي ..) مي :جاب جاب !!! وين انته يا عيوني ؟ هزاع : انا في البيت ... مي : انا لازم ارد لك موبايلك ..ياخي ماقدر والله بنكشف والله لو درت هنود ام لسانين بتخبر علية !! هزاع: انزين ابا اشوفج .. مي: ويييه يا عيوني انته تامر ..بقول لأمي اني بنام عند شمايل .. هزاع : خلاص لقانا عالساعة 11 .. (وإيييه الباكستاني ..) انزين بسويلج خلاف .. الباكستاني مفزوع : ارباب ارباب!! هذا بوليس برا انا في شوف !! والله والله ارباب !! (وانصدم هزاع ..) هزاع: شووووه؟؟ شدراهم ؟؟؟ (وزاغ هزاع ..وحزتها عرف انه عيسى هو من الشرطة وخصوصا لأنه ربيع مانع اخوه) الباكستاني : والله في شوف... هذا يسوي لبس سيم سيم انا..!!! بس انا في عرف!! هو وقف بارك وكلوا داخل السيارة انا في سمع سيارة شغل (تشتغل) بس مافي انزل.. 5 سيارة !!! هزاع : الله يغربلك يا منوع وهجتني وهجة واكيد مانع وياه ...والله ما اطوفها لك والله !!! ناصر جهز الحبل والابرة في الحجرة (ودش داخل وهو ميت من الغصة بس الا ينتقم.. ويبتسم هزاع) كل شي جاهز اتفضل الحجرة سلم واستلم .. عيسى : جيه ما يبته هنيه ؟؟ (حزتها شك ..) هزاع: الكمية وايد هب شوية .. عيسى : انته مالك امان هات البضاعة لين عندي وابا اشوفها وافحصها .. هزاع ابتسم بس بخبث : ان شاء الله تامر ... (وسار عند ناصر ويابوا البضاعة فكرتون..وناصر قفل الباب .. حزتها عيسى بجج عيونه شو السالفة ..) عيسى : جيه قفلت الباب ؟؟ لا يكون شاك فية ؟؟؟ هزاع: ههههههههه شاك فيك؟؟؟ههههههههههههههههه (ويحمر ويه عيسى وقلبه يدق بطريقة هب طبيعية لأنه احساس الخطر ياي صوبه ..) ناصر اربطه ... عيسى : اييييييييييييييه شووووووووووووو !!! (وهزاع يمسكه وعيسى يفلت عمره منهم بس ناصر يمسكه بقوة لأنه ناصر جثته عودة ..) [COLOR="DeepSkyBlue"]شو بلاك هدني اقووولك [/COLOR](ويرفس هزاع) هزاع : آآآآخ الله ياخذك انا احينه براويك !! (وياب حديدة طويلة وضرب به ع بطنه..) عيسى : آآآآآآآآآآآآآآآآآآآآآآآآآآآآآآآآخ !! (ورفسه مرة ثانية عيسى حزتها حصل بوكس بحديدة على ويهه خلته يصرخ صرخة كأنه رقبته من زود الضربة افترت ..وضربه بنفس الحديدة على بطنه ..يبرد حرته ..والدمان ينزل منه ..وهو يوّن من الويّع ...إلا داير راسه ...) هزاع: ناصر اربطه !!! (ورد ايد عيسى على ورا وربطه ..) والله لأكسر خشومكم يا عيال فاضل ... اتفي عليك وعلى هالويه !! (وطاح عيسى عالارض ..) ناصر سير بطل الباب الصغير اللي من ورا ..وشوف حد ورا ولا لأ .. وحط كل البضايع داخل الكورولا.. اكمل ولا لأ؟؟ |
(الجزء الحادي عشر) (اما عند مي وهنود كانن يتحرطمن في الشارع ويتضاربن وكانن بشيلهن البيض وشالات خلاجينهم لأنه منقطع عنهم الماي ..وسايرين يتسبحون بيت بوغريبة..) • هنود: جاب جاب !! هديني اقولج !! حمارة وحدة !! (وتضربها مي على راسها ..) • مي: انتي الجلبة !! ليش تاخذين قميصي الفوشي !! • هنود: مالت عليج وعلى قميصج فوقج .. هذا قميصي اصلا ..امايا قمصانج قياسهم لارج وانا ميديوم يا تيسة خخخخخ !!! قصدي يالدبة !!! .. (ودشوا البيت والحريّم يتريقن ..) • مي وهنود فنفس الوقت : السلام عليكم .. (وسيده طالعن بعض وكل وحدة صدت الجهة الثانية ..) • نشبة وميثاء وفطيم وشما : عليكم السلام والرحمة .. • شما : ويه ويه ويه ليش يايبين خلاجينكم؟ حسبي الله عليك يا فضول !! • نشبة ترفع ايدها فوق وتدّعي: يعلني اشوف فيك يوم منكسر كسرة يا فضول !! (وهم يضحكون وميثاء اتأشر بإيدها ..) • ميثاء: سيرن اتسبحن سيرن ندريبها السالفة !! • هنود : اميه نشبة !! وخصر مثل كسرة وراها ضمة وفتحة على حد السكون تواجه !! • نشبة : سيري سيري الله يهديج !! (وهنود صدت ورا توايج من الباب ..) • هنود: انا قلت لكم اني سمعت صوت !! (وطالعتهم ) ويه ويه ويه!!! ؤيال ياي صوبنا !! • ميثاء : يالجذابة العودة !! • هنود: والله اني ما جذبت !! • نشبة : ويه ويه ويه دامنها حلفت !! اشتلن اشتلن لا يكون عبيد ربيع حمد !! ويييه يالفضيحة هاتوا برقعي مادري وين فريته !!! (واستوت عندهم حالة استنفار يتراكضن .. شمة المطبخ وميثاء وراها ونشبة اونها اتحبي اتقولون سمسوم اتدوّر على برقعها ..وهنود ميوّدة بطنها من الضحك على نشبة ومي وفطيم دشن داخل..وبطلت هنود باب حجرة يدتها عاليسار ودشت الحمام..) • هنود تزاعج عسب تسمعها نشبة : اميه نشبة البرقع على راسج !! • نشبة : حسبي الله عليكن (وحطت شعار دولة الامارات قصدي البرقع ..ويوم توّها شالة ركبها بتقوم ..) • حمد: شو عندكن؟ • نشبة : وين الريال؟؟ (وهي تناهي ..وهييييييييييهأأأ جد قفلت هنود الباب عليها ..الحرمة قاصة عليهم ومي اتدق عليها واتوّعد لها بالويل ..) • حمد: شو تقولين ما اسمعج ؟ • نشبة تتنهد : اقبض الباب اقولك !! • حمد: شوه؟ ما اسمعج !!! • نشبة : حسبي الله عليك !! • حمد: مسوّدة الويه جيه اتّدعين عليّة؟ • نشبة : يامنكرك !! يا منكرك عيل هذا سمعته !! (وردوا يكملون ريوقهم واليد اتريق مال بسرعة بسرعة لأنه بيظهر ويا ميود ..وهنود ينسمع صوتها وهي تغني في الحمام..) • ميثاء : حسبي الله على هالبنية !! (وتزاعج ) بس يا اميه الله يهديج !! Come come!! • نشبة : اشووو اتخمه؟ (وتزاعج) يا هنود !! • مي : يا ام السعف والليف !! اطلعي يا عيوني !! (والصوت يتردد وخصوصا صوت مي ) • نشبة : ياامايا يا هنود !! اظهري الله يهديج !! بسّج من التلعليع!!! • هنود وتزاعج في الحمام : اركب الحنطور درقن درقن واتحنطر درقن درقن !! (خخخخ الناس في حالة وهي في حالة ) • ميثاء اتحرطم : سير فججها يالمهيندي !! • نشبة : ويدييييه شو تقول هذي؟ • فطيم: عاشت عاشت !! درقن درقن !! ههههههههه • هنود تزاعج : اهداء هاي الاغنية لفطيم ونشوبة الحلوة واهداء خاص لميوووه السبالة ... احم احم كح كح كلتوني !! • ميثاء : يالله شدي !! اسمعي سمعي الطفاسة انتي بس !! • هنود: يالله ميوووه يا عيوني !! (واتقلدها) اركب الحنطور درقن درقن !! (وفطيم سارت اتغسل وميوووه مشتطة) • شما: امايا زهور !! يا زهور !! سيري دقي على هنود !! محد مخلص مياهة فريجنا غيرها .. • نشبة : عشان جيه يايين يتسبحون عندكم .. • ميثاء: الا امايا ..هذا ابوها الهرم ماطاع يدفع فاتورة الكهرباء والماي وقطعوا عنهم الماي .. • نشبة : حسبي الله عليه ..عيل شو بيسوون ؟؟ • ميثاء : امايا انا اليوم مطرشة ميود وعلطتنه البيزات يدفع .. شو نسوي لو مب هالفقارى جان ما دفعت .. (ويوصل مسج لنشبة وشلت التيلفون) • نشبة : ألو؟ ألووووه؟ ألووووه يا مالك السم !! تتصل وتبند ادريبك تبا اتسمع الحس ملعون الصير !! • شما : امايا يمكن يا ينج مساج .. ( خخخخ شكلها تبا حد يهمزها ..) • ميثاء : إييييييه المدحوبة !! أي مساج يسمونه مسك (مسج= مسك عند العيايز كل شي جايز) • نشبة : امايا فطيم ؟ يوووووه فطيم؟ فطيم وصمخ !! • فطيم : ياية ياية!! (ويتها ) آمري يا عيون فطيم .. • نشبة : ماباهن عيونج احينه مسوّدة الويه ..سيري فجي التيلفون يايني مسك !! • فطيم تضحك : مسك ؟ يالله عالمسك والعنبر !! • نشبة : تنطزين؟ سوّد ويه ابوج مسوّدة الويه .. (وشلت التيلفون واتطالع) منو مطرش؟ يمكن مال الشؤون !! • فطيم : لا اميه هذا عيسى .. • نشبة : شو مطرش؟ • فطيم: كاتب انه ما يباني !! (وتتنهد) واخيرا !! • ميثاء تزاعج : مسوّدة الويه ولج ويه ترمسين ؟؟ • نشبة : ميثوه استهدي بالله .. (وفطيم منزلة راسها ..) • ميثاء: انتي بنتي لكن ما هقيتها منج ..جيه شو سوابج.؟ هااه؟ • شما : وهي صادقة ؟ هذا عيسى الشيخ فديت ويهه .. • ميثاء : لا عمره غثاج ودوم يبغي رضاج ..لكن (وتمسح على برقعها ..) ها ويهي ان خذتيه ..والله لأدوّر له شيخة من الشيوخ تستاهل ولا هاي لعبتج الماصخة !!! • فطيم روحت : اوهوووووه !!! (اما عند هزاع وعيسى ... هزاع سواله حركة نذالة ..) • هزاع : عواسوووه شحالها اختك ميوووه؟؟ • عيسى : جاب لا تطريها على لسانك !! • هزاع : بطريها !! شو بتسوي اذا قلت لك هذي my girl friend? (وحس عيسى مثل الرعشة فجسمه من سمع هالكلام ..) • عيسى : اختي اشرف من اللي انته اتقوله يالجلب !! تف عليك يال ........... • هزاع زاد بعناده وخساسه :تباني براويك شي بيعيبك عن اختك .. (وبطل تيلفونه ودخل ارشيف الصور ويراويه التيلفون ..) شو رايك هااااه؟ هني كنااااا في الموتر .. طبعا بدون شيلة وعباة .. (وعيسى يطالع وقلبه ياكله من الغيرة على اخته كيف تسوي جذيه ..) وهني في المول ؟؟ وهني في الشقة (وحزتها الارض كانت اتدور ب عيسى ..مب مصدق انه هاي اخته اللي تسوي جذيه ..) • عيسى : انته اكبر جذاب وهذي هب اختيه اكيد سارق الصورة جلب واحد ومركبنها !! • هزاع : ياويلي انا !! معقولة؟؟ عندي اكبر اثبات ياعيون هزاع .. (ويروايه فيديو كانت مي لابسة ملابس مب لها كأنه وحدة ثانية ..وتضحك وفالة شعرها ..حزتها قام عيسى على ركبه .. وعجاه ناصر وطاح عيسى على ورا .. وانصقع راسه عاليدار ..ودوّخ ..حزتها هزاع ..) • هزاع :ناصر هات الابرة قبل ما ينش !! • ناصر: اوكي ارباب .. (وعطاه ..) • هزاع : انا براويك يا ولد فاضل ..والله لأكسر خشومكم !! (وضربه بالابرة ودوّخ ..) • عيسى نش : شوهذا ؟؟ • هزاع: بس بنريحك وضربناك ابرة ههههههههههه • عيسى بطل عينه : شو سويت يالجلب !! • هزاع : ههههه ماشي بس زدت جرعة الهيروين يالغالي (وعيسى هب مصدق ..) ناصر خلنا انشله يالله .. (ودوّخ بسبت الجرعة والضرب عالراس .... وشلوه وشلوا اغراضهم وشردوا وبعد ساعة كاملة حسن ومانع حرقوا تيلفون عيسى ..ماشي فايدة مايرد ..قالوا الا يداهمون المكان ..دقوا الباب محد يرد . كم من مرة .. وداهموا المكان .. المكان كله فاضي مافيه اي شي حتى عيسى اختفى ..ويلسوا يفتشون الاغراض .. بعد 3 ساعات من البحث والتعب حصلوا دمان على الارض ..) • الشرطي حسن : سيدي هذا تيلفون حصلناه ورا التكية .. • مانع: حطه كدليل وارفعوا البصمات وردوا لي اياه (وبصوت واطي) [COLOR="DeepSkyBlue"]وينك يا عيسى !! وينك !! [/COLOR](ورفع حسه) وحللوا هالدم ... • الشرطي : ان شاء الله سيدي ... (وبعدها اختفى عيسى ..) |
(الجزء 12) (وكان عيسى وايد غالي على ربعه وخصوصا مانع وحسن .. ويتصلون به وما يرد .. وقلوبهم موول هب مطمنة هذيلا تجار مخدرات هب لعبة .. يعني احينه لو انكشفوا اكيد بيجتلونه ..ويوم بطلوا الباب الصغير ..قاموا يسألون مني ومناك ..لين ظهر لهم شاهد واللي هو ناصر .. وودوه لمركز الشرطة ..ويوم رفعوا البصمات .. كانت بصمات عيسى بس عليه .. وطبعا الفضول جايس حسن يبا يعرف شو كان مسجل هالعيسى .. ويوم سار مكتبه ..شل تيلفون عيسى والتقرير اللي يؤكد انه بصمات عيسى بس فيه ..وبطل التسجيل .. وكان يسمع وهو مب مصدق لين دش عليه مانع ..وبند التسجيل من الزياغ ..) • مانع: ها بشر ؟ شو النتيجة؟ اكيد حد من البتانية ... • حسن: سيدي بصمات عيسى عالتيلفون ..والشاهد؟ • مانع: شيّب لي راسي ..وطلع لي قرون !! • حسن : اعترف؟ اخافه يا سيدي من العصابة !! • مانع: والله انه مكار ..قال شاف 3 ؤياييل شالين عواس وشردوا !! • حسن : قال اساميهم؟ (مانع يلس مجابل حسن وعج الجحفية ويلعب بشعره من التوتر اللي جايسنه..) • مانع : لا ..بس مخلنه عند عبيد هو بيستلمه .. من غير مخلي دورية اتحوم فهاكي الفريج .. • حسن قام وهو معصب : ياخي انته جيه بارد؟ هذا ربيعنا اللي شلوه ويمكن الله لا قاله جتلوه !! • مانع عصب : يعني انا مب متروّع على ربيعي؟ شو تباني اسوي أزيّد عن اللي سويته؟ • حسن : انا بسير أدوّر .. • مانع : خذ وياك دورية .. • حسن : انزين ... (وروح وتم مانع يالس روحه في المكتب ..ويتصل ويتصل عليه على امل انه يردون على الاقل لو بتانية لأنه لو ردوا سيده بيعرفون مكانهم ..وشاف الاوراق ..) (اما فبيت اليد حمد .. كانوا مبرزين العيايز واليد حمد وغريبة ..وهنود مطفرة حمد ..والبنات اتيّمعن وسارن الطابق اللي فوق ) • مي : ليش يا عيوني؟ اخويه شو ناقصنه؟ • فطيم : not my type • هنود: عدال عدال يابنت اوناسيس !! • فطيم : انا الصراحة ابا ريال عنده وعنده وعنده !! مب عواس اخوكم !! (وتقولها باشمئزاز .. وفرتها هنود بالموسدة ..) • هنود ومي : لا والله؟ (وصدن كل وحدة الجهة الثانية مب طايقات بعض .. ) • هنود: جلبة وحدة الا اتمنين واحد شراته قولي جان حصلتي منه فديت روحه !! • مي : يا عيوني يا عواس !! • فطيم : لا ومطرش مسج يقوللي اللي يباني ما بصيح ابغيه .. هههههههههه من زينه عاد !! • مي: عن الغلط !! (ودشن شمايل وهناء ..) • هناء: hi , girls ? • مي : هايات .. • شمايل : مرحبا ملاييين ولا يسدن فذمتييه !! • هنود تبوسها : زين انج ييتي !! يالله يالله ..شو رايج نتزحلق عالدري؟ • شمايل متحمسة : يالله !! يالله فطيم !! • فطيم : بطني يعورني ماروم !! (وهنوه ومي كانوا رواحهم ..وهنود ركبت على حد الدري واتزحلقت لين وصلت تحت .. ) • نشبة : يالله شدي شدي طاعي ام سروال !! • شما : وابويه وابويه على منكرج !! • ميثاء : يوزي يا هندوه بطلع الخيزرانة تراني !! • غريبة : اميييه عيب سيري فوق !! • هنود : امييييه اتمرن بلاكم انتوا؟ (وتركض فوق وهي تضحك ) شوشو؟ سيري هاتي الفودر من حجرة اميه ميثووه .. • شمايل : وليش انتي ما تسيرين؟ انا اللي اتهيست الخيزرانة اخر مرة وانتي يا مسوّدة الويه شردتي وخليتيني !! • هنود بيأس : فطيم؟ • فطيم تضحك : no darling • هنود : ما فيكم خير .. الخير في البقر مالت عليكم .. (ونزلت وهي اتحرطم .. ) اميه ميثاء؟ حد في الحمام؟ بطني يعورني .. • ميثاء : لا محد سيري !! (هنود تركض ما وحالها انها طالعة ..) • اليد حمد : اكيد شالة شي من الحجرة !! هههههههههههههههه (وقامت اترش الفودر على حد الدري كله ...) • ميثاء : ويدي غربل الله منكرج الخايس ... • نشبة : حسبي الله على ابليسج !! ماعليه الخيزرانة بييبها ... (وغريبة وحمد يضحكون ..وهن يتحرطمن ..) • هنود تزاعج : واااااااااااااااااااااااااااحد !! اثنييييييييييييييييييييينه !!! ثلاثة !! ويييييييييييييو !! ( وتييييكم وحدة اتطييير من فووووق هنود وشمايل وراها..) • شمايل : آآآآي اميييه!!!! الحقي علية !! (وشعرها يطييير وشيلتها طاحت ) (واتطيح هنود على صينية الفوالة ووييهها عالصحن ..) • حمد : هاهاهاهاي • شما : زين جذيه.. زين جذيه.. زين ما اتكسرتي !! • هنود : آآآي يا ويهي !! يعورني !! • نشبة : مسوّدة الويه (وتيوّدها من اذنيها ..) • هنود: ما يعوّر • نشبة : معلوم!! معلوم يوم ما يعوّر دامنه لسانج طويل !! قومي يالله قومي!! (هنود نشت وسارت اتكمل اللي بدته بس زاد ينونهم هي وشمايل ..واييي غريبة اتصال ..) • غريبة : لبيه يا بوعيسى • بوعيسى : انتي وينج هاده البيت وين اتهومين مسوّدة الويه.؟ • غريبة : سامحني الغالي كنت اتقهوي عند اميه .. • بوعيسى : يالله تعالي البيت وارحمينا من السوسة امج • غريبة عصبت : هب ياية وجان في شاربك خير ارمس !! (وبندت فويهه ..) احينه انا اميه سوسة !! • ميثاء : احينه انا سوسة ؟؟ • غريبة : لا بسم الله عليج !! • نشبة : اتسوّس راسه الخربان ان شاء الله يعله بعوق ما يقوم منه ان شاء الله ..مادري شو اللي الله عاجنج عليه !! (والبنيات قابضاتنها لعبة عالدري ..ويندق الجرس ويسير اليد يطالع منو .. وهو راد .. ومبطل الباب .. لنه يعطس لكم هذيجي العطسة ..واتطير تركيبة الضروس عالارض ..) • نشبة وشما ردوا ريوس : اشوووه هذا بسم الله !! • حمد: شو تقولين؟ • ميثاء : لا تخافن الا ترجيييبة مال الضروس جيه ماتدريبه اخوج مافيه ضروس!! • نشبة : ما قول غير طلعت غش..الله يعينج ياميثووه اكيد يتراوالج في الليل!! • مايد : هههههههههههههههه ياربي منكم شواب ما تنلامون !! (وتيكم بعد بنية اتطير من على الدري ومنو ؟؟ شمايل وهي ما تدري شو السالفة .. واتطيح عند ريله ..) هووووب هووووب !!! • شمايل رافعة راسها : اسفة !! (وتلف شيلتها شويه وبتنقع رقبتها) (واحمر ويهها من الاحراج وتربع فوق ...البنية ما تدري وين تضرب براسها لا وبعد ياية طيران اخيييييج احينه بيقول ماريدها ...وسارت فوق علمتهم وميود قابضنها تعليق على شمايل لدرجة انها ما استحملت وروحت البيت اما النظرات بين ميود وهنوه كانت فاضحتنهم وشما لاحظت هالشي ..اما عند مانع في مكتب حسن ..) • مانع: هذا التقرير (ويلس يقرا باهتمام .) اوووه !! يعني اندور الا فنفس الدايرة ماشي غير بصمات عيسى لا حووول !! (ويشوف التيلفون ..) زين هذا التيلفون بس ليش خاشنه ورا التكية ؟ شو السبب؟ انا لو فخطر شو بسوي عشان ما يكتشفوني؟ (وبعدين دوّر في التيلفون ودخل التسجيل وكان في تسجيل واحد بس وايد طويل ..) يالله نسمع ..ان شاء الله يوصلنا لشي !! (ويفتح التسجيل ويسمع ..وبعد 5 دقايق من الصدمة وكان مبطل عينه عالاخر ..) لالالالا ما اصدق !!! هزااااااااعوووووووووووووه !!! (قام وطلع وشل التيلفون وياه ..) |
(الجزء 13) (وركب مانع ويشخطه وهو يتصل بهزاع ..وكان هذاكي تيلفونه مغلق ..ويضرب بإيده عالسّكان من الغصة ..يبا يتلاحق على عيسى.. ويتصل بالبيت محد يرد ومن الغيظ اللي جايسنه .. وقفّ موتره برع يترياه يوصل البيت فكانت الساعة 3 ..ونزل هزاع من موتره وهو ريل ورى وريل جدام .. ويوم شاف مانع يالس عند دروازة البيت..وحديدة فإيده.. رفع هزاع كندورته شوي ويقبضها شردة .. ومانع سيده قبضه قبل ما يركب موتره ومسكه من رقبته ..) • مانع: ملعون الصير !! يالجلب !! اشووووف اييييدك !! (ويرفع ايده زايغ ومانع يقبض ذراعه وشاف الدم مزرق يعني يتعاطى..) وين عيسى؟ قول احسن لك !! • هزاع عيونه بينطرن من الزياغ : هاااه؟ ع ع ع عيسى منو؟ • مانع:انا براويك عيسى منو !!! (ويرفسه فبطنه هذيجي الرفسة ..) • هزاع : آآي آآي التوبة !! التوبة مانع !! (وكان صدق يتروع من اخوه مانع ..) • مانع: ارمس!!! • هزاع: إإإإإإإإ مادري مادري !!! (والدمان ينزل من ويهه) • مانع: والتسجيل؟ هاااااه؟؟ كل شي موجود !! عيل مفضح اخته؟؟ لابارك الله فيك هذي هي التربية؟؟هذا اخرة الدلع؟ لا وتضربه بالابرة ما تخاف ربك؟؟ ياراعي المخدرات؟؟ اعنبوا مخدرات؟ جيه هو شو سوا بك؟؟ حرام ما اهدك لين اتقول..لا والله وهذي حلفتي.. بتطيّح في المستشفى وحزتها ما بتسّلم مني !! جلب !! (ويرد يضربه ضرب جتله من الضرب ساعة كاملة وهو على هالحالة يضربه... وهذاكي شكله ما يحس من تأثير المخدر ..) • هزاع: خلاص خلاص بقولك وين !! بس دخيلك الا السجن!!! • مانع: واتحراني بهدك؟؟ حرام اني ما هديتك وشوف خلني احصله والله بتشوف شي ما يسرك يالخايس.. اتفي عليك !! (وركب في الموتر ويدليه عالمكان ومانع مب طايع يرمسه ..بس كان يفكر انه يسلمه بإيده بس الفضيحة بتستوي ثنتين ..اسميها الناس بتاكلهم اكل ولا حد بيرضى ايكلمهم حتى ..ووصلوا المنطقة ..) • هزاع: والله اني فريته فهالمنطقة !!! (ومانع كان مركز على المكان ما كان فيه غير قطرات دم صوب الرصيف ..) • مانع: ان استوا فيه شي ما تلوم الا نفسك تسمعني؟ اذلف البيت وان طلعت من الحجرة بّطلع مكانك من تحت الارض تسمعني؟؟ • هزاع: ان شاء الله ..ان شاء الله ... (وروحوا البيت ومانع يحس راسه بينفجر من اللي صاير ..اخوه اللي رباه وعمره ما قصر فيه من عقب ما مات ابوهم يسوي جذيه شعنه؟؟ شو اللي حادنه؟وتم مب عارف شو يسوي .. اما اليوم الثاني في الشغل ..) • مانع: عبيد سير ناد حسن .. • عبيد: حسن سافر • مانع منصدم : شوووه؟ • عبيد: نزل امر من الشيخ انه يسافر وياه فمهمة رسمية وهو بيكون ويا الحرس الاميري .. • مانع معصب: كيف جذيه والقضية اللي نشتغل عليها وعيسى ؟ • عبيد: تقدر تقول انه القضية انغلقت خلاص لأنه ماشي دليل !! • مانع: انته شو تقول وعيسى؟؟؟ شو معناته؟؟ (ويتصل ب حسن وهذاكي ما يرد..) افففففف • عبيد : لين الحينه متكتمين عن السالفة ... • مانع: مب كيفهم يغلقون القضية منيه والدرب انا بسير اكلم العقيد شعلية انا !! آدمي يختفي وانتوا صاخين !! (وسار وكلم العقيد وامر بالبحث عن عيسى وفرقة البحث قاموا يبحثون فكل امارة من غير بعد ما يأسوا ..قالوا لازم يعلمون اهله اكيد لانهم ما يدرون وينه هو ..كانوا يدورون عليه ..ولازم مانع يخبرهم لأنه هو يعرفهم..) (فبيت فاضل) • غريبة: فاضل دخيل الله سير طالع ولدك والله مستهمة من امسات ما ياء !! • فاضل: بالله عليج ريال طول وعرض اكيد بايت في دبي !! • غريبة : لو بايت بيرمس وبيقول وبيتصل حتى تيلفونه مغلق • فاضل: فكينا يا حرمة !! احينه بطرش ميود !! (.وكان مايد في الشركة ..) • مايد : السلام عليكم ... • واحد مصري: عليك السلام ورحمة الله وبركاته • مايد: اخويه في عندكم موظف اسمه عيسى فاضل؟ • المصري: امممم عيسى؟ لحظة بس .. • مايد واقف ويطالع: اوكي • المصري: لأه حضرتك مافيش عندنا هالاسم ... • مايد: شو تقول؟ اتأكد اخوي الله يخليك !! • المصري: دي شركة اللي بيشتغلوا فيها وافدين والمدير العام هو المواطن الوحيد .. • مايد : يا هي وهجة وين سرت يا عواس؟؟ كلهم يدورونك؟ وليش قصيت علينا؟؟ لايكون متعرف على عيال السوّ؟ (ومايد روح البيت وخبرهم..وكانوا مستهمين وغريبة موّيمة ..لين اندق باب البيت ..) • مانع: السلام عليكم في منو بيلتقي مانع؟ وشو بيقول لهم؟ هل بيعلنون وفاته؟ وشو بتكون ردة فعلهم؟ واتمنى تقييمكم للقصة |
(الجزء 14) • مي: عليك السلام والرحمة .. • مانع نزل راسه : بوعيسى موجود؟ • مي : من اقوله؟ • مانع: قوليله مانع سيف .. (ومي بججت عيونها هب مصدقة ..) • مي : انته مانع؟ • مانع: هي انا مانع لويش؟؟ • مي : هاااه؟ أها اوكي لحظة بس !! (وتربع داخل ..وابوها كان يتضارب ويا ام عيسى ..) • ام عيسى : شو تباني اسوي؟ اعجه اللي فبطني؟ • بوعيسى : اتسوين خير والله !! (ويدوخ سيجارته ..) • ام عيسى تيب له بالطيب : انته انسان مؤمن وتصلي وتقول جذيه؟؟ اخخخ عليك .. ولدك هذا من لحمك ودمك .. • بوعيسى : كم بعيّشكم؟ وبعد واحد خامس؟؟ • ام عيسى : الله يطوّل بعمر ابويه دومه اللي يساعدنا ..انته من متى تساعدنا؟ • مي تركض جدا ابوها : ابويه !! ابويه !!إلحق عيني !! • بوعيسى : ها اميه؟ (وأم عيسى اتطالع بوعيسى بنظرة ..) • مي : ماااا ..ماااا .. مااانع اللي بياخذ هنود برع .. • بوعيسى : الله يستر بس ما يقول ما يبا يعرس ..لا يكون سامع عنها شي !! • ام عيسى : بنتي اشرف من كلامك الوصخ ... (وتركض مي وبطلت شيلتها وشعرها يطير ..بطلت الباب...) • مي تزاعج : هندوووووووووووووووه !!! هندووووووووووووووه!!! • هنود متلحفة وراقدة ومبطلة عين وحدة : الله يا صوتج اعنبوا خفي عليه !! (ومي اتعفد على شبريتها ..). • مي : عندي خبر يا عيوني بيخليج تعطيني اللي اريده !! • هنود: مابا الخبر وماباج !! اذلفي عني !! (وحطت الموسدة على راسها ..) • مي : بكفيج يا عيوني .. (ويوم وصلت عند الباب ..) ترا مانع حبيبج عند الباب ويبي يكلم ابويه !! (وهنود عجت اللحاف ..) • هنود مكشش شعرها ومبججة عيونها : لا يكون بيرمس عن العرس؟؟ • مي : شمدريني أنا إيش يبي؛ بتين لو لا ؟ • هنود تعفد لها من الشبرية : معلوم بيي إتحريني بجابل ويهج، ضكي عنيـه آشوفج .. • مي : تعالي تعالي .. نَوَرية بتطلعين هيجي ؟! • هنود : سمعوا .. نَوَرية أمج ! • مي : ثمني كلامج عاد شايفتني مارومج، ليش عيني .. خطفت عنها هنود جدى كبتها .. - هنود : والله ماعندي مونة مجابلتنج فارجيني !!! (تمت مي مكانها تطالع هنود وهي تظهر لها جلابيـة بتغير ثيابها، غاضتهـا و فخاطرهـا إتفكر في مانع .) مي فخاطرها: الله يغربل عدوه إيش جمال؛ إيش وسامة .. والله ماستغرب كان ياي ما يبي يتزوجها ! (سارت صوب التسريحة؛ ترتب خصلات شعرهـا و تغرد ..) - هنود : العندليب ، اظهري ! - مي: آني .. - هنود تيهـا تحوشها من الغرفة: ياللا ياللا ..!! (ظهرت مي مقهورة بأنها ماردت على هنود لكنها إتحلف تقولون ياغير دياية و منقابها حديد؛ لكنها لعينة محد يدريبها غيري أنا وأحلى البنـات؛ أني ويـز .. إتلبست هنود دهديه دهديه و عفست سداتها ..) - هنود : غربلك الله من قلم وين التعنت ](– تدور جحالها ..) (لقته وخطت عيونها، وتوقت بوقايتها و ردت لثامتها على ويهها و ظهرت الصالة .. أصوات متعالية، خذت دربها لباب المدخل تبا الميلس؛ وقفت ورا مي ..) - غريبة : مانع .. دخيلك ثم دخلاك شوتقول .. ولديـه ! - منزل راسـه هب عارف كيف بيطري ضياع عيسى و فقدانه : خالتيـه .. - بو عيسى : الشو مسـوي بعد عيسـوه ؟! - مانع مل سو الظن في خويـه و زعج بهم : عيسى اختفى ! (شهقت هنود شهقة ماتبـا غيرهـا، حست بأنه فقدت شي من روحها، أخوها .. عضيدها، إسودت دنياها في عينهـا على سوادها .. عيسى اختفى ؟!) - غريبة بغصتها، متمالكة أعصابها تنظر مانع بحيرة: اختفى .. اختفى ؟! مانع صد بويهه عنها كيف بيجابلها وآلام غريبة وهنود وهل عيسى كلهم .. سببها هزاع أخوه ! - بوعيسى بجسوته، بظلمه .. جبار : مانع، إرمس .. خبرنيـه .. راح كيف راح شو سـوى ؟! سكـر .. تعاطى ؟! .. تعاطى !، ذبح له حد أكيد إنه ذبح له حد .. فضحنيــه ! - مانع يقاطعه بغصة وقهر : عميه !!! كرّم الله عيسى عن ما طريت، عيسى راح وهو يخدمك ويخدم هالبلاد .. عيسى كافح هالسموم لجل عيال بلاده .. لجل عيالك !! عيسى شرفك وشرف هله و الشرف لي بمخوته ورفاقتـه !! (إنهارت غريبة، تهاوت مثل الورقة متروعة من دنياها بليا عيسى) - غريبة: ويلي وويل قلبيه بلياك يا عيسى.. (مادرابها مانع بأنها هنّود ؛ ما يشوف إلا أعيان تغرغر بالدمـوع .. تجدمت له، وقفت له ..) {Cut} |
(الجزء 15) (ودخلت ) • هنود: مستحيل عيسى يختفي منيه والدرب !! انتوا شو تقولون؟ (وصوتها الرنان وخصوصا ف حدته تم في قلبه ..وهو يطالعها ..) • بوعيسى قام معصب : ذلفي داخل مسوّدة الويه !! • مانع: عمي استهدى بالله وخلوني اكمل عسب اتعرفون شو استوى .. • هنود مشتطة : شو اتكمل هاااه؟ شو اختفى؟ جيه مشترك فمسلسل؟ ولا مال العصابة؟ • غريبة: اميييه تعالي الله يهديج !! • مانع: اخوج عيسى يشتغل تحري في مكافحة المخدرات ويايه .. وكان في مهمة انه يتخفى ويسوي عمره واحد يتعاطى (وهم منصدمين ..) وكان لازم يسوي هالشي عسب يبين للمروجين انه صدق رايح فيها .. ويوم داهمنا المكان اللي كان فيه ما حصلنا لا عيسى ولا البضاعة ولا حد بس دليل واحد وهو دم عيسى .. (وهنود حضنت امها اللي حطت ايدها على قلبها ...) • غريبة : دم؟ (هز مانع راسه، زاد توتره تم يتلفت يبا اييلس ورد ع الغنفة .. منزل راسه: دم .. دليل على انه مضروب و جريـح..) • ردت غريبة يديها على ثمها ماتعرف بالشو تقول : يا الله تستر وتعين .. • مي بعدها واقفة عند الباب و تنظر هلها بهمس تقول : وقتك هسّـه تختفي، شنو فلم هندي هذا ! • أحلى البنات : الناس مشتطة وانتي ولا على بالج يعلج العوق! • سفرجل : انطبي طبج الله ! • مي : آني شكو تجببوني .. عيل ما تسمعونه كلش السالفة ما تدخل مخي ( .. فخاطرها ) دم .. مضروب ويريح و مو لاقينـه شو بيطلع يعني .. • فاجأها مايد : ايه بنت العراقية الشو عندج اموقفة اهنيـه ؟ • مي تشهق : لعنة على شكلك وقفت قلبي ! • مايد يعطيها يمع ( يدحها ): جب جب .. (.. رد يسمع حس مانع، مّيزه ) ميـوه ها مَب حس مانع ؟ • مي : بَلي ! • مايد : زين أكيد عنده أخبار عن عواس ! • مي تضرب خدها : ما تدري ماتدري .. • توها بتخبره دز ويها و دخل : مانع .. ماعندك خبر عن عواس له فترة مختفي ! • مانع نش : مايد .. (ردت هنود في حضن أمها مارامت تستحمل فكرة إنه عيسى اختفى والله أعلم وينـه ووين أراضيـه .. يريح .. حي وإلا ميت .. كانت تصيح .. نشاقتها تنسمـع .. حتى غريبة لي الها فترة تحاول تيود دميعاتها ما رامت ..) • مايد صد يطالع امه ورد يطالع مانع : اتصلت بالشركة اللي يشتغل فيها، قالولي ما عندهم موظف بهالاسم ياخي شو السالفة .. • بوعيسى نش له : أي شركة وأي خرابيط .. أخوك طلع يشتغل فالشرطة .. ( رفع يديه) أخوك رفع راسنـا ! • أحلى البنات : الحينه .. الحينه تقول رفع راسنـا ! • بوعيسى يتطالع مانع : الحينه بتخبرك، الريال اختفى فالخدمة شو .. بتعطونا معاشه و بينزل له معاش تقاعدي .. هل كيف يعني ؟ • نشت له هنود : انته .. انته شو من الأبهات .. شو تقول .. يقول لك ولدك مختفي .. الله واعلم به حي والا ميت .. انته شو تخربط .. شو تقول انته .. بيزات ما بيزات .. • مايد يصرخ بهم : بــــــــــــــــــــــــــــــــــــــــــس !!! ؛ فهمونــي شو اللي صاير ! • غريبة ترد كلام مانع على مايـد ... • مايد : اخويه أنا مكافحة ؟! • مانع هز راسه : هيه .. • مايد : وينه .. دورتوه ؟! • مانع ياخذ نصخه : على مدار هاليومين خذنا دوريـات بحث و دورنـاه لكن ما لقينـاه .. • مايد يرصص عيونه : بهالبساطة ما لقيتـوه ! • مانع : مايد القيادة ما تقدر تسوي أكثر عن جذه .. • مايد فار دمه : و تسمي عمرك ربيعه !!! • بوعيسى : ميّود ! • مايد يرد على ابوه : جاااااب انته ! (صخت الدنيا بمايد، في لحظة انكسر .. اخوه اختفى وهو في حياته ما قال له كلمة طيبة .. في حياته ما شكره لنه كان نعم الاخو .. كان يباله الاحسن وهو دوووووم دوووووم يتساب و يرادد ..) • مايد دارت به الدنيـا: مستحيل الموضوع يوقف اهنه .. هاي مب نهايته .. • مانع : مالومك يا مايد عن نفسي حاس بالذنب ياكلنيـه .. عيسى مب الا ربيعي عيسى اخويـه .. شي مني .. القيادة سّكرت الملف على انـه ماشي ادلة كافية واعتبرت عيسى مفقـود .. معناته حي لين تظهر جثتـه .. • غريبة تشهق : جثتـه !!! • مانع : خالتيـه .. حي لين تظهر جثتـه لا تنسين بانـه جريـح و كمية الدم اللي شفناها مب شوية !.. نحن ما عندنا معلومات عنه غير هالشي .. اتصالنا به توقف عند وصوله مكان الكمين، عادةً تكون في اشارات بانه المواضيع سارت مثل ما نحن مخططين لها و هاللي شفناه من عيسى بس .. • هنود تتطالع مانع بعيون الاتهام قاطعته : هذا اخويه اللي تتكلم عنه، بتخبل بي انتـه .. سنديه فالدنيـا مالي غيره ! • مايد يرد بفتين : مابغي اسمع حسـج !!! • هنود : مافي شي بيطبنيـه .. ( ترمس مانع ) ما كان وياك ؟ .. ليش ما رديته اليـه .. ما يهمنيـه شغلكم رد لي اخويـه .. رده اليـه .. (انهـارت هنود على قوتها؛ هالانسـانة القوية خلاص انهارت .. وتلاشت قوتها، بهستيريـا بدت تتعامل مع اختفاء عيسى .. نشت بتتجدم صوبهم لكن مايـد قدر يمسكهـا مع مقاومتها لكنه قدر يظهرهـا ..) • مايد يفاتن : ميّوه اقبضي اختج ! • مي منصدمة في لحظة لقت هنود في حضنها : إيييييه لا تفاتن ! • مايد يدق لها بصبعه : مابا ألمحكن اهنيـه .. إنجلعن جلعكن بررررق ! (ردت هنود لصياحها مرة ثانيـة و مي مشت بها صوب حجرهم .. فجت عن هنود دزتها في غرفتها و بندت الباب ) • مي : كلش غبية لازم تسويلي فيها اونها عاد يعني وين بيروح هذا بعد كلهن يومين وبيطلع بيتم ضايع طول عمره والله ما نُدري يمكن مات بعد ..أووووووووووووف منها لا خلتني آسمع إش بيصير ولا خلتني آشوف الحلو ! (حاول مانع قد مايقـدر إنه يقنـع هل عيسى باللي صـار، اللي كاسـر ظهره أم عيسى ما رام يتحمل انه يشوفها بحالتها هذي، كيف بانها خسرت ولدها و ما يدريبها بتشوفه مرة ثانيـة و إلا لا .. يفكر هالعايلة بدون عيسى شو بيحل بهـا ! تدروبها المصايب، تنتشـر بسرعـة .. وما يتم حد فالبلاد ما يدرابهـا، فخر للعايلة كلها بأنـه عيسى مكافح لهالسموم لكن الناس .. ينوقلون الرمسـة .. وكل رمسـة عليها بهارات و الذي منـه .. حد من العايلة اقتنـع بانه خلاص عيسى ما بيـرد و توفى .. وحد منـهم لا زال عنده أمل بانـه رآآآآد .. ) (وبعد ما انتشر الخبر تتصل وحدة لميثاء ..) • ميثاء : اهبي هباج الله !! امايا سيري قوليلهم عيسى شيخهم الا !! وما يخصه فهالسوالف .. واللي اتكلم جذيه محتّر لأنه شهيد .(وعيونها دمعن .. ورضت التيلفون رضة) المذهب ما يعرفونه .. • نشبة : ماعليج منهم !! كلاهم الساحق والماحق .. (وميثاء اتمث دموعها بشيلتها ..) • ميثاء : وينها فطيم؟ • نشبة : من درت واعلية عليها قافلة على عمرها !! • ميثاء : وشميم؟ • نشبة : شميم يلست عندها ..لا حول ولا قوة الا بالله .. ميثوه شو اللي طرا علينا ؟ • ميثاء : مادري يا اختيه ..عيسى ماله خبر .. اختفى ..انا اللي بينطر راسي منه !! انه جيه ما علمنا انه يشتغل في الشرطة؟ والله انه شغلته ترفع الراس !! • نشبة : شوفي يا غناتي جان تبين الجواب ...اتصلي بأم مانع وخلها تعطيج رقم مانع واتخبريه !! (واتصلت بأم مانع وعطتها الرقم وتتصل به بس هو ما يرد ..اما عند شما وفطيم ..) • فطيم : اميه شما؟ انا شو سويت !! خليت الريال اللي يحبني يموت كله بسبتي !! (واتطيح على ثبانها ..) • شما : امايا استهدي بالله .. مب منج تراه حادث واختفى .. • فطيم: انتي ما شفتي اميه غريبة !! (وبعصبية )كلهم قالوا انه ما شي فايدة .. وانا اللي عطيته كلام يعج الفؤاد من الخاطر وهو ما قال شي الا كسرت فؤاده ... الله ياخذني ان شاء الله ( و تصيح ...) • شما : لا امايا لا تقولين جذيه !! حرام .. تراه عند ربه .. • فطيم : الله يرحمك يا عيسى .. (وكل دمعة تذرفها اتحس انه قلبها ينفطر اكثر ..وتتذكر ابتسامته العذاب ..) اميه شما؟ (وتضحك) تذكرين يوم تدعمين الزجاج كيف يوّد راسج؟ ليته راسي ولا راسج .. ليتني عالاقل قلت له كلام يبتسم عليه ووالله اني اباه يا امايا !!! (اما فموتر مانع .. كان هزاع وياه ..وكان التعب مبين على مانع .. كان مانع مقهـور من الرمسـة اللي توصله عن عيسـى، وفالوقت نفسـه متلوم .. كيف الناس ظالمينـه وهو حل المصايب كلها بين يديـه واللي هو أخوه هزاع .. لكن مب عارف كيف بيتصرف !) • مانع: شوف يا مسوّد الويه انا بحطك فمستشفى يعالجونك ... • هزاع يترجى : دخيلك يا مانع لا !!! • مانع يزاعج : جاب يالله جاب !! انا فعز شبابي اتيبلي الكلام؟ اهب هباك الله ..(وعيونه محمرات ..) بيقولون الصغير يتعاطى ويروّج والعود يزخهم .. الله ياخذ هالشكل ان شاء الله .. اعتبر هذي اخر مرة اساعدك ..ولا اتفكر اني بساعدك وعن أسهى هات موبايلك .. • هزاع زايغ: لا !! (ومانع ضرب بريك فنص الشارع ومسكه من رقبته وبطل الباب جهة هزاع وفراه هذيجي الفرة عالارض واتيّرحت ايده .) • مانع: احينه منو القوي هاااه؟ يابو ويهين؟ (وشله من ثيابه وفراه داخل الموتر ..) • هزاع: انا اخوك جذيه اتسوي بي؟ (مانع ضحك بس مب من خاطره ومسكه من ثيابه .. ) • مانع: شي فخاطرك؟ • هزاع ما يروم يتنفس : إإإإإإ ... لاء !! (وساروا صوب عزبتهم ومحد هناك ولا الصريخ ونزل من الموتر ..) • هزاع : لللللليش نحن هنيه؟ (كان ميت من الخوف..) • مانع طالعه بنظره انه ولا مهتم : انزل أخيّر لك.. (ونزل بكرامته اللي ما بقى منها شي .. وطلّع مانع من الدبة شي ما يتصدق ولا اخو يسويه بس هو سواها .. قاب ..(حديدة طويلة ) وهزاع ميت من الخوف .. ودخلوا داخل العزبة وبندوا الباب العود ..) • هزاع : ليش هالحديدة؟ • مانع: لويش؟ انا براويك فيها عدل !! لأنه حرّتي ما بردت !! علك العدم !! ( Cut ~ ) |
(الجزء 16) (ويمسكه من كندورته ويضربه فجسمه كله ..) • مانع محمر ويهه : قول !! وين عيسى ؟ قول ولا والله ما بتسلم مني والله ما اهدك !! (ويزاعج) وينه !! • هزاع : آآآي!! الله يخليك خلني التوبة ..التوبة .. آآآي !! آآآي !! ( ويزاعج من الويع ) • مانع: عيل اتحراني بصّخ عنك؟ لا يابويه حتى السم اللي تاخذه بطلعه ... قول مكانه ولا بتشوفن شيّن ما شفته !! (وبعد ساعتين من الضرب كان هزاع يدوخ ...ويرد يوعى ومانع شرات اللي ماله قلب حتى على اخوه .. لأنه اللي سواه هب هيّن ويمكن ياخذ فيها مؤبد .. تفتضح العايلة .. وعلى كل ضربة يضربه على كل نهشة ينهشه ينبه لأنه اللي يضربه هو اخوه ..لين اعترف بعد شوه؟ بعد ما جسمه كلّه معلّم من الضربات والدمان ينزل منه .. ومانع هب مفتكر ..) • هزاع : خخخلاص التوبة !! بقول !! (ويحبي يبا يسير بعيد بس ريوله خانته ..) • مانع: بترمس ولا أكمل؟ • هزاع : خلاص بقول كل شي !! بس ابا ماي !! • مانع: تبا ماي؟ (وعج مانع الحديدة ويضربه بإيده وريوله من الغصة اللي جايستنه ..) • هزاع :آآآي بطني !! مانع خلاص ارحمني !! • مانع: عيل ما رحمت عيسى يوم ضربته وشوّهت سمعة اخته يالجلب !! على كل ضربة ضربته وبتحصل من هذا وأزيد .. يعلك بعوقن ما يشفيك ان شاء الله .. • هزاع : والله يا مانع (توّة بيكمل ) • مانع مفّول : لا اتحلف !! لأنه ربي عزيز وغالي وانته الا كافر .. 0ويدوسه فبطنه ) كافر تسمعني كافر !! • هزاع : خلاص بقول مكان البضاعة !! • مانع: قول اسمعك .. (وكانت ايد مانع ملطخة بدم هزاع اللي كان متشوّه ..) • هزاع : حطيناهن فمخزن فمنطقة ........ ومحد غير الحارس هناك ... (وبعد ألف ياويلاه اعترف هزاع بكل شي ..انه فرا عيسى في المكان اللي حصل فيه دم .. وخلاه في العزبة ويتوعده اذا طلع منها .. وكان مانع يتصل ب حسن ..) • مانع: هلا هلا ياخوي وينك؟ • حسن : موجود ..عاد شو نسوي امر من الشيخ .. • مانع: وتنسى خويك اللي ضايع عواس؟ • حسن : هااه؟ لا مانسيته !! حصلتوه .؟ • مانع: تطنز؟ حصلوه اونه .. • حسن: مانع بتخبرك .. اتحيده التيلفون .. الدليل اللي كان .. (توة بيكمل ) • مانع: هيه هيه هيه أذكره .. • حسن : شو طلع فيه؟ • مانع: هاه؟ لا ماشي ..عيل ما خبرتني متى بترد البلاد؟ • حسن : والله يمكن أطوّل لأنه الدورة سنة كاملة .. • مانع: وكيف جذيه نزل القرار بسرعة؟ • حسن : علمي علمك .. من سمعت الخبر شليت شلايلي .. انزين بوراشد انا بترخص .. • مانع: خلاص ربي يحفظك ... (وبند عنه وكان وايد مفول ..يعني وين بيختفي هالعيسى ..) أحس انه حسّون هب طبيعي ..يعني مب حسن اللي انا اعرفه .. (ويرد يتصل بالرقم اللي متصلي به ) السلام عليكم.. • نشبة : عليكم السلام والرحمة • مانع: اختيه؟ حد متصل قبل شوي .. • نشبة : لايابويه .. انته منو بغيت؟ أبووووووووووووووه !! انته مانع؟ • مانع: هيه نعم .. • نشبة : عيل اصبر ..امك ميثاء تبا ترمسك ..يدة عيسى • مانع: ان شاء الله .. (وتزجر على ميثاء ..وتيها ركض ) • ميثاء: مرحبا .. • مانع: مرحبا الساع.. • ميثاء: منو؟ بوراشد؟ • مانع: هيه نعم .. شخبارج امايا؟ يعلج بخير؟ • ميثاء : يالله ياابويه وين بيينا الخير دامنه حبيب قلبي عواس هب موجود .. (وتصيح ..) • مانع: يالله ياامايا .. استهدي بالله الا دموعج .. (وهدّاها وخبرها نفس الكلام اللي قاله لأهلها وسار محل مال التيلفونات ..) اخوي ابا نفس نوعية هالتيلفون ولونه بالضبط .. (واشتراه وروح البيت وعج العصامة اللي على راسه وهو في الصالة .. انسدح عالغنفة ..) • ام مانع: شحالك يابويه؟ • مانع يلعب بشعره : أي حال اللي تسألين عنه يا امايا ؟ حالي؟ • ام مانع: خير يابويه فيك شي ؟ • مانع: هاااه؟ لا ماشي !! • ام مانع: اخوك ما سوا تيلفون؟ • مانع: ماتدريبه مسافر .. يوم بيخلصن بيزاته بيرد !! • ام مانع: لاحول ولا قوة الا بالله العلي العظيم وشعنه ماخبرني؟ • مانع: تدريبه يوم بيسافر محد يرده !! (وسار لغرفته ..وراسه يعوره ..) يالله ياراسي بينقّع علية !! (وطلع تيلفون عيسى والتيلفون اليديد وحوّل المعلومات من تيلفون عيسى لين اليديد .. طبعا الا التسجيل .. ودس تيلفون عيسى فآخر الكبت مال كناديره وخشاه فجيب كندورته الجديم ورد التيلفون اليديد فمخباه .. وطاح ع فراشه ..ويت في باله البنية المتلثمة اللي كانت تصيح ..) أسميج يا هند صدق صوتج حاد .. أثّر فية .. كيف عيل شكلج!! آآآخ!!! بس انا لازم ابتعد عن هالعايلة ..لا ما يستوي ..وهنود؟ هههههههههه صديقة دربي .. (ويطالع ويهه) لازم اخذها واراويها الفلعة اللي يوم نحن يهال ولين احينه موجودة ..يمكن الفلعة تامة لأنها كانت من الخاطر؟ كيف بتكون العايلة بدون عيسى؟؟ ومانع متى بيعرس؟ وحسن شو سالفته؟؟ وغريبة في البارت الياي ليش بتمشي الحال وبتنسى عيسى ولا حتى بتصيح عشانه؟ وهنود آآآآه منها ...كيف بتكمل حياتها؟؟ |
الجزء الـ 17 ( مانع بيلسته .. رد يتذكر ذكريات الطفولـة ويا هنّـود؛ لكن يرد له هم هزاع أخوه و عيسى خويـه .. و على ذا الحال لين ما غفى في مكانـه؛ وما وعى إلا لدوامـه .. في مكتبـه .. كان مغفـي و تـوه داشنـه ) مانع: السلام عليكم .. (كلهم ردوا السلام ..) عبيد ونظرته كله توتر : مانع ! .. ( همس له ) الشيخ فمكتبك .. (بجج مانع عيونه منصدم ..) مانع: إشووووه؟ متى رد من السفر ؟ عبيد : أخبرك مَب وقته .. من ساعة ونص وهو يترياك .. مانع: انزين انزين .. (ودش وألقى التحية ..) الشيخ : اتفضل ايلس .. مانع: ان شاء الله سيدي .. الشيخ : مانع ؟ هالتيلفون مول مافيه شي !! (وكان ماسك التيلفون اليديد اللي حطاه مانع على مكتبه ..) وانا عندي خبر انه في دليل .. مانع حاول بقد ما يقدر يخفي ارتباكه: سيدي . . انا بعد اتوقعت جذيه .. بس مافي أي دليل يديد .. حتى عن الملازم عيسى .. دوّرنا عليه ما خلينا مكان .. الشيخ : بس انا واصلني شي ثاني .. مانع: خير سيدي ؟ الشيخ : همممم ماعليه ماعليه .. بس انته متأكد؟ مانع: طبعا سيدي .. الشيخ : عيل ليش خشاه ورا التكية؟ مانع: علمي علمك سيدي .. الشيخ : شوف يا مانع بنزل رتبتك لرتبة ملازم وان حصلت الدليل الوافي بترد مكانك .. مانع: بس ياسيدي .. (وسكت وهو متغصص ..) الشيخ : ولحد الحين تغلق القضية لين اتحصل الدليل..وان حصلته بترد لرتبة ضابط ..وبييك خلاف واحد وبيعطيك شي عطه لأهل عايلة عيسى .. (وروح الشيخ ومانع ضرب بإيده عالطاولة من القهر .. ) مانع فخاطره : انته يا هزاع تنزل رتبتي بسواياك، سوّد الله ويهـك .. آآآخ يالقهر !! ( تم يفكـر بحل ) فخاطره : أنا ليش ماعتـرف .. بس، وين بودي ويههي من العرب، هلي بينفضحون .. و كل الناس بيتكلمون عنا .. وينك يا عواس؛ فقدت الأمل فيـك .. كيف بجابل اختـك يوم باخذهـا .. والله ما بعرف أرقد الليل؛ سامحني ياخويـه .. ( ورد اشتط بقهر من أخوه ) كله من هزاعـوه الجلب !!! ( ظهر مانع وسـار عن العقيـد ) العقيد : مانع بننقل اغراضك برع ويا ربعك يعني مشترك .. (مانع احمر ويهه) مانع: ان شاء الله سيدي .. العقيد : والله مب بإيدي ..الامر ياي من فوق .. مانع: ولا يهمك سيدي .. بس ياي اخذ امر بنداهم مكان .. سمعت من مصدر موثوق انه كمية مخدرات موجودة فهالمنطقة ............. (وتم القبض على هندي ما يخصه في السالفة كانوا طالبين منه المروجين انه يحرس المكان .. لأنه كان داخل المكان أجهزة كمبيوتر للبيع .. بس المافاجأة كما توقعوا كمية كبيرة من المخدرات .. خلاف ياه واحد عطاه شيك بمبلغ 150000 وسيارة .. لأنه الشيخ كان داري انه عايلة عيسى فقراء ما عندهم شي لدرجة ما عندهم موتر ... وودا مانع الموتر والفلوس عند اليدة ميثاء .. ) مانع: احم احم هووود هووود !! (وكان بالدريس) اليد حمد: هدا اقرب اقرب ...(وماكان حد وياهم ..غير ميثاء..سلم عليهم ويلس ..) مانع: انا عندي امانة لكم بس اباكم توصلونها لأميه ام عيسى .. ميثاء : خير ان شاء الله؟ اليد حمد : شو تقول؟ ميثاء: خلاف خلاف ..اول شي خله يتقهوي وانا بقولك..(وهي اتقهويه) مانع: اميه الشيخ آمر انه اعطي اهل عيسى هالشيك والموتر برع لكزس ستيشن .. وانا الصراحة مارمت اوديها عندهم البيت ..بسبب عمي فاضل .. ترومين تعطين خالوه غريبة والامانة فإيدج .. ميثاء: وييييه !! الله يطول فعمره ان شاء الله (ويلست ميثاء تدعي للشيخ .. و روح مانع وتتصل بغريبة .. ويتها ..ودشوا الميلس يتكلمون هي وميثاء وحمد ..عن البنات ايين ويسمعن..) اميه غرووبة ..هذي يقولج شيك حقج وحق عيالج من الشيخ .. عطية ..ومانع مارام ايي بيتكم من اللي شافه من لحافة فضووول اللحف اللي هب شايف خير ..ويابهن عندنا عسب نعطيج .. غريبة وعينها تدمع : يالله يامايا !! وااايد .. هذا كله حقنا؟ اميه حلفي انه هب منج !! ميثاء تضحك: مينونة اعطيكم هالمبلغ؟ ادريبه فضول بيلهطه عنج .. غريبة: الحمدلله والشكر ..الله يطول فعمره هالشيخ ..ويزيده ان شاء الله حمد: ميثوه بسج هذربان !! انا بكمل عنج ..وعاطنكم موتر بعد ..برع في الحوي .. (وغريبة مبججة عيونها ..) غريبة: ابويه !! لا تصدمني ما فية اعج اللي فبطني من الفرحة !!! ميثاء: غربلج الله وانا اقول من وين هندوه يايبة الخبال !! غريبة تضحك: صدق هالموتر حقنا؟ حمد: هيييه حقكم (ويحبها حمد على راسها ) بس عادة قولي حق مسوّد الويه ريلج اني انا عاطنكم ولا وهذي حلفتي لا ياخذها ولا بيردها عليكم .. خلي ميود يسوقها بعد هو أهوّن عن ابوه .. غريبة اتحبه على راسه : من عيوني يا بو غريبة هههههههههه احينه بتغار شموس (ام شمايل ) ( وقتها كانت مي يالسـة في غرفتهـا تلعب في تيلفون امها و تتطالع سجل الهاتف، مكالماتهـا الواردة و الصادرة.. و ماتوقعت كيف إنها يوم بتقرى رمـزه على شاشتهـا .. بتتأثر هالكثـر ) مي تقرا اسمـه: عوّاس .. ( غررت العيون، تحجهن ما تبغي تضعف ) أنـا أروح و إنته تبقى؛ فدوة تسـوى هلي كلهـم .. ( تمثل بأنه مُب هامنها ما كانت مستوعبـة السالفة بكبرهـا والحينـه بمرور هالأيـام ولا حد يعرف عنـه شي .. بدت تفتقده خصـة إنه محد غيره في هالعايلة من اخوانهـا مهتـم لها .. فرت مي تيلفونهـا؛ و إنخشت في فراشهـا و تمت تصيح وهي تتذكر سيراتهـا و رداتهـا و مواقفهـا ويـاه .. دخل مايـد عليهـا دون لا يدق الباب بلا هود ولا هـدا .. ) مايد : ميّـوه؛ نشـي ! مي من تحت لحافهـا، تعدل من نبرتها : وِجع ياخذك؛ عمى ما تعرف تدق الباب ! مايد : نشي أباج .. مي : شتريـد منـي من متى أباك وإلا تبغينـي في شي؛ لا بأنا اخوان ولا بأنا ربع ولا حتى معرفة؛ من عرفتكم و كلنا عداوة .. ( انكسر صوتهـا) إلا عواس .. ( بغت تكمل لكنها تمت تصيح هالمرة .. من خاطرهـا ) مايد مع إنها غمضتـه و ذكر أخوه رد : أخيـج هاي منو فج حنفيتهـا !!! ( ظهر من حيرتهـا و رض بالباب ما همتّه في النهايـة هي بنت العراقيـة .. لبسهـا ورد جدى كمبيوتـره وجابله .. نرد لعربانـا .. ) ميثاء: اميه هاي نعمة لكم .. بس اتحملي اتزلين واتقولين حق فضول!! غريبة: لالا افا عليج !! ميثاء: سيري بشريهم بهدية حمد هههههههه حمد: ما اسمع شو؟ ميثاء : خير خير .. (وغريبة يوم توها قايمة اييها اتصال من برع ..) غريبة : الو؟ الو؟ منو؟ لا يابويه ماعرفك .. (وزاغت) خير؟ (وتبتسم) الله يبشرك بالجنة ان شاء الله (وبندت عنه وبعد ربع ساعة انها تخبرهم بالخبر بانـه يتـم السيـارة من يدهـم حمد هديـه بس ماخبرتهم عن الفلوس .. بس خبرت هنود على ينب وقالت لها بعـد شي خلاها تفرح و ما سكتت إلا بعد ألف حلفة .. و ردت غريبة ترمس مايد عن الموتـر بأنـه هو بيقبضـه) مايد بفرحتـه : هالموتر حقي؟ غريبة: هيييه حقك عاد يوم نبا شي لا تقصر ! مايد يطالع ميـوّه اللي ظهرت من حجرتها على اليولـة .. كانت هاديـة .. قام وجان يدح مي: افا عليج !!! مي ردت بشرهـا وتسبه : كلب !! ( ردت حياتهـم لشبه طبيعيـة، عدى عن إختفـاء عيسـى .. غاب مانـع عن حياتهـم، إنـزوى لحالـه يصارع شي من تأنيب ضميـره؛ و أجبر أخـوه هزاع بأنـه يدخل مصـح عسب يتعالج من هالسمـوم اللي في جسمـه .. محد يدريبـه حتى أمـه لنه كان مغطي موضـوعه عدل، وخلال فتـرة الثلاث شهـور اللي طافن مـر عليـه .. ومن يوم الحادثـة تغيّـر اسلوبـه .. تغيّرت شخصيتـه مع أخـوه وجنّـه ما اييـه شي .. ) مانع : محتـاي لشي ؟ هزاع منزل راسـه: لا مشكـور .. مانع بفتين: ارفـع راسـك ! هزاع صد مَب رايـم يجابل أخـوه : مانع .. مانع : أقول لك ارفـع راسـك ! ( رد هزاع يتطالع أخوه .. وقف له مانـع .. ) مانع من طرف عينـه: أحيـدك تدانـي السـوالف المصخرة ( قالها له جنّه يعايـره ) لكن تعـرف شو أسخف سالفـة .. و أكبر مصخـرة عرفتهـا في حياتـيـه ؟! ( رد وهو ما يتريـا منه يـواب) إنتـه ! ( كان هزاع ينظر مانع .. حاس بأنـه يختنق .. بدى يستـوعب سوايـاه .. رد نزل راسـه وصد بويهه الصوب الثاني ) مانع رد؛ هداد : ارفع راسـك، لويش تنزله .. ارفعه شرا ما رفعت راسي .. ارفع راسـك لنك أدمنت .. ارفعه ضيعت شباب أعز ربعي .. اخويـه !!! ضيعت شبابه و ضيعـته .. ارفع راسـك فضحت هله و ضيعتهـم لويش تنزلـه .. ارفع راسـك .. ارفع راسـك رفعت راسي !!! هزاع رفعه ما رام ياخذ منه زود : مانع يسدنيـه بس دخيلك ! صفعه مانع و قال : أي شي بيظهر مني عمره ما بيكون كافي ! ( و ظهر عنه ..) ( خلال هالثلاث شهـور؛ وصلت غريبـة بحملهـا الشهر السادس .. بدت أمور عايلتها تستقـر نسبيًـا .. على غير العـادة بدت تصرفات الأبو تظهر مب طبيعيـة .. هادي و ودّر العصبيـة .. وفي يوم في بيـت ميثانـة ..) حمد: هنود يوزي عني !! هنود تلعب بصلعة يدها : ابويه؟ ليش هالجهة في شعر والثانية لا؟ نشبة : وراثة اللهم عافنا !! (وهنود تضحك) هنود: انزين ابويه !! اشعنه ما اتطوّل شعرك شرا هذيلا اللي ايويلون؟ حمد: هيييييهأأأ .. وين نروم انقلد الشباب هذيلا قوم بالكشيش !! هنود تضحك : ابويه خلني اصبغ لك شعرك .. والله بتطلع ازجرت !! حمد: هندوه !! يوزي ولا العصا فايدي !! (وهي ميتة من الضحك ..) هنود: انزين ..شو رايك اتراويني ترجيييييبتك؟ حمد على طول ضحك : هااااه يوّدي !! (وعج الترجيبة على ايد هنود) نشبة لايعة جبدها : وييييدييــــــــــــــــيه!! عفانا الله في التراب في التراب (وتوّدي الترجيبة صوب نشبة) اعععععععع !! بعيد بعيد !! فــــــــضّل !!! حمد: اييييييه البقرة!! يوم ريلج متوفي !! منو بيلبس ترجيبة فهالسن غيري ؟ نشبة : الله يغفر لك ويرحمك ..الله يغفر لك ويرحمك يا سعيد!! حمد: شو تقولين؟ نشبة تزاعج: ماقول شي .. هنود: شو تقولين؟ ماسمعج يانشيبة!! نشبة : جاب .. هنود: واذا هذربت؟ (ونشت نشبة اتحبي صوب اخوها) نشبة: مسوّدة الويه .. حمد: هذي هذي !! هب انا !! (وايأشر على هنود) نشبة : ادري ادري اتحراني عمياء وصمخة؟ (وشلت عصا حمد بتضرب هنود) هنود : لا خلاص التوبة !! حمد: المدحوبة يوزي.. مب كفاية جاتلة ريلج وبتجتلينها؟ نشبة : ويدي !! بسم الله علية !! بلاك كلتني بقشوري؟ حمد: هاااه عيل؟ جيه مسمين فريجنا فريج الارامل .. نشبة : حشا محد مسمنه !! حمد يتفلسف : بتخبرج انتي جاتلة واحد وشميم 3 الله أكبر عليها ....... (ويلس يعد لها يرانهم) نشبة : بس بس بس اعنبوا !!! حمد: فطيم؟ اميه بلاج موّيمة؟ فطيم: هاااه؟ لا ماشي .. نشبة : من يومين خاطبينها عرب ..وردتهم حمد: ليش فديتج؟ (وهنود قامت ولابهمه من كلام نشبة لأنها اتأثرت وايد بكلام فطيم يوم كانت اتذم عيسى) هنود: يالله ابويه عطني مفتاح موترك .. نشبة : وين بتسرحين؟ بيزخونج الشرطة !! حمد: وين تبين؟ هنود: بوّديك المسيد أحصّل اجر بدال هالرغيد ميود !! حمد: صدق ولا اتمصخرين؟ هنود: صدق والله .. (وكانت مسؤوليتها انها توّدي يدها على كل فرض.. كانت اتسوق بدون ليسن ..معلمنها عواس من هي عمرها 15 سنة .. وبعد اتوّدي يدها الصلاة كل فرض .. يعني على شطانتها اتكفر حليلها خخخ .. اما عند هناء وشمايل ..) شمايل : هنووه؟ شكلي بغّير تيلفوني ..(وكانت هنوه عالنت) هناء بمكر : ليش عاد؟ شمايل: والله أذّوني !!وايد ارقام غريبة تيني مادري شو السالفة .. هناء: مادري والله شمايل اترد : هلا هنود .. أوووه !! اوكي اوكي أي لون أصفر؟ ههههههههه أسميج فنتكة 10 دقايق وبنزل جهزي الدري .. هاااه؟ لا حبيبتي قدها وقدود !! (وروحت حجرتها وجلبت المكان كله وما حصلت ..سارت حجرة امها ..) ام شمايل : شو اتدورين امايا؟ شمايل : اميه؟ سروالج الاصفر هذاكي بو كريستال وينه؟ ام شمايل : يامنكرج شعنه؟ شمايل : بنعيد التراث انا وهنود .. وابا بعد هذيجي الجلابية الخضراء القصيرة لين الركبة !! ام شمايل : امايا هذا لباس هل عمان في المكسار قلنا بنلبسج شمايل: ما عليه بلبسه .. (وسارت وتعنتلت ولبسته وعقصت شعرها اللي لين ظهرها بس عقصته على ينب ...وحطت وردة صفراء على ينب ..ولفت شيلتها الصفرء ..وتتصل بهنود .. وكانت واقفة شمايل عند يدار بيتهم) هنود: انا هنيه فبيت اميه ميثاء .. (كانن بيوتهم كلها حذال بعض اول بيت فاضل وحذاله حمد وقوم شمايل وبعدين نشبة وشما ..) تسمعيني؟ حوّل !! شمايل : حوّلوج لإبليس .. أركب؟ هنود: هيه اركبي ..تراني يبت الدري الثاني .. (وواحد داخل بيت حمد ويطالع البنات من بعيد وماسك عمره من الضحك ..وشمايل ركبت ويلست عاليدار ) شمايل : هاااه شو رايج؟ نايس؟ ولا مو نايس؟ هنود اتهز راسها شرات الهنود : فيري نايس!! نشبة : حسبي الله عليكن!!! انزلي!! انزلي بتكسرين !! ميثوه !! ميثوه الحقي !! (وتدش داخل ) شمايل تضحك : عدلي لي الدري عن أطيح .. هنود : ولا يهمج ..(ونزلت ) يالله مغواتج يالسيلانية (اولما طلعن في الحوي العيايز.. وميثاء يايبة خيزرانة ) ميثاء : منو هذي اللي راكبة عالدري؟ (وقفن العيايز بهتّن في البنات) شما: اندوج انتي !! سيلانيات ماباجي غير يحطن بانيان .. شمايل : بركاتك يا أبله (ونشبة مارامت جان تضحك .. بس مايدرون انه الهم ياينهم) نشبة : لاحول ولا قوة الا بالله ...ياربي انتي ما توبي ؟ هنود اتأشر على عمرها: انا توبي؟ شو توبي؟ (وتضحك على نشبة ) نشبة : اثنيناتج !! هنود: درر درر ما شاء الله ..صيييييييييييييو طاخ !! شمايل : يالله شو نقع؟ هنود : المدافع نقعن !! شمايل : بس بعده شهر رمضان !! هنود : اتصدقين يا شوشو مع اني ما احب يوم شي ينقع لأنه السالفة يوم فيها نقيع الجيوب الانفية عندي ملتهبة (ويضحكن) نشبة : مسوّدة الويه انا اناقع؟ ميثوه هاتي العصا (ودشن العيايز داخل .. وتمن هن برع واللي يطالعهن طلع وكان ميود ..اما البنات سارن بيت فاضل .. وهن مارات) شمايل : ياختيه احس قلبي ناغزني هنود : من شو؟ شمايل: من مريت صوب الكمبيوتر .. هنود: يمكن كهربة اتشوطتي اتشوطتي !! شمايل : عادي ايلس عالكمبيوتر؟ هنود: فديتج يلسي .. انا بسير اطالع اميه وبيي.. (ويلست اتصفح وتحس قلبها يدق بطريقة غريبة كانت زايغة من شو ما اتعرف...جان اتشوف المسن مال ميود والفضول طبعا لعب دوره وفجته لأنه الباسوورد مسايف وكل شي ..شافت لسته طويلة عريضة ..وسيده اتبطلت نافذة صغيرة كاتبتله " انا زعلانة منك " جان اتسير اتبند) شمايل: هاي خصوصيات لازم ما افتش !! (بس رد الشيطان يوّزها .. ودشت عالجات لوج ماله .. وماكان ايرمس حد غير 3 .. 2 منهم شباب ووحدة ..) الا اطالع..( ويوم فجت...احمر ويهها ..) لالالالا ملعونة الصير !! الجلبة !! والله لأراويها !!! Cut ~ |
تسلمين فديت خشمج ع الطرح ياله ارقب البآقي |
(الجزء 18) (محادثة ميود وهنوه في الماسنجر :) • مايد :إيييييييييييه !! • هناء : الناس يسلمون .. • مايد : هههه اتعرفين السلام بعد؟ ماحيد!! • هناء : اعرفه وأروم أعلمك جان ما تعرفه .. • مايد : إييييييه جلبتي علومج؟ • هناء : محد جلب غيرك يالهيس !! • مايد : قصدج محد جلب غير اختج .. • هناء : خخخخ تستاهل .. • مايد: الا تستاهل وأزيد ام الرياييل .. • هناء : مايد عاد .. كله ترمس عنها اخافك الا تحبها ... • مايد : وعععععع ماعندي ذوق !! شو تبيني اجذب يعني؟ شو رايج اسوي فيها حركة نذالة؟ • هناء : لا لا ايييييه عن الخبال .. • مايد : انزين بنتأكد مرة ثانية .. كم من مرة ظهرت ويا شباب؟ • هناء : شدراني انا ماظهر وياها .. • مايد : جاوبي ولا ببند وانتي ادرى والله لأقطعها بطاقتي !! • هناء : لا خلاص بس 4 مرات .. • مايد : وكم واحد اتكلم ؟ • هناء : وايد .. ما ينعدون بس الليسته اتزيد ... • مايد : اسميج جذابة • هناء : والله العظيم ..يعل راس شملوه القص لو اجذب عليك .. • مايد : خخخخ اتحلفين براسها من غلاتها؟ • هناء : هذي اختيه !! • مايد : انزين يالاخت لحظة .. (وتم اوفلاين وبعد نص ساعة دخل ورد) باج باج .. (قصده باك باك) • هناء : هلا ولجم ولجم (ولكم ولكم) وين سرت عني؟ • مايد : سرت اتصل بربيعي .. • هناء : هذا وقته؟ • مايد : عيل اتم طول الوقت مجابلنج يالجلبة؟ • هناء : شو تبا منه؟ • مايد : بس ابتداءً من اليوم والساعة 12 بالتحديد بتي ارقام غريبة عند الاخت شمايل .. • هناء: ميود ويهّد!! نشرت رقمها ؟ • مايد : لالالالا بس عشان أأدبها ..نشرت رقمها في الجات عالعام .. وعند ربعي طرشت لهم مسجات انه هالبنية اتجنن.. • هناء: هههههههههههههه أجديت فيها أم الرياييل .. • مايد: غريبة ليش ما حن قلبج عليها.. • هناء: ليش يحن على وحدة مفضحة عمرها؟ • مايد : وبعد خذت هالشي عذر عشان اراوي اهلج ويزخونها وبينتهي كل شي .. • هناء : وانا؟ • مايد: انتي شوه؟ تبين عرس؟ • هناء : لا طبعا فديتك ..اللي بيننا بس friendship لاأزيد !! • مايد : قصدج حب بس من صوبج • هناء : يمكن خلط بين ال friendship وال love بس زواج لا !! • مايد : عاد منو قال اني اباج وميت فيج .. بس موّنستني !! • شمايل ماسكة راسها : يالله داير راسي ..لا إله الا الله ..إشوووه هذا اللي مستوي؟ حسبي الله عليهم .. حسبي الله عليهم ..وين أضرب براسي ...وين؟ (قامت واتلثمت وهي تصيح ويوم توها بتظهر من البيت تدعم فاضل ..) • فاضل : اميه بلاج؟ • شمايل : هلا ابويه لا مافية شي .. • فاضل : انتي هنوه ولا فطوم ولا شمايل؟ • شمايل : انا شمايل • فاضل : بلاج تصيحين اتضاربتي ويا حد من البنيات؟ • شمايل : لا يابويه بس .. بس.. طايحة وريولي ايعورنيييه يالله فمان الله (وتربع البيت..وسارت حجرة هنوه شرات المينونة ..وتتصل بها بس يرن عندها في الحجرة .. خلاف تتصل على رقم نشبة واترد هناء ..) هنوه وين انتي؟ • هناء: انا فبيت اميه ميثوه بتغدا عندهم !! بلاج؟ • شمايل: ليش يوم اتصل ما تردين؟ • هناء: ناسية موبايلي .. بلاج شوشو ؟ • شمايل : مابلاني شي يالله باي (وبندت .. ويلست عالنت وشافت الجات لوج مال هنوه ) نفس الشي تف عليها الخسيسة !! جلبة !! (وتصيح) اشعنه اتفضحوني انا شو سويت؟ (واتدور على رقم ميود اللي عمره ما طاح فتيلفونها وحصلته موجود..وطرشت له مسج وهي مغيضة " تعال ابا اشوفك فمساحة البنات " قصدها المكان اللي دوم ييلسون هناك ويلعبون ) وبنشوف يا انا يا انته !! (وطرش لها " بلاج" وطرشت له " بكلمك ضروري ..اترياك هناك "وقبضت الباب وطلعت يعني كالعادة الام اتحراها سايرة عند يدتها ولا البنات ..بس هي سارت مساحة البنات ويلست في الحفرة اللي دوم يحفرونها وهي تصيح) • مايد: هنوه بلاج؟ • شمايل عينها تخونها وتصيح وتصد صوبه : ياويل قلب سلب عقلي من داره .. (كانت متحجبة وماخذة النص من الشيلة على ويهها .. وهو منصدم لأنه هاي هب هنوه) • مايد يتمصخر عليها : هاااه انتي؟ شووه؟ اشوفج تقصدين ؟ خخخخ • شمايل فقدت اعصابها : انته شو من الاوادم ؟ انا ميتة فيك وانته مب حاس؟ • مايد: هههههه من متى يا حظي؟ • شمايل : من يوم كنا يهال !! وكبر قلبي على شوفتك كل يوم من حياتي .. • مايد : ياحظي المجرود ..احينه انتي من جمالج؟ خجاجة ببيزاتج بس!!! ورياييلج بعد.. • شمايل : انا جذيه؟ الله يسامحك ..بس بذكرك بشي !!! (والغصة تاكلها ..) • مايد: خلصي دهديييه ورايه شغل اهم منج !! • شمايل : طبعا !! الغدر والطعن في السمعة من اسلوبك .. (وبعصبية) ليش توزع رقمي؟؟ وانا احينه اكلم شباب؟ من متى؟ (وتدفره على صدره من الغياظ .. وهو مسكها ) شو من عيال العم انته؟؟ • مايد ولا مهتم : ماماتي !! اهلي غاصبيني عليج ولا انا ما اطالع هالاشكال السخيفة !! الله ياخذ هالشكل ان شاء الله !! (وهداها) (وشمايل من رهافة قلبها ...كأنه حد طعنها ) • شمايل : يال !!! (توها بتسبه) ما تستاهل اني اسبك ..بس ربي يسامحك لأنه عمري ما بسامحك .. • مايد : جهنم كلتج يا بنت الجلب !! (اتغشت وتمشي سايرة بيتهم ..كل خطوة تخطيها ..اتمنى فأي لحظة تبلعها الارض ..) • شمايل فخاطرها : والله اني حبيتك يا ميود ..قسمت برب الخالق اني عشقتك ..شوف قلبن حبك ووطيته.. شووو؟؟ اتخبلت؟ قمت افر بيت من القصيد كل ما اتذكر ميود؟؟ (وبعصبية) وهذي الخاينة !!! اقرب الناس لي !! جذيه تسوي!!! تدري اني احبه واموت على طوايف طوايفه .. وانتهى البارت بدون الكات خخخخ وانتظروا البارت اليديد مع سفرجل كيف بتكون ردة الاهل اذا دروا وشو بيكون تصرفها مع اختها الخاينة ... |
(الجزء 19) (ووقفت قريب من بيتهم واتساندت ..) • شمايل: هاي الحركة مسواية .. حركة نذالة بس عسب أبتعد عنه .. غدت قصتي شرات نواري وصالح ..بس بعدني حاطة امل انه يحبني .. والله قابضتني غبنة .. هم مستانسين وانا هموم الدنيا على راسي ..يعني لو خذته؟ بيرقدني عالارض؟ وبيعاملني شرات نواري؟ بس هذاكي اكتشف انه يحبها .. بس انا مش متينة ليش ما يدانين؟ ..الكل رايدني وانا رايدة هالمايد !! يالغبية !! منو بيسمعج؟ هو؟ كيف؟ دامنه فصف الخاينة الجلبة !! (ودشت البيت هادية كعادتها .. مارمست حد ..يلست في الصالة تفرفر فهالتلفزيون وتذكر كلامه وعيونها يغرغرن .. مي تتصل بها بس شمايل ما ترد .. لين يتها البيت هي وهنود .. فرت مي عباتها ..) • مي: جيه ما تردين ولا ما تنزلين ياعيوني؟ (قامت شمايل ومسحت دموعها ..) • شمايل : هاااه؟ مادري .. • مي : كنتي اتصيحين؟ • هنود : منو مزعل غرشوبة ليوا؟ • شمايل : لا ابدا .. (هنود ومي يطالعون بعض ) • هنود ومي: ميود!! • شمايل : لالالالا • مي: منو ماخذ قلبج غيره هاااه؟ ذالة عمرج عليه ياعيوني والله ما يستاهل !! • هنود: امبونه جلب !! • شمايل معصبة : يوم انتوا تدرون انه جلب وما يستاهل ..شعنه تبونه ياخذني هاااه؟ • مي: والله محد غصبج قولي لا وخلاص .. • شمايل وبكل جرأة : المحيّرة ما تقول لا لأهلها ولا شو رايج انتي يا هنود؟ • هنود: مي مب قصدها !! ميوووه جاب يالله !! • مي : لا قصدي ونص يوم ما تبينه قولي لا وفكينا من الصدعة !! • شمايل : واقفة في صفه طبعا اخوج .. بس لو تدرين شو سوا .. • مي : اوهووووه !! انا بسير فوق عند هنوه ولا الرمسة الفاضية ... (وعلى فكرة ترا هنوه وشمايل امهم اخت غريبة وابوهم اخو فاضل بس متوفي من سنين..) • هنود: شو استوا يا طبجتي؟ • شمايل : يالله يا هنود ..ليش اخوج ما يدانيني؟ • هنود : مب سالفة ما يدانيج ..بس انتوا محيّرين .. لو ما كنتوا محيرين جان روحه ياء وخطبج .. • شمايل : كله نفس الشي شو الفرق؟ انا ما لحقته بس من يوم نحن صغار وانا احبه واموت فيه ... • هنود: انزين خبريني شو صار؟ • شمايل: هنوه اختيه اتكلم ميود .. • هنود: شو اتقول؟ • شمايل: شو شو اتقول؟؟ اقولج اتكلمه ..يعني حبيب وحبيبة !! فهمتي !! (هنود انصدمت ) • هنود : اتخبلتي؟ • شمايل: احينه انا اللي اتخبلت ولا هي؟ انا اللي فعمري ماعرفت رقمه ..ويوم اشوفه يبدا العيد عندي .. واختيه تباه؟ من غير هي تفضحني وهو بعد؟ ليش ينشر رقمي ؟ انا شو سويت؟ لا وبعد هي اتجرجه شو من الخوات هذي هذي مريضة نفسية (واتصيح بهستيرية ..) • هنود: انتي الغلطانة .. • شمايل : لا هب غلطانة ..قاللي انه هو مغصوب ..تبيني اخذ واحد ما يباني؟ • هنود : لا حول ولا قوة الا بالله .. اشوف فيك يوم يا ميود ...الله بيراويك يالجلب !! (بس كانت هنود تدري بلسان ميود وتدري انه ما يباها .. وكانت ام شمايل تسمع ومتغايظة .. لبست عباتها من الغيظ وطلعت من الباب البراعي .. اما عند مي وهناء ..) • مي: عادي ادش؟ • هناء: هاااي مايو ..علومج دارلينج؟ • مي: فاين والله ..بلاها اختج عاجة الجيزري على اخويه؟ (وهنوه ماتدري شو السالفة) • هناء: جيه ؟ بلاها؟ مادريبها طفرة ياختيه هالبنية !! • مي: ليتج تاخذين ميود بدالها !! • هناء: صدق والله؟ • مي بمكر: ما صدقتي الله أكبر عليج ثرج الا تبينه؟ وينك يا ميود اتشوف المعجبات .. (وعلى طول شمسة ام شمايل اتطير بيت قوم فاضل من غير كانت علاقتها بأبوها وامها متوترة ماكانت اتزورهم ومنو مبطل الباب ) • شمسة نمسك ميود من أذنيه : يا مسوّد الويه يالجلب يالميذّع !!! • مايد : آآآآي خالوه بلاج؟ • شمسة: لعنت الله عليك !! انته تسوي ببني شمايل جذيه !! تعال جدامي عند امك يالحيري!! • مايد: آآي آآآي خالوه هدي !! • شمسة : جاب يالله جاب !! جان فيك خير ارمس والله لأجلع اذنيك يالهيس !!! (وتزاعج) غروب !! ياغروب !! تعالي !!! • غريبة : خير ؟ خير؟ خير؟ • فاضل : بسم الله شو مستوي يا ام شمايل؟ (وساروا الصالة وويهها محمر شمسة) • شمسة: والله ما عرفتوا اتربون ولدكم تف عليك وعلى ويهك .. (وهو يمث ويهه ومنزل راسه) • فاضل : خير يا ام شمايل؟ (طبعا علاقته بأم شمايل وايد زينة لأنه كل الحلال فايدها ولازم يرضيها ..واتخبرهم بكل شي ..) غريبة: ويدي غربلك الله يا مسوّد الويه شو سويت في البنية !! شمسة : هذي اشرف عنك يالهرم !! ومثل ما كسرت بخاطرها كل شي يوقف والعرس ينتهي وسير عند اللوث وخذهن وان شفتك جريب من بناتي واولهن هنوه والله ياويلك !! (فاضل قام وصفعه طراق على ويهه) فاضل: يالجلب يامسوّد الويه .. (ويوم روحت شمسة .. دش فاضل على ميود في الحجرة) ميود: شعنه تضربني؟ فاضل: لأنك مسوّد الويه !! تنشر رقمها لعنبوا دارك نحن نباكم اتعرسون وانته اتخرب كل شي !! اتسير واتصلح كل شي تفهم ولا لأ ..وان اتقربت من العقربة هنوه والله ما بتسلم مني تسمعني !!! ميود: زين انزين !! افففففف (وظهر فاضل من الحجرة ...وهو متضايج لأنه كل آماله بيتبخرن فلحظة وكله بسبت ميود ..) (اما في المستشفى عند هزاع ) • هزاع يصارع الادمان : دكتور الله يخليك طلعني .. انا بخير شوفني ..مافية شي !! • الدكتور : شو نطلعك؟ لازم ينظف جسمك من السم اول .. • هزاع: والله والله .. (ويمسح على جسمه) آآي ظهرني !! (وبهستيرية) اقولك ظهرني !! (ويعج ابرة الدوا وابرة المغذي ..) آآآخ!!! • الدكتور يمسكه : لا يا هزاع ... استهدى بالله .. (والدكتور ضربه بابرة اتهديه وهو يحاول يطلع من الحجرة وصل لين الباب ودوّخ .. وشلوه الممرضين وودوه فراشه .. كانن جفونه سود .. وينتفض ويهلوّس ..وردت به الذاكرة سنتين ورا ..يوم كان يوّدي غدا لبيت ام غريبة .. وكان حزتها ما يخصه في المخدرات ولا دربه .. ويدق الجرس عليهم وبعد 5 دقايق يسمع صوت حد ياي من النعال ..) • فطيم قبل ما تفتح الباب : والله يا هندوه ان طلعتي انتي بدوسج فبطنج !! • هزاع فخاطره: والخيبة !! (وفجت الباب .. ومسطاع مال الذباب فايدها ..عاد حزتها هو اتخبل ..شاف غزال مفنود ..وفرت النعال صوب الشيّرة .. وخشت مسطاعها وراها .. جان تبتسم..ومب عارفة شو اتقول حتى نست تتلثم) • فطيم : إإه !! إإه !! إإه!! آسفة !! (وتربع بعيد) • هزاع: ردي!! ردي خذي الغدا !! • فطيم محمر ويهها : أووه !! (وردت وهي منزلة راسها من الاحراج ) • هزاع: اتفضلي .. (وعطاها الطاسة الحرارة ) اتعرفين عاد بيت منو؟ • فطيم وهي مروحة: نعم؟ (صدت صوبه وهي مبتسمة ) • هزاع: بيت بومانع .. • فطيم : ان شاء الله (وتهز راسها) مشكوور .. • هزاع ميت ما يبا يروّح : ههههههههههه انزين تعالي بندي الباب عن القطاو .. (وهي حليلها ريل ورا وريل جدام .. وجان تشرد داخل .. وهو يضحك ..وبعد فترة رمس امه وهي ما قصرت ..رمست نشبة بس طبعا ردوه .. لأنها محيّرة ل عيسى .. من غير هو ما يشتغل .. ومن حزتها أهمل عمره .. نسى كل شي ما همه حد .. ورد وعى من بعد الدوخة .. ) • هزاع: دخيلكم ظهروني ..بسوي اللي تبونه .. ظهروني .. (وهو يصيح يمكن هب ندم .. يمكن يشفق على عمره ..) (وعند هناء ..دشت شمسة وقفلت الباب عليها .. ومحد وياهم ..وشمايل في الصالة..) • شمسة فإيدها خيزرانة: يا مسوّدة الويه !! انتي تشوهين سمعة اختج !!! • هناء ماسكة جسمها عشان ما تيها الضربة : لا اميه خلاص التوبة !!! (وشمسة تضربها ..) • شمسة : يالخايسة !! نزلتي سمعتنا في التراب وكله بسبتج !! وأختج الشريفة جذيه اتسوين بها .. انتي الا مينونة وخبلة !! (وهنوه تصارخ من الويع .. ووصلت عند الباب اتحاول اتبطله ما شي فايدة قافلتنه شمسة والمفتاح عندها ..) • هناء : لا خلاص اميه التوبة !! • شمسة : أي توبة؟ انتي فقلبج شي اسمه رحمة؟ فضحتي اختج وفضحتينا وياها لا بارك الله فيج !! جان في شاربج خير اطلعي من الحجرة !!! • شمايل: اميه ؟ بلاج؟ افتحي الباب فديتج !! • شمسة: شملوه ما يخصج !! (وانغسلت غسال ما خلت مكان فجسمها ما ضربتها ويوم بطلت الباب كانت شمايل اتصيح عند الباب ..وجلعت الكمبيوتر وشلته وفرته من دريشة هنوه ..) • شمايل: آآآخ يا اميييه !! • شمسة اترمس هنوه: جان في شاربج خير سوي شي ثاني .. ان طلعتي من الحجرة بذبحج يالسبالة !! • هناء: احسن لي اموت وانتحر !! • شمسة: فكاك بنفتك من مصايبج يا ام الرياييل !! انتي ايمان ما فيج ولا جان ما فكرتي حتى جذيه !! انا ياما حذرتني اميه.. كله بسبت هالكمبوتر والتيلفون ماصدقتها واتضاربت وياها بسبتج !! والله انها صدقت !! (وتمت محبوسة ومن درن العيايز سارن بيت شمسة وهدوا من أعصابها وحاولوا بكل طريقة ) • ميثاء: يا امايا الله يهديج ..خليها تي عندنا نحن بنرمسها واللي سوّته غلط وما بتعيده !! • شمسة : انا اللي بربيها من أول ويديد .. ياما حذرتوني وانا ماسمعت شو بتيب لنا بعد !! والله ما تظهر من الحجرة وان شبّت والله انه ما ترد وهذي حلفتي !! • نشبة : يامايا لا تحولفين !! • شما: لا إله الا الله .. • شمايل: اميه عادي اسير عند ابويه حمد؟ • شمسة : سيري يا اميه الرب حافظنج وهالله هالله بعمرج ..هذي هي البنية السنعة ولا الجلبة !! والله يا اميه انه الضغط ارتفع عندي حسيت دمي يفور مارمت !! اخت تسوي بأختها جذيه ؟ شو مصلحتها .. • ميثاء: يا امايا هذي الغيارة .. (وتمت هنوه حبيسة حجرتها ما تظهر وكان في راسها شي تسويه بس بعده مب وقته .. وشمايل صح انها حاطة فخاطرها منها لكن تي وتسولف وياها ..وبعد ما تطري لها أي شي عن اللي صار ولا حتى تسألها ..من غير محرّم عالبنات ايوونها بسبت حلفة شمسة ) (..وصلت كروت عرس.. وكانت الكروت فإيد هنود ..وفجت الكرت ..) • هنود تزاعج: اميييييييه ميثاء يايتنج كروووت عرس (نتشرف بدعوتكم لحضور حفل زفاف مانع سيف على وداد محمد .. وذلك يوم الجمعة 1-8-2007 في تمام الساعة الثامنة والنصف في قاعة الملتقى بمركز دبي التجاري .. ودامت دياركم عامرة بالافراح والمسرات .. وجنة الاطفال منازلهم .. ) • هنود: إشووووه هذا؟ وانا المحيّرة؟ انا شوه؟ لالالا شكلي احلم .. • ميثاء : بلاج مصطنة؟ منو مطرش هالكروت؟ اعنبوا ما وقفن العراسات؟ • هنود: مانع بيعرس .. • ميثاء : أي مانع؟ • هنود: مانع اللي محيريني له .. • ميثاء تولول : ويديه غربله الله ..شو هالمصخرة؟جيه بنات الناس لعبة فإيده؟ وااااي يالفضيحة !!! • هنود تنتفض : دخيلج يا امايا اتصلي واسألي .. يمكن مغلطين في الاسم ... • نشبة: خليني انا بتصل وبغسل شراعهم !! هذيلا ابدا ما يعرفون المذهب ..انا قايلتلكم الولد لعّاب ما صدقتوني !!! • شما : اصدقت نشيبة !! ولا حد يأمن يفر بنته على عيال سيفوه روحهم سم !! • ميثاء: غربلهم الله يعلهم ما يترقعون ان شاء الله !!! خليني انا بتصل بهم ...هندووه سيري ازجري امج !! • هنود: مابغي !! دخيلج يا امايا خليني اسمع !! (وتصيح) ليش ياربي !!! • شما لبست عباتها: انا بسير اعلمها .. باخذ بشكارتي ويايه ..... (وقلبها انفطر .. مع انها شافته مرة وحدة لكن عيونها تدمع ويدتها تتصل بأمه ..) • ميثاء : السلامن عليكم .. ام مانع؟ حياج الله .. • ام مانع : الله يحييج غناتي ... (وكانت قافطة الحرمة ..) • ميثاء نشت لها نشة وتبدا هجومها: انتوا السنع ما اتعرفونه ..ولا جان ما سويتوا هالشي !! • ام مانع: ياختييه انا مفتشلة منج بس ولدي غيّر رايه ويبا ياخذ وحدة غير.. بس هند تراها هب شينة وبتحصل ريل ان شاء الله.. • ام مانع فخاطرها: يالله يا منوع .. وين أوّدي ويهي من خوياتي .. • ميثاء : بسم الله عليها من الشين ..انتوا الا المذهب ما اتعرفونه ..ونسبكم اصلا ما يشرفنا !! (وبندت فويهها ) الله يغربلهم .. (وتصيح هنود) • هنود: بس انا ما سويت شي ..ليش هداني؟؟؟ (ميثاء بندت عنها بدون ما اتعرف السالفة كلها ..) • ميثاء : بييج شيخ شيخه !! انتي اختاري بس !!! • هنود: مابا حد !! عفت الزواج .. عفت كل شي ... (ومسكت هنود راسها) لا وأكبر مصيبة .. هذي وداد اللي أدرس وياها .. • نشبة : ربيعتج؟ • هنود: دوم اتمشى وياها وتتصل بي !! شفتي النذلة !! لا بركتن فيهم !! (وتصيح) • حمد: منو مصّيح بنتي؟ (ويوم يخبرونه ) اصلا هذيلا هب رياييل الملاعين !! اميييه فديتج ليش تصيحين؟ باجر بييج واحد أحسن عنهم وزين انها يت منهم الجلاب !! • هنود: بس يا يدي !! • نشبة : ياخوي تراها متربية وياه .. وين تباها ماتصيح !! ومن يوم هم يهال ونحن محيّرينهم .. • حمد: الله يغفر لك ويرحمك يا سيف لو كنت موجود .. جان ما سمحت لهذا يستوي .. • شما: يالله يالناس !! امايا انتي محشومة لكن هو اللي بيفتضح .. الهرم.. (وتمت ملازمة البيت .. وتسمع زعيج) • فاضل: طبعا شاف شي شين ولا ما جان عرس ولا خبرنا الا توّة !! • غريبة: يا فاضل لا تقول عن بنتك جذيه !! تراها من لحمك ودمك !! • فاضل: عيل شعنه هداها .. اكيد سامع شي !! ماشي غير املنا ف ميود !! • هنود فخاطرها: آآآخ يا مانع !! انته جذيه تسوي بي !! انته !! • مي: ليش تبجين يا عيوني .. تراج بتحصلين رجال احسن عنه.. • هنود: الله يخليج خليني !! • مي: بتسيرين عرسهم؟ هنود رفعت راسها وبقهر : ليش لا .. تراه عرس صديق الطفولة وربيعتي !!! (وويهها محمر ) • مي: مجنونة !! (وتمت صاخة وكاتمة كل شي وما فتحت الموضوع الا قبل العرس بيوم ..) • هنود: اميه ميثاء: • ميثاء: يالله بدون ما تقولين تم فديتج !! • هنود: ابا اسير عرس هذاكي !! (نشبة وميثاء وشما يتطالعن بعض مب مصدقات) • نشبة : اتخبلتي؟ • هنود: لا اتخبلت ولا شي (وجان تبتسم) • ميثاء: امايا انتي محمومة؟ • هنود: ابا اسير ابارك لهم .. • ميثاء: عن الخبال هندوه انا اعرف ينونج!! • هنود: صدق يا امايا ما بسوي شي ..بس ابغي اشوف العرس .. • ميثاء: ينّت وقعدت .. (وبعد ألف يا ويلاه شوفوا النتيجة) (اما بعد ايام فمركز دبي التجاري .. دشن العيايز الثلاث ..وهنود وياهم وكانن العيايز كاشخات يالله هذاكي الكريستال عالكندورة المخوّرة .. ولبس هنود اللي متسلفتنه من عند شمايل كان يجنن عليها .. وشعرها المنشول والمكياج اللي ممكيجتنها شمايل.. وهن يالسات يسلمن شافتهن ام مانع واتغير ويهها ..وسارت صوبهم ..) • ام مانع : يا هلا .. يا هلا .. يا مرحبا ..زارتنا البركة .. • ميثاء : مب من الله !! • ام مانع : خويتيه بعدج زعلانة افا عليج !! • ميثاء : كل شي نصيب يا اختيه ولا تفتحين الموضوع يايين انبارك لكم .. • ام مانع احمر ويهها : هلا .. هلا بالعروس .. (ضربتها في الوتر الحساس ..) شحالج امايا؟ • هنود : بخير .. (حتى ما طاعت اتكمل .. وقلبها يفور من الغصة .. كل شي من الزين والغالي وحق منو؟ حق ربيعتها اللي تدرس وياها .. اللي طعنتها في الظهر .. وكانوا الخلق يطالعون طاولة قوم هنود ..) • الحرمة ام كندورة حمراء : مب جنه هذي بنت غروبة اللي محيرينها له؟ • الحرمة ام كندورة صفراء : اندوج انتي !! شو تسوي هني؟ لا والعيايز وياها اكملت!! ويييه يالفضيحة !! • الحرمة ام كندورة حمراء : جان ما تستوي فضيحة عودة الله يستر !! • الحرمة ام كندورة صفراء : بس يقولون انه العروس اتكون ربيعتها في المدرسة ... • الحرمة ام كندورة حمراء : واعلية عليها .. ما تستاهل بنت غرووبة .. مع انها الله يحفظها اخلاق وجمال ... • الحرمة ام كندورة صفراء : اصلا عايلة بو مانع مافيهم خير .ولا نحن شو يايبنا عرسهم !! • الحرمة ام كندورة حمراء :عيل اقولج امايا اتلاحقي عليها عن ايحجزونها ..لو انهم فقراء ..لكنها بنية ما اتحصل !! • الحرمة ام كندورة صفراء : هي والله .. وجيه عيل ما شوف بنت العراقية وياهم؟ • الحرمة ام كندورة حمراء :ياختيه سامعة انهن ما يتقابسن !! من غير هذي شو يسمونها ميادة مادري مي !! قوية محد اقرا عنها .. مستقوية عليهم كلهم .. وسامعة انها راعية شباب.. • الحرمة ام كندورة صفراء : في التراب !! في التراب !! • الحرمة ام كندورة حمراء :وبعد عرب شايفينها اتدوخ قدّو !!والاهل غاطين عنها يامّج !! • الحرمة ام كندورة صفراء : الله واكبر عليها ..الله واكبر عليها !! (وفي الطاولة اللي يالسين يحشّون فيهم الحرمتين كانوا 3 حريم فنفس الطاولة يتسمعن ومبججات عيونهن ..) • وفاء تصاصر اليدة الجود : سمعتي؟ بل بل بل عليهن !! ولا اخبار الامارات (والجود انخشت من بينهن ) • الجود: شو تقولون؟ • احلى البنات : واللي يتابعني فقصتي الرابعة بيعرف منو الجود خخخخخ مب جني اليوم كريمة؟؟؟؟ خخخخخ |
(الجزء 20) • اليدة الجود : بعد هالحش كله وما عرفتي شو السالفة؟ • الجود: تصدقون هاييجي البنية صدق انها غاوية .. أحس بها مبأي شي يدخل راسها .. • وفاء : يمه عليج !! شو رايج تقعدين معها وتسولفين ؟ • الجود: صدق والله ؟ يالله انقوم !! • اليدة الجود : عيب امايا .. انخلي العرب وانسير مكان ثاني .. • الجود: بس نحن ما انعرفهم !! قوموا ولا بخبر عليكم زايد .. • وفاء : دامنه زايد لالالا ... يالله يمه .. (واتعذرن وسارن جدا طاولة الهند) • الجود: السلام عليكم .. • نشبة وشما وميثاء : وعليكم السلام والرحمة .. • الجود: هالكراسي لحد؟ • ميثاء : لا ابدا اقربن اقربن .. • الجود واليدة ووفاء : جريب جريب .. (الجود يلست حذال هنود والعيايز عند العيايز خخخ ..وكانت تتصل بأمها نداية) • الجود: مرحبا بالحلوة ..علومج؟ أدريبهم كلوا لج جبدج .. لا ما دخلوها ..لا لله كل شي غاوي .. لا بس متصلة اتطمن وزايد؟ الحمدلله وانتي تعشيتي؟ ..خلاص عيل الله يحفظج ... (وبندت) • نشبة تصاصر ميثاء : أسميها هالبنت غاوية .. جيه ما اتخطبونها حق ميود .. يمكن يثقل !! • ميثاء : يالمدحوبة !! وشمايل؟ (وشميم قابضة راس الدفة وسوالف ويا اليدة الجود .. كانوا متوالفات) • الجود: سامحيني الغالية ماعرفتج بعمري انا اسمي الجود ... • هنود كان منشغل بالها باللي يصير : عاشت الاسامي وانا هند .. • الجود مبتسمة : وهذي يدتي الجود وهذي بعد مرت عمي وفاء .. (حزتها هنود بججت عيونها هب مصدقة ) • هنود: ان ان انتي الجود؟ (وتنغز نشبة وتقرصها عشان تلتفت صوبها) ما أصدق لالالا !! • نشبة : غربل الله هالشيفة لج يا هندوه يالقراصة العودة !! آآآخ الله يغربلج بس !! • الجود تضحك : قصدج القصة قريتيها ؟ • هنود مب مصدقة وتهز راسها : هيييه !! ما اتوقعت اني اجابل بطلة قصة يالله يالصدفة !! • الجود تضحك من الخاطر : ليش فديتج عادي .. • هنود: لا هذا شي هب عادي .. (وهنود يلست تتأمل اليدة ووفاء والجود) • الجود: شكلج معجبة ؟ • هنود: ههههه والله معجبة ... • نشبة تصاصرها : اميه؟ اتعرفينها؟ • هنود: شو ما عرفها الا اعرفها .. (واتبادلوا ارقامهم ..) الجود.؟ انتوا منو اتعرفون هني؟ • الجود: هل المعرس ..يدوتي اتعرفهم .. (والجود اتسوي عمرها ما تعرف) وانتي؟ • هنود: هااه؟ من الجهتين (ووييهها احمر ..ويبندون الليتات ويسمعون المطربة " ألف الصلاة والسلام عليك يا حبيب الله محمد " عاد حزتها انقبض قلبها ..ومشت العروس بكشختها لين ركبت الدري اللي يوصل للكوشة ..وهنود لفت شعرها اللي لين آخر ظهرها ..واتلثمت بسبت التصوير ..) • هنود فخاطرها : مستحيل أسكت عن حقي والله لآخذه !! انتي !! انتي !! بس هي ما يخصها ...هي ماضربته على ايده وقالت له تعال خذني .. انزين بس كانت تدري انه محيريني له الخاينة .. لكن والله ما أفوّت هالليلة على خير .. • ميثاء : يالله امايا خلونا انروّح أحس رويلاتي جيّمن !! • شما : صبري خلينا انطالع مسوّد الويه .. (وكلهن صدن صوبها) • ميثاء : لاماروم رويلاتي ..يالله up up • نشبة: يالله هنود ..سامحونا بنروّح • اليدة : مسموحين ..ومشكووورين الغالية ونستونا !! • هنود اتسلم عالجود : تراني بتصل بج اتريييني .. • الجود: اليوم؟ • هنود: لا ..جريب ان شاء الله ..يالله فمان الله .. (ووايهتها وروحوا ويوم طلعوا يدورون وين ميود صاف الموتر ..) آآآخ بطني ..آآآخ آآآخ!! • ميثاء: بلاج؟ • هنود: بطني ابا اسير الحمام .. • ميثاء: لاحول ..احين وين الحمام عنا ..انا ماروم أوّديج ركّبي مووول وقفن!! • نشبة : انا بوديها وأمري لله ..شما : لو زهور موجودة جان ودتجّّ • ميثاء: طاعوا المتفيجة !! الا قولي هيازة.. يالله سيرن!! (واتروغهن بايدها ..وهن يمشن ..وتمن ميثاء وشما واقفات يتريّن الرغيد ميود) • نشبة : توّج تزاعجين بطنج يعوّرج ..يالمكارة شو في راسج؟ • هنود ببراءة : انا؟ ماشي ..يمكن زيارين هههههه • نشبة: الله وأكبر عليج !! (ووصلوا الحمام ..ويوم خلصت عدلت لثمتها وكانوا مدخلين المعرس واخوان العروس وبعد ما ظهروا اخوانها) • نشبة : يالله فديتج يتريونا • هنود: وانا ما بأخرهم بس لحظة بسير وبرد • نشبة قفطت: وين بتسيرين؟ امايا الله يهديج !! • هنود: ماشي بسير أسّلم عالعروس !! • نشبة : لا يا امايا الله يهديج عن الخبال ..تبين سيرتنا على كل لسان ..بيقولون بنتهم مب متربية !! • هنود: وعيل هذا !! اللي يخلي سمعتنا في التراب؟ والله ما أطوّف هالليلة على خير !! (وتمسكها نشبة ) • نشبة : لو انا غالية ما تسيرين .. (وفلتت ايدها غصب ) • هنود: انا من يوم كنت ياهل وزرعتوا هالشي فية !! مانع لهنود وهنو لمانع !! لين ما كبر ويايه والحينه بكل سهولة أوّدر كل شي؟ لازم أقهره .. (وكانت تمشي بكل غرور ..ما يبيّن منها غير عيونها .. ومرّت صوب ام مانع وماعرفتها ..وتتحراها انها بتسّلم عالمعرس والعروس ..ومانع كان مستانس ويضحك لين شافها وهي القهر لابسنها ..الا الغيرة .. وعرفها وكان بيقوم جان يتم مكانه ويوم وصلت تمت مجابلتنهم واحمر ويه مانع ..وهو كان بكل كشخته حتى كان يبين اصغر ..خاف الللحية موول وعيونه المجحلة ..وبياضه ..وهو ما نسى هالعيون الوساع ابدا ..) • وداد ترمس شوي شوي : اتعرفها؟ (ووخت هنود وكانت اونها تسلم على وداد بس كانت اتكلم ) • هنود: لازم يعرفني !! (وكان راسها عند راس وداد وشوي بتلصق وكانت مستقصدة عشان يسمع ) • وداد قفطت : هنوده؟ • هنود : هند لو سمحتي .. (واعتدلت فوقفتها ومانع نزل راسه لأنه عرفها وخصوصا من حدّة صوتها ) انتي مالج ذنب ..بس كنتي ربيعتي وتدرين بكل شي !! لكن انته !!! (واتطالعه باحتقار ) انته ... يعلك ما تشوف يوم خير فحياتك ..انته ريال انته !! (وعيونها كلها دموع .. ومانع قلبه يخفق بطريقة فظيعة ومب قادر يرد ..) • مانع بكل جرأة : مشكوورة .. (وهي منصدمة ..يوم توها بتتحرك اتعلقت عباتها بفستان وداد ما طاعت تنزل ..جان تمسك وداد الشك اللي بفستانها وبكل دفاشة واتطره بكل خساس جدام مانع وشلت هنود كرامتها و بغرورها تنزل من عالكوشة والكل يطالعها ..) • نشبة : مينونة !! خبلة طوفي جدامي !! (ويوم ركبن ..نشبة اتطالعها ) • ميثاء: بلاكن اتأخرتن؟ • نشبة : هذي هندوه .. ما حصلت هناكي كليلكس ( =كلينكس) (وسترت عليها ..وبتم هالليلة ما تتنسى وخصوصا عند العرب الللي شافوا كل شي..وميود طول الوقت ادي شو محضر من المفاجآت .. كان سرحان .. واول ما وصلوا المعاريس حجرتهم في الفندق ..) • وداد: لا تدقني !! • مانع: لويش شو مسوي؟ (وعج البشت اللي كان فذراعه والسفرة والعقال ..كانت وداد يالسة طاولة المكياج .. وهو عالكرسي اللي مجابلتنه طاولة ابعد شوي ) • وداد : شمعنى اخترتني انا بدال هنود ؟ • مانع: احينه هذا وقته؟ • وداد تصيح : طالع كيف الناس تناظرنا الحين !! ودني بيت اهلي !! • مانع : شوفي يا وداد عن الدلع .. هاي أول ليلة شو تبين الناس اتقول عنا ... • وداد: شوف ان ما وديتني بين اهلي روحي بسير !! • مانع: جان في شاربج خير اظهري والله ما ييتج !! • وداد : لا تتحداني !! من غير امك الهيزة واقفة سامانديجا على الاقل تسحبها من كشتها !! • مانع: هيييزة؟ وسامانديجا؟؟ |
(الجزء 21) • وداد : هيييه ..شو اتحريى؟ أصلا امك ما تباني !! بس من متى وهي تمدح فهندوه السبالة !! (ويقوم ويصفعها هذيجي الصفعة اللي عجتها عالارض كأنه افترت رقبتها ..) • مانع : جلبة وحدة !! برع ظهري لابركتن فيج .. • وداد : بتندم والله بتيني وانته اتروكع !! • مانع : اتهبين يالجلبة !! (وطلعت من الغرفة بدون عباتها وهو من عصبيته ما لاحظ شي .. وروح البيت اما فبيت فاضل ..) • مي : تدرين يا عيوني ..اختج واعلية عليها غامضتني !! • شمايل : اتصدقين على قد ما هي انضربت حسيت اانا اللي منضربة !! • مي : هذي اخت هذي !! • شمايل : توّج اتدافعين عنها .. • مي : شمدريني يا عيوني ..شو رايج تباتين عندنا ؟ • شمايل : اليوم؟ لا خليها مرة ثانية !! • غريبة : وشعنه ما تباتين عندنا هااه؟ • شمايل : لا اخاف اخلي هنوه روحها .. (بس طبعا السبب الرئيسي بسبت ميود ..) • غريبة : جيه ياهل هيييه؟ يالله عادة باتي واانا بكلم شموس .. (وعند العيايز في الموتر ) • ميثاء : ميود بلاك؟ • نشبة : لايكون عاشق له وحدة؟ • مايد : هييه اميه معرس بالسر ماخذ روسية !! • نشبة وشما منصدمات : ويييييييييييييييه !! • ميثاء : شو تبابك الروسية يالحافي يالمنتف ..منو بيصرف عالثاني؟ • مايد : هع هع هع كشفتني يدوه !! • نشبة : اصلا لو دوّر هالعالم دور داير دور ما بيحصل شرات شمايل .. (ووقف فجأة ..ويصد ورا ) • مايد : هندوه انزلي سوقي ماروم .. • ميثاء : عيل انا بدور ورا .. (ونزلت هنود .. وهو ما يقدر يفكر الا بشمايل وهنوه ومنو يلعب براسه ؟؟ الله يهديه ما لقى يعطي غير هنود وهي روحها جايج القهر ضارب اعلاه ..) (واتدوس عالبترول وكلهم اختضوا هذيجي الخضة وردوا على ورا) • ميثاء : يالله يالله يالله !! • شما : عجيتي فؤادنا ..شوي شوي .. • نشبة : هيّدي .. يالله بسم الله .. (وازداد غيظها يوم اتذكرت كلمة مشكوورة اللي قالها مانع ..) • ميثاء : ميود ؟ ما تشوفها !! وقفي عن اتروحينا !! (وهي صاخة ) • مايد: هندوه بلاج؟ • هنود: ما بلاي شي انطم واسكت (وشوية وبتاكله بعيونها ..كانت بسواقتها محطمة شوماخر يمكن بن سليّم بعد ..والأوادم اللي وياها عايشين رعب الا مايد اللي كان مب مهتم الا مرتاح ..) • هنود فخاطرها : مشكورة هااااه؟ خايس واحد وحقير والله انك حقير !! الود ودي دايستنك بنعالي !! (وعيونها يغرغرن والجحال سال ..) والله انك هب ريال يالجلب .. وينك يا عواس اتطالع خويّك ونذالته !! • شما : أشهد أن لا إله الا الله (وتتشاهد الحرمة صدق ) يالله نوصل بالسلامة ..يالله عمري ما طلبتك .. يالله بالعفو والعافية .. (وترفع ايدها وتدّعي ) بسم الله عليةّ !! بسم الله علية وعلى بشكارتي !! (وميود يطالعهن ويضحك على خبالهن ) • نشبة : لا إله الا الله !! لا اله الا الله !! هيّدي يا امايا الله يهديج ..ميثوه اهزبيها !! (وتضربه ع راسه) وانته بو طبر شعنه ما تقول شي .. • مايد : آآآخ اميييييييييييييييه !! يعوّر!! • شما : أبووووووه !! بسم الله عليها هالزهور !! قايلتلها 100 مرة بطلي الليتات عن إيوونا السروق وانا المدحوبة نسيت !! • ميثاء معصبة : طاعوا المتفيجة توّج اتذكرين ونحن في الطريج؟ الناس في حالة وانتي في حالة !! (ومن وصلوا ليوا ) • نشبة وهي نازلة بتوّعد : التوبة ثم التوبة ثم التوبة أسير وياكن يالمدحّب !! (وهم رادين البيت نزل ميود .. وهنود يلست في الموتر لكن تصيح ..وهو واصل عند الباب ..بعدين غيّر رايه وظهر قال بيروح ياخذ له رصيد .. وكانت الساعة 2 ) • مايد : هااااه؟ علومك مجيب؟ هات بطاقة 25 ..هيه وحدة ..(ويوم توة ظاهر يشوف وحدة بعباتها اتوايج من باب بيت شمسة واتبنده .. وموتر موّقف عند بيت شما ..) بس اميه شما محد اييها نصايف الليل شو السالفة؟ (وحس بالصدمة لأنه عرف منوه) هاي محد غيرها هالشملوه .. كنت متأكد !! مسوّدة الويه..(وطلعت من البيت وتمشي شوي شوي عسب محد يلاحظها ويوم توّها بتبطل الباب .. اتحس ب يد ماسكتنها من جتفها ..) واتحرين عمرج بتشردين؟ • هناء متغشية : هاااه؟ (وشرد راع الموتر) الله يخليك لا تفضحني !! الله يخليك (ومسكها من عباتها) • ميود ويسحبها داخل بيت شمسة : خافي ربج اتخلين اختج الشريفة هنوه وتلوثين سمعتها وتنضرب بسبتج ياللوث؟ • هناء : انا .. انا .. انا .. الله يخليك استر علية !! (وتصيح) • مايد دخل البيت وبعصبية : خالوه شمسة ..خالوه .. يا خالوه !! (وبعد 5 دقايق طلعت شمسة بجلابيتها وزايغة منو يزجرها هالحزة ..) • شمسة : بلاك؟ في شي؟ (وهي توايج صوب الدري ومستعجبة منو هاي اللي وياه ..يمكن طلابة ..) • مايد: طاعي بنتج اللي اتدافعين عنها ..واللي انضربت هنوه بسبتها !! واقف لها موتر ..وواحد من الرغيد بيشردها ..الله وأعلم كم من مرة طالعة وياه !!ياماحذرتني هنوه منها !! وتبيني بعد آخذها !! (ويتفل عليها ) اتفي عليج من بنت شوارع !! (ونزلت شمسة مب مصدقة شمايل بنتها حبيبتها هي اللي تسوي جذيه .. اول شي مسكتها وضربتها بالنعال ) • هناء: لا اميه خلاص التوبة !! • مايد : ضربي وعلميها الادب ام الشباب .. • شمسة : انا اللي ربيت وعلمت وآخر شي بناتي يطلعن صايعات قوم بو الرياييل؟ جلبة وحدة والله لأراويج .. (وترقعها بالنعال) • هناء تصيح : التوبة ما عيدها ارحميني !! (وسارت بتسحبها من شيلتها واتبطلت الغشوة وطاحت هنوه عالارض وانكشف عن ويهها حزتها ميود كأنه صاعقة نزلت عليه ..وشمسة أخسين ) • مايد : هن هن (وبصعوبة) هنوه؟ و جــآن .. Cut ! |
[البــارت الـ 22 ] (اما في بيت بوعيسى ..كان يالس يشرب الشاي ويطالع البنيات ويا حرمته ..خخخ اول مرة ..) • فاضل : اعنبوا ما بترقدن؟ بيأذن الفيّر !!! • مي : ابويه؟ شو رايك أشتغل مذيعة ؟ (وهو يطالعها بطرف عينه) • غريبة : ولا هالطول !! بنتي انا تشتغل مكرفونة !! • فاضل : لاماشي شغل !! • مي : لا !! مذيعة أخبار ..ربي يخليك .. عشان خاطري يا عيوني .. يمكن تتعدل احوالنا !! • شمايل : والله بيقطّعونج الحريّم اللي في الفريج والله ما بتسلمين وما بتعرسين !! • مي : منو يبي العرس؟ من غير معاش المذيعة في حدود ال30000 درهم .. (فضّول زين ما جب الشاي على عمره، لازم ابويـه يوم انه سمع 30000 .. بجج عيونه) فاضل : تجذبين !! • مي : والله رفيجتي خبرتني ..يمكن بعد أزيّد !! (وجان اتشج الحلج لأنها ضربت عالعوق ) • فاضل : انزين بفكر .. • غريبة : قصورج بعد !! يالله قم قم وراك دوام باجر !! • فاضل يبتسم لشمايل ومي : تصبحون على خير .. • شمايل :وانته من اهله .. (وقامت ) انا بسير اطالع هنود .. • مي : لا خليها .. ياعيوني تبجي خليها اتطلع اللي فخاطرها ..وبعدين هي ورحها من نفسها راح اتخبرنا !! • شمايل تقرص مي : عيل يالمستخفة تبين تستوين راعية مكرفون !! • مي تضربها ع راسها بالمخدة : عيل شلون يا عيوني اتم بطالية شراتكم ؟ (وشمايل اترد على ورا .. لأنه مي اتقرقطها .. ) • شمايل : ميوه هههه بس !! خلاص ههههههههه والله لا تقرقطين ... ههههاي !! • مي : عن تدعمين ... • شمايل: جذوب والله انج جذوب .. • مايد : آآآخ .. (شمايل صدت ورفعت راسها .. طالعته، نشف الدم فِ عروجها .. والصيحة يتها وحسّت الدموع ينزلن ..) • شمايل : آآسفة .. (وتمشي شوي شوي صوب المطبخ .. اصلا ماكانت حاسة بعمرها ... ) • مي : شو تسويين في المطبخ وليش شردتي عن ميود؟ • شمايل: هااه؟ عطشانة ... (وتتكلم شوي شوي وفايدها السجين مال السلطة .. ) أكيد احينه بيسبني .. (وهو كان واقف يسمع ..) • مايد بحزم : مييوووه بدال الهذربان سوي لي عصير !! (حزتها قفزت شمايل زايغة وحد السجين يرحها وقام ينزف ..) • مي :آآي شملووووه اشووو هذا ؟ (وهي ماسكة صبعها ودموعها ينزلن من صوب والدم ينزف ) • شمايل فخاطرها : مب مثل اللي يرحني ميود.. • مايد فقد اعصابه : انتي مينونة !! خبلة !! شو رايج تنتحرين بعد .؟ ( مي متفاجئة .. مندهشة ، أكيد اللي جدامها مَب ميود .. لنه يود شمايل .. مسكها من يديهـا و رافع صبعها سحبها صوب المغسلة.. وغسل اليرح وهي اتطالعه .. بعد مندهشة و مَب مصدقة ..) • شمايل بعصبية : بس ..بس .. بس انا .. (وتفلت ايدها منه ) هدني !! عمرك لا اتحط لسانك فلساني .. تسمعني !! انته مب ولد عمي ولا عرفك !! • مي: تعالي يا عيوني .. (وودتها فوق ) • مايد : انا سويت شي غلط ؟ (وروّح فوق يبا حجرتـه ) طلعت هنوه الخاينة .. وانا مثل الاطرش في الزفة ..خلتني لعبة فايدها الخايسة .. وخلتني أخسر شمايل و ثقتها .. وفوق هذا شوّهت سمعتها .. كله مني !! لو ما سمعت كلامها .. جان ما صار هالشي .. هذي هي الخجة .. طاعوا وين وصلتني ..أسوي عمري مااحبها .. آخر شي أجرحها الا لوّثت سمعتها ..حتى لدرجة انها اتروّع مني ومن لساني الوصخ .. عمرها ما سبتني ..ليش اتحرك قلبي يوم انيّرح صبعها؟ آآآآخ (ويمسح على شعره) ليته صبعي ولا صبعج .. ليتني الدوا لصبعج .. أ ..أ .. انا عاشقنها؟ ..حرام اتخجج وآخر شي يندفن قلبي .. صدق كانت مبيّنة انها اتحبني .. وانا يعني ما حبها؟ الا اموت ع ترابها .. آآخ لين الحينه أذكر كلامها في الساحة .. ليتها سبتني وضربتني أزيد ..ولا شافت هالشي مني .. (وطلع من الحجرة بعد نص ساعة ..يلس يتسمع ..بس شكلهن رقود ..) • مايد فخاطره : ابغي اشوفها .. والله لأشوفج .. عاد هالمرة ما بهدج !! (وحط ايده على قبضة الباب ) لالالالا شو افتح الباب عليهن ..لأازم أستحي وأخيّل على ويهي وأغدي ريال .. (ورد لحجرته لكن ما عرف يرقد الليل .. كان واحد واقف يترصد لبيت عيسى بس محد يدريبه .. ونشوا الصبح وكان فاضل يتسبح وطلعوا مي وشمايل لبيت بو غريبة ..) • مايد يدق الباب عليه : ابويه !! ابويه !! • فاضل : شو تبا؟ • مايد : اظهر ابا فلوس .. • فاضل : ما اسمعك .. خلاف خلاف بكلمك .. • مايد : أوووووووووووه انا مستعيل .. (وبطل بوك ابوه وشل 1500 وطلع ..وبعد نص ساعة ظهر فاضل من الحمام ..) • فاضل : غروووّوب؟ يا غرّووووب !! • غريبة : ياية ياية !! (وتمشي شوي شوي وحاطة ايدها ع بطنها المنتفخ ) • فاضل: منو مبطل بوكي؟ • غريبة : محد .. أصلا محد دش الغرفة .. • فاضل : وميود؟ • غريبة : ميود طلع .. • فاضل بعصبية : 1500 ناقصة !! اقولج حد داش الحجرة !! • غريبة : والله محد ! بتتهمني انا؟ • فاضل : والله من خذتج ما سرقتي واحينه بتسرقين؟ عيل والبنات وينهن ؟ • غريبة : مي وشمايل فبيت ابويه .. وهنود فحجرتها .. • فاضل : محد غيرها ..السروق !! • غريبة : بوعيسى استهدى بالله شو سرّوقه؟ بنتك هذي !! • فاضل : بنتي ولا غيره .. نحن مب مربين عيالنا عالسرقة ..عشان جيه منوع ما يباها طلعت سروق !! • غريبة تتطالعه وهو ظاهر : استخف هالريال أنا أدري من يوم خذته أقول فخاطري مَب صاحي .. يا الله تعيني على هالعيشـة ! (ويدش داخل حجرة هنود والمسطرة الخشب فايده وقفل الباب .. وكانت هنود يالسة وموّيمة ..) • هنود: خير؟ • فاضل : وين البيزات؟ (وهي اترد على ورا ومنصدمة ) • هنود: أي بيزات؟ • فاضل : اللي فبوكي يالسروق !! • هنود : والله مادري عن شو اتكلم .. (ويضربها بالمسطرة ..) آآآآي ابويه !! لا !! • فاضل : طلعيهن يالسروق !! • هنود: والله هب انا حلفت برب الكعبة انه هب انا .. • فاضل : جذوب !! • هنود : آآي !! ابويه !! دخيل الله .. • غريبة سمعت اليولة و زعيق هنّود و تشل بعمرها تبا تحايز وهي بروحها يا الله بدينهـا: افتح الباب يا فاضل !! (وبعد ساعة من الضرب والصريخ والصياح والظلم ..) • فاضل : اطلعي من البيت ..وإن شفت رقعة ويهج والله لأجتلج يالسروق !! برع !! • غريبة : فاضل هذي بنتك !! • فاضل : أي بنت هااه؟ سروق ...سروق (ويمسك هنود من شعرها ..)تسمعين؟ هذي تربيتج !! (وشلشلت اغراضها ..وغريبة اتحاول ويا الابو بس ماشي فايدة ..) • هنود تيّر نشاقتهـا: هذا أبو هذا ؟ يفكر في البيزات بس ..ويفكر اني ماخذتنهن؟ لا بارك الله في الساعة اللي انولدت فيها .. لا بارك الله في الساعة اللي عرفت فيها بانك ابويــه ! (دميعاتها على خدها ..خذت شنطتها وهي اتعرف انها بتفارج هالبيت وما بترد .. ونزلت بدون ما تدريبها غريبة ..اول ما وصلت بيت حمد يدها انهارت عند باب الصالة المبطل .. وما تروم اتشل ريولها ..) • نشبة : بسم الله عليها ..بسم الله عليها ... (فطوم تركض لها ..) • فطيم : بلاج فديتج؟ وشو هالشنطة؟ • هنود : جذبني يا فطيم .. وطردني.. طردني من البيت يا فطيم .. ظهرني من بيتنـا ولا جني بنته من لحمه ودمه وقطعة منه !! طاعي ويهي.. منتفخ من الضرب (وتلمس ويهها)... آآآي .. • ميثاء : الله ياخذك يا فضّول !! الله ياخذك ان شاء الله .. (وتساعدوا لين ودوها داخل .. مي وشمايل نازلين ..) • مي : شو حصل؟ هنود شفيج؟ • شمايل: غناتي بلاج؟ (واتخبرهم باللي استوا ..اما اليد حمد ما استحمل وسار لهم وميثاء وراه ونشبة بعد ..اما شما ويا البنيات تمت ..) • اليد حمد : انته ريال انته يال ...............(ويسبه سب ) جانك ريال ما فريت بنتك هالفرة !! • فاضل : ريال غصبن عنك وعن اللي يابوك !! طالع بنتك وتربيتها للعيال ..عيل انا بنتي تسرق 1500 شعنه؟ عسبت جذيه منوع ما يباها لأنها سروق !! • ميثاء تمسكه من كندورته وكان هو زايغ وخصوصا منها : انته يالهرم يالهيس ياللوثة !! انته ياللي ما تسوى شي تقول عن بنت بنتي جذيه ..وبعد من لحمك ودمك .. لابارك الله فيك ولا في الساعة اللي يوّزناك بنتنا .. يالطّلاب العود !! يالكنجوسي !! وهي متعففة من السروق .. جان عن الطبايع الزينة كلها يايبتنها منا ولا جد مرة شفنا زلة .. لأنها حرمتن حشيم ولاجان عليك .. مالت عليك وعلى بيزاتك فوقك .. (ويوم اتقربت منه هو زاغ ورد على ورا ) تف عليك من ريال .انته الا فريخ !! نحنا اللي بنربيها وبنعلمها والا جان عالسروق محد غير حرمتك العراقية ولا اكمل؟ (شكلها تدري بشي ومب طايعة اتقول ..) • نشبة : فقدت هالشيفة الخايسة • اليد حمد : جان عالبيزات ..(وطلع ال 1500 ..وفراهن فويهه .. ومن وصلوا ) • نشبة : يالله ..يالله .. يالله ازجروا لي ميود .. حاسة ارتفع عندي الضغط ..اباه يجيسه اذا ارتفع .. (ومحمر ويهها ) • مي تتصل بميود : ها ميود؟ وينك ؟ تعال بيت اميه ميثاء صايرة مشكلة جايدة .. • ميثاء : هذا بيتج يا هنود .. ونحن انعرف انج ما سرقتي الا عقل ابوج الخربان ..(وهنود اتصيح ) • هنود : انا شو ذنبي؟ هاااه؟ والله اني قافلة على عمري من نشيت والله ما طلعت من الحجرة .. • فطيم :هنود بسّج عاد عن الدلع .شورايكم نعيد تراث أول ؟ • شمايل : قصدج سيلانيات؟ (هنود سكتت) • مي : ايه ايه ايه احلى شي !! تذكرين هنود ..يوم نلعب عالزولية ؟ • هنود: ماندري بالشيوال موجود ولا ؟ • شمايل : اكيد موجود .. • فطيم : بس شرط ما بنتريا .. كل وحدة اتبدل واتخلص وتسير الساحة .. • نشبة : وابويه ع منكركن .. (وحاطة فودة على راسها بسبت الحر..) • شما : خذوا وياكم زهور توّنسكم .. • شمايل : شكلنا بنكنسّل السيرة .. • هنود نسّت كل شي : بس على شرط .. كل وحدة اتعقص شعرها ونلبس هذاكي السروال الاخضر بو كريستال والجلابية الصفراء القصيرة ..وعن انسى الوردة اللي على ينب .. ياويلكن !! • ميثاء : اتغربلتن من بنات .. • فطيم : شو نسوي يا امايه انرفه عن عمارنا .. (وكل وحدة اتلبست وظهرت وشمايل اتأخرت لأنه مستوية ضرابة عالحمام .. واستون السيلانيات الاربع مي وهنود وفطيم وشمايل .. ويوم توّها شمايل ظاهرة من البيت ..) • مايد : شمايل ؟ • شمايل : نعم؟ (وصدت زايغة وماتوقعت انه مايد ) شو بغيت ؟ • مايد مبتسم : انا آسف .. (وكانت اول مرة تشوفه مبتسم ) • شمايل: على شو وشو؟ • مايد : على كل شي سويته !! • شمايل: لو كا عندي اخو وسوّا فأختك جذيه بتسكت؟ • مايد : خلينا من اللي فات ... • شمايل : ليش في شي فات؟ بعده هالحاضر ما نسيته .. تتحرى هالشي سهل؟ تتهم وحدة بإنها ام الرياييل؟ • مايد : شو معناته هذا كله؟ • شمايل : معناته ماشي زواج .. ومعناته انته ما تحبني وانا .. (وصخّت) • مايد : وانتي شو؟ ما تحبيني؟ (كأنه حد طعنها ) • شمايل ويغرغرن دموعها : ابدا لا تقول جذيه حتى لو بمصخرة .. • مايد : انا يا شمايل احبج الا اعشقج .. (وهي مبججة عيونها من الصدمة ) • شمايل : إشوووووووووه؟ بعدك بتتمصخر عليّـه ؟ (ومشت عنه اتصيح ومسكها من ذراعها) مايد : يوم اكلمج ما تصدين عني ... احبج يا شمايل .. شو ما تحسين فيّه ؟ (وهدها وهي تنتفض ) شمايل: انته تبا تلعب بقلبي .. وانا قلبي رهيف ما يستحمل ... مايد : منو قالج اني قادر اني اجرحج مرة ثانية يا غناتي؟ شمايل تتطالعه مَب مصدقتنـه: غـنـاتـ ..ـــي ؟! .. انتـه.. انتـه .. شو تقـول ؟! مايد : والله والله .. ( بغته يسكت لنها ما بتتحمل إنـه يلعب بها مرة ثانيـة .. الأولى لعبة كرهه والثانيـة حبها له ؟! .. توها بتمشي ) تخبل مايد يوم شافها بترد تمشي عنـه: لا .. لا تسيرين .. ( صدت تتطالعه .. عيونها محمرات .. خوف على حيرة ) شمايل ماسكة عمرها عن لا تزعق في ويهـه: شو تبغي !!! مايد : انتي ليييييش ما تفهميني .. والله اني احبج و احبج و احبج .. وأبغيــج !، ولو تبين حتى من اليـوم برمس خالتيـه عسب العرس !! ( حست شمايل بأنهـا تحلم، رصصت عيونها جنها تبا تتأكد بأنه اللي يرمسهـا مايد، معقولـة .. عقب كل اللي سـواه فيهـا و الكلام اللي شرا السم .. يحبها ؟! مايد أول شافهـا منصدمـة وخلاف مندهشـة، اتطمن قلبه حس بأنهـا لانت له و بتسامحـه .. وجان يعطيهـا هذيج الابتسـامة اللي تعذب الفواد ..وخش يديـه في جيبــه وظهـر منـه صرة صغيـرونـه ) مايد سحب يديها : إنتي حبيبتي، و يديـج ما بتكون في يد غير يديــه ( و حط الصرة في يديهـا و رد أصابع يديهـا على الصرة) أبـا أشوفج دوم لابستنهــا .. وإن ضيعتيهـا ( ضحك) بجتلج !! ( كانت تتطالع يديهـا و اللي حطه في يديهـا ويوم ضحك رفعت راسهـا .. سكت و ابتسـم لها .. هد يديهـا وسـار أما شمـايل .. تمت واقفة في مكانها، مَب مصدقة و اتمنت انه يقرصهـا قبل لا يسيـر بس عسب تتأكد إنها ما تحلم ) شمايل ترمس عمرهـا: أنا حبيبتـه ؟!، أنا فحلم وإلا .. ما صدق ( تقرص عمرهـا) آي .. لا لا بعدنيـه ماصدق هذا ميّود .. ميّود اللي ( توها بترد تذكر اللي سواه فيهـا و ذكريـاته السم وياها .. بس ودرت عنها هالذكرى اللي تكدر و فجت الصرة تشوف شو هادنها مغرم صبابة !) وايـه فديتـك .. فديتـك .. ماخذلي سويـرة سلسلة ! ( وبدون ما تفكـر لبستهـا و حضنت الصرة ) أحبك وماقدر ماسامحـك ! ( تمت واقفة .. هيمـانة الاخـت .. هيمان يالمحبوب هيمـان .. وكانت بتطول لو ما ذكرت البنيـات ) شمايل : أويـه خس الله السالفة نسيت الشلة ! ( ظهرت، وهي واصلة الباب شافت مايد صوب الزراعـة .. بعده ما روّح، تصدد .. وخلاف زقرتـه ) شمايل : مايــــد ! رفع مايد راسه يتصدد و يوم شافهـا رفع يديـه وقال : عيــونــه ! ( رفعت شمايل يديهـا تراويــه .. يوم شاف يديـهـا و السلسلـة .. تخبل .. يطيــر و يحل من فرحتـه، ابتسـم من خااااطــره و هي صدت عنـه استحــت .. سارت عنه تمشي ..) شافها سايرة عنـه، قال مايد بصوت وجنه يرمس عمره : والله أحبهـا ! أما شمايل وهي ظاهـر قالت جنها ترمس عمرهـا : والله أحبـه .. ومسامحتنـه .. ( توها الحبيبـة واصلتنهــم، لمحتهـا مي ) • مي: توّة الناس لا لاتين !! • شمايل هايمة : ليتني تميت واقفة !! • مي: شو سالفتها .. (وتصارخ ) يالله احفرن !! • هنود : ميوووه ويهّد صمختينا !! • فطيم : حشا يالله ياذنيّه !! (وهن يحفرن على قد جسمهن وسووا الحركة بس قالوا هالمرة لازم أغزر يحفرون ..) • هنود : فطوم يالهيزة احفري !! • فطيم : وين احفر ضكي عني !! • مي: وانتي يا عيوني ما راح اتشاركينا ؟ • شمايل تنتبه لها : هاه؟ انا ؟ لا خليني فهيامي .. • مي: مالت عالدبّش !! (وبعد ألف يا ويلاه حفرن وحطوا الزولية ) • فطيم واقفة : واحد (وتهز راسها) • هنود: اثنينه .. • مي: ثلاثة !! • شمايل: أويييه؟ ليش ما طحتوا؟ هنود ؟ نقزي على الحطبة نقزة قوية وعجيهن !! خخخ • فطيم : نذلة !! • مي: لا !! (وهنود نقزت ) • مي وهنود وفطيم : آآآآآآآآآآآآآآآآي !! (وطاحن ) • مي: حسبي الله عليج يا هنود ..ضكي عني طحتي عليه !! • فطيم : هنود ويهّد قومي !! حشا غربل الله هالعظام !! • هنود ميتة من الضحك : كسرتكم صح؟ هع هع هع شريرة .. • شمايل اتوايج وكانت منسدحة ع بطنها واتكلمهم : الله أكبر عليكم .. خندق مب حفرة !! • هنود تضحك : يالله ساعدينا !! (وهي مادة ايدها عشان تسحب هنود الحطبة ..واتحس شمايل انه حد يسحبها من ريلها ..) • شمايل زايغة : آآآي !! إلحقوا علّـيه !! • هنود بعدها في الحفرة : بلاج؟ (وكأنه شي سحبها ) شي سحبها والله شي سحبها !! (وتزاعج ) شمول بلاج؟ • شمايل : الله يخليك هدني ..بعطيك اللي تباه ..الله يخليك ... (وهي تنتفض وتترجى وكان مثبتنها عالارض وثنينه وياه ) طالع مخبايه في بيزات بظهرهن والله بيزات !! (وتصيح ) • مي تصارخ : شمايل شفيج ؟ • شمايل : لا !! الله يخليك الله يخليك إلا .. إلا شرفي (وحاطة ايدها ع جسمها عسب تمنعه ) لا دخيلك آآآه إلحقوني إلحقوني .. (وتناهي ) لا الله يخليك .. ( تصرخ ) لا اتدقني يالنيس !! ميوووود .. ميود إلحق علية !! (وتصيح وتستنجد ) هنود !! مي .. فطيم !! يالله ارحموني !! (وتصرخ صرخة ) آآآآآي (مي وفطيم شالين هنود عسب اتشوف ) • هنود : ايييه يالخياس هدوها ..الله يغربلكن شلوني عدل !!! • مي: آآخ يالله واحد اثنينه ..ثلاثة .. • فطيم : يالله ترحمها برحمتك ..يالله اتكون مزحة بس (ويوم شلوها شافت هنود شي أول مرة تشوفه) • هنود : شمايل !! اشردي !!(وكانوا ثلاث رياييل .. وواحد ياء صوب هنود بيسحبها ) لالالالا نزلوني !! ميوه نزليني !! (ومسكها يبا يسحبها وهي تبا تفلت ايدها وطاحت عالبنات ..) مي : آآآخ !! يالله بسم الله شو هالبلى؟ هنود: ارفعوني ارفعوني .. مرة ثانية !! شمووول بتموت يالسين يغتصبونها والله !! فطيم تصيح بهستيرية : بيغتصبونا والله بيي دورنا !! شو نسوي؟ شمايل مالها حس !! هنود: تماسكي يا شمايل !!(وكانت شمايل تنتفض والدمان ينزل منها ومن ويهها لأنها تنضرب وملابسها متطرطرة ) شملوووه لا تهدينـا لا تخلينـا !! هاااااايه ميود يباج ونحن نباج !!! شمايل صرخت بقوتهــا : آآآآآآآآآآآآآآآآآآآآآآآآآآخ (وهنود اتصيح و اتصيح بهستيرية أكثر من اللي تشوفه واتحس انه انعقد لسانها .. ) Cut ~ |
(الجزء ال 23 ) (اما في بلاد بعيدة وهي امريكا في ولاية من الولايات الامريكية ) • حسن وباين عليه التعب : الحمدلله على سلامتك يا عواس؟ شو اتحس عمرك الحينه؟ • عيسى شكله كأنه مزيّغ : انا؟ انا وين؟ حسن؟ انا في المستشفى؟ ليش؟ • حسن بهداوة : استهدى بالله يا ريال .. وانا بفهمك بكل شي .. • عيسى : شو تفهمني هااه؟ وين اهلي عني؟ ليش ما يوني المستشفى؟ • حسن : ما يدرون .. • عيسى : الا يمكن متبرين مني !! (واعتدل فيلسته ويطالع ذراعه) خاز المخدر عن جسمي؟ • حسن : انته اتعرف وين انته اصلا؟ • عيسى: فبوظبي .. • حسن : لا يا عيسى انته فأمريكا .. من كم من شهر وكنت فغيبوبة .. وكنت نص ميت .. • عيسى نش بعفوية واتذكر فجأة : هزاعوووه الجلب !! • حسن : نحن ندري باللي استوا .. • عيسى : والتيلفون حصلتوه؟ • حسن : مادري شو اقولك .. • عيسى : شو ؟ شو اتقولي؟ الدليل وجدامكم؟ تبون شي أزيّد بعد؟ • حسن : مانع .. • عيسى : طبعا مانع درا .. وما بيرضى بالغلط لو على قطع رقبته .. • حسن : مانع بدل التيلفونات ..عشان يحمي اخوه !! • عيسى وهو محمر ويهه وعرقان: جذوب !! والله انك جذوب !! مانع مستحيل يسوي هالشي !! • حسن بانفعال: انته على شو اتدافع عنه هاااه؟ اقولك بدل التيلفونات وسوا عمره يدّور عليك .. وهزاع مفلت في الشوارع .. لاوأزيدك بعد ..وعرّس من كم من يوم .. وودرها اختك وخذ ربيعتها وبعد بتدافع عنه؟ (يالله يا صدمته ..مب عارف شو ينطق ..هل هذا كله حلم؟ هل رفيق مانع يخون ثقته الا يخونه ويسوي هالشي ..) سوري البارت صغير بس يسد صح؟ |
(الجزء ال 24) • عيسى : اتصدق يا حسن؟ انا ومانع اكثر من الاخوان ..عمري ما فكرت انه اخويه جذيه بيسوي .. بس ما لومه ..انا يا حسن يوم شفت هزاع جدامي ما صدقت عمري.. فكرت أحميه ولاأدمره؟ ..انا اللي سويته شي هب سهل .. بس عشان هزاع ينتشل من هالسم ... (وعيونه محمرات) وآخرتها يضربني انا بالابرة؟ ويشوّه سمعة اختيه؟ • حسن : مالومك يا خويه !! وانا اللي شفته شي هب هيّن ..بس من شفتك طايح عند باب بيتنا هاكي اليوم شي جاسني ..وانا وربي شاهد حسيت انه مانع متغير ..وعلى طول اتصلت بالشيخ يطولي بعمره واتصرف .. يعني لو فيه ذرة ذمة ياعواس جان خذ التيلفون وراواه الشيخ.. • عيسى : آآخ لو يطيح فإيدي بس !! (ويضرب على ايده بحسرة ) متى بتطلعني؟ • حسن : يوم بتستوي بخير • عيسى : شو قصدك؟ • حسن : ما نظف دمك من ..... • عيسى : كمل؟ ليش سكتت؟ من السم؟ اعنبوا مرقد مادري من متى !!! (ويعج الابرة اللي فايده ويفرها من الغيظ اللي جاسه .. كان متغايظ ومحتر من العدالة اللي صايرة ..كل من هب ودب قام يخش ويدس وينهب ويسّوي ..اما في استراحة البنات ) • مي : بلاج هنود ؟ شو شفتي؟ (وكانت هنود تبا ترمس تصارخ وهي على جتف مي وفطيم ما فيها حس لين ياها الريال الثاني ..وهي يوم حاولت تنزل من على جتفهم مسكها مسكة قوية ..) • فطيم تصارخ : لااااااء هدها !! هدها دخيلك • مي : لا الله يخليك لا !! (هم يمطون ريلها وهو يسحب ايدها وهنود تنتفض وداير راسها لأنه نهايتها قربت واتطبه بإيدها الثانية بالتراب وبالغلط رفست فطيم ..) • هنود فخاطرها : لا !! هدني !!! (وتصيح ..وسحبها وكانت اتقاوم ..وشافت جثة شمايل وملابسها المقطعة ..ومن الزياغ وصريخ البنات والحر الزايد دوخت هنود ..اما مايد كان ياي عند البنات ويسمع صغيروني يلهث وياي صوبه ..) • غديّر : ميود!! ميود !!! • مايد: شو بلاك؟ • غديّر : خواتك كلهن يصرخن بيموتن !!! ريايييل عندهن !!! • مايد مبجج عيونه : رياييل؟ اي رياييل؟ اشوووه رياييله؟ في الاستراحة؟ • غديّر : هيييه هناك وحدة ميتة والله انا شافيتها !! • مايد : غديّر سير ناد ابوك واخوانك بسرعة !!!! (ويربع مايد مايشوف شي جدامه غير طريجه ..) • مايد فخاطره :شمايل وخواتي هناك !!يعلها جذبة !! يعلها جذبة !!! (ويشردون الباكستانية لأنهم شافوا ظل واحد يربع ) • مايد يزعج : ميوووه !!! يا شمايل !!!! فطموه وينكم؟؟ • مي: تعال هنانه !! إلحق علينا يا ميود!!!! (وتصيح ) (اول ما وصل شاف بنتين ..وحدة صوب الحفرة واللي هي هنود واللي بعيدة وهي شمايل اللي كانت ثيابها متطرطرة والدمان اللي فجسمها كله وهو يطالعها وقلبه يدق بطريقة مب طبيعية خايف عليها واحمر ويهه وكان مب مصدق ..) • مايد والغصة تاكله : ش ...شمايل؟ (ويربع جداها ناسي اخته اللي اقرب له منها ) • فطيم ومي : ميود؟ ميود؟ تعال جدانا .. (نزل على ركبته وشلاها بين ايده ) • مايد وعيونه يغرغرن دموع : شمايل؟ غناتي؟ (ويزاعج) يعلكم العدم !! (وهو ماسكنها ..ماسك حبيبته والتصق الدم فيه ) غناتي؟ غناتي شمايل !! (رد نزلها وقام وعج حمدانيته وفصخ كندورته ولف جسمها .. يسترها وماسكنها ومب طايع يتحرك .. ) يالله ياربي خذ روحي ولا روح حبيبتي .. خذ روحي !! (وكان راسه على راسها يصيح مب عارف كيف يتصرف وحاضننها ..ويطالعها ..حتى رقبتها ما سلمت منهم كانت ميّرحة ..ويوم حس انه بنت عمه بتموت الا بتضيع قام .. ) والله لأحصلهم ..بتميين حية ..انتي قلتي اتحبين مايد .. صح غناتي؟ (ويشهق لأنه عمره ما فكر انه يشوفها جذيه وهو يمشي إييييه غديّر وشباب الحارة والشواب كل واحد ب فرده ..ركب مايد موتره وشمايل بعدها فحضنه ) أحـــــبج !!! (ويخضها ) قومي !! لا تموتين !! أحبـــج وأحب كل شي فيج ..تسمعيني؟ ...أعـــشقج يا غناتي !! انتي لمايد بس !! |
(الجزء ال 25) (اما عند الشواب والبنات) • بوغديّر: يالله اعوذ بالله !!! سعيد!!! سير لحّف البنية وطالعها اذا حية !!! • سعيد: ان شاء الله ... (عج كندورته ولحفها ) • بو غدير: يا شباب هذيلا بناتنا وجذيه يستوي فيهن (ويمسح دموعه) كل واحد ياخذ موتره ويدوّر في السيح على اللي سواو هالشي ...ونحن اللي بناخذ حقهن !! الله لا سامحهم !! (وقاموا الشباب يتراكضون .. اما الشواب قاموا حطوا العصي داخل الحفرة وسحبوهن ... من غير كانوا متصلين بالشرطة ... ويشوفون حريم عيايز متغشيات يتراكضن ..) • ميثاء : واعلية !! واعلية !! بناتي !! راحن بناتي !!! • بوغديّر : ما صار الا الخير !!! • سعيد : مادري يابويه ماحس انها اتنصخ !! • شما : يالله بالستر !! (والحريم يصيحن ) • ميثاء : شو مستوي يا ميوه؟ فطموه؟ ما قلتوا بتون هني ؟ منو ياكم ؟ منوووه؟ • فطيم تصيح : والله يا اميييه كنا نلعب لين يونا اجانب وشمايل !!! آآآآآخ يا شمايل ماتت !! • مي: والله العظيم (ووصلت سيارة الشرطة ومانع نازل ويا كم من واحد ..) • مانع: لو سمحت شو مستوي هني؟ • سعيد : عيال الذين ..عافدين على بنات فاضل (مانع يتصدد ويطالع بنات يصيحن ) • مانع: كم من واحد؟ • سعيد : ما انعرف ..اتخبر البنيات ... • مانع: يا عبيد سير اسأل البنيات ... انزين وحد استوا فيه شي؟ بلاهم الشواب متيمعين ؟ • سعيد : بنت محمد عفدوا عليها هييي وبنت فاضل ووداها ميود الدختر !! (ويتقرب شوي شوي .. ) • مانع: ابويه سعيد لو ما عليك امارة ... ابا اشوف اذا البنية بخير ... • بو سعيد : شكلها حية !!حية !! (وقام بو سعيد وسار يرمس البنيات .. ومانع يطالعها ومبجج عيونه ..يا سبحان اللي خلقها ..عليها جمال مب على حد ..ويطالع دم على ركبتها ..وهو منصدم صدمته ..وقلبه يخفق..) • مانع : لالالا ... معقولة؟ هنود؟ هذي هنود؟ • ميثاء: بلاها هنود ؟ ماتت؟ • مانع: لا !! صبري !!! خذوها بعيد ... (ويوم وصل مايد المستشفى..كان بوزاره وفانيلته .. ودوها العناية ...) • الدكتور : شو حصل لها؟ • مايد وهو يشاهق من الصياح : دخيلك يا دكتور ... هذي اليوم كانت بتغدي حرمتي !!! وعفدوا عليها !!! • الدكتور : اغتصبوها؟ • مايد: سر سر عالجها !! دخيل الله عن يفوت الوقت !!! • الدكتور : بس انته خايس دم ..حصل لك شي؟ • مايد وماسك فانيلته الداخليه وكله عصبية : هذا دمها دم حبيبتي اللي ثّوروا فيها الخياس !!! |
(الجزء ال 26 ) ( اما في استراحة البنات .. مانع يجيس نبضها ..بس هو اللي انتفض من لمسها ..) • مانع : ابويه ؟ خلنا نتساعد نشلها المستشفى.. حالتها والله انها !!! • اليد حمد : ولا حد يزخها !! (قام اليد وشلاها مع انه ما يروم .. لكن عشان محد يزخها ريال غريب .. شلاها واليدة ميثاء تحط ايدها على راسها وتولول من الصدمة ) • ميثاء : واعلية عليج يا بنتي !! راحت بنيتي !! • مانع : امايا ما فيها الا العافية !! (وركبوها موتر مال شرطة المكافحة ) • عبيد : سيدي خذت اقوال البنات .. • مانع: اركب يالله بنوديها المستشفى .. • عبيد : بس يا سيدي !! • مانع : بسرعة اركب !! (ويركبون الموتر وكانت هند على حضن يدها اللي عمره ما ذرف دمعة بس هالمرة من الصدمة ما استحمل وصاح لأنه بنتين من بناته اغتصبن ..وكان ملحف راسها عشان ما تبيّن.) • اليد حمد : وغلاتج يا غناتي بحصلهم !! • مانع يتكلم في التيلفون : رقيب عبدالرحمن ..نريد 3 دوريات صوب ليوا في منطقة ................ ..هيه نعم البلاغ عن 3 افراد اغتصبوا بنتين ..ادري انه نحن مكافحة ..بس اكيد السالفة فيها انتقام بسبت الضابط السابق عيسى .. (وكان يسوق والغصة جايستنه) • مانع فخاطره : معقولة؟ هنود؟ يالله يا الدنيا !! يابتج لين عندي ؟ (ويطالع في المنظرة النصفانية بس مب مبيّن شي) آآآخ ..بنت بهالجمال... يالله اتخفف على اهلها ..يالله اتخفف من مصيبتهم .. (ومن وصلوا على طول ودوها العناية المركزة .. ويشوفون واحد مكشش راسه ويالس عالكرسي ومنزل راسه لين ركبه ..) • اليد حمد : مايد ؟ ( رفع راسه يطالع يده ) شمايل؟ شو حالتها؟ (واليد متصبب من العرق ) • مايد : ما يندرى يابويه !! ان ماتت كله بسبتي (ويغرغرن دموعه ) انا اللي فرطت فيها!! • مانع : استهدى بالله يا مايد !! • اليد حمد : جاب !! وفارج !! لك ويه ترمس بعد ؟ • مانع منصدم : انا مقدّر الوضع وسامحني !!! (ووقف بعيد عنهم .. وكان ينبض قلبه بطريقة غريبة..وبعد ربع ساعة يشوفون 5 حريم يترابعن .. كانن ميثاء وشما ونشبة وشمسة وغريبة..) • غريبة تصيح : بشرني يابويه .. بنتي !!! • شمسة : دخيلك يا مايد لا تجذب علية !! (وكانن يصيحن بالمصيبة اللي حلت عليهم وكل وحدة تدّعي ..وبعد ساعة ..) • الدكتور : تستاهلون سلامة بنتكم .. (وكلهم استبشروا خير ) • غريبة وشمسة : من؟ • الدكتور : حرمتك !! • مايد ردت له الروح والابتسامة : صدق؟ احلف ؟ والله اتحلف !!! (ودموعه ينهمرن لأنه هب مصدق ) • اليد حمد يرفع ايده : يالله .. اللهم مالك الحمد والشكر .. • غريبة وبهستيرية : وهند؟ بنّيتي ؟ • الدكتور : اي هند؟ • اليد حمد : توّنا مدخلينها !! ( ويأشر ) فهالغرفة !! • الدكتور : بروح اشوفها .. لحظة لو سمحتوا !! (وبعد ربع ساعة ظهر ) • غريبة منهارة : ها بشّر ؟ • الدكتور : الحمدلله ما صار الا الخير ..عطيناها شي يهديها ..والدكتورة النسائية من تطلع من غرفة المريضة راح تدخل تكشف عليها .. • غريبة تصفع عمرها : واعلية !! واعلية !! بنيتي عفدوا عليها !! لا بارك الله فيهم !! الخياس ... الجلاب !!!! • ميثاء : امايا احمدي ربج !! • اليد حمد : لا تسوين جذيه يا امايا !!! • نشبة : اتحمديلها بالسلامة واذكري الله .. • شما : انا دخلوني وبقرا على راسهن .. • مايد : دكتور ؟ لو سمحت ممكن شوي؟ (وساروا لغرفة الدكتور ..) • الدكتور : نعم؟ • مايد : دكتور؟ شو حالة شمايل ؟ • الدكتور : سامحني بس الدكتورة اللي كشفت عليها واتسجلت الواقعة وهي الاغتصاب والصراحة هذيلا مب اوادم ..الله سلمها ..بس الله يعينها يوم بتقوم .. ونحن لازم نخبر الشرطة .. • مايد ما سمع غير : مغتصبة ؟ (وحط ايده على راسه ) لا حول ولا قوة الا بالله !! • مايد فخاطره : كنت اتوقع مضروبة !! مسروقة !! لكن اغتصاب؟؟!! • الدكتور : يالاخو ؟؟؟ احم احم !! • مايد : هاااه؟؟ وأختيه بعد مغتصبة ؟؟ • الدكتور : بعدها الدكتورة ما كشفت عليها .. لأنه حرمتك كان العنف مبيّن في ينبها .. وفي طر في رقبتها كان بالسجين .. وفأماكن متفرقة فجسمها .. الله يكون فعونكم ..وانا انصحكم بيحتاجون لدكتور نفسي .. وأي طلبات ما يردك غير لسانك .. (اما فحجرة شمايل ..وبعد ساعة ..يعني عالعصر ..كانوا يلفون راسها بالشيلة) • شمايل وهي راقدة : لااااا !! هدني !! خايس واحد !!! (وتصيح لين وعت ) • شمسة : بسم الله عليج يابنتي !!! • ميثاء : عوذ بالله من الشيطان ..اشربي امايا هالماي مقراي فيه .. • شما : تستاهلين السلامة يا بنيتي !! • شمايل : امايا؟ انتي هني؟؟ • شمسة تحبها على راسها : هييييه فدييييت ويهج !!! (ويوم توها بتتحرك ) • شمايل تتويع : آآآآي !! امايا !! شو بلاه ينبي؟ • ميثاء : لا تتحركين غناتي ..يعلني افداج !!! • شمايل : امايا !! (وتصيح بهستيرية ) توّني اتذكرت !! ثلاث رياييل !!! هييييه !!! (وعيونها يغرغرن ) عف !! عفدوا علية !!! ليش ما مت؟ ليتني مت ولا شفت هالشي !!! هذيلا مب اوادم !!! امايا !! سمعتي الحينه في التراب !!! آآآآآآآآآآآآآآآآآآآآآآآآآخ يا امايا !!! • شمسة تصيح : استهدي بالله ..اذكري الله !! (ويدخلون سرر حذال شمايل وكانت منصدمة ) • شمايل : هنــــــــــــ ــــــ ... هنود؟ (وصدت يمين ويسار ) هنود صح؟ بلاها؟ • غريبة : واعلية عليها !!! حسبي الله عليهم ونعم الوكيل !!! • شمايل تصارخ : أرمسكم !!! اقولكم بلاها هنود ؟ (قفزوا مكانهم من صرختها .. مب متعودين عليها جذيه ) • ميثاء : اللي حصل لج حصل لها !! (وشمايل تصيح بهستيرية ... مب طايعة تسكت .. وقامت ترفس الفراش تبا تطلع من الحجرة ) • شمايل: طلعوني من الحجرة !!! مابا أيلس !! والله بيوني بيعفدون علية !!! انتوا ما اتعرفونهم !! هذيلا مكارين !!! حزتها منو بيدافع عني !!! (وعجت الآلآت مال قياس القلب ..وتصارخ شرات المينونة ..لين نشت هنود ..مع انهم كانوا يحاولون يهّدونها ..) • هنود: آآآآآآ • هنود فخاطرها : شو مستوي؟ (وهي ماتروم اتكلم ) • مايد : شمايل؟ • شمايل : ميود ؟ (وعيونها يغرغرن ) اللي حبيته وحافظت عمري من أي زلة عشانه راح ..ههههههههه شو المهم؟ محد مهم !! صح ميود؟ • مايد : شو تقولين يعلني افدا روحج؟ • شمايل: ههههههه تفدا روحي؟ والله ؟ أحينه؟ لالالالا شكلك مغلط في البنية (واتقرب منها ويحط ايده على راسها يمسح عليها وتمسك ايده بالقو وتعضه ...) • مايد معصب : شمااايل !!! • ميثاء ونشبة : شمايل بس قلنا !!! • شمايل : كلكم تظهرون برع !! بسرعة !!! (وقامت وهي يرحها بعده ما برى ) بسرعة برع !!! (وقامت اتدزهم واتدفّر العيايز ..) • شمسة : يا اميه لا مب جذيه !! • شمايل : برع ما بشوف حد !! (وما استراحت لين طلعتهم كلهم وقفلت الباب ) هذي هي خياس الدنيا !! همهم جسم الحرمة !! ترا الاغتصاب ما يعرف لا بنية ولا ياهل !! (وتيلس عند الباب تصيح ) • مايد يدق الباب : يا شمايل فجي الباب ولا بكسره !! (وكان الدق عالي لدرجة اتحسه بين ضلوعها لأنه يهتز جسمها من الدق عالباب ..وهنود اتطالعها وزايغة لأنه شمايل طول عمرها هادية وما بتسوي شي مثل هذا ) • شمايل تصارخ : اكسره !! وبتشوفني منتحرة !! شو تبا فية؟ انا مب شمايل اللي تعرفها !! انا وحدة سمعتها في الطين ... تسمعني في الطين !! (وهنود اتطالعها وتنتفض .. اما مانع كان صوب المصعد يتكلم في التيلفون ) • مانع: ها امايا؟ • ام مانع: بتتأخر ابويه؟ • مانع : اميه استوت مشكلة عودة .. • ام مانع : خير ان شاء الله ... • مانع : بنت فاضل وبنت محمد عفدوا عليهم .. وأحينه منّومات في المستشفى .. • ام مانع منصدمة : شو تقول؟ (وكانت حذالها وداد اللي بججت عيونها وشغلت الرادار ) • وداد: شو مستوي؟ • ام مانع اتكلم شوي شوي : لاماشي ... (وقامت سارت غرفتها ) مانع !! اتحمّل اتخبر حرمتك !! والله انها بتتجهز حق الشماتة !! • مانع: امايا حرام عليج .. وداد جذيه؟ • ام مانع: وهم انزين في أي مستشفى؟ • مانع : مستشفى ............ • ام مانع : انا احينه بييي .. • مانع: شو تين مالج حاية !! بيروغونج !! • ام مانع: لو يروغوني بعصا .. نحن اللي سويناه فبنتهم شي مب هيّن .. ولا شو رايك؟ (وسكت لأنه متلوّم ) هذيلا عشرت عمر وياهم .. وجانك انته اللي فرقتنا بعرسك ..الوليف عمره ما يفترق عن ربعه .. (وبندت عنه وسارت اتبدل ثيابها دهدييه وهي نازلة ) يا آسيا !! آسيا !! نادي بشير خله يشغل الموتر ... • وداد حاطة ايدها على خاصرتها : هاااه؟ سايرة عند عيال فاضل؟ دواهم من هذا وأكثر ..يعلهم ما يتهنون فحياتهم شرات ما خربوا عرسي • ام مانع : خافي ربج فيهم !! مهما يكون هذيلا كنتي اتزورينهم وعادينج شرات بنتهم !! • وداد : اي بنتهم؟ اي خرابيط؟ ايهبون !! انا اشتريهم وأخليهم عبيد فإيدي .. • ام مانع : مالت عليج وعلى كلامج السم فوقج !! خافي الله فيهم !! • وداد: عيل انا مابا اطوّفها السالفة على خير وإلا أزورهم !! • ام مانع : يلسي مكانج وجري الدعنة !! أحينه بتيج العنود .. • وداد واتحولف : والله ما يلست لين أبرّد حرتي !! • ام مانع : تبين تسوين فضيحة ..العرب في محنة !! • وداد : عيل يوم يت السمسومة هندوه الكوشة ما قلتوا شي ..وانا حقي ما بضيّعه ..(ولبست عباتها ) • ام مانع : عيل والله ما ركبتي الموتر ..تبين؟ إلتعني فموتر ثاني يالحية ام روس !! • • وداد تضحك مب هامنها : من زين اللي بيركب وياج عادة !! روز رايز بييبلي ابويه !!! (وروحت ام مانع وكانت مضغوطة من اللي صار .. ااما وداد ركبت التكسي وسايرى اتسوي الفضيحة ..) |
(الجزء 27) • مايد : فجي الباب يا غناتي فجي !! • شمايل: يا غناتي؟ • مايد: هييه غناتي ..لو استوابج اخس عن جيه تراج غناتي ..وحبيبتي تذكرين شو عطيتج آخر مرة؟ (وتطالع الاسويرة اللي فإيدها .. ) موجودة بعدها؟ • شمايل: هاااه؟ هيييه .. • مايد : راويني ابا اتأكد .. • شمايل تصرخ : انا مب ياهل اتقص علية !! • مايد : اقص عليج؟ شمايل؟ بسألج سؤال .. (وهي ساكته ) انتي بعدج اتحبين مايد؟ (ويالله ضربها عالعوق .. كيف ما اتحبه دامنها عاشقتنه من يوم هم يهال وهو اتربى عالقسى وهي اترده بحب ..) شكلج عمرج ما حبيتيني !!فمان الله .. (وهو روّح وكانن الحريم ميّلسات يتريونها تفتح وسيده تفتح الباب ) • شمايل : بذبحك بإيدي ان قلتها مرة ثانية تسمعني؟ • مايد صد صوبها ومشى جداها : وانا بذبحج ان ما سمعتي كلامي في معلوم ؟ (واحمر وييها وابتسمت له ) اتعرفون اني احب بنتكم !! الا عاشقنها عشق !! • ميثاء : آآآخ عليك !!عيب !! • شمسة بعصبية : مايد !!! • نشبة : يوم بتاخذها قول لها هالكلام ..احينه انطب ... • مايد: شومايد؟ انا كم بصبر؟ وهذي بنت عمي يعني مب غريبة (ويغمز لها ) صح؟ (شمايل سكتت وردت داخل وتصاصر هنود .. اللي اتطالعها باستغراب ..) • شمايل: سامحيني ياختييييه ياهنود !!سامحيني عاللي سويته فديت روحج ... (وابتسمت هنود ) • مايد دش الغرفة : طاعوا !! انا ارمسها وهي سارت عني !!! إإييييه حرمة سعادة مايد .. • شمسة : طاعي اسمعي التنقيع ...اميه نشبة لحقي اتفوّق عليج !! (وردت لسريرها ..اما مايد سار وحب هنود على راسها واستسمح منها وكانت اول مرة وهذي هي البداية .. ورد يلس صوب شمايل ويسولف وياهن كأنه شخصية عيسى ردت واتحولت لمايد ..وعن هنود لين الحينه مايدرون باللي صاير لها ..والعيايز ما طاعوا يرمسون بالسالفة لين يوصلون البيت ..ويلقون لها حل) • مانع: هود .. هود .. مايد؟ • مايد : لحظة !! لحظة !! شمايل ..هنود؟ اتغشن ... (اما هند انتفضت من الزياغ) • هنود اتغشت وفخاطرها : مانع؟ شو يسوي هني؟ • اليد حمد : اتغشن ...بندخل ... • ميثاء : اقربوا ...اقربوا ... (ودخل مانع واليد حمد وعبيد ) • مانع وعبيد : السلام عليكم (وردوا السلام ..) • مانع : نحن يايين نسألكم كم من سؤال .. • مايد : خلاف ما يستوي؟ • مانع: كل ما قربّنا بنحصلهم ... • مايد : بس لا تتحيرون ... (شمايل تنتفض وماسكة يد امها ..) • مانع: انتي هند؟ • شمايل : لا .. انا شمايل .. (وقلبها يدق ..ومانع احمر ويهه ..ومستعيل يبا يسمع صوت الهند ..) • مانع: ممكن اتخبرينا شو استوا؟ • شمايل معاندة : ما استوا شي .. • مايد : شمايل ... لا تناحسين وسمعي كلامي .. • شمايل وتوجه كلامها لمايد : هذا شي ما ينقال .. • مانع : اختيه؟ نحن شرا اخوانج نعين ونعاون ..ومحتايينج اتعاونينا .. • شمايل : وينكم يا اخواني عني ؟ وينكم يوم اغتصــــــ ..اغتصبوني (ودمعتها انذرفت ..وهي اتطالع مايد اللي محمر ويهه ويبا يسوي شي ..يمسح دموعها لأنه حاس بها .. بس مب قادر..وخبرتهم بكل شي يبونه ..بس المشكلة ما عرفت توصفهم عدل ..) • مانع : ما قصرتي يا اختيه .. (وقام وسار جهة هنود ) وانتي هند.. (وما عرفت شو اتقول ..ويسمعون صوت وحدة اتيهيل ..) • ................: كلولولولولولوش !! (وهم صادين عالحشرة برع ) • اليد حمد : انطبن !! طب الله راسكن !! • نشبة : ويييييه يعله مبارك وسعيد ..يعله مبارك وسعيد .. (ودشن شما ونشبة ) • غريبة : بلاكن ؟ • شمسة : حصلتوهم؟ • نشبة : طلعت بنتج ما جاسوها ... توّها الدكتورة قايلة ... (ومانع صد يطالع هند ..وهند احمرويهها بس طبعا ما يبيّن منها شي .. وهو قايم..لأنه عبيد لمح له بشي .. ) • مانع: نحن بنخليكم تستريحون وباجر بناخذ افادتها .. (بس شكله هو يماطل عشان يطالع هند ..طلع هو وعبيد وساروا يكلمون الدكتور ..) • ام مانع : السلام عليكم .. • هند فخاطرها : اكيد خبرها مانع .. • نشبة : هلا عليج السلام يا مرحبا الساع ... • ميثاء : عليج السلام والرحمة مرحبا بخويتيه ... • اليد حمد : انا بترخص ...فمان الله ...شخبارج ام مانع ؟ • ام مانع : بخير ..بخير ربي يعافيك ... (وروح ..وروحت شما وياه ومايد طلع بس واقف برع .وسلمت عليهم ام مانع ويلست ..) انا من سمعت الخبرما حسيت والله برويلاتي ..ما تستاهلن .اللهم مالك الحمد والشكر .. (واتطالع هنود واتحبها ع راسها ) حاطة فخاطرج من صوبنا ؟ (وهنود اتعج الغشوة وتبتسم لها ) • هنود فخاطرها : وانا ازعل منج يالغالية ؟ • ميثاء : فيج الخير والله .. • ام مانع : باجر ريوقكم وغداكم وعشاكم علية ..انتوا بتنشغلون في المستشفى.. • غريبة : مشكورة يا اميه ما تقصرين ..اعنبوا البنات كلهن بخير .. • ام مانع : هذيلا بناتي واتربن على ايدي ..والله وهذي حلفة ... بتردوني بعد ؟ • غريبة : لا لله .. • شمسة : مشكوووورة يا خالوه يعله مديم ... • ام مانع : هذا الا من خيركم فديتج ... (وتمت وياهم ساعة اترفه عنهم وتسوي سوالف ويا البنات ..وخلاف روحت .. ) • غريبة : هنودة؟ بلاج امايا؟ من يت الحرمة ما اتكلمتي .. (وهنود اتأشر بإيدها مب فاهمة ..) بلاج امايا اتأشرين؟ (واتأشر بإيدها انها ما تروم اتكلم ..وردت الام تصيح وتنوح ..ونادوا الدكتورة ..وكشفت عليها .. بس بكل صراحة كانت هنود مستانسة انها ما تتكلم افتكت من الصريخ والزعيج ...) بلاها دختورة ؟ • الدكتورة : هذي حالة نفسية .. او عقدة يمكن من اللي شافته .. ويمكن مع الايام تتحسن بمساعدة الدكتور .. • غريبة ودمعتها على عينها : يالله .. يالله يا عزيز يا كريم ترحم بنتي وبنت اختيه برحمتك ... (وروحوا بعد ألف يا ويلاه ..وتمت شمسةويا البنات ..وكانت اطول ليلة في حياتهم ..اما في غرفةمانع وكانوا رقود ..) • مانع يهذي باسم وحدة اكيد عرفتوها : هنود؟ هنود؟ فدييييييييييييييييت روحج يا حبيبتي ... هنود؟ فدييييت ويهج يالقمر ..قطعتي قلبي يا غناتي .. (وهو يوّن الا باسمها ) • وداد نشت واتدزه : قم !! قم اقولك !! قم يعل ليحان ظهرك ينفجن فج !! • مانع ناش مغفي : الله يغربلج زيغتيني ..بلاج؟ • وداد : وبعد في فراشي تطري هندوه الجلبة؟ • مانع : حشا !! منو طراها؟؟ اظني فحلمج ..بس انا ما يتني اليوم ههههه • وداد : سخيف وايد .. • مانع : وايد حلو أعيبج .. • وداد : من زينك عاد ..الشيفة شيفة والمعاني ضعيفة .. • مانع : ودادوه يالحيواة .. ثمني كلامج يالبقرة !! (وتدفره دفرة وتعجه من على الشبرية ..) والخيبة اتخيبّج يالجيكرة !! مب ايد عليج • وداد : انا جيكرة؟ يالدب !! • مانع : انا دب؟ مادري منو مرّبي شحوم ولحوم ..مالت على هالشيفة .. (وانسدح ويدفرها هاييجي الدفرة ويتلحف ) هاااااااااااااااايه فديت اللي في بالي ..لا خليت ..لا خليت .. (وهي منشحنة واتسب في خاطرها) • وداد : اذا لقانا هب اليوم ان شاء الله باجر يالسبالة .. (وعلى يولة الحادث والمستشفى ..يوم درا فاضل ما اهتزت شعرة منه ..يمكن انصدم لكن ما فكر حزتها اييها .. اما مي وفطيم ما ياهن الرقاد ..وعند مي في الغرفة ..) • مي : انا شمدريني انه هذا رح يحصل .. ولمن؟ لأختيه.. يالله تعينها .. (اما عند فطيم ) • فطيم : ما يستاهلن ..حليلهن .. مادري كيف بيكملن حياتهن وعلى هذا العار اللي بيلازمهن طول حياتهن .. وينك ياعيسى اتشوف شو استوا على خواتك !! (اما البنات الاربع ما رقدن الليل..وحتى مايد يفكر بحالة حبيبته .. من كثر ما يفكرن بالحادث كأنه فيلم رعب وينعاد .. بس شمايل اللي ترقد وتنش وتوّن من اللي تشوفه ..واتذكرت ويوههم وكيف كانوا يضربونها بس عشان تسكت ..والصبح وصل لهم الريوق ودش مايد على الساعة 8) • مايد : صباح الخير .. (ومحد رد ..هنود كانت راقدة وشمسة حاطة راسها على هنود ومتغشية وراقدة عالكرسي ..وشمايل عدلت شيلتها ودخلت شعرها وهي ساكتة وسرحانه ..) احم احم بلاها الحب مالي؟ • شمايل : هاااه؟ صباح النور .. • مايد : شمايل اتحبيني ؟ (واتراويه السلسلة ) ابا اسمعها منج .. • شمايل: ماله داعي هالسؤال.. يعني على كل ما تشوف شيفتي بتسألني؟ • مايد : اتحبيني ولا لأ؟ لا تنرفزيني؟ كل يوم بسألج وكل دقيقة عشان اتأكد انج اتحبيني .. • وداد : ماشاء الله حب وغرام ..ولا بيّن فيج اعنبوا عفدوا عليج ثلاااااثة وبعد عاشقنج الرابع؟ شو تبا فيها؟ جان ما اتكون حامل ف ولد حرام هي وهندوه الجلبة (وهنود سيدة بطلت عينها من اللي سمعته ) يعله ان شاء الله توائم وما اتوفقون ..عاد شو بيفججكم من كلام الناس .. • هنود فخاطرها : خافي ربج (ونشت شمسة ) • مايد يصارخ يبا ينهد عليها : انتي الا بنت شوارع ..اشوف ظهري برع لأرقعج بأي شي جدامي • وداد حاطة ايدها على خاصرتها : اونه بيرقعني !! ههههههههههه اصلا زين اللي صار ..اسميني الا استانست وقمت أوّوع بيزات من الفرحة .. يعلكم من هذا وأزيّد .. انا ببيزاتي أبيعكم وأشتريكم وبتكونون تحت ريلي ..غصب عنكم .. (ومانع كان عند الباب هو وعبيد ومنصدم من اللي يسمعونه ومبججين عيونهم على الحرمة الملسونية اللي تسبهم سب ..) • عبيد : والخيبة !! بنت الذين ..اسمع شو تقول .. خلنا اندش انأدبها ... ملعونة الصير !! |
الجزء (28) مانع يمسك عبيد: لحظة لحظة !! خلني اسمع ... (ومانع مب مستوعب ..حرمته شو تسوي هني ..مع انه ورثه ابوه الفطنة والذكاء لكن هنيه خانته حاسته ) مايد : عنلات صيرج يالخايسة !! ظهري برع اقولج ..(ارتفع ضغطه من غير ويهه محمر ..) وداد : احينه ودرتني ..وسرت عند وحدة خايسة ؟ شمايل اتطالعها منصدمة : ودرتها؟ مايد : شمايل لا تصدقينها جذوب !! وداد : انا جذوب؟ اوكي جاني جذوب ..فجي ايميله وبتحصلين صوّري كلها موجودة ..ومن غير عشقنا وغرامنا ..اصلا من سنين وهو عاشقني ... شمسة : ايييييه استري على عمرج وانفدي !! محد بيستر علييج !! (وقامت شمايل مب مصدقة ..) شمايل وشياطين الدنيا ع راسها وقامت وصلت لين عندها : طلعي برع احسن لج !! وداد بكل جرأة : ما بطلع شو بتسوين ؟ (مايد سار لها ودزها يبا يطلعها وهي تفلت عمرها ..) هدني !! مايد : طلعي بكرامتج !! جان بقى شي منها !! وداد : انته ريال انته ؟ شمايل : ما بتطلعين صح؟ وداد اتمردت : ما بطلع شو بتسوين ؟ فضيحة في المستشفى ؟ (على الرغم انه الكل يسمعها ..يعني ما حشّمت ولا استحت على ويهها وقالت حرمة عوده تسمع هالكلام ..أبدا ... متمردة ..ولعينة ..ونذلة فنفس الوقت ..وقامت شمايل ومسكتها من شعرها بكل قوتها ..) وداد اتحاول تفلت منها : هديني يالمينونة !! (ووصلت عند اليدار مال حجرتها ..وكلهم نشوا..بيمسكونها .. مايد يمسك شمايل من بطنها ..وهي ترافس بريولها ..) شمايل : هدني اقولك .. وداد : مينونة !! خبلة .. جلبة وحدة !! (وداد اتقربت من شمايل اللي ترافس ومب طايع هو يهدها عن اتسوي شي ..) مايد : شمايل فديتج ..استهدي بالله .. شمايل تصارخ : هدني اقولك !! (وتصفعها وداد هاييجي الصفعة ..حزتها شمايل ما استحملت ..عضّت ميود .. وفلتها .. من الويّع ) مايد :آآآآي !! شمسة : شمايل !! لا يا بنتي !! (وعفدت على وداد اللي طاحت عالارض وتيوّدها من رقبتها وتصفعها كم من كف ..ومثبتنها بريولها ..) شمايل : احينه انا مينونة؟ يالخايسة يا ام الرياييل؟ (وميود رد يمسكها بس مارام يجلعها ..وهنود من الخوف سارت بتنادي الممرضات ..ويوم طلعت انصدمت ب عبيد ومانع ..وهي اتأشر وهو حزتها احمر ويهه ..كان معصب ومفوّل بس مب عارف شو يسوي جدام هنود ..ولحفت هنود ايدها بالشيلة وقامت تدزه داخل هو وعبيد ..) عبيد : تبانا نتدخل .. مانع: ما يخصك .. (اما في امريكا ) عيسى يصارخ وحاس روحه بتظهر : آآآي !! لحقوا علية احس شي ينهش ينبي !! آآآي!! حسن توّة داش : عيسى ياخوي .. بلاك بسم الله ؟ عيسى : ازجر الدكتور خله يعطيني مسّكن بموووت ..آآآآآه ... (وكان يتحكك وعينه مسوّدات هالمرة صدق ..) آآآي !! يا حسن وصاتي اهلي ان استوا شي ..(ويصيح من الويّع) حسن : ما بيصير الا كل خير يا عيسى وهذا آثار المخدر ..وبعد فترة بيخوز عنك .. (والممرضة اتطالعه وتبتسم وتضربه بالابرة عشان اتهّديه ..ورقد ..وكانت الممرضة تتمدح ل حسن بجمال عيسى وهو ساكت .. وكانت هاي آثار المخدرات بدت اتأثر فيه .. كان يكره الاكل وما ايعرف يرقد الا بمسّكن .. بس طول الوقت يحاول عشان خواته وامه وابوه وفطيم ..) عيسى وهو راقد يتلفظ ب : فطيم ..احبج يا غناتي ..فطيم ..انا حبيتج ..حبيني شرات ما احبج .. (اما في المستشفى .. دخل مانعوشمايل مب مستسلمة ..ويوم شافت مانع ..) مانع: هدّيها !! (وقامت شمايل وهي منتصرة ) شمايل : شفت الشرف والكرامة؟ شفت؟ شفت يالأخ !! شفت حرمتك اللي غدت بنت شوارع؟ شفت؟ (وعبيد منصدم وعيونها تدمع ومسكها مايد من ايدها ..) هدني !!ولك ويه تلمسني؟ صدق انه الرياييل مالهم امان !! (وداد هالمرة زايغة لأنها صدق في ورطة ..مانع يطالعها بحقارة الود وده ذابحنها..ونزل لها ..وهي كانت تنتفض اول مرة تشوفه جذيه ومسكها من كشتها ) وداد : آآآي !! آآآي !!! مانع : براويج الخساس على اصوله طوفي جدامي ..الله يلعنج ويلعن اليوم اللي خذتج فيه .. (ويوم طاف جدا هنود ..وبعده ماسك في وداد ...) وداد : تف عليج يالخايسة !! (حزتها صدق احمرت عينها ودموعها نزلن ..لأنها تفلّت عليها ومانع بكل قوته مسكها من رقبتها ..) مانع : هاي عمتج وعمّت طوايفج كلهم ..(ويرد يمسك شعرها ) تسمعين ؟ (ويوم توّة قرب ايده بيمسح على خدها اللي متفلة عليها ..صدت الجهة الثانية ماتباه يلمسها ..كانت زايغة ..بس لمس خدها ومسح ..) مايد: ايييييه !! لا اتدق اختيييه !! ياويلك مني !! (وسار له ) مانع يأشر له : مالك حق ترمس !! أقدر أعجك فقضية وكل الدلائل عندي ..ومحد بيفججك منها تسمعني؟ مايد : حرمتك الا جذوب !! (وحزتها فار دمه .. وهد راس وداد ) مانع : ان تحركتي ..بثوّر فيج وانتي اتعرفيني .. (وهي اتطالعه وزايغة واتهز راسها..ويطالع مايد ) شو قلت؟ (وسار له ) شمسة : يابويه استهدوا بالله ..مب جذيييه !! مايد : خلييه خالوه !! (وطبعا حركةمانع من يمسك حد من رقبته خلاص قاضية ما يرومون يتنفسون ومسك مايد بنفس الحالة .. ) عبيد : دخيلك يا مانع مب جذيه مب بالدريس مانع : واحينه؟ كلمت الحرمة ولا لأ؟ (وشمايل اتطالعه بتكبر ) مايد : هدني اقولك !! (وكان رافعنه عن الارض ) هـــ ...هـــ.. هيييه كنت اكلمها .. (وكلهم انصدموا ) مانع : والصور؟ مايد : مـــ .. مو ــــــ موجودة..فلـــــــ فالكمبيوتر ..(ويدفره مانع هاييجي الدفرة ..اما في بيت فاضل ..يصيح التيلفون ) غريبة : مرحبا .. الجود : السلام عليج خالوه .. غريبة : عليج السلام فديتج .. الجود : هند موجودة؟ غريبة : سامحيني ا غناتي .. منوّمة في الدختر .. الجود : بسم الله عليها ..شو صار عليها ؟ (واتخبرها بالسالفة كلها ..ويوم بندت عن غريبة ..كان احمد ياي على غفلة ويقرقطها ) هههههه مب عيب عليك؟ انته ياهل الحينه ؟ احينه بينش زايد ... احمد : خليه ينش .. شووراه من الشغلة ؟ الجود : احمد؟ احمد: حياته وروحه ..(وهي اتطالعه وتبتسم ) الجود : نسيت .. احمد : ادري كلامي كله عسل .. الجود واتدزه مال مصخرة : يهالويه .. احمد : الجود؟ الجود : يالبيه .. احمد : لبيتي الحاية ويايه .. الجود : هههههه على نفس الوزن والقافية .. احمد : خلينا من القافلة الحينه (وهي تضحك على استعباطه ) مستانسة ويايه ؟ (حزتها ردت بها الحاسية يوم يقول لها محمد هالكلام ..احمر ويهها ..وصدت الجهة الثانية منحرجة ..) الجود : هييه مستانسة .. مستانسة .. احمد : يوم انج مستانسة ليش اتصدين الجهة الثانية؟ انا ماخذنج من سنتين وبعدج تستحين مني؟ الجود قامت : احمد؟ اتعرف ليش وافقت آخذك؟ احمد يلعب بشعرها : عشاني غرشوب؟ (الجود ضحكت من خاطرها ) الجود: انته مكار !! احمد: ولا لأنج ما استحملتي كل يوم انج تشوفيني ..اعترفي اعترفي الجود تبتسم اونها متعجبة منه : خجاج واحد .. احمد : وطبعا ثمرة حبنا زايد .. الجود: وايد اتحلم .. احمد : وايد ..شكلي الا بسير اعرس عليج ..يمدحونهن بنات البلاد من غواهن (اونه عاد مروّح ومسكته من ايده ) الجود : ياويلك !! احمدان !! (ومسكها من ايدها وحباها ع راسها ) احمد : وانا منو عندي غير جامتي .. الجود : يا ريال شو هالتشبيه؟ ههههههه احمد يطالعها فعينها : احبج يا ام زايد .. زايد : اهىء اهىء أهمد !! احمد: طاعي مذهب ولدج .. (وسار صوب زايد اللي عمره سنتين ..وماخذ ملامح ابوه وبياض امه ) الجود : بلاه بسم الله عليه ..متعلم ومتربي .. (واحمد يضحك عليها .ويحبب زايد الليكان يضحك ) الجود : ماعليه انته ما شفته البارحة ..اميه وفاية تضحك عليه .. احمد : شو مسوي ؟ لابس برقع يدوه؟ دومه ادريبه !! الجود : لا ..بس عواد منزل سالم ولده وحليله .. كل ما يشوف زايد يهز راسه ..ههههههههههه احمد: ههههه حشا غادي سبال .. لبجود : وعاد ولدك اشوفه يايني ايطير ..ماما ..وماما .. ويهز راسه ..عادة يقولي يو هذيلا اللي يهزون روسهم (وهم ميتين من الضحك ) احمد : شكله عواد من احينه معلمنه عالتجوليع ههههههههه من اولها .. الجود : عن انسى ..بسير وياك بتشرى هدية حق ربيعتي .. احمد : منو هاي؟؟ الجود : وحدة متعرفة عليها في العرس .. وأحينه متنومة في المستشفى .. احمد: جيه؟ متى بتسيرين لها؟ الجود: برمس اميه وفاية ونداية والجود ..بس يمكن باجر اذا الله راد لأنه ماشي تحفيظ قرآن غير يوم الاحد .. احمد : خلاص غناتي ..انا بشتري لكن التوصيلة خله اخوج يوديكم الجود : ان شاء الله فديت عيونك احمد وبجدية : صدق؟ الجود : شو الصدق؟ احمد : عيوني حلوة؟ (واحمر ويهها ) الجود : انته صدق ما تستحي احمد : اندوج انتي رد رقد .. شو راح يحصل بين وداد ومانع ؟ هل بيطلقها وبيرد لهنود؟ هل عيسى بيتعافى ولا حد بيلعوزه؟ وشو مصير هنود وشمايل بعد الحادث؟ وشمايل بتكمل ويا مايد ولا بتودره؟ كل هذا يوم السبت بتعرفونه .. |
الجــزء الـ ( 29 ) (وعلى غفلة وعتها رحيل ) رحيل : ماما؟ ماما نشي .. الجود : هممم؟ (ويوم بطلت عينها شافت رحيل جدامها واتبخر كل الكلام اللي صار بينها وبين احمد وزايد الصغير ) وين زايد؟ رحيل : عند ماما سلامة .. الجود : سيري هاتيه اتولهت عليه ..(ويوم سارت رحيل ) اشوا انه كله حلم ..وينك يا احمد؟ الله يذكرك بالخير .. حتى في الحلم اتزوجتك خخخخ ..قبل كنت اعرف اخبار محمد منك ..وأحينه من سافرت ولا الطشة .. يا سبحان الله يحصل لبنتين ..وكان بيحصل لي ..اللهم مالك الحمد والشكر ..يالله اتعينهم ..(وكان احمد مسافر برع البلاد ..وكل اللي حصل حلم ..بعد ما كلمت غريبة ) بسير اكلم اميه نداية عن سيرتنا للسوق .. ( اما في المستشفى .. يلست هنود وشمسة عالكرسي يتنهدون من اللي صار ..) هنود فخاطرها : يالله الحمدلله واخيرا !!! مايد : اعنبوا ما بغت !! شمسة : يالله يالله لبجتوا ضو في الدختر !!! شمايل اتطالعه : واتحرى عمرك ما اذنبت؟ مايد: شو؟ شمايل وعيونها محمرة : اطلع من الحجرة !! برع !! مايد مسكها من ذراعها : ما بظهر شو بتسوين ؟ شمايل: هدني !! (ويوم هداها ) تف عليك من ريال جانك ريال مغازلجي بو الحريّم !! مايد : ايييييييييييييييه عن الغلط !!! شمايل: شو غلط ؟ هاااه؟ اباك تطلع من حياتي وتنجلع منها ... مايد: ما بطلع وجانج حرمة سوي بعد شي ..والله هب ساكت .. شمسة: جاب ولاكلمة !! بتسكتون ولا لأ؟ العنت الله عليكم !! مايد؟ مايد وبغرور : خير ؟ شمسة : تبا شمايل؟ (مايد اتغيرت ملامح ويهه) مايد : نعم؟ شمسة: ما سمعت؟ مايد: هيييه اباها شمسة : عيل بتاخذها ! (شمايل وهنود منصدمين ) شمايل : شوووه؟ ومنو قال اني موافقة؟ جيييه مالي شور؟ وعقب اللي سمعتيه تبينه لي؟ شمسة : يالخبيلة نستر الفضيحة !! اعنبوا دارج الناس بتاكل ويوهنا وانتي ولا بهمه؟ |
(الجزء ال 30) ( في موتر الشرطة ) • وداد : انا .. انا .. مانع .. انا كنت اجذب ما سويت من هالشي .. • مانع : تجذبين هاااه؟ (ويطالعها من المنظرة النصفانية ..لأنها كانت يالسة ورا ..شرات اللي قابضين عليها ) • وداد : والله ما اجذب عليييك ..بس كنت ابا ألعّوز شمايل .. • مانع : لا حرام عليج.. خليتيني أصّدق (ويزاعج ) انطبي طب الله راسج !! (اول ما وصلوا البيت ..بطل الباب وسحبها من كشتها ) • وداد : آآآآي !! آآآآآي !! آآآآي (والبشكاير والدريول يطالعونهم ) مب جدامهم دخيلهم .. • مانع محمر ويهه : جاب يالله جاب !! (وتوّة مبطل الباب وغصّت ام مانع ) • ام مانع : اح اح يالله شو مستوي لا إله الا الله !! • مانع : ما يخصج !! • وداد : لحقي عليّة خالوه بيذبحني والله !! (وهي تترجى ) • مانع والشرار فعيونه : الا بقصبّج !! (وسحبها فوق لحجرته وامه تلحقه ..بس قفل الباب وهي ما لحقت ) • ام مانع : افتح الباب يا مانع ... (وهي اتدق بقو ) يابويه استهدى بالله .. • مانع : انا تفشليني جدام اهلي وتنزلين راسي؟ وتفضحيني ؟ (ويصفعها طراق يعجها عالارض ..ويضربها ضرب ..وخذ العصاه المحناية ..وانا اقول اسميك ريال..وسفرجل مبججة عيونه ومتقبضة فية ..وعطاها من الخاطر) بس على هذا كله تستاهلين اللي ايييج وزود ... انتي طالق !! (وبطل الباب ويسحبها ويفرها برع حجرته ماكان يشوف شي جدامه ..وبند الباب وهو يطلّع ثيابها والغصة جايستنه ) انا انخدع من بنية؟ اكرم انها مينونة .. لكن والله لأراويها .. (وكان يطلّع ثيابها ويرّض بباب الكبت ..وبطل الدريشة ..ويشوفها برع بتركب الموتر ..ويزاعج ..) ان ركبتها يا بشير بتتكنسل !! (الدريول زاغ وهي اخسّين ) تبين ثيابج؟ (وهي اتطالعه ) خذيهن !! ( ويفرهن من فوق وقامن ثيابها يتطايرن في الهوا ..اللي على الموتر ..واللي على الزرع واللي على صوب يرانهم ..ويلس في حجرته يفكر في وداد ..اما في المستشفى ) • شمايل ماسكتنها امها : بتظهر ولا لأ؟ • مايد : ما بظهر شو بتسوين؟ انا قلت لج اني آسف .. • شمايل تزاعج : اظهر برع لا بركتن فيك ولا في أسفك • شمسة : يابويه اظهر الله يهديييك .. (وتغمز له عشان هي بتهديها ) كفاية الفضايح !! • مايد : مب ظاهر لين تعقل بنتج !! • شمايل : جيه انا مينونة؟ هديني عليه !! هالهرم !! بو الحريّم !! • مايد : قولي اللي تقولينه ..انا راضي بس انتي لي انا فهمتي ؟ • شمايل : ياخي ماريدك غصب هوو؟ اطلع !! اطلع !! (هنود ردت فراشها لأنها ضايجة من ها كله ) • مايد : اتحلمين !! (يعني شمايل منفعلة ومايد عنادي مب طايع يهدها ..وهي خذت جلاص الماي وفرّته ..بس ضرب الباب وانكسر ) • مايد منصدم : لهالدرجة اتوّصل؟ • شمايل : وأزيدك بعد !! (وطلع من الغصة ..وهو طالع يصيح تيلفونه ) • مايد: نعم؟ • فاضل : ميود؟ رد البيت اباك !! • مايد : ان شاء الله ..بس انته ما بتي المستشفى؟ • فاضل : لا ما بيي خلها تلتعن عني ... • احلى البنات = ياويلي ايقول عن بنته جذيه ... (ويوم سار البيت محد كان في البيت كلهم ساروا المستشفى ) • مايد يتنهد ويلس وهو يرد شعره على ورا : خير يا بويه .. • فاضل : الخير بويهك .. انته ولدي ..اللي تسمع كلامي ..واباك اتحط هالشي في بالك مبدنك عن كل اخوانك .. • مايد : خير؟ • فاضل يدوخ له المدواخ : اباك تاخذ شمايل بنت اخويه وتستحملها .. • مايد : بس .. • فاضل : لا بس ولا شي ..هالمرة بتاخذها وبتستر عليها ويوم بنحصل على بيزاتها .. خذ عليها البنية اللي تتمناها .. بعد ما انروم انخليك اتطلقها .. مافينا الناس بتاكل ويوهنا ... • مايد : بس انا اباها .. مابا بيزاتها .. • فاضل : ههههه اسميك يابويه .. انته اتحب؟ واتحبها؟ اتقص على ابوك اللي ايعرفك؟ ماعليه حبها خخخخخ قص علية بكم من كلمة ... (وبجدية ) دامنك ما تبا بيزاتها انا اباهن .. خذها وحبها وعطني البيزات مفهوم؟ • مايد اتضيّج :خلنا من هالشي ..انا تراني خذت البيزات عنك هب هنود .. • فاضل منصدم : بعد انته اتغطي عنها؟ • مايد : لا والله يابويه .بس انا وايد زعلت شمايل هاكي اليوم .. وسرت آخذ لها شي رضوة .. وانا دقيت عليك بس يمكن ما سمعتني .. • فاضل : ماعليه فدوى عن راسك .. تراهن بيزيدن بعد الزواج بدبلات .. (واحمر ويه ميود ..وطلعوا هنود وشمايل من المستشفى ..ومن ردت غرفتها) • هناء بكل شماتتها : شحالج شموول؟ تستاهلين السلامة حبيبتي .. • شمايل : الله يسلمج .. • هناء فخاطرها : يالله يا شماتة الناس فيج !! أحينه مول محد بياخذج .. طاح سوقج ياختيه .. • هناء : شو قالج الدكتور؟ • شمايل : جاب واذلفي عن ويهي (وهناء انصدمت انه اختها اتجرأت اتقول هالكلام .. اللي عمرها ما يكون في لسانها غير آسفة وسامحيني ..وعيال الحارة موول ما قصروا من هاكي اليوم وهم يدورون عليهم وكانوا روحهم مسوين قضية من السالفة .. لأنهم يخافون يتهجم على خواتهم وخصوصا لأنه ليوا طول عمرها دار الامان ) • سعيد: ميود .. نحن حصلنا امسات الباكستاني اللي... • مايد: وين؟ زخيتوهم؟ • سعيد : حصلنا واحد بعيد صوب السلع .. المهم غسلناه لك غسال الدمان والله يظهر منه .. نحن وخويان شما ما قصروا .. • مايد : وينه الحين؟ • سعيد: وديناه الشرطة .. • مايد : والباجين حصلتوهم ؟ • سعيد : ماشي ولا أثر .. من غير هاكي الهيس ..يقول انهم افترقوا .. • مايد : مشكور يا بوعسكور ..يالله عيل انا ساير الشرطة .. (اما في الموتر كانت اليدة الجود ويا الجود وراشد اخوها اللي يسوق ) • راشد : احينه شعنه ما تخلون حمد البطالي هو اللي يوّديكم؟ انا وراية 100 شغلة !! لا وبعد طلعوا من المستشفى .. (وتظهر اليدة عصاتها وتضربه على جتفه ) • اليدة : جاب يالله جاب !! كفاية متحيرين عالعرب بسبت رقادك !! (راشد يضحك وتبيّن غمازته ) • راشد : يالله بالعفو العافية يا جراند ماه (قصده يدته ) • الجود : اسكت الشيبة !! • راشد : ما خبرتوني بلاهن هالبنيات؟ • اليدة : ما بلاهن شي ميهّد !! (الجود اتصد ورا ) • الجود: هيه .. هيه .. • اليدة : سويتيلهم تيلفون؟ • الجود : لا بعدني .. قلت لين نوصل ليوا .. • اليدة : المدحوبة اتصلي يمكن هم محد .. (واتصلوا بغريبة اللي دلتهم الطريج بس دلتهم بيت ابوها لأنه ريلها بيفضحهم.. وكانت عالباب موقّفة نشبة خخخخخخ) • نشبة : ياهلا يا مرحبا وسهلا .. • شما : يامرحبا الساع .. اتفضلوا ..اتفضلوا .. • اليدة الجود : زاد فضلج الغالية ... • نشبة : الميلس على يمينكم .. (ومن عفاشتها ودتهم ميلس الرياييل ودششتهم ..وراشد ينزل الاغراض ) شحالك ابويه ؟ • راشد منزل راسه : بخير ربي يعافيج ويسلمج .. • نشبة : اقرب ..اقرب الميلس على يمينك .. احينه بييون الرياييل .. (ودخّل الاغراض داخل ودخل ميلس الحريم وشرب القهوة ..) • ميثاء اتلف شيلتها واتعدل برقعها واتدخن شيلتها شي وتدخل : ياهلا ياهلا (ويوم بطلت الباب ) ويه ويه ويه السموحة (وتفر ع ويهها الغشوة ) • راشد قام ونزل راسه : لا انتي سامحيني خالوه .. • ميثاء : شخبارك ابويه؟ واخبار الاهل ؟ • راشد : بخير ربي يعافيج .. • ميثاء : استريح ..استريح ..احينه بييي مايد وبو غريبة .. • راشد : مشكووورة خالوه .. (وروحت ) • ميثاء : حسبي الله عليج يا نشبوه يالمدحوبة !!! (ومن درت مي انه في عرب يايينهم على طول اتعدلت واتمكيجت و يت مسرعة ..وعلى طول لميلس الحريم .. وفجت شيلتها اونها عادة تبا تراويهم كشختها وتبطل الباب ) • مي: السلام عليكم ..ويييييييه (وتلبس شيلتها ) آسفة يا عيوني !! (راشد قام وصد ورا وكان محمر ومب رايم يقول شي ) • راشد فخاطره : شو السالفة بلاهن؟ (وبندت الباب ) • مي تتنهد : آآآه يا قلبي (وتتساند عالباب ) ايش جمال؟ الا غرشوب ياويلي !! (اما هنود كانت عند شمايل ويوم اتصلوا ببيت شمسة يت ..) • هنود فخاطرها : ياربي فشلة .. كيف بسّلم عليهم وانا ما ارمس؟ احينه بيتشمتو علية !! لا وبعد مب حاطة مكياج ولا حتى جحال ..يالفضيحة !! (غريبة تبطل باب الميلس مال الحريم من داخل صوب الصالة) • غريبة : يا مرحبا السااااا ـــــــــــ ويه ويه ويه ريال !! (واتغشى ) سامحني يابويه سامحني وافضيحتيييه !! • راشد حزتها مب عارف شو يسوي : لا مسموحة مسموحة..انا بترخص .. • غريبة : لا والله تستريح .. نحن مغلطين ... (ويوم هي مبندة ) • راشد : ياهي بلشة ... شو هاللي جايسنهم؟ بطلع احسن لي !! (وهنود طبعا مادخلت من باب الصالة وعجت اللثامة وتمت متحجبة .. وبطلت الباب مال ميلس الحريم من برع يعني شرات مي ..وينكفخ راس حد بالباب وعينكم ما تشوف الا النور وينسمع صوت طاااخ ) • راشد ماسك راسه : يالله !! والخيبة !! (ورد على ورا ويلس عالغنفة .. وهنود مبججة عيونها وتوايج من الباب ..) • هنود احمر ويهها وفخاطرها : وييييييييييييه يالفضيحة !! ريال !! ريال !! • راشد فخاطره وهو يطالعها : ياحر قلبي حرااااه ... تذبح من دنى يومه !! • راشد : ياويلي !! (ومنصدم من حلاتها وبراءة عيونها وخصوصا الرصاصيات الحادة كانت خايفة وحايرة ..وعلى طول فرّت الغشوة ع ويهها .. وهي اتأشر له اصبر اصبر .. وتربع المطبخ ) • هنود فخاطرها : ياهي نشبة !! اكيد انطر راسه !! وابووووييييه !! (وقلبها يدق بطريقة فظيعة .. ومتلوّمة منه .. وهو حاط ايده على راسه ) • راشد يبتسم : ياويلي ويلاه ..ياليتها دوم ... ياليت اللي شفته هب حلم .. يالله اترد !! يالله اترد .. ردها لي دخيييلك ياربي !! |
(الجزء 31) (اما في المطبخ .. زهور بشكارة شما ترمس هنود ) • زهور : هنود؟ تبين شي؟ (وهنود اتأشر لها تبا ثلج ) هاااه؟ شنو تبي انتي؟ • هنود فخاطرها : انا ليش أعوّر راسي وياها؟ (وتبطل الثلاجة واتطلع الثلج ..وتصد يمين ويسار اتدوّر على شي .. وتحط كم من قطعة ثلج في الجلاص .. وتشوف شيلة امها ميثاء ميّلسة عالكرسي وتشلها وطرتها على ينب وخذت قطعتين ثلج ولفتهن وربطتهن بالشيلة .. وشلّت الجلاص وياها .. وتربع داخل ..وقلبها يدق مال زياغ .. وهي اتدق الباب .. وهو عالغنفة متساند ومغمض عينه .. ودشت ..اتوقعته ظهر ... ) هو هنييه !! (وبتعجب ) راقد؟ لا يكون استوا له ارتجاج في المخ ؟ (وتربع له واتقرب شوي شوي .. حطت الجلاص عالطاولة ..وخذت اللي لافتنه بالشيلة واتقربت ) يالله بسم الله الرحمن الرحيم .. يالله ما يكون استوا به شي (ورفعت كم من شعره ولقت يرح خفيف على يبهته..وحطت الثلج على راسه ) • راشــد فخاطره : واااايه يعلني اسّد عووقج .. • هنود فخاطرها : ليش ما ينش؟ بس هو يتنفس !! (وما اتحس الا بإيد مرفوعة وماسكة ايدها ..وهي من الزياغ ردت على ورا ) راشد بطل عينه : زيغتج صح؟ (وهي تنتفض خايفة .. عمرها محد لمسها ايي اللي ما اتعرف اسمه يلمسها؟ وفلتت عمرها منه بالقوة وتطالعه باحتقار .. مع انه ما يبيّن منها شي لأنها متغشية ..) آآسف والله .. (ومن الغياظ حطت فإيده الثلج عشان يعالج عمره ودبّرت عنه ) صدق قمة !! .. (وما سوّت سالفة وهي تمشي عنه ) يقولج الشاعر .. هنود منصدمة وفخاطرها : شووووه؟ عواد؟ (وصدت صوبه ) راشد ومركز عليها وبدون ما يحس : من ذكرت قلبي ب خلن صافي النية لا ريم لا هو ب مها لا هي دمانيّـــــة لانرجس الشام لا جوري مغانيــــــــها ياويل قلبن متيم طاح في غـــــيــــــــــّه معزل العــود والشرتات زاغيـــــــــــــها عاينت براق صوبه لاظ لاظيـــــــــــــــــّة على دياره عسى السحاب ســــــاقيهــــا (وهو قام منحرج وهي أخسّين وكله من اللي قاله ..وروح موتره .وهي بندت الباب واتساندت عليه ) هنود فخاطرها : لا ريم لا هو ب مها ولا هي دمانيــــــّه ..ياويل حالي .. انا شو جايسني؟ ليش ابا ارد الميلس مرة ثانية؟ (ودشت ميلس الرياييل واتحاول تتناسى الموضوع ..و أشرق ويه الجود ..وسلمت عليهم ) الجود : تستاهلين السلامة فديتج .. هنود فخاطرها : ياربي محلاتها ..صدق عالطبيعة جميلة ... الجود : عيل مي اختج؟ هااه؟ (واتهز هنود راسها ) ههههه ما عرفتني اقول لها؟ مي : شنو؟ (الجود وتخبرها كل شي ..) الجود : هنود اقولج شي وما تزعلين؟ (وتبتسم هنود ) مي الفضول لعب بها : قولي قولي .. الجود : اختج هنود ماشاء الله عليها غواها مثل هل البدو .. وتاخذ من هاي اللي في القمة صدق شبه رهيب ..بس طبعا هنود احلى بعيونها الرصاصيات وشعرها الشليلي ..وانتي يا مي .. مي: انا شنو؟ الجود : وانتي احلى ما فيج يا مي عيونج ..وبعد كلمة ثانية مي احمر ويهها لأنه اول مرة حد يمدحها : شنو؟ الجود : ياعيوني .. (وهن يضحكن ) مي : لاحظتي هالشي يا عيوني؟ الجود: اكيد يا عيوني .. (وهنود اتأشر للجود تسألها منو يايبنهم ) ما فهمت .. مي: هنود بتروحين مكان؟ اووووووووه !! لالالا تقولج من يابكم؟ انا اقول احمد (وهي متشججة) ايش جمال ياناس !! الجود تضحك : احمد؟ لا مب احمد منو اتوقعين؟ مي: حمد؟ الجود: لا !! راشد اخويه .. مي: فضيحة ..دخلت الميلس وهو استحى ..كله من اميه نشبة !! نشبة : نشبج سكني في بلاد مالها دوا قولي آمين اسمعج تراني .. مي : الله اشتغل الرادار !! غريبة اتغير ويهها فجأة وتتكلم شوي شوي : اميه؟ اميه؟ ميثاء: عونج .. غريبة : تعالي .. (وتطلع من الميلس ) ميثاء: بلاج؟ غريبة تبتسم : اميه؟ شكلي برّبي !! ميثاء: وابويييه !! هذا وقته؟ يوم عندنا عرب؟ غريبة : لاتخافين بتصّل حق ميود .. (ميثاء اتلخبطت ودار راسها ) ميثاء: اتخبلطتي ؟ وأوّدرج؟ هم بيعذرونا من غير نشبة وشميم عندهن.. سيري انتي يلسي وانا بسوي حق ميود وأبوج (وتتصل ) محد يرد !!احينه وين ذلفوا؟ قومي لبسي عباتج واترييني برع بناخذ تكسي وامرنا لله ..شو نسوي بعد ..وبتعذّر للعرب .. غريبة : اميه لاتسوين جذيه بعمرج انا بتصرف اعنبوا اانا يبت4 ميثاء: اييه المدحوبة ..لبسي عباتج وعن الهذرة !! (وسارت ميثاء مال دهديه لبست عباتها ودشت الميلس ) سامحيني يا ام سالم بترخص عنج .. ام عيسى دق عليها الويّع وأحينه بتربي وبنوديها المستشفى .. اليدة الجود : بالبركة بالبركة..اتيسري وما عليج منا ... ومنو بيوديكم؟ ميثاء : بنركب تكسي .. محد الرياييل .. (وهنود ومي انفعلوا وسيده قاموا وطلعوا برع يدورون على امهم ) مي: وينها؟ (ودشوا داخل ) اميه؟ وينج؟ (وهنود زايغة ومتقبضة فأختها ) اليدة الجود : والله ما تركبن تكسي ..هاكوه ولدنا هنه خلوه يوديكم .. ميثاء : مشكووورة ..مشكوورة يعلني افداج ما تقصرين ... الجود قامت : انزين انا نيرس ...سيستر اعرف .. اليدة الجود : ساعديهم .. وسيري زجري على رشود ... الجود قامت وسارت على طول سوت حق راشد : وين انته؟ راشد: انا في الموتر .. الجود: انزين شغل الموتر حرمة بتربي وبنوديها المستشفى ... راشد : وابويه شو تقولين؟ (ومن الغلبة بندت فويهه ) الجود اتطالع غريبة وتكشف عليها في الحجرة : خالوه انتي بتربين بس يبالج وقت .. غريبة : يزاج الله خير يا بنتي ..بس والله ويّع رهيب ..انا كل عيالي يبتهم ما صحت جذيييه ..آآآآخ يالله تصبرني !! (وقاموا ... ) الجود: يالله خالوه .. مي: نحن بنسير وياكم ... الجود : ما فيها الا كل خير اعنبوا بس بتربي مي: ما يخصني بنسير يعني بنسير هاي اميه .... ميثاء: بس عن الحشرة انزين طوفن بنات شربت !! (والبنات كأنهن مزيّغات اول مرة يشوفهن امهن جذيه ..واول ما ظهرن بطل راشد السيت اللي ورا ويلس يتريا ..وعرف انه الطويلة هيييه اللي داوته والقصيرة اختها .. وهو متشجج ) راشد يرمس شوي شوي : حظ ياناس .. (وهي شافت حركة شفايفه وفهمت ..ومحد لاحظ هالشي ..وهي سيده احمر ويهها ..) هنود فخاطرها: ياربي انته كله فويهي ..مابا اتعلق فيك (وهو يبتسم ابتسامته الطرر وهي ابتسمت بس ما كانت تدري انه الغشوة طاحت عن ويهها والله كشفها لين نغزتها مي) مي: اتغشي وبسّج مغازل ..اميه بتربي !! (وفنفس الحزة قرصته الجود) الجود: انته ما اتيوز؟ بند السيت وخل بنت الناس فحالها !!.. (وهنود على طول من الاحراج اللي جاسها صدت الجهة الثانية ) راشد فخاطره : هااااااااااااااااايه يهالعيون ذبحتيني بها ولا ابتسامتج عمري ما شفت بسوم شرات بسومج الطر |
(الجزء 32) (واتحركوا ..وراشد صاخ الا مستانس ويحمد ربه ويشكره انه البنية يالسة ورا ويقدر يشوفها المهم انها موجودة ..) • غريبة تتويع وترمس شوي شوي : آآآي !! إلحقوا علية بمووت !! • مي تصاصر هنود : بلاها اميه اتحجى شوي شوي ؟ (وترمس بصوت واضح ) اميه فديتج اتحملي ..الله بيسّرها لج (وتمسك ايد امها من اليمين مع انهن يالسات ورا والام جدام بس في النص وتامة اتويّع بس بصوتواطي عشان راشد ما يسمع ..كان فيها حليها صبر وهنود مسكت ايدها الثانية ) • هنود فخاطرها : يالله يا اميه لاترصّين جذيه !!! • مي :آآآي امايا اتعوريني !! (وصد راشد يطالع منو هاي ..) • غريبة : جاب يالله جاب .. • ميثاء : سكتي يا ميوووه !! (وهي يالسة تدّعي ) • غريبة : آآآخ ..ابويه ؟ كم يبالنا وقت؟ • راشد : هاااه؟ (وصد ورا ) نص ساعة المستشفى بعيد • غريبة تتنهد : يالله !! يالله اتصبرني .. شكلي الا برّبي في الموتر .. (حزتها راشد زاغ ويزيد السرعة ) • راشد فخاطره : يالله اتعفوا عنها .. (وكانوا البنتين هنود ومي عايشين فمأساة بسبت غريبة لأنها راصة على ايدهم وذابحتنهم انحبس عندهم الدم خخخخخ كانن يتويعّن ومي اتوّن ونين والجود اتطالعهم وتضحك .. ومن وصلوا على طول مال بسرعة بسرعة نزلوا غريبة والجود وميثاء ) • ميثاء : يالله دهديييه (وبندوا الباب ...مي وهنود يطالعون بعض ) • احلى البنات = انزين والاوادم اللي داخل؟ نسيتوهم؟ • مي : مب جنهم نسونا؟ (واتدز هنود ) دقي عالدريشة اشوف !!(وقامن يدقن عالدريشة ..وراشد نساهم ..كان اييب الكرسي المتحرك حق غريبة ويوم يلست يطير بها داخل والجود وميثاء وراه) • راشد يعطي الكرسي حق النيرس : بسرعة الحرمة بترّبي !! (اما عند البنات ) • مي : الله يغربله نسانا .. هنود عفدي جدام !! (هنود صادة الجهة الثانية مب راضية واتأشر لها ) • هنود فخاطرها : انتي سير عفدي جان اترومين !! • مي : انتي الغرور يسري فدمج يابنت فاضل !! (وهنود اتطالعها بنظرة غرور وتبتسم) • سفرجل = انزيني الخبايل قابضات على بعض ..حاولن سوّن شي !! • مي : اوفييييييه !! انا بعفد وامري لله (وعفدت ونص جسمها يعني راسها جدام ..وريولها ورا ) دزيني هندوه يالسبالة !! • هنود تضحك وفخاطرها : لو تموتين !! حشا يابوج تمساحة !! (وفي المستشفى ) • ميثاء : اميه الجود؟ مب جنه نحن ناقصين؟ • راشد : الجود دشت اتطالع خالوه .. • ميثاء : وجيه ماخلوني ادش؟ • راشد : ما يستوي خالوه !! • ميثاء : تعال وينهن البنات؟ • راشد: اي بنات؟ • ميثاء: بنات فاضل !! مي وهنود !! • راشد: مادريبهن والله اذا نزلن ... • ميثاء : ويديه !! وين سارن؟ سر سر يابويه طالعهن !! (ورد حليله يربع يدورهن ) • راشد : اعنبوا وين سارن؟ لايكون نسيتهن في الموتر؟ (ويربع ووصل الموتر ..اول ما فج الباب بجج عيونه ) اشوووه هذا !!! شعنه عافدة جدام !!!(سارت مي بتتدل ما رامت .. وهنود مال غيظ مسكتها من ريولها ودزتها على جدام ) • مي : آآخ الله يغربلج ياهنوده يالسبالة !! • راشد حزتها ميت من الضحك : اختيه نزلي عن اتكسرين !! (واعتدلت ونزلت ..وبطل راشد السيت حق هنود ..ونزلت وهي عينها ما خوّزتها عنه .. كانت مأخوذة منه الا من سحره ووسامته ..وبند الباب ويدخلون المستشفى .. هو جدام والبنات يلحقنه ..لين وصلوا ..وبعد ساعتين بالكثير .. طلعت الجود وحليلها منهد حيلها ..) • الجود : مبرووووووووووووووك ياكم ولد .. وحليو بعد ...(وهم كلهم مستانسين وسارت الجود صوب اخوها االلي واقف بعيد ) يابت ولد ..راشد : بغيتج قولي تم .. • الجود : آمر .. • راشد : شو اسمها البنية المتغشية زريفة الطول ؟ • الجود تبتسم : هذي هند اللي يايين انزورها .. • راشد : هي اللي طاحت في المستشفى؟ • الجود : هييه ..بس .. • راشد : انزين ..ليش هالبس؟ • الجود : البنية تراها ما اتكلم ... • راشد انصدم وصد يطالعها : شو قصدج؟ (وصد نظره صوب الجود ) • الجود : نحن ليش زايرينها؟ لأنه كم من باكستانية عفدوا عليها هيي وبنت عمها ... • راشد : شوووه؟ (وكلهم صدوا على زعجته ) انزين ..وووو..ووو؟ • الجود : التحاليل اثبتت انها ما انلمست وبنت عمها حليلها حالتها النفسية مول ما اتسر ..وهي حليلها من اللي شافته اختفى صوتها .. (وراشد على طول اتذكر شي ) • راشد : اذا قلت لج شي بتسوينه ؟ • الجود : شوه؟ • راشد : انا ربيعي كان وايد يعاني وهو ياهل وما خلا مكان ما سار له عشان يتعالج ..وفي عيادة نفسية .. • الجود تقاطعه : راشد نحن مالنا خص .. • راشد : شومالنا خص؟ ماعليه هذا بس suggestion • الجود : ادري والله بس هم تفكيرهم بيتحرونا نتحراهم ميانين .. • راشد : انتي ما يخصج وارمسي ..ولا انا بسير لين البنية وبرمس .. • الجود زاغت : انزين انته ليش مشتط؟ • راشد احمر ويهه : هاه؟ • الجود تغمز له : عشقتها ؟ • راشد : سيري ..سيري سيري عني ..انا بروح الاستراحة ..ولا تنسين اترمسينها ..ولا اولله اسويها !! • الجود : بفكر وبرد عليك !! (وهي قاصدة تلعب بأعصابه ) • هنود فخاطرها : لالالالاتروح ما شبعت من ..أويييه يالفضيحة ..شو هالكلام؟ انا هنودة ..اقول هالكلام؟ وحق منو؟ اخو الجود؟ اخيييج علية ..صدق ما أخيّل • الجود : هنودة؟ تعالي شوي بقولج شي .. • مي : وانا؟ • الجود تبتسم : انتي بعد !! (وهم يمشون ) هنوده؟ شو رايج اتعالجين؟ (وهنوده مستغربة ) • هنود فخاطرها : عن شو؟ (واتأشر لها ليش ..) • الجود : عن اللي شفتيه انتي وبنت عمج عند دكتورة نفسية انا كنت اتعالج عندها .. • هنود فخاطرها : بس انا مب مينونة .. • مي : بس ياعيوني ..هنود ما تقدر اتحجي ..وشمايل صايرة حساسة زيادة عن اللزوم وعدوانية وانفعالية بعد !! • الجود : هنود زعلتي مني؟ (هنود تبتسم بس تحترق من الداخل) انا ابا مصلحتج ..يمكن انتي عرفتيني عن طريق القصة بس انا والله ما بغيلج المضرة ..(وعطتها الكرت اللي عطاها راشد ) • هنود فخاطرها : جيه يتحراني هبلة ولا غبية ما افتهم فهالسوالف؟(هنود اتأشرلهم بسير تشرب شي ..بس والله انها ناوية عليه ..وسارت عند الاستقبال وخذت ورقة وقلم .. وكتبت ..وهي معصبة واتفور ..واتسير وتبطل الباب اللي يوديها صوب الاستراحة وصدت يمين ويسار اتدوره وهو كان يالس وعاطي ظهره ..واتسير له وتوقف عند طاولته وهو يطالعها لأنه سيده عرفها ...) • راشد : هل ـــــــــــ(توة بيقول هلا ..واتفر الورقة عالطاولة بدفاشة .. والكلام المكتوب هو " انته ما اتعرفني ولا اتعرف الحالة اللي مريت فيها وانا لا بني مينونة ولا خبلة وجان عالعقل اوّزع عليك وعلى غيرك وافهم تراني بنت أيواد واعرف اعج الكلمة العدلة ويوم تباني تي من الباب هب الدريشة .. جان هذا تفكير امريكا سر خذلك وحدة على قد مستواك ..." وهو يطالعها ) بس انا ... (وما خلته يكمل ..واتطّر ورقة الدكتور النفسي واتفره ع راسه وتمشي عنه • هنود فخاطرها : هذا دواك ودوا غيرك من المغازلجية !!! |
(الجزء 33) (وهي مدبّرة مرّوحه .. وتوّها حاطة ايدها عالباب .. تحس بإيد تمسكها من ذراعها ..حزتها زاغت وارتعشت وصدت وهي ماسكة غشوتها عن اتطيح عن ويهها ..) • راشد محمر ويهه : مب انتي اطّرينا لورقة واتفرينها فويهي يا حلوة؟ تفهمين؟ انا مشيتها بمزاجي ..فهمتي يا هنودتي؟ (وفلتت ايدها بغصب ) • هنود فخاطرها : هنودتك؟ هدني !!! قليل الادب !! (وروحت وهي ميتة من الغياظ والغصة والقهر ..) الله يغربله صدق حقير !! ما يستحي ..انا جذيه يسّوي بي؟ (وعجت غشوتها ) • ميثاء : تقدرون تدخلون داخل .. • مي : بلاه ويهج؟ شو صار؟ (والجود على طول فهمت وسيده اتسير عند اخوها بترمسه ..وبدفاشة خذت ورقة وقلم ) • هنود تكتب : انا مب مينونة ..تفهمين ولا لأ؟ (ويوم دخلن ..امهن كانت راقدة وحذالها كائن بشري صغيرون ابيضاني راقد .. كل شي فيه صغير ...ويتحرك بالخفيف) وااايه فديييييته .. ياربي محلاته ... • مي : ياويلي انا مصغرونه .. (ميثاء اتشله ) • ميثاء : بسم الله الرحمن الرحيم .. (وتحبه ) امايا مي؟ خذي الموبايل من مخبايه واتصلي حق بوطبر ..شوفيه بلاه اتحيّر ؟ • مي : ان شاء الله .. (وتتصل .. وهنود شالة الياهل ..) ألووو .. ها وينك؟ امك ربّت !! • مايد : حلفي؟ شو يابت؟ • مي : 3 اولاد توائم.. • مايد منصدم : شو تقولين؟ • مي : ههههه اتمصخر وياك يابت ولد حليو شراتي .. انتوا وينكم؟ • مايد : غربلج الله روّعتيني !!! نحن في دبي انا و أبويه حمد مب طايعين نتفجج ..زحمة هلاك !! • مي: انزين ياعيوني .. دق لأبويه وخبره .. • مايد : ولا يهمج ... (ويصد صوب يده ) بالبركة بالبركة يابوغريبة .. (ويحبه على راسه ) • حمد: على شو ؟ فزنا بشي؟ • مايد : خخخخخخ بنتك ربت !! اتعرف شو معنات ربت؟ يابتلي سند اخو .. (واتكدر فجأة ) الله يغفر لك ويرحمك ياخويه .. وينك اتشوف اخونا الصغير .. (وعينه تدمع .. اما عند البنات في المستشفى ) • ميثاء : ياربي انا متوّحلة !! (يعني فنشبة ) منو بيأذن فأذنين الولد مب زين بعد يتم جذييه ..لازم يسمع ذكر الله .. • مي : انا بأذّن يستوي؟ (وكلهن يضحكن عليها ) • الجود : لازم يسمع صوت ابوه وهو يأذّن .. • مي : ابوه باجر بيي .. • ميثاء : هي والله صدقت ما بيي غير باجر آخر الناس ... اميه الجود؟ • الجود : آمري خالوه؟ • ميثاء : سيري سألي اخوج جان يقدر يأذّن عالولد .. • الجود : ان شاء الله (ووعوا غريبة ) • ميثاء : اميه غريبة؟ غريبة ؟ (وبطلت عينها ) • غريبة : همممم ولديّة وينه؟ • ميثاء : تستاهلين السلامة يا امايا .. ياج ولد ما تحصلين مثله من غواه .. • غريبة متلهفة وتمد ايدها : راويني اياه .. ( و يتها مي وفإيدها الولد ) • مي : تستاهلين السلامة يا اميه ... (وحبتها على راسها هي وهنود ) • ميثاء : امايا غريبة ..احينه بيدش راشد ..بيأذّن فأذنين الولد .. • غريبة مستغربة : ليش محد ياء ؟ • ميثاء : ميود وأبوج مصطكين في دبي .. وريلج ما يندرابه !! • غريبة بكآبة : ماعليه .. خله يدش .. • الجود : ادخل يا راشد .. (واتغشن غريبة وميثاء .. اما هنود ومي لا .. ناسيات عمارهن .. كانن يالسات بعيد عن السرير في الغنفة ..) • راشد : هود .. هود ... • ميثاء : اقرب .. اقرب .. (ودخل حليله بدون ما يرفع راسه ) • راشد: تستاهلين السلامة ويتربى فعزكم.. • غريبة : الله يسلمك يابويه .. • راشد : شو قررتوا اتسمون البطل؟ • غريبة : ما يندرى ..بس انا لي راي .. تافقون عليه؟ • ميثاء : الشور شورج وهذا ولدج .. • غريبة : بنسميه راشد على هالريال الطيب .. (سيده ملامح ويهه اتبدلن من الفرحة ..اول مرة حد يفكر جذييه ) • راشد : صدق خالوه؟ • غريبة : قول امايا .. انا شرات امك .. • راشد : هاتي سميّي راشد ... (الجود شلته ومن حطته فإيده ) بسم الله عليك ..ربي يحفظه (ويوم باسه على راسه .. كانت هنود اتطالعه مستانسة حدها وعيونها تدمع لأنها حسّت انها ظلمته .. ويوم حط شفايفه عند اذنين الياهل .. ) الله أكبر (ومسكت هنود ايد مي ..) • هنود فخاطرها : عشقته .. (وهو يكّبر .. وناولها الولد وروّح وثاني يوم زارها فاضل وإيده خالية .. ومايد اللي كان مستانس حده بأخوه من غير حصل شغل فنفس المكان اللي داوم فيه عواس وهو مركز مكافحة المخدرات .. ومرّت الايام وهنود كل ما ياها تكتئب اول شي لأنها بعيده عن عين امها ..وبعد بسبت عدم نطقها وبعد مانع اللي نسته وحّل مكانه راشد اللي خلته فارس بنظرها مافيه مثله .. كيف عشقته وهي ما شافته غير مرة؟ بس هي قارية عنه وكانت اصعب مأساة ..انه يشوف حبيبته اللي بياخذها ميتة جدامه ..وخذوا ثلاث شهور وراشدا لصغير يكبر يوم عن يوم انا عند هناء ..) • هناء : شمايل؟ هذي المرة الالف اللي اييج ميود واتحوشينه برع .. • شمايل : جاب يالله جاب ما يخصج .. فضل عنج جيييه تسالين تبينه؟ امبونج تبينه بالهني عليج ماباه !! (وروحت هناء حجرتها وقفلت الباب .. وطلعت من داخل المخدة الموبايل اللي بالدسّة عندها ..وكان ياينها رقم غريب..) • هناء بدلع : الوه؟ • هزاع : هنوه؟ • هناء مستغربة : انته منو؟ • هزاع : انا هزاع .. • هناء : انته وينك ياخي من زمان؟ • هزاع : اخويه عاجني فمصحة مال الادمان ..هنوه ابا منج شي .. • هناء : ماعندي فلوس ولا شي !! هزاع : فضّلت عنج ..ابارقم نصور الباكستاني يالله بسرعة .. • هناء بعناد : آسفة ما عندي !! • هزاع متغايظ : شوفي ياهنوه !! لاتخليني أفضحج جدام اهلج وأقول لهم انه التسجيل اللي راويته عواس هو صوتج انتي .. وانتي مصوّرة اخته مي .. وأصلا عمري ماعرفتها ..وكل الفيديوهات يبتهن منج والبنيةمول مالها خص .. • هناء عصبت : انته تبا اتخرب بيتي؟ • هزاع : وانتي عيل ما تبين تساعديني؟ انا اللي عطيتج وعطيتج وسويتج هب انتي !! انا اللي قلت لج صوّري اخته وطرشي لي وببيّن لعواس اني اكلم اخته .. وكل شي موجود عندي..خليني اوصلج وانا اروم اقبضج من رقبتج .. (وهناء تسمع صريخ) • شمايل يالسة عالارض ورافعة مال المرحاض وترجّع: اميه ماروم والله ماروم ... • شمسة : اميه لازم تاكلين !! • شمايل : اتشوفيني يالسة ازاوع ..اقولج لايعة جبدي وماداني الاكل !!دم؟ (واترّجع وتصيح من الويّع وعند هنوه) • هناء : انزين اتصل بي في الليل عالساعة 12 وبعطيك رقمه . • هزاع: ان خوّنتي فية الفضيحة بتوصلكم .. • هناء : لا ان شاء الله افا عليك ..فمان الله (وهو بند فويهها ) • شمسة تتصل :الو؟ ها ميود ؟ إلحق علينا ودنا الدختر شمايل ميهودة .. • مايد : شو بلاها؟ • شمسة : يالسة اتزوع ومن كم من يوم ما تاكل واحينه اشوفها اترجّع دم..هاي عندها اكيد سوء تغذية !! (ويسرع لين بيتهم ) • شمايل : مابا اشوفه ياناس والله مابا اشوفه !! شمسة : امايا ماعليه لاتكلمينه ..بس خلينا انوّديج الدختر وانا واعدج انه ما يكلمج انتي مريضة .. (وبعد ألف ياويلاه رضت ويلست ورا ويا امها وحالتها مولما اتسر كان ويهها مصفر ومن وصلوا ) • الدكتورة : خير ؟ خير؟ (وانسدحت شمايل عالفراش ومايد يتريا برع ) • شمسة : خير بويهج .. هذا يا اميه .. شمايل ما تاكل من فترة وشكله قابضنها هالفيروس منتشر وتزاوع .. • الدكتورة : خير ان شاء الله .. نحن بنفحصها وما يصير الا كل خير (وخذوا ساعة ونص وهم يكشفون .. والدكتورة يايبة نتيجة التحاليل للحجرة ومايد وقفها قبل ما تدخل ...) • مايد : خير دكتورة؟ شمايل شو فيها؟ • الدكتورة : من انته؟ • مايد : انا ولد عمها • الدكتورة تبتسم : مبروووك شمايل حامل .. • مايد منصدم : لالالالالا انتي غلطانة ... • الدكتورة : نتايج التحاليل اثبتت هالشي .. وشمايل حامل وهي في الشهر الثالث .. (احمر ويه مايد وحط ايده على راسه ..وهي دشت ) • شمسة وشمايل : شو تقولين؟ • الدكتورة : اقولكم مبرووووك بنتج حامل وفي الشهر الثالث (ويسمع مايد صريخ وحد يولول من المصيبة وهو داير راسه مب عارف شو اللي يحصل .. احمر ويهه وقام بيشّل عمره لكن انكسر .. هيه نعم انكسر؟ الا انفطر فؤاده وقام يصيح شرات اليهال .. مب مصدق انه حبيبته واللي بياخذها حامل من هالباكستانية الخياس ) |
(الجزء 34) • شمايل عينها اتخونها وتصارخ : ما جذبت ودّود ..هاهاهاهاي ..يوم قالت بحمّل!! (دش مايد وعيونه كله دموع بعد ) • مايد ماسك عمره : طوفي عالموتر .. • شمسة : خلونا انروّح ... احس عمري بنهار ..لاحول ولا قوة الا بالله .. • شمايل : تراني قلت لكم .. (واتحط ايدها على بطنها ) حامل !! وبعد توائم .. يمكن ؟ كل شي جايز .. وبيكونو سفاحين !! هههههههههه (وفجأة تصيح بحرقة ) وانا اللي اتريا اليوم اللي بتاخذني فيه؟؟ يا سبحان الله .. سبحان مغيّر الاحوال ... (مايد ما خلاها اتكمل وسحبها من ذراعها ) • مايد : طوفي جدامي !! (وهي اتطالعه مستغربة ) • شمايل : تصيح؟ وعلية؟ ليش؟ انا اصلا استاهل اللي إييني .. (وأول ما وصل وصلوا الموتر .. حط راسه عالسّكان ) • شمسة : ميود اسمعني عدل ... • مايد : شو اسمع ياخالتيّة؟ شو اسمع اكثر عن اللي سمعته؟ • شمايل : طبعا .. الغلط كله مني !! تراني انا قلت للباكستانية تعالوا عفدوا علية !! • مايد يصرخ : جاب لأصفعج طراق ع ويهج !! • شمسة : ان نطقتي ذبحتج تسمعين؟ • شمايل : ههههههههه ..ضربي !! ذبحي !! كل شي ما يفيد فية الحين !! • شمسة اتجاهلتها : ابويه؟ هالشي اللي استوا ماباك اتخبر به آدمي تسمع؟ • مايد : وانا بخبر منو؟ • شمايل : اذا هو ما خبّر؟ هههههههههههههههه والله وهذي حلفة انا اللي بخبر وبتكلم عن عمري !!! (مايد صد ورا ويصفعها هاييجي الصفعة عشان عقلها يرد لها ) • مايد : سمعيني خالوه .. انا اتخذت القرار .. يومين وبني بملج عليها .. • شمايل : ومنو قالك اني موافقة؟ جيه مالي شور؟ • مايد : عيالج بيغدون عيالي قطعة مني !! • شمايل : ههههههههه ضحككتني !! قطعة منك؟ أحيد اللي بييبه قطعة من الباكستانية مب منك !! • مايد فار دمه : انطبي ولا إييج شي مني !!! (شمايل صخّت وهي تسمعهم وحاطة ايدها على بطنها وتسمعهم يتفقون وهم في الموتر على كل شي ... وهي مشمئزة منهم .. ويوم وصلت البيت غدت عدوانية وايد .. اتكسّر اي شي جدامها .. مرات تبا تنتحر وتصيح فنفس الوقت ..وقبل ما يملجون فنفس اليوم اتصلت شمسة بحريم العايلة كلهن عشان يتيمعون فبيت ابوها حمد ..) • شمسة تقفل باب حجرة شمايل : شمايل انا بظهر بسير اكلمهم عن سيرة دبي ... • شمايل اتدق الباب : فجي عني !!! فجي !!! ليش اتدسّين عنهم ؟؟؟ والله اتفجين الباب .. • شمسة : من ارد ببطل الباب .. • شمايل : اميييه والله ان ما فجيتي الباب لأصارخ وبيسمعون صوتي وبأعلى صوتي بقول اني حامل !! • شمسة : انجبي !! ان سمعت حسّج بجتلج !! • هناء : اميه؟ شمايل شو تقول؟ • شمسة : خبيلة لا تسمعين كلامها .. من اللي استوابها ما تدريبها انتي؟ • هناء : والله انا اللي ادريبها ... • شمسة : ان خذتي السبير وفجيتي بابها جتلج تسمعين يا هنوه؟ • هناء : ان شاء الله .. ان شاء الله.. • شمايل : هنووه؟ انتي هنييييه؟ نسيت اخبرج يا وخيتي اني حامل بتوائم .... • هناء: والله انها خبيلة .... (وروحت شمسة .. وحصلت غريبة وولدها راشد ومي وفطيم ونشبة وشما وهنود وحمد ومايد وميثاء ..) • حمد: خير يا ماايا؟ • شمسة : انا قررت أيّوز شمايل لميود .. وباجر بيملجون ... وورا باجر بنسير انا وشمايل دبي .. • ميثاء : خير تسوون .. سيروا رفهوا عن عماركم ... • شمسة : امايا نحن مب سايرين يوم ويومين ورادين؟ • ميثاء : عيل؟ • شمسة : بنوّدي شمايل اتعالج ... امايا انتوا مب عايشين ويانا فنفس البيت .. لو تسمعين صريخها نص الليل ..وصياحها تقولين ذيبة .. أشوا انكم يراننا ولا لو حد غيركم جان اشتكوا علينا للشرطة .. وانا كبرت وماروم تعبت يامايا .. • ميثاء وحمد : مستشفى الميانين؟ • شمسة : لا حشا مب هالمستشفى ... • ميثاء : عيل؟ • شمسة : عند دكتور نفسي ... • ميثاء : ندري يعني وين بتيلس؟ • شمسة :تراه عنده مستشفى خاص ... • ميثاء تصارخ : ويديه بتعجين بنتنا فمستشفى مال الخبايل؟ • حمد: شموووس؟ اتخبلتي؟ اتفرين بنتج فهالمكان؟ • ميثاء : جانج ما تبينها وماترومين على تربيتها (واتدق على صدرها ) انا بربيها ..انا اللي بعلمها .. • شمسة : الحاية مب حاية تربية وتعليم...امايا البنية مب مرتاح بالها من السالفة ... كفاية الناس ماكلة ويوهنا ...وهذي الا فترة وبترد شمايل اللي نحن نعرفها ... • ميثاء : خافي الله فبنتج بتعجينها هناك؟ منو عندها هناك؟ • شمسة : انتوا ما يخصكم انا ياية ابلغكم بهالشي .. وبخلي هنوه عندكم لين أوديّها وأيي .. • مايد : بس ياخالوه ... محد عندها هناك في دبي ... • شمسة طالعته بنظرة : تامرون بشي؟ انا بروّح واتمنى باجر نشوفكم فملجتها ... تعال مايد ... (وكانت دوم بعجرفتها حتى على اهلها ..وطلعت ) • مايد : خير خالوه؟ ليش سويتي جذيه؟ • شمسة: عيل تبا يكبر بطن بنتي جدام خلق الله؟ سيده بيعرفون من منو... وبياكلون ويوهنا أزيّد ما هم ماكلينا !! • مايد : بس انا كيف بشوفها؟ • شمسة : انته تباها؟ • مايد : ما اتصورين يا خالوه يوم عن يوم اتعلق فيها ..بس بعد اتقطع .. لكن بستحمل كل شي منها ... (وروحت شمسة البيت وبطلت عنها الباب ..) • شمايل : توّة الناس؟ خبرتيهم انه ما بنملج؟ • شمسة : بتملجين غصب عنج ... تسمعين ولالأ؟ • شمايل : انا بسير بيت ابويه حمد بدال هالصدعة !!! • شمسة : سيري واعرفي انه باجر من نملج .. واليوم اللي عقبه بنسير دبي تسمعين ؟ • شمايل : شعنه؟ بتدورين عن الباكستانية اللي عفدوا علية ؟ • شمسة : اسميج قوية !! تردين السالفة علية يالسبالة ؟؟ • شمايل احمرت عيونها : طبعا لا بس انا الغلطانة ... انا تربيتي سمحت لي اني اطلب منهم هالشي يا بنت حمد !!! (وحطت ايدها على بطنها تضربه ) انا انا انا فهمتي؟ (وطلعت وهي معزمة الا اتخبر خويتها هنود ..بس ما حصلتها كانت سايرة اتوصل فطوم ونشبة ...) • ميثاء : اميه شمايل؟ بلاج غناتي؟ مول خفّت زياراتج وما اتين !!! • شمايل : شو تبيني اقول يا امايا؟ الحمل ملعوزني ولا جان كل يوم والثاني عافدة عندكم ... • ميثاء : شو تقولين ؟ اي حمل؟ • شمايل : تراني حامل !! • ميثاء : اامايا عن الخبال ... اي حمال اي خرابيطه؟ (وتتصل بشموس تسألها .. وطلعت شمايل وهي تضحك ..وسارت عند مي يمكن اتحصل عندها عزوة ..وواقفة عند الباب تسمع عمها فاضل يتكام على راحته ويضحك وصابه الفضول ) • مايد : بس يابويه انا ما عندي مهر لشمايل ... • فاضل : هههههه انته ما تفتهم؟ اقولك انا عمها وبخليها اتوّكلني .. وبحط المهر 500 • مايد : بس انا حتى 500 ما عندي .. وتوّني متوظف • فاضل : عيل شو فايدة ابوك؟ (ويدق على صدره ) بس يوم بتاخذها اباك اتردهن دبلات .. تسمعني؟ وخصوصا عقب ما خبرتني انها حامل .. ها معناته انه مستحيل يفرطون فيك .. لأنك بتستر عليها .. منوغيرك بينفعها؟ • مايد يمّشي وياه : هيييه صح منو غيري !!! • شمايل تتكلم شوي شوي وحرقتها فعيونها : قسما بالله بو طبيع ما ايوز عن طبعه !! عمري ما بسامحك عاللي سويته .. عمري يا ميود ياولد فضول ما سامحك .... |
(الجزء 35) (وتربع البيت وهي تصيح .. وما تشوف جدامها لين دعمت امها ) • شمسة : هوووه ...هووووه بلاج؟ • شمايل تصيح : اتعرفين يامايا اني رخيصة؟ وقمتي انتي حتى تبيعيني؟ • شمسة منصدمة : انا ابيعج؟ لاتفكرين جذيه يابنتي .. (وتصيح ) انا استر عليج .. شوفي انا بفهمج .. • شمايل : امايا ماباه والله قلبي عافه ..اتعرفين شو عافه؟ • شمسة : سمعيني .. اذا ربيتي ويبتي ولد ولا بنية .. بياخذ اسم منو؟ لازم اسم ريلج بس المهم من العايلة .. لو ابوج حي .. الله يغفر له ويرحمه جان سميناه وخليناه اخوكم ولا اختكم حتى .. بس بعد الله ما يرضى .. واختج عمرها محد بيي يخطبها .. والله بيقولون عيال حرام على شو انناسب؟ • شمايل : اميه سمعيني ولأول مرة .. انا هالمرة ما بجذب عليج وبعقل وكل اللي تبينه بيصير بس تسمعيني ..وبيييبلج المصحف وبحلف عليه .. • شمسة : ليش هذا كله؟ • شمايل : توّني رادة من بيت عمي فاضل وسمعته يكلم ميود .. وميود خبره عن حمالي ..وبيخليني أوكّله ومهري بيخلونه 500 درهم تسمعين؟ اونه نحن اللي عاجين عمارنا على ميود وبينهبون بيزاتنا عن طريق هالزواج .. والله يا امايا .. كل بيزات ابويه بتضيع وبتم في ذمتج .. • شمسة منصدمة : شو تقولين؟ اكيد انتي مخرفة !! • شمايل: والله ما اجذب عليج .. جد مرة جذبت عليج؟ • شمسة : خافي الله هذا ولد عمج .. • شمايل : ماعليه يامايا .. بسايرج .. لكن بقولج انه عمي فاضل من ينهب بيزاتنا بيرفسنا شرات الجلاب ... طاعيه احينه كيف يبا رضاج .. كله بسبت البيزات .. • شمسة يلست : شمايل؟ عيل ما تبين مايد؟ • شمايل مصرة : ماباه .. مابا واحد كرست عمري وانا ياهل بس عشان ارضيه وآخرتها بعد كل هذا الشي يباني عشان بيزاتي.. • شمسة : عيل اتزهبي .. زهبي اغراضج الليلة .. بنسير دبي .. • شمايل منصدمة : شو تقولين؟ • شمسة : زهبي اغراضج بسرعة .. • شمايل : امايا .. دخيلج لا توّديني عند الميانين .. • شمسة : بوّديج الدختر .. تيلسين هناك فترة .. • شمايل : امايا دخيلج ابا ايلس وياكم ... والله ما بسوي شي .. حبسيني في الحجرة .. قفلي الباب عليّة ما بصارخ والله .. والله ما بخبر حد اني حامل .. • شمسة يغرغرن عيونها : اباج اتعافين من داخل يعني نفسيتج .. اباج اتردين ليوا وانتي مرفوعة الراس ..سيري ..سيري .. (وسارت حجرتها وهي مكسورة الخاطر .. وتصيح من خاطرها .. وتشلشل اغراضها ) الو؟ فطوم؟ وينها عمتيّة؟ انزين .. (وبعد 5 دقايق عالخط ) الو؟ • نشبة : مرحبا .. • شمسة : عموه؟ طلبتج فديت راسج .. • نشبة : واعلية عليج بلاج؟ تم .. تم.. • شمسة : اباج تين احينه انتي وفطوم تباتون عندنا .. ابغي اكلمج ... • نشبة : تامرين يا بنت اخويه .. بس انتوا مستوي شي عندكم؟ • شمسة : شي جايد يا عمتيّة !! • نشبة : خلاص خلاص نحن يايين .. فمان الله .. (ورضت بالتيلفون ..اما عند شمايل ) • شمايل :آآآآآخ .. ياربي بزووع .. (وكان خشمها ينزف دم ..ويابت الكلينكس ومثته ) خذتي يالدنيا مني وايد أشياء رديلي شي ولو شي بسيط .. (وتصيح ) ومايد اللي صدقته وسامحته .. رد خوّن فية .. طلع كل هذا بسبت البيزات .. والله لو طلبهن مني ما رديته .. لكن بالحيلة ؟ أسميني هبلة واذا خذته بتعذب وبتطلق وبينشفطن بيزات ابويه .. شقى عمره .. شمسة تدخل عليها : اتكلمين منو؟ (وتمسح شمايل دموعها ) • شمايل : اكلم عمري .. اليوم بنسير دبي؟ • شمسة : لا باجر الصبح .. هبابنا لين انخلص .. • شمايل : اميه انا احبج .. • شمسة تصيح : وانا احبج يا غناتي .. • شمايل : اميه ؟ ابا فطوم ومي وهنود يرقدون عندنا اليوم .. تراني بنقطع عنهم .. • شمسة : تامرين امر .. اتصلي بس لا تبينين لهم انه بنسير مكان .. (واتصلت بهم وقرروا ايون .. وميثاء حاسة بشي مب طبيعي وسكتت ) • نشبة : سلامن عليكم ..شملوه وين امج؟ • شمسة : انا هنيه .. تعالي امايا اتفضلي .. • نشبة : خير؟ • فطيم حبت شمسة : شحالج خالوه؟ فديتج باخذ شمايل فوق .. تعالي شملووه ( وتسحبها ) • شمايل : اوكي .. • شمسة : هوووه !! هوووه!! شملوووه شوي شوي على عمرج ... • شمايل حست بالنغزة : فطوم وين الباجين؟ • فطيم : يايين .. يايين !! (وبعد ربع ساعو اتيمعوا البنات .. مي وفطيم وشمايل وهنود ونشبة ) • شمسة : انا ما رمت ارمس لين يتيّمعن البنات .. اسمعّني عدل والشي اللي بيستوي ما يظهر من هالبيت تسمعون؟ (والبنات يتصددن مب فاهمات ) • نشبة : شو السالفة يا شموس؟ • شمسة : هنود؟ مي؟ ترانا باجر ما بنملج ... (وهن مبججات عيونهن ) • هنود فخاطرها : لويش؟ • مي : شو السبب؟ • شمسة : تبوني أيوّز بنتي عشان ينسرقن بيزاتها؟ ولا عشان ابوكم؟ تراه ابوكم مول ما فيه خير .. دامنه يصّبح ويمسّي اختيه بكلامه السم الخايس ومعيفّكن العيشة .. و فّر بنته في الشارع واتهمها بالسروق !! (واحمر ويه هنود ) حتى اخوكم العود عواس الله يغفر له ويرحمه ما سلم منه ومن لسانه هئ واتفق ويا ميود انه ياخذ شملوه ... عشان ياخذ بيزاتها .. هذا ريال الحينه؟ هذا اللي بنأمنه على بنتنا؟ • نشبة : لا حول ولاقوة الا بالله .. يعني احينه كل هذا وميود يجذب على بنتنا؟ انزين هذيلا عيال عم !! • شمسة : ليش حد حس على دمه وقال اللحمة عظاظة ابدا !! • شمايل : طلع عمره ما حبني .. وكل كلامه لأنه ابوه يجرجه .. • شمسة : اباكم تمشّون في السالفة .. نحن عالساعة 10 بنسرح جدا دبي .. والله وهذي حلفة اللي بتخبر بزوالها .. خلوه يترياها لين نص الليل .. انا براويه هالهيس ... (والبنات ردن حجرة شمايل وساكتات على غير العادة .. ) • شمايل : اتكلمن ؟ بلاكن؟ • مي : شو نقول يا عيوني؟ الذلفة ذلفت ميود !! اهم شي انتي .. • فطيم : بس ميود من آخر مرة وايد اتغيّر .. من غير يشتغل ومعتمد على عمره .. ويصلّي .. • شمايل : كل هذا جدامكم .. لكن انا اليوم سمعته في الصالة يكلم عمي فاضل .. وأمنّته اميه على سر ومن شاف ابوه خر بكل شي .. (وتبتسم ) شخبار رشود؟ • هنود صدت يمين ويسار وفخاطرها : غربل الله مذهبج زيغتيني .. • مي : هههههههههه شفتوا اللي انا شفته؟ ابصم بالعشرة انج عاشقتنه ..لا تجذبين !! • هنود احمر ويهها واتطلع دفتر صغير دوم وياها وتكتب : انطبي .. • شمايل : ها معناته عاشقتنه .. • مي : هنود اذا ما تبينه فريه على اختج العودة ينفع؟ (وتعفد عليها هنود واتعظها وتصرخ هذيجي الصرخة ) آآآآي .. اتغربلتي يا هنود يالعظاظة العودة ... آآآي (وتمط مي شعرها ) • هنود فخاطرها : ملعونة الصير .. • شمايل : هدوا ... هدوا الوضع ... • فطيم : ملل يا ناس .. شو رايكم نرتبش شوية؟ • هنود تكتب ل مي : جبانة ولا تسوينها؟ • شمايل تصارخ : جبانة هههههههه • فطيم : تسوينها ... تسوينها .. (هنود تضحك وتطالعها بمكر ) • مي : طبعا ياعيوني انا قدها وأسويها ... • فطيم وشمايل يصفقون : عاشت .. عاشت .. (وشمايل نست همومها ) • هنود تكتب : اوكي قدها؟ • مي : قدها وقدود !! • هنود : عيل يا ام قدود .. اباج تلبسين كندورة رياييل مال ميود ولا ابويه حمد .. المهم كندورة .. وبنحط لج سما دبية .. وأباج تيولين بعصا وخلاف بسلاح .. • فطيم : اهبي !! اهبي !! • شمايل : هب هب هب هباج الله • مي : اوكي انا قدها !! بسير البيت بييب كندورةميود وبيي (والبنات قابضاتنها ضحك .. وبعد ربع ساعة دخلت مي ) بلبس وبييكم ..يالله نزلوا المسجل بنطّر الدنيا اليوم ... • فطيم :بسير أدق على هنوه بيفوتها ...هههههههههههه (ونزلوا تحت .. وهنوه طبعا عشان ما يفوتها يابت كيمرة فيديو ...) • شمايل : عاشت بنت ليوا ههههههههههه • فطيم : اوب اوب !! شحالك بو راشد ؟هههههههههههه • هناء: لالالا خطيرة !!! (ويلسوا البنات عالدجّة ومي واقفة ف حوي بيتهم ..لابسة كندورة رياييل بنية ومسوية بشعرها ذيل حصان ) • مي اتحذر : هنوه ما تصورين تسمعين ؟ • هناء : لا افا عليج ... (وشغلت هنوه الكيمرة عن قصد وسوّت زوم على مي وحطتها بعيد عنها ..وشغلوا المسجل ) • ميحد : شارك الغية في سما دبية جان تبغي • هناء وفطيم وشمايل : تشوف الناس في جنة !! (ويصفقن) • هناء : أووووب اووووب يابس يابس !!! • شمايل : أهأ أهاأ (اول شي ترزف بعصا وخلاف بسلاح .. وتسوي نفس حركات الشباب ..بس كانت متمكنة بالعصا وهنود ميتة من الضحك .. كانت مي مسوتلهم جو .. ويردون يعيدون الاغنية ) • فطيم : طاعي طاعي شو لابسة بو شوجة ...تيول في بوشوجة !! • شمايل: وابوييه عن اتطيحين !! • مي : أهاأ !! أهأ !! اسكتوا عني شالني الهوا يا عيوني !! (واتخرطفت وطاحت على ركبتها ) آآآي !! بس الحمدلله جت سليمة ....خخخخخخخخخخخ • شمايل وفطيم وهنوه :هههههههههههههههههههههههههاااااااااااااااااااااااي • فطيم : دواج يالناقة !! (واتكمل رزيف ... اما فحجرة شموس كانن ثنيناتهن رقود ) • نشبة نشت : شموس؟ يا شموس؟ واعية؟ • شمسة : لا بعدني .. • نشبة : تسمعين اللي انا اسمعه؟ • شمسة : امايا ها يمكن حد معرس !! • نشبة : الا امايا مب دق .. أسمع قرآن (وحطت ايدها على قلبها ) وابويه يمكن فضول اتوفى !! • شمسة : انزين امايا سيري وايجي من البلكونة وقوليلي .. (وقامت وسارت والفضول ماكلنها ) • نشبة تصارخ : وابووووييييييييييييييييه .. (وحطت ايدها على راسها ) إلحقي شمسوووه إلحقي !!! أخييييييييييج يامذهبكن الخايس .. أخيييييج .. غربلكن الله يالماصخات يالقوايا ... ميوووووه !! عنلات صيرج لابسة كندورة ميود هاااه؟ سيري بدلي العنت الله على هالويه ليلج .. قومي يا شمسووه !! قومي نشي طاعي الرزيف اللي يستوي برع .. (وصدن البنات ) • شمايل : منو هاي اللي توايج؟ • هنوه: يمكن ام الدويس شالنها الهوا ويانا هههههههههههههه • فطيم : كملي كملي امايا ... خخخخخخ (وكانوا مطنشينها ومستانسين وشالنهن الهوا ) |
(الجزء 36) • شمسة : بلاج عمتيّة تزاعجين؟ • نشبة : لحقي على بناتج وبنات اختج .. (وتزاعج ) فطموه !! غربل الله مذهبج .. بتدشون ولا أييب العسو؟ (شمسة قامت توايج .. ونشبة نزلت لهم ) • شمسة تضحك من خاطرها : حسبي الله عليكن .. ما ودّي أضحك .. حسبي الله عليج يا ميوه من بنية !! هههههههههه كندورة ميود؟ فرحتينا شوي يا بنت اختيه !! (وحصلت كل منهم لشخة بس بنعال على مقفاها من نشبة .. ومن وصلن حجرة شمايل .. بدّلن .. كانن يضحكن كل وحدة معنجشة .. وكل وحدة منهن لابسة بجامة يعني بنطلون شكل والقميص شكل ثاني لون ثاني ) • فطيم : اوييييه يالعنجاش !! • مي : سارت هنوه؟ • شمايل :هييه سارت .. • مي : اتصدقون اني شاكة فيها .. حسيت بها مصورتني وانا أيول .. باجر احسن لي ارمسها .. • شمايل : ماعليج انا باجر برمسها .. • هنود تكتب : والله بتوله عليج يا طبجتيه .. واذا سرتي متى بتردين؟ • شمايل : اممم مادري والله .. • فطيم : بسألكم سؤال وخصوصا موّجه ل هنود ومي .. (وهم يطالعونها لأنها جدية فكلامها ) • مي : خير يا عيوني ؟ • فطيم : عيسى حي؟ (هنود زاغت وبججت عيونها ) • مي : شو قصدج؟ عيسى اتوفى من زمان !!الله يرحمه .. • فطيم : عيل ليش احس به؟ هاااه؟ والله اني احس به بين ضلوعي .. وليش ما دفنوه في المعشرة ؟ • مي : نحن ما دار على بالنا هالشي .. سوينا عزاء بس .. • شمايل : انا هذا ولد خالتيّة وعزيز على قلبي ومحد أخيّر عنه .. بس بعد اانا شاكة في الموضوع .. تبين الجواب الشافي؟ • فطيم : اموت واعرف .. • مي : حتى انا هذا اخويه .. • شمايل : بييبلج رقم عقيد في الجيش .. هو كان ربيع ابويه الله يغفر له ويرحمه وأميه دوم اتخبره يوم بتبيع شي .. وبعد واصل عند كل حد .. • فطيم : بس كيف برمسه؟ شو اقوله؟ • شمايل : قوليله انا من طرف ام شمايل .. وابا منك خدمة وبس .. ومن يعرف انج من صوب اميه ما بيقصر .. • فطيم : بس اخافه يردني والله ويهي بيعورني .. • شمايل : عواس يستاهل انج تسألين عنه ولا لأ؟ • فطيم : فدييييت روحه ... (اما ف أمريكا .. كان عيسى يكلم السيستر بالانجليزي وانا اترجم لكم خخخخخخخخ) • عيسى : متى اقدر اروح بلادي ؟ • السيستر : ليش مليت منا؟ • عيسى : الصراحة هيه .. وابا ارد بلادي عند اهلي .. • السيستر : انته وايد فظ .. • عيسى : يعني اجذب؟ • السيستر : قرار العودة ب يد الطبيب .. (وهي مروّحه ) • عيسى : شكرا على كل شي .. • السيستر : لا شكر على واجب .. • عيسى طلع من مخباه بيزات : تعالي .. (واتقربت منه ) اتفضلي ..اعتبريه شكر .. • السيستر احمر ويهها : لكن انا اتعابي آخذها من المستشفى (وردت له البيزات فإيده ) أشوفك بعدين (وروحت .. وهو اتعجب منها .. لو غيرها جان خذت وهي ساكتة .. وبعد 5 دقايق حد يدق الباب ..) • عيسى : اتفضل .. (وعيسى مبجج عيونه من اللي داخل .. كان ريال في اول الثلاثينات .. وعليه جمال شيوخ .. خصوصا العيون الوساع العسلية .. وطوله الفارع .. وعيسى يعرفه ) • الشيخ : سلام عليك .. • عيسى : طويل العمر؟ (و فز عيسى من مكانه وألقى التحية العسكرية ) • الشيخ سعيد: استريح ..استريح .. بعدنا ما ردينا البلاد .. ههههههههه (وعيسى متصلب جسمه من الزياغ لأنه الشيخ بذات نفسه عنده ) • عيسى : حاضر سيدي • الشيخ سعيد: قلت لك استريح .. (ويلس الشيخ ومجابلنه عيسى .. اللي يوم يلس ما اتحركت عضلة من عضلاته ) اول شي الحمدلله عالسلامة .. ما بغيت ياخي اتعافى .. • عيسى يبتسم : الله يعافيك سيدي .. • الشيخ سعيد: شو صحتك الحينه؟ • عيسى : بوم البوم ونتريا الاذن مال الخروج وأرد البلاد .. • الشيخ سعيد: عيل يبالك فترة .. • عيسى : خير سيدي؟ حصل شي؟ • الشيخ سعيد: اول شي اهلك يدرون وبالاخص الوالدة انك ياي امريكا فمهمة رسمية وممنوع عليك تتصل بهم حتى بسبب الدورة اللي عليك .. او هم يعرفون انك حي بس الوالدة تدري .. لأنه العصابة مال المخدرات ان دروا بيسوون اي طريقة عشان يدمرونك .. • عيسى : بس يا طويل العمر .. انا الحمدلله اتعالجت وخفيت ومالي يلسة هني .. بنرد البلاد وهناك باخذ حقي اللي ضاع .. • الشيخ سعيد : بس انا اباك وهذا اعتبره امر .. تدرس فكلية مكافحة المخدرات عندهم هني .. هن الا سنتين .. واذا شديت حيلك بتخلصهن فسنة ونص وبتكون شهادة بكالوريوس .. ومن غير عملهم كله ميداني وانا تقرير بيوصلني عنك كل اسبوعين وبيمشيلك راتب .. • عيسى : بس ياطويل العمر هاي كلافة • الشيخ سعيد: هب كلافة ولا شي .. دامنه ولد البلاد ضحّى بعمره عشان بلاده .. لازم يكافىء على هالشي (وحزتها حس الدنيا كلها بخير من كلام الشيخ .. اما فحجرة ميود ) • مايد : انا شو اللي يخليني أتفق ويا أبويه؟ اخافني اظلمها بس انا اباها واحبها ..الا عاشقنها .. مالي غير الصدق ..باجر بخبرها عن ابويه .. وبكبر فعينها ولا الجذب عليها .. ابا رضاها .. كفاية اللي عانته .. من صباح الله بسير لها... (وعند البنات في الحجرة كانن منسدحات بس على عرض اربعتهن ) • فطيم : ضكي مناك يا ميوه تراج متنتي !! • مي : لا يا عيوني .. هاي هنود شمدريني شو تأكلها اميه ميثاء .. • شمايل : اتعرفون اني بتوله عليكم .. • مي : بس مبكثرنا .. يعني انا كنت وايد جاسية عليج .. سامحيني يا عيوني .. • شمايل اتفر الموسدة على مي : مسوّدة الويه من متى تعتذرين؟ (وكانن يتناجرن ويرمسن لين الصبح وهن يضحكن ويوم حانت ساعة الوداع كانن رقود بس شمايل حبتهم على يبهتهم وما طاعت اتوعيهم وكانت تصيح ..شلت اغراضها وحطت ورقة على الطاولة وروحت ..اما ميود راحت عليه نومة ) • شمايل من الغصةوكانت في التكسي ويا امها : شكله ميود بيتحطم اليوم .. • شمسة :لاهوب يشله .. هذا ريال هذا !! • شمايل : صدقتي بس والله يا ماايا وهذي حلفة لأرد لج وانا بخير وعافية ورافعه راسج .. انا لو يخوزن عني هالكوابيس جان انا بخير .. (ويوم نشن البنات ) • مي : شنو هذا؟ • فطيم : اقري الورقة .. • مي : كاتبة ما تقرونها الا في الليل بعد ما يروح مايد .. والبنات اللي يقرونها بس وهذي ذمة .. • فطيم : خلاص حطيها فمخبا هندوه وخلينا انروح .. صدق من احينه حسيت بفراغ .. (على الساعة 12 ونص يسمع مايد الأذان..) • غريبة: مايد ..يامايد نش الله يهديك ... • مايد: اوووه امييه عاد ... (وحطت رشود الصغير حذاله هو ولعوبه وطفر به .. نص الروان فراسه .. ويمط شعره ..) يابوك شو هذا !! خيستني روان ... • راشد: إإإإه .... اغغغغغغغغغغ ... (مايد نش منصدم ) • مايد : اويييه !! بتأخر على شمايل اخافها بتسير الصالون وما ألحق عليها ... بسير اصلي وبطير عندهم ماشي غير هالحل .. (وقام ودا رشود عند امه وسار بسرعة تسبح وتوضأ وعالمسيد ) شو هي الرسالة اللي كتبتها شمايل للبنات هل هي انتحار او توديع؟ اما مايد لو درا انه شمايل خلته شو بيستوي؟ كل هذا يوم الاحد بتكتشفونه يوم الاحد |
(الجزء 37 ) (اما في بيت ام مانع ) ام مانع: يا مرحبا الساع .. يامرحبا الساع بحرمة ولدية !! وداد : مب من خاطرها !! مانع: حشمي هذا اميه ع تسمعج !! وداد حاطة ايدها على بطنها : هلا خالوه؟ ممكن تسوين لعنود ابا اكلمها؟ مانع: عنودوه هني شو تبين بها؟ وداد: بخبرها عن حمالي بعد شوه؟ العنود اخت مانع وهزاع الصغير معرسة لكن مشّيبة راس ريلها من طلباتها اللي ما تخلص ... دلوعه واستفزازية .. وملعووونة .. وربيعة وداد الروح بالروح .. طبعن اجتمعن الشياطين .. حنطية شعرها قصير لين رقبتها عيون صغار .. بس زوينة يعني مب ذاكا لزود بس تحاول تستوي ملكة جمال .. بس بعدها ما وصلت لهالمرحلة .. العنود : واااااي نوّر البيت ما بغيتي توصلين وبروك الزواج للمرة الثانية !! وداد تضحك : الله يبارك فيج .. (ويوم يلسن روحن ) والله ما ياب راسه غير الولد العنود مشمئزة: عيل شو اتحرين؟ ياحبهم حق العيال قطيعة !! (ويوم سارن البنات بيت حمد ) • ميثاء : يالله .. يالله .. يالله من وين يايات؟ • مي : من عند قوم خالوه شموسة .. • ميثاء : عيل شمايل وهنوه وينهم؟ • مي : سايرات الصالون .. • نشبة داخلة عليهم : وتجذبين يا ميوه؟ مسوّدة الضلع !!! (أحينه مأمنينهن انه ما يخبرن حد .. وشمسة كانت خايفة البنات يخبرن .. طلعت الخروفة العودة هي نشبة ..) • فطيم تصاصر نشبة : ونحنا على شو موّصايات؟ • نشبة : الا امايا هذي الا يدتها مب حد غريب .. ولا عادة مسوّد الضلع ميود !! • ميثاء بججت عيونها وتزاعج : جيه شو مستوي؟ (وداشة شما هي وزهور وراها ) • شما تزاعج : وابوووييييييه !! انا قايلتلكم شي مستوي !!! • مي والبنات يتصددن : شو السالفة يا ناس؟ • ميثاء : بلاج شموه؟ • شما : مادري والله بس شفتج اتزاعجين قلت اكيد شي جايد مستوي !! (والبنات خذنها ضحك ) • نشبة : سمعي منج لها !! ترا شموس خذت بنتها وساروا دبي .. • ميثاء منصدمة وتزاعج : اييييه الخبايل والملجة؟ • نشبة : امايا المغازلجي العود ميود .. طلع يجذب على شملوه وبياخذها عشان بيزاتها .. اتحيدين يوم نشوف في التلفزون ونعايب عليهم يوم ينشلن بيزاتهم .. جذيه غادي ولدنا وكله من الجراج العود فضول !! • ميثاء : شو تقولين !! شو هالخبال؟ ميود يسويها؟ انزين بنت عمه من لحمه ودمه !! يامايا انا اعرفه ما يسوي جذيه !! • شما : اخخخخ عليه من ولد مضيّع المذهب !! • ميثاء وفجأة : هنوه مخّلاية روحها؟ اكمّلت !! (واتدز مي وفطوم وهنود ) سيرن سيرن هاتوها ما اتخّلى روحها !! يالله بسرعة !! • مي : ان شاء الله ان شاء الله ارباب .. (وهن سايرات .. يشوفن مايد يدق الباب ) اويييه ميود !! • هنود فخاطرها : زين اني ما اتكلم ولا جان لوثّت لساني فأخو ما يستاهل .. تف عليك من ولد خايس !! • فطيم : مب اتخبرينه يا ويلج !! • مي : اوكي اوكي .. (وتزاعج ) ميود !! ميود !! • مايد : اسمعج .. اسمعج هب اصمخ .. شو تبين؟ • مي : انته اللي شو تبا ياي هالوقت؟ • مايد : ما يخصج .. • مي تمارج : تبي اتحجى مع الحب يا عيوني ؟ • مايد مغيّض : هيه ما يخصج !! اوامر ثانية؟ • مي : شمايل ياعيوني راحت الصالون .. • مايد : متى؟ • مي : من نص ساعة .. • مايد : انزين ليش انتوا هنه؟ • فطيم : بسير آخذ كواشي شمولة ... • مايد : وشعنه بتاخذين مالها؟ رمسيها اول .. الناس يستأذنون اول .. • فطيم : طاعوا منو يتكلم .. إيييه انته !! هذا الشي ما يخصك ..ولا اقولك الشخص اللي له ويهين ما يتكلم • هنود فخاطرها : زين اتسوي فيك يالهيس !! (ودشن البيت ) • مايد : شو قصدها؟ (اما في بيت حمد) • ميثاء: ياحمد هاي السالفة كلها .. • حمد: احينه ميود اللي انا مربنه جذيه يسوي؟ • ميثاء : سبحان الله طالع على ابوه .. العرج وين بيرده بعد .. • حمد: بس بعد كلام ويوصلج بيت قوم شمو ما تطيحينه تسمعين؟ لو هو جدامي جان يوّدته من رقبته لابركتن فيه من ولد رغيد !! تعالي هنوه وينها؟ • ميثاء : هاكيه فوق .. • حمد : سويتي حق شموس؟ • ميثاء : لا ولا بسويلها .. خلها اتم بكبرتها .. يعني اتخبر عمتها وانا امها ما تخبرني حشا غادية عدوة لها !! (وأذّن العشاء .. وبعد الصلاة .. البنات يترابعن عالبلكونة يبون يشوفون الاحداث .. اما العيايز ساروا بلكونة حجرة هنود .. ويدقّون الباب مايد وفاضل والمليج ..وخلاف دخلوا وكانوا مستغربين انه الليتات مال الحوي مبندة ..وخلاف دخلوا الميلس وحصلوا دلال القهوة مجهزة والميلس مدخنينه وهذا كله اوامر شمسة .. والبشكارة نفذته وبندت الليتات الباجية وروحت بيت ميثاء .. وهم يهودّون والحماس ضارب ميود .. كان لابس كندورة كركمية ومتعصم .. والعطر يقول انا .. كان صدق غرشوب ..) • فاضل : مايد سيرد دق عليهم .. طالع وينها شمايل؟ • مايد : ان شاء الله (وهو قايم ) • فاضل : تعال وين يدك؟ • مايد : مادريبه والله ... • فاضل : شكله بعده يروكع ..سر سر ناد البنية مب فاضين .. خلنا انخلص (وكان فاضل متحمس .. ودخل الصالة والليتات مبندة ) • مايد : شو السالفة؟ (وقلبه يدق من الفرحة يمكن يبون يفاجأونه شي ..) عيد ميلاد حد وانا مادري؟ (وخلاف بطل الليتات وقلبه يدق زيادة اكثر واكثر وركب وسار غرفة شمايل ) شمايل؟ انتي داخل؟ (بطّل ماحصل حد .. ودخل كل حجرة وهو عيونه محمرة ) سويتيها يا شمايل ؟ والله ما هدج !! (ويبرع تحت عالميلس ) مال خساس يابويه !! مال خساس !! • فاضل : بلاك بسم الله؟ • المليج : خير خير؟ • مايد محمر ويهه وضرب ايده عاليدار : سارت دبي وكسرت كلامي !! سوّتها !! والله ماهدها !! حرام اني ما اهدها !! • فاضل منفعل : ليش عاد؟ انته قلت لها شي؟ • مايد : انا ادري اللي فراسها بتسويه !! انا ساير عند يدي !! (ويربع من الغصة اللي جاسته ) • فطيم : اويه اويه لحقوا !! هاكوه ميود ظهر ..ويه ياي عندنا .. شكله مشتط !! • مي : وييييييييييييييه بتشّب حريجة في البيت !! • هناء فخاطرها : زين احسن ...يوم ما بيحصلها بياخذني انا انا العاقلة ولا الخبيلة !! • هناء : احسن هالهرم!!! • هنود فخاطرها : ويلي ويلاه !! ميود يوم يعصب ما يشوف شي جدامه الله يستر بس !! • مايد يزاعج : يدي؟ يا يدي وينك؟ اميه ميثاء؟ • ميثاء نازلة من فوق: خير ؟خير ؟ شو بغيت؟ (والبنات يوايجن من الدري ) • مايد : شمايل وين؟ (وسكتت مول ) يعني ما بتقولين؟ • نشبة ظاهرة له : انته !! انته يا مسوّد الضلع .. يالهرم يالهيس !!ولك ويه تي البيت بعد؟ • مايد مفوّل: انا ما كلمتج الحين .. • نشبة : طاع المذب الخايس .. صدق انك مضيّع المذهب .. طبعا وين بتسير هذي الا تربية فضّول !! • ميثاء: خلينا اندش حجرتي .. دشي ..دشي .. • نشبة : بعده ما برد فؤادي .. مالت عليك وعلى شيفتك فوقك يابوطبر من زينك عادة الا شيفة ملغوّطة !! • مايد: اوهووووه !! (وطلع وهو معصب وكل تفكيره يوصل دبي .. وايييه اتصال وبدون ما يشوف الرقم يرد) نعم؟ • شمايل : مبروك عالعرس؟ • مايد: شملوووه ويهّد !!! • شمايل: ههههههههه اكثر عن اليهد اللي انا فيه؟ • مايد يفاتن : وين انتي؟ • شمايل : امممم تقدر اتقول راس الخيمة ولا لأ الشارجة ... امممم لالالالا تقدر اتقول الفجيرة ... • مايد يهزب اكثر : شوفي لو انتي فآخر العالم بييبج .. تعرفين شو بيييبج؟ وما بستريح لين اشوفج !! وحزتها ماهدج .. وهذي كلمتي !! (وسيده بندت فويهه وتنتفض لأنها زايغة منه ..بس كانت ما تقدر تسمع كلامه لأنه قلبها سيده يصدقه .. وهي تخاف تقوله انها بعد اتحبه .. اما عند البنات) • فطيم : هنود فجي الرسالة .. خلينا انطالع .. • مي : ايييه .. ايييه فجي .. (ويوم فتحتها) السلام عليكم .. ..سامحوني ياخواتي على كل اللي سويته فيكم يمكن عذبتكم ويايه .. انا فعمري ماشفت ولا اتأثرت الا يوم اغتصبوني .. كلمة سهلة النطق .. صعبة النسيان .. اتعرفون عاد اني حامل .. هيه نعم حامل .. ماباكم تفكرون فهالشي عني ..انا اباكم تتذكرون يوم نسوي مقالب فبعض .. لكن الله بيعلمني الصبر عليه .. الحمال هب سهل وخصوصا اذا كانت البنية هب معرسة وشراتي بعد ..ولو دروا الناس بتاكل ويهي .. كفاية سالفة الاغتصاب .. النظرة .. نظرة الشفقة تكفي تبيّن ..وأباكم اتعرفون لو افترقنا ..يوم ..شهر .. سنة .. دهر ..الوردات الثلاث دوم فقلبي صح يا عيوني؟ (وحزتها صاحت مي لانه الكلام لها ) وانتي ياعاشقة رويشد؟ (وابتسمت هند) ابا اشوفج يوم من الايام ترمسين والله تولهت على هذربانج .. وبنت نشبة ..فديت روحج .. يبت لج رقم .. واسم العقيد .......... وهذا رقمه ................ وانا تراني رادة لكن مرفوعة الراس .. والحينه لعبتنا جبانة ولا تسوينها؟ ابا كل وحدة تسير اتحب العيايز الثلاث ع راسهن ..واتحملوا على بعض تراكم ماخذين قلبي كله .. وهالله هالله فأختيه اختكم ام سروال اصفر مزّري (وحزتها يضحكون بس يصيحون زيادة .. اما في بيت فاضل .. داش وراض الباب ..) • غريبة شالة راشد : يالله كسّرت الباب .. هااه ملجتوا؟ • فاضل مفوّل : سيري شلي اغراضج وعيالج وسيري بيت اهلج .. انتي مالج يلسة فهالبيت .. • غريبة زايغة : ليش؟ • فاضل : قلت انفدي عن ويهي لأفرج انتي وولدج !! انفدي وانتي طالق .. اصلا انتي منو يحبج ويقهرج؟ انا ماخذنج عسب بيزاتج .. وحبيت اقولج برد لأم مي العراقية تباني وبتدفع لي 100000 بدال الألف .. (ويدزها) يالله اذلفي عن ويهي ... (وهي مب مصدقة ... ريلها يطلقها ..وزين ما عجت راشد من ايدها .. لو هوما تحرك ..) |
(الجزء 38) • غريبة : فاضل؟ بوعيسى؟ استهدى بالله؟ انا شو سويت؟ اذا غلطت؟ حقك علية .. بس بعد هالعشرة كلها اتطلقني؟ (وتصيح ) انا .. ام .. ام .. ام عيالك ... • فاضل يقلدها يوم تشاهق : ام ام ام اي ام؟ هاه؟ تراج مثل ما دشيتي حياتي بروغج منها !! • غريبة : غريبة تصيح : فاضل .. دخيلك .. نحنا كبرنا عن هالسوالف ... تباني بهالسن اتطلق؟ وعيالي يتلتهون؟؟ • فاضل : ههههههههه حبي ريلي اول .. • غريبة وفإيدها راشد ويطالع ابوه : اللي تباه بسويه ... بس دخيلك ... • فاضل : انزين .. احينه برّدج لعصمتي بس اول حبي ريلي .. • غريبة : لهالدرجة مسترخصني؟ • فاضل : انا قلت اللي عندي ... اوووووهووووه ..انا بروّح .. (ودبّر عنها بيروح ومسكته غريبة ) • غريبة : لالالالا خلاص .. (وتقولها بغصة ) بحب ريلك .. • فاضل : يالله اشوف .. (وكانت مي واقفة توايج من الباب وحاطة ايدها على ثمها وتصيح ) • مي فخاطرها : لا يا امايا لا !! (غريبة نزلت على ركبتها ) • فاضل : لحظة .. لحظة .. بصوّرج لأنها لحظة تاريخية يوم تنكسر خشومكم يا بنات حمد .. (والله وظهّر تيلفونه .. غريبة تيّر نشاقتها ..غطت راس راشد بايدها .. ووصلت لين ريله وتوّها بتحط شفايفها على ريله ) آآآآآآآ .. عن انسى !!حبي نعالي اول وخلاف ريولي .. ترا اخافج تلوثيني بشي .. (وهي تتألم وتبوس نعاله وخلاف ريله .. وكانت دايسة على كرامتها دوس ..) • غريبة فخاطرها : الله بيرّد لي حقي .. حسبي الله ونعم الوكيل .. (وهو يصوّر ) • مي فخاطرها : انته ابو انته؟ • فاضل بعد هذا كله : احلمي اني ارد لج !! (وهي اتطالعه منصدمة .. وطاف عنها وسار فوق .. وهي طاحت غشيانة ) (وشلت عنها راشد وحطته عالغنفة وكان راقد حزتها ) دخيلج يا امايا .. (وبعد 5 دقايق ..نشت غريبة ) امايا بنوّديج المستشفى .. دخيلج .. انا ما بطّمن غير بجذيه .. • غريبة : انا بخير ما فية الا العافية .. (وتبتسم وترفع قصة مي ) خفتي علية؟ • مي : وليش ما خاف عليج؟ انتي اميه ... (ونزل فاضل وفايده شنطة صغيرة ) • فاضل : مي لمي اغراضج حصلت لج وظيفة .. • مي : مابيها .. ماتشوف اميه مريضة ؟ • فاضل يصارخ : لاتخليني اعاملج شرات ما عاملت عواس وهندوه !! (و يت في باله فكرة ) • مي : انزين بوّدي اميه وبيي .. (وهي تصيح ) • غريبة قامت : وين بتوّدي بنتي؟ • فاضل : اي بنت؟ هاي؟ مب بنتج !! احيد امها عراقية وحليوة !! • غريبة : الام مب لازم تربي من بطنها الا هي اللي ربت وعلمت .. • فاضل : ردينا للمواعظ؟ انتي شو؟ ما تفهمين؟ اقولج مب بنتج !! • غريبة : بنتي ونص !! (وتحضن مي ) مب هادتنها وجان في شاربك خير اسحبها بعد !! • فاضل : عيل بسير آخذ بنتي هنيد .. فديتها هههههههههههههه • غريبة : لالالالالا!!! • فاضل : وعرفي انه اول واحد بيخطبها وعنده بيزات بوافق عليه تسمعين؟ سيري زهبي اغراضج ميوه !! ربع ساعة وتكونين في الموتر .. • مي: ان شاء الله .. ان شاء الله .. (وروّح ) اميه ؟ شفتي الظلم اللي نحنا فيه؟ وينك ياعواس؟ وينك تشوف البلا اللي نحن فيه!! • غريبة تصيح :اميه حلفي انه اول ما توصلين تسويلي تيلفون !! • مي : والله .. والله .. بسوي .. انا وين اصبر عنج؟ • غريبة : يوّدي هذي بيزات وهذا تيلفوني .. خشيه عندج !! يوم محتاية شي خبريني !! وانا لازم بأي طريقة بوّصلج !! • مي : بس .. مابا .. الله يخليج ... • غريبة : لازم تاخذينه .. (وزهبت اغراضها مال بسرعة قصوى .. وتسمع هرن وتطالع حجرتها للمرة الاخيرة وتروّح) هالله هالله بعمرج يامايا مسألة وقت وبنتيّمع .. وصلاتج هب تنسينها .. انا ادريبه ابوج خيّر !! • مي منصدمة : على كل اللي سواه وبعد خيّر؟ (وأول ما ركبت الموتر ) ابويه ابا اسّلم على خواتي ... (وتشوفه يرد ريواس ) • فاضل : جاب وانطمي !! (ونزل بيت قوم حمد .. وكانوا العيايز في الميلس .. بس هو سيده سار فوق وحصل البنات ) هندوه؟ تعالي .. (فطيم وهندوه وهنوه منصدمات وصدت الجهة الثانية رافضة حتى اتطالعه ) • هنود فخاطرها : احينه؟ توّك متذكرني؟ وياي تراضيني؟ والله ما يييت .. (وسكتت ) • فاضل : يعني انتي ما بتقومين؟ (ويمسكها من رقبتها ويسحبها وراه ) • فطيم : عمي الله يخليك هدها .. الله يخليك !! • فاضل : قومي عني .. امها بين الحياة والموت في المستشفى وتبا تشوفها وهي تكابر؟ • نشبة: بسم الله شو مستوي؟ (ومروا جدام نشبة وهنود ميتة من الزياغ على امها ودفرها وركبها الموتر وشغله وروح) • ميثاء تولول : شلاها؟ وين وداها؟ • فطيم : قال خالوه غريبة في المستشفى بين الحياة والموت !! (وترابعوا بيت فاضل بيكلمون ميوووه عن شو اللي صاير ) • ميثاء : ميوه ؟ يا ميوه؟ • نشبة : فضول ويهّد !! • غريبة تمسح دموعها :هنه هنه !! • ميثاء : شو مستوي وينه فضول؟ يقول انج ميهودة؟شو اتقصون علينا؟ • غريبة : فضول طلقني وشل ميوه وياه .. • ميثاء : اييييه الخبيلة خذ هندوه بعد وياه !!! • غريبة منصدمة : شوتقولين؟ خذ هندوه وياه؟ شو يبا فيها؟ (وزاغت وغدت شرات المينونة ) والله تبلغون الشرطة والله تبلغونهم .. كفاية شل ميوه !! وبعد هندوه؟ لابارك الله فيك !! الله يستر .. ربي سترك .. (وتحرق تيلفون فضول وهو ما يرد .. خلاف تتصل بميود واتخبره .. وردت سوّت للشرطة وهي تنتفض ونشبة وميثاء يصيحن وغريبة تتكلم وتصيح .. اما في الموتر كانت مي حاضنة هنود وتسكتها ..وإيييّه اتصال ) • فاضل : وابويه شيخ متصل بي؟ (ويرد ) ألو؟ • راشد : سلام عليكم .. ويايه بوعيسى؟ • فاضل بكل ذرابة : عليكم السلام .. .. هيه نعم وياك بوعيسى ياطويل العمر .. • راشد : وياك راشد سالم بن محمد • فاضل : يامرحبا والله .. خير يابويه؟ • راشد : خير بويهك .. نحن سمعنا عن بناتك بكل خير ونبا القرب منكم .. وعاد قلنا لازم نزوركم .. • فاضل : اي وحدة منهن.؟؟ • راشد : بنتك هند .. • فاضل : يالله جان تباها طويل العمر بتيك بعباتها حتى ... (وانصدم راشد ) • راشد: بوعيسى متى نقدر انمرك انا وعمي؟ • فاضل : باجر .. باجر جان تبون .. • راشد : خلاص بنمر باجر .. وبنحصل الجواب ولا؟ • فاضل : اكيد .. ترانا اتحولنا في دبي .. ونحنا في منطقة .............. • راشد : انزين ومتى تبانا انطرّش الحريمات يتفاهمن؟ • فاضل : ياريال خلك من الحريمات .. نحن اللي بنتفق .. • راشد : بس الاصول .. • فاضل : اي اصول اي خرابيطه؟ • راشد عصب : احينه تسّمي الاصول خرابيط؟ • فاضل : العفو العفو السموحة مب القصد طويل العمر .. بس خلنا نتقابل ونحن بنتفق على كل شي .. • راشد : على خير ان شاء الله .. • فاضل : ربي يحفظك .. ربي يحفظك .. (وبند وصد ورا ) اسميج يا هندوه حظج من السماء .. ياينج ريال .. اسميه بيغرقج بالبيزات من ساسج لراسج !! (وهن منصدمات .. اعنبوا ما وحالهن حتى دبي ما وصلنها .. وإييّها خطيب؟ وهنود تمسح دموعها .. وقلبها يخفق بسرعة واتطّلع من مخباها ) • هنود تكتب : امايا شو استوا بها؟ ليش هي في دبي؟ • مي تصاصرها : اميه؟ منو قالج انه اميه في دبي؟ • هنود تكتب : ابويه قال طوفي امج بين الحياة والموت . • مي : جذاب !! اميه ف ليوا وما فيها اي شي .. • هنود : انزين ليش وين بيودينا؟ • مي : انتي ؟ مادري .. بس انا عشان حصل لي وظيفة وبنيلس عند النسرة العراقية .. (هنود صخت ووقفت صياح ) • هنود وفخاطرها : انزين انا شو يخصني من هذا كله؟ (وما حست بعمرها الا راقدة ) • مي فخاطرها : بعد كل هالسنين .. ارد للعراقية اللي فرتني ولا سألت عني؟ بقّوي قلبي .. احينه بنشوف العراقية اللي كل الناس يعايروني بها .. بنشوف اللي كل رمسة والثانية تنقال بنت العراقية وبنت العراقية ..جنه مالها رب .. (اما فبيت ام مانع ) • مانع طايح على ثبان امه : اميه؟ • ام مانع : خير؟ • مانع : رضيتي علية يوم رديتها؟ • ام مانع : اكيد يابويه .. والله الناس كلت ويوهنا .. روحنا هب ناقصين .. ابويه؟ • مانع: يالبيه .. • ام مانع : هالاسبوع هزاع ما اتصل !! رمسه؟ سو له تيلفون خله يرد تراني ماروم استحمل اكثر .. • مانع : خلينا من هزاع الرغيد .. روحه مستانس ومكّيف ويا ربعه .. • ام مانع : بس يابويه هذا مب يوم ولا اسبوع .. شهور!! وبنكمل سنة !! • مانع يغير السالفة : تعالي امايا عنودوه وينها؟ • ام مانع : بعدها اتهذرب ويا حرمتك .. • مانع : متى بتجابل ريلها؟ وهذا النص شبر ما يروم يرمس؟ • ام مانع: يابوك شو اسويبها ماحنتني محنة !! مستقوية عليه .. حتى على ابو ريلها بوغديّر مسكنتنه في الملحق !! • مانع : سمعيني اميه .. انا رديت ودوود لانها حامل .. لكن ان يلست عنودوه اتجرجها حرام يطلقها وأعفد بعنودوه ب عسو !! • ام مانع: شو يعني؟ تبا ولد يتربى بعيد عنك؟ هذا شي زين؟ • مانع قام: سمعيني يا امايا .. شي (ن) ويوصلج .. البنت اللي اتكلم في التيلفون اتطيح من عيني !! تفهمين؟ • ام مانع : وولدك او بنتك؟ اللي ياي في الطريج؟ منو بيربيه غير اللوث !! اعنبوا فكّر.. • مانع : عندج هالحل .. هي بتم عندنا لين تربّي لكن ان حسيت مسوية شي من ورايه والله لأسحب الياهل عنها وبتم بدونه .. وبعد في شي فخاطري .. اباج تخطبين لي .. • ام مانع مبججة عيونها : تخبلت يا منوع؟ منو بترضى انها تسكن ويا الحية حرمتك؟ والله بتاكلها .. • مانع : انا ما يهمني .. اهم شي راحة بالي .. نحن صح نتشارك شبرية وحدة لكن من هاكي اليوم طاحت من عيني ولا اتقرب منها .. • ام مانع : خلها اتربي بالسلامة وخلاف يصير خير .. • مانع : لالالالا انا اباج من باجر تكلمين العرب .. • ام مانع : اي عرب؟ • مانع: ابا هنود .. • ام مانع منصدمة : هنود؟ |
( الجزء 39) (وعند عيسى .. كان سرحان .. يتذكر كلام وحدة عشقها بس .. " ومنو قالكم اني موافقة هااااه؟ تجبرون وحدة واتحيّرونها وهي ما اتطيق هالشخص " .. وبعدين " هيه مب هاااه!! أصلا انا ما اطيقك ولا أطيق حتى غلاستك الفاضية .. وجانك تبا اتعرس خذ هنوه .. وايد بنات إلا انا .. فهمت مادانيك ولا أطيقك بعيشة الله ") • عيسى غرغرن عيونه بس حبسهن هالدموع : الله يذكرج بالخير .. فتحتي عيني على وايد أشياء .. وطيبتي معاج ومع غيرج يابت لي الدمار .. (و.. رد حد يدق الباب.. وهو يائس ) اتفضل .. • سعيد : سلامن عليك راعي ليوا؟ (ولا إراديا فز قام من مكانه وألقى التحية العسكرية ) • عيسى : عليكم السلام ورحمة الله وبركاته سيدي .. • سعيد : نحن شو قلنا؟ نحن هب ربع؟ • عيسى : العين ما تعلى عن الحاجب سيدي .. • سعيد : شو هالمنطوق الملتوي يا عواس؟ • عيسى : آسف سيدي .. • سعيد : انزين استريح .. (عيسى وبعد محاولات ويا سعيد لان راسه ) • عيسى : اتعرف انه معرفتي فيك ترفع الراس ؟ • سعيد : قبل كل هذا .... نحن ربع ولا شيخ وسيده؟ • عيسى ابتسم : أكيد ربع وشيخ على راسي من فوق !! • سعيد يضحك : شكلي بعاني لين اتخوّز كلمة شيخ .. • عيسى ابتسم : شكلك يالشيخ .. • سعيد : قولي يا عيسى .. ف شو كنت اتفكر قبل ما ايييك؟ مادري شفت عيونك حسيت في شي .. • عيسى : انا؟ • سعيد : هيه انته !! • عيسى : أفكر بالدنيا كيف خذت وعطتني .. • سعيد : شو عطتك؟ • عيسى : سبحان الله حصلت فويهي شيخ وأخويه حسن لكن مانع اللي كنت معتبرنه خوييّه • سعيد يقاطعه: مانع؟ خلك منه تراني أدبته .. ماعليك منه .. خلنا انخلص من الدورة .. وانا بس ابا اشوف نظرة مانع لك يوم بيشوفك .. • عيسى : سيدي انته ويانا؟ • انا ماخذ مساق أعلى لأني ان شاء الله أكمل الماجيستير .. • عيسى : بإذن الله بتاخذها .. سيدي سؤال لو ما عليك أمر .. • سعيد : آمر يا عيسى .. • عيسى : يعني انا طلبت كم من مرة حسن يخليني أتصل بأهلي وكل مرة يتعذر لي ..شو السالفة؟ • سعيد : مارمت أخليه يعطيك اتكلمهم لين تستعيد عافيتك كلها .. • عيسى وبفرحة : وأحين؟ • سعيد طلّع تيلفونه من مخباه : اتفضل .. • عيسى : زاد فضلك .. (ومن لمس التيلفون .. اتذكر تيلفونه اللي نساه بقصد.. ورا التكية بس قال ما بيفتح الموضوع الا بعد ما يخلص من اتصاله .. وهو يتصل على موبايل أمه بس محد يرد ....ورد يتصل عالبيت بعد محد يرد ..) ياربي كم رقم ميود؟ كم؟ (وتم يحاول يبا يتذكر .. بس ماشي فايدة ..) بتصل وأمري لله (ويرمس بصوت خفيف ) اتمنى ما ترد .. (وخذ رنتين وردت) • فطيم : ألو؟ • عيسى يغير صوته ويغلظه زياده : مرحبا .. • فطيم : خير بغيت شي؟ (وسيده زاغ عيسى .. قال يمكن عرفت صوته .. وخصوصا ب ردها الجافي والغرور كله فصوتها ) • عيسى : ام عيسى موجودة ؟ • فطيم : شو تبا فيها؟ • عيسى يقوّي قلبها : وانتي منو يا ام نص عص ؟ مدخّلة عصّج في شي ما يخصج؟ • فطيم منصدمة : جاب يالله جاب عنلات هالويه !! • عيسى جانج تلعنين بدون ما تشوفين .. ياحيّج انتي وتغربيلج فوقج !! (وسعيد يطالعه وميت من الضحك ) • فطيم :انته صدق ما تستحي !! (وترقع التيلفون فويهه ) • عيسى : واللعنة !! • سعيد : يالله يالله يالله شاب ضو!! • عيسى : هاي الجلبة ما طاعت تعطيني أميه !! (ورد يتصل وايد وهي ما اتطيع اترد ) • سعيد : انزين ليش اتعّب عمرك؟ لحظة بس .. (سوا شي بالتيلفون ) انزين 5 دقايق ووحياتك بترد • عيسى : جيه شو سويت؟ • سعيد : ماشي .. بس اتصلت عالبلاد .. خليت خطها من تتصل بها على طول اترد اوتوماتيك .. • عيسى : كيف جذه؟ • سعيد : لا تسأل !! ههههههههههههههه • عيسى : داهية !! (وبعد ال 5 دقايق يتصل ) ألو؟ • فطيم : بسم الله كيف رد ؟ (وحاولت اتبند بس الخط مفتوح ) اوووفففف بلاه ما يبند؟ • عيسى : لين تعتذرين ما بيبند !! • فطيم : اتهبي يالسخيف !! يالمغازلجي العود !! • عيسى : ورايه 100 شغلة ولا مجابل الشيّف شراتج !! انا مب ياي اغازل حضرتج !! • فطيم عصبت : وانا ما بعطيك خالوه غريبة لين أعرف السبب .. • عيسى: وياج أمن الدولة !! • فطيم يوم دققت في الرقم : وابويه شيخ !! (وتزاعج ) خالوه !! خالوه لحقي أمن الدولة يبونج !! (وضحك عواس من خاطره لأنه فطيم زاغت ) • نشبة : اعنبوا ما مداهم وصلهم الخبر عن فضول مسوّد الضلع.؟ |
(الجزء 40) • غريبة تمسح دميعاتها : ألو؟ • عيسى رد صوته عادي : امايا؟ (وقلبها رفرف وحطت ايدها على ثمها ) • غريبة : معقولة؟ • عيسى : امايا ..سيري بعيد ابا اكلمج .. (وتربع فوق وتقفل الباب وكان تصرفها كاشفنها عند فطيم ) • غريبة : عواس؟ وينك يابويه؟ وينك؟ فدييييييييييييييييت ويهك وروحك .. يعلني افداك وأفدا نصخك .. (وتصيح بهستيرية ) • عيسى عيونه تدمع : هاااااااااايه يا امايا هااااااااااايه متوله على هالصوت وعلى حضنج !! (ويسمع صوت ياهل يلعب ) • راشد : اغغغغغغغغغغغغ اغغغغغغغغغغغغغغغغ .. (ويضحك راشد ) • عيسى منصدم : اميه؟ ربيتي؟ • غريبة : هيييه .. أخوك سميناه راشد .. عواس؟ أبويه؟ ليش هالدوامة كلها؟ ليش منوع جذب علينا وقال انك اختفيت .. والله .. والله شاهد علية .. حسيت روحي بتظهر .. • عيسى : فديييت روحج وقلبج .. امايا هاي قصة طويلة .. عوّرت لي قلبي .. دخيلج يا امايا مثل ما كنتي كاتمة السر قبل تمي به .. لين أرد البلاد .. • غريبة : متى يابويه متى؟ فخاطري شوفتك .. ابا اشوف ويهك .. • عيسى : امايا؟ طلبتج .. صوري لي راشد .. بيموت قلبي ان ما شفته .. • غريبة وتصيح زيادة : لا تقول جذيه ولا عمري ما بسامحك على هالكلمة .. احينه هالحزة بطرشها لك • عيسى : امايا كلمة وتسمعينها وتنفذيها فديتج • غريبة : آمر يا بويه • عيسى : مانع ان دخل بيتنا انا ما برد الامارات أبدا تسمعين؟ • غريبة : شعنه؟ شو مسوي؟ • عيسى : انا اقولج يا اميه • غريبة : ان شاء الله ان شاء الله (وهي اتكلم وياه بس موول ما طرت له بالمصيبة اللي صايرة عندهم .. ومن بند عنها ) • سعيد يتنهد : مادري ياخي كنت اتكلم الوالدة وحسيت كأنها امايا .. الله يرحمها .. • عيسى : ليش انته جد شفتها؟ • سعيد : لا .. بس حتى صوتها كان ينسمع كانت متلهفة صح؟ • عيسى : يالله !! قامت تصيح .. بس بعد حسيت شي مستوي بس مب عارف شو هو .. • سعيد : انزين واللي انهدت عليك ؟ هاي منو؟ • عيسى : هاي فطيم .. اللي كنا محيرين لبعض .. • سعيد : تباها؟ • عيسى : لو كانت آخر بنت في الدنيا بدّبر عنها .. • سعيد : لهالدرجة ما تباها؟ جيه شو سوّت؟ • عيسى يبتسم : قصة طويلة .. (ويرد له التيلفون ) • سعيد : لا هذا التيلفون مالك .. انا عندي الثاني .. • عيسى : مشكور .. يطوّلي بعمرك .. (وفجأة يته فكرة ) بسوي حق حرمة فنتكة .. • سعيد : منو هاي؟ (فمستشفى الامل ) • مايد : السلام عليكم .. بغيت أسأل عن مريضة عندكم .. • الريال : عليكم السلام .. شو الاسم؟ • مايد : شمايل عبد الله .. • الريال : اممممم شمايل .. شمايل .. شمايل ..اخوي ما عندنا هالاسم .. • مايد : متأكد؟ دخيلك .. رد اتأكد .. (واتصل بشمسة بس مغلق ) والله بحصلج !! اخويه؟ في مستشفى شرات هالمستشفى؟ • الريال : لا اخوي .. في عيادات نفسية خاصة وايد .. • مايد : لا حول ولا قوة الا بالله .. (وإييه اتصال ) ألو؟ ها؟ • غريبة : وينك ميود؟ • مايد : انا في المصيبة اللي اسمها شمايل !! • غريبة : حسبي الله عليك !! نحن في حالة وانته في حالة !! • مايد: جيه شو مستوي؟ • غريبة : ابوك شل ميوه وهندوه وودّاهم عند حرمته العراقية .. • مايد : شوتقولين؟ • غريبة : انته اتدل بيتها؟؟ • مايد: لا والله فعمري ما طحته .. • غريبة : اباك تروّح منطقة المحيصنة .. • مايد : ما أدلها يا امايا ..اتصلي بالشرطة خله يدي يتفاهم وياهم .. • غريبة : اتصلنا وقالوا لازم 24 ساعة مادري شو يخربطون علينا .. • مايد : انزين اتعرفين اسمها ؟ او اتدّلين المنطقة ... • غريبة : أدل .. أدل .. هيه أدل !! • مايد : عيل انا راد البلاد .. وباجر بنسير .. • غريبة : وانا وين بييّني رقاد؟ (وعند مي وهنود وصلوا ) • فاضل : إيييييه !! إيييه نشن وصلنا !! • مي : انزين .. (وهم نازلين ) • هنود فخاطرها : يالله قصر هب بيت !!! (وهن داشات ومبججات عيونهن عالقصر العود ) • فاضل : شفتن بيتي اللي بنيته وسرقته؟ شقى عمري !! • مي : وليش راد لها؟ • فاضل : بترد الخير كله لي !! • مي : مب من الله !! اكيد وراها شي !! (ودشن ووصلن الصالة العودة الأنيقة ..وهنود بتدوّخ هي ومي من اللي يشوفونه من الخير ..) • هنود فخاطرها : ياويلي ويلاه !! ربي ترحمنا !! • فاضل : زينة؟ يا زينة؟ وينج يا حياتي؟ • هنود: حلاك سكني ان شاء الله من أبو خايس • مي اتمتم : فضل عنك من ابو !! • الخدامة ماريا : ماما سليب ناو ... • فاضل : وديهم انزين حجرتهم وانا بسير لها .. (هنود ومي منصدمات .. وهن يمشن وراها .. ) • مي: ياويلي !! هذي حجرتنا؟ لالالا ما اصدق !! (وكانت حجرة عودة .. وفيها سريرين .. ستارتها مخملية تركوازية .. والاكسسوارات اتخبل صرب المنظرة العودة .. والكبتات من الماهوجاني الغالي .. كل شي من الغالي والزين .. هن كانن يطالعن بعض وصاخات .. بدلن ولبست هنود لبس مي ..لانه ما عندها ..) • هنود تكتب : مستانسة بهالوضع؟ • مي : مادري لين الحينه ما اصدق انه هذا بيتنا !! • هنود: انا متى برد؟. • مي : مادري مادري .. خلينا نرقد والصباح رباح .. • هنود : انزين واللي خاطبيني منو هذيلا؟ • مي : جارانتي هذا منوع !!!! (وبندوا الليت .. وهنود كانت زايغة لأانها تتذكر الحادثة تخاف حد يعفد عليها ) • هنود فخاطرها : بسم الله الرحمن الرحيم !! يالله تحفظني من كل شر .. يالله .. والله وهذي حلفة انه ما اخلي حد يمس شرفي حتى لو عرست..انا افرط بعمري عشان ابويه؟ لا وألف لا.. (اما عند شمايل وشمسة كانوا في الشيراتون ) • شمايل: اميه؟ والله بيعرف وين انا !! • شمسة : لا ما بيعرف .. • شمايل : كيف؟ • شمسة : بنقول انه اسمج هنوه !! • شمايل : هنوه؟ ليش؟ • شمسة : سيده بيعرف مكانج !! وانا ما فية عالصدعة .. انزين امايا .. انا يبت هنيه لأنه اول مكان بيسير له الدختر مال الامل .. انا يا اميه اباج اتحملين على عمرج وعلى الصغيروني اللي ياي في الطريج .. وانا روحي بوّصيهم !! • شمايل : لا يا امايا لا توّصينهم دخيل الله . • شمسة : خلاص اللي تشوفينه .. وانا كل اسبوع بييج بطالعج .. • شمايل : بتوديني باجر وبتردين؟ • شمسة : هيه يا امايا .. • شمايل تصيح : اتحملي على يدي حمد والعيايز اتعرفين انهم عيوني !! • شمسة : اتوصيني على هلي؟ (غريبة طالعة من الحجرة ) • غريبة : شو تسوين عند الباب؟ • فطيم وعيونها يغرغرن دموع : هذا عواس صح؟ هذاا !! هذا حبيبي؟ هذا اللي قلتوا انه مات؟ والله كنت حاسة انه هب حي (وتحط ايدها على قلبها ) قلبي مول ما خاني !! • غريبة : انتي شو تقولين؟ منو؟ عواس؟ بلاه؟ • فطيم : عن الاستهبال خالوه !! دخيلج هذا قلبي هب لعبة تلعبوا به !! • غريبة وعصبة : وانتي رحمتيه يوم كان جدامج؟ عطيتيه كلام مثل السم !! وضاع منج !! شوفي ذا مال الشؤون متصل وانتي الا تتوهمين يالمغفية !! • فطيم تصيح : والله انه هو والله !! (وروحت غريبة عنها ..وعند عيسى وسعيد ) • عيسى : أخت يدي .. طالع الرمسة انته بس .. هذي انسانة وايد عزيزة (إييه مسج ..) ويلي ويلاه !! ربي يحفظك يا راشد !! • سعيد: صورة اخوك؟ (ويراويه اخوه اللي مصورتنه وهو يضحك ) وايييه بسم الله عليك .. الله يحفظه يا ربي!! • عيسى: كنت اتكنى اكون موجود .. وايد أشياء فاتتني !! • سعيد : خلّص من الدورة وانا بردك البلاد .. وانته رافع راسك وكاسر خشوم الناس اللي أذّوك !! • عيسى : يالله اسمع عيوزنا شو بتقول .. (ويرد يتصل وأوتوماتيك يرد ) ألو .. • نشبة : مرحبا؟ مرحبا ؟ (وتزاعج ) امايا فطيم .. طاعي يمكن حد مطرش لي مسك !! (عيسى وسعيد يضحكون عالهزاز وميتين من الضحك وسعيد حاط ايده على ثمه ) • عيسى يقلدها : مسك !! • فطيم ترمسها من فوق وعيونها كله دموع : خلاف !! خلاف !! مالي بارض !! • نشبة : ألو؟ ألو؟ حشا !! بخلي حمد ياخذ لي موووووووبايل يديد .. • عيسى يغير صوته : مرحبا الساع .. (وزاغت نشبة ) • نشبة : بسم الله من وين ظهرت لي؟ • عيسى: من بطن اميه الله يحفظها ههههههههههههههه • نشبة : ياربي انا وين سامعة هالكلام؟ وين وين؟ • غريبة : اميه؟ منو تكلمين؟ • نشبة: واحد يباني !! • عيسى : اختيه وياج من دائرة الاراضي • نشبة اتأشر لهم بتسير بعيد لأنه السالفة فيها بيت : يا هلا ياهلا والله مرحبا مليووون • عيسى : اختيه انتي مقدمة على ارض؟ • سعيد يرمس شوي شوي: حرام عليك يا عويس !! • نشبة: هيه ابويه .. من 23 سنة .. • سعيد حط ايده على يبهته منصدم : والخيبة !! • عيسى : عيل ان شاء الله بعد يومين بنتصل بج .. وعاد نبا جوازج وخلاصة القيد عشان نتأكد .. • نشبة: والله العظيم يابويه والله والله شاهد علية !! اني نشبة بنت عبيد بن سالم آل • سعيد: وابويه طلعت الاصل والفصل ههههههههههههههههههههههههه .اسألها ان سوّت هوية !! • عيسى: اختيه؟ انتي كم عمرج؟ • نشبة: عاد مب عودة وايد يابويه .. • عيسى : خخخخخخخخ طاعوا المكر ! يعني كم؟ • نشبة : مادل يابوك !! نحن يوم كنا نسير الخور ويا البنيات كنت الا 10 سنيات • سعيد : ههههههههههههههههههههههاااااااااااااااااااااااااااي !! • عيسى: ايام الغوص؟ • نشبة عصبت : اي غوص؟ جيه اتحراني ما افتهم؟ • عيسى ميّود عمره عن الضحك : ان .. ان .. ان .. انزين ابا من اسوي تيلفون انتي تردين تسمعين؟ • نشبة : ان شاء الله من عيوني • عيسى : الا اختيه سويتي هوية ولا لأ؟ • نشبة : منو هاي؟ • عيسى : هوية !! هوية شرات الجواز !! • نشبة : ويديه محد قاللنا • عيسى : عيل بيضيع البيت !! • نشبة : لالالالا يابويه لا !! الاسبوع الياي انا سارحة وبسوي هوية !! بس وين يسوونها فمال الهجرة؟ • عيسى: لا في البريد !! • نشبة : ماعليه انا بكلم فطمووه هيه بتقولي انا يوم اسألها عن شي اتصخ .. ثرها الحرمة غاشتني !! (وعند فاضل في الصالة .. يرد على اتصال.. ) • فاضل: مرحبا • مانع: بوعيسى؟ • فاضل: انته مانع صح؟ • مانع: هيه نعم .. • فاضل : خير يا مانع؟ • مانع: باجر بمر صوبكم • فاضل : خير؟ في شي؟ • مانع: بيي أخطب بنتك هند .. • فاضل منصدم: بعد هنود؟؟ |
| الساعة الآن 04:53 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir